انا شاعرك العام والقصيد عيونك 2 - الفصل 61 - مكتملة | روايتك

عالم القصص والروايات 📚: ▇ـ▄▄▄💜 ▄▄▄ـ▇ { رواية انا شاعرك العام والقصيد عيونك💞} { الفصل الواحد والستون 💜  } ▇ـ▄▄ @ahgeel ▄▄ـ▇ -/ تفاعل قبل لاتقراء ♥ يوسف ناظر لصقر : صقر ايش قاعد تقول! عبدالرحمن بحده : الي يقوله صقر صحيح ي يبه و..سكت من التفتت لهم أم صقر وهي تصارخ : اسكتتتت اسكتتت انت واخوككك اسكتوااا ، والتفتت لسلطان بدموع : سلطان قل مين هذي ومين الي معه! قل اخوانك يكذبون! سلطان رفع نظره لهم بهدوء وهمس : ءيمه تكفين أنتي افهميني ، يوسف بصراخ : جاوببببب وششش الي يقولونهه اخوانكك!!! سُلاف نزلت دموعها بخوف و دخلت البيت وقفلت الباب ، يوسف الي ما قدر يمسك نفسه ركض وسحب سلطان من ياقته وبصراخ : تكلمممم ايششش الييي اسمعه من اخوانككك!! أم صقر كانت مصدومه والتفتت لسلطان الي ينزف من خشمه الدم و دفت يوسف عنه : اسكتوااا كلكممم ، يوسف بسخريه : هذي تربيتك يا منيره! هذي تربيتك جايب وحده بالمزرعة وتامين معهااا ويقوللل متزوججج!!! التفت لسلطان بحده وبصراخ : تكلممم ليهه سساكتت!! يااا ابننن الكلببب ، سلطان غمض عيونه وهو يحاول يأخذ نفس ويتكلم ، أم صقر ناظرت لعبدالرحمن وصقر : لا اشوف وجيهكم اطلعوا، عبدالرحمن بصدمه : وشو ي يمه يعني فخوره بأفعاله أنتي! يوسف بحده : انااا الييي لااا اشوففف وجه هالكلببب وامشييي قدامييي وهالكلببب متبريي منعه ليوممم الدينن ، أم صقر انصدمت وهي تمسك كتف سلطان : ماراح أخليه ، يوسف رفع إصبعه بتهديد : بتمشيننن ولااا اطلقك وأمشي!! عبدالرحمن وصقر انصدموا والتفتوا لابوهم بصدمه ، أم صقر تجمدت بمكانها من تهديده وكيف معصب و مو بوعيه مجرد ما شاف سلاف وولدها توقع الي سمعه صحيح ، وناظرت فيه بدموع : تبغى تطلقني! طلقني لكن انا ماراح امشييي من هنااا لين اسمع كل شييي من ولدي ، عبدالرحمن بحده : يمهه اتركييي هالكلب و ارجعي للبيت ، سلطان كان ساكت ومصدوم وهمس : يمه روحي للبيت ي..ماكمل كلامه الا ويوسف ضربه كف : لا اسمععع صوتكك انااا ابوك يالكلببب انا ابوك تسوييي فينييي كذا!!! ، أم صقر شهقت والتفتت وهي تمسك سلطان : يكفيييي خلاصصص ، نزلت دموعها والتفتت لسلطان وهي تناظر وتبكي وتشوف حالته كيف وهمست : روحوااا مننن هنااا روحواا ، صقر بقلة حيل : يمه ارجعي للبيت! يوسف : خلوها خلوها تجلس معه هنا لاعاد ترجعين لبيتك ولا لعيالك خليكِ مع هالكلب ، ومشى متوجه ركب سيارته وحرك ، صقر ناظر لامه : ارجعي البيت معي ولا زي ما قال ابوي اجلسي مع هالكلب ولا عاد تشوفين وجيهنا! سلطان كان ساكت وواقف جنب أمه ، عبدالرحمن ناظر لسلطان : باخر عمرها تخلي ابوي يطلقها بسببك! ما تستحي على وجهك انت ماعندك ذرة رجوله تتكلم!! سلطان رفع نظره : انتم أعطوني فرصه يخي أتكلم خلوني افهمكم والله الموضوع ماهو زي ما انتم فاهمين وعزة الله ي يمه أني ما سويت شي بالحرام ولا حتى لمستهااا!! عبدالرحمن بسخريه : توك قايل انها زوجتك وتقول ما لمستها! أم صقر بدموع : سلطان جاوبنيي هييي ميننن؟؟؟؟ صقر : جاوب ليه ساكت! سلطان بتوتر وهمس : زوجتي يمه والله كنت ناوي أعلمكم قسم بالله ظروف..سكت وهو يشوف أمه الي ارتمت على الأرض وجلست على ركبتها ومدت يدها لقلبها تبكي وتهز رأسها بالنفي، عبدالرحمن انصدم و ركض بخوف : يمهه ، أم صقر رفعت نظرها لسلطان ودموعها تنزل : ليه سويت كذا!! ليهه يااا سلطاننن ليهه سويتتت كذا!! في ايش قصرت معك انااا !! قد فرقت بينك وبين اخوانك عشان تطعنني بظهري!! وتروح من وراييي تتزوج وتجيببب عيال ولا همك امك الي ربتك وكبرتك!! نزلت رأسها وهي تبكي وحاطه يدها على جبهتها ، صقر ناظر لسلطان وتفل عليه : انقلععع مننن قدامييي ، سلطان سكت بهدوء وهو يناظر لعبدالرحمن الي يحاول يخلي امه تقوم وخاف يتكلم وتزيد السالفه وصد عنهم وهو يبعد ، أم صقر قامت و دموعها تنزل : ليهه تسوننن فينييي كذا ليهه ، عبدالرحمن حضنها من جنب وهمس : تعالي يمه امشي ، صقر التفت لسلطان : قسم بالله ي سلطان ان شفتك راجع للبيت ماراح يصيرر لكم خيررر وخلي ابن الكلب متعب ينفعك الي علمك هالحركات وصد وهو يلحق أمه وعبدالرحمن ، ' نجلاء : اي صدق أتكلم بس تكفين اهجدي الحين ، امال صدت وهي تقوم : انا اروح اكلم ابوي بنفسييي من اس حق تسونن فينيي كذا!! ومن متى انا وافقت على سعود! نجلاء مسكتها : وصية جدي افهمي!! امال بحدها : مااا يهمنييي وصية مينن! انا راح اتزوج من الشخص الي انا ابيه ، نجلاء بصدمه : تستهبلين! أقولك وصية جدك وكلامه انك تتزوجين من سعود يعني تكسرين كلمته ! امال : جدي مات وكلامه اندفن بنفس القبر ووصيته بعد ما يهمني احد هذا أنتي ما كسوتي كلمته وتزوجتي من مشعل علميني كيف عشتي حياتك! كله كُره وحقد ومشاكل لا تحسبيني غبيه أو مجنونه! انا ما يهمني احد ولا كلام احد همني حياتي ! نجلاء بصدمه : شفيني انا ومشعل! امال : ليه ي نجلاء تسوين نفسك غبيه كذا! عارفه ما تقبلتيه الا لانك حامل منه ولا انتي فارس أحلامك ماهو مشعل واحد يقيدك و يتحكم وكل شي على مزاجه! و راعي بر ونياق و تفكيره متخلف ومتحجر . نجلاء بسخريه : ليه وأنتي فارس أحلامك يكون كيف! وش مفكره انتي اهلنا يعطونا مجال اصلًا عشان نفكر كيف يكون فارس أحلامنا! هذا انا رفضت مشعل و غصب اقنعوني وأنتي مفكره لو رحتي و رفضتي سعود راح يصفقون لك ويقولون لو رحتي و رفضتي سعود راح يصفقون لك ويقولون أبشري مين ودك تتزوجين منه! لا نصيرين غبيه و تسببين مشاكل! يكفي! امال بحدها : غبيه هي انتي ي نجلاء يوم انك ضيعتي حياتك و وافقتي على مشعل وتبين مني اسكت و اتزوج من سعود الي تفكيره اخس من مشعل بعد وانسان متخلف ! نجلاء بسخريه : يكفي يا امال يكفي لانك بالنهاية راح تتزوجين من سعود وأبوي مستحيل يكسر كلمة جدي ، امال : صدقيني ي نجلاء راح انتحر راضيه بس أني أنكم تتحكمون بحياتي تعيش مع مين وأتزوج من مين! مستحيل ، نجلاء : بنشوف اجل وبعدين لا تقعدين كل مره تسمعيني كلامك التافه عن مشعل! وأنا مو ضعيفة شخصيه كان بإمكاني أوقف بوجه جدي وأبوي و ارفض بس انا احترمهم و رضاهم بالنسبة لي اهم من رضاي هذي انتي الي ما همك احد غير نفسك ، امال صدت وهمست : قلتيها رضاهم بالنسبة لهم اهم من رضاكِ لكن لا والله انا رضاي اهم من رضا الكل وقولي ألي تبين تقولينه بس انا راح ارفض وما اسكت ، ' عبدالرحمن ناظر لصقر الي طلع : نامت؟ صقر بحده : وين نامت قاعده تبكي ، عمر ناظر فيهم : يخي سلطان مو كذا افهمو منه ! عبدالرحمن : وش افهم منه ي عمر! وأنا شفته بعيوني راكبه معه قدام وبيدها الولد ويوم واجهت سلطان قال انها زوجتي ولما جت امي قعد يحلف انه ما لمسها! وش افهم منه!! صقر صد وتوجه لغرفته عند ملاذ وقفل الباب وهو معصب ، عمر : دحوم الي سويتوه غلط! يخي انت عاقل و زي ما سمعت مني وفهمت نفس الشيء اسمع منه يمكن كان يحبها يم.قاطعه عبدالرحمن : انت كنت تحبها وأنا تفاهمت معك لانه صقر ما قصر فيك والي سواه سلطان ارتكب جريمه بحق امي وأبوي و خدعهم و راح تزوج من وراهم او حتى خلف بالحرام من وراهم وش اسمع منه بالله! ' سلطان كان واقف بالمزرعه ومنزل رأسه ودموعه بعيونه سُلاف طلعت وبيدها قرورة المويه وتوجهت لعنده ومدت له : اشرب ، سلطان صد : ما اقدر ماراح يمر شي من حلقي الغصه الي بوسط حلقي وكأني ابتلعت الكوره الأرضية بإكماله يا سُلاف اهلي وهم اهلي ما وثقو فيني! يخي تربية امي وهي ما وثقت فيني! سُلاف بدموع : سامحني سلطان تكفى ، سلطان سحب المويا منها وصب على يدها وهو يمسح الدم الي بخشمه وهمس : انتي روحي داخل انتبهي لعساف ، سُلاف هزت رأسها بالنفي ومسكته من كتفه بخوف : وين بتروح انت! سلطان : اروح وين ما اروح وش يفرق! ابوي وهو ابوي قال لي تبرى مني بدون ما يسمع حرف واحد! واخوي الي اسند عليه طول عمري عبدالرحمن هو الي اليوم كسرني للمره الثانية يخي وش بقى بحياتي ما خسرته! وش بقى عشان أعيش! سُلاف انصدمت وناظرت فيه : سلطان ! سلطان التفت لها وهمس : .. ' سُلاف انصدمت وناظرت فيه : سلطان ! سلطان التفت لها وهمس : وش يا سُلاف! وش تبين اسوي! سُلاف بهدوء : لا تسوي شي أكيد هُم كانوا معصبين ومصدومين وبلحظة غضب تصرفوا معك كذا! سلطان سكت وصد : انتي ادخلي داخل انا رايح قام بيمشي لكن مسكته سُلاف بخوف : سلطان الله يخليك خلاص يكفي! سلطان بهدوء : سُلاف ادخلي داخل انتبه للولد، سُلاف هزت رأسها بالنفي : بتمشي معي ولا ماراح ادخل! سلطان تنهد بقلة حيل وهمس : تمام وتوجه معها لداخل ، ' نجلاء صدت ومشت وهي تسحب الشنطه من دولابها بقهر والتفتت لآمال : الغلط منييي اني جيتكمم ، امال بصدمه : نجلااء!! شفيكِ شقلت انا؟؟؟ نجلاء بدموع : ما توقعت بيوم اسمع منك كلام تافه كذا ! امال مسكتها : اسفه خلاص ما بتكلم بشي ولا بقولك شي ، نجلاء مشت وهي تسحب جوالها : برجع للمدينة ، امال تنهدت بقهر : ياربي نجلاااء خلاص ماعاد بتكلم! نجلاء سحبت جوالها ومشت طلعت تكلم مشعل ، امال تنهدت بقهر وجلست : ياربي منهااا ، ' عبدالرحمن كان بغرفته منسدح وكل تفكيره بـ سلطان حس بصداع من كثر التفكير ولا حتى قادر ينام كل شوي يتذكر شكله وملامحه وكيف كان ساكت ولا قادر يفهمهم شيء غمض عيونه بضيق وهو يحس سلطان فيه شي ! مستحيل يسوي هالحركات من ورا ظهرهم بس ليه سوا كذا! ليه ما علم احد! وليه جاب الولد للبيت وقال انه ولد متعب! يعني فعلًا ولد متعب و هي زوجة متعب طب ايش يسون عند سلطان! قام بسرعه من كثر التفكير وسحب مفاتيحه ومشى طلع ، عمر كان واقف برا ويطالع بـ بيت غلا ويتذكرها ومقهور انها ماترد والتفت اول ما طلع عبدالرحمن وناظر فيه : وين رايح؟ عبدالرحمن توجه لسيارته ونطق : لسلطان ، عمر ركض له : بمشي معك ، فتح الباب و ركب ، ' سُلاف كانت جالسه على السرير وعساف نايم على السرير وسلطان جالس على جنب ويناظر لعساف و رفع نظره لسلاف : غريب طول اليوم نايم اليوم لا يكون تعبان؟ سُلاف : اي فيه يخونه بسيطه بيروح ، سلطان : وأنتي ايش فيكِ وجهك كذا؟ سُلاف هزت رأسها بالنفي : مافيني شي ، سلطان : نامي طيب انا رايح لمشوار و راجع ، سُلاف مدت يدها يحركه سريعة ومسكته : سلطان تكفى اجلس ولا تسوي شي بنفسك! سلطان عقد حواجبه : وليه انتي خايفه أني اسوي شي بنفسي؟ سُلاف بخوف : كلامك الي قبل شوي في المزرعة خوفتني فيه ! ليه ما تطلقني وترتاح وأنا راح اتصرف بنفسي و لعلاج عساف رضا اهلك اهم من كل شي ي سلطان! انا ماراح أفيدك بشي ولا ولدي ، فكر باهلك ي سلطان لا تفكر فينا يكفي انك خسرت كل شي لا تخسر اهلك بعد بسببي! يخي طلقني و ريح رأسك وأنهي كل شي ! ليه تسوي بنفسك.. ' طلقني ي سلطان طلقني خلاص تكفى يكفي تخسر حياتك بسببنا! سلطان بحده : لا تجننيني اكثر ي سُلاف! طلاق ماني مطلقك وولدك برقبتي ليوم الدين انسي أني اطلقك وصد طلع لبرا ، سُلاف انصدمت من كلامه وقعدت تناظر فيه لين طلع ، سلطان اول ما طلع من البيت بهاللحظه وقف سيارة عبدالرحمن نزل وعمر معه ووقف وهو يشوف سلطان طالع ، سلطان انصدم وناظر فيه وقفل باب البيت وهو يشوفهم متوجهين لعنده ، عبدالرحمن وقف قدامه وهو يناظر فيه ، أما عمر صد و ركض لسلطان وحضنه بقوه ، سلطان عقد حواجبه باستغراب وهو حاضن عمر وحس انه كان بحاجة هالحضن من اخوانه بحاجتهم وغمض عيونه وهو حاضن عمر بقوه ، عمر ابتسم وبعد عنه : بتخنقني ! سلطان التفت لعبدالرحمن : ما سمعت مني جاي تكمل فيني؟ عبدالرحمن رفع نظره للسماء وهو ساكت ونزل نظره للأرض وهمس بهدوء و رفع يدينه : ماني مسوي شيء جيت أوقف و اسمع كل شيء من الف لين الباء ماراح أتكلم ولا عمر يتكلم انت الوحيد الي تتكلم وتقول كل شي!! مابي اسمع تقول انها زوجتك وبس! علمني كل شي كيف زوجتك ومتى فهمني ي سلطان! سلطان سكت وهو يطالع فيه وهمس : ليه قبل شوي ما طلبت تسمعني! ليه ذليتني كذا و طيحتني بنظر امي وأبوي! عبدالرحمن كان ساكت ويناظر بالأرض ولا تكلم بحرف ، عمر ناظر لسلطان : سلطان كل شي راح يتحسن بس علمنا! سلطان بهدوء : طول عمري كنت أشوفكم سند لي كنت متوقع اني لا طحت بمصيبه راح توقفون معي بس خاب ظني من بعد كفوفك ي عبدالرحمن انت لما رفعت يدك علي وقته صحيتني من الظن الي كنت اظنه فيك خيب لي كل ظنوني ، عمر بصدمه : عبدالرحمن ضربك! سلطان ناظر لعمر وضحك بسخريه : ما تشوف وجهي و الجرح الي ب انفي! هذا اخونا الكبير الي نشوفه سند لنا.. قاطعه عبدالرحمن وهمس : طول عمري كنت أوقف معاكم! كنت أوقف بوجه ابوي عشانكم وأنت ي سلطان انا وش ما سويت عشانك! كذبت على ابوي وامي وجدي كنت أغطي عنك كل ما تأخرت عن البيت او ما رجعت كنت أغطي عنك وأكذب! بس وش نهاية كل هذا! نايم مع وحده بالمزرعه ولا فكرت فينا! سلطان ناظر لعبدالرحمن بحده وقرب ناظر فيه : طالع فيني ي عبدالرحمن و قل لي انا من نفس دمكم ولا من دم غريب! قبل تتهمني وتقول اني نمت معها ما فكرت ولو دقيقه وحده اني اخوكم ومن نفس دمكم ومستحيل بيوم اسوي هالحركات! عبدالرحمن : انت اخونا ي سلطان لكن اخوياك الي تمشي معاكم يشربون ويسكرون ومن زانيه لزانيه ومن سرير لسرير وش أتوقع منك! طول عمري خايف عليك من الخبيث متعب! قاطعه سلطان وناظر : متعب ماعاد له وجود بحياتي تطمن انا فقدته ي عبدالرحمن فقدته خلاصصص مات.. ' قاطعه سلطان وناظر : متعب ماعاد له وجود بحياتي تطمن انا فقدته ي عبدالرحمن فقدته خلاصصص مات متعب مات ، عبدالرحمن ناظر بحده : لااا تصارخخ!!! فاهم! عمر ناظر بخوف و دف سلطان عن عبدالرحمن : خلاص يخي تفاهموا مو تتهاوشون وأنت ي سلطان اهدأ لا تصارخ ! سلطان تنهد وهمس بهدوء : الولد ولد متعب وهي زوجته انا انجبرت اتزوج منها عشان القضية و...قاطعه عبدالرحمن الي ناظر فيه بصدمه : متزوج من وحده زانيهه!!!! وبكللل ثقته تقوللل انهااا زوجتككك!!! متزوج من..سكت من قاطعه عمر الي مسكه وهو يبعده عن سلطان : دحوممم اهجد تكفى خلنا نسمعه!! عبدالرحمن سكت وناظر بحده : تطلقهااا فاهمم!! سلطان : ماراح اطلقها وأنت اسمعني كامل وبعده احكم! عبدالرحمن : ماني سامععع شييي وحده نامت مع خويك وخلفت بالحرام تروح تتزوج منها!! سلطان بصدمه : عبدالرحمن هييي زوجتييي وما اسمححح لك تقوللل هالكلاممم عنهاا ! و انا راضيه فيه بكل حالتها ، عبدالرحمن : اوه يعني تختارها هي علينا! عمر غمض عيونه بقهر وهو يبعد عبدالرحمن : خلاصصص ، سلطان دف عمر ووقف قدام عبدالرحمن : جاي تسمعني صح! عبدالرحمن : جيت اسمعك بس ما أتوقع في شي بعد اسمعه الحين انت الي اسمعني تطلقها و ترميها و امي لا تعرف بشي! عمر بصراخ : خلاصصص يخييي اسكتوااا نتفاهممم ، وقرب من عبدالرحمن و دفه عن سلطان ووقف بالنص وناظر لسلطان : تكلم ي سلطان والتفت لعبدالرحمن : اسكت انت ! عبدالرحمن تنهد وصد : اي تكلم بشوف وش بقى تكلم فيه بعد ! سلطان بهدوء : انا ماكان نية اتزوج منها انجبرت اتزوج منها عشان القضية ما دريت انه لعبه من متعب ويلعب حواليني وخدعني وهي مظلومه كل شي صار فيها بسببي!! ومتعب الي تعدى عليها بسببي! وخلفت بسببي! انا السبب بتدمير حياتها وعشان اصلح غلطتي ماراح اطلقها و راح تعيش معي وأنا بنفسي أتفاهم مع امي واكلمها والموضوع اكبر من كذا بس ما ظنتي واحد فيكم يحس فيني او حتى يسمعني بالتفاصيل كله عشان كذا اختصرته عليكم الشعور والمصائب الي انحطيت فيه لو كافر انحط فيه كان رحمتوه بس انتم مو اخواني نفسهم ألي كانوا يحسون فيني ويسمعوني! تغيرت ي عبدالرحمن ، عبدالرحمن بحده : انا تغيرت ي سلطان!!! انا ؟؟؟ سلطان : ... ' مشعل بصدمه : بنت ليه تبكين!! نجلاء بدموع : ابي نرجع لبيتنا نرجع للمدينة الحين وبهالوقت! مشعل بصدمه : نجلاء ياعمري انتي ليه تبكين كذا طيب فهميني امك قالت لك شي! نجلاء بدموع : لا امي نايمه مالها دخل بشي بس ابي ارجع للمدينة ، مشعل تنهد وهو يقوم : انزلي لي انتظرك بالسياره خلينا نتفاهم بسرعه ، نجلاء قفلت . #انتهى_الفصل♥ 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع الفصل التالي➥ ⇩⇩ ▇ـ▄▄▄💜▄▄▄ـ▇