طفلتي اليتيمه - *بارت14و15* *ليلة من فبراير* - بقلم لا اعلم فقط ناشره | روايتك

*ننشر جميع القصص والروايات*🤎🕰️ *حب 🤎🕰️* *حزن 🤎🕰️* *اكشن🤎🕰️* *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ https://whatsapp.com/channel/0029Vb5nySH77qVOUYY2kt3M *البارت14* *ليلة_من_فبراير* ☆☆ ☆ وشفادها ظلت مثل حظي الشمس تنطي ضوة بَس ماكو واحد رادها ❤️ منال ـ سالفة تحبيي ومن هالخراابيط موو عليية .. احجيييي شمصخمةة ويااه وانتي كل هالاياام مو علئ بعضج وحتئ اكلج قليـــــل لـــــــج اااحجي لا اذبحج هناااا والله العظيم دعاء ـ هاي شبيج ماما والله ممسوية شي والله العظيم ممسوية شي ـ هاي اخر فرصة الج تحجيين لو اخلص عليييج وحق ابوية بتربته اشنقج واكول شنقت نفسهه وانتحررت وماتت لج ااحجي لا تصخميين وجهــي نهاوند ـ منال متكدر تصيح بس لاوية ايد دعاء وتحجي وصاكه علئ سنونهه من يمي خفت منهه وردت اعترف عدنة تلفون ضامي هنا وبس نخابر بي ممسوين شي .. بس جنت مرعوبة خاف ترجع تعذبني مثل قبل دعاء كامت تبجي وتحلف ماعدهه شي بس امهه مدتصدك منال ـ و انتيي حيوانة اللخ.. احجـــي هاي عدهه شي وووية المعزززة قيس لو لاا احجيي شنو تعرفين عنهه ـ فتحتلي عينهه بغضب وخزرتني خلتني ارجف معرفت شنو احجي باوعت لدعاء فتحت عينهه تكلي لاتحجين .. عـ عمة والله ماعدهه شي اني وياهه نروح ونرجع بدربنة ماعدهه شي وية قيس والله العظيم ـ لـــج يالررعنةة لعدد ليشش متتتزقنبيين مثل الاوااادم ليشش حالج مخرربط من يوم الحادث لج احجيي ـ ماكو شي اني مقهورة ـ لج لــيش مقهوورة شنوو صاير وانقهرتي عليه هيـــج مو دكولين ماااحبة ولا اعرررفة شنو هالقهرر لعد لااا ماكدرر اصددك ماعندج شيي ويااه روحي احجييهه لغيري قنعي غيري مو تقنعيين امج مناال مستحيل ماعندج شي وياااه ماصدك اني اعرف هالسوالف واعرف هالحالات وادري شنو وراهه مصايب لج احجي شمسووويلج خليني اتلاحك اذا اكو شــي ـ عووفيني عاااد ياا ااامي ممسويلي شــــي ممسووييي شــــي وااالله ـ تعاااي ـ وووخررري عنيييي ـ منال ماصدكت كلامنة وتعصبت علئ دعاء ولزمتهه من شعرهه وتفر بيهه بالغرفة طلعت دعاء تركض مهزومة ومنال وراهه واني ركضت وراهم وصلت دعاء يم الدرج ودتنزل ومن نص الدرج اتزحلكت وكعت وكامت تبجي وتصرخ نزلنة نركض عليهه ماعرف ايدهه شلون هييج صارت ملوية منال كامت ادك وتلطم واني ارجف ماعرف شسوي طلعت منال تركض لبيت ام عمر تستنجد بيهم واجوي الولد واخذوهه بسيارتهم منال ـ ديري بالج تحجين شي لاحد ترة اكص لسانج ـ لا عمة ما احجي شي والله.. ـ دخلي للبيت يم الولد وديري بالج تطلعين ـ هزيت راسي يعني اي مادري شبية اخاف احجي ضليت بالبيت لوحدي وية ولد عمي ناصر.. شوي وعافوني وطلعو بالشارع يلعبون .. كعدت لوحدي بالهول دقايق والباب الداخلية اندكت عرفت هاي ام محمد .. ام محمد ـ ها نهاوند .. شنو صاير شبيهه دعاء ـ وكعت من الدرج وايدهه كامت توجعهه ـ ليش وكعت ؟ قابل اول مرة تنزلون منه لو مصاعدين عليه؟ وبعدين هو درج صبابة وقديم هسة لو كاشي نكول اتزحلكت ـ مادري عمة ـ متدرين لو متريدين تحجين ارشد ـ ها شكو خير ام محمد ـ بنت ناصر واكعه من الدرج وايدهه يمكن انكسرت واخذوهه بيت ام عمر بسيارتهم ـ ادري ليش ماكلتولي اني مو موجود هنا ليش رحتو للجوارين ام محمد ـ عادي يمعود انت او بيت ام عمر نفس الشي .. بس السؤال اليطرح نفسة ليش وكعت من الدرج! ـ شنو ليش وكعت من الدرج بلة هذا سؤال؟ ـ اي يعني درج صبة وقديم قابل كاشي موزاييك لو سيراميك حتئ يزحلك وتوكع هيج ـ هو لان درج صبة وقديم ومحفر يعثر ويوكع .. متتذكرين شكد بناتنة وكعن منه ـ اهوو دائما توكفلي سجينة خاصرة وبعدين اي صح بناتي وكعن منة بس محتاجن طبيب لو مستشفئ يوكعن منا يكومن منا .. بس شوف شنو صاير وليش هيج واكعه هالوكعه ارشد ـ عاد انتن النسوان بكل شغلة تخلن أن بالموضوع امشي يمعودة صعدي لابنج لا يوكع من الدرج.. ـ اوووف رايحه ما استر اسويلي شغله تعرضلي بيهه.. ـ عمو نهاوند وين راحو يعني وين اخذوهه ..ماكالو ـ لا عمو مادري ـ هسة اخابر واشوفهم وين ـ طلع بالكراج وخابرهم ماسمعت شنو حجئ وياهم بس شوي ورد صعد فوك البيته كعدت بالهول لوحدي .. مادري شبيه ضايجة ومقهورة واريد ابجي سمعت صوت عمة كميلة تضحك وية جهالهه وديلعبون اخذني الفضول ورحت وكفت يم الباب مالتهم جانت باب غرفتنة سابقا وهسة سدتهه وخلت كنتور عليهه اتصنت عليهم شلون يلعبون وهي تلعب وياهم وماعرف ويامن تحجي بس جانت كلش فرحانة وخربانة ضحك اتذكرت امي من بابا مات ابد ماكامت تضحك بصوت عالي ويانة اتذكرت الكياكات الجانت تسويهه الي ولاخواتي وتعلك النة شموع وتقشمرنة عود يوم عيد ميلادنة واحنة فرحانات اتمنيت ادخل يمهم واعيش وياهم حسيت حياتهم حلوة مو مثل هنا عبالك حياة بدون روح كلش مفتقدة للجو الاسري الجنت عايشة بي وية امي وخواتي عفتهم وصعدت للغرفة فوك اتمددت بفراشي بالكاع يم الحايط وهمين سمعت اصوات بيت عمو ارشد ابوهم يضحك وية بناته وابنة اصواتهم عالية بالضحك يمكن ديلعبون خليت اذني علئ الحايط وبقيت اسمع سمعت عمو ارشد يكول ميع ميع وحمودي يكركر من الضحك اتذكرت بابا من جان يشيل الحان ويلعبهه حمال باجي ولو يزحف علئ رجليه وايديه بالكاع ويكول ميع وخواتي صاعدات علئ ضهرة كمت اشهك وابجي والله اشتاقيت لبابا وماما وخواتي ليش اتفرقنة هيج هسة لو بس ماما باقية جنة عايشين بنعمة جبيرة وياهه ماحاسين بيهه بس هسة حسيت بهاي النعمة مسحت دموعي وبقيت كاعدة بمكاني احس بيت عمو ارشد وبيت عمة كميلة دافي وكله حيوية واللوان وحلو اكيد الكعدة وياهم حلوة بس بيت عمو ناصر عبالك مابي الوان بي ابيض واسود مابي روحلا عدهم جو اسري بيناتهم ابد موحلو ابد سمعت باب البيت انفتحت كمت من مكاني ونزلت اركض شفت دعاء ايدهه لافيهه وعيونهه مورمة بجي كعدت خاله ام عمر بالهول ونزل عمو ارشد وعمة ام محمد كعدو يمهه ارشد ـ ها عمو سلامات شبيج منال ـ والله الدرج صاير كلش تعبان لو عندي فلوس الا افلشة واسوي غيرة ام عمر ـ ديري بالج عليهه ام وسام لا تضغطين عليهه بالاكل ـ لعد شلون يا ام عمر تقبلين تشوفين ولدج مياكلون غير من خوفي عليهه هيج حجيت وياهه ارشد ـ هاي كلة لان ما اكلت ؟ ـ اي صيحت علييهه حتئ تاكل بس هية المضروبة زعلت ونزلت تركض واتكربست من الدرج انوب .. يلة الحمد لله رض بالعضام ولا كسر ام عمر ـ اي بس الله ستر شوي ويصير كسر ترة ايدهه كلش متأذية ام محمد ـ هو منو اله نفس ياكل يا ام وسام صدك تحجين انتي ؟ هذني بناتي كفليج الله من يوم المصيبة لكمه ميخلن بحلكهن ممرودات مرد علئ عمتهن شفاء وبنتهه وعمهن توفيق وولد عمتهن سهير .. ليش الراحو قليل وفوكاهه كلهم بيوم واحد خليهه علئ راحتهه تاكل لا تضغطين عليهه خطية ام عمر ـ اي والله صدك ترة حتئ احنة نفس الشي والحمد لله احنة ماراح من عدنة احد بس الشهية مسدودة والله الاكل يبقئ يومين تلاثة يلة يخلص نهاوند ـ كلنة ملتمين بالهول وكاعدين يسولفون بيناتهم وصاح عمو ارشد .. ارشد ـ بلة هاي كل عقلهه اسمعو شلون واصل صوت ضحكتهه ليمنة… منال ـ ديلة بلة العالم مخبوصة ومتشتهي تاكل ومخلصتهه بجي وهاي ولاجن رايحلهه رجال شطولة وشعرضة منهه وميتم ولدهه .. نهاوند ـ محد حجئ من الموجودين بقو واحد يباوع علئ اللاخ.. منال ـ بشرفكم بضميركم اذا عدكم ضمير هاي شكول وحدة لازمة عده؟ ارشد ـ لا اصلا بالعكس ميكفة وفرحانة مات اخوية خلصت منه ام عمر ـ شكلبهه كميلة ماجانت هيج ام محمد ـ كثر الدك علئ الحديد يفك لحامة ام عمر .. ترة السواه المرحوم وياهه مو قليل ارشد ـ شسووة؟ راد يتزوج وهذا حلال الله حلله الة تجن انتن تحرمنه! ام محمد ـ منحرمة يابة بس من تكفييني اني وبناتي وابني وتعيشنة خوش عيشة ابيت مال اوادم ملك الي ولجهالي ومستورين عود روح دور الثانية.. محد لازمك ام عمر ـ شنو هاي انوب انتو راح تتعاركون ارشد ـ شبيج اخذتي علئ نفسج منو كلج اتزوج عليج ـ ومنو كلك اني دحجي عليك؟ كاعدة احجي بشكل عام منال ـ حتئ لو متزوج عليهة مو هيج تسوي كدام جهالهه ترة مابقت حرمة لابوهم و ولدهه كبار مو صغار وكلشي يفتهمون يعني ابوهم ماصارلة شهر وهي مخلصتهه تگهگهه وضحگ شنو دافنين راس بصل ارشد ـ اي والله منال ـ عمي علئ الاقل تحترم البيت الكاعدة بي ترة هذا بييت ابو مو بيته هو يعني لازم تقدر احنة وخوته مقهورين عليه .. مو بلة ابو محمد ؟ الجوارين التسمع شدكول ماصدكت مات اخوكم حتئ تلعب بذيلهه ام محمد ـ عوفي ابو محمد علئ جهة حبابة… عود من يطلع ناصر بالسلامة احجيلة وخلي يروح يوكف بوجهه ليش تريدين تخلين ارشد بوجه المدفع ـ لان يكولون هو الجبير بهالبيت بعد عماد .. مادري يمكن جذب ويطلع صغير الگوم رجلج ارشد ـ ادري هسة انتن دتمدحن بيه لو تحجن عليه ؟ اني شدخلني بالنص منال ـ كيفك بعد شلون يفسرهه عقلك ام محمد ـ دروب منال كلهه اعرفهه دائما تريد تحشم الناس ضد التكرهم .. بس عيني ام وسام حبيت اكلج شغلة ترة اني وكميلة مابينة شي والبارحه دزيتلهه طبخ ونزلت تعللت يمهه بالليل وبالنسبة الي ماشوف شي غلط بتصرفاتهه يعني واذا زوجهه مات لازم تدفن نفسهه هية هم؟ ارشد ـ ها؟ هيج الحجي ـ اي عيني هيج الحجي اشو انتو بالفاتحه وادورون بحجة متكدرون تعيشون بدون المرة لان عدكم جهال .. وكميلة دتضحك ابيتهه ماطالعه بالشارع كاعدة ولازمة عدة المرية وممدخلة غريب عليهه ولا طالعه يم غريب هي حتئ يمنة متجي تكعد علمود ارشد تكثل عيب يعني شتريدون منهه الا تدفن نفسهه وتبقئ تبجي وتنوح وتورم عينهه يلة تسموهه ذاك الوكت وفية؟ ارشد ـ لعد شلون يصير الوفاء من وجهه نضرج؟ ـ هسة عاد انتو شلونكم وخصوصا توفيق الله يرحمة وو منريد نحجي تذكرو محاسن موتاكم بس بخطية علئ عينهه وجان ديتزوج عليهه وهية وحارك كللبهه وماذيهه هي وجهالهه وترة المرة مابيهه قصور حلوة وشابة وجايبتلة جهال ولد وبنات شيريد بعد اكثر الرجال من هيج وكل هاي وراح شاف علئ غيرهه صدك بعض الزلم متملي عينهم غير التراب منال ـ ههههه منو حلوة هاي ام اربع عيون .. عودة المطيرجي شلون تشوفيهه حلوة ام عمر ـ لا اني هيج غيبة ونميمة ما اتحملهه.. شنو هالحجي ياجماعه اشو حتئ الميت ماخلص منكم.. اعذروني ماكدر اضل اكثر اترخص منكم اروح لبيتي لان عفت ابو عمر بالببيت وحدة ام. محمد ـ اي والله شوفي شلون خلتنة نشيل بهالغيبة هسة احنة ناقصين ذنوب منال ـ هااا اني شيلتج غيبة عشتو منو كلج سمعي نهاوند ـ راحت ام عمر وضلو كلهم كاعدين وكل شوي تتعلك عيطة بين منال والبقية عافتهم دعاء وصعدت فوك وصعدت وراهه شلونهه ايدج هسة ـ كلش توجعني عندي رض من المفصل بس هواي اذتني ـ زين كعدي ليش واكفة ـ اكلج وين التلفون ـ هنا بين الهدوم خليته ـ ادري شبيج هيج غبية لو وسام لاكيه غير تذبحنة امة وتذبنة للجلاب .. قفلي الباب وجيبي ـ طلعت التلفون وقفلت الباب ورجعت يمهه .. شتريدين تسوين عليمن تخابرين ـ اني الهه الا اخليهه تندم علئ السوتة بية ـ عزا هاي عليمن تحجين ـ علئ منال يعني عليمن .. تريد تصير براسي شريفة واني اعرف كل خيستهه ـ عزاااا هاي امج وج شلون هيج تحجين عليهه ـ حرام مرة ابوج ازدهار احسن منهه امي شنو.. بس تعرف تتأمر وتضرب ـ ليش مو متخليج تشتغلين بالبيت وتخاف عليج وتريدج تاكلين وكلشي تجيبلج وتتشريلج ـ اي وشنو يعني قابل مسوية فضل عليه غير هية امي .. وبعدين مو هيج تسوي بية تتهمني عندي شي وية قيس وتضربني وتفرني من شعري وتالي تركض ورايه وتخليني هيج اتاذة هسة لوعندي شي جان اللطمت وسكت بس ماعندي شي وتذب تهمه عليه ومتصدكني فوك القهر .. شوفي بنات عمو ارشد شلون امهم تعاملهن .. والله نيالهن احسدهن من عقلي وج ابد متضربهن ولا تكتلهن ومددلتهن فد مرة ـ اي صدك هية هواي تكتل وتضرب وحتئ تجوي بالنار .. رفعت ايدي وفركتهه حسيت بجوياتهه انعادت عليه ـ اي شفتي .. تريد تحرمني من الحب وهية نفسهه حبت خمستالاف مرة حبت واحد جيرانهم وماقبل يتزوجهه تحلل علئ نفسهه وتحرم علينه ـ جيرانهم ؟ استغربت من كالت جيرانهم.. الاعرفة بيت منال بغير منطقة يعني بعيدة مو جيران بيت جدو .. ـ اي جيرانهم وجان متزوج وعندة جهال بس بعدين اجتي مرتة لهذا الرجال وسوتلهه مشكلة جبيرة وبيبي كتلتهه وكعدت ـ عزا هاي هية حجتلج؟ ـ لا هي تحجيلي شنو بس اسمعهن من هي وخالااتي يكعدن يسولفن وعبالهن احنة نايمات .. اصلا لعلمج هية مو بس هذا حبت حتئ حبت ابوج همين وماقبل يتزوجهه لان هية اكبر منه ـ سويت نفسي متفاجئة من الخبر بس انعكد لساني معرفت شحجي وياهه ـ والله هية وخالاتي خلصنهه حبيات بشبابهن وجاية هسة تبعيهن عليه وتحجي بالشرف وكسرة الوجه والله الا اكسر وجهه والا انتقم منهه من صدك علئ هالضرب ـ عزا دعاء شتريدين تسوين يمعودة وج والله تموتج ـ خلي تموت اوي علئ اساس فد عيشة حلوة. احنة عايشين.. والله لو قيس اتزوج لو ما اخذ غيرة ـ انتي ليش مجلبة بي هيج ـ شنو ليش مجلبة بي غير احبة ـ اي بس تتذكرين بعرس اخو ام محمد مو حجيتي وية غيرة صديق العريس يعني عادي عندج تاخذين غير قيس ـ ولج ياغبية عصفور باليد احسن من الف علئ الشجرة ـ يعني شلون ـ قيس راح يسفرو خارج العراق اختة حنان راسلتني قبل يومين واذا اتزوجنة هالفترة راح اسافر وياه واااخلص ـ تسافرين وياه؟ ـ اي ولج اسافر واتفرج علئ الناس شلون عايـــــشة واطلع واتوونس واتشرري وافترر واخللص من منال وضربهه الي ـ بس هو قيس منو يكول يكدر يتزوج هسة يعني خطية ماعندة رجلينات ـ اووف اي .. وبعدني ما اكدر احجي وياه كلتلهه لحنين بس يطلع من المستشفئ تخابرني حتئ احجي وياه واكلة نتزوج شلون ماجان واسافر وياه… الله نهاوند اسافر واطلع اتونس اروح افتر بسوريا واشوف سوگ الحميدية وجبل قاسيون وجرمانة وهالاماكن المادري شسمهن بعد ـ هاي مين تعرفيهن هالاسماء ؟ ـ غير من الحقيرة روان خابصتني بيهن عود هية رايحه ومسافرة وتفتر هناك وتتفيك عليية ـ منو روان ـ لج بنت خالي رووان هذاك اليوم بالفاتحه اجتي ماشفتيهه ـ لا مادري مانتبهت ـ احسن لاتشوفيهه شكلهه مثل القردة شكد اكرهه الجلبة الحقيرة .. بس احسدهه علئ ابوهه وامهه شكد حلو اخذوهم وسافرو لسوريا يتونسون سنتين بقو هناك وهسة رجعو وبقت تتفيك علية اني مسافرة واني مفترة بالسوك واني رايحه واني احجي سوري واني مدري شنو .. الله ياخذهه مبخته قابل مثل حظي المصخم عدهه اب مثل ابوية لو عدهه ام مثل امي حابسينة هنا مثل الجلاب سفرة مثل البشر ميعرفون يطلعونة ويرفهونة ـ ليش مو ذاك اليوم اخذوكم وطلعوكم بالسيارة ـ اي وشنو يعني طلعونة بالسيارة قابل سفرونة بفد مكان حلو مثل البشر بابا انتي كلشي ماشايفة بهالدنية ولج هاي روان شوفتني اشكال الصور رايحه للشمال وللبنان مفترين فر وهسة عود يريد ابوهم ياخذهم لتركيا .. اوووف شكد اكرررهه اموت منهه ولج ابويه خارج بغداد ممطلعنة ملطومين هنا ومحبوسين واضاهر راح نندفن هنا همين شوكت نعيش مثل باقي البشرر شوووكت ـ اي هم صدك… منال ـ ويـــــنج دعاااء نهاااوند انزلو جوة ليش مطمورات فوك دعاء ـ اوووف شوكت اخلص عاد والله ملييت ـ امشي امشي خلي ننزل لاتجينة ـ روحي انتي اني دزت مسج لحنان بس ماردت علية بعدهه .. ـ زين اذا كالت ليش ما اجتي ـ كليلهه نامت تعبانة وج تعاي تعاي هذا مازن راسلج ـ لالا عفية مو وكتهه ـ راح اطفي التلفون عود شوفيلة حجة من تحجين وياه .. هاج ضمي التلفون بالكنتور بسرعة منال ـ وويـــــنجننن نهاوند ـ اي عمة اجيت .. شمرت التلفون بالكنتور ونزلت اركض ـ وينهه ؟ ـ نامت عمة خطية تعبانة ـ استغفر الله ماردت أئذيهه غير خايفة عليهه.. امشي وياية ساعديني عندي هدوم متلتله راح اغسل وانتي شريهن ـ اي .. ـ والمواعين ليش ماغسلتيهن من طلعنة ؟ ـ ها .. مادري نسيت ـ نستج العافية بنت الكلب تبقين خايسة علئ امج .. امشي يلة جلفيهن .. ـ اي هسة ـ ورتبي الهول ومسحي الكاع عمج الافندي مينزع قندرتة قبل لايدخل لا لازم يدخل هو صخامة وترابة للبيت شوفي التراب والطين من رجليه ـ اي عمة .. رادت تروح تغسل الملابس بالغسالة بس ماعرف منو خابرهه وكلتلي روحي انتي غسليهن .. حرت مين ابدي.. رحت للغساله فتحت المي عليهه ورجعت للمطبخ غسلت المواعين ورحت للهول نضفت حسيت ضهري انكسر .. جنت افكر بكلام دعاء شلون تفكير حلو تتريد تتزوج وتسافر وتخلص حتئ تطلع تتونس الله نيالهه شوكت اني هم يتقدملي مازن واسافر اني وياه من دولة لدولة والبس احلئ لبس ونفتر بالسوك وكلشي نشتري اووف .. سمعت صوت الغسالة صار عالي رحت اركض .. عزا هاي اني شسويت الغسالة تفايضت بالمي هسة تجي تموتني والله .. انكسر ضهري يلة كملت شغل صعدت للغرفة خليت نفسي علئ الفراش وخمدت.. مر كم يوم وطلعو عمو ناصر من المستشفئ .. وسمعت عمة سهير همين طلعت واخذهه زوجهه منال انخبصت بي حطلته الجرباية مالت دعاء بالهول حتئ ينام عليهه ودعاء كامت تكمز متقبل ياخذون جربايتهه .. بس ماهتمت الهه فتحتهه هية وسام ونزلوهه تكول حتئ الناس اليجون يشوفو هنا خو ميروحون لغرفته جابو شايلي ودخلو للبيت اشوفه ملفلف ومتأذي .. اتذكرت ابوية من جابوه من المستشفئ همين هيج حاله كلش حنيت عليه ورحت كعدت يمه بس هو ماهتملي جان يون انكسر ضهري بهالفترة هواي ناس اجو يشوفو كومة خطار يجون وكلهم زلم كبار بيهم اصدقاء وبيهم كرايب واحنة شايلين صينة وحاطين صينية وكل هاي المواعين علية والتنضيف وغسل الهدوم همين عليه لان منال التهت وية ناصر متسوي شي بس تطبخ وتصب الاكل.. حسيت جسمي اتفلش بعد مبية حيل ستوني خلصت غسل المواعين وصعدت اتمددت بفراشي .. صعدت منال جايبة اكل لدعاء ودفرتني ـ كوومي اكو حمار هالوكت يخمد.. كومي مسحي الهول طلعو الخطار ـ عمة والله تعبانة جسمي تفلش وراسي يوجعني خلي باجر الصبح امسحه بعد مبية حيل هسة عاطت بية عيطة قوية وكلتلي كومي راسا كمت ابجي منال ـ شبيج تعوين انوب ؟ ـ عمة والله تعبت جسمي كلش يوجعني وايدي ورجلي متشنجات ـ وطبج مرررض فوك مررض ترة كاعدة تشتغلين بلكمتج هنا قابل فاتحة ملجأ ايتام حتئ اصرف علييج بلوشي .. ويلة امشي مسحي الكاع كطف الجكاير وتراب متناثرة بكل مكان ااامشي عاد ـ مسحت دموعي وردت اكوم بس صدك مبية حيل بقيت شوي كاعدة بمكاني مبية اتحرك اتخبلت منال وعبالهه دة اعاندهه لزمتني وملختني كتل وفرتني من شعري… ـ لج ااااادبسزز اني تعاانديني ـ مو اعاند بس والله تعبانة ـ اليووم اااني ارربيج ااني ااالج لج ميكفي متحملتج ومنيمتج بنص اولاددي لج كلهم شمرووج عليية محد يريدج منهـــــم منوو بيهم يتحمــــلج مثلييي ارشد افندي هو ومرتة لو كميلة خااتون لج لو ما انــــي تنشمرين بالشااااررع مثل الجلااااب يا ادبسززز ياساقطة ـ خرسيت ماعرفت شحجي من الدفر والضرب سحلتني من شعري واخذتني للحمام وهي تكفخ وتكتل بية شالتني شيل من شعري خلتني اوكف علئ اطراف اصابعي وشغلت مكينة وزينت شعري صفر حاولت اوخر عنهه بس لزمتني من رقبتي واضافرهه نبتتهن بلحمي غمضت عيني من الوجع عبالك شعراية دخل بيههن ـ عانديني بعد يبنت رحمة الخايسة خااف نسيني ايام الشوراع الدحتي بييهه واكلتن من الزباااله والله ارجعج الهه لو اشنقج واكول انتحررت وانعل ابوج لابو اهلج يابنت الكلب ـ شمرتني بالكاع وطلعت اباوع لشعري بالكاع مطشر.. جسمي كلة يوجعني راسي احسة يريد ينفجر لزمت رجلي وايدي وكمت افرك بيهن هاي شعدهه وية شعري ليش هيج تسوي بية قبل فترة كصته ولادي وكوة طول وصرت مثل باقي البنات و هسة ردت زينتة صفر اشوف لشعري وابجي ماعرف علئ شنو ابجي علئ وجع جسمي لو علئ تعبي لو علئ شعري لو ابجي علئ حظي لو ابجي لان ماعندي اب وام يحموني من هالظلام.. الشعر كام يحكني من وكع علئ جسمي سديت الباب وسبحت وطلعت دعاء ـ ادري ليش تعانديهه شنو انتي ما اتعودتي علئ امي ـ اباوع لدعاء كاعدة وتكلب بالستلايت بايدهه الملفوفة .. حقدت عليهه وكمت ابجي لان كلما امهه تكلهه سوي شغله تكلهه ايدي توجعني ماكدر وامهه تعوفهه وتجي براسي بس هية عادي كاعدة تستعمل ايدهه مبيهه شي.. ادري مو ايدج مبيهه شي كومي اشتغلي وياية بالبيت والله تعبت وهلكت وفوكاهه من احجي انضرب وتالي هيج سوت بية ـ سمعي ولج اذا تحجين شي لامي اكوللهه عن مازن واخليهه تشوف شغلهه وياج ـ عزاا هاي شبيج ليش تهدديني ـ لعد شنو هيج تحجين وياية ؟ قابل انتي امي حتئ تكوليلي كومي اشتغلي.. وبعدين صدك ترة انتي ساكنة ابيتنة وكاعدين نصرف عليج من فلوسنة اقل شي تسويه النه تشتغلين بالبيت قابل الشغل يموت شنو نستي شلون بقيتو بالشارع يومين متلطمين انتي وخواتج هسة كمتي تتبطرين علئ نعمتج .. ـ شبعت بجي من حجيهه.. خليت ربطة علئ راسي وعفتهه ونزلت جبت السطلة ووصلة المسح وكمت انضف .. ادري الخطار اليجي ليش يشمر الزباله ليش كطوف الجكاير وقواغد الجكليت بكل مكان مو هاي نفاضات يمهم وفوكاهه تراب بأحذيتهم اي ليش مينزعوهه بالباب ميكولون هذا الي ينضف خطية .. شافني ناصر ابجي وعيوني حمرة بس ما اهتم ولا حجة ويايه.. كملت شغلي وصعدت فوك نزلو جوة وسام واخوته وبقيت اني ودعاء دعاء ـ تعالي شوفي مازن شدزلج ـ ركضت شفت شنو دازلي .. مسج مكتوب بي.. احبج اشتاقيتلج شوكت اشوفج خابريني مشتاق لصوتج ـ باعي لاتكولين اله زينتج امي صفر ترة يعوفج ـ لعد شلون اذا اجه خطبني اكيد راح يشوفني ـ لالا ضمي نفسج لبسي ربطة بين ميطول .. اكلج ليش هو شوكت كال يجي يخطبج ـ لا ماكال .. هيج كاعدة احجي بكيفي ـ يمعودة مثل حالي شفتي حنان شدزتلي قبل شوي ـ شنو شبيهه ـ تكولي امي تكول مو وكتهه نزوج قيس احنة بيا حال منا ابني الجبير مات ومنا قيس هيج حاله عود خلي يطيب والله كريم منا لسنة سنتين .. شفتي حظي الفكر ـ لعد شلون شراح تسوين ـ شنو شنو اسوي .. عشتو .. قابل اضل عليهم انتضرهم كل هالسنين عبالي راح اسافر وية قيس واعيش حياتي مثل البشر بس الافندية يريدون يسفرو وبعدين يفكرون يزوجو .. وبعدين صدك شكو اخذ واحد رجليه مكطومة ـ ذاك اليوم جان تفكيرج غير شكل وامج كتلتج لان بس تبجين ـ اي يسمو حب مراهقة خالتي حجت ويايه من تلفون امي تكلي هذا حب مراهقة مو حب من صدك .. ـ يلة الله يعوضج بالاحسن منه ـ اي ان شالله يعوضني .. لان هسة خابرت علئ رشيد ـ عزة رشيد منو ـ لج صديق العريس اخوهه لام محمد الشفته بالقاعه ـ عزا ليش انتي اخذتي رقمة ـ هههههههه اي شفتي شلون نفعني بوكت العازة... تعالي شوفي شرسلي ـ اتقربت يمهه شفت دازلهه كارت رصيد اكلج يعني هذا راح يتزوجج لو لا ـ اي اكيد يتزوجني لان كلي احبج تدرين شنو يكلي ـ شنو ؟ ـ يكلي شكد كبرتي بعيني ماخابرتيني بسرعه شكد صار للعرس وهسة خابرتي يعني انتي بنية ثكيلة شفتي شكد كبرت بعينة اكيد راح يجي يتزوجني ـ زين شوكت ـ اكيد مو هسة همين يحتاج وقت وفترة تعارف ويجي يخطبني بعدين .. ـ صفنت عليهه شكد فرحانة وتحجي مكيفة مدحهه رشيد .. حجيت بكلبي دعاء جابت اثنين حتئ يخطبوهه واني واحد ما دة اعرف اجرة هالغبي مازن شوكت يخطبني مادري.. مرة الايام ورحنة للمدرسة نستلم النتايج اني طلعت مكملة بالفيزياء والانكليزي ودعاء طالعه باربع دروس فيزياء وكمياء ورياضيات وقواعد من عرفت اني مكملة دكيتهه بجي حسيت ماراح انجح لان هالدرسين كلش ضعيفة بيهن جانت امي هية ادرسني هسة منو يدرسني .. بهالايام عمو ناصر كام شوي يعتمد علئ نفسه يكدر يتوجة ويكوم يروح للحمام بس الخطار ما انكطع عن البيت وكلما يجون الناس يسدون الباب الداخلية والباب الثانية حتئ منشوفهم ما اسمعهم شيحجون بس اسمع دوي سوالفهم واصواتهم جنت واكفة بالنطبخ اغسل مواعين العشة ويمي دعاء دتاكل فواكه اجتي منال كعدت يم بنتهه واخذت موزة منال ـ انتي مو تعبتي من الشغل وجسمج تفلش وبعد مبيج حيل تتشغلين يا نهاوند ـ التفتتت عليهه اباوع بخوف .. ها .. لا ـ لا لاتخافين لا تخافين .. قررت ازوجج حتئ ترتاحين دعاء. ـ شنووو تزوجيهه قبلييي صدك تحجييين ـ كلمن وقسمتهه لا تنجلبين… ـ اني اكبرر منهه غير اني اتزووج ـ هاي تصير بين الخوات مو بين بنات العم يالغمة الثوولة.. وبعدين هية مكملة يعني خايبة بالدراسة وكلشي ماكو وفوكاهه يتيمة لا اب ولا ام ولا بيت مثل البشر يلمهه خليهه تتزوج ونخلص منهه نهاوند ـ اتزوج؟ ـ اي اتقدمولج ناس وراح ننطيج *البارت15* *ليلة_من_فبراير* ☆☆ ☆ لا تثق بملامح وجهه البريئه فهوا احقر من الشيطان حين يأتي دوره ولا تسعى لكسب أحد فقط إكسب المال وسيأتى الجميع اليگ ❤️ منال ـ هاي تصير بين الخوات مو بين بنات العم يالغمة الثوولة.. وبعدين هية مكملة يعني خايبة بالدراسة وكلشي ماكو وفوكاهه يتيمة لا اب ولا ام ولا بيت مثل البشر يلمهه خليهه تتزوج ونخلص منهه نهاوند ـ اتزوج؟ ـ اي اتقدمولج ناس وراح ننطيج ـ باوعتلي دعاء مستغربة نضرة عينهه تكول معقولة مازن اجئ يخطب .. راسا ابتسمت وابالي افكر معقولة صدك مازن اجئ يخطبني ياربي هيج وتضبط وياية .. ياربي صدك.. اي والله البارحه كلي مشتاقلج واريد اشوفج يجوز اجئ يخطبني لان اشتاقلي دعاء ـ زين منو هذول ماما نعرفهم ـ اي احنة الكبار نعرفهم نهاوند ـ اتنهدت من الفرحه اكيد مازن اجئ يخطبني لان هو مرة كلي يعرف بيت جدي .. واخيرا راح اتزوج واخلص منهم واستقر نشفت ايدي وضليت صافنة علئ منال اريد اعرف بعد معلومات دعاء ـ زين شلون تتزوج وهذاك اليوم مات عمو وعمة ولد عماتي منال ـ يعني شلون الحياة توكف وراهم؟ ماتو وراحو لرحمة الله ـ زين عمة هو منو يعني شنو اسمة منو هو ـ هسة انتي شعليج بهالاسئلة انتي الج الصافي حضري نفسج زفتج مابقالهه شي دعاء ـ شنوووو زفة ادري شلون نزفهه وانتي مزينتهه كرعه هيج نهاوند ـ لا مو كرعه كلش شوي طلع شعري شوفي منال ـ اكو باروكات تارسة السوك وبعدين بدة شوي يطول شعرهه باوعي عدل ـ زين يمة بلة سألوهة ليش هيج شعرهه شتحجي ـ عادي نكلهم لزك بشعرهه علج وزيناهه نهاوند ـ بس اني مالزك بشعري علج منال ـ لعد شتريدين نكلهم؟ شعرهه جان متروس كمل وزيناهه ـ عزااا عمةة اني مابية گمل ليش هيج تحجين ـ اكلج انجبي ولا تمدين لسانج علية لا اكصلجياه افتهمتي .. شتريدين اكلهم عاقبتج وزينته .. ها احجي يالمخبلة بس اذا سألوني علئ شنو عاقبتيهه اكلهم لزمتهه وية واحد وتصير فضيحتج مثل فضيحه بنات الليل وتالي لو يكتلوج عمامج ويدفنوج يم ابوج ومرة ابوج لو تبقين خدامة جوة ايدي ومحد يكلبج ويتزوجج والله عاد بالنسبة الي محتاجة خدامة بلااش يمي تخدم عليه وعلئ رجلي وجهالي .. نهاوند ـ بقيت ساكته ماعرف شحجي دعاء ـ زين يا امي علئ الاقل نعرف اسمة شنو .. معقولة العريس ماعندة اسم؟ ـ يابة اسمة صباح ..ارتاحيتوو ـ هلااااا بنت عمي فؤاد راااح تتزوج ونركص بعرررسهه هلاا هلاااا هلااا منال ـ عود الله كريم للركص لاتتأملين هواي .. يلة اني رايحه اشوف ابوج شيحتاج ـ تعالي يمةة ماكلتيلنة شوكت يجون يخطبوهه ـ لا همة اجوي وخطبوهه وابوج قابل وعمج راشد ماحجئ شي يعني هالايام يعقدون وياخذوهه نهاوند ـ مافهمت شنوو يعقدون وياخذني بس ميخالف بكلشي اقبل ولا هالعيشة مكابلة منال وكاعدة خلصت شغلي وصعدت فوك وية دعاء. . تدرين دعاء بالبداية شكد فرحت عبالي مازن اجي يخطبني دعاء ـ عمي ماازن .. صباح .. قدوري اي وااحد المهم تتزوجين وتخلصين ـ اي هم صدك المهم اخلص وارتاح من الضرب الشغل ـ نياالج عمي راح تتزوجين ووووج بـــخـــت ـ انتي هم راح يجي رشيد ويخطبج وتتزوجين ـ يارشيد انتي اللخ.. هالحمار طلع روحي شايفة شكد يخررط ويحجي.. اهم شي تنامين بحضن رجاال يالمسعدة ـ انام بحضن رجال شنو؟ ـ راح يصير عمرج 14 سنة تريدين تقنعيني متعرفين شنو يعني تنامين بحضن رجال ـ اي يعني غير نتزوج وينام يمي علئ الجرباية ـ ههههههه باعو الغبية ينام يمج شنو بابا ينام فوكاااج ـ عزاا شنو هاااالحجيي وليش ينام فوكاية يابة ـ شبيج اخترعتي عود صدك متعرفين ـ هاي شبيج دعاء انتي شكاعد تحجين ـ هههههههه والله ماجنت اعرف انتي متعرفين هالسوالف خرررب… تعالي اسولفلج شراح يسوي بيج صبييح من ياخذج ـ اجتي يمي وكعدت تسولفلي شنو معنئ زواج .. فتحت عيني كلهه من سوالفهه تشرح وتأشر بأيدهه واني مخطوف لوني عزااا هاي شكااعد تحجييين ـ لا والله لعد شعبالج شنو الزواج بس بدلة وزفة وكلليش ـ لالا ماكو هيج شي اني جنت اشوف بابا وماما نايمين سوية علئ الجرباية بس ميسوون هيج امور ليش تكذبين ـ انجبي اكذب شنو يااغبية وبعدين قابل اهلج يسووهه كدامج اكيد لو نايمين انتو لو بغير غرفة شامريكم ـ عفية شنو هالحجي ـ بابا شبيج لعد شلون خلفوو خواتج و ترة حتئ امج رحمة هم هيج مسوي وياهه عمو فؤاد وحتئ بابا وماما بهاي الطريقة خلفونه يالثولة ـ احس نفسي كامت تلعب وانصدمت من حجيهه جسمي كله يرجف من الخوف اريد اسيطر علئ اعصابي ماكدر.. معقولة هيج الزواج ـ اي لعد ياخذج شيسوي بيج تطبخيله وتنضفيلة ادري شلون تخلفون وتسوون اسرة بالتلفون ادزون مسج يجيكم طفل خررب شنو هالعقل عندج ههههههههه ـ هية تضحك وممهتمة بس اني مادري شبيه احس نفسي مغمومة.. ـ اوووف نيالج راح تشترين اشكال سيتات النوم اوويلي نياالج نهاوند ولج اكو سيتات نوم تجنن شوووكت اتزوج واللبس منهن احمر وابيض ووردي واسود واشكال الفصالات و الالوان ياااربي شووووكت ـ شنو سيت نوم انوب ـ عزة حتئ هذا متعرررفي ـ اكلج انتي مين تعرفين هالسوالف ـ من هواي مصادر اعرفهه اولهه خالاتي وبنات خالاتي كلشي يسولفن كدامنه ونسولف بيناتنة وثاني شي من قيس اوووف جان يكلي هيج اسوي بيج وهيج اعمل .. بس راحت رجليه وكلشي مالحك يسوي ـ عزاا هيج يحجي وياج ـ عود مازن ميحجي وياج هيج؟ ـ هاي شبيج دعاء ترة كل الحجي جان يصير كدامج وانتي بيدج تراسلي ـ المهم هسة عرفتي وصار عندج علم بس ها مو تحجين لامي شي ـ عزة جايزة من روحي احجي لامج.. ـ تعاي ولج هذا الحمار دازلج رساله ـ مازن مو ـ اي كاتبلج حبيبتي وينج اشتاقيتلج رمشيلي حتئ اخابرج ـ ماريد .. لا يقبل يتقدم ولا يريد يخطبني وبس يسولف مللني ـ كلهم هيج ترة بس الشاطرة التجرهم وتجيبهم و غصبا ماعليهم يخطبوننة ـ لا بعد شسوي بي مو خطبني صباح خلي يولي مازن ـ ها صدك يعني ماحبيتي بفد يوم ـ اي بس ميقبل نتزوج واني اخاف يادعاء .. ـ يلة لكيتي غيرة خلي يولي .. بس منكلة هسة انتي انخطبتي خلي نقطة بكارت هدايا شو شنو اوك ـ كيفج ـ يلة خلي اخابر رشوودي حبيبي طالما محد موجود راقبيلي الباب خاف احد يجي ـ اوك .. بقيت كاعدة بالكاع يم الباب اراقب خاف الولد يجون لو تصعد منال ودعاء غركانة وية رشيد بس ابد ما اسمعهم شيحجون صوتهه كلش ناصي مو مثلي اهرج اذا احجي اباوع عليهه كل شوي تضحك وتتبسبس وياه.. هلكت من التعب اريد اتمدد وهي بعدهه تسولف .. اشرتلهه يعني يلة تعبت هزتلي راسهه .. وسدت التلفون وياه ـ شبيج ياغبيية ـ تعبت يعني شبية ـ عشتو انخطبت وصارت متتحجة بعد ـ لا والله مو هيج ـ لا والله هيج بلكي هالحقير يجي يخطبني واخلص اني هم ـ ان شالله انتي حبابة والوحيدة تحبيني وتحنين عليه هنا ـ همزين تعرفين ـ اعرف كلش زين .. من قبلتي البس ملابسج وماتنكستي مني مثل ماسوت همسة بنت ارشد وعاملتيني معاملة حلوة مو مثل بناته يباوعولي عبالك يمهم حيوان واكف .. متشوفين كلش احبج واحسج حبابة مو مثل امج ـ لا شبيهة امي ترة هم حبابة بسس شوي عصبية هية ـ سكتت ماحبيت اعيد الحجي واكلهه شمرتني بالشارع اني وخواتي وزينت شعري وعذبتني وجوتني بالنار .. رحت بفراشي وتمددت ونمت صار ثاني يوم وجابتلي الريوك والغدة خاله ام عمر ودخلت جوة بالهول اجتي عليه منال تركض ـ اسمعي ديري بالج تكولين كدامهه اسم خطيبج ـ ليش عمة ـ لا تسأليــــن كولي ايي وبسس ـ اي ـ اي سؤال اني اجااوبة ممنووع انتي تجاوبي ـ اي ـ امشي طلعي تريد تشوفج ـ طلعت قبلي منال عدلت حجابي وطلعت شفت عمو ناصر كاعد علئ جربايته ومدد رجليه ومنال يمة وخاله ام عمر وكاعدين يسولفون .. منال ـ والله والولد ميتعيب جان اخذته لبنتي دعاء بس بنت فؤاد افرض منهه هية خطية مالهه احد بهالدنية بعد ابوهه وامهه وتعرفين البنية ما الهه غير الرجال هو يسترهه ام عمر ـ اي والله صدك الزواج ستر والله اني بعمرهه واتزوجت ابو عمر الله يحفظه نهاوند ـ صدك خاله جنتي بعمري ـ اي والله بكدج ستوني دخلت بـ 14 سنة اخذني طفلة كلشي ما افتهم رباني علئ ايده وعمتي يعني امة الله يرحمهه هي علمتني طبخ وخبز وتنضيف كلشي علمتني.. الله يرحمهه ويحسن الله منال ـ اي وما شالله ولدج بطولج تكولين اخوانج ولا عبالك امهم ـ اي ابني الجبير اكبر منه بـ 15 سنة عمري هسة 45 سنة وهو عمرة 30 الله يحفظة وينطي طولة العمر و ياهو اليشوفنه يكول اخوج ميصدك ابني ههههه ... منال ـ اي شفتي شحلو هيج ـ اي والله حلو البنية تتزوج من هالعمر يكبرون ولدهه وياهه نهاوند ـ حجيهه هواي شجعني اتزوج اشكد جنت خايفة من حجي دعاء بس كلام خاله ام عمر خلاني اغير فكرتي .. انرسمت الضحكة علئ وجهي حسيت بروحي صرت بنية جبيرة ومخطوبة مثل باقي البنات المخطوبات الجنت اشوفهن .. ام عمر ـ زين منو خاطبهه نعرفهم لو لا ـ أ أ لا والله متعرفوهم كرايب ابو وسام بس من بعيد ـ ها ياعيني ان شالله قسمة زينة وترتاح .. زين شكبرة وشيشتغل الله يحفظة ـ لالا قسمة زينة لاتخافين عليهه افا عليج معقولة مو خوش ناس وننطيهم بس والله عمرة يعني ماعرف بالضبط شكد .. بس مو جبير زين مناسبهه اهم شي اكبر منهه ورزن تعرفين هيث بعدهه صغيرة وتحتاج رجال جبير يوجهه اما شغلة يا ام عمر صلوات ايدة ادر ذهب هو صح كاسب بس شنو عبقري التراب بيدة يصير جواهر ـ يابة لهد جهاز نهاوند عليه ناصر ـ لا مشكورة ام عمر الجهاز علئ اهل الولد منال ـ اسكت ناصر ياولد هاي شبيك .. ههه يا بعدة متأثر بالانفجار ـ اي طبعا اعرف جهاز البنية والذهب علئ اهل الولد هية هاي الاصول بس خو مو تطلع منا بهدوم قديمة اكيد نطلعهه بعزوة يعني جم هدمة زينة ونجمعلهه جنطة وغراض وياهه لعد شلون .. ناصر. ـ مشكورة ام عمر ـ الشكر لله .. اكيد ورة السنة مال توفيق والبقية الله يرحمهم تزوجوهم.. عاد منا لذاك الوكت الحگ الم و اجهزهه احسن جهاز ان شالله منال ـ لا يا سنة .. والله الولد مستعجل خطية ويريد يتزوج وكلنة نلملمهم ونزوجهم ويابخت من جمع راسين بالحلال ـ ها صدك .. يعني شوكت زواجهه ـ والله احتمال منا لشهر اقل نزوجهم ـ ها ..الله يسهل عليهه ان شالله .. يابة تدلل منا لاسبوع اخذله جهازهه ان شالله .. جم نهاوند عدنة تؤمر وتدلل والله يسعد بختهه ان شالله.. بس لازم اخذهه للسوك ويايه ابو وسام هذا جهاز عروس مترهم اجيبة كلة. علئ ذوقي ناصر ـ براحتج خيتي منال ـ أأ هههه .. متقصرين عيوني ام عمر يوم النفرح بولدج ان اشالله ـ اي والله ان شالله شوكت اشوف هاليوم اربعتهم ميقبلون يتزوجون علمود هالاوضاع ـ يتزوجون ويلحكون علئ شلاع الكلب ويترسولج البيت ولد وبنات ان شالله ـ فدوة لقلبج ان شالله ... يلة عيوني اترخص منكم ـ طلعت خالة ام عمر ورحت للمطبخ من الفرح احس بنشاط وحيوية كمت اشتغل وماحس بتعب الفرحة اتملكتني وكمت اضحك للهوئ الطاير كل هالايام جان كل همي شلون اطول شعري حتئ لا عمة منال تحجي عليه يم خطيبي كمت اسبح 3 مرات باليوم وافركة فرك بالصابون او الزاهي وحتئ التايد شوف شنو متوفر وموجود بالحمام اغسل بي شعري الشامبو والبلسم متقبل عمة منال استعملة .. بس همين ماطول عمو ناصر طول الوكت حزين وكاعد لوحدة ومعبس وجهه مادري شبي يمكن مقهور علئ اخوتة الماتو لو مقهور علئ سيارتة الجديدة الراحت.. ويجوز مقهور لان ما اجانة اي خبر من عمة سهير منعرف شنو اخبارهه اشو حتئ عمو ارشد وزوجته هم ميروحلوهم ويجوز مقهور لان عمة كميلة معتكفة ابيتهه وبنت لوحدهه وابد متجي يمنة بس ابيت عمو ارشد تروح ماعرف شبي وليش هيج حالتة جابتلي خاله ام عمر العشة بالليل وكالت لعمة منال باجر تاخذني وتجهزني خلي تكعد الصبح حتئ نروح من وكت من الفرحه رحت للمطبخ اكمز واضحك دعاء ـ ها العروسة الفرحانة ـ ااااي والله دعاء راح اطيرر من الفرح والله ممستوعبة راح ازوج واعيش حياة حلوة واكوم ازور خواتي واطلع واتونس ـ امممم الله يسهلج منال ـ اكيد سمعتي شنو كالت ام عمر ـ اي ـ خوش باجر احضر نفسي واجي وياكم كعدي من وكت ولاتفتحين حلكج وية ام عمر الأاشر عليه تكولين هذا اريدة اذا اختاريتي غيرة ادفنج هنا ـ حاضر عمة دعاء ـ اجي وياكم ماما عفية ـ لا ابوج منو يبقئ يمة غير مرة اخذج ـ اوووووف ـ ولطم ولج شبيج اطلعج وداعتج بس اصبري .. يلة يلة اتعشي شو خلي اشوف شنو جابتلج.. ـ اخذت العلاكة بيهه 2 لفات معلاك وزلاطة وحاطة بيهه عصير ونساتل وجبس اخذت لفة والنساتل والجبس وبقت عصير ولفة اللي شكد جنت نفسي بهالنستلة من زمان ما اكلتهه من جانت امي عايشة .. سكتت وكلت بلكي تفرج من اتزوج كملت كلشي وصعدت احضر ملابسي لباجر .. ماعرف ليش خليت اذني علئ حايط بيت عمو ارشد وسمعت ام محمد تسولف وية بنتهة جيداء الجبيرة ام محمد ـ والله يا بنتي هو خوش ولد ومابي لولة واهلة ناس معروفين ان شالله تصير القسمة ونفرح عاد نهاوند ـ كل عقلي فرحت لان عبالي دتحجي علئ الولد النتقدم اللي .. جيداء ـ ما مرتاحة للولد ولا مرتاحة لاهلهه ـ هسة انتي راح تتزوجين اهلة وبعدين شنو يعيب الولد ترة مابي اي عيب خريج جامعه وعندة تكسي ويشتغل بمحل ابو وهمة خوش ناس معروفين بالمنطقة وبيتهم خوش بيت جديد يعني ليش رافضته بعد؟ ـ ماريدة كووة ماااريدةة ارشد ـ بنتي اذا اكو احد ابالج احجي لاتبقينة مثل الاطرش بالزفة .. ـ والله بابا ماكو احد بس ترة بعدني عمري عشرين سنة اريد اتخرج اريد اريد اتوضف شنو اتزوج وجهال ومدري شنو ادري ثكيلة عليكم اني ام محمد ـ اكلج ليش متسكتين ثكيلة شنو ارشد ـ تفكيرج مابي شي وصحيح بابا بس القسمة الزينة حرامات تروح يابنتي ام محمد ـ عيني دائما اول قسمة للبنية هية احسن قسمة يعني اذا راحت متجي مثلهه بعد ارشد ـ هااا ليش مو كلتي انتي خاطبيج قبلي؟ ام محمد ـ اي خطبوني كوومة قبلك ومارضيت ـ هاااا وتحجيييهه بوجهي يعني هسة اني مو خوش قسمة لان مو اول واحد ـ هسة هااي شجابهه علئ هااي ـ مو انتي دتنصحين بنتج اول قسمة. هي احسن قسمة واذا راحت بعد متجي نهاوند ـ كلمة ام محمد رنت بأذني اول قسمة للبنية هي احسن قسمة .. الحمد لله يعني صدك خوش زواج وراح اتزوج و ارتاح .. احس بروحي انتعشت وبس اضحك .. بقيت حاطة اذني و اسمعهم شكد حلوين يشاقون بيناتهم ويتعاركون وينصحون بنتهم وياخذون رأيهه وهية تتعزز عليهم متقبل تتزوج شكد حلو العندة اب وام عايش بعز ودلال محد يكدر يهينة ويذلة ويأذي يلة. باجر اتزوج واعيش عيشة حلوة واخلص من هالظيم.. حطيت راسي علئ المخدة ونمت .. كعدت الصبح علئ صوت منال تكلي يلة ولج كوومي ماضل وكت يمصخمة كعدت مصروعه من النوم وصحت اااي عمة كعدددت.. غسلت وجهي و غيرت ملابسي علئ السريع ونزلت اركض كفختني منال علئ راسي وكلتلي ليش اتاخرتي امشي عاد دينتضرونة الناس طلعنة لكيناهم بسيارة خاله ام عمر وابنهه عمر ديسوق السيارة كاعدين ينتضرونة .. بالطريق دنمشي جان اكو ازدحام وكلش هواي سيارات كالو اكو سيطرة وكفنة وكمنة نمشي بطيء شوي شوي ثواني وصار انفجار قوي سيارات كدامنه طارت بالهوئ الناس تتصارخ وتتعايط حسيت هاي اخر لحضات حياتنة وراح نموت ووصل الدخان ليمنة بالسيارة حاولنة نطلع من السيارة انقفلت علينة و ماكدرنة نفتحهه بلحضات اتلاشة كل شي .. حسيت علئ صوت منال تصيح علية ـ يلة ولج كوومي ماضل وكتت يمصخمة ـ شهكت وكوة اخذت النفس حيست علئ نفسي عركانة فد مرة حتئ المخدة مبللة من العرگ كوة جاوبتهه .. اي عمة كمت جاية جسمي كلش يوجعني .. الحمد لله طلع حلم لميت فراشي واخذت منشفتي وركضت سبحت علئ السريع لان ماكدر ابدل وهيج حالي.. شوي تنشطت ورحت للغرفة .. عفية وسام اخذ اخوتك واطلع برة اريد ابددل وسام ـ مابية حيل اكووم بدلي واني داير وجهي ماباوع ـ يلة مو لازم .. اخذت ملابسي ورحت للحمام بدلت و طلعت لبست شال مال منال ولو ماعرف البسة عدل بس خليته علئ راسي وطلعت شفت دعاء نايمة رحت يمهه .. دعاء دعاء ـ ها ـ حبابة سويلي الشال عدل ـ اووف .. اوكفي خلي اصحصح شوي ـ كعدت علئ حيلهه ولبستني الشال لفته بشكل حلو طلع وجهي مدور .. كلش كلبي مقبوض من هالحلم يمكن راح نموت ويصير انفجار بالطريق واموت مثل عمة شفاء ـ شبيج معبسة ـ ها ـ بابا ضحكي شكو تعبسين .. وباعي اشتري اشياء حلوة بيهه خير مو جلاجيل ـ يعني شنو اشتري ـ لج ابقئ اعلم بيج .. اشتري ملابس نــووم مو تجيبين دشاديش و بجايم ومدري شنو من هالخرابيط ـ ها صدك ـ لججج ااي افتهمي عااد اخذي ملابس داخليه خفيفة ودانتيل مو تاخذيهه مثل هذني العندج لا اخذيهن غير شكل بس تشوفيهن راح تعرفيهن ـ عزة شمدريني هية خاله تشتري الي ـ ههههههه اذا تبقين علئ خالتج ام عمر تطلكين ولج .. هاي مرة عجووز وين تفتهم بهالسوالف مو بعيد تشتريلج عباية همين لج اسمعي كلامي وشوفي شلون يكوم يموت عليج رجلج وسام ـ شنو هالحجي دعاء متستحين ـ انجب انت معليك لا تدخل بين البنات ـ ما ادخل شنو والله العظيم الا اكول لامي عليج هيج تسولف وتحجي ـ اي شكو بيهه روح كللهه حتئ اني هم احجيلهه شلون ذاك اليوم بكت من المحل الي براس شارعنة الفين دينار وقبلهه بكت نساتل وحلويات .. وكلشي اعرف احجيلهه.. يلة روح كللهه ليش سكتت وسام ـ يعني علئ اساس ماجنت اشتريلج لو اجيبلج حلويات وتاكلين ـ هذا العندي طول هالوكت ساكته واغطي عليك بس لا تصير براسي خوش وليد وتريد تفتن عليه يم امي افتهمت ـ اني صوجي اجيبلج بعد كلشي متشوفين ـ مو بكيفك هذا ثمن سكوتي عنك باجر اذا يلكفوك تبوك ننفضح كلنة نهاوند ـ انصدمت من الحجتئ دعاء عن وسام .. عزا صدك يبوك وسام. ـ انجبيي انتي نهاوند معلييج بينة دعاء ـ اي نهاوند احنة اخوة ولا تدخلين بيناتنة شنو تسمعين بهالاذن اطلعي من الاذن الثانية فتهمتي ترة انتي همين اعرف كلشي عنج ـ سكتت دعاء مو قصدي شي والله منال ـ وووووين ووليتييي فضيههه عااااد نزلييي المرة كاعدة دتنضرر ـ نزلت اركض واخذتني منال وطلعنة لكيت خاله ام عمر وابنهه عمر بالسيارة ينتضرونة نفس المنضر بالحلم صعدنة السيارة وسلمنه عليهم ومشينة .. كمت ارجف من مشينة بالسيارة كل شوي اتخيل راح يصير انفجار ونموت مثل عمة شفاء وبنتهه انتبهت علئ عمر .. عزة والله نفس الشي بالحلم هيج جان لابس تيشرت ابيض وبنطلون كابوي غمضت عيني ودنكت راسي وكمت ابجي اريد احجي واكلهم شفت هيج حلم حتئ نرجع ماريد احد يموت بسببي بس خايفة ماعرف شنو لازم لساني ام عمر ـ ها نهاوند شنو ــــ.. يا ليش تبجين بنيتي ـ لا خاله مبية شي منال ـ تلكيهه فرحانة ممصدكة راح تتزوج.. جيل هالوكت الله يستر منه لا تربية ولا اخلاق ـ من حجت هيج منال كمت ابجي بالزايد بس ماكدر احجي احس لساني نعكد ام عمر ـ لا مو هيج يمكن لان لا ابوهه ولا امهه وياهه .. وج نهاوند اني وعمة منال وياج منكفي كافي بجي بنيتي كافي خالة هيج يوم لازم تضحكين وتفرحين .. واكيد ابوج وامج يعلمون بيج وفرحانيلج ـ مسحت دموعي وابتسمت ... بدت السيارة تخفف مشيهه باوعت ازدحام قوي وهواي سيارات واكفة كمت ارجف من المنضر الحلم لازك بدماغي ضلينة اكثر من نص ساعه يلة مشئ السير حسيت كلبي انتهئ طول هالوكت بس شوي ارتاحيت لان ماتفسر الحلم بس بعدني متخربطة مادري شبية.. وصلنة للسوك ونزلنة اني ومنال وخاله ام عمر ... وابنهه كلهه من تخلصون اتصلو عليه طلعت خاله بطلين مي باردات غسلت وجهي وشربت شوي ارتاحيت ودخلنة للسوك ابد ماشايفة هالسوك شكد جبيرر وبي هواي محلات وبسطيات واشكال البضايع موجودة تخبل ملابس واحذية وغراض مطبخ وبردات اشكال بي من شفت السوك نفسيتي ارتاحت وتغيرت وكمت اضحك .. وكفت خالة ام عمر يم ملابس تنورات وقمصان وبناطيل وهواي اشياء احير عليمن اباوع واشوف .. اتذكرت نصيحة دعاء لازم اشتري اشياء خفيفة حتئ زواجي ينجح وزوجي يكوم يحبني بس هنا ماشفت شي خفيف ام عمر ـ هذا الكوستم كلش حلو ولونة حلو كريمي اوف وايت يناسب العرايس شدكولين ام وسام ـ اي عاشت ايدج والله كلش حلو ـ خوية ماعندك علئ كد البنية نفس هالكوستم ابو المحل ـ اي تدللون كلشي اكو هذا يلبسهه ويكعد عليهه تمام ام عمر ـ هاي تلبسي من تجين لبيت عمج يعني ورة العرس ان شالله.. نهاوند ـ اشترتلي خاله كوستم وقميص وتنورة ووطلعت اشترتلي حذائين واحد كريمي وواحد اسود وجنطة يدوية وجنطة جبيرة كالت تخلين ملابسج بيهن واشترتلي حجابات بس منال تلح الا تاخذهن شوي اكبر من حجمي بحجة من تتزوج راح تسمن وتكبر اكثر حرامات ينذبن.. افترينة هواي محلات اشترتلي دشاديش وبجايم بقيت ادور علئ الملابس الخفيفة التكول عليهه دعاء اشو ماشفتهه .. مر فترة من الوكت ودخلنة لمحل ملابس داخلية ... شفت اشياء ماشايفتهه بحياتي باكيتات عليهه ملابس تخزي وخفيفة وملابس معروضة مثل الاتگ بس كلش خفيف فد مرة وميستر شي من الجسم وملابس داخليه غريبة مو مثل النلبسهه رحت اركض عليهن كمت الم بيهن لم صفنت علية خالة ام عمر وخزرتني ـ انتي تعرفين هذني شنو؟ ـ اي خالة سيتات نوم هذني مال متزوجين ـ وانتي شلون تعرفين هالملابس ومين تعرفين اسمهن ومنو دلاج عليهن منال ـ لعد شحجينة ام عمر مو كلنة جيل لاتربية ولا اخلاق ـ عوفيهن خاله هالسوالف مو احنة نشتريهن اهل خطيبج همة يشتروهن المفروض .. ـ حسيت خاله هواي تغيرت علية من هيج سويت .. حسيت بخجل لان فشلتني خاله ام عمر يمكن عيب هيج تصرفت عافتني وراحت هية ومنال تختارلي .. بقيت واكفة لوخدي ومنزوية علئ جهه.. دخلو ورانة نسوان هواي ووياهم بنية حلوة مبينة بكد جيداء بنت عمي تقريبا لو اكبر ما ادري ... كل شوي جانت تشاور وحدة جبيرة واكفة يمهه وهاي تاخذ وتشتري التاشر عليه البنية بعدين عرفت هاي امهه والبنية مخطوبة ودتجهز لعرسهه وهذول اهل خطيبهه وياهه وكل شوي تشاور امهه من يعجبهه شي .. ماعرف شصار بية اتمنيت امي ويايه بهالموقف واشاورهه مثل هالبنية وهية تشتريلي ولا هيج فشلة تصير بية حسيت نفسي صرت بنص هدومي ومالي عين اباوع بوجه خاله ام عمر عيوني دمعت ودنكت راسي وكمت امسح بالشال .. منال ـ يلة امشي اتشرينالج ام عمر ـ تعالي خاله شوفيهن يعجبنج لو اغيرهن ـ لا خاله ميحتاج اشوفهن … ـ ليش مقهورة وهيج حالج ـ لا خاله مابية شي والله مو مقهورة ـ ميهون عليه زعلج شوفي ياسيت نوم يعجبج واشتري الج ـ لا خاله والله شكرا ماريد ـ نهاوند خاله اني مو قصدي شي بس استغربت بنت صغيرة مثلج مين تعرف هالسوالف ـ دنكت راسي وكلتلهه .. اي صدك خالة منال. ـ يعني مين يمعودة جانت عايشة وية مرة اب شتتوقعين تطلع ام عمر ـ استغفر الله .. عيني يولد انطيني هذا السيت البنفسجي .. شوفي هذا يعجبج ـ اي خاله حلو ـ انطينيا .. شكد صار الحساب نهاوند ـ اخذتلي خاله الملابس وجمعتهن بالجنطة رجعنة للبيت بس ماعرف ليش احس شي مكسور بداخلي ابد مفرحانة منال تشكرت من خاله ام عمر ودخلنة للبيت راسا كالت لوسام يصعد الجنطة فوك شمرت ملابسهه واجتي للغرفة كعدت هية ودعاء تكلب بالملابس واني كاعدة يمهن منال ـ روحي غسلي المواعين بالمطبخ شفتهن صايرات تل غسليهن وتعالي ـ عرفت راح ياخذون الملابس التعجبهم ما اهتميت لان ابد مافرحانة ولا هاجبني شي مادري شبية هيج انكلبت احوالي غسلتهن وكملت ايدي راحت من الجلف بسيم المواعين المواعين يابس عليهن الاكل ويحتاج ابللهن يلة اغسلهن.. كملت وصعدت لكيت الجنطة يمهن منال ـ زين جيتي .. شوفي دعاء شكد تحبج نطتج ملابسهه ومابخلت بيهن عليج ـ هزيت براسي يعني اي كامت تكلب بالملابس الكوستم والحذاء والجنطة والشال ماخذته دعاء وحاطتلتي بمكانة كوستم كابوي ملبوس الف مرة وحذاء اسود وشال جوزي وياه الملابس الداخليه كلهه متغيرة وحاطتلي ملابسهه الملبوسه ولا قطعه جديدة بيهه وبس التنورة والقميص مماخذتهن باقيات بالجنطة يمكن ماعجبتهن منال ـ شبيج كالبة وجهج ـ لا عمة مبية شي ـ ميكفي سوايتج السودة اليوم .. الادبسز حجت كدام ام عمر تريد سيتات نوم .. قليلة التربية مين تعرفيهن دعاء ـ عزاااا هيج حجيتي كدام ام عمرر مستحيتي بلة ـ معرفت شحجي ما اكدر اكول متفاجئة من دعاء بس ماعرف شبية بقيت صافنة منال ـ خلي نزوجهه ونخلص منهه لاتجيبلنة مصيبة ثانية دعاء ـ شوكت تتزوج ؟ ـ عكب باجر ياخذوهه ـ عكب بااجر؟ اشو لاحفت حواجبهه لا صبغت شعرهه لا اجوي واشترو حلقات مهر نيشان ـ كل هالسوالف متكعد بخت عود تروح يم رجلهه هو ويغركهه ذهب وصبغ وهدوم متعرفين احنة عدنة عزة تريدين اخذهه احفحفلهه واصبغلهه شتحجي الناس علينة نهاوند ـ زين عمة هو شلون شكلة يعني اشو ما اجئ حتئ يشوفني واشوفنة دعاء ـ صدك يمة اشو ماشفناه ـ عود بيوم العرس تشوفو بس هو شايفج ويعرف شكلج ومقتنع بيج دعاء ـ يلة مابقئ شي عكب باجر وتشوفي .. ـ كلتلي منال الم كل هدومي بهاي الجنطة كعدت ارتب بيهن واصفن لحالي .. ليش اني مو مثل باقي البنات لاخطوبة لا هدوم اشو حتئ ماشفت الولد شلون شكلة .. حتئ حلقة ماجابولي الف شغلة افكر بيهه بس اقنع نفسي راح اعيش مثل خاله ام عمر واصير سعيدة بحياتي مر يومين وصار يوم العقد مالتي لبسوني الكوستم الكابوي وشال البيجي وحذاء اسود ..وطلعنة ام عمر ـ ها ام وسام وين علئ خير مو اليوم العقد مالتهه حضرت نفسي وجبت ويايه جكليت ـ يا ياعيني ام وسام متقصرين بس واالله مارادو هنا يصير العقد تعرفين همة كرايبهم من بعيد وراح ياخذنة عمهه راشد هناك نعقدلهم ـ ها الله يسهللهه .. هذا الجكليت الكم الف عافية طشو عليهه بمكاني ـ صارر عيوني رحم الله والديج ـ ياا هاي شلابسة نهاوند ؟ ليش اهل الولد ما اشترولهه شي زين هناك تلبس بدلة لو شلون ـ ها أهه لا والله همة شوي علئ كد حالهم لا بدلة ولا شي ـ علئ كد حالهم شنو مو كلتي ايدة ادر ذهب وسبع بالشغل ـ اي اي بس هسة شوي الضروف عمست وياهم ـ زين يعني جان علئ الاقل لبست الكوستم الشتريته الهه ليش رايحه هيج حالهه ـ يلة ياعيوني اام عمر هالسوالف متكعد بخت ياخيتي والله كلش اتاخرنة وهسة الطريق ينسد نترخص منج حبيبة نهاوند ـ اخذني ارشد ومنال ودعاء بس ام محمد ماقبلت تجي وبقت فوك هية ببناتهه يباوعون عليه ناصر ابد ماباوع بوجهي ولا حتئ بوسني ماعرف شبيةابد ماجنت فرحانة احس بغصة وخايفة ماعرف شديصير يعني ليش مالبست بدلة مثل البنات لا صالون لا مكياج .. مادري احس اكو شي خطاء ديصير صعدنة بالسيارة ورحنة ماعرف وين وبيا منطقة دخلنة نزلنة يم بيت مو كلش جبير بس جديد استقبلونة رياجيل هواي يمكن خمسة جنت كلش خايفة وخجلانة ماشفت بوجه احد رحبو بينة ودخلونة للبيت بعدين كعدنة يم نسوان هواي كل وحدة تباوعلي شكل ماعرف منو هذني وشنو يقربن لصباح .. سمعت كالو اجئ الشيخ ودخل يم الزلم جوة .. دقايق وصاحلي ارشد من ورة الباب كالو يريد يسألج الشيخ .. كلي انتي قابلة بصباح ابن فلان زوج الج شاورتني منال كالت كولي اي اقبل وجاوبته اي اقبل .. ماعرف بعد شنو صار وراهه بس اسمع هوسة مال زلم يحجون ويسولفون منال ـ بعد هية صارت بنتكم يا ام خزام وتحت امركم راح تبقئ ام خزام ـ ليش يابة هازين كاروكهه ؟ بنتنه شنو ـ يابة اعتبريهه اي شي يعجبج عيوني ام خزام كلشي ولا زعلج دعاء ـ مبين ناس واصلين ـ شلون ـ شفتي سياراتهم برة تخبل بالباكيت عمي نيالج وكعتي وانتي واكفة ـ هو وينة غير اشوفه ـ تشوفي وتشبعين منة لا تستعجلين علئ رزقج .. ـ دقايق وسمعت صوت ارشد يصيح لمنال ودعاء احس كلبي طلع من مكانة من الخوف اخذوني وطلعنة من الهول رحنة وكفنة يم باب الاستقبال شفت وراه واكف شاب وسيم كلش حلو همستلي دعاء ـ لج شوفي شكلة يكطع ـ يعني هو هذا ـ اكيد لعد شكو واكف هنا ورة عمو ارشد غير حتئ يشوف الحب مالته.. ارشد ـ يلة عمو احنة نروح وانتي هسة ابيت زوجج بيضي وجهنة لا تسوين مشاكل خليج حبابة ومطيعه وتسمعين الكلام ـ ماصدكت الحجي السمعتة جلبت بايد عمو .. عزاا عمو وين تعوفني هنا منال. ـ شنو جاهلة طفلة علئ شنو خايفة وتبجين مو كلتلج بعد يومن العقد مالتج صيري عاقلة وسمعي الكلام مثل ماكلج عمج ارشد ـ ترك ايدي ارشد وكامو يسلمون علئ الناس اليمهم احس بروحي تغيبت عن هالعالم ماعرف شبية خايفة ومرعوبة شلون راح اضل هنا لوحدي بنص ناس ماشايفتهم ابد .. ـ تعالي نهاوند امشي ويايه ـ التفتت شفت بنية شابة اكبر مني بالعمر ـ تعالي وياية لاتخافين امشي اخذج لغرفتج ـ ارشد ومنال ودعاء طلعو يركضون حتئ مابوسوني ولا ضلو شوي علمودي اخذتني هالبنية وصعدتني فوك .. جان اكو هواي غرف تقريبا اربعه فتحت باب الغرفة الثانية وكلتلي دخلي هسة يجي صباح.. انتي منو وشنو اسمج ـ اسمي ريتال لاتخافين اعتبريني اختج الجبيرة ... ـ زين صباح شيصير منج ـ ههه يجي هو ويعرفج عن نفسة .. يلة دخلي وارتاحي وهاي جنطة هدومج اي شي تريدي صيحيلي ـ ضحكتلي .. وابتسمت الهه... سدت الباب وراحت .. باوعت للغرفة استغربت عبالك قديمة يعني مو مثل غرفة العرسان الاشوفهه جديدة وحلوة حتئ الجرجف قديم ومشگگ وجوه المخدات وصخة فد مرة باب الكنتور الاخير مخلوع ومايل المراية مفطورة ماعرف شبية حسيت بغربة وخوف سمعت گحة بصوت عالي برة بقيت متخشبة بمكاني حسيت صوت الباب انفتح ودخل واحد التفتت حتئ اشوف هالصباح منو ؟ وللحكاية بقية..