بنت عم زوجي - الفصل الثالث - بقلم ضــوء القــمــر - مكتملة | روايتك

رواية :بنت عم زوجي   للكاتبه:.مــــ ـــدلـــ ـلة نــــ ـــفســـي الفصل الثالث والأخير... بسم الله نبدأ..... خيالي وصل لاسوء شيء.. طول سفر زوجي ومانتكلم أنا وياها كأنها عارفه ايش سوت  رجع بعدها بالسلامه الحمدلله وكنت حاسه بجمره بقلبي ماني قادره انسى الموقف  ومشكلتي ما اقدر اتضارب معه بالجوال وانتظرته لين يرجع  وهو كان ملاحظ أسلوبي طول فترة سفره طبعاً رجع واستقبلته بسالفتها قلتله من قبل مايرجع أن في موضوع ابغى اكلمك فيه  وقتها حسيت اني ماني قادره أكتم شيء زياده خلاص  كلمته عنها وقلتله كل حاجه قلت له عن الشيء الي صار قبل يسافر  سكت وما تكلم... قلت له هذا الشيء صار من قبل قد حظنتك قد حظنتها والله وقتها اتكلم ودموعي بعيوني ... بكل برود وقال (سلمى معزتها من معزت اخواتي وما اقدر أبعد عنها ) على طول قلت له أنا رايحه بيت اهلي للمعلوميه امي لمن تزوجته كانت رافضه .. عشان العمر وطول الوقت تقول لي تراكِ باترجعين .. وقتها حسيت انهان عند امي أفضل ... وأنا خارجه هو جلس يترجاني أجلس أو حتى اخلي البنات عنده بس قلبي وقتها كان مجروح منه واخذت بناتي وخرجت وكان يجي لبيت اهلي وكانت امي تخرج له البنات وتمنعني أجلس عنده وللأمانه كنت راضيه.. وشرطت عليه امي يأخذ لي بيت لحالي وارجع له  وما كمل الأسبوع الا وهو جاء وقالي أخذت لك شقه يعني بنسكن لحالنا  ورضيت ورجعت معه وقتها حياتنا تحسنت جداً جداً كنا قريبين من بيت اخواته وكان دايما لمن يروح يزورهم أروح معاه وما نطول أبدأ وحده من اخواته كانت معي بعد الي صار هي عرفت وكانت طول الوقت تهديني الله يوفقها كنت كل ما اتضايق تهديني بكلامها  كانت راح تكون القصة سعيده لو انتهت هنا لكن لا  للأسف كان مكتوب علي البلا فيها  بعد ماجلسنا في الشقة اكثر من 6اشهر مرتاحين وسعيدين بدون مشاكل اتصلت اخته وقالت سلمى تعبانه تبغاه يجي عشان يشلها المستشفى أنا لو بيدي كنت رحت معهم بس وين اخلي بناتي  هو راح وشلوها المستشفى وطلع عندها سوء تغذيه وضغطها مرتفع مدري منخفض  جلس معها في المستشفى معها وبعد مارجعوا البيت راح معهم  وقال لي راح يجلس عندهم في البيت عشان سلمى تعبانه عشان لو احتاجت المستشفى يكون عندها  للمعلوميه ... عندهم سواق بس يقول عشان لو صار شيء انا أكون أسرع ... بعد الي صار حسيته حتى هو متعلق فيها انا مو فاهمه هو يحبها أو يعتبرها مثل اخته صدق  قبل مايروح الدوام يأخذ لها عصير وفطور كل يوم على نفس الحال  بعدها ما تحملت شليت اغراضي ورجعت عندهم في الفله لأنه خلاص هو 24 عندهم صار يجلس عندهم كثير وأنا حاسه آني بعيده عنهم ما اقدر اراقبهم  والموضوع كل اخواته عرفوا فيه وهم يحسوا الموضوع مره أوفر مايستاهل كل ذي الغيره  لأنهم يشوفوها وكأنها ولد أصلاً ولكن للمعلوميه البنت تنخطب ولا تقبل  في مواقف كثير تصير تخليني احس بالرعب منها... بنتي الصغيرة كان اسمها من اختيارها ما عرفت الا قريب ويوم عرفت انجنيت والله حتى لمن نخرج السوق مايرجع الاوهو شاري لها يا اسواره ياتيشرت المهم مايرجع ومايجيب لها شيء وكل هذا قدامي ويقول هي زي أختي تعبت تعبت  أكون مبسوطه بالي أخذه لي وبعدين اشوفه يأخذ لها  يمكن مايكون بنفس القيمة بس بالنهاية يأخذ لها  يقول لي دائما فكري هي مسكينه أهلها بعيد ومايدرون عنها وشايف أنه هو مسؤل عنها  لكن إنا وش ذنبي اشوف أن وحده تشاركني فيه  اوكيه اخواته هم اخواته بس بنت عمه ؟؟ معا آني أحيانن والله ابكي احس آني ظالمتها وقاسيه عليها لكن مو بيدي  هذي الايام صرنا أنا وياها نضارب كذا علني  هو لايكلمني ولا يكلمها .. توصل أنه مايكلمني عشانها من جد تعبت ولا اعرف وش اسوي حتى بناتي متعلقين فيها ومره يحبونها قولوا لي وش اسوي لأني جد تعبت  ولاتقولون ليش ما أقول له حرام قلت له مليون مره  .................... تم بحمد الله  رواية :بنت عم زوجي ...... °•°•°•°•°•°•°•°•°•°•°•°•°•°•°•°•°•°•°•°•°•°•°•°•°•°•°•°•°•°•°•°•°•°•°•°•°•°•°•°•°•°•°•°•°•°•°•°