انا شاعرك العام والقصيد عيونك1 - الفصل 20 - مكتملة | روايتك

عالم القصص والروايات 📚: ▇ـ▄▄▄💜 ▄▄▄ـ▇ " رواية انا شاعرك العام والقصيد عيونك" { الفصل العشرون 💜  } ▇ـ▄▄ @ahgeel ▄▄ـ▇ -/ تفاعل قبل لاتقراء ♥ ' ﻭﻋﺒﺪﺍﻟﺮﺣﻤﻦ ﻛﺎﻥ ﻭﺍﻗﻒ ﻳﻨﺘﻈﺮ ﺍﻟﻤﺼﻌﺪ ﻳﻔﺘﺢ ، ﺁﻣﺎﻝ ﻛﺎﻧﺖ ﺣﺎﺳﻪ ﺑﺨﻮﻑ ﻭﻫﻲ ﺗﺸﻮﻑ ﺍﻟﻠﻤﺒﻪ ﺣﻖ ﺍﻟﻤﺼﻌﺪ ﻳﻄﻔﻲ ﻭﻳﺸﺘﻐﻞ ﻗﻌﺪﺕ ﺗﻀﻐﻂ ﺗﻨﺘﻈﺮﻩ ﻳﻔﺘﺢ ﻟﻜﻦ ﻋﻠﻖ ﻭﻃﻔﻰ ﻟﻤﺒﺔ ﺍﻟﻤﺼﻌﺪ ، ﻓﺰﺕ ﺑﺨﻮﻑ ﻭﻫﻲ ﺗﺸﻮﻑ ﺍﻟﻈﻼﻡ ﻗﻌﺪﺕ ﺗﺪﻕ ﺍﻟﻤﺼﻌﺪ ﻟﻜﻦ ﻭﻗﻒ ﺍﻟﻤﺼﻌﺪ ﻭﺍﻧﻔﺘﺢ ﻓﺰﺕ ﻭﻫﻲ ﺗﺸﻮﻑ ﺍﻟﺮﺟﺎﻝ ﺍﻟﻲ ﻭﺍﻗﻒ ﻭ ﺩﺧﻞ ﻣﻌﻬﺎ ﺑﻨﻔﺲ ﺍﻟﻤﺼﻌﺪ ﺻﺪﺕ ﻋﻨﻪ ﺑﻬﺪﻭﺀ ﻭﻭﻗﻔﺖ ﺑﻌﻴﺪ ، ﻋﺒﺪﺍﻟﺮﺣﻤﻦ ﻛﺎﻥ ﻭﺍﻗﻒ ﻳﻀﻐﻂ ﻭﻭﻗﻒ ﺍﻟﻤﺼﻌﺪ ﻭﺍﻧﻔﺘﺢ ﻭ ﺩﺧﻞ ﻭﻫﻮ ﻳﺸﻮﻑ ﺍﻟﺒﻨﺖ ﺍﻟﻲ ﻭﺍﻗﻔﻪ ﻭﺍﻟﺮﺟﺎﻝ ﺗﻮﻗﻊ ﺍﻧﻬﺎ ﺯﻭﺟﺘﻪ ﺩﺧﻞ ﻭﻫﻮ ﻳﻮﻗﻒ ﻭﻳﻀﻐﻂ ﺩﻭﺭ ﺍﻟﺜﺎﻧﻲ ﺟﻨﺎﺡ ﺻﻘﺮ ، ﺁﻣﺎﻝ ﺗﺠﻤﺪﺕ ﺑﻤﻜﺎﻧﻬﺎ ﻭﻫﻲ ﺗﺸﻮﻓﻪ ﻟﻜﻦ ﺻﺪﺕ ﻭﻻ ﻛﺎﻧﻬﺎ ﺗﻌﺮﻓﻪ، ﺁﻣﺎﻝ ﻣﺪﺕ ﻳﺪﻫﺎ ﺗﻀﻐﻂ ﻋﺒﺪﺍﻟﺮﺣﻤﻦ ﻗﺎﻃﻌﻬﺎ: ﺿﻐﻄﺖ! ﺁﻣﺎﻝ ﺻﺪﺕ ﻋﺒﺪﺍﻟﺮﺣﻤﻦ ﺻﺪ ﻭﻋﻄﺲ ﺑﻘﻮﻩ ﻣﻦ ﺭﻳﺤﺔ ﺍﻟﻌﻄﺮ ﺍﻟﻲ ﺑﺎﻟﻤﺼﻌﺪ ﺍﻟﺮﺟﺎﻝ ﺍﻟﻲ ﺟﻨﺒﻪ ﻛﺎﻥ ﺣﺎﻁ ﻋﻄﺮ ﺛﻘﻴﻞ ﻭ ﺁﻣﺎﻝ ﻧﻔﺲ ﺍﻟﺸﻲﺀ ﻣﺘﻌﻄﺮﻩ ، ﻋﺒﺪﺍﻟﺮﺣﻤﻦ ﻏﻤﺾ ﻋﻴﻮﻧﻪ ﻭﻫﻮ ﻳﻌﻄﺲ ﻭ ﻣﺪ ﻳﺪﻩ ﻳﺤﻚ ﻧﻔﺴﻪ ﺑﺪﺍ ﺍﻧﻔﻪ ﻳﺴﻴﻞ ﻭﻗﻒ ﺍﻟﻤﺼﻌﺪ ﻭﺍﻟﺮﺟﺎﻝ ﻃﻠﻊ ، ﻋﺒﺪﺍﻟﺮﺣﻤﻦ ﺍﻟﺘﻔﺖ : ﺍﻟﺤﻘﻲ ﺯﻭﺟﻚ ﻛﺘﻤﺘﻮﻧﻲ ! ﺁﻣﺎﻝ ﻧﺎﻇﺮﺕ ﻓﻴﻪ : ﻣﻮ ﺯﻭﺟﻲ ! ﻋﺒﺪﺍﻟﺮﺣﻤﻦ ﻗﺎﻡ ﻋﻄﺲ ﻭ ﺭﻓﻊ ﺭﺍﺳﻪ ﻭﻫﻮ ﻳﻨﺎﻇﺮ ﺑﻌﻴﻮﻧﻬﺎ ﻭﻣﺎﻫﻲ ﻏﺮﻳﺒﻪ ﻋﻠﻴﻬﺎ ﻭﻫﻤﺲ : ﺍﻧﺘﻲ ﻣﻮ ﺑﻨﺖ ﻓﻬﺪ! ﻛﺎﻧﻲ ﻋﺮﻓﺘﻚ ﻧﻔﺴﻬﺎ ﺍﻟﻲ ﺗﺨﺮﻋﻴﻦ ﺍﻟﻨﺎﺱ ﻭﺗﻄﻠﻌﻴﻦ ﻭﺣﺎﻃﻪ ﻓُﻞ ﻣﻜﻴﺎﺝ ، ﺁﻣﺎﻝ ﺻﺪﺕ ﻋﻨﻪ ﻭﻫﻲ ﺗﻨﺎﻇﺮ ﻟﻌﻴﻮﻧﻬﺎ ﺑﻤﺮﺍﻳﺔ ﺍﻟﻤﺼﻌﺪ ، ﻋﺒﺪﺍﻟﺮﺣﻤﻦ ﺑﺤﺪﻩ : ﻭﺵ ﺍﻟﻠﻪ ﺣﺎﺩﻙ ﺗﻐﻤﺴﻴﻦ ﻭﺟﻬﻚ ﺑﺎﻟﻤﻜﻴﺎﺝ ﻭﺗﺠﻴﻦ ﻭ ﺩﺍﺧﻠﻪ ﺍﻟﻤﺼﻌﺪ ﻣﻊ ﻭﺍﺣﺪ ﻏﺮﻳﺐ!! ﺁﻣﺎﻝ ﻋﻘﺪﺕ ﺣﻮﺍﺟﺒﻬﺎ : ﻭﺍﻧﺖ ﺑﻌﺪ ﻏﺮﻳﺐ ﻑ ﻻ ﺗﺘﺪﺧﻞ ﻓﻴﻨﻲ ! ﻋﺒﺪﺍﻟﺮﺣﻤﻦ ﺻﺪ : ﻣﻮ ﻣﺞ..ﺳﻜﺖ ﻭﻫﻮ ﻳﻌﻄﺲ ، ﺁﻣﺎﻝ ﺑﻌﺪﺕ ﻋﻨﻪ ﺑﺨﻮﻑ : ﺍﻋﻄﺲ ﺑﻌﻴﺪ ﻋﻨﻲ ، ﻋﺒﺪﺍﻟﺮﺣﻤﻦ : ﺩﺍﻣﻚ ﻃﺎﻟﻌﻪ ﻣﻦ ﺍﻟﺒﻴﺖ ﻭﻣﺘﺮﻭﺷﻪ ﺑﺎﻟﻌﻄﺮ ﻭ ﻛﺎﺗﻤﺘﻨﻲ ﺗﺒﻴﻨﻲ ﺍﻛﺘﻢ ﻧﻔﺴﻲ ﺑﻌﺪ ﻭﻣﺎ ﺍﻋﻄﺲ! ﺁﻣﺎﻝ ﺻﺪﺕ ﺍﻭﻝ ﻣﺎ ﺍﻧﻔﺘﺢ ﺍﻟﻤﺼﻌﺪ ﻭﻃﻠﻌﺖ ﻋﺒﺪﺍﻟﺮﺣﻤﻦ ﻃﻠﻊ ﻣﻌﻬﺎ ، ﺁﻣﺎﻝ ﺍﻟﺘﻔﺘﺖ : ﺷﻌﻨﺪﻙ ﺗﺮﺍﻗﺒﻨﻲ! ﻋﺒﺪﺍﻟﺮﺣﻤﻦ : ﺭﺍﻳﺢ ﻻﺧﻮﻱ ﻣﻮ ﺍﺭﺍﻗﺒﻚ ، ﺁﻣﺎﻝ ﺻﺪﺕ ﻭﻣﺸﺖ ﻟﻐﺮﻓﺔ ﺻﻘﺮ ﺗﺮﻥ ﺍﻟﺠﺮﺱ ، ﻋﺒﺪﺍﻟﺮﺣﻤﻦ ﺍﺧﺬ ﺟﻮﺍﻟﻪ ﻭﻫﻮ ﻳﺘﺼﻞ ، ﻭﺁﻣﺎﻝ ﺗﺪﻕ ﺍﻟﺒﺎﺏ ﻭ ﺗﺮﻥ ﺍﻟﺠﺮﺱ ، ﺻﻘﺮ ﻛﺎﻥ ﻃﺎﻟﻊ ﻣﻦ ﻋﻨﺪ ﺍﻟﻤﻐﺴﻠﻪ ﻳﻨﺸﻒ ﻳﺪﻳﻨﻪ ، ﻭﺳﻤﻊ ﺻﻮﺕ ﺍﻟﺒﺎﺏ ﻣﺸﻰ ﻓﺘﺢ ﺍﻟﺒﺎﺏ : ﺷﺼﺎﻳﺮ؟ ﺁﻣﺎﻝ ﺑﻌﺪﺕ ﺑﺨﻮﻑ ﻭﺭﺣﻌﺖ ﻟﻮﺭﺍﺀ : ﺍﺑﻲ ﺍﺷﻮﻑ ﺍﺧﺘﻲ ، ﻋﺒﺪﺍﻟﺮﺣﻤﻦ ﻭﻗﻒ ﺑﻌﻴﺪ ﻋﻦ ﺍﻟﺒﺎﺏ ﺻﻘﺮ ﻗﺎﻡ ﻃﻠﻊ ﻟﺒﺮﺍ ، ﺁﻣﺎﻝ ﺩﺧﻠﺖ ﻭ ﺭﻛﻀﺖ ﻋﻨﺪ ﻣﻼﺫ ﺗﺤﻀﻨﻬﺎ ﻭﺗﺴﻠﻢ ﻋﻠﻴﻬﺎ ، ﺻﻘﺮ ﻧﺎﻇﺮ ﻟﻌﺒﺪﺍﻟﺮﺣﻤﻦ : ﺷﻔﻴﻪ ﺧﺸﻤﻚ ﺍﺣﻤﺮ؟ ﻋﺒﺪﺍﻟﺮﺣﻤﻦ : ﻛﺘﻤﺘﻨﻲ ﻭﺍﻟﻠﻪ ، ﺻﻘﺮ ﺑﻀﺤﻜﻪ : ﻣﻴﻦ ﻫﺬﻱ ﺑﻨﺖ ﻓﻬﺪ؟ ﻋﺒﺪﺍﻟﺮﺣﻤﻦ : ﻭﻣﻦ ﻏﻴﺮﻫﺎ ﻋﻴﻮﻧﻬﺎ ﻣﺎﺳﻚ ﺧﻂ ﻗﺼﻴﻢ ﺗﻘﻮﻝ ﺟﺎﻳﻪ ﻋﺮﺱ ﻣﻮ ﺟﺎﻳﻪ ﺗﺸﻮﻑ ﺍﺧﺘﻬﺎ ﻭﺩﺍﺧﻠﻪ ﻣﻊ ﺭﺟﺎﻝ ﻏﺮﻳﺐ ﻓﻲ ﺍﻟﻤﺼﻌﺪ ﻭ ﺭﻳﺤﺔ ﻋﻄﺮﻫﺎ ﺑﺎﻟﻔﻨﺪﻕ ﻛﻠﻪ ، ﺻﻘﺮ : ﻳﺎﻫﻮﻩ ﻻ ﺗﺒﺎﻟﻎ ﻗﻠﻨﺎ ﺣﺎﻗﺪ ﺑﺲ ﻣﻮ ﻛﺬﺍ ، ﻋﺒﺪﺍﻟﺮﺣﻤﻦ ﺻﺪ : ﻋﺎﻟﻌﻤﻮﻡ ﺟﻴﺘﻚ ﺍﺗﻄﻤﻦ ﻭﺍﻣﺸﻲ ، ' ﻣﺸﻌﻞ ﺩﺧﻞ ﻭﻫﻮ ﻳﺸﻮﻑ ﻧﺠﻼﺀ ﻻﺑﺴﻪ ﻓﺴﺘﺎﻥ ﺍﺣﻤﺮ ﻭﺣﺎﻃﻪ ﻣﻜﻴﺎﺝ ﻭﻻﺑﺴﻪ ﺍﻟﻌﺒﺎﻳﻪ ﻭﻣﺘﻌﻄﺮﻩ ﺍﺑﺘﺴﻢ : ﺗﻌﺎﻟﻲ ﻳﻼ ، ﻧﺠﻼﺀ ﻫﺰﺕ ﺭﺍﺳﻬﺎ ﺑـ ﺍﻱ ﻭﻣﺸﺖ ﻣﻌﻪ ﻭﻃﻠﻌﻮﺍ ، ﺍﻡ ﻣﺸﻌﻞ ﻛﺎﻧﺖ ﺗﻨﺎﻇﺮ ﻟﻜﻦ ﻧﺠﻼﺀ ﺻﺪﺕ ﻭﻣﺴﻜﺖ ﻳﺪ ﻣﺸﻌﻞ ﻭﻃﻠﻌﻮﺍ ، ﻣﺸﻌﻞ ﻣﺸﻰ ﺭﻛﺐ ﺍﻟﺴﻴﺎﺭﻩ ﻧﺠﻼﺀ ﺭﻛﺒﺖ ﻣﻌﻪ ، ﻣﺸﻌﻞ ﺑﻬﺪﻭﺀ : ﻭﺩﻙ ﺗﺎﻛﻠﻴﻦ ﺷﻲﺀ؟ ﻧﺠﻼﺀ ﻫﺰﺕ ﺭﺍﺳﻬﺎ ﺑﺎﻟﻨﻔﻲ : ﺷﺒﻌﺎﻧﻪ ﺑﺲ ﻭﻳﻦ ﺑﺘﺎﺧﺬﻧﻲ؟؟ ﻣﺸﻌﻞ ﺭﻓﻊ ﻛﺘﻮﻓﻪ : ﺭﺍﺡ ﺗﻌﺮﻓﻴﻦ ﻫﻨﺎﻙ ﺍﺫﺍ ﻭﺻﻠﻨﺎ ، ' ﺻﻘﺮ : ﻣﺪﺭﻱ ﻭﺍﻟﻠﻪ ﺍﺑﻮﻱ ﻗﺎﻳﻞ ﻻ ﺗﺴﺎﻓﺮ ﺍﻟﺤﻴﻦ ، ﻋﺒﺪﺍﻟﺮﺣﻤﻦ : ﺍﻱ ﻧﺎﻭﻱ ﻳﺴﻮﻱ ﻋﺸﺎﺀ ﺑﺎﻟﻘﺼﻴﻢ ﺍﻟﻲ ﻣﺎ ﺣﻀﺮﻭ ﻋﺮﺳﻚ ﻳﺤﻀﺮﻭﻥ ﺍﻟﻌﺸﺎﺀ ، ﺻﻘﺮ : ﻭﺍﻟﻠﻪ ﺷﺎﻳﻞ ﻫﻢ ﻣﻼﺫ ، ﻋﺒﺪﺍﻟﺮﺣﻤﻦ ﺑﻬﺪﻭﺀ : ﻟﻴﻪ ﻓﻴﻬﺎ ﺷﻲﺀ؟ ﺻﻘﺮ ﻫﺰ ﺭﺍﺳﻪ ﺑﺎﻟﻨﻔﻲ : ﻻ ﺑﺲ ﻟﻠﺤﻴﻦ ﺍﺷﻮﻓﻬﺎ ﺗﺨﺎﻑ ﻣﻨﻲ ﺣﺘﻰ ﻣﺎ ﺧﻠﺘﻨﻲ ﺍﻏﻴﺮ ﻟﻬﺎ ﻓﺴﺘﺎﻧﻬﺎ، ﻋﺒﺪﺍﻟﺮﺣﻤﻦ ﺑﺼﺪﻣﻪ: ﻱ ﺭﺟﺎﻝ ﺍﻧﺖ ﻣﺘﺤﻤﺲ ﺑﺰﻳﺎﺩﻩ ﺍﻟﻠﻪ ﻳﻬﺪﻳﻚ ﺍﺗﺮﻙ ﺍﻟﺒﻨﺖ ﺗﺘﻨﻔﺲ ﺷﻮﻱ ﻭﺗﺘﻌﻮﺩ ﻋﻠﻴﻚ ﻭﺍﻧﺖ ﺩﺍﺧﻞ ﻣﺘﺤﻤﺲ، ﺻﻘﺮ ﺍﻟﺘﻔﺖ ﻟﻪ : ﻭﺷﻮ ﻳﻌﻨﻲ ﻛﻴﻒ ﺍﺗﺼﺮﻑ ﻣﻌﻬﺎ ﺍﺫﺍ ﺳﺎﻓﺮﻧﺎ ! ﻋﺒﺪﺍﻟﺮﺣﻤﻦ : ﺧﺬ ﻟﻬﺎ ﺷﻐﺎﻟﻪ ﺗﻬﺘﻢ ﻓﻴﻬﺎ ﻫﻨﺎﻙ ﻋﺎﺩﻱ ، ﺻﻘﺮ ﻫﺰ ﺭﺍﺳﻪ ﺑﺎﻟﻨﻔﻲ : ﻳﺨﻲ ﻣﺎﻭﺩﻱ ﺷﻐﺎﻟﻪ ﺗﻬﺘﻢ ﻟﻬﺎ ﻭﺍﻧﺎ ﻣﻮﺟﻮﺩ، ﻋﺒﺪﺍﻟﺮﺣﻤﻦ : ﻭﺍﻟﻠﻪ ﻭﺍﻧﺎ ﺍﺧﻮﻙ ﺍﻧﺖ ﻓﺎﻫﻢ ﺍﻟﺤﺐ ﻭﺍﻟﺮﻭﻣﻨﺴﻴﻪ ﻏﻠﻂ ﻟﻴﺖ ﻓﻲ ﻣﻌﻬﺪ ﻳﺪﺧﻠﻮﻧﻚ ﻳﻌﻠﻤﻮﻧﻚ ، ﺻﻘﺮ : ﺍﻗﻮﻝ ﺍﺳﻜﺖ ﺑﺲ ﻣﺎ ﺑﻘﻰ ﺍﻻ ﺍﻧﺖ ﺗﻌﻠﻤﻨﻲ ، ﻋﺒﺪﺍﻟﺮﺣﻤﻦ ﺑﻀﺤﻜﻪ : ﺧﻠﻲ ﻋﻤﺮ ﻳﻌﻠﻤﻚ ﻟﻌﺒﺘﻪ ﻋﺎﺩ ، ﺻﻘﺮ ﺿﺤﻚ ﻭﻧﺎﻇﺮ : ﺍﻻ ﺍﺧﺒﺎﺭﻙ ﻳﺎ ﺳﺎﺭﻭﻧﻪ ﺷﺼﺎﺭ ﻣﻌﻪ؟ ﻋﺒﺪﺍﻟﺮﺣﻤﻦ ﺍﺧﺬ ﺟﻮﺍﻟﻪ ﻭ ﻣﺪﻩ ﻟﻪ : ﺗﻔﻀﻞ ﺷﻒ ، ﺻﻘﺮ ﺿﺤﻚ ﻭﻫﻮ ﻳﺸﻮﻑ : ﻳﺎ ﺭﺟﺎﻝ ﺑﻠﻜﻪ ﻻ ﻳﻤﻮﺕ ﻋﻠﻴﻨﺎ ، ﻋﺒﺪﺍﻟﺮﺣﻤﻦ : ﻭﺍﻟﻠﻪ ﻣﺎﻭﺩﻱ ﺍﻛﻤﻞ ﻭﺍﺧﺎﻑ ﺍﻋﺘﺮﻑ ﻟﻪ ﻭﻳﺰﻋﻞ ﻣﻨﻲ، ﺻﻘﺮ : ﺧﻼﺹ ﺍﺣﺬﻓﻪ ﻭﻗﻔﻞ ﺍﻟﺤﺴﺎﺏ ، ﻋﺒﺪﺍﻟﺮﺣﻤﻦ ﺍﻟﺘﻔﺖ ﻟﻤﺎﺭﻟﻴﻨﺎ ﺍﻟﻲ ﺗﺮﻛﺾ ﻟﺠﻨﺎﺡ ﺻﻘﺮ ، ﺻﻘﺮ ﺍﻧﺼﺪﻡ ﻭﻣﺴﻜﻬﺎ ﻣﻦ ﻛﺘﻔﻬﺎ : ﻫﻲ ﻫﻲ ﺍﻧﺘﻲ ﻫﺪﻱ ﺷﺼﺎﻳﺮ؟ ﻣﺎﺭﻟﻴﻨﺎ : ﺑﺎﺑﺎ ﻫﺪﺍ ﻣﺎﻣﺎ ﻛﻠﻢ ﺍﺧﺖ ﻋﺮﻭﺳﻪ ﺍﻳﺠﻲ ﺗﺤﺖ ﺍﻳﻨﺰﻝ ، ﻋﺒﺪﺍﻟﺮﺣﻤﻦ : ﻳﺎﻟﻠﻪ ﺧﺬﻟﻚ ﺍﻟﺤﻴﻦ ﺗﺪﻭﺭ ﺑﺎﻟﻔﻨﺪﻕ ﻛﻠﻪ ، ﺻﻘﺮ ﺿﺤﻚ ﻭﺍﻟﺘﻔﺖ : ﺗﻤﺎﻡ ﻛﻠﻤﻴﻬﺎ ﺗﻨﺰﻝ ، ﻋﺒﺪﺍﻟﺮﺣﻤﻦ : ﻗﻞ ﻟﻬﺎ ﺍﻟﻤﺼﻌﺪ ﻋﻄﻼﻥ ﻻ ﺗﺮﻭﺡ ﺗﻜﺘﻢ ﺍﻟﻨﺎﺱ، ﺻﻘﺮ : ﺍﻧﺖ ﺍﻳﺶ ﻋﻠﻴﻚ ﻣﻨﻬﺎ ﻳﺨﻲ ﺍﻟﺒﻨﺖ ﺣﺎﻟﻬﺎ ﺣﺎﻝ ﻧﻔﺴﻬﺎ ، ﻋﺒﺪﺍﻟﺮﺣﻤﻦ : ﺗﺼﺪﻕ ﻧﻔﺲ ﺍﻟﻌﻄﺮ ﺍﻧﻜﺘﻤﺖ ﻓﻴﻪ ﺑﻌﺮﺳﻚ! ﺻﻘﺮ : ﺍﻟﻠﻪ ﻳﻜﺘﻢ ﺍﻟﻌﺪﻭ ﺑﺪﻳﺖ ﺗﺘﺨﻴﻞ ﺍﻧﺖ ﺍﺗﺮﻛﻬﺎ ﺑﺤﺎﻟﻬﺎ ، ﻋﺒﺪﺍﻟﺮﺣﻤﻦ ﺻﺪ : ﻋﻠﻰ ﺍﺳﺎﺳﺎ ﻣﺎﺳﻜﻬﺎ ﺍﻧﺎ! ﺻﻘﺮ ﺿﺤﻚ ﻭﻫﻮ ﻳﻨﺎﻇﺮ ﻟﻪ ، ' ﺁﻣﺎﻝ ﺍﺑﺘﺴﻤﺖ : ﺍﺩﺭﻱ ﻭﺩﻙ ﺗﺴﺎﻟﻴﻦ ﻋﻦ ﻧﺠﻼﺀ ﺑﺲ ﺗﻜﻔﻴﻦ ﻭﺵ ﺍﻗﻮﻟﻚ ﻳﺎ ﻣﻼﺫ ﺍﻟﺒﻨﺖ ﻫﺬﻱ ﻣﺮﻳﻀﻪ ﺗﺠﻨﻨﻲ ﺍﻣﺲ ﺟﺎﺑﺖ ﺍﻟﻌﻴﺪ ﻓﻲ ﺍﻟﻮﻟﺪ ﻭﺍﻟﺤﻴﻦ ﺗﻘﻮﻝ ﺍﻧﻬﺎ ﻃﺎﻟﻌﻪ ﻣﻌﻪ ﻣﺠﻨﻮﻧﻪ ﻋﺠﺰﺕ ﺍﻓﻬﻤﻬﺎ، ﻣﻼﺫ ﺿﺤﻜﺖ ﻭﻫﻲ ﺗﺤﺐ ﺁﻣﺎﻝ ﺗﺴﻮﻟﻒ ﻟﻬﺎ ﻋﻦ ﻛﻞ ﺷﻲﺀ ﻭﺁﻣﺎﻝ ﺗﺪﺭﻱ ﻣﻼﺫ ﺑﺨﺎﻃﺮﻫﺎ ﺗﺴﺎﻝ ﻋﻦ ﻧﺠﻼﺀ ﺗﺤﺐ ﻫﺎﻟﺴﻮﺍﻟﻒ ، ﺁﻣﺎﻝ : ﻻ ﻭﻣﺒﺴﻮﻃﻪ ﺗﻘﻮﻝ ﺍﻛﻴﺪ ﺑﻴﺎﺧﺬﻧﻲ ﻟﻤﻄﻌﻢ ﺭﻭﻣﻨﺴﻲ ﻳﺎ ﺑﻨﺖ ﺍﻟﺤﻼﻝ ﺍﻟﻮﻟﺪ ﺫﺍ ﺣﺪﻩ ﻳﺠﻠﺲ ﺑﻴﻦ ﺍﻟﻨﻴﺎﻕ ﻣﻄﻌﻢ ﻭﺵ ، ﻓﺠﺎﻩ ﺩﺧﻠﺖ ﻣﺎﺭﻟﻴﻨﺎ : ﻣﺎﻣﺎ ﻛﻠﻢ ﺍﺧﺖ ﺍﺭﻭﺳﻪ ﺍﻳﺠﻲ ﺗﺤﺖ ، ﺁﻣﺎﻝ ﻧﺎﻇﺮﺕ ﻟﻤﻼﺫ ﻭﻗﺮﺑﺖ ﺣﻀﻨﺘﻬﺎ : ﻳﻼ ﺑﻤﺸﻲ ﺍﻧﺎ ، ﻣﻼﺫ ﻫﺰﺕ ﺭﺍﺳﻬﺎ ﺑـ ﺍﻱ ، ﺁﻣﺎﻝ ﻗﺎﻣﺖ ﻋﺪﻟﺖ ﻃﺮﺣﺘﻬﺎ ﻭﻧﻘﺎﺑﻬﺎ ﻭﻃﻠﻌﺖ ﻣﻊ ﻣﺎﺭﻟﻴﻨﺎ ﻭﻫﻲ ﺗﻨﺎﻇﺮ ﺻﻘﺮ ﻭﻋﺒﺪﺍﻟﺮﺣﻤﻦ ﻭﺍﻗﻔﻴﻦ، ﺁﻣﺎﻝ ﻧﺎﻇﺮﺕ ﻟﻤﺎﺭﻟﻴﻨﺎ ﻭﻫﻲ ﺗﺸﻮﻓﻬﺎ ﺗﻨﺰﻝ ﻣﻦ ﺍﻟﺪﺭﺝ : ﺗﻌﺎﻟﻲ ﻫﻨﺎ، ﻣﺎﺭﻟﻴﻨﺎ : ﻻ ﻻ ﻣﺎﻣﺎ ﻫﺎﺫﺍ ﻣﺼﻌﺪ ﻓﻲ ﺧﻮﻑ ، ﻋﺒﺪﺍﻟﺮﺣﻤﻦ ﺍﻟﺘﻔﺖ ﺻﻘﺮ ﺳﺤﺐ ﻋﻠﻴﻪ ﻭﻣﺸﻰ ﻟﺠﻨﺎﺣﻪ ﻟﻤﻼﺫ، ﻋﺒﺪﺍﻟﺮﺣﻤﻦ : ﺍﻟﻤﺼﻌﺪ ﻋﻄﻼﻥ ﺍﻧﺰﻟﻲ ﻣﻌﻪ ، ﺁﻣﺎﻝ ﻋﻘﺪﺕ ﺣﻮﺍﺟﺒﻬﺎ ﻭﺻﺪﺕ ﻣﺸﺖ ﻣﻊ ﻣﺎﺭﻟﻴﻨﺎ ﻣﻦ ﺍﻟﺪﺭﺝ، ﻋﺒﺪﺍﻟﺮﺣﻤﻦ ﺿﻐﻂ ﺍﻟﺰﺭ ﻭﻓﺘﺢ ﺍﻟﻤﺼﻌﺪ ﻭ ﺩﺧﻞ ، ' ﻧﺠﻼﺀ ﻧﺎﻇﺮﺕ ﻟﻠﻄﺮﻳﻖ ﻭﺍﻟﺘﻔﺘﺖ ﻟﻪ : ﻣﺸﻌﻞ ﺗﻜﻔﻰ! ﻣﺸﻌﻞ ﺿﺤﻚ ﻭﻫﻮ ﻳﻜﻤﻞ ﻳﺴﻮﻕ ﻭﺍﻟﺸﻤﺎﻍ ﺭﺑﻄﻪ ﻋﻠﻰ ﺭﺍﺳﻪ ﻭﻗﻒ ﺳﻴﺎﺭﺗﻪ ﻭﻧﺎﻇﺮ : ﺍﻧﺰﻟﻲ! ﻧﺠﻼﺀ ﻛﺎﻧﺖ ﻣﺼﺪﻭﻣﻪ ﻣﺎ ﺗﻮﻗﻌﺖ ﺍﻧﻪ ﺑﻴﺎﺧﺬﻫﺎ ﻫﻨﺎ ﻛﺎﻧﺖ ﻣﺘﻮﻗﻌﻪ ﺑﻴﺎﺧﺬﻫﺎ ﻟﻠﻤﻄﻌﻢ ، ﻣﺸﻌﻞ : ﺍﻧﺰﻟﻲ ﻭﺍﻟﻠﻪ ﺗﺴﺘﺎﻧﺴﻴﻦ! ﻧﺠﻼﺀ ﺑﻘﻬﺮ : ﻣﺎﺭﺍﺣﺤﺢ ﺍﻧﺰﻟﻞ ﻭﺵ ﺫﺍﺍﺍ ﻳﺎ ﻣﺸﻌﻞ!! ﻣﺸﻌﻞ ﻋﻘﺪ ﺣﻮﺍﺟﺒﻪ ﻭﻳﻠﺘﻔﺖ ﻳﻤﻴﻦ ﻳﺴﺎﺭ : ﻣﺎﻓﻲ ﺍﺣﺪ ﺗﺮﺍ! ﻧﺠﻼﺀ ﺑﺤﺪﻫﺎ : ﺍﻧﺎﺍﺍ ﻋﺮﻭﺳﻪ ﺍﻓﻬﻢ ﺟﺎﻳﺒﻨﻲ ﻟﻠﻨﻴﺎﻕ ﻟﻴﻪ! ﻣﺸﻌﻞ ﺑﺎﺳﺘﻐﺮﺍﺏ : ﻟﻴﻪ ﻭﺷﻔﻴﻬﻢ ﺍﻟﻨﻴﺎﻕ؟ ﻧﺠﻼﺀ ﺣﻄﺖ ﻳﺪﻫﺎ ﻋﻠﻰ ﺭﺍﺳﻬﺎ : ﻳﺎﺭﺑﻲ ﻭﻳﺴﺎﻟﻠﻞ ﺑﻌﺪ! ﻣﺸﻌﻞ ﻓﺘﺢ ﺍﻟﺒﺎﺏ ﻭﻫﻮ ﻳﻨﺰﻝ ﺍﺑﺘﺴﻢ ﻭﻫﻮ ﻳﺸﻮﻑ ﺍﻟﺨﻴﻤﻪ ﻭﻛﻠﻢ ﺍﻟﻌﻢ ﺳﺎﻟﻢ ﻳﺠﻬﺰ ﺍﻟﺨﻴﻤﻪ ﻭﺍﻟﻌﻢ ﺳﺎﻟﻢ ﺟﻬﺰﻩ ﻣﺸﻰ ﻟﺨﻮﻳﻪ ﻭﺗﺮﻙ ﺍﻟﺒﺮ ، ﺍﺑﺘﺴﻢ ﻭﻫﻮ ﻳﺸﻮﻑ ﺍﻟﻬﻮﺍﺀ ﺑﺎﺭﺩ ﻭﺍﻟﻨﻴﺎﻕ ﻛﻠﻬﻢ ﻣﺘﺠﻤﻌﻴﻦ ، ﻭﻧﺎﻇﺮ ﻟﻨﺠﻼﺀ ﻣﻦ ﺷﺒﺎﻙ ﺍﻟﺴﻴﺎﺭﻩ : ﺍﻧﺰﻟﻲ ﻭﻻ ﺑﺮﻭﺡ ﻋﻨﻚ ! ﻧﺠﻼﺀ : ﺭﺟﻌﻨﻲ ﺗﻜﻔﻰ ﻳﺎ ﻣﺸﻌﻞ ﻣﺴﺘﺤﻴﻞ ﺍﻧﺰﻝ ﻭﺍﻟﻠﻪ ، ﻣﺸﻌﻞ ﺿﺤﻚ ﻭﻫﻮ ﻳﺸﻮﻑ ﺍﻟﻨﺎﻗﻪ ﺍﻟﻲ ﻣﺘﻮﺟﻪ ﻟﻠﺴﻴﺎﺭﻩ ، ﻧﺠﻼﺀ ﻓﺰﺕ : ﻣﺸﻌﻠﻠﻞ ﺷﻴﺒﻴﻲ ﺫﺍﺍﺍﺍ ، ﻣﺸﻌﻞ : ﺍﻧﺰﻟﻲ ﻭﻻ ﺑﺮﻭﺡ ﻭﺍﺧﻠﻴﻪ ﻳﺠﻲ ﻳﺎﻛﻠﻚ ، ﻧﺠﻼﺀ ﻧﺎﻇﺮﺕ ﻓﻴﻪ : ﻣﻘﺮﻓﻔﻒ ﻳﺎ ﺳﻒ ﻓﻤﻪ ﺗﻜﻔﻰ ﺑﻌﺪﻫﻬﻪ ، ﻣﺸﻌﻞ : ﺗﺮﺍ ﻣﺎ ﺑﻴﺴﻮﻱ ﻟﻚ ﺷﻲﺀ ﻳﺎ ﺣﻠﻴﻠﻪ ، ﻧﺠﻼﺀ : ﺑﻌﺪﻩ ﻋﻦ ﺍﻟﺴﻴﺎﺭﻩ ﻭﻻ.. ﺳﻜﺘﺖ ﻭﻫﻲ ﺗﺸﻮﻓﻪ ﻳﻘﺮﺏ ﻣﻦ ﺍﻟﺴﻴﺎﺭﻩ ﻗﺎﻣﺖ ﺗﺼﺎﺭﺥ : ﻣﺸﻌﻠﻠﻠﻠﻞ ، ﻣﺸﻌﻞ ﺿﺤﻚ ﻭﻫﻮ ﻳﻤﺸﻲ ﻣﺘﻮﺟﻪ ﻟﻠﺒﺎﺏ ﺍﻟﻲ ﺟﺎﻟﺴﻪ ﻓﻴﻬﺎ ﻧﺠﻼﺀ ﻭﻧﺎﻇﺮ ﻟﻠﻨﺎﻗﻪ ﻭﻣﺪ ﻳﺪﻩ ﻳﻤﺴﺢ ﻋﻠﻴﻪ ، ﻧﺠﻼﺀ ﻧﺎﻇﺮﺕ ﺑﻘﺮﻑ ، ﻣﺸﻌﻞ ﻓﺘﺢ ﺑﺎﺏ ﺍﻟﺴﻴﺎﺭﻩ : ﺍﻧﺰﻟﻲ ﻳﻼ ﻭ ﻣﺪ ﻳﺪﻩ ، ﻧﺠﻼﺀ ﺑﻌﺪﺕ ﺑﻘﺮﻑ : ﺍﺑﻌﺪﺩﺩ ﻋﻨﻲ ﺍﻧﺖ ﺑﻌﺪﺩﺩ ، ﻭﻧﺰﻟﺖ ﻣﻦ ﺍﻟﺴﻴﺎﺭﻩ ﻭﻫﻲ ﻻﺑﺴﻪ ﻛﻌﺐ ﺑﻐﺖ ﺗﻄﻴﺢ ﻣﺸﻌﻞ ﻣﺴﻜﻬﺎ ﺑﺤﺮﻛﻪ ﺳﺮﻳﻌﻪ ﻧﺠﻼﺀ ﺩﻓﺖ ﻳﺪﻩ ﻭﻫﻲ ﺗﺤﺎﻭﻝ ﺗﻤﺸﻲ ﻭﺍﻟﻜﻌﺐ ﻳﻐﺮﺯ ﺑﺎﻟﺘﺮﺍﺏ : ﻣﺸﻌﻠﻠﻞ ﻣﻮ ﻗﺎﺩﺭﻩ ﺍﻣﺸﻴﻲ! ﻣﺸﻌﻞ : ﻓﺴﺨﻲ ﺍﻟﻜﻌﺐ ﺍﺭﻣﻴﻪ ، ﻧﺠﻼﺀ ﺗﺠﻤﻌﺖ ﺍﻟﺪﻣﻮﻉ ﺑﻌﻴﻮﻧﻬﺎ ﻣﻦ ﺍﻟﻘﻬﺮ : ﻳﺎﺭﺑﻴﻴﻴﻲ ﻣﺸﻌﻠﻠﻠﻞ ﺭﺟﻌﻨﻲ ﺗﻜﻔﻰ ﺷﻒ ﺷﻒ ﺍﻟﺤﻴﻮﺍﻥ ﻳﻘﺮﺑﺒﺒﺐ ، ﺷﻒ ﺷﻒ ﺍﻟﺤﻴﻮﺍﻥ ﻳﻘﺮﺑﺒﺒﺐ ، ﻣﺸﻌﻞ ﻛﺎﻥ ﻭﺍﻗﻒ ﻳﻀﺤﻚ ﻋﻠﻴﻬﺎ ﻭﻋﻠﻰ ﺷﻜﻠﻬﺎ ﻭﺍﺑﺘﺴﻢ : ﻣﺎ ﺑﻴﺴﻮﻱ ﻟﻚ ﺷﻲﺀ ﻭﺍﻧﺎ ﻣﻌﻚ ، ﻧﺠﻼﺀ ﻧﺎﻇﺮﺕ ﻓﻴﻪ : ﻣﻮ ﻗﺎﺩﺭﻩ ﺍﻣﺸﻲ! ﻣﺸﻌﻞ ﻓﺴﺦ ﻧﻌﺎﻟﻪ : ﺍﻟﺒﺴﻲ ﺣﻘﻲ ﻃﻴﺐ ، ﻧﺠﻼﺀ ﺻﺪﺕ ﺑﺪﻣﻮﻉ : ﺭﺟﻌﻨﻴﻲ ﺍﻟﺒﻴﺖ ﺗﻜﻔﻰ ﻣﺎﺑﻲ ﺍﺟﻠﺲ ﻫﻨﺎ، ﻣﺸﻌﻞ ﺑﻬﺪﻭﺀ : ﻣﻨﺠﺪﻙ ﺗﺼﻴﺤﻴﻦ ﻳﺎ ﺧﻮﺍﻓﻪ! ﻣﺎ ﺑﻴﺴﻮﻥ ﻟﻚ ﺷﻲﺀ ﻭﻻ ﺭﺍﺡ ﻳﻘﺮﺑﻮﻥ ﻣﻨﻚ ﺗﻌﺎﻟﻲ ﺍﺧﺬﻙ ﻟﻤﻜﺎﻥ ﺗﻌﺠﺒﻚ ، ﻧﺠﻼﺀ ﺗﻨﻬﺪﺕ ﺑﻘﻠﺔ ﺣﻴﻞ ﻣﻨﻪ ﻭﻟﺒﺴﺖ ﻧﻌﺎﻟﻪ ﻭ ﺭﻣﺖ ﺍﻟﻜﻌﺐ، ﻣﺸﻌﻞ ﺿﺤﻚ ﻭﻫﻮ ﻳﺸﻴﻞ ﻛﻌﺒﻬﺎ ﻭﻳﺤﻄﻬﻢ ﺑﺪﺍﺧﻞ ﺍﻟﺴﻴﺎﺭﻩ، ' ﻣﺎﺭﻟﻴﻨﺎ ﺩﺧﻠﺖ ﻭﺁﻣﺎﻝ ﻣﻌﻬﺎ ﺍﻡ ﺻﻘﺮ ﺍﺑﺘﺴﻤﺖ ﻭﻗﺎﻣﺖ ﻭﻫﻲ ﺗﺴﻠﻢ ﻋﻠﻴﻬﺎ : ﻛﻴﻔﻚ ﺑﺎ ﺑﻨﺘﻲ ﻭﻟﻴﻪ ﺍﻣﻚ ﻣﺎ ﺟﺖ ؟ ﺁﻣﺎﻝ ﺍﺑﺘﺴﻤﺖ : ﺑﺨﻴﺮ ﻭﺍﻟﻠﻪ ﺧﺎﻟﺘﻲ ﻭﻋﺎﺩ ﻣﺎﻣﺎ ﻣﻦ ﺍﻣﺲ ﻣﺼﺪﻋﻪ ﺭﺍﺳﻬﺎ ﻣﻦ ﺍﻻﻏﺎﻧﻲ ﺑﺎﻟﻘﺎﻋﻪ ﻭﻣﺎ ﺟﺖ ﺗﺒﻲ ﺗﺮﺗﺎﺡ ، ﺍﻡ ﺻﻘﺮ ﺿﺤﻜﺖ : ﻭﺍﻟﻠﻪ ﻣﺎﻟﻮﻣﻬﺎ ﺍﻧﺎ ﺣﺘﻰ ﺑﻨﻮﻣﻲ ﻣﺎ ﺗﻬﻨﻴﺖ ، ﺁﻣﺎﻝ ﺟﻠﺴﺖ ﻭﻗﻌﺪﻭ ﻳﺴﻮﻟﻔﻮﻥ ﻭﺍﻟﺸﻐﺎﻟﻪ ﻣﺸﺖ ﺗﺴﻮﻱ ﺍﻟﻘﻬﻮﺓ ، ﻋﺒﺪﺍﻟﺮﺣﻤﻦ ﺩﺧﻞ ﺍﻟﺠﻨﺎﺡ ﻭﻫﻮ ﻳﺴﻤﻊ ﺻﻮﺕ ﺍﻣﻬﺎ ﻭ ﺁﻣﺎﻝ ﻣﻦ ﺍﻟﻐﺮﻓﻪ ﺻﺪ ﻭﺗﻮﺟﻪ ﻟﻠﻤﻄﺒﺦ ﻭﻧﺎﻇﺮ ﻟﻤﺎﺭﻟﻴﻨﺎ : ﻣﺎ ﻣﺸﺖ ﻫﺬﻱ! ﻣﺎﺭﻟﻴﻨﺎ ﻫﺰﺕ ﺭﺍﺳﻬﺎ ﺑﺎﻟﻨﻔﻲ : ﻻ ﻻﺯﻡ ﺍﻳﺸﺮﺏ ﻗﻬﻮﻩ ﺑﻌﺪﻳﻦ ﺍﻣﺸﻲ، ﻋﺒﺪﺍﻟﺮﺣﻤﻦ : ﺍﻭﻝ ﻣﺮﻩ ﺍﺷﻮﻑ ﺿﻴﻔﻪ ﺛﻘﻴﻠﻪ ﺯﻳﻬﺎ ﺍﻟﻤﻔﺮﻭﺽ ﺗﻤﺸﻲ ﻣﺎ ﺗﺸﻮﻑ ﻭﺿﻌﻨﺎ ﺑﺎﻟﻔﻨﺪﻕ ﻛﻴﻒ! ﻣﺎﺭﻟﻴﻨﺎ : ﻻ ﻫﺮﺍﻡ ﻋﻠﻴﻚ ﻣﺎﻓﻲ ﻛﻼﻡ ﻛﺬﺍ ﻫﺎﺩﻱ ﺍﺧﺖ ﻋﺮﻭﺳﻪ ، ﻋﺒﺪﺍﻟﺮﺣﻤﻦ ﺑﺴﺨﺮﻳﻪ : ﻭﺍﻟﻠﻪ ﻭﺍﻻﺧﺖ ﻋﺎﺩ ﺻﺪ ﻭﻃﻠﻊ ، ﻣﺎﺭﻟﻴﻨﺎ ﺍﺧﺬﺕ ﺍﻟﻘﻬﻮﻩ ﻭﻣﺸﺖ ﻟﻠﻐﺮﻓﻪ ، ' ﺻﻘﺮ ﻛﺎﻥ ﻣﻨﺴﺪﺡ ﻋﻠﻰ ﺍﻟﺴﺮﻳﺮ ﻭ ﻣﻼﺫ ﺟﺎﻟﺴﻪ ﺟﻨﺒﻪ ﺗﻠﻌﺐ ﺑﺸﻌﺮﻩ ﺑﻬﺪﻭﺀ ﺻﻘﺮ ﻛﺎﻥ ﻳﻄﻘﻄﻖ ﺑﺠﻮﺍﻟﻪ ﻳﻜﻠﻢ ﻣﺸﺎﺭﻱ ، ﻣﻼﺫ ﺗﻨﻬﺪﺕ ﻣﻦ ﺳﻜﻮﺗﻪ ﻭﻫﻲ ﺗﺤﺲ ﺑﺨﻮﻑ ﺍﻧﻪ ﻫﺎﺟﺪ ، ﺻﻘﺮ ﺍﻟﺘﻔﺖ ﻟﻬﺎ : ﻭﺩﻙ ﻧﻤﺸﻲ ﻧﺘﻤﺸﻰ؟ ﻣﻼﺫ ﺭﻓﻌﺖ ﻛﺘﻮﻓﻬﺎ ﺑﻤﻌﻨﻰ ﻣﺎ ﺗﺪﺭﻱ ، ﺻﻘﺮ : ﻗﻮﻣﻲ ﻗﻮﻣﻲ ﻧﻐﻴﺮ ﺟﻮ ﺷﻮﻱ ﻭﻳﻤﻜﻦ ﺟﺪﻙ ﺗﺤﺖ ﺑﻌﺪ ، ﻣﻼﺫ ﻓﺰﺕ ﺑﻔﺮﺡ ﻣﻦ ﻋﺮﻓﺖ ﺟﺪﻫﺎ ﻣﻮﺟﻮﺩ ، ﺻﻘﺮ ﺍﺧﺬ ﺟﻮﺍﻟﻪ ﻭﻫﻮ ﻳﺘﺼﻞ ﻋﻠﻰ ﻣﺎﺭﻟﻴﻨﺎ ، ' ﻋﺒﺪﺍﻟﺮﺣﻤﻦ ﻭﻋﻤﺮ ﻛﺎﻧﻮﺍ ﻭﺍﻗﻔﻴﻦ ﻋﻨﺪ ﺍﻟﻤﺼﻌﺪ ﺑﻴﻄﻠﻌﻮﻥ ﻟﺠﻨﺎﺣﻬﻢ ﺍﻟﺘﻔﺘﻮﺍ ﻟـ ﻣﺎﺭﻟﻴﻨﺎ ﺍﻟﻲ ﻛﺎﻧﺖ ﺗﺮﻛﺾ ﻣﻦ ﺍﻟﺪﺭﺝ ﻟﻔﻮﻕ ، ﻋﻤﺮ : ﺷﻒ ﺷﻒ ﺍﻟﻤﺠﻨﻮﻧﻪ ، ﻋﺒﺪﺍﻟﺮﺣﻤﻦ ﺑﻀﺤﻜﻪ : ﻭﺍﻟﻠﻪ ﺻﻘﺮ ﻣﺎ ﺳﻮﺍ ﻓﻴﻬﺎ ﺧﻴﺮ ، ﻓﺘﺢ ﺍﻟﻤﺼﻌﺪ ﻭﺩﺧﻠﻮﺍ ﺍﻻﺛﻨﻴﻦ ﻭﻭﺻﻠﻮﺍ ﻋﻨﺪ ﺟﻨﺎﺣﻬﻢ ، ﻋﻤﺮ ﺩﺧﻞ ﻭﻣﺸﻰ ﻳﺎﺧﺬ ﻟﻪ ﺷﺎﻭﺭ ﻭﺍﻟﺘﻔﺖ : ﺑﺘﺮﻭﺡ ﻟﻤﻜﺎﻥ؟ ﻋﺒﺪﺍﻟﺮﺣﻤﻦ : ﻻ ﺍﺭﻳﺢ ﺷﻮﻱ ، ﻋﻤﺮ ﺻﺪ ﻭﻣﺸﻰ ﺩﺧﻞ ﻳﺎﺧﺬ ﻟﻪ ﺷﺎﻭﺭ ﻉ ﺳﺮﻳﻊ ، ﻋﺒﺪﺍﻟﺮﺣﻤﻦ ﺟﻠﺲ ﻳﻄﻘﻄﻖ ﺑﺠﻮﺍﻟﻪ ﻓﺠﺎﻩ ﺭﻥ ﻭﻛﺎﻧﺖ ﺍﻣﻪ ﺍﺧﺬ ﺍﻟﺠﻮﺍﻝ ﻭ ﺭﺩ : ﻫﻼ ﻳﻤﻪ ؟ ﺍﻡ ﺻﻘﺮ : ﻭﻳﻦ ﻋﻤﺮ ﺍﺧﻮﻙ ﻣﺎ ﻳﺮﺩ؟ ﻋﺒﺪﺍﻟﺮﺣﻤﻦ : ﺭﺍﺡ ﻳﺎﺧﺬ ﻟﻪ ﺷﺎﻭﺭ ﻟﻴﻪ ﻭﺵ ﺑﻐﻴﺘﻲ؟ ﺍﻡ ﺻﻘﺮ : ﺍﻧﺰﻝ ﺗﺤﺖ ﺍﺑﻴﻚ ﺗﺠﻴﺐ ﻋﺸﺎﺀ ، ﻋﺒﺪﺍﻟﺮﺣﻤﻦ : ﻟﻤﻦ؟ ﻻ ﻳﻜﻮﻥ ﻟﺬﻱ ﺍﻟﻲ ﺟﺖ ﺍﺧﺖ ﺯﻭﺟﺔ ﻣﻼﺫ؟ ﺍﻡ ﺻﻘﺮ : ﺍﻱ ﻫﻲ ﻳﺎﻭﻟﺪﻱ ﻣﺎﺑﻴﻬﺎ ﺗﺮﻭﺡ ﺑﺪﻭﻥ ﻣﺎ ﺗﺎﻛﻞ ، ﻋﺒﺪﺍﻟﺮﺣﻤﻦ : ﺍﻟﺤﻴﻦ ﺍﺧﺬ ﻣﺸﻮﺍﺭ ﻋﺸﺎﻧﻬﺎ! ﻳﻤﻪ ﺑﺰﺭﻩ ﺗﺮﺍﻫﺎ ﺧﻠﻴﻬﺎ ﺗﺒﻠﻊ ﺍﻱ ﺷﻲ ﻣﻦ ﺍﻟﺜﻼﺟﻪ ﻭﺗﻤﺸﻲ ﺍﻭﻝ ﻣﺮﻩ ﺍﺷﻮﻑ ﺿﻴﻔﻪ ﺛﻘﻴﻠﻪ، ﺍﻡ ﺻﻘﺮ ﺑﺼﺪﻣﻪ : ﺩﺣﻮﻡ ﻭﺵ ﻫﺎﻟﻜﻼﻡ! ﻭﻳﻼ ﻗﻢ ، ﻭﻗﻔﻠﺖ ﺍﻟﺨﻂ ﻋﺒﺪﺍﻟﺮﺣﻤﻦ ﺗﻨﻬﺪ ﻭﻫﻮ ﻳﻘﻮﻡ : ﻣﻮ ﻧﺎﻗﺼﻨﻲ ﺍﻻ ﻫﻲ ، ' ﻣﺸﻌﻞ ﺍﻟﺘﻔﺖ ﻟﻨﺠﻼﺀ ﺍﻟﻲ ﻛﺎﻧﺖ ﻣﺎﺳﻜﻪ ﻋﺒﺎﻳﺘﻬﺎ ﻭﻃﺮﺣﺘﻬﺎ ﺗﻄﻴﺮ ﺑﺎﻟﻬﻮﺍﺀ ﻭﻧﺎﻇﺮ ﻓﻴﻬﺎ : ﻓﺴﺨﻲ ﻣﺎﻓﻲ ﺍﺣﺪ ، ﻧﺠﻼﺀ ﻫﺰﺕ ﺭﺍﺳﻬﺎ ﺑﺎﻟﻨﻔﻲ ﻣﺎ ﺍﻧﺘﺒﻬﺖ ﺍﻻ ﻭﻃﺮﺣﺘﻬﺎ ﺗﻄﻴﺮ ﻣﻦ ﻗﻮﺓ ﺍﻟﻬﻮﺍﺀ ﺍﻟﻲ ﻫﺐ ﻭﻃﺮﺣﺘﻬﺎ ﻃﺎﺭﺕ ﻉ ﻭﺟﻪ ﺍﻟﻨﺎﻗﻪ ﺍﻟﻲ ﻭﺭﺍﻫﻢ ، ﻣﺸﻌﻞ ﺑﻀﺤﻜﻪ : ﺍﺭﻛﻀﻴﻴﻲ ﺟﻴﺒﻲ ﻃﺮﺣﺘﻚ ، ﻧﺠﻼﺀ ﺑﺼﺪﻣﻪ : ﻣﺸﻌﻠﻠﻞ ﻃﺮﺣﺘﻴﻴﻴﻲ ﺑﻴﺎﻛﻠﻬﻪ ، ﻣﺸﻌﻞ : ﺣﻤﺎﺭﻩ ﺍﻧﺘﻲ؟ ﻛﻴﻒ ﺑﻴﺎﻛﻞ ﺍﻟﻄﺮﺣﻪ ﺧﻠﻴﻪ ﻳﺘﺪﻓﻰ ، ﻧﺠﻼﺀ ﺑﻘﻬﺮ : ﻳﺎﺭﺑﻴﻲ ﻟﻴﻪ ﺗﺰﻭﺟﺘﺘﺖ ﻣﻨﻚ ﺍﻧﺎﺍﺍ ﻟﻴﻬﻪ !! ﻣﺸﻌﻞ ﺍﻟﺘﻔﺖ : ﻛﻞ ﻫﺎﻟﺼﻴﺎﺡ ﻋﺸﺎﻥ ﻃﺮﺣﻪ؟ ﻧﺠﻼﺀ ﺗﻨﻬﺪﺕ ﻭﻫﻲ ﺗﻮﻗﻒ ﺑﺘﻌﺐ : ﻣﻘﺪﺭ ﺍﻣﺸﻲ ﺧﻼﺹ ﻧﺮﺟﻊ، ﻣﺸﻌﻞ : ﺗﻮﻧﺎ ﺟﺎﻳﻦ ﺍﻟﻠﻴﻠﻪ ﺍﻟﺴﻬﺮﻩ ﻫﻨﺎ ، ﻧﺠﻼﺀ ﺑﺼﺪﻣﻪ : ﺍﻟﺴﻬﺮﻩ ﻭﻫﻨﺎ ﺑﻴﻦ ﺍﻟﻨﻴﺎﻕ؟؟؟ ﻣﺸﻌﻞ : ﺍﻱ ﺭﺍﺡ ﺍﻋﺮﻓﻚ ﻋﻠﻴﻬﻢ ، ﻧﺠﻼﺀ ﺻﺪﺕ ﺑﻘﻬﺮ : ﻳﺎﺭﺑﻴﻲ ﻃﻠﻘﻨﻴﻴﻲ ﺧﻼﺹ ﻣﺎﺑﻲ ﺍﻛﻤﻞ ﻣﻌﻚ ، ﻣﺸﻌﻞ ﺿﺤﻚ ﻭﻫﻮ ﻳﻤﺸﻲ. ﻧﺠﻼﺀ ﺗﻨﻬﺪﺕ ﻭﻫﻲ ﺗﺸﻮﻑ ﻋﺒﺎﻳﺘﻬﺎ ﻣﻔﺘﻮﺣﻪ ﻭﺗﻄﻴﺮ ﻣﻦ ﺍﻟﻬﻮﺍﺀ ﺻﺪﺕ ﻭﺷﻌﺮﻫﺎ ﻳﺘﻄﺎﻳﺮ ، ﻣﺸﻌﻞ ﻣﺸﻰ ﻟﻌﻨﺪﻫﺎ : ﺍﻣﺸﻴﻲ ﻭﺵ ﻋﻨﺪﻙ ﻭﺍﻗﻔﻪ؟ ﻧﺠﻼﺀ : ﺑﺘﺎﺧﺬﻧﻴﻲ ﻋﻨﺪﻫﻢ ﺍﻋﺮﻓﻚ ﺍﺑﻌﺪ ﻋﻨﻲ ﺑﺘﺼﻞ ﻋﻠﻰ ﺑﺎﺑﺎ، ﻣﺸﻌﻞ ﺍﺑﺘﺴﻢ ﺑﺨﻔﻪ : ﺷﺒﻴﻬﺘﻚ ﺍﻻﺭﺑﻌﻪ ﺍﺷﻮﻓﻬﻢ ﻫﻨﺎ ، ﻧﺠﻼﺀ ﻧﺎﻇﺮﺕ ﻟﻨﻈﺮﺍﺗﻪ ﺑﻘﻬﺮ : ﻳﺎﺭﺑﻲ ﺣﺘﻰ ﻣﺎ ﻳﻌﺮﻑ ﻳﺘﻐﺰﻝ ﻭﺍﻧﺎ ﻣﺘﻮﻗﻌﻪ ﻳﻘﺼﺪ ﺍﻟﻘﻤﺮ ﻭﺑﻌﺪﻳﻦ ﻭﻳﻦ ﻗﻤﺮ ﻓﻲ ﺍﻟﺼﺒﺎﺡ ﺣﺘﻨﺎ ﺻﺮﺕ ﻣﺠﻨﻮﻧﻪ ﺯﻳﻪ ﻳﺎﺭﺏ ﺭﺟﻌﻨﻲ ﻟﺒﻴﺘﻲ ﻭﺳﺎﻋﺪﻧﻲ ، ﻣﺸﻌﻞ ﻛﺎﻥ ﻳﻤﺸﻲ ﻭﻫﻮ ﻳﻨﺎﻇﺮ ﻟﻠﻨﻴﺎﻕ ﻧﺠﻼﺀ ﻟﺤﻘﺘﻪ ﺑﺨﻮﻑ، ' ﻣﺎﺭﻟﻴﻨﺎ ﺟﻬﺰﺕ ﻣﻼﺫ ﻭ ﻟﺒﺴﺘﻬﺎ ﺍﻟﻌﺒﺎﻳﻪ ﻭﻧﺰﻟﻮﺍ ﺻﻘﺮ ﻣﺸﻰ ﺭﻛﺐ ﺍﻟﻤﺼﻌﺪ ﻭﻣﺎﺳﻚ ﻳﺪ ﻣﻼﺫ ﻓﺠﺎﻩ ﻓﺘﺢ ﺍﻟﻤﺼﻌﺪ ﻭﺩﺧﻞ ﻋﺒﺪﺍﻟﺮﺣﻤﻦ ﻭﻧﺎﻇﺮ ﻓﻴﻬﻢ ﻭﻫﻮ ﻳﺸﻮﻑ ﺻﻘﺮ ﻭﻛﺘﻢ ﺿﺤﻜﺘﻪ، ﺻﻘﺮ ﺍﺷﺮ ﻟﻪ ﺑﻤﻌﻨﻰ ﻭﻳﻦ ﺭﺍﻳﺢ ، ﻋﺒﺪﺍﻟﺮﺣﻤﻦ ﺗﻨﻬﺪ ﻭﻫﻮ ﻣﺎ ﻳﻘﺪﺭ ﺑﺘﻜﻠﻢ ﻻﻧﻬﺎ ﺑﺘﺴﻤﻌﻪ ، ﻭ ﺍﺷﺮ ﻟﻪ ﻋﻠﻰ ﻭﺟﻬﻪ ﺑﻤﻌﻨﻰ ﺍﺟﻴﺐ ﺍﻛﻞ ﻟـ ﺍﻡ ﻣﻜﻴﺎﺝ ، ﺻﻘﺮ ﻣﺎ ﻓﻬﻢ ﻋﻠﻴﻪ ﻭ ﺻﺪ ﻣﻦ ﻓﺘﺢ ﺍﻟﻤﺼﻌﺪ ﻭﻧﺰﻝ ، ﺗﻮﺟﻪ ﻟﺒﺮﺍ ﻭﻫﻮ ﻳﺸﻮﻑ ﺍﻟﺠﺪ ﺳُﻠﻴﻤﺎﻥ ﻭﺍﻟﺠﺪ ﻋﺒﺪﺍﻟﻌﺰﻳﺰ ﺟﺎﻟﺴﻴﻦ ﻋﻨﺪ ﺍﻟﻔﻨﺪﻕ ﻣﺘﻜﻴﻦ ﻉ ﺳﻴﺎﺭﺗﻬﻢ ﻭﻳﺴﻮﻟﻔﻮﻥ ، ﺍﻟﺠﺪ ﻋﺒﺪﺍﻟﻌﺰﻳﺰ ﻓﺰ ﻭﻫﻮ ﻳﺸﻮﻑ ﻣﻼﺫ ﻣﻊ ﺻﻘﺮ ، ﻭﻣﺸﻰ ﻟﻌﻨﺪﻫﺎ ﻭﻫﻮ ﻳﺤﻀﻨﻬﺎ ﻭﻳﺒﻮﺱ ﺟﺒﻴﻨﻬﺎ : ﻣﻼﺫ ﺑﻨﺘﻲ ﻛﻴﻔﻚ؟ ' ﻣﺸﻌﻞ ﻭﻗﻒ ﻋﻨﺪ ﻧﺎﻗﺘﻪ : ﺷﻮﻓﻲ ﻧﺠﻼﺀ ﻛﻴﻒ ﻧﺎﻳﻤﻪ ، ﻧﺠﻼﺀ ﺍﺳﺘﻐﺮﺑﺖ ﻭﻫﻲ ﺗﻨﺎﻇﺮ ﺑﻨﻔﺴﻬﺎ : ﺍﻧﺎ ﻣﻮ ﻧﺎﻳﻤﻪ؟ ﻣﺸﻌﻞ : ﻣﻮ ﺍﻧﺘﻲ ﻫﺬﻱ ﻧﺎﻗﺘﻲ ﺳﻤﻴﺘﻬﺎ ﻧﺠﻼﺀ ، ﻧﺠﻼﺀ ﺍﻧﺼﺪﻣﺖ ﻭﻫﻲ ﺗﻨﺎﻇﺮﻩ ﺑﻘﺮﻑ : ﻟﻴﻬﻬﻪ ﺗﺨﺮﺏ ﺍﺳﻤﻴﻴﻲ!! ﻣﺸﻌﻞ : ﻭﺷﻮ ﻣﻦ ﺣﺒﻲ ﺳﻤﻴﺘﻬﺎ ﻋﻠﻰ ﺍﺳﻤﻚ ﺗﺮﺍﻩ ﺍﻏﻠﻰ ﻣﻨﻚ ، ﻧﺠﻼﺀ ﺑﻘﻬﺮ : ﻳﺎﺭﺑﻴﻲ ﺍﻟﺤﻴﻦ ﺍﺭﺟﻊ ﺍﻛﻠﻢ ﺟﺪﻱ ﻳﻐﻴﺮ ﺍﺳﻤﻴﻲ ، ﻣﺸﻌﻞ : ﻣﻨﺠﺪﻙ ﺍﻧﺘﻲ؟ ﺷﻮﻓﻲ ﺷﻮﻓﻲ ﻗﺎﻣﺖ ، ﺍﻟﻨﺎﻗﻪ ﺭﻓﻌﺖ ﺭﺍﺳﻬﺎ ﻭﻗﺎﻣﺖ ﻭﻛﺎﻧﺖ ﻃﻮﻳﻠﻪ ، ﻧﺠﻼﺀ ﻓﺰﺕ ﻭﻫﻲ ﺗﺒﻌﺪ ، ﻣﺸﻌﻞ ﺍﺑﺘﺴﻢ ﻭﺍﻟﻨﺎﻗﻪ ﻣﺸﻰ ﺑﻬﺪﻭﺀ ﻟﻌﻨﺪﻫﻢ ، ﻧﺠﻼﺀ ﻓﺰﺕ : ﻳﻤﻬﻪ ﻭﺵ ﻛﺒﺮﻫﺎﺍﺍ ﻳﺎ ﻣﺸﻌﻞ! ﻣﺸﻌﻞ ﻗﺮﺏ ﻭﻫﻮ ﻳﻤﺴﺢ ﻋﻠﻴﻪ ﻭﻣﺪ ﻳﺪﻩ ﻟﻨﺠﻼﺀ : ﺗﻌﺎﻟﻲ، ﻧﺠﻼﺀ ﻫﺰﺕ ﺭﺍﺳﻬﺎ ﺑﺎﻟﻨﻔﻲ ﺑﺨﻮﻑ : ﻣﺸﻌﻠﻞ ﺑﻴﺎﻛﻠﻨﺎ ﻣﻊ ﺑﻌﺾ ﻫﺬﺍ ﻣﻦ ﻛﺒﺮﻩ ﺗﻜﻔﻰ ﺧﻠﻨﺎ ﻧﻤﺸﻲ ﻣﺎﻭﺩﻱ ﺍﻣﻮﺕ ، ﻣﺸﻌﻞ ﻛﺘﻢ ﺿﺤﻜﺘﻪ : ﻳﺎ ﺑﻨﺘﻲ ﻫﺬﺍ ﺍﻧﺘﻲ ﺍﻟﻲ ﺑﺘﺎﻛﻠﻴﻨﻪ ﻣﻮ ﻫﻮ ﺑﻴﺎﻛﻠﻚ ﺗﻌﺎﻟﻲ ﻳﻼ ، ﻧﺠﻼﺀ ﺗﻨﻬﺪﺕ ﻭﻫﻲ ﺗﻬﺰ ﺭﺍﺳﻬﺎ ﺑﺎﻟﻨﻔﻲ ﻗﺎﻣﺖ ﺑﺘﺮﺟﻊ ﻟﻮﺭﺍﺀ ﻓﺰﺕ ﻭﻫﻲ ﺗﺸﻮﻑ ﺍﻟﻨﺎﻗﻪ ﺍﻟﺜﺎﻧﻴﻪ ﻭﺭﺍﻫﺎ ﻭﺻﺮﺧﺖ ﺑﻘﻮﻩ : ﻣﺸﻌﻠﻠﻠﻠﻠﻞ ﺑﻌﺪﻫﻪ ﻋﻨﻴﻴﻲ ﺗﻜﻔﻰ ﻳﺎ ﻣﺸﻌﻞ ، ﻣﺸﻌﻞ ﺿﺤﻚ ﻭﻫﻮ ﻳﺴﺤﺒﻬﺎ ﻟﻪ ﻭﻳﻤﺪ ﻳﺪﻩ ﻟﺨﺼﺮﻫﺎ ، ﻧﺠﻼﺀ ﺗﻤﺴﻜﺖ ﺑﺜﻮﺑﻪ ﻭﻗﺮﺑﺖ ﻣﻨﻪ : ﻣﺸﻌﻠﻞ ﺍﻟﻠﻪ ﻳﺨﻠﻴﻚ ﻧﻤﺸﻲ! ﻣﺸﻌﻞ ﺑﻀﺤﻜﻪ : ﺷﻔﺘﻲ ﻛﻴﻒ ﺟﺒﺘﻚ ﻟﻌﻨﺪﻱ؟ ﻧﺠﻼﺀ ﺑﺪﻣﻮﻉ : ﻣﺸﻌﻞ ﻻﺍﺍ ﺗﺴﻮﻱ ﻓﻴﻨﻴﻲ ﻛﺬﺍﺍﺍ ، ﻣﺸﻌﻞ : ﺗﻌﻮﺩﻱ ﻣﺎ ﺍﺟﻴﺒﻚ ﺍﻻ ﻫﻨﺎ ، ﻧﺠﻼﺀ : ﻭﺍﻟﻠﻪ ﻣﺎﻋﺎﺩ ﺍﻃﻠﻊ ﻣﻌﻚ ﻟﻤﻜﺎﻥ ، ﻧﺎﻇﺮﺕ ﻟﻠﻨﺎﻗﻪ ﺍﻟﻲ ﺑﺘﻘﺮﺏ ﺭﺍﺳﻬﺎ ﻟﻌﺒﺎﻳﺘﻬﺎ ﻓﺰﺕ ﻭﻓﻲ ﺗﻔﺴﺦ ﻋﺒﺎﻳﺘﻬﺎ ﻭﺗﺮﻣﻴﻬﺎ ﻟﻪ ﻭﻫﻤﺴﺖ ﺑﺨﻮﻑ : ﺧﺬ ﻋﺒﺎﻳﺘﻲ ﺗﻜﻔﻰ ﺑﺲ ﻻ ﺗﻘﺮﺏ ﻣﻨﻲ ، ﻣﺸﻌﻞ ﺍﺑﺘﺴﻢ ﻭﻫﻮ ﻳﺸﻮﻑ ﺷﻌﺮﻫﺎ ﺍﻟﻰ ﻣﻦ ﺍﻟﻬﻮﺍﺀ ﺻﺎﺭ ﻉ ﻭﺟﻬﻪ ﺑﻌﺪ ﻭﺟﻬﻪ ﻭﻫﻮ ﻳﻤﺴﻚ ﺷﻌﺮﻫﺎ ، ﻧﺠﻼﺀ ﻛﺎﻧﺖ ﻗﺮﻳﺒﻪ ﻣﻨﻪ ﺑﺨﻮﻑ، ' ﺁﻣﺎﻝ : ﻭﺍﻟﻠﻪ ﺣﺒﻴﺘﻬﺎ ﺳﻤﺮ ﻳﺎﺣﻠﻮﻫﺎ ﻭﻳﺎﺣﻠﻮ ﺟﺴﻮﻡ ، ﺍﻡ ﺻﻘﺮ : ﻟﻮ ﺩﺍﺭﻳﻪ ﺍﻧﻚ ﺑﺘﺠﻴﻨﻲ ﻛﺎﻥ ﻋﺰﻣﺘﻬﺎ ، ﺁﻣﺎﻝ : ﻳﻮﻩ ﺣﺴﺎﻓﻪ ﻭﻋﺎﺩ ﻳﻼ ﺧﺎﻟﺘﻲ ﺑﻤﺸﻲ ﺗﺎﺧﺮﺕ ، ﺍﻡ ﺻﻘﺮ : ﻻ ﻭﺍﻟﻠﻪ ﺣﺸﻰ ﻳﺎ ﺑﻨﺘﻲ ﺍﺟﻠﺴﻲ ﻭﺍﻧﺎ ﺑﻜﻠﻢ ﺍﻣﻚ ﺗﺘﺎﺧﺮﻳﻦ، ﺁﻣﺎﻝ : ﻳﻮﻩ ﺧﺎﻟﺘﻲ ﻭﺍﻟﻠﻪ ﺟﻠﺴﺖ ﻛﺜﻴﺮﺭ ، ﺍﻡ ﺻﻘﺮ : ﺍﺟﻠﺴﻲ ﺑﻌﺪ ﻣﺎﻋﻨﺪﻱ ﺍﺣﺪ ﺍﺳﻮﻟﻒ ﻣﻌﻬﺎ ﺯﻳﻦ ﺟﻴﺘﻲ، ﻣﺎﺭﻟﻴﻨﺎ ﺑﺰﻋﻞ : ﻣﺎﻣﺎ ﺍﻧﺎ ﻣﺎﻓﻲ ﻣﻮﺟﻮﺩ ﻛﻼﻡ ﻣﻊ ﺍﻧﺘﻲ؟ ﺍﻡ ﺻﻘﺮ : ﺍﻱ ﺍﻱ ﺍﻧﺘﻲ ﻣﻮﺟﻮﺩﻩ ﻣﺎ ﻗﻠﺖ ﺷﻲﺀ ، ﻣﺎﺭﻟﻴﻨﺎ : ﻳﺠﻲ ﻧﺎﺱ ﺛﺎﻧﻲ ﺍﻧﺘﻲ ﻏﻴﺮ ﻋﻠﻰ ﺍﻧﺎ ، ﺁﻣﺎﻝ ﺑﻀﺤﻜﻪ : ﻣﻨﺠﺪﻙ ﻳﺎ ﻣﺎﺭﻟﻴﻨﺎ ﺯﻋﻠﺘﻲ؟ ﻣﺎﺭﻟﻴﻨﺎ ﻧﺎﻇﺮﺕ ﻵﻣﺎﻝ : ﻣﺎﻓﻲ ﺯﻋﻞ ﺍﻧﺎ ، ﻭﻧﺎﻇﺮﺕ ﻻﻡ ﺻﻘﺮ ﺍﻟﻲ ﺭﻥ ﺟﻮﺍﻟﻬﺎ ﻭﻣﺸﺖ ﻣﺎﺭﻟﻴﻨﺎ ﻗﺮﺑﺖ : ﻓﻲ ﺳﺮ ﺍﻧﺎ ﻋﻠﻢ ﺍﻧﺘﻲ؟ ﺁﻣﺎﻝ ﺑﺎﺳﺘﻐﺮﺍﺏ : ﺍﻱ ﻋﻠﻤﻲ؟ ﻣﺎﺭﻟﻴﻨﺎ : ﺑﻨﺖ ﺍﻧﺎ ﻓﻲ ﺯﻭﺍﺝ ﻣﻦ ﻭﻟﺪ ﻣﺎﻣﺎ ﺍﺳﻤﻮ ﺳﻮﻟﺘﺎﻥ ، ﺁﻣﺎﻝ ﻓﺰﺕ ﺑﺼﺪﻣﻪ : ﺑﻨﺘﻚ ﻣﺘﺰﻭﺟﻪ ﻣﻦ ﻭﻟﺪﻫﺎ؟ ﻣﺎﺭﻟﻴﻨﺎ : ﺍﻳﻮﺍ ﺍﺳﻤﻮ ﺳﻮﻟﺘﺎﻥ ﺩﺣﻴﻦ ﻭﺭﻱ ﺻﻮﺭﻩ ، ' ﺻﻘﺮ ﻭﻗﻒ ﺳﻴﺎﺭﺗﻪ ﻋﻨﺪ ﺍﻟﺤﺪﻳﻘﻪ ﻭﻧﺰﻝ ﻭﻣﺸﻰ ﻓﺘﺢ ﺍﻟﺒﺎﺏ ﻭﻫﻮ ﻳﻨﺰﻝ ﻣﻼﺫ ﻭﺍﺑﺘﺴﻢ : ﺍﻻﺟﻮﺍﺀ ﺣﻠﻮﻩ ﺯﻳﻚ ، ﻣﻼﺫ ﺍﺑﺘﺴﻤﺖ ﺑﻬﺪﻭﺀ ﻭﻧﺰﻟﺖ ﻣﻌﻪ ﺻﻘﺮ ﻣﺴﻚ ﻳﺪﻫﺎ ﻭﻫﻢ ﻳﺘﻤﺸﻮﻥ ﻭﺍﻟﺘﻔﺖ ﻟﻼﻃﻔﺎﻝ : ﻣﺘﻰ ﻧﺠﻴﺐ ﺍﻃﻔﺎﻟﻨﺎ ﻫﻨﺎ ﻳﻠﻌﺒﻮﻥ؟ ﻣﻼﺫ ﺳﻜﺘﺖ ﺑﻬﺪﻭﺀ ﻭﻫﻲ ﻣﺎﺳﻜﻪ ﻳﺪﻩ ، ' ﻣﺸﻌﻞ : ﺍﻟﻤﺴﻴﻪ ﻃﻴﺐ ﻣﺎﺭﺍﺡ ﻳﺎﻛﻠﻚ ، ﻧﺠﻼﺀ ﺑﻘﺮﻑ : ﻳﻌﻌﻊ ﻣﺎﺭﺍﺡ ﺍﻟﻤﺲ ﻭﺍﻟﻠﻪ ، ﻣﺸﻌﻞ : ﻳﺎ ﺑﻨﺖ ﺍﻟﺤﻼﻝ ﻣﺎ ﺑﻴﺴﻮﻱ ﻟﻚ ﺷﻲﺀ ، ﻧﺠﻼﺀ ﻫﺰﺕ ﺭﺍﺳﻬﺎ ﺑﺎﻟﻨﻔﻲ : ﻣﺸﻌﻠﻞ ﻳﺨﻮﻑ ﻭﺍﻟﻠﻪ ﺷﻒ ﻓﻤﻪ! ﻣﺸﻌﻞ ﺿﺤﻚ ﻭﻫﻮ ﺍﻟﻨﺎﻗﻪ ﺗﻘﻮﻡ ﺗﺮﻓﻊ ﺭﺍﺳﻪ ﻭﺻﺎﺭﻭ ﺗﺤﺘﻪ ، ﻧﺠﻼﺀ ﻓﺰﺕ ﻭﻗﺮﺑﺖ ﻣﻦ ﻣﺸﻌﻞ ، ﻣﺸﻌﻞ ﻛﺎﻥ ﻣﺎﺳﻜﻬﺎ ﻣﻦ ﺧﺼﺮﻫﺎ ﻭﻫﻮ ﻳﻠﻤﺲ ﺍﻟﻨﺎﻗﻪ : ﻭﺍﻟﻠﻪ ﻳﺎ ﻧﺠﻼﺀ ﺍﻧﻚ ﺧﻮﺍﻓﻪ ، ﻧﺠﻼﺀ ﺑﻘﻬﺮ : ﻳﺎﺭﺏ ﺍﺭﺣﻤﻨﻲ ﺗﻮﻗﻌﺖ ﺑﺘﺎﺧﺬﻧﻲ ﻟﻠﻤﻄﻌﻢ ﻧﺘﻌﺸﻰ ﻭﻧﺮﻭﺡ ﻟﻠﺴﻴﻨﻤﺎ ﻧﺘﺎﺑﻊ ﻓﻠﻢ ﺑﺲ ﻳﺎﺭﺑﻲ ﻣﻨﻚ ﻱ ﻣﺸﻌﻠﻠﻞ ، ﻣﺸﻌﻞ : ﺗﺨﺴﻴﻦ ﺍﺧﺬﻙ ﻟﻤﻄﻌﻢ ﻛﻠﻪ ﻋﻴﺎﻝ ، ﻧﺠﻼﺀ ﻧﺎﻇﺮﺕ ﻓﻴﻪ ﺑﻘﻬﺮ ﻣﻦ ﺗﻔﻜﻴﺮﻩ ، ' #انتهى_الفصل♥ #نوقف هنا ونكمل معاكم غدا 📚عـ(القصص)ـالـ(والروآيات)ـم📚 #ملاحظة : يسعدنا مشاركـة الروايـة مع اصدقائكم لكن لا ابيح ولا احلل نقل الروايـة وحـذف رابط القناة 👇👇** https://t.me/joinchat/AAAAAFdO1y-1PZ5SzX0BWg 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع الفصل التالي➥ ⇩⇩ ▇ـ▄▄▄💜▄▄▄ـ▇