الفصل 35
عالم القصص والروايات 📚:
▇ـ▄▄▄💜 ▄▄▄ـ▇
" رواية انا شاعرك العام والقصيد عيونك"
{ الفصل الخامس والثلاثون💜 }
▇ـ▄▄ @ahgeel ▄▄ـ▇
-/
تفاعل قبل لاتقراء ♥
'
ﻧﺠﻼﺀ ﻣﺸﺖ ﺭﻛﺒﺖ ﺍﻟﺴﻴﺎﺭﻩ ﻣﺸﻌﻞ ﺍﻟﺘﻔﺖ ﻟﻬﺎ : ﺍﺭﺣﺒﻲ ،
ﻧﺠﻼﺀ ﻋﻘﺪﺕ ﺣﻮﺍﺟﺒﻬﺎ ﻭﺳﻜﺘﺖ ﻭﻫﻲ ﺗﺤﻂ ﺷﻨﻄﺘﻬﺎ ﻉ ﺟﻨﺐ ،
ﻣﺸﻌﻞ : ﻫﺎﻩ ﺍﺷﺘﻘﺘﻲ ؟
ﻧﺠﻼﺀ : ﻻ ﻣﺎ ﺍﺷﺘﻘﺖ ﺍﻧﺖ ﺍﻟﻲ ﺟﻴﺘﻨﻲ ،
ﻣﺸﻌﻞ : ﺍﻱ ﻻﻧﻲ ﺍﺷﺘﻘﺖ ﻣﻮ ﺯﻳﻚ ،
ﻧﺠﻼﺀ ﻧﺎﻇﺮﺕ ﻓﻴﻪ : ﺑﺘﺎﺧﺬﻧﻲ ﻟﻠﺒﻴﺖ ؟
ﻣﺸﻌﻞ : ﻭﻳﻦ ﻭﺩﻙ ﺍﻧﺘﻲ؟
ﻧﺠﻼﺀ ﺭﻓﻌﺖ ﻛﺘﻮﻓﻬﺎ : ﻣﺪﺭﻱ ﺑﺨﺎﻃﺮﻱ ﺍﺭﻭﺡ ﻛﺎﻓﻴﻪ ﻭﺍﺷﺮﺏ ﻗﻬﻮﻩ،
ﻣﺸﻌﻞ ﻫﺰ ﺭﺍﺳﻪ ﺑﺎﻟﻨﻔﻲ : ﺗﺨﺴﻴﻦ ،
ﻧﺠﻼﺀ : ﻳﺨﻲ ﺷﻔﻴﻬﺎ ﻋﺎﺩﻱ ﻛﻞ ﺍﻟﻨﺎﺱ ﻳﺮﻭﺣﻮﻥ ،
ﻣﺸﻌﻞ : ﺑﺲ ﺍﻧﺎ ﻣﺎ ﺍﺭﺿﻰ ﺗﺮﻭﺣﻴﻦ ﻛﻠﻪ ﻋﻴﺎﻝ ﻫﻨﺎﻙ ،
ﻧﺠﻼﺀ : ﻭﺍﻧﺎ ﺷﺪﺧﻠﻨﻲ ﻓﻴﻬﻢ ؟
ﻣﺸﻌﻞ : ﻣﺎ ﺍﺭﺿﻰ ﺍﺣﺪ ﻳﺸﻮﻓﻚ ﺍﻭ ﻳﻄﺎﻟﻊ ﻓﻴﻚِ.
ﻧﺠﻼﺀ ﺗﻨﻬﺪﺕ ﺑﻘﻬﺮ ﻭﻫﻲ ﺗﺼﺪ ﻭﺗﻨﺎﻇﺮ ﻣﻦ ﺍﻟﺸﺒﺎﻙ ،
ﻣﺸﻌﻞ ﺍﻟﺘﻔﺖ ﻟﻬﺎ ﻭ ﻭﺍﺿﺢ ﺍﻧﻬﺎ ﺯﻋﻠﺖ ﻭﻫﻤﺲ : ﻃﻴﺐ ﺗﻤﺎﻡ ﺍﺧﺬﻙ ﺑﺲ ﺍﻧﺎ ﺍﻧﺰﻝ ﺍﺟﻴﺐ ﻟﻚ ،
'
ﻣﺎﺭﻟﻴﻨﺎ ﻛﺎﻧﺖ ﻃﺎﻟﻌﻪ ﻟﻠﺤﻮﺵ ﺗﻐﺴﻞ ﻋﻨﺪ ﻣﺪﺧﻞ ﺍﻟﺒﻴﺖ ،
ﺳﻠﻄﺎﻥ ﺑﻬﺎﻟﻠﺤﻈﻪ ﻭﻗﻒ ﺳﻴﺎﺭﺗﻪ ﻭﻧﺰﻝ ﺩﺧﻞ ﻣﻦ ﺑﺎﺏ ﺍﻟﺨﺎﺭﺟﻲ ﻭﻫﻮ ﻳﺸﻮﻑ ﻣﺎﺭﻟﻴﻨﺎ ﺗﻐﺴﻞ ﺍﻟﺤﻮﺵ ﻭ ﺭﻓﻊ ﺛﻮﺑﻪ ﺑﻴﺪﺧﻞ ،
ﻣﺎﺭﻟﻴﻨﺎ ﺑﺼﺮﺍﺥ : ﺷﻔﻴﻴﻲ ﺍﻧﺎ ﻧﻈﻒ ﺍﻧﺘﺎ ﻭﺳﺦ !
ﺳﻠﻄﺎﻥ : ﻃﺐ ﺍﺑﻲ ﺍﺩﺧﻞ ﺍﻟﺒﻴﺖ ﻛﻴﻒ ﺍﺩﺧﻞ؟
ﻣﺎﺭﻟﻴﻨﺎ ﺭﻣﺖ ﺍﻟﻤﻜﻨﺴﻪ ﻣﻦ ﻳﺪﻫﺎ : ﺍﻧﺘﺎﺍ ﺷﻮﻑ ﺍﻧﺎ ﺧﺪﺍﻣﻪ ﺍﺷﺘﻐﻞ ﻭﺍﻧﺘﺎ ﻭﺳﺦ ﻭﻛﻼﻡ ﺷﻔﻲ ﺳﻮﻱ؟
ﺳﻠﻄﺎﻥ : ﻳﺨﻲ ﺍﻧﺘﻲ ﻓﺎﺿﻴﻪ ﻭﺻﺪ ﻭﻫﻮ ﻳﺪﺧﻞ ،
ﻣﺎﺭﻟﻴﻨﺎ ﺍﻧﻘﻬﺮﺕ ﻻﻧﻪ ﻣﻦ ﻧﻌﺎﻟﻪ ﺭﺟﻊ ﻭﺳﺦ ﺍﻻﺭﺽ ،
ﻭﻣﺸﺖ ﻭﻫﻲ ﺗﻤﺴﺢ ﺑﻘﻬﺮ ﻭﺑﻬﺎﻟﻠﺤﻈﻪ ﺩﺧﻞ ﻋﻤﺮ ،
ﻣﺎﺭﻟﻴﻨﺎ ﺑﺼﺮﺍﺥ : ﺍﻭﻗﻔﻔﻒ ﻣﺎﻓﻴﻴﻲ. ﺍﺩﺧﻞ ﺟﻮﺍ ،
ﻋﻤﺮ ﺑﻨﺮﻓﺰﻩ : ﻭﺧﺮﻱ ﻋﻨﻲ ﻭﻗﺎﻡ ﺩﺧﻞ ﻟﺪﺍﺧﻞ.
ﻣﺎﺭﻟﻴﻨﺎ ﺍﻧﻘﻬﺮﺕ ﻭﻫﻲ ﺗﻤﺴﺢ ﺍﻟﻤﻜﻨﺴﻪ ﻣﻦ ﻳﺪﻫﺎ ﻭﺗﺪﺧﻞ ﺍﻟﺒﻴﺖ ﻭﻧﺎﻇﺮﺕ ﻻﻡ ﺻﻘﺮ ﻭﺍﻟﺪﻣﻮﻉ ﺑﻌﻴﻮﻧﻬﺎ : ﻣﺎﻣﺎﺍﺍ ﺍﻧﺎ ﻓﻲ ﻧﻈﻒ
ﻫﺪﻭﻝ ﻓﻲ ﻭﺳﺦ ﻣﺎﻓﻲ ﻧﻈﻒ ﺍﻧﺎ ﻣﺎﻓﻲ ﺍﻳﻄﻠﻊ ﺑﺮﺍ ﻭﻧﻈﻒ ،
ﺳﻠﻄﺎﻥ ﻛﺎﻥ ﺟﺎﻟﺲ ﻳﺎﻛﻞ ﻭ ﺭﻓﻊ ﻧﻈﺮﻩ ﻟﻬﺎ : ﺍﻧﺘﻲ ﻭﺵ ﺷﺎﻳﻔﻪ؟ ﻋﻨﺪﻧﺎ ﺟﻨﺎﺡ ﻧﻄﻴﺮ ﻭﻧﺪﺧﻞ ﺍﻟﺒﻴﺖ؟
ﻣﺎﺭﻟﻴﻨﺎ : ﻣﺎﻓﻴﻴﻲ ﻏﺴﻞ ﺍﻧﺎ ﺭﻭﺡ ﻏﺴﻞ ﺍﻧﺘﺎ ﻋﺸﺎﻥ ﻳﻌﺮﻑ ﻛﻴﻒ ﺷﻐﻞ ﺗﻌﺐ ﻭﺻﺪﺕ ﻭﻫﻲ ﺗﺪﺧﻞ ﻟﻠﻤﻄﺒﺦ ﺑﻘﻬﺮ ،
ﺍﻡ ﺻﻘﺮ : ﻛﻤﻞ ﺍﻛﻠﻚ ﻭ ﺭﻭﺣﻮﺍ ﺍﻧﺖ ﻭﻋﻤﺮ ﻏﺴﻠﻮﺍ ،
ﺳﻠﻄﺎﻥ ﺑﺼﺪﻣﻪ : ﻳﻤﻪ ﺍﻧﺎ ﺵ..ﺳﻜﺖ ﻭﻫﻮ ﻳﺸﻮﻑ ﺍﻣﻪ ﺗﻘﻮﻡ ﻭﻫﻤﺴﺖ : ﻣﺎﺑﻲ ﺍﺳﻤﻊ ﻭﻻ ﻛﻠﻤﻪ ﺍﻟﻤﺴﻜﻴﻨﻪ ﺗﻌﺒﺖ ﻣﻨﻜﻢ ﻭﻣﻦ
ﺩﻓﺎﺷﺘﻜﻢ ﺍﻧﺰﻟﻮﺍ ﻏﺴﻠﻮﺍ ﻭﻣﺎﺑﻲ ﺍﺳﻤﻊ ﺷﻲ ، ﻭﻣﺸﺖ ،
ﻋﻤﺮ ﻛﺎﻥ ﻭﺍﻗﻒ ﻣﺼﺪﻭﻡ : ﺍﻣﻲ ﺗﺤﺴﺐ ﻣﺎﺭﻟﻴﻨﺎ ﺑﻨﺘﻬﺎ ،
ﺳﻠﻄﺎﻥ : ﻭﺍﻟﻠﻪ ﻻ ﺍﺫﺑﺤﻬﺎ ﻫﺎﻟﺤﻴﻮﺍﻧﻪ ،
'
ﻋﺒﺪﺍﻟﺮﺣﻤﻦ ﻭﺍﻟﺠﺪ ﺳُﻠﻴﻤﺎﻥ ﺑﻌﺪ ﻣﺎ ﻭﺻﻠﻮﺍ ﻻﺭﺽ ﺍﻟﻤﺪﻳﻨﺔ "
ﺍﻟﺠﺪ ﺍﻟﺘﻔﺖ ﻧﺎﻇﺮ ﻓﻴﻪ : ﺑﻨﻤﺸﻲ ﻳﺎﻭﻟﺪﻱ؟
ﻋﺒﺪﺍﻟﺮﺣﻤﻦ : ﺑﻨﻤﺸﻲ ﻋﻨﺪﻫﻢ؟
ﺍﻟﺠﺪ ﺳُﻠﻴﻤﺎﻥ : ﺍﻱ ﻭﺍﻟﻠﻪ ﺍﻧﻪ ﺑﺎﻟﻲ ﻣﺸﻐﻮﻝ ﺍﺑﻲ ﺍﻋﺮﻑ ﺍﻳﺶ ﺍﻟﻤﻮﺿﻮﻉ ﻭﻟﻴﻪ ﻳﺒﻴﻨﻲ ﺿﺮﻭﺭﻱ ،
ﻋﺒﺪﺍﻟﺮﺣﻤﻦ : ﺑﺲ ﻛﻨﺖ ﺍﻓﻜﺮ ﻧﺎﺧﺬ ﻓﻨﺪﻕ ﻧﺮﺗﺎﺡ ﺷﻮﻱ ﻭﻧﻤﺸﻲ،
ﺍﻟﺠﺪ ﺳُﻠﻴﻤﺎﻥ ﺗﻨﻬﺪ : ﻻ ﻳﺎ ﺍﺑﻮﻙ ﺑﺎﻻﻭﻝ ﺧﺬﻧﻲ ﻟﻔﻬﺪ ،
ﻋﺒﺪﺍﻟﺮﺣﻤﻦ : ﺗﻤﺎﻡ ﻳﺒﻪ ﺍﺑﺸﺮ ، ﻭ ﺗﻮﺟﻬﻮ ﻳﺎﺧﺬﻭﻥ ﺗﺎﻛﺴﻲ ،
'
ﺳﻠﻄﺎﻥ ﻃﻠﻊ ﻭﻫﻮ ﻳﻨﺎﻇﺮ ﺑﺎﻟﺤﻮﺵ ﻭ ﺭﺍﻓﻊ ﺛﻮﺑﻪ ،
ﻋﻤﺮ ﻧﺎﻇﺮ ﻓﻴﻪ : ﻭﺍﻟﻠﻪ ﺍﻣﻲ ﺧﻠﺘﻨﺎ ﻧﺼﻴﺮ ﺷﻐﺎﻻﺕ ﺑﺪﺍﻝ ﻣﺎﺭﻟﻴﻨﺎ ،
ﺳﻠﻄﺎﻥ ﻣﺪ ﻳﺪﻩ ﻭﻫﻮ ﻳﺮﻓﻊ ﻛُﻢ ﺛﻮﺑﻪ : ﺟﻴﺐ ﺳﻄﻞ ﻣﻮﻳﺎ ،
ﻋﻤﺮ ﻣﺸﻰ ﻭﻫﻮ ﻳﺎﺧﺬ ﺍﻟﻔﻴﺮﻱ ﻭﻳﻜﺐ : ﻭﺍﻟﻠﻪ ﻻ ﺍﻟﻌﺐ ،
ﺳﻠﻄﺎﻥ : ﺍﻟﻠﻪ ﻳﺎﺧﺬﻙ ﺍﺑﻠﻴﺴﻚ ﻳﺎ ﻋﻤﺮ ﺷﻘﺎﻋﺪ ﺗﺴﻮﻱ!
ﻋﻤﺮ ﺭﻓﻊ ﺛﻮﺑﻪ ﻭﻫﻮ ﻳﺘﺰﺣﻠﻖ ﺑﺎﻟﻤﻮﻳﺎ ،
ﺳﻠﻄﺎﻥ ﺑﻌﺪ ﻋﻨﻪ ﺑﻘﺮﻑ : ﻳﻘﺮﻓﻔﻒ ﻋﺪﻭﻙ ﺟﻴﺐ ﺑﻴﻼ ﺗﺘﺮﻭﺵ ،
ﻋﻤﺮ ﻧﺎﻇﺮ ﺑﺘﻮﺗﺮ : ﻻ ﻭﻳﻦ ﺧﻠﻬﺎ ﻧﺎﻳﻤﻪ ﻻ ﺗﻤﺮﺽ ،
ﺳﻠﻄﺎﻥ ﻣﺸﻰ ﻭﻫﻮ ﻳﺎﺧﺬ ﺍﻟﻤﺴﺎﺣﻪ ﻭﻳﻤﺴﺢ ﺍﻟﻤﻮﻳﺎ ﻭﻋﻤﺮ ﺳﺤﺐ ﺍﻟﻤﻜﻨﺴﻪ ﻳﻨﻈﻔﻮﻥ ،
'
ﻣﺸﻌﻞ ﻭﻗﻒ ﺳﻴﺎﺭﺗﻪ ﻉ ﺟﻨﺐ ﻋﻨﺪ ﺍﻟﻜﺎﻓﻴﻪ ﻭﻫﻮ ﻳﻨﺰﻝ ،
ﻧﺠﻼﺀ ﻧﺎﻇﺮﺕ ﻓﻴﻪ : ﺑﻨﺰﻝ ﻣﻌﻚ ﺗﻜﻔﻰ ،
ﻣﺸﻌﻞ ﺗﻨﻬﺪ ﺑﻘﻠﺔ ﺣﻴﻞ ﻭﻫﻮ ﻣﺎﻭﺩﻩ ﻳﺮﻓﻀﻬﺎ ﻭﺗﺰﻋﻞ : ﺍﻧﺰﻟﻲ ،
ﻧﺠﻼﺀ ﺍﺑﺘﺴﻤﺖ ﻭﻧﺰﻟﺖ ﻣﻌﻪ ﻣﺸﻌﻞ ﻣﺴﻚ ﻳﺪﻫﺎ ﻭﺩﺧﻠﻮﺍ ﺍﻟﻜﺎﻓﻴﻪ،
ﻧﺠﻼﺀ ﻧﺎﻇﺮﺕ ﻟﻤﺸﻌﻞ : ﺗﻌﺮﻑ ﺗﻄﻠﺐ؟
ﻣﺸﻌﻞ ﻋﻘﺪ ﺣﻮﺍﺟﺒﻪ : ﻭﺵ ﻗﺎﻟﻮﺍ ﻟﻚ ﻣﺎ ﺍﻋﺮﻑ؟
ﻧﺠﻼﺀ ﻣﺸﺖ ﻭﻫﻲ ﺗﺠﻠﺲ ﻋﻠﻰ ﺍﻟﻜﺮﺳﻲ ،
ﻣﺸﻌﻞ ﺗﻮﺟﻪ ﻭﻫﻮ ﺍﻭﻝ ﻣﺮﻩ ﺑﺤﻴﺎﺗﻪ ﻳﺠﻲ ﻫﺎﻟﻤﻜﺎﻥ ﻭﻻ ﻗﺪ ﻃﻠﺐ،
ﻭﻣﺸﻰ ﻋﻨﺪ ﺑﺎﺭﻳﺴﺘﺎ ، ﻧﺠﻼﺀ ﻛﺎﻧﺖ ﺟﺎﻟﺴﻪ ﻭﺗﺬﻛﺮﺕ ﺍﻧﻬﺎ ﻣﺎ ﻗﺎﻟﺖ ﻟﻪ ﺍﺳﻢ ﺍﻟﻤﺸﺮﻭﺏ ﻭﺵ ﺗﺒﻲ ﻭﻗﺎﻣﺖ ﻣﺸﺖ ﻟﻌﻨﺪﻩ ،
ﺍﻟﺒﺎﺭﻳﺴﺘﺎ ﻛﺎﻥ ﻳﺴﺎﻝ ﻣﺸﻌﻞ ﺍﻳﺶ ﺣﺎﺏ ﺗﻄﻠﺐ؟
ﻣﺸﻌﻞ ﻋﻘﺪ ﺣﻮﺍﺟﺒﻪ ﺑﺎﺳﺘﻐﺮﺍﺏ : ﻛﻴﻒ ﻳﻌﻦ ..ﺳﻜﺖ ﻭﻫﻮ ﻳﺸﻮﻑ ﻧﺠﻼﺀ ﺗﺘﻜﻠﻢ : ﺍﻳﺲ ﻻﺗﻴﻪ ،
ﺍﻧﻘﻬﺮ ﻭﺿﻐﻂ ﻋﻠﻰ ﻳﺪﻩ ﺑﻌﺼﺒﻴﻪ ﺍﻧﻬﺎ ﻛﻴﻒ ﺗﺘﻜﻠﻢ ﻣﻌﻪ!
ﻭﺍﻟﺘﻔﺖ ﻟﻬﺎ ﺑﺤﺪﻩ : ﻣﻮﻭﻭ ﻗﻠﺘﻠﻜﻜﻚ ﺍﺟﻠﺴﻴﻴﻲ!
ﻧﺠﻼﺀ ﻧﺎﻇﺮﺕ ﻓﻴﻪ ﺑﺨﻮﻑ ﻣﻦ ﻧﻈﺮﺍﺗﻪ ﺍﻟﺤﺎﺩ ﻭﺳﻜﺘﺖ ﻭﻗﺎﻣﺖ ﺑﺘﻤﺸﻲ ، ﻣﺸﻌﻞ ﻛﺎﻥ ﻭﺍﻗﻒ ﺑﻌﺼﺒﻴﻪ ﻭﺍﺧﺬ ﺍﻟﻄﻠﺐ ﻭﻣﺸﻰ
ﻟﻌﻨﺪﻫﺎ ﻣﺴﻜﻬﺎ ﻣﻦ ﻳﺪﻫﺎ ﻭﺳﺤﺒﻬﺎ ﻣﻌﻪ ،
ﻭ ﺗﻮﺟﻪ ﺩﺧﻞ ﺍﻟﺴﻴﺎﺭﻩ ﻭﻧﺎﻇﺮ ﻓﻴﻬﺎ ﺑﻌﺼﺒﻴﻪ : ﻟﻴﻬﻪ ﺗﻜﻠﻤﺘﻲ ﻣﻌﻪ!
ﻧﺠﻼﺀ ﺑﺼﺪﻣﻪ ﻣﻦ ﺗﻔﻜﻴﺮﻩ : ﺑﺲ ﻗﻠﺖ ﺍﺳﻢ ﺍﻟﻄﻠﺐ ﻣﺎ ﺳﻮﻳﺖ ﺷﻲ!
ﻣﺸﻌﻞ ﺑﺼﺮﺍﺥ : ﺣﺘﻰ ﻭﻟﻮﻭ ﺍﺳﻤﻢ ﺍﻟﻄﻠﺒﺒﺐ ﻛﺎﻥ ﻛﻠﻤﺘﻴﻨﻴﻲ ﺍﻧﺎﺍ!
ﻧﺠﻼﺀ ﺗﺠﻤﻌﺖ ﺍﻟﺪﻣﻮﻉ ﺑﻌﻴﻮﻧﻬﺎ ﻭﻫﻲ ﻣﺼﺪﻭﻣﻪ ﻣﻨﻪ ﻭﻣﻦ ﺗﻔﻜﻴﺮﻩ،
'
ﻋﺒﺪﺍﻟﺮﺣﻤﻦ ﻭﻗﻒ ﻋﻨﺪ ﺑﻴﺖ ﻓﻬﺪ ﻭﺍﻟﺠﺪ ﺳُﻠﻴﻤﺎﻥ ﻧﺰﻝ ﻣﻌﻪ،
ﻋﺒﺪﺍﻟﺮﺣﻤﻦ ﻛﺎﻥ ﺑﻴﺪﻩ ﻋﻠﺒﺔ ﺍﻟﻜﻠﻴﺠﻪ ﻭﺍﻟﺘﻔﺖ ﻭﻫﻮ ﻳﺸﻮﻑ ﻓﻬﺪ ﻣﺘﻮﺟﻪ ﻳﺴﺘﻘﺒﻠﻬﻢ ﻭ ﺣﻄﻪ ﻉ ﺟﻨﺐ ﻋﻨﺪ ﺍﻟﺮﺻﻴﻒ ﻭ ﺩﺧﻞ
ﺍﻟﺒﻴﺖ ﻭﻫﻮ ﻳﺴﻠﻢ ﻋﻠﻰ ﻓﻬﺪ ﻭﻭﻗﻒ ﻭﻧﺎﻇﺮ ﺍﻟﺠﺪ ﺳُﻠﻴﻤﺎﻥ ﺍﻟﻲ ﻛﺎﻥ ﻳﺤﻀﻦ ﻓﻬﺪ ﻭﻳﺴﻠﻢ ﻋﻠﻴﻪ ﻭﻳﺴﺎﻟﻪ ﻋﻦ ﺍﺧﺒﺎﺭﻩ ﻭﺩﺧﻠﻮﺍ
ﻟﺪﺍﺧﻞ،
ﻋﺒﺪﺍﻟﺮﺣﻤﻦ ﻃﻠﻊ ﺍﺧﺬ ﻋﻠﺒﺔ ﺍﻟﻜﻠﻴﺠﻪ ﻭﻣﺸﻰ ﻭﻫﻮ ﻳﺤﻄﻪ ﻋﻨﺪ ﺑﺪﺍﺧﻞ ﺍﻟﺒﻴﺖ ﻋﻨﺪ ﺍﻟﺒﺎﺏ ﺍﻟﺮﺋﻴﺲ ﻟﻠﺒﻴﺖ ﻭﺻﻮﺭﻩ ﻭ ﺭﺳﻞ
ﺍﻟﺼﻮﺭﻩ ﻻﻣﺎﻝ ﻭﻛﺘﺐ " ﻭﺻﻞ ﺍﻟﻜﻠﻴﺠﻪ ﺑﺎﻗﻲ ﺍﻟﺸﺎﻫﻲ ﻣﻦ ﻳﺪﻙ "
ﻭ ﺗﻮﺟﻪ ﺩﺧﻞ ﺍﻟﻤﺠﻠﺲ ﻭﻫﻮ ﻳﺠﻠﺲ ﻭﻳﺴﻮﻟﻔﻮﻥ ،
'
ﺳﻠﻄﺎﻥ ﻭﻋﻤﺮ ﻧﻈﻔﻮﺍ ﺧﻠﺼﻮﺍ ﻭﺩﺧﻠﻮﺍ ﻟﺪﺍﺧﻞ ﺑﺘﻌﺐ،
ﻣﺎﺭﻟﻴﻨﺎ ﻛﺎﻧﺖ ﺑﺎﻟﻤﻄﺒﺦ ﺗﺴﺎﻋﺪ ﺍﻡ ﺻﻘﺮ ﺑﺎﻟﻐﺪﺍﺀ ،
ﺳﻠﻄﺎﻥ ﺗﻮﺟﻪ ﻳﺎﺧﺬ ﻟﻪ ﺷﺎﻭﺭ ، ﻋﻤﺮ ﺍﺧﺬ ﺟﻮﺍﻟﻪ ﻭﻫﻮ ﻳﺸﻮﻑ ﺍﺫﺍ ﻏﻼ ﺭﺳﻠﺖ ﻭﻻ ﻻ ﻟﻜﻦ ﺍﺳﺘﻐﺮﺏ ﺍﻧﻪ ﻣﺎ ﺭﺳﻠﺖ ﻟﻪ ﺷﻲ ﺗﻨﻬﺪ
ﻭﺟﻠﺲ ﻭﻫﻮ ﻳﺘﺼﻞ ﻋﻠﻴﻬﺎ ،
ﻏﻼ ﻛﺎﻧﺖ ﺟﺎﻟﺴﻪ ﻣﻊ ﻣﺤﺴﻦ ﻳﺘﺎﺑﻌﻮﻥ ﻣﺴﻠﺴﻠﻬﻢ ،
ﻓﺠﺎﻩ ..
'
ﺻﻘﺮ ﻛﺎﻥ ﺟﺎﻟﺲ ﻳﻨﺘﻈﺮ ﻣﻼﺫ ﺍﺣﺪ ﻣﻦ ﻋﺎﻣﻼﺕ ﺍﻟﻤﺴﺘﺸﻔﻰ ﺍﺧﺬﺗﻬﺎ ﻟﻠﺤﻤﺎﻡ " ﻳﻜﺮﻡ ﺍﻟﻘﺎﺭﻯﺀ " ﻛﺎﻥ ﻭﺍﻗﻒ ﻳﻨﺘﻈﺮﻫﺎ ،
ﺩﻗﺎﻳﻖ ﻭﻃﻠﻌﺖ ﺻﻘﺮ ﻓﺰ ﻭﻣﺸﻰ ﻟﻌﻨﺪﻫﺎ ﻭﻫﻮ ﻳﻤﺴﻜﻬﺎ ﻭﻧﺎﻇﺮ ﻓﻴﻬﺎ : ﺗﺎﻛﻠﻴﻦ ﺷﻲﺀ؟ ﻣﻼﺫ ﻫﺰﺕ ﺭﺍﺳﻬﺎ ﺑﺎﻟﻨﻔﻲ ﻭﻣﺸﺖ ﻣﻌﻪ ،
ﺻﻘﺮ ﺟﻠﺴﻬﺎ ﻋﻠﻰ ﺍﻟﺴﺮﻳﺮ ﻭﺟﻠﺴﺖ ﻭﺑﻬﺎﻟﻠﺤﻈﻪ ﺩﺧﻞ ﺍﻟﺪﻛﺘﻮﺭ ﻭﻧﺎﻇﺮ ﻟﺼﻘﺮ ﻭﺍﺑﺘﺴﻢ : ﻧﻘﻮﻝ ﺑﺎﺫﻥ ﺍﻟﻠﻪ ﺍﻟﻴﻮﻡ ﺭﺍﺡ ﻧﻘﺪﺭ ﻧﻌﺮﻑ
ﺍﺫﺍ ﺗﺸﻮﻑ ﻭﻻ ﻻ ﻭﺗﻘﺪﺭ ﺗﻔﺘﺢ ﻋﻴﻮﻧﻬﺎ ﻭﻣﺎﻋﺎﺩ ﺗﺤﺘﺎﺝ ﺍﻟﺸﺎﺵ ،
ﺻﻘﺮ ﻓﺰ ﺑﻔﺮﺡ ﻭﻫﻮ ﻣﺼﺪﻭﻡ ﻭﻳﺪﻋﻲ ﺍﻧﻬﺎ ﺗﺸﻮﻑ ﻭﺗﺘﺤﺴﻦ ،
'
ﺍﻣﺎﻝ ﻧﺎﻇﺮﺕ ﻟﺮﺳﺎﻟﺘﻪ ﺍﺑﺘﺴﻤﺖ ﻭﻣﺸﺖ ﻃﻠﻌﺖ ﻟﺒﺮﺍ ﺑﻬﺪﻭﺀ ﻭﻫﻲ ﺗﺸﻮﻑ ﻣﺎﻓﻲ ﺍﺣﺪ ﻣﺸﺖ ﻋﻨﺪ ﺍﻟﺒﺎﺏ ﻭﻫﻲ ﺗﺸﻮﻑ ﺍﻟﻌﻠﺒﻪ ﻉ
ﺟﻨﺐ ﺿﺤﻜﺖ ﻭﺍﺧﺬﺗﻪ ﻭ ﺗﻮﺟﻬﺖ ﻟﻠﻤﻄﺒﺦ ﻭﻫﻲ ﺗﺸﻮﻑ ﺍﻟﺸﺎﻫﻲ ﻉ ﻧﺎﺭ ، ﻓﺘﺤﺖ ﺍﻟﻌﻠﺒﻪ ﻭﻫﻲ ﺗﺬﻭﻕ ﻣﻦ ﺍﻟﻜﻠﻴﺠﻪ ﺍﻧﺼﺪﻣﺖ
ﻣﻦ ﻟﺬﺍﺫﺗﻪ ﻣﺎ ﺗﻮﻗﻌﺖ ﺍﻧﻪ ﺣﻠﻮ ﺣﻠﻮ ﻫﺎﻟﻜﺜﺮ! ﺗﺬﻛﺮﺕ ﺟﺪﻩ ﻛﺎﻥ ﻳﻤﺪﺡ ﺍﻟﻜﻠﻴﺠﻪ ﻭﻳﻘﻮﻝ ﺍﺫﺍ ﺭﺍﺡ ﺍﻟﻘﺼﻴﻢ ﻻﺯﻡ ﻳﺬﻭﻗﻪ ﺍﺑﺘﺴﻤﺖ ،
ﻭﻣﺸﺖ ﻭﺍﻟﺸﺎﻝ ﻋﻠﻰ ﻛﺘﻔﻬﺎ ﻭﺍﺧﺬﺕ ﺍﻟﺸﺎﻫﻲ ﺗﺼﺐ ﻟﻪ ،
ﺑﻬﺎﻟﻠﺤﻈﻪ ﺩﺧﻞ ﻓﻬﺪ ﻭﻧﺎﻇﺮ : ﻭﻳﻨﻬﺎ ﺍﻟﺸﻐﺎﻟﻪ ﻛﻠﻤﻴﻪ ﺗﺴﻮﻱ ﻗﻬﻮﻩ،
ﺍﻣﺎﻝ ﺍﻟﺘﻔﺘﺖ ﻟﻪ : ﻳﺒﻪ ﺳﻮﻳﺖ ﺷﺎﻫﻲ!
ﻓﻬﺪ ﻫﺰ ﺭﺍﺳﻪ ﺑﺎﻟﻨﻔﻲ : ﻻ ﻳﺎ ﺑﻨﺘﻲ ﻛﻠﻤﻲ ﺍﻟﺸﻐﺎﻟﻪ ﺗﺴﻮﻱ ﻗﻬﻮﺓ ،
ﺍﻣﺎﻝ ﺍﺑﺘﺴﻤﺖ ﻟﻪ : ﺗﻤﺎﻡ ﺍﻟﺤﻴﻦ ﺍﻛﻠﻤﻬﺎ ،
'
ﺳﻠﻄﺎﻥ ﻃﻠﻊ ﻭ ﻟﺒﺲ ﺛﻮﺑﻪ ﻭﻋﺪﻝ ﺷﻌﺮﻩ ﻭﺍﺧﺬ ﺟﻮﺍﻟﻪ ﻭﻃﻠﻊ ﻭﻫﻮ ﻳﻜﻠﻢ ﻣﺘﻌﺐ ﻟﻜﻦ ﻗﺒﻞ ﻳﺘﺼﻞ ﻋﻠﻴﻪ ﻧﺎﻇﺮ ﻟﺮﺳﺎﻳﻞ ﻛﺎﻥ ﻣﻦ
ﻣﺘﻌﺐ ﻭﺍﻧﻪ ﻭﺍﻗﻒ ﺑﺮﺍ ﻋﻨﺪ ﺍﻟﺒﺎﺏ ﻳﻨﺘﻈﺮﻩ ﺍﺑﺘﺴﻢ ﻭﻃﻠﻊ ﻟﺒﺮﺍ ﻣﺸﻰ ﺭﻛﺐ ﺍﻟﺴﻴﺎﺭﻩ ﻭﻧﺎﻇﺮ ﻟﻤﺘﻌﺐ : ﻭﺍﻟﻠﻪ ﺗﻮﻱ ﻛﻨﺖ ﻧﺎﻭﻱ ﺍﺗﺼﻞ
ﻋﻠﻴﻚ ،
ﻣﺘﻌﺐ : ﻫﺎﻩ ﺟﺎﻫﺰ ﻟﻠﺠﻠﺴﻪ؟
ﺳﻠﻄﺎﻥ ﺗﻨﻬﺪ ﻭﻫﻤﺲ : ﻧﻮﻋًﺎ ﻣﺎ ﺑﺲ ﺧﺎﻳﻒ ﺍﺧﺴﺮﻩ ،
ﻣﺘﻌﺐ : ﺍﻥ ﺷﺎﺀ ﺍﻟﻠﻪ ﺗﻜﺴﺒﻪ ﻭﺍﻧﺎ ﻭﺍﺛﻖ ﻓﻴﻚ ﻳﺎ ﺳﻠﻄﺎﻥ ،
'
ﻏﻼ ﻃﻠﻌﺖ ﻟﺒﺮﺍ ﺑﺘﺮﻭﺡ ﻣﺘﻮﺟﻪ ﻟﻠﺒﻘﺎﻟﻪ ﻭ ﺑﻴﻼ ﺑﺤﻀﻨﻬﺎ ﻗﻔﻠﺖ ﺑﺎﺏ ﻟﻠﺒﻴﺖ ﻭﺍﻟﺘﻔﺘﺖ ﻳﻤﻴﻦ ﻳﺴﺎﺭ ﺗﺪﻭﺭ ﻋﻤﺮ ﺍﺳﺘﻐﺮﺑﺖ ﺍﻧﻪ ﻣﻮ
ﻣﻮﺟﻮﺩ ﻭﻻﻧﻬﺎ ﻗﻔﻠﺖ ﺍﻟﺨﻂ ﺑﻮﺟﻬﻪ ﻭﻣﺎﻋﺎﺩ ﺍﺗﺼﻞ ﺗﺠﺎﻫﻠﺖ ﻭﻣﺸﺖ ﻟﻜﻦ ﻭﻗﻔﺖ ﻭﻫﻲ ﺗﺸﻮﻑ ﻋﻤﻴﺮ ﺍﻟﻲ ﻛﺎﻥ ﺭﺍﺟﻊ ﻣﻦ ﺍﻟﺒﻘﺎﻟﻪ
ﻭﻧﺎﻇﺮ ﻓﻴﻬﺎ ﻭﻫﻤﺲ : ﻏﺮﻳﺐ ﺭﺍﻳﺤﻪ ﻟﻮﺣﺪﻙ ﻭﻳﻦ ﺣﺒﻴﺒﻚ؟
ﻏﻼ ﻧﺎﻇﺮﺕ ﻓﻴﻪ ﺑﺼﺪﻣﻪ : ﺷﻘﺎﻋﺪ ﺗﻘﻮﻝ!
ﻋﻤﻴﺮ : ﻣﺎ ﺍﻗﻮﻝ ﺷﻲ ﻣﻮ ﻭﻟﺪ ﺟﻴﺮﺍﻧﻜﻢ ﺍﻟﻲ ﺟﻨﺒﻜﻢ ﺣﺒﻴﺒﻚ؟
ﻏﻼ ﻧﺎﻇﺮﺕ ﻓﻴﻪ ﺑﻘﺮﻑ ﻭﺻﺪﺕ ﺑﺘﻤﺸﻲ ،
ﻋﻤﻴﺮ ﺿﺤﻚ ﺑﺴﺨﺮﻳﻪ : ﺍﺳﺎﻟﻴﻪ ﺗﺮﺍ ﻳﻤﺸﻲ ﻭﻳﻘﻮﻝ ﻟﻠﻜﻞ ﺍﻧﻪ ﺣﺒﻴﺒﻚ ﻭﻳﺤﺒﻚ، ﻭﻗﺎﻡ ﻳﻀﺤﻚ ﻭﺗﻮﺟﻪ ﻟﺒﻴﺘﻪ ،
ﻭﻏﻼ ﺍﻟﻲ ﺍﻧﺼﺪﻣﺖ ﻣﻦ ﻛﻼﻣﻪ ﻭﻣﺎ ﺗﻮﻗﻌﺖ ﺍﻧﻪ ﻋﻤﺮ ﻛﺬﺍ ،
'
ﻓﻬﺪ ﻃﻠﻊ ﻭﻫﻮ ﻳﺘﺼﻞ ﻋﻠﻰ ﺳﻌﻮﺩ ﺍﻟﻲ ﺗﺎﺧﺮ ﻭﻣﺎ ﺟﺎﺀ ﻓﺠﺎﻩ ﻭﻗﻒ ﺳﻴﺎﺭﺓ ﺳﻌﻮﺩ ﻭﻧﺰﻝ ﻭﺍﺑﺘﺴﻢ : ﻫﺎﻩ ﺟﻴﺖ ﻋﻠﻰ ﺍﺗﺼﺎﻟﻚ ،
ﻓﻬﺪ ﺍﺑﺘﺴﻢ ﺑﺨﻔﻪ : ﻭﻳﻦ ﺍﺑﻮﻙ ﻣﺎ ﺟﺎﺀ؟
ﺳﻌﻮﺩ : ﻭﺍﻟﻠﻪ ﻳﺎ ﻋﻤﻲ ﻛﺎﻥ ﻧﺎﻳﻢ ﻑ ﻣﺎ ﺻﺤﻴﺘﻪ ،
ﻓﻬﺪ : ﺯﻳﻦ ﺳﻮﻳﺖ ﻳﺎﻭﻟﺪﻱ ﺗﻌﺎﻝ ﺍﺩﺧﻞ ﺩﺍﺧﻞ ،
ﺳﻌﻮﺩ ﺍﺑﺘﺴﻢ ﻭﺩﺧﻞ ﻭﻫﻮ ﻳﺸﻮﻑ ﻋﺒﺪﺍﻟﺮﺣﻤﻦ ﺍﻟﻲ ﺟﺎﻟﺲ ﺑﻤﻜﺎﻧﻪ ﺍﻟﻲ ﻳﺠﻠﺲ ﻓﻴﻪ ﺳﻌﻮﺩ ﻭﺻﺪ ﻭﻣﺸﻰ ﻭﻫﻮ ﻳﺴﻠﻢ ﻋﻠﻰ ﺍﻟﺠﺪ
ﻭﻳﺴﺎﻝ ﻋﻦ ﺍﺧﺒﺎﺭﻩ ،
ﻋﺒﺪﺍﻟﺮﺣﻤﻦ ﻋﻘﺪ ﺣﻮﺍﺟﺒﻪ ﻻﻭﻝ ﻣﺮﻩ ﻳﺸﻮﻓﻪ
#انتهى_الفصل♥
#نوقف_هنا_ونكمل_معاكم_يوم_السبت
📚عـ(القصص)ـالـ(والروآيات)ـم📚
#ملاحظة : يسعدنا مشاركـة الروايـة مع اصدقائكم لكن لا ابيح ولا احلل نقل الروايـة وحـذف رابط القناة 👇👇**
https://t.me/joinchat/AAAAAFdO1y-1PZ5SzX0BWg
🍃💜🍃
@ahgeel ⇐↜رابط قناتنا بالتلجرام
▄▁▁▁▁▁▁▁▁▁▅ـ
يتبع الفصل التالي➥ ⇩⇩
▇ـ▄▄▄💜▄▄▄ـ▇