ضـيـاع عـمـري - الفصل الثاني - بقلم ضــوء الــقــمــر - مكتملة | روايتك

رواية : ضياع عمري للكاتبه: مُـــــ ــدلـــ ــلة نــفــسـي  الفصل الثاني جلست ابكي الين ما اذن الفجر وصحى هو راح يصلي ورجع ينام نمنا ولمن قمت قمت حسيت أن الغرفة ظلمه وكئابه وفيني احباط الدنيا جوعانه وخايفه وفيني احباط الدنيا  ابغى اشوف أي احد ابغى استشير أحد  فيني كمية حزن ماجربتها بحياتي كلها صحى العصر وقال يالله بنرجع البيت طلعنا صمت تام أنا مصدومه وهو متفشل من نفسه يدري بالسبب الي أنا فيه وصلت البيت امي وخولاتي وخواتي كلهم جو عندي ماقدرت اشكي لامي شيء استحيت من الي موجودين وامي بس تناظرني بنظرة الي الشكوا لله جلسنا يومين بالبيت ولا احس باتجاهه بأي شعور كأنه ابوي أو عمي شعور مقرف ومزعج بعد أسبوع قال خلاص اليوم راح أنام عند أم عيالي لأن هذا الشرع بيبدأ بليله عندي وليله عندها أنا انجنيت وبدأت نار الغيره تشتعل بعقلي  نسيت عمره وشكله ونسيت كل شيء الحرمه كبيرة ولها ولدين كبار ومعا ذالك غرت منها كلمتني وحده يقولون أنها صديقتي وهي حيه اسمها نوره طبعاً هي تعرفني وتعرف زوجت زوجي الأولى وقالت اسمعي ترا ضرتك اشترت لزوجك عطور من حق الحريم الكبار وزوجك يحب النوع هذي من العطورات وكمان مجهزه له ليله بفستان وزوجك يحب النوع هذي من الفساتين وقتها حسيت أن أنا هامش مو على ذوقه فعلن الغيره تسوي سوايا بيتي كان بالعماره الي مقابل بيت زوجته الأولى  يعني لو أروح مجلس بيتي اشوف متى يدخل ومتى يطلع . وامي تتصل علي كم مره تقول تعالي نامي عندنا إذا كان مو عندك واتعذر بأني مشغوله وأنا كذابه بس ابغى اراقبهم واراقب تحركات زوجي ومن ذاك اليوم نشبت بزوجي  ونورا صارت تجيب لي اخبار مكذوبه وتقول أن زوجته تحب تخبز له الخبز بيدها وتجلس معه على طول وخلاص أنا قررت آني اقلدها غيرت لبسي غيرت حياتي تركت مدرستي ووظيفتي عشان أجلس معه الصباح زي جلست زوجته واجلس اسوي له الخبز واهتم فيه كل ذا بدافع الغيره فعلن فترة حب التملك خلتني اسوي أشياء حتى لو مو مناسبه  حملت وجبت بنت وطااار في البنت لأنه من زمان ماجاب بيبي وأخر طفل له كان ثاني ابتدائي وتشجعت وحملت الحمل الثاني وشهادتي نسيتها ولا جبت لها طاري نورا تجيب لي الاخبار الي تطيرني وأنا اصدقها وامشي على اخبارها وتغير لبسي وشكلي وكأني صرت عجوز  حتى العطورات الفرنسيه تركتها وصرت أستخدم عطورات ورشوشات امي  وزوجي ماكان عاجبه الوضع بس خلاص أنا الغبية  صار ببالي آني لازم اقلد زوجته  وزوجي ترا بيخيل الرجال بخييل وصرت أنا كمان ما أطلبه عشان ما اضايقه ويكره الجلسه معي  هو يحلف أنه جالس بالمجلس عند اخوانه وعياله ونورا تحلف وتقول لأا جالس عند زوجته الأولى |•|•|•|•|•|•|•|•|•|•|•|•|•|•|•|•|•|•|•|•|•|•|•|•|•|•|•|•|•|•|•|•|•|•|•|•|•|•|•|•|•|•|•|•|•|•| يـــتــــــبـــــــــع