على محيط خصرها تلتف المجرات - الفصل 26 - مكتملة | روايتك

عالم القصص والروايات 📚: 💜🍃💜🍃💜 💜🍃💜 🍃💜 💜 📖🖌 @ahgeel 🔮🍃 { رواية على محيط خصرها تلتف المجرات💕} *🔮ــــــــــــــــــــــــــــــــــــــــــ🔮* ✏️ــ. #ﺑـﺎﺭﺕ 106: ' - ' ﻟﺒـﺴﺖ ﻓُـﺴﺘﺎﻥ ﺑﺎﻟﻠُﻮﻥ ﺍﻷﺧﻀﺮ ﺍﻟﻐـﺎﻣﻖ ﻳﻠﺘﻒ ﺣُﻮﻝ ﺧﺼﺮﻫﺎ ﺑﺈﺣﻜﺎﻡ ﻭﻋﺎﺭﻱ ﺍﻷﻛﻤﺎﻡ ﺗﻤﺎﻣﺎً ﻭﻗﺼﺘﻪ ﻣﻦ ﻋﻨﺪ ﺍﻟﺼﺪﺭ ﻣُﺴﺘﻘﻴﻤﺔ، ﻳﻮﺻﻞ ﻟﻨﺼﻒ ﺍﻟﺴﺎﻕ ﻭﺭﻏﻢ ﻧﻌُﻮﻣﺘﻪ ﻭﻧﻌﻮﻣﺘﻬﺎ ﺇﻻّ ﺇﻧﻬﺎ ﻗﺪﺭﺕ ﺗﺘﺮﻛﻪ ﻓﺨـﻢ ﺑﺎﻟﻜﻌـﺐ ﺍﻟﻠﻲ ﻟﻮﻧﻪ ﻣﺜﻞ ﻟﻮﻥ ﺍﻟﻔُﺴﺘﺎﻥ ﻭﻳﺘﺰﻳﻦ ﺑﺴﻴﻮﺭ ﻳﺤﺎﻭﻁ ﻭﺳﻂ ﻗﺪﻣﻬﺎ ﻣﻦ ﺍﻷﻋﻠﻰ ، ﻭﺍﻟﻌﻘﺪ ﻳﻠﻲ ﻳﺰﻳﻦ ﻋُﻨﻘﻬﺎ . ﻣﻴـﻠﺖ ﺷﻔﺎﻳﻔﻬﺎ ﺑﻬُﺪﻭﺀ ﻭﻫﻲ ﺗﺘﺄﻣﻞ ﺍﻟﻤﻴـﻜﺐ ﺍﻟﻠﻲ ﺭﺟّﻊ ﺣﻴﻮﻳﻪ ﻏﻴﺮ ﻣﻌﻘﻮﻟﺔ ﻟﻤﻼﻣﺤﻬﺎ ﻭﺧﺼﻮﺻﺎً ﻋﻴُﻮﻧﻬﺎ ﻭﺣﻮﺍﺟﺒﻬﺎ ، ﻭﺭﻣُﻮﺷﻬﺎ ﺍﻟﻠﻲ ﺑﺪﻭﻥ ﺇﺿﺎﻓﺎﺕ ﻣُﺒﻬﺮﺓ ﻭﻣﻊ ﺍﻟﻤﺎﺳﻜﺮﺍ ﺻﺎﺭﺕ ﺇﻋﺠﺎﺯ ﺃﻛﺜﺮ ﻭﺃﻛﺜﺮ ، ﺇﺑﺘﺴﻤﺖ ﺑﺨﻔﻮﺕ ﻭﻫﻲ ﺗﺪﻧﺪﻥ ﻭﺗﻠﺒﺲ ﺍﻟﺤﻠﻖ ﺑﺄُﺫﻧﻬﺎ ، ﻭﺗﻌﺪﻝ ﺷﻌﺮﻫﺎ ﺍﻟﻠﻲ ﻛﺎﻧﺖ ﻣﺴﻮﻳﺘﻪ ﺑﺎﻟﻔﻴﺮ ﺑﺸﻜﻞ ﺧﻔﻴﻒ ﺟﺪﺍً ﻭﻣﺴﻜﺖ ﺧُﺼﻠﻪ ﻣﻨﻪ ﺑﺈﻛﺴﺴﻮﺍﺭ ﻳﺰﻳﺪﻫﺎ ﺟﻤـﺎﻝ ﻛﺜﻴـﺮ .. ﺭﻏﻢ ﺇﻧﻬﺎ ﻣﺎ ﻛـﺎﻧﺖ ﻣﺘﺤﻤﺴﻪ ﺃﺑﺪﺍً ، ﻭﻻ ﻛـﺎﻧﺖ ﻟﻬﺎ ﺭﻏﺒﺔ ﺑﺎﻟﺤُﻀﻮﺭ ﺃﻭ ﺣﺘﻰ ﺇﻧﻬﺎ ﺗﺘﺠﻬﺰ ﺑﻬﺎﻟﺸﻜﻞ ﻟﻜﻨﻬﺎ ﺣﺎﻭﻟﺖ ﻗﺪ ﻣﺎ ﺗﻘﺪﺭ ﺗﺠﻤّﻊ ﻛُﻞ ﺍﻷﺷﻴﺎﺀ ﺍﻹﻳﺠﺎﺑﻴﺔ ﺍﻟﻠﻲ ﻣﻤُﻜﻦ ﺗﺘﺮﻛﻬﺎ ﺗﻨﺒﺴﻂ ، ﺃﻭﻝ ﺍﻷﺷﻴﺎﺀ ﻭﺃﻫﻤﻬﺎ ﻛﺎﻥ ﺣﻜﻲ ﺃﺑﻮﻫﺎ ﺍﻟﻮﺍﺛﻖ ﺑﺎﻷﻣﺲ ، ﻭﺍﻟﻠﻲ ﻛﺈﻧﻪ ﻳﻠﻤﺢ ﻟﻬﺎ ﺇﻧﻪ ﻏﻴﺚ ﺑﺎﻗﻲ ﻋﻠﻰ ﻗﻴـﺪ ﺍﻟﺤﻴـﺎﺓ ، ﺗﻤﻨّﺖ ﻣﻦ ﻗﻠﺒﻬﺎ ﻳﺼﻴﺮ ﻓﻌﻼً ﻋﻠﻰ ﻗﻴﺪ ﺍﻟﺤﻴﺎﺓ ﻭﺣﺘﻰ ﻟﻮ ﻣﺎ ﻛﺎﻥ ﻗﺪﺍﻣﻬﺎ ﺃﻭ ﺣﻮﻟﻬﺎ ، ﺍﻟﻤُﻬﻢ ﺇﻧﻪ ﺣﻲّ ﻳُﺮﺯﻕ ، ﻭﻣﺼﻴﺮ ﺍﻟﺤـﻲ ﻳﺘﻼﻗﻰ .. ﺛﺎﻧﻲ ﺍﻷﺷﻴﺎﺀ ﻛﺎﻧﺖ ﺭﺳﺎﻟﺔ ﻣﻦ ﺳـﻨﺪ ، ﻳﺒﻴﻦ ﻟﻬﺎ ﺭﻏﺒﺘﻪ ﺍﻟﺸﺪﻳﺪﻩ ﺑـﺈﻧﻪ ﻳﺸﻮﻓﻬﺎ ﻭﻫﺞ ﻳﻠﻲ ﻳﻌﺮﻓـﻬﺎ ﻟﻮ ﻳـﻮﻡ ﻭﺍﺣﺪ .. ﻭﺃﺷﻴﺎﺀ ﻛﺜﻴﺮﺓ ﺭﻓﻀﺖ ﺗﺼﺮﺡ ﻟﻨﻔﺴﻬﺎ ﻓﻴﻬﺎ ﻷﻧﻬﺎ ﺑﻄﺮﻳﻘﺔ ﻣﺎ ﺗﻌﺮﻑ ﻛﻴﻒ ﺗﺠﻲ ﺗﻼﻗﻲ ﻫﺪﺍﺝ ﺑﻮﺳﻄﻬﺎ . ﺃﺧﺬﺕ ﻧﻔﺲ ﺑﺨُﻔﻮﺕ ﻭﻫﻲ ﺗﺮﺗﺐ ﺃﻏﺮﺍﺿﻬﺎ ، ﻭﺑﺪﻭﻥ ﻭﻋﻲ ﻣﻨﻬﺎ ﻻﻗﺖ ﻧﻔﺴﻬﺎ ﺗﻐـﻨﻲ ﻭﺗﺪﻧﺪﻥ ﻣﻦ ﺧﻄﺮ ﻋﻠﻰ ﺑﺎﻟﻬﺎ ﻏﻴـﺚ ، ﻭﻛﻔﺎﺣﺎﺗﻪ ﻛُﻠﻬﺎ ﺑﺤﻴـﺎﺗﻪ ﻭﺭﻏﻢ ﺍﻟﺤﺰﻥ ، ﻏﻨّﺖ .. ، ﺃﻧـﺎ ﻭﺩﻱّ ﺃﺻـﻴﺢ ﺇﺳﻤﻚ ، ﻭﺃﻗﻮﻝ ﺇﻧﻚ ﻟﻨـﺎ ﺑُﺮﻫﺎﻥ ﻭﺇﻥ ﺍﻟﻠﻲ ﻣـﻠﻜﻪ ﺍﻟﺤُﺐ ، ﻋـﺎﺩﻱ ﺑﻀﻌـﻔﻪ ﻳﻤـﺎﺭﻱ ﺃﻧﺎ ﻟﻮ ﻣﺎ ﺩﺭﻳﺖ ﺍﻟﺤُﺐ ، ﻓـﻌﻴﻮﻧﻲ ﻣِﺪﺍﻩ ﻳﺒـﺎﻥ ﻳُﺸﻮﻓﻮﻧﻚ ﺑـ ﻟﻔﺘـﺎﺗﻲ ، ﺇﺑﺘﺴﺎﻣﺎﺗﻲ ﻭﺃﻧﺎ ﺩﺍﺭﻱ ، ، ﺇﺑﺘﺴﻤـﺖ ﺑﺨﻔﻮﺕ ﻭﻫﻲ ﺗﺤﺲّ ﺑﻤﺸﺎﻋﺮﻫﺎ ﻛُﻠﻬﺎ ﺗﺠﻤﻌّﺖ ﻟﺤﺪ ﻣﺎ ﺗﻜُﻮﻧﺖ ﻏﺼـّﺔ ﻭﺳﻂ ﺟﻮﻓﻬﺎ ﻭﺇﻟﺘﻔﺘﺖ ﻟﻠﺨﻠﻒ ﻭﻣُﺒﺎﺷﺮﺓ ﺑﺮﺩﺕ ﺃﻃﺮﺍﻓﻬﺎ ﻭﻫﻲ ﺗﺸﻮﻓﻪ ﺧﻠﻔﻬﺎ ﺑﺎﻟﺰﺑﻂ ﻭﺻﺎﺭ ﻣﻼﺻﻘﻬﺎ ﻟﻜﻨﻬﺎ ﻣﺎ ﺣﺴّﺖ ﻓﻴﻪ ﺃﺑﺪﺍً ﻟﺤﺪّ ﻣﺎ ﺇﻟﺘﻔﺘﺖ ﺑﻬﺎﻟﻠﺤﻈﺔ ، ﻭﺻﺎﺭ ﻭﺟﻬﻪ ﻳﻘﺎﺑﻠﻬﺎ .. ﻣـﺪ ﺇﻳﺪﻳﻪ ﺑﻬـﺪﻭﺀ ﻭﻫﻮ ﻳﺤﺎﻭﻁ ﺧﺼﺮﻫﺎ ، ﻭﻳﺤﺎﻭﻝ ﻳﺨﻔﻲ ﺷُﻌﻮﺭ ﻣﺰﻋﺞ ﺇﺷﺘﻌﻞ ﺑﺪﺍﺧﻠﻪ ﺇﻧﻬﺎ ﺣﻠﻮﻩ ﻟﻬﺎﻟﻘﺪ ﺑﻬﺎﻟﻠﺤﻈﺔ ، ﻟﻜﻨﻬﺎ ﻣﺎ ﺑﺘﺠـﻠﺲ ﻣﻌﺎﻩ ﺇﻻّ ﻋﺸﺮ ﺩﻗﺎﻳﻖ ﻟﻮ ﻃﺎﻟﺖ ، ﻭﺑﺘﺠـﻠﺲ ﻣﻊ ﺍﻟﺤﺮﻳﻢ ﻭﻭﺳﻄﻬﻢ ﺑﺎﻟﺴﺎﻋﺎﺕ . ﺳـﻜﺖ ﺑﻬـﺪﻭﺀ ﻭﻫﻮ ﻳﺤﺲّ ﻓﻴﻬﺎ ﻣﻦ ﺯﻭﺩ ﺇﺭﺗﺒﺎﻛﻬﺎ ﻭﺗﻮﺗﺮﻫﺎ ﻭﻗُﺮﺑﻬﺎ ﻣﻨﻪ ﻣﺎ ﻗﺪﺭﺕ ﺇﻻّ ﺇﻧﻬﺎ ﺗﺴﻨﺪ ﺇﻳﺪﻳﻬﺎ ﻋﻠﻰ ﺻﺪﺭﻩ ، ﺣﺲ ﻓﻴﻬﺎ ﺗﺎﺧﺬ ﻧﻔﺲ ﻟﺠﻞ ﺗﺘﻜﻠﻢ ﻭﻛﺎﻟﻌﺎﺩﺓ ﻳﻌﺮﻑ ﺇﻧﻬﺎ ﺑﺘﻘﻮﻝ " ﻫﺪﺍﺝ " ﻓﻘﻂ ﻭﻟﻬﺎﻟﺴﺒﺐ ﻗﺎﻃﻌﻬﺎ : ﻟﻮ ﻧﻄـﻘﺘﻲ ﺇﺳﻤﻲ ، ﻭﺇﻧﺖِ ﺑﻬﺎﻟﻌﺬﻭﺑﺔ ﻗﺪﺍﻣﻲ ﻣﺎ ﺑﺘﺤﻀﺮﻳﻦ ﻭﻻ ﺑﺘﺤﺮﻙ ﺷﺒﺮ ﻣﻦ ﻋﻨﺪﻙ _ *🔮ــــــــــــــــــــــــــــــــــــــــــ🔮* *. #تابعووونا_في_البارت_التالي* 💜📚 @ahgeel 💜📚🖋 🍃💜 💜🍃💜 🍃💜🍃💜 💜🍃💜🍃💜 💜🍃💜🍃💜 💜🍃💜 🍃💜 💜 📖🖌 @ahgeel 🔮🍃 { رواية على محيط خصرها تلتف المجرات💕} *🔮ــــــــــــــــــــــــــــــــــــــــــ🔮* ✏️ــ. #ﺑﺎﺭﺕ : 107 ' - ' ﺣﺲ ﻓﻴﻬﺎ ﺗﺎﺧﺬ ﻧﻔﺲ ﻟﺠﻞ ﺗﺘﻜﻠﻢ ﻭﻛﺎﻟﻌﺎﺩﺓ ﻳﻌﺮﻑ ﺇﻧﻬﺎ ﺑﺘﻘﻮﻝ " ﻫﺪﺍﺝ " ﻓﻘﻂ ﻭﻟﻬﺎﻟﺴﺒﺐ ﻗﺎﻃﻌﻬﺎ : ﻟﻮ ﻧﻄـﻘﺘﻲ ﺇﺳﻤﻲ ، ﻭﺇﻧﺖِ ﺑﻬﺎﻟﻌﺬﻭﺑﺔ ﻗﺪﺍﻣﻲ ﻣﺎ ﺑﺘﺤﻀﺮﻳﻦ ﻭﻻ ﺑﺘﺤﺮﻙ ﺷﺒﺮ ﻣﻦ ﻋﻨﺪﻙ ﺇﺭﺗﺠﻔﺖ ﻏﺼﺐ ﻋﻨﻬﺎ ﻭﻫﻲ ﺗﺤﺎﻭﻝ ﺗﺸﺘﺖ ﺃﻧﻈﺎﺭﻫﺎ ﻋﻨﻪ ﻟﻜﻨﻬﺎ ﻋﺠﺰﺕ ﺗﻤﺎﻣﺎً ، ﺗﺤﺲ ﻓﻴﻪ ﻳﺤﺘﻀﻦ ﺧﺼﺮﻫﺎ ﺃﻛﺜﺮ ﻣﻦ ﺇﻧﻪ ﻳﻤﺴﻜﻬﺎ ﻭﻫﺎﻟﺸﻲﺀ ﻳﺮﺑﻜﻬﺎ ﺃﻛﺜﺮ ﻣﻦ ﺍﻟﻼﺯﻡ ، ﻋﺮﻑ ﺇﻧﻬﺎ ﺧﺎﻓﺖ ﻭﻟﻬﺎﻟﺴﺒﺐ ﻣﻮ ﻗﺎﺩﺭﺓ ﺗﺘﻜﻠﻢ ﺑﺤﺮﻑ ﻭﻣﻴّﻞ ﺷﻔﺎﻳﻔﻪ ﺑﻬـﺪﻭﺀ : ﻧﺎﺩﻳﻨﻲ ، ﺑﺲ ﻻ ﺗﺠﻴﺒﻴﻨﻲ ﻫﺰّﺕ ﺭﺍﺳﻬﺎ ﺑﺎﻟﻨﻔﻲ ﺑﺈﺳﺘﺤﺎﻟﺔ ﻷﻧﻬﺎ ﺃﻛﺘﺸﻔﺖ ﺇﻥ ﺇﺳﻤﻪ ﻳﺨﺮﺝ ﻣﻨﻬﺎ ﺑﻨﺒﺮﺓ ﻏﺮﻳﺒﺔ ﻭﻫﻲ ﺗﺤﺐّ ﻫﺎﻟﻨﺒﺮﺓ ﻣﻨﻬﺎ ﺑﺸﻜﻞ ﻏﻴﺮ ﻣﻌﻘﻮﻝ ﻛﻴﻒ ﻫﻮ ﻭﺍﻟﻠﻲ ﻋﺮﻓﺖ ﺇﻧﻪ ﺇﺫﺍ ﺣﺐّ ، ﻳﺤﺐ ﺍﻟﺸﻲﺀ ﺃﺿﻌﺎﻑ ﺍﻟﺤُﺐ ﺍﻟﻌﺎﺩﻱ ﻭﻳﺘﺄﺛﺮ ﻣﻨﻪ ﺑﺴﺮﻋﺔ .. ﺃﺑﻌـﺪ ﺑﻬﺪﻭﺀ ﻭﻫﻮ ﻳﻌﺮﻑ ﺇﻥ ﻋﻼﻗﺘﻬﻢ ﻣﺎ ﺑﺘﻤﺸﻲ ﺑﻬﺎﻟﻄﺮﻳﻘﺔ ، ﻭﻛُﻞ ﻣﺤﺎﻭﻻﺗﻪ ﺍﻟﺤﻴﻦ ﻭﺑﻬﺎﻟﻠﺤﻈﺔ ﺇﻧﻪ ﻣﺎ ﻳﺴﻤﺢ ﻟﻠﺸﻌُﻮﺭ ﻳﻠﻲ ﺑﺪﺍﺧﻠﻪ ﻳﺘﻤﺮﺩّ ﻋﻠﻴﻪ ، ﻭﻳﻮﺻﻞ ﻟﻨﻮﺑﺎﺕ ﺟُﻨﻮﻧﻪ ﺍﻟﻠﻲ ﺩﺍﺋﻤﺎً ﺗﺨﺮﺝ ﺑﺸﻜﻞ ﻋﻜﺴﻲ ﻋﻠﻰ ﻛُﻞ ﺷﻲﺀ ﻳﺤﺒﻪ ، ﻣﻦ ﺍﻟﺒﺤـﺮ ﺍﻟﻠﻲ ﻳﺘﺼﺎﺭﻉ ﻣﻌﺎﻩ ﺩﺍﺋﻤﺎً ، ﻟﺠﺎﻣﺢ ﺍﻟﻠﻲ ﺩﺍﺋﻤﺎً ﻳﺠﻦّ ﻭﻳﺘﺮﻛﻪ ﻳﻨﺠﻦّ ﻣﻌﺎﻩ ، ﻛﻴﻒ ﺑﺘﺨﺮﺝ ﻧُﻮﺑﺎﺕ ﺟﻨﻮﻧﻪ ﻋﻠﻴﻬﺎ ﺑﺸﻜﻞ ﺭﻗﻴﻖ ﻳﺸﺎﺑﻬﻬﺎ ، ﻭﻛﻴﻒ ﺑﺘﻜُﻮﻥ ﻧﻮﺑﺎﺕ ﻋﺬﺑﻪ ﻣﺜﻠﻬﺎ ﻭﻫﻲ ﺃﺻﻠﻬﺎ ﺟُﻨﻮﻥ .. ﻣـﺪﺕ ﺇﻳﺪﻫﺎ ﺑﺈﺭﺗﺒﺎﻙ ﻹﻳﺪﻩ ﻳﻠﻲ ﻋﻠﻰ ﺧﺼﺮﻫﺎ ﻭﻫﻲ ﺗﺤﺎﻭﻝ ﻣﺎ ﺗﻨﺎﻇﺮﻩ ﺃﺑـﺪﺍً ﻟﻜﻨﻬﺎ ﻣﺎ ﺑﺘﻬﺮﺏ ﻣﻦ ﻧﻈﺮﺓ ، ﻭﻧﺒﺮﺓ ﺑﻮﻗﺖ ﻭﺍﺣﺪ ﻭﺑﺘﻀﻄﺮ ﺗﻐﺎﻣﺮ ﻭﺗﺘﺼﺮﻑ ﺑـﺄﺣﺪﻫﻢ : ﻫــﺪﺍﺝّ ﺟـﻮﺍﻟﻲ ﺣﺮﺭ ﺧﺼـﺮﻫﺎ ﻣﻦ ﺇﻳﺪﻩ ﺑﻬـﺪﻭﺀ ﻭﻫﻮ ﻳﺨـﺮﺝ ﻣﻦ ﺍﻟﻐُﺮﻓﺔ ﻣﻦ ﺣﺲّ ﺇﻧﻪ ﺑﻴﺠﻴﺐ ﺍﻷﻭﻝ ﻭﺍﻟﺘـﺎﻟﻲ : ﺧـﻠﺼﻴﻨﻲ ﺃﺧﺬﺕ ﺟﻮﺍﻟﻬﺎ ﺑﺈﺭﺗﺒﺎﻙ ﻭﺍﻟﻠﻲ ﻣﺎ ﻛﺎﻥ ﻳﺮﻥّ ﺃﺑﺪﺍً ﻭﻛﺎﻧﺖ ﻣُﺠﺮﺩ ﺇﺷﻌﺎﺭﺍﺕ ﻋﺎﺩﻳﺔ ﺃﻧﻘﺬﺗﻬﺎ ، ﻟﺒﺴـﺖ ﻋﺒﺎﻳﺘﻬﺎ ﻭﻫﻲ ﺗﺸﻮﻓﻪ ﺟـﺎﻟﺲ ﺑﺎﻟﺼﺎﻟﺔ ﻭﻳﺘﺄﻣﻞ ﺑﺪﻭﻥ ﺃﺩﻧﻰ ﺭﺩﺓ ﻓﻌﻞ : ﻧﻤـﺸﻲ ؟ ﻭﻗـﻒ ﻭﻫﻮ ﻳﺄﺷﺮ ﻟﻬﺎ ﺗﻤـﺸﻲ ﻗﺒـﻠﻪ ﻭﺭﻓﻊ ﺣُﻮﺍﺟﺒﻪ ﻣﻦ ﺇﺗﺼﺎﻝ ﻣﻦ ﻣُـﻬﻨﺪ : ﺇﻳــﻮﺍ ﻣُــﻬﻨﺪ ﻟﻔّﺖ ﻋﻠﻴـﻪ ﻣُﺒﺎﺷﺮﺓ ﻣﻦ ﻧﻄﻖ ﺑـ ﺇﺳﻢ " ﻣُـﻬﻨﺪ " ﻭﻫﻲ ﺗﺤﺲ ﻭﺗﻌﺮﻑ ﻭﺗﺄﻛﺪﺕ ، ﺇﻧﻪ ﻓﻴﻪ ﻣُﺼﻴﺒﺔ ﺧﻠﻒ ﻫﺎﻹﺳﻢ ﻭﻫﺎﻟﻤﻜﺎﻟﻤﺔ - .. _ ‏« ﺷُــﻘﺔ ﻣُــﻬﻨـﺪ ‏» ﺩﺧـﻞ ﺑـﻴﺘﻪ ﻭﻫﻮ ﻻﺯﺍﻝ ﻳﺤـﺎﻛﻲ ﻫـﺪﺍﺝ ﻭﺗﻔـﺎﻫﻤﻮﺍ ﻋﻠﻰ ﻛُﻞ ﺷﻲﺀ ﺑﺸﻜﻞ ﺗﻘﺮﻳﺒﻲ : ﻗـﺮﻳﺐ ﺍﻟﻔﺠﺮ ﺇﻥ ﺷﺎﺀ ﺍﻟﻠﻪ ، ﺗﻮﺻﻲّ ﻋﻠﻰ ﺷـﻲﺀ ؟ ﺭﺩّ ﻫﺪﺍﺝ ﻋﻠﻴﻪ ﺑﺎﻟﻨـﻔﻲ ، ﻭﺳﻜّﺮ ﻣُـﻬﻨﺪ ﻭﻫﻮ ﻳﺸﻮﻑ ﻣـﻠﻚ ﺩﺧـﻠﺖ ﺍﻟﺸُﻘﺔ ﺧﻠﻔﻪ ﻭﺑﺈﻳﺪﻳﻬﺎ ﺃﻛﻴﺎﺱ ﻛﺜﻴﺮﺓ ﻭﻣُﺒﺎﺷﺮﺓ ﺇﺣﺘﺪﺕ ﻣﻼﻣﺤﻪ : ﻭﻳـﻦ ﻛـﻨﺘﻲ ؟ ﺭﻓﻌﺖ ﺣﻮﺍﺟﺒﻬﺎ ﺑﺈﺳﺘﻐﺮﺍﺏ ﻭﺳﺨﺮﻳﺔ ﻭﻫﻲ ﺗﺘﺮﻙ ﺍﻷﻛﻴﺎﺱ : ﺭﺣـﺖ ﺑﺮﻟـﻴﻦ ﻭﺭﺟﻌﺖ ﻳﺎ ﺯﻭﺟﻲ ، ﺃﻋﺘﻘﺪ ﺇﻧﻚ ﻗﺒﻞ ﺳﻨـﺔ ﻗﻠﺖ ﻟﻲ ﺇﺫﺍ ﺻﺮﺕ ﻣُﻮ ﻣﻮﺟـﻮﺩ ﻭﺑﺈﺟﺘﻤﺎﻉ ﻣﺎ ﺗﻘﺪﺭ ﺗﻠﺘﻔﺖ ﻟﻲ ﺃﻗﺪﺭ ﺃﺧﺮﺝ ﻭﺃﺗﺮﻙ ﻟﻚ ﺭﺳﺎﻟﺔ ﺗﺒﻠﻐـﻚ ﺃﻧﺎ ﻭﻳﻦ ﺃﺭﺿﻲ ﺑﺲ ، ﺗﻐﻴّﺮﺕ ﺍﻟﻘﻮﺍﻧﻴﻦ ﺍﻟﺤـﻴﻦ ؟ ﺳﻜـﺖ ﻟﺜﻮﺍﻧﻲ ﻭﺭﺟﻊ ﻳﻀﺤﻚ ﺑﺴُﺨﺮﻳﻪ ﻭﻫﻮ ﻳـﻮﻗﻒ : ﺗﻐﻴّﺮﺕ ﺍﻟﻠﻌﺒﺔ ﻛُﻠﻬﺎ ﺍﻟﺤـﻴﻦ ، ﻳﺎ ﺯﻭﺟـﺘﻲ _ *🔮ــــــــــــــــــــــــــــــــــــــــــ🔮* *. #تابعووونا_في_البارت_التالي* 💜📚 @ahgeel 💜📚🖋 🍃💜 💜🍃💜 🍃💜🍃💜 💜🍃💜🍃💜 💜🍃💜🍃💜 💜🍃💜 🍃💜 💜 📖🖌 @ahgeel 🔮🍃 { رواية على محيط خصرها تلتف المجرات💕} *🔮ــــــــــــــــــــــــــــــــــــــــــ🔮* ✏️ــ. #ﺑـﺎﺭﺕ 108: ' - ' ﻣﻴّﻠﺖ ﺷﻔﺎﻳﻔﻬﺎ ﻟﺜـﻮﺍﻧﻲ ﻭﻫﻲ ﺗﻨـﺎﻇﺮﻩ ﻟﺠُﺰﺀ ﻣﻦ ﺍﻟﺜﺎﻧﻴﺔ ، ﻭﺭﺟﻌﺖ ﺗﺪﺧـﻞ ﻏُﺮﻓﺘﻬﻢ ﺑﻌﺪ ﻣﺎ ﺳﺤﺒﺖ ﻟﻬﺎ ﺑﺠﺎﻣﺔ ﻣﻦ ﺍﻷﻛﻴﺎﺱ ﻳﻠﻲ ﺇﺷﺘﺮﺗﻬﺎ ﻭﺩﺧﻠﺖ ﺗﺒـﺪﻝ .. ﺩﺧـﻞ ﺧﻠﻔﻬﺎ ﻭﻫﻮ ﻳﺸﻮﻓﻬﺎ ﺗـﺘﺮﻙ ﻋﻄﺮﻫﺎ ﻭﺗﻌﺪّﻝ ﺷﻌﺮﻫﺎ ﺍﻟﻠﻲ ﺗﺎﺭﻛﺘﻪ ﻋﻠﻰ ﺣُﺮﻳﺘﻪ ، ﻭﺍﻟﻠﻲ ﻳﻮﺻﻞ ﻟﺘﺤـﺖ ﺻﺪﺭﻫﺎ ﺑﺸﻮﻱ ﺑﺎﻟﻠُﻮﻥ ﺍﻷﺳﻮﺩ ﺍﻟﺸـﺪﻳﺪ : ﻣــﻠﻚ ﻟﻔﺖ ﻟﻨﺎﺣـﻴﺘﻪ ﻭﻫﻲ ﺗﻤﺸﻲ ﻟﻌﻨﺪﻩ : ﺧـﻠﻴﻨﺎ ﻧﺠﻠـﺲ ﻣﺘﺨﺎﺻﻤﻴﻦ ، ﺑﺲ ﺇﺣﻀﻨّﻲ ﺃﺧﺬﺕ ﻧﻔﺲ ﺑﻬﺪﻭﺀ ﻭﻫﻲ ﺗﻌﺮﻑ ﺃﺣﺎﺳﻴﺴﻪ ﻭﺑﻜُﻞ ﻗﻮﺗﻬﺎ ﺗﺤﺎﻭﻝ ﺗﻀﺮﺏ ﺃﻱ ﻭﺗﺮ ﺑﻘﻠﺒﻪ ﻟﺠﻞ ﻳﺮﺟﻊ ﻟﻪ ﻋﻘـﻠﻪ ﺑﺨﺼﻮﺻﻬﺎ ، ﻭﺗﺮﺟﻊ ﻋﺎﻃﻔﺘﻪ ﻣﻊ ﻋﻘﻠﻪ ﻷﻥ ﺍﻟﻌﺎﻃﻔﺔ ﺑﺪﻭﻥ ﺍﻟﻌﻘـﻞ ﺷﻴﻨﻪ . ﻣـﺪ ﺇﻳﺪﻳﻪ ﻭﻫﻮ ﻳﺤﺎﻭﻃﻬﺎ ﻭﻣُﺒﺎﺷﺮﺓ ﺗﺠﻤﻌﺖ ﺍﻟﺪﻣﻮﻉ ﺑﻤﺤﺎﺟﺮﻫﺎ ﻣﻦ ﺣﺴّﺖ ﻓﻴﻪ ﻳﻘﺒﻞ ﺭﺃﺳﻬﺎ ، ﻭﻳﻬﻤﺲ ﺑﻬـﺪﻭﺀ : ﺍﻟﺨﻮﻑ ﺇﻧﻲ ﻻ ﺣﻀﻨﺘﻚ ، ﻣﺎ ﺃﺗﺮﻛﻚ ﻣـﻠﻚ ﻭﻫﻲ ﺗﺤﺎﻭﻝ ﺗُﻮﺯﻥ ﻧﺒﺮﺗﻬﺎ : ﻭﺇﻧﺖ ﻭﺩﻙ ﺗﺘﺮﻛﻨﻲ ؟ ﻣُـﻬﻨﺪ ﻭﻫﻮ ﻳﻐﻤﺾ ﻋﻴﻮﻧﻪ ﺑﺈﺳﺘﺴﻼﻡ : ﺍﻟﻠﻲ ﻳﺘﺮﻙ ﻗﻠﺒـﻪ ، ﻟﻪ ﺇﻣﻜﺎﻧﻴﺔ ﻳﻌﻴـﺶ ؟ ﻏﻤﻀﺖ ﻋﻴﻮﻧﻬﺎ ﻭﻫﻲ ﺗﺤﺲ ﻓﻴﻪ ﻳﺤﺎﻭﻃﻬﺎ ﺑﻜُﻞ ﻗﻮﺗﻪ ، ﻭﺑﻜُﻞ ﻣﺸﺎﻋﺮﻩ ﺑﻨﻔﺲ ﺍﻟﻮﻗﺖ ، ﺍﻟﺤﻠﻮ ﺑﺎﻟﻤﻮﺿﻮﻉ ﺑﻴﻨﻬﻢ ﺇﻧﻬﻢ ﻳﺘﺸﺎﺩّﻭﻥ ﻓﺠﺄﺓ ﻟﻜﻦ ﺑﻤُﺠﺮﺩ ﻣﺎ ﻳﺤﺲ ﺷﺨﺺ ﻓﻴﻬﻢ ﺇﻧﻪ ﻳﺤﺘﺎﺝ ﻟﻠﺜﺎﻧﻲ ، ﺇﺛﻨﻴﻨﻬﻢ ﻳﻠﻴﻨﻮﻥ ﻟﺠﻞ ﻳﺴﺘﺮﺩّ ﻛﻞ ﺷﺨﺺ ﻣﻨﻬﻢ ﻧﻔﺴﻪ ، ﻭﻣﺎﻓﻴﻪ ﻣﺸﻜﻠﻪ ﻳﺮﺟﻌﻮﻥ ﻳﻜﻤﻠﻮﻥ ﺷﺪّ ﻭﻣﺤﺎﺭﺵ ﻭﻗﺖ ﻳﺼﻴﺮﻭﻥ ﺍﻹﺛﻨﻴﻦ ﺑﺨﻴﺮ ﻭﺑﻤﺰﺍﺝ ﻳﺴﻤﺢ ﻟﻠﻤﺤﺎﺭﺵ ﻭﻣﻀﺎﻋﻔﺎﺗﻪ . _ ‏« ﺍﻟﻘـــﺎﻋــﺔ ‏» ﺩﺧـﻠﺖ ﻭﻻ ﺯﺍﻟﺖ ﻣُﺮﺗﺒـﻜﺔ ﻷﻧﻬﺎ ﻣﺎ ﺗﺤﺐّ ﺍﻟﻤﻨﺎﺳﺒﺎﺕ ﺑـ ﺃﻱ ﺷﻜﻞ ﻣﻦ ﺍﻷﺷﻜﺎﻝ ﻟﻜﻨﻬﺎ ﻣُﺠﺒﺮﺓ ﻫﺎﻟﻤـﺮﺓ ، ﺷﺎﻓﺖ ﻭﺭﻳـﺪ ﺗﻤﺸﻲ ﺑﺎﻟﺠﻬﺔ ﺍﻷﺧـﺮﻯ ، ﻭﺷﺎﻓﺖ ﻣـﻴﻼﻑ ﻣﻌﺎﻫﺎ ﻳﺼﻌـﺪﻭﻥ ﻟﻠﺪﺭﺝ ﻭﺍﻟﻐُﺮﻑ ﻳﻠﻲ ﺑﺎﻷﻋﻠﻰ ﻭﺍﻟﻠﻲ ﺃﻛﻴﺪ ﻏُﺮﻓﺔ ﻣـﻮﺝ ﻣﻨﻬﺎ ، ﺃﺧﺬﺕ ﻧﻔﺲ ﺑﻬـﺪﻭﺀ ﻭﻣﺒﺎﺷﺮﺓ ﺗﻐﻴّﺮﺕ ﻣﻼﻣﺤﻬﺎ ﻭﻫﻲ ﺗﺴـﻤﻊ ﺻﻮﺕ ﺑﺠﻨﺒﻬﺎ : ﺑـﻨﺖ ﻓﻴــﺼﻞ ، ﻭﻫـﺞ ! ﺇﺑﺘﺴﻤـﺖ ﻟﺜﻮﺍﻧﻲ ﻭﻛﺎﻥ ﻭﺩﻫﺎ ﻣﺎ ﺗﻜﻮﻥ ﺍﻟﻤﻘﺼﻮﺩﺓ ، ﻟﻜﻦ ﻟﻸﺳﻒ ﻣﺎﻓﻴﻪ ﺑﺎﻟﻤﻤﺮ ﻏﻴﺮﻫﺎ ﻭﻏﻴﺮ ﻫﺎﻟﺤُﺮﻣـﺔ ﺑﺠﻨﺒﻬﺎ ﻭﻣﺎ ﺗﻈﻦّ ﻓﻴﻪ ﻭﻫﺞ ﻏﻴﺮﻫﺎ : ﺇﻳـﻪ ﺇﺑﺘﺴﻤﺖ ﻫﺎﻟﺤُـﺮﻣﺔ ﺑﺨﻔﻴﻒ : ﻣـﺎﺷﺎﺀﺍﻟﻠﻪ ، ﺃﻣﻚ ﻣﺎ ﺟـﺎﺕ ؟ ﻫﺰﺕ ﻭﻫﺞ ﺭﺍﺳﻬﺎ ﺑﺎﻟﻨـﻔﻲ ﻭﻫﻲ ﺗﺘﻤﻨﻰ ﻟﻮ ﻣُﻮﺝ ﺗﺠﻲ ﻭﺗﻨﻬﻲ ﻫﺎﻟﺤﻮﺍﺭ ﺍﻟﺤﻴﻦ ﺑﺲ ﺍﻟﻤﻬﻢ ﺇﻧﻬﺎ ﻣﺎ ﺗﺘﻔﺮﻉ ﺑﺎﻟﺤﺪﻳﺚ ﻣﻊ ﺃﻱ ﺃﺣﺪ ، ﺇﺑﺘﺴﻤﺖ ﺑﺨﻔﻮﺕ ﻭﺇﺭﺗﺒﺎﻙ ﻣﻦ ﺣﺴﺖ ﺑـ ﺃﻡ ﻏﺎﺯﻱ ﺟﺎﺕ ﻟﺠﻨﺒﻬﺎ ﻭﺳﻠﻤّﺖ ﻋﻠﻰ ﻫﺎﻟﺤُﺮﻣـﺔ ﺍﻟﻠﻲ ﺇﺑﺘﻌﺪﺕ ﻭﺭﺟﻌﺖ ﺗﺴـﻠﻢ ﻋﻠﻴﻬﺎ .. ﺃﻡ ﻏﺎﺯﻱ ﺑﺈﺑﺘﺴـﺎﻣﺔ : ﻋـﺮﻓﺘﻴﻬﺎ ؟ ﻫـﺰّﺕ ﻭﻫﺞ ﺭﺍﺳﻬﺎ ﺑﺎﻟﻨـﻔﻲ ، ﻭﺇﺑﺘﺴﻤﺖ ﺃﻡ ﻏﺎﺯﻱ : ﺯﻭﺟـﺔ ﺃﺑﻮ ﻓﺎﺭﺱ ، ﻛﺒﻴـﺮ ﺟﻤﺎﻋﺘﻜﻢ _ *🔮ــــــــــــــــــــــــــــــــــــــــــ🔮* *. #تابعووونا_في_البارت_التالي* 💜📚 @ahgeel 💜📚🖋 🍃💜 💜🍃💜 🍃💜🍃💜 💜🍃💜🍃💜 💜🍃💜🍃💜 💜🍃💜 🍃💜 💜 📖🖌 @ahgeel 🔮🍃 { رواية على محيط خصرها تلتف المجرات💕} *🔮ــــــــــــــــــــــــــــــــــــــــــ🔮* ✏️ــ. #ﺑـﺎﺭﺕ 109: ' - ' ﻣﻴـﻠﺖ ﻭﻫـﺞ ﺷﻔﺎﻳﻔﻬﺎ ﺑﻌـﺪﻡ ﺇﻫﺘﻤﺎﻡ ﻭﺇﺑﺘﺴﻤﺖ ﺑﺨﻔﻮﺕ ﻣﻦ ﺷـﺎﻓﺖ ﻧـﺠﺪ ﻭﺳﻨـﺪﺱ ﺟﺎﻳﻴﻦ ﻟﻬﺎ ، ﺳﻠﻤـﻮﺍ ﻋﻠﻴﻬﺎ ﺑﺘﺮﺣـﻴﺐ ﻭﺇﺑﺘﺴﻤﺖ ﺳﻨـﺪﺱ : ﺗﺠـﻴﻦ ﻣﻌﺎﻧﺎ ﺍﻟﺤـﻴﻦ ؟ ﻧﺠـﻠﺲ ﻋﻨﺪ ﻣـﻮﺝ ﻫـﺰﺕ ﺃﻡ ﻏـﺎﺯﻱ ﺭﺍﺳﻬﺎ ﺑﺎﻟﻨـﻔﻲ : ﺑﺎﻷﻭﻝ ﺑﺘﺠـﻲ ﻣﻌﻲ ﺗﺴـﻠﻢ ﻋﻠﻰ ﺍﻟﻨـﺎﺱ ﻭﺍﻟﺠﻤﺎﻋﺔ ، ﺛُﻢ ﺗﺠـﻲ ﻟﻜﻢ _ ‏« ﺍﻟﻐُـﺮﻓﺔ ﺍﻟﺨـﺎﺻﺔ ﺑـ ﻣـﻮﺝ ‏» ﺿﺤـﻜﺖ ﻣﻴـﻼﻑ ﻭﺍﻟﺠﻮ ﺑﺄﻛﻤﻠﻪ ﻛﺎﻥ ﻟﻤُﻮﺝ ﻭﺻﺤﺒﺎﺗﻬﺎ ﻛﻠﻬﻢ ﺍﻟﻠﻲ ﻳﺮﻗﺼﻮﻥ ﻭﻳﻐـﻨﻮﻥ ﻣﻌـﺎﻫﺎ ﻭﺗﺘﻌـﺎﻟﻰ ﺿﺤﻜﺎﺗﻬﻢ ﻛُﻞ ﺷـﻮﻱ ، ﺇﺑﺘﺴﻤﺖ ﻣﻮﺝ ﺑﺨﻔﻮﺕ ﻭﻫﻲ ﺗـﺠـﻠﺲ ﻭﺗﻌـﺪﻝ ﻓُﺴـﺘﺎﻧﻬﺎ ﻳﻠﻲ ﺑﺎﻟﻠُﻮﻥ ﺍﻟﺒـﺤﺮﻱ ﻭﺍﻟﻤﻨﻔـﻮﺵ ﺑﺸﻜﻞ ﻓﺨـﻢ ﺟﺪﺍً ، ﻣـﺎﺳﻚ ﻣﻦ ﺣﺪّ ﺍﻟﺼﺪﺭ ﻟﺤﺪ ﺍﻟﺨـﺼﺮ ﻭﻗﺼﺔ ﺍﻟﺼـﺪﺭ ﻛـﺎﻧﺖ ﻋﻠﻰ ﺷﻜـﻞ ٧ ، ﺍﻷﻛﻤﺎﻡ ﻛـﺎﻧﺖ ﻋﻠﻰ ﺣـﺪ ﺫﺭﺍﻋﻬﺎ ﻣﻦ ﺍﻷﻋﻠﻰ ﻭﺗﺤﺖ ﺃﻛﺘﺎﻓﻬﺎ ، ﺭﻏﻢ ﺟﺮﺍﺋﺔ ﺇﻃﻼﻟﺘﻬﺎ ﺍﻷﻟﻮﺍﻥ ﻭﺍﻟﻘﺎﻋﺔ ﻳﻠﻲ ﻛُﻠﻬﺎ ﺗﻤﺜـﻞ ﺇﺳﻤﻬﺎ " ﻣــﻮﺝ " ﺇﻻّ ﺇﻧﻬﺎ ﻛﺎﻧﺖ ﺟﻤـﻴﻠﺔ ﺟـﺪﺍً ﻭﻓُﻮﻕ ﺍﻟﻤﻌﻘـﻮﻝ ﻟﻜﻦ ﻣﻮﺿﻮﻉ ﻭﺍﺣـﺪ ﻛﺎﻥ ﻣﺨﺮﺑﻬﺎ ، ﻭﻳﺨﺮﺏ ﺇﻃﻼﻟﺔ ﺃﻱ ﺷﺨﺺ ﻣﻬﻤﺎ ﺑﻠﻎ ﻣﻦ ﺟﻤـﺎﻝ ﻭﻛﻤـﺎﻝ ﻭﻫﻮ ﺇﻧﻪ ﻛﺎﻥ ﻓﻴﻬﺎ ﻧﻮﻉ ﻣﻦ ﺍﻟﻜِﺒﺮ ، ﻭﻧُﻮﻉ ﻣﻦ ﺍﻟﻐـﺮﻭﺭ ﻭﺍﻹﻋﺠﺎﺏ ﺍﻟﻜﺜﻴﺮ ﺑﻨﻔﺴﻬﺎ ﻣﻦ ﺃﻃﺮﺍﻑ ﺃﻗﺪﺍﻣﻬﺎ ﻟﺤﺪّ ﺍﻟﺘﺎﺝ ﻋﻠﻰ ﺭﺃﺳﻬﺎ .. ﻟﻔﺖ ﺃﻧﻈﺎﺭﻫﺎ ﻟﻠﺒـﺎﺏ ﻳﻠﻲ ﺍﻧﻔﺘﺢ ﻭﺇﺑﺘﺴﻤﺖ ﻣُﺒﺎﺷﺮﺓ ﻭﻗﺖ ﺷـﺎﻓﺖ ﺃﻡ ﻏﺎﺯﻱ ، ﻟﻜﻦ ﺇﺑﺘﺴﺎﻣﺘﻬﺎ ﺭﺟﻌﺖ ﺗﻨﻤﺤـﻲ ﻣﻦ ﻟﻤﺤـﺖ ﻭﻫﺞ ﺧـﻠﻔﻬﺎ . ﺭﺟـﻌﺖ ﺗﺘﺼﻨﻊ ﺍﻹﺑﺘﺴﺎﻣﺔ ﻭﻫﻲ ﺗﺴـﻠﻢ ﻋﻠﻰ ﻭﻫﺞ ﻭﺛﻨﺘﻴﻨﻬﻢ ﻛـﺎﻥ ﺳﻼﻣﻬـﻢ ﻣُﺨﺘﺼﺮ ﻭﻣﺎﻓﻴﻪ ﻧُﻮﻉ ﻣﻦ ﺍﻟﻤﺤﺒـﺔ ﺃﺑﺪﺍً ، ﻣﺒﺮﻭﻙ ﻭﻳﺒﺎﺭﻙ ﻓﻴﻚ ﻭﺇﻧﺘﻬﻰ ﺍﻟﺤﻮﺍﺭ ﻛﻠﻪ .. ﻣﻴــﻼﻑ ﻭﻫﻲ ﺗﺠـﻠﺲ ﺑﺠﻨﺐ ﻣـﻮﺝ : ﻗــﻄﻌﺘﻲ ﺍﻟﺒـﻨﺖ ﻳﻜﻔﻲ ! ﺇﺑﺘﺴﻤﺖ ﻣـﻮﺝ ﺑﺨﻔﻴﻒ ﻭﻫﻲ ﺗﺘﺄﻣﻞ ﺳﺎﻋﺔ ﻣﻌﺼﻤﻬﺎ ﻳﻠﻲ ﺗﺄﺷﺮ ﻋﻠﻰ ﻭﻗـﺖ ﺯﻓﺘﻬﺎ ﻭﺩﺧﻮﻟﻬﺎ : ﺍﻟﺤﻴﻦ ﺃﻧﺎ ﺃﻗﻄﻌﻬﺎ ،ﺷﻮﻱ ﻫﻲّ ﻳﺎﺣﻠﻮﺗﻲ ! ﺇﺑﺘﺴﻤﺖ ﻣﻴـﻼﻑ ﻭﻫﻲ ﺗـﻮﻗﻒ ﻣﻊ ﻭﺭﻳـﺪ ﻳﺨﺮﺟﻮﻥ ، ﻭﺍﻟﻜُﻞ ﺑﻬﺎﻟﻠﺤﻈﺔ ﺻـﺎﺭ ﻳﻨﺘﻈﺮﻫﺎ ﻭﻳﻨﺘﻄﺮ ﺩﺧُﻮﻟﻬﺎ ﻭﺍﻟﻘﺎﻋﺔ ﺑﺄﻛﻤﻠﻬﺎ ﺗﻮﺟﻬّﺖ ﺃﻧﻈﺎﺭﻫﻢ ﻟـ ﺍﻟﺒﻮﺍﺑﺔ ﻳﻠﻲ ﺗﺴﻠﻂ ﺍﻟﻀﻮﺀ ﻋﻠﻴﻬﺎ .. ، ﻣـﻴﻠﺖ ﻭﻫﺞ ﺷﻔﺎﻳﻔﻬﺎ ﺑﺨﻔﻮﺕ ﻭﻫﻲ ﺗﻠﻌـﺐ ﺑﺨﺎﺗﻤﻬﺎ ﻭﺃﻧﻈﺎﺭﻫﺎ ﻋﻠﻰ ﻣﻜﺎﻥ ﺧُﺮﻭﺝ ﻣـﻮﺝ ﻟﻜﻦ ﺫﻫﻨﻴﺎً ﻫﻲ ﺃﺑﺪﺍً ﻣﻮ ﺑﻬﺎﻟﻤﻜﺎﻥ ﻻ ﻋﻘـﻞ ﻭﻻ ﺭُﻭﺡ ، ﺗﻔﻜّﺮ ﺑـ ﻛﻠﻤﺘﻪ " ﺧﻠﺼﻴﻨﻲ " ﻳﻠﻲ ﻳﻨﻄﻘﻬﺎ ﺃﻛﺜﺮ ﻣﻦ ﺇﺳﻤﻬﺎ ، ﻫﻮ ﻳﺒﻲ ﺍﻟﺨﻼﺹ ﻣﻨﻬﺎ ﻭﻻ ﻣﻦ ﺷُﻌﻮﺭﻩ ﻣﺎ ﺗﻌـﺮﻑ ، ﻏﻴﺮ ﻋﻦ " ﻧﺎﺩﻳﻨﻲ ، ﺑﺲ ﻻ ﺗﺠﻴﺒﻴﻨﻲ " ، ﻫﻲ ﻟﻬﺎﻟﻘﺪ ﺗﻠﻤﺲ ﻗﻠﺒﻪ ﻟﺪﺭﺟﺔ ﺇﻥ ﻭﺩﻩ ﻣﺎ ﺗﻨﻄﻖ ﺇﺳﻤﻪ ﻟﺠﻞ ﻣﺎ ﻳﺘﺪﺍﻓﻊ ﺷﻌﻮﺭﻩ ﻭﻳﺠﻴﺐ ﺍﻷﻭﻝ ﻭﺍﻟﺘﺎﻟﻲ ﻭﻻ ﻫﻮ ﻳﺤﺎﻭﻝ ﻳﺮﺑﻜﻬﺎ ﻓﻘﻂ ، ﻷﻧﻪ ﻟﻮ ﻓﻌﻼً ﻳﺤﺎﻭﻝ ﻳﺮﺑﻜﻬﺎ ﻫﻲ ﺗﺠﺰﻡ ﺇﻧﻪ ﺯﻟﺰﻟﻬﺎ ﻣﻦ ﺃﻭﻟﻬﺎ ﻵﺧﺮﻫﺎ ﻣﻮ ﺑﺲ ﺃﺭﺑﻜﻬﺎ .. ﺇﻧﺘﺒﻬﺖ ﻟﺠﻮﺍﻟﻬﺎ ﺍﻟﻠﻲ ﻳﺮﻥ ﻭﻣُﺒﺎﺷﺮﺓ ﺣﺴﺖ ﺑﺸﻌُﻮﺭﻫﺎ ﻳﺘﺠﻤﻊ ﻭﺳﻂ ﺣﻠﻘﻬﺎ ﻣﻦ ﻓﺮﻁ ﺍﻟﺬﻫﻮﻝ ﺇﻧﻪ ﻫﻮ ﻳﺘﺼـﻞ ﻋﻠﻴﻬﺎ ، ﻗـﺎﻣﺖ ﺑﺨﻔﻮﺕ ﻭﺇﺑﺘﺴﺎﻣﻪ ﺧﻔﻴﻔﺔ ﻭﺯﻋﺘﻬﺎ ﻟﻬﻢ ﺑﺈﺣﺮﺍﺝ ﻭﻫﻲ ﺗﺮﺩّ ﻋﻠﻴـﻪ ﻭﺗﻤﺸﻲ ﺧﺎﺭﺟﺔ ﻣﻦ ﻋـﻨﺪﻫﻢ .. ، ﺇﺑﺘـﺴﻤﺖ ﻣـﻮﺝ ﻷﻣﻬﺎ ﺍﻟﻮﺍﻗـﻔﺔ ﺑﻌﻴﺪ ﻭﻫﻲ ﺗﺤﺎﻭﻝ ﺗﺨـﻔﻲ ﺗﻮﺗﺮﻫﺎ ﻭ .. _ *🔮ــــــــــــــــــــــــــــــــــــــــــ🔮* *. #تابعووونا_في_البارت_التالي* 💜📚 @ahgeel 💜📚🖋 🍃💜 💜🍃💜 🍃💜🍃💜 💜🍃💜🍃💜 💜🍃💜🍃💜 💜🍃💜 🍃💜 💜 📖🖌 @ahgeel 🔮🍃 { رواية على محيط خصرها تلتف المجرات💕} *🔮ــــــــــــــــــــــــــــــــــــــــــ🔮* ✏️ــ. #ﺑـﺎﺭﺕ : 110 ' - ' ﺇﺑﺘـﺴﻤﺖ ﻣـﻮﺝ ﻷﻣﻬﺎ ﺍﻟﻮﺍﻗـﻔﺔ ﺑﻌﻴﺪ ﻭﻫﻲ ﺗﺤﺎﻭﻝ ﺗﺨـﻔﻲ ﺗﻮﺗﺮﻫﺎ ﻭﺣُﻨﻘﻬﺎ ﺇﻧﻪ ﻭﻫﺞ ﺧـﺮﺟﺖ ﺑﻬﺎﻟﻠﺤﻈﺔ ﻭﻧﻈﺮﺍﺕ ﻋﻤﺘﻬﺎ ﻣﻬـﺎ ﺗﺘﺒﻌﻬﺎ ﻭﺭﻏﻢ ﺇﻧﻬﺎ ﻧﻈﺮﺍﺕ ﻏﺮﻳﺒﺔ ﺇﻻّ ﺇﻥ ﻣﻮﺝ ﻛﺮﻫﺘﻬﺎ ﻭﺣﺘﻰ ﻟﻮ ﻛﺎﻥ ﻣﻀﻤﻮﻥ ﻧﻈﺮﺍﺕ ﻣﻬﺎ ﻟﻮﻫﺞ ﻛُﺮﻩ ، ﺍﻟﻠﻲ ﺗﻌﺮﻓﻪ ﺇﻧﻬﺎ ﻫﻲ ﺍﻟﻌﺮﻭﺱ ﻫﻨـﺎ ﻭﺇﻥ ﻋﻤّﺘﻬﺎ ﻣﻬﺎ ﺃﻡ ﺯﻭﺟﻬﺎ ﻭﺍﻟﻤﻔﺮﻭﺽ ﻣﺎ ﺗﻤﻴّﻞ ﻋﻴﻮﻧﻬﺎ ﻋﻨﻬﺎ ﻟﻤﻴﻦ ﻣﻦ ﻛـﺎﻥ .. ، _ ‏« ﻗــﺴﻢ ﺍﻟﺮﺟــﺎﻝ ‏» ﺇﺑﺘﺴـﻢ ﻓﺮﺍﺱ ﻏﺼـﺐ ﻋﻨﻪ ﻣﻦ ﺇﺑﺘﺴﺎﻣﻪ ﺃﺧﻮﻩ ﺍﻟﻠﻲ ﻛﺎﻧﺖ ﺗﻤﻴـﻞ ﻟﻠﺮﺍﺣﺔ ﺃﻛﺜﺮ ﻣﻦ ﻛُﻞ ﺷﻲﺀ ﺑﺎﻟﺪﻧﻴﺎ ، ﻭﺑﻨﻔﺲ ﺍﻟﻮﻗﺖ ﻛﺎﻥ ﻣﺴﺘﻤﺘﻊ ﻛﺜﻴﺮ ﺑـﻨﻈﺮﺍﺕ ﻋﻤﺎﻣﻪ ﻭﺃﺑﻮﻩ ﻟﻬـﺪﺍﺝ . ﻓـﺮﺍﺱ ﻭﻫﻮ ﻳﺠـﻠﺲ ﺑﺠـﻨﺐ ﺳﻌـﺪ : ﺣﻲّ ﻫﺎﻟﻄﻮﻝ ، ﻣﺎﺵ ﺗﻮﺗﺮ ﺷﻲ ؟ ﻫﺰّ ﺳﻌـﺪ ﺭﺍﺳﻪ ﺑﺎﻟﻨﻔﻲ ﺑﺴﺨﺮﻳﺔ : ﻭﺵ ﺗﻮﺗﺮﻩ ﺗﺮﺍﻫﺎ ﻣﻠﻜﺔ ، ﻣُﺐ ﺯﻭﺍﺝ ﻓـﺮﺍﺱ ﻭﻫﻮ ﻳﻤﻴـﻞ ﺷﻔﺎﻳﻔﻪ : ﺇﻧﺖ ﺗﺤﺐ ﻭﺟـﻊ ﺍﻟﺮﺃﺱ ، ﻭﺵ ﻳﻔﺮﻕ ﻗﺪﺍﻡ ﺍﻟﻨـﺎﺱ ﻭﺵ ﺇﺳﻤﻪ ﺩﺍﻣﻬﺎ ﺯﻭﺟﺘﻚ ﻭﻋﻠﻰ ﺫﻣﺘﻚ ! ﺳﻌـﺪ ﺑﺴﺨﺮﻳﺔ : ﻳﻔﺮﻕ ﺇﻧﻪ ﻣﺎ ﻭﺩﻧﺎ ﻧﺴﻤﻊ ﺣﻜﻲ ، ﺃﺑﺪ ﻓـﺮﺍﺱ ﻭﻫﻮ ﻳﺒﺘﺴﻢ ﺑﺴﺨﺮﻳﺔ : ﺧﻠّﻚ ﻣﺜﻞ ﻭﻟﺪ ﺧﺎﻟﻚ ﺫﻳـﺒﺎﻥ ، ﻻ ﻣﻠﻜـﺔ ﻭﻻ ﺯﻭﺍﺝ ﺑﺲ ﺩﺧّﻠﻬﺎ ﻓﻴﻨﺎ ﻏﺼﺐ ﻭﺍﻟﻠﻲ ﻳﺘـﻜﻠﻢ ، ﻋﺎﺩ ﺇﻧﺖ ﺃﺩﺭﻯ ﻭﺵ ﻳﺴﻮﻱ ﻓﻴﻪ ﺿﺤﻚ ﺳﻌـﺪ ﺑﺴﺨﺮﻳﺔ ﻭﻫﻮ ﻳﻔﻬﻢ ﻗﺼـﺪ ﺃﺧﻮﻩ ﻓﺮﺍﺱ ﻋﻦ ﻣُﻀﺎﺭﺑﺘﻬﻢ ﺳـﻮﺍ . ، ﺧـﺮﺝ ﻏـﺎﺯﻱ ﺑﻌـﺪ ﻣﺎ ﻭﺻﻠﻪ ﺇﺗﺼـﺎﻝ ﻣﻦ ﺍﻟﻤُﺴـﺘﺸﻔﻰ ﻟﻜﻨﻪ ﺇﺿﻄﺮ ﻳﻤﺮّ ﻣﻦ ﺍﻟﻘﺎﻋﺔ ﺑﺎﻷﻋﻠﻰ ﻷﻥ ﺳﻴﺎﺭﺗﻪ ﻣﺮﻛﻮﻧﺔ ﺑﻌﻴـﺪ ﻭﺍﻟﻄﺮﻳﻖ ﻣﻦ ﺻُِﻮﺏ ﻗﺴﻢ ﺍﻟﺮﺟـﺎﻝ ﻋﻨﺪﻫﻢ ﻣﻘـﻔﻞ ، ﻻﺯﻡ ﻳﻄﻠﻊ ﻣﻦ ﻫﺎﻟﻘﺴـﻢ ﻭﻳﺼﻌﺪ ﻗﺴﻢ ﺍﻟﺤـﺮﻳﻢ ﻣﻦ ﺍﻷﻋﻠﻰ ﻭﻳﺮﺟﻊ ﻳﻨﺰﻝ ﻣﻦ ﺍﻟﺒـﻮﺍﺑﺔ ﺍﻟﺨﻠﻔﻴﺔ ﻭﻳﻠﻘﺎﻫﺎ ، ﺇﺗﺼﻞ ﻋﻠﻰ ﺳﻨﺪﺱ ﻟﺠﻞ ﺗﺸﻮﻑ ﻟﻪ ﺍﻟﻄﺮﻳﻖ ﻭﺗﺼﻌﺪ ﺑﺤﻴﺚ ﻣﺎ ﻳﺼﺎﺩﻑ ﺃﺣﺪ . ﻏـﺎﺯﻱ : ﺃﻡ ﺻــﻘﺮ ، ﺇﺻﻌـﺪﻱ ﻓﻮﻕ ﺷﻮﻓﻲ ﻟﻲ ﺍﻟﺪﺭﺏ ﺿﺤﻜﺖ ﺑﺨـﻔﻴﻒ : ﺍﻟﻴﻮﻡ ﺗﺘﺼﻞ ﻋﻠﻲّ ﺑﺎﻛﺮ ﺯﻭﺟﺘﻚ ﺇﻥ ﺷﺎﺀ ﺍﻟﻠﻪ ، ﻭﻻ ﻭﺵ ﺭﺍﻳﻚ?? ﺇﺑﺘﺴـﻢ ﻭﻫﻮ ﻳﻌﺪﻝ ﺷﻤـﺎﻏﻪ ﺑﻬﺪﻭﺀ : ﻋﻠﻰ ﻳﺪّﻙ ، ﺻﻌـﺪﺕ ﺃﻧﺎ ﺻﻌـﺪ ﻟﻸﻋﻠﻰ ﻭﻫﻮ ﻳﻄﻘﻄﻖ ﺑﺠـﻮﺍﻟﻪ ﻭﻳﺤﺎﻭﻝ ﻳﺮﺗﺐّ ﻭﺿﻌﻪ ﻭﻣﻮﺍﻋﻴـﺪﻩ ﻷﻧﻪ ﻳﺤﺘﺎﺝ ﻳﺨُﺮﺝ ﺇﺟﺎﺯﺓ ﻟﻜﻦ ﻣﺎ ﻳﺴﻌﻔﻪ ﻭﻗﺖ ﺃﺑﺪﺍً ، ﺗﻨﺤﻨﺢ ﺑﻬـﺪﻭﺀ ﻭﻫﻮ ﻭﺍﻗﻒ ﺑﺄﻭﻝ ﺍﻟﻤﻤﺮ ﻟﻜﻨﻪ ﻣﺎ ﻟﻤﺢ ﺳُﻨﺪﺱ ﻭﺇﺿﻄﺮ ﺇﻧﻪ ﻳﻤﺸﻲ ﺑﺪﻭﻧﻬﺎ ﻷﻥ ﻭﺻﻠﺘﻪ ﺭﺳﺎﻟﺔ ﻋﺎﺟﻠﺔ ﺇﻧﻪ ﻳﺠﻲ ﺍﻟﻤﺴﺘﺸﻔﻰ ﻭﻣﺎ ﻳﺘﺄﺧﺮ . ﺭﻓﻊ ﻋﻴـﻮﻧﻪ ﻋﻦ ﺟـﻮﺍﻟﻪ ﻭﻫﻮ ﻳﺸﻮﻑ ﺃﻧﺜﻰ ﺧـﺮﺟﺖ ﻣﻦ ﺁﺧﺮ ﻏُـﺮﻓﺔ ﺑﺎﻟﻤﻤﺮ ﺃﻣﺎﻣﻪ ﻭﺗﻮﺟﻬﺖ ﻟﻠﺪﺭﺝ ، ﺍﻟﻮﺍﺿﺢ ﺇﻧﻬﺎ ﻛﺎﻧﺖ ﺗﺒﻜﻲ ﺃﻭ ﺑِﻜﺖ ﻭﺧﻠﺼﺖ ﻣﺎ ﻋـﺮﻑ ﺃﺑﺪﺍً ﻟﺤﺪ ﻣﺎ ﻻﺣﻆ ﺗﺮﺩﺩﻫﺎ ﺗﻨـﺰﻝ ﺍﻟﺪﺭﺝ ﺃﻭ ﺗﺮﺟﻊ ﺗﻌﻴﺶ ﺣُﺰﻧﻬﺎ ﺑﺎﻟﻐُـﺮﻓﺔ . ﺭﻕّ ﻗـﻠﺒﻪ ﻣُﺒﺎﺷﺮﺓ ﻣﻦ ﺷﺎﻑ ﺇﻳﺪﻫﺎ ﺗﺤﺎﻭﻝ ﺗﻤﺴﻚ ﺃﻭﻝ ﺍﻟﺪﺭﺝ ﻟﺠﻞ ﺗﻜﻤﻞ ﻭﺗﻨﺰﻝ ﻟﻜﻨﻬﺎ ﻣﻮ ﻗﺎﺩﺭﺓ ﻣﻦ ﻛُﺜﺮ ﺇﺭﺗﺠﺎﻓﻬﺎ ﻭﺭﻏﺒﺘﻬﺎ ﺑﺎﻟﺒﻜـﻲ ، ﻋﺮﻓﻬـﺎ ﻣﻦ ﻭﺟﻬﺖ ﻧﻔﺴﻬﺎ ﻟﻠـ .. _ *🔮ــــــــــــــــــــــــــــــــــــــــــ🔮* *. #تابعووونا_في_البارت_التالي* 💜📚 @ahgeel 💜📚🖋 🍃💜 💜🍃💜 🍃💜🍃💜 💜🍃💜🍃💜