على محيط خصرها تلتف المجرات - الفصل 7 - مكتملة | روايتك

عالم القصص والروايات 📚: 💜🍃💜🍃💜 💜🍃💜 🍃💜 💜 📖🖌 @ahgeel 🔮🍃 📖 روايـــــــــــــة ✍🏼 {  #على_محيط_خصرها_تلتف_المجرات💕} *🔮ــــــــــــــــــــــــــــــــــــــــــ🔮* ✏️ــ ﺑﺎﺭﺕ : 11 ' - ' ﻭﻫﻮ ﻳﺨﺮﺝ ﻣﻦ ﻏُﺮﻓﺔ ﺍﻟﻤﺮﺍﻗﺒـﺔ ﻟـﻐُﺮﻓﺔ ﺇﺩﺍﺭﻳﺔ ﺑﺎﻟﻤﻄﺎﺭ ، ﻛﺎﻧﺖ ﻓﻴﻬﺎ ﻭﻫـﺞ ﻳﻠﻲ ﻣﻦ ﺳﺎﻋﺎﺕ ﻣﺎ ﺻﺤﻴﺖ ، ﻭﻫﺪﺍﺝ ﻳﻠﻲ ﺻﺎﺭ ﻣُﺮﺗﻌﺐ ﺃﻛﺜﺮ ﻣﻦ ﺃﻭﻝ ﻭﺷُﺮﻃﻴﺔ ﺃﺻّﺮﺕ ﺗﺠﻲ ﻣﻊ ﻭﻫـﺞ . ﺩﺧﻞ ﺍﻟﻐُﺮﻓﺔ ﻭﻫﻮ ﻳﺮﻓﻊ ﻫﺪﺍﺝ ﻣﻊ ﻳﺎﻗﺘﻪ ﺑﻘﻮﺓ : ﻣﺎ ﻗـﻠﺖ ﻟﻚ ﻣﺜـﻞ ﻋﻴﻨﻚ ﺗﻨﺘﺒﻪ ﻟﻬﺎ ! ﻣﺎ ﻗـﻠﺖ ! ﻫـﺪﺍﺝ ﺑﺴﺨﺮﻳﺔ ﻭﻫﻮ ﻳﻬﻤﺲ ﺑﺈﺳﺘﻔﺰﺍﺯ ﺭﻏﻢ ﺗﻮﺗﺮﻩ : ﺍﻟﻤﻔﺮﻭﺽ ﺗﺘﻌﻠﻢ ﺗﻬﺎﻭﺵ ﺑﻬﻤﺲ ، ﺍﻟﺒﻨﺖ ﻧﺎﻳﻤﺔ ﺩﻓﻪ ﻣُﻬﻨﺪ ﻣﻊ ﻳﺎﻗﺘﻪ ﻭﻫﻮ ﻳﻨﺎﻇﺮ ﺇﻳﺪﻫﺎ ﻭﺭﻓﻊ ﻋﻴﻮﻧﻪ ﺑﺤﺪﺓ ﻟﻬﺪﺍﺝ : ﺑﺘﻌﻠﻢ ﻛﻴﻒ ﺃﻛﺴﺮ ﻋﻈﺎﻣﻚ ﺑﺪﻭﻥ ﻻ ﻳﺨﺮﺝ ﻟﻬﺎ ﺻﻮﺕ ، ﻣﺎ ﺗﺸﻮﻑ ﺇﻧﺖ ﺃﻋﻤﻰ ﻭﻻ ﻭﻳﻦ ﻋﻴﻮﻧﻚ ﻓﻴﻪ ! ﻣﻴﻞ ﻫـﺪّﺍﺝ ﺷﻔﺎﻳﻔﻪ ﺑﺨﻔﻴﻒ ﻭﻫﻮ ﻳﻠﻘﻂ ﺍﻟﺠﻮﺍﻝ ﻳﻠﻲ ﺭﻣﺎﻩ ﻣﻬﻨﺪ ﻋﻠﻴﻪ ﺑﻜﻞ ﻗُﻮﺗﻪ ﻭﺇﺣﺘﺪﺕ ﻧﻈﺮﺍﺗﻪ ﻭﻫﻮ ﻳﻮﺟﻬﻬﺎ ﻟﻤُﻬﻨﺪ ﻭﻳﺮﺟﻌﻬﺎ ﻋﻠﻰ ﺍﻟﺠﻮﺍﻝ ، ﺗﻐﻴّﺮﺕ ﻣﻼﻣﺢ ﻭﺟﻬﻪ ﻭﻫﻮ ﻳﺸﻮﻑ ﺗﺴﺠﻴﻞ ﻛﺎﻣﻴﺮﺍ ﺍﻟﻤُﺮﺍﻗﺒﺔ ﻳﻠﻲ ﻛﺎﻧﺖ ﻧﺎﺣﻴﺔ ﻛﺮﺍﺳﻴﻬﻢ ﺍﻟﻠﻲ ﺗﺘﻜﻮﻥ ﻣﻦ ﺻﻔﺘﻴﻦ ﺑﺪﻭﻥ ﻇﻬﺮ ﺇﻧﻤﺎ ﻣﻘﺎﻋﺪ ﻣُﺘﻼﺻﻘﺔ ﻓﻘﻂ ﺑﺠﻬﺘﻴﻦ ، ﻛﺎﻧﺖ ﺟﻬﺔ ﺟﺎﻟﺴﻴﻦ ﻓﻴﻬﺎ ﻫﺪﺍﺝ ﻭﻭﻫـﺞ ، ﻭﺍﻟﺠﻬﺔ ﻳﻠﻲ ﺧﻠﻔﻬﻢ ﻭﻣﻼﺻﻘﺘﻬﻢ ﺍﻟﺸﺨﺺ ﻏﺮﻳﺐ ﺍﻟﻬﻴﺌﺔ ﻫﺬﺍ ﻭﻛﺎﻥ ﻣﺮﺟّﻊ ﺇﻳﺪﻳﻪ ﺍﻟﺜﻨﺘﻴﻦ ﻟﻠﺨﻠﻒ ﻭﺍﻟﻮﺍﺿﺢ ﺇﻧﻪ ﻳﺸﺪ ﺷﻲﺀ ،ﻛﺎﻥ ﻣُﻬﻨﺪ ﻳﺘﻮﻗﻌﻪ ﻣﺘﻜﻲ ﻟﻠﺨﻠﻒ ﻓﻘﻂ ﻟﻜﻦ ﻭﻗﺖ ﺭﻓﻌﺖ ﻭﻫﺞ ﺇﻳﺪﻫﺎ ﺗﻤﺴﻚ ﺫﺭﺍﻉ ﻫﺪﺍﺝ ﺗﻮﺿﺢ ﻟﻪ ﺇﻧﻪ ﻛﺎﻥ ﻳﻀﻐﻂ ﻋﻠﻰ ﺧﺼﺮﻫﺎ ﻭﻇﻬﺮﻫﺎ . ﺑﺮﺩﺕ ﻣﻼﻣﺤﻪ ﻣﺒﺎﺷﺮﺓ ﻭﻫﻮ ﻳﻨﺎﻇﺮ ﻣﻬﻨﺪ : ﻣﺎﻗﺎﻟﺖ ﻟﻲ ﻣُﻬﻨـﺪ ﺑﺴﺨﺮﻳﺔ ﻭﻫﻮ ﻳﺄﺷﺮ ﻋﻠﻰ ﻋﻴﻮﻧﻪ : ﺍﻟﻤﻔﺮﻭﺽ ﺇﻧﺖ ﺗﺸﻮﻑ ﺳﻜﺖ ﻭﻫﻮ ﻳﺸﻮﻓﻬﺎ ﻣﺪﺕ ﺇﻳﺪﻫﺎ ﺗﺤﺎﻭﻝ ﺗﺤﺮﺭ ﺧﺼﺮﻫﺎ ﻣﻦ ﻗﺒﻀﺘﻪ ﻟﻜﻨﻪ ﻣﺴﻚ ﺇﻳﺪﻫﺎ ﻭﻟﻮﺍﻫﺎ ﺑﺸﻜﻞ ﺳﺮﻳﻊ ﻭﺑـ ﺇﻳﺪﻩ ﺍﻷﺧﺮﻯ ﺿﻐﻂ ﻋﻠﻰ ﺃﺻﺎﺑﻌﻬﺎ ﺑﻜﻞ ﻗﻮﺗﻪ . ﺭﺟﻊ ﻳﺮﻣﻲ ﺟﻮﺍﻝ ﻣُﻬﻨﺪ ﻋﻠﻴﻪ ﺑﺤﺪﺓ : ﺗﻮﻛﻞ ﻋﻦ ﺭﺍﺳﻲ ﻛﺎﻥ ﻣُﻬﻨـﺪ ﺑﻴﺮﺩ ﻟﺤﺪ ﻣﺎ ﺳﻤﻊ ﺻُﻮﺗﻬﺎ ﻭﺻﺪ ﺑـ ﺃﻧﻈﺎﺭﻩ ﻣُﺒﺎﺷﺮﺓ ﻣﻦ ﻟﻤﺤﻬﺎ ﻭﻫﺪﺍﺝ ﺑﺎﻟﻤﺜﻞ . ﺃﺑﺘﺴﻤﺖ ﺍﻟﺸُﺮﻃﻴﺔ ﺑﺨﻔﻴﻒ ﻭﻫﻲ ﺗﺸﺪ ﻋﻠﻰ ﺇﻳﺪﻫﺎ ﻭﻧﻄﻘﺖ ﺑﺎﻟﻠُﻐﺔ ﺍﻹﻧﺠﻠﻴﺰﻳﺔ : ﻻ ﺑﺄﺱ ﻳﺎﻋﺰﻳﺰﺗﻲ ، ﻻ ﺑﺄﺱ ﻧﺰﻟﺖ ﺩﻣﻮﻋﻬﺎ ﻟﺜﻮﺍﻧﻲ ﻭﻫﻤﺴﺖ ﺑـ " ﻏﻴـﺚ " ﻓﻘﻂ ، ﺳﻜﺖ ﻫﺪﺍﺝ ﻭﺳﻜﺖ ﻣُﻬﻨﺪ ﺑﺎﻟﻤﺜﻞ ﻟﻜﻦ ﺍﻟﺸُﺮﻃﻴﺔ ﻳﻠﻲ ﺗﻌﺮﻑ ﺍﻟﻌﺮﺏ ﻭﻟﻬﺎ ﻋﻼﻗﺎﺕ ﻭﻃﻴﺪﺓ ﻣﻌﺎﻫﻢ ﻭﻣُﻐﺮﻣﺔ ﺟﺪﺍً ﺑﺄﺳﻤﺎﺋﻬﻢ ﺇﻟﺘﻔﺘﺖ ﻋﻠﻴﻬﻢ ﻣُﻮﺟﻬﻪ ﺳﺆﺍﻝ ﻭﺣﻴﺪ ﻟﻬﻢ ﺗﺴﺘﻔﺴﺮ ﻓﻴﻪ ﺃﻳُﻬﻢ ﻏﻴﺚ " ﻣﻦ ﻣﻨﻜﻤﺎ ﻏﻴـﺚ ؟ " ﻭﻛﺎﻥ ﺍﻟﺼﻤﺖ ﺳﻴﺪ ﺍﻟﻤﻮﻗﻒ ﻭﺍﻟﻠﺤﻈﻪ ﻟﺤﺪ ﻣﺎ ﻟﻔﺖ ﻃﺮﺣﺘﻬﺎ ﻭﻟﺜﺎﻣﻬﺎ ﻭﻫﻲ ﺗﺪﻭﺭ ﺷﻨﻄﺘﻬﺎ : ﺷﻨﻄﺘﻲ ﻫـﺪﺍﺝ ﺑﺨﻔﻮﺕ : ﻋﻨـﺪﻱ ﺳﻜﺘﺖ ﻟﺜﻮﺍﻧﻲ ﻭﻫﻲ ﻋﺠﺰﺕ ﺗﺒﺘﺴﻢ ﻟـ ﺍﻟﺸُﺮﻃﻴﺔ ﻳﻠﻲ ﺑﺠﻨﺒﻬﺎ ﻭﺇﻛﺘﻔﺖ ﻋﻴﻮﻧﻬﺎ ﺗﻌﺒّﺮ ﻋﻦ ﺃﻟﻒ ﻛﻠﻤﺔ ﺷُﻜﺮ ﻟﻬﺎ ، ﺇﺑﺘﺴﻤﺖ ﺍﻟﺸُﺮﻃﻴﺔ ﻭﻫﻲ ﺗﺴﻤﻊ ﺍﻟﻨﺪﺍﺀ : ﺃﻇﻦ ﺃﻧﻪ ﺍﻟﻨﺪﺍﺀ ﺍﻟﺨﺎﺹ ﺑﻜﻢ ، ﻭﺩﺍﻋﺎً ﻋﺰﻳﺰﺗﻲ . ﺇﺑﺘﺴﻤﺖ ﻭﻫﺞ ﻭﺳﻜﺘﺖ ﻣﺒﺎﺷﺮﺓ ﻭﻫﻲ ﺗﺘﺄﻣﻞ ﺇﻳﺪﻫﺎ ، ﻗﺎﻝ ﻟﻬﺎ ﻏﻴﺚ ﻛﻠﻤﺔ ﻭﺣﺪﺓ ﻟﻤﺎ ﺑﻜﺖ ﻭﻫﻲ ﻋﻨﺪﻩ ﻷﻧﻪ ﺗﺄﺧﺮ ﻟﻴﻮﻣﻴﻦ ﻭﻭﻗﺖ ﺭﺟﻊ ﺇﺳﺘﻘﺒﻠﺘﻪ ﺑﺎﻟﺪﻣﻮﻉ " ﺑﺘﺒﻜﻴﻦ ؟ ﺇﺑﻜﻲ ﺑﺪﻳﺎﺭﻧﺎ ﻭﺑﻮﺳﻂ ﺍﻟﺮﻳﺎﺽ ﺑﺲ ﻟﻠﻐﺮﻳﺐ ﻭﺩﻳﺎﺭﻩ ﻻ ﺗﺒﻜﻴﻦ ، ﻭﻻ ﻋﻤﺮﻙ ﺗﺒﻜﻴﻦ ﻟﺠﻠﻲ ﻳﺎ ﻭﻫﺞ " ، ﻗﺎﻣﺖ ﻣﻦ ﻣﻜﺎﻧﻬﺎ ﻭﻫﻲ .. _ *🔮ــــــــــــــــــــــــــــــــــــــــــ🔮* *. #تابعووونا_في_البارت_التالي* 💜📚 @ahgeel 💜📚🖋 🍃💜 💜🍃💜 🍃💜🍃💜 💜🍃💜🍃💜 💜🍃💜🍃💜 💜🍃💜 🍃💜 💜 📖🖌 @ahgeel 🔮🍃 📖 روايـــــــــــــة ✍🏼 {  #على_محيط_خصرها_تلتف_المجرات💕} *🔮ــــــــــــــــــــــــــــــــــــــــــ🔮* ✏️ــ ﺑﺎﺭﺕ : 12 ' - ' ﻗﺎﻣﺖ ﻣﻦ ﻣﻜﺎﻧﻬﺎ ﻭﻫﻲ ﺗﺨﺮﺝ ﻗﺒﻠﻬﻢ ﻭﻭﻗﻔﺖ ﺑﻤﻜﺎﻧﻬﺎ ﻣﻦ ﻟﻤﺤﺖ ﺍﻟﺸﺨﺺ ﻳﻠﻲ ﻛﺎﻥ ﻳﺘﺄﻣﻠﻬﺎ ، ﻣﺸﻰ ﻣُﻬﻨﺪ ﺑﺠﻨﺒﻬﺎ ﻭﻫﻮ ﻳﺘﻘﺪﻡ ﻋﻠﻴﻬﺎ ﺑﻬﺪﻭﺀ : ﺑﻨﻜﻤﻞ ﻣﻌﺎﻙ ، ﻳﻤﻴﻨﻚ ﻭﻳﺴﺎﺭﻙ ﻭﻗﺪﺍﻣﻚ ﻭﻭﺭﺍﻙ ﺣﺮﺱ ﻣﺎﻓﻴﻪ ﺩﺍﻋﻲ ﻟﻠﺨﻮﻑ . ﻟﻔﺖ ﺃﻧﻈﺎﺭﻫﺎ ﻭﻫﻲ ﺗﺘﺄﻛﺪ ﺇﻧﻪ ﻫﺪﺍﺝ ﺟﺎﺀ ﻟﺠﻨﺒﻬﻢ ﻭﺑﺎﻟﻔﻌﻞ ﻛﺎﻥ ﻗﺮﻳﺐ ﻣﻨﻬﻢ ﻭﺃﻧﻈﺎﺭﻩ ﻟﻨﺎﺣﻴﺔ ﺍﻟﺸﺨﺺ ﻳﻠﻲ ﻗﺒﻞ ﻓﺘﺮﺓ ﺃﺷﺮﺕ ﻟﻪ ﻋﻠﻴﻪ ﺇﻧﻪ ﻳﺘﺄﻣﻠﻬﺎ . ، ﺳﺮﺡ ﻣُﻬﻨﺪ ﺑﺘﻔﻜﻴﺮﻩ ﻭﻫﻮ ﻳﺤﺎﻭﻝ ﺑﻜُﻞ ﺟﻬﺪ ﻳﻌﺮﻑ ﻭﺵ ﺳﺒﺐ ﻫﺎﻷﻣﻮﺭ ﻛﻠﻬﺎ ، ﻟﻴﻪ ﻛﺎﻧﺖ ﻭﻫﺞ ﻃﻮﻝ ﺍﻟﻔﺘﺮﺓ ﻣﻦ ﺑﻌﺪ ﻣﻮﺕ ﻏﻴﺚ ﻣﺘﺨﺒﻴﺔ ﺑـ ﺷُﻘﺔ ﺃﺧﺮﻯ ﻭﻳﻠﻲ ﺇﻛﺘﺸﻔﻮﺍ ﺑﻌﺪ ﺣﺠﺰ ﻫﺪﺍﺝ ﻟﻬﺎ ﻭﺗﺘﺒﻌﻬﻢ ﻟﺮﻗﻢ ﺟﻮﺍﻟﻪ ﺇﻥ ﻣﻠﻜﻴﺘﻬﺎ ﺗﺮﺟﻊ ﻟﻐﻴﺚ ﻟﻜﻦ ﻣﺎ ﺃﺣﺪ ﻳﻌﺮﻑ ﻋﻨﻬﺎ ، ﺭﻏﻢ ﺇﻧﻬﻢ ﺑﻌﺜﺮﻭﺍ ﻛﻞ ﺃﻭﺭﺍﻗﻪ ﻭﺃﺷﻐﺎﻟﻪ ﻳﺤﺎﻭﻟﻮﻥ ﻳﻌﺮﻓﻮﻥ ﺳﺒﺐ ﻣﻘﺘﻠﻪ ﺍﻻ ﺇﻧﻬﻢ ﻣﺎ ﻟﻘﻴﻮﺍ ﺷﻲﺀ ﻭﺍﺣﺪ ﻳﺪﻟﻬﻢ ﻋﻠﻰ ﻫﺎﻟﺸُﻘﺔ ﺇﻧﻬﺎ ﻟﻪ ، ﻛﻴﻒ ﺗﻮﻓﻰ ﻏﻴﺚ ، ﻭﻟﻴﻪ ﻭﻫﺞ ﻣﺎ ﺗﻮﺍﺻﻠﺖ ﻣﻊ ﺃﺣﺪ ﻛﻞ ﻫﺎﻟﻔﺘﺮﺓ ﺃﺳﺌﻠﺔ ﻣُﺒﻬﻤﺔ ﻭﻛﺜﻴﺮ ﻟﻤُﻬﻨﺪ . ﺳﻜﺖ ﺑﻬﺪﻭﺀ ﻟﻜﻦ ﻓﻀﻮﻟﻪ ﻳﻘﺘﻠﻪ ﺇﻧﻪ ﻳﺤﺎﻛﻴﻬﺎ ﻭﻳﺤﻞ ﺷﻮﻱ ﻣﻦ ﺍﻷﻟﻐﺎﺯ ﻟﻜﻨﻪ ﻋﺠﺰ ﺗﻤﺎﻣﺎً ، ﻛﺎﻧﻮﺍ ﻓﻴﻪ ﺣﺮﺱ ﺑﻨﻔﺲ ﺭﺣﻠﺔ ﻫﺪﺍﺝ ﻭﻭﻫﺞ ﻟﻮﺣﺪﻫﻢ ﻟﻜﻦ ﻛﺎﻥ ﺃﻣﺮ ﻣُﻬﻨﺪ ﻟﻬﻢ ﻳﻮﺻﻠﻮﻥ ﻟﻪ ﻛﻞ ﺧﺒﺮ ﻭﻻ ﻳﺘﺪﺧﻠﻮﻥ ﺑـ ﺃﻱ ﺷﻲﺀ ، ﻭﻭﻗﺖ ﺻﺎﺭﺕ ﺍﻟﺸﻮﺷﺮﺓ ﻛﻠﻬﺎ ﻭﺍﻷﻋﺘﺪﺍﺀ ﺍﻟﻤﺨﻔﻲ ﻋﻠﻰ ﻭﻫﺞ ﻭﺻﻠّﻮﺍ ﻟﻪ ﺍﻟﺨﺒﺮ ﻭﺑﺴﺎﻋﺎﺕ ﻛﺎﻥ ﻋﻨﺪﻫﻢ ﻭﻗﺮﺭ ﻳﻜﻤﻞ ﺍﻟﺮﺣﻠﺔ ﻣﻌﺎﻫﻢ ، ﻟﺤﺪ ﻣﺎ ﻳﻮﺻﻠﻬﻢ ﺍﻟﺮﻳﺎﺽ ﺑﻨﻔﺴﻪ ﻭﻳﺮﺟﻊ ﻳﺴﺘﺄﻧﻒ ﺷﻐﻠﻪ . ، ﺭﻛﺒُﻮﺍ ﺍﻟﻄﻴـﺎﺭﺓ ﻭﻛﺎﻧﺖ ﺃﻧﻈﺎﺭ ﻫﺪﺍﺝ ﻋﻠﻰ ﺍﻟﺸﺨﺺ ﻳﻠﻲ ﻛﺎﻥ ﻳﺘﺄﻣﻞ ﻭﻫﺞ ، ﻭﺣﺎﻭﻝ ﺍﻟﺠﻠﻮﺱ ﺟﻨﺒﻬﺎ ﺍﻻ ﺇﻧﻪ ﻣﺴﻜﻪ ﻣُﺒﺎﺷﺮﺓ ﻣﻊ ﺃﻛﺘﺎﻓﻪ ﻭﻫﻮ ﻳﺒﺘﺴﻢ ﺑﺨﻔﻮﺕ ﻳﺄﺷﺮ ﻟﻪ ﻋﻠﻰ ﺍﻟﻤﻘﻌﺪ ﺍﻵﺧﺮ ، ﻛﺎﻥ ﻳﺠﺰﻡ ﻫﺪﺍﺝ ﺇﻥ ﻫﺎﻟﺸﺨﺺ ﻣُﺠﺮﻡ ﺃﻭ ﻣُﺨﻪ ﺇﺟﺮﺍﻣﻲ ﻭﻟﻬﺎﻟﺴﺒﺐ ﻓﻬﻢ ﺇﺑﺘﺴﺎﻣﺘﻪ ﻳﻠﻲ ﻛﺎﻥ ﺍﻟﻤُﺮﺍﺩ ﻣﻨﻬﺎ ﻳﺘﻮﺟﻪ ﻟﻤﻘﻌﺪ ﺁﺧﺮ ﻭﻻ ﻳﺠﻠﺲ ﺑﺠﻨﺒﻬﺎ ، ﻭﺑﺎﻟﻔﻌﻞ ﺗُﻮﺟﻪ ﻟﻤﻘﻌﺪ ﺁﺧﺮ ، ﺟﻠﺲ ﺑﺠﻨﺒﻬﺎ ﻭﺑﻴﻨﻬﻢ ﻛُﺮﺳﻲ ﻭﺟﺎﺀ ﻣُﻬﻨـﺪ ﻭﻫﻮ ﻳﻤﺪ ﻟﻬﺎ ﻛُﻮﺏ : ﺑﻴﺘﺄﺧﺮ ﺍﻹﻗﻼﻉ ، ﻫﺎﻙ . ﺃﺧﺬﺗﻪ ﻣﻨﻪ ﻭﻫﻲ ﺗﺘﻮﻗﻌﻪ ﻗﻬﻮﻩ ﺍﻻ ﺇﻧﻪ ﻛﺎﻥ ﺷﺎﻱ ﺃﺧﻀﺮ ﻣﺜﻞ ﺍﻟﻠﻲ ﻫﻲ ﺗﺤﺒﻪ ﺑﺎﻟﺰﺑﻂ ، ﺟﻠﺲ ﺑﺠﻨﺒﻬﺎ ﺑﻬﺪﻭﺀ : ﺑﺴﺄﻟﻚ ﻟﻮ ﺗﺴﻤﺤﻴﻦ ، ﻭﻣﺎ ﻳﺘﻌﺒﻚ ﻫﺰﺕ ﺭﺍﺳﻬﺎ ﺑـﺰﻳﻦ ﺑﻬﺪﻭﺀ ﻭﻫﻲ ﻣُﻬﻠﻜﺔ ﻭﻣُﺮﻫﻘﺔ ﺗﻤﺎﻣﺎً . ﻣُـﻬﻨﺪ ﺑﻬﺪﻭﺀ : ﻟﻴﻪ ﻣﺎ ﻗﻠﺘﻲ ﻟﻬﺪﺍﺝ ﻋﻦ ﺍﻟﻠﻲ ﻛﺎﻥ ﻭﺭﺍﻙ ﺳﻜﺘﺖ ﺑﻬﺪﻭﺀ ﻭﻫﻲ ﺗﻤﺮﺭ ﺃﻧﻈﺎﺭﻫﺎ ﻋﻠﻰ ﺍﻟﻜﻮﺏ : ﻷﻧﻪ ﺑﻴﻘﺘﻠﻪ ﻟﻒ ﻫﺪﺍﺝ ﻟﻨﺎﺣﻴﺘﻬﺎ ﻭﻫﻮ ﻳﻨﺎﻇﺮﻫﺎ ﺑﺈﻧﺪﻓﺎﻉ ﻭﺫﻫﻮﻝ : ﻛﻴـﻒ ؟ ﻋﺾ ﻣُﻬﻨﺪ ﺷﻔﺎﻳﻔﻪ ﻟﺜﻮﺍﻧﻲ ﻭﻫﻮ ﻳﻨﺎﻇﺮﻩ ﺑﻤﻌﻨﻰ " ﺇﺳﻜﺖ " : ﻛﻴـﻒ ﺑﻴﻘﺘﻠﻪ ؟ ﺳﻜﺘﺖ ﺑﻬﺪﻭﺀ ﻭﻫﻲ ﺗﻤﺪ ﻟﻪ ﺍﻟﻜُﻮﺏ ﻳﻠﻲ ﻣﺎ ﺇﺭﺗﺸﻔﺖ ﻣﻨﻪ ﻟﻮ ﺭﺷﻔﺔ ﻣﻦ ﺳﻤﻌﺖ ﺍﻷﻣﺮ ﺑﺮﺑﻂ ﺍﻷﺣﺰﻣﺔ ، ﺳﻜﺖ ﻣُﻬﻨﺪ ﻭﻫﻮ ﻳﻤﺪ ﺍﻟﻜﻮﺏ ﻟﻠﻤﻀﻴﻔﺔ ﻭﻣُﺘﺠﺎﻫﻞ ﻟﻨﺒﺮﺓ ﻫﺪﺍﺝ ﺍﻟﺴﺎﺧﺮﺓ " ﻳﺠﻴﺒﻮﻥ ﻗﻬﻮﺓ ﺑﺄﻭﻝ ﺍﻟﻜﻼﻡ ﻣﺎﻫﻮ ﺷﺎﻱ " . ﻗﺒﻞ ﻻ ﻳﻘﻔﻞ ﺟﻮﺍﻟﻪ ، ﻭﺻﻠﺘﻪ ﺭﺳﺎﻟﺔ ﻫﺰﺕ ﻭﺟﺪﺍﻧﻪ ﺑـ ﺃﻛﻤﻠﻪ ﻭﺳﻜﺖ ﺑﺸﻜﻞ ﻏﺮﻳﺐ ﻣﻦ ﻫﻮﻝ ﺻﺪﻣﺘﻪ ﻭﺫﻫﻮﻟﻪ " ﺻﺮﺕ ﻟـﺴﻌﺪ ." _ *🔮ــــــــــــــــــــــــــــــــــــــــــ🔮* *. #تابعووونا_في_البارت_التالي* 💜📚 @ahgeel 💜📚🖋 🍃💜 💜🍃💜 🍃💜🍃💜 💜🍃💜🍃💜 💜🍃💜🍃💜 💜🍃💜 🍃💜 💜 📖🖌 @ahgeel 🔮🍃 📖 روايـــــــــــــة ✍🏼 {  #على_محيط_خصرها_تلتف_المجرات💕} *🔮ــــــــــــــــــــــــــــــــــــــــــ🔮* ✏️ــ ﺑﺎﺭﺕ : 13 ' - ' ﺳﻜﺮ ﺟﻮﺍﻟﻪ ﺑﺪﻭﻥ ﻻ ﻳﺘﻜﻠﻢ ﻭﻫﻮ ﻳﻤﺮﺭ ﺃﻧﻈﺎﺭﻩ ﻟﻠﺒﻌﻴﺪ ، ﻋﺮﻑ ﺇﻧﻬﺎ ﻣﻮﺝ ﺭﻏﻢ ﺇﻥ ﺑﺤﻴﺎﺗﻪ ﻛﻠﻬﺎ ﻣﺎ ﺣﺎﻛﺎﻫﺎ ﻭﻻ ﺟﺮﺏ ﻳﺤﺎﻛﻴﻬﺎ ﻟﻜﻦ ﺑﻴﻨﻬﻢ ﻧﻈﺮﺍﺕ ﺩﺍﺋﻤﺎً ، ﻭﺇﻫﺘﻤﺎﻣﺎﺕ ﻣﻦ ﺧﻠﻒ ﺍﻟﺠُﺪﺭﺍﻥ ﻭﺣﻮﺍﺭﺍﺕ ﺑﺴﻴﻄﺔ ﺩﺍﺋﻤﺎً ﺗﻜﻮﻥ ﻗﺪﺍﻡ ﺍﻟﺒﺤﺮ ، ﻳﻠﻲ ﻳﻌﺸﻘﻪ ﻫﺪﺍﺝ ﻣﻦ ﻭﻗﺖ ﻃُﻔﻮﻟﺘﻪ ، ﻭﺯﺍﺩ ﻋﺸﻘﻪ ﻟﻪ ﺃﻛﺜﺮ ﻭﺃﻛﺜﺮ ﻣﻦ ﺇﺳﻤﻬﺎ . ﻟﻔﺖ ﻭﻫﺞ ﺗﺘﻌﺪﻝ ﺑﺠﻠﺴﺘﻬﺎ ﻭﻫﻲ ﺗﺸﻮﻑ ﻣُﻬﻨﺪ ﻳﻘﺮﺃ ﺃﻭﺭﺍﻕ ﻛﺜﻴﺮ ، ﻭﻫﺪﺍﺝ ﺟﺎﻣﺪ ﻛﺄﻧﻪ ﻣﻮ ﻣﻮﺟﻮﺩ ﺑﻌﺎﻟﻤﻬﻢ ﺃﺻﻼً . ، - ‏« ﺍﻟﺪﻣـﺎﻡ ‏» ﺟـﻠﺴﺖ ﻧﺠـﺪ ﺑﻴﻦ ﻏﺎﺯﻱ ﻭﻓـﻬﺪ ﺍﻟﻠﻲ ﻛﺎﻧﻮﺍ ﻳﻬﺮﺟﻮﻥ ﻭﻫﻲ ﺗﺘﺄﻣﻠﻬﻢ ﻟﺜﻮﺍﻧﻲ ﻭﺗﺮﺟﻊ ﺃﻧﻈﺎﺭﻫﺎ ﻋﻠﻰ ﺍﻟﺒﺤﺮ ، ﺟﺎﺕ ﺃﻡ ﻏﺎﺯﻱ ﻭﻫﻲ ﺗﺠﻠﺲ ﻋﻨﺪﻫﻢ ﻭﺿﺤﻚ ﻓﻬﺪ ﻭﻫﻮ ﻳﺒﻌﺪ ﻧﺠـﺪ : ﺟﺎﺕ ﺷﻴﺨﻪ ﺭﺍﺳﻚ ﻭﺭﺍﺳﻲ ، ﺇﺑﻌﺪﻱ ﻛﺸﺮﺕ ﻭﻫﻲ ﺗﻨﺎﻇﺮﻩ : ﻻ ﺗﻜﻠﻤﻨﻲ ﺇﺑﺘﺴﻢ ﻓﻬﺪ ﺑﺨﻔﻴﻒ ﻭﻫﻮ ﻳﻠﻒ ﺃﻧﻈﺎﺭﻩ ﻟﻐﺎﺯﻱ : ﻣﺎ ﻣﺪﻳﺖ ﺇﻳﺪﻱ ﻋﻠﻴﻬﺎ ﻷﻧﻚ ﺃﺧﻮﻫﺎ ﺑﺲ ﻏﺎﺯﻱ ﺑﻄﻘﻄﻘﺔ : ﻭﺍﻧﺎ ﻣﺎ ﻣﺪﻳﺖ ﺇﻳﺪﻱ ﻋﻠﻴﻬﺎ ﻷﻧﻚ ﺃﺧﻮﻫﺎ ﺑﺲ ﺿﺤﻜﺖ ﺃﻡ ﻏﺎﺯﻱ ﻭﻫﻲ ﺗﻀﻢ ﻧﺠـﺪ ﻟﻌﻨﺪﻫﺎ : ﺧﺴﻲ ﻣﻦ ﻳﻤﺪ ﺇﻳﺪﻩ ﻋﻠﻰ ﺑﻨﻴﺘﻲ ، ﺃﻛﺴﺮ ﺭﺍﺳﻚ ﻭﺭﺍﺳﻪ ! ﺇﺑﺘﺴﻢ ﻏﺎﺯﻱ ﻭﻫﻮ ﻳﻘﺒﻞ ﺭﺁﺳﻬﺎ ﻭﻳﻮﻗﻒ : ﺃﻧﺎ ﻣﺎﺷﻲ ﺍﻟﺤﻴﻦ ، ﺗﺂﻣﺮﻳﻦ ﻋﻠﻰ ﺷﻲﺀ ؟ ﻫﺰﺕ ﺭﺍﺳﻬﺎ ﺑﺎﻟﻨﻔﻲ ﻭﻫﻲ ﺗﺒﺘﺴﻢ ﻟﻪ : ﻣﺎ ﻳﺎﻣﺮ ﻋﻠﻴﻚ ﻋﺪﻭ ﻭﻻ ﻇﺎﻟﻢ ، ﺍﻟﻠﻪ ﻳﺤﻤﻴﻚ ﻗﺎﻡ ﻓﻬﺪ ﻭﻫﻮ ﻳﻤﻴﻞ ﺷﻔﺎﻳﻔﻪ : ﺃﻧﺎ ﻣﺎﺷﻲ ، ﺗﺎﻣﺮﻳﻦ ﻋﻠﻰ ﺷﻲﺀ ؟ ﺇﺑﺘﺴﻤﺖ ﻧﺠـﺪ ﺑﻌﺒﻂ : ﺍﻟﻠﻪ ﻣﻌﺎﻙ ﺗﻌﺎﻟﺖ ﺿﺤﻜﺎﺗﻬﻢ ﻣﻦ ﻣﺜﻞ ﺇﻧﻪ ﺑﻴﻀﺮﺑﻬﺎ ﺍﻻ ﺇﻥ ﺳﻤﻴﺔ ﺿﻤﺘﻬﺎ ﻟﻌﻨﺪﻫﺎ ﺑﺴﺮﻋﺔ ﻭﺇﺑﺘﺴﻢ ﻭﻫﻮ ﻳﺠﻠﺲ ، ﻣﺪ ﺃﺻﻐﺮ ﺃُﺻﺒﻊ ﺑـ ﺇﻳﺪﻩ ﻟﻬﺎ : ﻧﺘﺴﺎﻣﺢ ؟ ﺇﺑﺘﺴﻤﺖ ﻟﺜﻮﺍﻧﻲ ﻭﻫﻲ ﺗﻤﺪ ﺃُﺻﺒﻌﻬﺎ ﺍﻷﺻﻐﺮ ﻟﻪ ﻟﺠﻞ ﻳﺘﺼﺎﻟﺤﻮﻥ ﺑﺤﺮﻛﺔ ﻣﺘﻌﻮﺩﻳﻦ ﻋﻠﻴﻬﺎ ﻣﻦ ﺍﻟﺼﻐﺮ ، ﻭﻗﺖ ﻳﺘﻌﺎﻫﺪﻭﻥ ﻭﻭﻗﺖ ﻳﺮﺟﻌﻮﻥ ﻳﺘﺼﺎﻟﺤﻮﻥ ﻛُﻠﻪ ﻳﺘﻢ ﺑﺎﻟﻜﻼﻡ ، ﻭﻳﻮﺛﻘﻪ ﺗﻌﺎﻧﻖ ﺃﺻﺎﺑﻌﻬﻢ ﺍﻟﺼُﻐﺮﻯ ﺑﺒﻌﺾ " ﺍﻟﺨُﻨﺼﺮ " ، ﺭﺟﻊ ﻳﺠﻠﺲ ﻋﻨﺪﻫﻢ ﻭﻣﺎﻫﻲ ﺍﻻ ﺛﻮﺍﻧﻲ ﻭﺇﻧﻀﻤﻮﺍ ﻟﻬﻢ ﺍﻟﺘﺆﺍﻡ ﺍﻟﻤﺮﺡ ، ﺗﻮّﺍﻕ ﻭﻣﺆﻳﺪ ﻭﺑﻴﻨﻬﻢ ﺻﻘﺮ ﺍﻟﻠﻲ ﻳﺘﻀﺎﺭﺏ ﻣﻌﺎﻫﻢ . ﺗـﻮّﺍﻕ ﻭﻫﻮ ﻳﺘﻤﺪﺩ ﻋﻠﻰ ﺍﻟﻌُﺸﺐ : ﻣﺸـﻰ ﻏﺎﺯﻱ ؟ ﻫﺰﺕ ﺳُﻤﻴـﺔ ﺭﺃﺳﻬﺎ ﺑـ ﺇﻳﻪ : ﻣﺸﻰ ﺍﻟﻠﻪ ﻳﺴﻬﻞ ﻟﻪ ، ﺃﺧﺘﻜﻢ ﻭﻳﻨﻬﺎ ؟ ﻣﺆﻳﺪ ﻭﻫﻮ ﻳﻜﺘﻒ ﺻﻘﺮ ﺑﺤﻀﻨﻪ : ﺭﺍﺣﺖ ﻟﺰﻭﺟﻬﺎ ﻭﺗﺮﻛﺖ ﻫﺎﻟﻮﺭﻉ ﻋﻨﺪﻧﺎ ﺻﻘﺮ ﻭﻫﻮ ﻳﻌﺾ ﺇﻳﺪ ﺧﺎﻟﻪ ﻭﻳﺮﻛﺾ : ﺇﻧﺖ ﺍﻟﻮﺭﻉ ﺗﻤﺪﺩ ﻣﺆﻳﺪ ﺑﺠﻨﺐ ﺗﻮﺍﻕ ﻭﻫﻮ ﻳﻨﺎﻇﺮ ﻧﺠـﺪ : ﻗﻮﻣﻲ ﻫـﺎﺗﻴﻪ ، ﺃﺻﻐﺮ ﺍﻟﻘﻮﻡ ﺧﺎﺩﻣﻬﻢ ﻛﺸﺮﺕ ﻧﺠـﺪ ﻭﻫﻲ ﺗﺴﻜﺮ ﺟﻮﺍﻟﻬﺎ : ﺑﻘﻮﻡ ، ﻟﻜﻦ ﻣﻮ ﻟﺠﻠﻚ ﻷﻧﻲ ﺃﻧﺎ ﺑﻘﻮﻡ ﺃﺻﻼً ﺗﻮﺍﻕ ﺑﺈﺑﺘﺴﺎﻣﺔ ﺧﻔﻴﻔﺔ : ﻳﺎﺣﺒﻴﺒﺘﻲ ﻣﻦ ﻛﺜﺮ ﺇﻥ ﻣﺎ ﻭﺩﻫﺎ ﺗﺨﺪﻣﻚ ﺷﻮﻱ ﻭﺗﻘﻮﻝ ﻣﻘﺎﻝ ﺗﻌﺎﻟﺖ ﺿﺤﻜﺎﺗﻬﻢ ﻏﺼﺐ ﻭﺗﻮﺟﻬﺖ ﻧﺠﺪ ﻟﺼﻘﺮ ﺗﺎﺧﺬﻩ ﻣﻌﺎﻫﺎ ﻭﺗﺪﺧﻞ ﻋﻨﺪ ﺑﻨﺎﺕ ﻋﻤﺎﻣﻬﺎ . ، ﺇﺑﺘﺴﻤﺖ ﻣُﻮﺝ ﻭﻫﻲ ﺗﻤﺪ ﺇﻳﺪﻫﺎ : ﻳﺎ ﻫﻼ ! ﺇﺑﺘﺴﻢ ﺻﻘﺮ ﻭﻫﻮ ﻳﻔﻠﺖ ﺇﻳﺪ ﻧـﺠﺪ ﻭﻳﺮﻛﺾ ﻟﺼُﻮﺏ ﻣﻮﺝ . ﻧـﺰّﻟﺖ ﻣﻬﺎ ﻛُﻮﺏ ﺍﻟﻘﻬﻮﺓ ﻣﻦ ﻓﻤﻬﺎ ﻭﻫﻲ ﺗﻨﺎﻇﺮ ﻧﺠﺪ ﺑﻬﺪﻭﺀ : ﻫـﺪﺍﺝ ﻣﺎ ﻭﺻﻞ ؟ ﻫﺰﺕ ﻧﺠـﺪ ﺭﺍﺳﻬﺎ ﺑﺎﻟﻨﻔﻲ ﻭﻫﻲ ﺗﺠﻠﺲ : ﺑﺎﻗﻲ ﺭﻓﻌﺖ ﻣُﻮﺝ ﺃﻧﻈﺎﺭﻫﺎ ﻟﻌﻤﺘﻬﺎ ﻭ .. _ *🔮ــــــــــــــــــــــــــــــــــــــــــ🔮* *. #تابعووونا_في_البارت_التالي* 💜📚 @ahgeel 💜📚🖋 🍃💜 💜🍃💜 🍃💜🍃💜 💜🍃💜🍃💜 💜🍃💜🍃💜 💜🍃💜 🍃💜 💜 📖🖌 @ahgeel 🔮🍃 📖 روايـــــــــــــة ✍🏼 {  #على_محيط_خصرها_تلتف_المجرات💕} *🔮ــــــــــــــــــــــــــــــــــــــــــ🔮* ✏️ــ ﺑﺎﺭﺕ : 14 ' - ' ﺭﻓﻌﺖ ﻣُﻮﺝ ﺃﻧﻈﺎﺭﻫﺎ ﻟﻌﻤﺘﻬﺎ ﺑﺪﻭﻥ ﻻ ﺗﻨﻄﻖ ﺑﺤﺮﻑ ﻭﻫﻲ ﺗﻜﻤﻞ ﺣﻜﻴﻬﺎ ﻣﻊ ﺻﻘﺮ ﺍﻟﻠﻲ ﺇﺳﺘﺮﺳﻞ ﺣﺪﻳﺜﻪ ﻋﻦ ﺍﻟﺨﻴﻞ ﻭﻣُﺒﺎﺷﺮﺓ ﻗﺎﻡ ﻳﻤﺜﻞ : ﺧـﺎﻟﻮ ﺟُﻮ ﺑﻴﺮﻛﺒﻨﻲ ﺍﻟﺨـﻴﻞ ﻟﻤﺎ ﻳﺠﻲ ، ﺑﻨﻄﻴﺮ ﻓﻮﻕ ﺯﻱ ﺧﺎﻟﻮ ﻏﺎﺯﻱ ! ﻧﺠـﺪ ﺑﺈﺑﺘﺴﺎﻣﺔ ﺧﻔﻴﻔﺔ : ﻫـﺪﺍﺝ ﻣﻮ ﺟُﻮ ! ﻣﻬﺎ ﺑﻬﺪﻭﺀ : ﺻﻌﺐ ﻳﻨﻄﻘﻪ ، ﺇﺗﺮﻛﻴﻪ ﻳﻘﻮﻟﻪ ﺑﻜﻴﻔﻪ ! ﺳﻜﺘﺖ ﺑﺪﻭﻥ ﻻ ﺗﺘﻜﻠﻢ ﻭﻫﻲ ﺗﺸﻮﻑ ﻭﺭﻳـﺪ ﻭﻣﻴـﻼﻑ ﺟﺎﻳﻴﻦ ﻣﻦ ﺍﻟﻤﻄﺒﺦ ﻭﻣﻌﺎﻫﻢ ﺍﻟﻘﻬﻮﺓ ﻭﺳﺮﻋﺎﻥ ﻣﺎ ﺿﺤﻜﺖ ﻣﻦ ﺭﻛﺾ ﺻﻘﺮ ﻟﻌﻨﺪﻫﺎ ﻳﺘﺨﺒﻰ ﺑﺤﻀﻨﻬﺎ ، ﺻﻘﺮ ﻭﻫﻮ ﻳﻐﻄﻲ ﺭﺍﺳﻪ ﺑـﺠﺎﻛﻴﺘﻬﺎ : ﺧﺎﻟﻮ ﻣﺆﻳﺪ ﺑﻴﻀﺮﺑﻨﻲ ! ﺿﺤﻜﺖ ﺑﺬﻫﻮﻝ : ﻧﺨﺮﺝ ﻧﻀﺮﺑﻮ ﺃﻧﺎ ﻭﺇﻧﺖ ؟ ﻭﻻ ﺗﻬﺮﺏ ﻋﻨﻲ ؟ ﻫﺰ ﺭﺍﺳﻪ ﺑﺎﻟﻨﻔﻲ ﻭﻫﻮ ﻳﺸﻮﻑ ﻣﺆﻳﺪ ﺍﻟﻠﻲ ﻳﺄﺷﺮ ﻟﻪ ﻣﻦ ﺧﻠﻒ ﺍﻟﺸُﺒﺎﻙ : ﺑﺮﻭﺡ ﻟﻤﺎﻣﺎ ! ﺿﺤﻜﺖ ﻣﻮﺝ ﺑﺨﻔﻴﻒ ﻭﻫﻲ ﺗﻨﺎﺩﻳﻪ ﻟﻌﻨﺪﻫﺎ ﻭﺗﺴﻜﺮ ﺟﻮﺍﻟﻬﺎ : ﺭﻭﺡ ﻟﻌﻨﺪ ﺳـﻌﺪ ، ﻳﻘﻮﻝ ﻳﺒﻴـﻚ ﻭﻣﺎ ﻳﺘﺮﻙ ﻣﺆﻳﺪ ﻳﻀﺮﺑﻚ ! _ ‏« ﻣـﻄـﺎﺭ ﺍﻟﻤـﻠﻚ ﺧـﺎﻟﺪ ﺍﻟﺪﻭﻟﻲ ، ﺍﻟﺮﻳﺎﺽ ‏» ﺑﻌﺪ ﻧﺼﻒ ﻳﻮﻡ ﻭﺃﻛﺜﺮ ﻣﺮﻭﺍ ﺑﻴﻦ ﺍﻟﺨُﻮﻑ ﻭﺍﻟﺮﻋﺐ ﺗﻨﻔﺴﺖ ﺍﻟﺼُﻌﺪﺍﺀ ﻷﻧﻬﺎ ﺑﺎﻟﻮﻃﻦ ﻭﺃﺧﻴﺮﺍً ، ﻛﺎﻧﻮﺍ ﺁﺧﺮ ﺍﻷﺷﺨﺎﺹ ﻧُﺰﻭﻻً ﻣﻦ ﺍﻟﻄﻴﺎﺭﺓ ﻭﺧﻠﻔﻬﻢ ﺍﻟﺸﺨﺺ ﻳﻠﻲ ﺇﻧﻔﻠﺘﺖ ﻛُﻞ ﺃﻋﺼﺎﺏ ﻫﺪﺍﺝ ﻋﻠﻴﻪ ﻭﻫﻮ ﻳﻤﺴﻜﻪ ﻣﻊ ﻳﺎﻗﺘﻪ : ﻣﻦ ﺇﻧﺖ ؟ ﻟﻒ ﻣُﻬﻨﺪ ﺑﺬﻫﻮﻝ ﻭﻫﻮ ﻳﻤﺴﻚ ﻫﺪﺍﺝ : ﻭﻟـﺪ ! ﺷﺪّ ﻋﻠﻰ ﻳﺎﻗﺘﻪ ﺑﻘﻮﺓ ﻭﻫﻮ ﻳﺮﺟﻊ ﻟـﻤﺪﺧﻞ ﺍﻟﻄﻴﺎﺭﺓ : ﻣﻦ ﺇﻧﺖ ﻭﻭﺵ ﺳﺎﻟﻔﺘﻚ ﺑﺴـﺮﻋﺔ ! ﺳﻜﺖ ﻣُﻬﻨﺪ ﻭﻫﻮ ﻳﺸﻮﻑ ﻫﺪﺍﺝ ﺑﻴﻨﻔﺠﺮ ﻣﻦ ﻏﻀﺒﻪ ﻋﻠﻰ ﻫﺎﻟﺸﺨﺺ ﻳﻠﻲ ﻧﻄﻖ ﺑﺈﺭﺗﺠﺎﻑ : ﺃﻧﺎ ﻣﻮ ﻋﺪﻭ ﻟﻜﻢ ، ﺃﻋﺮﻓﻚ ﺇﻧﺖ ﻭﻟﺪ ﺳﺒﻊ ﻭﺍﻟﺒﻨﺖ ﺑﻨـﺖ ﻓﻴﺼﻞ ﻋﺾ ﺷﻔﺘﻪ ﻟﺜﻮﺍﻧﻲ ﻭﻫﻮ ﻳﺨﻔﻒ ﻣﻦ ﻗﺒﻀﺘﻪ : ﻋﺪّﻱ ﻓﻘﺮﺓ ﺍﻟﻤﻌﺮﻓﺔ ، ﻋﻴﻮﻧﻚ ﻣﻄﻴّﺤﻬﺎ ﻋﻨﺪﻧﺎ ﻟﻴﻪ ؟ ﻧﻄﻖ ﻟﺜﻮﺍﻧﻲ ﺑﺘﻮﺗﺮ : ﺟﺬﺑﺘﻨﻲ ﺍﻟﺒﻨﺖ ﺑﺎﻟﻤﻄﺎﺭ ﻷﻧﻬﺎ ﻣﺘﻠﺜﻤﺔ ﻭ ﺭﺟﻊ ﻫﺪﺍﺝ ﻳﺸﺪّ ﻋﻠﻰ ﻳﺎﻗﺘﻪ ﻭﻫﻮ ﻳﻬﻤﺲ: ﺇﺭﻓﻊ ﻋﻠﻮﻣﻚ ﻭﺇﻧﺘﺒﻪ ﺷﻠﻮﻥ ﺗﺘﻜﻠﻢ ! ﻛﻤّﻞ ﺣﻜﻴﻪ ﺑﺈﻧﺘﺒﺎﻩ ﺃﻛﺜﺮ ﻟﻜﻠﻤﺎﺗﻪ ﻭﺇﻋﺘﺮﺍﻑ ﺻﺮﻳﺢ : ﺃﻧﺎ ﻧـﺎﺻﺮ ، ﻋﺎﻳﺶ ﺑﺄﻟﻤﺎﻧﻴﺎ ﻣﻦ ﺳﻨﻴﻦ ﻭﺃﻋﺮﻑ ﻏﻴﺚ ﻭﺃﺧﺘﻪ ﻭﺟﻴﺖ ﻫﻨﺎ ﻟﺠﻞ ﻓﻴﺼﻞ ، ﻭﺳﺒﻊ ﻫﺪﺍﺝ ﻭﻫﻮ ﻳﺮﻣﻴﻪ ﻋﻠﻰ ﻣﻬﻨﺪ ﻭﻳﺎﺧﺬ ﺷﻨﻄﺘﻪ ﻭﻳﻨﺰﻝ ﺑﻌﺪ ﻏﻔﻠﺘﻪ ﻋﻦ ﺷﻲﺀ ﻣُﻬﻢ : ﺇﻧﺘﺒﻪ ﻟﻌﻴﻮﻧﻚ ﻭﻳﻦ ﺗﻄﻴﺢ . ﺻﺎﺭ ﻫﺪﺍﺝ ﻗﺮﻳﺐ ﻣﻦ ﻭﻫﺞ ﻭﻫﻮ ﻳﻨﺎﻇﺮﻫﺎ ﻟﺠﺰﺀ ﻣﻦ ﺍﻟﺜﺎﻧﻴﺔ ﻭﻳﺒﺘﻌﺪ : ﺍﻟﻠﻪ ﻳﺤﻤﻴﻚ ﻭﻗـﻔﺖ ﻟﺜﻮﺍﻧﻲ ﻭﻫﻲ ﺗﻨﺎﺩﻳﻪ ﺑﺈﺳﺘﻌﺠﺎﻝ : ﻳﻠﻲ ﺗﻤﺸﻲ . ﻟﻒ ﻟﻨﺎﺣﻴﺘﻬﺎ ﻭﻣﺪﺕ ﻟﻪ ﺍﻟﺸﻨﻄﺔ ﻳﻠﻲ ﺑﺈﻳﺪﻫﺎ : ﺷﻨﻄﺘﻲ ﻣﻌﺎﻙ ﻧﺎﻇﺮﻫﺎ ﻟﺜﻮﺍﻧﻲ ﻭﺷﻨﺎﻃﻬﻢ ﺗﺘﺸﺎﺑﻪ ، ﻫﻮ ﺃﺧﺬ ﺣﻘﺘﻬﺎ ﻭﻫﻲ ﻣﻌﺎﻫﺎ ﺣﻘﺘﻪ ، ﺍﺧﺬ ﺣﻘﺘﻪ ﻣﻨﻬﺎ ﻭﻣﺪّ ﻟﻬﺎ ﺣﻘﺘﻬﺎ ﻭﻭﻗﻒ ﻟﺜﻮﺍﻧﻲ ﻭﻫﻮ ﻳﺮﺟﻊ ﺃﻧﻈﺎﺭﻩ ﻟﻨﺎﺻﺮ ﻭﻣﻬﻨﺪ : ﻛـﻨﺖ ﺗﻌﺮﻑ ﻣﻜﺎﻧﻬﺎ ! ﻣُﻬـﻨﺪ ﺑﺈﺳﺘﻐﺮﺍﺏ : ﻳﻌﺮﻑ ﻣﻜـﺎﻥ ﻣﻴﻦ ! ﻟﻒ ﻫﺪﺍﺝ ﺃﻧﻈﺎﺭﻩ ﻟﻨﺎﺻﺮ ﻭﻫﻮ ﻳﺮﺟﻌﻬﺎ ﻟﻤُﻬﻨـﺪ : ﺻﺎﺭ ﻟﻪ ﻣﻦ ﻣﺤﻄﺔ ﺍﻟﺘﻮﻗﻒ ﺍﻷﻭﻟﻰ ﻭﻋﻴﻮﻧﻪ ﻋﻠﻴﻬﺎ ، ﺩﺧﻠﻨﺎ ﺍﻟﻄﻴﺎﺭﺓ ﻭﻋﻴﻮﻧﻪ ﺻﺎﺭﺕ ﺑﺤﻀﻨﻲ ﻣﻦ ﻛﺜﺮ ﺇﻥ ﻭﺩﻩ ﻳﺸﻮﻓﻬﺎ ، ﻳﻘﻮﻝ ﻟﻲ ﺇﻧﻲ ﻭﻟﺪ ﺳﺒﻊ ﻭﺇﻧﻬﺎ ﺑﻨﺖ ﻓﻴﺼﻞ ﻭﻣﻴﻦ ﻏﻴﺮﻱ ﻭﻏﻴﺮﻙ ﻳﻌﺮﻑ ﺇﻧﻬﺎ ﺑﻨﺖ ﻓﻴـﺼﻞ ! ﺳﻜـﺖ ﻧﺎﺻﺮ ﻟﺜﻮﺍﻧﻲ ﺑﻬﺪﻭﺀ : ... _ *🔮ــــــــــــــــــــــــــــــــــــــــــ🔮* *. #تابعووونا_في_البارت_التالي* 💜📚 @ahgeel 💜📚🖋 🍃💜 💜🍃💜 🍃💜🍃💜 💜🍃💜🍃💜 💜🍃💜🍃💜 💜🍃💜 🍃💜 💜 📖🖌 @ahgeel 🔮🍃 📖 روايـــــــــــــة ✍🏼 {  #على_محيط_خصرها_تلتف_المجرات💕} *🔮ــــــــــــــــــــــــــــــــــــــــــ🔮* ✏️ــ ﺑﺎﺭﺕ : 15 ' - ' ﺳﻜـﺖ ﻧﺎﺻﺮ ﻟﺜﻮﺍﻧﻲ ﺑﻬﺪﻭﺀ : ﻭﻷﻧﻲ ﺃﻋﺮﻓﻜﻢ ﺟﺎﻱ ﺃﻛﻠﻢ ﻓﻴﺼﻞ ، ﻭﻻ ﻟﻴﻪ ﺃﺟﻲ ! ﻣُﻬﻨﺪ ﺑﺬﻫﻮﻝ : ﻗﻠﺖ ﺇﻧﻚ ﻋﺎﻳﺶ ﺑﺄﻟﻤﺎﻧﻴﺎ ﻣﻦ ﺳﻨﻴﻦ ، ﻭﺗﻌﺮﻑ ﻏﻴﺚ ﻭﺇﺧﺘﻪ ﻳﻌﻨﻲ ﺗﻌﺮﻑ ﺑﻮﻓﺎﺓ ﻏﻴﺚ ! ﻫﺰ ﺭﺍﺳﻪ ﺑـ ﺇﻳﻪ ﺑﻬﺪﻭﺀ : ﺃﻋﺮﻑ ﺑﻮﻓﺎﺓ ﻏﻴﺚ ، ﻭﺃﻋﺮﻑ ﺇﻧﻪ ﻛﺎﻥ ﻳﻨﺘﻈﺮ ﺍﻟﻤﻮﺕ ﻭﻛُﻞ ﻫﻤﻪ ﺇﺧﺘﻪ ﻣُﻬﻨﺪ : ﻭﻛﻨﺖ ﺗﻌﺮﻑ ﻣﻜﺎﻧﻬﺎ ﻃﻮﻝ ﻫﺎﻟﻔﺘﺮﺓ ﻭﻣﺎ ﺟﺮﺑﺖ ﺗﻜﻠﻢ ﺍﻟﺴﻔﺎﺭﺓ ﻳﻮﻡ ﺃﻋﻠﻨﺖ ﺇﻧﻬﺎ ﻣﻔﻘﻮﺩﺓ ! ﻫﺰ ﺭﺍﺳﻪ ﺑـ ﺇﻳﻪ : ﻛـﻨﺖ ﺃﻋﺮﻑ ﻣﻜﺎﻧﻬﺎ ، ﻭﻛﻨﺖ ﺃﺷﻮﻓﻜﻢ ﻳﻮﻡ ﺗﻔﺘﺸﻮﻥ ﺍﻟﺸُﻘﺔ ﻭﻛﻞ ﺭﻏﺒﺘﻲ ﺃﻗﻮﻝ ﻟﻜﻢ ، ﻛﻠﻨﺎ ﺗﺤﻜﻤﻨﺎ ﺗﻬﺪﻳﺪﺍﺕ ﻭﺣﺘﻰ ﻭﻫﺞ ، ﺗﺤﻜﻤﻬﺎ ﺣﻴﺎﺓ ﺃﺑﻮﻫﺎ . ﺃﺧﺬ ﻣُﻬﻨﺪ ﻧﺎﺻﺮ ﻭﻫﻮ ﻳﺴﻜّﺮ ﺟﻮﺍﻟﻪ ﻭﻳﻤﺮﺭ ﺃﻧﻈﺎﺭﻩ ﻋﻠﻰ ﻫﺪﺍﺝ ﺑﻬﺪﻭﺀ : ﺧﺎﻟﻬﺎ ﻳﻨﺘﻈﺮﻫﺎ ﺑﺎﻟﺨﺎﺭﺝ ، ﺇﺫﺍ ﻭﺩﻙ ﺗﻜﻤﻞ ﺟﻤﻴﻠﻚ . ﻣﺸﻰ ﻫﺪﺍﺝ ﻟﻨﺎﺣﻴﺘﻬﺎ ﻭﻫﻮ ﻳﺮﺩ ﻋﻠﻰ ﻏﺎﺯﻱ ﻭﻳﻤﺸﻲ ﺑﺠﻨﺒﻬﺎ ﻟﺠﻞ ﻳﺨﺮﺟﻮﻥ ﻣﻦ ﺍﻟﻤﻄﺎﺭ ﺑﺄﺳﺮﻉ ﻭﻗﺖ . ﻫـﺪﺍﺝ : ﺇﻳﻪ ﺗﻮﻱ ﻭﺻﻠﺖ ، ﻟﻴﻪ ﻣﺎ ﻗﻠﺖ ﻟﻲ ؟ ﻏـﺎﺯﻱ ﻭﻫﻮ ﻳﺮﻛﻦ ﺳﻴﺎﺭﺗﻪ ﻗﺪﺍﻡ ﺍﻟﻤﺴﺘﺸﻔﻰ : ﻗﻠﺖ ﻟﻚ ﻋﻦ ﻭﺵ ؟ ﻫـﺪﺍﺝ ﻭﻫﻮ ﻳﺸﺪ ﻋﻠﻰ ﺍﻟﺸﻨﺎﻁ ﺑـ ﺇﻳﺪﻩ : ﻋﻦ ﺳﻌـﺪ ﻭﺧﻄﻴﺒﺘﻪ ﺳﻜﺖ ﻏﺎﺯﻱ ﻟﺜﻮﺍﻧﻲ ، ﻭﺿﺤﻚ ﻫﺪﺍﺝ ﺑﺴﺨﺮﻳﺔ : ﺗﻘﻮﻝ ﻟﻲ ﺍﻷﻫﻞ ﺑﺎﻗﻲ ﺑﺎﻟﺸﺮﻗﻴﺔ ؟ ﺃﻧﺎ ﺭﺍﻳﺢ ﻫﻨﺎﻙ ﺯﻓﺮ ﻏﺎﺯﻱ ﺑﺨﻔﻮﺕ : ﺗﺮﻳﺢ ﺍﻟﻴﻮﻡ ﻫﻨﺎ ، ﻭﻧﻨﺰﻝ ﺑﺎﻛﺮ ﻫـﺪﺍﺝ : ﺃﻧﺎ ﺭﺍﻳﺢ ﺍﻟﻴﻮﻡ ﻳﺎﻏﺎﺯﻱ ﻭﺍﻟﺤﻴﻦ ﺑﻌـﺪ . ﺳﻜّﺮ ﻭﻫﻮ ﻳﺪﺧﻞ ﺟﻮﺍﻟﻪ ﺑﺠﻴﻮﺑﻪ ﻭﻭﻗﻒ ﻣﻦ ﺷﺎﻓﻬﺎ ﻣﺪﺕ ﺇﻳﺪﻫﺎ ﻟﺸﻨﻄﺘﻬﺎ ﺑﻬﺪﻭﺀ ﻟﻜﻨﻪ ﺗﺠﺎﻫﻞ ﺗﻤﺎﻣﺎً : ﺇﻣﺸﻲ ﻭﻗﻔﺖ ﺑﺸﺒﻪ ﺣﺪﻩ ﺑﻤﻜﺎﻧﻬﺎ ﺑﺪﻭﻥ ﻻ ﺗﺘﻜﻠﻢ ﻭﻫﻮ ﺇﺳﺘﺄﻧﻒ ﻣﺸﻴﻪ ﻗﺪﺍﻣﻬﺎ ، ﻣﺎ ﺗﺒﻌﺘﻪ ﻭﺇﺿﻄﺮ ﺇﻧﻪ ﻳﺮﺟﻊ ﻏﺼﺐ ﻋﻨﻪ ﻗﺪﺍﻣﻬﺎ ﻭﺯﻓّﺮ ﺑﻨﺒﺮﺓ ﺃﺷﺒﻪ ﺑﺎﻟﻐﻀﺐ : ﻳﺎ ﺇﻧﻚ ﺗﻤﺸﻴﻦ ﻗﺪﺍﻣﻲ ﺍﻟﺤﻴﻦ ، ﻳﺎ ﺃﻛﺴﺮ ﺭﺍﺳﻚ ﺑﺨﺼﻮﺹ ﺍﻟﻠﻲ ﺻﺎﺭ ﺑﺄﻭﻝ ﺗﻮﻗﻔﻨﺎ ! ﻭﻫـﺞ ﺑﺤﺪﺓ ﻭﻫﻲ ﺗﻨﺰﻉ ﺍﻟﺸﻨﻄﺔ ﻣﻨﻪ : ﺇﺫﺍ ﺻﺎﺭﺕ ﻟﻚ ﺳُﻠﻄﺔ ﻋﻠﻲّ ﺣﺎﻛﻴﻨﻲ ﺑﻬﺎﻟﺸﻜﻞ ! ﻣﺸﻰ ﺑﺠﻨﺒﻬﺎ ﺑﺤﺪﺓ : ﻛﻨﺘﻲ ﺗﻘﺪﺭﻳﻦ ﺗﻘـﻮﻟﻴﻦ ﺇﻧﻪ ﻳﻬﺪﺩﻙ ! ﻭﻫﺞ ﺑﺴﺨﺮﻳﺔ : ﻣﺎ ﻛﺎﻥ ﺟﻨﺒﻲ ﺍﻻّ ﺷﺨﺺ ﻃﺎﻳﺶ ﻣﺎ ﻳﻌﺮﻑ ﻳﻤﻴﻨﻪ ﻣﻦ ﻳﺴﺎﺭﻩ ، ﺃﻗﻮﻝ ﻟﻤﻴﻦ ﺑﺎﻟﺰﺑﻂ ! ﺳﻜﺖ ﻭﻫﻮ ﻳﻮﺟﻪ ﺃﻧﻈﺎﺭﻩ ﻟﻬﺎ ﻭﺇﺳﺘﺄﻧﻔﺖ ﺣﻜﻴﻬﺎ : ﺇﻧﺖ ﺟﻴﺖ ، ﻭﺧﺮﺑﺖ ﻛﻞ ﺷﻲﺀ ﺃﺑﻌﺪ ﻋﻨﻬﺎ ﻭﻫﻮ ﻳﺘﺮﻛﻬﺎ ﺗﻜﻤّﻞ ﻣﺸﻴﻬﺎ ، ﺇﻟﺘﻔﺘﺖ ﻟﻪ ﺑﻬﺪﻭﺀ ﻭﺷﺒﻪ ﺗﺰﻓﻴﺮﺓ : ﻭﻣﻊ ﺫﻟﻚ ، ﺷﻜﺮﺍً ﺳﻜﺖ ﺑﺪﻭﻥ ﻻ ﻳﺘﻜﻠﻢ ﻭﻫﻮ ﻳﺘﺄﻣﻠﻬﺎ ﺗﻤﺸﻲ ﻹﺗﺠﺎﻩ ﺍﻟﻤﻮﺍﻗﻒ ﻟﻜﻨﻬﺎ ﺇﺣﺘﺎﺭﺕ ﻓﻴﻦ ﻣﻤُﻜﻦ ﻳﻜﻮﻥ ﺧﺎﻟﻬﺎ ﺃﻭ ﺃﺑﻮﻫﺎ ﺃﻭ ﺍﻟﺸﺨﺺ ﻳﻠﻲ ﺑﻴﺴﺘﻘﺒﻠﻬﺎ ، ﻣﺸﻰ ﻳﺘﻌﺪﺍﻫﺎ ﻭﻛﺸﺮﺕ ﻣُﺒﺎﺷﺮﺓ ﻣﻦ ﻋﺮﻓﺖ ﺇﻧﻪ ﺑﻴﺪّﻟﻬﺎ ﻋﻠﻰ ﻣﻜﺎﻥ ﻭﺟﻮﺩ ﺍﻟﺸﺨﺺ ﻳﻠﻲ ﻳﻨﺘﻈﺮﻫﺎ ، ﺳﻠّﻢ ﻋﻠﻰ ﺳﻨﺪ ﻣﻦ ﺑﻌﻴـﺪ ﻭﻛﻤّﻞ ﻣﺸﻴﻪ ﻟـﻤﻮﺍﻗﻒ ﺍﻟﺴﻴﺎﺭﺍﺕ ﺍﻟﺒﺎﻗﻴﺔ ، ﻭﻟﺴﻴﺎﺭﺗﻪ ، ﺑﺪﻭﻥ ﻻ ﻳﻠﺘﻔﺖ . ﺗﻮﻫﺠّﺖ ﻋﻴﻮﻧﻬﺎ ﻣُﺒﺎﺷﺮﺓ ﻣﻦ ﺍﻟﻠﻲ ﻧـﺰﻟﺖ ﻣﻦ ﺍﻟﺴﻴﺎﺭﺓ ﺗﺘﺄﻣﻠﻬﺎ ، ﺃﺧﺬﺕ ﻧﻔﺲ ﻟﺜﻮﺍﻧﻲ ﻭﻫﻲ ﺗﺤﺎﻭﻝ ﻣﺎ ﺗﺒﻜﻲ ﺍﻻ ﺇﻧﻬﺎ ﺿﻌﻔﺖ ﻛﺜﻴـﺮ : ﺃُﻣــﻲ _ *🔮ــــــــــــــــــــــــــــــــــــــــــ🔮* *. #تابعووونا_في_البارت_التالي* 💜📚 @ahgeel 💜📚🖋 🍃💜 💜🍃💜 🍃💜🍃💜 💜🍃💜🍃💜