انا شاعرك العام والقصيد عيونك1 - الفصل 1 - مكتملة | روايتك

▇ـ▄▄▄💜 ▄▄▄ـ▇ { رواية انا شاعرك العام والقصيد عيونك💞} { الفصل الاول💜  } ▇ـ▄▄ @ahgeel ▄▄ـ▇ -/ تفاعل قبل لاتقراء ♥ ﺑﺴﻢ ﺍﻟﻠﻪ ﻧﺒﺪﺍ ﺑﻘﻠﻢ ﺍﻟﻜﺎﺗﺒﻪ ﺁﻣﺎﻝ ️✍ ، _____ ' - ﺑﺪﻭﻥ ﺗﻌﺮﻳﻒ ﺍﻟﺸﺨﺼﻴﺎﺕ ﺭﺍﺡ ﺗﻌﺮﻓﻮﻥ ﺷﺨﺼﻴﺘﻬﻢ ﻣﻊ ﺍﻟﺒﺎﺭﺗﺎﺕ ﻭﺍﻻﺣﺪﺍﺙ ، - " ‏( ﺍﺣﻔﺎﺩ ﺳُﻠﻴﻤﺎﻥ ‏) ﺍﻫﻞ ﺍﻟﻘﺼﻴﻢ ، - ﻋﺒﺪﺍﻟﺮﺣﻤﻦ ﺑﻦ ﻳﻮﺳﻒ ﻭﺣﻔﻴﺪ ﺳُﻠﻴﻤﺎﻥ ﺍﻟﻔﺮﺣﻪ ﺍﻻﻭﻝ ﻟﻠﻌﺎﻳﻠﻪ ، ﻳﻤﺘﻠﻚ ﻣﻦ ﺍﻟﻌُﻤﺮ ٣٢ ، - ﺩﻛﺘﻮﺭﻧﺎ ﺻﻘﺮ ﺑﻦ ﻳﻮﺳﻒ ﺍﻻﺑﻦ ﺍﻟﺜﺎﻧﻲ ﻟـ ﻳﻮﺳﻒ ﻋﻤﺮ ٢٩، - ﺍﻟﻤُﺤﺎﻣﻲ ﺳﻠﻄﺎﻥ ﺑﻦ ﻳﻮﺳﻒ ﻋﻤﺮﻩ ٢٨ ، ﺍﺧﺮ ﺍﻟﻌﻨﻘﻮﺩ ﻣﻦ ﺍﺣﻔﺎﺩ ﺳُﻠﻴﻤﺎﻥ ﻋﻤﺮ ﺑﻦ ﻳﻮﺳﻒ ، ﻋﻤﺮﻩ ٢٢، ' ﻳﻮﺳﻒ ﺍﻻﺑﻦ ﺍﻟﻮﺣﻴﺪ ﻭﺍﻻﻛﺒﺮ ﻟـ ﺳُﻠﻴﻤﺎﻥ ﻋﻤﺮﻩ ٧٦ ﻋﻨﺪﻩ ﻓﻘﻂ ٤ ﻋﻴﺎﻝ ، ' " ﺳُﻠﻴﻤﺎﻥ ﻋﻤﺮﻩ ﺑﺎﻟﺘﺴﻌﻴﻨﺎﺕ ﺻﺪﻳﻖ ﻋﺒﺪﺍﻟﻌﺰﻳﺰ " - = ﺣﻔﻴﺪﺍﺕ ﻋﺒﺪﺍﻟﻌﺰﻳﺰ = ﺍﻫﻞ ﺍﻟﻤﺪﻳﻨﺔ ﺍﻫﻞ ﺍﻟﻜﺮﻡ ، ' ﻣﻼﺫ ﺑﻨﺖ ﻓﻬﺪ ﺣﻔﻴﺪﺓ ﻋﺒﺪﺍﻟﻌﺰﻳﺰ ﻋﻤﺮﻫﺎ ٢٥ ، - ﻧﺠﻼﺀ ﺑﻨﺖ ﻓﻬﺪ ﺣﻔﻴﺪﺓ ﻋﺒﺪﺍﻟﻌﺰﻳﺰ ﻋﻤﺮﻫﺎ ٢٣ - ﺁﻣﺎﻝ ﺑﻨﺖ ﻓﻬﺪ ﺣﻔﻴﺪﺓ ﻋﺒﺎﻟﻌﺰﻳﺰ ﻋﻤﺮﻫﺎ ١٩ ﺳﻨﻪ ، ' ﻓﻬﺪ ﺑﻦ ﻋﺒﺪﺍﻟﻌﺰﻳﺰ ﺍﻻﺑﻦ ﺍﻟﻜﺒﻴﺮ ﻟﻌﺒﺪﺍﻟﻌﺰﻳﺰ ﻋﻤﺮﻩ ٦٠ ، ' ____ ﺑﻴﺖ ﺳُﻠﻴﻤﺎﻥ ﺑﻴﺖ ﺍﻟﺠﺪ ، ﻛﺒﻴﺮ ﺍﻟﺒﻴﺖ ﻭﻟﻪ ﻛﻠﻤﺘﻪ ﻋﻠﻰ ﺍﻟﻜﻞ ﻭﻋﻠﻰ ﺍﺣﻔﺎﺩﻩ ، ﺩﺧﻞ ﺍﻟﺒﻴﺖ ﻭﺍﻟﻌﻜﺎﺯ ﺑﻴﺪﻩ ﻭﻳﻤﺸﻲ ﺑﻬﺪﻭﺀ ﺩﺧﻞ ﻭﻫﻮ ﻳﺸﻮﻑ ﺳﻠﻄﺎﻥ ﺟﺎﻟﺲ ﻋﻠﻰ ﺍﻟﻜﻤﺒﻴﻮﺗﺮ ﻭﺟﻨﺒﻪ ﻗﻬﻮﺗﻪ ، ﺍﺑﺘﺴﻢ ﺑﺨﻔﻪ ﻳﺤﺐ ﻳﺸﻮﻑ ﺍﺣﻔﺎﺩﻩ ﻭﻫُﻢ ﻳﺸﺘﻐﻠﻮﻥ ﻭﻭﺍﻗﻔﻴﻦ ﻋﻠﻰ ﺭﺟﻮﻟﻬﻢ ﻓﺨﻮﺭ ﻓﻴﻬﻢ ﻛﻠﻬﻢ ﻭﻟﻜﻦ ﺳﻠﻄﺎﻥ ﺍﻻﻗﺮﺏ ﻟﻘﻠﺒﻪ ﻭﻳﺤﺒﻪ ﺍﻛﺜﺮ ﻣﻦ ﺍﻟﻜﻞ ﺭﻏﻢ ﺍﻧﻪ ﻣﺎ ﻳﻔﺮﻕ ﺑﻴﻨﻬﻢ ﻭﻟﻜﻦ ﺍﻟﻘﻠﺐ ﻳﻤﻴﻞ ﻟﺴﻠﻄﺎﻥ ﺩﺧﻞ ﻭﺻﻮﺗﻪ ﻳﺴﺒﻖ ﺧﻄﻮﺍﺗﻪ : ﺍﻟﺴﻼﻡ ﻋﻠﻴﻜﻢ ، ﻓﺰ ﺳﻠﻄﺎﻥ ﻣﻦ ﺻﻮﺗﻪ ﻭﺍﺑﺘﺴﻢ ﻭﻧﻄﻖ : ﻭﻋﻠﻴﻜﻢ ﺍﻟﺴﻼﻡ ، ﻗﺎﻡ ﻣﺸﻰ ﻟﻌﻨﺪﻩ ﻭﻫﻮ ﻳﻘﺒﻞ ﺭﺍﺳﻪ ﻭﻳﺪﻳﻨﻪ : ﺍﺳﺘﺮﻳﺢ ﺟﺪﻱ ﺍﺟﻠﺲ ، ﺟﻠﺲ ﺳُﻠﻴﻤﺎﻥ ﻭﺗﺮﻙ ﺍﻟﻌﻜﺎﺯ ﺳﻨﺪﻩ ﻋﻠﻰ ﺍﻟﻄﺎﻭﻟﻪ ﻭﺟﻠﺲ ﻭﻫﻮ ﻳﻠﺘﻔﺖ ﻳﻤﻴﻦ ﻳﺴﺎﺭ ﺑﻴﻨﻤﺎ ﺳﻠﻄﺎﻥ ﻛﺎﻥ ﻳﺼﺐ ﻟﻪ ﺍﻟﻘﻬﻮﺓ ، ﻗﺮﺏ ﺍﺧﺬ ﻣﻨﻪ ﺍﻟﻘﻬﻮﻩ ﻭﻫﻮ ﻳﻨﻄﻖ ﺑﺎﺳﺘﻐﺮﺍﺏ : ﻣﺎ ﻫُﻢ ﻓﻲ ﺍﻟﺒﻴﺖ؟ ﺳﻠﻄﺎﻥ ﺭﻓﻊ ﻛﺘﻮﻓﻪ : ﻻ ﻣﻮ ﻣﻮﺟﻮﺩﻳﻦ ﺍﻣﻲ ﺭﺍﺣﺖ ﻋﺰﻳﻤﻪ ، ﺍﻟﺠﺪ ﺷﺮﺏ ﺭﺷﻔﻪ ﻣﻦ ﺍﻟﻘﻬﻮﺓ : ﻣﻮ ﻋﻦ ﺍﻣﻚ ، ﺳﻠﻄﺎﻥ ﻋﺮﻑ ﻣﻴﻦ ﻳﻘﺼﺪ ﻟﻜﻦ ﺗﻌﻤﺪ ﻣﺎ ﻳﺠﻴﺐ ﻃﺎﺭﻳﻪ ﻭﻗﻔﻞ ﺍﻟﻜﻤﺒﻴﻮﺗﺮ ﻭﺣﻄﻪ ﻋﻠﻰ ﺟﻨﺐ ﻭﻫﻮ ﻳﻨﺎﻇﺮ : ﻋﺒﺪﺍﻟﺮﺣﻤﻦ ؟ ﺍﻟﺠﺪ ﻫﺰ ﺭﺍﺳﻪ ﺑﺎﻟﻨﻔﻲ : ﻣﺎﻫﻮ ﻋﺒﺪﺍﻟﺮﺣﻤﻦ ﻭﻻ ﻫﻮ ﻋُﻤﺮ ، ﺳﻜﺖ ﻗﺒﻞ ﻳﻨﻄﻖ ﻭﻳﻘﻮﻝ ﺻﻘﺮ ﻣﺴﻚ ﻟﺴﺎﻧﻪ ﻋﻦ ﺍﺳﻤﻪ ﻭﺻﺪ ، ﺳﻠﻄﺎﻥ ﺗﻨﻬﺪ ﻭﻫﻮ ﻳﻌﺮﻑ ﻫﺎﻟﺰﻋﻞ ﺍﻟﻲ ﺑﻴﻨﻬﻢ ﻣﺎ ﻳﻨﻬﻴﻪ ﺷﻲ ﺻﻘﺮ ﺍﻟﻲ ﻛﺎﻥ ﻗﺮﻳﺐ ﻣﻦ ﺟﺪﻩ ﺍﻛﺜﺮ ﻣﻦ ﺍﻟﻜﻞ ﻭﻳﺤﺒﻪ ﻭﻳﺠﻠﺲ ﻋﻠﻰ ﺑﺎﺏ ﺍﻟﺒﻴﺖ ﺣﺘﻰ ﻳﻮﺻﻞ ﻭﻳﺸﻮﻓﻪ ﻭﻳﻘﺒﻞ ﺭﺍﺳﻪ ﻗﺒﻞ ﺍﻟﻜﻞ ، ﻫﺎﻟﻤﺮﻩ ﻫﻮ ﺻﺪ ﻭﻻ ﻭﺩﻩ ﻳﻨﻬﻲ ﺍﻟﺰﻋﻞ ، ﺑﻴﻨﻤﺎ ﺍﻟﺠﺪ ﻛﺎﻥ ﺟﺎﻟﺲ ﻳﻨﺘﻈﺮ ﺳﻠﻄﺎﻥ ﻳﻌﻄﻴﻪ ﺍﺧﺒﺎﺭ ﺻﻘﺮ ، ﻓﺎﻗﺪﻩ ﻭﺟﺪًﺍ ﻓﺎﻗﺪ ﺣُﺒﻪ ﻣﻠﻬﻮﻑ ﻋﻠﻴﻪ ﻭﻣﺸﺘﺎﻕ ﻓﺎﻗﺪ ﺻﻘﺮ ﻭﺣﻨﻴﺘﻪ ، ﺳﻠﻄﺎﻥ ﺳﻜﺖ ﻭﻫﻮ ﻳﻮﻓﻲ ﺑﻮﻋﺪﻩ ﻟﺼﻘﺮ ﺣﻠﻒ ﻟﻪ ﻋﻠﻴﻪ ﺍﻧﻪ ﻣﺎ ﻳﻌﻠﻢ ﺍﺧﺒﺎﺭﻩ ﻟﺠﺪﻩ ، ﺍﻟﺠﺪ ﺍﻧﺘﻈﺮ ﻟﺜﻮﺍﻧﻲ ﻭﻻ ﺳﻤﻊ ﺭﺩ ﻣﻦ ﺳﻠﻄﺎﻥ ، ﺗﺮﻙ ﺍﻟﻔﻨﺠﺎﻥ ﻣﻦ ﻳﺪﻩ ﺑﺮﺟﻔﻪ ﻭﻫﻮ ﻳﻘﻮﻡ ﻭﻳﻤﺴﻚ ﻋﻜﺎﺯﻩ ﻭﻳﻤﺸﻲ ﺑﻄﺮﻳﻘﻪ ﻟﻐﺮﻓﺘﻪ ، ﺳﻠﻄﺎﻥ ﻧﺎﻇﺮ ﻓﻴﻪ ﺣﺘﻰ ﺍﺧﺘﻔﻰ ﻣﻦ ﻗﺪﺍﻣﻪ ﺗﻨﻬﺪ ﻭﻫﻮ ﻳﺎﺧﺬ ﺟﻮﺍﻟﻪ ﻭﻳﺘﺼﻞ ﻋﻠﻰ ﺻﻘﺮ ، ﺑﻌﺪ ﺛﻮﺍﻧﻲ ﺗﺮﻙ ﺟﻮﺍﻟﻪ ﻋﻠﻰ ﺟﻨﺐ ﻭﻫﻮ ﻳﺸﻮﻑ ﺍﻧﻪ ﻣﺎﻳﺮﺩ! ﻗﺎﻃﻊ ﺣﺒﻞ ﺗﻔﻜﻴﺮﻩ ﺩﺧﻮﻝ ﻋﺒﺪﺍﻟﺮﺣﻤﻦ ﻭﻫﻮ ﻳﺪﺧﻞ ﻭﻳﻔﺴﺦ ﻧﻈﺎﺭﺗﻪ ﻭﻳﺤﻄﻪ ﻋﻠﻰ ﺍﻟﻄﺎﻭﻟﻪ ﻭﺍﺑﺘﺴﻢ : ﻣﻦ ﻳﺪﻳﻦ ﺍﻣﻲ؟ ﺳﻠﻄﺎﻥ ﻫﺰ ﺭﺍﺳﻪ ﺑﺎﻟﻨﻔﻲ : ﻣﺎﻫﻲ ﻣﻮﺟﻮﺩﻩ ، ﻋﺒﺪﺍﻟﺮﺣﻤﻦ: ﺍﺟﻞ ﺣﺮﺍﻡ ﻋﻠﻲ ﺍﺷﺮﺏ ﺭﺷﻔﻪ ﻣﻨﻪ ، ﺳﻠﻄﺎﻥ : ﺻﻘﺮ ﻳﺎ ﻋﺒﺪﺍﻟﺮﺣﻤﻦ ، ﻋﺒﺪﺍﻟﺮﺣﻤﻦ ﺭﻓﻊ ﻧﻈﺮﻩ ﻟﻤﻼﻣﺢ ﺳﻠﻄﺎﻥ ﻭﻋﺮﻑ ﻓﻲ ﺷﻲ ﺑﺎﻟﻤﻮﺿﻮﻉ ﻭﺟﻠﺲ ﻋﻠﻰ ﺟﻨﺐ : ﻭﺵ ﺑﻪ ﺻﻘﺮ ﻣﺎﻟﻪ ﺟﻴﻪ؟ ﺳﻠﻄﺎﻥ : ﺟﺪﻱ ﺳﺎﻝ ﻋﻦ ﺍﺧﺒﺎﺭﻩ ﻭﻻ ﻧﻄﻘﺖ ﻟﺴﺎﻧﻲ ﻣﺎﻟﻪ ﻗﻮﻩ ﻳﻜﺴﺮ ﻭﻋﺪﻱ ﻟﻪ ، ﻭﺩﻱ ﺍﻭﻓﻲ ﺑﻮﻋﺪﻱ ﻭﻣﺎﻭﺩﻱ ﺍﻛﺴﺮ ﺟﺪﻱ ، ﻋﺒﺪﺍﻟﺮﺣﻤﻦ ﺗﻨﻬﺪ ﺑﻘﻠﺔ ﺣﻴﻞ : ﺻﻘﺮ ﻋﻨﻴﺪ ﻳﺎ ﺳﻠﻄﺎﻥ ، ﻧﺎﻇﺮ ﻟﻪ ﺳﻠﻄﺎﻥ ﻭﻫﻤﺲ ﺍﻋﺮﻑ ﻳﺎ ﻋﺒﺪﺍﻟﺮﺣﻤﻦ ﻭﺟﺪﻱ ﻣﻮ ﺍﻗﻞ ﻣﻨﻪ ﺑﺎﻟﻜﺒﺮﻳﺎﺀ ﺑﺲ ﺍﻳﺶ ﺍﻟﺤﻞ ؟ ﻋﺒﺪﺍﻟﺮﺣﻤﻦ: ﺧﻠﻪ ﻋﻠﻰ ﺭﺑﻚ ﻳﻼ ﺍﺭﻭﺡ ﺍﺭﻳﺢ ﺭﺍﺳﻲ ﺷﻮﻳﺘﻴﻦ ، ﺳﻠﻄﺎﻥ ﻫﺰ ﺭﺍﺳﻪ ﻭﻧﻄﻖ ﻧﻮﻡ ﺍﻟﻬﻨﺎﺀ ﻳﺎﺭﺏ ﻭﺍﻟﺨﻴﺮ ﻳﺤﺘﻮﻳﻚ ، ' _ ﺑﻴﺖ ﻋﺒﺪﺍﻟﻌﺰﻳﺰ _ ' ﻧﺠﻼﺀ ﺻﺒﺖ ﺍﻟﺸﺎﻱ ﺑﺎﻻﻛﻮﺍﺏ ﻭﺍﻟﺸﻐﺎﻟﻪ ﺗﺮﺗﺐ ﺍﻟﺸﺎﺑﻮﺭﻩ ﺩﺧﻠﺖ ﺁﻣﺎﻝ ﻭﻫﻲ ﺗﺴﺤﺐ ﻣﻮﻳﺎ ﻣﻦ ﺍﻟﺜﻼﺟﻪ : ﻳﺎﻟﻠﻪ ﺗﺎﺧﺮﺗﻮ ﺳﺎﻋﻪ ﺗﺴﻮﻥ ﺷﺎﻱ ، ﻧﺠﻼﺀ ﺍﻟﺘﻔﺘﺖ ﻟﻪ : ﺳﺎﻋﺪﻳﻨﺎ ﻃﻴﺐ ، ﺁﻣﺎﻝ : ﺍﻧﺎ ﺑﺮﻭﺡ ﺍﺟﻠﺲ ﻣﻊ ﺟﺪﻱ ﺑﺴﺮﻋﻪ ﺗﻌﺎﻟﻮ ، ﻭﻃﻠﻌﺖ ﻟﻠﺤﺪﻳﻘﻪ ﻭﻫﻲ ﺗﺸﻮﻑ ﺍﻟﺸﻐﺎﻻﺕ ﻳﺤﺎﻭﻟﻮﻥ ﻳﺸﺒﻮﻥ ﺍﻟﻨﺎﺭ ﻭﺍﻟﺠﺪ ﺟﺎﻟﺲ ﻳﻄﺎﻟﻊ ﻓﻴﻬﻢ ﻭﺍﺑﻮﻫﺎ ﻳﻮﻟﻊ ﺍﻟﻨﺎﺭ ، ﻣﺸﺖ ﺳﺤﺒﺖ ﺍﻟﻜﺮﺳﻲ ﻭﻫﻲ ﺗﺠﻠﺲ : ﻳﻮﻭﻩ ﺑﺮﺩ ، ﻓﺠﺎﻩ ﺩﺧﻠﺖ ﺍﻡ ﻧﺠﻼﺀ ﻭﺑﻴﺪﻳﻨﻬﺎ ﺟﺎﻛﻴﺘﺎﺕ ﺍﻟﺒﻨﺎﺕ ﻭﺷﺎﻝ ﺍﻟﺠﺪ ﻭﻣﺸﺖ ﻭﻫﻲ ﺗﺤﻂ ﺍﻟﺸﺎﻝ ﻋﻠﻰ ﻛﺘﻒ ﺍﻟﺠﺪ ﻭ ﺭﻓﻌﺖ ﻧﻈﺮﻩ ﻟﻔﻬﺪ : ﺑﺮﺩﺍﻥ؟ ﻓﻬﺪ ﺍﻟﺘﻔﺖ ﻟﻬﺎ : ﺗﺪﻓﻴﻨﻲ؟ ﺍﺑﺘﺴﻤﺖ ﻭﻫﻲ ﺗﻬﺰ ﺭﺍﺳﻬﺎ : ﺍﻱ ﺍﻋﻄﻴﻚ ﺷﺎﻟﻲ ﺗﺪﻓﻲ ﻧﻔﺴﻚ ﻣﻦ ﻫﺎﻟﺒﺮﺩ ، ﻣﺸﺖ ﻭﻫﻲ ﺗﻤﺪ ﺍﻟﺠﺎﻛﻴﺖ ﻵﻣﺎﻝ : ﺧﺬﻱ ﺣﻘﻚ ﻭﺣﻖ ﺧﻮﺍﺗﻚ ، ﺁﻣﺎﻝ ﻫﺰﺕ ﺭﺍﺳﻬﺎ ﺑﺎﻟﻨﻔﻲ ﻻ ﺑﺮﻭﺡ ﻋﻨﺪ ﺟﺪﻱ ﺍﺗﺪﻓﻰ ﻣﻌﻪ ﺑﺎﻟﺸﺎﻝ ﺣﻘﻪ ﻣﺸﺖ ﻭﻫﻲ ﺗﺠﻠﺲ ﺟﻨﺒﻪ ﺍﻟﺠﺪ ﺿﺤﻚ ﻭﻫﻮ ﻳﻀﻤﻬﺎ ﻟﻪ ﻭﻳﺴﺤﺐ ﺷﺎﻟﻪ ﻟﻬﺎ ، ﻓﻬﺪ ﺍﻟﺘﻔﺖ ﻟﺰﻭﺟﺘﻪ ﻟﻄﻴﻔﻪ ﺍﻡ ﻧﺠﻼﺀ : ﺗﻌﺎﻟﻲ ﻫﻨﺎ ﺟﻨﺒﻲ ، عالم القصص والروايات 📚: ﻗﺎﻣﺖ ﺍﻡ ﻧﺠﻼﺀ ﻭﻣﺸﺖ ﻭﻫﻲ ﺗﺪﻓﻴﻪ ﺑـ ﺷﺎﻟﻬﺎ ﻭﺟﻠﺴﺖ ﺟﻨﺒﻪ ، ﻓﺠﺎﻩ ﺩﺧﻠﻮ ﺍﻟﺒﻨﺎﺕ ﻣﺸﺖ ﻧﺠﻼﺀ ﻭﻫﻲ ﺗﺤﻂ ﺍﻟﺸﺎﻱ ﻋﻠﻰ ﺍﻟﻄﺎﻭﻟﻪ ﺍﻟﺸﻐﺎﻟﻪ ﻣﺸﺖ ﻭﻫﻲ ﺗﺼﺐ ، ﻧﺠﻼﺀ ﺣﻄﺖ ﺍﻟﺸﺎﺑﻮﺭﻩ ﻭﻫﻲ ﺗﺎﺧﺬ ﺟﺎﻛﻴﺘﻬﺎ ﻣﻦ ﺍﻣﻬﺎ ﻭﺗﻠﺒﺴﻬﺎ : ﺍﻭﻑ ﺗﺜﻠﺠﺖ ﻣﻦ ﺍﻟﺒﺮﺩ ، ﺁﻣﺎﻝ ﻣﺪﺕ ﻳﺪﻫﺎ ﻭﻫﻲ ﺗﺎﺧﺬ ﻓﻨﺠﺎﻥ ﺍﻟﺸﺎﻱ ﻣﻦ ﺍﻟﺸﻐﺎﻟﻪ ﻭﺗﺤﻄﻪ ﻗﺪﺍﻡ ﺍﻟﺠﺪ ﻭﻣﺪﺕ ﺍﺧﺬﺕ ﺍﻟﺸﺎﺑﻮﺭﻩ ﻭﻣﺪﺕ ﻟﻠﺠﺪ ، ﺍﻟﺠﺪ ﺍﺧﺬ ﻣﻨﻬﺎ ﻭﻫﻮ ﻳﻐﻤﺴﻪ ﺑﺎﻟﺸﺎﻱ ﻭﻳﺎﻛﻞ ، ﻓﻬﺪ : ﺷﺮﺍﻳﻚ ﻳﺒﻪ ﻟﻮ ﻧﺸﻮﻱ ﺩﺟﺎﺟﻪ؟ ﻧﺠﻼﺀ : ﻫﺎﻟﻠﻪ ﻭﺗﻜﺘﻤﻞ ﺍﺟﻮﺍﺀ ﺍﻟﺸﺘﺎﺀ ، ﺍﻟﺠﺪ : ﻻ ﻳﺎ ﻳﺒﻪ ﺧﻠﻨﺎ ﻋﻠﻰ ﺍﻟﺸﺎﻱ ، ﺁﻣﺎﻝ ﺍﻟﺘﻔﺘﺖ ﻟـ ﻧﺠﻼﺀ : ﺍﻟﺴﺎﻋﻪ ﻛﻢ ؟ ﻧﺠﻼﺀ ﻧﺎﻇﺮﺕ ﻟﺴﺎﻋﺘﻬﺎ ﻭﻫﻤﺴﺖ : ﺗﻮﻩ ﺑﺪﺭﻱ ﺻﺎﺭﺕ ﻋﺸﺮﻩ ، ﺁﻣﺎﻝ : ﺍﻭﻑ ﻓﻴﻨﻲ ﻧﻮﻡ ﻛﻠﻪ ﻣﻦ ﻣﺎﻣﺎ ﺧﻠﺘﻨﻲ ﺍﺻﺤﻰ ﺑﺪﺭﻱ ، ﺍﻡ ﻧﺠﻼﺀ ﺍﻟﺘﻔﺘﺖ ﻟﻠﺠﺪ : ﻛﻠﻪ ﻣﻦ ﺟﺪﻙ ﻫﻮ ﻗﺎﻝ ﻳﺠﻮﻧﺎ ﺿﻴﻮﻑ ، ﺍﻟﺠﺪ : ﺍﻱ ﺑﺲ ﺍﻧﺸﻐﻞ ﺍﻟﺮﺟﺎﻝ ﺑﻴﺠﻲ ﺑﻜﺮﻩ ، ﻓﻬﺪ ﺑﺎﺳﺘﻐﺮﺍﺏ : ﻣﻦ ﻳﺎ ﻳﺒﻪ ﺳُﻠﻴﻤﺎﻥ ؟ ﺍﻟﺠﺪ : ﺍﻱ ﻭﺍﻧﺎ ﺍﺑﻮﻙ ﻋﺰﻣﺘﻬﻢ ﻣﻦ ﺯﻣﺎﻥ ﻣﺎ ﻗﺎﺑﻠﺘﻪ ﻭﻻ ﺷﻔﺘﻪ ﻣﺸﺘﺎﻕ ﻟﻪ ﻭﺍﻟﻠﻪ ﻣﺸﺘﺎﻕ ﻟـ ﺍﻳﺎﻣﻨﺎ ، ﻓﻬﺪ : ﻳﺠﻲ ﻟﻮﺣﺪﻩ ﻭﻻ ﻣﻊ ﺍﺣﻔﺎﺩﻩ ؟ ﺍﻟﺠﺪ : ﻭﺍﻟﻠﻪ ﺍﻧﺎ ﻋﺰﻣﺖ ﺍﻟﻌﺎﻳﻠﻪ ﻛﻠﻪ ، ﻣﻼﺫ ﻛﺎﻧﺖ ﺟﺎﻟﺴﻪ ﻭﻟﻄﻴﻔﻪ ﺍﻣﻬﻢ ﺍﻡ ﻧﺠﻼﺀ ﻛﺎﻧﺖ ﺗﻐﻤﺲ ﺍﻟﺸﺎﺑﻮﺭﻩ ﻭ ﺗـ ﺍﻛﻠﻬﺎ ، ﻣُﻼﺣﻈﻪ ﺑﻨﺘﻬﻢ ﻣﻼﺫ ﻣﺎ ﺗﺸﻮﻑ ﺑﻤﻌﻨﻰ ﻋﻤﻴﺎﺀ ﻭﻻ ﺗﺘﻜﻠﻢ ' ، ﺁﻣﺎﻝ ﻭﻫﻲ ﺗﻘﻮﻡ : ﺍﻧﺎ ﺑﺮﻭﺡ ﻏﺮﻓﺘﻲ ﺑﻨﺎﻡ ﻣﺼﺪﻋﻪ ، ﺍﻟﺠﺪ : ﺍﻧﺘﺒﻬﻲ ﻋﻠﻰ ﻧﻔﺴﻚ ﻭﺍﺑﻌﺪﻱ ﻋﻦ ﺍﻟﻨﺎﺭ ، ﺁﻣﺎﻝ ﺍﺑﺘﺴﻤﺖ ﻭﻗﺮﺑﺖ ﺑﺎﺳﺖ ﺟﺒﻴﻨﻪ ﻭﻣﺸﺖ ﻃﻠﻌﺖ ﻣﺘﻮﺟﻪ ﺗﺪﺧﻞ ﺍﻟﺒﻴﺖ ، ' ﻭﻗﻒ ﺳﻴﺎﺭﺗﻪ ﻳﻮﺳﻒ ﻭﺍﻟﺘﻔﺖ ﻟﺰﻭﺟﺘﻪ : ﺍﺑﻮﻱ ﻛﻠﻤﻚ ﺑﺸﻲﺀ؟ ﺍﻡ ﺻﻘﺮ ﻫﺰﺕ ﺭﺍﺳﻬﺎ ﺑﺎﻟﻨﻔﻲ : ﻻ ﻣﺎ ﻛﻠﻤﻨﻲ ﻟﻴﻪ ؟ ﻳﻮﺳﻒ ﺑﻬﺪﻭﺀ : ﺑﻜﺮﻩ ﻣﻌﺰﻭﻣﻴﻦ ﻋﻨﺪ ﺻﺪﻳﻖ ﻟﻪ ﻓﻲ ﺍﻟﻤﺪﻳﻨﺔ ﺍﻟﺼﺒﺎﺡ ﻃﻴﺎﺭﺗﻨﺎ ﻧﻄﻠﻊ ﻣﻦ ﺍﻟﻘﺼﻴﻢ ﻭﻧﺮﻭﺡ ﺍﻟﻤﺪﻳﻨﻪ ، ﺍﻡ ﺻﻘﺮ : ﺍﻱ ﻋﻠﻰ ﻫﺎﻟﻄﺎﺭﻱ ﻛﻠﻤﻨﻲ ﺳﻠﻄﺎﻥ ، ﻳﻮﺳﻒ : ﺍﻱ ﺟﻬﺰﻱ ﺍﻻﻏﺮﺍﺽ ﻭﻳﻤﻜﻦ ﻧﺠﻠﺲ ﻓﻲ ﺍﻟﻤﺪﻳﻨﺔ ﻛﻢ ﻳﻮﻡ ﻣﻦ ﺯﻣﺎﻥ ﻣﺎ ﺭﺣﺖ ﺍﺷﺘﻘﺖ ﻻﺟﻮﺍﺀ ﺍﻟﻤﺪﻳﻨﺔ ، ﺍﻡ ﺻﻘﺮ ﺍﺑﺘﺴﻤﺖ : ﺧﻼﺹ ﺍﻥ ﺷﺎﺀ ﺍﻟﻠﻪ ﺑﻨﺮﻭﺡ ، ﻭﻧﺰﻟﺖ ﻣﻦ ﺍﻟﺴﻴﺎﺭﻩ ﺻﺎﺩﻓﺖ ﻋُﻤﺮ ﻛﺎﻥ ﻃﺎﻟﻊ ﻣﻦ ﺍﻟﺒﻴﺖ : ﻭﻳﻦ ﺭﺍﻳﺢ؟ ﻋﻤﺮ ﻧﺎﻇﺮ ﻓﻴﻬﺎ : ﺭﺍﻳﺢ ﺍﺟﻴﺐ ﺍﺷﻮﻑ ﺻﻘﺮ ﻭﻳﻨﻪ ﺗﺎﺧﺮ ﻋﻦ ﺍﻟﺒﻴﺖ، ﻳﻮﺳﻒ ﺍﻟﺘﻔﺖ ﻟﻬﻢ : ﻟﻴﻪ ﻭﻳﻦ ﺭﺍﺡ ؟ ﻋﻤﺮ : ﻣﻌﺮﻑ ﻣﺎ ﻳﺮﺩ ﻋﻠﻴﻨﺎ ، ﻳﻮﺳﻒ ﺍﺧﺬ ﺟﻮﺍﻟﻪ ﻭﻫﻮ ﻳﺘﺼﻞ ﻋﻠﻴﻪ ، ﺍﻡ ﺻﻘﺮ ﻣﺸﺖ ﺩﺍﺧﻞ ﻟﻠﺒﻴﺖ ، - ﺻﻘﺮ ﻛﺎﻥ ﺣﺎﻟﺲ ﺑﺴﻴﺎﺭﺗﻪ ﻭﻳﺪﺧﻦ ﻓﺠﺎﻩ ﺭﻥ ﺟﻮﺍﻟﻪ ﺍﺧﺬﻩ ﻭﻫﻮ ﻳﻨﺎﻇﺮ ﻻﺳﻢ ﻛﺎﻥ ﺍﺑﻮﻩ ، ﻣﺎﻳﻘﺪﺭ ﻳﻘﻔﻞ ﺑﻮﺟﻬﻪ ﻭﻻ ﻳﻘﺪﺭ ﺍﻧﻪ ﻳﺘﺠﺎﻫﻞ ﺍﺗﺼﺎﻻﺗﻪ ﺗﻨﻬﺪ ﻭﻫﻮ ﻳﺮﺩ : ﻫﻼ ﻳﺒﻪ؟ ﻳﻮﺳﻒ ﺑﺤﻨﻴﺔ ﻭﺧﻮﻑ : ﻭﻳﻨﻚ ﻳﺎﻭﻟﺪﻱ ﻋﻤﺮ ﻳﻘﻮﻝ ﺍﻧﻚ ﻣﺎ ﺗﺮﺩ ﻭﻣﻦ ﺍﻟﺼﺒﺎﺡ ﻣﺨﺘﻔﻲ؟ ﻓﻴﻚ ﺷﻲ ﻳﺎﺑﻮﻱ؟ ﺻﻘﺮ ﺑﻬﺪﻭﺀ : ﻣﺎﻓﻴﻨﻲ ﺷﻲ ﻳﺎ ﻳﺒﻪ ﺑﺲ ﺍﺑﻲ ﺍﻛﻮﻥ ﻟﺤﺎﻟﻲ ، ﻳﻮﺳﻒ : ﺍﻋﺮﻑ ﺍﻧﻚ ﺯﻋﻼﻥ ﺑﺴﺒﺐ ﺟﺪﻙ ﻭﺍﻧﻪ ﺿﺮﺑﻚ ﻭﻋﺼﺐ ﻣﻨﻚ ﺑﻲ ﺑﺎﻟﻨﻬﺎﻳﻪ ﻫﺬﺍ ﺟﺪﻙ ﻳﺎﻭﻟﺪﻱ ﻭﻳﺨﺎﻑ ﻋﻠﻴﻚ ﻣﻦ ﺍﻟﻐﻠﻂ ، ﺗﻌﺎﻝ ﺍﻟﺒﻴﺖ ﺍﻧﺎ ﻭﺍﻗﻒ ﻋﻨﺪ ﺍﻟﺒﺎﺏ ﺍﻧﺘﻈﺮﻙ ، ﺗﻌﺎﻝ ﻭﻣﺎ ﻳﺼﻴﺮ ﺍﻻ ﺍﻟﻲ ﺑﺨﺎﻃﺮﻙ ﻭﺍﻧﺎ ﺍﺗﻔﺎﻫﻢ ﻣﻊ ﺍﺑﻮﻱ ﺑﻜﻞ ﺷﻲﺀ ، ﺻﻘﺮ : ﻳﺒﻪ ﺍﻧﺖ ﻧﺎﻡ ﻭ ﺭﻳﺢ ﺭﺍﺳﻚ ﺭﺍﺡ ﺍﺭﺟﻊ ﻣﺘﺎﺧﺮ ، ﻳﻮﺳﻒ : ﺍﻗﻮﻟﻚ ﺗﻌﺎﻝ ﻭﻻ ﺗﺸﻐﻞ ﺑﺎﻝ ﺍﻣﻚ ﻭﺗﺘﻌﺒﻬﺎ ﻳﻼ ﺍﺭﺟﻊ ﺍﻧﺘﻈﺮﻙ ﻭﻗﺴﻢ ﺑﺎﻟﻠﻪ ﻳﺎ ﺻﻘﺮ ﻣﺎﻧﻲ ﺣﺎﻁ ﺭﺟﻠﻲ ﺩﺍﺧﻞ ﺍﻟﺒﻴﺖ ﻟﻴﻦ ﺗﺠﻲ ﺍﻧﺖ ﺭﺟﻠﻲ ﻋﻠﻰ ﺭﺟﻠﻚ ﻳﻼ ﺗﻌﺎﻝ ﻭﺍﻧﺎ ﺍﺑﻮﻙ ، ﺻﻘﺮ ﺍﺑﺘﺴﻢ ﻋﻠﻰ ﺣﻨﻴﺘﻪ ﻭﺣُﺒﻪ ﻭﺧﻮﻓﻪ ، ﺩﺍﻳﻢ ﻳﻮﺳﻒ ﻳﺘﻌﺎﻣﻞ ﻣﻊ ﻋﻴﺎﻟﻪ ﺑﻜﻞ ﺣُﺐ ﻭﺣﻨﻴﻪ ﻳﺤﺒﻬﻢ ﻛﺜﻴﺮ ﻭﻳﺤﺐ ﺍﻧﻬﻢ ﻳﺘﺮﺑﻮﻥ ﻭﻳﻜﺒﺮﻭﻥ ﻋﻠﻰ ﺍﻟﺤُﺐ ﻭﺍﻟﺤﻨﺎﻥ ، ' ﺩﺧﻠﺖ ﺍﻡ ﺻﻘﺮ ﺍﻟﺒﻴﺖ ﺣﻄﺖ ﻋﺒﺎﻳﺘﻬﺎ ﻋﻠﻰ ﺍﻟﻜﻨﺐ ﻭﻣﺸﺖ ﻟﻐﺮﻓﺔ ﻋﺒﺪﺍﻟﺮﺣﻤﻦ ﺗﺘﻄﻤﻦ ﻋﻠﻰ ﻋﻴﺎﻟﻬﺎ ﺍﻭﻝ ﻣﺎ ﻓﺘﺤﺖ ﺍﻟﺒﺎﺏ ﻓﺰﺕ ﻣﻦ ﺑﺮﻭﺩ ﺍﻟﻐﺮﻓﻪ ﻛﺎﻥ ﺑﺎﺭﺩ ﺯﻱ ﺍﻟﺜﻠﺞ ﻣﺸﺖ ﺷﻐﻠﺖ ﺍﻟﻀﻮﺀ ﻭﻗﻔﻠﺖ ﺍﻟﻤﻜﻴﻒ ﻭﻧﺎﻇﺮﺕ ﻟﻌﺒﺪﺍﻟﺮﺣﻤﻦ ﻛﺎﻥ ﻧﺎﻳﻢ ﻭﻻ ﺣﺎﺱ ﺑﻬﺎﻟﺒﺮﺩ ﺗﻨﻬﺪﺕ ﻭﻫﻲ ﺗﻬﻤﺲ : ﺍﻟﻠﻪ ﻳﻬﺪﻳﻚ ﻟﻮ ﺗﻤﺮﺽ ﺷﺴﻮﻱ ﻓﻴﻚ ﺍﻧﺎ ﻣﺸﺖ ﻭﻫﻲ ﺗﺴﺤﺐ ﺍﻟﻠﺤﺎﻑ ﻭﺗﺪﻓﻴﻪ ﻃﻔﺖ ﺍﻟﻀﻮﺀ ﻭﻃﻠﻌﺖ ﺗﻮﺟﻬﺖ ﻟﻐﺮﻓﺔ ﺳﻠﻄﺎﻥ ﻓﺘﺤﺖ ﺍﻟﺒﺎﺏ ﻧﺎﻇﺮﺕ ﻓﻴﻪ ﻛﺎﻥ ﺟﺎﻟﺲ ﻋﻠﻰ ﺍﻟﺴﺮﻳﺮ ﻭﺍﻻﻭﺭﺍﻕ ﺑﻴﺪﻩ ﻭﻳﺸﺘﻐﻞ ﺍﺑﺘﺴﻤﺖ ﺑﻬﺪﻭﺀ ، ﺳﻠﻄﺎﻥ ﺭﻓﻊ ﻧﻈﺮﻩ ﻟﻬﺎ : ﻫﻼ ﺑﺎﻟﻐﺎﻟﻴﻪ ﺗﻌﺎﻟﻲ ﺍﺟﻠﺴﻲ ﻛﻴﻔﻚ؟ ﺍﻡ ﺻﻘﺮ ﺍﺑﺘﺴﻤﺖ : ﺍﻧﺎ ﺑﺨﻴﺮ ﺍﻟﺤﻤﺪﻟﻠﻪ ﻣﺎ ﻧﻤﺖ ﻟﻠﺤﻴﻦ؟ ﺳﻠﻄﺎﻥ : ﻭﺍﻟﻠﻪ ﺍﻟﻴﻮﻡ ﻋﻨﺪﻱ ﺷﻐﻞ ﻛﺜﻴﺮ ﺍﻟﻈﺎﻫﺮ ﻣﺎ ﺍﺫﻭﻕ ﻟﺬﺓ ﺍﻟﻨﻮﻡ ، ﻋﻠﻤﻴﻨﻲ ﺍﻧﺘﻲ ﺻﻘﺮ ﻛﻠﻤﻚ ؟ ﺍﻡ ﺻﻘﺮ : ﻻ ﻭﺍﻟﻠﻪ ﻣﺎ ﻛﻠﻤﻨﻲ ﻋﻤﺮ ﻛﻠﻢ ﺍﺑﻮﻙ ﻋﻨﻪ ﻭﻫﻮ ﻳﺘﻔﺎﻫﻢ ﻣﻌﻪ، ﻭﺍﻧﺖ ﺗﻌﺮﻑ ﺻﻘﺮ ﻋﻨﻴﺪ ﻣﺎ ﻳﺮﺟﻌﻪ ﺍﻻ ﺍﺑﻮﻙ ، ﺳﻠﻄﺎﻥ ﺗﻨﻬﺪ : ﺟﺪﻱ ﻧﺪﻣﺎﻥ ﻋﻠﻰ ﺗﺼﺮﻓﺎﺗﻪ ﻣﻊ ﺻﻘﺮ ، ﺍﻡ ﺻﻘﺮ : ﺍﻟﻠﻪ ﻳﻬﺪﻳﻬﻢ ﻳﺎﻭﻟﺪﻱ ﺍﻳﺶ ﺍﻗﻮﻝ ﺑﻌﺪ ، ' ﺻﻘﺮ ﻭﻗﻒ ﺳﻴﺎﺭﺗﻪ ﻓﺘﺢ ﺍﻟﺒﺎﺏ ﻧﺰﻝ ﻭﻫﻮ ﻳﺸﻮﻑ ﺍﺑﻮﻩ ﻭﺍﻗﻒ ﻣﻊ ﻋﻤﺮ ﻭﻳﺴﻮﻟﻔﻮﻥ ﻣﺸﻰ ﻭﻫﻮ ﻳﺴﻠﻢ ﻋﻠﻰ ﺍﺑﻮﻩ ﻭﻳﻘﺒﻞ ﻳﺪﻩ ، ﻳﻮﺳﻒ ﺳﺤﺒﻪ ﻭﻫﻮ ﻳﺤﻀﻨﻪ ﻭﻳﻄﺒﻄﺐ ﻋﻠﻰ ﻛﺘﻔﻪ : ﺧﻞ ﻋﻨﻚ ﺍﻟﺰﻋﻞ ، ﺻﻘﺮ ﺑﻌﺪ ﻋﻨﻪ ﻭﻫﻮ ﻳﻨﺎﻇﺮ : ﻣﻮ ﺯﻋﻼﻥ ، ﻳﻮﺳﻒ : ﻳﻼ ﺍﺩﺧﻞ ﺍﻟﺒﻴﺖ ﻭﻧﺎﻡ ﺍﺭﺗﺎﺡ ﻭﺑﻜﺮﻩ ﻧﺘﻔﺎﻫﻢ ، ﻋﻤﺮ : ﺧﻼﺹ ﻋﺎﺩ ﺻﻘﺮ ﺍﺗﻔﻞ ﻋﻠﻰ ﺍﻟﺸﻴﻄﺎﻥ ﻭﺍﻣﺸﻲ ، ﺻﻘﺮ ﺩﺧﻞ ﻣﻊ ﺍﺑﻮﻩ ﻟﻠﺒﻴﺖ ﻋﻤﺮ ﻗﻔﻞ ﺍﻟﺒﺎﺏ ﻭﻟﺤﻘﻬﻢ ، ﺍﻡ ﺻﻘﺮ ﻧﺰﻟﺖ ﻭﻣﺸﺖ ﻭﻫﻲ ﺗﺤﻀﻦ ﺻﻘﺮ : ﻭﻳﻦ ﻛﻨﺖ؟ ﺻﻘﺮ ﺑﻜﺬﺏ : ﻛﺎﻥ ﻋﻨﺪﻱ ﺷﻐﻞ ﺗﻮﻱ ﺧﻠﺼﺖ ، ﻳﻮﺳﻒ : ﻳﻼ ﻛﻞ ﻭﺍﺣﺪ ﻋﻠﻰ ﻏﺮﻓﺘﻪ ﻧﺎﻣﻮ ﻭﺭﺍﻧﺎ ﺳﻔﺮ ، ﺻﻘﺮ : ﻳﺒﻪ ﺍﻧﺎ ﻣﺎ ﺑﻤﺸﻲ ﺭﻭﺣﻮ ﺍﻧﺘﻢ ، ﻳﺮﺳﻒ : ﻭﻻ ﻛﻠﻤﻪ ﻳﺎ ﺻﻘﺮ ﻳﻼ ﺭﻭﺡ ﻭﺍﻧﺎ ﺍﻛﻠﻢ ﺍﻟﺸﻐﺎﻻﺕ ﻳﺠﻬﺰﻭﻥ ﺍﻏﺮﺍﺿﻜﻢ ﻳﻼ ﻛﻞ ﻭﺍﺣﺪ ﻋﻠﻰ ﻏﺮﻓﺘﻪ ، ' ' ﻧﺠﻼﺀ ﻛﺎﻧﺖ ﻣﺎﺳﻜﻪ ﻳﺪ ﻣﻼﺫ ﺩﺧﻠﺘﻬﺎ ﺍﻟﻐﺮﻓﻪ ﻭﺳﺪﺣﺘﻬﺎ ﻭﺣﻄﺖ ﺍﻟﻠﺤﺎﻑ ﻋﻠﻴﻬﺎ ﻭﺍﻟﺘﻔﺘﺖ ﻟـ ﺁﻣﺎﻝ ﻛﺎﻧﺖ ﻧﺎﻳﻤﻪ ﻣﺸﺖ ﻭﻫﻲ ﺗﻘﻔﻞ ﺍﻟﻤﻜﻴﻒ : ﺣﺴﺒﻲ ﺍﻟﻠﻪ ﻣﻦ ﺑﻨﺖ ﺑﻨﻤﻮﺕ ﻣﻦ ﺍﻟﺒﺮﺩ ﻭﻫﻲ ﻧﺎﻳﻤﻪ ﻋﻠﻰ ﺍﻟﻤﻜﻴﻒ ﻭﺍﻟﺘﻔﺘﺖ ﺗﻨﺎﻇﺮ ﻟﻤﻼﺫ : ﻣﻼﺫ ﺗﺒﻴﻦ ﺷﻲ ﻭﻻ ﺍﻧﺎﻡ؟ ﻣﻼﺫ ﻫﺰﺕ ﺭﺍﺳﻬﺎ ﺑﺎﻟﻨﻔﻲ ﺑﻤﻌﻨﻰ ﻻ ﻣﺎﺑﻲ ﺷﻲﺀ ، ﻧﺠﻼﺀ ﺍﺑﺘﺴﻤﺖ ﻭﻗﺎﻣﺖ ﺗﻤﺸﻲ ﺑﺘﻨﺎﻡ ﻓﺠﺎﻩ ﺍﻧﻔﺘﺢ ﺍﻟﺒﺎﺏ ، ﺩﺧﻠﺖ ﻟﻄﻴﻔﻪ : ﻟﻠﺤﻴﻦ ﻣﺎ ﻧﻤﺘﻮ ﺍﻧﺘﻢ؟ ﻧﺠﻼﺀ : ﺍﻟﺤﻴﻦ ﺑﻨﻨﺎﻡ ﻭﺑﻨﺘﻚ ﺍﻟﻤﺠﻨﻮﻧﻪ ﻣﺸﻐﻠﻪ ﺍﻟﻤﻜﻴﻒ ، ﻟﻄﻴﻔﻪ ﺿﺤﻜﺖ ﻭﺍﻟﺘﻔﺘﺖ ﻟﻤﻼﺫ : ﻣﻼﺫ ﺑﺘﻨﺎﻣﻴﻦ ﻳﺎ ﻣﺎﻣﺎ؟ ﻣﻼﺫ ﻫﺰﺕ ﺭﺍﺳﻬﺎ ﺑـ ﺍﻱ ، ﻣﻨﻴﺮﻩ ﻫﻤﺴﺖ ﺍﺳﺘﻮﺩﻋﺘﻜﻢ ﺍﻟﻠﻪ ﻳﻼ ﻧﺎﻣﻮ ﻧﻮﻡ ﺍﻟﻬﻨﺎﺀ ﻳﺎﺭﺏ ، ﻭﻣﺸﺖ ﻃﻠﻌﺖ ﻭﻗﻔﻠﺖ ﺍﻟﺒﺎﺏ ، ﻧﺠﻼﺀ ﻣﺸﺖ ﺳﺤﺒﺖ ﺟﻮﺍﻟﻬﺎ ﺍﻧﺴﺪﺣﺖ ﻭﻫﻲ ﺗﻄﻘﻄﻖ ﺑﺠﻮﺍﻟﻬﺎ ، ' -———— ' ﻳﻮﻡ ﺟﺪﻳﺪ ﻋﻠﻰ ﺍﺑﻄﺎﻟﻲ ' ﺱ ٨ ﺍﻟﺼﺒﺎﺡ ' ' ﻋﺒﺪﺍﻟﺮﺣﻤﻦ ﻛﺎﻥ ﺟﺎﻟﺲ ﻋﻠﻰ ﺟﻮﺍﻟﻪ ﻳﻄﻘﻄﻖ ﻭﺍﻟﺸﻐﺎﻟﻪ ﺗﺮﺗﺐ ﺍﻏﺮﺍﺿﻪ ﻓﻲ ﺍﻟﺸﻨﻄﻪ ﺩﺧﻞ ﺳﻠﻄﺎﻥ : ﻋﺒﺪﺍﻟﺮﺣﻤﻦ ﺍﺧﻠﺺ ﻳﻼ، ﻋﺒﺪﺍﻟﺮﺣﻤﻦ : ﺧﻼﺹ ﺧﻼﺹ ﺟﺎﻱ ﺭﻭﺣﻮ ﺍﻧﺘﻢ ، ﺳﻠﻄﺎﻥ : ﺟﺪﻱ ﻳﻘﻮﻟﻚ ﺑﻨﻤﺸﻲ ﺑﺴﻴﺎﺭﻩ ﻭﺍﺣﺪ ﻟﻠﻤﻄﺎﺭ ، ﻋﺒﺪﺍﻟﺮﺣﻤﻦ: ﻭﻳﻦ ﻳﺎ ﺍﺑﻨﻲ ﻣﺎﺭﺍﺡ ﺗﻜﻔﻲ ﺍﻻﻏﺮﺍﺽ. ﺳﻠﻄﺎﻥ : ﻣﺎﻋﻠﻴﻚ ﺭﺍﺡ ﺗﻜﻔﻲ ﺑﺲ ﺍﺧﻠﺺ ﻋﻠﻴﻨﺎ ﺍﻧﺖ ، ﻋﺒﺪﺍﻟﺮﺣﻤﻦ: ﻭﺍﻟﻠﻪ ﻋﺰﻳﻤﺔ ﺟﺪﻱ ﻫﺬﺍ ﻳﻘﺮﻭﺷﻨﺎ ﺍﻟﻈﺎﻫﺮ ، ﺩﺧﻞ ﺻﻘﺮ : ﺳﻠﻄﺎﻥ ﻭﻳﻦ ﺷﺎﺣﻨﻲ؟ ﺳﻠﻄﺎﻥ : ﺷﻌﺮﻓﻨﻲ ﺍﻧﺎ ﺭﻭﺡ ﺍﺳﺎﻝ ﻣﻦ ﻋُﻤﺮ ﺍﻟﻲ ﻣﺎ ﺗﺮﻙ ﺷﺎﺣﻦ ﺍﺣﺪ ﻓﻲ ﺍﻟﺒﻴﺖ ﻛﻞ ﻣﺎ ﻟﻘﻰ ﺷﺎﺣﻦ ﺷﺒﻜﻪ ﺑﺠﻮﺍﻟﻪ ، ﺻﻘﺮ : ﺍﻟﻠﻪ ﻳﺎﺧﺬ ﻫﺎﻟﻌُﻤﺮ ﺭﺍﺡ ﻳﺨﺮﺏ ﻟﻲ ﺷﺎﺣﻨﻲ ﻣﺸﻰ ﻃﻠﻊ ﻭﻫﻮ ﻳﺼﺎﺭﺥ : ﻋﻢ..ﻭﻗﻒ ﻣﻦ ﺷﺎﻑ ﺟﺪﻩ ﻋﺒﺪﺍﻟﻌﺰﻳﺰ ﻛﺎﻥ ﻧﺎﺯﻝ ﻣﻦ ﺍﻟﺪﺭﺝ ﺻﺪ ﺑﻴﺪﺧﻞ ﻟﻐﺮﻓﺔ ﻋﺒﺪﺍﻟﺮﺣﻤﻦ ﻟﻜﻦ ﻭﻗﻔﻪ ﺻﻮﺗﻪ ، ﻋﺒﺪﺍﻟﻌﺰﻳﺰ : ﺧﻠﻚ ﺍﻧﺴﺎﻥ ﻭﺳﻠﻢ ﻋﺎﻻﻗﻞ ، ﺻﻘﺮ ﺑﻬﺪﻭﺀ : ﺍﻟﺴﻼﻡ ﻋﻠﻴﻜﻢ ، ﺍﻟﺠﺪ ﺭﺩ ﺍﻟﺴﻼﻡ ﻭﺻﺪ ﻃﻠﻊ ، ﺻﻘﺮ ﺣﻂ ﺟﻮﺍﻟﻪ ﺑﺠﻴﺒﻪ ﻭﺍﻟﺘﻔﺖ ﻟﺴﻠﻄﺎﻥ ﻭﻋﺒﺪﺍﻟﺮﺣﻤﻦ ﺍﻟﻲ ﻃﻠﻌﻮ ﻣﻦ ﺍﻟﻐﺮﻓﻪ ، ﺍﻡ ﺻﻘﺮ ﻧﺎﻇﺮﺕ ﻓﻴﻬﻢ : ﻳﻼ ﻧﻤﺸﻲ؟ ﻋﺒﺪﺍﻟﺮﺣﻤﻦ: ﺍﻱ ﻳﺎ ﻳﻤﻪ ﻳﻼ ﻭﻃﻠﻌﻮﺍ ﻭﻫﻢ ﻳﺸﻮﻓﻮﻥ ، ﻳﻮﺳﻒ ﻛﺎﻥ ﻳﺤﺎﻭﻝ ﻳﺤﻂ ﺍﻻﻏﺮﺍﺽ ﻛﻠﻪ ﺑﺴﻴﺎﺭﻩ ﻭﺣﺪﻩ ، ﻋﺒﺪﺍﻟﺮﺣﻤﻦ: ﻭﺍﻟﻠﻪ ﺍﻟﻲ ﻳﺸﻮﻑ ﺑﻴﻘﻮﻝ ﻧﻬﺎﺟﺮ ﺣﻨﺎ ، ﺳﻠﻄﺎﻥ : ﻳﺒﻪ ﻓﻲ ﻣﻜﺎﻥ ﻭﻻ ﺍﺭﺟﻊ ﺍﻟﺒﺎﻗﻲ ﻟﻠﺒﻴﺖ؟ ﻳﻮﺳﻒ : ﻣﺎﻋﻠﻴﻚ ﻓﻲ ﻓﻲ ﺟﻴﺒﻬﻢ ، ﺻﻘﺮ : ﻳﺒﻪ ﺷﻮﻱ ﻭﻳﻘﻠﺐ ﺍﻟﺴﻴﺎﺭﻩ ﻭﺍﻧﺖ ﺗﻘﻮﻝ ﻓﻲ ﻓﻲ ، ﻋﺒﺪﺍﻟﺮﺣﻤﻦ : ﻗﻠﺘﻠﻜﻢ ﻣﺎ ﺗﻜﻔﻲ ﺳﻴﺎﺭﻩ ﻭﺣﺪﻩ ﻣﺎ ﺳﻤﻌﺘﻮﻧﻲ ، ﺍﻟﺠﺪ ﺳُﻠﻴﻤﺎﻥ : ﻻﺣﻮﻝ ﻭﻻ ﻗﻮﺓ ﺍﻻ ﺑﺎﻟﻠﻪ ﻟﻮ ﺗﻘﻔﻞ ﻓﻤﻚ ﺍﻧﺖ ﻭﺍﺧﻮﻙ ﺭﺍﺡ ﻧﺪﺑﺮ ﺍﻣﻮﺭﻧﺎ ﺻﺪ ﻭﻣﺸﻰ ﻳﺮﻛﺐ ﺍﻟﺴﻴﺎﺭﻩ ، ﻋﻤﺮ ﺑﻀﺤﻜﻪ : ﻭﺍﻟﻠﻪ ﻗﻔﻠﻮ ﻓﻤﻬﻢ ﻭﻻ ﻣﺎ ﻗﻔﻠﻮ ﻣﺎﻓﻲ ﻣﻜﺎﻥ ﻳﻌﻨﻲ ﻣﺎﻓﻲ ، ﻳﻮﺳﻒ ﻧﺎﻇﺮ ﻓﻴﻪ ﻭﺍﻟﻠﻪ ﺍﻧﺖ ﺍﻟﻲ ﻟﻮ ﺗﻜﺮﻣﻨﺎ ﺑﺴﻜﻮﺗﻚ ، ﺍﻡ ﺻﻘﺮ ﻣﺸﺖ ﻭﻫﻲ ﺗﺮﻛﺐ ﺍﻟﺴﻴﺎﺭﻩ ﻋﺒﺪﺍﻟﺮﺣﻤﻦ ﺻﺪ ﻭﻣﺸﻰ ﻳﺮﻛﺐ ، ﻳﻮﺳﻒ ﻭﺳﻠﻄﺎﻥ ﺑﻌﺪ ﻣﺤﺎﻭﻻﺕ ﺣﻄﻮ ﺍﻻﻏﺮﺍﺽ ﻛﻠﻪ ، ﻭﻣﺸﻮ ﻳﺮﻛﺒﻮﻥ ﻭﺗﻮﺟﻪ ﻟﻠﻤﻄﺎﺭ ، - " ﺑﻴﺖ ﻋﺒﺪﺍﻟﻌﺰﻳﺰ " ' ﺍﻟﺠﺪ ﻋﺒﺪﺍﻟﻌﺰﻳﺰ ﻧﺎﻇﺮ ﻟﻔﻬﺪ : ﻛﻠﻤﻨﻲ ﻗﺎﻝ ﺑﻴﺠﻮﻥ ﻋﻠﻰ ﺍﻟﻤﻐﺮﺏ ﺍﻭ ﺍﻟﻌﺸﺎﺀ، ﻓﻬﺪ : ﻭﻳﻨﻬﻢ ﻫُﻢ ﺍﻟﺤﻴﻦ ؟ ﺍﻟﺠﺪ ﻋﺒﺪﺍﻟﻌﺰﻳﺰ : ﺍﻟﺤﻴﻦ ﻃﺎﻟﻌﻴﻦ ﻋﻠﻰ ﺍﻟﻤﻄﺎﺭ ﻭﻳﺮﻭﺣﻮﻥ ﺍﻟﻔﻨﺪﻕ ﻳﺮﻳﺤﻮﻥ ﺷﻮﻱ ﻭﻳﺠﻮﻥ ﻋﻠﻰ ﺍﻟﻤﻐﺮﺏ ، ﻓﻬﺪ : ﺍﺟﻞ ﻳﻼ ﺍﻧﺎ ﺍﺭﻭﺡ ﺍﺧﻠﺺ ﺷﻐﻠﻲ ﺑﺎﻟﺸﺮﻛﻪ ، ﺍﻟﺠﺪ ﻋﺒﺪﺍﻟﻌﺰﻳﺰ : ﻭﺍﻧﺎ ﺍﺭﻭﺡ ﻣﻊ ﺍﻟﺴﻮﺍﻕ ﺍﺷﻮﻑ ﻣﻮﺿﻮﻉ ﺍﻟﺬﺑﻴﺤﻪ ، ﺍﻡ ﻧﺠﻼﺀ ﻛﺎﻧﺖ ﻭﺍﻗﻔﻪ ﺗﻜﻠﻢ ﺍﻟﺸﻐﺎﻻﺕ ﻳﻨﻈﻔﻮﻥ ، ﻭﻫﻤﺴﺖ : ﻳﻼ ﺑﺴﺮﻋﻪ ﻧﻈﻔﻮ ﺯﻳﻦ ﻭ ﺭﺗﺒﻮ ﻛﻞ ﺷﻲﺀ ﻭ ﻣﺠﻠﺲ ﺍﻟﺮﺟﺎﻝ ﻭﺣﺪﻩ ﺗﺮﻭﺡ ﺗﻤﺴﺢ ﺍﻟﻄﺎﻭﻻﺕ ﻳﻼ ﻣﺎﻓﻲ ﻭﻗﺖ ، ﻧﺰﻟﺖ ﺁﻣﺎﻝ ﻭﺑﻴﺪﻫﺎ ﺍﻟﺘﻔﺎﺣﻪ : ﻳﻤﻪ ﻣﺮﺭﻩ ﺑﺪﺭﻱ ، ﺍﻡ ﻧﺠﻼﺀ : ﺍﺳﻜﺘﻲ ﺍﻧﺘﻲ ﻭ ﺭﻭﺣﻲ ﺷﻮﻓﻲ ﺍﺧﺘﻚ ﻣﻼﺫ ﻭﻳﻦ ، ﺁﻣﺎﻝ : ﻣﻊ ﻧﺠﻼﺀ ﺍﻛﻴﺪ ﻭﻳﻦ ﺑﺘﻜﻮﻥ ﻳﻌﻨﻲ ، ﺍﻡ ﻧﺠﻼﺀ : ﻃﻴﺐ ﺍﺳﻜﺘﻲ ﻭﺍﺑﻌﺪﻱ ﻋﻦ ﻃﺮﻳﻘﻲ ﻻ ﺗﻠﻬﻴﻨﻲ ﻋﻦ ﺷﻐﻠﻲ ﻭ ﺭﻭﺣﻲ ﺟﻬﺰﻱ ﻧﻔﺴﻚ ﺑﺘﺠﻲ ﺍﻣﻬﻢ ﺑﻌﺪ ، ﺁﻣﺎﻝ : ﻣﺎﻋﻠﻴﻚ ﺟﺎﻫﺰﻩ ﺍﻧﺎ ﺧﻠﻴﻬﻢ ﻳﻮﺻﻠﻮﻥ ﺑﺲ ﺑﻌﺪﻳﻦ ﻧﺸﻮﻑ، ﻧﺰﻟﺖ ﻧﺠﻼﺀ ﻭﻫﻲ ﻣﺎﺳﻜﻪ ﻳﺪ ﻣﻼﺫ : ﺁﻣﺎﻝ ﺍﻧﺘﺒﻬﻲ ﻟﻤﻼﺫ ﺍﻟﺸﻐﺎﻻﺕ ﻛﻠﻬﻢ ﻣﺸﻐﻮﻟﻴﻦ ﻭﺍﻧﺎ ﺑﺮﻭﺡ ﺍﺳﺘﺸﻮﺭ ﺷﻌﺮﻱ ، ﺁﻣﺎﻝ : ﻳﻮﻩ ﻧﺠﻼﺀ ﺍﻧﺘﻲ ﻭﺍﻣﻲ ﻣﺎ ﺷﺎﺀ ﺍﻟﻠﻪ ﻋﻠﻴﻜﻢ ﻣﺴﺘﻌﺠﻠﻴﻦ ﺗﻮﻩ ﺻﺎﺭ ﻇﻬﺮ ﻓﻲ ﻭﻗﺖ ﻛﺜﻴﺮ ، ﻧﺠﻼﺀ : ﺍﺩﺭﻱ ﻓﻲ ﻭﻗﺖ ﺑﺲ ﺍﻧﺘﻲ ﺗﻌﺮﻓﻴﻦ ﻣﺎﺭﺍﺡ ﺍﻓﻀﻰ ﻭﺍﺩﺧﻞ ﺍﺷﻮﻑ ﺍﻟﻘﻬﻮﺓ ﻭﺍﻛﻠﻢ ﺍﻟﺸﻐﺎﻻﺕ ﺍﻋﻠﻤﻬﻢ ﺷﻴﺴﻮﻥ ، ﺁﻣﺎﻝ : ﺗﻤﺎﻡ ﺭﻭﺣﻲ ، ﺍﺧﺬﺕ ﻣﻼﺫ ﻭﻣﺸﺖ ﺟﻠﺴﺖ ﺑﺎﻟﺼﺎﻟﻪ ، ﺍﻡ ﻧﺠﻼﺀ ﻧﺎﻇﺮﺕ ﻓﻴﻬﺎ : ﻗﻮﻣﻲ ﺭﻭﺣﻲ ﺟﻴﺒﻲ ﺟﻮﺍﻟﻲ ﻣﻦ ﻓﻮﻕ ، ' _ ﻓﻲ ﺍﻟﻄﻴﺎﺭﻩ ﺗﺤﺪﻳﺪًﺍ - ' ﻋﺒﺪﺍﻟﺮﺣﻤﻦ ﻭﻫﻮ ﻳﺪﻑ ﺳﻠﻄﺎﻥ : ﺍﺑﻌﺪ ﻋﻨﻲ ﺧﻨﻘﺘﻨﻲ ﻳﺎ ﻛﺒﺮ ﺭﺍﺳﻚ ﻣﺎﻟﻘﻴﺖ ﺍﻻ ﻛﺘﻔﻲ ﺗﻨﺎﻡ ﻋﻠﻴﻪ ، ﺳﻠﻄﺎﻥ : ﻭﺍﻟﻠﻪ ﺍﻧﻲ ﻣﺎ ﻧﻤﺖ ﺯﻳﻦ ﻛﻨﺖ ﺳﻬﺮﺍﻥ ﺍﺧﻠﺺ ﺷﻐﻠﻲ ، ﻋﺒﺪﺍﻟﺮﺣﻤﻦ ﺳﺤﺐ ﺍﻟﺴﻤﺎﻋﺎﺕ ﺣﻄﻬﻢ ﺑﺎﺫﻧﻪ ﻭﺷﻐﻞ ﺍﻏﻨﻴﻪ ، ﺳﻠﻄﺎﻥ ﺣﻂ ﺭﺍﺳﻪ ﻋﻠﻰ ﻛﺘﻔﻪ ﻭ ﻓﺰ ﺑﺎﻧﺰﻋﺎﺝ : ﺍﻟﻠﻪ ﻳﺎﺧﺬﻙ ﻳﺎ ﻋﺒﺪﺍﻟﺮﺣﻤﻦ ، ﻋﺒﺪﺍﻟﺮﺣﻤﻦ ﺿﺤﻚ ﻭﻫﻮ ﻳﻨﺎﻇﺮ : ﺗﺴﺘﺎﻫﻞ ، ﻭﺻﻘﺮ ﻭ ﻋﻤﺮ ﻛﺎﻧﻮ ﺟﻨﺐ ﺑﻌﺾ ﺟﺎﻟﺴﻴﻦ ، ﺻﻘﺮ ﻧﺎﻇﺮ ﻟﺴﺎﻋﺘﻪ : ﻳﺎﻫﻮﻩ ﻣﺘﻰ ﺑﻨﻮﺻﻞ ﺗﻌﺒﺖ ﻭﺍﻟﻠﻪ ، ﻋﻤﺮ : ﻟﻴﻪ ﻻ ﻳﻜﻮﻥ ﺍﻧﺖ ﺍﻟﻲ ﺗﺴﻮﻕ ﻓﻴﻨﺎ ﺍﻟﻄﻴﺎﺭﻩ ؟ ﺻﻘﺮ : ﻭﺍﻟﻠﻪ ﻓﻠﻪ ﺿﺤﻜﺘﻨﻲ ﺍﻗﻮﻝ ﺍﺫﻟﻒ ﻋﻨﻲ ، ﻋﻤﺮ : ﺗﺪﺭﻱ ﻳﺎ ﺻﻘﺮ ﻭﺵ ﺣﻠﻤﻲ؟ ﺍﻛﻮﻥ ﻃﻴﺎﺭ ﻭﺍﻟﻠﻪ ﻓﻠﻪ ، ﺻﻘﺮ : ﺍﻧﺖ ﺍﺧﻠﺺ ﺩﺭﺍﺳﺘﻚ ﺑﻌﺪﻳﻦ ﻧﺸﻮﻑ ﺍﻳﺶ ﺗﺼﻴﺮ ﻭﺍﻟﻠﻪ ﻣﻦ ﻧﺘﺎﺋﺠﻚ ﺣﺘﻰ ﻓﻮﻕ ﺍﻟﻄﻴﺎﺭﻩ ﻣﺎ ﻳﺤﻄﻮﻧﻚ ، ﻋﻤﺮ : ﺷﻒ ﻣﻦ ﻳﺘﻜﻠﻢ ﻭﺍﻧﺖ ﺑﻐﻴﺖ ﺗﻘﺘﻞ ﻣﺮﻳﺾ ﺑﺎﻟﻤﺴﺘﺸﻔﻰ، ﺻﻘﺮ ﺑﻀﺤﻜﻪ : ﻭﺍﻟﻠﻪ ﺍﻧﻚ ﻛﺬﺍﺏ ﺍﺑﻌﺪ ﻋﻨﻲ ﺑﺲ ، ﻋﻤﺮ : ﺍﻻ ﺍﻗﻮﻟﻚ ﺍﻳﺶ ﻣﻨﺎﺳﺒﺔ ﺍﻟﻌﺰﻳﻤﻪ؟ ﺻﻘﺮ : ﺍﺳﺎﻝ ﻣﻦ ﺟﺪﻙ ﺷﻌﺮﻓﻨﻲ ﺍﻧﺎ ﺍﻻ ﻭﻻﺯﻡ ﻛﻠﻨﺎ ﻧﺮﻭﺡ ، ' #انتهى_الفصل♥ 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع الفصل التالي➥ ⇩⇩ ▇ـ▄▄▄💜▄▄▄ـ▇