على محيط خصرها تلتف المجرات - الفصل 29 - مكتملة | روايتك

عالم القصص والروايات 📚: 💜🍃💜🍃💜 🍃💜🍃💜 💜🍃💜 🍃💜 💜📖🖌 @ahgeel 🔮🍃 📖 روايـــــــــــــة ✍🏼 {  #على_محيط_خصرها_تلتف_المجرات💕} *🔮ــــــــــــــــــــــــــــــــــــــــــ🔮* ✏️ــ #ﺑـﺎﺭﺕ 121: - ' ﻛـﺎﻧﺖ ﺗﻠﺒﺲ ﻋﺒﺎﻳﺘﻬﺎ ﻟﻤﺎ ﺩﺧﻞ ﺳﻨـﺪ ﻋﻠﻴﻬﺎ ، ﻣﺎ ﺩﺧﻞ ﺩﺧُﻮﻝ ﺍﻟﻮﺻﻲ ﻋﻠﻴﻬﺎ ﺃﻭ ﺍﻟﻤﺤﺎﺳﺐ ﻟﻬﺎ ﺇﻧﻤﺎ ﺭﻏﺒﺔً ﻭﺣﺮﺻﺎً ﻣﻨﻪ ﺇﻧﻬﺎ ﻣﺎ ﺗﺮﻭﺡ ﻣﻊ ﺍﻟﺴﻮﺍﻕ ﻟﻮﺣﺪﻫﺎ ﻷﻱ ﻣﻜﺎﻥ ﻫﺎﻟﻮﻗﺖ ، ﻭﻣﺎ ﺇﻧﺼﺪﻡ ﻭﻗﺖ ﻋﺮﻑ ﺇﻥّ ﻭﺩﻫﺎ ﺗﺠﻲ ﻟﻬﺪﺍﺝ ﺃﺑﺪﺍً .. ﻣـﺎ ﺑﻜﺖ ﻣﻦ ﺳﺎﻋﺎﺕ ﻟﻜﻨﻬﺎ ﺑﺒﺴﺎﻃﺔ ، ﻣﻦ ﺃﻭﻝ ﻣﺎ ﺷﺎﻓﺘﻪ ﻣﻤُﺪﺩ ﺑﻬﺎﻟﺸﻜﻞ ﺇﻧﻬﺎﺭﺕ ، ﺇﻧﻬﺎﺭﺕ ﺧﻮﻑ ﻋﻠﻴﻪ ﻭﻛُﺮﻩ ﻟﻨﻔﺴﻬﺎ ﻭﺇﻧﻬﺎ ﺳﻤﺤﺖ ﻟﻨﻔﺴﻬﺎ ﺗﻔﺮﺡ ﻟﻮ ﺛﺎﻧﻴﺔ ، ﻭﻫﻲ ﺗﻌﺮﻑ ﺇﻧﻬﺎ ﻣﺎ ﺗﻔﺮﺡ ﺇﻻّ ﻭﻳﺼﻴﺮ ﺷﻲﺀ ﻳﺤﺰﻧﻬﺎ ﺃﻛﺜﺮ ﻭﺃﻛﺜﺮ .. ﺧﺎﺭﺕ ﻗُﻮﺍﻫﺎ ﻣﻦ ﺍﻟﺒﻜﻲ ، ﻭﺇﻧﺘﻬﺖ ﻃﺎﻗﺘﻬﺎ ﺗﻤﺎﻣﺎً ﺇﻻّ ﺇﻧﻬﺎ ﺣﺴّﺖ ﺑﻬﻤﺴﻪ ، ﻣﺎ ﻓﻬﻤﺖ ﺑﺎﻷﻭﻝ ﻷﻧﻪ ﻛﺎﻥ ﻳﺘﻤﺘﻢ ﻭﻓﻬﻤﺖ ﻭﻗﺖ ﺷﺪ ﻋﻠﻰ ﺇﻳﺪﻫﺎ ﺑﻬﻤﺲ ﻣُﻬﻠَﻚ : ﺇﻧﺖِ ﻭﻫـﺞ ، ﻭﻻ ﻭﻫـﻢ ؟ ﺃﺧﺬﺕ ﻧﻔﺲ ﻭﺳﻂ ﺩﻣﻮﻋﻬﺎ ﻭﻛﺎﻧﺖ ﺑﺘﻨﻄﻖ ﺑـ " ﻭﻫﺞ " ﻟﺤﺪّ ﻣﺎ ﺗﺤﺮﻙ ﻭﺗﺂﻭﻩ ﺑـ ﺃﻟﻢ ،ﻭﻓﺰﺕ ﺑﺪﻭﻥ ﺷﻌﻮﺭ ﺗﺴﺎﻋﺪﻩ . ﻭﻫﺞ ﺑﺮﻋﺐ ﻭﻫﻲ ﺗﺸﻮﻑ ﻭﺟﻬﻪ ﺃﺣﻤﺮ : ﺑـﺸﻮﻳﺶ ﻻ ﺗﺘﺤﺮﻙ ! ﺩﺧﻠﺖ ﺍﻟﻤُﻤﺮﺿـﺔ ﻭﺃﺑﻌﺪﺕ ﻭﻫﺞ ﻃﺮﻑ ﺗﺴﻤﺢ ﻟﻬﺎ ﺗﺴﺎﻋﺪﻩ ﻟﻜﻨﻬﺎ ﻣﺎ ﺃﺑﻌﺪﺕ ﻛﺎﻣﻞ ﺍﻟﺒُﻌﺪ ﺃﺑﺪﺍً ، ﻧﺰﻟﺖ ﺩﻣﻮﻋﻬﺎ ﻣﺒﺎﺷﺮﺓ ﻣﻦ ﺣﺴّﺖ ﻓﻴﻪ ﻳﺸﺪ ﻋﻠﻰ ﺃﻃﺮﺍﻑ ﺃﺻﺎﺑﻌﻬﺎ ﺍﻟﻠﻲ ﺑﺈﻳﺪﻩ ﻭﻫﻲ ﺗﻨﺤﻨﻲ ﻟﺤﺪّﻩ ، ﻛﺎﻧﺖ ﺑﺘﺘﻜﻠﻢ ﻟﻜﻨﻬﺎ ﻣﺎ ﻗﺪﺭﺕ ﻣﻦ ﻓﺮﻁ ﺍﻟﺸﻌُﻮﺭ ﺍﻟﻠﻲ ﻳﻨﺘﺎﺑﻬﺎ ، ﺑﺎﻷﻭﻝ ﻫﺎﻟﺠﺮﺣﻴﻦ ﺍﻟﻠﻲ ﺑﺠﺒﻴﻨﻪ ، ﻭﺑﻌُـﻨﻘﻪ ﻭﻣﺎ ﻋﺮﻓﺖ ﺳﺒﺒﻬﺎ ﻟﻜﻦ ﺍﻷﻛﻴﺪ ﺇﻥ ﻟﻬﺎ ﺇﻳﺪ ﺃﻭ ﻃﺮﻑ ﺑﺎﻟﻤﻮﺿﻮﻉ ، ﻭﺛـﺎﻧﻴﺎً ﻫﺎﻟﺤﺎﺩﺙ ﻃﺒﻌﺎً .. ﺃﺧﺬﺕ ﻧﻔﺲ ﻭﻫﻲ ﺗﻤﺴﺢ ﺩﻣﻮﻋﻬﺎ ﺑﻄﺮﻑ ﺇﻳﺪﻫﺎ : ﻫـﺪﺍﺝ ﺗﻤِﻨﺘﻪ ﻳﺮﺩ ﺑـ " ﺳﻤﻲّ " ﻭﻳﺮﺑﻜﻬﺎ ، ﻳﺒﺘﺴﻢ ﺑﻄﺮﻑ ﻟﻜﻨﻪ ﻳﻌﺼﻒ ﺑﻜُﻞ ﻛﻴﺎﻧﻬﺎ ﺑﻨﺼﻒ ﺇﺑﺘﺴﺎﻣﺔ ، ﻭﻧﻈﺮﺓ .. ﺃﺧﺬﺕ ﻧﻔﺲ ﺑﺨﻔﻴﻒ ﻭﻫﻲ ﺗﻀﻢ ﻛﻔﻪ ﺑﻴﻦ ﻛﻔﻮﻓﻬﺎ ﻭﺑﺪﻭﻥ ﺷﻌﻮﺭ ﻣﻨﻬﺎ ، ﻻﻗﺖ ﻧﻔﺴﻬﺎ ﺿﻤّﺖ ﺇﻳﺪﻩ ﻟﺤﻀﻨﻬﺎ : ﻳﻔﻴـﺪ ﺍﻷﺳﻒ ؟ _ ‏« ﺑـﻴﺖ ﺟـﻠﻮﻱ ﺁﻝ ﻋـﺒﺪﺍﻟﻌـﺰﻳﺰ ‏» ﺩﺧـﻞ ﻏﺎﺯﻱ ﻭﻫﻮ ﻳﻤﺸﻲ ﺑﺘﺜـﺎﻗﻞ ﺷﺪﻳﺪ ﻣﻦ ﻓﺮﻁ ﺗﻌﺒـﻪ ، ﻋﻠﻰ ﻭﻗـﺖ ﺻﺤَﻮﺗﻪ ﻣﻦ ﻗﺒـﻞ ﻣﻠﻜﺔ ﻣُﻮﺝ ﻭﺳﻌـﺪ ﻟﺤﺪ ﺍﻟﺤﻴﻦ ﺑﻌﺪ ﻳﻮﻣﻴﻦ ﻧـﺎﻡ ٣ ﺳﺎﻋﺎﺕ ﻣُﺘﻘﻄﻌﺔ ﻭﻛُﻠﻬﺎ ﺑﻤﻜﺘﺒﻪ ، ﻣـﺎ ﻛﺎﻥ ﻗﺎﺩﺭ ﻳﺮﺗﺎﺡ ﺃﺑﺪﺍً ﻷﻥّ ﻫﺪﺍﺝ ﺣﺎﻟﺘﻪ ﺃﺑﺪﺍً ﻣﺎ ﺇﺳﺘﻘﺮﺕ ﻭﻛﻞ ﺷﻮﻱ ﻳﺼﻴﺮ ﺷﻲﺀ ﻋﻜﺴﻲ ﻭﻛُﻞ ﺩﻗﻴﻘﺔ ﺣـﺪﺙ ﺳﻮﺍﺀً ﻋﻨﺪ ﻫﺪﺍﺝ ﺃﻭ ﻗﺴﻢ ﺍﻟﻄﻮﺍﺭﺉ ، ﻫُﻠﻚ ﺗﻤﺎﻣﺎً ﻟﻜﻨﻪ ﺃﺑﺪﺍً ﻣﺎ ﺗﺬﻣّﺮ ﻭﺑﺎﻟﻌﻜﺲ ﻛﻠﻤﺔ " ﺍﻟﺤﻤﺪﻟﻠﻪ " ﻣﺎ ﻓﺎﺭﻗﺖ ﻟﺴِﺎﻧﻪ ﺭﻏﻢ ﻛُﻞ ﺍﻟﻀﻐﻮﻁ ﻭﺍﻹﻧﻌﻜﺎﺳﺎﺕ ﺍﻟﺴﻠﺒﻴﺔ ﻋﻠﻴﻪ ، ﻷﻧﻪ ﻳﺤﺐ ﻫﺎﻟﻤﻬﻨﻪ ﻭﻷﻧﻪ ﻣﺄﺟﻮﺭ ﻛﺜﻴﺮ ﺍﻷﺟﺮ ﻭﻫﺎﻟﺸﻲﺀ ﺑﻤُﺠﺮﺩ ﻣﺎ ﻳﺘﺬﻛﺮﻩ ﻳﺼﻴﺮ ﻣﺜﻞ ﺍﻟﻀﻤﺎﺩ ﻳﺨﻔﻒ ﻋﻠﻴﻪ ﺗﻌﺒﻪ ﻭﻳﺸﺪ ﻋﻠﻰ ﺇﻳﺪﻩ .. ﺗﻤـﺪﺩ ﺑﺎﻟﻜﺮﺍﺳﻲ ﺍﻟﺨﺎﺭﺟﻴـﺔ ﺑﺎﻟﺤـﺪﻳﻘﺔ ﻭﺃﻃﻠﻖ ﺗﻨﻬﻴـﺪﺓ ﻣﻦ ﺃﻋﻤـﺎﻗﻪ : ﻳــﺎﺭﺏ ﻏﻤﺾ ﻋﻴﻮﻧﻪ ﺑﺨﻔـﻴﻒ ﻭﻣﺎﻫﻲ ﺇﻻّ ﺛـﻮﺍﻧﻲ ﻭﺣﺲ ﺑﺼﻮﺕ ﺧﻠﻔﻪ ، ﻟﻒ ﻋﻴﻮﻧﻪ ﺑﻬﺪﻭﺀ ﺑﺪﻭﻥ ﻻ ﻳﺤﺮﻙ ﺭﺃﺳﻪ ﻭﻻ ﺟﺴﺪﻩ ﻭﻫﻮ ﻳﺸﻮﻑ ﺃﻧﺜﻰ ﻭﺍﻗﻔﺔ ﺑﻌﻴـﺪ ﺧﻠﻔﻪ ﻭﺗﻜﻠـﻢ ﺑﺠﻮﺍﻟﻬﺎ .. ، *🔮ــــــــــــــــــــــــــــــــــــــــــ🔮* *. #تابعووونا_في_البارت_التالي* 💜📚 @ahgeel 💜📚🖋 🍃💜 💜🍃💜 🍃💜🍃💜 💜🍃💜🍃💜 💜🍃💜🍃💜 🍃💜🍃💜 💜🍃💜 🍃💜 💜📖🖌 @ahgeel 🔮🍃 📖 روايـــــــــــــة ✍🏼 {  #على_محيط_خصرها_تلتف_المجرات💕} *🔮ــــــــــــــــــــــــــــــــــــــــــ🔮* ✏️ــ #ﺑـﺎﺭﺕ 122: ' - ' ﻫﺰّﺕ ﺭﺍﺳﻬﺎ ﺑـ ﺇﻳﻪ ﻭﻫﻲ ﺗﺎﺧـﺬ ﻧﻔﺲ ﻭﺗﺤـﺎﻛﻲ ﺻﺤﺒﺘﻬﺎ : ﺩﺧـﻠﺖ ﻋﻨﺪﻫﺎ ﺑﺎﻟﻐُﺮﻓﺔ ، ﻟﻤﺎ ﺷﺎﻓﺘﻨﻲ ﻣﺎ ﻗﺪﺭﺕ ﺗُﻮﻗﻒ ﻭﻟﻤﺎ ﻭﻗﻔﺖ ﺣﻀﻨﺘﻨﻲ ﻭﺇﻧﻬﺎﺭﺕ ، ﻳﺎﻟﻴﺘﻨﻲ ﺃﻗﺪﺭ ﺃﺳﻮﻱ ﺷﻲﺀ ﻳﺎﻟﻴـــﺖ ، ﻛﺎﻥ ﻳﺴﻤﻊ ﺍﻟﺤﻮﺍﺭ ﻣﻮ ﻓـﺎﻫﻢ ﻋﻦ ﺃﻳﺶ ﻳﺪﻭﺭ ﺑﺎﻟﺰﺑﻂ ﻟﻜﻦ ﺍﻟﻠﻲ ﻋﺮﻓﻪ ﺇﻧﻬﺎ ﺑﻴﻦ ﻛُﻞ ﻛﻠﻤﺔ ﻭﺍﻟﺜﺎﻧﻴﺔ ﺗﺤﺎﻭﻝ ﻣﺎ ﺗﺒﻜﻲ ، ﻟﺤﺪّ ﻣﺎ ﺳﻜﺮﺕ ﻃﺒﻌﺎً .. ﻣﺎ ﺣﺐّ ﻳﺘﺤﺮﻙ ﻣﻦ ﻣﻜﺎﻧﻪ ﻷﻧﻬﺎ ﺑﺘﺮﺗﻌﺐ ﻭﺷﺘﺖ ﺃﻧﻈﺎﺭﻩ ﻟﺒﻌﻴﺪ ﺑﻌﺪ ﺻﺮﺍﻋﺎﺕ ﺇﻧﻪ ﻣﺎ ﻳﺘﻄﻤﻦ ﻋﻠﻴﻬﺎ ﻛُﻞ ﻟﺤﻈﺔ ﻭﺍﻟﺜـﺎﻧﻴﺔ .. ﺟـﻠﺴﺖ ﺑﻤﻜﺎﻧﻬﺎ ﻭﻫﻲ ﺗـﺎﺧﺬ ﻧﻔﺲ ﻭﺗﺤﺲ ﻗﻠﺒﻬﺎ ﻳﻌﺘﺼﺮ ﻣﻦ ﻓـﺮﻁ ﺍﻷﻟﻢ ، ﺑـﻮﺳﻂ ﻣﻠﻜﺔ ﻣﻮﺝ ﻭﺻﻠﻬﺎ ﺍﻟﺨﺒﺮ ﺇﻥ ﺻﺤﺒﺘﻬﺎ ﺍﻷﻗﺮﺏ ﻟﻘﻠﺒﻬﺎ ، ﺻﺎﺭ ﻟـﺰﻭﺟﻬﺎ ﻭﻭﻟﺪﻫﺎ ﺣﺎﺩﺙ ﺗُـﻮﻓﻰ ﻋﻠﻰ ﺇﺛﺮﻩ ﻭﻟﺪﻫﺎ ، ﻭﺯﻭﺟﻬﺎ ﺑﺎﻟﻌﻨـﺎﻳﺔ ﺍﻟﻤُﺮﻛﺰﺓ .. ﺃﺧﺬﺕ ﻧﻔﺲ ﻫﺎﺩﺉ ﻭﻣُﺒﺎﺷﺮﺓ ﺇﻧﺨﻄﻔﺖ ﻛُﻞ ﻣﻼﻣﺤﻬﺎ ﻣﻦ ﺻﻮﺕ ﺟـﻮﺍﻝ ﻳﺮﻥ ﺧﻠﻔﻬﺎ ، ﻭﻗـﻔﺖ ﺑﺈﺭﺗﻌﺎﺏ ﻭﻫﻲ ﺗﺴﻤﻊ ﻣﺼﺪﺭ ﺍﻟﺼﻮﺕ ﻣﻦ ﺍﻟﺠﻠﺴﺔ ﺧﻠﻔﻬﺎ ﻭﺗـﻮﻗﻌﺖ ﺃﺣﺪ ﻣﻦ ﺍﻟﻌﻴِـﺎﻝ ﻧﺴﻰ ﺟـﻮﺍﻟﻪ ﻓﻴﻬﺎ ﻷﻥ ﺁﺧﺮ ﻣﻦ ﺟـﻠﺲ ﺑﻬﺎﻟﺠﻠﺴﺔ ﻫﻢ .. ﺇﺭﺗﻌﺒﺖ ﺗﻤﺎﻣﺎً ﻭﻫﻲ ﺗﺸُﻮﻑ ﺷﺨﺺ ﻣﺘﻤﺪﺩ ﻉ ﺍﻟﻜُـﺮﺳﻲ ﻭﺍﻟﺠﻮﺍﻝ ﻓﻮﻕ ﺑﻄﻨﻪ ﺑﺎﻟﺘﺤﺪﻳﺪ ، ﻣﺎ ﻗﺪﺭﺕ ﺗﻤﻴّﺰﻩ ﻟﻮﻫﻠﺔ ﻷﻧﻪ ﻣﻐﻄﻲ ﻭﺟﻬﻪ ﺑـ ﺫﺭﺍﻋﻪ ﻟﻜﻨﻬﺎ ﺗُﻮﺗﺮﺕ ﻣﺒﺎﺷﺮﺓ ﻣﻦ ﻋﺮﻓﺖ ﺇﻧﻪ ﻏﺎﺯﻱ ﻳﻠﻲ ﺳﺤﺐ ﺟـﻮﺍﻟﻪ ﻣﻦ ﻋﻠﻰ ﺑﻄﻨﻪ ﺑﻬﺪﻭﺀ ﻭﻫﻮ ﻳﺤﺲ ﺇﻧﻬﺎ ﺟﻨﺒﻪ ، ﺃﻭ ﻗﺮﻳﺒﺔ ﻣﻨﻪ ﻉ ﺍﻷﻗﻞ ﻭﺭﺩّ ﺑﺪﻭﻥ ﻻ ﻳﺘﺤـﺮﻙ ﺃﻭ ﻳﺒﻌﺪ ﺇﻳﺪﻩ ﻋﻦ ﻋﻴﻮﻧﻪ ﻹﻥ ﺳﻤﺎﻋﺘﻪ ﺑﺄﺫﻧﻪ ، ﻭﺭﺟّﻊ ﺍﻟﺠﻮﺍﻝ ﻋﻠﻰ ﺑﻄـﻨﻪ : ﺳـﻢّ ﺭﺟـﻌﺖ ﻟﻠﺨﻠﻒ ﻟﻜﻨﻬﺎ ﺑـﻌﺪﻡ ﺇﻧﺘﺒﺎﻩ ﻣﻨﻬﺎ ﺿﺮﺑﺖ ﻃﺮﻑ ﺍﻟﻄﺎﻭﻟﺔ ﻭﻃﺎﺣﺖ ﺍﻟﻤﺰﻫﺮﻳﺔ ﻳﻠﻲ ﻋﻠﻴـﻬﺎ .. ﺃﺑﻌﺪ ﺇﻳﺪﻩ ﺑﻬﺪﻭﺀ ﻭﻫﻮ ﻳﻠﻒ ﺃﻧﻈﺎﺭﻩ ﻟﻠﻄﺎﻭﻟﺔ ﻭﻛـﺎﻥ ﺑﻴـﻘﻮﻝ " ﺇﺩﺧـﻠﻲ " ﻟﻜﻨﻪ ﺳﻜـﺖ ﻣﻦ ﻧﻈﺮﺗﻬﺎ ﺍﻟﻤـﺮﻋﻮﺑﻪ ﻣﻨﻪ ﻭﻷﻧﻬﺎ ﻃﻴﺤـﺖ ﺍﻟﻤـﺰﻫﺮﻳﺔ ﺧﻠﻔﻬﺎ .. ﺃﺧـﺬ ﺍﻟﻜﺎﺏ ﻣﻦ ﺟـﻨﺒﻪ ﺑﻬﺪﻭﺀ ﻭﻫﻮ ﻳﻐﻄﻲ ﻭﺟﻬﻪ : ﻣـﺎ ﺻﺎﺭ ﺷﻲﺀ ، ﻭﺍﻷﻋﻤـﺎﺭ ﺑﻴﺪّ ﺍﻟﻠﻪ ﻳﺎ ﻭﺭﻳــﺪ ﺗـﺮﺍﺟﻌﺖ ﻟﻠﺨﻠﻒ ﻣُﺒﺎﺷﺮﺓ ﻭﻫﻲ ﺗﺪﺧﻞ ﻟﻠﺪﺍﺧﻞ ، ﻭﺭﻓﻊ ﻏـﺎﺯﻱ ﻧﻔﺴﻪ ﻋﻦ ﺍﻟﻜُﺮﺳﻲ ﺑﻌـﺪ ﺻﻮﺕ ﺍﻵﺫﺍﻥ ﻭﻫﻮ ﻳﻤﺴﺢ ﻋﻠﻰ ﻭﺟﻬﻪ : ﻣﻦ ﻓﻴﻨﺎ ﺗﻬﺪّﺝ ﻣﺸﻴﻪ ﻋﺠﺰﺕ ﺃﻓﻬﻢ ﻳﺎﺧﻮﻙ ، ﺩﺧـﻞ ﻏُـﺮﻓﺘﻪ ﺍﻟﻤـﺸﺘﺮﻛﻪ ﺳﺎﺑﻘﺎً ﻣﻊ ﻫـﺪﺍﺝ ﺑﺒـﻴﺖ ﺟﺪﻫﻢ ﻭﻫﻮ ﻳﺒـﺪﻝ ﺛُﻮﺑـﻪ ﻭﻳﺘـﻮﺿﺄ ﻟﻠﺼـﻼﺓ ﺭﻏﻢ ﻫـﻼﻛﻪ ﻭﺗﻌـﺒﻪ ، ﺑﻴـﺼﻠﻲ ﻭﺑﻴـﺘﻮﺟﻪ ﻟﺒـﻴﺘﻬﻢ ﻷﻧﻪ ﻳﺮﺗﺎﺡ ﻫﻨﺎﻙ ﺃﻛﺜﺮ .. ﻧـﺰﻝ ﻭﻫﻮ ﻳﺸـﻮﻑ ﺃﺑﻮﻩ ﻗـﺪﺍﻣﻪ : ﺃﺑـﻮ ﻏـﺎﺯﻱ ﻣﺴﺢ ﺳـﺒﻊ ﻋﻠﻰ ﻭﺟﻬﻪ ﻭﻫﻮ ﻳﺒﺘﺴـﻢ : ﺳـﻢّ ﻳﺎﻏـﺎﺯﻱ ﺑـﺎﺱ ﺭﺍﺱ ﺃﺑـﻮﻩ ﻭﻫﻮ ﻳﺸـﻮﻑ ﻋﻤﻪ ﺃﺑﻮ ﻭﺭﻳـﺪ ﻧﺎﺯﻝ ﻣﻦ ﺍﻷﻋﻠـﻰ ﻭﻭﺍﺿﺢ ﻋﻠﻰ ﻭﺟﻬﻪ ﺍﻟﺘﻌـﺐ : ﻋـﻤﻲ ﺳـﺒﻊ ﻭﻫﻮ ﻳﻤﺴﻚ ﺃﺧـﻮﻩ : ﻋـﺒﺪﺍﻟﺮﺣﻤﻦ ! ﻭﺵ ﻓﻴـﻚ ؟ ﺃﺧـﺬ ﻋﺒﺪﺍﻟﺮﺣـﻤﻦ ﻧﻔﺲ ﻭﻫﻮ ﻳﺤﺲّ ﺑـ ﺃﻟﻢ ﻭﺳﻂ ﺻـﺪﺭﻩ *🔮ــــــــــــــــــــــــــــــــــــــــــ🔮* *. #تابعووونا_في_البارت_التالي* 💜📚 @ahgeel 💜📚🖋 🍃💜 💜🍃💜 🍃💜🍃💜 💜🍃💜🍃💜 💜🍃💜🍃💜 🍃💜🍃💜 💜🍃💜 🍃💜 💜📖🖌 @ahgeel 🔮🍃 📖 روايـــــــــــــة ✍🏼 {  #على_محيط_خصرها_تلتف_المجرات💕} *🔮ــــــــــــــــــــــــــــــــــــــــــ🔮* ✏️ــ #ﺑـﺎﺭﺕ 123: ' - _' ﻟﻜﻨﻪ ﻃﻤﻨﻬﻢ ﺇﻧﻪ ﺑﺨﻴﺮ ﻭﻣﺸﻰ ﻳﺘﻌﺪﺍﻫﻢ ﻟﻠﻤﺴﺠﺪ ، ﺭﻓﻊ ﻏـﺎﺯﻱ ﺣﻮﺍﺟﺒﻪ ﻭﻫﻮ ﻳﺸﻮﻑ ﻋـﻤـﺘﻪ ﻭﺍﻗـﻔﺔ ﺑﺠﻼﻝ ﺍﻟﺼـﻼﺓ ﺑﻮﺳﻂ ﺍﻟﺪﺭﺝ ، ﻭﺗﺨﺰّﻩ ﺃﻛﺜﺮ ﻣﻦ ﺇﻧﻬﺎ ﺗﻨﺎﻇﺮﻩ ﻃﺒﻴﻌﻴﺎً .. ﻣﻬـﺎ ﻭﻫﻲ ﺗﻨـﺎﻇﺮ ﻏـﺎﺯﻱ : ﺗـﺮﻛﺖ ﺃﺧـﻮﻙ ﻳﺎﻏـﺎﺯﻱ ؟ ﺃﻛﻴﺪ ﺇﻧﻪ ﺑﺨﻴـﺮ ﻭﻧﻌﻤـﻪ ﺇﻥ ﺷﺎﺀ ﺍﻟﻠﻪ ﻭﻻ ؟ ﻫﺰ ﺭﺍﺳﻪ ﺑـ ﺇﻳﻪ ﻭﻫﻮ ﻳﺸﻮﻑ ﺃﺧﻮﺍﻧﻪ ﻛﻠﻬﻢ ﺭﻓـﻌﻮﺍ ﻧﻈﺮﺍﺗﻬﻢ ﻟﻌـﻤﺘﻬﻢ ﻷﻧﻬﻢ ﺇﻟﺘﻤﺴـﻮﺍ ﻧﺒـﺮﺓ ﺳﺎﺧﺮﺓ ﺑﺤﻜﻴﻬﺎ ﻭﺭﺩ ﺑﻬـﺪﻭﺀ : ﻋـﻨﺪﻩ ﺯﻭﺟـﺘﻪ ، ﻭﺑﺨﻴﺮ ﻭﻧﻌﻤﺔ ﺍﻟﺤﻤﺪﻟﻠﻪ ﺭﻓﻌـﺖ ﺣﻮﺍﺟﺒﻬﺎ ﺑﺸﺒﻪ ﺳﺨﺮﻳﺔ ﻣﻦ ﻛﻮﻧﻬﻢ ﺗـﺮﻛﻮﺍ ﻭﻫﺞ ﺗﺠـﻠﺲ ﻋﻨﺪﻩ ﻭﻫـﻢ ﺭﺟﻌـﻮﺍ ﻭﻛﺎﻧﺖ ﺑﺘﺘﻜﻠﻢ ﻟﻮ ﻣﺎ ﻗـﻄﻊ ﻏﺎﺯﻱ ﺍﻟﺤـﻮﺍﺭ ﻭﻫﻮ ﻳﺄﺷﺮ ﻷﺧﻮﺍﻧﻪ : ﻗـﺎﻣﺖ ﺍﻟﺼﻼﺓ ، ﻓﻬـﺪ ﻭﻫﻮ ﻳﻤـﺸﻲ ﺟﻨـﺐ ﻏـﺎﺯﻱ : ﻟـﻮ ﻗﻠﺖ ﻟﻲ ﺃﺭﻭﺡ ﻋﻨﺪﻩ ﻏـﺎﺯﻱ ﻭﻫﻮ ﻳﻔﺮﻙ ﻋﻴـﻮﻧﻪ : ﺯﻭﺟﺘﻪ ﻧﺎﻳﻤﻪ ﻋﻨﺪﻩ ﻭﻻ ﺩﺧـﻠﺖ ﻳﻤّﻬﻢ ، ﻭﺃﺑﻮﻫﺎ ﻋﻨﺪﻫﺎ ﺑﻌـﺪ ﻓﻬـﺪ ﻭﻫﻮ ﻳﻤﺴﻚ ﺻﻘـﺮ ﺍﻟﻠﻲ ﺗﻌﺜّﺮ ﻋﻨﺪ ﺍﻟﺒﻮﺍﺑﺔ ﻗﺒﻞ ﻻ ﻳﻄﻴﺢ : ﻭﻣﻬﻨـﺪ ، ﻭﺵ ﻭﺿـﻌﻪ ﺑﺨﻴﺮ ﻭﻻ ؟ ﻫﺰ ﻏـﺎﺯﻱ ﺭﺍﺳﻪ ﺑـ ﺇﻳﻪ : ﺍﻟﺤﻤﺪﻟﻠﻪ ﺑﺨﻴـﺮ ، ﻣﺎ ﺑﻪ ﺷﺪﻳﺪ ﺇﻥ ﺷﺎﺀ ﺍﻟﻠﻪ _ ‏« ﺑﺎﻟﻤُـــﺴﺘﺸﻔــﻰ ‏» ﻋﺪﻟﺖ ﻭﺿﻌﻴﺘﻬﺎ ﻭﻫﻲ ﺗﺤﺲ ﺇﻧﻬﺎ ﺗﺸﻨﺠـﺖ ﺗﻤﺎﻣﺎً ﻣﻦ ﺟﻠﺴﺘﻬﺎ ، ﻭﺗﺄﻣﻠﻬﺎ ﺍﻟﻠﻲ ﻣﺎ ﺣﺴـﺖ ﻓﻴﻪ ﻣﻦ ﺳﺎﻋﺎﺕ ﻟﻬﺪﺍﺝ ﻭﻛﻴﻒ ﺇﻥ ﺃﻓﻜﺎﺭﻫﺎ ﻭﺃﺣﺪﺍﺛﻬﺎ ﻛﻠﻬﺎ ﺗﺠﻤّـﻌﺖ ﺑﺪﺍﺧﻠﻬﺎ ﻭﺟﻠﺴﺖ ﺗﻔﻜـﺮ ، ﻭﺗﻘـﺮﺭ ﻭﺗﺤـﺪﺩ .. ﻟﻠﺤـﻴﻦ ، ﺟُـﻤﻠﺘﻪ ﺑـﺒﺎﻟﻬﺎ " ﺇﻧﺖِ ﻭﻫﺞ ، ﻭﻻ ﻭﻫـﻢ ؟ " ، ﺗﻔﻀّﻞ ﻭﺃﺷـﺪ ﺍﻟﺘﻔﻀﻴﻞ ﺗﻜُﻮﻥ ﻭﻫﻢ ، ﻟﺠﻞ ﻣﺎ ﻳﺼﻴﺒﻪ ﺿﺮﺭ ﻣﻦ ﻧﺎﺣﻴﺘﻬﺎ ﺃﺑﺪﺍً ، ﻭﻻ ﺗﻜﻮﻥ ﻭﻫـﺞ ﺇﺫﺍ ﺇﺷﺘﺪّ ﻓﺮﺡ ﺗﻨﺎﻗﺾ ﻭﺃﺷﻌﻞ ﻭﺇﺷﺘﻌﻞ ﺣﺰﻥ ، ﻭﺇﺫﺍ ﺇﺷﺘﺪّ ﺍﻟﺤُﺰﻥ ﺇﻧﻄﻔﺖ ﻭﺻﺎﺭﺕ ﻣُﺠﺮﺩ ﺟﺴـﺪ ﻣُﺘﺤﺮﻙ ، ﺑﺪﻭﻥ ﻭﻫﺞ ﻭﻻ ﺑـﺮﻳﻖ ﻭﻻ ﺃﻱ ﺷﻲﺀ ﻳﻤﻴّﺰﻫﺎ .. ، ﻛﺮﻫﺖ ﺍﻟﻤﻤﺮﺿﺔ ﺃﺷﺪ ﺍﻟﻜُﺮﻩ ﻷﻧﻬﺎ ﻣﺎ ﺳﻤﺤﺖ ﻟﻬﺎ ﺗﺠﻠﺲ ﻣﻊ ﻫﺪﺍﺝ ﻭﻫﻮ ﺑـﻮﻋﻴﻪ ، ﻭﺑﻤُﺠﺮﺩ ﺇﺳﺘﻴﻘﺎﻇﻪ ﺭﺟﻌﺖ ﺗﻌﻄـﻴﻪ ﻣُـﺨﺪﺭ ﻭﻓﻬّﻤﺘﻬﺎ ﺍﻟﻤﻤﺮﺿﺔ ﺇﻧﻪ ﻻﺯﻡ ﻷﻥ ﺍﻷﻟﻢ ﺑﻴﺘﺠﺪﺩ ﻋﻠﻴﻪ ، ﻭﻷﻥ ﻏﺎﺯﻱ ﺃﻣـﺮ ﺑﻬﺎﻟﺸﻲﺀ .. ، ﺩﺧـﻞ ﻓﻴـﺼﻞ ﺍﻟﻠﻲ ﻣﻦ ﺳﺎﻋﺎﺕ ﻭﻫﻮ ﺟـﺎﻟﺲ ﺑﺎﻟﺨﺎﺭﺝ ﻗﺪﺍﻡ ﺟﻨـﺎﺡ ﻫﺪﺍﺝ ﻷﻥ ﻭﻫﺞ ﻣﻮﺟﻮﺩﺓ ﻓﻴﻪ ، ﻭﻷﻥ ﺧﻮﻓﻪ ﻛﻠﻪ ﺑﻬﺎﻟﻮﻗﺖ ﺇﻧﺼﺐّ ﻟﻨﺎﺣﻴﺔ ﻭﻫﺞ ﻭﺇﻧﻬﺎ ﺗﺠﻠﺲ ﻟﺤﺎﻟﻬﺎ ﻟﻮ ﺩﻗﻴﻘﺔ ﻭﻳﺼﻴﺒﻬﺎ ﺍﻟﻀﺮﺭ ﻭﻳﺮﺟﻊ ﻳﺠﺪﺩ ﻧﺪﻡ ﻏﻴﺚ ﻓﻴﻬﺎ ، ﻗـﺎﻡ ﻭﻫﻮ ﻳﻌﺮﻑ ﺇﻥ ﺁﻝ ﻋﺒﺪﺍﻟﻌﺰﻳﺰ ﻳﺠـﻮﻥ ﻟﻬﺪﺍﺝ ﺍﻟﺤﻴﻦ ﺃﻛﻴﺪ ﻭﺩﻕ ﺍﻟﺒـﺎﺏ ﻳﺪﺧﻞ ، ﻣﺎ ﻟﻘـﻰ ﺭﺩ ﻣﻨﻬﺎ ﻳﺴﻤﺢ ﻟﻪ ﺑﺎﻟﺪﺧﻮﻝ ﻟﻜﻨﻪ ﺩﺧﻞ ﻭﺇﺑﺘﺴﻢ ﺑﻬﺪﻭﺀ ﻣﻦ ﺷﺎﻓﻬﺎ ﻣﻦ ﻓﺮﻁ ﺇﺭﺗﺒﺎﻛﻬﺎ ﻣﻮ ﻗﺎﺩﺭﺓ ﺗﺴﺘﻮﻋﺐ ﺷﻲﺀ .. ﻛـﺎﻧﺖ ﺃﻧﺎﻣﻠﻬﺎ ﺗﺤﺎﻭﻁ ﺇﻳﺪ ﻫﺪﺍﺝ ﺍﻟﻠﻲ ﺷﺪّ ﺑﻜُﻞ ﻗﻮﺓ ، ﻭﺣﻨﻴﺔ ﻋﻠﻰ ﺇﻳﺪﻫﺎ .. ، *🔮ــــــــــــــــــــــــــــــــــــــــــ🔮* *. #تابعووونا_في_البارت_التالي* 💜📚 @ahgeel 💜📚🖋 🍃💜 💜🍃💜 🍃💜🍃💜 💜🍃💜🍃💜 💜🍃💜🍃💜 🍃💜🍃💜 💜🍃💜 🍃💜 💜📖🖌 @ahgeel 🔮🍃 📖 روايـــــــــــــة ✍🏼 {  #على_محيط_خصرها_تلتف_المجرات💕} *🔮ــــــــــــــــــــــــــــــــــــــــــ🔮* ✏️ــ #ﺑـﺎﺭﺕ 124: ' - ﺭﻓﻊ ﺇﺑﻬﺎﻣﻪ ﻭﻫﻮ ﻳﺘﺤﺴﺲ ﺍﻟﺨـﺎﺗﻢ ﻳﻠﻲ ﻳﺤﺎﻭﻁ ﺳﺒﺎﺑﺘﻬﺎ : ﺗﻌــﺎﻟﻲ ﺇﺭﺗﺒﻜﺖ ﻟﻮﻫﻠﺔ ﻭﻫﻲ ﺗﺠﻠﺲ ﺑﺠﻨﺒﻪ ﻭﻻﺯﺍﻟﺖ ﺇﻳﺪﻩ ﺑـ ﺇﻳﺪﻫﺎ ، ﺣﺴﺖ ﻓﻴﻪ ﻳﺼﺎﺭﻉ ﻧﺒـﺮﺗﻪ ﻟﺠﻞ ﻣﺎ ﻳﻮﺿّﺢ ﺿﻌﻒ ﺑﺪﺍﺧﻠﻪ ﻭﺇﺑﺘﺴﻤﺖ ﻭﺳﻂ ﺗﺠﻤﻊ ﺍﻟﺪﻣُﻮﻉ ﺑﻤﺤﺎﺟﺮﻫﺎ ، ﺿﻢ ﺇﻳﺪﻫﺎ ﻟﺤﺪﻩ ﻭﻫﻮ ﺷﺒﻪ ﻋﺎﺭﻑ ﺑﺘﻔﻜﻴﺮﻫﺎ ﻭﻗﺮﺍﺭﻫﺎ ﻳﻠﻲ ﻳﺘﻤﻨﻰ ﻣﺎ ﺗﺎﺧﺬﻩ ﻭﺗﺒﺘﻌﺪ ، ﻭﺩﻩ ﻳﻔﻬﻤﻬﺎ ﺇﻥّ ﻣﺎﻟﻬﺎ ﺫﻧﺐ ﺑـ ﺃﻱ ﺷﻲﺀ ﻳﺼﻴﺮ ﻟﻜﻦ ﺑﻘﺪ ﻫﺎﻟﻮﺩ ﻣﺎ ﻟﻪ ﺭﻏﺒﺔ ﻳﺒﻴﻦ ﺿﻌﻔﻪ ﻭﺗﻌﺒﻪ ﺃﺑﺪﺍً .. ﺃﺧﺬﺕ ﻧﻔﺲ ﻭﻫﻲ ﺗﻀﻐﻂ ﻋﻠﻰ ﺇﻳﺪﻩ ﻭﻛﺎﻧﺖ ﺑﺘﺘﻜﻠﻢ ﺇﻻّ ﺇﻥ ﺣﻮﺍﺭ ﻋﻴﻮﻧﻬﺎ ﻟﻌﻴُﻮﻧﻪ ﻛﺎﻥ ﺃﻗﻮﻯ ﻣﻦ ﻛُﻞ ﺣﺮﻭﻓﻬﺎ ﻭﺟﻤﻠﻬﺎ .. ﻗﺎﻣﺖ ﻭﻫﻲ ﺗﺴﺤﺐ ﺇﻳﺪﻫﺎ ﻣﻦ ﺇﻳﺪﻩ ﻭﺧﺮﺟﺖ ﺭﻏﻢ ﺇﻥ ﻛُﻞ ﻣﺸﺎﻋﺮﻫﺎ ﻭﻛُﻠﻬﺎ ﻋﻨﺪﻩ ، ﻭﺩّﻫﺎ ﺗﺒﺘﻌﺪ ﻋﻨﻪ ﻭﺑﻘﺪّ ﺭﻏﺒﺘﻬﺎ ﺑﺎﻟﺒُﻌﺪ ﻭﺩﻫﺎ ﺗﻈﻠﻬﺎ ﺣـﺪّﻩ ، ﺗﻜﻮﻥ ﺟﻨﺒﻪ ﻭﻣﻌﺎﻩ ﻷﻧﻬﺎ ﺗﺤﺲ ، ﺃﻭ ﻣﺘﺄﻛﺪﻩ ﺇﻧﻬﺎ ﺗﻤﻜﻨﺖ ﺟُﺰﺀ ﻣﻨﻪ ، ﻭﻟﻮ ﻛﺎﻥ ﺑﺴﻴﻂ ﺑﺄﻧﻈﺎﺭﻫﺎ .. _ ‏« ﺑﻴـــﺖ ﺟـﻠﻮﻱ ﺁﻝ ﻋﺒـﺪﺍﻟﻌﺰﻳﺰ ‏» ﺇﺭﺗﺠﻔﺖ ﻭﺭﻳـﺪ ﻭﻫﻲ ﺗﺤﺎﻭﻝ ﻣﺎ ﺗﺒﻴـﻦ ﺇﺭﺗﺒﺎﻙ ﻣﺸﺎﻋﺮﻫﺎ ﻣﻦ ﻭﻗـﺖ ﻧﻄﻖ ﺑﺈﺳﻤﻬﺎ ، ﻭﻛﻴـﻒ ﺇﻧﻪ ﻋﺮﻑ ﺇﻥ ﺑﻜُﺎﻫﺎ ﻭﺣُﺰﻧﻬﺎ ﻛﺎﻥ ﺑﺴﺒﺐ ﻭﻓﺎﺓ ﻭﻭﺍﺳﻬﺎ ﺑـ " ﺍﻷﻋﻤـﺎﺭ ﺑﻴﺪّ ﺍﻟﻠﻪ ، ﻳـﺎ ﻭﺭﻳــﺪ " ، ﻟﺤﺪ ﻫﺎﻟﻠﺤﻈﺔ ﻭﻫﻲ ﺗﺴﻤﻊ ﺇﺳﻤﻪ ﺗﻜﺮﺭ ﺑﺎﻟﺠـﻠﺴﺔ ﺃﻟﻒ ﻣﺮﺓ .. ﺯﻓـﺮﺕ ﺳُـﻤﻴﺔ ﻭﻫﻲ ﺗﺤﻂ ﺇﻳﺪﻫﺎ ﻋﻠﻰ ﺭﺍﺳﻬﺎ : ﺍﻟﻠﻪ ﻳﺤﻤﻴﻬﻢ ﻣﻦ ﻛُﻞ ﺷـﺮ ﻳﺎﺭﺏ .. ﻭﺟﻬﺖ ﻣﻬـﺎ ﺃﻧﻈﺎﺭﻫﺎ ﻟـ ﻭﺭﻳﺪ ﻭﻫﻲ ﺗﻨﺎﻇﺮﻫﺎ : ﺃﻣﺲ ﺷﻔﺘﻚ ﻗـﺮﻳﺐ ﺍﻟﻔﺠﺮ ﺑﺎﻟﺤـﺪﻳﻘﺔ ﻳﺎ ﻭﺭﻳـﺪ ، ﻛﻨﺘﻲ ﺗﺤـﺎﻛﻴﻦ ﺻﺢ ؟ ﺇﻧﻘﻠﺐ ﻭﺟّﻬﺎ ﻣﺒﺎﺷﺮﺓ ﻭﻫﻲ ﺗﺸﻮﻑ ﺍﻷﻧﻈﺎﺭ ﻛﻠﻬﺎ ﺗﻮﺟﻬﺖ ﻋﻠﻴﻬﺎ ، ﺗﻐﻴّﺮﺕ ﻣﻼﻣﺤﻬﺎ ﺑﺘﻠﻌـﺜﻢ : ﻛـﻨﺖ ﺃﺣﺎﻛﻲ ﺻﺤﺒﺘﻲ ﺇﻳﻪ ﺭﻓﻌﺖ ﻣﻬﺎ ﺭﺍﺳﻬﺎ ﺑﻌﺪﻡ ﺭﺿﻰ ﻭﻋﺪﻡ ﺗﺼﺪﻳﻖ ﻷﻧﻬﺎ ﺷﺎﻓﺖ ﻏﺎﺯﻱ ، ﻭﺷـﺎﻓﺖ ﻭﺭﻳـﺪ : ﺇﻱ ﻣﺎﺷﺎﺀﺍﻟﻠﻪ ، ﻗـﺎﻣﺖ ﻣﻮﺝ ﻭﺇﺑﺘﺴﺎﻣﺔ ﺧﻔﻴﻔﺔ ﻣﺮﺳﻮﻣﺔ ﻋﻠﻰ ﺛﻐﺮﻫﺎ ، ﻭﺭﻓﻌﺖ ﺃﻡ ﻧﻮﺍﻑ ﺃﻧﻈﺎﺭﻫﺎ ﻟﻬﺎ : ﻭﻳـﻦ ؟ ﺇﺑﺘﺴﻤﺖ ﻭﻫﻲ ﺗﺮﺟﻊ ﺷﻌﺮﻫﺎ ﺧﻠﻒ ﺃﺫﻧﻬﺎ : ﺍﻟﻤﻄـﺒﺦ ﻫﺰﺕ ﺭﺍﺳﻬﺎ ﺑـ ﺯﻳﻦ ﻭﺗﻮﺟﻬﺖ ﻣـﻮﺝ ﻟﻠﻤﻄﺒﺦ ﺗﺤـﺎﻛﻲ ﺳﻌـﺪ : ﻳﻌـﻨﻲ ؟ ﺳﻌــﺪ : ﻳﻌـﻨﻲ ﺍﻟﺤـﻴﻦ ﺑﻴﺠﻮﻥ ﺍﻟﻨﺎﺱ ﻭﺧـﺎﻟﻲ ﺳﺒﻊ ﺃﻛﻴﺪ ﻟﺠﻞ ﻳﺠﻤﻌﻬﻢ ﻣﺮﺓ ﻭﺣﺪﺓ ﻳﺨﺘﺼﺮ ﺍﻟﻮﺿﻊ ، ﺑﻴﺴﻮﻱ ﻋﺰﻭﻣﻪ _ *🔮ــــــــــــــــــــــــــــــــــــــــــ🔮* *. #تابعووونا_في_البارت_التالي* 💜📚 @ahgeel 💜📚🖋 🍃💜 💜🍃💜 🍃💜🍃💜 💜🍃💜🍃💜 💜🍃💜🍃💜 🍃💜🍃💜 💜🍃💜 🍃💜 💜📖🖌 @ahgeel 🔮🍃 📖 روايـــــــــــــة ✍🏼 {  #على_محيط_خصرها_تلتف_المجرات💕} *🔮ــــــــــــــــــــــــــــــــــــــــــ🔮* ✏️ــ #ﺑـﺎﺭﺕ 125: ' - ' ﺳﻌــﺪ : ﻳﻌـﻨﻲ ﺍﻟﺤـﻴﻦ ﺑﻴﺠﻮﻥ ﺍﻟﻨﺎﺱ ﻭﺧـﺎﻟﻲ ﺳﺒﻊ ﺃﻛﻴﺪ ﻟﺠﻞ ﻳﺠﻤﻌﻬﻢ ﻣﺮﺓ ﻭﺣﺪﺓ ﻳﺨﺘﺼﺮ ﺍﻟﻮﺿﻊ ، ﺑﻴﺴﻮﻱ ﻋﺰﻭﻣﻪ ﻣﻴّﻠﺖ ﺷﻔﺎﻳﻔﻬﺎ، ﻭﻛﻤﻞ ﺳﻌﺪ : ﺇﺫﺍ ﻭﺩﻙ ، ﻭﻻ ﺃﻧﺎ ﺑﻚ ﻭﻻ ﺑﺪﻭﻧﻚ ﻣﺎ ﺑﺤﻀﺮ ﻭﺳـﻌﺖ ﻋﻴﻮﻧﻬﺎ ﺑﺬﻫﻮﻝ : ﻳﻌـﻨﻲ ﺗﻘﻮﻝ ﺣﻀﻮﺭﻙ ﻭﻋﺪﻣﻪ ﻭﺍﺣـﺪ ؟ ﻫﺰّ ﺭﺍﺳﻪ ﺑـ ﺇﻳﻪ ﻷﻧﻪ ﻣﺘﻨﺮﻓﺰ ﻣﻦ ﺩﻭﺍﻣﻪ ﺟﺪﺍً : ﺇﻳﻪ ﻧﻌﻢ ، ﻋﻨﺪﻙ ﺇﻋﺘﺮﺍﺽ ؟ ﻣﻴّﻠﺖ ﺷﻔﺎﻳﻔﻬﺎ ﺑﻌﺪﻡ ﺭﺿﻰ ، ﻭﺇﻟﺘﻤﺴﺖ ﺍﻟﻐﻀﺐ ﻣﻦ ﻧﺒﺮﺗﻪ ﻭﻫﻲ ﺗﻐﻴّﺮ ﺍﻟﺤﻮﺍﺭ ﻣُﺒﺎﺷﺮﺓ ﺑﺈﺑﺘﺴﺎﻣﺔ : ﻣﺎ ﻳﻨﻘﺎﻝ ﻻ ﻟﻠﻌﺰﺍﻳﻢ ﺍﻟﺤﻠﻮﺓ ﻣﻦ ﺍﻷﺷﺨﺎﺹ ﺍﻟﺼﺢ _ - ‏« ﺷُــﻘﺔ ﻣﻬــﻨﺪ ‏» ﺣـﺎﺳﻪ ﺑﺎﻷﺭﺽ ﻣﺎ ﺗﻮﺳﻌﻬـﺎ ﻣﻦ ﻛُﺜﺮ ﻓﺮﺣﺘﻬﺎ ﺇﻧﻪ ﺑﺨﻴﺮ ﻭﻣُﻌﺎﻓـﻰ ﺑﺠﻨﺒﻬﺎ ، ﻭﺍﻷﻫﻢ ﺇﻥ ﻧﻈﺮﺍﺗﻪ ﻛُﻠﻬﺎ ﺭﺟﻌﺖ ﻣﺜﻞ ﺳﺎﺑﻖ ﻋﻬﺪﻩ ﻛُﻠﻬﺎ ﺣﺐ ﻣﺨﻔﻲ ﻋﻠﻴﻬﺎ ﻭﻻ ﻳُﺤﻜﻰ ﺑﺎﻟﻜﻼﻡ ﻟﻜﻦ ﻫﻲ ﺗﻌـﺮﻑ ﻛﻞ ﻧﻈﺮﺓ ﻣﻨﻪ ﻭﺵ ﻣﻌﻨﺎﻫﺎ .. ﺳﺎﻋﺪﺗﻪ ﻳﺘﻤﺪﺩ ﻉ ﺍﻟﺴﺮﻳـﺮ ﻭﻫﻲ ﺗﺒﻌـﺪ ﺟﻮﺍﻻﺗﻪ ﻋﻨﻪ : ﺗﻌـﺮﻑ ﻻﺯﻡ ﺗـﺮﺗﺎﺡ ﺻﺢ ؟ ﻣﺎﺗﻜـﻠﻢ ﻭﻫﻮ ﻳﻜﺮﻩ ﺇﺣﺴﺎﺱ ﺍﻟﻀﻌﻒ ﻭﺍﻟﻮﺟﻊ ، ﻭﺇﺑﺘﺴﻤﺖ ﻣﻠﻚ ﺑﺨﻔﻮﺕ ﻭﻫﻲ ﺗﺘﻤﺪﺩ ﺑﺠﻨﺒﻪ ﻭﺃﻧﺎﻣﻠﻬﺎ ﺗﻠﻌﺐ ﻋﻠﻰ ﺻﺪﺭﻩ ، ﻣﺪ ﺇﻳﺪﻩ ﻳﻤﺴﻚ ﺇﻳﺪﻫﺎ ﻳﻠﻲ ﻋﻠﻰ ﺻﺪﺭﻩ ﻭﺃﺭﺑﻚ ﻛُﻞ ﺷﻌﻮﺭﻫﺎ ﻣﻦ ﺣﺴﺖ ﻓﻴﻪ ﻳﻘﺒّﻠﻬﺎ .. ﻣُـﻬﻨﺪ ﺑﻬـﺪﻭﺀ : ﺭﺣـﺘﻲ ﻣﺮﻩ ، ﻭﻟﻮ ﺑﺘـﺮﻭﺣﻴﻦ ﺑﻌـﺪ ﻣﺮﻩ ﻻ ﺗـﺮﺟﻌﻴﻦ ﺭﻓﻌﺖ ﻧﻔﺴﻬﺎ ﺑﻬﺪﻭﺀ ﻋﻠﻰ ﺇﻳﺪﻫﺎ ﺑﺤﻴﺚ ﺗﺼﻴﺮ ﺃﻋﻠﻰ ﻣﻨﻪ ﺑﺸﻮﻱ ، ﻋﺮﻓﺖ ﺇﻧﻪ ﺣﻜﻰ ﻫﺎﻟﺤﻜﻲ ﻷﻧﻬﺎ ﻭﻗﺖ ﺗﺮﻛﺘﻪ ، ﺗﺮﻛﺘﻪ ﺑﻌـﺪ ﻣﺎ ﺻﺎﺭ ﻟﻪ ﺣـﺎﺩﺙ ﻭﺍﻟﺤﻴﻦ ﺻﺎﺭ ﻟﻪ ﺣـﺎﺩﺙ ، ﻭﺟﺎﻟﺲ ﻳﻨﺘﻈـﺮ ﺍﻟﺴﻴﻨﺎﺭﻳﻮ ﻳﺮﺟﻊ ﻭﻳﻌﻴـﺪ ﻧﻔﺴﻪ .. ﺃﺧﺬﺕ ﻧﻔﺲ ﺑﻬﺪﻭﺀ ﻭﻫﻲ ﺗﻨﺎﻇﺮ ﻋﻴﻮﻧﻪ ﺑﺎﻟﺘﺤﺪﻳﺪ : ﺗﻌﺮﻑ ﺇﻧﻲّ ﻣﺎ ﺗﺮﻛﺘﻚ ﺑﺈﺭﺍﺩﺗﻲ ، ﻭﺗﻌﺮﻑ ﺇﻧﻪ ﻣﺎ ﻛﺎﻧﺖ ﻟﻲ ﺍﻟﻘﻮﺓ ﺇﻧﻲ ﺃﺟﻠﺲ ﻋﻨﺪﻙ ﻭﺃﻧﺎ ﺃﻋﺮﻑ ﺇﻧﻚ ﺑﺘﺘﻀﺮﺭ ، ﺑﺘﻘﻮﻝ ﻟﻴﻪ ﻣﺎ ﺣﺎﻛﻴﺘﻴﻨﻲ ﻃﻴﺐ ﺃﻧﺎ ﻋﺎﻧﺪﺕ ﻭﺭﻓﻀﺖ ﻭﺑﻌﺪﻳﻦ ؟ ﺷُﻔﺘﻚ ﺗﺼﺎﺭﻉ ﺍﻟﻤﻮﺕ ﻗﺪﺍﻣﻲ ﻭﻛﻞ ﻣﺮﻩ ﺗﺨﺮﺝ ﻓﻴﻬﺎ ﺃﺣﺲ ﻗﻠﺒﻲ ﻳﺨﺮﺝ ﻣﻦ ﺻﺪﺭﻱ ﻟﺤﺪ ﻣﺎ ﺗﺮﺟﻊ ، ﻣﺎ ﻗﺪﺭﺕ ﺃﻋﻴﺶ ﺑﺨﻮﻑ ﺇﻧﻚ ﻣﺎ ﺗﺮﺟﻊ ﻭﺃﻧﺎ ﺃﻋﺮﻑ ﺇﻧﻲ ﺍﻗﺪﺭ ﺃﻣﻨﻊ ﻛﻞ ﺷﻲﺀ ﺑﻤُﺠﺮﺩ ﺇﻧﻲ ﺃﺑﻌﺪ ﻋﻨﻚ ، ﻣُﺴﺘﺤﻴﻞ ﺃﻓﻀّﻞ ﻧﻔﺴﻲ ﻋﻠﻴﻚ ﻳﺎﻟﻴﺖ ﺗﻔﻬﻢ ! ﺗﺤﺮﻛﺖ ﻭﻫﻲ ﺑﺘﺒﻌﺪ ﻋﻨﻪ ﺇﻻّ ﺇﻧﻪ ﻗﻴـّﺪ ﺣﺮﻛﺘﻬﺎ ..: - *🔮ــــــــــــــــــــــــــــــــــــــــــ🔮* *. #تابعووونا_في_البارت_التالي* 💜📚 @ahgeel 💜📚🖋 🍃💜 💜🍃💜 🍃💜🍃💜 💜🍃💜🍃💜