الفصل 15
عالم القصص والروايات 📚:
▇ـ▄▄▄💜 ▄▄▄ـ▇
{ رواية انا شاعرك العام والقصيد عيونك💞}
{ الفصل الخامس عشر💜 }
▇ـ▄▄ @ahgeel ▄▄ـ▇
-/
تفاعل قبل لاتقراء ♥
'
" ﻧﺴﺮﻉ ﺍﻻﺣﺪﺍﺙ ( ﻗﺒﻞ ﺍﻟﻤﻠﻜﻪ ﺑﻴﻮﻡ ) "
'
ﺍﻟﻌﻴﺎﻝ ﻛﺎﻧﻮﺍ ﺑﺎﻟﻤﺰﺭﻋﻪ ﻭﻫﻢ ﻳﺸﻮﻓﻮﻥ ﺍﻟﻌﻤﺎﻝ ﻓﻮﻕ ﺍﻟﺠﺪﺍﺭ ﻉ ﺳﻘﻒ ﻳﻌﻠﻘﻮﻥ ﺍﻟﻠﻤﺒﺎﺕ ، ﻭﺍﻟﺠﺪ ﻋﺒﺪﺍﻟﻌﺰﻳﺰ ﻭﺍﻟﺠﺪ ﺳُﻠﻴﻤﺎﻥ
ﻭﺍﻗﻔﻴﻦ ﻳﺴﻮﻟﻔﻮﻥ ﻭﻳﺘﻘﻬﻮﻥ ﻭﻳﻨﺎﻇﺮﻭﻥ.
ﻭﻣﺸﻌﻞ ﻛﺎﻥ ﻳﻜﻠﻢ ﺍﻟﻌﻤﺎﻝ ﻋﻦ ﺗﺮﺗﻴﺐ ﺍﻟﻜﺮﺍﺳﻲ ،
ﻭﺻﻘﺮ ﻭﺍﻗﻒ ﻭﺑﻴﺪﻩ ﻳﺘﻜﻠﻢ ﻣﻊ ﺭﺍﻋﻴﻦ ﺍﻟﻤﺤﻞ ﻋﻦ ﺍﻟﺘﻮﺯﻳﻌﺎﺕ،
ﻭﻋﺒﺪﺍﻟﺮﺣﻤﻦ ﻛﺎﻥ ﻣﻊ ﺍﺑﻮﻩ ﻭﻓﻬﺪ ﻳﻘﺮﺭﻭﻥ ﻋﻦ ﺍﻟﻔﺮﻗﻪ ﻳﺠﻴﺒﻮﻧﻬﻢ ﻟﻠﻤﻠﻜﻪ ﻳﻄﺒﻠﻮﻥ ﻭﻳﻐﻨﻮﻥ ،
ﻭﻋﻤﺮ ﻛﺎﻥ ﻓﻮﻕ ﻉ ﺍﻟﺠﺪﺍﺭ ﻣﻊ ﺍﻟﻌﻤﺎﻝ ﻳﺴﺎﻋﺪﻫﻢ ﻳﻌﻠﻘﻮﻥ ﺍﻟﻠﻤﺒﺎﺕ
ﻭﻛﻞ ﺷﺨﺺ ﻣﺸﻐﻮﻝ ﻫﺎﻟﻠﻴﻠﻪ ﻭﻣﻴﺘﻴﻦ ﺗﻌﺐ ،
'
ﺍﻡ ﺻﻘﺮ ﻛﺎﻧﺖ ﺑﺎﻟﻤﺰﺭﻋﻪ ﺩﺍﺧﻞ ﺑﺎﻟﻤﺠﻠﺲ ﻣﻊ ﺍﻟﺒﻨﺎﺕ ،
ﻭﺟﺎﻳﺒﻴﻦ ﻧﻘﺎﺷﻪ ﺗﻨﻘﺸﻬﻢ ﻭﻣﺎﺭﻟﻴﻦ ﺗﺴﻮﻱ ﺍﻟﻘﻬﻮﺓ ﻣﻊ ﺑﺎﻗﻲ ﺍﻻﺷﻐﺎﻻﺕ ﻭﺗﺴﻮﻟﻒ ﻣﻌﺎﻫﻢ ﻭﺗﺘﻌﺮﻑ ﻋﻠﻴﻬﻢ ﻭﻣﺒﺴﻮﻃﻪ ،
ﺍﻡ ﺻﻘﺮ ﻛﺎﻧﺖ ﺟﺎﻟﺴﻪ ﺗﻨﻘﺶ ﻣﻦ ﺍﻟﻨﻘﺎﺷﻪ ،
ﻭ ﺍﻡ ﻧﺠﻼﺀ ﺟﻨﺒﻬﺎ ﺗﺴﻮﻟﻒ ﻭﻳﺘﻘﻬﻮﻥ ﻭﻳﻀﺤﻜﻮﻥ ،
ﺁﻣﺎﻝ ﻛﺎﻧﺖ ﺟﺎﻟﺴﻪ ﻣﻊ ﻧﺠﻼﺀ ﻳﻜﻠﻤﻮﻥ ﺍﻟﻘﻬﻮﺟﻴﺎﺕ ،
ﻧﺠﻼﺀ ﻧﺎﻇﺮﺕ ﻟﻬﺎ : ﺷﺮﺍﻳﻚ ﻧﻄﻠﻊ ﻧﺸﻮﻑ ﺷﻴﺴﻮﻥ؟
ﺁﻣﺎﻝ ﺑﺼﺪﻣﻪ : ﻭﻳﻦ ﻧﻄﻠﻊ؟
ﻧﺠﻼﺀ : ﺍﻗﺼﺪ ﻣﻦ ﺍﻟﺸﺒﺎﻙ ﻧﺸﻮﻑ ﺷﻴﺴﻮﻥ ﺑﺎﻟﻤﺰﺭﻋﻪ ،
ﺁﻣﺎﻝ ﺑﺤﻤﺎﺱ : ﻳﻼ ﻭﻃﻠﻌﻮﺍ ﻋﻨﺪ ﺍﻟﺸﺒﺎﻙ ﻭﻫﻢ ﻳﺸﻮﻓﻮﻥ ،
ﺁﻣﺎﻝ : ﻋﺰﺗﻲ ﻟﻬﻢ ﻣﻜﺮﻭﻓﻴﻦ ،
ﻧﺠﻼﺀ ﻛﺎﻧﺖ ﻭﺍﻗﻔﻪ ﺗﻨﺎﻇﺮ ﻟﻤﺸﻌﻞ ، ﺍﻟﻲ ﻛﺎﻥ ﻭﺍﻗﻒ ﺑﺘﻌﺐ ﻭﺍﻟﺸﻤﺎﻍ ﻋﻠﻰ ﻛﺘﻔﻪ ﻭﻳﻜﻠﻢ ﺍﻟﻌُﻤﺎﻝ ،
ﺁﻣﺎﻝ ﻧﺎﻇﺮﺕ ﻟﺼﻘﺮ : ﻫﺬﺍ ﻫﻮ ﺯﻭﺝ ﻣﻼﺫ؟؟؟
ﻧﺠﻼﺀ ﻧﺎﻇﺮﺕ ﻟﺼﻘﺮ : ﺍﻳﻴﻲ ﻫﻮ ﺷﻔﺖ ﺻﻮﺭﺗﻪ ﺑﺠﻮﺍﻝ ﺑﺎﺑﺎ ،
'
ﺍﻡ ﻣﺸﻌﻞ ﻭ ﺭﻳﻤﺎ ﻛﺎﻧﻮﺍ ﺑﺎﻟﺒﻴﺖ ﻭﺍﻟﻀﻴﻮﻑ ﻋﻨﺪﻫﻢ ﻭﻣﺸﻐﻮﻟﻴﻦ ﻣﻌﺎﻫﻢ ﻭﻳﺴﻮﻥ ﻗﻬﻮﻩ ﻭﺍﻟﺤﻼ ﻭﻳﺠﻬﺰﻭﻥ ﻟﻠﻌﺸﺎﺀ ،
ﺳﻤﺮ ﻧﺎﻇﺮﺕ ﻟﻤﺮﻳﻢ : ﺑﻨﻤﺸﻲ ﻣﻌﺎﻛﻢ ﺑﻜﺮﻩ ﻟﻠﻤﻠﻜﻪ ،
ﺭﻳﻤﺎ : ﺍﻳﻲ ﻣﺎ ﺷﺎﺀ ﺍﻟﻠﻪ ﺍﻟﻌﺎﻟﻢ ﻛﻠﻪ ﺟﺎﺀ ﻋﻨﺪﻧﺎ ،
ﺳﻤﺮ ﺑﻀﺤﻜﻪ : ﺷﻨﺴﻮﻱ ﺑﻴﺘﻨﺎ ﺑﻌﻴﺪ ﻋﺎﺩ ﻭﺣﻨﺎ ﻣﺘﺤﻤﺴﻴﻦ ،
ﺭﻳﻤﺎ : ﺧﺎﻟﺘﻲ ﺗﺤﺴﺐ ﺑﻨﺠﻴﺐ ﺍﻟﻌﺮﻭﺳﻪ ﻣﻌﺎﻧﺎ ،
ﺳﻤﺮ ﺑﺎﺳﺘﻐﺮﺍﺏ : ﻟﻴﻪ ﻣﺎ ﺗﺠﻴﺒﻮﻧﻬﺎ؟
ﺭﻳﻤﺎ : ﻻ ﻭﻳﻦ ﺑﺲ ﻣﻠﻜﻪ ﺍﻣﺎ ﻫُﻢ ﺍﻟﻌﺮﻳﺲ ﺍﻟﺜﺎﻧﻲ ﺑﻴﺎﺧﺬ ﻣﻼﺫ،
ﺳﻤﺮ : ﺍﺟﻞ ﺍﻧﺘﻢ ﺑﻌﺪ ﺟﻴﺒﻮ ﻋﺮﻭﺳﺘﻜﻢ ،
ﺭﻳﻤﺎ : ﻻ ﻭﺍﻟﻠﻪ ﻣﺎ ﻳﻮﺍﻓﻘﻮﻥ ﻣﺎ ﺍﺗﻔﻘﻮ ﻉ ﻛﺬﺍ ،
'
ﺍﻡ ﺻﻘﺮ ﻛﺎﻧﺖ ﻣﺒﺘﺴﻤﻪ ﻭﻧﺠﻼﺀ ﻭﺁﻣﺎﻝ ﻳﻮﺭﻭﻧﻬﺎ ﻓﺴﺎﺗﻴﻨﻬﻢ ،
ﺍﻡ ﺻﻘﺮ : ﺍﻧﺎ ﺍﺧﺬﺕ ﻓﺴﺘﺎﻥ ﺍﺧﻀﺮ ﺗﺤﺴﻮﻥ ﺍﻱ ﻟﻮﻥ ﻛﻌﺐ ﻳﻠﻴﻖ؟
ﻧﺠﻼﺀ ﺑﺘﻔﻜﻴﺮ : ﺍﺑﻴﺾ ﺣﻠﻮ !
ﺁﻣﺎﻝ : ﻻ ﺍﺣﺲ ﺫﻫﺒﻲ ﺍﻭ ﻓﻀﻲ ،
ﺍﻡ ﻧﺠﻼﺀ : ﺍﻱ ﺫﻫﺒﻲ ﺑﻴﻄﻠﻊ ﺣﻠﻮ ﺣﺘﻰ ﺍﺑﻴﺾ ،
ﺍﻡ ﺻﻘﺮ ﻧﺎﻇﺮﺕ ﻟﻔﺴﺘﺎﻥ ﺍﻡ ﻧﺠﻼﺀ : ﺑﺘﻠﺒﺴﻴﻦ ﻛﻌﺐ ﺍﺑﻴﺾ ﺍﻧﺘﻲ؟
ﺍﻡ ﻧﺠﻼﺀ : ﺍﻱ ﺍﻻﺳﻮﺩ ﻣﺎ ﻳﻠﻴﻖ ﻋﻠﻴﻪ ﺍﻻ ﺍﻻﺑﻴﺾ ،
ﺍﻡ ﺻﻘﺮ : ﺣﺘﻰ ﺍﻟﺬﻫﺒﻲ ﻣﻊ ﺍﻻﺳﻮﺩ ﺣﻠﻮ ،
ﺁﻣﺎﻝ : ﻃﻴﺐ ﺍﻧﺘﻢ ﺳﺎﻋﺪﻭﻧﻲ ﺍﻱ ﻃﻘﻢ ﺍﻟﺒﺲ؟
'
ﺍﻟﺠﺪ ﻋﺒﺪﺍﻟﻌﺰﻳﺰ ﻃﻠﻊ ﻟﻠﻌﻴﺎﻝ : ﺍﺩﺧﻠﻮﺍ ﻳﻼ ﺗﻌﺸﻮ ﻭ ﺍﺭﺗﺎﺣﻮﺍ ﻧﻜﻤﻞ ﺑﻌﺪﻳﻦ ﺗﻌﺎﻟﻮﺍ ﻳﺎ ﻳﺒﻪ ،
ﺍﻟﻌﻴﺎﻝ ﻧﻔﻀﻮ ﺛﻮﺑﻬﻢ ﻭﻳﺪﻳﻨﻬﻢ ﻭﺩﺧﻠﻮ ﻳﻐﺴﻠﻮﻥ ﻭ ﺗﻮﺟﻪ ﻟﻠﻤﺠﻠﺲ ﺟﻠﺴﻮﺍ ﻛﻠﻬﻢ ﻳﺘﻌﺸﻮﻥ ﺑﻌﺪ ﺩﻗﺎﻳﻖ ﺧﻠﺼﻮﺍ ﻭﺗﻘﻬﻮﻯ ﻭﺍﺭﺗﺎﺣﻮ
ﻭ ﺭﺟﻌﻮ ﻳﻜﻤﻠﻮﻥ ، ﻛﺎﻥ ﺷﻐﻞ ﻛﺜﻴﺮ ﻟﻠﻤﺰﺭﻋﻪ ﻋﺸﺎﻥ ﺍﻟﻤﻠﻜﻪ ،
ﺍﻧﺘﻬﻰ ﻟﻴﻠﺘﻬﻢ ﺑﺘﺠﻬﻴﺰﺍﺕ ،
'
-—————————————————
( ﻳﻮﻡ ﺍﻟﺨﻤﻴﺲ ﺍﻟﺼﺒﺎﺡ ﻭﺍﺧﻴﺮًﺍ ﺍﻟﻴﻮﻡ ﺍﻟﻤُﻨﺘﻈﺮ )
'
" ﺑﺎﻟﻔﻨﺪﻕ ﻋﻨﺪ ﺍﻟﻌﻴﺎﻝ "
ﺻﻘﺮ ﺍﻟﻲ ﻣﺎ ﺫﺍﻕ ﻟﺬﺓ ﺍﻟﻨﻮﻡ ﻣﻦ ﺍﻟﻔﺮﺣﻪ ﻭﺍﻟﺤﻤﺎﺱ ﻗﺎﻡ ﻭﺗﻮﺟﻪ ﻳﺪﺧﻞ ﻳﺎﺧﺬ ﻟﻪ ﺷﺎﻭﺭ ﺑﻌﺪ ﺩﻗﺎﻳﻖ ﻃﻠﻊ ﻭﻫﻮ ﻳﺸﻮﻑ ﺍﺧﻮﺍﻧﻪ
ﺑﺎﻗﻲ ﻧﺎﻳﻤﻴﻦ ﻭﺭﻣﻰ ﻋﻠﻴﻬﻢ ﺍﻟﻤﻨﺸﻔﻪ : ﻳﻼﺍ ﻗﻮﻣﻮ ﻭﺭﺍﻧﺎ ﻟﻴﻞ ﻃﻮﻳﻞ ،
ﺳﻠﻄﺎﻥ ﺑﺎﻧﺰﻋﺎﺝ : ﺍﻭﻑ ﻭﺍﻟﻠﻪ ﺍﻣﺲ ﺗﻌﺒﺖ ،
ﻋﺒﺪﺍﻟﺮﺣﻤﻦ : ﻇﻬﺮﻱ ﺑﻴﻨﻜﺴﺮ ﻣﻦ ﺍﻟﺘﻌﺐ ﻛﻠﻪ ﻣﻨﻚ ﻳﺎ ﺻﻘﺮ ،
ﻋﻤﺮ : ﻭﺍﻟﻠﻪ ﻣﺎ ﺷﻔﺘﻮﻧﻲ ﺍﻧﺎ ﺍﻟﻲ ﻗﺎﻋﺪ ﺍﻣﻮﺕ ﻣﻦ ﺍﻟﻢ ﻇﻬﺮﻱ ﺟﻠﺴﺖ ﺳﺎﻋﺘﻴﻦ ﻓﻮﻕ ﺍﻟﺴﻘﻒ ﺗﻘﻮﻝ ﻗﺮﺩ ،
ﺻﻘﺮ ﺑﻀﺤﻜﻪ : ﻟﻌﻴﻮﻥ ﺗﻬﻮﻥ ﻛﻞ ﺷﻲﺀ ﻳﻼ ﺍﺧﻠﺼﻮﺍ ،
ﺩﺧﻞ ﺍﻟﺠﺪ ﻭﻛﺎﻥ ﺭﺍﺟﻊ ﻣﻦ ﺍﻟﻤﺴﺠﺪ : ﻟﻠﺤﻴﻦ ﻣﺎ ﺻﺤﻴﺘﻮﺍ ،
ﺍﻟﻜﻞ ﻓﺰﻭ ﻭﻗﺎﻣﻮ ﻳﺘﻮﺟﻬﻮﻥ ﻳﺘﻮﺿﻮﻥ ،
'
" ﺑﻤﺰﺭﻋﺔ ﺍﻟﺠﺪ ﻋﺒﺪﺍﻟﻌﺰﻳﺰ "
ﻛﺎﻧﻮﺍ ﺟﺎﻟﺴﻴﻦ ﻋﻠﻰ ﻃﺎﻭﻟﺔ ﺍﻟﻄﻌﺎﻡ ﻭﺍﻟﺒﻨﺎﺕ ﻳﺎﻛﻠﻮﻥ ﺑﺴﺮﻋﻪ ،
ﺍﻟﺠﺪ : ﺍﺳﺘﻬﺪﻭ ﺑﺎﻟﻠﻪ ﺑﺸﻮﻳﺶ ﻭﺭﺍﻛﻢ ﻣﺴﺘﻌﺠﻠﻴﻦ ،
ﺁﻣﺎﻝ : ﻧﺴﻴﺖ ﺍﻗﻮﻟﻚ ﻳﺒﻪ ﺗﺮﺍ ﻃﻠﺒﺖ ﻣﺼﻮﺭﻩ ،
ﺍﻡ ﻧﺠﻼﺀ : ﻭﻟﻴﻪ ﺍﻥ ﺷﺎﺀ ﺍﻟﻠﻪ؟
ﺁﻣﺎﻝ : ﻭﺷﻮ ﻟﻴﻪ ﻣﺎﻟﻲ ﺩﺧﻞ ﻻﺯﻡ ﻣﻼﺫ ﺗﺘﺼﻮﺭ ﻭﺗﺸﻮﻑ ﻧﻔﺴﻬﺎ ﺑﻌﺪﻳﻦ ﺍﻥ ﺷﺎﺀ ﺍﻟﻠﻪ ، ﺍﻟﻜﻞ ﻫﻤﺴﻮ ﺍﻣﻴﻦ ،
ﻧﺠﻼﺀ : ﻳﻼ ﺑﺮﻭﺡ ﺍﻟﺼﺎﻟﻮﻥ ﻭﻧﺎﺧﺬ ﻣﻼﺫ ﺑﻌﺪ ،
ﺍﻡ ﻧﺠﻼﺀ : ﺗﻮﻩ ﺑﺪﺭﻱ ﻳﺎ ﺑﻨﺘﻲ ،
ﺁﻣﺎﻝ : ﻳﻤﻪ ﻭﻳﻦ ﺑﺪﺭﻱ ﺍﻋﺪﻝ ﺍﻇﺎﻓﺮﻱ ﻭﻧﺠﻼﺀ ﺗﺒﻲ ﺗﺼﺒﻎ ﺷﻌﺮﻫﺎ ﻭﺗﺴﺘﺸﻮﺭ ﻭﺍﻧﺎ ﺍﺗﻤﻜﻴﺞ ﻭ ﺍﺳﺘﺸﻮﺭ ﻭﻣﻼﺫ ﻣﻌﺎﻧﺎ ﺑﻌﺪ.
ﻓﻬﺪ ﺍﻟﺘﻔﺖ ﻟﺰﻭﺟﺘﻪ : ﺍﻧﺘﻲ ﺑﻌﺪ ﺭﻭﺣﻲ ﻣﻌﺎﻫﻢ ﺗﺠﻬﺰﻱ؟
ﺍﻡ ﻧﺠﻼﺀ ﻫﺰﺕ ﺭﺍﺳﻬﺎ ﺑﺎﻟﻨﻔﻲ : ﻻ ﺍﻡ ﺻﻘﺮ ﻗﺎﻟﺖ ﺑﺘﺠﻴﻨﻲ ﻫﻨﺎ ﻭﻧﺘﺤﻬﺰ ﻣﻊ ﺑﻌﺾ ﺧﻠﻲ ﺍﻟﺒﻨﺎﺕ ﻳﺮﻭﺣﻮﻥ.
ﺁﻣﺎﻝ ﻭﻧﺠﻼﺀ ﻃﻠﻌﻮﺍ ﻟﻠﻐﺮﻓﻪ ﻟﺒﺴﻮﺍ ﻋﺒﺎﻳﺎﺗﻬﻢ ﻭﺍﻟﺸﻐﺎﻟﻪ ﻛﺎﻧﺖ ﺗﻠﺒﺲ ﺍﻟﻌﺒﺎﻳﻪ ﻟﻤﻼﺫ ﻭﻃﻠﻌﻮﺍ ﻭﺍﻟﺸﻐﺎﻟﻪ ﻣﺸﺖ ﻣﻌﺎﻫﻢ ﻭﻣﻼﺫ ﻣﻌﺎﻫﺎ
ﺭﻛﺒﻮﺍ ﺍﻟﺴﻴﺎﺭﻩ ﻣﻊ ﺍﻟﺴﻮﺍﻕ.
'
ﺍﻟﺠﺪ ﺳُﻠﻴﻤﺎﻥ : ﻳﻼ ﻳﺒﻪ ﻻ ﺗﺘﺎﺧﺮﻭﻥ ﺑﻨﻤﺸﻲ ﺑﺪﺭﻱ ،
ﻋﺒﺪﺍﻟﺮﺣﻤﻦ : ﻟﻴﻪ ﺑﺪﺭﻱ ﺍﻟﻴﻮﻡ ﺑﻌﺪ ﻳﻌﻨﻲ ﻧﻨﻜﺮﻑ؟
ﻳﻮﺳﻒ ﺑﻀﺤﻜﻪ : ﺍﻱ ﻻﺯﻡ ﻭﻧﻜﻮﻥ ﻫﻨﺎﻙ ﻭﻧﺴﺘﻘﺒﻞ ﺍﻟﻀﻴﻮﻑ ،
ﺳﻠﻄﺎﻥ ﻛﺎﻥ ﺑﻌﻴﺪ ﻋﻨﻬﻢ ﻭﺳﺎﻛﺖ ﻫﻤﻪ ﺍﻟﻘﻀﻴﻪ ،
ﻋﻤﺮ ﻧﺰﻝ ﻭﻧﺎﻇﺮ ﻓﻴﻬﻢ : ﺍﺭﻭﺡ ﺍﺧﺬ ﺍﻟﺒﺸﺖ ﻟﻠﺴﻴﺎﺭﻩ ،
ﺍﻟﺠﺪ : ﺍﻱ ﻳﺎﻭﻟﺪﻱ ﺧﺬ ﺣﻖ ﺍﻟﻜﻞ ﺣﻘﻲ ﻭﺣﻖ ﺍﺑﻮﻙ ﻭﺍﺧﻮﺍﻧﻚ،
ﺻﻘﺮ : ﺍﻧﺎ ﺭﺍﻳﺢ ﺍﺧﺬ ﺍﻟﺘﻮﺯﻳﻌﺎﺕ ﺑﺴﻴﺎﺭﺗﻲ ﻭﺍﻧﺘﻢ ﺭﻭﺣﻮ ﻣﻊ ﺟﺪﻱ،
ﻋﺒﺪﺍﻟﺮﺣﻤﻦ : ﺗﻤﺎﻡ ﺧﺬ ﻋﻤﺮ ﻣﻌﻚ ﻳﺴﺎﻋﺪﻙ ،
ﺻﻘﺮ ﻛﺎﻥ ﺍﻟﺸﻤﺎﻍ ﺑﻴﺪﻩ ﻭﺍﻟﺒﺸﺖ ﺑﻌﺪ ﻣﺸﻰ ﻓﺘﺢ ﺑﺎﺏ ﺍﻟﺴﻴﺎﺭﻩ ﻭﻋﻠﻘﻬﻢ ﻭﺭﺍ ، ﻭﻋﺒﺪﺍﻟﺮﺣﻤﻦ ﻧﺰﻝ ﻭﺷﻤﺎﻏﻪ ﺑﻴﺪﻩ ،
ﺍﻡ ﺻﻘﺮ ﻧﺎﻇﺮﺕ ﻟﻴﻮﺳﻒ : ﺍﻧﺎ ﺑﻌﺪ ﺍﻣﺸﻲ ﻣﻌﺎﻛﻢ ﺍﺗﺠﻬﺰ ﻫﻨﺎﻙ ،
ﻳﻮﺳﻒ : ﺗﻤﺎﻡ ﻳﻼ ﺗﺠﻬﺰﻱ ﻭﺣﻨﺎ ﺗﺤﺖ ،
'
ﺍﻡ ﻣﺸﻌﻞ ﻭ ﺭﻳﻤﺎ ﻛﺎﻧﻮﺍ ﺑﺎﻟﺼﺎﻟﻮﻥ ﻭﻧﻔﺲ ﺍﻟﺼﺎﻟﻮﻥ ﻭﺻﻠﻮ ﻟﻬﺎ ﺁﻣﺎﻝ ﻭﻧﺠﻼﺀ ﻭﻣﻼﺫ ، ﻧﺠﻼﺀ ﻧﺎﻇﺮﺕ ﻓﻴﻬﻢ ﺍﻧﺼﺪﻣﺖ ﻭﺻﺪﺕ
ﺑﻬﺪﻭﺀ،
ﺁﻣﺎﻝ ﺗﺼﻨﻌﺖ ﺍﻻﺑﺘﺴﺎﻣﻪ ﻭﻣﺸﺖ ﺗﺴﻠﻢ ﻋﻠﻴﻬﻢ ،
ﻧﺠﻼﺀ ﺳﻠﻤﺖ ﺑﺪﻭﻥ ﻧﻔﺲ ﻭﻣﺸﺖ ﺟﻠﺴﺖ ،
ﺁﻣﺎﻝ : ﺗﺼﺒﻐﻴﻦ ﺷﻌﺮﻙ ﺻﺢ؟
ﻧﺠﻼﺀ ﻫﺰﺕ ﺭﺍﺳﻬﺎ ﺑﺎﻟﻨﻔﻲ : ﻻ ﻛﻨﺴﻠﺖ ﻣﺎﻋﺎﺩ ﻟﻲ ﺧﻠﻖ ،
ﺁﻣﺎﻝ ﺗﻨﻬﺪﺕ ﺑﻀﻴﻖ : ﺍﻋﺮﻑ ﻟﻴﻪ ﺗﻘﻮﻟﻴﻦ ﻛﺬﺍ ﺑﺲ ﺗﻜﻔﻴﻦ ﺍﻧﺴﻲ ﻛﻞ ﺷﻲﺀ ﻭﺧﻠﻲ ﻫﻤﻚ ﻣﺸﻌﻞ ﻭﺑﺲ!
'
( ﺍﻟﻌﻴﺎﻝ ﻭﺻﻠﻮﺍ ﺍﻟﻤﺰﺭﻋﻪ ﻭﻧﺰﻟﻮﺍ ﻭﺑﻨﻔﺲ ﺍﻟﻮﻗﺖ ﻭﺻﻞ ﺍﺑﻮ ﻣﺸﻌﻞ.
ﻋﺒﺪﺍﻟﺮﺣﻤﻦ ﻣﺸﻰ ﻭﻫﻮ ﻳﺴﻠﻢ ﻋﻠﻴﻪ : ﻭﻳﻨﻪ ﻣﺸﻌﻞ ﻣﺎ ﺟﺎﺀ؟
ﺍﺑﻮ ﻣﺸﻌﻞ : ﺍﻻ ﻳﺎﻭﻟﺪﻱ ﺑﺎﻟﻄﺮﻳﻖ ﺟﺎﻱ ﺍﻟﺤﻴﻦ ،
ﺍﻟﺠﺪ ﺳُﻠﻴﻤﺎﻥ ﺍﻟﺘﻔﺖ ﻟﻠﻌﻴﺎﻝ : ﺩﺧﻠﻮ ﻛﺮﺍﺗﻴﻦ ﺍﻟﻤﻮﻳﺎ ﺩﺍﺧﻞ ،
ﺳﻠﻄﺎﻥ : ﻛﻠﻤﺖ ﺍﻟﺸﻐﺎﻟﻪ ﺗﺪﺧﻠﻬﻢ ﺍﻟﺤﻴﻦ ،
ﺍﻟﺠﺪ ﻋﺒﺪﺍﻟﻌﺰﻳﺰ ﻃﻠﻊ ﻭﻧﺎﻇﺮ ﻟﺴُﻠﻴﻤﺎﻥ ﻭﻣﺸﻰ ﻳﺤﻀﻨﻪ ﻭﻳﺴﻠﻢ،
ﻓﻬﺪ ﻧﺎﻇﺮ ﻟـ ﻳﻮﺳﻒ ﻭﻫﻤﺲ : ﺍﻟﻠﻪ ﻳﻌﺪﻱ ﻫﺎﻟﻠﻴﻠﻪ ﻋﻠﻰ ﺧﻴﺮ ،
ﺳﻠﻄﺎﻥ ﺭﻓﻊ ﺭﺍﺳﻪ ﻟﻠﺴﻤﺎﺀ: ﺷﻜﻠﻪ ﺑﻴﻤﻄﺮ ﻭﻧﺮﻭﺡ ﻓﻴﻪ ،
ﻋﻤﺮ : ﺗﻜﻔﻰ ﻻ ﻭﺍﻟﻠﻪ ﺑﻴﺨﺮﺏ ﻛﻞ ﺷﻲﺀ ،
ﺻﻘﺮ ﻧﺰﻝ ﻭﺍﻟﺸﻤﺎﻍ ﺑﻴﺪﻩ ﻭﺍﻟﻴﺪ ﺍﻟﺜﺎﻧﻲ ﺑﺠﻴﺒﻪ ﻳﻄﻠﻊ ﻣﻔﺎﺗﻴﺤﻪ ﻭﻧﺎﻇﺮ ﻟﻌﺒﺪﺍﻟﺮﺣﻤﻦ : ﺧﺬ ﺍﻟﻤﻔﺎﺗﻴﺢ ﺷﻤﺎﻏﻚ ﺑﺴﻴﺎﺭﺗﻲ ،
'
ﺍﻡ ﻧﺠﻼﺀ ﺍﺑﺘﺴﻤﺖ ﻭﻫﻲ ﺗﺴﺘﻘﺒﻞ ﺍﻡ ﺻﻘﺮ ﻭﺣﻀﻨﺘﻬﺎ ،
ﺍﻡ ﺻﻘﺮ : ﻭﺍﻟﻠﻪ ﻣﻦ ﺍﻟﺤﻤﺎﺱ ﺟﻴﺘﻚ ﺍﻟﺤﻴﻦ ،
ﺍﻡ ﻧﺠﻼﺀ : ﺯﻳﻦ ﺳﻮﻳﺘﻲ ﻭﺍﻟﻠﻪ ﻭﺍﻧﺎ ﻛﻠﻤﺖ ﻭﺣﺪﻩ ﻣﻴﻜﺐ ﺍﺭﺗﺴﺖ ﺗﺠﻲ ﺗﻤﻜﻴﺠﻨﺎ ﻭﺍﻟﺒﻨﺎﺕ ﺭﺍﺣﻮﺍ ﺍﻟﺼﺎﻟﻮﻥ ﻛﻠﻬﻢ ،
ﺍﻡ ﺻﻘﺮ ﻧﺎﻇﺮﺕ ﻟﺴﺎﻋﺘﻪ : ﺍﻟﺤﻴﻦ ﺧﻤﺴﻪ ﺍﻟﻌﺼﺮ ﻣﺎﻓﻲ ﻭﻗﺖ ،
ﺍﻡ ﻧﺠﻼﺀ : ﺍﻱ ﺍﻧﺘﻲ ﺍﺟﻠﺴﻲ ﺧﻠﻴﻬﺎ ﺗﻤﻜﻴﺠﻚ ﻭﺍﻧﺎ ﺍﺭﻭﺡ ﺍﻛﻠﻢ ﺍﻟﺸﻐﺎﻻﺕ ﻳﺴﻮﻥ ﺍﻟﻘﻬﻮﻩ ﻭ ﻳﻮﻟﻌﻮﻥ ﺍﻟﻔﺤﻢ ﻟﻠﺒﺨﻮﺭ ،
ﺍﻡ ﺻﻘﺮ ﺍﺑﺘﺴﻤﺖ ﻭﻣﺸﺖ ﺣﻄﺖ ﻓﺴﺘﺎﻧﻬﺎ ﻋﻠﻰ ﺍﻟﻜﻨﺐ ﻭﺟﻠﺴﺖ،
'
ﻳﻮﺳﻒ ﺑﺮﻓﺾ : ﻻﺯﻡ ﺍﻟﺤﺮﻳﻢ ﻓﻲ ﺍﻟﻘﺎﻋﻪ ﺷﻒ ﺯﺣﻤﺔ ﺍﻟﺴﻴﺎﺭﺍﺕ ﻛﻴﻒ ﻣﺎ ﻳﻨﻔﻊ ﻛﻠﻬﻢ ﻫﻨﺎ ﻣﺎ ﺍﺗﻮﻗﻊ ﺍﻟﻤﺠﻠﺲ ﺗﻜﻔﻴﻬﻢ ،
ﻓﻬﺪ : ﻭﺍﻟﻠﻪ ﻗﻠﺖ ﻧﻔﺲ ﺍﻟﺸﻲﺀ ﻣﺤﺪ ﺳﻤﻌﻨﻲ ،
ﺍﻟﺠﺪ ﻋﺒﺪﺍﻟﻌﺰﻳﺰ ﺑﻮﺭﻃﻪ : ﻭﺍﻟﺤﻴﻦ ﺍﻳﺶ ﺍﻟﺤﻞ؟
ﻋﺒﺪﺍﻟﺮﺣﻤﻦ : ﻭﺍﻟﻠﻪ ﻣﺎﻓﻲ ﺣﻞ ﺍﻧﺎ ﺍﻗﻮﻝ ﻧﻤﺸﻴﻪ ﻫﺎﻟﻠﻴﻠﻪ ،
ﺻﻘﺮ : ﺷﺮﺍﻳﻜﻢ ﻃﻴﺐ ﺍﺭﻭﺡ ﺍﺗﺼﺮﻑ ﺍﺷﻮﻑ ﻗﺎﻋﻪ ﻗﺮﻳﺐ ﻣﻦ ﻫﻨﺎ؟
ﺳﻠﻄﺎﻥ : ﺷﻒ ﻗﺮﻳﺐ ﻣﻦ ﺍﻟﻤﺰﺭﻋﻪ ﻓﻲ ﺷﺎﻟﻴﻬﺎﺕ ﻭﻗﺎﻋﺎﺕ ،
ﻋﻤﺮ : ﻳﻤﺪﻱ ﺍﻟﻠﻴﻠﻪ ﻳﻌﻨﻲ؟
ﻓﻬﺪ ﻧﺎﻇﺮ ﻟﺴﻠﻄﺎﻥ : ﺍﻟﺤﻘﻨﻲ ﻳﺎﻭﻟﺪﻱ ﻭﺗﻌﺎﻝ ﻧﺸﻮﻑ ﻭﻣﺸﻮ ﺭﻛﺒﻮ ﺍﻟﺴﻴﺎﺭﻩ ، ﻭﺍﻟﻜﻞ ﺟﻠﺴﻮ ﻭﺍﻗﻔﻴﻦ ﻭ ﺗﻮﺭﻃﻮ ﻭﻛﻠﺸﻮﻱ ﻳﻨﺎﻇﺮﻭﻥ
ﻟﺴﺎﻋﺘﻬﻢ ﻭﻳﺸﻮﻓﻮﻥ ﻣﺎﻓﻲ ﻭﻗﺖ ﺗﻨﻬﺪﻭ ﺑﺘﻌﺐ ،
ﻓﺠﺎﻩ ﻭﻗﻒ ﺳﻴﺎﺭﺓ ﺍﻟﺴﻮﺍﻕ ﻭﻭﺻﻠﻮﺍ ﺍﻟﺒﻨﺎﺕ ﻣﻦ ﺍﻟﺼﺎﻟﻮﻥ ، ﺍﻧﺼﺪﻣﻮ ﻭﻫﻢ ﻳﺸﻮﻓﻮﻥ ﺯﺣﻤﺔ ﺍﻟﺴﻴﺎﺭﺍﺕ ﻭﺍﻟﻌﻴﺎﻝ ﺍﻟﻲ ﻭﺍﻗﻔﻴﻦ ﺑﺮﺍ
ﻭﻭﺍﺿﺢ ﻓﻲ ﺳﺎﻟﻔﻪ ﻛﻠﻬﻢ ﻣﺘﻮﺗﺮﻳﻦ ﻭﺷﻤﺎﻏﻬﻢ ﺑﻴﺪﻫﻢ ﻭﺍﻟﻲ ﻋﻠﻰ ﻛﺘﻔﻬﻢ ﻭﻳﻨﺎﻇﺮﻭﻥ ﺑﻮﺟﻴﻪ ﺑﻌﺾ ﻭﺍﻟﻲ ﻳﺘﺼﻠﻮﻥ ،
ﺁﻣﺎﻝ ﻭﻧﺠﻼﺀ ﻭﻣﻼﺫ ﻧﺰﻟﻮﺍ ، ﻋﺒﺪﺍﻟﺮﺣﻤﻦ ﺍﻟﺘﻔﺖ ﻟﻬﻢ ﻭﻫﻮ ﻳﺸﻮﻑ،
ﺍﻟﺒﻨﺎﺕ ﺻﺪﻭ ﻋﻨﻬﻢ ﻭﺩﺧﻠﻮﺍ ﻟﺪﺍﺧﻞ ،
ﻋﺒﺪﺍﻟﺮﺣﻤﻦ ﺻﺪ ﻧﻈﺮﻩ ﻭﻫﻤﺲ : ﺍﺗﺼﻠﻮ ﺷﻮﻓﻮ ﺷﺼﺎﺭ ؟
'
ﻓﻬﺪ ﻭﻗﻒ ﺳﻴﺎﺭﺗﻪ : ﺍﻧﺰﻝ ﻧﺸﻮﻑ ﻫﺎﻟﻘﺎﻋﻪ ﻗﺮﻳﺐ ﻣﻦ ﺍﻟﻤﺰﺭﻋﻪ ﻭﻧﺰﻟﻮﺍ ﻭﻫﻢ ﻳﺎﺧﺬﻭﻥ ﺍﻟﺮﻗﻢ ﺍﻟﻲ ﻣﻜﺘﻮﺏ ﻋﻠﻰ ﺍﻟﺠﺪﺍﺭ
ﻭﻳﺘﺼﻠﻮﻥ،
ﺑﻌﺪ ﺩﻗﺎﻳﻖ ﺭﺩ ﺻﺎﺣﺐ ﺍﻟﻘﺎﻋﻪ : ﺍﻟﺴﻼﻡ ﻋﻠﻴﻜﻢ ،
ﻓﻬﺪ : ﻭﻋﻠﻴﻜﻢ ﺍﻟﺴﻼﻡ ﺟﻴﺖ ﺍﺑﻲ ﻧﺴﺘﺎﺟﺮ ﻫﺎﻟﻘﺎﻋﻪ ،
ﺻﺎﺣﺐ ﺍﻟﻘﺎﻋﻪ : ﻣﺘﻰ ؟
ﻓﻬﺪ : ﺍﻟﻠﻴﻠﻪ ﻣﺎ ﻳﻬﻢ ﺍﻟﺴﻌﺮ ﺍﻳﺶ ﺍﻟﻤﻬﻢ ﻧﺒﻴﻪ ﺍﻟﻠﻴﻠﻪ ،
ﺻﺎﺣﺐ ﺍﻟﻘﺎﻋﻪ : ﻭﺍﻟﻠﻪ ﺍﻋﺘﺬﺭ ﻣﺎ ﻳﻤﺪﻱ ﺍﻟﻠﻴﻠﻪ ،
ﻓﻬﺪ ﺍﺑﺘﺴﻢ : ﻣﻮ ﻣﺸﻜﻠﻪ ﻋﻮﺍﻓﻲ ﻭﻗﻔﻞ ﻣﻨﻪ ،
ﺳﻠﻄﺎﻥ : ﻣﺎ ﻭﺍﻓﻖ؟ ﻓﻬﺪ ﻫﺰ ﺭﺍﺳﻪ ﺑﺎﻟﻨﻔﻲ ،
ﺳﻠﻄﺎﻥ : ﺷﻒ ﻋﻤﻲ ﻫﻨﺎ ﻗﺪﺍﻡ ﺑﻌﺪ ﻓﻲ ﻗﺎﻋﻪ ﻧﻤﺸﻲ ﻧﺸﻮﻑ ﻭﻣﺸﻮ ﻭﻫﻢ ﻳﺘﺼﻠﻮﻥ ﻭﻟﻼﺳﻒ ﺍﻏﻠﺒﻬﻢ ﻳﺮﻓﻀﻮﻥ ﺗﻨﻬﺪﻭ ﺑﺘﻌﺐ ﺑﻌﺪ
ﻣُﻌﺎﻧﺎﺓ ﻭﺍﺧﻴﺮًﺍ ﻟﻘﻮ ﻗﺎﻋﻪ ﻭﺍﻟﺴﺎﻋﻪ ﺻﺎﺭ ٦ ﻭ ﺍﺫﻥ ﺍﻟﻤﻐﺮﺏ،
#انتهى_الفصل♥
#نوقف هنا ونكمل معاكم غدا
📚عـ(القصص)ـالـ(والروآيات)ـم📚
#ملاحظة : يسعدنا مشاركـة الروايـة مع اصدقائكم لكن لا ابيح ولا احلل نقل الروايـة وحـذف رابط القناة 👇👇
https://t.me/joinchat/AAAAAFdO1y-1PZ5SzX0BWg
🍃💜🍃
@ahgeel ⇐↜رابط قناتنا بالتلجرام
▄▁▁▁▁▁▁▁▁▁▅ـ
يتبع الفصل التالي➥ ⇩⇩
▇ـ▄▄▄💜▄▄▄ـ▇