كتبت أسمي على صدر السما وأيامي - الفصل 9 - بقلم ألايدا | روايتك

عقب العزيمه.... دخلو الفله وهم ماعارفين كيف بيخبرو ام أحمد بقرارهم... أم احمد استقبلتهم:عسى بس انبسطتو؟! عمر سحبله نفس عميق:الحمدلله....بس بغيناج فسالفه ياعمه أم أحمد قرصها قلبها من وجه خالد اللي مايبشر:فيكم شي؟ خالد طالع عمر وهو يحاول مايبين لامه شي.... عمر:لا ياعمه اجلسي خلينا نخبرج باللي نباه أم أحمد جلست وعيونها على خالد اللي جلس بسكات.... عمر:عمه....حن بنترك الفله أم أحمد بققت بعيونها وهي تتطالع خالد اللي رفع عيونها لها بحزن.. عمر:خالد ترك الشغل فالشركه...وكل شي...وانا ماقدر اتم بعده بروحي معج فالفله مايصح ام أحمد بغبنه:معذور ياولدي خالد اللي طالع امه بحزن كبير:اه يمه اعذريني يالغاليه وراح جلس عند ريولها ورمى راسه وكل همومه فحضنها:رجيتج يمه عمر قام وهو مامتحمل اكثر وطلع يلم اغراضه.... ام أحمد وهي تمسح على راس خالد بحنان:مسمووح يمه...روح الله يفرجها فوجهك ويوفقك ويسرلك خالد رفع عيونه لها بامتنان:فديت راسج يالغاليه وباس يدها بحب... امه تبسمت وهي تخنق دموعها:بتزورني يا خالد ومابتقطع امك؟ خالد فز:اكيد يمه اكيييد بدون شك امه وهي تحضن وجهه بكفوفها:كل يوم تتصل وتزورني فاهم؟ خالد غمض عيونه وهو يمسك يدها اللي على وجهه ويبوسها:لاتوصين يالغاليه :انا بسبقك السياره... وطالع ام أحمد:مع السلامه ياعمه ام أحمد وخالد قام عنها وصعد يلم اغراضه:الله يسهلها ويفرجها فوجيهكم ياولدي عمر بحزن كبير وهو مايعرف سببه:امين ام احمد تبسمتله:انتبه لخالد يمه ماوصيك عليه وعلى نفسك...وتحذرو لاتقربو صوب ربع جدكم ترا يغربلوكم عمر تنهد بقو:انا ماستقلت بس مابودر خالد بدور معه على شغل...جدي اكيد مابيمررها لنا ببساطه واريد استقل عنه تعبت اكون تابع ام أحمد:الله يوفقكم عمر:قالج خالد انه أحمد بعد ترك الفله؟ أم أحمد شهقت ويدها على قلبها:هوووو وين بيروح؟!! عمر عبس:مدري عنه أم أحمد بقلق:هذا مب عزابي شرواكم....عنده حرمه ومسؤوليات بايش يفكر هالولد مدري؟! عمر:لا تحاتين شكله مضبط اموووره أم أحمد عبست:ان شاء الله أحمد اللي دخل عليهم:السلام عليكم عمر وامه:وعليكم السلام امه قامتله بس جاها ركض باس راسها ويدها:وين بتروحو يمه؟ أحمد وهو يشوف عمر اللي طلع عنهم لانه مايحمل وحساس من ناحيه الام:يمه كان لازم نسوي هالشي من زمان...السموحه يالغاليه امه:مسموووح يمه مسمووح...بس طمني عنك؟ أحمد:لا تحاتين انا أستأجرت شقه على قدي والشغاله والسايق رديتهم لجدي...وبعد نسيتي اني اشتغل من زمان فشغل بعيد عن نفوذ جدي ومستقل عنه...يعني اموري الحمدلله تمام امه وهي تكفن ويهه بكفوفها:والبنت يمه لا تـ.. أحمد قاطعها:لاتحاتين يالغاليه ولدج رجع مثل قبل.... ازمه وعدت....البنت ن شاء الله الله يقدرني واسعدها لاتحاتين امه بشك:مابطلق؟ أحمد:لا يمه لا...خلاص اللي صار صار...وبعدين احسن صغيره بنفهم بعض اكثر...وبتكبر معي وقدام عيوني بنتعود عى طبوع بعض اكثر امه تبسمت براحه:الحمدلله يمه...هذا العشم فيك أحمد:افا يمه تربيتج خالد اللي نزل وبيده شنطه:يله بسك دوري أحمد باس راس امه ويدها:يله يالغاليه بروووح وراي مشاوير وتأخرت وايد...دعاءج امه رفعت يديها تدعيله:الله يسهلها ويفرجها فوجهك...ويهنيك ويسعدك مع مها خالد وهو يفر شنتطه ويعفط لامه:آآمييييييييين امييييين أحمد ترك امه وخالد اللي حضنها بقو يودعها كنه مابيرجع.... وراح سيده لفلته الملازقه لهم... ************************** جلسو فالحديقه وكل واحد سرحان فعالمه الخاص.... ذياب طالع شهاب اللي جالس عداله بسكات متكتف و راسه مرفوع يطالع السما بشرود:شهابشهاب تنهد بقو وهو على حاله:بقولك بس لاتستعيل ذياب وهو ميت يعرف اللي عند شهاب:مشي ماتعرفه وساكت كيف؟!! شهاب طلعه ببتسامه:لانه كل شي بوقته حلو ذياب بقلت صبر:زين قولي ليش تطلقو؟ شهاب سحبله هوا نظيف وهو يتعدل فجلسته:الاسباب كثيره ياخوي ذياب بغصه:بس كانت علاقتهم من احسن ماتكون...كان ينضرب فيهم المثل...والكل يحسدهم على الحب والموده اللي جمعتهم شهاب ببساطه:قلتها...الحسد ذياب عصب:الحين بتقنعني انهم تطلقو بسبت العين والحسد؟ّ!!! شهاب قطب حواجبه:لا تستعيل انا الحين قلت شي؟!! ذياب تنهد:زين قووووول بسك ترا نشفت دمي ياخي شهاب:صارت مشاكل من اكتشفنا زواج ابوي السري ذياب وقف مصدوم:ابوووووي متزوج بالسر؟ شهاب رجع تكتف بجديه وبرود:لا...بس خشه عنا يتفادى المشاكل ذياب بعده مصدوم:جايب منها عيال؟ شهاب بتبلد:لا ذياب كشر بشراسه:من متى متزوج على امي؟ شهاب:مدري بس كان شكله من سنين وامي متعرف ذياب استغرب:من سنين وماجاب منها عيال؟!!.....شهاب لا تحرقلي اعصابي قووول كل اللي تعرفه شهاب تعدل فجلسته وبجدية:شكلها عقيم مدري...بس اللي عرفناه هي تكون بنت عمه وشكلها عنست فزوجوها ابوك....و ابوك طبعا عشان مايضايق امك ماخبر....ومن عرفت و واجهته ما انكر و طلب مني لا اخبر امي....بس انا رفضت اساعده فستغفالها وخبرتها بوجوده....وهو ما انكر و اعترف بدون مشاكل...امك اول شي ماقدرت تستوعب ومن الصدمه طلبت الطلاق....بس رجعت لعقلها....وافقت....بس علاقتهم مع بعض وااايد تدهورت....وبدت المشاكل ذياب بتحفظ:انت كيف عرفت؟ شهاب بعدم مبالاه:واحد من الربع شاف ابوي مع زوجته الثانيه فالمستشفى وخبرني ذياب بلع ريجه بغصه:وعشان تزوج الثانيه تنقلب حياتهم بهالشكل؟!....لو كل واحد تزوج مره وخش عن عياله وبس عرفو طلق الاولى عز الله على الدنيا السلام...امي كانت بتتفـ... شهاب قاطعه بدون نفس:ذياب....امك ما السبب...حرمة ابوك العقربة ماصدقت عرفت انا عرفنا بدت تسوي المشاكل على اشياء ماتسوى و تافهه....و ابوك طيب زياده...يحب امك و من جهة ثانيه راحم بنت عمه...وماقادر يعدل........اصلا اهل ابوك من متى حبو امك ولا حبونا يبوها من الله؟!! ذياب باستنكار:بس حتى ولو....حبهم كان اقوى ووقفو فوجه الكل سنين ماقدرو يتخطو هالازمه ويتأقلمو نفس مايسوو دوووم؟!! شهاب رجع تكتف وبتبلد:مقدر ومكتوووب....بعدين الحب ما كل شي....ابوك الطيب تنازل وايد وامك ماتحملت مع تدخل حرمة ابوك ولعت بينهم وتطلقو...امك خصلت عدتها وجاها زوج احسن عن ابوك رجال قبل لا يحبها يحترمها ويقدرها....الحمدلله...الله عوضها ذياب وقف بانفعال:عادي عندك امك تتزوج وتعيش مع ريال غير ابوك وحرمة ابوك تدمر حياتك وبكل بساطه تعيش متهنيه معه؟!!!.....ياخي تحسسني كنك تتكلم عن اغارب ما امك وابوووك شهاب طالعه بنظره:كون منطقي...ابوك زين منه قدر على اهله طول ذيك السنين احمد ربك ماتركنا وامك وحن صغار...وايد عليه هالسنين...وايد تحمل اهله وصبر ذياب عصب من الخاطر:وانت امك هاينه عليك تتدمر حياتها وتجي وحده ثانيه تسرق زوجها...وتتسبب بطلاقها؟!! شهاب قطب حواجبه:ذيااااب ابوك كان يحبها بس عمره ماعرف يكمل فرحتها عمومتك دوووم ينكدو عليهم وينغصو فرحتهم وهو يسكتلهم...كان ذالنها وذال عمره....طول عمري كنت اتمناه يصير قوي ويعلمهم حدودهم...بس كان دوووم يضعف قدامهم وهم يستصغروونا ويستحقروونا وهو ساكت...احسننن انا فرحان لامي حصلت ريااااااااااااال يسوى ابوك وطوايفه ذياب اللي فار دمه وهجم على اخوه بقهر وهو ماسكنه من ثوبه:انت ماتعلمني ليش تكره طيبت ابووووووووووووووووك؟!!! شهاب بدون ملامح:هذي مب طيبة هذا ضعف....والشي ان زاد عن حده انقلب ضده....هو جاب لنفسه ليش بعد نعيش معه الذل والظين اللي هو راضبه؟!!! ذياب دف اخوه بعنف:انت طووول عمرك ماتحب ابوي ولا تطيقه ماكنه ابوووك هه شهاب يبرر:لانه ماقدر يحمي امنا ويسعدها....حبها وبس...والحب ياخوي مايكفي...ابووك معدوم من شي اسمه الشخصيه ذياب طالع اخوه بقهر يعرف انه صادق وكلامه صحيح بس حتى ولو ابوهم...ويظل ابوهم..... شهاب.....ذياب بقهر:إلا صح...ليش ماخبرتوني كل هالسنين وساكتين شووو يعني اصغر واحد مايعني ياهل تراني ريااال وكبير وفاهم!!!؟ شهاب زفر بقو:كنت تدرس وانت حساس متعلق وايد فالاثنين وعاطفتك تغلب عليك...اش بفهمك؟!...وقتها بتنتكس اكثر يسد اني بزور وامي كنا ننسيك ونغير عليك الجو...كنت مكتأب ومنهار بشكل... اروح بعد ازيدك واقولك ابوي طلق امي لانه مايقدر على اهله اللي خلاص ذبحوه وخنقوه وبنت عمه العقربه؟!... ارجوووك كنت بتموت من قهرك الا بنتجلط...هذا اب هذا؟!...مايستاهل حتى تنقهر عليه بس انت معرف كيف تفكر..هه ذياب سكت شوي وبنظره تحدي وكنه بيرد الصاع لاخوه:زين ابوي ماعنده شخصيه ومايقدر على اهله وحرمته زادت الطين بله...وفرقو امي عنه وارتاحو...ارتحت؟! شهاب وهو يطالعه بنظره تفحص:اش ورا هالمقدمات؟ ذياب يطالع شهاب بثبات:جاوبني خلاص ارتحت هذا اللي تباه؟!...اعترفت انك الصح...ارتحت؟ شهاب:اهم شي تكون مقتنع ذياب تبسم لاخوه وهو رافع حاجب:مقتنع...ماشاء الله عليك اخوي تقنع بلد...بالله كيف ماتقدر تقنع اخوك الصغير اللي كل شي تقوله بالنسباله صح؟! شهاب تنهد وهو يصد عنه:زين الحمدلله ذياب بنفس اللهجه:بقى شي واحد ماعرفته شهاب صد يطالعه باستغراب:شو بعد؟ ذياب قرب من اخوه الجالس وحاط رجل فوق رجل وفارد يديه على طول ظهر الكرسي الخشبي:انت ليش طلقت عليا؟ شهاب اللي انقبض قلبه ماتوقع هالسؤال...تعلقت عيونه بعيون اخوه المتحديه....اللي يعرف زين انه هالسيره تستفزة بشكل...وهي سبب كل المشاكل... ذياب كمل وهو يطالعه بقوه كنه بينتقم منه:ماتنطق بعد؟!....ماتقول ماتبرر...بأنك حبيتها وماقدرت تسعدها؟!...ولا انك معدوم من الشخصيه؟!...ولا مثل ماقال فيصل الطلاق عندنا متوارث؟!!! شهاب طالع اخوه بقهر.... ذياب كمل وهو يصرخ ف اخوه:انطق...علمني...انت بايش احسن عن ابوووك اللي ماعاجبنك؟!...انت اصلا نسخه منه شهاب قست ملامحه وباختصار شديد:انا لي اسبابي ذياب بنفس الانفعال:بعد ابوي له اسبابه شهاب وقف بانفعال:الحب مايكفي ذياب وقف بوجه اخوه:و انت ايش اللي كان ناقصنك؟!...ايش كان ناقص البنت عشان تطلقها وتعقدها؟....وكانت بسبتك بتدخل مستشفى الامراض النفسيه وتصير مجنونه؟!... كانت مابتكون مطلقه وبس بعد مجنونه...انت خليتها مصخره للمجتمع الهمجي الجاهل المتخلف اللي عايشين فيه...وليش؟!!... بسبب انانيتك اللي ماتنوصف..انت انسان مغرووور واناني ومحد يعجبك...تكسر القلوب والخواطر بكل غطرسه ولا همك شي... وتجي فالاخير تعيب على اللي رباك وكبرك ومهما سوا مفروض تبوس ريوله وتوقف معه لانه ابوووووك...بدل لاتنكره وتسمي نفسك مظلوووم...انت الظالم الوحيد....انت ظلمتك نفسك قبل غيرك شهاب اللي تعود على محاضرات اخوه بس هالمره اقوى عن كل مره....هالمره اكتشف انه يشبه ابوه...يبا ما يبا يشبهه...ابوه اللي عمره ماعتبره قدوه...واللي بسبته كره البيت والبلاد...عمومته اللي كانو يستغلو طيبته دوووم سكت يطالع فأخوه المنفعل... ذياب حس بنشوه النصر وسكوت اخوه شجعه يكمل:ماترد...ماحيد شي يسكتك شهاب صد عنه بقهر....ذياب:الله يسامحك ياخوي....ظلمت ابوي وامي...وظلمتني...واخرته ظلمت انسانه ماشك ابدا انك حبيتها وعشقتها بجنون شهاب صد صوب اخوه بفحعه... ذياب بصراخ وثقه كبيره:ايه لاتنكر مثل ماتسوي دوووم....انت تحبها والحب فاضحنك....لدرجه للحين مامستوعب انك طلقتها...وتتدور عليها مثل المجنون شهاب بدون ملامح وبثبات:مستوعب ذياب بانفعال وقهر من اخوه المتبلد:عقلك امكن بس قلبك عمره ماستوعب هالشي....اقولك شي؟ شهاب عبس:شو بعد؟؟!! ذياب:فسرلي قومتك من الرقاد تصرخ باسمها....فسرلي الكوابيس اللي تلاحقك...و تأنيب الضمير اللي تسميه وانت عارف انه حبها الي بقلبك ويعذبك...ليش تنكر...ليش من نطري الحب تتبسم بذبول...كنه ينذكر اسمها ما الحب؟!!...ليش؟؟!! شهاب بلع غصته بالم كبير يحس راسه بدا يصدع:انت ايش تريد توصله من كل هذا؟!!! ذياب وهو يأشر على قلب اخوه بقسوه:اريد هذا هو اللي يكلمني ما... واشر على راس اخوه:هذا اللي حجرته بتفكير بحت....حكمه بمشاعرك...ترا ماحرام ولا عيب ابدا تتكلم بشاعريه واحساس...بطل جفا وتبلد وعقلانيه مثاليه غبيه...بس لانك تعقدت من ابوك اللي تحكمت به مشاعره ولا قدر يوازن بين عقله وقلبه...تراك مثله...هو بس هو استسلم لقلبه...وانت استسلمت لعقلك...نحن ناس ياخوي...والانسان بدون انسانيته مايكون انسان وراح تارك اخوه فصدمه... شهاب اللي منصدم من اخوه...لهدرجه هو مكشوف وحبه مفضووح؟!....تنهد وهو يرمي جسمه للكرسي يحس بصداع فظيع ينخر راسه... حط راسه بين كفوفه وهو ينتهد بوجع كبير...مايدري وجع قلبه ولا راسه... *********************************وعند أحمد اللي دخل الصاله حصل مها بعباتها:يله مشينا مها مشت وراه بهدوء.... أحمد استغرب بس ماعلق...شكلها رجعت نفس قبل... ركبو السياره وحرك وسط صمتهم الكبير... أحمد لاحظ هدوئها اللي يسبق العاصفه...الا عاصفه بداخلها وتخنقها... تبسم وهو يحاول يلطف الجو المشحون:اش رايج ناخذ ايسكريم؟ مها هزت راسها بهوء بالرفض...ولا نطقت باي حرف...ولا حتى رفعت عيونها من حضنها... تنهد وهو يكمل سواقه:ايش فيها قلبت فجأه؟؟!! وصلو ونزل...نزلت وراه بهدوء وهي تتطالع المكان بجمود... كانت عماره...ودخلو...ركبو اللفت والصمت بعده سيد الموقف بينهم... أحمد اللي ذابحنه هدوئها الموتر...بس يحاول يطنش... طلعو...ودخلو شقه... أحمد وهو يسبقها:تفظلي...باليمين...و سمي دخلت باليمين وبهمس سمت... أحمد سكر الباب وراها... مها وهي تتطالع المكان بريبه وحزن مافاهم أحمد سببه... اول مانزلت عيونها للارض مره تنهد بضيق وقرب منها... أحمد بحنيه:مها مها رفعت عيونها له... أحمد تبسم:هذا من اليوم رح يكون بيتنا مها بققت بعيونها:هاه؟!!! أحمد تبسم أكثر فوجها الشاحب:امشي ومشى قدامها وشت وراه مثل المسحوره... فتح باب غرفه ودخلو... مها وهي تتأمل الديكور الهادي المريح و الاثاث...كرفايه لشخص واحد...وطاوله مذاكره وكرسي...وكبت...و في حمام فالغرفه بعد... أحمد قطع عليها:هذي غرفتج... وأشر على كراتين محطوطين بالزاويه:وهذيك اغراضج رتبيهم بذوقج مها رفعت عيونها له تحمل نظره غريبه... أحمد خلاص بينفجر:فيج شي؟ مها تبسمت بعذوبه وخجل:لا أحمد قرب منها:إلا...قولي اش فيج؟ مها نزلت عيونها عنه بخجل:عبالي بطلقني ولميت اغراضي بتردني بيت ابوي أحمد فهم سبب صمتها الموتر و ماقدر يكتم ضحكته:هههههههههههه هههههههههههههههه مها انحرجت اكثر:اش دراني اننا بننتقل رفعت عيونها له بخوف:مابسكن بروحي صح؟ أحمد يموت على براءتها:لا طبعا بسكن معج يالذكيه مها توردت خدودها من كثر ما احرج فيها:زين أحمد:هههههههههههههه يعني الحين من قالج يصير اطلقج او اعيشج فشقه بروحج؟َ! مها بتوتر:مدري أحمد:هههههههههههههههههههه? ?هههههههه مها قربت منه:زين و...و...والـ... سكتت وهي تحاول تستجمع شجاعتها... أحمد استغربت تشعجت تقرب منه وماتشجعت تنطق باللي تباه:و شو؟؟؟! مها بسرعه وهي مغمضه عيونها:المدرسه أحمد فاهم قصدها بس بلعانه:اي مدرسه؟ مها برجاء وهي تمسك يده:ادري شرطك ماكمل....بس هالسنه وعقبها مارح اطلب شي ثاني...بس اكمل هالترم الله يخليك أحمد وهو غرقان فعيونها....اول مره يكون قريب منها لهدرجه....لمستها ناعمه...وطفله ايه بعدها طفله وصغيره...ايه بعدها صغيره...حرام اش ذنبها...وهي بعمر مفروض تفرح وتبسط فحياتها تبتلش بالزواج ومسؤولياته...زواج...زواجهم على الورق وبس...وبيظل...ايه صح بيظل...بس لمتى؟!! رمش يبعد هالافكار من راسه بسرعه قبل لاتكبر...بلاه اعتفس من قربها مها مصره ماهمها غير دراستها:أحمد ولي يسلمك... أحمد قاطعها وهو يسحب يده منها ويمسك كتوفها و يسحبله هوا:مها ارحميني مها بققت عيونها ماعارفه ايش فيه...وبتناحه:هاه!!! أحمد رفع يديه عنها بتنهيده بس ردها الطفولي قلب مزاجه و ماقادر يقاوم ضحكته:ههههههههههههههههههه? ?هههههههههههه مها شوي وتصيح:شو؟!أحمد ميت ضحك:انتي ههههههههههههههههههههههههه ه مها قربت منه مره وهي مغتاضه:أحمد اش يضحك ابرجع المدرسه مابقى شي على هالترم راحت علي سموت(ش كثر)الدروس أحمد سكت يطالعها بغباء.... مها عبست:اش فيك على الكلمه والثانيه تضحك علي؟!! احمد تبسم بعذوبه هالبنت مافراسها شي غير دراستها مامنتبه لاي شي ثاني:انتي من قالج اني شارط ماتكملي؟!! مها كشرت وبعفويه:حرمت ابوي أحمد... كره حرمة ابوها اكثر ليش تكذب عليها وتحرق قلبها...وابوها اصلا باي حق يطلعها من المدرسه ويحرمها الدراسه؟!...وين عايشين حن؟؟؟!! وبحنيه:تكذب عليج...انا ماشرطت ولا شرط مها شهقت بفرح:يعني عادي ارد مدرستي؟ أحمد:بكره اروح اردج واتفاهم مع المديره مها مامصدقه وبصرخه فرح:يعني بداوم بكره؟ أحمد ميت على عفويتها:هههه...اذا تبي تعالي معي واذا رضت مديرتج اكيد ليش لا مها بانفعال:لالا اريد اداوم حتى لو مارضت أحمد عبس بجديه:خلاص افا عليج غصب عنها بترضا ولا يهمج مها قامت تناقز من الفرح:الله.......اخيرا برجع لمدرستي.....اخيرااااا أحمد:هههههههههههههههههههه? ?ههههههههههههههه مها حضنته بقو:تسلم...اخيرا بينتهي هالكابوس أحمد اللي متأكد ماهي بوعيها ابدا...بس حس بالفرح لفرحها اخيرا قدر يبسطها...ويكفر عن ذنوبه اتجاها...حط يده على راسها:اودعج احول هالكابوس لاحلى حلم بتعيشيه فحياتج مها رفعت راسها من حضنه:اهم شي برد المدرسه....ههههههه حدي مبسووطه أحمد تبسم بخبث:عسى كل يوم تنبسطي...ولا وين يحصلي تقربي مني شبر مها اختفت ابتسامتها وهي تتطالعه.... أحمد رسم ابتسامه عذبه....لانه عرف من شكلها بدت تستوعب اللي تسويه.... اول ما فزت مثل الملدوغه من حضنه نقع ضحك:ههههههههههههههههههههه? ?هههههههههههههههههههههههه ههههههههههههههههههههههههه ههههههههههههههههههههههههه هههههههههه مها اللي غاصت فثيابها من الاحراج وهي مغطيه وجها بفشله شوي وتصيح.... ************************************ وفاليوم الي عقبه....ظهر... دخلت وهي تفر شنطتها وبصوت عالي وحدها فرحانه وتصرخ:الله يسد ايامك يامسعدلي ايامي...يحققلك احلامك دامك تحقق احلامي منى طلعت من المطبخ بفجعه:هيييه اش هالصدعه؟!...هذا بدل لادخلي تسلمي يامسوده الويه؟! مواز تكمل وهي تلحن:غلاك الوعد والمكتوب وانت الخل والمحبوب...تروي عمري الضامي يامسعدلي ايااااااااااامي منى ضربتها بالمغراف اللي فيدها:قليل الادب...داخله على مسلسمين ماكفار تغنيلنا...اما انه صحيح ماتو اللي يربو مواز صرخت بألم وهي تتحسس كتفها:آآآآيييي دانه:ههههههههههههه هالبنت ابدا مابتعقل مهره اللي دخلت ورا مواز:الله بالهدايه بس عليا اللي دخلت على صراخهم:السلام عليكم البنات:وعليكم السلام مواز اللي عفطت صوب عليا وسوت كش لمنى:مااااالت منى عصبت:شوووو؟؟؟!! مواز كملت وهي تغني:مالت عيوني عليك اول مالمحتك وفز قلبــ... منى فرتها بالمغراف:تسبيني وترقعي ياللي ماتستحي...يامسوده الويه....خاااابت هالصوووره مواز تخبت ورا عليا اللي ميته ضحك عليهم:ول كلتني منى بعصبيه:هه اوريج ياقليله الادب مهره بفجعه:منى الاكلمنى اللي بدت ريحه الاكل تطلع:لااااااااا وعفطت للمطبخ بسرعه... دانه:عز الله تغدينا من ورا فعايل الاخت مواز مواز وهي تغيضها:ماثايره تموتي جوووع تطمني....يا ام اربع عيووون دانه تبسمت تغيضها:اكبررر طاف لعيووونج وراحت عنها داخل.. مهره:الحمدلله والشكر وراحت تبدل... عليا:ههههههههههههه اش مستوي مبسوووطه؟ مواز بصراخ:ههههههههههههههههههه? ?هه مهوووي رجعت للمدرسه عليا فرحت:هههههههههه عشان كيه محتفله وقالبه البيت عرس؟!! مواز وهي تناقز من الوناسه:ايههه...اليوم رجعت وداومت عادي ياسلام حماااس عليا بفظول:تعالي خبريني بكل شي بالتفصيل الممل وسحبتها داخل.... مواز بحماس تحكي:قالتلي تزوووجت واااحد دب عليا:هههههههههههههههههه احلفي مواز وهي تضحك:ههههههههههههههه لا طبعا تقول مجنون ماتفهمه يتصرف بغرابه اصلا ماوايد تكلمت عنه مهره وهي تلف شعرها الطويل:كل هذا وماتكلمت عنه هه؟!!! مواز مطنشتنها:زين...المهم وافق تكمل دراسه...ماعنده مانع....طلعت حرمة ابوها الكلبه شالخه عليها عليا بقرف:اووووف اش هالحقد؟!! مواز بغضب:ايه والله ودي اقطعها بسنوني :اشيمه لاتتهوري مواز صدت للباب:هلا ام اربعه عيون وريل دانه تكتفت:مامني يوم انه عمج دفش وكسرني عليا قامت بتبدل:هههههههههههههههه حرام عليج ماكان يقصد مهره بقهر:اصلا كله من هالنذله والحظ ماصابها شي مواز وقفت تتمخطر بدلع:موووتووو قهر مووتو قهر مواز يسواها القمر...جمالها طاغي على البشر مهره سوتلها كش:ماقول غير ماااالت عليج دانه قاطعتهم بعصبيه:لاء ويقول لاستاذي زوووجتي عليا وهو تدخل الحمام:هههههههههههههههههه? ?هه اما هذي بروووحها تحفه مواز:تستاهلي ولا اش له تعرفيهم ببعض؟!...فيج الغتره عن صقر وغيرته؟! دانه بتكشيره:اقووولكم تفشلت قلت ببرر الموقف للاستاذ يجي الحبيب يزيد الطيب بله مهره:الحين انتي ماتقولي معجبه بهالاستاذ؟! دانه ببراءه:يعني مواز صرخت:طيري زين....الحين هو وش فيه احسن عن صقر؟!!...تستاهلي ماجاج يارافسه النعمه دانه كشرت:كيفي.... وتنهد بضيق:اوووف الحين هو لو كان حس فيني الحين كلش مابيفكر حتى يحس مواز بقهر على صقر:وجع وجع وجع....احسسسسسسسسسسسسسسسن تستااهلي...من متى يحبج وحاقرتنه؟!!...بسبتج انطرد وتبهدل؟!! عليا اللي توها طالعه ولاحظت السالفه قلبت جد:موووااااز مواز بلعت الكلام:زين هه دانه اللي سكتت وبعيونها الدموع متحجره..و عصر... دانه سرحانه تفكر بصقر الي من وصلها من الستشفى حتى مانزل يسلم على اخته كنه عنده خبر بوصول ابوه نزلها وراح على طول...صحيح منى ماسألت وكنها تعرف كل شي بس واضح انها منزعجه من تصرفات اخوها وايد... عليا وهي فاتحه الكتاب و منقهره من ردت جدها السريعه...اللي اسرع من السريعه حتى ماوصلت لاسبوع...ماواحت تنشد صقر عن شي....من تطلقت مافتحت معه السالفه...ماحصلت فرصه مناسبه...عسى يكون عنده اجوبه لاسئلتها....بس تصرفات جدها وكنه مايباه يحتك فيهم تقهر...وتحير...لالا هي ماتحير حد بس مهره لانه الكل عارف ليش طرده مواز اللي فرت الكتاب بملل وهي تحس راسها يعورها:اوووووووه خلاص صدعت.....احس الكلام داخل راسي يدعم بعضه البعض مهره وهي على اللاب:ههههههههههههههههههه عاد ماتشبيه مواز بعصبيه:وانتي ليش ماماسكه كتابج بدل مقابل هالزفت؟ مهره ببرود:خلج مني...وسيري مسحي رقم ربيعج من تلفون منى...لانه امس اتصل وانا مسحت السجل...بس عاد اش يضمن مايرد يتصل مره ويفضحج مواز اللي غفلت عن هالنقطه وضربت راسها:اوووه صح راحت ركض عنهم.... عليا:هههههههههه اما عرفتي تجيبي راسها...طلعتي ماسهله مهره تبسمت ورجعت للابها... عليا:هاه مادخل؟ مهره تفاجأت من سؤال عليا بس ببرود:إإالااا عليا فرت اللي بيدها وعفطت تشوف:بشوووف مهره بعدت الشاشه:لا عليا بققت عيونها:ليش؟ مهره:لانه... دانه قاطعتها:طالت وشمخت يابنات ال..... مهره..... دانه بعصبيه:الحين تنهي هالعلاقه مهره كشرت:ليش؟ دانه جت بتتكلم بس عليا خزتها تسكت... دانه بلعت كلامها وراحت عنهم بعصبيه... عليا:مهره حبيبتي...لمتى؟ مهره عبس:مافهمت عليا تماشيها:سأليه لمتى انتو على هالحاله مهره ببساطه:زين ورجعت لللابها.. عليا وهي تتبسم بداخلها....اخيرا بنحل هالمشكله... وعند مواز اللي من تسبحت وقابلت المروحه وهي تحس بدوخه وتعطس... اتصلت بفيصل وهي تحاول تركز.... فيصل اللي كان معه ذياب اول ماشاف الرقم كشر بشراسه ورد بدون نفس... مواز اللي تحاول تركز فالخطه اللي بتسويها:اااخخخخ ياراسي...اتشوووووو...شكلي زكمت...زين زين تغير صوووتي ههههاي جاها صوته معصب:خير؟ مواز خذت نفس وهزت راسها تثبت وتركز وبدلع:الخير بوجهك فيصل استغرب وهو يبعد الفون عن اذنه يتأكد من الرقم هو نفسه... ذياب كشر من حركته:اش فيك؟ فيصل مبقق عيونه:وربي هالبنت مب صاحيه...بتجنني ورجع يكلمها بشك:الحين انتي نفسها اللي امس ا... مواز قاطعته بسرعه:لالا هذيك ربيعتي فيصل استوعب الموضوع ووبرود:اهاااااااااااه مواز ترقق صوتها:وهي ماعرفت تستغل هالفرصه الذهبيه صح فيصل تبسم بخبث:ايه وانتي بتستغليها صح يعني؟ مواز وهي تتطالع حولها لحد يلقطها وقلبها اللي يدق طبول جلست وهي تحس جسمها متخدر وبلهجة عتاب:سمعت امس من كلمتك رحتلها ركض فيصل:شسوي تولعت بهالصوت الحنون عبالي هي ذياب وهو يأشر لفيصل بشو ناوي انت؟!! فيصل اشرله لايطلع صوت ويصبر... مواز غصت من كلامه وهي تعض شفاتها...وهي تحس الصداع زاد عليها فيصل:الوووو الوووو مواز:احمم احممم... هي تقول حبت واحد فيكم فيصل وهو يرفع حاجب:اهاه مواز تكمل وهي تلاهث:بس ماشافته...عجبها اسمه....شدها فيصل عبس باستغراب منها كنها مب طبيعيه بس طنش وكمل:من قصدج؟ مواز بخبث:شهاب فيصل:هههههههههههههههههههه? ?هههههههههههههه مواز وقف قلبها وهي تحاول تضبط صوتها:واي اشفيك وقفت قلبي؟!! فيصل بخبث:سلامة قلبج ياقلبي مواز اللي اول مره حد يتغزل فيها....تحاول تستوعب هي تتوهم ولا... فيصلل:الووو وين رحتي؟ مواز مسكت اعصابها وهي تسحب هوا ورطبت شفايفها:اممممم هالشهاب اش فيه يضحك؟فيصل بلعانه:متزوج ومايشوف غير حرمته بلغيها ربيعتج البويه... مواز غصت بقو...و زاد صداعها... فيصل كمل:انا مدري كيف وحده رقيقه مثلج مرابعه بووويه مواز غمضت عيونها بقو تكتم عصبيتها تحس قلبها يذوووب... فيصل بلهجة حقد:بلغيها بعد...بردلها الاهانات وحده ورا الثانيه بس هي لاتنساني لاني مابنساها دام ما أدبتها مواز عصبت منه اكثر وفار دمها:الحين انت كله سوالفك عنها؟؟!!....أوووفففف وسكته...وهي تعطس وحده ورا الثانيه.... مواز وبس سحبت نفس حمدت ربها... واول ماتذكرت فيصل صرخت بقهر:النذل الحقير ويهدد....اووووف اتصل فراسي شي ويصير شي غير اووووف يخرب علي دوووم... وشهقت:كنه قال متزوج!!!! الا برنه مسج فجعتها ويدها على قلبها:حسبي الله عليك فتحتها حصلتها منه:انا ماحب العب على احد...دوري غيري...اصلا وحده مثلج مرابعه بويه وش منتظر منها...الله يهديهكن ويستر عليكن...لا عاد تتصلي وامسحي رقمي بليز مواز تنهدت بقو:هم وانزااااح....ياننناس هالادمي فاهمني فاهمني ههههه وسوت حضر لرقمه ومسحت كل شي... ********************************* و في بيت شهاب... خالد يتأفف:انا اللي مافيني ادب اسمع كلامك عادله كم يوم يلعب علينا...بكره اخبركم...عقب اخبركم...هالشغله زينه وماتتعوض....ذلنا...ألحين انا افتك من جدي يجيني هالسليطن؟!ّ...لاااااء عمر بجدية:خالد انطم...حن بالزور للحين ممشينا امورنا...و على نهايه الشهر مابيباقلنا فلس خالد بعصبيه:اشحت ولا امشي على كلام هالمستخف سلطان بنص عين متجاهل كلام خالد:اولا احمدو ربكم الحين لا بتنغصبو تتزوجو عجايز ولا تنظفو حمامات الشركه خالد:جاتك هالمقدمات اللي ماطمن عمر بقلت صبر:اخلص اخص من الاخير وش الشغل؟ سلطان بابتسامه خبيثه:موصل طلبيات خالد شهق:شوووو؟؟!! وعفط لسلطان بس عمر وقفه وهو وده يقوم يوطي فبطن سلطان اللي يصفر ولا على باله:هدني عليه اللي مايستحي...عندي لكم شغله وعندي لكم شغله...و آخرتها نوصل طلبيات بدل البنجاليه؟!!! عمر تنهد بقو:ممكن تهدي؟ خالد مسك نفسه وصد بعصبيه عنهم:هه عمر صد صوب سلطان اللي يستفز خالد بتصفيره اكثر:سليطن سلطان بقق عيونه:هذي يزاتي يايب لكم شغل تستصغر اسمي؟!! عمر ببرود عكس انفعال خالد:لا يكثر... كم معاشهم؟ خالد صرخ:شكله عاجبنك تشتغل موصل طلبيات؟!!! سلطان رفع حاجب:تمشيبه امورك لحد ماتحصل احسن عنه خالد فز يصارخ عليه:وهالاحسن مامتوفر الحين يعني؟!! سلطان وهو يفكر:لا....لازم تمشي حبه حبه...احمد ربك مابديت من مرحله تنظيف الحمامات خالد فار دمه خلاص بقطعه بس عمر مسكه:كان بديت انت من تنظيف الحمامات عمر:خلاص خالد بندور شغله غيرها وخلاص ايش له معصب ترا السالفه مابالغصب؟!! خالد اللي هدا وهو يعدل ثوبه:هه يرفع الضغط هالآدمي سلطان يستفزه اكثر:مسكين متعود ينغصب على كل شي يبا ما يبا خالد صرخ خلا ص بيذبحه بس عمر رد بسرعه مسكه:عمر بعد عني عمر:هههههههههههههه والله العظيم صدع راسي منكم خلاااااص شهاب جاهم:السلام عليكم الشباب:وعليكم السلام شهاب:اسمع ضرابه عمر وهو ماسك راسه:هالاثنين بيجننوني خالد اللي رن جواله وطلع عنهم يرد... عمر يحس راسه خلاص بينفجر:يالله صدعت وقام... شهاب:على وين؟ عمر:بنطلع نشوفلنا شغل سلطان:ياخي يرفسو النعمه والله بطره عمر:هههههههههه ان ماحصلنا مردنا لك لاحيله عاد وقتها وراح عنهم... شهاب صد صوب سلطان:انت ماتترك حد فحاله يامستلم ذياب يافيصل ياخالد؟!!..ايش سالفتك معهم بضبط؟!! سلطان:هههههههههههههه اعتبرهم يهال ياخي...نلاعبهم...من مايحب احباب الله؟!! شهاب نقع ضحك:ههههههههههههههههههههه? ?ههههههاااي الحين خالد وفيصل وذياب احباب الله؟!! سلطان:اطفال اطفااالشهاب:شو اطفال الواحد صاك ال24 سلطان:لالا مامن كبرهم حرام لاتكبرهم :مقارنه بك اطفال يالشيبه شهاب:ههههههههههه وصل قرينك سلطان:ماجاي عشاني ولا ناقرته جاي عشان اخوك...اول ماوصل راحله وسكو على عمرهم فالغرفه كني كلش ميت عليهم ولا على سوالفهم شهاب عبس:ليش ايش مستوي؟ فيصل:لا تحاتي بنطلع نتمشى وهالغثيث مغتاض شهاب:قعدو وين طالعين كلكم؟!! فيصل:قاعدين من ساعه ملينا بنطلع نغير جو ذياب طلع وهو كاشح:يله مشينا...عاذرناكم شهاب:تعال وين رايح ومودر ضيوفك؟ ذياب وهو يطلع ورا فيصل:ضيوفي طلعو قبلي مابقى حد وهالمليق وهو يأشر على سلطان:ضيفك انت انا ماعرفه...بعدين مشوار مهم وبرجع سلطان:الا موعد غرامي مهم ذياب جا بيرجعله بس فيصل سحبه... فيصل:امشي ترا ان رجعتله عز الله طلعنا ومشو.... شهاب:ههههههههههههههههههه لهدرجه مأذنهم؟! سلطان:يقولو...إلا اخبار العنوان؟ شهاب تنهد:مدري سلطان:دام تقدر تجيبه ليش منتظر خالد وعمر؟ شهاب:عشان بعدني مامستعد لهالخطوة سلطان:زين واخر التطورات؟ شهاب بلهجه تحدي:ههههههههههههههه قرب قرب...الحدث الكبير سلطان فز بحماس:بتفجر اخيرا القنبله بوجه فهد؟ شهاب:هههههههههه اخيرااااااا سلطان قام فز:يله عيل قوووم نروح المسجد...مابقى شي على الاذن...اريد اكسب اجر الصلاه فاول السيد شهاب تبسم:زين زين استهديت سلطان:اكيد مابسلم من دعاوي هالاطفال شهاب قام:ههههههههه الحمدلله والشكر...العقل نعمه ترا سلطان:ههههههههههههه امزح انا اصلا دووومي ملتزم شهاب تنهد لانه يعرف سلطان مايحب يفوت ولا صلاه الا ويصليها فالمسجد:هههههه يله مشينا... ******************************