على محيط خصرها تلتف المجرات - الفصل 74 - مكتملة | روايتك

عالم القصص والروايات 📚: 💜🍃💜🍃💜 💜🍃💜 🍃💜 💜 📖🖌 @ahgeel 🔮🍃 { رواية على محيط خصرها تلتف المجرات💕} *🔮ــــــــــــــــــــــــــــــــــــــــــ🔮* ✏️ــ. #ﺑﺎﺭﺕ 346: ' - ' ﺯﻓّﺮ ﻓﻴﺼﻞ ﻭﻫﻮ ﻳﺮﻓﻊ ﺃﻛﺘﺎﻓﻪ : ﻳﻤﻜﻦ ﺑﻴﻘﻮﻝ ﻟﻬﻢ ﻗﺒﻞ ﻻ ﺗﺠﻲ ﺯﻭﺟﺘﻪ ، ﻣﺎ ﻗﺎﻝ ﻟﻮﻫﺞ ؟ ﻫﺰّ ﻏﻴﺚ ﺭﺍﺳﻪ ﺑﺎﻟﻨﻔﻲ : ﻃﻮﻝ ﺍﻟﻄﺮﻳﻖ ﻣﻦ ﺍﻟﻤﺰﺭﻋﺔ ﻟﻠﺤﻴﻦ ﻣﺎ ﻗﺎﻝ ﻟﻬﺎ ، ﻣﺎﻳﻨﻔﻊ ﻭﺍﻟﻠﻪ ﻣﺎ ﻳﻨﻔﻊ ! ﺭﻓﻊ ﻓﻴﺼﻞ ﺃﻛﺘﺎﻓﻪ ﺑﻌﺪﻡ ﻣﻌﺮﻓﺔ ، ﻭﻭﻗﻒ ﻏﻴﺚ ﺑﻬﺪﻭﺀ ﻭﻫﻮ ﻳﻨﺎﻇﺮﻩ : ﻫﻮ ﻣﺎ ﻗﺎﻝ ﻟﻬﻢ ﺃﻧﺎ ﺃﻗﻮﻝ ، ﻣﺎ ﺗﺘﺤﻤﻠﻬﺎ ﺃﻣﻲ ﻣﺮﺗﻴﻦ ﻟﻒ ﻓﻴﺼﻞ ﺃﻧﻈﺎﺭﻩ ﻟﻐﻴﺚ ﻳﻠﻲ ﺧﺮﺝ ، ﻭﻓﻬﻢ ﻗﺼﺪﻩ " ﻣﺎ ﺗﺘﺤﻤﻠﻬﺎ ﺃُﻣﻲ ﻣﺮﺗﻴﻦ " ، ﺍﻟﻤﺮﺓ ﺍﻷﻭﻟﻰ ﻭﻗﺖ ﺻﺎﺭﺕ ﺍﻟﻌﺰﻭﻣﺔ ﻟﺠﻠﻪ ﻭﻣﺎ ﻛﺎﻧﺖ ﺃُﻣﻪ ﺗﺪﺭﻱ ﺇﻧﻪ ﺑﺎﻗﻲ ﺣﻲّ ، ﻭﻛﺎﻧﺖ ﻧﻬﺎﻳﺔ ﻫﺎﻟﻌﺰﻭﻣﺔ ﻭﺟﻊ ﻣﺎﻟﻪ ﻣﺜﻴﻞ ﺑﻄﻌﻦ ﺿﺎﺭﻱ ﻷُﻣﻪ ﻭﺍﻟﻠﻘﺎﺀ ﻳﻠﻲ ﻛﺎﻥ ﻣﺆﻟﻢ ﺑﺸﻜﻞ ﻣﺎﻫﻮ ﻃﺒﻴﻌﻲ ، ﻣﺎ ﻭﺩﻩ ﻳﺘﻜﺮﺭ ﺍﻟﻤﻮﺿﻮﻉ ﻣﺮﺓ ﺛﺎﻧﻴﺔ ﻭﺗﺼﻴﺮ ﻋﺰﻭﻣﺔ ﻓﻴﻬﺎ ﺷﻲﺀ ﻣﺎ ﺗﺪﺭﻱ ﻋﻨﻪ ﺃُﻣﻪ .. ﺩﺧﻞ ﻏﻴﺚ ﻟﻠﻤﻄﺒﺦ ﻭﻫﻮ ﻳﺴﻤﻊ ﺃُﻣﻪ ﺗﺪﻧﺪﻥ : ﺃﻣـﻲ ﻫﺰﺕ ﺍﻟﻌﻨﻮﺩ ﺭﺍﺳﻬﺎ ﺑﺈﺑﺘﺴﺎﻣﺔ : ﺑﻴﺠﻲ ﺧﺎﻟﻚ ﺳﻨﺪ ﻭﺯﻭﺟﺘﻪ ﻭﺑﻨﺘﻬﺎ ، ﻗﻠﺖ ﻟﻮﻫﺞ ؟ ﺑﺮﺩﺕ ﻣﻼﻣﺤﻪ ﻟﻮﻫﻠﺔ ، ﻭﺩﺧﻠﺖ ﻭﻫﺞ ﻣﻦ ﺗﺄﺧﺮﺕ ﺃﻣﻬﺎ ﻭﺗﻐﻴّﺮﺕ ﻣﻼﻣﺤﻬﺎ ﻣﻦ ﻭﺟﻪ ﻏﻴﺚ : ﺻﺎﺭ ﺷﻲﺀ ! ﻫﺰﺕ ﺍﻟﻌﻨﻮﺩ ﺭﺍﺳﻬﺎ ﺑﺎﻟﻨﻔﻲ ﻭﻫﻲ ﺗﺎﺧﺬ ﺍﻟﺼﻴﻨﻴﺔ ﺑﺈﻳﺪﻫﺎ : ﻣﺎ ﺻﺎﺭ ﺍﻻ ﻛﻞ ﺧﻴﺮ ﺇﻥ ﺷﺎﺀ ﺍﻟﻠﻪ ﺗﻨﻬّﺪ ﻣﻦ ﺃﻋﻤﺎﻗﻪ ﻭﻫﻮ ﻳﻌﺪﻝ ﺷﻤﺎﻏﻪ ، ﻭﺭﻓﻌﺖ ﻭﻫﺞ ﺣﻮﺍﺟﺒﻬﺎ : ﺻﺎﺭ ﺷﻲﺀ ﻣﺎ ﺃﻋﺮﻓﻪ ؟ ﻫﺰّ ﺭﺍﺳﻪ ﺑﺎﻟﻨﻔﻲ ﻭﻫﻮ ﻳﺘﻨﻬﺪ : ﺳﻨـﺪ ﻣﺎ ﻗﺎﻝ ﻟﻚ ﻋﻦ ﺯﻭﺍﺟﻪ ؟ ﺗﻐﻴّﺮﺕ ﻣﻼﻣﺤﻬﺎ ﻣﺒﺎﺷﺮﺓ ﻭﻫﻲ ﺗﻬﺰ ﺭﺍﺳﻬﺎ ﺑﺎﻟﻨﻔﻲ ، ﻭﻫﺰ ﺭﺍﺳﻪ ﺑﺈﻳﻪ ﻭﻫﻮ ﻳﺴﻤﻊ ﺃﺑﻮﻩ ﻳﻨﺎﺩﻳﻪ ﻭﻗﺒّﻞ ﺭﺍﺳﻬﺎ : ﺑﻴﺠﻲ ﻣﻊ ﺯﻭﺟﺘﻪ ﻫﺰﺕ ﺭﺍﺳﻬﺎ ﺑﺰﻳﻦ ﺑﺬﻫﻮﻝ ، ﻭﺷﺘﺖ ﺃﻧﻈﺎﺭﻫﺎ ﺑﻌﻴﺪ ﻷﻧﻪ ﻃﻮﻝ ﺍﻟﻄﺮﻳﻖ ﻛﺎﻥ ﻳﺤﺎﻭﻝ ﻳﻘﻮﻝ ﻟﻬﺎ ﻋﻦ ﺷﻲﺀ ﻭﻳﺘﺮﺍﺟﻊ ﻭﺗﻨﻬّﺪﺕ ﻣﻦ ﺃﻋﻤﺎﻗﻬﺎ : ﻳﺰﻋﻞ ﻳﺎﺧﺎﻟﻲ ﻭﺍﻟﻠﻪ ﻳﺰﻋّﻞ ! ﺧﺮﺝ ﻏﻴﺚ ﻟﻠﻤﺠﻠﺲ ، ﻭﺳﺤﺒﺖ ﻭﻫﺞ ﺍﻟﻜﺮﺳﻲ ﻭﻫﻲ ﺗﺠﻠﺲ ﻭﺗﺰﻓﺮ ﻣﻦ ﺃﻋﻤﺎﻗﻬﺎ ﻭﺵ ﺑﻴﺼﻴﺮ ﺑﻬﺎﻟﻴﻮﻡ ، ﻭﺍﻷﻛﻴﺪ ﺇﻥ ﺃُﻣﻬﺎ ﺗﺄﺛﺮﺕ ﺃﻛﺜﺮ ﻣﻦ ﺃﻱ ﺃﺣﺪ ﻟﻜﻨﻬﺎ ﻟﻠﺤﻴﻦ ﻣﺎ ﻭﺿﺤّﺖ ﺷﻲﺀ .. ﺭﺟﻌﺖ ﺷﻌﺮﻫﺎ ﻟﻠﺨﻠﻒ ﻭﻫﻲ ﺗﺤﺲ ﺑﺨﻄﺄ ﺑﻬﺎﻟﻴﻮﻡ ﻭﻣﺎ ﻳﺠﻲ ﺑﺒﺎﻟﻬﺎ ﻏﻴﺮﻩ ، ﻣﺎ ﻗﺪﺭﺕ ﺗﺘﺤﻤﻞ ﺃﻛﺜﺮ ﻭﻻ ﺗﻜﻠﻤﻪ ﻭﻗﺮﺭﺕ ﺇﻧﻪ ﻗﺒﻞ ﻻ ﻳﺼﻴﺮ ﺍﻟﺰﺣﺎﻡ ﻭﻳﻤﺘﻠﻲ ﺍﻟﻤﺠﻠﺲ ، ﻻﺯﻡ ﺗﺤﺎﻛﻴﻪ ﻷﻥ ﺩﺍﺧﻠﻬﺎ ﻣﻮ ﻣﺮﺗﺎﺡ ﺃﺑﺪﺍً .. ﺗﻨﻬﺪﺕ ﻟﺜﻮﺍﻧﻲ ﻣﻦ ﻣﺎ ﻭﺻﻠﻬﺎ ﺍﻟﺮﺩ ﻣﻨﻪ ﻭﻫﻲ ﺗﻐﻤﺾ ﻋﻴﻮﻧﻬﺎ ﻭﻓﺘﺤﺘﻬﺎ ﻣﺒﺎﺷﺮﺓ ﻣﻦ ﺭﺩ : ﻫﺪﺍﺝ ﺍﺑﻌﺪ ﻧﻈﺮﺍﺗﻪ ﻋﻦ ﺟﺎﻣﺢ ﺍﻟﺨﻴﻞ ﺑﻬﺪﻭﺀ ﻭﻫﻮ ﻳﺤﺎﻭﻝ ﻳﺨﻔﻒ ﻣﻦ ﻏﻀﺒﻪ ﻣﻦ ﺍﻟﻜﻞ ، ﻭﻣﻦ ﺧﻴﻠﻪ : ﺳﻤﻲّ ﺳﻜﺘﺖ ﻟﺜﻮﺍﻧﻲ ﺑﺈﺳﺘﻐﺮﺍﺏ ، ﻭﻣﻴّﻠﺖ ﺷﻔﺎﻳﻔﻬﺎ ﺑﻬﺪﻭﺀ : ﻓﻴﻚ ﺷﻲﺀ ؟ ﻫﺰ ﺭﺍﺳﻪ ﺑﺎﻟﻨﻔﻲ ﻛﺄﻧﻬﺎ ﺗﺸﻮﻓﻪ ﻟﻜﻨﻪ ﻣﺎ ﻧﻄﻖ ﺑﺤﺮﻑ ﺇﻻ ﺑﻌﺪ ﻭﻗﺖ ﺃﻛّﺪ ﻓﻴﻪ ﻟﻮﻫﺞ ﺇﻧﻪ ﺻﺎﺭ ﺷﻲﺀ : ﻣﺘﻰ ﺗﻨﺘﻬﻲ ﺟﻤﻌﺘﻜﻢ ؟ ﺭﻓﻌﺖ ﺃﻛﺘﺎﻓﻬﺎ ﺑﻌﺪﻡ ﻣﻌﺮﻓﺔ ، ﻭﻋﺪﻡ ﺇﻃﻤﺌﻨﺎﻥ ﻣﻨﻪ ﻭﻣﻦ ﺳﻜﻮﺗﻪ : ﻣﺎ ﺃﻋﺮﻑ ، ﺗﺠﻲ ﻋﻨﺪ ﺍﻟﺮﺟﺎﻝ ﻃﻴﺐ ؟ ﺷﺘﺖ ﺃﻧﻈﺎﺭﻩ ﺑﻌﻴﺪ ﺑﺪﻭﻥ ﺭﺩ ، ﻭﻏﻤﻀﺖ ﻋﻴﻮﻧﻬﺎ ﺑﺨﻔﻴﻒ : ﺗﺠﻲ ﻋﺸﺎﻧﻲ ﻃﻴﺐ ؟ ﻏﻤﺾ ﻋﻴﻮﻧﻪ ﻣﺒﺎﺷﺮﺓ ﻭﻧﺒﺮﺗﻬﺎ ﻟﻮﺣﺪﻫﺎ ﺿﺮﺑﺖ ﻛﻞ ﻛﻴﺎﻧﻪ ، ﺳﻜﺖ ﻟﻮﻫﻠﺔ ﻭﻫﻮ ﻳﺎﺧﺬ ﻧﻔﺲ : ﻇﻨّﻚ ﻟﻲ ﻗﻠﺐ ﻳﻘﻮﻝ ﻻ ؟ ﺍﺑﺘﺴﻤﺖ ﺑﺨﻔﻮﺕ ﻭﻫﻲ ﺗﺴﻜﺮ ﻣﻨﻪ ، ﻭﻭﻗﻒ ﻫﺪﺍﺝ ﻭﻫﻮ ﻳﻨﺎﻇﺮ ﺟﺎﻣﺢ ﺑﺴﺨﺮﻳﺔ ...: _ *🔮ــــــــ( #يتـــبع👇)ـــــــــ🔮* 💜📚 @ahgeel 💜📚🖋 🍃💜 💜🍃💜 🍃💜🍃💜 💜🍃💜🍃💜 💜🍃💜🍃💜 💜🍃💜 🍃💜 💜 📖🖌 @ahgeel 🔮🍃 { رواية على محيط خصرها تلتف المجرات💕} *🔮ــــــــــــــــــــــــــــــــــــــــــ🔮* ✏️ــ. #ﺑﺎﺭﺕ 347: ' - ' ﻏﻤﺾ ﻋﻴﻮﻧﻪ ﻣﺒﺎﺷﺮﺓ ﻭﻧﺒﺮﺗﻬﺎ ﻟﻮﺣﺪﻫﺎ ﺿﺮﺑﺖ ﻛﻞ ﻛﻴﺎﻧﻪ ، ﺳﻜﺖ ﻟﻮﻫﻠﺔ ﻭﻫﻮ ﻳﺎﺧﺬ ﻧﻔﺲ : ﻇﻨّﻚ ﻟﻲ ﻗﻠﺐ ﻳﻘﻮﻝ ﻻ ؟ ﺍﺑﺘﺴﻤﺖ ﺑﺨﻔﻮﺕ ﻭﻫﻲ ﺗﺴﻜﺮ ﻣﻨﻪ ، ﻭﻭﻗﻒ ﻫﺪﺍﺝ ﻭﻫﻮ ﻳﻨﺎﻇﺮ ﺟﺎﻣﺢ ﺑﺴﺨﺮﻳﺔ : ﺃﺩﺭﻱ ﺑﻚ ﺗﻀﺤﻚ ، ﻟﻚ ﻗﻠﺐ ﻳﻘﻮﻝ ﻻ ﻟﻮ ﻗﺎﻟﺖ ﻟﻚ ﻋﺸﺎﻧﻲ ؟ ﺿﺤﻚ ﺑﺴﺨﺮﻳﺔ ﻟﻠﻤﺮﺓ ﺍﻟﺜﺎﻧﻴﺔ ﻭﻫﻮ ﻳﻬﺰ ﺭﺍﺳﻪ ﺑﺎﻟﻨﻔﻲ : ﺃﻛﻴﺪ ﻣﺎ ﻟﻚ ، ﻭﻟﻮ ﺻﺎﺭ ﺃﻧﺰﻋﻪ ﻣﻦ ﻣﻜﺎﻧﻪ ﻷﻧﻬﺎ ﻣﺎﻫﻲ ﻟﻚ ﻣﺴﺢ ﻋﻠﻰ ﻭﺟﻬﻪ ﺑﺨﻔﻴﻒ ﻭﻫﻮ ﻳﺰﻓﺮ ﻭﻣﺎﻛﺎﻧﺖ ﺇﻻ ﺛﻮﺍﻧﻲ ﻭﺿﻢّ ﻭﺟﻪ ﺟﺎﻣﺢ ﻟﺤُﻀﻨﻪ ﻭﻣﺸﻰ ﻣﻦ ﺍﻟﻤﺰﺭﻋﺔ ﻭﺃﺧﻴـﺮﺍً .. _ ‏« ﺑـﻴـﺖ ﻓﻴــﺼﻞ ‏» ﺗﺮﻛﺖ ﻭﺗﻴﻦ ﻣﻦ ﺇﻳﺪﻫﺎ ﻭﻫﻲ ﺗﺮﺟﻒ ، ﺗﺮﺟﻒ ﻣﻦ ﺃﻋﻤﺎﻗﻬﺎ ﻣﻮ ﻋﺎﺭﻓﺔ ﻛﻴﻒ ﺗﺘﺼﺮﻑ ﻭﻻ ﺷﻠﻮﻥ ﺗﻘﺎﺑﻞ ﻫﺎﻟﻨﺎﺱ ﻭﺍﻷُﻣﻪ ﻳﻠﻲ ﺗﻮﻗﻌﺖ ﻋﺪﺩﻫﻢ ﻣﺎﻫﻮ ﺑﺎﻟﻬﻴّﻦ ﻣﻦ ﺍﻷﺻﻮﺍﺕ ﻳﻠﻲ ﺗﺴﻤﻌﻬﺎ ، ﺇﺭﺗﻌﺒﺖ ﻭﻟﻸﺳﻒ ﺇﻧﻬﺎ ﻣﻮ ﻣﻦ ﺍﻟﻨﻮﻉ ﺍﻹﺟﺘﻤﺎﻋﻲ ﻭﺳﻨﺪ ﺑﺘﺎﺗﺎً ﻣﺎﻫﻮ ﻣﺴﺎﻧﺪﻫﺎ ، ﻗﺎﻝ ﻟﻬﺎ ﺃﻫﻠﻪ ﻭﻧﻘﻄﺔ ﻣﺎ ﻭﺿّﺢ ﻟﻬﺎ ﻛﻠﻤﺔ ﺃﻛﺜﺮ ، ﻭﻻ ﺣﺮﻑ ﺯﻳﺎﺩﺓ ﻭﺍﻟﺤﻴﻦ ﻭﺍﻗﻒ ﺧﻠﻔﻬﺎ ﺑﺪﻭﻥ ﺣﺮﺍﻙ .. ﻛﺎﻧﺖ ﺑﺘﺘﻜﻠﻢ ﻟﺤﺪ ﻣﺎ ﺩﺧﻠﺖ ﺃُﻧﺜﻰ ﻗﻠﻴﻠﺔ ﻛﻠﻤﺔ ﻧﺎﻋﻤﺔ ﻋﻠﻴﻬﺎ ، ﻋﺮﻑ ﺳﻨﺪ ﺑﺰﻋﻠﻬﺎ ﻣﻦ ﻧﻈﺮﺗﻬﺎ ﻳﻠﻲ ﻣﺎ ﻳﻼﺣﻈﻬﺎ ﺃﻱ ﺃﺣﺪ ﻭﻳﻠﻲ ﺃﺧﻔﺘﻬﺎ ﺑﺈﺑﺘﺴﺎﻣﺔ ﻣﺒﺎﺷﺮﺓ : ﺣﻴّـﺎﻙ ﺳﻨﺪ ﺑﻬﺪﻭﺀ ﻭﻫﻮ ﻳﺘﻨﺤﻨﺢ ﻭﻳﺮﻓﻊ ﻭﺗﻴﻦ ﻳﻠﻲ ﺗﻌﻠﻘﺖ ﺑﺜﻮﺑﻪ ﺑﺎﻷﺳﻔﻞ ﻭﻳﺤﺎﻭﻝ ﻣﺎ ﺗﻄﻴﺢ ﻋﻴﻨﻪ ﺑﻌﻴﻮﻥ ﺷﻮﻕ ﻳﻠﻲ ﻟﻔّﺘﻬﺎ ﻟﻨﺎﺣﻴﺘﻪ : ﻭﻫﺞ ، ﺷﻮﻕ ﺯﻭﺟـﺘﻲ .. ﺇﻧﺘﺒﻬﺖ ﺷﻮﻕ ﻟﺜﻘﻞ ﻧﻄﻘﻪ ﻟﻜﻠﻤﺔ ﺯﻭﺟﺘﻲ ﻭﺷﺘﺖ ﺃﻧﻈﺎﺭﻫﺎ ﺑﻌﻴﺪ ﻣﺒﺎﺷﺮﺓ .. ﺣﺴّﺖ ﻭﻫﺞ ﺇﻥ ﺍﻟﺠﻮ ﺑﻴﻨﻬﻢ ﻣُﺶ ﻭﻻ ﺑﺪ ، ﻭﺍﺑﺘﺴﻤﺖ ﺑﺨﻔﻴﻒ : ﺇﺫﺍ ﻭﺩﻙ ﺗﻨﺰﻟﻴﻦ ﻋﺒﺎﻳﺘﻚ ﻫﻨﺎ ﺃﺭﻳﺢ ﻟﻚ ﻫﺰّ ﺳﻨﺪ ﺭﺍﺳﻪ ﺑﺈﻳﻪ ﻭﻫﻮ ﻳﺄﺷﺮ ﻟﻮﺗﻴﻦ ﺗﺪﺧﻞ ﺍﻟﻐﺮﻓﺔ ﻳﻠﻲ ﺟﻨﺒﻪ ﻭﻭﺟﻪ ﻛﻼﻣﻪ ﻟﺸﻮﻕ ﺑﺪﻭﻥ ﻻ ﻳﻨﺎﻇﺮﻫﺎ : ﺇﺟﻠﺴﻲ ﻫﻨﺎ ، ﺑﻜﻠّﻢ ﻓﻴﺼﻞ ﻭﺃﺭﺟﻊ ﺩﺧﻠﺖ ﺷﻮﻕ ﻣﻊ ﻭﺗﻴﻦ ﻟﻜﻨﻬﺎ ﺳﻤﻌﺖ ﺣﻮﺍﺭﻩ ﻣﻊ ﻭﻫﺞ ، ﻭﺑﻤﺠﺮﺩ ﻣﺎ ﺇﺑﺘﻌﺪﺕ ﻫﻲ ﻋﻨﻬﻢ ﻭﺟّﻪ ﺳﻨﺪ ﻛﻼﻣﻪ ﻟﻮﻫﺞ ﺑﻄﺮﻳﻘﺔ ﻏﻴﺮ ، ﻭﻧﺒﺮﺓ ﻏﻴﺮ ﻳﺴﺄﻟﻬﺎ " ﺯﻋﻠﺘﻲ ؟ " .. ﻫﺰﺕ ﻭﻫﺞ ﺭﺍﺳﻬﺎ ﺑﺎﻟﻨﻔﻲ ﻭﻫﻲ ﺗﺸﺘﺖ ﺃﻧﻈﺎﺭﻫﺎ ﺑﻌﻴﺪ : ﻣﺎﻳﺰﻋﻞ ﻫﺰ ﺭﺍﺳﻪ ﺑﺈﻳﻪ ﻭﻫﻮ ﻳﻤﻴﻞّ ﺷﻔﺎﻳﻔﻪ ، ﻭﺷﺪﺕ ﻗﺒﻀﺔ ﺇﻳﺪﻫﺎ ﺑﺨﻔﻴﻒ ﻭﻫﻲ ﺗﺒﻌﺪ ﻋﻴﻮﻧﻬﺎ ﻋﻨﻪ : ﻳﺰﻋﻞ ﺇﻧﻚ ﻛﻨﺖ ﺟﺎﻟﺲ ﺗﺮﺟﻊ ﺳﻨﺪ ﺍﻟﻘﺪﻳﻢ ، ﻭﺍﻟﻴﻮﻡ ﻟﻤّﺎ ﺧﺒﻴﺖ ﻭﻃﻮﻝ ﺍﻟﻄﺮﻳﻖ ﻣﺎ ﺗﻜﻠﻤﺖ ﺧﻴّﺒﺖ ﻇﻨﻲ ﺷﻮﻱ ﻫﺰ ﺭﺍﺳﻪ ﺑﺈﻳﻪ ﻭﻫﻮ ﻳﻠﻌﺐ ﺑﺴﺒﺤﺘﻪ : ﺷـﻮﻱ ؟ ﻧﺎﻇﺮﺗﻪ ﻣﺒﺎﺷﺮﺓ ، ﻭﻋﺮﻑ ﺇﻧﻪ ﺃﺑﺪﺍً ﻣﻮ ﺷﻮﻱ : ﺍﻟﺪﻧﻴﺎ ﻛﺬﺍ ﻳﺎﺧﺎﻟﻲ ، ﺍﻟﺪﻧﻴﺎ ﻛﺬﺍ ﻋﺪﻟﺖ ﻭﻗﻔﺘﻬﺎ ﻣﻦ ﻣﺸﻰ ﺳﻨﺪ ﻟﻠﺪﺍﺧﻞ ﻭﺃﺧﺬﺕ ﺛﻮﺍﻧﻲ ﺗﻨﺎﻇﺮ ﺑﺸﻮﻕ ﻳﻠﻲ ﻣﻦ ﺷﻜﻠﻬﺎ ﺗُﻮﺣﻲ ﺇﻧﻬﺎ ﺷﺨﺼﻴﺔ ﺣﺴﺎﺳﺔ ﺟﺪﺍً ، ﺇﺑﺘﺴﻤﺖ ﺑﺤُﺐ ﻣﻦ ﺟﻠﺴﺖ ﻭﺗﻴﻦ ﻋﻠﻰ ﺷﻮﻕ ﺍﻟﻤُﺒﺘﺴﻤﺔ ﻣﻌﺎﻫﺎ ﻭﺧﺮﺟﺖ ﻣﻦ ﺍﻟﻐُﺮﻓﺔ ﻟﻠﺒﺎﺏ ﺍﻟﺨﻠﻔﻲ ﺑﻌﺪ ﻣﺎ ﻭﺻﻠﺘﻬﺎ ﻧﻘﻄﺔ ﻣﻨﻪ .. ، ﻭﻗﻒ ﺳﻨﺪ ﻋﻨﺪ ﺑﺎﺏ ﺍﻟﻐﺮﻓﺔ ﻭﻟﻮﻫﻠﺔ ﺣﺲ ﺑﺈﺭﺗﺒﺎﻙ ﻣﻦ ﻛﻮﻧﻪ ﻳﻄﺎﻟﻌﻬﺎ ﺑﻬﺎﻟﺸﻜﻞ ، ﻭﻛﻮﻧﻬﺎ ﻫﻲ ﺑﻬﺎﻟﺸﻜﻞ ، ﻛﺎﻧﺖ ﺟﺎﻟﺴﺔ ﺗﻌﺪﻝ ﻟﻮﺗﻴﻦ ﻟﺒﺴﻬﺎ ﻭﻣﺎ ﺇﻧﺘﺒﻬﺖ ﻟﺴﻨﺪ ﻭﺇﻧﻪ ﻭﺍﻗﻒ ﻋﻨﺪ ﺍﻟﺒﺎﺏ ﺃﺑﺪﺍً ﻭﻭﻗﻔﺖ ﺑﻬﺪﻭﺀ ﺗﻌﺪﻝ ﻓُﺴﺘﺎﻧﻬﺎ ، ﻭﻧﻔﺴﻬﺎ ﻭﺗﺘﻮﺟﻪ ﻟﻠـ .. _ *🔮ــــــــ( #يتـــبع👇)ـــــــــ🔮* 💜📚 @ahgeel 💜📚🖋 🍃💜 💜🍃💜 🍃💜🍃💜 💜🍃💜🍃💜 💜🍃💜🍃💜 💜🍃💜 🍃💜 💜 📖🖌 @ahgeel 🔮🍃 { رواية على محيط خصرها تلتف المجرات💕} *🔮ــــــــــــــــــــــــــــــــــــــــــ🔮* ✏️ــ. #ﺑﺎﺭﺕ 348: ' - ' ﻛﺎﻧﺖ ﺟﺎﻟﺴﺔ ﺗﻌﺪﻝ ﻟﻮﺗﻴﻦ ﻟﺒﺴﻬﺎ ﻭﻣﺎ ﺇﻧﺘﺒﻬﺖ ﻟﺴﻨﺪ ﻭﺇﻧﻪ ﻭﺍﻗﻒ ﻋﻨﺪ ﺍﻟﺒﺎﺏ ﺃﺑﺪﺍً ﻭﻭﻗﻔﺖ ﺑﻬﺪﻭﺀ ﺗﻌﺪﻝ ﻓُﺴﺘﺎﻧﻬﺎ ، ﻭﻧﻔﺴﻬﺎ ﻭﺗﺘﻮﺟﻪ ﻟﻠﻤﺮﺍﻳﺎ ، ﺍﺑﺘﺴﻤﺖ ﻏﺼﺐ ﻋﻨﻬﺎ ﻣﻦ ﺟﺎﺕ ﻭﺗﻴﻦ ﺑﺠﻨﺒﻬﺎ ﻭﺣﺴﺖ ﺷﻮﻕ ﺑﺈﻳﺪ ﻭﺗﻴﻦ ﺗﻤﺴﻚ ﺇﻳﺪﻫﺎ ، ﻭﺍﻟﺸﻲﺀ ﻳﻠﻲ ﻋﺼﺮ ﻗﻠﺒﻬﺎ ﻛﻠﻪ ﻛﺎﻥ ﻛﻼﻣﻬﺎ ﺑﻬﺎﻟﻠﺤﻈﺔ .. ﺃﺷّﺮﺕ ﻭﺗﻴﻦ ﻋﻠﻰ ﻧﻔﺴﻬﺎ ﻭﻫﻲ ﺗﺘﻜﻠﻢ ﻋﻦ ﻧﻔﺴﻬﺎ ، ﻭﻋﻦ ﺃُﻣﻬﺎ : ﺗﻮﺗﻲ ﺣﻠﻮﺓ ، ﻣﺎﻣﺎ ﺣﻠﻮﺓ ! ﺿﺤﻜﺖ ﺷﻮﻕ ﻏﺼﺐ ﻋﻨﻬﺎ ﻭﻫﻲ ﺗﻨﺤﻨﻲ ﻟﻨﺎﺣﻴﺘﻬﺎ ، ﻭﺑﺎﺳﺘﻬﺎ ﺑﺸﻜﻞ ﻣﻄﻮّﻝ ﻭﻫﻲ ﺗﻀﻤﻬﺎ ﻭﺗﺠﻤّﻌﺖ ﺍﻟﺪﻣﻮﻉ ﺑﻤﺤﺎﺟﺮﻫﺎ ﻣﺒﺎﺷﺮﺓ : ﻣﺎﻣﺎ ﺗﺤﺒّﻚ ﻭﺍﻟﻠﻪ ! ﺗﻨﺤﻨﺢ ﺳﻨﺪ ﺑﻬﺪﻭﺀ ﻭﻫﻮ ﻳﺄﺷﺮ ﻟﻮﺗﻴﻦ ﺗﺠﻴﻪ : ﻭﺗـﻴﻦ ﺃﺑﻌﺪﺕ ﺷﻮﻕ ﺇﻳﺪﻳﻬﺎ ﻋﻦ ﻭﺗﻴﻦ ﻳﻠﻲ ﺭﺍﺣﺖ ﺗﺮﻛﺾ ﻟﻪ ، ﻭﻭﻗﻔﺖ ﺑﻬﺪﻭﺀ ﺗﻌﺪﻝ ﻧﻔﺴﻬﺎ ﻭﺗﻬﺪّﻱ ﻣﻨﻬﺎ ، ﺑﺎﻟﻨﻬﺎﻳﺔ ﺟﻤﻌﺔ ﻭﺭﺍﺡ ﺗﻤﺮ ﻭﺗﻌﺪﻱ ﻭﺍﻟﺠُﺰﺀ ﺍﻟﻤﺮﻳﺢ ﺑﺎﻟﻨﺴﺒﺔ ﻟﻬﺎ ، ﺇﻧﻬﺎ ﺗﻌﺮﻑ ﺍﻟﻌﻨﻮﺩ ﻣﻦ ﻭﻗﺖ ، ﻭﺗﻌﺮﻑ ﺇﻧﻬﺎ ﺍﺑﺪﺍً ﻣﺎﻓﻴﻬﺎ ﻧﺰﻋﺔ ﻟﺆﻡ ، ﻭﻋﻦ ﺁﻝ ﺗﺮﻛﻲ ﻣﺎﻗﺪ ﺳﻤﻌﺖ ﻋﻨﻬﻢ ﺷﻲﺀ ﻳﺘﺮﻛﻬﺎ ﺗﺨﺎﻑ ﺃﻭ ﺗﺤﺲ ﺑﻌﺪﻡ ﺇﺭﺗﻴﺎﺡ ﻭﻛﻞ ﻫﺎﻟﺘﻮﺗﺮ ﻭﺍﻟﻘﻠﻖ ﻣﻦ ﻧﺎﺣﻴﺘﻪ ﻫﻮ ﻓﻘﻂ .. ﻟﻤﺢ ﻭﻫﺞ ﺟﺎﺕ ﻣﻦ ﺑﻌﻴﺪ ، ﻭﻣﺪ ﻟﻬﺎ ﺟﻮﺍﻟﻪ : ﺍﺷﺤﻨﻴﻪ ، ﻣﻴﻦ ﻓﻴﻪ ﺩﺍﺧﻞ ؟ ﺍﺧﺬﺗﻪ ﻣﻦ ﺍﻳﺪﻩ ﻭﻫﻲ ﺗﺮﻓﻊ ﺍﻛﺘﺎﻓﻬﺎ : ﺍﻟﻜﻞ ﺑﺪﻭﻥ ﺇﺳﺘﺜﻨﺎﺀ ﺭﻓﻊ ﺣﻮﺍﺟﺒﻪ ﻭﻫﻮ ﻳﻠﻒ ﻟﺸﻮﻕ ، ﻭﻳﺘﻮﺟﻪ ﻟﻠﻤﺠﻠﺲ .. ﺍﺧﺬﺕ ﻧﻔﺲ ﺧﻔﻴﻒ ﻭﻫﻲ ﺗﻤﺴﻚ ﺇﻳﺪ ﻭﺗـﻴﻦ ، ﻭﺗﺪﺧﻞ ﻟﻠﺪﺍﺧﻞ ﻣﻊ ﻭﻫـﺞ .. _ ‏« ﻣﺠـﻠﺲ ﺍﻟـﺮﺟـﺎﻝ ‏» ﻛـﺎﻧﺖ ﺍﻷﺣـﺎﺩﻳﺚ ﺗﺪﻭﺭ ﺑﺎﻟﻤﺠﻠﺲ ﺑﻜﻞ ﺍﻟﻤﻮﺍﺿﻴﻊ ﻭﻷﻭﻝ ﻣﺮﺓ ﻳﺤﺲ ﺳﻨﺪ ﺑﺜﻘﻞ ﻫﺎﻟﺠﻠﺴﺔ ﻋﻠﻴﻪ ، ﻷﻭﻝ ﻣﺮﺓ ﻳﺤﺲ ﺇﻥ ﻭﺩﻩ ﺗﻨﺘﻬﻲ ﻋﺰﻭﻣﺔ ﺑﻜﻞ ﺳﺮﻋﺘﻬﺎ ﻭﻷﻭﻝ ﻣﺮﺓ ﻳﺤﺲ ﻭﺩﻩ ﻳﺘﻬﺮّﺏ ﻷﻧﻪ ﻣﺘﺄﻛﺪ ﺑﻴﻮﺻﻠﻪ ﺳﺆﺍﻝ ﺑﻴﻘﻠﺐ ﻛﻞ ﻣﻮﺍﺯﻳﻨﻪ .. ﻫﻤﺲ ﻏﻴﺚ ﻭﻫﻮ ﻳﺤﺲ ﺑﺴﻨﺪ ﻳﻔﺮﻙ ﺇﻳﺪﻩ : ﺧﻔﻒ ﺍﻟﺘﻮﺗﺮ ﻳﺎﺧﺎﻟﻲ ، ﺧﻔﻒ ﺗﻨﺤﻨﺢ ﺳﻨﺪ ﻣﻦ ﺗﻮﺟّﻪ ﻟﻪ ﺳﺆﺍﻝ ﻣﻦ ﺃﺑﻮﻓﺎﺭﺱ -ﻛﺒﻴﺮ ﺟﻤﺎﻋﺘﻬﻢ - : ﺳﻢّ ؟ ﺃﺑﻮﻓﺎﺭﺱ ﺑﺈﺑﺘﺴﺎﻣﺔ : ﻣﺎﻳﺤﻖ ﻟﻚ ﻳﺎﻭﻟﺪﻱ ﺗﺮﻭﺡ ﺑﻠﺤﺎﻟﻚ ، ﻟﻮ ﻗﻠﺖ ﻛﺎﻥ ﺟﻴﻨﺎﻙ ﺟﻤﺎﻋﺔ ، ﻭﺩﻗﻴّﻨﺎ ﺍﻟﺒﺎﺏ ﺟﻤﺎﻋﺔ ، ﻭﺗﺰﻭّﺟﺘﻬﺎ ﻭﻭﺭﺍﻙ ﺟﻤﺎﻋﺘﻚ ﺑﺪﻝ ﻻ ﻧﻜﻮﻥ ﺁﺧﺮ ﻣﻦ ﻳﺪﺭﻱ ﻳﺎﻭﻟﺪ ﻓﻬﺪ ، ﻗﻞ ﻣﻘﺪﺍﺭﻧﺎ ﻋﻨﺪﻙ ﻳﺎﻭﻟﺪﻱ ؟ ﺳﻨﺪ ﻭﻫﻮ ﻳﻬﺰ ﺭﺍﺳﻪ ﺑﺎﻟﻨﻔﻲ : ﻗﺪﺭﻙ ﻋﺎﻟﻲ ﺍﻟﻠﻪ ﻳﻌﺰّﻙ ﻟﻜﻨﻪ ﺻﺎﺭ ﻋﻠﻰ ﻋﺠﻞ ﻭﻻ ﻛﺎﻥ ﺑﻪ ﻭﻗﺖ ﺃﺑﻠﻐﻜﻢ ﻓﻴﻪ ﺿﺤﻚ ﺃﺑﻮﻓﺎﺭﺱ ﻭﻫﻮ ﻳﻬﺰ ﺭﺍﺳﻪ ﺑﺈﻳﻪ : ﺍﻟﻠﻪ ﻳﻮﻓﻘﻚ ﻳﺎﻋﻤﻲ ﻭﻳﻜﺘﺐ ﻟﻚ ﺍﻟﻠﻲ ﻓﻴﻪ ﺍﻟﺨﻴﺮ ، ﻣﺎ ﺑﻠّﻐﺖ ﺑﺲ ﻣﺎﺟﻴﻨﺎﻙ ﺟﻴّﺔ ﻋﺘﺐ ﻭﻣﺸﺎﺭﻳﻪ ، ﺟﻴﻨﺎ ﻧﺒﺎﺭﻙ ﻟﻚ ﻳﺎﻭﻟﺪ ﻓﻬﺪ ﻋﺰﻳﺰ ﻭﻏﺎﻟﻲ ﻭﺍﻟﻠﻲ ﺗﺴﻮﻳﻪ ﻭﻳﺮﺿﻴﻚ ﺣﻨّﺎ ﻳﺮﺿﻴﻨﺎ ﺍﺑﺘﺴﻢ ﺳﻨﺪ ﻭﻫﻮ ﻳﺄﺷﺮ ﻋﻠﻰ ﺻﺪﺭﻩ : ﺍﻟﻠﻪ ﻳﺮﻓﻊ ﻗﺪﺭﻙ ﻳﺎﻋﻤﻲ ﺍﺑﺘﺴﻢ ﻓﻴﺼﻞ ﺗﻠﻘﺎﺋﻴﺎً ﻣﻦ ﺇﺑﺘﺴﺎﻣﺔ ﺳﻨـﺪ ﻭﺇﺭﺗﻴﺎﺣﻪ ﺍﻟﻮﺍﺿﺢ ﻋﻠﻰ ﻭﺟﻬﻪ ﻭﻳﻠﻲ ﻣﺎ ﻃﺎﻝ ﺃﺑﺪﺍً ﻭﺭﺟﻊ ﻳﺴﺮﺡ ﺑﻌﻴﺪ ﻋﻦ ﺍﻟﻤﺠﻠﺲ ﻭﻋﻦ ﻛﻞ ﺷﻲﺀ ، ﻳﻔﻜﺮ ﻭﻻ ﻏﻴﺮ ﺍﻟﺘﻔﻜﻴﺮ ﺍﺑﺪﺍً .. _ ‏« ﺑـﺎﻟﻄـﺮﻑ ﺍﻵﺧــﺮ ‏» ﻋﺪﻟﺖ ﻧﻔﺴﻬﺎ ﻵﺧﺮ ﻣﺮﺓ ﻭﻫﻲ ﺗﺨﺮﺝ ﻣﻦ ﺍﻟﺒﺎﺏ ﺍﻟﺨﻠﻔﻲ ﻭﺯﻓﺮﺕ ﺑﺨﻔﻴﻒ ﻭﻫﻲ ﺗﻀﻐﻂ ﻋﻠﻰ ﺟﻮﺍﻟﻬﺎ ﻭﺗـ .... _ *🔮ــــــــ( #يتـــبع👇)ـــــــــ🔮* 💜📚 @ahgeel 💜📚🖋 🍃💜 💜🍃💜 🍃💜🍃💜 💜🍃💜🍃💜 💜🍃💜🍃💜 💜🍃💜 🍃💜 💜 📖🖌 @ahgeel 🔮🍃 { رواية على محيط خصرها تلتف المجرات💕} *🔮ــــــــــــــــــــــــــــــــــــــــــ🔮* ✏️ــ. #ﺑﺎﺭﺕ 349: ' - ' ﺯﻓﺮﺕ ﺑﺨﻔﻴﻒ ﻭﻫﻲ ﺗﻀﻐﻂ ﻋﻠﻰ ﺟﻮﺍﻟﻬﺎ ﻭﺗﻨﺘﻈﺮﻩ ، ﺩﻧﺪﻧﺖ ﺑﺨﻔﻴﻒ ﻟﻜﻨﻬﺎ ﻣﻮ ﻋﺎﺭﻓﺔ ﻭﺵ ﺗﺪﻧﺪﻥ ﻓﻴﻪ ﻭﺍﺑﺘﺴﻤﺖ ﺑﺨﻔﻴﻒ ﻣﻦ ﺣﺴﺖ ﻓﻴﻪ ﻳﺤﺎﻭﻃﻬﺎ ﻣﻦ ﺍﻟﺨﻠﻒ ، ﺍﻧﺤﻨﻰ ﺑﻬﺪﻭﺀ ﻳﻘﺒّﻞ ﻋُﻨﻘﻬﺎ ، ﻭﻛﺘﻔﻬﺎ ﻳﻠﻲ ﻣﺴﺘﺤﻴﻞ ﻳﻤﺮّ ﺟﻨﺒﻪ ﻣﺮﻭﺭ ﺍﻟﻜﺮﺍﻡ ﺧﺼﻮﺻﺎً ﺑﻌﺪ ﻣﺎ ﻋﺒّﺮﺕ ﻟﻪ ﺇﻧﻬﺎ ﺗﺤﺐ ﺑﻮﺳﺔ ﺍﻟﻜﺘﻒ ﺃﻛﺜﺮ ﻣﻦ ﻛﻞ ﺷﻲﺀ : ﻟﻚ ﻗﻠﺐ ﻳﻤﻨﻌﻨﻲ ؟ ﻫﺰﺕ ﺭﺍﺳﻬﺎ ﺑﺎﻟﻨﻔﻲ ﺑﺨﻔﻴﻒ ﻭﻫﻲ ﺗﺸﺪ ﻋﻠﻰ ﺇﻳﺪﻩ ﻳﻠﻲ ﺗﺤﺎﻭﻁ ﺧﺼﺮﻫﺎ : ﻟﻴﻪ ﻣﺎ ﻛﻨﺖ ﻣﺮﺗﺎﺣﺔ ﺃﻧﺎ ؟ ﺭﻓﻊ ﺃﻛﺘﺎﻓﻪ ﺑﻌﺪﻡ ﻣﻌﺮﻓﺔ ، ﻭﻫﻤﺲ ﺑﻬﺪﻭﺀ : ﻷﻧﻲ ﻣﻮ ﺟﻨﺒﻚ ﺿﺤﻜﺖ ﻏﺼﺐ ﻋﻨﻬﺎ ﻭﻫﻲ ﺗﻠﻒ ﻟﻨﺎﺣﻴﺘﻪ ، ﻭﺇﺧﺘﻔﺖ ﺿﺤﻜﺘﻬﺎ ﻣﺒﺎﺷﺮﺓ ﻭﻫﻲ ﻣﺎ ﺗﻠﻤﺢ ﻣﻦ ﻣﻼﻣﺤﻪ ﺇﻻ ﻧﺼﻔﻬﺎ ﻷﻧﻪ ﻻﺑﺲ ﻫﻮﺩﻱ ﻭﻛﺎﺏ ﻛﺄﻧﻪ ﻳﺤﺎﻭﻝ ﻳﺨﻔﻲ ﻛﻞ ﺟُﺰﺀ ﺑﻮﺟﻬﻪ ﻋﻨﻬﺎ : ﺻﺎﺭ ﺷﻲﺀ ؟ ﻫﺰّ ﺭﺍﺳﻪ ﺑﺎﻟﻨﻔﻲ ﻭﻫﻮ ﻳﺤﺎﻭﻁ ﺧﺼﺮﻫﺎ ﻭﺗﻮﺗﺮﺕ ﻣﺒﺎﺷﺮﺓ ﻣﻦ ﻟﻤﺤﺖ ﺑﻨﺎﺕ ﻣﻦ ﺃﻗﺎﺭﺑﻬﺎ ﺧﺎﺭﺟﻴﻦ ﻟﻠﺠﻠﺴﺔ ﻭﻗﺮﻳﺒﻴﻦ ﻣﻨﻬﻢ ، ﺗﻮﺭﺩﺕ ﻣﻼﻣﺤﻬﺎ ﺗﻠﻘﺎﺋﻴﺎً ﻭﻫﻲ ﺗﺸﺪ ﻋﻠﻰ ﺇﻳﺪﻩ ﻭﺗﻤﺸﻲ ﻗﺒﻠﻪ : ﺗﻌﺎﻝ ﺻﻌﺪﺕ ﻟﻸﻋﻠﻰ ﻣﻦ ﺍﻟﺒﺎﺏ ﺍﻟﺨﻠﻔﻲ ، ﻭﺗﻮﺭﺩﺕ ﻣﻼﻣﺤﻬﺎ ﻟﺜﻮﺍﻧﻲ ﻭﻫﻲ ﺗﺄﺷﺮ ﻋﻠﻰ ﻏﺮﻓﺘﻬﺎ ﺑﺘﺮﺩﺩ : ﻷﻥ ﻭﺗﻴﻦ ﻧﺎﻳﻤﺔ ، ﻣﺎ ﺃﻗﺪﺭ ﺃﺗﺮﻛﻬﺎ ﻟﻮﺣﺪﻫﺎ ﺃﻛﺜﺮ ﻫﺰّ ﺭﺍﺳﻪ ﺑﺈﻳﻪ ، ﻭﺩﺧﻠﺖ ﻭﻫﺞ ﻏُﺮﻓﺘﻬﺎ ﻭﻫﻮ ﺧﻠﻔﻬﺎ ، ﻭﺗﺄﻛﺪﺕ ﺇﻥ ﻭﺗﻴﻦ ﻧﺎﻳﻤﺔ ﻭﻫﻲ ﺗﻠﻒ ﻟﻨﺎﺣﻴﺘﻪ : ﻫـﺪﺍﺝ ﺗُﻮﺭﺩﺕ ﻣﻼﻣﺤﻬﺎ ﻣﺒﺎﺷﺮﺓ ﻣﻦ ﺣﺴﺖ ﻓﻴﻪ ﺧﻠﻔﻬﺎ ﺑﺎﻟﺘﺤﺪﻳﺪ ، ﻭﻫﻤﺴﺖ ﺑﺨﻔﻴﻒ : ﺻﺎﺭ ﺷﻲﺀ ﺻﺢ ؟ _ ‏« ﺑﺎﻟﻤـﺰﺭﻋـﺔ ‏» ﺟﻤّﻌﺖ ﻣﻬﺎ ﺃﻏﺮﺍﺿﻬﺎ ﻭﻫﻲ ﺗﺤﺲ ﺑﻨﺎﺭ ﺗﺤﺮﻕ ﺩﺍﺧﻠﻬﺎ ﻣﻦ ﻛﻞ ﺇﺗﺠﺎﻩ ، ﺧﺼﻮﺻﺎً ﻣﻦ " ﺑﻦ ﺷﺎﻣﺦ " ﻳﻠﻲ ﻧﻄﻖ ﻓﻴﻪ ﻫﺪﺍﺝ ﺑﻜﻞ ﺛﻘﺘﻪ ﻭﻗﻮﺗﻪ ، ﻧﻄﻖ ﺑﺈﺳﻤﻪ ﻭﻛﺄﻧﻪ ﻣﺎ ﻳﻘﺼﺪ ﺍﻹﺳﻢ ﺑﻘﺪ ﻣﺎ ﻳﻘﺼﺪ ﺍﻟﺴﻮﺍﻟﻒ ﻳﻠﻲ ﺧﻠﻔﻪ ، ﻛﺄﻧﻪ ﻳﺪﺭﻱ ﺑﺸﻲﺀ ﻳﻠﻮﻱ ﺫﺭﺍﻋﻬﺎ ﻭﻣﺎﻫﻮ ﻣﺘﺮﺩﺩ ﺛﺎﻧﻴﺔ ﻭﺣﺪﺓ ﻳﻨﻄﻖ ﻓﻴﻪ ، ﻳﺤﺮﻗﻬﺎ ﻣﻦ ﺃﻭﻟﻬﺎ ﻵﺧﺮﻫﺎ ﻭﻳﺤﺮﻕ ﻛﻞ ﺛﻘﺔ ﻟﺴﻌﺪ ﻭﻓﺮﺍﺱ ﻓﻴﻬﺎ .. ﻣﺮﺕ ﻣﻦ ﺟﻨﺐ ﺍﻟﻤﺠﻠﺲ ﻭﻫﻲ ﺗﺴﻤﻊ ﻏﺎﺯﻱ ، ﻭﺃﺑﻮﻩ ﻳﺘﺤﺎﻭﺭﻭﻥ ﺑﺨﺼﻮﺹ ﻫﺪﺍﺝ ﻭﻋﺼﺒﻴﺘﻪ .. ﺯﻓﺮ ﺳﺒﻊ ﻭﻫﻮ ﻳﻤﺴﺢ ﻋﻠﻰ ﺟﺒﻴﻨﻪ : ﻳﻠﻲ ﻟﻤﺤﺘﻪ ﺑﺄﺧﻮﻙ ﺍﻟﻴﻮﻡ ﻣﺎﻫﻮ ﺷﻲﺀ ﻃﺒﻴﻌﻲ ﻳﺎ ﻏﺎﺯﻱ ، ﺷﻲﺀ ﻛﻨﺖ ﻣﺘﺨﻮﻑ ﻣﻨﻪ ﻭﻃﻮﻝ ﺍﻟـ٣٠ ﺳﻨﺔ ﻳﻠﻲ ﻣﺮّﺕ ﻣﻦ ﻋﻤﺮﻩ ﺑﻬﺎﻟﺠﻨﻮﻥ ﻭﺍﻟﻐﺮﺍﺑﺔ ﻗﻠﺖ ﻳﺎﺳﺒﻊ ﺍﻟﺠﻨﻮﻥ ﻭﺍﻟﻐﺮﺍﺑﺔ ﻭﺍﻟﺒﻌﺪ ﻭﻻ ﺍﻟﻘﻮﺓ ﻭﻋﺪﻡ ﺍﻟﺸﻌﻮﺭ ، ﻭﻻ ﺍﻟﻘﻮﺓ ﻳﻠﻲ ﺻﺎﺑﺖ ﺟﻠﻮﻱ ﻗﺒﻠﻪ ﻭﻣﺎ ﻇﻨﺘﻲ ﻫﻲ ﺑﻌﻴﺪﺓ ﻋﻨﻪ ﺩﺍﻣﻪ ﻛﻞ ﺳﻨﺔ ﻳﺼﻴﺮ ﻳﺸﺒﻪ ﻟﻪ ﺃﻛﺜﺮ ﻣﻦ ﺍﻟﺴﻨﺔ ﻳﻠﻲ ﻗﺒﻠﻬﺎ ﺭﻓﻊ ﻏﺎﺯﻱ ﺣﻮﺍﺟﺒﻪ ﺑﺈﺳﺘﻐﺮﺍﺏ ، ﻭﻫﺰ ﺳﺒﻊ ﺭﺍﺳﻪ ﺑﺈﻳﻪ ﻭﻫﻮ ﻳﻜﻤﻞ : ﻗﺪ ﺷﻔﺖ ﺃﺧﻮﻙ ﻳﻀﺮﺏ ؟ ﻳﻀﺮﺏ ﻣﺎ ﻳﺮﻑّ ﻟﻪ ﻃﺮﻑ ؟ ﻫﺰ ﻏﺎﺯﻱ ﺭﺍﺳﻪ ﺑﺎﻟﻨﻔﻲ : ﻫﺪﺍﺝ ﺃﻛﺜﺮ ﻭﺍﺣﺪ ﻫﺎﺩﻱ ﻓﻴﻨﺎ ، ﺑﺲ ﺍﻹﻧﺴﺎﻥ ﻳﻌﺼّﺐ ﻳﺎﺑﻮﻱ ﻭﻻ ؟ ﻫﺰ ﺳﺒﻊ ﺭﺍﺳﻪ ﺑﺈﻳﻪ : ﻳﻌﺼﺐ ، ﻳﻌﺼﺐ ﺑﺲ ﻣﺎ ﻳﻨﻌﺪﻡ ﺇﺣﺴﺎﺳﻪ ﻳﺎﻏﺎﺯﻱ ، ﻣﺎ ﻳﻨﻌﺪﻡ ﻭﻳﻠﻲ ﺷﻔﺘﻪ ﺍﻟﻴﻮﻡ ، ﻭﺇﻧﺖ ﺷﻔﺘﻪ ﻻ ﺗﺠﺮﺏ ﺗﺤﺎﻛﻴﻨﻲ ﺇﻧﻪ ﺑﺲ ﻋﺼّﺐ ﻭﺿﺮﺏ ﻭﺇﻧﺘﻬﻰ ، ﻻ ﻣﺎ ﺇﻧﺘﻬﻰ ﺃﺑﺪ ، ﻫﺎﻟﻘﺴﻮﺓ ﻣﺎ ﺗﺠﻲ ﺑﺪﻭﻥ ﺳﺒﺐ ﻳﺎ ﻏﺎﺯﻱ ﺭﻓﻊ ﻏﺎﺯﻱ ﺣﻮﺍﺟﺒﻪ ﻟﺜﻮﺍﻧﻲ ، ﻭﻫﺰ ﺭﺍﺳﻪ ﺑﺈﻳﻪ ﺑﻤﻮﺍﻓﻘﺔ ....: _ *🔮ــــــــ( #يتـــبع👇)ـــــــــ🔮* 💜📚 @ahgeel 💜📚🖋 🍃💜 💜🍃💜 🍃💜🍃💜 💜🍃💜🍃💜 💜🍃💜🍃💜 💜🍃💜 🍃💜 💜 📖🖌 @ahgeel 🔮🍃 { رواية على محيط خصرها تلتف المجرات💕} *🔮ــــــــــــــــــــــــــــــــــــــــــ🔮* ✏️ــ. #ﺑﺎﺭﺕ 350: ' - ' ﺭﻓﻊ ﻏﺎﺯﻱ ﺣﻮﺍﺟﺒﻪ ﻟﺜﻮﺍﻧﻲ ، ﻭﻫﺰ ﺭﺍﺳﻪ ﺑﺈﻳﻪ ﺑﻤﻮﺍﻓﻘﺔ : ﻛﺎﻧﺖ ﻏﺮﻳﺒﺔ ، ﻭﻗﻮﻳﺔ ﺇﻳﻪ ﺻﺢ ﻟﻜﻦ ﻣﺎ ﻇﻨﺘﻲ ﺗﺤﺘﺎﺝ ﺍﻟﺨﻮﻑ ، ﻋﻘﻠﻪ ﺑﺮﺍﺳﻪ ﻭﻳﻌﺮﻑ ﻛﻴﻒ ﻳﺘﺼﺮﻑ ﻭﺻﺪﻗﻨﻲ ﻣﺎ ﺑﺘﻮﺻﻞ ﺍﻟﻘﺴﻮﺓ ﻓﻴﻪ ﻟﺪﺭﺟﺔ ﺇﻧﻪ ﻳﺘﻬﻮﺭ ، ﻭﻳﻔﺮﻁ ﺑﻨﻔﺴﻪ ﻭﻳﺪﺧﻠﻬﺎ ﺑﺄﻟﻒ ﺷﻲﺀ ﻭﺷﻲﺀ ، ﺇﺫﺍ ﺇﻧﺖ ﺧﺎﻳﻒ ﻣﻦ ﻫﺎﻟﻨﺎﺣﻴﺔ ﺿﺤﻚ ﺳﺒﻊ ﺑﺴﺨﺮﻳﺔ : ﺃﺗﻄﻤﻦ ؟ ﻳﺠﻦ ﻋﻠﻰ ﺧﻴﻞ ﻣﺎ ﺑﻪ ﺃﺟﻤﺢ ﻣﻨﻪ ، ﻳﻐﻮﺹ ﺑﺒﺤﺮ ﻣﺎﺑﻪ ﺃﻋﻨﺪ ﻣﻨﻪ ، ﻇﻨّﻚ ﺗﺮﻕّ ﺃﻃﺒﺎﻋﻪ ﻭﻫﻮ ﻣﻦ ﻗﺴﻮﺓ ﻟﻘﺴﻮﺓ ﻟﻴﻦ ﻭﺻﻠﻬﺎ ﻋﻠﻰ ﺑﺸﺮ ؟ ﺿﺮﺏ ﻭﻟﺪ ﻋﻤﺘﻪ ﺑﺪﻭﻥ ﻻ ﻳﺮﻑ ﻟﻪ ﻃﺮﻑ ؟ ﻫﺰ ﻏﺎﺯﻱ ﺭﺍﺳﻪ ﺑﺎﻟﻨﻔﻲ ﺑﺬﻫﻮﻝ : ﻣﺎ ﻋﺮﻓﺖ ﻭﻟﺪﻙ ﻳﺎﺑﻮﻱ ؟ ﻣﺎ ﻭﺿﺢ ﻋﻠﻴﻪ ﺷﻲﺀ ؟ ﺯﻓﺮ ﺳﺒﻊ ﻣﻦ ﺃﻋﻤﺎﻗﻪ ﻭﻫﻮ ﻳﻤﺴﺢ ﺟﺒﻴﻨﻪ : ﻣﺎ ﻋﺎﺩ ﺃﺩﺭﻱ ﻏﻴﺮ ﺇﻧﻪ ﺷﻴّﺐ ﺭﺍﺳﻲ ﻣﻦ ﺃﺧﻮﻙ ﻭﻛﺜﺮ ﺧﻮﻓﻲ ﻋﻠﻴﻪ ﻳﺎﻏﺎﺯﻱ ، ﺷﻴّﺐ ﺭﺍﺳﻲ ﺇﺑﺘﺴﻢ ﻏﺎﺯﻱ ﺑﺨﻔﻴﻒ ﻭﻫﻮ ﻳﻬﺰ ﺭﺍﺳﻪ ﺑﺎﻟﻨﻔﻲ : ﺗﻮﻩ ﻳﻼﻗﻲ ﻧﻔﺴﻪ ﻳﺎﺑﻮﻱ ، ﻋﻄﻪ ﻭﻗﺖ ﻭﺗﺸﻮﻑ ﺇﻧﻪ ﺑﺄﺣﺴﻦ ﺣﺎﻻﺗﻪ ﻭﺗﻮﻩ ﻳﻼﻗﻲ ﺑﺮ ﻳﺮﺳﻴﻪ ﺯﻓﺮ ﺳﺒﻊ ﻣﻦ ﺃﻋﻤﺎﻗﻪ ﻣﻦ ﺟﺎﺀ ﺑﺒﺎﻟﻪ ﺣﻜﻲ ﺃﺑﻮﻩ ﻟﻬﺪﺍﺝ " ﻭﻗﺖ ﺗﺮﺳﻰ ﻋﻠﻰ ﺑﺮ ، ﺑﺘﻀﻴﻊ ﺑﺎﻟﺘﻴﻪ " : ﻳﻼﻗﻲ ﻧﻔﺴﻪ ، ﻳﺮﺳﻰ ﻋﻠﻰ ﺑﺮ ﻭﻳﻀﻴﻊ ﺑﺎﻟﺘﻴﻪ ﻳﺎﻏﺎﺯﻱ ﻫﺰ ﻏﺎﺯﻱ ﺭﺍﺳﻪ ﺑﺎﻟﻨﻔﻲ ﻭﻫﻮ ﻳﺤﺎﻭﻝ ﻳﻄﻤﻦ ﺃﺑﻮﻩ ﻭﺇﺑﺘﺴﻢ : ﻣﺎ ﺑﻴﻀﻴﻊ ﻷﻧﻪ ﻣﺎﻋﺎﺩﻩ ﺑﻜﻴﻔﻪ ، ﻣﺎ ﻳﻀﻴﻊ ، ﺍﻧﺴﺤﺒﺖ ﻣﻬﺎ ﻟﻐﺮﻓﺘﻬﺎ ﻣﺒﺎﺷﺮﺓ ، ﻭﺗﺮﻛﺖ ﺃﻏﺮﺍﺿﻬﺎ ﺑﺪﺍﺧﻞ ﺍﻟﺪﻭﻻﺏ ﺑﺴﺨﺮﻳﺔ : ﻳﻀﻴﻊ ، ﻟﻴﻪ ﻣﺎ ﻳﻀﻴﻊ _ ‏« ﺑـﻴـﺖ ﻓﻴــﺼﻞ ‏» ﻛـﺎﻧﺖ ﺟﺎﻟﺴﺔ ﻗﺪﺍﻣﻪ ﻋﻠﻰ ﺍﻟﻄﺎﻭﻟﺔ ، ﻭﻫﻮ ﻋﻠﻰ ﺍﻟﻜﻨﺒﺔ ﻳﺘﺄﻣﻞ ﺑﻜﻮﺏ ﺍﻟﻤﻮﻳﺎ ﻳﻠﻲ ﺑﻴﻦ ﺇﻳﺪﻳﻪ ﻭﻳﺤﺎﻭﻝ ﻗﺪﺭ ﺍﻹﻣﻜﺎﻥ ﻣﺎ ﻳﻨﺎﻗﺸﻬﺎ ، ﻗﺒﻞ ﺳﺎﻋﺔ ﻣﻦ ﻫﺎﻟﻮﻗﺖ ﻗﺎﻟﺖ " ﺻﺎﺭ ﺷﻲﺀ ﺻﺢ ؟ " ﻭﻣﺎ ﺍﺳﺘﻜﺎﻧﺖ ﻟﺤﻈﺔ ﻭﺣﺪﺓ ﻟﺤﺪ ﻣﺎ ﻧﺰﻉ ﺍﻟﻜﺎﺏ ﻭﺍﻟﺠﺎﻛﻴﺖ ﻋﻨﻪ ﻭﺑﺎﻟﺘﺎﻟﻲ ﺑﺮﺩﺕ ﻣﻼﻣﺤﻬﺎ ﻫﻲ ، ﺑﺮﺩﺕ ﺑﺸﻜﻞ ﻣﻮﺟﻊ ﻟﻘﻠﺒﻪ ﻛﻴﻒ ﻣﺪﺕ ﺇﻳﺪﻫﺎ ﺑﻜﻞ ﺇﺭﺗﺠﺎﻑ ﻟﻄﺮﻑ ﺣﺎﺟﺒﻪ ﻭﻗﺮﻳﺐ ﻣﻦ ﺍﻟﺠﺮﺡ ﻓﻴﻪ ، ﻭﻛﻴﻒ ﺇﻧﻬﺎ ﻣﺎ ﻗﺪﺭﺕ ﺗﻤﺴﻚ ﺩﻣﻮﻋﻬﺎ ﻣﻦ ﻟﻤﺤﺖ ﺗﺨﺪّﺷﺎﺕ ﺑﻌُﻨﻘﻪ ، ﻭﺟﺮﻭﺡ ﻛﺜﻴﺮﺓ ﻓﻴﻪ ﻣﻦ ﺍﻟﺨﻠﻒ ، ﻋﺠﺰﺕ ﺣﺘﻰ ﺗﺤﺎﻛﻴﻪ ، ﻭﻋﺠﺰ ﻫﻮ ﻳﺘﻜﻠﻢ ﻣﻦ ﻧﻈﺮﺗﻬﺎ ﻟﻌﻴﻮﻧﻪ ﺑﺎﻟﺘﺤﺪﻳﺪ ﺑﺪﻭﻥ ﻻ ﺗﺮﻣﺶ ﻣﻦ ﻛُﺜﺮ ﺇﺣﺘﺮﺍﻕ ﻣﺤﺎﺟﺮﻫﺎ ﻣﻦ ﺩﻣﻮﻋﻬﺎ ، ﻭﻭﻗﺖ ﺭﻣﺸﺖ ﺇﻧﻬﻤﺮﺕ ﺩﻣﻮﻋﻬﺎ ﻏﺼﺐ ﻋﻨﻬﺎ ، ﻣﺎ ﻗﺪﺭ ﻳﺘﺤﻤﻞ ﺳﻜﻮﻧﻪ ﻭﺿﻤّﻬﺎ ﻟﻨﺎﺣﻴﺘﻪ ﺑﻜﻞ ﻗﻮﺗﻪ ، ﻭﻣﺎ ﻛﺎﻧﺖ ﺇﻻ ﺯﻳّﺎﺩﺓ ﺑﺄﻭﺟﺎﻋﻪ ﻛﻴﻒ ﺷﺪﺕ ﻋﻠﻰ ﺗﻴﺸﻴﺮﺗﻪ ﻛﺄﻧﻬﺎ ﺗﻄﻠﺒﻪ ﻣﺎ ﻳﺼﻴﺒﻪ ﻣﻜﺮﻭﻩ ، ﺗﻄﻠﺒﻪ ﻳﻤﻨﻊ ﻧﻔﺴﻪ ﻋﻦ ﻛﻞ ﺃﺫﻯ ﻭﻭﻗﺖ ﻳﺼﻴﺒﻪ ﻻ ﻗﺪﺭ ﺍﻟﻠﻪ ، ﻣﺎ ﻳﺨﺒّﻴﻪ ﻋﻨﻬﺎ ﻭﻳﺤﺎﻭﻝ ﻳﺒﻌﺪ ، ﻣﺎ ﻭﺩﻫﺎ ﺑﺎﻟﺒﻌﺪ ، ﻭﻻ ﺑﺎﻷﺳﺮﺍﺭ ، ﻫﺪﻳﺖ ﺷﻮﻱ ﺑﺤُﻀﻨﻪ ﻭﺷﺪﺓ ﺿﻤّﺘﻪ ﻟﻬﺎ ، ﻭﺗﺮﺩﻳﺪﻩ ﻟـ " ﻣﺎ ﺻﺎﺭ ﺷﻲﺀ ﻳﺨﻮﻓﻚ ، ﻣﺎ ﺻﺎﺭ " .. ﺃﺧﺬﺕ ﻧﻔﺲ ﺑﺨﻔﻴﻒ ﻭﻫﻲ ﺗﺸﺘﺖ ﺃﻧﻈﺎﺭﻫﺎ ﺑﻌﻴﺪ ﻭﺗﻠﻌﺐ ﺑﺨﺎﺗﻤﻬﺎ : ﻗﻠﺖ ﻗﺒﻞ ، ﺇﺫﺍ ﻣﺎ ﻛﻨﺘﻲ ﻗﺪ ﻫﺎﻟﺤُﺐ ﻻ ﺗﺤﺒﻴﻨﻲ ﻫﺰ ﺭﺍﺳﻪ ﺑﺈﻳﻪ ، ﻭﺗﺠﻤّﻌﺖ ﺍﻟﺪﻣﻮﻉ ﺑﻤﺤﺎﺟﺮﻫﺎ ﻭﻫﻲ ﺗﺮﻓﻊ ﺃﻛﺘﺎﻓﻬﺎ ﺑﻌﺪﻡ ﻣﻌﺮﻓﺔ ﻭﻋﺠﺰ ﻭﻗﺖ ﺣﺴﺖ ﺇﻧﻬﺎ ﻣﻬﻤﺎ ﺑﺘﺤﺒﻪ ﻣﺎ ﺑﺘﻮﺻﻞ ﻟﻄﺮﻳﻘﺘﻪ ﺑﺎﻟﺤُﺐ ، ﻟﻠﻌﻤﻖ ﻳﻠﻲ ﻫﻮ ﻳﺤﺒّﻬﺎ ﻓﻴﻪ : ﻣﻮ ﻗـﺪﻩ ﻭﻻ ﺃﻋـﺮﻑ ﺃﺣﺒﻚ ﻣﺜﻞ ﻣﺎ ﺗﺤﺒﻨﻲ ، ﺃﻋﺮﻑ ﺇﻧﻲ ﺃﺣﺒﻚ ﺑﺲ ﺍ ﻗﺎﻃﻊ ﻛـﻼﻣﻬﺎ ﻣـ .. _ *🔮ــــــــ( #يتـــبع👇)ـــــــــ🔮* 💜📚 @ahgeel 💜📚🖋 🍃💜 💜🍃💜 🍃💜🍃💜 💜🍃💜🍃💜