على محيط خصرها تلتف المجرات - الفصل 57 - مكتملة | روايتك

عالم القصص والروايات 📚: 💜🍃💜🍃💜 💜🍃💜 🍃💜 💜 📖🖌 @ahgeel 🔮🍃 { رواية على محيط خصرها تلتف المجرات💕} *🔮ــــــــــــــــــــــــــــــــــــــــــ🔮* ✏️ــ. #ﺑﺎﺭﺕ 261: ' - ' ﺗﺮﻛﻬﺎ ﻋﻠﻰ ﺍﻟﺴﺮﻳﺮ ﻭﻫﻮ ﻻﺯﺍﻝ ﺃﻋﻠﻰ ﻣﻨﻬﺎ ﻭﻳﺤﺎﻭﻃﻬﺎ ﺑﺤﻴﺚ ﻳﺼﻴﺮ ﻭﺟﻬﻪ ﻳﻘﺎﺑﻞ ﻭﺟﻬﻬﺎ : ﺗﺮﺟﻌﻴﻨﻲ ﻏﺼﺐ ﺇﺑﺘﺴﻤﺖ ﺑﺨﻔﻮﺕ ﻭﻫﻲ ﺗﻤﻴﻞ ﺷﻔﺎﻳﻔﻬﺎ : ﻣﺎ ﺑﺘﺮﻭﺡ ﺻﺢ ؟ ﻫﺰّ ﺭﺍﺳﻪ ﺑﺎﻟﻨﻔﻲ ﻭﻫﻮ ﻳﻨﺤﻨﻲ ﻳﻘﺒّﻠﻬﺎ ﺑﻬﺪﻭﺀ : ﻫﻮ ﺃﻧﺎ ﺃﻗﺪﺭ ؟ ﺇﻧﺴﺤﺒﺖ ﻣﻦ ﺣﻀﻨﻪ ﺑﻌﺪ ﻣﺎ ﺃﺧﺬﺕ ﺍﻟﺠﻮﺍﺏ ﻟﻠﻤﺮﺓ ﺍﻷﻟﻒ ﻣﻨﻪ ، ﻭﺃﺧﺬ ﻋﺸﺮﻳﻦ ﻗﺒﻠﺔ ﻣﻦ ﺷﻔﺎﻳﻔﻬﺎ ﻭﻋﻨﻘﻬﺎ ، ﺣﻤﺮﺕ ﻣﻼﻣﺤﻬﺎ ﺑﺨﻔﻴﻒ ﻭﻫﻲ ﺗﺤﺲ ﻓﻴﻪ ﺗﻤﺪﺩ ﻳﺤﺎﻭﻃﻬﺎ ، ﻭﺍﻧﻔﺎﺳﻪ ﺑﻌﻨﻘﻬﺎ ، ﻣﺪﺕ ﺇﻳﺪﻳﻬﺎ ﻟﺨﻠﻒ ﺷﻌﺮﻩ ﻭﻫﻲ ﺗﺸﺘﻌﻞ ﻣﻦ ﺧﺠﻠﻬﺎ ﻣﻦ ﻛﻞ ﺷﻲﺀ ﻳﺴﻮﻳﻪ : ﺗﺄﺧﺮﻧﺎ ﻗﺒﻞ ﻋُﻨﻘﻬﺎ ﺑﺸﻜﻞ ﻣﻄﻮﻝ ﻭﻫﻮ ﻳﺮﻓﻊ ﺟﺴﺪﻩ ﻋﻨﻬﺎ ﻭﻳﺘﻤﺪﺩ ﺑﺎﻟﺠﻬﺔ ﺍﻷﺧﺮﻯ ، ﻭﻗﺎﻣﺖ ﻣﺒﺎﺷﺮﺓ ﺗﺎﺧﺬ ﻓﺴﺘﺎﻧﻬﺎ ﻭﺗﺘﻮﺟﻪ ﻟﻐﺮﻓﺔ ﺍﻟﻤﻼﺑﺲ ﻭﺇﺑﺘﺴﻤﺖ ﺑﺨﻔﻮﺕ ﻛﻴﻒ ﺇﻧﻬﺎ ﺑﻤﺠﺮﺩ ﺣﺮﻛﺎﺗﻪ ﺍﻟﺼﺒﺎﺡ ﻗﺪﺭ ﻳﻠﻤﺲ ﺃﻋﻤﻖ ﻧﻘﻄﺔ ﺑﻘﻠﺒﻬﺎ ، ﻛﻴﻒ ﺇﻧﻬﺎ ﻛﺎﻧﺖ ﺑﺘﻨﻔﺠﺮ ﻣﻦ ﺍﻟﺤﺰﻥ ﻣﻦ ﻛﻞ ﺍﻟﻨﻮﺍﺣﻲ ﻭﺩﺧﻠﻬﺎ ﻣﻌﺎﻩ ﺑﺠﻨﻮﻧﻪ ، ﻛﺎﻥ ﺃﺟﻤﺢ ﻣﻦ ﺧﻴﻠﻪ ﺑﺘﻔﻜﻴﺮﻩ ﻭﺑﻜﻼﻣﻪ ، ﻭﺑﺄﻓﻌﺎﻟﻪ ﻃﺒﻌﺎً ﻟﻜﻦ ﻛﺎﻧﺖ ﺍﻟﻨﺘﻴﺠﺔ ﺃﻛﺜﺮ ﻣﻦ ﺍﻹﻳﺠﺎﺑﻴﺔ ﻋﻠﻴﻬﻢ ﺍﻹﺛﻨﻴﻦ ، ﻫﻲ ﺗﻔﻜﻜﺖ ﻣﻦ ﺃﺳﻮﺍﺭ ﻭﺳﻼﺳﻞ ﻛﺜﻴﺮﺓ ﻛﺎﻧﺖ ﺗﻘﻴﺪﻫﺎ ﻭﺗﺨﻮﻓﻬﺎ ، ﻭﻫﻮ ﺻﺎﺭ ﺿﻤﻦ ﺍﻟﺴُﻌﺪﺍﺀ ﻷﻧﻪ ﺑﻮﻗﺖ ﺍﻟﺼﺒﺎﺡ ، ﻻﻗﻰ ﺇﺑﺘﺴﺎﻣﺔ ﻣﻨﻬﺎ ﻣﻦ ﻛﺜﺮ ﺃﺭﻳﺤﻴﺘﻬﺎ ﻭﺍﻟﺤﺐ ﻳﻠﻲ ﺣﺴﻪ ﻓﻴﻬﺎ ﻣﻮ ﻗﺎﺩﺭﻩ ﺗﻐﻴﺐ ﻋﻦ ﺑﺎﻟﻪ .. ﺑﺪﻟﺖ ﻣﻼﺑﺴﻬﺎ ﻭﻫﻲ ﺗﺸﻮﻓﻪ ﺻﺎﺭ ﺟﺎﻫﺰ ﻭﻳﻌﺪﻝ ﺷﻤﺎﻏﻪ : ﻫـﺪﺍﺝ ﻟﻒ ﺃﻧﻈﺎﺭﻩ ﻟﻨﺎﺣﻴﺘﻬﺎ : ﺳﻤـﻲ ﺇﺑﺘﺴﻤﺖ ﺑﺨﻔﻮﺕ ، ﻭﺃﺧﺬ ﺟﻮﺍﻻﺗﻪ ﻭﺃﻏﺮﺍﺿﻪ ﻭﻫﻮ ﻳﻀﻤﻬﺎ : ﻣﺜﻞ ﻣﺎ ﺇﺗﻔﻘﻨﺎ ؟ ﻫﺰﺕ ﺭﺍﺳﻬﺎ ﺑـ ﺇﻳﻪ ﻭﺇﺑﺘﺴﻤﺖ ﻏﺼﺐ ﻣﻦ ﺇﻧﺤﻨﻰ ﻳﻘﺒﻞ ﻛﺘﻔﻬﺎ ﻭﻋﻨﻘﻬﺎ ، ﻧﺰﻝ ﻳﺴﺒﻘﻬﺎ ﻭﻳﺘﻄﻤﻦ ﻋﻠﻰ ﺟﺎﻣﺢ : ﺣﺒﻴﺒﻲ ﺇﻧﺖ ﻭﺍﻟﻠﻪ ﺟﺎﺕ ﻭﻫﺞ ﺧﻠﻔﻪ ، ﻭﺇﺑﺘﺴﻤﺖ ﻟﺠﺎﻣﺢ ﺍﻟﺨﻴﻞ ﻣﺒﺎﺷﺮﺓ : ﺃﺣﺒﻚ ﻃﻴﺐ ﻟﻒّ ﻛﺎﻥ ﻳﺘﻮﻗﻌﻬﺎ ﻟﻪ ، ﻭﻣﻴّﻞ ﺷﻔﺎﻳﻔﻪ ﻭﻫﻮ ﻳﻤﺴﺢ ﻋﻠﻰ ﻭﺟﻪ ﺟﺎﻣﺢ ﺑﻬﻤﺲ : ﺟﺎﻣﺢ ﺍﻟﺨﻴﻞ ﻟﻪ ﺍﻟﺤُﺐ ، ﻭﻫﺎﻟﻬﺪﺍﺝ ﻳﻠﻲ ﺗﺒﺪﻟﺖ ﻣﻮﺍﺯﻳﻨﻪ ﻭﺟﻤﺢ ﻏﺼﺐ ﻣﺎﻟﻪ ﺷﻲﺀ ، ﻣﺴﻜﻴﻦ ﻭﺍﻟﻠﻪ ﻣﺴﻜﻴﻦ .. ﻣﻴّﻠﺖ ﻭﻫﺞ ﺷﻔﺎﻳﻔﻬﺎ ﺑﺨﻔﻮﺕ : ﻣﻤﻜﻦ ﺃﺳﻤﻊ ﻃﻴﺐ ؟ ﻫﺰ ﺭﺍﺳﻪ ﺑﺎﻟﻨﻔﻲ : ﺩﺍﻣﻚ ﺗﺤﺒﻴﻨﻪ ، ﻫﻮ ﻳﻌﻠّﻤﻚ ﻭﺵ ﻗﻠﺖ ﻟﻪ ﻣﻴﻠﺖ ﺷﻔﺎﻳﻔﻬﺎ ﻭﻫﻲ ﺗﻤﺸﻲ ﺧﻠﻔﻪ ، ﻣﺘﻮﺟﻬﻴﻦ ﻟﺒﻴﺖ ﺃﺑﻮﻫﺎ .. _ - « ﺑـﻴـﺖ ﻓـﻴﺼﻞ ، ﻣﺠـﻠﺲ ﺍﻟﺮﺟـﺎﻝ » ﺇﺑﺘﺴﻢ ﻏـﻴﺚ ﺑﻬﺪﻭﺀ ﺗﺎﻡ ﻭﻫﻮ ﻳﺠﻠﺲ ﻭﻳﺘﺄﻣﻞ ﺃﺑﻮﻩ ﺍﻟﻤﺒﺘﺴﻢ ﺑﺜﺒﺎﺕ ﺑﻮﺳﻂ ﺍﻟﻤﺠﻠﺲ ﻳﻠﻲ ﻣﺎﻳﻔﺘﺤﻪ ﺩﺍﺋﻤﺎً ، ﻣﺠﻠﺲ ﻛﺎﻥ ﻳﺤﺒﻪ ﺟﺪﻩ ﺗﺮﻛﻲ ﻭﻳﺠﻤﻊ ﺑﻪ ﺭﺟﺎﻝ ﺟﻤﺎﻋﺘﻪ ﺯﻣﺎﻥ ﻭﻣﻦ ﻭﻗﺖ ﻭﻓﺎﺓ ﺗﺮﻛﻲ ﻭﺍﻟﻌﺰﺍﺀ ﻳﻠﻲ ﺳﻮﺍﻩ ﺑﻬﺎﻟﻤﺠﻠﺲ ، ﻣﺎ ﻋﺎﺩ ﻓﺘﺢ ﻫﺎﻟﻤﺠﻠﺲ ﺃﺑﺪ ، ﻣﺎ ﺻﺎﺭﺕ ﻟﻪ ﻣﻨﺎﺳﺒﺔ ﺗﺴﺘﺤﻖ ﺗﻨﻌﺎﺵ ﺑﻬﺎﻟﻤﺠﻠﺲ ﻧﻔﺴﻪ ﻳﻠﻲ ﻫﻴﺒﺘﻪ ﻋﻈﻴﻤﺔ ﺑﺎﻟﻨﺴﺒﺔ ﻟﻔﻴﺼﻞ ﻭﻟﻜﻞ ﺷﺨﺺ ﻟﻮ ﻳﺪﺭﻱ ﻭﺵ ﻛﺎﻥ ﻳﺪﻭﺭ ﺑﻬﺎﻟﻤﺠﻠﺲ ﺃﻭ ﻳﺪﺭﻱ ﺑﺎﻟﺸﺨﺼﻴﺎﺕ ﻭﺍﻟﻌﻘﻮﻝ ﻳﻠﻲ ﺗﺤﺎﻭﺭﺕ ﻓﻴﻪ ، ﺑﺎﻟﻨﺴﺒﺔ ﻟﻐﻴﺚ ﻛﺎﻥ ﻫﺎﻟﻤﺠﻠﺲ ﺍﻟﻤﻌﺰﻭﻝ ﻋﻦ ﺍﻟﺒﻴﺖ ﻣﺤﻂ ﺃﻧﻈﺎﺭﻩ ﺑﺎﻟﺼﻐﺮ ﻭﻳﺜﻴﺮ ﻓﻀﻮﻝ ﻛﺒﻴﺮ ﺑﺪﺍﺧﻠﻪ ، ﻳﺸﻮﻓﻪ ﻣﻦ ﺑﻌﻴﺪ ﻭﻳﺸﻮﻑ ﺍﻟﻌﻤﺎﻝ ﺍﻟﻤﺤﺎﻓﻈﻴﻦ ﻋﻠﻴﻪ ﻭﻛﻴﻒ ﺇﻧﻪ ﺃﺑﻮﻩ ﻛﻞ ﻓﺘﺮﺓ ﻳﺠﺪﺩﻩ ﻭﻫﺎﻟﻤﺮﺓ ﻓﺘﺢ ﻛﻞ ﺃﺑﻮﺍﺑﻪ .. _ *🔮ــــــــ( #يتـــبع👇)ـــــــــ🔮* 💜📚 @ahgeel 💜📚🖋 🍃💜 💜🍃💜 🍃💜🍃💜 💜🍃💜🍃💜 💜🍃💜🍃💜 💜🍃💜 🍃💜 💜 📖🖌 @ahgeel 🔮🍃 { رواية على محيط خصرها تلتف المجرات💕} *🔮ــــــــــــــــــــــــــــــــــــــــــ🔮* ✏️ــ. #ﺑﺎﺭﺕ 262: ' - ' ﻭﻫﺎﻟﻤﺮﺓ ﻓﺘﺢ ﻛﻞ ﺃﺑﻮﺍﺑﻪ ﻳﺴﺘﻘﺒﻞ ﺍﻟﻘﺮﻳﺐ ﻭﺍﻟﺒﻌﻴﺪ ﻟﺠﻞ ﺭﺟﻮﻉ ﻏﻴﺚ ، ﻭﻟﺠﻞ ﺣﻴﺎﺓ ﺟﺪﻳﺪﺓ ﺑﻴﺒﺪﺍﻫﺎ ﻣﻦ ﺍﻟﺤﻴﻦ ﻭﻭﺩﻩ ﻳﺪﺭﻱ ﻛﻞ ﺷﺨﺺ ﺗﺴﻮّﻝ ﻟﻪ ﻧﻔﺴﻪ ﺇﻧﻪ ﻳﻀﺮ ﻓﻴﺼﻞ ، ﺃﻭ ﻳﻀﺮ ﻋﻴﺎﻟﻪ ﺇﻧﻪ ﻣﺎﻳﻘﺪﺭ ﺃﺑﺪ ، ﻭﻻ ﺑﻴﻘﺪﺭ ﺑﻌﺪ ﺻﺤﻮﺓ ﻓﻴﺼﻞ ﺍﻟﺸﺪﻳﺪﺓ ﻣﻦ ﻣﺼﻴﺒﺔ ﻭﺣﺪﺓ ﻟﻜﻞ ﺷﻲﺀ ، ﺻﺎﺭ ﺃﺷﺪ ﻣﻦ ﻏﻴﺚ ﻭﻻ ﻳﻨﻬﺰﻡ ﺑﺎﻟﻌﻮﺍﻃﻒ ﺃﺑﺪ ، ﻷﻥ ﺍﻟﻌﻮﺍﻃﻒ ﺑﺎﻟﻨﺴﺒﺔ ﻟﻪ ﻣﺎ ﺟﺎﺑﺖ ﺇﻻ ﺍﻟﻀﺮﺭ ﻭﻫﺬﺍ ﺍﻟﺸﻲﺀ ﻳﻠﻲ ﻳﻌﺮﻓﻪ .. ﺗﻐﻴـﺮﺕ ﻣﻼﻣﺢ ﻓﻴـﺼﻞ ﻣﻦ ﺩﺧﻮﻝ ﻧﺎﻳـﻒ ﻭﺳﻼﻣﻪ ﺍﻟﻬﺎﺩﻱ : ﺍﻟﺴـﻼﻡ ﻋﻠﻴـﻜﻢ ﻛﺎﻥ ﺍﻟﺼﻤﺖ ﺳﻴﺪ ﺍﻟﻤﻮﻗﻒ ﻟﻮﻫﻠﺔ ، ﻭﺭﺩ ﻓﻴﺼﻞ ﺑﻬﺪﻭﺀ : ﻭﻋﻠﻴﻚ ﺍﻟﺴﻼﻡ ﻭﺍﻟﺮﺣﻤﺔ ، ﺣﻴّﺎﻙ ﺭﺩﻭﺍ ﺍﻟﺴﻼﻡ ﻣﻦ ﺑﻌﺪﻩ ﻷﻥ ﻛﺎﻥ ﺍﻟﻤﻌـﺮﻭﻑ ﻭﺍﻟﻤﺘﻌﺎﺭﻑ ﺇﻧﻪ ﺑﻴﻦ ﺁﻝ ﺗﺮﻛﻲ ، ﻭﺁﻝ ﻃﻼﻝ ﻳﻠﻲ ﻣﻦ ﺑﻴﻨﻬﻢ ﻧﺎﻳـﻒ ﻋﺪﺍﻭﺓ ﻣﺎ ﺗﻨﺘﻬﻲ ، ﻣﺎ ﻋﻤﺮﻫﺎ ﺇﻧﺘﻬﺖ ﻟﻜﻦ ﺻﺎﺭ ﺍﻟﻈﻦ ﻣﻦ ﻣﺠﻲﺀ ﻧﺎﻳﻒ ، ﻭﺭﺩ ﻓﻴﺼﻞ ﻟﻠﺴﻼﻡ ﺇﻥ ﺍﻷﻣﻮﺭ ﺭﺟﻌﺖ ﻟﻨﺼﺎﺑﻬﺎ ﺑﻤﺎ ﺇﻧﻪ ﺭﺍﺟﺢ ﻃﻠﻖ ﺃﺧﺘﻬﻢ ، ﻭﺭﺟﻌﺖ ﻟﺪﻳﺎﺭ ﺃﻫﻠﻬﺎ ﺑﺮﺿﺎﻫﺎ ، ﻭﺛﺄﺭ ﺗﺮﻛﻲ ﺍﻟﻘﺪﻳﻢ ﺍﺧﺬﻩ ﻓﻴﺼﻞ ﻣﻦ ﺟﻬﻴـﻢ ﻭﻗﻀﻰ ، ﺻﺎﺭ ﺍﻟﻤﺎﺿﻲ ﻣﺎﺿﻲ ، ﻭﺗﺒﺪﻝ ﺍﻟﻮﺿﻊ ﺍﻟﺤﻴﻦ ﻭﺇﻻ ﻣﺎ ﻛﺎﻥ ﻧﺎﻳﻒ ﻣﻮﺟﻮﺩ ﻫﻨـﺎ .. ﺗﻨﺤﻨﺢ ﻓﻴﺼـﻞ ﺑﻬﺪﻭﺀ : ﻳﻘﻮﻟﻮﻥ ﻋﻤﺮ ﺍﻟﻈﻔﺮ ﻣﺎ ﻳﻄﻠﻊ ﻣﻦ ﺍﻟﻠﺤﻢ ﻭﺇﻳﻪ ﻣﺎ ﻳﻄﻠﻊ ﺑﺴﻬﻮﻟﺔ ، ﺃﺧﺘﻲ ﺃﻡ ﻣﻠﻚ ﺭﺟﻌﺖ ﺑﻴﻨﻨﺎ ﻭﺭﺟﻌﺖ ﺑﻌﺪ ﻣﺎ ﺗﻮﺿﺤﺖ ﻟﻬﺎ ﻭﻟﻨﺎ ﺃﺷﻴﺎﺀ ﻛﺜﻴﺮ ﻭﻟﺠﻞ ﻧﻨﻬﻲ ﺷﺒﻬﺔ ﺑﻴﻦ ﺍﻟﻜﻞ ﺃﻗﻮﻝ ﻟﻜﻢ ﺗﺮﻯ ﻋﻤﺮ ﺗﺮﻛﻲ ﻣﺎﺗﺮﻛﻬﺎ ، ﻭﺣﻨﺎ ﻣﺎ ﻧﺘﺮﻛﻬﺎ ﺩﺍﻣﻪ ﺻﺎﺭ ﺍﻟﺮﺟﻮﻉ ﺑﺸﺮﻭﻃﻪ ، ﻫﺬﻱ ﺃﻭﻝ ﺍﻟﻤﻨﺎﺳﺒﺎﺕ ، ﻭﺛﺎﻧﻴﻬﺎ .. ﻃﺎﻝ ﺳﻜﻮﺕ ﻓﻴﺼﻞ ، ﻭﺗﻨﺤﻨﺢ ﻏﻴﺚ ﺑﻬﺪﻭﺀ : ﻭﺛﺎﻧﻴﻬﺎ ﺑﻌﺪ ﻏﺪﺭ ، ﻭﻣﻮﺍﺟﻪ ﻣﻊ ﺃﺷﺒﺎﻩ ﺭﺟﺎﻝ ﻻ ﻳﺤﻜﻤﻬﻢ ﺩﻳﻦ ﻭﻻ ﺫﻣﺔ ﻭﻻ ﺿﻤﻴﺮ ﺗﺰﻭﺭﺕ ﻭﻓﺎﺗﻲ ﻫﻨﺎ ، ﻭﺻﺎﺭ ﺃﻛﺜﺮﻛﻢ ﻳﻘﻮﻝ ﺍﻟﻠﻪ ﻳﺮﺣﻤﻪ ، ﻛﺎﻧﺖ ﻣﺸﺎﻛﻞ ﺻﻌّﺒﺖ ﺍﻟﻮﺻﻮﻝ ﻭﺍﻟﺮﺟﻮﻉ ، ﻭﻳﻤﻜﻦ ﺻﻌﺐ ﺍﻟﺘﺼﺪﻳﻖ ﺍﻟﺤﻴﻦ ﻟﻜﻦ ﺃﻧﺎ ﻫﻨﺎ ، ﺣﻲّ ﻭﻗﺪﺍﻣﻜﻢ ﺟﻤﻴﻌﺎً .. ﻫﺰ ﻓﻴﺼﻞ ﺭﺍﺳﻪ ﺑـ ﺇﻳﻪ ﺑﻬﺪﻭﺀ ﻭﻫﻮ ﻳﺒﺘﺴﻢ ﺑﺨﻔﻴﻒ ، ﻭﺇﺑﺘﺴﻢ ﺃﺑﻮ ﻓﺎﺭﺱ "ﻛﺒﻴﺮ ﺟﻤﺎﻋﺘﻪ " ﻭﻫﻮ ﻳﻮﻗﻒ : ﺍﻟﻠﻪ ﻛﺒﻴﺮ ، ﻭﻣﺎﺑﻪ ﺷﻲﺀ ﺃﻛﺒﺮ ﻣﻨﻪ ﻳﺎ ﻏﻴﺚ ، ﺃﻱ ﻭﺍﻟﻠﻪ ﺇﻧّﻪ ﻛﺎﻥ ﻛﺴﺮ ﺑﻨﺺّ ﺍﻟﻈﻬﺮ ﻟﻜﻦ ﻫﺎﻟﺤﻴﻦ ﻭﺭﺟﻌﺘﻚ ﻭﺍﻟﻠﻪ ﺇﻧﻬﺎ ﺗﺠﺒﺮ ﻫﺎﻟﻜﺴﺮ ، ﻭﻋﺸﺮ ﻛﺴﻮﺭ ﻭﺭﺍﻩ ، ﺍﻟﻠﻪ ﻳﻌﺰﻙ ﻭﻳﻘﻮﻳﻚ ﻳﺎﻓﻴﺼﻞ ، ﻭﻳﺪﻳﻢ ﻫﺎﻟﻐﻴـﺚ ﻳﺎﻛﺮﻳﻢ ﺿﺤﻚ ﻓﻴﺼﻞ ﻏﺼﺐ ﻋﻨﻪ ﻣﻦ ﺗﻌﺎﻟﺖ ﺍﻷﺻﻮﺍﺕ ، ﻭﺣﻀﻦ ﺃﺑﻮ ﻓﺎﺭﺱ ﻏﻴﺚ ﺑﻜﻞ ﺣﺮﺍﺭﺓ ﻟﺪﺭﺟﺔ ﺗﺮﻗﺮﻗﺖ ﺍﻟﺪﻣﻮﻉ ﺑﻤﺤﺎﺟﺮﻩ ، ﺇﺑﺘﺴﻢ ﻏﻴﺚ ﺑﺨﻔﻴﻒ ﻭﻫﻮ ﻳﻘﺒّﻞ ﺭﺍﺳﻪ ، ﻭﻫﻤﺲ ﺃﺑﻮ ﻓﺎﺭﺱ ﻳﻠﻲ ﻛﺎﻥ ﻳﺤﺲ ﻏﻴﺚ ﻭﻟﺪﻩ ﻭﺃﺷﺪ ﻭﻣﻦ ﺷﺪّ ﺣﺒﻪ ﻟﻪ ﻛﺎﻥ ﻭﺩﻩ ﻳﺨﻄﺐ ﻭﻫﺞ ﻟﻔﺎﺭﺱ ، ﻟﻜﻦ ﺷﺎﺋﺖ ﺍﻷﻗﺪﺍﺭ ﺇﻥ ﻓﻴﺼﻞ ﻳﻘﻮﻝ ﻟﻪ ﺇﻥ ﺷﺎﺀﺍﻟﻠﻪ ﻭﺑﻌﺪﻫﺎ ﺑﻔﺘﺮﺓ ﻳﻮﺻﻠﻪ ﺧﺒﺮ ﺯﻭﺍﺟﻬﺎ ، ﻭﻣﻦ ﻭﻗﺘﻬﺎ ﺯﻋﻞ ﻣﻦ ﻓﻴﺼﻞ ﺷﻮﻳﺎﺕ ﻟﻜﻨﻪ ﺭﺟﻊ ﻳﺮﺿﻰ ﻭﺍﻟﺤﻴﻦ ﺃﺷﺪ ﺍﻟﺮﺿﻰ ﺑﻌﺪ : ﺍﻟﻠﻪ ﻳﺮﻓﻊ ﻗﺪﺭﻙ ﻭﺻﻴﺘﻚ ﺃﻛﺜﺮ ﻳﺎﻭﻟﺪﻱ ﻭﻳﺒﻌﺪ ﻋﻨﻚ ﻗﻠﻴﻠﻴﻦ ﺍﻟﺪﻳﻦ ﻭﺍﻷﺻﻞ ﻭﺍﻟﻤﺮﻭﺀﺓ . _ ‏« ﺍﻟﺠﻬﺔ ﺍﻷﺧﺮﻯ ﻣﻦ ﺑﻴـﺖ ﻓﻴﺼﻞ ‏» ﺩﺧﻠـﺖ ﻣﻦ ﺍﻟﺒﻮﺍﺑﺔ ﺍﻟﺨﻠﻔﻴـﺔ ﻭﺗﻮﺟﻬﺖ ﻣﺒﺎﺷﺮﺓ ﻟـ ... _ *🔮ــــــــ( #يتـــبع👇)ـــــــــ🔮* 💜📚 @ahgeel 💜📚🖋 🍃💜 💜🍃💜 🍃💜🍃💜 💜🍃💜🍃💜 💜🍃💜🍃💜 💜🍃💜 🍃💜 💜 📖🖌 @ahgeel 🔮🍃 { رواية على محيط خصرها تلتف المجرات💕} *🔮ــــــــــــــــــــــــــــــــــــــــــ🔮* ✏️ــ. #ﺑﺎﺭﺕ 263: ' - ' ‏« ﺍﻟﺠﻬﺔ ﺍﻷﺧﺮﻯ ﻣﻦ ﺑﻴـﺖ ﻓﻴﺼﻞ ‏» ﺩﺧﻠـﺖ ﻣﻦ ﺍﻟﺒﻮﺍﺑﺔ ﺍﻟﺨﻠﻔﻴـﺔ ﻭﺗﻮﺟﻬﺖ ﻣﺒﺎﺷﺮﺓ ﻟﻸﻋﻠﻰ ﻭﻟﻐﺮﻓﺘﻬﺎ ، ﻣﺎ ﻭﺩﻫﺎ ﺗﻘﺎﺑﻞ ﺃﺣﺪ ﺑﺘﺎﺗﺎً ﻭﻻ ﻭﺩﻫﺎ ﺗﺸﻮﻑ ﺑﻨﻲ ﺁﺩﻡ ، ﺗﺤﺲ ﺇﻧﻬﺎ ﻓﺮﺣﺖ ﻛﺜﻴﺮ ﺑﻬﺎﻟﻴﻮﻡ ﻭﺃﻛﻴﺪ ﺍﻟﻮﺟﻊ ﺑﻴﻜﻮﻥ ﻋﻠﻰ ﻗﺪ ﺍﻟﻔﺮﺡ ﻭﺃﺷﺪ .. ﺟﻠﺴﺖ ﺑﺘﻮﺗﺮ ﻭﻫﻲ ﺗﺎﺧﺬ ﻧﻔﺲ ﻷﻧﻬﺎ ﻭﻗﺖ ﺣﺴﺖ ﺑﻬﻼﻙ ﻫﺪﺍﺝ ﻣﻌﺎﻫﺎ ﺑﺎﻟﺼﺒﺎﺡ ، ﺣﺎﻭﻟﺖ ﺑﻜﻞ ﺟﻬﺪﻫﺎ ﺗﺴﻌﺪﻩ ، ﺗﺘﺮﻛﻪ ﻳﺒﺘﺴﻢ ﻭﻋﺮﻓﺖ ﺇﻥ ﺇﺑﺘﺴﺎﻣﺘﻪ ﻣﺎ ﺑﺘﻜﻮﻥ ﻷﻱ ﺷﻲﺀ ﺑﻘﺪ ﺇﻧﻬﺎ ﺑﺘﻜﻮﻥ ﻣﻦ ﺃﻋﻤﺎﻗﻪ ﻟﻮ ﻛﺎﻧﺖ ﻫﻲ ﻣﺒﺴﻮﻃﺔ ، ﻟﻮ ﻛﺎﻧﺖ ﻫﻲ ﻭﻫﺞ ﻳﻠﻲ ﻣﺎ ﻗﺪ ﺻﺎﺩﻑ ﺣﺎﻻﺕ ﺗﻮﻫﺠﻬﺎ ﺍﻻ ﺑﺨﻔﻮﺕ ﻭﻛﻞ ﺧﻼﻳﺎﻩ ﺍﻟﻔﻀﻮﻟﻴﺔ ﺗﺘﺴﺎﺋﻞ ﻫﻲ ﻫﺎﻹﻧﺴﺎﻧﺔ ﺑﺈﺑﺘﺴﺎﻣﺔ ﺑﺴﻴﻄﺔ ﺗﺤﺮﻙ ﻋﻮﺍﻟﻢ ﺑﺪﺍﺧﻠﻪ ، ﻛﻴﻒ ﻟﻮ ﻛﻠﻬﺎ ﺗﻮﻫﺠﺖ ﻭﺻﺎﺭﺕ ﺑﺪﻭﻥ ﻫﺎﻟﺤﺰﻥ ﻭﺃﻃﺮﺍﻓﻪ ﺍﻟﻤﻈﻠﻤﺔ ، ﺑﺘﺪﺧﻞ ﻣﻌﺎﻩ ﺑﺠﻨﻮﻧﻪ ، ﻭﻳﺠﻦّ ﺃﻛﺜﺮ ﻣﻦ ﻫﺎﻟﺠﻨﻮﻥ ﻟﻜﻦ ﻣﻌﺎﻫﺎ ﻫﻲ ﻟﺤﺎﻟﻬﺎ ﻭﺟﻨﻮﻥ ﺃﺳﻌﺪ ، ﻣﺎ ﻳﻮﺟﻌﻪ .. ﻟﻔﺖ ﺃﻧﻈﺎﺭﻫﺎ ﻟﻮﺭﻗﺔ ﻋﻠﻰ ﻃﺎﻭﻟﺘﻬﺎ ، ﻭﺃﺧﺬﺗﻬﺎ ﻟﻜﻦ ﺗﺮﻛﺘﻬﺎ ﻣﺒﺎﺷﺮﺓ ﻣﻦ ﺗﺠﻤﻌﺖ ﺍﻟﺪﻣﻮﻉ ﺑﻤﺤﺎﺟﺮﻫﺎ ﻣﻦ ﺃﻭﻝ ﺟﻤﻠﺔ ﻗﺮﺃﺗﻬﺎ ﻓﻴﻬﺎ " ﻣﺎ ﺇﺣﺘﺠﺖ ﺃﺣﺪ ﻛﺜﺮﻙ ، ﺃﻧﺎ ﺁﺳﻒ " ، ﻋﺮﻓﺖ ﺇﻧﻪ ﻏﻴﺚ ﻭﺃﻛﻴﺪ ﺇﻧﻪ ﻏﻴﺚ ، ﻭﺩﻩ ﻳﺤﺎﻛﻴﻬﺎ ﻟﻜﻦ ﻫﻲ ﻣﻮ ﻗﺎﺩﺭﺓ ﻟﺤﺪ ﻫﺎﻟﻠﺤﻈﺔ ﺗﻘﺎﺑﻠﻪ ﺑﻌﺪ ﻛﻞ ﺑﻜﺎﻫﺎ ﺑﺤﻀﻨﻪ ﻭﻛﻞ ﺍﻟﻤﺸﺎﻋﺮ ﻳﻠﻲ ﻫﺰﻣﺘﻬﺎ ﻭﻫﺰﻣﺘﻪ ﻫﻮ ، ﻭﺻﻠﺘﻬﺎ ﺭﺳﺎﻟﺔ ﻣﻦ ﻫﺪﺍﺝ ﻭﺭﻓﻌﺖ ﻋﻴﻮﻧﻬﺎ ﻟﻸﻋﻠﻰ ﻣﺒﺎﺷﺮﺓ ﻟﺠﻞ ﺗﻤﻨﻊ ﺩﻣﻮﻋﻬﺎ ، ﻭﺭﺟﻌﺖ ﺃﻧﻈﺎﺭﻫﺎ ﻋﻠﻰ ﺟﻮﺍﻟﻬﺎ ﺗﻘﺮﺃ ﻛﻼﻣﻪ " ﺇﻧﺰﻟﻲ ﻟﺠﻞ ﻣﺎ ﺃﺟﻴﻚ " ﺇﺭﺗﻌﺒﺖ ﻟﺜﻮﺍﻧﻲ ﻭﻫﻲ ﺗﻠﻒ ﺃﻧﻈﺎﺭﻫﺎ ﻟﻠﻐﺮﻓﺔ ، ﻭﺃﺭﺳﻞ ﻣﻦ ﺟﺪﻳﺪ ﺧﻮﻑ ﻣﻦ ﺇﻥ ﺍﻟﺤﺮﺍﺭﺓ ﺭﺟﻌﺖ ﻋﻠﻴﻬﺎ ، ﺃﻭ ﺇﻧﻜﺘﻤﺖ ﻣﻦ ﺟﺪﻳﺪ " ﺗﻌﺒﺘﻲ ؟ " ﻫﺰﺕ ﺭﺍﺳﻬﺎ ﺑﺎﻟﻨﻔﻲ ﻛﺄﻧﻪ ﻳﺸﻮﻓﻬﺎ ﻭﺭﺩﺕ ﻣﺒﺎﺷﺮﺓ " ﻻ ، ﺟﻴﺖ ﺃﻧﺰﻝ ﺃﻏﺮﺍﺿﻲ ﻭﻋﺒﺎﻳﺘﻲ ﻭﺃﻧﺰﻝ " ﺳﻜـﺮ ﺟﻮﺍﻟﻪ ﺑﻌﺪ ﻣﺎ ﺗﺴﻜﺮﺕ ﺃﻧﻮﺍﺭ ﻏﺮﻓﺘﻬﺎ ﻭﻫﻮ ﻳﺪﺧﻞ ﺍﻟﻤﺠﻠﺲ ، ﻭﻳﺪﺭﻱ ﻭﻣﺘﺄﻛﺪ ﺇﻧﻬﺎ ﻧﺰﻟﺖ ﻟﻠﺤﺮﻳـﻢ .. ، _ ﻧـﺰﻟﺖ ﻟﻸﺳﻔﻞ ﺑﺨﻄﻮﺍﺕ ﺷﺒـﻪ ﺛﺎﺑـﺘﺔ ﺭﻏﻢ ﻛﻞ ﺍﻹﺭﺗﺠﺎﻓﺎﺕ ﺍﻟﺪﺍﺧﻠﻴﺔ ﺑﻘﻠﺒﻬﺎ ، ﺃﺧﺬﺕ ﻧﻔﺲ ﺑﺨﻔﻴﻒ ﻭﻫﻲ ﺗﻀﻐﻂ ﻋﻠﻰ ﺇﻳﺪﻫﺎ ﻭﺗﻜﻤّﻞ ﻧﺰﻭﻟﻬﺎ ، ﺩﺧﻠﺖ ﺍﻟﻤﺠﻠﺲ ﺑﺈﺑﺘﺴﺎﻣﺔ ﻫﺎﺩﺋﺔ ﺗﻤﺎﻣﺎً ﻟﻜﻦ ﻛﺎﻧﺖ ﻛﺎﻓﻴﺔ ﺗﻄﻤﻦ ﺍﻟﻌﻨﻮﺩ ، ﻭﺗﺮﻳﺤﻬﺎ ﺟﺰﺋﻴﺎً ﺇﻧﻬﺎ ﺟﺎﺕ ﺗﻮﻗﻒ ﻣﻌﺎﻫﺎ .. ﺇﺑﺘﺴﻤﺖ ﺑﺨﻔﻮﺕ ﻣﻦ ﺳﻠﻤﺖ ﻋﻠﻰ ﺃﻡ ﻏﺎﺯﻱ ﺍﻟﻤﺒﺘﺴﻤﺔ ، ﻭﻣﺎ ﺧﻔﻰ ﻋﻠﻰ ﺃﺣﺪ ﺑﺎﻟﻤﺠﻠﺲ ﺇﺷﺘﻌﺎﻝ ﻣﻼﻣﺤﻬﺎ ﻣﻨﻬﺎ ، ﺇﺧﺘﻔﺖ ﺇﺑﺘﺴﺎﻣﺘﻬﺎ ﻣﻦ ﺫﺑﻮﻝ ﺃﻣﻬﺎ ، ﻭﺗﻌﺒﻬﺎ ﺍﻟﻮﺍﺿﺢ ﺣﺘﻰ ﻟﻮ ﺣﺎﻭﻟﺖ ﺗﺨﻔﻴﻪ .. ﺟﻠﺴﺖ ﺑﺠﻨﺒﻬﺎ ، ﻭﺷﺪﺕ ﺍﻟﻌﻨﻮﺩ ﻋﻠﻰ ﺇﻳﺪﻫﺎ ﺑﺴﺨﺮﻳﺔ ﻛﺒﻴﺮﺓ ﻣﻦ ﻛﻞ ﺷﻲﺀ ﺟﺎﻟﺲ ﻳﺼﻴﺮ ﺑﻬﺎﻟﻠﺤﻈﺔ ، ﻫﻮ ﻓﻴﺼﻞ ﺟﺎﻟﺲ ﻳﻌﺎﻗﺒﻬﺎ ﺍﻟﺤﻴﻦ ، ﻳﺠﻴﺐ ﻟﻬﺎ ﻣﻨﻴﺮﺓ ﻭﻭﻟﺪﻫﺎ ﺑﻠﻴﻠﺔ ﻭﺣﺪﺓ ﻟﺠﻞ ﻣﺎ ﺗﻠﺤﻖ ﺗﺴﺘﻮﻋﺐ ﺷﻲﺀ ، ﺍﻭ ﻻﻧﻪ ﻳﺪﺭﻱ ﻓﻴﻬﺎ ﻣﺴﺘﺤﻴﻞ ﺗﺒﻴﻦ ﺫﻫﻮﻟﻬﺎ ﻭﺻﺪﻣﺘﻬﺎ ﻗﺪﺍﻡ ﺍﻟﻨﺎﺱ ﻭﻟﻬﺎﻟﺴﺒﺐ ﺣﺐ ﻳﻌﺎﻗﺒﻬﺎ ﺑـ ﺃﻭﺟﻊ ﺍﻟﻄﺮﻕ ، ﻋﺰﻭﻣﺔ ﻣﻔﺎﺟﺌﺔ ، ﻭﻋﻮﺩﺓ ﻭﻟﺪ ﻭﺃﺧﺖ .. _ ﺍﻧﺘﻬﻰ ، ﺍﻟﺘﺎﺳﻊ ﻭﺍﻷﺧﻴﺮ *🔮ــــــــ( #يتـــبع👇)ـــــــــ🔮* 💜📚 @ahgeel 💜📚🖋 🍃💜 💜🍃💜 🍃💜🍃💜 💜🍃💜🍃💜 💜🍃💜🍃💜 💜🍃💜 🍃💜 💜 📖🖌 @ahgeel 🔮🍃 { رواية على محيط خصرها تلتف المجرات💕} *🔮ــــــــــــــــــــــــــــــــــــــــــ🔮* ✏️ــ. #ﺑﺎﺭﺕ : 264 ' - ' ﻛﺎﻥ ﺍﻟﺠﻮ ﻫﺎﺩﻱ ﺗﻤﺎﻣﺎً ﺑﻴﻦ ﺳﻮﺍﻟﻴﻒ ﺭﺍﻳﺤﺔ ﻭﺳﻮﺍﻟﻴﻒ ﺟﺎﻳﺔ ﻭﺇﺳﺘﻐﺮﺍﺏ ﻭﻫﺞ ﺍﻟﻮﺣﻴﺪ ﻣﻦ ﻫﺎﻟﻌﺰﻭﻣﺔ ﻛﻠﻬﺎ ، ﻟﻴﻪ ﺃﻣﻬﺎ ﻭﺃﺑﻮﻫﺎ ﻣﺎ ﺳﻤﺤﻮﺍ ﻟﻮﻗﺖ ﺑﺴﻴﻂ ﻳﻜﻮﻥ ﻟﻠﻌﺎﺋﻠﺔ ﻓﻘﻂ ﻳﺴﺘﺮﺩﻭﻥ ﻓﻴﻪ ﺃﻧﻔﺴﻬﻢ ﻭﻳﺴﺘﻮﻋﺒﻮﻥ ﺭﺟﻮﻉ ﻏﻴﺚ ﻋﺎﻷﻗﻞ ﻟﻮﺣﺪﻫﻢ ﻭﺑﻴﻨﻬﻢ ﻭﺑﻴﻦ ﻧﻔﺴﻬﻢ ، ﻟﻴﻪ ﺻﺎﺭﺕ ﻫﺎﻟﺠﻤﻌﺔ ﺑﻬﺎﻟﻮﻗﺖ ﻭﻟﻴﻪ ﻛﺎﻧﺖ ﻋﻠﻨﺎً ﻗﺪﺍﻡ ﺍﻟﻨﺎﺱ ﻗﺒﻞ ﻣﺎ ﺗﻜﻮﻥ ﻟﺤﻈﺔ ﺣﻠﻮﺓ ، ﻋﺎﻃﻔﻴﺔ ﺑﻴﻨﻬﻢ ﻛﻌﺎﺋﻠﺔ .. ﺿﺤﻜﺖ ﺑﺴﺨﺮﻳﺔ ﻟﺜﻮﺍﻧﻲ ﻣﻦ ﺗﻔﻜﻴﺮﻫﺎ " ﻛﻌﺎﺋﻠﺔ " ، ﻋﺎﺋﻠﺔ ﻣﺴﺘﺤﻴﻞ ﺗﻜﺘﻤﻞ ﺃﺭﻛﺎﻧﻬﺎ ، ﻓﺘﺮﺓ ﺗﻬﺘﻢ ﺍﻟﻌﻨﻮﺩ ﻭﻳﺒﻌﺪ ﻓﻴﺼﻞ،ﻭﻓﺘﺮﺓ ﻳﻬﺘﻢ ﻓﻴﺼﻞ ﻭﺗﺒﻌﺪ ﺍﻟﻌﻨﻮﺩ .. ﺇﻧﺘﺒﻬﺖ ﻟﻜﻼﻡ ﺃﻡ ﻓﺎﺭﺱ ﺍﻟﻤﻮﺟﻪ ﻟﻬﺎ ، ﻭﺇﺑﺘﺴﻤﺖ ﺑﺈﺣﺮﺍﺝ ﻷﻧﻬﺎ ﻣﺎ ﺳﻤﻌﺘﻪ ﺑﺸﻜﻞ ﻛﺎﻣﻞ : ﺳﻤـﻲ ؟ ﺇﺑﺘﺴﻤﺖ ﺃﻡ ﻏﺎﺯﻱ ﻭﻫﻲ ﺗﻀﻢ ﻛﻔﻮﻓﻬﺎ ﺳﻮﺍ ، ﻭﺇﺑﺘﺴﻤﺖ ﻧﺠﺪ ﻭﻟﺤﻘﺘﻬﻢ ﺳﻨﺪﺱ ﺑﺎﻹﺑﺘﺴﺎﻡ ﺑﻨﻔﺲ ﺍﻟﻄﺮﻳﻘﺔ ﻷﻥ ﻭﻫﺞ ﻗﺎﻟﺖ " ﺳﻤـﻲ " ﺑﻄﺮﻳﻘﺔ ﻣﻤﺘﻌﺔ ، ﻭﻧﻈﺮﺓ ﺃﻣﺘﻊ ﺗﺸﺒﻪ ﻧﻈﺮﺍﺕ ﻫﺪﺍﺝ ﺍﻟﻌﻔﻮﻳﺔ .. ﺇﺑﺘﺴﻤﺖ ﺃﻡ ﻓﺎﺭﺱ ﻳﻠﻲ ﺗﻌﺮﻑ ﺑﻘﻮﺓ ﺍﻟﻌﻼﻗﺔ ﺑﻴﻦ ﻏﻴـﺚ ﻭﻭﻫﺞ : ﺃﻗﻮﻝ ﺗﺘﻮﺍﻟﻰ ﺍﻟﻤﺴﺮّﺍﺕ ﺇﻥ ﺷﺎﺀ ﺍﻟﻠﻪ ، ﻋﻘﺒﺎﻝ ﻣﺎ ﻳﺼﻴﺮ ﻏـﻴﺚ ﺧﺎﻝ ﻭﺗﻜﺘﻤﻞ ﻓﺮﺣﺘﻪ ! ﺗُﻮﺭﺩﺕ ﻣﻼﻣﺤﻬﺎ ﺑﺈﺣﺮﺍﺝ ﻭﻃﺎﺣﺖ ﻋﻴﻮﻧﻬﺎ ﻋﻠﻰ ﺇﺑﺘﺴﺎﻣﺔ ﺃﻡ ﻏﺎﺯﻱ ﻳﻠﻲ ﺯﺍﺩﺗﻬﺎ ﺧﺠﻞ ﺃﻛﺜﺮ ، ﺗُﻮﺭﺩﺕ ﺃﻛﺜﺮ ﻭﺃﻛﺜﺮ ﻣﻦ ﺭﺳﺎﻟﺔ ﻣﻦ ﻫﺪﺍﺝ ﻟﻜﻦ ﻣﺤﺘﻮﺍﻫﺎ ﻫﺎﻟﻤﺮﺓ ﻧﻘﻄﺔ ﻭﺭﺩﺕ ﻋﻠﻴﻪ ﺑﺎﻟﻤﺜﻞ ، ﺭﺳﺎﻟﺔ ﺇﻃﻤﺌﻨﺎﻥ ﻻ ﺃﻛﺜﺮ ﻭﻻ ﺃﻗﻞ .. _ ‏« ﻣﺠـﻠﺲ ﺍﻟﺮﺟـﺎﻝ ‏» ﻛﺎﻥ ﺍﻟﻤﺠﻠﺲ ﻳﻀﺞّ ﺑﺎﻷﺣﺎﺩﻳﺚ ، ﺇﺧﺘﻼﻁ ﺍﻷﺻﻮﺍﺕ ﻣﻊ ﺑﻌﺾ ، ﻭﻛﺜﺮ ﺍﻟﻬﺮﺝ ﻭﻧﻈﺮﺍﺕ ﺃﺑﻮ ﺳﻌـﺪ ﻳﻠﻲ ﻛﺎﻧﺖ " ﺗﻨﺮﻓﺰ " ﻫﺪﺍﺝ ﺃﻛﺜﺮ ﻣﻦ ﺍﻟﻼﺯﻡ ﻭﻳﺘﻤﻨﻰ ﻣﺎ ﻳﺘﻜﻠﻢ ﻓﻘﻂ ، ﺣﺲ ﺑﻨﻔﺴﻪ ﻳﻌﺼﺐ ﺑﺪﻭﻥ ﺃﺳﺒﺎﺏ ﻣﻌﺮﻭﻓﺔ ﻭﻣﺰﺍﺟﻪ ﻳﺘﻐﻴﺮ ﺑﻄﺮﻳﻘﺔ ﻋﺠﻴﺒﺔ ، ﺃﺧﺬ ﺟﻮﺍﻟﻪ ﻣﻦ ﺻﻮﺕ ﺭﺳﺎﻟﺔ ﻭﺻﻠﺘﻪ ﻭﺿﺤﻚ ﺩﺍﺧﻠﻪ ﺑﺴﺨﺮﻳﺔ ﻛﺄﻧﻪ ﻳﻌﺮﻑ ﻟﻴﻪ ﻣﺰﺍﺟﻪ ﺗﻐﻴّﺮ ﻭﻟﻴﻪ ﺗﻌﻜﺮ ﺟﻮﻩ ﻗﺒﻞ ﺩﻗﺎﺋﻖ ﺑﺴﻴﻄﺔ ﻓﻘﻂ ، ﻭﺻﻠﺘﻪ ﺭﺳﺎﻟﺔ ﻣﻦ ﻋﻤﺎﻝ ﺍﻟﻤﺰﺭﻋﺔ ﺇﻥ ﺟﺎﻣﺢ ﺍﻟﺨﻴـﻞ ﻛﺴﺮ ﺑﻮﺍﺑﺘﻪ ﻟﻠﻤﺮﺓ ﺍﻷﻟﻒ ﻭﺗﻮﺳﺪ ﺍﻟﺴﺎﺣﺔ ﻭﻃﺒﻌﺎً ﻣﺤﺪ ﻳﺴﻴﻄﺮ ﻋﻠﻴﻪ ﻏﻴﺮ ﺷﺨﺺ ﺃﺟﻤﺢ ﻣﻨﻪ .. ﺧـﺮﺝ ﻣﻦ ﺍﻟﻤﺠﻠـﺲ ﻭﻫﻮ ﻳﺮﺩ ﻋﻠﻰ ﺍﻟﺤﺎﺭﺱ : ﻭﺃﺣـﺪ ﺩﺧﻞ ﻋﻨﺪﻩ ؟ ﻫﺰ ﺍﻟﺤﺎﺭﺱ ﺭﺃﺳﻪ ﺑﺎﻟﻨﻔﻲ : ﻻ ، ﻣﺎ ﻗﺪﺭﻧﺎ ﻧﻘﺮﺑﻪ ﻟﻸﺳﻒ ﻫﺰ ﺭﺍﺳﻪ ﺑﺰﻳﻦ ﻭﻫﻮ ﻳﻤﺴﺢ ﻋﻠﻰ ﺃﻧﻔﻪ : ﺯﻳﻦ ، ﺃﻧﺎ ﺟﺎﻱ ﻭﺇﺳﻤﻊ ﺃﺑﺪ ﻻ ﺗﻜﻠﻤﻮﻧﻪ ﺑﺲ ﺇﻧﺘﺒﻪ ﻻ ﻳﺨﺮﺝ ﻣﻦ ﺍﻟﻤﺰﺭﻋﺔ ﺳﻜّﺮ ﻣﻨﻪ ﻭﻫﻮ ﻳﺘﻨﺤﻨﺢ ، ﻭﻳﺮﺳﻞ ﻟﻮﻫﺞ ﻧُﻘﻄﺔ ﺭﺩﺕ ﻋﻠﻴﻬﺎ ﺑﻌﺪ ﺛﻮﺍﻧﻲ ﺑﻨُﻘﻄﺔ ﻏﻴﺮﻫﺎ ، ﻭﺭﺟﻊ ﻳﺮﺳﻞ ﻟﻬﺎ ﻣﻄﻠﺒﻪ .. " ﺗﻌﺎﻟﻲ ﺍﻟﺴﺎﺣﺔ ﻭﺭﺍﺀ " ، ﺧـﺮﺟﺖ ﻟﻠﺨﺎﺭﺝ ﻭﻟﻠﻤﻜﺎﻥ ﻳﻠﻲ ﻛﺎﻧﺖ ﺗﻠﻌﺐ ﻓﻴﻪ ﻣﻊ ﻏﻴﺚ ﺑﺎﻟﻄﻔﻮﻟﺔ ﻭﺻﺎﺭﺕ ﺁﺧﺮ ﺫﻛﺮﻳﺎﺕ ﻫﺎﻟﻤﻜﺎﻥ ﺍﻟﺠﻤﻴﻠﺔ ﺑﻌﺪ ﻟﻌﺒﻬﺎ ﻣﻊ ﻏﻴﺚ ، ﺃﻭﻝ ﻣﻄﺮ ﻣﻊ ﻫـﺪﺍﺝ ، ﺃﻭﻝ ﻗُﺒﻠﺔ ﺗﺤﺘﻪ ، ﻭﺃﻭﻝ ﺇﻛﺘﺸﺎﻑ ﻣﻨﻬﺎ ﻟﻌﻮﺍﻟﻢ ﻫﺪﺍﺝ ﺑـﺈﻧﻪ ﻳﺤﺐ ﺍﻟﻤﺮﺓ ﺍﻷﻭﻟﻰ ﻣﻦ ﻛﻞ ﺷﻲﺀ .. ﻣﻴّﻠﺖ ﺷﻔﺎﻳﻔﻬﺎ ﻭﻫﻲ ﺗﺸﻮﻓﻪ ﻋﻠﻰ ﺟﻮﺍﻟﻪ ، ﻭﻛﺄﻧﻪ ﺣﺲ ﺑﻮﺟﻮﺩﻫﺎ ﺭﻏﻢ ﺑﻌﺪ ﺍﻟﻤﺴﺎﻓﺔ ﻭﺭﻓﻊ ﻋﻴﻮﻧﻪ ﻟﻨﺎﺣﻴﺘﻬﺎ ، ﺇﺑﺘﺴﻤﺖ ﺑﺈﺳﺘﻐﺮﺍﺏ : ﻫﺪﺍﺝ ؟ ﺇﺑﺘﺴﻢ ﺑﺨﻔﻴﻒ ، ﻭﺇﺷﺘﻌﻠﺖ ﻣﻼﻣﺤﻬﺎ ﻏﺼﺐ : ﻫﺪﺍﺝ ﺿﺤﻚ ﻭﻫﻮ ﻳﻌﺘﺪﻝ ﺑﻮﻗﻔﺘﻪ :.. *🔮ــــــــ( #يتـــبع👇)ـــــــــ🔮* 💜📚 @ahgeel 💜📚🖋 🍃💜 💜🍃💜 🍃💜🍃💜 💜🍃💜🍃💜 💜🍃💜🍃💜 💜🍃💜 🍃💜 💜 📖🖌 @ahgeel 🔮🍃 { رواية على محيط خصرها تلتف المجرات💕} *🔮ــــــــــــــــــــــــــــــــــــــــــ🔮* ✏️ــ. #ﺑﺎﺭﺕ 265: ' - ' ﺟﺎﺕ ﻗﺮﻳﺐ ﻣﻨﻪ ، ﻭﻫﺰ ﺭﺍﺳﻪ ﺑﺎﻟﻨﻔﻲ ﻭﻫﻮ ﻳﺤﺎﻭﻁ ﺧﺼﺮﻫﺎ ﻭﻳﻘﺮﺑﻬﺎ ﻣﻨﻪ : ﻣﺎ ﺑﻌﺪ ﺗﻌﻠﻤﺘﻲ ، ﻭﻗﺖ ﺃﻗﻮﻝ ﺗﻌﺎﻟﻲ ﺃﻧﺎ ﻭﺩﻱ ﻓﻴﻚ ﺑﻬﺎﻟﻘﺮﺏ ، ﻭﻳﻤﻜﻦ ﺃﻗﺮﺏ ﺇﺑﺘﺴﻤﺖ ﺑﺈﺭﺗﺒﺎﻙ ﻭﺇﺣﺮﺍﺝ ، ﻭﺿﺤﻚ ﻏﺼﺐ ﻋﻨﻪ ﻭﻫﻮ ﻳﺸﺪ ﻋﻠﻰ ﺇﻳﺪﻫﺎ ﺍﻟﺒﺎﺭﺩﺓ ﻭﺇﺧﺘﻔﺖ ﺿﺤﻜﺘﻪ : ﻟﻴﻪ ﻫﺎﻟﺒﺮﺩ ؟ ﻣﻴّﻠﺖ ﺷﻔﺎﻳﻔﻬﺎ ﻭﻫﻲ ﺗﺮﻓﻊ ﻋﻴﻮﻧﻬﺎ ﻟﻪ : ﺑﺮﺃﻳﻚ ؟ ﺇﺑﺘﺴﻢ ﺑﺨﻔﻴﻒ ﻭﻫﻮ ﻳﻘﺒّﻞ ﺟﺒﻴﻨﻬﺎ : ﻗﻠﻨﺎ ﻣﺎﻧﻲ ﺑﺠﻨﺒﻚ ﺑﺲ ﻣﺎﻳﻌﻨﻲ ﺗﺒﺮﺩﻳﻦ ، ﺃﻧﺎ ﻣﺎﺷﻲ ﺍﻟﺤﻴﻦ ﺯﻳﻦ ؟ ﻧﺎﻇﺮﺕ ﺳﺎﻋﻪ ﻣﻌﺼﻤﻪ ﻭﻫﻲ ﺗﺮﻓﻊ ﻋﻴﻮﻧﻬﺎ ﻟﻪ ﺑﺬﻫﻮﻝ : ﺑﺪﺭﻱ ! ﺳﻜﺖ ﻟﺜﻮﺍﻧﻲ ﻣﻦ ﻃﺮﻳﻘﺘﻬﺎ ﺑﺎﻹﻟﺘﻔﺎﺕ ﻟﻪ ، ﻛﻴﻒ ﺭﻓﻌﺖ ﻋﻴﻮﻧﻬﺎ ﻟﻪ ﻭﻧﺒﺮﺗﻬﺎ ﻭﺗﻨﺤﻨﺢ ﻭﻫﻮ ﻳﻨﺘﺒﻪ ﻋﻠﻰ ﻧﻔﺴﻪ : ﻋﻨﺪﻱ ﺷﻐﻠﺔ ﺃﺳﻮﻳﻬﺎ ، ﺑﺘﻨﺎﻣﻴﻦ ﻫﻨﺎ ؟ ﻫﺰﺕ ﺭﺍﺳﻬﺎ ﺑـ ﺇﻳﻪ ﻭﻫﻲ ﺗﻠﻌﺐ ﺑﺄﻧﺎﻣﻠﻪ : ﺑﻨﺎﻡ ﻫﻨﺎ ، ﻫﺪﺍﺝ ﻣﻴّﻞ ﺷﻔﺎﻳﻔﻪ ﺑﺨﻔﻴﻒ ﻭﻫﻮ ﻳﻀﻢ ﺃﻛﺘﺎﻓﻬﺎ : ﺳﻤﻲّ ﺇﺑﺘﺴﻤﺖ ﻭﻫﻲ ﺗﻠﻒ ﻟﻨﺎﺣﻴﺘﻪ ، ﻭﺭﻓﻌﺖ ﻧﻔﺴﻬﺎ ﺑﻬﺪﻭﺀ ﺗﻘﺒﻞّ ﺧﺪﻩ ﻭﺗﺒﻌﺪ : ﺧﻼﺹ ﻛﺎﻥ ﻣﺬﻫﻮﻝ ﻟﻮﻫﻠﺔ ﻣﻦ ﺇﻳﺪﻳﻬﺎ ﻳﻠﻲ ﺇﺭﺗﻜﺰﺕ ﻋﻠﻰ ﺻﺪﺭﻩ ﻭﻛﻴﻒ ﺭﻓﻌﺖ ﻧﻔﺴﻬﺎ ﺗﻘﺒﻞ ﺧﺪﻩ ﺑﻬﺎﻟﺮﻗﺔ ، ﺇﺑﺘﺴﻢ ﺑﺬﻫﻮﻝ : ﻳﺎﻋـﻤﻲ ! ﺿﺤﻜﺖ ﻏﺼﺐ ﻋﻨﻬﺎ ﻭﻫﻲ ﺗﺮﺟﻊ ﻟﻠﺪﺍﺧﻞ ، ﻭﺿﺤﻚ ﻭﻫﻮ ﻳﻨﺘﺒﻪ ﻟﻨﻔﺴﻪ : ﻣﻴﻦ ﻳﻠﻌﺐ ﺑﻤﺰﺍﺝ ﺍﻟﺜﺎﻧﻲ ﺃﻛﺜﺮ ﻳﺎﻋﻤﻲ ؟ ﻣﻴﻦ ﻳﺎﺟﻮّ ﻣﻴﻦ ، ﺩﺧﻠﺖ ﻭﻫﻲ ﻣﺒﺘﺴﻤﺔ ﻏﺼﺐ ﻋﻨﻬﺎ ، ﻭﻣُﺤﺮﺟﺔ ﺑﻘﺪ ﺍﻹﺑﺘﺴﺎﻡ ، ﻭﻣﻴّﻠﺖ ﻣﻨﻴـﺮﺓ ﺷﻔﺎﻳﻔﻬﺎ ﺑﻬﺪﻭﺀ ﻷﻧﻬﺎ ﺷﺎﻓﺖ ﺑﻌﻴﻨﻬﺎ ، ﻋُﻤﻖ ﺍﻟﻌﻼﻗﺔ ﺑﻴﻦ ﻫﺪﺍﺝ ﻭﻭﻫﺞ ﻭﻳﻠﻲ ﻛﺎﻧﺖ ﻭﻗﺖ ﺭﻏﺒﺘﻬﺎ ﺑﺠﻤﻌﻬﻢ ﺗﺘﻮﻗﻊ ﺇﻧﻬﺎ ﻣﻌﺎﻩ ﻣﺴﺘﺤﻴﻞ ﺗﻮﺻﻞ ﻷﻱ ﻧﺘﻴﺠﺔ ﺣُﺐ ﺃﻭ ﻏﻴﺮﻩ ، ﻣﺠﺮﺩ ﻛﺴﺮ ﺑﺤﻴﺎﺓ ﻭﻫﺞ ﻣﺜﻞ ﺍﻟﻜﺴﺮ ﻳﻠﻲ ﺟﺎﺀ ﺑﺤﻴﺎﺗﻬﺎ : ﺣﻲّ ﺍﻟﻠﻪ ﻭﻫﺞ ﺇﺑﺘﺴﻤﺖ ﺑﺈﺳﺘﻐﺮﺍﺏ ﻟﺜﻮﺍﻧﻲ ﻭﻫﻲ ﺗﺴﻠﻢ ﻋﻠﻴﻬﺎ : ﺃﻫﻼً ؟ ﺇﺑﺘﺴﻤﺖ ﻭﻫﻲ ﺗﻨﺎﻇﺮﻫﺎ ﻣﻦ ﺃﻋﻠﻰ ﺭﺃﺳﻬﺎ ﻻﻃﺮﺍﻑ ﺃﻗﺪﺍﻣﻬﺎ ، ﻭﺟﺎﺕ ﻣﻠﻚ ﻳﻠﻲ ﻋﺪﻟﺖ ﺷﻜﻠﻬﺎ ﻭﺗﺤﺎﻛﻲ ﺃﻣﻬﺎ : ﻧـﺪﺧـ ﺇﻧﻘﻄﻊ ﻛﻼﻣﻬﺎ ﺗﻠﻘﺎﺋﻴﺎً ﻣﻦ ﺭﻓﻌﺖ ﻭﻫﺞ ﻳﻠﻲ ﻛﺎﻧﺖ ﺗﻌﺪﻝ ﺇﺳﻮﺍﺭﺗﻬﺎ ﺭﺃﺳﻬﺎ ﻋﻠﻰ ﺻﻮﺕ ﻣـﻠﻚ .. ﺑﺮﺩﺕ ﻣﻼﻣﺢ ﻭﻫﺞ ﻟﺜﻮﺍﻧﻲ ، ﻭﻣﻠﻚ ﺑﺎﻟﻤﺜـﻞ ﻣﻦ ﺍﻟﺘﺸﺎﺑﻪ ﺑﻴﻨﻬﻢ ﺟُﺰﺋﻴﺎً ﻭﻳﻠﻲ ﺇﺧﺘﻔﻰ ﺑﻠﺤﻈﺔ ﻭﺣﺪﺓ ﻣﻦ ﺇﺑﺘﺴﻤﺖ ﻣﻠﻚ ﺑﺈﺭﺗﺒﺎﻙ : ﻭﻫﺞ ؟ ﻫﺰﺕ ﺭﺍﺳﻬﺎ ﺑـ ﺇﻳﻪ ﻭﻫﻲ ﺗﺒﺘﺴﻢ ﺑﺬﻫﻮﻝ ، ﻭﺑﺮﺩﺕ ﺃﻃﺮﺍﻓﻬﺎ ﻣﻦ ﻣﻴّﻠﺖ ﻣﻨﻴﺮﺓ ﺷﻔﺎﻳﻔﻬﺎ ﺑﻌﺪﻡ ﺇﻋﺠﺎﺏ ، ﻭﺭﻣﻘﺖ ﻭﻫﺞ ﺑﻨﻈﺮﺓ ﻻﺣﻈﺘﻬﺎ ﺃﺷﺪ ﺍﻟﻤﻼﺣﻈﺔ : ﻳﻼ ﻳﺎﻣﻠﻚ ﺇﺑﺘﺴﻤﺖ ﻣﻠﻚ ﻭﻫﻲ ﺗﺴﻠﻢ ﻋﻠﻴﻬﺎ ﻭﻣﺎﻛﺎﻧﺖ ﻭﻫﺞ ﺃﻗﻞ ﺭﺟﻔﺔ ﻭﺇﺭﺗﺒﺎﻙ ﻣﻦ ﻣﻠﻚ ﺑﺘﺎﺗﺎً ﻟﻜﻦ ﺷُﻌﻮﺭ ﻏﺮﻳﺐ ﺧﺎﻟﻂ ﺩﺍﺧﻞ ﻭﻫﺞ ﻭﻷﻭﻝ ﻣﺮﺓ ﻭﻫﻮ ﺇﻧﻬﺎ ﺗﺮﺗﺎﺡ ﻟﺸﺨﺺ ﺟﺪﻳﺪ ﻣﻦ ﺃﻭﻝ ﻧﻈﺮﺓ ، ﺃﻭ ﺗﺤﺲ ﺑﺸﻲﺀ ﻣُﺸﺘﺮﻙ ﺑﻴﻨﻬﻢ ، ﻭﻛﺬﻟﻚ ﻛﺎﻥ ﺍﻟﺸﻌُﻮﺭ ﻧﻔﺴﻪ ﺑﻤﻠﻚ ، ﺣﺴّﺖ ﺑﺸﺨﺼﻴﺔ ﻣﺸﺎﺑﻬﺔ ﻟﻬﺎ ، ﺃﻭ ﻳﻤﻜﻦ ﻣﻐﺎﻳﺮﺓ ﻟﻜﻦ ﻓﻴﻪ ﻧﻘﺎﻁ ﻣﺸﺘﺮﻛﺔ ﻗﺪﺍﻣﻬﺎ ، ﻭﻛُﻠﻬﺎ ﺃﺣﺎﺳﻴﺲ ﺑﺪﻭﻥ ﻣُﻌﻄﻴﺎﺕ ﺳﺎﺑﻘﺔ ، ﺇﺣﺴﺎﺱ ﻭﺑﺲ ﻳﻤﻜﻦ ﻳﺘﺄﻛﺪ ﻭﻳﻤﻜﻦ ﻳﻨﻤﺤﻲ .. ﺳﻤﻌﺖ ﻭﻫﺞ ﺻﻮﺕ ﻋﻤﺎﻣﻬﺎ ﺑﺎﻟﺪﺍﺧﻞ ، ﻭﺇﺑﺘﺴﻤﺖ ﺑﺬﻫﻮﻝ ﻣﻦ ﺗﺠﻤّﺪﺕ ﻣﻠﻚ ﺑﻤﻜﺎﻧﻬﺎ : ﺗﻌـﺎﻟﻲ ؟ ﻫﺰﺕ ﺭﺍﺳﻬﺎ ﺑﺎﻟﻨﻔﻲ ﺑﺈﺭﺗﻌﺎﺏ ﻭﻫﻲ ﻣﻦ ﺃﺻﻮﺍﺗﻬﻢ ﻓﻘﻂ ، ﺗﺨﻴّﻠﺖ ﻣﺠﻠﺲ ﻣﻠﻴﺎﻥ ... *🔮ــــــــ( #يتـــبع👇)ـــــــــ🔮* 💜📚 @ahgeel 💜📚🖋 🍃💜 💜🍃💜 🍃💜🍃💜 💜🍃💜🍃💜