الفصل 10
وعقب صلاة المغرب...
:اه تعبت والله من كثر مادورناه
خالد:زين ليش ما خبرنا صقر؟
عمر بثقه:هو طال عمرك عنده العنوان بس يختبرنا
خالد شهق:احلف؟!!
عمر:ماوقته...يله دق الجرس بسرعه دام جدك مشغول فالشركه
خالد وهو يدق الجرس:زين انك تميت عنده تجيبلنا علومه
منى وهي تطلع من غرفة البنات ومرتبشه:داااانوووه
دانه وهي ترتب الصاله:هلا
منى:وين مواز ماحصلتها ففراش؟
دانه وهي تكمل شغلها:معرف....هالبنت كنه كان ناقصنها زكام وحمى عشان يطير عقلها اللي اصلا ماتشغله
منى وهي تتخصر وتتأفف:كله من استهتارها ولا حد يتسبح و يغسل شعره...و يجلس يقابل المكيف ززين ماتشللت...هالبنت تصرفات كلها غلط بغلط ولا حد يتصرف تصرافاتها مستهتره و فوقت مراجعه لللامتحانات النهائيه...ماقول غير الله يهديها
دانه:وانتي الصادجه قابلت المروحه...المهم اشوفها لج؟
منى اللي سمعت الجرس يرن:لا روحي شوفي من...
وتذكرت ريلها المتعوره:ولا اقولج انا بروح
و راحت تفتح...
منى وهي تفتح الباب شوي ومن وراه:هلا تفظل
خالد فز:السلام عليكم
منى:وعليكم السلام
خالد:اممممم بغينا منى فهد ال....
منى استغربت:خير في شي؟
خالد وهو يناظر عمر اللي يشجعه يكمل:لا بس نباها فموضوع مهم لو سمحتي هي موجوده؟
منى وهي تبلع ريجها:ايه تفظل تفظل....المجلس على يمينك
عمر وخالد اللي انتظرو شوي ودخلو وهم يهودو....
خالد اللي شدته الحديقه اللي كلها ورد واشجار تفتح النفس:الله!!!
عمر:ادخل وعينك للارض
خالد عبس:ان شاء الله
عمر اللي تقدم خالد وهو حده متوتر فتح الباب ودخل.....انصدم
بالمجلس معفوس عفاس...والفوضى العارمه....ووسط كل هالعفسه بنت متسدحه على الكنبه وهي تدندن...
مواز اللي مو بوعيها:خدي غدا صفحه...ودمعاتي اقلاااااام....والليل بدموعي يغني ويون....يامسافر بقلبي وروحي والانسااااااااااام
عمر اللي سكر الباب بسرعه وهو متفشل....
خالد:اش فيك؟
عمر:فـ...فـي بنت داخل
خالد:بعد
ودق الباب بقو...
مواز اللي قامت جالسه بتعب وهي تسمع الدق:مـــــن؟
خالد:لو سمحتي ناديلنا الانسه منى
مواز متخدره:هههههههههههههههههه الانسه منى ههههههههههههههه؟!!
ورجعت انسدحت...الا بمنى تدخل...وشهقت بفجعه
منى بصراخ:موووزووووه
وبسرعه سكت حلقها وهي تتذكر الضيوف...
عفطت لمواز بس من شافتها متخدره وتون وهي تلاهث عرفت انها مب وعيها نظفت المكان ورتبته بسرعه وهي تنادي دانه...وهي تتحرطم:الله يغربل بليسج من بنت بس فالحه تسووودي وجهنا وتفضحينا؟!!!
عمر وخالد اللي وصلتهم صرخه منى على مواز....
خالد صفر:البنت اللي شفتها اسمها موزه
عمر عصب:خالد
خالد:زين زين بسكت
عمر وهو حده متوتر وكل شوي يتأفف...
منى اللي فتحتلهم الباب:تفظلو
عمر وخالد اللي فزو...
منى من شافتهم عبست وهي تأشرلهم يدخلو...
عمر وخالد دخلو وجلسو بهدوء...
منى اللي تركت الباب مفتوح:تفظلو...انا منى
عمر وخالد اللي يطلعو بعض....عمر وهو يحول نظراته لها سحب نفس:انا.....اسمي عمر
منى:هلا خير لو سمحت قول اش تبا بسرعه
خالد كمل بسرعه:حن جايين نسألج عن اختج شيخه
منى كشرت بقسوه:ومن انتو عشان تسألوني عن اختي؟
خالد يحاول يلطف الجو المشحون:ممكن تهدي اعصابج؟
منى بعصبيه وهي تأشر للباب:لا طبعا و يله انت وياه برااااا
خالد بسرعه:حن عيال خوانج
منى طيرت عيونها فيهم:شو؟؟!!
خالد وهو يحاول يشرح:انا اسمي خالد ولد محمد اخوج
منى وهي تحس ريولها ماعادت تشيلها جلست ع الكنبه القريبه منها بصدمه...وهي تتطالعهم بتفحص وتشتت...
خالد يكمل وهو يأشر على عمر الجالس عداله:وهو عمر و...
منى قاطتعه وعيونها على عمر اللي يطالعها بثبوت:ولد شيخه
عمر كاتم مشاعره وبدون اي مقدمات:انتي تعرفي امي ليش تركتني صح؟
منى نزلت عيونها بتوتر...
خالد بلطف:ممكن تشرحيلنا؟
منى.....
خالد يبرر ويبا عمر يتوتر اكثر:عاد صكينا الواحد ال24 وجدي متحكم فينا كنا يهال ومسود حياتنا ولاهو راضي يفهمنا شي
منى رفعت عيونها لهم:انتو من خبركم عني؟
عمر وقف بعصبيه:بتخبرينا اللي تعرفيه ولا لاء؟
منى طالعته بصدمه...
خالد وقف معه:ماعليه اعصابنا مشدوده...
عمر قاطعه بعصبيه:من الاخير لاتضيعي وقتنا ووقتج
منى بلعت ريجها:اجلس من حقك تعرف
عمر صرخ:اكيد من حقي....هو انتو اصلا اش عرفكم فالحق...ظلام
منى وقفت بعصبيه:اجلس واسمع بسكات تراني خالتك
عمر وخالد يهديه:خلاص عمر هدي مالها داعي هالعصبيه
عمر اللي اجتاحه احساس غريب من قالتله منى ((خالتك))...وقف يطالعها بثبوت ونظره غريبه تعكس مشاعره الملخبطه
خالد برجا:عمر...
عمر سحبله هوا وزفر بتنهيده طويله....و جلس بعصبيه...
خالد جلس معه بهدوء...
منى جلست وهو ترتب افكارها وبلهفه:اول وقبل كل شي عرفوني مره على عماركم
عمر اللي كان بيقول شي اعصابه تلفت بس خالد منعه...
خالد مايعرف ليش ارتاح لها وبفضفضه اكثر ماهي شرح:نفس ماقلتلج انا خالد بن محمد بن فهد ال...عمري 24 مفروض اكون الحين متحري بس الله يسامح جدي خرب علي كل شي
وصد صوب عمر اللي شوي وينفجر:وهو عمر بن عبدالله ال... عمره25 مفروض يكمل دراسته ويتحرج دكتور باقله بس يكمل تدريب ويتخرج بس جدي الله يسامحه مدري شاقووول...بس
منى:تسلم الحين باختصار بخبركم اللي اعرفه.... ببساطه ابوي من طلق امي وحن مانعرف شي عنه...وكبرنا بعيد عنه ومحرومين منه....بس محمد وشيخه ابدا ماقطعونا....اللي صار انه من توفت امي رجعنا لابوي...كان محمد وقتها ماعادله شهر بس من توفى....وشيخه كانت مختفيه....انا ماكنت اعرف شي....و فيوم من الايام جانا ابوي وشيخه معه....ومعها اربع بنات...لا اعرف شي عن زوجها ولا هي قالت....وبس هذا اعرفه
عمر كاتم:لاه...معلوماتج كلها خرطي و مامنها فايده
خالد يرقع:عمر يقصد ماتعرفي ليش تركته؟
عمر...وده يقولها ناديها بس مايعرف ليش كل مايبا يصراخ ناديها مايقدر الكلام مايطلع من صدره....ويخنقه...
منى ودها تساعدهم بس ماتعرف شتقول تحس بلخبطه:هي بالزور تطلقت من المجرم ابوه...وابوي هو اللي خذه منها...بعذر انها ماتصلح تكون ام وتربيه...قام محمد وساعدها تكمل حياته مع ابو بناتها و اللي ابوي ماعجبنه....تزوجت اللي تباه بس...عمر وقف ثاير مثل البركان وهو يقاطعها:الحين انتي اش تعرفي ماعندج شي جديد نشفتي دمنا على الفاضي
منى عبست:انا كنت صغيره ومافهم هالسوالف....وهذا اعرفه...امك ماتت وهي كتومه...اندفنت واندفنت اسرارها معها
عمر اللي طاح ع الكنبه مصدووم:مـمـ ماتت؟!!
منى باستغراب من صدمته:ايه ماعندك خبر؟!!
خالد بلع ريجه:عبالنا يعني... مدري... مافكرنا انها توفت
منى وهي تطالع عمر اللي مصدوم يطالع فالفراغ بتشتت:عبالي ابوي مفهمنك انها ميته من صغرك
عمر وهو يضحك بلوعه:ههههههههههههههههه
خالد ومنى اللي انفجعو...
عمر وهو يغطي عيونه بيده ويضحك بقو:ههههههههههههههههههههه? ?ههههههه
خالد فز مفجووع:عمر...
عمر وهو يزفر بقو:ااه...ماتت؟!!
وقف....
ومثل المسحور طلع من البيت بكبره...
منى ركضت وراه:لحظه
خالد اللي لحقه صد صوبها:خير؟
منى:لحظه بعطيه شي المرحومه وصت ينعطى له
خالد:ماوقته بنرجع ناخذه مره ثانيه
منى:ماظمن ترجعو
خالد وهو يشوف عمر اللي واقف ومستند ع السياره بيديه وراسه للارض:طيب بسرعه
منى راحت ركض داخل....
خالد اللي طلع ووقف عدال عمر:ااناا بسوق
عمر.....
خالد اللي شاف منى جايتنهم ركض...
راح لها...
منى وهي تلاهث:خذ وان قدرتو كررو الزياره في شي بعد لازم يعرفه
خالد وهو ياخذ منها شي مثل الكتاب:ان شاء الله
منى وهو يطالع عمر اللي ركب السياره بصمت وهدوء كبير:انتبه عليه....
وبلعت ريجها وكنها تذكرت شي:عندك اخ بعد اسمه أحمد صح؟
خالد تبسم:صح
منى بحنيه:ماعليه تحملو هذا هو ابوي...تعالو زوروني كلكم
خالد وهو يحس عندها وايد كلام لهم وخايفه تنساه فترصه كله بجمله وحده وماتفكر...طلعلها بطاقته:هذا رقمي
منى خذتها منه:تمام
خالد حس بشعور غريب قرب منها وباس راسها رغم انها ماكبيره تقريبا من عمر احمد:اشوفج على خير عمتي
وراح عنها...
منى اللي فرحتها حركته...كتمت دموعها وهي تشوفهم يبتعدو بالسياره....سكرت الباب وجلست تصيح....
جا اليوم اللي كبرو فيه عيال خوانها اللي ابوها حرمهم من السعاده....جا اليوم اللي بتنكشف فيه الحقيقه
دانه اللي جاته وجلست عدالها:راحو؟
منى وهي تمسح دموعها هزت راسها بالايجاب...
دانه تنهدت:ماعليه هاليوم كان بيجي عاجلا ام اجلا...حمدي ربج
منى ناظرتها بعيون دامعه:للاسف كل شي بيطيح فراس ابوي
دانه لمتها:هو المسؤول خليه يتحمل نتائج تصرفاته
منى بكت فحضن دانه اكثر:ظلم الكل يادانه مابقى احد....بس البنات...صلح غلطته وربي...البنات...
وسكتت وهي تعد عن دانه و عيونها فعيون دانه الحزينه...
تتأمل تحصل اجابه تبرد فوادها...
دانه تبسمت بذبول:هالفظل محد ينكره....بس يظل وايد غلط...وهالاغلاط ماتغتفر
منى بغصه:اعرف
ورجعت تصيح....
***************************************وعند ذياب وفيصل...فالكورنيش...الجو يرد الروح....
جلسو على احد الكراسي المطله على البحر...
فيصل وهو متكتف ويطالع البحر بملل:اووووف والله ودي اخذلي اجازه تعبت دراسه وتخرج وسيده دوااام وشغل وكد
ذياب طالعه بابتسامه:مسكين انا ماقلت نفسك....اشتغل واكد بسكات
فيصل:تصدق احسني صغير ياخي على الكد...كرفت كرف لدرجه خلصت دراسه فسنتين ونص...من يصدق 23 واشتغل لاء ومدير بعد؟!!!
ذياب:هههههههههه ايه اقدم شكوى يعني لان مديري بنفس عمري؟!!
فيصل:هههههههههه لاه
ذياب:لو ماشركة ابوك كان لا انت ولا انا توظفنا بهالسرعه يامديري
فيصل بجديه:لو ماحب هالشغله ماشتغلتها
ذياب تنهد بقو:الحمدلله على النعمه حالنا احسن عن خالد وعمر
فيصل:بوااااليد
وكأنه تذكر شي:الا بسألك...اخبار الشات؟
ذياب سكت عنه بعبوس...
فيصل بجديه:لمتى وانت على هالحاله اش النهايه فهمني؟!!
ذياب باستنكار:يافيصل....افهم السالفه مامثل مانتو متصورين
فيصل وعيونه على البحر:انت وايد حساس...واسلوبك وطريقتك خطأ
ذياب وهو يتعبث بفونه متجاهل البحر اللي قدامه وسحره:هههههههههه كلكم عبالكم انا تعرفت عليها فالشات يعني بعيش معها فشك بس اتزوجها
فيصل تنهد وهو متكتف:اكيد مافي شك فالنقطه بذات فلا تحاول
ذياب:هي ماتخوني البنت صغيره وتوها انا اول حب لها يعني ماتعرف تلعب وتخون
فيصل طالعه بصدمه:اش دراك؟
ذياب بثقة:هي خبرتني...توها بالثانويه بس هالسنه اخر سنه
فيصل باستنكار:ذياب انت صاحي؟!!...هالبنت مراهقه...كيف تحبلك مراهقه؟!
ذياب تبسم:صح والحمدلله طاحت فشباكي انا مافشباك ذيب يستغلها
فيصل قطب حواجبه:يعني بتعطيها درس تكره الشات وتبطل؟
ذياب بهدوء:كنت كيه مفكر قبل
فيصل قست ملامحه اكثر:اهاه...غرد غرد وألحين شالمخطط؟!!!!
ذياب زفر بقو:ماهانت علي...والله بعدها صغيره...ماقدرت اجرحها فيصل...مالها ذنب...الا انها تدور الامان
فيصل وهو يلمس الصدق فنبرة ذياب:طيب اش دراك انها بنت مو ولد؟!...الا انت كيف تعرفت عليها؟!!
ذياب:بقولك بس لاتخبر احد...بخبرك بس عشان تساعدني لاني احس نفسي تايه
فيصل:زين قووول
ذياب:مرة وانا بالشات ع نص الليل تقريبا...تعرف اوقات الذروه...هذاك اليوم كان دوامات و تقريبا الشات عكس العاده فاضي...دخلت علي بنت....استغربت اول عبالي ولد...وسايرتها...
فيصل:وش كانت تريد؟
ذياب:متضايقه وتفضفض...رحمتها وتعاطفت معها...بس...اخر شي بغيت اتأكد انها ماتكذب علي...قلتلها وانا اش يدريني انج بنت ماولد ويلعب علي
فيصل مندمج:انزين وكيف اثبتلك؟
ذياب زفر:تخيل من كثر ماكانت منهاره و فلحظه ضعف فتحت الكام...
فيصل شهق:شفتها؟!!!
ذياب بكل حواسه:ايه....كانت تصيح بلوووعه قطعت قلبي... من الصدمه كان ودي ادخل فالشاشه و احضنها
فيصل وهو مطير عيونه فذياب وكلامه....
بس استوعب ابط ضحك:ههههههههههههههههههههه? ?هههههههههههههههه اما قصه
ذياب عبس بعصبيه:ياخي حسسني ولو مره وحده انك تحس فيني؟!.....قسم بالله ماقلت نكته
فيصل قلب فجأه جدي:كمل كمل خلاص وعد مابضحك
ذياب بهدوء كبير:هه....من هذاك اليوم وحن نتواعد....تفضفضلي وتخبرني اش صار معها...يعني كنت بس صاحب
فيصل اللي يسمع باستنكار:هذا فالاول بس
ذياب بهيام:ايه كنت صاحب و انمسحت الصاد والالف مع الايام وصرت
سكت وهو يتأمل البحر بغمره....
فيصل كمل عنه:حب
ذياب تنهد وهو على حاله:ايه
فيصل صد يطالع البحر وهو يتكتف:ولمتى؟
ذياب ببساطه:بخطبها
فيصل وقف بشهقه:شوووووووووووووووووو? ?وووووو؟؟!!!!!!
ذياب وطى راسه:حبتني شاسوي؟!!!فيصل عصب من ذياب:ألحين بس سؤال واحد....انت تحبها؟
ذياب صد عن فيصل بتردد:لا...معرف معرف
فيصل جلس يحاول يقنع ذياب ويفهمه:ذياب هذا اسمه تعاطف....البنت حبتك وتعلقت فيك...تعلق وحب مراهقه او قول حاجه...هي اول مره حد يهتم فيها ويغمرها حنان واهتمام فتوهمت انها تحبه...هذي بس تكبر بتفهم وينضج تفكيرها بتكتشف انها ماتحبك...وانت ماتحبها... ليش تظلمها وتظلم نفسك؟
ذياب عبس بتعاطف:اخاف ان تركتها تنحرف
فيصل قطب حواجبه وبعتاب:لا ياخوووي...انت لازم تشد عليها حبتين وتخليها تنسى الشات تماما...بدل لاتعيش تأنيب الضمير بسبب تعاطفك الزايد معها لانها صغيره وطاحت عليك
ذياب زفر بضيق:انا الغبي من اولها فتحتلها باب وتجاوزت حدودي لو مفهمنها من البدايه ماكان تتطور الوضع
فيصل بجديه:ماينفع الحين هالكلام كله انت لازم تصارحها بكل شي
ذياب بلع ريجه:اخاف تنحرف او تتعقد
فيصل يشجعه:لا انت تعرف كيف تقنعها وتتعامل معها فهمها....وياريت اذا فهمت واقتنعت تبطل بعد انت هبات الشات عشان هي بعد تقتل اي امل ان ضعفت تدخل و تحصلك فيه
ذياب بعبوس وقلت حيلة:حاولت بس ماقدرت والله
فيصل:ماعليه ياخوي مشي حل اظمن واحسن عن هالحل....تبا تصير شهم وتدخل الشات ماتركب...الشات تستنذل فيه ماتستويلي بابا ياسين
ذياب:هو هي اليوم سألتني وش نهايه هالعلاقه...وانا قتلها كل خير
فيصل:تعرف من بنته هي؟
ذياب:لا بس اذا قلتلها بخطبج اكيد بتخبرني
فيصل:والحل؟
ذياب:اليوم بالليل موعدنا مره بحاول افهمها...يعني اهيألها الموضوع
فيصل تكتف وهو يبوز:مالت عليك مستولي مصلح اجتماعي فالشات...تضحك والله
ذياب عبس:كنت داش ادردش وبس ماريد العب على احد
فيصل بعصبيه:اهم شي انك ماحبيتها
ذياب تنهد:الاسوأ حبتني
فيصل:قلتلك مراهقه بكره تكبر وتنساك انت بس فهمها بأسلوب
ذياب تنهد بقو:ياهي بلشه
فيصل ببساطه:بروحك جبتها لعمرك
ذياب... سكت يفكر كيف بيفاتح اللي اظنكم عرفتوها....
الا بفيصل يفز وهو يشق:وللل نسيت
ذياب اخترع:الله يغربل بليسك اش فيك؟
فيصل وهو يطالع الساعه:عندي مشوار مهم
ذياب:زين روح عقب الصلاه
فيصل بانفعال:لالا بصلي هناك
ذياب قطب حواجبه باستغراب وفيصل مرتبش:وين هناك؟
فيصل:فمسجد حارتهم....اقول ليش ماتجي معي؟
ذياب تبسم:ليش ينفع؟
فيصل:اكيد ينفع ليش ماينفع يعني؟
ذياب بنص عين:عبالي مواعد الحب
فيصل كشر وهو يقومه معه:قم قم بلا هذره فاضيه
ذياب:هههههههههههههههههه زين هدني ادل الطريق
************************************عند عمر و خالد...
عمر اللي رجعو لبيت شهاب دخل وسك على عمره...
شهاب اللي خبره خالد بكل شي:لا حول ولا قوة الا بالله والله عبالي يعرف
خالد بصدمه:حتى انت تعرف انها متوفيه؟
شهاب:ايه...ماكنت نسبيهم؟!!
خالد تنهد:صح...بس والله عمر صدمته كانت قويه
شهاب:من صغره وفهد يفهمه انه وجودها وعمده واحد...يعني عبالي معتبرنها ميته
خالد:شكله كان عنده أمل يشوفها عقب كل السنين...ولو مره وحده
شهاب بأسف:للاسف طلع عنده امل فيها
خالد:انخدعت مثلك بفكره كرهه لها....امه ومها سوت بيظل يحبها
شهاب سكت وهو يتذكر امه...
:السلام عليكم
شهاب وخالد:وعليكم السلام
أحمد وهو يجلس معهم:أخباركم؟
شهاب وخالد:الحمدلله
أحمد:كيف خلود ماحصلتو شغل؟
خالد بتنهيده:لا
أحمد عبس:اش صاير؟
خالد بغبنه:رحنا لعمتك منى...وتكلمنا معها
أحمد فز:زين واش قالتكم؟
خالد كمل بغصه:ماكملنا كلامنا الا وقالت عمتك شيخه متوفيه...انهار عمر و طلعنا
أحمد قطب حواجبه:هو ماعنده خبر؟!
خالد بقق عيونه:ليش انت عندك خبر؟
أحمد:ايه امي خبرتني يوم توفت...حتى جدي شلني معه العزا
خالد وقف بصدمه:وليش ماخبرت عمر؟
أحمد:كنتو مسافرين و أمي وجدي قالولي لا افتح الموضوع قدام عمر يسد اللي فيه...ما عبالي مامخبر
خالد بقهر:ومافكرت ليش ماحضر عزا امه؟!
أحمد عبس باستنكار:ليش هو كان مايطيق سيرتها اصلا؟!....و جدي فهمني لا ادخل...عمر كان بس حد يطريها يستلبس ويعصب
خالد عصب من اخوه:اوووه أحمد ماعرف شاقولك...اوووف معقوله الكل عنده خبر وولدها اللي له الحق قبلكم كلكم يعرف ماعنده خبر....اش هالظلم؟!!!
شهاب تبسم بأسف:هه....طبايب جدك المحترم
خالد معصب مايعرف شيقول:متى الله ياخذه ونفتك من شره؟!
وطلع عنهم وهو حده ثاير ومعصب...
أحمد:استغفر الله...الا وينه عمر ألحين
شهاب:داخل
أحمد زفر بألم:الله يكون فعونه
شهاب:تيمتم مرتين يوم تركته ويوم وفاتها
أحمد:صعب صعب....انحرم منها طول العمر هي حيه وهي ميته
شهاب:ايه والله...الله يصبره ويعينه بس
أحمد:آآآآآميـــــــــــــ? ?ــــن
وعند عمر اللي للحين مصدوم ومجزوووع...وما فوعيه...يطالع فالفراغ...
بداخله زوبعه مشاعر ملخبطة...ماتوقع ابدا انها بتموت ولا شافها...معقوووله هو اللي طول عمره يكرهها....ينهار على وفاتها اللي مايعرف متى ولا حضر عزاها بهالشكل...
انظلم وااايد وايد...والاحساس بالظلم مرير...وصعب...
طاحت دمعته على خدها غمض عيونه بقو وهو ينزل عيونه لحضنه...
لمذكرات امه اللي بين يديه...اللي منى عطتهم خالد...وعطاهم له:هذا اللي تركتيه لي يعني؟!
كان وده يقراهم بس كل مايبا يفتحه تخونه شجاعته ويغص...يحس بخنقه ويتراجع...
سمع أذان العشا...قام حط المذكره فالدرج و دخل ياخذله شور ينشطه و يبرد حرارة جسمه او قلبه مايدري...و يتوضا...
بيصلي عشان يرتاح
********************************
فهد اللي حصل فيصل ينتظره اول مارجع البيت...ومع ذياب...ولانه متعود على الشغل ماكان مرهق لدرجه انه يتعذر من فيصل ويدخل عنه...
فهد اول مادخل عليهم وسلم وذياب ساكت ولا يتكلم عكس فيصل اللي استجذب فهد فمواضيع الشغل والتجاره...وهالشي خلا فهد ينفاعل معه وبحماس....
فهد اللي بالفعل غير جو ونسى همومه وشغله وخسايره يحب هالبيت والبنات والجو وزياره فيصل وسعت صدره اكثر وارتاح:والله ياولدي اني محتاج لموضف بعقليتك توني بس مفنش موظفين من عندي
فيصل عبس:افا ليش؟
فهد:طفرووووبي وانا عمك خسرووني فوق خسايري اكثر مايفهمو فالشغل شي
فيصل:وليش وظفتهم عيل؟
فهد بعصبيه:كنت ابكسب اجر فيهم بس شتقول ولاد هالزمن مايعجبهم شي
فيصل:والله ودي ياعم بس ما اقدر انا اشتغل ومرتاح فشغلي الحمدلله
فهد:وربيعك
وهو يطالع ذياب الساكت...
فيصل:ههههههههه هذا اخرس مايتكلم
ذياب طالع فيصل ببرود...
فهد:ااهااه ماينفع للبزنس يعني؟
فيصل:هههههههههههه لالا وش عرفه بالبزنس؟!...مسكين على قد حاله
فهد اللي دخل فيصل مزاجه بقو:الله يكون فعونه مسكين
ذياب وهو يطالعهم ببرود...وفخاطره:هالمسكين اللي تدعيله هو العقل المدبر لكل خسايرك...اللي راحت واللي جايه
فيصل:الا ياعم بغيت اطلب منك طلب وان شاء الله ماتردني
فهد:افا ان شاء الله مانردك قووول وش عندك؟
فيصل تبسم بخبث:جاي ابا القرب ياعمي
ذياب اللي بقق عيونه وهو يطالع فيصل..!!!!
فهد فرح رغم استغرابه من طلب فيصل:وانت من دلك علينا؟
فيصل:بصراحه اختي وكريمتكم صديقات ومره وانا اجيب اختي من المدرسه لمحتها والله يشهد علي ياعم...اريدها حليلتي.....زوجه على سنه الله ورسوله
فهد اللي عجبه فيصل من الاول وفرح اكثر على طلبه:عطيناك تطمن
ذياب طالع ففهد بتعجب...!!!
فيصل ماتوقع الموضوع بيكون بكل هالسهوله:يعني نملك؟
فهد:ههههههههههههههه لا تستعيل اصبر اسبوع نشاور البنت ونعرف اهلك
فيصل:حقك ياعمي بس انا ابوي متوفي وامي مخرفه وخواني كل واحد لاهي فحياته عندي عمي بس كبير فالسن وماقدر اجيبه مريض ومتلعوز...جبت ربيعي وان وافقتو ان شاء الله ادبرها واجيب القبيله كلها
فهد:ههههههههههههههههههه لا ياولدي مايحتاج دامك رجال وعن 100 رجال تكفي وتوفي انت وربيعك هالشهم...بس اول خلينا ناخذ شور البنت
فيصل:اكيد اكيد حقكم
ذياب اللي ماعاجبنه الوضع ابدا...صرت شهم زين زين...بالبركه
فهد:الا صحيح من فخاطرك بالضبط؟
ذياب طالع فيصل بتهديد..لا يافيصل لا
فيصل وهو يحك راسه:والله ياعم...اعرف اسمها من اختي
فهد:هههههههههههه زين قول مابذبحك
فيصل مخلي عمره منحرج:موزه
فهد انصدم:ههههههههههههههههههه? ?ههههههه هالبنت بذات ماكان عبالي بتتزوج لاء وقبل خواتها بعد
فيصل اللي مستغرب فهد طلع انسان ودود وحبوب ماتخيله ابدا بهالصوره دوووم الشباب مايقصرو فيه...هذا هو نفسه اللي معذبنهم مستحيييييييييييييييييل:لي? ? ياعم؟
فهد وهو يضحك:لانها اركد واعقل البنات....ماتسمع لها حس....وماتسوي مشاكل ابدا....وابدا ابدا مامرجوجه وخبله....
و بجديه:والله بتعذبك....انت بس متأكد موزه ما مهره؟
فيصل:لالا موزه اختي بعد تقول عنها كيه وانا من زمان ودي ببنت كيه
فهد:ههههههههههههههههههههه عيل مانت بصاحي
*********************************نرجع لعمر اللي من صلى ارتاح وقدر يستجمع قوته...
طلع المذكره وبدا يقراها....
انصدم من اول حروفها....كانت مكتوبه له...
((الى ابني العزيز والذي لايبرر شيء تركي له...الى فلذه كبدي...الى بكري وحياتي التي سرقت وانتهكت مني...عزيزي عمر...بني....اخط لك هذه الاسطر فلا ثقة لدي بالمرض الذي ينخر جسدي ويهتك روحي....انه يتعبني ويذبلني...
تهتك جسدي من الالم ولازال يعصف به دون رحمه...ينهش في روحا وجسدا...كما لو كنت اعاقب على تركك والتخلي عنك....لن اصف اعذاري لك بني...فقط سأكتب لك ماحدث وانت تقرر واحكم على روحا انت جزء منها...
بني وقبل كل شيء....اعلم اني لم انسك ولم اتناساك ابدا....
امك الانانيه التي كتبت اسمك على صدر السماء وأيامها)))
تنهد بقو وهو يرد يقرا هالفقره اللي خطت على جلد المذكره....كنها رساله...همسه...من امه....
مسح دموعه اللي بدت نزل وهو يقرا حروفها للمره الثالثه...
((امك الانانيه التي كتبت اسمك على صدر السماء وأيامها))
....هالجمله هزت كيانه وزلزلته.....
حط المذكره بهدوء على صوب ومثل الاطفال جلس يصيح بلوووعه و مراره مالها حدود....
امه اللي انحرم منها حتى مايتذكر شكلها...ملامحها...ولا يوم تركته...يوم الوداع...ماتركت له شي غير اسمها اللي ابوه ماكان يطيقه...وجده اللي ماكان يمر يوم مايطريه مع وابل من السب والشتم والقذف...ماكأنها بنته ابدا...
وهو اللي كان ينكرها...يكرها...ابدا ماكان هاالحساس فقلبه كان يدعيه...كان قناع يلبسه...من غضبه وقهره...وهو بداخله لهفه وحنين لها...للي حملت فيه وولدته...للي ورث منها اللي مايعرفه...امكن الطيبه...امكن الصبر...وامكن الدموع اللي مافارقته ولا ليله وهو ينام على ذكرها...
كان عنده امل ولو بسيط يلاقيها...يسألها...وقبل كل شي يرتمي فحضنها...يعيش حقه...يسمع (ولدي) منها...ويناديها (أمي)...
للاسف انانية جده ومرضه النفسي كانو سبب فحرمانه من اهم حقوقه...
عصب وهو يتذكر جده...
مسح دموعه و رجع ملهوف للمذكره حضنها بقو وهو يشم ريحة امه فيها...امكن وهم...امكن هلوسه...بس حس بها قريبه منه...
وبس هدا وقام غسل وجهه رجع يقرا....
كتبت له كأنها تعرفه...وتعرف طبوعه...ماتصور لهدرجه ممكن الام تحس بولدها...
يقرا شوي وتنزل دموعه...وترجعله الحاله الهستيريه...ينهار...و بس يهدا ويتعب يرجع يكمل...
لحد مانام من التعب والانهيار اللي هو فيه...والمذكر فحظنه...
و فالصاله....
خالد بتوتر وقلق كبير:يعني لمتى بنخليه لحاله اخاف يسوي شي فعمره؟
شهاب وهو مشغول باللاب:خليه ياخذ راحته...عمر عاقل مارح يسوي شي يغضب فيه الله
وقام:تجي تعاوني؟
خالد بمكر:بكم؟
شهاب:هههههههههههه ماعليه بعتبرك سكرتيري الليله بس لانه سكرتيري مريض وذياب ماله حس للحين وانا اريد اقلطلي(اخلصلي)كمين شغله مهمه
خالد فز بينسى عمر وخوفه عليه باي شي:تمام
شهاب وهو يتصل بذياب:خذ هاللاب واسبقني المكتب بناقش وايد مواضيع
خالد خذ اللاب منه:تمام
وسبقه...اتصل بذياب بس مايرد تنهد وهو يتصل على فيصل...
وصله صوت فيصل وهو يسلم:وعليكم السلام انتووو وينكم؟...وليش ذياب مايرد؟
فيصل:هههههههههههههه ول انزين اخوك مب ياهل تراه ريااال طول وعرض وقريب بيتزوج بعد
شهاب:هههههههههههه لاه...بسك تهربيت(هذره) وجاوب
فيصل بجديه وباللهجه الشاميه:تمام معلم...هوه هلا...
وماعرف يكمل قام كمل بالعاميه:نسى تلفونه ورجع يجيبه....الحين راجعين
شهاب:ههههههههههههههه هيك لكان....زين زين...هاتو عشا عيل
فيصل:تمام معلم شو بدك؟
شهاب:هههههههههههه بسك ترقيع ترا عفست ام اللغه....المهم كالعاده نوعو لا تتأخرو فاهمفيصل:ان شاء الله معلم
شهاب:هههههههههههههه الله بالعقل بس...عادلك فتره مانت بصاحي
فيصل:هههههههههههههههههه اعلمك السالفه عقب يله مع السلامه معلم
شهاب:هههههه زين وين مع السلامه
وسكر وهو يشوف مسج واصلنه فتحه....تبسم وهو يقراه:ههههههههههههه ماعليه يافهد والله وقربت النهايه
ولحق خالد وهو حده مبسوووط
**********************************مشت وسطهم وهي تتمخطر وبدلع:ياربي ياربي ياربي....وش هالمعجبين....ماصدقو على الله يسمعو خبر تخرجي القريب جو ركض يخطبوني....واحد ورا الثاني....مسكين جدي عيا وهو يفهمهم
وهي ترمش وبدلع ماصخ: مافي زواج قبل لا اعدي ال20
عليا:هههههههههههههههههههه? ?هه وربي خبله هذا اللي جالسه تراجعيه زين عز الله فلحتي
مواز وهي تدور حول نفسها:يعمري انا اهبل فديت روووحي وقلبي وعلى قووولت اخواني الاتراك جنم جنم
عليا:ههههههههههههههههه يالخبله جنم يعني روووحي انتي لمن تقولي روحي ماتركب تقوليها لعمرج
مواز تخصرت:قسم بالله تركب....لغتي وكيفي...هاير جنم
عليا:ههههههههههههههه رقعي عاد انتي
مواز:ايفت ايفت....اكيد برقع
وكملت بدلع: كيف بسافر تركيا شهر العسل وانا ماعرف شي؟!....ابا ابهرررر ماي بعل
عليا تتقلب ضحك:ههههههههههههههههههههه? ?هه حلووه ماي بعل
مواز بغرور:اكيييد حلوه...ماهو الحلو مايطلع الا من الحلو والزين مواز
وصرخت كنها تذكرت شي:تدرووون...الزين والحلا وكل شي حتى البرستيج غيرو اسمهم لمواز
دانه فرتها بالوساده وعليا ومهره يضحكن على خبالها:بدل الهذره واحلام اليقظه مسكي كتابج وقابلي دروسج...
مواز وهي تكمل مع دانه:هذا مستقبلج...هالسنه مصيريه تحدد مستقبلج كله
دانه كاتمه غضبها:انتي ماتعرفي تنكتمي دقيقه؟!...يا انج تسوي مصيبه او تهذري؟!...ماتعرفي تركدي وتجلسي عاقله دقيقه بس؟؟!!
مواز:ههههههههههه خلاص ابشري فعيد ميلاج ال30 ان شاء الله بقدملج هالهديه...بسكت على روحج دقيقه
مهره نقعت ضحك:هههههههههههههههه يالخبله هذيك اسمها وقفت صمت على ارواح الموتى ماتركب لأعياد الميلاد
مواز:عااادي تركب....
وشافت دانه معصصصبه وويها احمررر:ههههههههه اعرف اعرف هالايام بس اضغط على عمري واتحمل عشان ارتاح عقب طووول العمر
دانه بصراخ:اشوف حافظه المحاضرات بس مافالحه تطبقيها
مواز وهي ترد شعرها القصير ورا بدلع:و انتي اش حارج؟!..كيـــفــــي انا اللي بسقط مو انتي....يا ام اربع عيون
دانه سكتت عنها تعرف مواز راسها يابس والكلام معها لا يودي ولا اييب....مسكت كتابها ورجعت تقرا:انتي الكلام مع ضايع هه
عليا بهمس لمهره:مهروه اخبار مدري شسمه؟
مهره:اسمه الاسطوره...وعدني بالليل نتفاهم على كل شي
عليا:اهاه زين
مواز صرخت بضجر:اوووف ملل
:قابلي كتابج بدل...
مواز قاطعتها:هلا وغلا بالغلا كـــــــــــلــــــــــــ ه
منى تخصرت بعبوس:مووزووه قابلي كتبج
مواز تكلم عمرها:ماوجه مغازل مالت
عفطت لمنى:عمتي ألحين ماصح في اثنين شافوني فالمجلس؟
منى تذكرت عمر وخالد وغصت...
دانه صرخت فيها باستنكار:ايه وفرحانه حضرتج شافو سواد ويهج؟
عليا بققت عيونها:وان شاء الله شافوها بالقرعه؟
دانه ببتسامه جانبيه ساخره:لاء ومنسدحه تغني بعد....مريضه ولا راحمه عمرها
مواز شهقت بدلع تغيض دانه:انا متى؟!!!
مهره صرخت بضجر:الحمدلله والشكر...بذاكر انتو ماوجه مذاكره....اطلع ادورلي مكان اهدا ولا عز الله نجحت
وطلعت عنهم...منى صرخت فمواز بقهر:ماتلحقيها ياحظي
مواز تتعذر ببراءه:لا حرام شارده مني اقوووم الحقها....اصلا هي ماتعرف تذاكر و تقابلني
منى بصراخ:زين مسكي كتابج ترا والله يأست منج
مواز وهي تحط يدها على اذنها وبتكشيره:زين تراني عدالج ليش بعد يصرخو؟
منى لوت أذن مواز بعصبيه:بتذاكري ولا لاء؟
مواز وهي تناقز بألم:اي اي اي ايييي
عليا لدانه:هههههههههههه اش سالفتها اليوم نازل عليها دلع ورقه؟!!
دانه وهو يأشر على يدها كنها بتقطعها:هههههههههه اقص ايدي اذا كملتلج هالدقيقه بس
منى ودرتها بعتاب:يالله اشوفج مسكي كتابج
مواز وهي تفرك أذنها وصرخت بألم:مااابااا
وطلعت عنهم بعصبيه...
منى شهق بفجعه:وتراد بعد
عصبت و لحقتها:انا أعلمج
دانه:هههههههههه شفتي؟
عليا:هههههههههههههههههه هالبنت خبله رسميااا
وعند مهره اللي راحت للحديقه تذاكر ومن عادتها ماتعرف تذاكر الا وهي تمشي وتقرا بصوت مسموع....
وهي تمشي وتجي وتحفظ....تعبت وجلست على الكرسي الخشبي المقابل لباب المجلس وهو تاخذ راحه تحس ريولها تعورها....غمضت عيونها تسترجع المعلومات...
مانتبهت للعيون اللي تتأملها بصدمه....:
هي هي هي...ايه هي....
لانه المسافه بين الباب والكرسي تقريبا مترين ونص قرر يقرب ويتأكد أكثر...وهي تعدد بصبوعها المعلومات ومغمضه عيونها باندماج....اول ما تأكد وقف مصدووووم...
مهره فتحت عيونها بفرحه لانها قدرت تحفظ المطلوب وتدخله عقلها....تنفست بعمق وهي حدها مبسوووطه:يسسسسس شاطره فديتني...ههههههه
وحضنت كتابها وقامت:يوووه اخاف بس حد عند جدي احسن اروح اذاكر الحديقه اللي عند المطبخ...وراحت
كان متخبي ورا الشجره...اول ماحس انها بتفتح تخبى بسرعه وهي ماحستبه ابدا....
:ذياب
ذياب فز وهو يطالع وراه ويده على قلبه اللي شوي ويوقف:هاه!!!
فيصل اللي واقف على الباب الخارجي باستغراب من خرعت ذياب:اش فيك تأخرت؟...كل هذا تجيب تلفونك؟!!!
ذياب بلع ريجه:هاه...ايه ايه امشي بقولك شي
وطلعو سوا....
*********************************دخل عليها لانه ماشافها من جابها من المدرسه وكانت مرهقه بشكل...حتى نامت بسرعه اول ماوصلو بلا غدا ولا شي...وهو خلاها على راحتها...
أحمد اللي دق الباب ودخل بس ماجاه رد شافها ع السرير متكوره على نفسها وتصيح...انقبض قلبه بس ماحب يخوفها...راح قرب منها بهدوء:مها
مها رفعت عيونها له...اول ماشافته فزت تمسح دموعها وهي تتعدل فجلستها:هلا
أحمد عبس:ماكلتي شي الغدا فمكانه...اش فيج؟
مها بدون ماطالعه:مالي نفس
أحمد بحنيه:مايصير لازم تلتزمي بالاكل عشان تتعالجي وماتحتاجي للحبوب عقب
مها رجعت تشاهق ودموعها تنزل...
أحمد جلس عدالها:افااا...اش صاير؟
مها بغصه وهي تمسح دموعها اللي مارضو يجفو:عقب.. بكره عندي....امـ...ــتحان
أحمد يسايرها:طيب وين المشكله؟
مها بلعت غصتها:دخلو وحده كامله مافاهمه شي منها...
وغطت وجها تصيح بلووعه:صعبه
أحمد رحمها بس ارتاح انه السالفه لا امتحان:افاااا تصيحي وانا موجود
مها وهي على حالها....
أحمد سحبها لحضنه:الحل بسيط ترا
مها اللي انتفضت من حركته وتكهربت بعدت عنه بهدوء وبربكه...وبخجل:شو هو؟
أحمد تبسم:اي ماده هالوحده؟
مها طالعته مافاهمه اش يبا بضبط ومتلخبطه من لطفه وجراءته وحنانه معها:الفيزياء
أحمد تبسم اكثر:انا كنت علمي وافهمله
مها نست كل شي وبفظول:انت تشتغل فسلاح الجو صح؟
أحمد حب يغير الجو وزين جات منها:ههههههههه وجدي ماقصر كان ناوي يضيع مستقبلي
مها:صح وش سويت ساعتها؟
أحمد فاسبوعين بس طفشتبه خسرته اكبر صفقتين جن جنونه وطردني من الشركه ههههههههههه
مها:هههههههههههههههههههه وماعاقبك؟
أحمد صغرت ابتسامته:عاقبني عقاب عمري مارح انساه
مها بخوف:شو هو؟
أحمد استغرب الخوف فلهجتها:وليش هالخوف؟
مها:مب خوف...بس من لهجتك شي جايد
أحمد مسك يدها:صح
مها تكهربت من لمسته...صاير وايد ودود معها...ومطيح الميانه...كنهم متزوجين من سنه واكثر ماكنه من شهور وتوهم من ايام بس تحسنت علاقتهم...وهي بعدها ماقادره تتأقلم معه...سحبت يدها باحراج:زين
أحمد بعصبيه:اش فيج عادي...انتي كله تستحي؟
مها فزت بخرعه...و وطت راسها....شوي وتصيح
أحمد:هههههههههههههههههههه? ?ههههههه
مها رفعت عيونها له بتعجب..!!!
أحمد:امزح معج والله حالتج صعبه....
وقلبها جديه لانها نحرجت بقو وماحب يزودها اكثر:المهم تراني شاطر فالفيزيا وطبعا مارح اخلي حرمتي ترسب
مها وهي متلخبطه وفقمه التوتر تحس بطنها بدا يمغصها...و بخجل:تسلم
أحمد وقف:يله قومي غسلي ويهج ولحقيني الصاله تراني ميييت جوع
مها بققت عيونها:ليش انت ماتغديت؟!!!
أحمد تخصر:والحين بعد شكلي مابتعشا....ترا ماحب آكل بروحي
مها حست بتأنيب الضمير هو يسوي كل شي يريحها وهي تصده وتجافيه وكنها ياهل ماتعرف كيف تردله جمايله ولو بكلمه حلوه:آسفه
أحمد قطب حواجبه:على شو؟
مها قامت ركض للحمام...ولا عبرت سؤاله...
أحمد تبسم:هههههههههههههه حشى ماحيا
************************************عبس وهم يركبو السياره:اش فيك؟....ساعه تروح تجيب فووونك؟!...اخوووك اذاني ترا ماصارت.....
ولاحظ شرود ذياب وملامح الصدمه عبس: وش فيك؟!!
ذياب بعده مصدووم ومامصدق وبتشتت:البنت اللي..... مدري... خطبتها
فيصل شغل السياره وبعدم مبالاه مايعرف ليش فجأه حس الموضوع مايسوى بس تذكر زيارتهم واللي صار انبط ضحك:ههههههههههههههههههههه? ?ه طلع ماسهل الشيبه...ودمه خفيف....والله استانست عليه... تصدق للحين اتخيله جد الشباب المخرف....من قال اسمه وانا عبالي هو والله...بس ماراكب فراسي هو نفسه صح
ذياب يعرف فيصل ومزاجه اللي يقلب فجأه تنهد و بجديه:صح هو نفسه فهد
فيصل مندمج وبضحك:هههههههههههههههههه اعر...
واستوعب وهو يصد صوب ذياب بفجعه:لا تقووول..
ذياب قاطعه بانزعاج على استعباطه:ايه جد أحمد وخالد وعمر
فيصل شهق بقو وهو يوقف السياره:يعني هو نفسه؟!....انت متأكد؟؟
ذياب عبس باستنكار:انت هيه بسك استعباط!!
فيصل بجديه:لالا من صدجي ترا انا بس قال الاسم شبهته به...ولزقته بشخصيه جد الشباب
ذياب بثقه:اشتغل على نص خطط شهاب....واعرفه حافظنه مثل ما اعرفك وحافظ اسمي
فيصل تبسم بسخريه:هههههههه....يعني ألحين هالبويه حفيدته؟!!...يعني تقرب للشباب
ذياب بلهجه غريبه:الدنيا صغيره
فيصل:الا انت كيف مسكت نفسك عنه والله معرف؟!!
ذياب زفر بضيق:تراني اخرس لاه
فيصل:هههههههههههههههههه لاتذكرني....ههههههههههههههه تصدق شكله حاس انه بيصيرله شي من ورا احفاده عشان كيه بيفتك ويزوج البنات....حتى سمعته يكررلي يتأكد موزة ولا مهره
ذياب بعدم مبالاه:انت ياخي مدري على شو ناوي بالضبط زين مني مسكت اعصابي
فيصل ببساطه:انت ليش معقد السالفه؟!....الريال شكله حبوووب و...
ذياب بدون مقدمات قاطع فيصل بجديه كبيره:انت خطبت موزه ليش؟!
فيصل رفع كتوفه لانه يعرف تضيعه لسالفه مايفيد عند ذياب... و بحقد:ابا اربيها من اول وجديد مافي بنت تهيني واسكت...ولا اقدر اجيب راسها....
ذياب قاطهعه بعصبيه:اش لك بالبنت خلها فحالها؟!...ليش تلاحقها؟
فيصل بدون ملامح:دخلت راسي ومابتطلع الا بكيفي
ذياب عصب اكثر:ترا بنات الناس مب لعبه
فيصل طنشه وهو يكمل كلامه:بس خسارة طلعت ياهل...قاصر....اوووف ابتلشنا...
وبعصبيه:عيل ياهل تسوي كل هالمصايب لو كبرت وش بتسوي؟!!
ذياب يعرف حركات فيصل وحافظنها بس مشاها له و باستنكار:ليش انت كم عمرك؟
فيصل بعفويه:23
ذياب عابس:والبنت؟
فيصل ببساطه:قال توها بس داخله ال20
ذياب تكتف:يعني مب قاصر وبينكم بس 3 سنين وتقولي صغير؟!...
تذكر فجأه شي غفل عنه وصد صوب فيصل اللي رجع يكمل سواقه:الا انت توك متخرج بس ومشتغل من وين لك بمصاريف الزواج؟...ابوك مامن النوع اللي يوافق يسلفك...يسد وظفك....و
فيصل قاطعه بضحكه:ههههههههههههههههههه? ?هه حد قالك بتزوج؟
ذياب فز مبقق عيونه:ليش عيل خطبت البنت؟...يعني كيف على قولتك بتربيها؟!!
فيصل بخبث:اصبر علي بخبرك فالوقت المناسب.....خلينا بالمهم دام هذا فهد هو نفسه انتو يعني ظالمينه
ذياب بقرف:لا والله!!!...ماكنك تضيع السالفه وتعيد الحوار اللي سبق وقلناه؟!!
فيصل الا يضيع السالفه:ههههههههههههههههه? ?ههه تخيل نفجع سلطان بهالخبر بيستخف وهو عادله سنه يدور حرمه ومامحصل....كل مايخطب يصير شي وتتفركش السالفه هههههههههههههههههههههه اما بيموت من غيضه
ذياب اللي يعرف تصريفات فيصل يعني مايبا يتكلم فالموضوع اكثر...صد عنه يفكر فاللي شافها....:
هي وربي هي.....بس معقوله؟!!....طيب اذا هي من بنات هذك البيت ....لحظه...عليا عليا اكيد فيه بعد
فيصل اللي فززز على صرخت ذياب:اش فيك خوفتني كنت بدعم
ووقف السياره على الرصيف وبعصبيه صد على ذياب:انت اش فيك؟!!
ذياب يلاهث كنه حصل كنز:تخيل تخيل البنت اللي تعرفها وانا اعرفها و طليقه يعرفون بعض إلا يقربون لبعض
فيصل كشر يحاول يستوعب:كيف مافهمت وضحها هذي لي؟!!
ذياب يشرح لفيصل:فهد مو هو جد البنت اللي ملعوزتنك؟
فيصل عصب من كثر مايضيع السالفه وذياب يعيدها:جبت شي جديد يعني؟!....لا بالعمد خاطف وتعيدلي هالاسطوانه عشان تغثني؟!!!
ذياب مطنش وهو مندمج فاستنتاجه:وانا شفت ملاك فالشات....واليوم بعد
فيصل عبس باستنكار:من ملاك هذي بعد؟؟!!...لاتقولي راعيه الشات؟!!
ذياب بصدمه يحاول يقنع فيصل:هي...نفسها....شفتها وانا طالع من المجلس وربي هي....ماني مصدق!!!فيصل انبط ضحك:ههههههههههههههههههههه? ?ههههههه لا والله شكلك خرفت ولا تحلم
ذياب بتحدي:اقولك هي والليله بثبتلك وبجيب اسمها الحقيقي بعد
فيصل مطنش سالفه الشات:زين...رد لموضوعنا بعدني مافهمت ترا
ذياب وهو يشرح:فهد معيش بنته وبنات بنته فبيت واحد اللي هو كنا فيه
فيصل بملل:انزين قديمه هات شي جديد
ذياب يكمل:ركززز معي.... البنات.... اللي اعرفه من خبرتي ومعلوماتي عن فهد خمس...هن بنت فهد... وخطيبتك... وملاك... وحرمة شهاب... والاخيره شكلها اختهن
فيصل تعدل فجلسته:بعدللك اوك....اولا البويه ماخطيبتي...ثانيا ملاك...فهد ماطرى هالاسم...ثالثا قصدك مطلقه شهاب ماحرمته...و رابع الاخيره امكن اللي اسمها مهره
ذياب:لا انا اللي بفهمك يالغبي...اولا البويه اللي تقول عنها بتصير ماخطيبتك حرمتك انت خطبتها ترا مشي اسمه لعب مع فهد....وربي لا يذبحك... وثانيا ملاك اسم مستعار لوحده من البنات...ثالثا صح معك فهذي ماغلطت... ورابعا احتمال... بس ملاك احتمال تكون نفسها مهره مدري مدري
فيصل اللي مامع ذياب ابدا بعصبيه:تخسي هي و جدها...
وباستنتاج:طالعه هالبنت شريه مثله....
وكمل بعصبيه:هذا اولا ثانيا...اش دراك ملاكك هذي انها منهم مابنت الجيران ولا ربيعتهم جايه زياره؟!!...واخيرا محد غبي غيرك
ذياب منقهر من فيصل اللي معاند:لا يالذكي....ملاك بجيب اسمها الحقيقي اليوم وبتشوووف...و منها بعرف كل شي وبنشووووف من الصح انا ولا انت
فيصل وهو يحرك السياره:بنشوووف يالواثق
ذياب بثقه:تحبني وبتخبرني اللي اباه وموووت من قهرك
فيصل بيغيض من ذياب واصراره:زين اتحدااااااااااااك تقولك شي
ذياب بتحدي:قبلت التحدي
فيصل:ان خسرت بتعطيني سيارتك البووورش شهر كامل
ذياب بثقه:وان فزت؟
فيصل تبسم ابتسامه سخريه:بتملك على البويه
ذياب استانس وبثقه:موااافق
*****************************