انا شاعرك العام والقصيد عيونك1 - الفصل 16 - مكتملة | روايتك

عالم القصص والروايات 📚: ▇ـ▄▄▄💜 ▄▄▄ـ▇ { رواية انا شاعرك العام والقصيد عيونك💞} { الفصل السادس عشر 💜  } ▇ـ▄▄ @ahgeel ▄▄ـ▇ -/ تفاعل قبل لاتقراء ♥ ﺳﻠﻄﺎﻥ : ﺷﻒ ﻋﻤﻲ ﻫﻨﺎ ﻗﺪﺍﻡ ﺑﻌﺪ ﻓﻲ ﻗﺎﻋﻪ ﻧﻤﺸﻲ ﻧﺸﻮﻑ ﻭﻣﺸﻮ ﻭﻫﻢ ﻳﺘﺼﻠﻮﻥ ﻭﻟﻼﺳﻒ ﺍﻏﻠﺒﻬﻢ ﻳﺮﻓﻀﻮﻥ ﺗﻨﻬﺪﻭ ﺑﺘﻌﺐ ﺑﻌﺪ ﻣُﻌﺎﻧﺎﺓ ﻭﺍﺧﻴﺮًﺍ ﻟﻘﻮ ﻗﺎﻋﻪ ﻭﺍﻟﺴﺎﻋﻪ ﺻﺎﺭ ٦ ﻭ ﺍﺫﻥ ﺍﻟﻤﻐﺮﺏ، ﻓﻬﺪ ﺭﻛﺐ ﺍﻟﺴﻴﺎﺭﻩ ﻭﺍﺧﺬ ﺟﻮﺍﻟﻪ ﻭﻫﻮ ﻳﺘﺼﻞ ﻋﻠﻰ ﺯﻭﺟﺘﻪ ﻟﻄﻴﻔﻪ، ﺍﻡ ﻧﺠﻼﺀ ﻛﺎﻧﺖ ﺟﺎﻟﺴﻪ ﻭ ﺁﻣﺎﻝ ﺗﺴﺘﺸﻮﺭ ﺷﻌﺮﻫﺎ ﻓﺠﺎﻩ ﺭﻥ ﺟﻮﺍﻟﻬﺎ ﺍﺧﺬﺗﻪ ﻭ ﺭﺩﺕ : ﻫﻼ ؟ ﻓﻬﺪ : ﺍﺧﺬﻧﺎ ﻗﺎﻋﻪ ﺑﺘﺮﻭﺣﻮﻥ ﻫﻨﺎﻙ ﺍﻟﺤﺮﻳﻢ ﺑﻴﻜﻮﻧﻮ ﻫﻨﺎﻙ ﻭﺍﻟﺮﺟﺎﻝ ﻓﻲ ﺍﻟﻤﺰﺭﻋﻪ ﻻﻧﻪ ﻣﺎﺭﺍﺡ ﺗﻜﻔﻲ ﺯﺣﻤﻪ ﻣﺮﻩ ﻭﺻﻮﺕ ﺍﻻﻏﺎﻧﻲ ﻭﺗﺸﻐﻠﻮﻥ ﻣﺎ ﺑﻨﻔﻊ . ﺍﻡ ﻧﺠﻼﺀ ﺑﺼﺪﻣﻪ : ﻛﻴﻒ ﺭﺍﺡ ﻧﻠﺤﻖ ﺗﻮﻛﻢ ﺗﺘﺬﻛﺮﻭﻥ ﻫﺎﻟﺸﻲ! ﻓﻬﺪ : ﺍﺳﺘﻌﺠﻠﻮﺍ ﻭ ﺍﻥ ﺷﺎﺀ ﺍﻟﻠﻪ ﻳﻤﺪﻱ ﻳﻼ ﺍﻧﺎ ﺟﺎﻱ ، ' ﻋﺒﺪﺍﻟﺮﺣﻤﻦ ﺭﻓﻊ ﻳﺪﻩ ﻭﻫﻮ ﻳﻨﺎﻇﺮ ﻟﺴﺎﻋﺘﻪ : ﺗﺎﺧﺮ ﺍﻟﻮﻗﺖ ، ﺍﻟﺠﺪ ﻋﺒﺪﺍﻟﻌﺰﻳﺰ : ﺍﺩﺧﻠﻮﺍ ﺩﺍﺧﻞ ﻧﺼﻠﻲ ﻭ ﺍﻥ ﺷﺎﺀﺍﻟﻠﻪ ﺧﻴﺮ ، ﺻﻘﺮ ﻛﺎﻥ ﻭﺍﻗﻒ ﺑﺘﻮﺗﺮ ﻭﻛﻠﺸﻮﻱ ﻳﻨﺎﻇﺮ ﻟﺴﺎﻋﺘﻪ ﻭﺷﻤﺎﻏﻪ ﺑﻴﺪﻩ ﻭﺍﻟﺘﻔﺖ ﻟﻌﺒﺪﺍﻟﺮﺣﻤﻦ : ﻣﺎﻛﺎﻥ ﻧﺎﻗﺺ ﺍﻻ ﻫﺎﻟﺸﻲﺀ ﻛﻨﺖ ﻣﺘﺎﻛﺪ ﺭﺍﺡ ﻳﺼﻴﺮ ﺷﻲ ﻭﻳﺨﺮﺏ ﻓﺮﺣﺘﻲ ﻛﻠﻪ ، ﻋﺒﺪﺍﻟﺮﺣﻤﻦ : ﺍﺳﺘﻬﺪﻱ ﺑﺎﻟﻠﻪ ﻣﺎ ﺑﻴﺼﻴﺮ ﺷﻲ ﺍﻥ ﺷﺎﺀ ﺍﻟﻠﻪ ، ﺑﻬﺎﻟﻠﺤﻈﻪ ﻭﻗﻒ ﺳﻴﺎﺭﺓ ﻣﺸﻌﻞ ﻭﻧﺰﻝ ﻭﻣﺸﻰ ﻭﻫﻮ ﻳﺴﻠﻢ ﻋﻠﻴﻬﻢ، ' ﺁﻣﺎﻝ ﺑﺼﺪﻣﻪ : ﻗﺎﻋﻪ ﻭﺍﻟﺤﻴﻨﻨﻦ !!! ﺍﻡ ﻧﺠﻼﺀ : ﻟﻼﺳﻒ ﺍﻱ ﺗﻮﻩ ﺍﺑﻮﻙِ ﻛﻠﻤﻨﻲ ﻭﺑﻨﺮﻭﺡ ، ﻧﺠﻼﺀ ﻓﺰﺕ ﻭﻭﻗﻔﺖ : ﻳﻤﻪ ﺍﺑﻮﻱ ﻳﺴﺘﻬﺒﻞ ﻭﻻ ﻭﺵ ﻣﺎﻳﻤﺪﻱ! ﺍﻡ ﺻﻘﺮ : ﻭﺍﻧﺎ ﺗﻮﻩ ﻛﻠﻤﻮﻧﻲ ﻋﻴﺎﻟﻲ ، ﺍﻡ ﻧﺠﻼﺀ : ﻳﻼ ﻳﻼ ﺗﺤﺮﻛﻮﺍ ﺗﺠﻬﺰﻭ ﺷﻴﻠﻮﺍ ﺍﻏﺮﺍﺿﻜﻢ ﺑﻨﻤﺸﻲ ﻗﺒﻞ ﻳﻮﺻﻠﻮﻥ ﺍﻟﺮﺟﺎﺟﻴﻞ ﻭﺗﺼﻴﺮ ﺯﺣﻤﻪ ، ﺁﻣﺎﻝ ﻣﺸﺖ ﺑﻘﻬﺮ ﺗﺠﻤﻊ ﺍﻏﺮﺍﺿﻬﺎ ﻧﺠﻼﺀ ﻟﺤﻘﺘﻬﺎ ، ﻣﻼﺫ ﻛﺎﻧﺖ ﺟﺎﻟﺴﻪ ﻭﺷﻌﺮﻫﺎ ﻭﻳﻔﻲ ﻭﻣﻜﻴﺎﺟﻬﺎ ﺧﻔﻴﻒ ﻭﻣﺘﻮﺗﺮﻩ ﻭﺟﺎﻟﺴﻪ ﺑﺨﻮﻑ ﺑﻌﻴﺪ ﻋﻦ ﺍﻟﻜﻞ ﻭﺳﺮﺣﺎﻧﻪ ، ' ﺍﻟﻌﻴﺎﻝ ﻭﺍﻟﺠﺪﺍﺩ ﻭﺍﻟﺸﻴﺎﺏ ﻛﻠﻬﻢ ﺩﺧﻠﻮﺍ ﺍﻟﻤﺰﺭﻋﻪ ﻭ ﺗﻮﺟﻬﻮ ﻳﺘﻮﺿﻮﻥ ﻭﺧﻠﺼﻮﺍ ﻭﺻﻠﻮ ﺟﻤﺎﻋﻲ ﻛﻠﻬﻢ ﺑﻌﺪ ﺩﻗﺎﻳﻖ ﺧﻠﺼﻮﺍ ، ﻗﺎﻡ ﻓﻬﺪ ﻣﺸﻰ ﻭﻫﻮ ﻳﺸﻮﻑ ﺍﻟﺸﻐﺎﻻﺕ ﻳﺤﻄﻮﻥ ﺍﻏﺮﺍﺽ ﺍﻟﺒﻨﺎﺕ ﻓﻲ ﺍﻟﺴﻴﺎﺭﻩ ﻭﺍﻟﺘﻔﺖ ﻟﻤﺸﻌﻞ : ﻳﺎﻭﻟﺪﻱ ﺧﺬﻫﻢ ﺍﻧﺖ ﻭﺍﻟﺴﻮﺍﻕ ﺑﻴﺎﺧﺬ ﺍﻟﺴﻴﺎﺭﻩ ﺍﻟﺜﺎﻧﻴﻪ ﺍﻟﻲ ﻓﻴﻪ ﺍﻻﺭﺽ ﺍﻧﺎ ﻣﻮ ﻓﺎﺿﻲ ﺍﺭﻭﺡ ﺍﻏﻴﺮ ﺛﻮﺑﻲ ﻭﺍﺷﻮﻑ ﺍﻟﻮﺿﻊ ، ﻣﺸﻌﻞ ﺑﻬﺪﻭﺀ : ﺍﺑﺸﺮ ﻋﻤﻲ ، ﻭﻣﺸﻰ ﺭﻛﺐ ﺍﻟﺴﻴﺎﺭﻩ ﺑﻬﺎﻟﻠﺤﻈﻪ ﺁﻣﺎﻝ ﻭﻣﻼﺫ ﻭﻧﺠﻼﺀ ﺭﻛﺒﻮﺍ ، ﻭﻋﺒﺪﺍﻟﺮﺣﻤﻦ ﻣﺸﻰ ﻳﺎﺧﺬ ﺍﻣﻪ ، ﻣﺸﻌﻞ ﻛﺎﻥ ﻣﻨﺰﻝ ﺭﺍﺳﻪ ﺑﻬﺪﻭﺀ ﻭﻻﺑﺲ ﺍﻟﺸﻤﺎﻍ ، ﻧﺠﻼﺀ ﺭﻛﺒﺖ ﻭ ﺭﻓﻌﺖ ﺭﺍﺳﻬﺎ ﻭﻫﻲ ﺗﺸﻮﻓﻪ ﺳﺎﻛﺖ ﻭﺳﺮﺣﺎﻥ، ﺍﻡ ﻧﺠﻼﺀ ﺭﻛﺒﺖ ﻭﻫﻤﺴﺖ : ﺍﻟﺴﻼﻡ ﻋﻠﻴﻜﻢ ﻛﻴﻔﻚ ﻳﺎﻭﻟﺪﻱ؟ ﻣﺸﻌﻞ ﺑﻬﺪﻭﺀ : ﻭﻋﻠﻴﻜﻢ ﺍﻟﺴﻼﻡ ﺍﻟﺤﻤﺪﻟﻠﻪ ﺑﺨﻴﺮ ﻳﺎ ﺧﺎﻟﺘﻲ ، ﺍﻡ ﻧﺠﻼﺀ : ﻭﻳﻨﻬﻢ ﺍﻣﻚ ﻭﺧﻮﺍﺗﻚ؟ ﻣﺸﻌﻞ : ﺭﺍﺣﻮﺍ ﺍﻟﺼﺎﻟﻮﻥ ﺑﻴﺨﻠﺼﻮﻥ ﻭﻳﺠﻮﻥ ﺍﻥ ﺷﺎﺀ ﺍﻟﻠﻪ ، ﺁﻣﺎﻝ ﻧﺎﻇﺮﺕ ﻟﻨﺠﻼﺀ : ﻛﺎﻧﻪ ﻣﺘﻐﻴﺮ ﻣﺸﻌﻞ؟ ﻧﺠﻼﺀ ﺻﺪﺕ ﻭﻫﻲ ﺗﻨﺎﻇﺮ ﻣﻦ ﺍﻟﺸﺒﺎﻙ : ﻣﺪﺭﻱ ﻋﻨﻪ ، ﺁﻣﺎﻝ : ﺍﺣﺴﻪ ﺯﻋﻼﻧﻪ ﺍﻭ ﻓﻴﻪ ﺷﻲ ﻣﻮ؟ ﻧﺠﻼﺀ : ﻻﻋﺎﺩ ﺗﺤﺴﻴﻦ ﺗﻜﻔﻴﻦ ﻭﺣﺘﻰ ﻟﻮ ﺍﺣﺴﺎﺳﻚ ﺻﺢ ﻣﺎﻳﻬﻢ ، ' ' ﻋﺒﺪﺍﻟﺮﺣﻤﻦ ﺍﻟﺒﺸﺖ ﻛﺎﻥ ﺑﺤﻀﻨﻪ ﻭ ﻣﺪﻩ ﻻﻣﻪ : ﻳﻤﻪ ﻫﺬﺍ ﺑﺸﺖ ﺻﻘﺮ ﺧﻠﻴﻪ ﻋﻨﺪﻙ ﻗﺎﻝ ﺑﻴﻠﺒﺴﻪ ﻟﻤﺎ ﻳﺠﻲ ﻳﺸﻮﻑ ﺍﻟﻌﺮﻭﺳﻪ ، ﺍﻡ ﺻﻘﺮ ﺍﺑﺘﺴﻤﺖ : ﺍﺷﻮﻑ ﺍﺧﻮﻙ ﻣﺒﺴﻮﻁ ﺍﻟﻠﻪ ﻳﺪﻳﻤﻪ ﻣﻦ ﻓﺮﺡ، ﻋﺒﺪﺍﻟﺮﺣﻤﻦ : ﺍﻱ ﻭﺍﻟﻠﻪ ﺍﻟﺪﻧﻴﺎ ﻣﻮ ﺳﺎﻳﻌﺘﻪ ، ﺍﻡ ﺻﻘﺮ : ﻭﺍﻟﺒﻨﺎﺕ ﺗﻀﺎﻳﻘﻮ ﺑﺴﺒﺐ ﺳﺎﻟﻔﺔ ﺍﻟﻘﺎﻋﻪ ، ﻋﺒﺪﺍﻟﺮﺣﻤﻦ : ﻳﻌﻨﻲ ﻭﺵ ﻳﺒﻮﻥ ﻳﻨﺸﺒﻮﻥ ﻓﻲ ﺍﻟﻤﺰﺭﻋﻪ! ﺍﻡ ﺻﻘﺮ : ﻻ ﺑﺲ ﺗﺠﻬﺰﻭ ﻛﻞ ﺷﻲﺀ ﻫﻨﺎﻙ ﻭﻓﺠﺎﻩ ﺍﻧﺘﻢ ﻏﻴﺮﺗﻮ ﻗﺮﺍﺭﻛﻢ. ﻋﺒﺪﺍﻟﺮﺣﻤﻦ : ﻭﺍﻟﻠﻪ ﺍﻟﻜﻞ ﺗﻮﻫﻢ ﻳﺴﺘﻮﻋﺒﻮﻥ ، ﻭﻭﻗﻒ ﺳﻴﺎﺭﺗﻪ ، ﺍﻡ ﻋﺒﺪﺍﻟﺮﺣﻤﻦ : ﻭﺻﻠﻨﺎ ﺳﺮﻳﻊ ﻣﺎ ﺷﺎﺀ ﺍﻟﻠﻪ ﻣﺮﻩ ﻗﺮﻳﺐ ، ﻋﺒﺪﺍﻟﺮﺣﻤﻦ : ﺍﻱ ﺍﻏﻠﺐ ﺍﻟﻘﺎﻋﺎﺕ ﻫﻨﺎ ﻗﺮﻳﺐ ﻣﻦ ﺍﻟﻤﺰﺭﻋﻪ ، ' ﺻﻘﺮ ﻭﻗﻒ ﻭﻓﺘﺢ ﺑﺎﺏ ﺳﻴﺎﺭﺗﻪ ﻭﻫﻮ ﻳﻠﺒﺲ ﺍﻟﺒﺸﺖ ، ﺳﻠﻄﺎﻥ ﻣﺸﻰ ﻭﻧﺎﻇﺮ ﻓﻴﻪ : ﻭﻳﻨﻪ ﻋﺒﺪﺍﻟﺮﺣﻤﻦ ؟ ﺻﻘﺮ : ﺭﺍﺡ ﻳﺎﺧﺬ ﺍﻣﻲ ﻟﻠﻘﺎﻋﻪ ﻭﻣﺪ ﺑﺸﺘﻪ ﺍﻟﺜﺎﻧﻲ ﻻﺑﻮﻩ ، ﻳﻮﺳﻒ : ﻭﺍﻟﻠﻪ ﻧﺴﻴﺖ ﺣﻘﻲ ﻓﻲ ﺍﻟﺒﻴﺖ ، ﺳﻠﻄﺎﻥ : ﻭﻫﺬﺍ ﺑﺸﺖ ﻣﻦ ﺍﺟﻞ؟ ﺻﻘﺮ ﺍﺑﺘﺴﻢ : ﺣﻘﻲ ﻗﻠﺖ ﺑﻠﺒﺴﻪ ﻭﻗﺖ ﺍﺷﻮﻑ ﻋﺮﻭﺳﺘﻲ ، ﺳﻠﻄﺎﻥ : ﻣﺎ ﺷﺎﺀ ﺍﻟﻠﻪ ﺗﺤﺴﺒﻪ ﻓﺴﺘﺎﻥ ﺗﻐﻴﺮ ﻭﺗﺮﻭﺡ ﻟﻬﺎ ، ﻋﺒﺪﺍﻟﺮﺣﻤﻦ ﻭﻗﻒ ﺳﻴﺎﺭﺗﻪ ﻭﻧﺰﻝ ﻭﻣﺸﻰ ﻟﻌﻨﺪﻫﻢ ، ﻳﻮﺳﻒ ﻟﺒﺲ ﺍﻟﺒﺸﺖ ﻭ ﺩﺧﻞ ﺍﻟﻤﺰﺭﻋﻪ ﻭﺍﻟﻌﻴﺎﻝ ﻛﺎﻧﻮ ﺑﺮﺍ ﻋﻨﺪ ﺍﻟﺴﻴﺎﺭﻩ ﻭﺑﺪﺍ ﻳﻈﻠﻢ ﺍﻟﺪﻧﻴﺎ ﻭﺷﻐﻠﻮﺍ ﺍﻟﻠﻤﺒﺎﺕ ﻭﻛﻞ ﺍﻻﻧﻮﺍﺭ ، ﻋﺒﺪﺍﻟﺮﺣﻤﻦ ﻣﺸﻰ ﻋﻨﺪ ﺻﻘﺮ : ﻭﻳﻨﻪ ﺍﻟﺒﺸﺖ ﺣﻘﻲ؟ ﺻﻘﺮ ﺭﻓﻊ ﻛﺘﻮﻓﻪ : ﻣﻮ ﻣﻌﻲ ﻛﺎﻥ ﺑﺴﻴﺎﺭﺗﻲ ﻟﻤﺎ ﺍﺧﺬﺕ ﺍﻣﻲ، ﻋﺒﺪﺍﻟﺮﺣﻤﻦ ﻋﻘﺪ ﺣﻮﺍﺟﺒﻪ : ﻣﻮ ﻛﺎﻥ ﺣﻘﻚ؟؟ ﺻﻘﺮ ﻫﺰ ﺭﺍﺳﻪ ﺑﺎﻟﻨﻔﻲ : ﻻ ﺣﻘﻲ ﻣﻊ ﺍﺑﻮﻱ ﺣﻘﻚ ﺣﻄﻴﺘﻪ ﺑﺴﻴﺎﺭﺗﻲ ﻭﻋﻠﻤﺘﻚ ﺑﻌﺪ ﺷﻔﻴﻚ؟ ﻋﺒﺪﺍﻟﺮﺣﻤﻦ ﺑﻘﻬﺮ : ﻳﺎﺧﺬ ﻋﻤﺮﻙ ﻳﺎ ﺻﻘﺮ ﺍﻧﺎ ﻋﻄﻴﺘﻪ ﻻﻣﻲ ﺗﺨﻠﻴﻪ ﻋﻨﺪﻫﺎ ﻟﻤﺎ ﺗﺮﻭﺡ ﺗﺸﻮﻑ ﺍﻟﻌﺮﻭﺳﻪ ﺗﻠﺒﺴﻪ ﻫﻨﺎﻙ ، ﺻﻘﺮ ﺑﻀﺤﻜﻪ : ﺣﻤﺎﺭ ﺍﻧﺖ! ' ﺍﻡ ﺻﻘﺮ ﺩﺧﻠﺖ ﺍﻟﻘﺎﻋﻪ ﺍﺑﺘﺴﻤﺖ ﻭﻫﻲ ﺗﺸﻮﻑ ﺟﻤﺎﻝ ﺍﻟﻘﺎﻋﻪ ﻭﻣﺸﺖ ﻟﻠﻐﺮﻓﻪ ﻋﻨﺪ ﺍﻟﺒﻨﺎﺕ ﻭﺣﻄﺖ ﺍﻏﺮﺍﺿﻬﺎ ﻭﻣﻦ ﺿﻤﻨﻬﻢ ﺑﺸﺖ ﻋﺒﺪﺍﻟﺮﺣﻤﻦ ﺣﻄﺘﻪ ﻭﻃﻠﻌﺖ ﺗﺘﺠﻬﺰ ﻋﻨﺪ ﺍﻟﻤﺮﺍﻳﺎ ، ﺁﻣﺎﻝ ﻛﺎﻧﺖ ﻭﺍﻗﻔﻪ ﺗﻨﺎﻇﺮ ﻟﻠﻘﺎﻋﻪ ﻭﻫﻤﺴﺖ : ﻳﺠﻨﻨﻦ ، ﻧﺠﻼﺀ : ﻣﻨﺠﺪ ﺣﺒﻴﺘﻪ ﺍﻟﺤﻤﺪﻟﻠﻪ ﻏﻴﺮﺭ ﻗﺮﺍﺭﻫﻢ ، ﺁﻣﺎﻝ : ﺍﻣﺸﻲ ﺗﻌﺎﻟﻲ ﻋﺪﻟﻲ ﻟﻲ ﺷﻌﺮﻱ ﺍﺣﺲ ﺍﻧﻔﻚ ﺍﻟﻮﻳﻔﻲ ، ﻧﺠﻼﺀ ﻟﺤﻘﺘﻬﺎ ﻭ ﺩﺧﻠﻮﺍ ﺍﻟﻐﺮﻓﻪ ﻭﻣﺸﺖ ﻭﻗﻔﺖ ﻭﻧﺠﻼﺀ ﺗﻌﺪﻝ ﻟﻬﺎ، ' ﻋﺒﺪﺍﻟﺮﺣﻤﻦ ﺑﻘﻬﺮ : ﺍﻟﺤﻤﺎﺭ ﺻﻘﺮ ﺍﻟﻲ ﻗﺎﻳﻞ ﻟﻲ ﺍﺭﺳﻞ ﺷﻤﺎﻏﻲ ﻣﻊ ﺍﻣﻲ ﺗﺤﻄﻪ ﻋﻨﺪﻩ ﻭﻻ ﻋﻤﺮ ﺑﻴﺎﺧﺬﻩ ، ﺳﻠﻄﺎﻥ : ﻭﺍﻟﻠﻪ ﺍﻟﺤﻤﺎﺭ ﺍﻧﺖ ﻳﺎ ﻋﺒﺪﺍﻟﺮﺣﻤﻦ ﻛﺎﻥ ﺗﺎﻛﺪﺕ ﻣﻨﻪ، ﻋﺒﺪﺍﻟﺮﺣﻤﻦ : ﻭﺍﻟﻠﻪ ﻣﺎﻋﺎﺩ ﻟﻲ ﺣﻴﻞ ﺍﺭﺟﻊ ﻭﻣﻦ ﺍﻟﺤﻴﻦ ﺍﺑﻮﻱ ﻣﺎﺳﻜﻨﻲ ﺍﺳﺘﻘﺒﻞ ﺍﻟﻀﻴﻮﻑ ، ﺳﻠﻄﺎﻥ : ﻭﺍﻧﺎ ﻗﺎﻳﻠﻴﻦ ﻟﻲ ﺍﻧﺘﺒﻪ ﻟﻠﻘﻬﻮﺟﻴﻦ ﺍﺭﺳﻞ ﻋﻤﺮ ، ﻋﺒﺪﺍﻟﺮﺣﻤﻦ : ﻋﻤﺮ ﺣﺎﻃﻴﻨﻪ ﻋﻨﺪ ﺍﻟﺒﺎﺏ ﻳﻘﻮﻝ ﻟﻬﻢ ﻋﻦ ﺍﻟﻘﺎﻋﻪ، ﺳﻠﻄﺎﻥ : ﺍﺟﻞ ﺻﻘﺮ ﻭﻻ ﻣﺸﻌﻞ ﺷﻒ ﻭﺍﺣﺪ ﻣﻨﻬﻢ ، ﻋﺒﺪﺍﻟﺮﺣﻤﻦ : ﺣﻤﺎﺭ ﺍﻧﺖ! ﻋﺮﺳﻬﻢ ﻛﻴﻒ ﻳﺮﻭﺣﻮﻥ ﻻﺯﻡ ﻳﻜﻮﻧﻮ ﻣﺘﻮﺍﺟﺪﻳﻦ ﺷﻒ ﻣﻦ ﺍﻻﻥ ﺑﺪﺍﻭ ﻳﺠﻮﻥ ، ' ﺁﻣﺎﻝ ﻣﺸﺖ ﻭﻫﻲ ﺗﺪﻭﺭ ﺷﻨﻄﺘﻬﺎ ﺗﺎﺧﺬ ﺭﻭﺝ ﺗﻀﺒﻂ ﻣﻜﻴﺎﺟﻬﺎ ﺍﺳﺘﻐﺮﺑﺖ ﻭﻫﻲ ﺗﺸﻮﻑ ﺍﻟﺒﺸﺖ ﺑﻴﻦ ﺍﻻﻏﺮﺍﺽ ﺍﺧﺬﺗﻪ ﻭﺍﻟﺘﻔﺘﺖ ﻟﻨﺠﻼﺀ : ﺑﺸﺖ ﺍﺑﻮﻱ ﻭﺵ ﺟﺎﺑﻪ ﻫﻨﺎ! ﻧﺠﻼﺀ ﺑﺎﺳﺘﻐﺮﺍﺏ : ﻭﺍﻟﻠﻪ ﺷﻜﻠﻬﺎ ﻣﺎﻣﺎ ﻣﻦ ﺍﻟﺤﻤﺎﺱ ﻣﺎ ﺍﻧﺘﺒﻬﺖ ﺁﻣﺎﻝ : ﻭﺍﻟﻠﻪ ﺍﻟﺤﻴﻦ ﻳﻌﺼﺐ ﻋﻠﻴﻨﺎ ﺧﻠﻴﻨﻲ ﺍﺳﺎﻟﻪ ﻳﻤﻜﻦ ﻟﺒﺲ ﺣﻘﻪ ﺍﻟﻘﺪﻳﻢ ﻣﺸﺖ ﺍﺧﺬﺕ ﺟﻮﺍﻟﻬﺎ ﻭ ﺩﺧﻠﺖ ﺍﻟﻮﺍﺗﺲ ﻭﻫﻲ ﺗﺮﺳﻞ ﻻﺑﻮﻫﺎ : ﻳﺒﻪ ﻟﺒﺴﺖ ﺑﺸﺖ؟ ﻓﻬﺪ ﻛﺎﻥ ﻣﺸﻐﻮﻝ ﻭﺷﺎﻑ ﺭﺳﺎﻟﺘﻬﺎ ﻭ ﺭﺩ ﺑـ ﺍﻱ ﻭﻗﻔﻞ ﺟﻮﺍﻟﻪ ﻭﺣﻄﻪ ﺑﺠﻴﺒﻪ ، ﺁﻣﺎﻝ : ﻳﻘﻮﻝ ﺍﻱ ﻟﺒﺲ ﺍﺗﻮﻗﻊ ﻟﺒﺲ ﺣﻘﻪ ﺍﻟﻘﺪﻳﻢ ، ﻭﻣﺸﺖ ﻋﻨﺪ ﻧﺠﻼﺀ ﻭﻫﻲ ﺗﻀﺤﻚ : ﺗﻌﺎﻟﻲ ﺍﺩﺭﺑﻚ ﻛﻴﻒ ﻣﺸﻌﻞ ﻳﻠﺒﺴﻚ ﺑﺸﺘﻪ، ﻧﺠﻼﺀ : ﺍﻗﻮﻝ ﻭﺧﺮﻱ ﺭﻭﺣﻲ ﻋﻠﻤﻲ ﻣﻼﺫ ، ﺁﻣﺎﻝ ﻣﺸﺖ ﻗﻔﻠﺖ ﺍﻟﺒﺎﺏ : ﻻ ﺗﺠﻲ ﻣﺎﻣﺎ ﺗﺬﺑﺤﻨﻲ ، ﻭﻣﺸﺖ ﻟﺒﺴﺖ ﺍﻟﺒﺸﺖ ﻭﻭﻗﻔﺖ : ﺍﻋﺘﺒﺮﻳﻨﻲ ﻣﺸﻌﻞ ﻗﻮﻣﻲ ﻳﻼ ، ﻧﺠﻼﺀ : ﻳﺎﺍﺍﺑﻨﺘﺘﺖ ﺭﻳﺤﺔ ﺍﻟﺒﺸﺖ ﻋﻄﺮ ﺭﺟﺎﻟﻲ ﺍﻟﺤﻴﻦ ﻳﻄﺒﻊ ﺍﻟﺮﻳﺤﻪ ﻋﻠﻰ ﻓﺴﺘﺎﻧﻚ ﻛﻠﻬﻢ ﺑﻴﺤﺴﺒﻮﻥ ﺍﻧﻚ ﺣﻀﻨﺘﻲ ﺭﺟﺎﻝ ، ﺁﻣﺎﻝ ﻓﺰﺕ ﻭﻣﺸﺖ ﺳﺤﺒﺖ ﻋﻄﺮﻫﺎ ﻭﻫﻲ ﺗﺮﺵ ﻣﻨﻪ ، ' ﻓﻬﺪ ﻧﺎﻇﺮ ﻟﻌﻤﺮ : ﺍﻱ ﺧﻠﻚ ﻫﻨﺎ ﺍﻱ ﺍﺣﺪ ﻳﺠﻲ ﺍﻭﺻﻒ ﻟﻪ ﻋﻨﻮﺍﻥ ﺍﻟﻘﺎﻋﻪ ﻗﺎﻋﺔ ﺍﻟﺤﺮﻳﻢ ﻳﺮﻭﺣﻮﻥ ﻫﻨﺎﻙ ، ﻋﺒﺪﺍﻟﺮﺣﻤﻦ ﻛﺎﻥ ﻭﺍﻗﻒ ﻭﺑﻬﺎﻟﻠﺤﻈﻪ ﻭﺻﻠﻮﺍ ﺍﻟﻔﺮﻗﻪ ﻭﻫﻢ ﻳﻄﺒﻠﻮﻥ ﻭﻳﻐﻨﻮﻥ ﻭﻳﺪﺧﻠﻮﻥ ﻟﻠﻤﺰﺭﻋﻪ ﻭ ﺯﺣﻤﺔ ﺳﻴﺎﺭﺍﺕ ﺑﺮﺍ ﻭﺑﺪﺍﻭ ﺍﻟﻤﻌﺎﺯﻳﻢ ﻳﻮﺻﻠﻮﻥ ، ﻭﻣﺸﻌﻞ ﻭﺻﻘﺮ ﻛﺎﻧﻮﺍ ﻭﺍﻗﻔﻴﻦ ﻳﺴﻠﻤﻮﻥ ، ﻭﺍﻟﻘﻬﻮﺟﻴﻦ ﻳﺼﺒﻮﻥ. ﺍﻟﻘﻬﻮﺓ ﻟﻠﻀﻴﻮﻑ ، ﻭﺍﻟﺠﺪ ﻋﺒﺪﺍﻟﻌﺰﻳﺰ ﻭﺍﻟﺠﺪ ﺳُﻠﻴﻤﺎﻥ ﻛﺎﻧﻮ ﻳﺴﺘﻘﺒﻠﻮﻥ ﺍﻟﻀﻴﻮﻑ، ﺳﻠﻄﺎﻥ ﻣﺸﻰ ﻋﻨﺪ ﺻﻘﺮ : ﺍﻋﺬﺭﻧﻲ ﺍﻧﺎ ﺑﻤﺸﻲ ﻭﺍﻟﻠﻪ ، ﺻﻘﺮ ﺗﻨﻬﺪ ﻭﻣﺴﻜﻪ ﻣﻦ ﻛﺘﻔﻪ : ﻃﻠﺒﺘﻚ ﺍﻟﻠﻴﻠﻪ ﺗﺒﻘﻰ ﺟﻨﺒﻲ! ﺳﻠﻄﺎﻥ : ﻗﺴﻢ ﺑﺎﻟﻠﻪ ﻳﺎ ﺻﻘﺮ ﺍﻧﻲ ﻭﺩﻱ ﺍﺑﻘﻰ ﺟﻨﺒﻚ ﺑﺲ ﻭﺍﻟﻠﻪ ﻭﺭﺍ ﺟﻠﺴﺔ ﻗﻀﻴﻪ ﻭﺍﺧﺎﻑ ﻣﺎ ﺍﻟﺤﻖ ! ﻋﺒﺪﺍﻟﺮﺣﻤﻦ ﺍﺳﺘﻐﺮﺏ ﻭﻫﻮ ﻳﺸﻮﻑ ﻣﻼﻣﺢ ﺻﻘﺮ ﺍﻟﻲ ﺗﻐﻴﺮ ﻭﻣﺸﻰ ﻟﻌﻨﺪﻫﻢ : ﺷﺼﺎﻳﺮ ؟ ﺻﻘﺮ ﺻﺪ : ﻣﻮ ﺻﺎﻳﺮ ﺷﻲ ﻳﻼ ﺳﻼﻡ ﺭﻭﺡ ، ﺳﻠﻄﺎﻥ ﺍﻟﺘﻔﺖ ﻟﻌﺒﺪﺍﻟﺮﺣﻤﻦ : ﺗﻜﻔﻰ ﻓﻬﻤﻪ ﻭﺍﻟﻠﻪ ﻣﺎﻋﻨﺪﻱ ﻭﻗﺖ ﺍﺑﻲ ﺍﺭﺟﻊ ﺍﻟﻘﺼﻴﻢ ﻭﺍﺭﺗﺎﺡ ﺷﻮﻱ ﻭﺍﻟﺼﺒﺎﺡ ﻭﺭﺍ ﺟﻠﺴﻪ ، ﻋﺒﺪﺍﻟﺮﺣﻤﻦ ﺑﻬﺪﻭﺀ : ﻓﺎﻫﻤﻚ ﺍﻧﺎ ﺭﻭﺡ ﻣﻮ ﻣﺸﻜﻠﻪ ، ﺳﻠﻄﺎﻥ ﺍﺑﺘﺴﻢ ﻭﻗﺎﻡ ﺑﻴﻤﺸﻲ ﻟﻜﻦ ﻭﻗﻔﻪ ﻋﺒﺪﺍﻟﺮﺣﻤﻦ ، ﻭﻫﻤﺲ : ﻗﺒﻠﻪ ﺗﻜﻔﻰ ﺭﻭﺡ ﻻﻣﻲ ﺟﻴﺐ ﺍﻟﺒﺸﺖ ﻳﺎ ﺭﺟﺎﻝ ﻻﺯﻡ ﺍﻟﺒﺲ ﻋﺸﺎﻥ ﻳﻌﺮﻓﻮﻥ ﺍﻧﻲ ﺍﺧﻮ ﺍﻟﻌﺮﻳﺲ ﺍﻟﻜﺒﻴﺮ ، ﺳﻠﻄﺎﻥ ﺿﺤﻚ ﻭﻫﻤﺲ : ﺍﺑﺸﺮ ، ' ﺁﻣﺎﻝ ﺳﻤﻌﺖ ﺻﻮﺕ ﺍﻟﺒﺎﺏ ﻓﺴﺨﺖ ﺍﻟﺒﺸﺖ ﻭ ﺭﻣﺘﻪ ﺑﻴﻦ ﺍﻻﻏﺮﺍﺽ ﻭﻋﺪﻟﺖ ﺷﻌﺮﻫﺎ ﻭﻃﻠﻌﺖ ﻭﻫﻲ ﺗﺸﻮﻑ ﺍﻟﻤﻌﺎﺯﻳﻢ ﺑﺪﺍﻭ ﻳﻮﺻﻠﻮﻥ ﻭﺍﻟﺸﻐﺎﻻﺕ ﻳﺒﺨﺮﻭﻥ ﺍﻟﻘﺎﻋﻪ ﻭ ﺍﻣﻬﺎ ﻭ ﺍﻡ ﺻﻘﺮ ﻳﺴﺘﻘﺒﻠﻮﻥ ﺍﻟﺤﺮﻳﻢ ﻣﺸﺖ ﺗﺸﺒﻚ ﺍﻟﺒﻠﺘﻮﺙ ﻭﺗﺸﻐﻞ ﺍﻻﻏﻨﻴﻪ ، ﺑﻬﺎﻟﻠﺤﻈﻪ ﺩﺧﻠﺖ ﺍﻡ ﻣﺸﻌﻞ ﻭ ﺭﻳﻤﺎ ﻣﻌﻬﺎ ، ﺍﻡ ﺻﻘﺮ ﺍﺑﺘﺴﻤﺖ ﻭﺳﻠﻤﺖ ﻋﻠﻴﻬﻢ : ﺣﻴﺎﻛﻢ ﺍﻟﻠﻪ ﻧﻮﺭﺗﻮ ، ﺭﻳﻤﺎ ﻧﺎﻇﺮﺕ ﻵﻣﺎﻝ ﻛﺎﻧﺖ ﻓﻮﻕ ﻋﻨﺪ ﺍﻟﻜﻮﺷﻪ ﻣﺸﺖ ﻟﻌﻨﺪﻫﺎ ﻭﻫﻲ ﺗﻨﺎﺩﻳﻬﺎ : ﺑﺴﺮﻋﻬﻪ ﺗﻌﺎﻟﻴﻲ ﺷﻮﻓﻲ ﺷﻌﺮﻱ ﺯﻳﻦ ﻭﻻ ﻻ ، ﺁﻣﺎﻝ ﺣﻄﺖ ﺟﻮﺍﻟﻬﺎ ﻭ ﻧﺰﻟﺖ ﻣﺸﺖ ﻟﻌﻨﺪﻫﺎ ، ' #انتهى_الفصل♥ 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع الفصل التالي➥ ⇩⇩ ▇ـ▄▄▄💜▄▄▄ـ▇