انا شاعرك العام والقصيد عيونك 2 - الفصل 110 - مكتملة | روايتك

عالم القصص والروايات 📚: ▇ـ▄▄▄💜 ▄▄▄ـ▇ { رواية انا شاعرك العام والقصيد عيونك💞} { الفصل المائة والعاشر 💜  } ▇ـ▄▄ @ahgeel ▄▄ـ▇ -/ تفاعل قبل لاتقراء ♥ رفعت نظرها و ابتسمت : علمني و اجيك ، عبدالرحمن ابتسم : خايفه مني؟ وانا حالف عهدن علي ما تجيكِ القسوه من طرفي! ابتسمت وهزت راسها بالنفي : بجيك ، هز راسه وهو يتوجه يطلع و التفت لها : شنطتك جيبيه معكِ، عقدت حواجبها باستغراب وقبل تسالها ليه ما عطاها فرصه وتوجه طلع يغير ، ابتسمت ومشت وهي تاخذ شنطة ملابسها وتوجهت طلعت من الجناح وهي تقفل الباب توجهت دخلت لـ جناحه و رفعت راسها وهي تشوفه يضبط الشال برقبته والتفت عليها وهمس : ادخلي تعالي بدون منقاره اليوم ، ضحكت بخفه وهي تدخل و توجهت وهي تجلس على السرير تطالع فيه وهمست : في اسبوع صرت منهم وفيهم؟ التفت عليها وعقد حواجبه : من مين؟ امال : من الاتراك نفس كشختهم صاير ، ضحك وكمل : طيب قومي تجهزي بس فستان ، ضحكت وهمست : ليه فستان! رفع كتوفه : مدري راح تعرفين بعدين وريني اختار لك ، هزت راسها بالنفي : لا تختار لي بس ممكن تنزل تجيب لي قهوه؟ لانك شربت قهوتي وانا ما تهنيت فيه ، ضحك وهز راسه : طيب بس استعجلي بانتظارك انا ، وتوجه طلع يتصل على مريم وينها ، - ناصر دخل المطعم ونطق : اخليهم يحطون في فطورك وزغه، مريم كانت جالسه ع طاوله بعيد عنه وخايفه انه عبدالرحمن يشوفهم لكن ناصر الي ناشب لها بكل مكان : يعع ، ناصر ضحك وهو يتوجه يجلس على الطاوله الي جنبها وناظر فيها : ممكن الرقم؟ مريم ضحكت وهي تصد عنه ، فجاه رن جوالها اخذته و ردت وهي تشوف رقمه : هلأ عبدالرحمن ؟ عبدالرحمن : وينك؟ ما اشوفك تهجدين؟ مريم : قاعده اتمشى الاجواء ما تتفوت والله ، عبدالرحمن : كلمتي امك؟ مريم : اي كلمتها و صورت لك بس للاسف قعدت تسبني ، عبدالرحمن ضحك وهمس : تمام مشغول اقفل و ان رجعتي جهزي اغراضك خلصت شغلي وللاسف الشركه عندهم شروط واذا تقلبنا الشروط وقته يتم العقد والموافقه و شروطهم مو جايز لي والله ، - امال كانت في الحمام قدام المرايا والمكياج كله قدامها ابتسمت وهي تحط روج و سوت شعرها ويفي والتفتت وهي تناظر بفستانها توجهت وهي تلبس الفستان لونه ازرق ومتماسك وتوجهت وهي تكمل تعدل شعرها والمكياج ، عقدت حواجبها وهي تشوف انه تاخر مشت طلعت و دخلت الغرفه وهي تدور جاكيتها اخذت جوالها من وصل لها رساله منه " انا و قهوتك بانتظارك تحت عند البوابه " ابتسمت وهي تلبس الجاكيت وتوجهت سحبت جوالها طلعت وهي تشوف نجلاء تتصل ردت وهمست : تكفين نجوله اسفه بس طالعه اذا رجعت اكلمك ، نجلاء ابتسمت : تمام حياتي استانسي ، وقفلت منها وهي تشوف نايف وهمست : بنمشي اليوم قالوا؟ ريما : اي الصباح نروح المدينة زوجك مُصر ، نجلاء بضحكه : اشتاق للبر حالف ياخذ نايف هناك ، ريما : بتروحين المستشفى صح عشان جوجو؟ نجلاء هزت راسها بـ اي ، والتفتت وهي تسمع صراخ مشعل ينادي ريما ، ريما فزت واخذت نايف : يارب سترك و عفوك و رضاك تكفين نجوله لا تنسين مسجد باسمي وصيتي مسجد باسمي تسون ، ومشت طلعت ، نجلاء كانت تضحك ، ريما طلعت وناظرت فيه بخوف : نا...سكتت من مشعل ناظر فيها بحده : كم مره نبهتك عليها!! ماجد كان ناوي يدخل يكلم نجلاء لكن وقف وهو يسمع ، ريما بخوف : ءمشعل انا ش...سكتت من مشعل قاطعها ونطق بحده : لي تفاهم ثاني معك عطيني الولد ، قربت بهدوء ومدت له نايف وتوجهت دخلت بقهر ، - امال نزلت ومشت فتحت الباب وهي تركب السياره وناظرت فيه كان ماسك قهوتها ومد لها : بالعافيه. ابتسمت واخذت القهوه منه و رفعت راسها : افتحه ، هز راسه وهو يفتح سقف السياره وحرك سيارته والتفت عليها ونطق : ظلام ماني شايفك زين ، ضحكت وهمست : يعني حسافه الكشخه ؟ ابتسم وهز راسه بالنفي : بنوصل وتعرفين الحسافه على وش، عقدت حواجبها وهي تشرب من قهوتها وناظرت فيه من مد يده وهو ياخذ قهوتها : شهتيني ، واخذ رشفه وهو يشرب ، عقدت حواجبها : خير قهوتي! ضحك و مد لها : خذي ، اخذت قهوتها لكن ضحكت وهي تناظر وهمست : شف شفايفك في المرايا ، عقد حواجبه والتفت عليها : ليه؟ واخذ جواله يفتح الكام يشوف والتفت عليها بصدمه وهو يشوف الروج : بنت! ضحكت وهمست : محد قالك تشرب من بعدي ، مدت يدها وهي تعطيه المنديل : لا تفشلني خذ ، اخذ منها وهو يمسح ويضحك من ضحكتها ، - سعود توجه نزل عند ستاربكس ، دلال اخذت جوالها وهي تشوف سوميه تتصل و ردت : بسم الله ازعجتيني شفيكِ؟ سوميه : طفشت يختي انتي و هديل كلكم رحتوا! دلال بضحكه : ماعليكِ نصيبك جايك انتظري ، سوميه : لا وين مين قال ابي اتزوج بس ابيكم تجوني ، دلال : والله هديل في العسل وانا في البصل باقي ، سوميه ضحكت و دلال جلس يسولف معها بعد دقايق قفلت منها وهي تشوف سعود توجه ركب ومد لها القهوة ، دلال ابتسمت و رفعت راسها من شافها سحب ربط الحزام وهو يتكلم : امي اتصلت تنتظرنا على الغداء نمشي؟ رفعت كتوفها وهمست : بس قبله نرجع اغير؟ هز راسه وهو يحرك : اكيد وانا اختباراتي بتبدا بعد كم اسبوع و لازم ارجع لـ بريطانيا عشان كذا استعجلت بالزواج ، سكتت لثواني وهمست : للابد؟ ضحك وهز راسه بالنفي : لا اخلص دراستي ونرجع و ترجعين لاهلك تشوفين بس بعد عيد الاضحى ان شاء الله ، سكتت ونطقت : مطولين يعني؟ رفع كتوفه : يمكن وانتي بما انك ما كملتي دراستك ليه ما تدرسين هناك و تكملين؟ - صقر عقد حواجبه : من الحين تجهزون السمبوسات؟ ملاذ ضحكت وهي تشوفه مصدوم ، خاله مُزنه : اي ياولدي ما بقى شي ، صقر : اي زين خالتي ذكرتيني ثوب العيد من الحين افصل ، ام صقر : اي ومن ورا السمبوسه تطلع كرشتك ، صقر ضحك وناظر لـ ملاذ : يمه الحين انسي الشوربه لا تسوين زي زوجتي موجوده تسوي لي ، ملاذ ناظرت و ابتسمت ، ام صقر : اي الله يعين ايام تتهاوش معي اسوي لك بدري ، خاله مُزنه : زين تزوجتوا انتم السحور كل يوم على وحده يوم زوجتك و يوم زوجة سلطان ويوم زوجة عمر ، صقر : ما شاء الله يعني زوجتي تنكرف؟ لازم ننقل ي ملاذ، ام صقر بضحكه : اي نذوق طبخها ، - ابو سُلاف ابتسم وهو يشوف عساف وضمه لصدره ، سلطان كان واقف مبتسم ويطالع فيهم ويناظر لسُلاف الي مبسوطه وتضحك وهي تشوف ابوها يلعب مع عساف ، اخذ نفس وهو يلتفت حوالينه يمين يسار لكن قاطعته سُلاف ونطقت : بدخل عند الدكتوره اتطمن على البيبي؟ ابتسم وهز راسه : تعالي اخذك ، سُلاف هز راسها بالنفي : لا خلك مع ابوي عساف يتعبه ، هز راسه وهو يجلس ، سُلاف توجهت عند دكتوره تطمن ، - عبدالرحمن وقف سيارته وهو ينزل و ابتسم و رفع نظره للبحر ، امال نزلت وهي مستغربه وناظرت فيه ، مد يده لها ، تمسكت بيده ووقفت جنبه ونطقت : بحر ؟ ما رد عليها وهو يسحبها معه توجهوا عند اليخت ، امال ضحكت و انصدمت وهي تشوف البلونات الاحمر والكيك في اليخت والتفتت لـ عبدالرحمن الي كان يتكلم مع الرجال دخل بعد دقايق ومد يده ابتسمت وهي تتمسك بيده وتركب و التفتت يمين يسار تناظر وضحكت : وش المناسبه ؟ سكت وهو يشوفها ويطالع فيها وسكت وهو يمد يده يبعد عنها الجاكيت : شيليه ، سكتت وهي تبعد الجاكيت ، ابتسم وعقد حواجبه : ناويه على نفسك؟ رفعت نظرها : انت طلبت! ضحك وهمس : يعني تسمعين كلامي؟ سكتت والتفتت وهي تسمع الموسيقى الي اشتغلت ، مد يده يحاوط خصرها وسحبها له رفعت نظرها تطالع فيه ، ابتسم وهو يرفع يده الثاني ويمسك يدها : زانت بحبك حياتي والله ما بعد حُضن ايدينك امنيه انا اصير لك الوطن والشعب والجمهور اصير لك الحبيب والصديق والزوج الي تبين بس لا توجعيني وتطلبين مني البُعد! انا بدونك ضايع! انا بدونك مو عبدالرحمن ولا انتي بدوني امال! حنا نكمل بعضنا! ونضيع بدون بعض انتي املي في هالدنيا بدونك انا ضايع! ابتسمت من كلامه وهي تطالع فيه بهدوء ومدت يدها على كتفه وهمست : احبك ، ضحك وهو يمد يده لـ لحيته : بح؟ ضحكت من تذكرت وهمست : اجبرتني اقوله ، ضحك من ضحكتها والتفت للبحر و رجع التفت لها : احبك، ابتسمت وهي تقرب ويدينها على رقبته وتناظر فيه بهدوء وهمست : ولا غيرك قمر يضوي ليالي العمر قدامي انا عمري ما تمنيت شي مثل ما تمنيتك ، - هديل كانت واقفه في البلكونه وبيدها ملابس البيبي التفتت وهي تشوف عمر منسدح على السرير و سرحان عقدت حواجبها وتوجهت لعنده : عمر ليه كذا؟ مو مبسوط؟ التفت عليها وهو يتصنع الابتسامه : مبسوط ، سكتت لثواني وهمست : من وقت ما عرفت بالحمل وانت متغير و ساكت و سرحان وش تفكر فيه؟ رفع كتوفه ونطق : تبين الكذب ولا الصدق ؟ استغربت منه وهمست : اكيد الصدق ! تنهد ونطق : عشان ما اوجعك بسالك ليه تركتي الحبوب؟ سكتت لثواني وهي تطالع بملابس البيبي : ابيه ، هز راسه وهو يسكت و رفع نظره للبلكونه : ليه مفتوح؟ طالعت فيه وهي تعرف انه يتهرب : ما تبيه صح؟ سكت وهو ياخذ نفس : ماعندي شي اقوله ، تجمعت الدموع بعيونها : اتمنى منك ي عمر لا تجلس تكذب و تخليني مبسوطه لفتره و تتغير! اذا انت مو قد العطاء لا تعطي! عمر رفع نظره وهو يشوفها تبكي : هديل! هديل رمت ملابس البيبي وهي تقوم و دموعها تنزل توجهت دخلت الحمام وهي تقفل الباب ، عمر تنهد و نزل نظره وهو يشوف ملابس البيبي اخذ نفس وهو يمد يده وياخذ الملابس ويطالع فيهم بصمت ، - مريم كانت جالسه في الفندق لوحدها وتكلم امها وفاتحه اللابتوب : وين يمه عبدالرحمن مو هنا هرب مدري وين ، خاله مُرنه : لوحده ولا معه احد ؟ مريم : اكيد مع امال من جيت ما عطاني فرصه اجلس معها، خاله مُزنه : وانتي يعني لوحدك! ي حسرتي كيف يتركك! مريم تنهدت : اوف من تفكيرك ي يمه وش فيه اذا لوحدي! يعني يكسرون الباب و يخطفوني! خاله مُزنه : كيف تاكلين وكيف تطلعين اكيد في عيال! مريم : شدخل العيال انا اطلع اكل و اتمشى يعني يجون يحضنوني وانا اكل! اف منك يمه ، - ناصر : قسم بالله ي ماجد انها هالسوسة طلعت هي تلحقه، ماجد بضحكه : خلهم ي ابن الحلال شفيك انت؟ ناصر : هو ماخذ اختي انا انشب لاخته ، ماجد بصدمه : يالوسخخخخ !! ناصر بضحكه : لا والله امزح بس اراقبها لا تنخطف، ماجد : اقول لو شافك الدحمي دفنك والله ، ناصر : ماعليك عطني اخبارك انت وش مسوي؟ ماجد : امي فجاه قررت تخطب لي ، ناصر بصدمه : بذمتك!!! ماجد بضحكه : والله وجايه الحين تقول انهم وافقوا ونرجع المدينة و احتمال و الله اعلم انه الخطوبه تصير هناك ، ناصر : اجل انا بعد لقيت عروستي اتزوج معك ، ماجد : ومنهي؟ ناصر ضحك وهو يحك راسه : يعني اخته ماهي ش..سكت من ماجد لعن خيره كان يضحك وهو يشوف ماجد يسبه ، - عبدالرحمن ابتسم وهو يشوفها تقطع الكيك والتفتت ناظرت فيه كان واقف جنبها و يده على خصرها وهي تقطع واخذت قطعه من الكيك ومدت له قرب وهو ياكل من يدها وناظر فيها وهمس : اهخخخ طعمه صارت احلى من يدك ، ضحكت وهي تسحب المنديل وتمسح يدها ، ناظر فيها ونطق : الليله تنامين بحضني برضاكِ؟ سكتت وهي تطالع فيه اخذ الكيك ومد لها قربت اكلت وناظرت فيه : متى نرجع قلت لي؟ اخذ نفس ونطق : بعد يوم بالكثير بس هاليومين ابي نقضيه مع بعض عشان ما اعلم إيلا عن حركاتك و تهربين ، عقدت حواجبها باستغراب : منهي إيلا؟ ضحك بخفه ونطق : حبيبتي السابقه ، سكتت وهي تطالع ابتسم وهو يناظر : اقصد بنتنا! استوعبت وهزت راسها بالنفي : مستحيل إيلا! رفع نظره وهو يسحبها : افا مو إيلا؟ من ودك طيب؟ ابتسمت وهمست : غيث ابي غيث بن عبدالرحمن ، ابتسم وهمس : ودك الليله؟ مفعولي قوي ماراح نتاخر ، انصدمت منه وضربته على صدره وهي تدفه : متى نرجع! ضحك وهو يناظر للبحر من شافها منحرجه وغير الموضوع ونطق : نصيد سمك؟ سكتت بهدوء وهي تطالع فيه وصدت وهي تبلع ريقها ، التفت عليها : تدرين احب السمك تسوين لي؟ سكتت وهي تناظر فيه وصدت وهي تاخذ نفس ، - عمر كان واقف التفت عليها من شافها طلعت من الحمام وهي تمسح دموعها سكت بهدوء وهو يطالع فيها ، هديل توجهت وهي تجلس على السرير وناظرت ملابس البيبي ع سرير اخذتهم وتوجهت وهي تفتح باب البلكونه و رمتهم من فوق ومشت بتدخل لكن مسكها ونطق : تبكين! التفتت لها ونزلت دموعها : ابكي لانك كنت نازل بصدري وشلون تنزل في مكان و تضره؟ مرات ترفعني للسماء وتحطني بين النجوم ومرات تكسر خاطري لين تكساني الهموم ! انت كذا تتعبني ي عمر ، نزلت راسها و دموعها تنزل سحبت يدها منها وهي تغطي وجهها وتبكي ، سكت بهدوء وهو يسمع صوت بكاءها ، غمض عيونه واخذ نفس ، هديل توجهت وهي تجلس على السرير سحبت اللحاف وهي تغطي بطنها ومدت يدها وهي تحسس بطنها و تلمس ونزلت دموعها وهي تبكي ، اخذت نفس و بلعت ريقها و التفتت له وهي تشوفه واقف بمكانه واقف بوسط البلكونه رافع راسه يناظر لشوارع باريس ضايع هو مو قادر ينسى بسهوله مو قادر يتقبل يحاول وكل محاولاته باتت بالفشل اخذ نفس عميق وهو يطلع من البلكونه ويقفله و رفع نظره لها وهو يشوفها تمسح دموعها سكت وهو يتوجه يسحب الجاكيت لبسه وطلع من الفندق طلع وهو يرفع راسه وغمض عيونه وهو يمشي بالشارع وضايع وغارق، ' عبدالرحمن كان يسوق متوجه للفندق : وش تاكلين؟ امال هزت راسها بالنفي : ما ودي بس فيني نوم ، ضحك ونطق : ما بتطير هالنوم متاكده؟ سكتت وهي تاخذ جوالها اول ما رن وناظرت للاسم كانت امها ابتسمت وهي ترد وحطت سبيكر : هلا يمه ، ام نجلاء : يا بنتي ساعه اتصل ليه ما تردين؟ امال : اسفه يمه والله ما انتبهت ، ام نجلاء : كيفك يا بنتي ومتى ترجعون تاخرتوا ؟ امال التفتت لعبدالرحمن ونطقت : يوم وحنا راجعين يمه ، عبدالرحمن نطق وهو يضحك : خالتي خلاص انسيها صارت زوجتي سرقتها منكم ، ام نجلاء ضحكت من سمعت صوته : كيفك ياولدي و رجع بنتي ما اعطيها لك بهالسهولة ، عبدالرحمن بضحكه : افا ي خالتي زين علمتيني عشان ما ارجعها لكن خلاص نستقر هنا في تركيا ، نجلاء كانت قريبه من امها اسمع واخذت الجوال وهي تحط سبيكر تبغى تسمع و ريما جنبها ماسكه نايف ، ام نجلاء : امال اشوف ساكته لا يكون راضيه ي يمه؟ امال فزت وهي تضحك : لا يمه والله ودي اجيكم الحين ، عبدالرحمن : تكذب عليكِ ي خالتي توها تقول خلنا نعيش هنا، امال ضربته وهي تحط الجوال على اذنها : يمه كذاب ماعليكِ منه راجعين بكره او بعده وش تسوين و وينها نجوله؟ ام نجلاء ابتسمت : هذا حنا ي بنتي نتجهز نروح المدينة الصباح ناقصنا وجودك بس ، - سُلاف ابتسمت وهي عساف على الارض قدام جوري يحاول يلمس يدينها يطالع فيها ويضحك وهمست : خلاص عاد بنتكم لولدي ، ام صقر بضحكه : اي امس ابوها كان يصارخ يقول عساف هذا يخرب بنتي عينه عليها ، سلطان رفع نظره : والله ما قليلة الادب الا بنته شوفي كيف منسدحه قدام الولد من حقه يتهور ولدي ، وضحك من ضربته سُلاف ، ام صقر : ياويلك اذا ابوها سمع ، بهاللحظه دخل يوسف ونطق : السلام عليكم ، سلطان ابتسم : اهلين يبه وعليكم السلام ، يوسف توجه وهو يشيل عساف وبيده الثاني يشيل جوري وجلس ونطق : كيفك يابنتي سُلاف وكيف ابوكِ ان شاء الله بخير ؟ سُلاف ابتسمت : الحمدلله بخير ي عمي ، يوسف ضحك وهو يرفع جوري و يبوسها وناظر لعساف الي كان يطالع فيه وقرب يبوسه ، سلطان ابتسم بخفه ونطق : ولدي غيور ي يبه انتبه تفرق بينهم راح يهاوشك ، - سوميه بصدمه : جالس في المجلس و يخطبني انا! الجده هاجره : اي ابوكِ قايل جاي مع الجد سُليمان الله اعلم مين هو و ايش السالفه ، سوميه تجمدت بمكانها من تذكرت الشخص الي شافها و لما رمت عليه الحلاوه توجهت دخلت الغرفه وهي تسب نفسها : ياربي كله منييي الحين يحسبني ميته عليه وكنت متعمده!! - دلال كانت واقفه تتجهز مشعل طلب من سعود يجيب زوجته وهو يجيب نجلاء و يروحون للبر يتعشون هناك و.. ' امال توجهت دخلت و انصدمت بتعب بعد ما غيرت فستانها وعبدالرحمن مشى لمريم يتطمن عليها ، امال سحبت اللحاف وهي تغمض انفتح الباب و دخل وناظر فيها و ابتسم : نمتي يقلبي؟ امال ابتسمت وفتحت عيونها وناظرت فيه : ما نمت ي حبيبي، ابتسم من نطقها لكلمة " حبيبي " وتوجه وهو يجلس ع طرف السرير وناظر فيها : خليكِ كذا دايم لا تقولين عبدالرحمن ، ابتسمت وهمست : بس انت عبدالرحمن! وانا هدية الرحمن لك وابتسمت وكملت : احبك ، ضحك بخفه وهو يقوم : الصباح لازم احلق لاني حلفت ، ضحكت وهي تناظر : ما اتخيل شكلك كيف بتصير. ضحك وهمس : كان الله بعونك ، وتوجه دخل الحمام يغير، امال ابتسمت وهي مبتسمه من حُبه وكلامه و اهتمامه ، اخذت نفس وهي تضحك رفعت نظرها وشافت طلع ، وتوجه ناظر فيها : جهزتي كل اغراضك؟ هزت راسها بـ اي : اشتقت للمدينة اهلي رايحين هناك ، سكت وهو يطلع الدخان من جيبه واخذ الولاعه يولع السيقارة، امال عقدت حواجبها بصدمه : تدخن! ناظر فيها ونطق : ع خفيف ، وتوجه عند الشباك يفتحه ، مشت له وقربت اسحب الدخان منه لكن مسك يدها و ابتسم ونطق : بسببك ادمنته بُعدك عني وصلني لهالحاله ، سكتت بهدوء وهي تطالع فيه ، صد وهو يكح ، همست بخوف : عبدالرحمن! التفت عليها وابتسم : عيوني ؟ اخذت نفس وهي تناظر فيه وهمست : لا تدخن اخاف عليك، ابتسم وهو يمد يده لخصرها ويسحبها له : دامك معي! وجنبي! ماعلي خوف ، سكتت لثواني و رفعت راسها تناظر فيه وهمست : طيب طفيه و ارميه مو قلت بتنام؟ هز راسه وضحك وهو يرميه ونطق : يلا تعالي طيب ، ابتسمت توجهت له انسدح بهدوء وهمس : بحضني! ضحكت وهي تقرب وحطت راسها على صدره ، ابتسم بهدوء وهي يدفن وجهه بشعرها ونطق : أخيرًا ! - عمر كان يتمشي بشوارع باريس ماهو عارف وين يروح وش يسوي مو بيده يغير قرار قلبه صعب ينسى غلا وهي اول حُب بحياته كان بين نارين والحين طيح نفسه اكثر من قبل طفله ولا هديل ولا غلا!مين يختار؟ صعب انه يختار او يتخير كل الامور ضده حتى قلبه ضده يحاول يغير نفسه فجاه يلاقي نفسه مشتاق لها يحن لها! يحس انه يمشي بطريق طويل ما يعرف وش نهايته لكن يحاول يمشي بهالطريق شعوره متناقض بين اي و بين لا ما يدري يتقبل واقعه ولا لا! سجد بليله مُمطره وتقبل كل اموره ولكن رجع لنقطة الصفر اخذ نفس وهو يرجع يتوجه للفندق فتح الباب و دخل ناظر فيها كانت نايمه ، توجه وهو يرمي الجاكيت من يده ويدخل البلكونه نزل راسه وهو يتمسك بحافة البلكونه اخذ نفس وهو يحس بضيق بوسط قلبه يحس حتى عروق قلبه ضيق عليه مو قادر يتنفس حتىعالم القصص والروايات 📚: نزل راسه وهو يشد على حافة البلكونه بيدينه من قوة ما شد حتى عروق يدينه بتنقطع اخذ نفس وهو يناظر بهدوء لا شعوريًا تجمع الدموع بطرف عيونه من حس انه مو قادر يسوي شي هو ضايع و ضيع الكل معه كل ما حاول ينسى و يتقبل قلبه يوقف ضده و يحن للماضي هو يحاول لكن محاولاته باتت بالفشل والرب يشهد ، نزل دموعه الي حرق خده وما قدر يمسك نفسه طيح نفسه على الارض و سند ظهره على الجدار و رفع راسه و دموعه ينزل ما وده يظلم احد معه والحين زادت همه طفل روح بريئ ينظلم بدون سبب ليه! هديل فتحت عيونها و رفعت راسها وهي تسمع انين شخص عقدت حواجبها وتوجهت عند البلكونه وقفت وتجمدت وهي تسمع صوت صوته ، كان ينطق : يارب يارب يكرر هالكلمه والدموع ينزل من عيونه نزل راسه يدفن وجهه بين ذراعه ، هديل كانت متجمده بمكانها و مصدومه اخذت نفس وهي تتوجه تدخل وقفت قدامه وهي تشوفه منزل راسه ، رفع راسه من حس فيها رفع راسه والدموع بعيونه ، هديل انصدمت منه انصدمت وهي تشوفه يبكي! كيف يبكي لاول مره تشوف رجال قدامها يبكي! انصدمت وهي تطالع وجلست على ركبتها بخوف ونطقت : عمر! عمر ناظر فيها : قلتلك اتركيني طلبت منك خليني ليه ما تركتيني! ليه يا هديل؟ هديل ناظرته بهدوء وهمست : ءءعمررر شصاير شفيك؟ عمر صد والدموع بعيونه : صعب ي هديل صعب انا وانتي صعب نمشي بنفس الطريق ! انا كل الطُرق ياخذني لها ! مقدر انساها انا وش ما سويت عشانها! ، ماكان مستوعب على نفسه غارق بحزنه ويتكلم بحرقة صدر ، هديل كانت مصدومه ، قرب وهو يطالع فيها : انا ايش ما سويت عشانها!! تركت حلمي رميت كل شيء ورا ظهري زعلت ابوي ولا سمعت كلامه هربت من الكل عشانها!! وهي تركتني! تركتني و راحت! ليه ما فكرت فيني؟ ليه ما فكرت كيف اعيش! هديل شهقت بصدمه و رجفت يدينها وهي تطالع ، عمر بدموع : مقدر اعيش بدونهااا مقدر ي هديل تكفين هديل قولي انتي وش اسوي! كيف اخليها تسامحني انا انا..سكت وهو يحط يده على قلبه بالم : يوجعني قلبي يوجعني هالبُعد والفراق انا ابيهاا هي ما ابي احد غيرهااا بحياتي ، هديل كانت ساكته و متجمده بمكانها وتسمع بصمت ، عمر مسك يدها : تكفين تكفين انقذيني انا اموت قاعد اموت ي هديل قاعد اموت انا ليه محد يحس فيني؟ ليه كلكم ضدي ليه محد يسمعني! و اشر على قلبه : انا كتمت كتمت كثير قلبي بينفجر محد حاس محد حولي كلهم راحوا كلهم تركوني لوحدي اصارع لوحدي تركوني ضايع انا ي هديل انا محد يرحمني محد..سكت وهو ينزل راسه ويبكي ، هديل نزلت دموعها وهي تسمع كل كلامه وشهقت وهي تحط يدها على فمها وتبكي من عرفت انه كان يحب و افترق! عمر ناظر فيها انها تبكي رجع نزل راسه وهو يضرب بيده على الارض : تعبتتتت انا تعبت والله تعبت يخي والله تعبت. هديل سكتت بصمت و دموعها تنزل و رفعت نظرها تناظر فيه وهمست : بسببي! حطت يدها على وجهها وهي تبكي وتهز راسها بالنفي وناظرت فيه : عمرررر ليهه كذااا ليههه!!! عمر كان ساكت وهو منزل راسه ويسمع بكاءها وصراخها ، هديل قامت وهي تبكي ومدت يدها وهي تسحب شعرها بقوه وتضرب بيدينها على رجولها و دخلت الغرفه وهي تبكي ومشت وهي ترمي اللحاف على الارض والمخدات : شسويتتتت انااا شسويتتت ، عمر التفت وهو يسمع صراخها ، هديل جلست على الارض وهي تهز راسها بالنفي وتبكي وحطت يدها على بطنها : طفليييي طفلييي ليهه ليههه سويتتت كذااا ليههه ، نزلت راسها وهي تبكي وتشد شعرها ، عمر كان جالس في البلكونه و يدينه يرجف قام بهدوء وهو يدخل ناظر فيها تبكي و تضرب نفسها و ترمي كل شيء حولها توجه لها وهو يحس بغصه وسط قلبه مو قادر حتى يتنفس مشى لها وهو يجلس جنبها ونطق : ءءاسف اسف ، قربت وهي تمسكه من ياقته : ليههه عيشتنيييي كل هذا ليهه عطيتنييي الحب ليهه وهمتنييي ليه ذليتنييي ليه ضربتنييي وانااا تحملت هالاهانة كلههه وانتتت سويتت كللل هذااا عشاننن وحده تركتككك!!! انااا ايش ذنبيي عمررر ايش ذنبيي الله يخليك قللل ايش ذنبي!! ايش ذنبي انا! بعدت عنه وهي تبكي وحطت يدها على راسها وهي تشهق ، عمر غمض عيونه بضيق وهمس : مالك ذنب مالك ذنب ، هديل كانت تبكي و تتشهق قامت وقفت و ركضت وهي تسحب شنطتها وتصارخ : مااا اجلسسس هنااا ما اجلسسس انا ، كانت ترجف و تشيل كل ملابسها وطاحوا من يدينها من قوة رجفتها ناظرت بـ يدينها وهي تشوف كيف قاعده ترجف كل جسمها يرجف مشت وهي تحط ملابسها شفايفها الي كان يرجف عضت شفتها وهي تكتم غصتها ، عمر كان يطالع فيها ومشى وهو يمسكها : هد..سكت من هديل التفتت له وهي تبكي وصرخت بكل قوتها : ليههه عمرررر ليههه سويتتتت كذااا ايششش ذنبييي اناااا ايش ذنببب طفلييي ايش ذنبه ايششش ذنبه الله يخليك قل تكلم ايش دنبناااا!!! حطت يدها على بطنها وهي تبكي ، وقامت بتمشي لكن عمر مسكها من ورا وهو يحضنها هديل كانت تحاول تبعده و تدفه لكن كان ماسكها بقوه ويبكي على كتفها ، هديل ببكاء : مابيك مابيك رجعنييي لابوي ، كان ساكت وهو ماسكها : اسف انا اسف ، هديل دفته بقوه : رجعنيييي لابوييي رجعنييي، عمر اخذ نفس وسكت بهدوء ، هديل ارتمت على الارض وهي تبكي ، - غلا كانت جالسه على السرير تتابع مسلسلها وبيدها الشبس تاكل و نزلت نظرها للكُتب وتنهدت بتعب : اوف تعبت وانا اذاكر ما اتحمل ، ' ماجد : ليه يصارخ عليها كذا! من اي حق؟وهي شدخلها عشان تهتم؟ انسانه زيها زي غيرها! نجلاء بهدوء : انت ما تعرف مشعل ما يسمع لاحد ، ماجد بهدوء : فهميه ي نجلاء لا يصارخ عليها كذا! نجلاء ابتسمت : ي عيني الي ما يرضى، ماجد ضحك بخفه وهو يصد : انقلعي، نجلاء دخلت وناظرت لـ ريما : حبيب القلب عصب ، ريما عقدت حواجبها باستغراب : مين؟ نجلاء : ماجد عصب ليه مشعل صارخ عليكِ ويقول فهميه لاعاد يصارخ عليها واضح الولد انجن، ريما ابتسمت بخفه وهي تحاول تخفي ابتسامتها، نجلاء مشت تتجهز مشعل بالطريق يجي ياخذها ، - صقر دخل البيت وهو يشوف ملاذ في المطبخ والبيت ريحة كيك عقد حواجبه وهو يتوجه يدخل ابتسم وهو يشوف ملاذ شايله جوري وتسوي كيك مشى عندها وهو يقرب يقبلها من خدها ونطق : اهخخخ وش هالريحة بس ، ملاذ التفتت له وابتسمت ومدت له جوري ، صقر اخذ جوري وهو يقرب يبوسها بقوه : ياروح بابا انتي ، جوري ناظرت فيه وهي تضحك صقر قرب وهو يعض خدها ، ملاذ قطعت من الكيك ومدت له و اشرت بمعنى ياخذ لبيت سلطان هز راسه بـ اي ونطق : هاتي ي عيوني انتي ، واخذ الصحن منه وتوجه وهو يفتح الباب ومشى لشقة سلطان وهو يدق الباب ، سلطان كان منسدح بالصاله وعساف بحضنه يتابعون توم وجيري و سُلاف تكنس الغرفه و طردتهم ، سلطان قام وهو يشيل عساف : تعال نشوف مين جاء ، وتوجه فتح الباب ضحك وهو يشوف جوري : ياهلا بزوجة ولدي جابت كيك هذي السنعه ، صقر بضحكه : اقول امسك لا اكسر راسك انت وولدك ، - نجلاء : يخي حتى ولو لا تصارخ عليها كذا! مشعل تنهد ونطق : ما صارخت انا! نجلاء : الا صارخت واعرف طبعك انا ، مشعل سكت وهو يوقف سيارته : طيب راح اعتذر منها. نجلاء ابتسمت ومدت يدها لـ دقنه : احبك ، مشعل ضحك و نزل من سيارته وقف وهو يشوف سيارة سعود ، نجلاء ناظرت لـ دلال كانت جالسه مع سعود يسولفون وابتسمت من شافتها وتوجهت لعندها ، وسعود مشى لمشعل وناظر فيها : ياهلا والله ، مشعل : هاه يالعريس كيف الامور؟ سعود ابتسم : والله بخير و هالاسبوع خلاص اختباراتي و ارجع لـ بريطانيا ، مشعل : زين فكرت بكلامي خذها و ارجع و كمل دراستك و اهتم ب مستقبلك ما ينفعك لا انتقام ولا حقد الموضوع كله نصيب الي ربك كتبه لك ارضى فيه وعيش حياتك ما تدري وش مكتوب لك في الخفا ارمي الماضي ورا ظهرك، - دلال ابتسمت : كيفككك ؟ نجلاء بضحكه : والله بخير انتي كيفك وكيفهم البنات كلهم يالله من زمان كان ودي اشوفكم، دلال : بخير والله حتى انا كان بخاطري اشوفك اول ما قال لي سعود علطول ركضت بس وينهم التوام ؟ نجلاء : ما جبتهم الاجواء برد ، قعدو يسولفون ويتعرفون.. بعد مرور زمني باختصار بعد اشهر طويل بعد رمضان وعيد الفطر وبقى القليل على عيد الاضحى كانوا في المزرعة " - نجلاء مشت وهي تطالع من الشباك العيال يعلقون اللمبات، ليلة عرس امال وعبدالرحمن والكل متجمعين في المزرعه، امال شهقت : بعد شهر عيد الاضحى و عرسنا اليوم! ريما بضحكه : لا و ناوين نرقص بعد ، نجلاء : ليتها دلال هنا تجننن والله حسافه راحت ، ريما بحزن : حتى جنان اوف اشتقت لها ، فجاه دخلت ام نجلاء : نجلاء جوجو تبكي ، نجلاء فزت و ركضت دخلت الغرفه وهي تشوف ملاذ ماسكه جوهره تسكتها و جوري على الارض تصارخ ، وعساف كان يركض و أخيرًا صار يمشي و تعالج علاج طبيعي ، ركض وهو ياخذ رضاعة جوري ويحطه بفمه سُلاف صارخت وسحبته : مو لك ي حيوان ، عساف ناظر فيها وقام يبكي من صراخها ، سُلاف ضحكته وهي تسحبه لحضنه وحطت يدها على بطنها وهمست : اوف القاه مني الي في بطني ولا من هالولد! جوري تمسكت بالسرير وهي توقف وتصارخ : مااااء ، نجلاء ضحكت وهي شايله جوهره تسكتها ، - عبدالرحمن بحده : ي غبي علق من هنا ع يسارك ، سلطان : كل تبن ي رجال تعبتني ، صقر بضحكه : ناصر اطلع انت و ساعده ، ناصر : وخر بس انا مهموم اختي تتزوج ما اسوي شي ، ماجد كان واقف يكلم العُمال يرتبون الفرش والكراسي ، يوسف : اخلصوا بسرعه وش تسون انتم ، عبدالرحمن كان واقف يراقبهم و يضبط كل شيء ، ياسر كان واقف بهدوء وفعلًا اقتنع بكلام ماجد و رضى بقضاء ربه و انسحب بهدوء وجوده زي عدمه ، الجد سُليمان كان شايل نايف بحضنه ، مشعل كان رافع ثوبه و يساعد ماجد بالكراسي ، فهد وقف وناظر : تعال ي ناصر امش نجيب عشاء ، ناصر تنهد وهو يقوم : جاي ي يبه جاي ، - سعود ابتسم وناظر لـ دلال الي رمت عليه الكوره كانوا يلعبون في الحوش سعود و دلال و جنان وباقي خواته ، سعود : دلال ارميه لي خلي زوجك يفوز ، جنان بضحكه : لا دلال ارميه لي انااا ، دلال ضحكت و رمته لسعود : كل شيء الا زوجي ، سعود ضحك وهو يرمي لها البوسه على الهواء : كفو ، جنان : خير ما تستحي قدامنا هالحركات! دلال ضحكت سعود توجه عندها : تعبت تعالي نمشي. جنان : دلاللل خليكِ معانا ، سعود : دلول انا زوجك هم ماراح ينفعونك! - هديل دخلت الحمام وناظرت بنفسها في المرايا وهي تشوف بطنها ابتسمت ونزلت راسها وهي تتذكر اخر كلامها لـ عمر ، " ما بقى لك في مشاعري مسافه اعتقد حنا وصلنا للاخير ماعاد ابي قربك ولا وصلك جيتك وانا ابي لفحه وضما واقفيت وانا كبدي ناشفة ' التفتت على صوت الباب و ابتسمت ومشت وهي تفتح الباب ' سوميه ناظرت فيها : تعالي جبت عصير ، ابتسمت وهي تطلع وتوجهت وهي تجلس على السرير واخذت منها كاسة العصير : تسلمين ياروحي ، سوميه ابتسمت لها وهمست : بتعيشين كذا؟ هديل سكتت لثواني ونطقت : لاول مره ي سوميه حسيت بوجود ابوي حولي و انه سمع لي و رضى بقراري و تركني اخذ قراري و ابعد عن عمر و اجلس عنده لاول مره حسيت بحنان الاب ووجود الاب وعرفت وش معنى انه يكون عندك اب يخاف عليكِ ويهمه سعادتك ما توقعت بابا يوقف معي ، سوميه رفعت نظرها لها وهمست : صح كلامك وانا اكتشفت من بعد عمير انه بابا يحبنا و يتمنى لنا الخير و يدور مصلحتنا شوفي دلال كيف مبسوطه و عايشه حياتها كانت متوقعه قرار بابا غلط انه وافق على سعود! وانا توقعت قرار بابا غلط انه وافق على عمير بس شوفي مبسوطه والله ، هديل ابتسمت : دعواتي لكِ انتي و دلال يارب يارب ما تجربون شعور الخذلان و تعيشون حياتكم مبسوطين الله لا يجيب اليوم الي تبكون فيه نزلت راسها والدموع تتجمع بعيونها وكملت وهمست : الله لا يجيب اليوم الي احد يرفع يده عليكم ، سوميه نزلت دموعها وهمست : تكفين هديل اعرفك قويه انتي مو هديل هذيك الي تطقطق و تمزح كبرتي كثير و تصيرين ام و ببطنك روح متحمله كل شي عشانه، هديل سكتت ومسحت دموعها وهي تحاول تغير الموضوع لاجل ما تنهار وهمست : وين كنتي قبل شوي ؟ سوميه ابتسمت : عمير اتصل يقول ابي احدد موعد العرس، هديل بضحكه : ما شاء الله من بعده اعترفت انه في حُب من اول نظره من شافك علطول ركض يخطبك ، سوميه ابتسمت : اي يقول الي يحب من اول نظره يدق الباب ما يدق الشباك بس تصدقين يقول حاولت كثير مع الجد سُليمان يخطبك لي وهو ما توقع انهم يوافقون و بابا يرضى بحكم انه وحيد وماله اهل بس الجد سُليمان يقول حاول كثير مع بابا ف رضى ، هديل ابتسمت : يارب طول حياتكم تعيشون مبسوطين ، سوميه : امين شوفي دلال الحيوانه ما اتصلت ! - عمر كان واقف بهدوء تغير كل شي بحياته مر شهور رمضان وعيد الفطر و امه و ابوه مو راضين عنه و ابوه طرده من البيت بعد ما ترك هديل الي طلبت منه البُعد تركها من عرفوا السبب طرده يوسف من البيت وبسبب اسماعيل الي قاطع علاقته فيهم و انقهر على الي صار لبنته ، عمر ماكان يتواصل مع احد غير اخوانه سلطان وصقر وعبدالرحمن الي ياما حاولوا معه يرجعها وحاول كثير لكن هديل رفضت و اقسمت انها مستحيل ترجع له ، تنهد وهو يدخن و رفع نظره وهو يشوف ظلمة المكان والظلمه الاكثر بوسط صدره عرس اخوه ومستحيل يروح ويحضر هالعرس اخذ نفس وهو ينفث الدخان ضيع عمره و.. " اعطيكم وقت تستوعبون وبكره توضح لكم الاحداث اكثر ، '#انتهى_الفصل♥ 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع الفصل التالي➥ ⇩⇩ ▇ـ▄▄▄💜▄▄▄ـ▇