انا شاعرك العام والقصيد عيونك 2 - الفصل 87 - مكتملة | روايتك

عالم القصص والروايات 📚: ▇ـ▄▄▄💜 ▄▄▄ـ▇ { رواية انا شاعرك العام والقصيد عيونك💞} { الفصل السابع والثمانين💜  } ▇ـ▄▄ @ahgeel ▄▄ـ▇ -/ تفاعل قبل لاتقراء ♥ عمر وقف وهو يضحك عليهم : طب سلطان انا وش ذنبي يخاف مني ويصيح ! سلطان التفت له : شايف وجهك انت ! عمر انصدم من رده والتفت لعساف وصارخ بقوه : ولدددد ، و ركض لبعيد وهو يشوفه يبكي ، صقر ناظر لعساف الي بكى رفعه لحضنه وهو يبوسه : خلاص ي بابا خلاص ، سلطان فصخ نعاله و رماه بقوه على عمر ، عبدالرحمن بضحكه : خلاص راح نسكت نشرب قهوة قبل يبرد وخذ دلوعك مانبيه ، سلطان ناظر لصقر : شف وانا ابوك ياولدي هذا عمك الوحيد الباقين مو عمك اتفل عليهم ، صقر عقد حواجبه : يلعن ابليسك ي سلطان وش الي اتفل عليهم ما تستحي! وتجمعوا كلهم يجلسون يشربون قهوة ، سلطان توجه يجيب صحن الفواكه ، عبدالرحمن ناظر لصقر : عطني ياه بالله ، صقر : تخسي اقول ابعد بس ، عبدالرحمن : قسم بالله ما اصارخ عطني ، عمر قرب جلس وهو يصب قهوه لنفسه ، عساف ناظر لعمر وبدا يبكي بقوه ، عمر بصدمه : وش سويت انا؟ صقر : عطه ظهرك لا يشوف وجهك ، عمر عقد حواجبه وهو ياخذ حبه من التمر وياكل ، كان متغير مرره و نحف كثير وصاير اسمر ومتغير ، عبدالرحمن اخذ عساف والتفت : زين ابوه مو في ، وقرب وهو يصب قهوه في فنجان : تبغى؟ صقر ماكان منتبه له ويصب قهوة لنفسه ، عبدالرحمن قرب يشربه ولا انتبه انه حار ، عساف قرب فمه يشرب ومد يده و انصقع بالفنجان و انكب عليه وبدا يبكي من حرارة القهوه ، صقر فز من سمع صراخه ، عبدالرحمن خاف عليه وهو يشوف وجهه صار احمر وبسرعه مد يده يفصخ ملابسه ونطق : والله اسف ما انتبهت يرحم امك اسكت ، صقر قرب وهو يسحبه منه بخوف ووقف وهو يهزه ويسكته عمر ناظر بصدمه : حار ي كلب ، عبدالرحمن ناظر بخوف : الغلط منه هو الي كب ، صقر فصخ تيشيرت عساف و رماه و كل ملابسه وبقى حفاظته بس وهو يصارخ ويبكي ، عمر قام وهو يسحب قرورة مويا ويكب على فخذه الي انحرق من القهوة ، - سلطان ابتسم وهو يشوفها ترتب الفواكه وقرب منها يبوس خدها ونطق : احبك ، سُلاف سكتت بتوتر وهمست : جيب عساف انومه، سلطان : والله اخواني ناشبين له ، سُلاف باستغراب : ماعندهم اطفال؟ سلطان : مو وجيه اطفال ذول ، سُلاف فزت وهي تسمع صراخ عساف وهمست بخوف : لا يكون طاح! سلطان لاول مره يسمع صراخه هالكثر وفز بخوف وطلع وهو يشوفه مفصخ وصقر ماسكه يسكته و ركض لهم : وشفيه؟ عبدالرحمن بكذب : عمر كان يشرب قهوته ومد يده وبالغلط انكب عليه ، عمر بصدمه : انا شدخلني! سلطان ما سمعه و ركض ياخذ عساف وهو يشيله بحضنه وناظر بوجهه وهو يشوف احمر من كثر البكاء وخاف يصير له شي و تجاهلهم و اخذه للبيت و دخل بداخل ، صقر ناظر لعبدالرحمن : .. سُلاف انصدمت وهي تشوف عساف بذي الحاله و ركضت اخذته منه بخوف : وشفيه؟ سلطان : انكب عليه القهوة بالغلط ، سُلاف اخذته منه بخوف وهي تشوفه يبكي وناظرت لسلطان بخوف : لا يكون وقفوه على رجله! ترا يعوره، سلطان : لا هُم يدرون بس قال انكب عليه القهوة ، سُلاف مشت وهي تسحب رضاعته ومدته له ، عساف سكت وهو يشرب الوضاعه وماسك سُلاف، سلطان بخوف : شكله انحرق كثير ، سُلاف ناظرت لعساف الي يشهق و دموعه ينزل وهو يشرب وهمست : يعمري انت ، سلطان قرب وهو يبوس عساف : نوميه وانا رايح ، سُلاف هزت راسها بـ اي و توجهت للغرفه حطته على السرير ومشت تجيب له ملابس لا يبرد ، عساف كان على السرير ويشرب الرضاعه وسُلاف تغير له سلطان مشى يتطمن وناظر : سُلافي ، سُلاف ناظرت فيه سلطان ابتسم وعطاها بوسه على الهواء وهمس : احبك ، وضحك وتوجه يطلع ، عبدالرحمن كان جالس وهو يشوف صقر الي ما وقف سب فيه : حمار انت غبي! ما تشوف انه طفل! عمر رفع نظره لعبدالرحمن : وحطيته براسي! عبدالرحمن : لا يكون زعل سلطان؟ صقر : لو اني مكانه قسم بالله دفنتك ، عبدالرحمن سكت وهو يشوف وصله رساله من امال وكانت كاتبه " ي حيوان لا يطيح الولد " وضحك وهو يحط جواله وهمس : والله انا حنون بس ولده دلوع ترا كله قهوة واذا انكب؟ جنان : اوففف تروحون كلكم يعني!! نجلاء : اي ي حياتي خلاص طفشنا من بيتكم، امال بتفكير : بنات وش رايكم نروح لحديقه ؟ نجلاء بصدمه : الحين؟؟ ريما : لا يمه يخوف نروح السطح احسن ، امال : يلا قوموا و نلعب كوره ولا اي حاجه طفشت، نجلاء ناظرت لبطنها : والله الكوره انا ي بنات ، جنان بضحكه : خلاص نشوتك انتي ، امال : لو درى شعلولي شاتنا حنا ، جنان : يلا نروح الكل نايمين امي و امكم بعد، قاموا بسرعه وهم ياخذون الجاكيتات وتوجهوا للسطح دخلوا وهم يشوفون الهواء بارد ابتسموا و توجهوا عند الجدار يوقفون ويناظرون لتحت للسيارات : برددد ، جنان : ليت يجي مطر يحمس ، امال التفتت وهي تشوف الدراجه : هالله ودي اتعلم معرف له ، جنان مشت وهي تجلس على السيكل والتفتت وهمست : اعلمك ، قامت تسوق وطاحت بالم ، والبنات يضحكون عليه وناظرت فيهم : احح ساعدوني ي حيوانات ، نجلاء بضحكه : ياربي اجل تعرفين له! امال مشت وهي تساعدها تقوم وميته ضحك عليها : تكفين لا تعلميني ، ريما مشت وهي تشيل الكوره وحطته عند رجوله و رمته لنجلاء : شوتي ، امال : لا خير صبر مو كذا نرميه من فوق ، نجلاء بعدت بخوف : ابعدو عني ، ريما : صح اخاف نرميه عليها بالغلط ، جنان : يخي نلعب مويا و ثلج يحمس ، نجلاء : العبوا انتم وانا اتفرج ، امال ناظرت لجنان : ما يحتاج اعد انتي الحقينا ، جنان : طيب يلا واحد اثنين كانت تعد. والبنات يركضون و ركضت وهي تلحق ريما وكلهم يركضون، ام سعود كانت نايمه مع ام نجلاء و ام مشعل ، عقدت حواجبها وهي تسمع صوت من السقف وفزت بخوف من خطرت على بالها حرامي والتفتت وهي تصحي ام مشعل : قومي بسرعه ، ام مشعل قامت بخوف : هاه وشفيكِ؟ ام سعود بخوف : في حرامي فوق في السطح ، ام مشعل بصدمه : وشو حرامي! واخذت جوالها بسرعه وهمست : اكلم مشعل ، ام سعود : بسرعه كلمي احد يجي يشوف ، ام نجلاء سمعت كلامهم والتفتت : نمشي حنا؟ ام سعود حطت يدها على رقبتها : حنا لابسين ذهب اخاف يسرقهم سمعت قصه زمان في بنت كانت لابسه ذهب و حلق وقطعو اذنها عشان ياخذون الحلق، ام نجلاء شهقت و مدت يدها تفسخ الذهب، ام سعود فسخت الحلق والذهب كله : الله يستر ، ام مشعل : ما يرد مشعل نايمين شكلهم ، ام نجلاء اخذت جوالها تكلم فهد ، ام سعود قامت : اروح اشوف البنات اجيبهم هنا ، ام مشعل لحقتها و توجهوا لغرفة البنات انصدموا وهم يشوفون مو في : اخذهممم الحرامي اخذهممم ، ام سعود قعدت تصارخ وتبكي ، فهد بصدمه : وشو حرامي! ام نجلاء بدموع : بسرعهه روح شوففف ، - جنان مسكت امال وهي تضحك : مسكتكككك ثلججج اوقفي لا تتحركين ، امال وقفت وهي تمد يدها : ريماااا ، جنان وقفت قدامها : اشوف كيف تنقذين، نجلاء بضحكه : لا لا غش ي جنان تحركي ، فهد توجه للسطح ام نجلاء معها وبيدها السكين و دموعها تنزل ، و فهد ماسك المكنسه ، - سلطان مشى وهو يحط الفواكه وسطهم وهمس : والله ولدي ما يسامحكم ، صقر بخوف : وينه يبكي ولا سكت؟ سلطان : مع امه خلاص ينام ، عمر تنهد : والله خاف مني بدون سبب ، عبدالرحمن ضحك وهو يشرب قهوته وهمس : والله ي انه كان مسوي جو جيبه ، سلطان : تخسي اقول ، صقر ضحك وسكت وهو يشوف سلطان وخوفه على عساف وكيف حنون عليه ويخاف عليه وكانه ولده وفعلًا حس انه مهما كان الطفل مجرد ما تكون مسؤؤل عنه وتعطيه كامل اسمك تحس انه جزء منك ، عبدالرحمن ناظر لعمر : هاه ي عمر وش فيك الزواج صاير كذا؟ سلطان : والله زوجته طلعت عيونه الظاهر ، عمر بحده : سلطان متى تستحي انت؟ سلطان عقد حواجبه وضحك : وش قلت انا؟ صقر لاحظ انه عمر انزعج : خلاص ياهوه ، عبدالرحمن ناظر لصقر : وشفيك انت الثاني، صقر تذكر وهمس : الا صح وش سمعت من سلطان انا؟ .. عبدالرحمن بلع ريقه من نظراته وهمس : وش سمعت؟ سلطان : انت ادرى وش سمعت ، عمر عقد حواجبه باستغراب .. ' فهد و لطيفه انصدموا وهم يشوفون البنات ، البنات التفتوا بخوف وهم يشوفون السكين بيدها ، نجلاء بصدمه : بسم الله شفيكم! فهد كتم ضحكته : امكم تقول حرامي ، لطيفه بحدها : وششش جابكممم هناااا بهالوقت! امال باستغراب : بسم الله يمه ليه تصارخين! لطيفه بحدها : انزلوااا تحتتتت بسرعهههه ، خافوا من صراخها و نزلوا بسرعه ل تحت ، فهد كان يضحك و لطيفه انقهرت منه و رمت السكين على الارض وتوجهت نزلت ، ام سعود ناظرت للبنات و ركضت تحضنهم بخوف . ام مشعل ركضت لنجلاء بخوف : سوا لكم شي؟ نزلت لطيفه بحدها : هذولي المجانين الي كانوا يراكضون مافي حرامي ، ام سعود و ام مشعل انصدموا و ناظروا ، امال : وشو حرامي ي يمه الله يهديكم انتهت الاماكن عشان يجي السطح و..سكتت وهي تسمع صراخها، ام نجلاء بصراخ : ادخلوااا داخلللل ، ام سعود : حسبي الله عليكم من بنات. البنات ركضوا دخلوا الغرفه ، ريما ارتمت على السرير وهي ميته ضحك : اهخخ بطني ي بنات ، امال بضحكه : سلامات حرامي وش يجيبه السطح! نجلاء جلست وهي تضحك : الله يسامحهم بس ، جنان : ياربي منهم مو طبيعين ، ام سعود جلست وهي تلبس ذهبها : حسبي الله ، ام مشعل : ليت اخذهم الحرامي و افتكينا ، ام نجلاء : مدري وش اخذهم السطح ! ام سعود سحبت اللحاف وهي تنسدح و معصبه ، - عبدالرحمن : كذاب سلطان تصدقه انت! صقر : اي داري لي تفاهم ثاني معك بعدين ، عمر كان سرحان و ساكت وحط راسه على فخذ صقر وهو ينسدح ، صقر كان يسولف ويشرب قهوته و مد يده وهو يلعب بشعر عمر : والله الظاهر ننام هنا ، عبدالرحمن ناظر لعمر شافه مغمض ونايم ويشخر وهمس : ما تحسون انه متغير فيه شي؟ سلطان التفت وناظر لعمر : الا والله حاس فيه شي متغير مره مو نفس قبل ، صقر : حتى انا والله لاحظت انه متغير و يتضايق من بعد كلامنا وحسيت حز بخاطره لما عساف خاف منه وصدق متغير هو وشايف انا كيف نحف مابقى فيه الا عظامه، عبدالرحمن : قبل كان يزعجني نروح مطعم الفلاني وناكل برا الحين ماله حس واذا اتصلت عليه مايرد واغلب وقته راقد ، سلطان بخوف : ما تحسون بسبب الزواج؟ صقر : الزواج ما يسوي كذا بالعكس تنفتح نفسيتك تنام وتصحى على وجه انثى تقول كلام مو بشر ، وناظر فيهم وهو يشوفهم يضحكون : يخي والله صادق انا ، عبدالرحمن : يمكن زوجته مو كذا ، سلطان : ورا ما يخلف هذا بعد وينشغل ، عبدالرحمن : توه بزر خله يربي نفسه ، صقر : والله ودي انسدح و اريح تعبت ، سلطان وقف وهمس : اجيب مُخدات ولحاف الي في المخزن اتذكر ايام نتجمع ونترك مُخدتنا و لحافنا هنا ، ومشى ، 'سُلاف كانت منسدحه نايمه بتعب وعساف على السرير صحى من نومه وهو يلعب ويكلم نفسه ويلعب بيدينه دخل سلطان وناظر و ابتسم بخفه وتوجه وهو يشوف سُلاف نايم سحب اللحاف وهو يغطيها وناظر لعساف وقرب يشيله وناظر فيه وهمس : والله ما ودك اخذ ل عمانك الوحوش ، عساف تمسك بثوبه وهو يطالع فيه ، سلطان ضحك وما طاوعه قلبه يتركه ومشى اخذ اللحاف بيده الثاني وطلع لبرا وهو يرميهم ، عبدالرحمن ضحك وهو يشوف عساف : هلا والله، صقر ابتسم : ياهلا بشيخ القبيله تعال تعال ، سلطان مشى وهو يمده لصقر الي وقف واخذه وابتسم : عادي اعضه ي سلطان! سلطان بضحكه : اذبحك ، وتوجه يجيب الشاهي لانه كلم سُلاف قبل انام وفعلًا سوت ونامت ، عبدالرحمن التفت وهو يشوف عمر نايم ويضم نفسه بيدينه من البرد مشى اخذ اللحاف وهو يغطيه وحط راسه على المُخده وابتسم وهو يقوم ، صقر كان واقف ويرفع عساف لفوق ويضحكه ، عساف ضحك وهو يشوف صقر ونطق : باااء ، عبدالرحمن : والله القهوة ما سوا فيه خير يحسبك ابوه ، صقر سكت و تصنم بمكانه من شاف عساف نطق " باء " و قام يضحك لا شعوريًا ، طلع سلطان وبيده ترمس القهوة وتوجهوا تجمعوا يجلسون و يتلحفون وعمر نايم بعيد عنهم ، عبدالرحمن جلس وناظر الشاهي وابتسم وتذكر امال واخذ جواله يرسل له : قلبي نمتي؟ وترك جواله ما لقى منها رد : جيبه صقر ، صقر رن جواله ومد عساف لعبدالرحمن ، وهو يرد : هلا يمه هلا يالغاليه ، ام صقر بخوف : وينكم محد منكم جاء للحين؟ صقر بضحكه : ثواني ي يمه ، وقفل منها وهو يسجل مقطع ويصور عمر الي نايم وسلطان يصب الشاهي وعبدالرحمن شايل عساف ويضحك و رسله لامه ، ام صقر كانت جالسه بالصاله و دخلت تشوف المقطع انصدمت وهي تشوف الطفل الي بيد عبدالرحمن وسكتت وهي توقف المقطع وتناظر ، صقر مشى جلس وهو يبعد الشاهي : لا ينحرق ، عبدالرحمن ضحك : والله صار يضحك معي، عساف كان يناظر لعبدالرحمن الي يحرك وجهه ويتحرك شعره ويضحك بقوه ، سلطان : اي الشيخ رايق كمل نومه ، عبدالرحمن بضحكه : يرحم اهلك ي سلطان امسكه قسم ما اتحمل ضحكته راح ابلعه ، صقر بضحكه : هد هد وش كبره تبلعه ، عساف كان يناظر فيهم ويضحك من دون سبب كان مروق وكمل نومه و رضع وشبعان، سلطان مد يده وهو ياخذه من عبدالرحمن ويبوسه : ي عسى الله لا يحرمني من الضحكه ي عساني اشوفك عريس ، صقر كان مبتسم وهو يطالع بحُب ، سلطان ابتسم وهو يشوف ضحكة عساف وهمس : ياروحي انت ي جعلني فدوه لضحكتك يا جعلني اموت من هالضحكه، عبدالرحمن ضحك وهو يشوفهم : يخي ودي اخلف يرحم اهلك لا تحمسني ، صقر ضحك وهو يطالع لسلطان وعساف ، 'عبدالرحمن بضحكه : يناس خلوه يصيح ترا مقدر اتحمل هالمنظر صدق راح ابلعه ، صقر ضحك وهو ياخذ جواله ويصور لملاذ ، سلطان ابتسم وهو يحطه على الارض : خلاص عطيناك وجه تعبتنا وانت تضحك ، عساف كان مستمر يضحك ويطالع فيهم ، عبدالرحمن انسدح وهو يشيله ويحطه على صدره وهمس : قل عمي بسرعه يلا ما اتحمل ، سلطان : ي بابا لا تقول له عمي ترا خلاك تصيح ، عبدالرحمن : ياولد قل عمي بسرعه ، صقر ناظر انها ملاذ رسلت له : وينك ارجع ، وهمس : والله تاخرنا بمشي انا تعبت بنام ، سلطان : اجلس توه بدري! صقر : والله وراي دوام وانا اخوك وهالمسكين نام ، عبدالرحمن : اي بالله خذه معك انا اجلس هنا ، صقر مشى وهو يصحيه: عمر ، عمر فز من نومه و فتح عيونه : شصاير؟ صقر : مو صاير شي قم بنمشي ، عمر قام بهدوء وهو يعدل ثوبه وتوجه ركب ، وصقر لحقه و ركب وهو يشوفه رجع ينام بالسياره ، سلطان ناظر : اروح اجيب جاكيت لي ولك بس احلف ماراح تخليه يبكي! عبدالرحمن بضحكه : لا والله ماراح اخليه يبكي ، سلطان ابتسم وتوجه للبيت وتركه مع عساف ، عبدالرحمن اخذ جواله وهو يتصل على امال ، امال كانت جالسه تضحك مع البنات ويجهزون للنوم اخذت جوالها وهي تشوف انه يتصل كام استغربت و ردت وفتحت الكام الخلفي ، عبدالرحمن حط الكام ع عساف : شوفي مين معي، امال ضحكت وهي عساف على صدره يلعب ب ازارير ثوبه وهمست : ما شاء الله يجننن كانه هذا الي شفته في بيتكم'! عبدالرحمن باستغراب : متى شفتيه؟ امال : والله مدري اتوقع هذا هو مو غريب علي ، عبدالرحمن : شوفي من الان اعلمك ان تزوجنا اخليكِ تخلفين عشره زيه ، امال عقدت حواجبها : قطوه عندك انا! عبدالرحمن : مالي دخل اختاري اسماءهم خذي لك جريدة وسجلي الاسماء ، امال بضحكه : انت ابوهم انت اختار ، عبدالرحمن بتفكير : انزين ي ام إيلا ابشري، امال بصدمه : إيلا وشوا ذي! يع ، عبدالرحمن بضحكه : ما عجبك؟ امال ابتسمت : لا ي ابو غيث ما عجبني، عبدالرحمن بصدمه : غيث!! امال ابتسمت وهي تناظر لعساف : اي ويارب يطلع زي هالحلو ساكت وهادئ ، عبدالرحمن : دقيقه وناظر لعساف : ولدددد، امال فزت من صراخه وبعدت الجوال عساف طاح من فوق صدره لكن مسكه بسرعه وهو يضحك عساف بدا يبكي وهو يضحك، امال بصدمه : منجدك!!' وتبي عشره بعد! عبدالرحمن ضحك وهو يشوف سلطان وهمس : اكلمك بعدين وقفل ، وهو يجلس ويبوسه : خلاص خلاص اسف والله بسبب هالحيوانه عمتك مو انا ، سلطان توجه لعنده : تراك حلفت! عبدالرحمن بضحكه : اسف والله ، سلطان اخذه منه وهو يسكته ، عبدالرحمن : بمشي انا خلاص اسفين ، 'عبدالرحمن ركب سيارته وهو يتصل عليها ويحرك، امال ردت : ي حيوان وش صار فيه حرام عليك خوفته! وترا ما يصلح تخوف الطفل كذا ، عبدالرحمن بضحكه : ماعليكِ ولدك بالامان وبعدين تعالي مين قايل لك اوافق على غيث! جايبه اسم من عام الفين وحطبه ، امال بصدمه : خير وش فيه اسم غيث! عبدالرحمن : ماني موافق انا ابوه و رايي لازم ، امال : وانا امه و راي اهم من راي ابوه ، عبدالرحمن عقد حواجبه : والله؟ اجل خلفي بدوني نشوف كيف تخلفين دام رايك اهم من راي! امال انصدمت من كلامه وقفلت الخط بوجهه ، عبدالرحمن ضحك ودخل يكتب " وين راحت ام غيث! وترك جواله ووقف سيارته عند البيت ، امال بصدمه : حيوان ما يستحي وتوجهت تنام ، عبدالرحمن دخل البيت وهو يشوف امه جالسه عقدت حواجبها : يمه للحين صاحيه؟ ام صقر : كنت انتظرك و وينه سلطان؟ عبدالرحمن بهدوء : ينام عند زوجته وولده ، ام صقر بحزن : خايف ابوكم يكسره وانا قلبي منكسر على صقر مدري الاقيه من مين ومين ، عبدالرحمن تنهد وهمس : يمه روحي نامي ولا تفكرين بشيء كل شي بوقته حلو ، - = صباح يوم جديد على الابطال = ' امال فتحت عيونها وابتسمت : نمشي القصيم والتفتت وهي تشوف نجلاء تمشي يمين يسار بالم وفزت بخوف : بسم الله نحوله وشفيكِ!! نجلاء بخوف : مدري احس بالم خفيف ، امال : قومي نروح المستشفى وينه شعلولي! نجلاء هزت راسها بالنفي : لا اذا مشيت تروح الالم ، امال بخوف : رايحه اعلم ماما ، طلعت وهي تشوف ام سعود جالسه تسفل ب ريما وجنان ومعصبه ، وهمست : يمه نجلاء تتالم ، ام نجلاء والكل فزو بخوف و ركضوا الغرفه، امال توجهت للحمام بعد دقايق طلعت وسحبت عبايتها تلبس : بمشي انا بعد ابي اعرف بنت ولا ولد قدك دخلتي سادس ، نجلاء لبست عبايتها وفهد ومشعل ينتظرونهم وطلعوا ركبوا متوجهين للمستشفى ، - صقر ليس بدلته وهو بتجهز للدوام وناظر لملاذ الي دخلت ومدت له الكوفي ابتسم وناظر : تعالي اجلسي ابي اكلمك ، ملاذ عقدت حواجبها وجلست جنبه ، صقر مسك يدينها : تعرفيني احبك صح؟ ملاذ استغربت وهزت راسها بـ اي ، صقر تنهد : لاول مره افكر امشي خطوه بدون لا اعلمك بس اوعدك راح تعرفين كل شيء ، ملاذ انصدمت من كلامه صقر قرب يبوسه جبينها واخذ كوب الكوفي وتوجه طلع متوجه للدوام ، - هديل الليله كله كانت تنتظره ونامت بدون ما تحس فتحت عيونها وهي تشوفه نايم عقدت حواجبها باستغراب : متى جاء هذا! استغربت وقامت تغير وتطلع لمريم و ام صقر ، - غلا كانت منسدحه ودموعها بعيونها وهي تشوف عمر مايرد انقهرت انها تصرفت معه كذا وتوقعت انه زعلان للحين تنهدت بقهر،عالم القصص والروايات 📚: وصلو المستشفى والكل منتظرين و امال مع نجلاء وكلمت الدكتوره ما اعلم جنس الجنين لاحد غيرها كانت مخططه تسوي حفلة جنس الجنين ، الدكتوره ابتسمت وهي تمد لها الورقه ، نجلاء ناظرت بخوف : خير علميني ابي اعرف! الدكتوره : الالم طبيعي وتصير مع الاغلب لا تشيلون هم وابتسمت لهم ومشت ، امال بضحكه : حتى انا ماراح اشوف ابي ننصدم ، وطلعوا وفهد مشى لهم ومشعل معه : وشفيها؟ ام نجلاء : تقول الم خفيف وعادي تصير ، امال بضحكه : يبه تتوقع بنت ولا ولد! فهد رفع كتوفه : الله اعلم الي يجي خير من الله ، مشعل توجه عند نجلاء وهو يمسك يدها : تتالمين؟ نجلاء ابتسمت وهزت راسها بالنفي وهي تشوف خوفه وكيف ماسك يدها : امشي بشويش ، نجلاء مشت معه بهدوء وتوجهت تركب بسيارته ، - سلطان كان منسدح ونايم وسُلاف نايمه وعساف وسطهم نايم و يده على وجه سلطان الي مو حاس بشي فز من رن جواله والتفت وهو يشوف يد عساف على وجهه ضحك وهو يبعده واخذ جواله وهو يرد وهمس : هلا صقر؟ صقر بهدوء : تعال انا برا انتظرك ، سلطان عقد حواجبه باستغراب : شصاير؟ صقر : تعال يخي وتعرف بسرعه ، سلطان استغرب وقام بسرعه وهو يشوف سُلاف نايمه وعساف نايم وتوجه دخل الحمام وطلع و سحب ثوبه ولبسه بسرعه وطلع وهو يقفل ازارير ثوبه ومشى فتح الباب و ركب : وش بلاك؟ صقر التفت له : كنت نايم؟ سلطان : اي بس وش صاير ؟ صقر تنهد ونطق : فكرت كثير وامس لما شفتك مع ولدك وشفت كيف تحبه وتخاف عليه وهو مو ولدك وكيف هو متعلق فيك ويناديك بابا معرف حسيت بشعور غريب حسيت نفسي محتاج طفل بحياتي محتاج احد يملي حياتي سعاده نفس ما انت تشوف عساف سعادتك بالحياه وتحبه ، سلطان ابتسم : قسم بالله ي صقر هذا القرار الصح ربي ما رزقك ويمكن مكتوب بنصيبك هذا الشي تتبنى طفل وتعيش حياتك و تربيه ماتدري ربي وش كاتب لك توكل على الله وسم بالله و ان شاء الله خير، صقر سكت وحرك : كلمت مشاري بعد وينتظرني وقال بس جهز الاوراق وانك تشيل كامل مسؤؤليتها وتتكفل بعلاجها و تعالجها قلت ماعندي مانع ، سلطان بهدوء : عندها مرض القلب صح؟ صقر تنهد : اي للاسف وقلبها ما يتحمل كثرة الحليب او الاكل يعني اذا كبرت واكلت ما تتحمل حتى لو شربت حليب اكثر من اللزوم تستفرغ ، سلطان ناظر فيه : تعرفها كثير الظاهر ، صقر هز راسه بالنفي : مشاري علمني ، سلطان التفت : طب انا بسالك ي صقر بخصوص ولدي عويس وش تشوف حل ل رجلها؟ صقر فز : اييي راح عن بالي كنت ناوي اقولك خذها لاقرب مستشفى و خله يسون له علاج طبيعي ترا ينفع مره وشفت كثير حالات كذا بالمستشفى.. 'سلطان التفت : طب انا بسالك ي صقر بخصوص ولدي عويس وش تشوف حل ل رجله؟ صقر فز : اييي راح عن بالي كنت ناوي اقولك خذها لاقرب مستشفى و خله يسون له علاج طبيعي ترا ينفع مره وشفت كثير حالات كذا بالمستشفى ، سلطان عقد حواجبه : والله ينفع وكم وقت ياخذ؟ صقر : والله على حسب وضعه لكن اقل شي ست شهور او اكثر ومع الايام يتحسن وهو لسا صغير بعد، - مشاري كان شايل جوري واقف بالمستشفى وشايله وناظر فيها كانت تبكي تبي الحليب لكن ما يقدرون يعطونها اكثر من اللزوم عشان ما تستفرغ شاله وهو يهزها ويحاول يضكحها و ينسيها الحليب لانهم اخذو منها الوضاعه وقامت تبكي ، بهاللحظه دخلوا سلطان وصقر وقفوا وهم يشوفون مشاري واقف عند باب المستشفى ويسكتها ، مشاري رفع نظره وهو يشوف صقر الي وقف يطالع بجوري بصمت ومده له : خذ سكتها تعلم ، صقر قرب اخذها وعقد حواجبه : وش فيها تبكي؟ مشاري : تبغى الحليب بس مانقدر نع..ماكمل كلامه الا وجوري استفرغت على صقر وتوسخ ثوبه ، سلطان انصدم وناظر لصقر الي كان يناظر فيها ، مشاري تنهد : شايف وعاد تحمل كل دقيقه تستفرغ، سلطان مشى وهو يسحب المنديل وقرب يمسح ثوبه لكن قاطعه صقر : مسح فمها ، واخذ المنديل يمسح فمها وملابسها ، سلطان مسح ثوبه وهمس : تتعود ، صقر سكت بهدوء وهو يطالع بجوري الي سكتت وهي تطالع فيهم وتناظر رجع اخذه لحضنه وهمس : خلهم يغيرون لها اخلص الاوراق واجي ، ومشى عنهم وهو سرحان متردد مو عارف شعوره؛ ام صقر دخلت للمجلس وهي تشوف الجد سُليمان منسدح بتعب ويوسف عنده يسولف معه ، مشت وجلست : السلام عليكم ، ردو السلام وكملت ام صقر : جيت اعلمكم بموضوع يخص حياة عيالكم وانتم لاهين بالدنيا ، يوسف عقد حواجبه : وش فيهم عيالي؟ الجد سُليمان قام وجلس : وش صاير؟ ام صقر جلست تعلمهم عن صقر وانه ناوي يتبنى، يوسف انصدم من كل كلمه وهو يطالع ومصدوم ، الجد سُليمان شهق بصدمه : صقر!!! يوسف : وفهد يعرف بموضوعه ! ام صقر : لا ما يعرف وهو يقول بنفسه يتكلم معه، يوسف سكت ونزل راسه وهو مصدوم ، ام صقر كملت : وبخصوص سلطان ي يوسف طلبت منه يطلق زوجته لكن ما طلقها وناوي يعيش حياته كله معها و كلمني بعد وطلب مني اقنعك ، يوسف بحده : سلطان!!! الجد سُليمان ناظر : زوجته! متى تزوج سلطان! جلسوا وهم يعلمون الجد كل شي و ام صقر تحاول تقنعهم و تقنع يوسف .. - صقر خلص الاوراق كله ووقف وهو يشوف ويقرا و رفع نظره وهو يشوف سلطان ماسك جوري ويضحكها ابتسم وهو يشوف شعرها القرنين الي مسوينها لها سلطان ومشاري، مشاري : دام صارت بنت صقر ف خلاص اخطبها لجاسم ولدي ، سلطان : يوسف كان ساكت والجد سُليمان مصدوم ونطق بعد ثواني : ما توقعت احفادي كبروا لهدرجه و صقر كيف قدر يخبي عننا كل هالسنين! ليه ما علمنا! و سلطان الي كنت واثق فيه طلع متزوج وانا اخر من يعلم! مالي اي اهميه بحياتكم! يوسف تنهد ونطق : يبه ما كان ودنا نزعجك و نضايقك قلنا زي ما تزوج منها يطلقها لكن..صد وسكت وناظر ل منيره : انتي تشوفين انك راضيه! منيره بهدوء : شف ي يوسف انا سعادة عيالي اهم شي عندي و صقر ماله اي علاج وانا راضي يتبنى طفل ويعيش حياته وبخصوص سلطان ف هو يجبرني خيرني بين سعادته وبين رضاي و رضاك! وانا سعادته اهم شي عندي ما اشوف انهم يسون شي غلط واحد يبي يتبنى طفل ويعيش حياته و يربيه و واحد تزوج بالحلال ويبي نرضى عنه وبس! - صقر كان يسوق بهدوء وسلطان شايل جوري ويضحك والتفت : خلصت كل موضوعها؟ صقر هز راسه بالنفي : باقي راح اروح بكره و اخلص ، سلطان اخذ جواله وهو يراسل لعمر وعبدالرحمن و امه : صقر جاي وجايب معه حفيدة العايله تجهزو لاستقبالها وقفل جواله وهو يشوف صقر الي مد يده ينزل المرايا خاف من اشعة الشمس يضايقها ، جوري كانت نايمه بحضن سلطان ، صقر كل دقيقه كان يلتفت يطالع فيها ، - ملاذ كانت مبسوطه اهلها يجون القصيم كلمتها انها و امال ومشت وهي تتجهز وتحط مكياج خفيف ومشت جلست واخذت نفس وهي تفكر بكلام صقر ، - عبدالرحمن لبس شماغه وتعطر وطلع وهو يشوف الجد سُليمان جالس وابوه متجهز ولابس شماغه لكن الغريب ماراح للدوام عقد حواجبه : شصاير؟ توقع انهم ما يعرفون بسالفة صقر ، الجد سُليمان رفع نظره : وش تشوف انت؟ عبدالرحمن رفع كتوفه : مدري جاهزين لكن جالسين ما رحتوا الدوام ؟ يوسف بهدوء : حتى انت جاهز ليه ما تروح؟ عبدالرحمن باستغراب : اي رايح بعد شوي ، يوسف : تفضل روح ، عبدالرحمن سكت وهو يناظر لكن يوسف ضحك وما قدر يمسك نفسه ونطق : ننتظر بنت صقر ، عبدالرحمن بصدمه : تعرفون انتم! يوسف تنهد : اي آمك قالت لنا حتى لو خبيتوا انتم والصدق ياولدي انا راضي الي يسويه صقر يمكن ربي راضي بهالشيء وما رزقه عشان يتبنى ويربي طفله يتيمه و في ميزان حسناته باذن الله ، عبدالرحمن سكت وهو يجلس جنبهم ، - ام صقر توجهت لشقة ملاذ ومشت دقت الباب دقايق وملاذ فتحت الباب وهي مبتسمه دخلت ام صقر وحضنتها و ابتسمت : كيفك ما شاء الله كاشخه ، ملاذ ابتسمت لها و توجهوا يجلسون ، ام صقر ناظرت فيها : صقر كلمك بشي؟ ملاذ عقدت حواجبها وهزت راسها بالنفي، ام صقر بهدوء : انتي تعرفين ليه للحين ما حملتي و تتوقعين العيب فيكِ؟ وتنتظرين متى تحملين ومتى تجيبين بيبي صح؟ ملاذ انصدمت ، صقر وصل ونزل من سيارته وتوجه وهو ياخذ جوري من من سلطان ويناظر فيها كانت نايمه و رفع نظره وهو يشوف عبدالرحمن و ابوه الي ركضوا طلعوا من سمعوا صوت السياره ، عبدالرحمن ابتسم وهو يتوجه يناظر بجوري الي بحضن صقر ، يوسف قرب وهو ياخذه منه ، صقر انصدم انه كيف عرف كان ناوي يرجع و يحطهم بالامر الواقع لكن امه تصرفت قبله بكل شيء ولا عطته خبر ، ودخلوا لداخل يوسف ابتسم : الله يحفظها يارب يالله تحيها ، توجه وهو يحطها بحضن ابوه الجد سُليمان ابتسم وهو يطالع فيها كانت نايمه ، سلطان كان واقف يضحك وهو يشوف فرحتهم ، صقر كان مصدوم كيف راضين و مبسوطين ، عبدالرحمن قرب وهو يشيله : عطوني ياها ، شالها وهو مبتسم جوري تحركت بانزعاج وقامت تبكي عبدالرحمن ابتسم وهو شعرها والقرنين ، سلطان ناظر : عطني عطني ما تعرف لهم ، عبدالحمن : وخر بس انا عمها ، جوري كانت تبكي سلطان قام يصفق وحاول يسكته، عبدالرحمن كان يهزها ويضحك ويطالع فيها بحُب وقرب وهو يبوسها ومده لصقر : سكتها ، صقر اخذها منهم وهو يطالع فيها ، يوسف والجد سُليمان كانوا يضحكون ويطالعون للعيال كيف مبسوطين فيها ، عبدالرحمن وقف وهو يصفق : خلاص يابنت اسكتي ارحمي اذني ، عمر طلع من غرفته وقف وانصدم وهو يشوف البنت وعقد حواجبه وتوجه لعندهم باستغراب : من ذي؟ سلطان : جوري بنت صقر بنت ابوها ، صقر ابتسم من شاف سلطان نطق جوري بنت صقر ، عمر انصدم وهو يطالع ، - ام صقر ناظرت لملاذ الي من سمعت الخبر نزلت دموعها وقامت ترجف بصدمه ، ام صقر : هو علمك من قبل يا بنتي بس ما استوعبتي وكان ناوي يرجع يعلمك كل شيء بس انا شفت الافضل اني اجيكِ و اتفاهم معكِ انا نفس امك واعرف شعورك ولو عندي بنت و مرت بنفس الي تمرين فيه كان فهمتها جيت قلت اعلمك كل شيء قبل يوصل ويجيب البنت انا مدري انتي تتقبلين تربينها و توافقين ولا ترفضين و تتركين ولدي او حتى تجرحينه بس ملاذ صدقيني بحياتك ما تلقين انسان يحبك كثر صقر حتى البنت قرر يتبنى عشانك عشان خاطرك وعشان ما يحرمك من شعور الامومة هو يحبك يا ملاذ لا تفكرين تتركينه هو وقف معك بكل حالاتك لا تكسرين قلب ولدي ي ملاذ ارفقي فيه وفي حالته هو بحاجتك بهالوقت ، ملاذ كانت ساكته ومنزله راسها وتبكي ومصدومه .. - جنان مسكتها : تكفين سوي هنا ابي اشارك معاكم و استانس قبل تروحون ، ريما : منجد بسرعه قبل نرجع القصيم، امال بتفكير : من وين نجيب الكيك! جنان : نروح اقرب محل نشتري كيك و بلونات ونجي نحتفل تكفين ابي اعرف ، امال بضحكه : طيب بسرعه جيبوا عبايتكم و عبايتي اكلم بابا ونمشي ، البنات ركضوا يجيبون .. ' فهد بصدمه : الحين! امال : اي تكفى ي بابا لا ترفض نبي نستانس ، فهد بهدوء : تمام يا بنتي انتظركم ، وتوجه لسيارته، امال ابتسمت و لبست عبايتها و ريما و جنان معها وتوجهوا طلعوا وهم يشوفون فهد واقف و ركضوا يركبون امال ركبت قدام : يالله متحمسه وعاد محد يعرف غيري شفت وعرفت جنس الجنين ، جنان بصدمه : ي حيوانه مو قلتي ما تشوفين!! امال بضحكه : ما قدرت امسك نفسي ، فهد وقف سيارته ونزلوا عند المحلات امال نزلت عند محل الكيك و جنان توجهت تاخذ بلونات و ريما مشت تجيب باقي الاغراض وهم مستعجلين لانهم بيرجعون للقصيم وبالبيت كلهم يتجهزون ، بعد عدة ساعات خلصوا و ركبوا السياره بتعب ، امال كانت ماسكه كرتون الكيك : اوف الحمدلله ، جنان : اخذت بلونات وردي و ازرق الله اعلم وش الصح ، وضحكوا وهم متوجهين للبيت . فهد : هاه خلاص ما نسيتوا شيء؟ امال ابتسمت : لا لا ما نسينا ، وصلوا البيت ونزلوا ، امال : جنان روحي امسكي نجلاء لا تطلع وتعرف ، جنان ضحكت وهي ترمي عبايتها وتروح الغرفه ناظرت نجلاء كانت منسدحه وتكلم مشعل ، امال ناظرت لامها : تكفين يمه لا ترفضين ، ام سعود : الله يعين بنات هالزمن ايامنا مانعرف لا جنس جنين ولا احتفالات نروح نولد ونرجع ، امال : خير خالتي نبي نستانس حنا ، ام نجلاء ابتسمت : استانسوا استانسوا ، والبنات تجمعوا يجهزون كل شي سريع سريع ، امال بضحكه : اروح البس واجيكم ، ومشت تلبس فستان وردي وعدلت شعرها وطلعت ، البنات تجهزو وطلعوا ينادون نجلاء ، نجلاء عقدت حواجبها وطلعت وانصدمت وهي تشوف الصاله البالونات والكيك والكل واقفين ، جنان مشت توزع شريط ازرق و وردي : توقعوا ، الاغلب اخذ ازرق ، امال كانت تضحك ، نجلاء اخذت وردي وهمست : اكيد بنت اعرف ، ومشت وهي مبسوطه وتضحك والبنات يصورونها و ريما ترسل لمشعل الي كان يشوف المقاطع وينتظر على احر من الجمر يبي يعرف بنت ولا ولد ، نجلاء قطعت الكيك وانصدمت وهي تشوف لونين يمين وردي و يسار ازرق و رفعت راسها بصدمه ، امال بصراخ : تواممممم ، الكل شهقوا. بصدمه وفرح و ركضوا يحضنون نجلاء الي مصدومه ، ريما من الصدمه نست ترسل المقطع لمشعل ، نجلاء نزلت دموعها بفرح وهي مصدومه وهمست : يالله مشعل كان حاس، امال بضحكه : ذا شعلولي لحد يعلمه سوو له رز بخاري لونين لون وردي و لون ازرق، نجلاء عجبتها الفكره وناظرت : اي والله ، ريما : وشو رز جيبوا دجاجه وحطوه بين الرز وخلوه لونين وردي و ازرق ، الكل ضحكوا امال قربت وهي تحضن نجلاء : مبسوطههه اوففف مقدر انتظر ابي يجون بسرعه ، ام نجلاء كانت فاقده ملاذ وتصور لها #انتهى_الفصل♥ 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع الفصل التالي➥ ⇩⇩ ▇ـ▄▄▄💜▄▄▄ـ▇