انا شاعرك العام والقصيد عيونك1 - الفصل 39 - مكتملة | روايتك

عالم القصص والروايات 📚: ▇ـ▄▄▄💜 ▄▄▄ـ▇ " رواية انا شاعرك العام والقصيد عيونك" { الفصل التاسع والثلاثون 💜  } ▇ـ▄▄ @ahgeel ▄▄ـ▇ -/ تفاعل قبل لاتقراء ♥ ‏( ﺍﻧﺎ ﺷﺎﻋﺮﻙ ﺍﻟﻌﺎﻡ ﻭﺍﻟﻘﺼﻴﺪ ﻋﻴﻮﻧﻚ ﺑﻘﻠﻢ ﺍﻟﻜﺎﺗﺒﻪ ﺍﻣﺎﻝ ‏) ' ﺳﻠﻄﺎﻥ ﺗﻨﻬﺪ ﻭﺷﺒﻚ ﻳﺪﻳﻨﻪ ﻭﺍﻟﺘﻔﺖ ﻟﻌﺴﺎﻑ : ﻣﺎﻓﻲ ﺣﻞ ؟ ﺳُﻼﻑ ﺭﻓﻌﺖ ﻛﺘﻮﻓﻬﺎ : ﻣﺎﻧﻲ ﻋﺎﺭﻓﻪ ﺷﻲ ، ﺳﻠﻄﺎﻥ ﺑﻬﺪﻭﺀ ﻭﺗﻮﺗﺮ ﻫﻤﺲ : ﺗﺨﺘﺎﺭﻳﻨﻲ؟ ﺳُﻼﻑ ﻓﺰﺕ ﺑﺼﺪﻣﻪ ﻭ ﺭﻓﻌﺖ ﺭﺍﺳﻬﺎ ﻟﻪ ﻭﻫﻲ ﻣﺼﺪﻭﻣﻪ ﻣﻦ ﺍﻟﻜﻠﻤﻪ ﺍﻟﻲ ﻧﻄﻘﻪ ﺳﻠﻄﺎﻥ ﻭﺗﺠﻤﺪﺕ ﺑﻤﻜﺎﻧﻬﺎ ، ﺳﻠﻄﺎﻥ : ﺷﻮﻓﻲ ﻻ ﺗﻔﻬﻤﻴﻨﻴﻲ ﻏﻠﻄﺎﻥ ﺗﻜﻔﻴﻦ ﺍﻧﺎ ﺑﺲ ﺍﻟﻲ ﺍﺣﺘﺎﺟﻪ ﻋﻘﺪ ﺍﻟﻨﻜﺎﺡ ﺑﻴﻨﻲ ﻭﺑﻴﻨﻚ ﻭﺑﺲ ﺍﻛﺴﺐ ﻫﺎﻟﻘﻀﻴﻪ ﺭﺍﺡ ﺍﻃﻠﻘﻚ، ﺳُﻼﻑ ﻛﺎﻧﺖ ﺳﺎﻛﺘﻪ ﻭﻣﺼﺪﻭﻣﻪ : ﺀﺍﻧﺖ ﺗﻌﺮﻑ ﺷﻘﺎﻋﺪﺩ ﺗﻘﻮﻟﻞ!! ﺳﻠﻄﺎﻥ ﺻﺪ : ﺍﻋﺮﻑ ﻳﺎ ﺑﻨﺖ ﺍﻟﻨﺎﺱ ﺍﻋﺮﻑ ﻭﺍﻧﺎ ﻡ..ﻗﺎﻃﻌﺘﻪ ﺳُﻼﻑ ﻭﻧﺎﻇﺮﺕ ﻓﻴﻪ : ﻣﺸﻜﻮﺭ ﻭﺗﺴﻠﻢ ﺍﻧﻚ ﺳﺎﻋﺪﺗﻨﻲ ﻭﺳﻮﻳﺖ ﺍﻟﻲ ﻋﻠﻴﻚ ﺍﻧﺎ ﻣﺎﻧﻲ ﻭﺣﺪﻩ ﻣﻦ ﺍﻟﺸﻮﺍﺭﻉ ﺍﻭ ﻭﺣﺪﻩ ﺭﺧﻴﺼﻪ ﻋﺸﺎﻥ ﺍﻭﺍﻑ.. ﻗﺎﻃﻌﻬﺎ ﺳﻠﻄﺎﻥ ﺑﺼﺪﻣﻪ : ﺍﻧﺎ ﻣﺘﻰ ﻗﻠﺖ ﻛﺬﺍ!! ﻣﺎ ﻳﻬﻤﻨﻲ ﺍﻧﺘﻲ ﻣﻴﻦ ﻭﻻ ﻳﻬﻤﻨﻲ ﺷﻲ ﻭﻳﻜﻮﻥ ﺑﻴﻨﻨﺎ ﺍﺗﻔﺎﻕ ﺍﻧﻲ ﺭﺍﺡ ﺍﻃﻠﻘﻚ ﻭﻣﺤﺪ ﺭﺍﺡ ﻳﺪﺭﻱ ﺑﺰﻭﺍﺟﻨﺎ ﻭﻧﻔﺲ ﻣﺎ ﺗﺰﻭﺟﺖ ﻣﻨﻚ ﺑﺎﻟﺴﺮ ﺍﻃﻠﻘﻚ ﺑﺎﻟﺴﺮ ﺑﻌﺪ ﻣﺎ ﺍﻛﺴﺐ ﻫﺎﻟﻘﻀﻴﻪ ﻭ ﺍﺳﺠﻨﻬﻢ! ﺳُﻼﻑ ﺻﺪﺕ ﻭﻫﻲ ﻣﺼﺪﻭﻣﻪ ﻭﻧﺎﻇﺮﺕ ﻟﻌﺴﺎﻑ ﺍﻟﻲ ﻧﺎﻳﻢ ، ﺳﻠﻄﺎﻥ ﺍﻟﺘﻔﺖ : ﺍﻧﺎ ﺭﺍﻳﺢ ﻭﻓﻜﺮﻱ ﺑﺎﻟﻤﻮﺿﻮﻉ ﺻﺪ ﻭﻃﻠﻊ ﻭﻗﻔﻞ ﺍﻟﺒﺎﺏ ﻭﻣﺸﻰ ، ﺳُﻼﻑ ﻓﺴﺨﺖ ﻋﺒﺎﻳﺘﻬﺎ ﻭ ﺭﻣﺘﻪ ﻋﻠﻰ ﺍﻻﺭﺽ ﻭﺍﻟﺪﻣﻮﻉ ﺑﻌﻴﻮﻧﻬﺎ ﻭﻫﻲ ﺗﺤﺲ ﺍﻧﻬﺎ ﺿﺎﻳﻌﻪ ﻭﻻﺗﺪﺭﻱ ﻭﺵ ﺗﺴﻮﻱ، ' ﻏﻼ ﺳﺤﺒﺖ ﻋﺒﺎﻳﺘﻬﺎ ﻭ ﻃﺮﺣﺘﻬﺎ ﻭﻣﺸﺖ ﻃﻠﻌﺖ ﻣﻦ ﺑﻴﺘﻬﺎ ﻭﻫﻲ ﺗﻨﺎﻇﺮ ﻭﺗﻨﺘﻈﺮ ﻋﻤﺮ ﻳﻄﻠﻊ ﺑﺘﻌﻄﻴﻪ ﺑﻴﻼ ﻟﻜﻦ ﻣﺎ ﻃﻠﻊ ﺍﺳﺘﻐﺮﺑﺖ، ﻋﻤﺮ ﻛﺎﻥ ﺑﻐﺮﻓﺘﻪ ﻋﺪﻝ ﺷﻌﺮﻩ ﻭﻣﺸﻰ ﻃﻠﻊ ﻟﺒﺮﺍ ﻭﻧﺰﻝ ﻟﻠﺤﻮﺵ ﻓﺘﺢ ﺑﺎﺏ ﺍﻟﺒﻴﺖ ﻭﻫﻮ ﻳﺸﻮﻑ ﻏﻼ ﻭﺍﻗﻔﻪ ﺑﻌﻴﺪ ، ﻏﻼ ﻧﺎﻇﺮﺕ ﻓﻴﻪ ﻛﺎﻥ ﻭﺍﻗﻒ ﻭﻣﺸﺖ ﻟﻌﻨﺪﻩ ﻣﺪﺕ ﻟﻪ ﺑﻴﻼ ، ﻋﻤﺮ ﺑﻬﺪﻭﺀ : ﺍﺑﻴﻌﻬﺎ ﺍﻧﺎ ، ﻏﻼ ﺑﺼﺪﻣﻪ : ﺗﺒﻴﻌﻬﺎ؟ ﻋﻤﺮ ﻫﺰ ﺭﺍﺳﻪ ﺑـ ﺍﻱ : ﺍﻱ ﺍﺑﻴﻌﻬﺎ ﻣﺎﻋﺎﺩ ﺗﻬﻤﻨﻲ ، ﻏﻼ ﻋﻘﺪﺕ ﺣﻮﺍﺟﺒﻬﺎ : ﺍﺫﻛﺮ ﻛﻨﺖ ﺗﻘﻮﻝ ﻟﻲ ﻣﺴﺘﺤﻴﻞ ﺗﺒﻴﻌﻪ؟ ﻋﻤﺮ : ﻏﻴﺮﺕ ﺭﺍﻳﻲ ﻭﻛﻞ ﺷﻲ ﺗﻐﻴﺮ ، ﻏﻼ : ﺑﻜﻢ ﺗﻌﻄﻴﻨﻲ ﻳﺎﻫﺎ؟ ﻋﻤﺮ ﺭﻓﻊ ﻛﺘﻮﻓﻪ : ﻛﻢ ﻭﺩﻙ ﺍﻧﺘﻲ ؟ ﻏﻼ : ﺍﺑﻲ ﺍﻋﺮﻑ ﺳﻌﺮﻫﺎ ﺍﻟﻲ ﺗﺒﻴﻌﻬﺎ ﻓﻴﻪ ، ﻋﻤﺮ ﺗﻨﻬﺪ : ﺧﺬﻳﻬﺎ ﺑﺪﻭﻥ ﻣﺎ ﺗﺪﻓﻌﻴﻦ ﺍﻟﻮﺍﺿﺢ ﺍﻧﻬﺎ ﺗﻌﻮﺩﺕ ﻋﻠﻴﻚِ، ﻏﻼ : ﻳﻌﻨﻲ ﺧﻼﺹ ﻣﺎﻋﺎﺩ ﺑﺘﺘﺼﻞ ﺗﺘﻄﻤﻦ ﻋﻠﻴﻬﺎ ؟ ﻋﻤﺮ ﺍﺑﺘﺴﻢ ﺑﺨﻔﻪ : ﻻ ﺍﺭﺗﺎﺣﻲ ﻣﺎ ﺭﺍﺡ ﺍﺯﻋﺠﻚ ، ﻏﻼ ﺍﺑﺘﺴﻤﺖ ﻟﻪ ﻭﻣﺸﺖ ﻣﺘﻮﺟﻪ ﻟﺒﻴﺘﻬﺎ ﻭﺩﺧﻠﺖ ﻗﻔﻠﺖ ﺍﻟﺒﺎﺏ، ﻋﻤﺮ ﺗﻨﻬﺪ ﻭ ﺭﻓﻊ ﺭﺍﺳﻪ ﻟﻠﺴﻤﺎﺀ : ﻣﺎ ﺗﻮﻗﻌﺖ ﺍﻟﻔﻘﺪ ﻳﻮﺟﻊ ﻫﺎﻟﻜﺜﺮ ﻳﺎ ﺻﻘﺮ ﻻ ﺍﻧﺖ ﻭﻻ ﻋﺒﺪﺍﻟﺮﺣﻤﻦ ﻣﻮﺟﻮﺩﻳﻦ ﻛﻨﺖ ﺍﺣﺐ ﺑﻴﻼ ﺑﺴﺒﺒﻜﻢ ﺍﺯﻋﺠﻜﻢ ﻭ ﺍﻧﺒﺴﻂ ﺍﺫﺍ ﺷﻔﺘﻜﻢ ﺗﻨﺮﻓﺰﻭﻥ ﺍﻟﺒﻴﺖ ﻣﺎﻋﺎﺩ ﻟﻪ ﻃﻌﻢ ﺣﺘﻰ ﺳﻠﻄﺎﻥ ﺗﻐﻴﺮ ﻛﻞ ﺷﻲ ﺣﻮﻟﻲ ﻃﻔﻰ ﻻﻭﻝ ﻣﺮﻩ ﺍﺣﺘﺎﺝ ﻭﺟﻮﺩﻛﻢ ﺣﻮﺍﻟﻴﻨﻲ ﺻﻘﺮ ﺳﺎﻓﺮ ﻭﺗﻮﻗﻌﺖ ﻋﺎﺩﻱ ﻓﺘﺮﻩ ﻭﻳﺮﺟﻊ ﻣﺎ ﺍﻫﺘﻤﻴﺖ ﻭ ﺭﺍﺡ ﻋﺒﺪﺍﻟﺮﺣﻤﻦ ﻭﺟﺪﻱ ﻭﺗﻮﻗﻌﺖ ﻣﺎ ﻳﻔﺮﻕ ﺑﺲ ﻓﺮﻕ ﻛﺜﻴﺮﺭ ﻛﻞ ﺷﻲ ﺗﻐﻴﺮ ﻣﺤﺪ ﺣﻮﻟﻲ ﻟﻮﺣﺪﻱ ﺍﻋﺎﻧﻲ ﺗﻨﻬﺪ ﻭﻫﻮ ﻳﺴﻤﻊ ﺻﻮﺕ ﻣﺎﺭﻟﻴﻨﺎ ﺗﻨﺎﺩﻳﻪ ﻭﻣﺸﻰ ﺩﺧﻞ ﺍﻟﺒﻴﺖ ، ' ﺳﻠﻄﺎﻥ ﻛﺎﻥ ﺑﺎﻟﺴﻴﺎﺭﻩ ﻳﺴﻮﻕ ﻭﻣﺘﻌﺐ ﻣﻌﻪ ﻭﺳﺎﻛﺘﻴﻦ ، ﺳﻠﻄﺎﻥ ﺑﻬﺪﻭﺀ : ﻻﻭﻝ ﻣﺮﻩ ﺍﺣﺲ ﺍﻃﻌﻦ ﻇﻬﺮ ﺍﺑﻮﻱ ﺑﻴﺪﻳﻨﻲ ، ﻣﺘﻌﺐ ﺍﻟﺘﻔﺖ ﻟﻪ : ﻟﻴﻪ ﺗﻔﻜﺮ ﻛﺬﺍ ﻣﻮ ﺍﻧﺖ ﺭﺍﺡ ﺗﻄﻠﻘﻬﺎ ﺑﻌﺪﻳﻦ! ﺳﻠﻄﺎﻥ : ﺍﻱ ﻳﺎ ﻣﺘﻌﺐ ﺑﺲ ﻣﺎ ﺗﺨﻴﻠﺖ ﺑﺤﻴﺎﺗﻲ ﻛﻠﻪ ﺍﺧﺬ ﻫﺎﻟﺨﻄﻮﻩ ﺑﺪﻭﻥ ﻭﺟﻮﺩ ﺍﺧﻮﺍﻧﻲ ﻭﺍﺑﻮﻱ ﻣﻌﺮﻑ ﺷﻘﺎﻋﺪ ﺍﺳﻮﻱ ﻣﻮ ﻓﺎﻫﻢ ﻧﻔﺴﻲ ﻭﻻ ﻗﺎﺩﺭ ﺍﺳﺘﻮﻋﺐ ﺍﺳﻢ ﻭﺣﺪﻩ ﻣﻄﻠﻘﻪ ﻭﻋﻨﺪﻫﺎ ﻭﻟﺪ ﺗﺮﺗﺒﻂ ﺑﺎﺳﻤﻲ ﻭﺗﺼﻴﺮ ﻋﻠﻰ ﺫﻣﺘﻲ ﻭﻛﺎﻣﻞ ﻣﺴﺆﺅﻟﻴﺘﻲ! ﻣﺘﻌﺐ : ﺍﻧﺖ ﻣﺠﺒﻮﺭ ﻳﺎ ﺳﻠﻄﺎﻥ ﻭﺷﻲ ﻣﻮ ﺑﻴﺪﻙ ، ﺳﻠﻄﺎﻥ ﺗﻨﻬﺪ ﻭﻫﻮ ﻳﺴﻮﻕ : ﻣﻘﻬﻮﺭ ﻳﺎ ﻣﺘﻌﺐ ﻣﻘﻬﻮﺭ ﺻﺎﺩﻕ ﻣﺼﻌﺐ ﺣﺪﻱ ﻣﺤﺎﻣﻲ ﺍﻳﺶ ﺍﻟﻠﻪ ﺣﺎﺩﻧﻲ ﻳﻮﻡ ﺍﻧﻲ ﺍﺧﺬﻫﺎ! ﻣﺘﻌﺐ : ﻣﺎﻋﺎﺩ ﻳﻨﻔﻊ ﺍﻟﻜﻼﻡ ﻳﺎ ﺳﻠﻄﺎﻥ ﻓﻜﺮ ﺑﻌﻘﻞ ﺑﺎﺭﺩ ﻭﺧﺬ ﻗﺮﺍﺭﻙ، ﺳﻠﻄﺎﻥ ﺍﻟﺘﻔﺖ ﻟﻪ : ﻟﻴﻪ ﻳﺎ ﻣﺘﻌﺐ ﺗﺸﻮﻓﻨﻲ ﺑﺎﺭﺩ ﻣﺒﺮﺩ ﺍﻛﻠﻤﻚ! ﻭﻛﻴﻒ ﺍﻓﻜﺮ ﺑﻌﻘﻞ ﺑﺎﺭﺩ! ﺍﻗﻮﻟﻚ ﻗﺎﻋﺪ ﺍﺣﺘﺮﻕ ﺿﺎﻳﻌﻊ ﺍﻧﺎ ﻳﺎ ﺍﺑﻦ ﺍﻟﺤﻼﻝ ﺿﺎﻳﻊ ﻗﺴﻢ ﺑﺎﻟﻠﻪ ﻣﺎﻧﻲ ﻋﺎﺭﻑ ﺷﻲ ، ﻣﺘﻌﺐ : ﺧﺬﻩ ﻣﻨﻲ ﻳﺎ ﺳﻠﻄﺎﻥ ﻭﻻ ﺗﻔﻜﺮ ﻛﺜﻴﺮ ﺍﻟﻘﺮﺍﺭ ﺍﻟﻲ ﺗﺎﺧﺬﻩ ﺻﺢ ﺗﺰﻭﺝ ﻣﻨﻬﺎ ﺑﺎﻟﺴﺮ ﻭﺍﻛﺴﺐ ﻫﺎﻟﻘﻀﻴﻪ ﻭﻃﻠﻘﻬﺎ ، ﺳﻠﻄﺎﻥ ﺗﻨﻬﺪ ﻭﻋﻴﻮﻧﻪ ﻋﻠﻰ ﺍﻟﻄﺮﻳﻖ : ﻣﺎﻧﻲ ﻣﺮﺗﺎﺡ ، ﻣﺘﻌﺐ : ﻭﺵ ﻧﺎﻭﻱ ﺍﻧﺖ ﻳﻌﻨﻲ! ﺗﺮﻭﺡ ﺗﻜﻠﻢ ﺍﻫﻠﻚ ﺍﻧﻚ ﺗﺘﺰﻭﺝ ﻣﻦ ﻭﺣﺪﻩ ﻣﻄﻠﻘﻪ ﻭﻋﻨﺪﻫﺎ ﻭﻟﺪ ﻭ ﻃﻠﻴﻘﻬﺎ ﻳﻠﺤﻘﻬﺎ ﻣﻦ ﻣﻜﺎﻥ ﻟﻤﻜﺎﻥ! ﻣﺘﻮﻗﻊ ﻳﻮﺍﻓﻘﻮﻥ! ﺳﻠﻄﺎﻥ ﻫﺰ ﺭﺍﺳﻪ ﺑﺎﻟﻨﻔﻲ : ﻳﺪﻓﻨﻮﻧﻲ ، ﻣﺘﻌﺐ : ﺩﺍﺭﻱ ﻭﺍﻟﻠﻪ ﻋﺸﺎﻥ ﻛﺬﺍ ﺍﻧﺼﺤﻚ ﺗﺘﺨﻠﺺ ﻣﻦ ﺍﻻﻣﻮﺭ ﺑﺎﻟﺴﺮ ﻭﻣﺤﺪ ﻳﻌﺮﻑ ﺑﺸﻲﺀ ﻭﻻ ﺗﺨﺎﻑ ﺍﻧﺎ ﻭﻣﻌﺼﺐ ﻭﺍﻗﻔﻴﻦ ﻣﻌﻚ، ' ﺍﻟﺪﻛﺘﻮﺭ ﺩﺧﻞ ﻭﻧﺎﻇﺮ ﻟﺼﻘﺮ ﻛﺎﻥ ﺟﺎﻟﺲ ﻣﻊ ﻣﻼﺫ ، ﺻﻘﺮ ﻓﺰ ﻭﻫﻮ ﻳﺸﻮﻓﻪ ﻳﺪﺧﻞ ﻭﺗﻮﺟﻪ ﻟﻌﻨﺪﻩ : ﻫﻼ ﻳﺎ ﺩﻛﺘﻮﺭ ، ﺍﻟﺪﻛﺘﻮﺭ : ﻓﻲ ﺷﻲ ﺟﺪﻳﺪ؟ ﺻﻘﺮ ﺍﺑﺘﺴﻢ ﺑﺨﻔﻪ ﻭﺍﻟﺘﻔﺖ ﻟﻤﻼﺫ : ﺣﺎﻭﻟﺖ ﻧﻘﺪﺭ ﻧﻘﻮﻝ ﺍﻥ ﺷﺎﺀﺍﻟﻠﻪ ﺗﺒﺪﺍ ﺗﺘﻌﻮﺩ ﻫﺎﻟﻔﺘﺮﻩ ، ﺍﻟﺪﻛﺘﻮﺭ : ﺍﻥ ﺷﺎﺀ ﺍﻟﻠﻪ ﻭﺍﻧﺖ ﺍﻳﺶ ﻓﻜﺮﺕ ﺗﻘﺴﻰ ؟ ﺻﻘﺮ ﺗﻨﻬﺪ ﺑﻀﻴﻖ : ﺻﻌﺐ ﻳﺎ ﺩﻛﺘﻮﺭ ﻣﺎﻓﻴﻨﻲ ﻫﺎﻟﻘﻮﻩ ﺍﻗﺴﻰ ﻋﻠﻴﻬﺎ ﻣﺎ ﺍﺗﺤﻤﻞ ﻭﻫﻲ ﺗﺼﺪ ﻭﺗﺰﻋﻞ ﻭﺍﻟﻠﻪ ﻳﺤﺘﺮﻕ ﻗﻠﺒﻲ ﻻﻭﻝ ﻣﺮﻩ ﺍﻗﺴﻰ ﻋﻠﻴﻬﺎ ﻭ ﻧﺒﺮﺓ ﺻﻮﺗﻲ ﺗﻐﻴﺮﺕ ﻣﻌﻪ ﺍﻧﻘﻬﺮﺕ ﻣﻦ ﺻﺪﻫﺎ ، ﺍﻟﺪﻛﺘﻮﺭ ﺑﻬﺪﻭﺀ : ﺍﻋﺮﻑ ﺍﻟﻤﻮﺿﻮﻉ ﺻﻌﺐ ﻋﻠﻴﻚِ ﺑﺲ ﺻﺪﻗﻨﻲ ﻣﻊ ﺍﻻﻳﺎﻡ ﻫﻲ ﺭﺍﺡ ﺗﺘﻌﻮﺩ ﻭﺗﺒﺪﺍ ﺗﻌﺘﻤﺪ ﻋﻠﻰ ﻧﻔﺴﻬﺎ ، ﺻﻘﺮ : ﺍﺧﺎﻑ ﺗﻜﺮﻫﻨﻲ ﻭﺗﺼﺪ ﻟﻼﺑﺪ؟ ﺍﻟﺪﻛﺘﻮﺭ : ﻣﺎ ﺍﻋﺘﻘﺪ ﻭﺍﻧﺖ ﻻ ﺗﻘﺴﻰ ﻟﻬﺪﺭﺟﻪ ، ' ﺍﻣﺎﻝ ﺍﺑﺘﺴﻤﺖ ﻭﻫﻲ ﺗﺸﻮﻑ ﺭﺳﺎﻟﺘﻪ " ﺷﻜﺮﺍً ﻋﻠﻰ ﺍﻟﺒﻴﺾ ' ﻭﻛﺘﺒﺖ ﻟﻪ : ﻻ ﺗﻨﺴﻰ ﻭﺵ ﻛﺎﻥ ﺍﺗﻔﺎﻗﻨﺎ؟ ﻋﺒﺪﺍﻟﺮﺣﻤﻦ ﻛﺎﻥ ﺟﺎﻟﺲ ﺑﺎﻟﻤﺠﻠﺲ : ﻣﺎ ﻧﺴﻴﺖ ﻗﻮﻟﻲ ﻭﺵ؟ ﺍﻣﺎﻝ : ﻭﺍﻟﻠﻪ ﻣﺎ ﺑﺒﺎﻟﻲ ﺷﻲ ﺑﺲ ﺑﺴﺒﺐ ﻃﻘﻄﻘﺘﻚ ﻋﻠﻲ ﻭﺩﻱ ﺍﻧﺘﻘﻢ ﻭ ﺍﺗﺸﺮﻁ ﺗﺤﻠﻖ ﺷﻌﺮﻙ ، ﻋﺒﺪﺍﻟﺮﺣﻤﻦ ﺑﺼﺪﻣﻪ : ﺍﺣﻠﻖ ﺷﻌﺮﻱ! ﺍﻗﻮﻝ ﺗﺤﺮﻛﻲ ﺑﺲ ، ﺍﻣﺎﻝ : ﺍﻧﺖ ﻭﺍﻓﻘﺖ ﺍﻧﻲ ﺍﻃﻠﺐ ﺷﻲ ﻣﻘﺎﺑﻞ ﺍﺳﻮﻱ ﻟﻚ ﺑﻴﺾ ﻭﺍﺫﺍ ﺭﻓﻀﺖ ﺍﻥ ﺷﺎﺀ ﺍﻟﻠﻪ ﻳﻮﺟﻌﻚ ﺑﻄﻨﻚ ، ﻋﺒﺪﺍﻟﺮﺣﻤﻦ ﻓﺰ ﻣﻦ ﺭﺳﺎﻟﺘﻬﺎ : ﺍﺳﺘﻬﺪﻱ ﺑﺎﻟﻠﻪ ﻣﻮ ﺍﻧﺴﺎﻧﻪ ﻋﺪﻭﻩ ﺍﻧﺘﻲ ﻭﺍﻟﻠﻪ ﻏﻴﺮﻱ ﺍﻃﻠﺒﻲ ﺷﻲ ﺛﺎﻧﻲ ، ﺍﻣﺎﻝ : ﻭﺍﻟﻠﻪ ﻣﺎﻋﻨﺪﻱ ﺷﻲ ﻏﻴﺮﻩ ﺑﺘﺴﻮﻳﻪ ﻭﻻ ﺍﻛﻤﻞ ﺍﺩﻋﻲ؟ ﻋﺒﺪﺍﻟﺮﺣﻤﻦ : ﻭﺍﻟﻠﻪ ﻣﺼﻴﺒﻪ ﻭﺍﻧﺎ ﻣﻔﻜﺮ ﺍﻧﻚ ﻃﻴﺒﻪ ﺳﻮﻳﺘﻲ ﻟﻲ، ﺍﻣﺎﻝ ﺑﻀﺤﻜﻪ : ﻻ ﺗﺪﻭﺭ ﺍﻟﻄﻴﺒﻪ ﻋﻨﺪﻱ ﺧﻠﻲ ﻃﻘﻄﻘﺘﻚ ﻳﻨﻔﻌﻚ، ﻋﺒﺪﺍﻟﺮﺣﻤﻦ : ﻃﻴﺐ ﻓﻜﺮﻱ ﻳﻤﻜﻦ ﻓﻲ ﺷﻲ ﺛﺎﻧﻲ ﺑﺒﺎﻟﻚ؟ ﺍﻣﺎﻝ ﺑﺘﻔﻜﻴﺮ : ﻟﻼﺳﻒ ﻣﺎﻓﻲ ﺷﻲ ﻏﻴﺮ ﺷﻌﺮﻙ ، ﻋﺒﺪﺍﻟﺮﺣﻤﻦ : ﺷﺮﺍﻳﻚ ﻟﻮ ﺍﻗﻮﻝ ﻗﺼﻴﺪﻩ ﻟﻚ؟ ﺍﻣﺎﻝ ﻋﻘﺪ ﺣﻮﺍﺟﺒﻬﺎ : ﺍﻻﺥ ﺷﺎﻋﺮ ﻭﺍﻧﺎ ﻣﺪﺭﻱ؟ ﻋﺒﺪﺍﻟﺮﺣﻤﻦ : ﺍﻓﺎ ﻋﻠﻴﻚِ ﺍﺻﻴﺮ ﺷﺎﻋﺮ ﻭﻻ ﺍﺣﻠﻖ ، ﺍﻣﺎﻝ ﺍﺑﺘﺴﻤﺖ : ﺗﻤﺎﻡ ﺗﻔﻀﻞ ﻋﻄﻨﻲ ﻗﺼﻴﺪﻩ ﺑﺸﻮﻑ ، ' ﻣﺸﻌﻞ ﻛﺎﻥ ﺟﺎﻟﺲ ﻳﺎﻛﻞ ﺍﻟﺮﺯ ﺑﻴﺪﻩ ﻭ ﻧﺠﻼﺀ ﺑﺎﻟﻤﻠﻌﻘﻪ ، ﻣﺸﻌﻞ ﻧﺎﻇﺮ ﻓﻴﻬﺎ : ﻣﺎ ﺟﺮﺑﺘﻲ ﺗﺎﻛﻠﻴﻦ ﺑﻴﺪﻙ ﻓﺎﺗﻚ ﻟﺬﺓ ﺍﻻﻛﻞ ، ﻧﺠﻼﺀ ﻧﺎﻇﺮﺕ ﻓﻴﻪ : ﺍﺫﺍ ﻋﻠﻰ ﻛﺬﺍ ﻑ ﺍﻟﺤﻤﺪﻟﻠﻪ ﻓﺎﺗﻨﻲ ، ﻣﺸﻌﻞ : ﻭﺍﻟﻠﻪ ﻳﺎ ﻧﺠﻼﺀ ﻣﺎ ﻋﺮﻓﺘﻲ ﺷﻲ ﺑﺎﻟﺤﻴﺎﻩ ﺍﻧﺘﻲ ﺧﻠﻲ ﻳﺠﻮﻥ ﻋﻴﺎﻟﻨﺎ ﺍﺧﻠﻴﻬﻢ ﻳﺼﻴﺮﻭﻥ ﺯﻳﻲ ﺣﺘﻰ ﺑﻨﺎﺗﻲ ﻣﺎﺑﻴﻬﻢ ﺩﻟﻮﻋﺎﺕ ﺯﻳﻚ، ﻧﺠﻼﺀ ﺑﻀﺤﻜﻪ : ﺣﺘﻰ ﺑﻨﺎﺗﻚ ﺑﻴﺼﻴﺮﻭﻥ ﺯﻳﻚ ﻳﺤﺒﻮﻥ ﺍﻟﻨﻴﺎﻕ ﻭﺍﻟﺒﺮ؟ ﻣﺸﻌﻞ ﺍﺑﺘﺴﻢ : ﺍﻱ ﻣﻮ ﺯﻳﻚ ﺧﻮﺍﻓﻪ ﻭﺍﻟﻠﻪ ﻻ ﺍﺧﻠﻴﻬﻢ ﻳﺮﺑﻮﻥ ﺍﻟﻨﻴﺎﻕ ﺑﻌﺪ ﻣﻮ ﺑﺲ ﻳﺤﺒﻮﻧﻬﻢ ، ﻧﺠﻼﺀ ﺗﺮﻛﺖ ﺍﻟﻤﻠﻌﻘﻪ ﻣﻦ ﻳﺪﻫﺎ : ﺯﻳﻦ ﻗﻠﺖ ﻟﻲ ﻣﻦ ﺍﻟﺤﻴﻦ ﻣﺎﻋﺎﺩ ﺍﺑﻲ ﺍﻃﻔﺎﻝ ﺩﺍﻡ ﺑﻴﺼﻴﺮﻭﻥ ﺯﻳﻚ ﺍﻧﺖ ﺗﻜﻔﻲ ﻭ ﺗﻮﻓﻲ ، ﻣﺸﻌﻞ ﺑﻀﺤﻜﻪ : ﺍﻗﻮﻟﻞ ﻻ ﺗﺨﻠﻴﻨﻲ ﺍﻓﺘﺢ ﻓﻤﻲ ﻭ ﺍﺣﺮﺟﻚ ، ﻧﺠﻼﺀ ﻋﻘﺪﺕ ﺣﻮﺍﺟﺒﻬﺎ : ﻋﻠﻰ ﺍﻳﺶ ﺗﺤﺮﺟﻨﻲ؟ ﻣﺸﻌﻞ : ﻭﺩﻙ ﺍﻗﻮﻝ ﺑﻠﺴﺎﻧﻲ ﻳﻌﻨﻲ؟ ﻧﺠﻼﺀ ﻗﺎﻣﺖ ﺑﺘﺮﺩ ﻟﻜﻦ ﺭﻥ ﺟﻮﺍﻟﻬﺎ ﻭﻗﺎﻣﺖ ﻣﺸﺖ ﺗﺸﻮﻑ ﻣﻴﻦ ، ' ﺳﻠﻄﺎﻥ ﺩﺧﻞ ﺍﻟﺒﻴﺖ ﻭﻧﺎﻇﺮ ﻻﻣﻪ ﻛﺎﻧﺖ ﻭﺍﻗﻔﻪ ﺗﻜﻠﻢ ﻣﺎﺭﻟﻴﻨﺎ ﻭﻓﺰﺕ ﻣﻦ ﺷﺎﻓﺘﻪ ﻭ ﺛﻮﺑﻪ ﺍﻟﻲ ﻛﻞ ﺍﺯﺭﺍﺭﻩ ﻣﻮ ﻓﻴﻪ : ﺳﻠﻄﺎﻧﻦ ﺷﺼﺎﻳﺮﺭ؟؟ ﺳﻠﻄﺎﻥ ﺑﻬﺪﻭﺀ : ﻣﻮ ﺻﺎﻳﺮ ﺷﻲ ﺑﺲ ﻛﻨﺖ ﺍﻃﻘﻄﻖ ﻣﻊ ﺍﻟﻌﻴﺎﻝ، ﻋﻤﺮ ﻃﻠﻊ ﺑﺨﻮﻑ ﻋﻠﻰ ﺻﻮﺕ ﺍﻣﻪ ﻭﻧﺎﻇﺮ ﻟﺴﻠﻄﺎﻥ ﺍﻟﻲ ﻣﻼﻣﺤﻪ ﻛﺎﻥ ﻣﺘﻐﻴﺮ ﻭﻭﺍﺿﺢ ﺻﺎﻳﺮ ﻣﻌﻪ ﺷﻲﺀ ، ﺳﻠﻄﺎﻥ ﺍﺑﺘﺴﻢ ﺑﺨﻔﻪ ﻻﻣﻪ ﻭﻣﺸﻰ ﻣﺘﻮﺟﻪ ﻟﻐﺮﻓﺘﻪ ﻭﻗﻔﻞ ﺍﻟﺒﺎﺏ، ﻋﻤﺮ ﺗﻨﻬﺪ ﻭ ﺭﺟﻊ ﻟﻐﺮﻓﺘﻪ ﻭﻫﻮ ﻳﺤﺲ ﺍﻧﻪ ﺗﻌﺐ ﻣﻦ ﺑﻴﻦ ﻫﺎﻟﺠﺪﺭﺍﻥ ﻣﺎﻋﺎﺩ ﻓﻲ ﺍﺣﺪ ﻳﺠﻠﺲ ﻣﻌﻪ ﺍﻭ ﻳﺴﻮﻟﻒ ﻃﻠﻊ ﻟﺒﺮﺍ ﻭﻣﺸﻰ ﻭﻫﻮ ﻳﺠﻠﺲ ﻋﻨﺪ ﺑﺎﺏ ﺍﻟﺒﻴﺖ ﻭﻳﻨﺎﻇﺮ ﻟﻠﺴﻴﺎﺭﺍﺕ ، ﻋﻤﻴﺮ ﻛﺎﻟﻌﺎﺩﻩ ﻛﺎﻥ ﻳﻐﺴﻞ ﺳﻴﺎﺭﺗﻪ ﻭﻻﺣﻆ ﻟﻌﻤﺮ ﻛﺎﻥ ﺟﺎﻟﺲ ﻭﺳﺎﻛﺖ ﻳﻨﺎﻇﺮ ﻓﻴﻪ ﺍﺳﺘﻐﺮﺏ ﻭﺗﺮﻙ ﺍﻟﻲ ﺑﻴﺪﻩ ﻭﺗﻮﺟﻪ ﻟﻌﻨﺪﻩ ، ﻋﻤﺮ ﺭﻓﻊ ﻧﻈﺮﻩ ﻟﻪ : ﺟﺎﻱ ﺗﺘﻬﺎﻭﺵ ؟ ﻋﻤﻴﺮ ﺍﺑﺘﺴﻢ ﺑﺨﻔﻪ : ﺷﺪﻋﻮﻩ ﻣﺎﻧﻲ ﺟﺎﻱ ﺍﺗﻬﺎﻭﺵ ﺑﺲ ﻣﺴﺘﻐﺮﺏ ﻣﻨﻚ ﻟﻴﻪ ﺗﻄﺎﻟﻊ ﻓﻴﻨﻲ ﻛﺬﺍ؟ ﻋﻤﺮ ﺻﺪ : ﻣﺎﻓﻲ ﺷﻲ ﺟﺎﻟﺲ ﻭﺍﻧﺖ ﻗﺪﺍﻣﻲ ﻭﻃﺎﻟﻌﺖ ﻓﻴﻚ ، ﻋﻤﻴﺮ ﻧﺎﻇﺮ ﻟﻤﻼﻣﺤﻪ : ﺍﻟﻮﺍﺿﺢ ﺍﻧﻚ ﻣﺘﻀﺎﻳﻖ ﺍﺫﺍ ﺑﺴﺒﺒﻲ ﺻﺎﺭ ﺑﻴﻨﻚ ﻭﺑﻴﻦ ﺣﺒﻴﺒﺘﻚ ﺷﻲ ﺍﻋﺘﺬﺭ ﺍﻋﺘﺮﻑ ﺍﻧﻲ ﻏﻠﻄﺖ ، ﻋﻤﺮ ﻫﺰ ﺭﺍﺳﻪ ﺑﺎﻟﻨﻔﻲ : ﻣﺎﻫﻲ ﺣﺒﻴﺒﺘﻲ ﻭﻻ ﺍﻋﺮﻓﻬﺎ ، ﺑﻬﺎﻟﻠﺤﻈﻪ ﻛﺎﻧﺖ ﺟﺎﻳﻪ ﻣﻦ ﺍﻟﺒﻘﺎﻟﻪ ﻣﺘﻮﺟﻪ ﻟﺒﻴﺘﻬﺎ ﺍﺳﺘﻐﺮﺑﺖ ﻭﻫﻲ ﺗﺸﻮﻑ ﻋﻤﺮ ﻭﻋﻤﻴﺮ ﻳﺴﻮﻟﻔﻮﻥ ﻭﻣﺸﺖ ﻟﺒﻴﺘﻬﺎ ﻭﻫﻲ ﻣﺴﺘﻐﺮﺑﻪ، ﻋﻤﻴﺮ : ﻃﻴﺐ ﺷﻔﻴﻚ ﻛﺬﺍ ﺗﻮﻗﻌﺖ ﺍﺟﻴﻚ ﺗﺠﻠﺪﻧﻲ ، ﻋﻤﺮ ﺑﻬﺪﻭﺀ : ﻓﺎﻗﺪ ﻟﻲ ﺷﺨﺺ ﻳﺎ ﻋﻤﻴﺮ ﻭﺗﻌﺒﺖ ﻣﻦ ﺑﻌﺪﻩ ، ﻋﻤﻴﺮ ﺟﻠﺲ ﺟﻨﺒﻪ : ﺣﻲ ﻭﻻ؟ ﻋﻤﺮ ﺗﻨﻬﺪ : ﻟﻼﺳﻒ ﺣﻲ ﻭﺑﻌﻴﺪ ﻫﺎﻟﺒُﻌﺪ ﻣﻨﻲ ، ﻋﻤﻴﺮ ﺑﺎﺳﺘﻐﺮﺍﺏ : ﻟﻴﻪ ﻭﻳﻨﻪ ﻋﻨﻚ؟ ﻋﻤﺮ ﺑﻬﺪﻭﺀ : ﻻ ﺗﺴﺎﻝ ﻳﺎ ﻋﻤﻴﺮ ﻻ ﺗﻘﻠﺐ ﺍﻟﻤﻮﺍﺟﻊ ، ﻋﻤﻴﺮ ﺗﻨﻬﺪ ﻭﻫﻮ ﻳﺠﻠﺲ ﺟﻨﺒﻪ : ﺻﺪﻗﻨﻲ ﻳﺎ ﻋﻤﺮ ﺩﺍﻣﻪ ﺣﻲ ﻑ ﺍﻧﺖ ﻣﺤﻈﻮﻅ ﻣﺎ ﺟﺮﺑﺖ ﺷﻌﻮﺭﻱ ﻭﺍﻧﺎ ﻓﺎﻗﺪ ﺍﻣﻲ ﻭﺍﺑﻮﻱ ﻓﻘﺪﺗﻬﻢ ﻭﺍﻧﺎ ﺻﻐﻴﺮ ﻭﻃﻮﻝ ﻋﻤﺮﻱ ﺗﺮﺑﻴﺖ ﺑﻴﻦ ﻳﺪﻳﻦ ﺍﻋﻤﺎﻣﻲ ﻭﻛﻞ ﻭﺍﺣﺪ ﻳﺮﻣﻴﻨﻲ ﻋﻠﻰ ﺍﻟﺜﺎﻧﻲ ﻭﻳﺸﻮﻓﻮﻧﻲ ﻋﺎﺭ ﻋﻠﻴﻬﻢ ﻭﻳﺘﻴﻢ ﺍﻟﺤﻤﺪﻟﻠﻪ ﻛﺒﺮﺕ ﻭ ﺍﻋﺘﻤﺪﺕ ﻋﻠﻰ ﻧﻔﺴﻲ ﻭﺍﺳﺘﺎﺟﺮﺕ ﻟﻲ ﺷﻘﻪ ﻫﻨﺎ ﻭﺍﺷﺘﻐﻞ ﺳﻮﺍﻕ ﻋﻨﺪ ﺭﺍﻋﻲ ﺍﻟﺒﻴﺖ ﺍﺳﺎﻟﻨﻲ ﺍﻧﺎ ﻋﻦ ﺍﻟﻔﻘﺪ ﻳﺎ ﻋﻤﺮ ، ﻋﻤﺮ ﺍﻧﺼﺪﻡ ﻭﻧﺎﻇﺮ ﻓﻴﻪ : ﺍﻟﻠﻪ ﻳﺮﺣﻤﻬﻢ ﺗﻮﻗﻌﺖ ﺍﻟﺒﻴﺖ ﺑﻴﺘﻚ، ﻋﻤﻴﺮ ﺍﺑﺘﺴﻢ ﺑﺨﻔﻪ : ﻳﺎﻟﻴﺖ ﻳﺎ ﻋﻤﺮ ﻳﺎﻟﻴﺖ ، ' ﻋﺒﺪﺍﻟﺮﺣﻤﻦ ﻗﺎﻡ ﻃﻠﻊ ﻟﺒﺮﺍ ﻟﻠﺤﻮﺵ ﻋﻨﺪ ﻣﻮﻗﻒ ﺍﻟﺴﻴﺎﺭﺍﺕ ﻭﻫﻮ ﻳﺘﺼﻞ ، ﺍﻣﺎﻝ ﻛﺎﻧﺖ ﺑﻐﺮﻓﺘﻬﺎ ﻭ ﺭﺩﺕ : ﻳﺎﻫﻼ ، ﻋﺒﺪﺍﻟﺮﺣﻤﻦ : ﺍﻱ ﺗﻘﻮﻟﻴﻦ ﻭﺩﻙ ﺑﻘﺼﻴﺪﻩ؟ ﺍﻣﺎﻝ : ﻭﺍﻟﻠﻪ ﺩﺍﻣﻚ ﺗﻘﻮﻝ ﺍﻧﻚ ﺷﺎﻋﺮ ﻑ ﺑﻨﺸﻮﻑ ، ﻋﺒﺪﺍﻟﺮﺣﻤﻦ ﺑﻀﺤﻜﻪ : ﺗﺪﺭﻳﻦ ﻃﻠﻌﺖ ﺑﺮﺍ ﻭﺍﻻﺟﻮﺍﺀ ﻻ ﻳﻔﻮﺗﻚ ، ﺍﻣﺎﻝ ﺍﺑﺘﺴﻤﺖ : ﻣﺎﻋﻠﻴﻚ ﺷﺎﻳﻔﻪ ﻣﻦ ﺍﻟﺸﺒﺎﻙ ﺍﻻﺟﻮﺍﺀ ﺗﺠﻨﻦ ﺑﺮﺩﺩ، ﻋﺒﺪﺍﻟﺮﺣﻤﻦ : ﺍﺟﻞ ﺍﺳﻤﻌﻲ ، ﺍﻣﺎﻝ ﺳﻜﺘﺖ ﻭﻫﻲ ﺗﺴﻤﻊ ، ﻭﻛﻤﻞ ﻋﺒﺪﺍﻟﺮﺣﻤﻦ : ﻻ ﻏﺸﺎﻙ ﺍﻟﺒﺮﺩ ﻳﺎ ﺳﻤﺢ ﺍﻟﻤﺤﻴﺎ ﺃﺣﻄﺐ ﺍﻟﻄﺎﺭﻑ ﻣﻦ ﺿﻠﻮﻋﻲ ﻭﺷﺒﻪ ﻫﺎﺕ ﻣﻦ ﻋﺬﺏ ﺍﻟﺴﻮﺍﻟﻒ ﻣﺎ ﺗﻬﻴﺎ ﻭﺩﻱ ﺃﻣﺴﻚ ﺻﻮﺗﻚ ﺑـ ﻛﻔﻲ ﻭ ﺃﺣﺒﻪ ، ﺍﻣﺎﻝ ﺍﻧﺼﺪﻣﺖ ﻭﺳﻜﺘﺖ ، ﻋﺒﺪﺍﻟﺮﺣﻤﻦ ﻋﻘﺪ ﺣﻮﺍﺟﺒﻪ ﻣﻦ ﺳﻜﻮﺗﻬﺎ : ﺗﺮﺍ ﻣﺎﻧﺘﻲ ﺍﻟﻤﻘﺼﻮﺩﻩ، ﺍﻣﺎﻝ ﺗﻮﺗﺮﺕ ﻭﻗﻔﻠﺖ ﺍﻟﺨﻂ ﺑﻮﺟﻬﻪ ﻭﺗﺮﻛﺖ ﺟﻮﺍﻟﻬﺎ ، ﻋﺒﺪﺍﻟﺮﺣﻤﻦ ﺿﺤﻚ ﻭﻫﻮ ﻳﻨﺎﻇﺮ ﺍﻧﻬﺎ ﻗﻔﻠﺖ ﺍﻟﺨﻂ : ﻣﻘﺼﻮﺩﻩ ﻭﺍﻟﻠﻪ ﻣﻘﺼﻮﺩﻩ ﺑﻜﻞ ﺍﻟﺤﻜﻲ ﻭﺍﻟﺸﻌﻮﺭ ﺗﻨﻬﺪ ﻭﺍﺳﺘﻮﻋﺐ ﻋﻠﻰ ﻧﻔﺴﻪ ﻭﻫﺰ ﺭﺍﺳﻪ ﺑﺎﻟﻨﻔﻲ : ﻻ ﺷﻘﺎﻋﺪ ﺍﻗﻮﻝ ﺍﻧﺎ ﺟﺘﻨﻲ ﺣﺎﻟﺔ ﺻﻘﺮ ﺷﻜﻠﻪ ﻭﻻ ﻣﻦ ﺍﻟﺴﻬﺮ ﻭﺍﻟﻠﻪ ﺍﺭﻭﺡ ﺍﺭﻗﺪ ﻣﻊ ﺳﻌﻮﺩ ﺍﻓﻀﻞ ﻟﻲ ﻭﺗﻮﺟﻪ ﻟﻠﻤﺠﻠﺲ، ﺍﻣﺎﻝ ﺍﺑﺘﺴﻤﺖ ﻭﻛﻼﻣﻪ ﻳﺘﻜﺮﺭ ﺑﻌﻘﻠﻬﺎ : ﻻ ﻳﻤﻪ ﺷﻔﻴﻨﻲ ﺧﻔﻴﻔﻪ ﻭﻫﻮ ﻗﺎﻳﻞ ﻣﻮ ﺍﻧﺎ ﺍﻟﻤﻘﺼﻮﺩﻩ ﻃﺮﺩﺕ ﻛﻞ ﺍﻻﻓﻜﺎﺭ ﻣﻦ ﺭﺍﺳﻬﺎ ﻭﻫﻲ ﺗﻘﻮﻡ ﺗﺘﻮﺟﻪ ﻟﻐﺮﻓﺔ ﺍﻣﻬﺎ ، ' ﻏﻼ ﻛﺎﻥ ﻣﺴﺘﻐﺮﺑﻪ ﻛﻴﻒ ﻋﻤﻴﺮ ﻭﻋﻤﺮ ﺟﺎﻟﺴﻴﻦ ﻣﻊ ﺑﻌﺾ ﻭﻣﺸﺖ ﻓﺘﺤﺖ ﺍﻟﺸﺒﺎﻙ ﻭﻫﻲ ﺗﺸﻮﻓﻬﻢ ﻣﻮ ﻣﻮﺟﻮﺩﻳﻦ ﺍﺧﺬﺕ ﺟﻮﺍﻟﻬﺎ ﻭﻫﻲ ﺗﺘﺼﻞ ﻋﻠﻰ ﻋﻤﺮ ، ﻣﺎﻫﻮ ﺩﻗﺎﻳﻖ ﺍﻻ ﻭ ﺭﺩ ، ﻋﻤﺮ ﻛﺎﻥ ﺑﻐﺮﻓﺘﻪ ﻳﺘﺬﻛﺮ ﺻﻘﺮ ﻭﺳﻮﺍﻟﻔﻪ ﻭ ﺭﺩ : ﻫﻼ؟ ﻏﻼ : ﺍﻫﻠﻴﻦ ﻛﻴﻔﻚ ؟ ﻋﻤﺮ : ﺑﺨﻴﺮ ﺍﻟﻠﻪ ﻳﺴﻠﻤﻚ ﻋﺴﺎﻩ ﺧﻴﺮ ﺍﺗﺼﻠﺘﻲ ﺑﻬﺎﻟﻮﻗﺖ؟ ﻏﻼ : ﺍﺑﺪ ﺑﺲ ﺷﻔﺘﻚ ﻣﻊ ﻋﻤﻴﺮ ﻭﺍﺳﺘﻐﺮﺑﺖ ، ﻋﻤﺮ : ﻣﺎﺑﻮﻩ ﺍﺳﺘﻐﺮﺍﺏ ﻋﺎﺩﻱ ، ﻏﻼ ﺑﻬﺪﻭﺀ : ﺍﻱ ﺍﻛﻴﺪ ﺑﻜﻴﻔﻚ ﺑﺲ ﻛﺬﺍ ﺍﺗﺼﻠﺖ ﺑﺎﻟﻐﻠﻂ . ﻋﻤﺮ ﺗﻨﻬﺪ : ﻏﻠﻄﺘﻚ ﻫﺬﻱ ﻟﻮ ﻛﺜﺮﺗﻲ ﻣﻨﻪ ﻑ ﺭﺍﺡ ﺗﻘﺘﻠﻴﻨﻲ ﻳﺎ ﻏﻼ ! ﺍﻧﺎ ﻣﻮ ﻣﺴﺘﻌﺪ ﺍﻃﻴﺢ ﺑﻬﺎﻟﻨﺎﺭ ﺗﻜﻔﻴﻦ ﺍﺑﻌﺪﻱ ﻗﺪ ﻣﺎ ﺗﻘﺪﺭﻳﻦ ، ﻏﻼ ﺑﺼﺪﻣﻪ ﻣﻦ ﻛﻼﻣﻪ : ﻭﺍﻧﺖ ﻟﻴﻪ ﻋﻮﺩﺗﻨﻲ ﻋﻠﻰ ﺍﺗﺼﺎﻻﺗﻚ ﻭﻓﺠﺎﻩ ﻧﺎﻭﻱ ﺗﺨﺘﻔﻲ ﻭﻣﺎﻟﻚ ﺣﺲ؟ ﻋﻤﺮ : ﺍﺧﺘﻔﻲ ﻟﻤﺼﻠﺤﺘﻲ ﻭﻭﻗﻔﺖ ﺍﺗﺼﺎﻝ ﻣﻌﻚ ﻻﻧﻲ ﺻﺤﻴﺖ ﻭﺍﻧﻘﺬﺕ ﻧﻔﺴﻲ ﻗﺒﻞ ﺍﻃﻴﺢ ﻓﻴﻚِ. ﻏﻼ ﺳﻜﺘﺖ ﻭﻫﻲ ﻛﺎﻧﺖ ﻣﺘﻮﻗﻌﻪ ﻫﺎﻟﺸﻲﺀ ﺍﻧﻪ ﺍﻛﻴﺪ ﻋﻤﺮ ﺣﺒﻬﺎ ﻭﻫﻤﺴﺖ : ﻣﺎﻧﻲ ﻓﺎﻫﻤﻪ ﺷﻘﺎﻋﺪ ﺗﻘﻮﻝ ﺍﻧﺎ ﺑﻨﺎﻡ ﻭﻗﻔﻠﺖ ﺍﻟﺨﻂ ﻭﺗﺮﻛﺖ ﺟﻮﺍﻟﻬﺎ ﻭﺣﻄﺖ ﻳﺪﻫﺎ ﻋﻠﻰ ﻗﻠﺒﻬﺎ ﻭﻫﻲ ﺗﺴﻤﻊ ﺩﻗﺎﺕ ﻗﻠﺒﻬﺎ ﺗﻨﻬﺪﺕ ﻭﺍﻧﺴﺪﺣﺖ ﻋﻠﻰ ﺍﻟﺴﺮﻳﺮ ﻭﻫﻲ ﺗﻔﻜﺮ ، ' ﺳُﻼﻑ ﻛﺎﻧﺖ ﺟﺎﻟﺴﻪ ﻋﻠﻰ ﺍﻟﺴﺮﻳﺮ ﻭﻋﺴﺎﻑ ﻧﺎﻳﻢ ﺟﻨﺒﻬﺎ ﻧﺰﻟﺖ ﺩﻣﻮﻋﻬﺎ ﺑﺨﻮﻑ ﺍﻧﻪ ﻧﺎﺻﺮ ﻳﺎﺧﺬﻩ ﻣﻨﻬﺎ ﺍﻧﺴﺪﺣﺖ ﺟﻨﺒﻬﺎ ﻭﻫﻲ ﺗﺤﺎﻭﻝ ﺗﻨﺎﻡ ﻭﺗﻬﺮﺏ ﻣﻦ ﻛﻞ ﺷﻲﺀ ﻭﻻ ﺗﻔﻜﺮ ﻛﺜﻴﺮ ﻟﻜﻦ ﻛﻞ ﻣﺎ ﻫﺮﺑﺖ ﺗﺮﺟﻊ ﺗﻠﻘﻰ ﻧﻔﺴﻬﺎ ﻏﺎﺭﻗﻪ ﺑﻬﺎﻟﺘﻔﻜﻴﺮ ﻭﺗﺬﻛﺮﺕ ﺳﻠﻄﺎﻥ ﻭﻛﻼﻣﻪ ﻫﺰﺕ ﺭﺍﺳﻬﺎ ﺑﺎﻟﻨﻔﻲ : ﻳﺎﺭﺏ ﺍﻧﻘﺬﻧﻲ ﻣﻦ ﻫﺎﻟﻤﺼﻴﺒﻪ ﻳﺎﺭﺏ، ' ﺍﻟﺠﺪ ﺳُﻠﻴﻤﺎﻥ ﻭﻓﻬﺪ ﺭﺟﻌﻮﺍ ﻣﻦ ﺍﻟﻤﺰﺭﻋﻪ ﺑﻌﺪ ﻳﻮﻡ ﻃﻮﻳﻞ ﻭﺳﻮﺍﻟﻒ ﻭﺿﺤﻚ ﺗﻮﺟﻬﻮ ﻟﻠﻤﺠﻠﺲ ﻭﻫﻢ ﻳﺸﻮﻓﻮﻥ ﺳﻌﻮﺩ ﻭﻋﺒﺪﺍﻟﺮﺣﻤﻦ ﻧﺎﻳﻤﻴﻦ ﺟﻨﺐ ﺑﻌﺾ ﻭﺍﻟﻤﺠﻠﺲ ﺑﺎﺭﺩ ﺍﺑﺘﺴﻤﻮﺍ ﻭﻫﻢ ﻳﺘﺠﻬﺰﻭﻥ ﻳﻨﺎﻣﻮﻥ ، ' ﺻﻘﺮ ﻧﺎﻇﺮ ﻟﻤﻼﺫ ﺍﻟﻲ ﻗﺎﻣﺖ ﻭﻣﺸﻰ ﻭﻫﻮ ﻳﻄﻔﻲ ﺍﻟﻨﻮﺭ ﻭﺍﻻﺿﻮﺍﺀ ﻋﺸﺎﻥ ﺗﻘﺪﺭ ﺗﺘﻌﻮﺩ ﻭﺗﻔﺘﺢ ﻋﻴﻮﻧﻬﺎ ﻭﻣﺎ ﺗﺼﺪﻉ ﻭﻣﺸﻰ ﺟﻠﺲ ﺟﻨﺒﻬﺎ : ﻫﺎﻩ ﻳﻘﻠﺒﻲ ﻛﻴﻒ ﺻﺮﺗﻲ ﺍﻟﺤﻴﻦ ؟ ﻣﻼﺫ ﻛﺎﻧﺖ ﺳﺎﻛﺘﻪ ﻭﻓﺘﺤﺖ ﻋﻴﻮﻧﻬﺎ ﻭﻫﻲ ﺗﺸﻮﻑ ﻭﺟﻪ ﺷﺨﺺ ﻏﺮﻳﺐ ﻗﺪﺍﻣﻬﺎ ﻭﻻ ﺗﻘﺪﺭ ﺗﺸﻮﻓﻪ ﺑﻮﺿﻮﺡ ﻻﻧﻬﺎ ﺑﺤﺎﺟﺔ ﻧﻈﺎﺭﻩ ﻭﻏﻴﺮ ﻛﺬﺍ ﺍﻟﻨﻮﺭ ﻃﺎﻓﻲ ﻏﻤﻀﺖ ﻋﻴﻮﻧﻬﺎ ﻭ ﺭﺟﻌﺖ ﻓﺘﺤﺖ ﻭﻫﻲ ﺗﺤﺎﻭﻝ ﺗﻠﻤﺢ ﺷﻲ ﻟﻜﻦ ﻟﻼﺳﻒ ﻣﺎﻫﻲ ﻗﺎﺩﺭﻩ ﻭﺣﺴﺖ ﺑﺼﺪﺍﻉ ﻣﺪﺕ ﻳﺪﻫﺎ ﻟﺮﺍﺳﻬﺎ ﻭﻫﻲ ﺗﻤﺴﻚ ﺭﺍﺳﻬﺎ ﺑﻘﻮﻩ ﻣﻦ ﺍﻟﺼﺪﺍﻉ ﻭﺍﻻﻟﻢ ، ﺻﻘﺮ ﻛﺎﻥ ﺳﺎﻛﺖ ﻭﻳﻨﺎﻇﺮ ﻓﻴﻬﺎ ﻛﺎﻥ ﻭﺩﻩ ﻳﻘﺮﺏ ﻭﻳﻀﻤﻬﺎ ﻟﺼﺪﺭﻩ ﻟﻜﻦ ﻫﺎﻟﻤﺮﻩ ﻗﺮﺭ ﻳﺘﺮﻛﻬﺎ ﺗﺘﻌﻮﺩ ﻭﺗﺘﺼﺮﻑ ﺑﻨﻔﺴﻬﺎ ، ﻭﺻﺪ ﻋﻨﻬﺎ ﻭﻫﻮ ﻳﻘﻮﻡ : ﺍﻻﻛﻞ ﻗﺪﺍﻣﻚ ﻛﻠﻲ ﺑﻨﻔﺴﻚ ﻭﺍﻧﺎ ﺭﺍﻳﺢ ، ﻣﻼﺫ ﻓﺰﺕ ﺑﺼﺪﻣﻪ ﻭﻣﺪﺕ ﻳﺪﻳﻨﻬﺎ ﺗﺪﻭﺭ ﻳﺪﻩ ﺗﻤﺴﻜﻪ ، ﻟﻜﻦ ﺻﻘﺮ ﺻﺪ ﻭﻣﺸﻰ ﻭﻫﻮ ﻳﺠﻠﺲ ﻋﻠﻰ ﺍﻟﻜﻨﺐ ﺑﻌﻴﺪ ، ﻣﻼﺫ ﺑﺪﺍﺕ ﺗﺮﺗﺠﻒ ﺑﺨﻮﻑ ﻭﻫﻲ ﻣﺼﺪﻭﻣﻪ ﻣﻦ ﺗﺼﺮﻓﺎﺕ ﺻﻘﺮ، ﺻﻘﺮ ﻛﺎﻥ ﺳﺎﻛﺖ ﻳﺮﺍﻗﺒﻬﺎ ﺑﻬﺪﻭﺀ ﻭﻳﻄﺎﻟﻊ ﻓﻴﻬﺎ ﻟﻜﻦ ﻣﺎ ﻗﺪﺭ ﻳﻘﺎﻭﻡ ﺍﻟﻤﻨﻈﺮ ﻭﻫﻮ ﻳﺸﻮﻓﻬﺎ ﻣﺪﺕ ﺭﺟﻠﻴﻨﻬﺎ ﻟﺼﺪﺭﻫﺎ ﻭﺗﻀﻢ ﻧﻔﺴﻬﺎ ﺑﻨﻔﺴﻲ ﻭﻣﻨﺰﻟﻪ ﺭﺍﺳﻬﺎ ، ﺗﻨﻬﺪ ﻭﺷﺪ ﻋﻠﻰ ﻳﺪﻩ ﺑﻘﻬﺮ ﻻﻧﻪ ﻣﺎﻳﻘﺪﺭ ﻳﺘﺤﻤﻞ ﺣﺎﻟﺘﻬﺎ ﻭﻣﺸﻰ ﻟﻌﻨﺪﻫﺎ ﻗﺮﺏ ﻭﻫﻮ ﻳﻤﺴﻚ ﻳﺪﻫﺎ ﻭﻳﺴﺤﺒﻬﺎ ﻟﺤﻀﻨﻪ ﻭﻫﻤﺲ : ﺍﺳﻒ ﻳﺎﻗﻠﺒﻴﻲ ﺍﺳﻒ ﻭﺍﻟﻠﻪ ﺍﺳﻒ ، ﻣﻼﺫ ﻛﺎﻧﺖ ﻣﻨﺰﻟﻪ ﺭﺍﺳﻬﺎ ﻭﺧﺎﻳﻔﻪ ، ﺻﻘﺮ ﺑﻬﺪﻭﺀ : ﺳﺎﻣﺤﻴﻨﻴﻲ ﺍﻧﺎ ﺍﺳﻒ ﺍﻧﻲ ﺍﺗﺼﺮﻑ ﻣﻌﻚ ﻛﺬﺍ ﻭﻧﺎﻇﺮ ﻓﻴﻬﺎ ﻭﺻﺪ ﻭﻫﻮ ﻳﺴﺤﺐ ﺍﻻﻛﻞ ﻳـ ﺍﻛﻠﻬﺎ ، ' ﻧﺠﻼﺀ ﻛﺎﻧﺖ ﻭﺍﻗﻔﻪ ﻋﻨﺪ ﺍﻟﺘﺴﺮﻳﺤﻪ ﺗﺘﻌﻄﺮ ﻭﺗﺮﻃﺐ ﻳﺪﻳﻨﻬﺎ ، ﻭﻣﺸﻌﻞ ﻣﻨﺴﺪﺡ ﻋﻠﻰ ﺍﻟﺴﺮﻳﺮ ﻭﻣﺘﻜﻲ ﻳﻨﺎﻇﺮ ﻓﻴﻬﺎ ، ﻧﺠﻼﺀ ﺍﻟﺘﻔﺘﺖ ﻟﻪ : ﻭﺵ ﺗﺸﻮﻑ؟ ﻣﺸﻌﻞ ﺍﺑﺘﺴﻢ : ﺍﺷﻮﻑ ﺯﻭﺟﺘﻲ ﺍﻡ ﻋﻴﺎﻟﻲ ، ﻧﺠﻼﺀ ﺿﺤﻜﺖ ﻣﻦ ﻛﻼﻣﻪ ﻭﻗﺎﻣﺖ ﻣﺸﺖ ﺟﻠﺴﺖ ﺟﻨﺒﻪ ، ﻣﺸﻌﻞ ﻣﺪ ﻳﺪﻩ ﻳﻤﺴﻚ ﻳﺪﻳﻨﻬﺎ : ﺍﺣﺒﻚ ﺗﺪﺭﻳﻦ ؟ ﻧﺠﻼﺀ ﻫﺰﺕ ﺭﺍﺳﻬﺎ ﺑﺎﻟﻨﻔﻲ : ﻻ ﺗﻮﻱ ﺩﺭﻳﺖ ، ﻣﺸﻌﻞ : ﻭﺵ ﺗﺒﻴﻦ ﺍﺳﻮﻱ ﻳﺎ ﻧﺠﻼﺀ ﻋﺸﺎﻥ ﺗﻌﺮﻓﻴﻦ ﻣﺪﺓ ﺣﺒﻲ ﻟﻚ؟ ﻧﺠﻼﺀ ﺻﺪﺕ ﻭﻫﻲ ﺗﺴﺤﺐ ﺍﻟﻠﺤﺎﻑ : ﻣﺎﻳﺤﺘﺎﺝ ﻋﺎﺭﻓﻪ ﺍﻧﺎ ، ﻣﺸﻌﻞ ﺑﻬﺪﻭﺀ : ﻭﺩﻱ ﺑﻄﻔﻞ ﻳﺎ ﻧﺠﻼﺀ ، ﻧﺠﻼﺀ ﺍﻧﺼﺪﻣﺖ ﻭﺍﻟﺘﻔﺘﺖ ﻟﻪ : ﻣﺴﺘﺤﻴﻞ ﻗﻠﺘﻠﻚ ﻣﺎﺑﻲ ﺍﻟﺤﻴﻦ ﻭﻻ ﺍﻓﻜﺮ ﻭﺗﻮﻱ ﺻﻐﻴﺮﻩ ﻣﺎﺑﻲ ﺍﻋﻴﺶ ﺩﻭﺭ ﺍﻻﻡ ﻣﻦ ﺍﻟﺤﻴﻦ ، ﻣﺸﻌﻞ ﺑﺘﻔﻜﻴﺮ : ﻃﻴﺐ ﺍﺟﻞ ﻭﺩﻱ ﺗﺘﻌﻮﺩﻳﻦ ﻋﻠﻰ ﺟﻮﻱ ﻭﺗﺼﻴﺰﻳﻦ ﺯﻳﻲ ﻭﺗﻤﺸﻴﻦ ﻣﻌﻲ ﻟﻠﺒﺮ ﻭﻧﺴﻮﻟﻒ ﻭﻧﺸﺮﺏ ﻗﻬﻮﻩ ؟ ﻧﺠﻼﺀ ﻧﺎﻇﺮﺕ ﻓﻴﻪ : ﺑﺨﺎﻃﺮﻙ؟ ﻣﺸﻌﻞ ﺍﺑﺘﺴﻢ : ﻣﺮﺭﻩ ﻛﻨﺖ ﺍﺣﻠﻢ ﻣﺘﻰ ﻧﺘﺰﻭﺝ ﻋﺸﺎﻥ ﺍﻋﻴﺶ ﻫﺎﻟﺸﻌﻮﺭ ﻭﻧﺠﻠﺲ ﺑﺎﻟﺒﺮ ﻭﻧﺸﺐ ﺍﻟﻨﺎﺭ ﻭﻧﺸﺎﺭﻙ ﻧﻔﺲ ﺍﻟﻔﺮﻭﻩ ﻭﻧﺸﺮﺏ ﻗﻬﻮﺓ ﻭﻻ ﺷﺎﻫﻲ ﺑﺲ ﻫﺪﻣﺘﻲ ﺍﺣﻼﻣﻲ ، ﻧﺠﻼﺀ ﺍﻧﺴﺪﺣﺖ ﻗﺮﻳﺐ ﻣﻨﻪ : ﺍﺳﻔﻪ ، ﻣﺸﻌﻞ ﻓﺘﺢ ﻳﺪﻳﻨﻪ ﻧﺠﻼﺀ ﺍﻧﺴﺪﺣﺖ ﺑﺤﻀﻨﻪ : ﺑﺲ ﺍﺧﺎﻑ ، ﻣﺸﻌﻞ : ﺣﺘﻰ ﻭﺍﻧﺎ ﻣﻌﻚ ؟ ﻧﺠﻼﺀ ﺍﺑﺘﺴﻤﺖ : ﻻ ﺑﺲ ﺍﺧﺎﻑ ﻣﻦ ﺍﺷﻜﺎﻝ ﺍﻟﻨﻴﺎﻕ ﻭﺍﺧﺎﻑ ﻳﻄﻠﻊ ﻟﻲ ﺟﻨﻲ ﻓﻲ ﺍﻟﺒﺮ ﻭﻣﺎ ﻋﻠﻤﺘﻚ ﺣﺘﻰ ﺫﻳﻚ ﺍﻟﻤﺮﻩ ﻟﻤﺎ ﺭﺣﺖ ﻭﺗﺮﻛﺘﻨﻲ ﻓﻲ ﺍﺣﺪ ﻛﺎﻥ ﻳﺮﻣﻲ ﺷﻲ ﻋﻠﻰ ﺍﻟﻤﺨﻴﻢ ، ﻣﺸﻌﻞ ﺗﺬﻛﺮ ﻧﻔﺴﻪ ﻭﻛﺘﻢ ﺿﺤﻜﺘﻪ : ﺻﺪﻕ؟؟ ﻧﺠﻼﺀ ﺑﺨﻮﻑ : ﺍﻳﻲ ﻋﺸﺎﻥ ﻛﺬﺍ ﻋﻠﻄﻮﻝ ﺣﻀﻨﺘﻚ ﻣﻦ ﺍﻟﺨﻮﻑ، ﻣﺸﻌﻞ : ﺗﺘﻮﻗﻌﻴﻦ ﺟﻨﻲ؟ ﻧﺠﻼﺀ ﻓﺰﺕ : ﺗﻜﻔﻰ ﺧﻠﻨﺎ ﻓﻲ ﺍﻟﺒﻴﺖ ﻣﺎ ﻧﺮﻭﺡ ﻫﻨﺎﻙ ، ﻣﺸﻌﻞ ﺑﻀﺤﻜﻪ : ﻻ ﺗﺰﻋﻠﻴﻦ ﺑﺲ ﺗﺮﺍ ﺍﻧﺎ ﺍﻟﻲ ﻛﻨﺖ ﺍﺧﻮﻓﻚ ، ﻧﺠﻼﺀ ﺍﻧﺼﺪﻣﺖ ﻭﻧﺎﻇﺮﺕ ﻓﻴﻪ ﻣﺸﻌﻞ ﻛﺎﻥ ﻳﻀﺤﻚ ، ' ﺳﻠﻄﺎﻥ ﻛﺎﻥ ﻣﻨﺴﺪﺡ ﻭﻋﺠﺰ ﻳﻨﺎﻡ ﺗﻨﻬﺪ ﻭﻫﻮ ﻳﻔﻜﺮ ﺑـ ﺳُﻼﻑ ﻭﻛﻴﻒ ﻳﺘﺼﺮﻑ ﻣﻌﻬﺎ ﻭﻛﻴﻒ ﻳﺘﺰﻭﺝ ﻣﻨﻬﺎ ﺑﺎﻟﺴﺮ ﻭﻳﻄﻠﻘﻬﺎ ﻭﻛﻞ ﻫﺬﺍ ﺑﺎﻟﺴﺮ ﺑﺪﻭﻥ ﻣﺤﺪ ﻳﺪﺭﻱ ﻗﺎﻡ ﻣﻦ ﺍﻟﺴﺮﻳﺮ ﺗﻮﺟﻪ ﻋﻨﺪ ﺍﻟﺸﺒﺎﻙ ﻭﻫﻮ ﻳﻨﺎﻇﺮ ﻭﺍﺧﺬ ﺟﻮﺍﻟﻪ ﻳﺘﺼﻞ ﻋﻠﻰ ﻣﺘﻌﺐ ، ﻣﺘﻌﺐ ﺑﻌﺪ ﺩﻗﺎﻳﻖ ﺭﺩ ، ﺳﻠﻄﺎﻥ ﺑﻬﻤﺲ : ﺻﺎﺣﻲ ﻭﻻ ﺍﺯﻋﺠﺘﻚ؟ ﻣﺘﻌﺐ : ﻻ ﻱ ﺭﺟﺎﻝ ﺍﺯﻋﺎﺝ ﻭﺵ ﻣﺎﻋﻠﻴﻚ ﺻﺎﺣﻲ ﺷﻔﻴﻚ؟ ﺳﻠﻄﺎﻥ : ﻣﻮ ﻗﺎﺩﺭ ﺍﺭﺗﺎﺡ ﻭﻻ ﻗﺎﺩﺭ ﺍﻧﺎﻡ ﻭﺍﻧﺎ ﺑﺮﻗﺒﺘﻲ ﻫﺎﻻﺛﻨﻴﻦ ، ﻣﺘﻌﺐ : ﻟﻴﻪ ﺗﺘﻌﺐ ﻧﻔﺴﻚ ﻫﺎﻟﻜﺜﺮ ﻳﺎ ﺳﻠﻄﺎﻥ؟ ﺳﻠﻄﺎﻥ : ﻣﺎﻧﻲ ﻋﺎﺭﻑ ﻳﺎ ﻣﺘﻌﺐ ﻗﺴﻢ ﺑﺎﻟﻠﻪ ﺻﻌﺐ ﺍﻟﻤﻮﺿﻮﻉ، ﻣﺘﻌﺐ : ﺳﻠﻄﺎﻥ ﻧﻬﺎﻳﺘﻚ ﺗﻄﻠﻘﻬﺎ ﻑ ﻟﻴﻪ ﺗﺘﻌﺐ ﻧﻔﺴﻚ! ﺳﻠﻄﺎﻥ : ﻣﺪﺭﻱ ﻳﺨﻲ ﻻ ﺗﺴﺎﻟﻨﻲ ﻭﻣﺪﺭﻱ ﻟﻴﻪ ﺍﺗﺼﻠﺖ ﻋﻠﻴﻚ ﺑﺲ ﻣﺤﺘﺎﺝ ﺍﺣﺪ ﺣﻮﺍﻟﻴﻨﻲ ﺗﻌﺒﺎﻥ ﻭ ﺍﻣﻮﺕ ﻣﻦ ﻫﺎﻟﺘﻔﻜﻴﺮ ﺍﻟﺰﺍﻳﺪ ، ' ﺍﻣﺎﻝ ﺍﻟﺘﻔﺘﺖ ﻻﻣﻬﺎ ﻭﻫﻲ ﺗﺸﻮﻓﻬﺎ ﻧﺎﻳﻤﻪ ﺍﺑﺘﺴﻤﺖ ﻭﺍﻧﺴﺪﺣﺖ ﻭﻫﻲ ﺗﺘﺬﻛﺮ ﻛﻼﻣﻪ " : ﻻ ﻏﺸﺎﻙ ﺍﻟﺒﺮﺩ ﻳﺎ ﺳﻤﺢ ﺍﻟﻤﺤﻴﺎ ﺃﺣﻄﺐ ﺍﻟﻄﺎﺭﻑ ﻣﻦ ﺿﻠﻮﻋﻲ ﻭﺷﺒﻪ ﻫﺎﺕ ﻣﻦ ﻋﺬﺏ ﺍﻟﺴﻮﺍﻟﻒ ﻣﺎ ﺗﻬﻴﺎ ﻭﺩﻱ ﺃﻣﺴﻚ ﺻﻮﺗﻚ ﺑـ ﻛﻔﻲ ﻭ ﺃﺣﺒﻪ ، ﺗﻨﻬﺪﺕ ﻭﻫﻲ ﺗﺼﺪ ﻟﻠﺠﻬﻪ ﺍﻟﺜﺎﻧﻴﻪ ﻭﺗﺤﺎﻭﻝ ﺗﻨﺎﻡ ﻟﻜﻦ ﺗﺒﺘﺴﻢ ﻣﻦ ﺗﺘﺬﻛﺮ ﻧﺒﺮﺓ ﺻﻮﺗﻪ ﻭﺣﻄﺖ ﻳﺪﻫﺎ ﻋﻠﻰ ﻗﻠﺒﻬﺎ : ﻳﻤﻪ ﺷﻔﻴﻨﻲ ﺍﻧﺖ! ﻻ ﻳﻜﻮﻥ ﺳﺤﺮﻧﻲ ﻭﻻ ﻣﺴﺤﻮﺭﻩ ﻟﻴﻪ ﺍﻓﻜﺮ ﻓﻴﻪ ! ﻭﻣﺠﺮﺩ ﻗﺼﻴﺪﻩ ﻭﻫﺒﺪﻩ ﻟﻲ ﻳﺴﻜﺘﻨﻲ ﻋﺸﺎﻧﻲ ﻃﻠﺒﺖ ﻣﻨﻪ ﺻﺪﺕ ﻭﻫﻲ ﺗﻐﻤﺾ ﻋﻴﻮﻧﻬﺎ ﻭﺗﻨﺎﻡ ، ' ﺳُﻼﻑ ﻓﺰﺕ ﻣﻦ ﻧﻮﻣﻬﺎ ﻋﻠﻰ ﺑﻜﺎﺀ ﻋﺴﺎﻑ ﻭﻧﺎﻇﺮﺕ ﻓﻴﻪ ﻛﺎﻥ ﻳﺒﻜﻲ ﺷﺎﻟﺘﻪ ﻭﻫﻲ ﺗﺤﺎﻭﻝ ﺗﺴﻜﺘﻪ ﻟﻜﻦ ﻋﺠﺰ ﻳﺴﻜﺖ ﻭ ﻓﺴﺨﺖ ﻣﻼﺑﺴﻪ ﺗﻐﻴﺮ ﻟﻪ ﻭﻻ ﺳﻜﺖ ﺗﻨﻬﺪﺕ ﺑﺨﻮﻑ ﻭﻫﻲ ﺗﻬﺰﻩ ﻳﻤﻴﻦ ﻳﺴﺎﺭ ﻭﻻ ﺭﺍﺿﻲ ﻳﺴﻜﺖ ﻧﺰﻟﺖ ﺩﻣﻮﻋﻬﺎ ﺑﺨﻮﻑ ﻭﻣﺎﺗﺪﺭﻱ ﻭﺵ ﺗﺴﻮﻱ .. ' #انتهى_الفصل♥ 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع الفصل التالي➥ ⇩⇩ ▇ـ▄▄▄💜▄▄▄ـ▇