انا شاعرك العام والقصيد عيونك1 - الفصل 32 - مكتملة | روايتك

عالم القصص والروايات 📚: ▇ـ▄▄▄💜 ▄▄▄ـ▇ " رواية انا شاعرك العام والقصيد عيونك" { الفصل الثاني والثلاثون💜  } ▇ـ▄▄ @ahgeel ▄▄ـ▇ -/ تفاعل قبل لاتقراء ♥ ﺍﻧﺎ ﺷﺎﻋﺮﻙ ﺍﻟﻌﺎﻡ ﻭﺍﻟﻘﺼﻴﺪ ﻋﻴﻮﻧﻚ ' ' ﺍﻣﺎﻝ ﻣﺸﺖ ﺩﺧﻠﺖ ﻏﺮﻓﺘﻬﺎ ﻭﺑﻴﺪﻫﺎ ﻛﻮﺏ ﺍﻟﺸﺎﻫﻲ ﻭﺗﻮﺟﻬﺖ ﺟﻠﺴﺖ ﻭﻫﻲ ﺗﺘﺼﻞ ﻋﻠﻰ ﻧﺠﻼﺀ ﻭﺗﻨﺘﻈﺮﻫﺎ ﺗﺮﺩ ، ﻣﺸﻌﻞ ﻛﺎﻥ ﻣﻨﺴﺪﺡ ﻳﺘﺎﺑﻊ ﺗﻠﻔﺰﻳﻮﻥ ﻣﺴﻠﺴﻞ ﺑﺎﺏ ﺍﻟﺤﺎﺭﻩ ، ﻧﺠﻼﺀ ﻛﺎﻧﺖ ﻭﺍﻗﻔﻪ ﻋﻨﺪ ﺍﻟﺘﺴﺮﻳﺤﻪ ﺗﻌﺪﻝ ﺷﻌﺮﻫﺎ ﻓﺠﺎﻩ ﺭﻥ ﺟﻮﺍﻟﻬﺎ ﻣﺸﺖ ﻭﻫﻲ ﺗﺮﺩ : ﺍﻟﻮ ؟ ﺍﻣﺎﻝ : ﺍﻟﻮ ﺑﻌﻴﻨﻚ ﻭﻳﻨﻚ ﻣﺨﺘﻔﻴﻪ! ﻧﺠﻼﺀ ﺍﺑﺘﺴﻤﺖ : ﻭﺍﻟﻠﻪ ﺍﻧﺘﻲ ﺍﻟﻲ ﻣﺨﺘﻔﻴﻪ ﻣﺎﻟﻚ ﺣﺲ ، ﺍﻣﺎﻝ : ﻗﺒﻞ ﻛﻞ ﺷﻲ ﻟﻴﻪ ﺯﻭﺟﻚ ﻣﺎ ﺟﺎﺀ؟ ﻧﺠﻼﺀ : ﻛﺎﻥ ﻣﺸﻐﻮﻝ ﻑ ﻋﻤﻲ ﺟﺎﻛﻢ ﺻﺢ؟ ﺍﻣﺎﻝ : ﺍﻱ ﺍﺗﻮﻗﻊ ﺗﺨﻴﻠﻲ ﻣﻴﻦ ﺟﺎﻧﺎﺍﺍ؟؟ ﻧﺠﻼﺀ : ﻣﻴﻦ؟ ﺳﺎﻟﺖ ﻣﻦ ﺍﻣﻲ ﻗﺎﻟﺖ ﺍﻧﻬﺎ ﻣﺸﻐﻮﻟﻪ ﺗﻌﻠﻤﻨﻲ ﺑﻌﺪﻳﻦ، ﺍﻣﺎﻝ ﺑﻀﺤﻜﻪ : ﺍﻗﻮﻟﻚ ﺍﻧﺎ ﺑﻨﻔﺴﻲ ﻟﻤﺎ ﻋﺮﻓﺖ ﺍﻧﺼﺪﻣﺖ، ﻧﺠﻼﺀ ﺑﺤﻤﺎﺱ : ﻗﻮﻟﻲ ﻣﻦ ﻃﻴﺐ ! ﺍﻣﺎﻝ : ﺳﻌﻮﺩﺩﺩ ﻭ ﺍﺑﻮﻩ ﺟﺎﻳﻦ ﺻﺎﺣﺐ ﺟﺪﻱ ﺍﻟﻲ ﻣﻦ ﺍﻧﻮﻟﺪﻧﺎ ﻋﻠﻰ ﺍﻟﺪﻧﻴﺎ ﻭﻫﻮ ﻣﻮﺟﻮﺩ ﻣﺎ ﺷﺎﺀ ﺍﻟﻠﻪ ﻋﻠﻴﻪ ﺍﻟﻠﻪ ﻳﻄﻮﻝ ﺑﻌﻤﺮﻩ ، ﻧﺠﻼﺀ ﺍﺑﺘﺴﻤﺖ : ﻳﺎﻟﻠﻪ ﻣﻦ ﺯﻣﺎﻥ ﻋﻨﻬﻤﻢ ﺟﺖ ﺯﻭﺟﺘﻪ؟ ﺍﻣﺎﻝ : ﻻ ﻭﺍﻟﻠﻪ ﺑﺲ ﻫﻮ ﻭﻭﻟﺪﻩ ﻋﺸﺎﻥ ﺍﻟﻌﺰﺍﺀ ﺟﺎﻭ ، ﻧﺠﻼﺀ : ﺗﺬﻛﺮﺕ ﻫﻮﺍﺷﻨﺎ ﻣﻊ ﻭﻟﺪﻩ ﺳﻌﻮﺩ ، ﺍﻣﺎﻝ : ﺍﻟﺼﺪﻕ ﻛﺎﻥ ﺧﺒﻴﺚ ﺑﺲ ﻛﺎﻥ ﻳﻌﺠﺒﻨﻲ ﻳﺪﺍﻓﻊ ﻋﻨﻲ ، ﻧﺠﻼﺀ : ﻭﺍﻧﺎ ﻛﻨﺖ ﺍﻛﻠﻪ ﺑﺴﺒﺒﻜﻢ ﻭﻋﻴﺎﻝ ﺍﻟﺠﻴﺮﺍﻥ ، ﺍﻣﺎﻝ ﺑﻀﺤﻜﻪ : ﻛﺎﻥ ﻛﻴﻮﺕ ﻭﻫﻮ ﺻﻐﻴﺮ ﻭﻛﺎﻥ ﺟﺪﻱ ﻳﺤﺒﻪ ﺍﻛﺜﺮ ﻣﻨﻨﺎ ، ﻧﺠﻼﺀ : ﺍﻱ ﻛﺎﻥ ﺩﻟﻮﻉ ﺟﺪﻱ ﻭﻳﻤﺎ ﻳﺮﻓﺾ ﻟﻪ ﻛﻠﻤﻪ ﻭﻫﻮ ﺑﻌﺪ ﺳﻌﻮﺩ ﻛﺎﻥ ﻳﺴﻤﻊ ﻛﻼﻡ ﺟﺪﻱ ﻭ ﻛﻠﻴﻮﻡ ﻳﺮﻭﺡ ﻟﻠﺒﻘﺎﻟﻪ ﻋﺸﺎﻥ ﺟﺪﻱ ، ﺍﻣﺎﻝ ﺍﺑﺘﺴﻤﺖ : ﺑﺲ ﻟﻤﺎ ﻛﺒﺮﻧﺎ ﺭﺍﺣﺖ ﺫﻳﻚ ﺍﻻﻳﺎﻡ ﻛﻠﻪ ، ﻧﺠﻼﺀ : ﻣﺴﺘﺤﻴﻞ ﺍﻧﺴﻰ ﻟﻤﺎ ﻗﺮﺭﻧﺎ ﻧﺘﺠﻤﻊ ﻭﻧﺮﻭﺡ ﺍﻟﺤﺪﻳﻘﻪ ﺟﺪﻱ ﻛﺎﻥ ﻳﻮﺻﻲ ﺳﻌﻮﺩ ﻋﻠﻴﻚِ ، ﺍﻣﺎﻝ ﺗﻨﻬﺪﺕ : ﺍﺷﺘﻘﺖ ﻟﺠﺪﻱ ﻭﺍﻟﻠﻪ ﺍﻟﻠﻪ ﻳﺮﺣﻤﻪ ، ﻣﺸﻌﻞ ﻛﺎﻥ ﻳﺘﺎﺑﻊ ﻭ ﻣﻮ ﻣﻨﺘﺒﻪ ﻟﻨﺠﻼﺀ ﺍﻟﻲ ﺗﺴﻮﻟﻒ ، ' ﺍﺑﻮ ﻣﺸﻌﻞ ﻭﺻﻞ ﻭﻣﺸﻰ ﺟﻠﺲ ﻣﻌﺎﻫﻢ ﻭﻗﻌﺪﻭﺍ ﻳﺴﻮﻟﻔﻮﻥ ، ﺍﺑﻮ ﺳﻌﻮﺩ ﺗﻨﻬﺪ ﻭﻫﻮ ﻳﻘﻮﻡ : ﺍﻟﺤﻴﻦ ﺍﻋﺬﺭﻧﺎ ﻳﺎ ﻓﻬﺪ ﺑﻨﻤﺸﻲ ، ﺍﺑﻮ ﻣﺸﻌﻞ : ﻳﺎ ﺭﺟﺎﻝ ﺗﻮ ﺍﻟﻨﺎﺱ ﻭﻳﻦ ﺑﺘﻤﺸﻲ ﺍﺟﻠﺲ. ﻓﻬﺪ : ﺍﻱ ﻳﺨﻮﻱ ﺍﺟﻠﺲ ﻭﺭﺍﻙ ﻣﺴﺘﻌﺠﻞ ؟ ﺍﺑﻮ ﺳﻌﻮﺩ : ﻭﺍﻟﻠﻪ ﺗﺎﺧﺮ ﺍﻟﻮﻗﺖ ﻻﺯﻡ ﻧﻨﺎﻡ ﻭﻧﻤﺸﻲ ﺑﻌﺪ ﻛﻢ ﻳﻮﻡ، ﺳﻌﻮﺩ : ﻭﺍﻟﻠﻪ ﻳﺎ ﻋﻤﻲ ﺍﻧﺘﻢ ﺑﺎﻟﺴﻌﻮﺩﻳﻪ ﻣﺎ ﺗﻨﺎﻣﻮﻥ ﺍﻻ ﻣﺘﺎﺧﺮ ﺍﻣﺎ ﻓﻲ ﺑﺮﻳﻄﺎﻳﻨﺎ ﻧﻨﺎﻡ ﻋﻠﻰ ﺳﺎﻋﻪ ٩ ، ﺍﺑﻮ ﻣﺸﻌﻞ : ﻭﺍﻟﻠﻪ ﻳﺎﻭﻟﺪﻱ ﻣﺎﻓﻲ ﺍﺣﻼ ﻣﻦ ﺍﻟﺴﻬﺮﻩ ﺑﺎﻟﻮﻃﻦ ، ﺳﻌﻮﺩ ﺿﺤﻚ ﻭﻫﻮ ﻳﻘﻮﻡ ﻭﺍﻟﻜﻞ ﻗﺎﻣﻮﺍ ﻳﻮﺩﻋﻮﻥ ، ' ﻧﺠﻼﺀ ﺍﻟﺘﻔﺘﺖ ﻟﻤﺸﻌﻞ ﺍﻟﻲ ﻣﺎ ﺗﺤﺮﻙ ﻭﻛﺎﻥ ﻳﺘﺎﺑﻊ ﻭﻣﻨﺪﻣﺞ ﻣﺸﺖ ﻭﻫﻲ ﺗﺠﻠﺲ ﻋﻠﻰ ﻃﺮﻑ ﺍﻟﺴﺮﻳﺮ : ﺍﺑﻲ ﺍﺭﻭﺡ ﻻﻫﻠﻲ ، ﻣﺸﻌﻞ : ﺧﻠﻴﻪ ﺑﻜﺮﻩ ﻣﺸﻐﻮﻝ ﺍﻟﺤﻴﻦ ، ﻧﺠﻼﺀ : ﻣﺸﻐﻮﻝ ﻓﻲ ﺍﻳﺶ ! ﺟﺎﻟﺲ ﻓﺎﺿﻲ ﺗﺘﺎﺑﻊ ! ﻣﺸﻌﻞ ﺗﻨﻬﺪ ﻭﻫﻮ ﻳﻨﺎﻇﺮ ﺑﺼﻤﺖ ﻟﻠﺘﻠﻔﺰﻳﻮﻥ ﻭﻳﺘﺎﺑﻊ ، ﻧﺠﻼﺀ ﻧﺎﻇﺮﺕ ﻓﻴﻪ ﺑﻘﻬﺮ ﻭﻣﺸﺖ ﻃﻠﻌﺖ ﻟﺒﺮﺍ ﻭﻫﻲ ﺗﺸﻮﻑ ﺭﻳﻤﺎ ﺑﺎﻟﺼﺎﻟﻪ ﺗﺘﺎﺑﻊ ﺑﺎﺏ ﺍﻟﺤﺎﺭﻩ ﻧﻔﺲ ﻣﺸﻌﻞ ، ﻣﺸﺖ ﻭﻫﻲ ﺗﺠﻠﺲ ﺟﻨﺒﻬﺎ : ﺷﻔﻴﻜﻤﻢ ﺍﻧﺘﻢ! ﺭﻳﻤﺎ ﺍﻟﺘﻔﺘﺖ ﻟﻬﺎ : ﺑﺴﻢ ﺍﻟﻠﻪ ﺷﻔﻴﻨﺎ؟ ﻧﺠﻼﺀ : ﺍﻻﺛﻨﻴﻦ ﺗﺘﺎﺑﻌﻮﻥ ﺍﻫﺮﺏ ﻣﻦ ﻫﻨﺎﻙ ﺍﺟﻲ ﺍﻟﻘﺎﻙِ ﺍﻧﺘﻲ ﻣﺪ.. ﺳﻜﺘﺖ ﻭﻫﻲ ﺗﺸﻮﻑ ﺍﻡ ﻣﺸﻌﻞ ﻃﺎﻟﻌﻪ ﻣﻦ ﺍﻟﻤﻄﺒﺦ ﻭ ﻣﺘﻮﺟﻪ ﻟﻐﺮﻓﺘﻬﺎ ﻭ ﺻﺪﺕ ﺑﺘﻘﻮﻡ ﺭﻳﻤﺎ : ﺍﺟﻠﺴﻲ ﺑﻌﻠﻤﻚ ﺷﻲﺀ، ﻧﺠﻼﺀ ﺟﻠﺴﺖ : ﺍﻳﺶ ﻋﻨﺪﻙ؟ ﺭﻳﻤﺎ : ﺍﻓﻜﺮ ﺍﺭﻭﺡ ﻣﻊ ﺻﺤﺒﺎﺗﻲ ﺷﺮﺍﻳﻚ ﺗﻤﺸﻴﻦ ﺗﺘﻌﺮﻓﻴﻦ ﻋﻠﻴﻬﻢ؟ ﻧﺠﻼﺀ : ﻻ ﻓﻜﻴﻨﻲ ﻣﻮ ﺟﻮﻱ ، ﺭﻳﻤﺎ : ﺗﻜﻔﻴﻦ ﺍﻣﺸﻲ ﻗﻠﺖ ﺍﻋﺰﻣﻬﻢ ﻳﺘﻌﺮﻓﻮﻥ ﻋﻠﻴﻚِ ﺑﺲ ﻣﺎﻣﺎ ﺭﺍﻓﻀﻪ ﺗﻘﻮﻝ ﻻ ﺗﻌﺰﻣﻴﻦ ﺍﺣﺪ ﺍﻟﺤﻴﻦ ، ﻧﺠﻼﺀ ﻗﺎﻣﺖ ﺑﺘﺘﻜﻠﻢ ﺳﻜﺘﺖ ﻭﻫﻲ ﺗﺸﻮﻑ ﻣﺸﻌﻞ ﻃﺎﻟﻊ ﻣﻦ ﻏﺮﻓﺘﻪ ﻭﻧﺎﻇﺮ ﻓﻴﻬﺎ : ﺗﻌﺎﻟﻲ ﺩﺍﺧﻞ ﺍﻧﺘﻈﺮﻙ ، ﻧﺠﻼﺀ ﻋﻘﺪﺕ ﺣﻮﺍﺟﺒﻬﺎ : ﻛﻨﺖ ﻋﻨﺪﻙ ﻭ ﺗﺼﺪ ! ﻣﺸﻌﻞ : ﻣﺎ ﺗﻌﻠﻤﺖ ﺍﻟﺼﺪ ﺍﻻ ﻣﻨﻚ ﻭﺍﻟﺤﻘﻴﻨﻲ ﺍﻧﺘﻈﺮﻙ ﻭﻣﺸﻰ ، ﻧﺠﻼﺀ : ﺍﻭﻓﻔﻒ ﻣﻦ ﺍﺧﻮﻙِ ﻭﻗﺎﻣﺖ ﺗﻮﺟﻬﺖ ﻟﻠﻐﺮﻓﻪ ﺩﺧﻠﺖ ﻧﺎﻇﺮﺕ ﻓﻴﻪ ﻛﺎﻥ ﻣﻨﺴﺪﺡ : ﺷﺘﺒﻲ؟ ﻣﺸﻌﻞ : ﻃﻔﻲ ﺍﻟﻀﻮﺀ ﻭﺗﻌﺎﻟﻲ ﻭﺍﻋﻠﻤﻚ ﺍﻳﺶ ﺍﺑﻲ ، ' ﻋﻤﺮ ﻃﻔﺶ ﻭﻫﻮ ﻳﻨﺘﻈﺮ ﺍﺗﺼﺎﻝ ﻣﻦ ﻏﻼ ﻭﻗﺎﻡ ﻃﻠﻊ ﻟﺒﺮﺍ ﻭﻫﻮ ﻳﺸﻮﻑ ﺍﻟﺒﻴﺖ ﻇﻼﻡ ﻭﺍﻻﻛﻴﺪ ﺍﻟﻜﻞ ﻧﺎﻡ ﺗﻮﺟﻪ ﻟﻐﺮﻓﺔ ﺳﻠﻄﺎﻥ ﻋﺮﻑ ﺍﻧﻪ ﻧﺎﻳﻢ ﺍﻟﺒﺎﺏ ﻣﻘﻔﻞ ﻭﻣﺸﻰ ﻟﻐﺮﻓﺘﻪ ﺍﻧﺴﺪﺡ ﻳﺤﺎﻭﻝ ﻳﻨﺎﻡ ، ' = ﺻﺒﺎﺡ ﻳﻮﻡ ﺟﺪﻳﺪ ﻋﻠﻰ ﺍﻻﺑﻄﺎﻝ = ' ﻓﻬﺪ ﻛﺎﻥ ﻭﺍﻗﻒ ﻳﻌﺪﻝ ﺷﻌﺮﻩ ﻭﺍﻟﺘﻔﺖ ﻟـ ﻟﻄﻴﻔﻪ : ﺍﻛﻠﻤﻬﺎ ﻭﺍﺷﻮﻑ، ﻟﻄﻴﻔﻪ : ﺯﻳﻦ ﺑﺲ ﺍﺧﺎﻑ ﺗﺰﻋﻞ ﺍﻭ ﺗﻌﺼﺐ ؟ ﻓﻬﺪ : ﻣﻮ ﺑﻴﺪﻱ ﻳﺎ ﻟﻄﻴﻔﻪ ﻫﺬﺍ ﻭﺻﻴﺔ ﺍﺑﻮﻱ ﻟـ ﺳُﻠﻴﻤﺎﻥ ، ﻟﻄﻴﻔﻪ : ﺗﻤﺎﻡ ﺭﻭﺡ ﻛﻠﻤﻬﺎ ﺍﻧﺖ ﻭﻋﻠﻤﻨﻲ ﺍﻳﺶ ﺑﻴﺼﻴﺮ ، ﻓﻬﺪ ﻫﺰ ﺭﺍﺳﻪ ﺑـ ﺍﻱ ﻭﻃﻠﻊ ﻟﺒﺮﺍ ﻟﻄﻴﻔﻪ ﻟﺤﻘﺘﻪ ، ﻓﻬﺪ ﺍﻟﺘﻔﺖ ﻳﻤﻴﻦ ﻳﺴﺎﺭ : ﺍﻣﺎﻝ ﻧﺎﻳﻤﻪ؟ ﻟﻄﻴﻔﻪ : ﺍﻱ ﺍﻣﺲ ﻛﺎﻧﺖ ﺳﻬﺮﺍﻧﻪ ﻧﺎﻣﺖ ﻣﺘﺎﺧﺮ ، ﻓﻬﺪ ﺍﺑﺘﺴﻢ ﺑﺨﻔﻪ ﻭ ﻃﻠﻊ ﻣﺘﻮﺟﻪ ﻟﺴﻴﺎﺭﺗﻪ ﺭﻛﺐ ﻭ ﺗﻮﺟﻪ ﻟﺒﻴﺖ ﺍﻡ ﻣﺸﻌﻞ ﺍﺧﺘﻪ ، ' ﻋﻤﺮ ﻛﺎﻥ ﺟﺎﻟﺲ ﻳﻔﻄﺮ ﻋﺸﺎﻥ ﺑﻴﺮﻭﺡ ﺍﻟﺠﺎﻣﻌﻪ ﺳﻠﻄﺎﻥ ﻃﻠﻊ ﻭﻧﺎﻇﺮ ﻓﻴﻪ : ﻭﻳﻨﻬﺎ ﺍﻣﻲ ﻣﺎ ﻗﺎﻣﺖ؟ ﻋﻤﺮ ﻫﺰ ﺭﺍﺳﻪ ﺑﺎﻟﻨﻔﻲ : ﻻ ﻧﺎﻳﻤﻪ ﻣﺎ ﺻﺤﺖ ، ﺳﻠﻄﺎﻥ : ﻭ ﻋﺒﺪﺍﻟﺮﺣﻤﻦ ﻟﻠﺤﻴﻦ ﻧﺎﻳﻢ؟ ﻋﻤﺮ : ﺍﺗﻮﻗﻊ ﺍﻱ ﻣﺎ ﺷﻔﺘﻪ ، ﺳﻠﻄﺎﻥ ﺻﺪ ﻭﻣﺸﻰ ﻣﺘﻮﺟﻪ ﻟﻐﺮﻓﺔ ﻋﺒﺪﺍﻟﺮﺣﻤﻦ ﻓﺘﺢ ﺍﻟﺒﺎﺏ ﻭﻫﻮ ﻳﺸﻮﻓﻪ ﻧﺎﻳﻢ ﻣﺸﻰ ﺷﻐﻞ ﺍﻟﻀﻮﺀ ﻭﺍﻟﺘﻔﺖ ﻟﻪ : ﺩﺣﻮﻣﻤﻢ ﻗﻢ ﻻ ﻳﺠﻠﺪﻙ ﺟﺪﻱ ، ﻋﺒﺪﺍﻟﺮﺣﻤﻦ ﺗﺤﺮﻙ ﺑﺎﻧﺰﻋﺎﺝ : ﺷﺘﺒﻲ ﺍﻧﺖ ﻳﺨﻲ ﺧﻠﻨﻲ ﺍﻧﺎﻡ ، ﺳﻠﻄﺎﻥ : ﻗﻢ ﺑﺴﺮﻋﻪ ﺭﺍﺡ ﺗﺘﺎﺧﺮ ﻋﻦ ﺍﻟﺪﻭﺍﻡ ﻭﺗﻨﺠﻠﺪ ، ﻋﺒﺪﺍﻟﺮﺣﻤﻦ ﺳﺤﺐ ﺟﻮﺍﻟﻪ ﻭﻫﻮ ﻳﺸﻮﻑ ﺍﻟﺴﺎﻋﻪ ، ' ﺭﻳﻤﺎ ﻛﺎﻧﺖ ﺟﺎﻟﺴﻪ ﺑﺎﻟﺼﺎﻟﻪ ﺗﻄﻘﻄﻖ ﺑﺠﻮﺍﻟﻬﺎ ﻓﺠﺎﻩ ﺭﻥ ﺍﻟﺠﺮﺱ ﺍﺳﺘﻐﺮﺑﺖ ﻭﻣﺸﺖ ﻭﻫﻲ ﺗﻔﺘﺢ ﺍﻟﺒﺎﺏ ﻭﺍﻧﺼﺪﻣﺖ ﺍﻧﻪ ﻓﻬﺪ ﻭﻫﻤﺴﺖ ﺑﻔﺮﺡ : ﺧﺎﻟﻲ ﻓﻬﺪ ! ﻓﻬﺪ ﺍﺑﺘﺴﻢ : ﻳﺎ ﻫﻼ ﻳﺎ ﻫﻼ ﺭﻳﻤﺎ ﻗﺮﺑﺖ ﻭﻫﻲ ﺗﺤﻀﻨﻪ ، ﻓﻬﺪ ﺍﺑﺘﺴﻢ ﺑﺨﻔﻪ : ﻛﻴﻔﻚ ﺷﺎﻻﺧﺒﺎﺭ ﻭﻛﻴﻒ ﺍﻟﺪﺭﺍﺳﻪ ﻣﻌﻚ ؟ ﺭﻳﻤﺎ : ﻭﺍﻟﻠﻪ ﺍﻟﺤﻤﺪﻟﻠﻪ ﻛﻞ ﺷﻲ ﺗﻤﺎﻡ ﻏﺮﻳﺐ ﺍﻧﺖ ﺟﺎﻱ ﻋﻨﺪﻧﺎ ؟ ﻓﻬﺪ : ﺍﻱ ﺟﻴﺖ ﺍﺑﻲ ﺍﻛﻠﻢ ﺍﻣﻚ ﻓﻲ ﻣﻮﺿﻮﻉ ﻭﻳﻨﻬﺎ ﻧﺎﻳﻤﻪ؟ ﺭﻳﻤﺎ : ﻻ ﻻ ﺻﺎﺣﻴﻪ ﺑﻐﺮﻓﺘﻬﺎ ﻣﻦ ﺑﻌﺪ ﺟﺪﻱ ﻭﻫﻲ ﻣﺘﻐﻴﺮﻩ ، ﻭﺩﺧﻠﻮﺍ ﻟﺪﺍﺧﻞ ﺟﻠﺲ ﻓﻬﺪ ﻭﻫﻤﺲ : ﺭﻭﺣﻲ ﻳﺎ ﻳﺒﻪ ﻧﺎﺩﻳﻬﺎ ، ﺭﻳﻤﺎ ﻫﺰﺕ ﺭﺍﺳﻬﺎ ﺑـ ﺍﻱ ﻭﻣﺸﺖ ﻣﺘﻮﺟﻪ ﻟﻐﺮﻓﺔ ﺍﻣﻬﺎ ﻧﺎﻇﺮﺕ ﻓﻴﻬﺎ ﻛﺎﻧﺖ ﺟﺎﻟﺴﻪ ﻭ ﺳﺮﺣﺎﻧﻪ ﻭﺗﺸﻮﻑ ﺻﻮﺭﺓ ﺍﻟﺠﺪ ﻋﺒﺪﺍﻟﻌﺰﻳﺰ ، ﺭﻳﻤﺎ : ﻳﻤﻪ ﺧﺎﻟﻲ ﻓﻬﺪ ﺟﺎﺀ ﻳﻨﺘﻈﺮﻙ ﺑﺮﺍ ، ﺍﻡ ﻣﺸﻌﻞ ﻓﺰﺕ : ﺧﺎﻟﻚ ﻓﻬﺪ! ﻛﻴﻒ ﺩﻝ ﺍﻟﺒﻴﺖ ﻓﺠﺎﻩ؟ ﺭﻳﻤﺎ : ﻣﻌﺮﻑ ﺟﺎﻱ ﻳﺒﻲ ﻳﻜﻠﻤﻚ ﺑﻤﻮﺿﻮﻉ ﻳﻘﻮﻝ ، ﺍﻡ ﻣﺸﻌﻞ : ﺗﻤﺎﻡ ﺭﻭﺣﻲ ﺍﻧﺘﻲ ﻭﺍﻧﺎ ﺟﺎﻱ ، ' ﺍﻣﺎﻝ ﺑﺎﺳﺘﻐﺮﺍﺏ : ﺍﺑﻮﻱ ﺭﺍﺡ ﻋﻨﺪ ﻋﻤﺘﻲ ﻟﻴﻪ؟ ﺍﻡ ﻧﺠﻼﺀ ﺗﻨﻬﺪﺕ : ﺭﺍﺡ ﺗﻌﺮﻓﻴﻦ ﺑﻌﺪﻳﻦ ، ﺍﻣﺎﻝ ﻋﻘﺪﺕ ﺣﻮﺍﺟﺒﻬﺎ : ﻭﻟﻴﺶ ﻣﻮ ﺍﻟﺤﻴﻦ؟ ﺍﻡ ﻧﺠﻼﺀ : ﺍﺑﻮﻙِ ﺭﻓﺾ ﺍﻋﻠﻢ ﺍﺣﺪ ﻳﻌﻠﻤﻚ ﺑﻨﻔﺴﻪ ، ﺍﻣﺎﻝ ﺑﺎﺳﺘﻐﺮﺍﺏ : ﺍﻟﻠﻪ ﻳﺴﺘﺮ ﻭﺵ ﻳﻜﻮﻥ ﻓﻴﻪ ، ﺍﻡ ﻧﺠﻼﺀ : ﻛﻠﻤﺘﻲ ﺍﺧﺘﻚ ﻧﺠﻼﺀ ﺑﺘﺠﻲ ؟ ﺍﻣﺎﻝ : ﻣﺪﺭﻱ ﺍﺗﻮﻗﻊ ﺍﻱ ﺑﺘﺠﻲ ، ﺍﻡ ﻧﺠﻼﺀ : ﺍﻧﺰﻳﻦ ﺧﻠﻴﻨﻲ ﺍﻗﻮﻡ ﺍﺷﻮﻑ ﺟﻬﺰﻭ ﺍﻟﻐﺪﺍﺀ ﻭﻻ ﻻ ، ' ﻧﺠﻼﺀ ﻛﺎﻧﺖ ﻋﻨﺪ ﺍﻟﺘﺴﺮﻳﺤﻪ ﺗﻌﺪﻝ ﺗﺘﻤﻜﻴﺞ ﺑﻌﺪ ﺩﻗﺎﻳﻖ ﺧﻠﺼﺖ ﻭﺍﻟﺘﻔﺘﺖ ﻧﺎﻇﺮﺕ ﻟﻤﺸﻌﻞ ﻛﺎﻥ ﻧﺎﻳﻢ ﻭﺍﺧﺬﺕ ﺍﻻﺳﺘﺸﻮﺍﺭ ﺗﺴﺘﺸﻮﺭ ﺷﻌﺮﻫﺎ ، ﻣﺸﻌﻞ ﺗﺤﺮﻙ ﺑﺎﻧﺰﻋﺎﺝ ﻣﻦ ﺍﻟﺼﻮﺕ : ﺧﻠﻴﻨﻲ ﺍﻧﺎﻡ ، ﻧﺠﻼﺀ ﺍﻟﺘﻔﺘﺖ ﻟﻪ : ﻣﺎ ﺗﺸﺒﻊ ﺍﻧﺖ ﻣﻦ ﺍﻟﺼﺒﺎﺡ ﻭﺍﻧﺖ ﻧﺎﻳﻢ ! ﻣﺸﻌﻞ ﺗﻨﻬﺪ ﻭﻫﻮ ﻳﻘﻮﻡ ﻭﻳﻨﺴﺪﺡ ﻭﺳﺤﺐ ﺟﻮﺍﻟﻪ ﻳﺸﻮﻑ ﺍﻟﺴﺎﻋﻪ ﻛﻢ ﻭﺍﻟﺘﻔﺖ ﻟﻬﺎ : ﺍﻛﻠﺘﻲ ﺷﻲ؟ ﻧﺠﻼﺀ ﻫﺰﺕ ﺭﺍﺳﻬﺎ ﺑﺎﻟﻨﻔﻲ : ﻻ ﺑﺮﻭﺡ ﻋﻨﺪ ﺍﻣﻲ ﺍﻛﻞ ﻫﻨﺎﻙ ، ﻣﺸﻌﻞ : ﻛﻨﺖ ﻧﺎﻭﻱ ﻧﻄﻠﻊ ﺍﻟﻴﻮﻡ ﻧﻐﻴﺮ ﺟﻮ ، ﻧﺠﻼﺀ ﻋﻘﺪﺕ ﺣﻮﺍﺟﺒﻬﺎ : ﺗﺒﺖ ﺍﻏﻴﺮ ﺟﻮ ﻣﻌﻚ ، ﻣﺸﻌﻞ : ﺍﺟﻞ ﺑﻜﻴﻔﻚ ﻻ ﺍﺷﻮﻓﻚ ﺑﻜﺮﻩ ﺗﺸﺘﻜﻴﻦ ﺍﻧﻲ ﻣﺎ ﺍﻃﻠﻌﻚ ، ﻧﺠﻼﺀ ﺻﺪﺕ ﻭﻫﻲ ﺗﻜﻤﻞ ﺗﺴﻮﻱ ﺷﻌﺮﻫﺎ ، ' ﺭﻳﻤﺎ : ﺧﺎﻟﻲ ﺍﻧﺎﺩﻱ ﻧﺠﻼﺀ؟ ﻓﻬﺪ : ﻻ ﻻ ﻳﺎ ﺑﻨﺖ ﺧﻠﻴﻬﺎ ﺍﻧﺎ ﺑﺲ ﺍﻛﻠﻢ ﺍﻣﻚ ﻭﺍﻣﺸﻲ ، ﺭﻳﻤﺎ ﻫﺰﺕ ﺭﺍﺳﻬﺎ ﺑـ ﺍﻱ ﺑﻬﺎﻟﻠﺤﻈﻪ ﺩﺧﻠﺖ ﺍﻡ ﻣﺸﻌﻞ ﻭ ﺭﻳﻤﺎ ﻣﺸﺖ ، ﺍﻡ ﻣﺸﻌﻞ ﻣﺸﺖ ﻭﻫﻲ ﺗﺴﻠﻢ ﻋﻠﻴﻪ ﻭﺟﻠﺴﺖ ، ﻓﻬﺪ : ﻛﻴﻔﻚ ﺷﺎﻻﺧﺒﺎﺭ ؟ ﺍﻡ ﻣﺸﻌﻞ : ﺑﺨﻴﺮ ﺍﻧﺎ ﻏﺮﻳﺐ ﻛﻴﻒ ﺟﻴﺖ ﻋﻨﺪﻱ؟ ﻓﻬﺪ ﺍﺑﺘﺴﻢ : ﺍﻓﺎ ﻣﺎ ﻋﺠﺒﻚ ﺍﻧﻲ ﺟﻴﺘﻚ؟ ﺍﻡ ﻣﺸﻌﻞ : ﻻ ﺑﺲ ﺍﺳﺘﻐﺮﺑﺖ ﻭﻏﺮﻳﺐ ﺑﻨﺘﻚ ﻣﺎ ﺟﺖ ﺗﺴﻠﻢ ﻋﻠﻴﻚ؟ ﻓﻬﺪ : ﺍﻧﺎ ﺟﻴﺖ ﻋﺸﺎﻧﻚ ﻭﻋﺸﺎﻥ ﺍﻋﻠﻤﻚ ﺑﻮﺻﻴﺔ ﺍﺑﻮﻱ ، ﺍﻡ ﻣﺸﻌﻞ ﻋﻘﺪﺕ ﺣﻮﺍﺟﺒﻬﺎ : ﻓﻲ ﻭﺻﻴﻪ ﻏﻴﺮ ﺳﻌﻮﺩ؟ ﻓﻬﺪ : ﺍﻱ ﻓﻲ ﺍﺑﻮﻱ ﺍﻟﻠﻪ ﻳﺮﺣﻤﻪ ﻭﺻﻴﺘﻪ ﺑﻌﺪ ﻣﻮﺗﻪ ﺍﻟﻤﺰﺭﻋﻪ ﺑﻴﺎﺧﺬ ﺳُﻠﻴﻤﺎﻥ ﺍﻟﻤﺰﺭﻋﻪ ﺣﻼﻝ ﺳُﻠﻴﻤﺎﻥ ﻭﺣﺒﻴﺖ ﺍﻋﻠﻤﻚ ، ﺍﻡ ﻣﺸﻌﻞ ﺍﻧﺼﺪﻣﺖ ﻭﺗﺠﻤﺪﺕ ﺑﻤﻜﺎﻧﻬﺎ : ﻛﻴﻒ ﺍﺑﻮﻱ ﻳﺴﻮﻱ ﻛﺬﺍ! ﻓﻬﺪ : ﻫﺬﺍ ﻭﺻﻴﺘﻪ ﻣﻮ ﺑﻴﺪﻧﺎ ﺷﻲﺀ ، ﺍﻡ ﻣﺸﻌﻞ : ﻣﺴﺘﺤﻴﻠﻠﻞ ﺍﺑﻮﻱ ﻳﻌﻄﻲ ﺣﻼﻟﻨﺎ ﻟﻠﻐﺮﻳﺐ ! ﻓﻬﺪ : ﺑﺎﻟﻨﺴﺒﻪ ﻻﺑﻮﻱ ﺳُﻠﻴﻤﺎﻥ ﻣﺎﻫﻮ ﻏﺮﻳﺐ ﻳﻌﺘﺒﺮﻩ ﺍﺧﻮﻩ ﻭﻫﺬﺍ ﻭﺻﻴﺘﻪ ﻭﻭﺻﻠﻚ ﺍﻟﻌﻠﻢ ﺭﺿﻴﺘﻲ ﺍﻭ ﻻ ﻻﺯﻡ ﺗﺘﻘﺒﻠﻴﻦ ، ﺍﻡ ﻣﺸﻌﻞ ﺑﺤﺪﻫﺎ : ﻭﻧﺴﻴﺖ ﻭﺻﻴﺔ ﺑﻨﺘﻚ! ﻓﻬﺪ : ﻣﺎ ﻧﺴﻴﺖ ﺳﻌﻮﺩ ﻣﺎﺧﺬﻫﺎ ﻣﺎﺧﺬﻫﺎ ﻭﺍﻟﻴﻮﻡ ﻫﻮ ﻛﺎﻥ ﻋﻨﺪﻱ ﻭﺗﻜﻠﻤﻨﺎ ﺑﺎﻟﻤﻮﺿﻮﻉ ﻳﺨﻠﺺ ﺩﺭﺍﺳﺘﻪ ﻭﻳﺎﺧﺬﻫﺎ ﺑﺎﻟﺤﻼﻝ ، ﺍﻡ ﻣﺸﻌﻞ ﺑﺴﺨﺮﻳﻪ : ﻭ ﺗﺘﻮﻗﻊ ﺑﻨﺘﻚ ﺗﻮﺍﻓﻖ ﻭﻻ ﺯﻱ ﺑﻨﺘﻚ ﻧﺠﻼﺀ ﺍﻟﻲ ﻃﻠﻌﺖ ﻋﻴﻮﻧﻨﺎ ! ﻓﻬﺪ ﺻﺪ : ﺍﻧﺎ ﺟﻴﺖ ﺍﻋﻠﻤﻚ ﻭﺍﻟﺤﻴﻦ ﻣﺎﺷﻲ ﻳﻼ ﻓﻲ ﺍﻣﺎﻥ ﺍﻟﻠﻪ ، ﻭﻃﻠﻊ ﻟﺒﺮﺍ ﺗﻮﺟﻪ ﺭﻛﺐ ﺳﻴﺎﺭﺗﻪ ﺳﺤﺐ ﺍﻟﻤﻮﻳﺎ ﻭﻫﻮ ﻳﺸﺮﺏ ﻭﺍﺧﺬ ﺟﻮﺍﻟﻪ ﻭﻫﻮ ﻳﺘﺼﻞ ﻋﻠﻰ ﺍﻟﺠﺪ ﺳُﻠﻴﻤﺎﻥ ﻣﺎﻫﻮ ﺩﻗﺎﻳﻖ ﺍﻻ ﻭ ﺭﺩ ، ﻓﻬﺪ : ﺍﻟﺴﻼﻡ ﻋﻠﻴﻜﻢ ﻋﻤﻲ ﺳُﻠﻴﻤﺎﻥ ﻛﻴﻔﻚ ؟ ﺍﻟﺠﺪ ﺳُﻠﻴﻤﺎﻥ ﺍﺑﺘﺴﻢ : ﻭﺍﻟﻠﻪ ﺑﺨﻴﺮ ﻳﺎﻭﻟﺪﻱ ﻭﻟﻠﻪ ﺍﻟﺤﻤﺪ ﺍﺧﺒﺎﺭﻙ ﺍﻧﺖ ؟ ﻓﻬﺪ : ﺑﺨﻴﺮ ﻭﺍﻟﻠﻪ ﻳﺎ ﻋﻤﻲ ﺍﺗﺼﻠﺖ ﻋﻠﻴﻚ ﻓﻲ ﻣﻮﺿﻮﻉ ﻣﻬﻢ ﻳﺨﺼﻚ ﺍﺑﻮﻱ ﺗﺮﻙ ﻟﻚ ﻭﺻﻴﻪ ﻭﺍﺗﻤﻨﻰ ﺗﺠﻲ ﺑﺎﺳﺮﻉ ﻭﻗﺖ ﻧﺘﻜﻠﻢ ﻓﻴﻪ ، ﺍﻟﺠﺪ ﺳُﻠﻴﻤﺎﻥ ﻋﻘﺪ ﺣﻮﺍﺟﺒﻪ : ﻭﺻﻴﻪ ﻟﻲ؟ ﻓﻬﺪ : ﺍﻱ ﻳﺎ ﻋﻤﻲ ﻣﺘﻰ ﻣﺎ ﻓﻀﻴﺖ ﺗﻌﺎﻝ ﺗﻜﻔﻰ ، ﺍﻟﺠﺪ ﺳُﻠﻴﻤﺎﻥ : ﺍﺑﺸﺮ ﻳﺎ ﺍﺑﻮﻙ ﺭﺍﺡ ﺍﺟﻴﻚ ﺍﻟﻴﻮﻡ ﻗﺒﻞ ﺑﻜﺮﻩ ، ' ﻣﺸﻌﻞ ﻛﺎﻥ ﻭﺍﻗﻒ ﻳﻠﺒﺲ ﺛﻮﺑﻪ ﻧﺠﻼﺀ ﺗﻠﺒﺲ ﻋﺒﺎﻳﺘﻬﺎ ﻭﺍﻟﺘﻔﺖ ﻟﻬﺎ ﻭﻧﺎﻇﺮ : ﻣﻴﻦ ﻗﺎﻝ ﺭﺍﺡ ﺍﺧﺬﻙ؟ ﻧﺠﻼﺀ ﺍﺳﺘﻐﺮﺑﺖ ﻭﻧﺎﻇﺮﺕ ﻓﻴﻪ : ﻣﻮ ﺑﻜﻴﻔﻚ! ﻣﺸﻌﻞ ﺍﺑﺘﺴﻢ ﺑﺨﻔﻪ : ﻓﻜﺮﺕ ﻻﺯﻥ ﻳﻜﻮﻥ ﻓﻲ ﺑﻴﻨﻨﺎ ﻗﻮﺍﻧﻴﻦ ، ﻧﺠﻼﺀ : ﻣﺎ ﺷﺎﺀ ﺍﻟﻠﻪ ﻗﻮﺍﻧﻴﻦ ﺍﻳﺶ؟ ﻣﺸﻌﻞ : ﺍﺧﺘﺎﺭﻱ ﺣﻀﻦ ﻭﻻ ﺑﻮﺳﻪ ؟ ﻧﺠﻼﺀ : ﻻ ﻫﺬﺍ ﻭﻻ ﻫﺬﺍ ﺑﺘﺎﺧﺬﻧﻲ ﻭﻻ ﺍﻛﻠﻢ ﺍﺑﻮﻱ! ﻣﺸﻌﻞ ﺑﺘﻔﻜﻴﺮ : ﻛﻠﻤﻴﻪ ﺍﺟﻞ ﻭﺍﺫﺍ ﺳﺎﻟﻨﻲ ﺍﻗﻮﻟﻪ ﻃﻠﺒﺖ ﻣﻦ ﺑﻨﺘﻚ ﺣﻀﻦ ﻭﻻ ﺑﻮﺳﻪ ﺭﻓﻀﺖ ﻭﺗﺮﻛﺘﻬﺎ ﻭ ﺭﺣﺖ ﻟﺸﻐﻠﻲ ، ﻧﺠﻼﺀ ﺑﺼﺪﻣﻪ : ﺗﻘﻮﻝ ﻛﺬﺍ ﻻﺑﻮﻱ! ﻣﺸﻌﻞ : ﺍﻱ ﺍﻗﻮﻝ ﻟﻪ ﻭﺑﻜﻴﻔﻚ ﻋﺎﺩ ، ﻧﺠﻼﺀ ﺻﺪﺕ : ﺍﺟﻞ ﻣﺎﻧﻲ ﺭﺍﻳﺤﻪ ﺭﺍﺡ ﺍﺟﻠﺲ ﻓﻲ ﺍﻟﺒﻴﺖ ﺑﺲ ﺗﺨﺴﻲ ﺗﻤﺸﻴﻨﻲ ﻋﻠﻰ ﻛﻼﻣﻚ ، ﻣﺸﻌﻞ ﺿﺤﻚ ﻭﻫﻮ ﻳﺸﻮﻓﻬﺎ ﺗﻔﺴﺦ ﻋﺒﺎﻳﺘﻬﺎ ﻭ ﺗﻮﺟﻪ ﻟﻌﻨﺪﻫﺎ ﻭﻫﻮ ﻳﻤﺴﻜﻬﺎ : ﺍﻓﺎ ﺯﻋﻠﺘﻲ ﺑﻬﺎﻟﺴﺮﻋﻪ؟ ﻧﺠﻼﺀ : ﺍﺑﻌﺪ ﻉ.. ﻣﺎﻛﻤﻠﺖ ﻛﻼﻣﻬﺎ ﺍﻻ ﻭﻣﺸﻌﻞ ﺳﺤﺒﻬﺎ ﻟﺤﻀﻨﻪ ﻭﺿﺤﻚ : ﻣﺎ ﻳﺤﺘﺎﺝ ﺗﺒﺎﺩﺭﻳﻦ ﺍﻧﺘﻲ ﺍﻧﺎ ﺍﺑﺎﺩﺭ ، ' ﻋﺒﺪﺍﻟﺮﺣﻤﻦ ﻋﺪﻝ ﺷﻤﺎﻏﻪ ﻭ ﻟﺒﺲ ﺛﻮﺑﻪ ﻭﻃﻠﻊ ﻟﺒﺮﺍ ﻭﻫﻮ ﻳﺸﻮﻑ ﺍﻟﺠﺪ ﻭ ﺍﺑﻮﻩ ﻣﺘﺠﻤﻌﻴﻦ ﻋﻠﻰ ﻃﺎﻭﻟﺔ ﺍﻟﻔﻄﻮﺭ ﻭﻣﺸﻰ ﺟﻠﺲ ، ﺳﻠﻄﺎﻥ ﻧﺎﻇﺮ ﻓﻴﻪ : ﺻﺢ ﺍﻟﻨﻮﻡ ، ﻋﺒﺪﺍﻟﺮﺣﻤﻦ : ﺻﺢ ﺑﺪﻧﻚ ﻭﺍﻟﻠﻪ ﺗﺎﺧﺮﺕ ﺷﻜﻠﻲ ، ﺍﻡ ﺻﻘﺮ : ﺍﺟﻠﺲ ﺍﻓﻄﺮ ﺑﻌﺪﻳﻦ ﺭﻭﺡ ، ﻳﻮﺳﻒ : ﻫﺎﻩ ﻳﺎ ﻳﺒﻪ ﻣﻴﻦ ﺑﻴﺮﻭﺡ ﻣﻊ ﺟﺪﻩ ﻟﻠﻤﺪﻳﻨﻪ؟ ﻋﺒﺪﺍﻟﺮﺣﻤﻦ ﻋﻘﺪ ﺣﻮﺍﺟﺒﻪ : ﻟﻠﻤﺪﻳﻨﺔ؟ ﺍﻟﺠﺪ ﺳُﻠﻴﻤﺎﻥ : ﺍﻱ ﻳﺎﻭﻟﺪﻱ ﺟﺎﻧﻲ ﺍﺗﺼﺎﻝ ﻣﻦ ﻋﻤﻜﻢ ﻓﻬﺪ ﻗﺎﻝ ﻻﺯﻡ ﺍﺭﻭﺡ ﻟﻪ ﻣﻮﺿﻮﻉ ﻣﻬﻢ ﺑﺨﺼﻮﺹ ﻋﺒﺪﺍﻟﻌﺰﻳﺰ ﺍﻟﻠﻪ ﻳﺮﺣﻤﻪ، ﺳﻠﻄﺎﻥ : ﻭﺍﻟﻠﻪ ﺍﻧﺎ ﻭﺭﺍﻱ ﻗﻀﻴﻪ ﻣﺎ ﺍﻣﺸﻲ ، ﻳﻮﺳﻒ : ﻭ ﻋﻤﺮ ﻭﺭﺍﻩ ﺟﺎﻣﻌﻪ ﺧﺬ ﻋﺒﺪﺍﻟﺮﺣﻤﻦ ، ﻋﺒﺪﺍﻟﺮﺣﻤﻦ ﻛﺎﻥ ﻳﺎﻛﻞ ﻭﺗﺬﻛﺮ ﺍﻟﺸﺎﻫﻲ : ﻣﺎﻋﻨﺪﻱ ﻣﺎﻧﻊ ، ﺍﻟﺠﺪ ﺳُﻠﻴﻤﺎﻥ : ﺍﺟﻞ ﻧﻤﺸﻲ ﺑﻜﺮﻩ ﺍﻧﺎ ﻓﺎﺿﻲ ، ﻋﺒﺪﺍﻟﺮﺣﻤﻦ ﻫﺰ ﺭﺍﺳﻪ ﺑـ ﺍﻱ ﻭﻫﻮ ﻳﻨﻔﺾ ﻳﺪﻳﻨﻪ ﻭﻳﻘﻮﻡ ، ' ﻣﻼﺫ ﻛﺎﻧﺖ ﺟﺎﻟﺴﻪ ﻳﻐﻴﺮﻭﻥ ﻟﻬﺎ ﺍﻟﺸﺎﺵ ﻛﺎﻧﺖ ﺗﺘﺎﻟﻢ ﻣﻮ ﻗﺎﺩﺭﻩ ﺗﺸﺘﻜﻲ ﺣﺘﻰ ﻟﻜﻦ ﺻﻘﺮ ﻋﺮﻑ ﻣﻦ ﻣﻼﻣﺢ ﻭﺟﻬﻬﺎ ﻣﺪ ﻳﺪﻩ ﻭﻫﻮ ﻳﻤﺴﻚ ﻳﺪﻳﻨﻬﺎ ﻭﻫﻤﺲ : ﺗﺤﻤﻠﻲ ﻳﺎ ﻋﻴﻮﻧﻲ ﺗﺤﻤﻠﻲ ، ﻣﻼﺫ ﻛﺎﻧﺖ ﻣﺎﺳﻜﻪ ﻳﺪﻳﻨﻪ ﺑﺨﻮﻑ ، ﺻﻘﺮ ﻛﺎﻥ ﻭﺩﻩ ﻳﻘﻮﻡ ﻭ ﻳﺒﻌﺪ ﻋﻨﻬﺎ ﺍﻟﺪﻛﺘﻮﺭ ﻻﻧﻪ ﻗﺎﻋﺪﻩ ﺗﺘﺎﻟﻢ ﻣﻨﻪ، ' ﻋﺒﺪﺍﻟﺮﺣﻤﻦ ﺭﻛﺐ ﺳﻴﺎﺭﺗﻪ ﻭﺍﺧﺬ ﺟﻮﺍﻟﻪ ﻭﻫﻮ ﻳﺘﺼﻞ ، ﺍﻣﺎﻝ ﻛﺎﻧﺖ ﺗﺘﻤﻜﻴﺞ ﻭﺗﻨﺘﻈﺮ ﻧﺠﻼﺀ ﻭﺗﻌﺪﻝ ﺷﻌﺮﻫﺎ ﻓﺠﺎﻩ ﺭﻥ ﺟﻮﺍﻟﻬﺎ ﺍﺳﺘﻐﺮﺑﺖ ﻭﺍﺧﺬﺕ ﺟﻮﺍﻟﻬﺎ ﻭ ﺭﺩﺕ : ﻫﻼ؟ ﻋﺒﺪﺍﻟﺮﺣﻤﻦ : ﺑﺴﺎﻟﻚ ﺍﻳﺶ ﺍﻟﻤﻮﺿﻮﻉ ؟ ﺍﻣﺎﻝ ﺑﺎﺳﺘﻐﺮﺍﺏ : ﻣﻮﺿﻮﻉ ﺍﻳﺶ؟ ﻋﺒﺪﺍﻟﺮﺣﻤﻦ : ﻻ ﺗﺴﻮﻳﻦ ﻧﻔﺴﻚ ﻏﺒﻴﻪ ﺷﺴﺎﻟﻔﻪ ﺍﺑﻮﻙِ ﺍﺗﺼﻞ ﻋﻠﻰ ﺟﺪﻱ ﻭ ﻻﺯﻡ ﻧﺠﻲ ﻭ ﻓﻲ ﻣﻮﺿﻮﻉ ﻣﻬُﻢ ؟ ﺍﻣﺎﻝ : ﻭﺍﻟﻠﻪ ﻣﻌﺮﻑ ﺷﻲ ﻏﻴﺮ ﺍﻧﻪ ﺟﺪﻙ ﺗﺮﻙ ﻭﺻﻴﻪ ﻭﻣﺎﻣﺎ ﻣﻮ ﺭﺍﺿﻴﻪ ﺗﻌﻠﻤﻨﻲ ﻭﺍﻟﻲ ﻋﺮﻓﺘﻪ ﻭﺻﻴﺘﻴﻦ ﻣﻮ ﻭﺻﻴﻪ ﻭﺣﺪﻩ ، ﻋﺒﺪﺍﻟﺮﺣﻤﻦ ﻋﻘﺪ ﺣﻮﺍﺟﺒﻪ : ﻟﻨﺎ ﻳﺪ ﺑﻮﺻﻴﺔ ﺟﺪﻙ؟ ﺍﻣﺎﻝ : ﻭﺍﻟﻠﻪ ﻣﻌﺮﻑ ﻟﻴﻪ ﺍﺗﺼﻠﺖ ﺗﺴﺎﻝ ﻣﻨﻲ ؟ ﻋﺒﺪﺍﻟﺮﺣﻤﻦ : ﻣﺪﺭﻱ ﺧﻄﺮﺗﻲ ﻋﻠﻰ ﺑﺎﻟﻲ ﻭﻗﻠﺖ ﺍﺳﺎﻟﻚ ﻳﻼ ﻣﺎﻋﻠﻴﻪ ﺟﻬﺰﻱ ﺍﻟﺸﺎﻫﻲ ﺑﺎﻟﻄﺮﻳﻖ ﺟﺎﻳﻚ ﺑﻜﺮﻩ ، ﺍﻣﺎﻝ ﺍﺑﺘﺴﻤﺖ : ﻫﺬﺍ ﺍﻟﻲ ﻣﺎ ﺣﺴﺒﺖ ﺣﺴﺎﺑﻪ ، ﻋﺒﺪﺍﻟﺮﺣﻤﻦ : ﺑﺨﺼﻮﺹ ﺷﻴﻬﺎﻧﻪ ﻣﻘﺪﺭ ﺍﺟﻴﺒﻬﺎ ﻫﺎﻟﻤﺮﻩ ﺗﺮﺍ ، ﺍﻣﺎﻝ ﺑﺼﺪﻣﻪ : ﻭﻟﻴﺶ! ﺍﺟﻞ ﻣﺎﻓﻲ ﺷﺎﻫﻲ ، ﻋﺒﺪﺍﻟﺮﺣﻤﻦ : ﻭﺍﻟﻠﻪ ﺻﻌﺐ ﻫﺎﻟﻤﺮﻩ ﺍﻃﻠﺒﻲ ﺷﻲ ﻏﻴﺮﻫﺎ ، ﺍﻣﺎﻝ : ﻣﺎ ﺑﺨﺎﻃﺮﻱ ﺷﻲ ﻏﻴﺮ ﺷﻴﻬﺎﻧﻪ ، ﻋﺒﺪﺍﻟﺮﺣﻤﻦ : ﻭﺩﻙ ﺏ ﻛﻠﻴﺠﺎ ﻣﻦ ﺍﻟﻘﺼﻴﻢ؟ ﺍﻣﺎﻝ ﻋﻘﺪﺕ ﺣﻮﺍﺟﺒﻬﺎ : ﻛﻠﻴﺠﺎ ؟ ﻋﺒﺪﺍﻟﺮﺣﻤﻦ : ﺑﺘﻌﺠﺒﻚ ﻣﻘﺎﺑﻠﻬﺎ ﺗﺴﻮﻳﻦ ﻟﻲ ﺷﺎﻫﻲ؟ ﺍﻣﺎﻝ : ﻭﺍﻟﻠﻪ ﻣﻌﺮﻓﻪ ﺑﺲ ﺑﺸﺮﻁ ﺗﻮﻋﺪﻧﻲ ﺗﺠﻴﺐ ﺷﻴﻬﺎﻧﻪ ﺑﻌﺪﻳﻦ؟ ﻋﺒﺪﺍﻟﺮﺣﻤﻦ : ﺗﻤﺎﻡ ﺍﻭﻋﺪﻙ ، ' ﺳﻠﻄﺎﻥ ﻧﺰﻝ ﻣﻦ ﺳﻴﺎﺭﺗﻪ ﻭ ﺗﻮﺟﻪ ﻟﻠﻤﻘﻬﻰ ﻳﻨﺘﻈﺮ ﻣﺘﻌﺐ ، ﺑﻌﺪ ﺳﺎﻋﺎﺕ ﻭﺻﻞ ﻣﺘﻌﺐ ﻭ ﻣﻌﻪ ﺳُﻼﻑ ﻭ ﻣﺸﻮ ﺟﻠﺴﻮﺍ ، ﻣﺘﻌﺐ : ﺍﻟﺴﻼﻡ ﻋﻠﻴﻜﻢ ، ﺳﻠﻄﺎﻥ : ﻭﻋﻠﻴﻜﻢ ﺍﻟﺴﻼﻡ ﻛﻞ ﻫﺬﺍ ﺗﺎﺧﻴﺮ؟ ﻣﺘﻌﺐ : ﻭﺍﻟﻠﻪ ﺍﻟﺴﻴﺪﻩ ﺳُﻼﻑ ﺍﻟﻲ ﺗﺎﺧﺮﺕ ﻣﻮ ﺍﻧﺎ ، ﺳُﻼﻑ ﺑﻬﺪﻭﺀ : ﺍﻋﺘﺬﺭ ﺟﺪًﺍ ﻻﻧﻲ ﻣﺎﻗﺪﺭﺕ ﺍﻃﻠﻊ ﻣﻦ ﺍﻟﺒﻴﺖ ﺑﺎﻟﻘﻮﻩ ﻗﺪﺭﺕ ﺍﻃﻠﻊ ﻭﺟﻴﺘﻜﻢ ﻭ ﻻﺯﻡ ﺍﻣﺸﻲ ﺑﺴﺮﻋﻪ ، ﺳﻠﻄﺎﻥ ﻣﺪ ﻳﺪﻩ ﻭﻫﻮ ﻳﺎﺧﺬ ﺍﻟﻤﻠﻒ ﻭﻳﻨﺎﻇﺮ ﻓﻴﻪ ، ﻭ ﺭﻓﻊ ﻧﻈﺮﻩ ﻟﺴُﻼﻑ : ﻣﻦ ﺍﻱ ﺣﻖ ﻳﻘﺪﺭ ﻳﻌﻨﻔﻚ؟ ﺍﻧﺘﻲ ﺗﻌﺪﻳﺘﻲ ﺍﻟﺴﻦ ﺍﻟﻘﺎﻧﻮﻧﻲ ﺗﻘﺪﺭﻳﻦ ﺗﺴﺘﻘﺮﻳﻦ ﻟﺤﺎﻟﻚ ﻣﻮ؟ ﺳُﻼﻑ : ﺣﺎﻭﻟﺖ ﺑﺲ ﻟﻼﺳﻒ ﻣﺎ ﻳﺘﺮﻛﻮﻧﻲ ﺑﺤﺎﻟﻲ ﻳﻠﺤﻘﻮﻧﻲ ﻣﻦ ﻣﻜﺎﻥ ﻟﻤﻜﺎﻥ ، ﺳﻠﻄﺎﻥ : ﻓﻲ ﺣﺎﻝ ﺍﻧﻪ ﺍﻟﺠﻠﺴﻪ ﺗﺒﺪﺍ ﺑﻌﺪ ﻛﻢ ﻳﻮﻡ ﻣﺎﻧﺘﻲ ﺑﺤﺎﺟﺔ ﺍﻧﻚ ﺗﺮﺟﻌﻴﻦ ﻟﻬﻢ ﻻﻧﻬﻢ ﻳﻤﻜﻦ ﺭﺍﺡ ﻳﺎﺫﻭﻧﻚ ﻭﻳﺨﻠﻮﻧﻚ ﺗﺘﺮﺍﺟﻌﻴﻦ ﻋﻦ ﺍﻟﻘﻀﻴﻪ ، ﺳُﻼﻑ ﺑﻬﺪﻭﺀ : ﻭﻳﻦ ﺍﺭﻭﺡ ﺭﺍﺡ ﻳﻄﻠﻌﻮﻧﻲ ﻭﻳﻦ ﻣﺎ ﺭﺣﺖ! ﺳﻠﻄﺎﻥ ﻋﻘﺪ ﺣﻮﺍﺟﺒﻪ ﻭﻧﺎﻇﺮ ﻟﺴﺎﻋﺘﻪ : ﻗﻮﻣﻲ ﻣﻌﻲ ، ﺳُﻼﻑ ﺍﺳﺘﻐﺮﺑﺖ ﻭﻧﺎﻇﺮﺕ ﻓﻴﻪ ، ﻣﺘﻌﺐ : ﺗﻄﻤﻨﻲ ﻻ ﺗﺨﺎﻓﻴﻦ ﺭﻭﺣﻲ ﻣﻌﻪ ﺍﻧﺘﻲ ﺑﺎﻣﺎﻥ ﻣﻌﻪ ، ' ﺍﻡ ﻣﺸﻌﻞ ﻛﺎﻧﺖ ﺑﻐﺮﻓﺘﻬﺎ ﻣﻌﺼﺒﻪ ﺩﺧﻞ ﺍﺑﻮ ﻣﺸﻌﻞ ﻭﻧﺎﻇﺮ ﻓﻴﻬﺎ ﺑﺎﺳﺘﻐﺮﺍﺏ : ﺷﻔﻴﻚِ ﻣﻌﺼﺒﻪ؟ ﺍﻡ ﻣﺸﻌﻞ : ﻣﻦ ﺍﻱ ﺣﻖ ﺍﺑﻮﻱ ﻳﺴﻮﻱ ﻛﺬﺍ!! ﺍﺑﻮ ﻣﺸﻌﻞ ﺗﻨﻬﺪ : ﺷﻜﻠﻪ ﻓﻬﺪ ﻛﻠﻤﻚ ، ﺍﻡ ﻣﺸﻌﻞ : ﻛﻴﻒ ﻳﻌﻄﻲ ﺣﻼﻟﻨﺎﺍﺍ ﻟﻠﻐﺮﻳﺐ ﻳﺎ ﺧﺎﻟﺪ!! ﺍﺑﻮ ﻣﺸﻌﻞ : ﻓﻬﺪ ﻣﺎ ﺑﻴﺪﻩ ﺷﻲ ﻫﺬﺍ ﺍﻟﻲ ﻣﻜﺘﻮﺏ ﺑﺎﻟﻮﺻﻴﻪ ﺍﻟﻤﺰﺭﻋﻪ ﺑﺎﺳﻢ ﺍﻟﺠﺪ ﺳُﻠﻴﻤﺎﻥ ، ﺍﻡ ﻣﺸﻌﻞ : ﺻﺪﻗﻨﻴﻲ ﻳﺎ ﺧﺎﻟﺪ ﻓﻬﺪ ﺍﻟﺤﻴﻦ ﻣﺴﻮﻱ ﻧﻔﺴﻪ ﺭﺍﺡ ﻳﻮﻓﻲ ﺑﻮﺻﻴﺔ ﺟﺪﻩ ﺑﺲ ﻭﻗﺖ ﻳﺠﻲ ﻭﺻﻴﺔ ﺑﻨﺘﻪ ﺭﺍﺡ ﻳﺘﻬﺮﺏ ، ﺍﺑﻮ ﻣﺸﻌﻞ : ﻳﺎ ﺑﻨﺖ ﺍﻟﺤﻼﻝ ﺍﻣﺲ ﻛﻨﺖ ﻋﻨﺪﻫﻢ ﻭﻭﺻﻠﻮﺍ ﻫﻨﺎﻙ ﺳﻌﻮﺩ ﻭ ﺍﺑﻮﻩ ﻭﺗﻜﻠﻤﻮﺍ ﺑﻬﺎﻟﻤﻮﺿﻮﻉ ﻭ ﺍﺑﻮﻙِ ﺍﻟﻠﻪ ﻳﺮﺣﻤﻪ ﻣﻦ ﻛﺎﻥ ﺳﻌﻮﺩ ﺻﻐﻴﺮ ﺍﺑﻮﻩ ﻛﺎﻥ ﻳﻘﻮﻝ ﻻﺑﻮﻙِ ﺑﻨﺘﻚ ﻟﻮﻟﺪﻱ ﻭﺍﺑﻮﻙِ ﻋﺎﻧﺪ ﺍﺧﻮﻙِ ﺑﻬﺎﻟﻤﻮﺿﻮﻉ ﻓﻬﺪ ﻛﺎﻥ ﺭﺍﻓﺾ ﻭﺍﻟﺤﻴﻦ ﻭﺍﻓﻖ ﻋﺸﺎﻥ ﺍﺑﻮﻩ! ﺍﻡ ﻣﺸﻌﻞ : ﺍﻧﺖ ﺍﻳﺶ ﻣﺘﻮﻗﻊ ﻣﻦ ﺑﻨﺎﺕ ﻓﻬﺪ ﻱ ﺧﺎﻟﺪ! ﻧﺴﻴﺖ ﻧﺠﻼﺀ ﻛﻴﻒ ﻃﻠﻌﺖ ﻋﻴﻮﻧﻨﺎ! ﺍﺑﻮ ﻣﺸﻌﻞ : ﻣﺎﻟﻨﺎ ﺩﺧﻞ ﺣﻨﺎ ﻫﻢ ﻳﺘﻔﺎﻫﻤﻮﻥ ﺑﻜﻴﻔﻬﻢ ، ' ﻣﺸﻌﻞ ﻭﻗﻒ ﺳﻴﺎﺭﺗﻪ ﻧﺠﻼﺀ ﻧﺰﻟﺖ ﻭ ﺩﺧﻠﺖ ﺍﻟﺒﻴﺖ ﻭ ﺭﻛﻀﺖ ﻟﺪﺍﺧﻞ ﻧﺎﻇﺮﺕ ﻻﻣﻬﺎ ﻛﺎﻧﺖ ﻭﺍﻗﻔﻪ ﺗﺒﺨﺮ ﺍﻟﺒﻴﺖ ﻭﻓﺰﺕ ﻣﻦ ﺷﺎﻓﺖ ﻧﺠﻼﺀ ﻭﻣﺸﺖ ﺣﻀﻨﺘﻬﺎ : ﺍﺧﻴﺮًﺍ ﺟﻴﺘﻲ ﺗﻮ ﻣﺎ ﻧﻮﺭ ﺍﻟﺒﻴﺖ ، ﻧﺠﻼﺀ : ﻭﻳﻨﻬﺎ ﻫﺎﻟﺤﻴﻮﺍﻧﻪ ﺍﻣﺎﻝ ﺗﻜﻠﻢ ﻣﻴﻦ ﻣﺎ ﺗﺮﺩ ﻋﻠﻲ؟ ﺍﻡ ﻧﺠﻼﺀ : ﻭﺍﻟﻠﻪ ﻣﺪﺭﻱ ﻳﺎ ﺑﻨﺘﻲ ﺍﻧﺘﻲ ﺍﺟﻠﺴﻲ ﺍﺭﺗﺎﺣﻲ ، ﻧﺠﻼﺀ : ﺍﺻﺒﺮﻱ ﻳﻤﻪ ﺧﻠﻴﻨﻲ ﺍﺷﻮﻓﻬﺎ ﻫﺎﻟﺤﻴﻮﺍﻧﻪ ﻭﻣﺸﺖ ، ﺍﻣﺎﻝ ﻛﺎﻧﺖ ﺟﺎﻟﺴﻪ ﻭﻣﺎﺳﻜﻪ ﺷﻌﺮﻫﺎ ﻭ ﻻﺑﺴﻪ ﺍﻟﺴﻤﺎﻋﺎﺕ ﺗﻜﻠﻤﻪ ﻭﻫﻤﺴﺖ : ﻭﺍﻟﻠﻪ ﻣﺎ ﺍﺗﻮﻗﻊ ﺍﻧﻪ ﺍﻟﻤﻮﺿﻮﻉ ﻳﺨﺼﻚ ، ﻋﺒﺪﺍﻟﺮﺣﻤﻦ : ﻳﺎ ﺑﻨﺖ ﺍﻟﺤﻼﻝ ﺗﻠﻘﻴﻦ ﺟﺪﻙ ﺗﺮﻙ ﺍﻟﻮﺭﺙ ﻛﻠﻪ ﻟﻲ ﻭﺗﻘﻮﻟﻴﻦ ﻣﺎ ﺗﺘﻮﻗﻌﻴﻦ ، ﺍﻣﺎﻝ : ﺟﺪﻱ ﺑﺎﻻﻭﻝ ﺧﻠﻴﻪ ﻳﺜﻖ ﻓﻴﻚ ﺑﻌﺪﻳﻦ ﻳﺘﺮﻙ ﻟﻚ ﺍﻟﻮﺭﺙ، ﻋﺒﺪﺍﻟﺮﺣﻤﻦ : ﺑﺎﻟﻠﻪ ﻋﻠﻴﻚِ ﻣﻮ ﺍﻓﻀﻞ ﻟﻚ ﻟﻮ ﺗﻘﺼﺮﻳﻦ ﻟﺴﺎﻧﻚ؟ ﺍﻣﺎﻝ ﻗﺎﻣﺖ ﺑﺘﺘﻜﻠﻢ ﻓﺰﺕ ﻣﻦ ﺩﺧﻠﺖ ﻧﺠﻼﺀ ﻭﻗﻔﻠﺖ ﺍﻟﺨﻂ ﺑﻮﺟﻬﻪ ﻭﺍﻟﺘﻔﺘﺖ : ﻳﻤﻪ ﺧﺮﺷﺘﻴﻨﻲ ، ﻧﺠﻼﺀ ﻏﻤﺰﺕ ﻟﻬﺎ : ﺍﻟﻠﻪ ﺍﻋﻠﻢ ﻣﻴﻦ ﺍﻟﻲ ﺟﺪﻙ ﻣﺎ ﻳﺜﻖ ﻓﻴﻪ؟ ﺍﻣﺎﻝ : ﻭﺷﻮ ﻗﺎﻋﺪﻩ ﺍﻛﻠﻢ ﺻﺤﺒﺘﻲ ، ﻧﺠﻼﺀ : ﻭﺍﻟﻠﻪ ﻣﺘﺎﻛﺪﻩ ﺻﺤﺒﺘﻚ؟ ﺍﻣﺎﻝ ﺻﺪﺕ ﻭﻫﻲ ﺗﺤﻀﻨﻬﺎ ﻭﻧﺎﻇﺮﺕ ﻓﻴﻬﺎ : ﺍﻱ ﺻﺤﺒﺘﻲ ، ﻧﺠﻼﺀ : ﺍﻋﺘﺮﻓﻲ ﺷﺪﻋﻮﻩ ﻣﺎ ﺑﻴﻨﻨﺎ ﺍﺳﺮﺍﺭ ، ﺍﻣﺎﻝ ﺩﻓﺘﻬﺎ : ﻭﺷﻮ ﺍﻋﺘﺮﻑ! ﻧﺠﻼﺀ : ﻋﻨﺪﻱ ﻟﻚ ﺳﺮ ﺍﺫﺍ ﺍﻋﺘﺮﻓﺘﻲ ﺍﻋﻠﻤﻚ ، ﺍﻣﺎﻝ : ﺑﺎﻻﻭﻝ ﻋﻠﻤﻴﻨﻲ ﺍﻳﺶ ﻭﺻﻴﺔ ﺟﺪﻱ؟ ﻧﺠﻼﺀ ﺑﺎﺳﺘﻐﺮﺍﺏ : ﻭﺻﻴﻪ؟ ﺍﻣﺎﻝ : ﺍﻳﻲ ﻣﻮ ﺍﺑﻮﻱ ﺍﻟﻴﻮﻡ ﺟﺎﺀ ﻋﻨﺪﻛﻢ ﻳﻜﻠﻢ ﻋﻤﺘﻲ؟ ﻧﺠﻼﺀ : ﻻ ﻭﺍﻟﻠﻪ ﻣﺎ ﺷﻔﺖ ﻛﻨﺖ ﺑﻐﺮﻓﺘﻲ ﻃﻮﻝ ﺍﻟﻮﻗﺖ ﻣﺘﻰ ﺟﺎﺀ؟ ' ﻋﻤﺮ ﻃﻠﻊ ﻟﺒﺮﺍ ﻭﻗﻒ ﻋﻨﺪ ﺑﻴﺘﻪ ﻭﻫﻮ ﺑﺮﺍﺳﻞ ﻏﻼ ، ﻏﻼ ﻛﺎﻧﺖ ﺗﺪﺭﺱ ﻓﺰﺕ ﻣﻦ ﺷﺎﻓﺖ ﺟﻮﺍﻟﻬﺎ ﻳﺮﻥ ﻭ ﺭﺩﺕ : ﻫﻼ؟ ﻋﻤﺮ : ﻏﺮﻳﺐ ﻃﻮﻝ ﺍﻟﻴﻮﻡ ﻻ ﺳﻼﻡ ﻭﻻ ﻛﻼﻡ؟ ﻏﻼ ﺑﺎﺳﺘﻐﺮﺍﺏ : ﻣﺎ ﻓﻬﻤﺖ ﻋﻠﻴﻚ؟ ﻋﻤﺮ : ﺧﻠﻴﻨﺎ ﻣﻦ ﻫﺎﻟﻤﻮﺿﻮﻉ ﻛﻴﻔﻬﺎ ﺑﻴﻼ ﻣﻌﻚ؟ ﻏﻼ : ﻣﺒﺴﻮﻃﻪ ﻭﺷﻜﻠﻬﺎ ﻧﺴﺘﻚ ﻭﺣﺒﺘﻨﻲ ، ﻋﻤﺮ : ﻋﻦ ﺍﻟﺨﻴﺎﻧﻪ ﻋﺎﺩ ، ﻏﻼ : ﻣﻌﻠﻴﺶ ﺍﻋﺘﺬﺭ ﺍﺫﺍ ﺟﺤﺪﺗﻚ ﻻ ﺗﻠﻮﻣﻨﻲ ، ﻋﻤﺮ : ﺍﺟﻞ ﺟﺎﻱ ﺍﺧﺬﻫﺎ ﺍﻃﻠﻌﻲ ﺟﻴﺒﻴﻬﺎ ، ﻏﻼ ﺑﻀﺤﻜﻪ : ﺷﺪﻋﻮﻩ ﺧﻔﺖ ﺍﻣﺰﺡ ﻣﻌﻚ ؟ ﻋﻤﺮ : ﺣﻨﺎ ﺍﻟﻜﻮﻳﺘﻴﻦ ﻣﺎ ﻧﺨﺎﻑ ﺍﻓﺎ ﻋﻠﻴﺞ ﺑﺲ ، ﻏﻼ : ﻣﺎ ﺷﺎﺀ ﺍﻟﻠﻪ ﻳﺎ ﻣﺪﺭﻱ ﺷﺴﻤﻚ ﻛﻞ ﻳﻮﻡ ﻟﻚ ﻟﻬﺠﻪ ، ﻋﻤﺮ : ﺍﺳﻤﻲ ﻋﻤﺮ ﺛﻼﺙ ﺣﺮﻑ ﻧﻔﺲ ﺍﺳﻤﻚ ، ' ﺍﻣﺎﻝ ﻛﺎﻧﺖ ﺟﺎﻟﺴﻪ ﺗﺴﻮﻟﻒ ﻣﻊ ﻧﺠﻼﺀ ﺍﺧﺬﺕ ﺟﻮﺍﻟﻬﺎ ﻭﻫﻲ ﺗﺸﻮﻑ ﻋﺒﺪﺍﻟﺮﺣﻤﻦ ﺭﺍﺳﻞ : ﺣﻠﻮ ﺭﺟﻌﺘﻲ ﻗﻔﻠﺘﻲ ﺑﻮﺟﻬﻲ ﻳﻌﻨﻲ ﻣﺎﻓﻲ ﻛﻠﻴﺠﺎ ﻟﻴﻦ ﺍﺧﺬ ﺣﻘﻲ ، ﺿﺤﻜﺖ ﻭﻫﻲ ﺗﺘﺮﻙ ﺟﻮﺍﻟﻬﺎ ، ﻧﺠﻼﺀ ﺑﺸﻚ : ﻭﺭﻳﻨﻲ ﻋﻠﻰ ﺍﻳﺶ ﺗﻀﺤﻜﻴﻦ؟ ﺍﻣﺎﻝ : ﺍﺿﺤﻚ ﻋﻠﻰ ﺻﻮﺭﻩ ﺭﺳﻠﺘﻪ ﺻﺤﺒﺘﻲ ، ﻧﺠﻼﺀ : ﻃﻴﺐ ﻭﺭﻳﻨﻲ ﺍﺑﻲ ﺍﺿﺤﻚ! ﺍﻣﺎﻝ : ﻳﻠﻴﻞ ﺍﻟﻨﺸﺒﻪ ﺧﻠﻴﻨﺎ ﻧﻤﺸﻲ ﻟﻤﺎﻣﺎ ﺗﻨﺘﻈﺮﻧﺎ ، ﻧﺠﻼﺀ : ﺻﺪﻗﻴﻨﻲ ﻣﺎ ﺍﺭﻭﺡ ﺍﻟﺒﻴﺖ ﻟﻴﻦ ﺍﻋﺮﻑ ﺍﻳﺶ ﻋﻨﺪﻙ ، ' #انتهى_الفصل♥ 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع الفصل التالي➥ ⇩⇩ ▇ـ▄▄▄💜▄▄▄ـ▇