انا شاعرك العام والقصيد عيونك 2 - الفصل 116 - مكتملة | روايتك

عالم القصص والروايات 📚: ▇ـ▄▄▄💜 ▄▄▄ـ▇ { رواية انا شاعرك العام والقصيد عيونك💞} { الفصل المائة والسادس عشر💜  } ▇ـ▄▄ @ahgeel ▄▄ـ▇ -/ تفاعل قبل لاتقراء ♥ امال دخلت عبدالرحمن التفت وناظر فيها : وين كنتي؟ امال بهدوء : كنت فوق عند اختي متى جيت انت؟ عبدالرحمن عقد حواجبه : متاكده كنتي عند اختك! امال باستغراب : اي ليه شفيك؟ عبدالرحمن : مو من عادتك تجلسين عند اختك بهالوقت اخوي في البيت كيف كنتي جالسه عندها؟ امال بتوتر : عادي كان نايم بغرفته وحنا في الصاله ، عبدالرحمن : اي حلو سوي لي شاهي مشتهي من يدينك ، هزت راسها بـ و توجهت دخلت المطبخ و تنفست براحه ومشت تسوي الشاهي ابتسمت من خطرت على بالها فكره ومشت وهي تفتح الدولاب والدرج ناظرت لـ كيس الورق ابتسمت واخذته ومشت طلعت ناظرت ماكان موجود كان في الحمام توجهت اخذت القلم من جيبه و دخلت المطبخ. مسكت كيس الورق وكتبت عليه " كلانا يسكن الاخر " واخذت نفس وهي تتوجه تاخذ الورد الي في المطبخ زينه و حطتهم في كيس الورق واخذت ورقه وهي تكتب عليها " بابا مستعد تنتظرني تسع شهور انا في الطريق " ضحكت وهي تكتب واخذت نفس وهي تحط الورقه بداخل الكيس وخلصت من الشاهي اخذت كوب الشاهي وطلعت من المطبخ ناظرت فيه كان جالس ، عقد حواجبه وهو يشوف بيدها كيس الورق بداخله ورود وماسكه الشاهي عدل جلسته، امال توجهت وهمست : معرف كيف اتكلم شف بنفسك ، عبدالرحمن عقد حواجبه وهو ياخذ الكيس منه وناظر للي مكتوب ع كيس الورق ومد يده وهو يطلع الورد : وشفيه؟ امال ابتسمت : في ورقه داخل طلعه بس قبل اشرب ، عبدالرحمن عقد حواجبه اخذ الشاهي منها وهو يشرب رشفه ، ومد يده داخل الكيس وهو يطلع الورقه عقد حواجبه بصدمه وهو يقرا و رفع نظره لها وهو مصدوم : ءاماالل انتي!!! امال بدموع : ربي رزقنا باول ثمرة حُبنا ، عبدالرحمن كان مصدوم ويبتسم ويرجع يقرا وسحبها بحضنه وهو يشد عليها : تكفين قولي انك ما تمزحين!!! امال ابتسمت وهي تضمه : ما امزح غيث بن عبدالرحمن جاي، عبدالرحمن كان مصدوم من فرحته مو مصدق ، وبعد عنها وهو يرجع يقرا ونطق : احبككك ي ام غيث احبك وقرب سحبها لحضنه وهو يشد عليها بقوه ، امال ضحكت من قوة حضنه حست حتى ضلوعها بتطلع، عبدالرحمن : متى وكيف عرفتي؟ امال : ما كنت عند اختي كنت في المستشفى معها توي عرفت ولي ثلاث اسابيع حامل ، عبدالرحمن ضحك وهو يطالع فيها : ولد صح؟ امال بضحكه : لا توه ما عرفت باقي ، عبدالرحمن : ما يهم بنت ولا ولد المهم قطعه منك ابيه ، - ناصر كان يطالع فيها ويبي يستفزها : مريومه اجل بشر مريومه، مريم التفتت بقهر : ناصررررر يععع اسكت ، ناصر بعناد : مريومه اجل بشر مريومه ، مريم رمت عليه المخده : يع اسكت تكفى كرهت اسمي. ناصر : تعالي نامي جنبي وماراح اتكلم ، مريم بحدها : احلف طيب! ناصر : والله ماراح اتكلم بس تعالي ، مريم تنهدت بقهر وتوجهت له تنام جنبه ، ناصر ضحك و ابتسم بانتصار ، مريم انصدمت وهي تسحب اللحاف : لا تكلمني نام ، ناصر سكت وهو كاتم ضحكته وغمض عيونه ينام ، - عبدالرحمن كان مبسوط مو عارف وش يسوي مو مصدق انه بيصير اب وأخيرًا ونطق : اروح اعلم امي؟ امال : لا اكيد بتكون نايمه خلها ، عبدالرحمن : اوف طيب اتصل ع اخواني يمكن صاحين ، امال : دحيم حبيبي انتظر لبكره الكل نايم الحين ، عبدالرحمن تنهد وفتح يدينه : طيب تعالي لي ، ابتسمت و توجهت له حضنها وهو يشد عليها ، امال بضحكه : خنقتني انا والبيبي بشويش ، عبدالرحمن ضحك وهو يطالع فيها : متى تولدين بسرعه تكفين مو قادر انتظر اكثر ، امال ابتسمت : صدقني مطولين باقي تسع شهور ، عبدالرحمن : اوف ماعندي صبر انتهى صبري ، امال بضحكه : غيث راح يعاند بيقولك زي ما انتظرت امي انتظرني بعد ، عبدالرحمن ضحك وهو يرجع بحضنها وناظر فيها ونطق : من بعد اليوم مافي طلعه فوق لخواتك ولا تركبين المصعد لا سمح الله فجاه يخرب و تختنقون بعيد الشر ولا تروحين من الدرج راح تتعبين ولا تنزلين تحت لاني خليكِ هنا بس و راح احول وشغلي كله على لابتوب اونلاين وما اداوم ولا ابعد عنك و راح اهتم فيكِ اسوي كل شي لكِ بنفسي ، امال بضحكه : حبيبي لا تبالغ مو لهدرجه ترا عادي ، عبدالرحمن بحده : اسكتي مافي شي عادي روحي اجلسي ارتاحي ومد يدها سحبها للسرير : اجلسي وانا ادخل المطبخ اجيب لك عصير فرش طازج ولا تبين حليب؟ امال : والله مو مشتهيه شي فيني غثيان مو طبيعي ، عبدالرحمن : اسكتي اكيد تشربين عصير وبيروح ، وتوجه للمطبخ يجيب لها ، امال ضحكت من اهتمامه وخوفه ، عبدالرحمن طلع ومشى مد لها : اشربي ابي طفلي يكون بخير ، امال ابتسمت وهي تشرب ، عبدالرحمن مد يده لبطنها وهو. يلمس ونطق : يتحرك؟ امال بضحكه : تكفى دحيم شفيك متحمس باقي بدري ، من ضحكت وتحركت تحرك بطنها من الضحك عبدالرحمن فز و توقع انه الجنين تحرك : والله تحرك والله شوفي ، امال بصدمه : لا وين ومدت يدها وهي تتحسس ، عبدالرحمن : الا قبل شوي تحرك! امال بضحكه : واضح بديت تتوهم ، عبدالرحمن توجه وهو يجلس جنبها : نامي طيب بعدين انام ما اتركك صاحيه و انام اخاف فجاه تولدين ولا تتالمين وانا نايم ، امال بصدمه : اولد! عبدالرحمن رفع كتوفه : يمكن ولاده مبكره ، امال بضحكه : توني ثلاث اسابيع ! ' صباح يوم جديد على الابطال = - ام صقر بصدمه : زوجتك حامل!! عبدالرحمن ضحك وهو يهز راسه بـ اي ، ام صقر انصدمت و سحبته لحضنه وهي تضمه : مبروك مبروك خلني انزل لزوجتك وينها ليه ما جبتها عندي؟ عبدالرحمن بخوف : خفت تتعب من الدرج ، دخل عمر وهو شايل عيسى : يمه بروح الدوام و زوجتي نايمه اترك عيسى عندك انتبهي له ، ام صقر : هاته ياولدي ، اخذته منه ونزلت تحت عند امال ، عبدالرحمن التفت لعمر ومشى له مسكه من كتفه : بارك لييي! عمر عقد حواجبه : وشو تتزوج مره ثانيه؟ عبدالرحمن :لا يالخسيس راح اصيرررر اب ، عمر بصدمه : احلفففف!!!! عبدالرحمن : والله راح اصيرررر اب ماني مصدق والله ، عمر قرب وهو يحضنه بقوه : مبروككك مبروككك والله ، دخل سلطان ومعه عساف يبكي ما يبغى يروح المدرسه وجابه لامه و رفع نظره : وش هالاحضان من صباح الله؟ عمر التفت : عبدالرحمن بيصير اب ي سلطان عبدالرحمن! سلطان رفع نظره : بذمتك ! عبدالرحمن : والله اصير اب ي ابن الحلال راح يصير عندي ولد مدري بنت راح اصير اب ، سلطان ركض وهو يحضنه ، عبدالرحمن ضحك وهو يشد عليه بقوه : ماني مصدق ، - امال بضحكه : خالتي كان جيتك انا بس ولدك يبالغ مره ، ام صقر : مبروك ي بنتي وهو معه حق انتبهي و لا تنزلين من الدرج خليكِ في بيتك اذا تبين شي بس اتصلي ونجيكِ ، امال ابتسمت بخفه و رفعت نظرها وهي تشوف عبدالرحمن دخل ونطق : يمه ماعاد في ولدي لا تقولين لي ولدي قولي ابو غيث او ابو إيلا عاد الله اعلم بنت ولا ولد. امال : يالله منك ي دحوم مافيك صبر ، عبدالرحمن : اسكتي انتي لا تقولين دحوم خلاص كبرت ، امال ضحكت وهي تطالع فيه ، - هديل قامت من النوم عقدت حواجبها وهي تشوف عمر اخذ عيسى و مو موجود لا هو ولا عيسى ابتسمت من عرفت اكيد اخذه لامه وتوجهت مشت اخذت لها شاور و دخلت المطبخ تسوي شي وتنزل تحت عند ام صقر دايم البنات يتجمعون ، بعد دقايق خلصت واخذت صينية الباستا ، ولبست شرشفة الصلاة وتوجهت وهي تنزل تحت ابتسمت وهي تشوف ام صقر جالسه وماسكه عيسى و عساف يلعب و جوري تركض ، وتوجهت وهي تجلس : صباح الخير خالتي ، قاطعتها سُلاف وهي تدخل : صباح النور ، ضحكت وهي شايله سيلين وبيدها صينية البطاطس : سويت لكم شي تحبونه ، هديل : يارب ما سويتي زيي ، سُلاف ضحكت وتوجهت وهي تسلم على ام صقر وهمست : خالتي خذيها طفشتني العوبه ، ام صقر ضحكت وهي تاخذ سيلين منها ، سُلاف : وينهم ملاذ و امال ما جاو ؟ هديل : ملاذ بنتها هنا بس مدري هي وينها ، - ريما صحت من النوم وناظرت ماجد كان نايم ابتسمت بخفه ومشت فرشت اسنانها وطلعت و.. توجهت للمطبخ رفعت شعرها تسوي له فطور بيض و توست مشت اخذت اثنين بيض وتوجهت وقفت وهي تسوي بعد دقايق خلصت و جهزت فطوره ومشت دخلت ناظرت فيه كان نايم مشت وهي تجلس ع طرف السرير : ماجد ، ماجد فز ع صوتها وناظر : هلا ي روح ماجد ، ريما ابتسمت : تاخرت على دوامك مو ناوي تصحى تفطر؟ ماجد مد يده اخذ جواله يشوف الوقت : الا الحين بقوم ، ومشى دخل الحمام ، و ريما قامت تعدل السرير ومشت تجيب فطوره للغرفه ، ماجد طلع ومشى يلبس ثوبه و يفطر ، - ملاذ ناظرت لـ صقر الي من امس تعبان و يكح كانت جالسه جنبه و رسلت جوري تحت عند ام صقر لا تمرض ، جلست جنبه وهي تحط له فكس على صدره وتمسح عليه، صقر تنهد بتعب : ملاذي ياروحي انتي خليكِ بعيده لا تمرضين، ملاذ هزت راسها بالنفي وهي تمسك يده وتمسح على صدره ، صقر تنهد بقلة حيل وسكت بهدوء وهو يغمض عيونه ، ملاذ ناظرت فيه بحزن و انصدمت جنبه وهي تمسح ع صدره، صقر اول ما غمض عيونه نام علطول من تعبه كان نومه متقطع مو قادر ينام زين ، ملاذ اخذت جوالها دخلت القروب تكلم البنات انها ما تقدر تنزل لهم صقر تعبان ، - امال بقهر : تكفى عبدالرحمن كلهم عند خالتي ، عبدالرحمن كان جالس على الكنب و يشتغل وكل اوراقه جنبه ونطق بحده : اجلسي قدامي و افطري لا اسمع صوت ، امال : تكفى عبدالرحمن الله يخليك بروح بسرعه و ارجع ، عبدالرحمن رفع نظره : امالللل لا تعاندينننن و اجلسي ، امال انقهرت منه وتوجهت وهي تجلس على السرير بقهر ،، عبدالرحمن تجاهل وهو يكمل شغله ، امال التفتت : ليتني ما علمتك كان ما دريت و تركتني اروح ، عبدالرحمن : ي بنت قدامك الف درج راح تموتين ، امال : زين عشان افتك منك ومن عنادك ، عبدالرحمن اخذ نفس : استغفرالله يارب صبرني ، وكمل شغله وهو يسمعها تسفل فيه ومعصبه كان متجاهلها وتنهد بحزن ونطق : خلاص بمشي انا اشتغل برا بسيارتي كلمي البنات يجون عندك و يتجمعون عندك حلوين كذا؟ امال رفعت نظرها له : لا تجي الا لما اقولك و يروحون ، عبدالرحمن بهدوء : ابشري من عيوني ، وتوجه اخذ اوراقه و اللابتوب وطلع لبرا نزل بسيارته يكمل شغله ، امال اخذت جوالها تكلم البنات يجون عندها ، - نجلاء كانت جالسه و نايف و جوهره جنبها ، مدت لهم العصير والكيك كانوا جالسين ياكلون وقفت وهمست : مشعل انتبه لهم بروح اجهز فطورك ، مشعل هز راسه بـ اي وهو يلبس ثوبه والتفت ناظر فيهم و ابتسم وهو يشوفهم ياكلون ومشى جلس واخذ جواله يطقطق فيه، - ام نجلاء : امال بنتي حامل؟؟ مريم ابتسمت : اي خالتي توها ماما كلمتني ، فهد سمع وضحك : يالله على بركه وش هالاخبار الزين ام صقر : لا ي بنتي روحوا انتم انا بجلس هنا معاهم ، سُلاف ابتسمت ومشت نزلت عند امال وهديل معها ، ام صقر ابتسمت وهي تشوفهم يلعبون قدامها و يركضون ، دخل الجد سُليمان و ابتسم بخفه ومشى وهو يجلس ، عساف ركض له : جديييي ، جوري التفتت وهي تركض ورا عساف : ددييي ، الجد سُليمان ضحك وهو يشيلهم و يبوسهم ، يوسف طلع من الغرفه بيمشي للدوام ابتسم وهو يشوف يرجعون يركضون له ويصارخون : جدييي ، مد يده وهو يشيلهم و يبوسهم : ي روح جدكم انتم ، الجد سُليمان شال عيسى وهو يبوسه ، سيلين كانت على الارض تلعب بيدينها وتطالع بالسقف ، يوسف : يالله انكم تحفظهم استودعتهم الله ، - امال بقهر : قهرني قهرني حتى ما يخليني اجيكم ، سُلاف بضحكه : حياتي ما شفتي شي باقي ، هديل : تدرين امالوه ملاذ ما تجي تقول زوجها تعبان ، امال عقدت حواجبها : بسم الله وشفيه ليه؟ هديل رفعت كتوفها : مدري بس قالت انه تعبان ماتقدر تجي، امال : الله يشفيه بسرعه وش جبتوا ابي اكل ، سُلاف : سويت احلا صينية بطاطس ، امال : رميتوا كل عيالكم عند خالتي و جيتوا ان الله منكم ، سُلاف : اي نشوف بكره تسوين نفس الحركات ، - غلا بصدمه : مين هو؟ محسن : احد من معارفنا من بعيد اسمه جاسم ، غلا سكتت بهدوء : محسن ما افكر ف..قاطعه محسن وناظر فيها ونطق : غلاوي الرجال طالب يدك على سنة الله و رسوله ما تلقين افضل منه وهو صاحبي بعد فكري زين. غلا سكتت بهدوء و توجهت لغرفتها وهي تفكر و ناظرت لـ خالد ولد محسن الي ركض لها و دخل غرفتها وهو يضحك ، ابتسمت بخفه وهي تطالع فيه : تعال عندي ، - عبدالرحمن تنهد وهو يشتغل والدنيا حر شغل مكيف السياره لكن برضوا حر رفع نظره وهو يشوف عمر وقف سيارته وتوجه له باستغراب : شفيك جالس في سيارتك؟ عبدالرحمن : والله مطرود وانا اخوك ، عمر بضحكه : انزل انزل تعال نروح لامي صقر ما داوم اليوم ، عبدالرحمن باستغراب : ليه وشفيه؟ عمر : مدري والله اتصلت بس جواله مقفل ، - عمير : اسوم يلا اخلصي اروح الدوام ، سوميه كانت في المطبخ : دقايق بس ، سوت له فطور على السريع ومشت وهي تحط قدامه ونطقت : آسفه تاخرت ، عمير ابتسم ونطق : ي جعل هاليدين ما تمسها النار تسلم يدينك والله ، سوميه ابتسمت وهي تجلس جنبه : بالعافيه على قلبك ، - ناصر : سوي لي فطور خليكِ زي الناس! مريم : ماني فاضيه سوي لنفسك بنفسك انا نزلت عند زوجة ماجد و فطرت معها و رجعت ، ناصر : يليل الهيلقية ما تستحين انتي! مريم : لا ما استحي عندك شيء؟ ناصر : يالله طول البال يارب ، مريم توجهت وهي تجلس على الكنب وتناظر فيه، ' عبدالرحمن كان جالس على الكنب ويشتغل و رفع نظره وهو يشوفهم يركضون عساف وجوري وعيسى يطالع فيهم ابتسم بخفه ونطق : بابا عيسى تعال عندي ، مارلين كانت واقفه تنتبه لهم وماسكه سيلين ، عبدالرحمن : عطيني هذي طيب ، مارلين مشت مدت له ، عبدالرحمن ابتسم و اخذها وهو يبوسها. سيلين صدت بانزعاج من لحيته وهي تبكي عبدالرحمن ضحك وهو يرجع يبوسها بعناد سيلين غمضت عيونها وهي تبكي ، مارلين مشت اخذتها منه ، عبدالرحمن ضحك بخفه والتفت على صوت رسالة جواله امال رسلت له : راحوا البنات تعال ، ابتسم وقام سال اللابتوب والاوراق وتوجه نزل تحت ومشى لبيته فتح الباب وناظر فيها كانت جالسه تاكل قمر الدين ، عقد حواجبه ونطق : وش جوك من صباح تاكلين ذا؟ امال رفعت كتوفها : مدري لا تسال فجاه اشتهيت. عبدالرحمن : الله يكون بعون ولدي عمر بضحكه : والله ما رميته عند امي الا عشانك نايمه ، هديل توجهت وهي تجلس جنبه : بس يعمري خالتي تنتبه لهم كلهم صح يزعجونها بس زين مارلين عندها ، عمر كان منسدح ونطق : ما ودك باخت لـ عيسى؟ هديل بضحكه : لا تكفى فكني ما نسيت الم الولاده ، عمر : ايش رايك يعني احمل عنك؟ هديل بضحكه : لا بس ما افكر الحين انتظر عيسى يكبر ، عمر : مطول هالورع ما راح يكبر بسرعه ، - صقر ابتسم بخفه : خلاص صرت بخير ياروحي ، ملاذ ابتسمت له وهي تناظر فيه ، صقر قام بهدوء وتوجه دخل الحمام بعد دقايق طلع ومشى لبس ثوبه وناظر فيها و ابتسم ونطق : احبك ، ملاذ ابتسمت وهي تعطيه بوسه على الهوا ، صقر ضحك ومشى طلع اول ما طلع صادف عبدالرحمن الي ضحك و مشى له : صقرررر انا راححح اصيرررر اب ، صقر بصدمه : كذاب ، عبدالرحمن : والله ي ابن الحلال ، صقر ضحك وهو يقرب يحضنه : مبروكككك يالخسيسسس، عبدالرحمن ضحك وهو يشد عليه ، - امال حست بالطفش و توجهت دخلت المخزن تفرج على الاغراض ابتسمت وهي تشوف كرتون كامل كله كُتب وعليه غبار مشت وهي تدور كتاب تقراه من الطفش وطلعت كم كُتب التفتت من دخل عبدالرحمن : شتسوين؟ ابتسمت وهمست : كنت تقرا كُتب؟ عبدالرحمن : ايام كنت مراهق اربع وعشرين ساعه كتاب ورا كتاب ما اخلص ، امال : اي واحد احلا ابي اقرا طفشت لوحدي ، - عبدالله كان يركض ينزل عند ريما و يرجع يركض عند مريم وقف وناظر : مريمممم نروح الحديقه، مريم : عبود والله مالي خلق روح مع ريما ، عبدالله : لااااا ريما ماتبي انتي تعالي ، مريم : روح مع ناصر اخوك ، عبدالله بصراخ : لاااا مايبي تعالي انتي ، مريم : انقلع مالي خلق لك ولا لاخوك، - ملاذ دخلت توجهت عند ام صقر ابتسمت وهي تشوف جوري ركضت لها، 'عالم القصص والروايات 📚: = بعد مرور سنين طويل ونهاية حكاية ابطالنا = - عبدالرحمن ابتسم وهو يشوف غيث جالس يطالع بـ شيهانه كان ع الوكر وغيث يطالع فيه ولابس ثوب ، امال كانت تصوره وهمست : ياروح ماما غيث طالع هنا ، عبدالرحمن مشى وهو يشيله ويبوسه بقوه ، امال بضحكه : دحيم حرام عليك لا تبوسه كذا ، عبدالرحمن ناظر لغيث الي بدا يبكي يبغى يلمس شيهانه ، امال مشت وهي تاخذه منه : ياروحي جعل هالدموع بعدوك، عبدالرحمن : ما شاء الله على الام خوش ام انتي و دعواتك ، امال : اي جعل دموعه ب عدوه ، عبدالرحمن : واذا عدوه طلع عيسى؟ امال بضحكه : لا بعيد الشر بسم الله عليه ، - عساف وعيسى وجوري وسيلين كانوا يتراكضون في الحوش، وهديل ماسكه بنتها لارا وتصارخ : عيسى بشويششش ، نزلت سُلاف وناظرت : اوف منك ي عساف انتبه على اختك لا توسخ نفسها وتطيح على الارض ، ملاذ ضحكت بخفه وهي شايله سعد تبنو طفل جديد ، جوري كانت تضحك وهي تركض ورا عساف تلحقه ، عيسى كان يركض وراهم ويصارخ ، ام صقر ابتسمت وهي تطالع فيهم بحُب و مبسوطه ، يوسف طلع من المجلس وهو يتذكر ابوه الجد سُليمان توفى ، تنهد و رفع نظره وهو يشوف احفاده في الحوش يلعبون ، - سعود و دلال جابوا ولد و سموه ابراهيم ، دلال كانت تضحك وهي تشوف ابراهيم يشوت الكوره ، سعود : اي كفو على ولدي ارميه على امك ، دلال : برهومي بابا ارميه لي يلا بسرعه ، ابراهيم ضحك وهو يرميه على دلال ، طلعت جنان وبيدها الكُتب وتذاكر وتطالع فيهم وتضحك ، - مريم كانت حامل وفي شهر التاسع ما بقى شي على ولادتها ومعصبه : ناصررر لا تطفشنييي ، ناصر : اوف قاعد اجهز توزيعات استقبال بنتك وانتي معصبه علي! مريم : طب لا تشغل اغاني و تزيد صداعي ، ناصر : اي فكيني خلاص ماني مشعل شيء ، مريم سكتت وهي تتمشى في الغرفه وتحس بالم، - ماجد و ريما كانوا يتمشون في الحديقه ريما ابتسمت وهي تطالعبـ بنتها ريم كانت تلعب بالتراب وهمست : يا خوفي تاكل التراب ، ماجد بضحكه : بالعافيه عليها ، ريما : يمه بسم الله على بنتي ، ماجد ضحك بخفه وهو يطالع بـ ريم كانت جالسه بين التراب و تلعب بالتراب بيدينها ، - ام نجلاء وقفت وهي تطالع بـ جوهره و نايف يركضون و يلعبون حوالينها وفهد جالس معها يتقهون و مبتسمين وهم يطالعون بجوهره ونايف دخلت نجلاء ومشت وهي تجلس : اي يبه ام غيث تقول ما تقدر تجينا اليوم ، فهد : متى تجي اجل اشتقنا لـ غيث من فتره ما شفناه ولا جت عندنا ، نجلاء : مدري والله ي يبه ما قالت لي متى تجي بس قالت ما تقدر اليوم اعتقد زوجها مشغول عشان كذا ما يمديها ، - سلطان وصقر و عمر كانوا جالسين في المجلس يتقهون ، صقر ناظر لعساف الي دخل : بابااااا عيسى يضربني ، عمر : اقول حدك على ولدي وش كبرك و تحط عقلك بعقله! صقر بضحكه : عساف بابا شفت هالجزمه روح اضربه فيه ، عمر بتهديد : والله ان لمست ولدي ي عساف بضربك ، سلطان بصدمه : خير خير انت وياه الاثنين على ولدي روح ي بابا اجلده و تعال ، دخل عيسى وهو يركض لـ عمر ، عمر ضحك وهو يسحبه لحضنه : تعال المسه اشوف اكسر راسك و راس ابوك ، دخل عبدالرحمن وهو شايل غيث : السلام عليكم ، سلطان التفت : وعليكم السلام وصل الوغد غيث ، عبدالرحمن بحده : والله ما الوغد الا ذا الهطف ، جلس وهو يحط غيث على الارض و صقر صب له قهوة اخذ القهوة منه وهو يشرب ، غيث مشى عند صينية القهوة وهو يسحب الكليجا من الصحن ويحطه بفمه ، سلطان بصراخ : ولددددددد ، غيث فز من صراخه وطاح الكليجا من يده والتفت لعبدالرحمن وهو يبكي ، عبدالرحمن انصدم وهو يقومه ومشى مسك سلطان من ياقته وناظر بحده : تصارخ عليه مره ثانيه!!! سلطان بضحكه : عساف صارخ عليه خذ حقك ، عساف ركض لغيث وصارخ : باوووووو ، غيث رجع يبكي بقوه ، صقر ضحك وهو يشيله و يبوسه ، عبدالرحمن سدح سلطان وهو ماسكه : قسم بالله ي سلطان ان صارخت على ولدي لا اخلي بنتك وولدك يشوفون نجوم الليل بالظهر ، سلطان كان طايح وهو يضحك : اسف اسف، عبدالرحمن وقف و رفسه برجله بقوه : جرب تصارخ ، عساف ناظر لغيث وصارخ بقوه : ياووووووو ، غيث رجع يبكي، عبدالرحمن مشى وهو يمسك عساف من اذنه : تصارخ! سلطان بضحكه : اترك ولديييي ولا والله اصارخ ، عساف بصراخ : باباااا ، عبدالرحمن فرصه باذنه : يلا انقلع لابوك ، عساف وقف وهو يبكي وماسك اذنه : باباااا ، عمر كان جالس يضحك عليهم : تستاهل انت و ابوك ، سلطان ضحك وهو يناظر : تعال ي بابا تعال ما يحبونك عمانك، عمر ناظر لـ عيسى الي قام و اخذ كليجا الي طاح من غيث ومشى مده له ، عبدالرحمن : تعلم تعلم يالحمار ، عساف كان جالس بحضن سلطان يبكي وماسك اذنه وناظر لغيث وهو يصارخ بعناد : باااا..ماكمل الا و سلطان حط يده على فمه : انكتم الوحش جالس قدامك ، وضحك وهو يشوف عساف يعاند يبغى يصارخ على غيث ، عبدالرحمن بتهديد : جرب بس جرب اوريك ، عساف : الا الا اصارخ ، عبدالرحمن : طيب صارخ جرب اوريك انا ، عمر بضحكه : قسم بالله انكم اطفال ، صقر ناظر لـ جوري دخلت و ركضت له ، سلطان : جت زوجته تنقذه تعالي زوجك هنا ، صقر : يخسي اعطيه بنت والله ما يشم شعر راسها حتى ، عمر بضحكه : وينها سيلين زوجة ولدي ، صقر : انت ولدك مسالم موافقين ، عساف بدموع : بابا اصارخ اصارخ ، سلطان : ي بابًا حرام عليك الولد ضعيف ما يصير كذا ، عبدالرحمن رفع نظره : تعال صارخ اشوف ، عساف التفت عليه : الا الاااا الا ، عبدالرحمن ناظر لغيث الي بحضن صقر يناظر ويلعب بالكيجا ونطق : والله ي عساف اخر مره اقولك ان قربت من ولدي ولا صارخت عليه راح اضربك صدق ما امزح ، سلطان بضحكه : شايف ي بابًا الوحش وش يقول؟ عساف بعناد : الا اصارخ و اضربه ، عمر ضحك وهو يناظر : والله الولد عنيد ، عبدالرحمن : اطلع عناده من عيونه الثنتين ، عيسى مشى عند عبدالرحمن : عمي غيث ما ياكله ، عبدالرحمن ابتسم : ي روح عمك انت تعلم ي عساف تعلم ، شال عيسى وهو يبوسه : والله بنات صقر حلالك انت ، صقر رفع نظره : ما شاء الله على كيفك ، عبدالرحمن : لا لا سيلين وينها عيسى ياخذها ، عساف بعناد : اختي اختي ماراح ياخذه ، عبدالرحمن : غيث راح ياخذ اختك ، عساف : ماراح اعطي اختي ماراح اعطي ، عبدالرحمن : عيسى بابا كلم مارلين تجيب سيلين ، عساف بصراخ : بابااااااا ، سلطان بضحكه : ما ياخذونها ي بابا يهايط بس ، دخلت مارلين ومشت مدت سيلين لعبدالرحمن ، عساف ببكاء : باباااا ، عبدالرحمن ناظر لـ سيلين واخذ غيث من صقر و جلسه بحضنه ونطق : سيلين بوسي غيث ، عساف بصراخ : لاااااا باباااا لاااا ، سيلين قربت وهي تبوس غيث ، عبدالرحمن كان يضحك ، عساف قام ركض وهو يطيح نفسه على الارض ويبكي ، عمر بضحكه : يلعن شكله الهطف ، عبدالرحمن : يلا انقلع شف اختك تحبه ، عساف ركض وقف ورا عبدالرحمن وهو يضربه على ظهره ، عبدالرحمن مد يده سحبه وهو يسدحه على الارض : تسويه! سلطان كان جالس يطالع : لا لا دحوم مو كذا ، عساف بدموع : بابااااا ، عبدالرحمن تركه وناظر : يلا هش انقلع ، - امال بصدمه : متى صبغتي؟؟؟؟ هديل بضحكه : صح النوم امس الصباح طفشت و قلت لـ عمر يحط لي صبغه عاد ، امال : حيوانه تغيرتي مرررره ، ملاذ كانت جالسه تضحك وهي تشوف صدمة امال ، سُلاف : قلت لها حطي لون ثاني الا وحطت هاللون ، امال : الا صح نجوله وماما جاين المدينه وحتى مريم يقولون احتمال تولد اليوم ، سُلاف : اي يعمري هي الله يسهل لها ولادتها ، - غلا كانت واقفه عند البحر وماسكه يد جاسم وتتمشي حول البحر و مبتسمه ' مو كل نصيب يُصيب ياما ناس حبوا بعض لكن النصيب كان اقوى منهم و ربي عوض كل شخص منهم باشخاص اخر ، جاسم : غلا شوفي عند البحر هناك ، غلا ابتسمت و رفعت نظرها وهي تشوف الاطفال يلعبون بالمويا وضحكت بخفه ، - مشعل دخل و توجه وهو ينسدح بتعب نايف و جوهره ركضوا له ، مشعل ابتسم بخفه، ملاذ ابتسمت وهي تناظر صقر واقف يلعب معاهم ويضحك توجهت عند الشباك وقفت وهي ترفع راسها للسماء وتناظر ، رغم انه عجز عن الانجاب وهي عجزت عن الكلام لكن الاثنين عايشين مبسوطين هالدنيا ما يوقف على احد مهما كان معاناة الانسان هي عاجزه عن الكلام والنطق لكن مبسوطه ربي عوضها بـ احن زوج ممكن يحبها و يسعدها ويركض ورا رضاها ابتسمت بخفه وهي ترجع تطالع فيهم ، ياما ناس عايشين مثل حالتها عاجزين عن الكلام لكن عايشين و مبسوطين ، " تمنيتوا نهاية ملاذ انها تتكلم لكن الواقع كثير زيها عاجزين عن الكلام ما يتكلمون لكن عايشين ومبسوطين " - نجلاء ضحكت ووقفت وهي تشوف مشعل واقف وماسك يد الجوهره و يدورها والدنيا مطر ، حطت يدها على بطنها حامل بشهر الثالث ابتسمت والتفتت وهي تشوف نايف يركض ، وهمست : نايف بابا بشويش لا تطيح ، نايف مشى عند مشعل : بابا دوري دوري ، مشعل ضحك وترك الجوهره ونطق : تعال بابا يلا ،، - سلطان ناظر لعساف الي كان جالس يحل واجباته للمدرسة وتوجه لسيلين : تعالي نروح عند تيتا ، سُلاف ابتسمت : قبل تروحون انتظروا عساف يخلص ، سلطان : اذا خلص انتي جيبيه وتعالي معه ، سُلاف عقدت حواجبها : ليه؟ سلطان : مدري والله امي تنتظرنا لا تتاخرين ، سُلاف : تمام بس عساف يخلص اجيك ، - عيسى كان يركض في الغرفه و عمر واقف يعدل شماغه وهديل ماسكه لارا ونطقت : عمر ارجع متاخر ؟ عمر التفت عليها : والله مدري ي عيوني ليه؟ هديل : اختي دلال جت من السفر وهي عند بابا خذني لها ، عمر ابتسم : تمام تجهزي انتظرك انا ، هديل فزت بفرح و ركضت تتجهز بسرعه وغيرت ملابس عيسى و لارا ولبست عبايتها وتوجهت نزلت مع عمر ، عمر حرك سيارته متوجه لبيت اسماعيل ، هديل ابتسمت وهمست : استودعتك الله ، نزلت ومسكت يد عيسى توجهت وهي تدق الباب ، ساره بنت سوميه كانت في الحوش تلعب مع خالد والشغاله ، الشغاله مشت فتحت الباب، هديل دخلت وصارخت : يناسووووو ، ركضت وهي تضم خالد و ساره و تضحك ، دلال سمعت صوتها و ركضت نزلت تحت ، هديل ابتسمت شافتها ومشت تضمها بقوه ، - ابو سعود بهدوء : جيت اطالب بالسماح وانا اخوك غلطت في حقك بدون سبب وانت مالك ذنب ، سعود كان ساكت و رفع نظره بهدوء لفهد ، فهد : انا مسامح الكل وانا اخوك ما بقلبي لا حقد ولا حسد على احد حنا قاعدين نعيش اخر ايام حياتنا ما ندري متى ربي ياخذ امانته وانا اخوك وشو له الهواش والزعل والله مسامحك دنيا و اخوه ، ابو سعود ابتسم وهو يقوم يحضنه ، سعود ضحك بخفه : اعتذر ي عمي عن كل الي صار و..ما كمل كلامه الا وفهد حضنه : حصل خير، البنات تجمعوا سُلاف و امال عند ام صقر يسولفون ، والعيال كلهم كانوا في الحوش عبدالرحمن وسلطان وعمر وصقر يلعبون كوره والاطفال يركضون و يلعبون معاهم ، عمر بضحكه : لو ولدي هنا جلدكم والله ، سلطان : اقول اسكت بس ولدي يجلده ، عبدالرحمن : لو انه غيث يمشي كان جلدكم كلكم ، صقر بضحكه : خل عنكم لو جبت سعد عطاكم صفر واحد ، عساف : بابا ارمي الكوره ، عبدالرحمن رمى عليه الكوره : هيا العب نشوف ي هطف ، سلطان بضحكه : يلا ي عساف شد حيلك و اجلد ، - ام ياسر و ريما كانوا في المستشفى عند مريم لانها ولدت ، مريم ابتسمت والتفتت وهي تشوف بنتها بيد ام ياسر ، ونطقت : خالتي عطيني تالا ، ام ياسر ابتسمت ومدت لها تالا واخذت جوالها اول ما رن وابتسمت : في المطار ؟؟ جاي!!! ريما عقدت حواجبها والتفتت : وش صاير خالتي؟ ام ياسر ابتسمت : ياسر ولدي جايه ، ريما : اوه اكيد تزوج كل هالسنين ، ام ياسر تنهدت : للاسف لا هو حلف انه ما يتزوج ، ريما سكتت بهدوء وهي لابسه عبايتها رفعت نظرها من دخل ناصر ونطق : السلام عليكم مشى وهو يشيل تالا و ابتسم وهو يبوسها ويناظر فيها بفرح و يضمها لصدره ، - اسماعيل كان جالس و شايل لارا ويسمع سوالفهم ومبتسم، دلال : خالد هذا صديقه اسمه عيسى تعرف عليه ، خالد كان ساكت يطالع بـ عيسى و مستحين من بعض ، سوميه : عمير يتصل يقول انه في الطريق ، هديل : خير خليه يروح عند عمر والله ودي اجلس معاكم ، سوميه ضحكت وكلمته يروح لـ عمر ، وعمير فعلًا اتصل على عمر و توجه له وقف سيارته وهو يشوف كلهم عند في الشارع عند الباب يلعبون كوره ضحك بخفه وتوجه اهم ونزل : السلام عليكم ، الكل قربوا يحضنونه ، عمر : يا هلا بـ ابو ساره ، عمير ابتسم بخفه : والله و صرنا كلنا ابو فلان وفلانه ، - امال ابتسمت وهي تغير ملابس غيث ومشت حطته على السرير وهي تجلس ع سرير اخذت الكتاب ابتسمت وهي تكمل تقرا الكتاب التفتت عليه ناظرت فيه كان ساكت و يلعب بيدينه ابتسمت وهي تطالع فيه ونطقت :لازم اخذك لخالتك تهتم فيك واجي اكمل اقرا ، غيث كان ساكت ويلعب ، ابتسمت واخذت جوالها : ملاذ صاحيه؟ ملاذ كانت واقفه تغير لجوري والتفتت ع صوت جوالها وهي تشوف رسالة امال و ردت : اي فاضيه ليه وش صاير؟ اذا تبين تجين حياكِ تعالي ، - سُلاف : يلا سيلين ماما وش صاير ليه تناديني؟ سيلين مشت وهي تاشر على الباب تبي تطلع برا، سُلاف شهقت : لا ي ماما ما يصير تطلعين برا في حرامي و في وحش ياكلونك ما يصير تعالي ننام، - ياسر وصل و ابتسم وهو يشوف ماجد كان ينتظره يستقبله مشى وهو يحضنه : يا هلا ي هلا، ' امال ابتسمت وهي ماسكه غيث مشت نزلت عند ملاذ دقت الباب ملاذ فتحت الباب امال ابتسمت : خذي غيث بروح اكمل روايتي اقرا الكتاب يزعجني ، ملاذ ابتسمت واخذته منها ، امال توجهت رجعت لبيتها ومشت وقفت عند الشباك وهي ماسكه الكتاب تقرا الروايه بعد دقايق خلصت اخر صفحه من الروايه و ابتسمت والتفتت وهي تشوف دخل عبدالرحمن ونطقت : خلصته ! عبدالرحمن توجه لها و ابتسم : ما بغينا ، امال : عطني روايه غيره ايش افضل شي قريته؟ عبدالرحمن ابتسم ونطق : انا شاعرك العام والقصيد عيونك، امال عقدت حواجبها وهي تناظر فيه : بقراه ، عبدالرحمن : اي اقراي شوفي القلب وقمراها ، امال ضحكت وعرفت هُم المقصودين : وش نهايته؟ عبدالرحمن ضحك بخفه : ماله نهايه. امال : ليه ماله فصل اخير؟ عبدالرحمن ابتسم : اتركي الفصل الاخير من الرواية مو ضروري دايم نعيش النهاية دامنا للحين باقي ما انتهينا مانبي نتجاوز احساس البداية في حياتي جيش بس الرمح واحد ! وانتي اعظم من تقدم للرماية ما اصبتي الا الفؤاد اللي يحبك ، عيدي الرمية وأباعيد الغواية ، امال ابتسمت وهي تطالع فيه ، ناظر فيها ونطق : مو قلتلك انا شاعرك ومجنونك ومن مثلي! امال ابتسمت ونطقت : محد مثلك محد مثل قمراي ، ابتسم ومد يده طلع الكليجا من جيبه : ناقص شاهي تسوين لي شاهي من يدينك؟ امال ابتسمت وهزت راسها بـ اي و توجهت للمطبخ تسوي الشاهي ، عبدالرحمن التفت ع صوت الباب ناظر مارلين جابت غيث كان يبكي ابتسم وهو ياخذه منها ويبوسها امال طلعت ومدت له الشاهي ، عبدالرحمن ناظر لـ غيث : تشرب؟ مد الكوب لفمه غيث فتح فمه وهو يشربه ، امال بخوف : لا بسم الله على قلبه لا يصير له شي ، عبدالرحمن بضحكه : ما بيصير له شيء اسد ولدي، غيث ابتسم وهو يرجع يقرب فمه يبي يشرب ، امال ضحكت وهي تاكل الكليجا وتناظر فيهم ، عبدالرحمن حط غيث على حافة الشباك وهو يشرب الشاهي وناظر فيها : ياحلو الشاهي من يدينك يا كم تمنيت نتزوج ونشرب و..سكت والتفت لغيث الي يبكي يبغى الشاهي ضحك وهو يشربه امال ضحكت وهي تطالع ........انتهى ، - وانتهت روايتنا شكرًا على تفاعلكم وحُبكم و تشجيعكم شكرًا على هالمشاعر الطيب و وقفتكم و دعمكم و حُبكم للروايه ، اتمنى نالت اعجابكم وكل شخصيه اخذت حقه واغلب الشخصيات مو من ضمن الابطال لذلك سرعت احداث حياتهم ، وشكرًا لكم على كل شيء و احبكم يا اجمل مُلهميني 💜💜💜💜💜💜💜💜💜💜💜، - ﺗﻤﺖ ﺑﺤﻤﺪ ﺍﻟﻠﻪ رأيكم في النهايه لاتسحبون❤️❤️ #انتهت الرواية 🍃💜🍃 @ahgeel ⇐↜رابط قناتنا بالتلجرام 🔮🍃🔮🍃🔮 * لاتنسوووا تعليقاتــكم على الــروايــة .. اعطــونـي رأيـكم بالــروايـة هل اعجبتكم ولمـا اقبــل الاعجابات منـكم طبعا فـ استقبل نقـدكم ع الروايــة .. لاتحرموني من تعليقاتكم واعلموا انكم سبب نجاح قناتنا .. يـرجى ارسال تعليقـاتكم ع بوت التواصل 👇👇 (( @ahgeelbot )) 👈👈 ‹رقم الرواية التي تنشر بارتات : ③⑦② اما رقم الرواية التي تنشر في مستند : ④④③⑤ *تنسيق:ادارة قناة عالم الـقصص والروايات *القناة لنشر ٲحدث الروايات بكل الانواع واللهجات *ان كنت من مدمني الروايات مكانك عندنا..لا تتردد لا نرد احد *تحت ٳشراف : ادارة القناة لطلب رواية او مشاركة رائيك بالرواية راسلني على بوت القناة @ahgeelbot *نتمنى ان نقدم لكم الافضل دائماً دمتم بود ....والقادم اجمل بإذن الله... اللهـم صلي على سيدنا محمد ﷺ وعلى آل سيدنا محمد #قناتنا على التلجرام *((عالم القصص والروايات ))  ⇩⇩ @ahgeel وقناة روايات مستنداتpdf ⇩⇩ @ahgeelpdf لطلب رواية يرجى زيارة قناتنا بالتلجرام ع الرابط ⇩⇩⇩ t.me/ahgeel لسنا الوحيدين في عالم الروايات ولكننا متميزون بعرض اهم وأقوى  الروايات والقصص العالمية بجميع اللهجات .. (( ❤️ روايات بالعربية الفصحى*)) ((💙 روايات خليجية*)) ((💜  روايات يمنية*)) ((💚  روايات سورية*)) ((💛 روايات عراقية*)) ((💕 روايات مصرية*)) ((🧡 روايات ليبية* )) ((💗 روايات اردنية)) ((💝 روايات مغربية*)) وبجميع انواعها .. (( 😘 روايات حب ورومانسية)) ((🙏روايات فراق وشوق)) ((😢 روايات حزينة)) (( 👻 روايات رعب)) (( ☠ روايات اسطورية )) ((👍 روايات واقعية ))ف (( 😁 روايات خرافية)) ((  ✏️ روايات ادبية )) (( 🕊 روايات دينية)) ((😠 روايات درامية)) ((🙌 روايات انتقامية)) ((😂 روايات كوميدية)) ((👮‍♀روايات بوليسية )) ((😜 روايات فكاهيةومضحكة)) تابعوناااا على التلجرام ... وانتظرووونا في روايات جديدة لكاتبات جدد  .. نتمنى لكم قراءة ممتعة .. @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ انتظرووونا في روايــــات جديدة ▇ـ▄▄▄💜▄▄▄ـ▇