الفصل 65
عالم القصص والروايات 📚:
💛🍃💛🍃💛
🍃💛🍃💛
💛🍃💛
🍃💛
💛📖 @ahgeel 📖💛*
📖 روايـــــــــــــة ✍🏼
{ في حكيها لذه وفي صمتها موت فيها الجمال وصادق الحب فيني💙}
*🌻ــــــــــــــــــــــــــــــــــــــــــ🌻*
..ـ
#البارت_151✏️🌸
ـ ...
ــ.ﻣﺸﺎﻋﻞ : ﺍﻧﺖ ﻣﻠﻴﺎﻥ ﻋﻴﻮﺏ ، ﻭﺃﻭﻟﻬﺎ ﻭﺍﻛﺒﺮﻫﺎ ﺍﻧﻚ ﺣﺮﻣﺘﻨﻲ ﻣﻦ ﺑﻨﺘﻲ ﻭﺗﺼﺮﻓﺖ ﻓﻴﻬﺎ ﻋﻠﻰ ﻛﻴﻔﻚ ﺍﻧﺖ ﻭﺯﻭﺟﺘﻚ ، ﻟﻜﻦ
ﺍﻟﺤﻴﻦ ﻻ ﺗﺤﺴﺐ ﻧﻔﺴﻚ ﺍﻥ ﻗﺮﺍﺭ ﻋﻠﻴﻬﺎ ، ﻗﺮﺍﺭﻫﺎ ﺑﻴﺪﻱ ﺍﻧﺎ ﻭﺳﻠﻤﺎﻥ !
ﻓﺎﻳﺰ : ﻛﻞ ﻫﺬﺍ ﺑﻘﻠﺒﻚ !
ﻣﺸﺎﻋﻞ : ﻻ ﻫﺬﺍ ﺭﺩﻱ ﻋﻠﻰ ﻛﻼﻣﻚ ، ﺍﻟﻠﻲ ﺑﻘﻠﺒﻲ ﻛﺜﻴﻴﺮ ﻳﺒﻲ ﻟﻪ ﻋﺸﺮﻳﻦ ﺳﻨﻪ ﺍﺗﻜﻠﻢ ﻓﻴﻪ
ﻋﺰﻭﻑ : ﺧﻼﺹ ﻳﻤﻪ ﺧﻼﺹ ﻳﺒﻪ ﺗﻜﻔﻮﻥ ﺍﺭﺣﻤﻮﻧﻲ ، ﺍﺣﺘﺮﻣﻮﺍ ﺍﻧﻲ ﻛﺒﻴﺮﻩ ﻭﻣﺴﺆﻭﻟﻪ ﻋﻦ ﻧﻔﺴﻲ ﻭﻗﺮﺍﺭﺍﺗﻲ ، ﺗﻜﻔﻮﻥ ﺧﻠﻮﻧﺎ
ﻧﻌﻴﺶ ﺑﺴﻼﻡ ﻳﻜﻔﻴﻨﺎ ﺍﻟﻠﻲ ﻣﺮﻳﻨﺎ ﻓﻴﻪ !
ﺍﺑﻮﻫﺎ ﺑﺤﺪﻩ : ﻗﺮﺍﺭﻱ ﻳﻤﺸﻲ ﻋﻠﻴﻚ ﻭﻋﻠﻰ ﺍﻟﻠﻲ ﺍﻛﺒﺮ ﻣﻨﻚ ، ﺳﻠﻤﺎﻥ ﺗﺘﻄﻠﻘﻴﻦ ﻣﻨﻪ ﻷﻧﻲ ﻣﺎﺗﺸﺮﻑ ﺑﻨﺴﺒﻪ ﻭﺍﺫﺍ ﻣﺎﺗﻄﻠﻘﺘﻲ ﺗﺤﻤﻠﻲ
ﺍﻟﻠﻲ ﻳﺼﻴﺮ !
ﺍﻧﻔﺘﺢ ﺍﻟﺒﺎﺏ ﺑﻘﻮﻩ ﻭﺩﺧﻞ ﺳﻠﻤﺎﻥ ﻭﻭﺍﺿﺢ ﻣﻦ ﻋﺼﺒﻴﺘﻪ ﺍﻧﻪ ﺳﺎﻣﻊ ﻛﻞ ﺷﻲ ﻗﺎﻝ ﺑﺤﺰﻡ : ﻭﺍﻟﻠﻲ ﺭﻓﻊ ﺳﺒﻊ ﻭﺑﺴﻂ ﺳﺒﻊ
ﻣﺎﻃﻠﻘﻬﺎ !
ﻓﺎﻳﺰ : ﻻﻳﻜﺜﺮ ﺍﻟﻜﻼﻡ ﻭﺑﻨﺘﻲ ﺍﻧﺎ ﺍﻟﻠﻲ ﺑﺎﺧﺬﻫﺎ ﻭﺍﺯﻭﺟﻬﺎ ﺑﺎﻟﺮﺟﺎﻝ ﺍﻟﻜﻔﻮ ﺍﻟﻠﻲ ﺍﻓﺘﺨﺮ ﺑﻨﺴﺒﻪ ، ﻟﻜﻦ ﺍﻧﺖ ﻣﺎﻋﻨﺪﻱ ﻟﻚ ﺷﻲ ﻭﻟﻮ
ﺗﻮﻗﻒ ﻋﻠﻴﻚ ﺍﻟﺪﻧﻴﺎ ﻣﺎﺧﻠﻴﺘﻬﺎ ﺗﺎﺧﺬﻙ
ﻋﺰﻭﻑ ﺗﻮﺳﻌﺖ ﻋﻴﻮﻧﻬﺎ ﺑﺼﺪﻣﻪ ﻣﻦ ﻛﻼﻡ ﺍﺑﻮﻫﺎ ، ﺳﻠﻤﺎﻥ ﺩﺍﺭﺕ ﻓﻴﻪ ﺍﻻﺭﺽ ﻭﻗﺎﻝ ﺑﺤﺪﻩ ﻣُﺮﻋﺒﻪ : ﻻﺗﺘﺤﺪﺍﻧﻲ ﻳﺎﻋﻢ ، ﻭﺍﻟﻠﻪ ﺍﻥ
ﺗﺨﺴﺮ ﻭﺍﺣﻂ ﺭﺍﺳﻚ ﺑﺎﻟﺘﺮﺍﺏ !
ﻓﺎﻳﺰ : ﺍﺑﺘﺤﺪﺍﻙ ﺍﺑﻲ ﺍﺷﻮﻑ ﻛﻴﻒ ﺗﻘﺪﺭ ﺗﺎﺧﺬ ﺑﻨﺘﻲ ﻣﻨﻲ
ﺳﻠﻤﺎﻥ ﻗﺮﺏ ﻟﻪ ﻭﻣﺴﻚ ﻳﺎﻗﺔ ﺛﻮﺑﻪ ﺑﻘﻮﻩ : ﻳﺎﻣﺴﻠﻢ ﺍﻓﻬﻢ ، ﺻﺎﺭﺕ ﺯﻭﺟﺘﻲ ﻭﺣﻼﻟﻲ ﻭﺍﻧﺘﻬﻴﻨﺎ ﻭﺍﻧﺖ ﻟﻠﺤﻴﻦ ﺗﻘﻮﻝ ﻣﺎﺭﺍﺡ
ﺍﺧﺬﻫﺎ ؟
ﻓﺎﻳﺰ : ﺍﻧﺖ ﻟﻮ ﺑﻮﺟﻬﻚ ﺣﻴﺎ ﻣﺎﺗﺎﺧﺬ ﻭﺣﺪﻩ ﺧﻄﻔﺘﻬﺎ ﻭﺳﺠﻨﺖ ﺍﺑﻮﻫﺎ
ﻣﺸﺎﻋﻞ : ﻟﻜﻦ ﺳﻠﻤﺎﻥ ﻣﻘﺼﺪﻩ ﻣﻦ ﺍﻟﺨﻄﻒ ﻣﻘﺼﺪ ﺧﻴﺮ ، ﻣﺎﻛﺎﻥ ﻗﺼﺪﻩ ﻳﺤﺮﻣﻬﺎ ﻣﻨﻚ ﻣﺜﻞ ﻣﺎﺧﻄﻔﺘﻬﺎ ﺍﻧﺖ ﻭﺣﺮﻣﺘﻨﻲ ﻣﻨﻬﺎ !
ﻓﺎﻳﺰ : ﻣﻘﺼﺪﻩ ﺧﻴﺮ ﻭﻻ ﺷﺮ ، ﻭﺍﻟﻠﻪ ﻣﺎﻳﺘﻢ ﻫﺎﻟﺰﻭﺍﺝ ﺍﻻ ﻋﻠﻰ ﺟﺜﺘﻲ
ﺳﻠﻤﺎﻥ : ﻭﺍﻟﻠﻪ ﺍﻻ ﻳﺘﻢ ﻭﻳﺘﻢ ﻭﻳﺘﻢ ، ﻭﻛﺎﻧﻚ ﻣﻠﺰﻡ ﻋﻠﻰ ﺟﺜﺘﻚ ﻣﺎﻋﻨﺪﻱ ﻣﺎﻧﻊ ﺍﻗﺘﻠﻚ ﻭﺍﺧﺬﻫﺎ
ﻋﺰﻭﻑ ﺑﺼﻮﺕ ﻣﻬﺰﻭﺯ : ﺧـــﻼﺹ
ﻣﺴﻜﺖ ﻳﺪ ﺳﻠﻤﺎﻥ ﻭﺩﻓﺘﻪ ﻋﻦ ﺍﺑﻮﻫﺎ ﻭﻗﺎﻟﺖ ﺑﻀﻴﻖ : ﻳﻜﻔﻲ ﺳﻠﻤﺎﻥ ﻻﺯﻡ ﺗﻘﺪﺭ ﻣﺸﺎﻋﺮ ﺍﺑﻮﻱ ﻫﻮ ﺍﻧﺼﺪﻡ ﺑﺎﻟﺨﺒﺮ ، ﻭﺍﻧﺖ ﻳﺒﻪ
ﺍﻫﺪﺍ ﺷﻮﻱ ﻭﺍﺣﺘﺮﻡ ﺍﻧﻨﺎ ﻣﺘﺰﻭﺟﻴﻦ ﻭﺧﺎﻟﺼﻴﻦ ﻳﻌﻨﻲ ﻫﺎﻟﻜﻼﻡ ﻛﻠﻪ ﻣﺎﻟﻪ ﻣﻌﻨﻰ ، ﺣﻴﺎﺗﻲ ﺍﻧﺎ ﺍﻟﻠﻲ ﺑﻌﻴﺸﻬﺎ ﻣﻮ ﺍﻧﺘﻢ !
ﻓﺎﻳﺰ ﻃﻠﻊ ﻭﻫﻮ ﻣﻨﻬﺎﺭ ﻣﻦ ﺩﺍﺧﻠﻪ ﻟﻜﻨﻪ ﺛﺎﺑﺖ ﻗﺪﺍﻣﻬﻢ ، ﻣﺼﺪﻭﻡ ﻭﻛﺜﻴﺮ ﻣﻦ ﺑﻨﺘﻪ ﺍﻟﻠﻲ ﺍﻋﺘﺒﺮﻫﺎ ﺷﻲ ﻛﺒﻴﺮ ﻣﺎﻫﻘﻰ ﺑﻴﻮﻡ ﺍﻧﻬﺎ
ﺑﺘﺘﺰﻭﺝ ﻭﻣﺎﻳﺸﻬﺪ ﻋﻠﻰ ﺯﻭﺍﺟﻬﺎ ، ﻭﺍﻷﺩﻫﻰ ﻭﺍﻷﻣﺮ ﺍﻧﻪ ﺳﻠﻤﺎﻥ ، ﻋﺪﻭّﻩ ﺍﻟﻠﺪﻭﺩ .
ﻋـﺰﻭﻑ ﻛﺎﻧﺖ ﺗﻨﺎﻇﺮ ﻟﺴﻠﻤﺎﻥ ﺑﻀﻴﻖ ﻭﺳﻠﻤﺎﻥ ﺳﺮﺣﺎﻥ ﻓﻴﻬﺎ ﺑﻨﻈﺮﺍﺕ ﻏﺎﺿﺒﻪ ، ﻗﻄﻌﺖ ﺻﻤﺘﻬﻢ ﻣﺸﺎﻋﻞ ﻟﻤﺎ ﻗﺎﻟﺖ ﺑﺤﺪﻩ :
ﻻﻳﻀﺎﻳﻘﻜﻢ ، ﺍﻟﻜﻼﻡ ﺳﻬﻞ ﻟﻜﻦ ﺍﺗﺤﺪﺍﻩ ﻳﺴﻮﻱ ﺷﻲ ، ﺍﻟﻠﻪ ﻳﻌﺰ ﺣﻜﻮﻣﺘﻨﺎ ﺍﻟﻠﻲ ﻣﺎﺗﻘﺼﺮ ﻣﻊ ﺍﺣﺪ ، ﺑﻤﻜﺎﻟﻤﻪ ﻭﺣﺪﻩ ﻧﻔﺘﻚ ﻣﻦ
ﺷﺮﻩ ﻭﺧﺼﻮﺻﺎً ﺍﻧﻪ ﺭﺍﻋﻲ ﺳﻮﺍﺑﻖ !
ﻋﺰﻭﻑ : ﻳﻤﻪ ﻭﺑﻌﺪﻳﻦ ؟ ﻳﻌﻨﻲ ﻣﻬﻤﺎ ﻛﺎﻥ ﻳﺒﻘﻰ ﺍﺑﻮﻱ ﻭﻣﺴﺘﺤﻴﻞ ﺍﺳﻤﺢ ﻷﺣﺪ ﻳﺘﻜﻠﻢ ﻋﻠﻴﻪ
ﻣﺸﺎﻋﻞ : ﺍﺑﻮﻙ ؟ ﺷﻮﻓﻲ ﻭﻳﻦ ﻭﺻﻠﻨﺎ ﺑﺴﺒﺐ ﺍﺑﻮﻙ !
ﺳﻠﻤﺎﻥ : ﺣﺘﻰ ﻭﻫﻮ ﻏﻠﻄﺎﻥ ﻣﺎﺗﺮﺿﻴﻦ ﻋﻠﻴﻪ ؟ ﻭﺍﻧﺎ ﺳﻔﻞ ﻓﻴﻨﻲ ﻗﺪﺍﻣﻚ ﻭﻻﺗﻜﻠﻤﺘﻲ ﻟﻜﻦ ﺑﺴﻴﻄﻪ ، ﻧﺸﻮﻑ ﻣﻦ ﺍﻟﻠﻲ ﻳﻤﺸﻲ
ﻛﻼﻣﻪ !
،،
ﺑﻌﺪ ﻳﻮﻡ ؛
ﻋُﺰﻭﻑ ﻛﺎﻧﺖ ﺑﺤﺪﻳﻘﺔ ﺍﻟﺒﻴﺖ ﺟﺎﻟﺴﻪ ﻭﻗﺪﺍﻣﻬﺎ ﻛﻮﺏ ﺷﺎﻱ ﻭﺗﻘﺮﺃ ﺭﻭﺍﻳﻪ ﻭﻣﻨﺪﻣﺠﻪ ﺑﺘﻔﺎﺻﻴﻠﻬﺎ، ﺗﺤﺎﻭﻝ ﺗﻄﻠﻊ ﻣﻦ ﺩﻭﺍﻣﺔ ﺍﻷﻓﻜﺎﺭ
ﺍﻟﻜﺌﻴﺒﻪ ، ﻟﻴﻦ ﻟﻤﻌﺖ ﺭﺳﺎﻟﻪ ﻋﻠﻰ ﺟﻮّﺍﻟﻬﺎ ﻣﻦ ﺳﻠﻤﺎﻥ ﻭﺍﺑﺘﺴﻤﺖ ﻟﻤﺎ ﻗﺮﺃﺗﻬﺎ .
: ﻭﻳﻨﻪ ﺣﺒﻴﺐ ﺍﻟﺼﺒﺢ ﻣﺎ ﺻﺒّﺢ ﻋﻠﻲ ؟
ﺭﺩﺕ : ﺣﺒﻴﺐ ﺍﻟﺼﺒﺢ ﺯﻋﻼﻥ، ﻭﻻ ﺍﻧﺖ ﻧﺎﺳﻲ
ﺳﻠﻤﺎﻥ : ﻣﻦ ﺍﻟﻠﻲ ﻣﻔﺘﺮﺽ ﻳﺰﻋﻞ ﺍﻧﺎ ﻭﻻ ﺍﻧﺘﻲ ؟
ﻋﺰﻭﻑ : ﻣﺪﺭﻱ ﺍﻧﺎ ﺍﻟﻠﻲ ﻏﻠﻄﺖ ﻭﻻ ﺍﻧﺖ ، ﺑﺲ ﺍﻟﻠﻲ ﺍﻋﺮﻓﻪ ﺍﻧﻲ ﻣﺤﺘﺎﺟﺘﻚ
ﺳﻠﻤﺎﻥ : ﻭﺵ ﺍﺳﻮﻱ ﺍﻟﺤﻴﻦ
ﻋﺰﻭﻑ : ﺑﻌﺰﻣﻚ ﻋﻠﻰ ﻛﺎﺳﺔ ﺷﺎﻱ ﻭﺑﻌﻠﻤﻚ ﻫﻮﺍﻙ ﻟﻮﻳﻦ ﻭﺻﻠﻨﻲ ، ﺗﺠﻲ ؟
ﺳﻠﻤﺎﻥ ﺑﺘﻌﺐ : ﻭﺍﻟﻠﻪ ﻷﺟﻲ ﻭﺍﻟﻠﻪ ، ﻟﻮ ﺑﻴﻨﻲ ﻭﺑﻴﻨﻚ ﻗﺒﺎﻳﻞ
ﻋﺰﻭﻑ : ﺍﺑﻲ ﺃﻫﺪﻳﻚ ﺍﻏﻨﻴﻪ ﻭﺍﺳﻤﻌﻬﺎ ﻋﻠﻰ ﻣﺎﺗﻮﺻﻠﻨﻲ
ﺳﻠﻤﺎﻥ : ﻣﺎ ﻋﻨﺪﻱ ﺍﺳﺘﻌﺪﺍﺩ ﺍﺳﻤﻊ ﺍﻏﺎﻧﻲ ﻋﺸﺎﻥ ﺍﻃﻮﻱ ﻫﺎﻟﻠﻴﻠﻪ ﺍﻟﺜﻘﻴﻠﻪ ، ﻋﻨﺪﻱ ﺍﺳﺘﻌﺪﺍﺩ ﺍﺑﻮﺳﻚ ، ﻣﻮﺍﻓﻘﻪ ؟
ﻋﺰﻭﻑ : ﻭﺍﺿﺤﻪ ﻧﻴّﺘﻚ ، ﺧﻼﺹ ﻻﺗﺠﻲ
ﺳﻠﻤﺎﻥ : ﻭﺍﻟﻠﻪ ؟
ﻋﺰﻭﻑ : ﻻ
*🌻ــــــــــ #يتبــع👇ـــــــــــ🌻*
💛 @ahgeel✏️💛🌼
🍃💛
💛🍃💛i
🍃💛🍃💛i
💛🍃💛🍃💛i
💛🍃💛🍃💛
🍃💛🍃💛
💛🍃💛
🍃💛
💛📖 @ahgeel 📖💛*
📖 روايـــــــــــــة ✍🏼
{ في حكيها لذه وفي صمتها موت فيها الجمال وصادق الحب فيني💙}
*🌻ــــــــــــــــــــــــــــــــــــــــــ🌻*
..ـ
#البارت_152✏️🌸
ـ ...
ــ.
ﺳﻠﻤﺎﻥ : ﺍﻓﺘﺤﻲ ﺍﻟﺒﺎﺏ
ﻗﺎﻣﺖ ﻭﻭﻗﻔﺖ ﻋﻨﺪ ﺍﻟﺒﺎﺏ ﻭﺍﺧﺬﺕ ﻧﻔﺲ ﺗﻬﺪﻱ ﺭﺑﻜﺘﻬﺎ ، ﺭﻏﻢ ﺍﻥ ﺍﻟﺨﺠﻞ ﻭﺍﺿﺢ ﺑﺈﺣﻤﺮﺍﺭ ﻭﺟﻬﻬﺎ ﻭﻟﻤﻌﺔ ﻋﻴﻮﻧﻬﺎ ، ﻓﺘﺤﺖ ﻟﻪ
ﻭﺩﺧﻞ ﻭﺳﻨﺪ ﻋﺼﺎﻩ ﻋﻠﻰ ﺍﻷﺭﺽ ﻭﻧﺎﻇﺮ ﻓﻴﻬﺎ ﺍﺭﺗﺒﻜﺖ ﺍﻛﺜﺮ : ﺟﻴﺖ ﺑﺴﺮﻋﻪ ﻟﻴﺶ ؟
ﺳﻠﻤﺎﻥ : ﻣﺎﺭﺣﺖ ، ﻣﺴﻨﺘﺮ ﻗﺪﺍﻡ ﺑﺎﺑﻚ ﺑﺎﻷﺭﺑﻊ ﻭﻋﺸﺮﻳﻦ ، ﺍﺧﺎﻑ ﻣﻦ ﻓﺎﻳﺰ ﻳﺎﺧﺬﻙ
ﻋﺰﻭﻑ : ﺗﺮﺍ ﻓﺎﻳﺰ ﺍﺑﻮﻱ !
ﺳﻠﻤﺎﻥ : ﻟﻜﻨّﻪ ﻋﺪﻭﻱ ، ﻣﻊ ﺍﻧﻲ ﻣﺎﺿﺮﻳﺘﻪ ﻟﻜﻦ ﺍﻱ ﺷﺨﺺ ﻣﺎﻳﺒﻴﻚ ﻣﻌﻲ ﺍﻋﺘﺒﺮﻩ ﻋﺪﻭ
ﻋﺰﻭﻑ ﺗﻨﻬﺪﺕ : ﻛﻨﺖ ﺧﺎﻳﻔﻪ ﻣﻦ ﺍﺑﻮﻙ ، ﺍﻟﺤﻴﻦ ﻃﻠﻊ ﻟﻨﺎ ﺍﺑﻮﻱ ، ﺍﺧﺎﻑ ﺻﺪﻕ ﻳﻔﺮﻗﻮﻧﺎ ﻭﺗـ،
ﻛﻤﻠﺖ ﺑﻐﺼﻪ : ﺗﺘﺰﻭﺝ ﻏﻴﺮﻱ
ﺳﻠﻤﺎﻥ : ﺩﺍﻳﻤﺎً ﺧﻠﻲ ﻋﻨﺪﻙ ﻋﻠﻢ ، ﻟﻮ ﺇﻥ ﺍﻷﺭﺽ ﺗﻨﺒﺖ ﻟﻲ ﺑﺪﺍﻝ
ﺍﻟﺰﻫﺮ ﺍﺣﺒﺎﺏ ﻭﻟﻮ ﺭﺍﻫﻨﻮﻧﻲ ﻋﻠﻴﻚ ، ﻣﺎﺑﺪﻟﺘﻚ
ﻋﺰﻭﻑ : ﻭﺍﻧﺖ ﺑﻌﺪ ﺍﻋﺮﻑ ﺍﻟﻠﻲ ﻓﻴﻨﻲ ﻭﺑﺼﺮﻳﺢ ﺍﻟﻠﻔﻆ ﻫﺬﺍ ﺍﻟﻜﻮﻥ ﺑﺄﻛﻤﻠﻪ ﻓﻲ ﻛﻔّﻪ ﻭﺍﻧﺖ ﻟﺤﺎﻟﻚ ﻓﻲ ﻛﻔﻪ .
ﺳﻠﻤﺎﻥ : ﻣﺎﺑﻴﻚ ﺗﺨﻠﻴﻦ ﺍﺣﺪ ﺑﻜﻔﻮﻓﻚ ﺍﺑﻴﻚ ﺗﺴﻜﺮﻳﻦ ﻛﻔﻮﻓﻚ ﻋﻠﻲ ﻭﺗﺤﻀﻨﻴﻨﻲ
ﻣﺎﺗﻜﻔﻲ ﻭﺻﻒ ﻣﺸﺎﻋﺮﻫﺎ 28 ﺣﺮﻑ ﻣﺎﺗﺮﺩﺩﺕ ﺍﺑﺪ ﺍﻧﻬﺎ ﺗﺤﻀﻨﻪ ﻭﺗﻨﺴﻰ ﻣﻌﺎﻩ ﺧﻮﻓﻬﺎ .. ﻣﺮﺕ ﺳﺘﻴﻦ ﺛﺎﻧﻴﻪ ﺑﺼﻤﺖ ﻋﻤﻴﻖ ﻭﻟﺬﻩ
ﻣﺎﺣﺲ ﻓﻴﻬﺎ ﺑﺤﻴﺎﺗﻪ ﺍﺑﻌﺪ ﻋﻨﻬﺎ ﺷﻮﻱ ﻭﻛﺎﻥ ﺷﻌﺮﻫﺎ ﻣﻐﻄﻲ ﻣﻼﻣﺤﻬﺎ ، ﺭﺟﻌﻪ ﺑﻴﺪﻩ ﺧﻠﻒ ﺍﺫﻧﻬﺎ ، ﻋﺰﻭﻑ ﺭﺟﻊ ﻟﻬﺎ ﺍﻟﺨﻮﻑ
ﻭﺑﺸﻜﻞ ﺍﻛﺒﺮ ﻟﻤﺎ ﺗﺬﻛﺮﺕ ﺷﺨﺺ ﺛﺎﻟﺚ ﻳﺘﻤﻨﻰ ﻓﺮﺍﻗﻬﻢ " ﻫﻨﺪ "
ﻗﺎﻟﺖ ﺑﻬﺪﻭﺀ : ﺳﻠﻤﺎﻥ ﻗﺪ ﺻﺎﺭ ﺑﻴﻨﻚ ﻭﺑﻴﻦ ﻫﻨﺪ ﺷﻲ ﻳﺴﺘﺪﻋﻲ ﺍﻟﺤﺐ
ﺳﻠﻤﺎﻥ : ﻻ ، ﻛﻨﺖ ﺍﺳﺎﻋﺪﻫﺎ ﻭﺍﺟﻴﺐ ﻟﻬﺎ ﺑﻌﺾ ﺍﻷﺷﻴﺎﺀ ﺍﻟﻠﻲ ﺗﺤﺘﺎﺟﻬﻢ ﻣﻦ ﺑﺎﺏ ﺍﻧﻬﺎ ﺗﻜﺴﺮ ﺧﺎﻃﺮﻱ ، ﻟﻜﻦ ﻛﻮﻥ ﻋﻨﺪﻫﺎ ﻧﻘﺺ
ﻋﺎﻃﻔﻲ ﺣﺒﺘﻨﻲ ﻭﺍﻧﺎ ﻣﺎﺍﻟﻮﻣﻬﺎ .
ﻋﺰﻭﻑ : ﻭﺗﺘﻜﻠﻢ ﺑﻜﻞ ﺑﺮﻭﺩ ؟
ﺳﻠﻤﺎﻥ ﺍﺑﻌﺪ ﻋﻨﻬﺎ ﺧﻄﻮﺗﻴﻦ ﻭﺭﻓﻊ ﺍﻳﺪﻳﻨﻪ ﻭﻗﻌﺪ ﻳﺘﻜﻠﻢ ﺑﺸﺮﺡ ﻭﺣﻤﺎﺱ : ﻫﻨﺪ ﻛﻨﺖ ﺍﻋﺘﺒﺮﻫﺎ ﻭﺣﺪﻩ ﻣﻦ ﺧﻮﺍﺗﻲ ﻭﻣﺎﻗﺼﺮﺕ
ﻋﻠﻴﻬﺎ ﺑﺸﻲ ﻟﻜﻦ ﻛﻮﻧﻬﺎ ﻣﺎﺍﺧﺬﺕ ﺍﻟﺤﺐ ﻣﻦ ﺍﺣﺪ ﻭﻗﺴﻰ ﻋﻠﻴﻬﺎ ﺍﻟﻤُﺠﺘﻤﻊ ﻻﺷﻌﻮﺭﻳﺎً ﻣﻨﻬﺎ ﺣﺒﺘﻨﻲ ﻭﺍﻧﺎ ﻋﺎﺫﺭﻫﺎ ﻭﺍﺳﺄﻝ ﺍﻟﻠﻪ ﺍﻥ
ﻳﻌﻮﺿﻬﺎ ﺑﺸﺨﺺ ﺍﻓﻀﻞ ﻣﻨﻲ
ﻋﺰﻭﻑ ﺿﺤﻜﺖ ﻋﻠﻰ ﺣﺮﻛﺎﺗﻪ ﻭﺭﺟﻌﺖ ﻛﺸﺮﺕ : ﻭﻳﻜﻔﻴﻨﻲ ﺷﺮ ﻏﻴﺮﺗﻬﺎ ﺑﻌﺪ
ﺳﻠﻤﺎﻥ : ﻣﺎﻋﻠﻴﻨﺎ، ﻣﻤﻜﻦ ﺍﺑﻮﺳﻚ ﻟﻮ ﻣﺎﻋﻠﻴﻚ ﺍﺣﺮﺍﺝ؟
ﺳـﺎﺭﻩ :
ﻛﺎﻧﺖ ﺟﺎﻟﺴﻪ ﺑﻴﻦ ﺍﻣﻞ ﻭﻫﻨﺪ ﻭﻣﺴﻨﺪﻩ ﺭﺍﺳﻬﺎ ﻭﺗﻔﻜﺮ ﺑﺤﻴﺎﺗﻬﺎ ، ﻣﻌﻠﻘّﻪ ﺑﻴﻦ ﺍﻟﺴﻤﺎﺀ ﻭﺍﻷﺭﺽ ﻻﻫﻲ ﺍﻟﻠﻲ ﺑﺒﻴﺖ ﺯﻭﺟﻬﺎ ﻭﻻ ﺍﻟﻠﻲ
ﺑﻴﺖ ﺍﻫﻠﻬﺎ، ﺗﻔﻜﺮ ﺗﻌﻴﺶ ﻋﻨﺪ ﺍﺑﻮﻫﺎ ﻟﻮ ﺷﻬﺮ ﻭﺗﻨﺘﻘﻢ ﻣﻨﻪ ﺭﻏﻢ ﺍﻥ ﺗﺮﻛﻲ ﺭﺍﻓﺾ ﻭﺑﺸﺪﻩ ﻟﻜﻦ ﻣﺎﻫﻤﻬﺎ ﻛﺜﺮ ﻣﺎﻫﻤﻬﺎ ﺗﺴﺘﺮﺟﻊ
ﺷﻮﻱ ﻣﻦ ﺣﻘﻬﺎ .
ﺍﻣﻞ ؛ ﻭﺻﻠﻬﺎ ﺧﺒﺮ ﺍﻥ ﺍﻧﺴﺎﻡ ﺗﻄﻠﻘﺖ ﻣﻦ ﺯﻭﺟﻬﺎ ﺍﻟﺜﺎﻧﻲ ، ﺿﺎﻗﺖ ﻋﻠﻰ ﺿﻴﻘﺘﻬﺎ ﺍﺿﻌﺎﻑ ، ﻭﺧﺎﻳﻔﻪ ﻛﺒﺮ ﺍﻟﺪﻧﻴﺎ ﺍﻥ ﻓﺎﺭﺱ
ﻳﺮﺟﻌﻬﺎ .
ﻃﻖّ ﺍﻟﺒﺎﺏ ﻭﻓﺰّﺕ ﺍﻣﻞ ﺑﺪﻭﻥ ﺷﻌﻮﺭ ﻛﺎﻧﺖ ﻣﺘﺄﻛﺪﻩ ﺍﻧﻪ ﻓﺎﺭﺱ ، ﻓﺘﺤﺖ ﺍﻟﺒﺎﺏ ﺑﻠﻬﻔﻪ ﻭﺍﺑﺘﺴﺎﻣﻪ ، ﻟﻜﻦ ﺗﻼﺷﺖ ﻟﻤﺎ ﺷﺎﻓﺖ
ﺷﺨﺺ ﻛﺒﻴﺮ ﺑﺎﻟﻌﻤﺮ ، ﻭﺍﻟﺸﻴﺐ ﻛﺎﺳﻲ ﻣﻼﻣﺤﻪ .
ﺭﺟﻌﺖ ﺧﻄﻮﺗﻴﻦ ﻭﻗﺎﻟﺖ ﺑﺨﻮﻑ : ﻣﻦ ﺍﻧﺖ ؟
ﺍﻟﺸﺎﻳﺐ : ﺍﺑﻮ ﺳﺎﺭﻩ ، ﻭﻳﻦ ﺑﻨﺎﺗﻲ ؟
ﺍﻣﻞ ﺩﺧﻠﺖ ﻟﻬﻢ ﺑﺴﺮﻋﻪ : ﺍﻟﺤﻘﻮﺍ ﻳﺎﺑﻨﺎﺕ ، ﺍﺑﻮﻛﻢ ﻣﻮﺟﻮﺩ
ﻭﻗﻔﺖ ﺳﺎﺭﻩ ﻣﺼﺪﻭﻣﻪ ﻭﻃﻠﻌﺖ ، ﻭﻃﻠﻌﺖ ﻭﺭﺍﻫﺎ ﻫﻨﺪ ، ﺗﻘﺪﻣﺖ ﻟﻪ ﺳﺎﺭﻩ ﺑﺈﻧﺪﻓﺎﻉ ﻭﻭﻗﻔﺖ ﻗﺒﺎﻟﻪ ﺑﺸﻤﻮﺥ ﻛﺎﺫﺏ ﺗﺨﻔﻲ ﻭﺭﺍﻩ
ﺍﻧﻜﺴﺎﺭ ﻋﻈﻴﻢ ﺑﺴﺒﺐ ﺍﻟﺸﺨﺺ ﺍﻟﻠﻲ ﻗﺪﺍﻣﻬﺎ ، ﻗﺎﻟﺖ ﺑﺤﺰﻡ : ﻧﻌﻢ ﺍﺑﻮ ﺳﻌﻮﺩ ﻭﺳﺪﻳﻢ ﻭﺟﻮﺭﻱ ﻭﺵ ﺗﺒﻲ ؟
ﺍﺑﻮﻫﺎ ﺑﺤﺰﻥ : ﻭﺍﺑﻮ ﺳﺎﺭﻩ ﻭﺍﺑﻮ ﻫﻨﺪ
ﺳﺎﺭﻩ ﺑﻐﺼﻪ : ﻻﻻﻻ ﺳﺎﺭﻩ ﻭﻫﻨﺪ ﺗﺒﺮﻳﺖ ﻣﻨﻬﻢ ﻣﻦ ﺯﻣﺎﻥ ، ﻟﻠﺤﻴﻦ ﻣﺎﻧﺴﻴﺖ ﻳﻮﻡ ﻛﺎﻥ ﻋﻤﺮﻱ ﺍﺭﺑﻊ ﺳﻨﻴﻦ ﻛﻴﻒ ﻧﻤﺖ ﻭﺍﻧﺎ ﺍﺻﻴﺢ
ﻭﺍﻧﺎﺩﻳﻚ ﻭﺍﺣﺘﺮﻱ ﺭﺟﻌﺘﻚ ﻭﻻ ﺭﺟﻌﺖ ، ﻳﺎﺣﺴﺎﻓﻪ ﻛﻴﻒ ﻫﺎﻥ ﻋﻠﻴﻚ ﺗﻜﺴﺮ ﺍﻛﺒﺮ ﺑﻨﺎﺗﻚ ﻭﺍﻭﻝ ﻓﺮﺣﻪ ﻟﻘﻠﺒﻚ ، ﻳﺎﺣﺴﺎﻓﻪ ﻛﺎﻧﻮﺍ
ﻳﻨﺎﺩﻭﻧﻚ ﺍﺑﻮ ﺳـﺎﺭﻩ ، ﻣﺎﻳﺪﺭﻭﻥ ﺳﺎﺭﻩ ﻭﺵ ﺻﺎﺭ ﻟﻬﺎ ﺑﺴﺒﺒﻚ
ﻫﻨﺪ ﻛﺎﻧﺖ ﺗﺴﻤﻊ ﻭﺗﺒﻜﻲ ، ﻧﻔﺴﻬﺎ ﺗﺮﺗﻤﻲ ﺑﺄﺣﻀﺎﻧﻪ ﺧـﻼﺹ ﻭﺻﻠﺖ ﻟﻤﺮﺣﻠﻪ ﺗﺤﺲ ﻧﻔﺴﻬﺎ ﺭﺍﺡ ﺗﻤﻮﺕ ﻣﻦ ﻛﺜﺮ ﺍﻟﻨﻘﺺ ﺍﻟﻠﻲ
ﺩﺍﺧﻠﻬﺎ ﻭﺣﺎﺟﺘﻬﺎ ﻟﺴﻨﺪ ﻭﺫﺭﺍﻉ ﻳﺼﺒﺮﻫﺎ ﻋﻠﻰ ﺍﻫﻮﺍﻝ ﺍﻟﺤﻴﺎﻩ .
ﺳﺎﺭﻩ ﻛﻤﻠﺖ ﺑﺼﻮﺕ ﺭﺍﺟﻒ : ﺍﻣﻲ ﻣﺎﺗﺖ ﻭﻗﻠﺒﻬﺎ ﻳﺤﺘﺮﻕ ﺷﻮﻕ ﻋﻠﻰ ﺳﻌﻮﺩ ، ﻛﺎﻧﺖ ﺗﺼﻴﺢ ﻟﻴﻠﻬﺎ ﻭﻧﻬﺎﺭﻫﺎ ﺗﺒﻜﻴﻪ ﺗﺒﻲ ﺭﺟﻌﺘﻪ ،
ﻭﻣﺎﺗﺖ ﻣﻦ ﺻﺪﻣﺘﻬﺎ ﻟﻤﺎ ﻋﺮﻓﺖ ﺍﻧﻪ ﺍﻋﺘﺪﻯ ﻋﻠﻰ ﺍﺧﺘﻪ ، ﻣﺎﺗﺖ ﺑﻨﺎﺭﻫﺎ
ﺍﺷﺮﺕ ﻋﻠﻰ ﻫﻨﺪ ﻭﻗﺎﻟﺖ ﺑﻘﻮﻩ : ﻫﻨﺪ ﻳﺎﻣﺎ ﻧﺎﻣﺖ ﻭﺩﻣﻮﻋﻬﺎ ﻋﻠﻰ ﺧﺪﻫﺎ ، ﻳﺎﻣﺎ ﺗﻤﻨﺖ ﺗﺸﻮﻓﻚ ﻟﻮ ﺑﺎﻟﺤﻠﻢ ، ﻣﺴﻜﻴﻨﻪ ﻫﻨﺪ ﻣﺎﻛﺎﻧﺖ
ﺗﺪﺭﻱ ﺍﻧﻬﺎ ﺗﺸﻮﻓﻚ ﻛﻞ ﻳﻮﻡ ﻟﻜﻦ ﺑﺼﻔﺘﻚ ﺳﻴﺪﻫﺎ ﻭﻫﻲ ﺧﺎﺩﻣﺘﻚ ، ﻣﺎﺷﺎﻓﺘﻚ ﺍﺑﻮﻫﺎ .
ﺍﺑﻮﻫﺎ ﺟﻠﺲ ﻋﻠﻰ ﺭﻛﺒﻪ ﻭﻓﺘﺢ ﺍﺯﺍﺭﻳﺮ ﺛﻮﺑﻪ ﻭﻗﺎﻝ ﺑﺼﻮﺕ ﺧﺎﻓﺖ ﻣﻦ ﺍﻟﺘﻌﺐ : ﺩﺍﺧﻞ ﻋﻠﻰ ﺍﻟﻠﻪ ﺛﻢ ﻋﻠﻴﻚ ﻳﺎﺳﺎﺭﻩ ﻻﺗﻌﺎﺗﺒﻴﻨﻲ
ﺍﻛﺜﺮ ، ﻳﻤﻴﻦ ﺑﺎﻟﻠﻪ ﺍﻥ ﻓﻴﻨﻲ ﻣﻦ ﻟﻮﻡ ﺍﻟﻨﻔﺲ ﻣﺎﻳﻜﻔﻴﻨﻲ ﻭﻳﺬﺑﺤﻨﻲ ،ﺭﻗﺒﺘﻲ ﻓﺪﺍﻙ ﺗﺒﻴﻦ ﺗﺬﺑﺤﻴﻨﻲ ﺍﺫﺑﺤﻴﻨﻲ ﻣﻴﺮ ﻻﺗﻌﺎﺗﺒﻴﻨﻲ
ﻭﺗﻤﻮﺗﻴﻨﻲ ﺑﻜﻼﻣﻚ !
ﺳﺎﺭﻩ ﻏﻤﻀﺖ ﻋﻴﻮﻧﻬﺎ ﻭﺧﺎﻧﺘﻬﺎ ﺩﻣﻌﻪ ﻣﺴﺤﺘﻬﺎ ﺑﺴﺮﻋﻪ ﻭﻗﺎﻟﺖ ﺑﺤﺪﻩ : ﺗﺒﻴﻨﻲ ﺍﺳﺎﻣﺤﻚ !
ﺍﺑﻮﻫﺎ : ﻭﺍﻟﻠﻪ ﻣﺎﺍﺑﻲ ﺍﻻ ﻫﺎﻟﺸﻲﺀ
ﺳﺎﺭﻩ : ﺍﺳﺎﻣﺤﻚ ﻟﻜﻦ ﺑﺸﺮﻁ ، ﺗﻜﺘﺐ ﺑﻴﺘﻚ ﻭﻛﻞ ﺣﻼﻟﻚ ﺑﺄﺳﻤﻲ ﺍﻧﺎ ﻭﻫﻨﺪ ، ﻭﻋﻴﺎﻟﻚ ﻣﺎﻟﻬﻢ ﻋﻨﺪﻧﺎ ﺍﻱ ﺷﻲ ، ﺍﺧﺬﻭﺍ ﺍﻟﻠﻲ
ﻳﻜﻔﻴﻬﻢ ﻃﻮﻝ ﺍﻟﺴﻨﻴﻦ ﺍﻟﻔﺎﻳﺘﻪ ، ﺍﻟﺤﻴﻦ ﺟﺎﺀ ﺩﻭﺭﻧﺎ ﻧﺴﺘﻤﺘﻊ ﺑﺤﻼﻟﻚ !
ﺍﺑﻮﻫﺎ : ﺗﻢ ، ﻟﻜﻢ ﻣﺎﺗﺒﻮﻥ ﻭﻟﻮ ﺗﺒﻮﻥ ﻋﻴﻮﻧﻲ ﻭﺍﻟﻠﻪ ﻷﻗﺪﻣﻬﺎ ﻟﻜﻢ
ﺳﺎﺭﻩ ﺑﺤﺮﻗﻪ : ﻧﺒﻲ ﻓﻠﻮﺳﻚ ، ﻣﺎﻧﺒﻲ ﻋﻴﻮﻧﻚ ، ﻣﺎﻧﺒﻲ ﺗﺄﻧﻴﺐ ﺿﻤﻴﺮﻙ ، ﻣﺎﻧﺒﻲ ﺍﻋﺘﺬﺍﺭﺍﺗﻚ ، ﻓــﺎﺕ ﺍﻟﻔــﻮﻭﺕ !
*🌻ــــــــــ #يتبــع👇ـــــــــــ🌻*
💛 @ahgeel✏️💛🌼
🍃💛
💛🍃💛i
🍃💛🍃💛i
💛🍃💛🍃💛i
💛🍃💛🍃💛
🍃💛🍃💛
💛🍃💛
🍃💛
💛📖 @ahgeel 📖💛*
📖 روايـــــــــــــة ✍🏼
{ في حكيها لذه وفي صمتها موت فيها الجمال وصادق الحب فيني💙}
*🌻ــــــــــــــــــــــــــــــــــــــــــ🌻*
..ـ
#البارت_153✏️🌸
ـ ...
ــ.ﺳﺎﺭﻩ : ﻧﺒﻲ ﻓﻠﻮﺳﻚ ﻣﺎﻧﺒﻲ ﻋﻴﻮﻧﻚ ﻣﺎﻧﺒﻲ ﺗﺄﻧﻴﺐ ﺿﻤﻴﺮﻙ ﻣﺎﻧﺒﻲ ﺍﻋﺘﺬﺍﺭﺍﺗﻚ ، ﻓﺎﺕ ﺍﻟﻔﻮﺕ ﻳﺎﺑﻮ ﺳﻌﻮﺩ ﻭﺳﺪﻳﻢ ﻭﺟـﻮﺭﻱ
ﺍﺑﻮﻫﺎ ﺑﺤﺰﻥ ﻋﻤﻴﻖ ﻫﻤﺲ : ﻭﺳﺎﺭﻩ ، ﻭﻫﻨﺪ
ﺳﺎﺭﻩ ﺑﺄﺑﺘﺴﺎﻣﻪ ﻣﻘﻬﻮﺭﻩ ﺣﺰﻳﻨﻪ : ﻻ ﻻ ﺳﺎﺭﻩ ﻭﻫﻨﺪ ﺍﻧﺖ ﺗﺒﺮﻳﺖ ﻣﻨﻬﻢ ﻗﺒﻞ ﻭﺍﺣﺪ ﻭﻋﺸﺮﻳﻦ ﺳﻨﻪ ، ﺗﺼﺒﺢ ﻋﻠﻰ ﺧﻴﺮ
ﺩﺧﻠﺖ ﻭﻫﻨﺪ ﻛﺎﻧﺖ ﺗﻨﺎﻇﺮ ﻟﻪ ﺑﺮﺣﻤﻪ ﻭﺷﻔﻘﻪ ﻣﺎﺣﺴﺖ ﺍﻻ ﺑﺴـﺎﺭﻩ ﺗﺴﺤﺒﻬﺎ ﻭﺩﺧﻠﻮﺍ ﻭﺗﺮﻛﻮﻩ ﻳﺼﺎﺭﻉ ﻗﺴﻮﺓ ﺍﻟﻨﺪﻡ ﻭﺣﺰﻥ
ﺍﻟﻘﻠﺐ .
ﻫﻨﺪ : ﺳﺎﺭﻩ ﺍﺳﺘﺤﻲ ﻋﻠﻰ ﻭﺟﻬﻚ ، ﻭﺵ ﺑﺘﺴﻮﻳﻠﻚ ﺍﻟﻔﻠﻮﺱ ؟
ﺳﺎﺭﻩ : ﻣﺎﺭﺍﺡ ﺍﺧﺬ ﻓﻠﻮﺳﻪ ، ﺑﺲ ﺍﺑﻴﻪ ﻳﺨﺴﺮ
ﻫﻨﺪ : ﻻﺗﺘﻬﻮﺭﻳﻦ ﺗﻜﻔﻴﻦ ﻭﺍﻟﻠﻪ ﻗﻄﻊ ﻗﻠﺒﻲ ﺧﻼﺹ
ﺳﺎﺭﻩ : ﻟﻤﺘﻰ ﺑﻨﺴﻜﺖ ؟ﺑﺘﺸﻮﻓﻴﻦ ﻭﺵ ﺑﺴﻮﻱ .
➖
ﺍﻧﺴﺎﻡ ﻷﻭﻝ ﻣﺮﻩ ﻣﻦ ﻓﺘﺮﻩ ﻃﻮﻳﻠﻪ ﺟﺪﺍً ﺗﺸﺘﻬﻲ ﺍﻧﻬﺎ ﺗﻄﻠﻊ ﻭﺗﻐﻴﺮ ﺟﻮ ﻭﺗﺴﺘﺎﻧﺲ ، ﻣﻠﺖ ﻣﻦ ﻛﺜﺮ ﺟﻠﺴﺘﻬﺎ ﺑﺎﻟﺒﻴﺖ ﻭﺍﻟﻜﺌﺎﺑﻪ ﺍﻟﻠﻲ
ﻋﺎﻳﺸﻪ ﻓﻴﻬﺎ ، ﻭﺣﺴﺖ ﺑﺎﻟﺬﻧﺐ ﻹﻧﻬﺎ ﺣﺎﺷﺮﻩ ﻣﻌﺎﻫﺎ ﻧﺎﺻﺮ ﻣﻮ ﺑﺲ ﺣﺎﺷﺮﻩ ﻧﻔﺴﻬﺎ .
ﻭﻗﻔﺖ ﻗﺪﺍﻡ ﻧﺎﺻﺮ ﻭﺳﺤﺒﺖ ﻣﻨﻪ ﺍﻵﻳﺒﺎﺩ ﻭﺍﺑﺘﺴﻤﺖ ﻟﺸﻜﻠﻪ : ﻣﺎﺗﻤﻞ ﻣﻨﻪ ؟
ﻧﺎﺻﺮ : ﻻ
ﺍﻧﺴﺎﻡ : ﻃﻴﺐ ﺷﺮﺍﻳﻚ ﻧﻄﻠﻊ ؟ ﻭﻧﺤﺘﻔﻞ ﺑﺎﻟﻴﻮﻡ ﺍﻟﻮﻃﻨﻲ
ﻧﺎﺻﺮ ﺍﺳﺘﺎﻧﺲ : ﻳﺎﻟﻠﻪ
ﺍﻧﺴﺎﻡ : ﺑﺲ ﻣﻦ ﻳﻮﺩﻳﻨﺎ ، ﻻﺣﻮﻝ ﻭﻻﻗﻮﺓ ﺍﻻ ﺑﺎﻟﻠﻪ ﻳﺎﻣﺼﻌﺐ ﺣﻴﺎﺓ ﺍﻷﻳﺘﺎﻡ
ﻧﺎﺻﺮ : ﻓﺎﺭﺱ
ﺍﻧﺴﺎﻡ ﺑﺮﺑﻜﻪ : ﺍﻱ ﺑﺸﻮﻓﻪ ﺑـ، ﺑﺲ ﺍﺧﺎﻑ ﻳﻨﺸﺐ ﻟﻨﺎ
ﻧﺎﺻﺮ : ﺍﻧﺘﻲ ﻟﻴﺶ ﻣﺎﺗﺤﺒﻴﻦ ﻓﺎﺭﺱ ﻣﺜﻠﻲ ﺍﻧﺎ ﺍﺣﺒﻪ
ﺍﻧﺴﺎﻡ ﺑﻀﻴﻖ : ﺍﺣﺒﻪ ﻟﻜﻨﻪ ﻇﻠﻤﻨﻲ ﻳﺎﻧﺎﺻﺮ
ﻧﺎﺻﺮ : ﺳﺎﻣﺤﻴﻪ ﻹﻥ ﺍﻷﺳﺘﺎﺫ ﻗﺎﻝ ﺍﺫﺍ ﺧﺎﺻﻤﺖ ﺍﺣﺪ ﻳﺰﻋﻞ ﻋﻠﻴﻚ ﺍﻟﻠﻪ ﻭﻻ ﻳﻘﺒﻞ ﺍﻋﻤﺎﻟﻚ
ﺍﻧﺴﺎﻡ ﺍﺑﺘﺴﻤﺖ ﺑﺄﻟﻢ : ﻃﻴﺐ
ﺍﺭﺳﻠﺖ ﺭﺳﺎﻟﻪ ﻟﺮﻗﻢ ﻓﺎﺭﺱ ﻭﻗﺎﻣﺖ ﺗﺘﺠﻬﺰ ﻭﻫﻲ ﻣﺘﺄﻛﺪﻩ ﺍﻧﻪ ﺑﻴﺠﻲ ، ﻣﺮﺕ ﺭﺑﻊ ﺳﺎﻋﻪ ﻭﺻﺎﺭﻭﺍ ﺟﺎﻫﺰﻳﻦ ﻭﻭﺻﻠﺘﻬﺎ ﺭﺳﺎﻟﺘﻪ "
ﺍﻃﻠﻌﻮﺍ ﺍﻧﺎ ﺑﺮﺍ "
ﻃﻠﻌﻮﺍ ﻭﻣﺎﻓﺎﺕ ﺍﻧﺴﺎﻡ ﻓﺮﺣﺔ ﻓﺎﺭﺱ ﺑﻄﻠﻌﺘﻬﺎ ﻣﻦ ﺍﻟﺒﻴﺖ ، ﻭﻫﺬﻱ ﺑﺪﺍﻳﺔ ﺧﻴﺮ .
ﻓﺘﺤﺖ ﺍﻟﺒﺎﺏ ﺍﻟﺨﻠﻔﻲ ﻭﻻ ﻓﺘﺢ ﻣﻌﺎﻫﺎ ﻭﻃﻘﺖ ﻋﻠﻴﻪ : ﺍﻓﺘﺢ
ﻓﺎﺭﺱ : ﻣﻊ ﺍﻷﺳﻒ ﺳﻴّﺎﺭﺗﻲ ﻣﺎﺗﻔﺘﺢ ﻣﻦ ﻭﺭﺍ ، ﺍﺭﻛﺒﻲ ﻗﺪﺍﻡ
ﺍﻧﺴﺎﻡ : ﻛﻴﻒ ﻣﺎﺗﻔﺘﺢ ﻭﺍﻧﺖ ﺷﺎﺭﻳﻬﺎ ﺟﺪﻳﺪﻩ ﺑﻌﺪ ﻣﺎﺣﺘﺮﻗﺖ ﺳﻴﺎﺭﺗﻚ ﺍﻷﻭﻟﻰ
ﻓﺎﺭﺱ : ﻗﺪﺭﺓ ﺭﺑﻚ ، ﺗﻘﺪﺭﻳﻦ ﺗﺮﻛﺒﻴﻦ ﻗﺪﺍﻡ
ﻧﺎﺻﺮ : ﻳﺎﻟﻠﻪ ﺍﻧﺴﺎﻡ ﺗﺄﺧﺮﻧﺎ
ﺍﻧﺴﺎﻡ ﺭﻛﺒﺖ ﺟﻨﺐ ﻧﺎﺻﺮ ﻭﻛﺎﻥ ﺑﻴﻨﻬﺎ ﻭﺑﻴﻦ ﻓﺎﺭﺱ ، ﻓﺎﺭﺱ ﻣﺪ ﻳﺪﻳﻨﻪ ﺑﻴﺎﺧﺬ ﺭﻭﺯ ﻭﺣﻀﻨﺘﻬﺎ ﺍﻧﺴﺎﻡ ﻭﺍﺑﻌﺪﺕ ﻋﻨﻪ ، ﺗﺠﺎﻫﻞ
ﺣﺮﻛﺘﻬﺎ ﻭﻗﺎﻝ ﺑﺒﺮﻭﺩ : ﻭﻳﻦ ﺗﺒﻮﻥ ﺍﻭﺩﻳﻜﻢ ؟
ﺍﻧﺴﺎﻡ : ﻷﻱ ﻣﻜﺎﻥ ﻓﻴﻪ ﺍﺣﺘﻔﺎﻝ
ﻓﺎﺭﺱ : ﺍﺣﺘﻔﺎﻝ ﺑﺈﻳﺶ ؟
ﺍﻧﺴﺎﻡ : ﺑﺎﻟﻴﻮﻡ ﺍﻟﻮﻃﻨﻲ ﻭﻻ ﻣﺎﺗﺪﺭﻱ ﻭﺵ ﺍﻟﺴﺎﻟﻔﻪ ﺑﻌﺪ ؟ ﻣﺎﻋﻨﺪﻙ ﻭﻻﺀ ﻟﻠﻮﻃﻦ ؟
ﻓﺎﺭﺱ ﻭﻗﻒ ﻋﻨﺪ ﺍﺷﺎﺭﻩ ﻣﺒﺘﺴﻢ ﻋﻠﻰ ﻛﻼﻣﻬﺎ ﻭﺍﻟﺘﻔﺖ ﻟﻬﺎ ، ﺳﺮﺡ ﺑﻌﻴﻮﻧﻬﺎ ﻭﻗﺎﻝ ﺑﻬﺪﻭﺀ : ﺃﻧﺎ ﻭﻻﺋﻲ ﻟﻌﻴﻮﻧﻚ ﺇﻧﺘﻲ ﻣُﻮ ﻟﻠﻮﻃﻦ !
ﺭﺟﻒ ﻗﻠﺒﻬﺎ ﻭﺻﺪﺕ ﺑﺴﺮﻋﻪ ﻭﻗﺎﻟﺖ ﺗﺨﻔﻲ ﺭﺑﻜﺘﻬﺎ : ﺑﺒﻠﻎ ﻋﻠﻴﻚ ﺍﺟﻞ ، ﺍﻟﻠﻲ ﻣﺎﻳﺤﺐ ﻭﻃﻨﺎ ﻣﺎﻟﻪ ﻣﻜﺎﻥ ﺑﻴﻨﻨﺎ !
ﻓﺎﺭﺱ : ﻣﺎﺵ ﻣﻮ ﻛﻔﻮ ﻏﺰﻝ ﺍﻧﺘﻲ ، ﻋﻤﻮﻣﺎً ﺣﺐ ﺍﻟﻮﻃﻦ ﺑﺎﻟﻘﻠﺐ ﻳﻌﻠﻮ ﻭﻻﻳُﻌﻠﻰ ﻋﻠﻴﻪ ..
ﻓﻲ ﺑﻴﺖ ﺍﺑﻮ ﻓﺎﺭﺱ ؛
ﻭﻓﺎﺀ : ﺍﻫﻨﻴﻚ ﺳﻠﻤﺎﻥ ﻋﻠﻰ ﺯﻭﺍﺟﻚ ﺑﺤﺮﻛﻪ ﺫﻛﻴﻪ ، ﺑﺪﻭﻥ ﺧﻄﺒﺔ ﺍﻫﻞ ﻭﻭﺟﻊ ﺭﺍﺱ
ﺍﺑﻮ ﻓﺎﺭﺱ : ﺍﺳﺘﺤﻲ ﻋﻠﻰ ﻭﺟﻬﻚ ، ﺍﺻﻼً ﻫﺬﺍ ﻋﻘﺪ ﻛﻔﺎﺭ ﻣﺎﻳﺠﻮﺯ
ﺳﻠﻤﺎﻥ ﺿﺤﻚ : ﻻ ﻳﺒﻪ ﻳﺠﻮﺯ ، ﻋﻘﺪ ﺭﺳﻤﻲ ﻭﻣﻮﺛﻖ ﻣﻦ ﻛﺬﺍ ﺟﻬﻪ ﺣﻜﻮﻣﻴﻪ ﻭﺑﻮﺟﻮﺩ ﺧﺎﻟﺘﻲ ، ﺍﻛﺘﻤﻞ ﻛﻞ ﺷﻲ
ﺍﺑﻮ ﻓﺎﺭﺱ : ﻻ ﺑﺎﻟﻠﻪ ﻋﻘﺪ ﻛﻔﺎﺭ ، ﻭﻳﻦ ﺍﻟﺸﻬﻮﺩ ﻭﻳﻦ ﺍﻟﺸﺮﻭﻁ ؟
ﺳﻠﻤﺎﻥ ﺳﻜﺖ ﻭﺗﻜﻠﻤﺖ ﺍﻡ ﺭﺍﻛﺎﻥ : ﻻﺯﻡ ﺗﻮﺩﻭﻧﻪ ﻟﻠﻤﺤﻜﻤﻪ ﺗﺸﻮﻓﻮﻥ ﻫﻮ ﺻﺎﻟﺢ ﻭﻻﻻ ، ﺣﺮﺍﻡ ﺗﺰﻭﺟﻮﻥ ﻭﻋﻘﺪﻛﻢ ﻣﻮ ﺭﺳﻤﻲ
ﺍﺑﻮ ﻓﺎﺭﺱ : ﺍﻧﺎ ﻣﺘﺄﻛﺪ ﺍﻧﻪ ﻣﻮ ﺻﺤﻴﺢ ، ﻭﻫﺬﺍ ﻏﻀﺐ ﻣﻦ ﺍﻟﻠﻪ ﻹﻧﻚ ﺗﺮﻭﺟﺖ ﻣﻦ ﻭﺭﺍﻱ
ﺳﻠﻤﺎﻥ ﺣﻂ ﻓﻨﺠﺎﻟﻪ ﻉ ﺍﻟﻄﺎﻟﻪ ﻭﻗﺎﻡ : ﻛﺜﺮ ﺍﻟﻠﻪ ﺧﻴﺮﻛﻢ .
ﻃﻠﻊ ﺑﺪﻭﻥ ﺍﻱ ﻛﻠﻤﻪ ﺯﻳﺎﺩﻩ ، ﻫﻮ ﻋﺎﺭﻑ ﻣﻘﺼﺪ ﺍﺑﻮﻩ ، ﻳﺒﻲ ﻳﻜﺮﻫﻪ ﺑﺎﻟﺰﻭﺍﺝ ﺭﻏﻢ ﺍﻧﻪ ﺍﻛﺜﺮ ﻭﺍﺣﺪ ﻛﺎﻥ ﻳﺒﻴﻪ ﻳﺘﺰﻭﺝ ، ﻟﻜﻦ ﻣﻮ
ﺑﺒﻨﺎﺕ ﺧﺎﻟﺘﻪ ، ﺣﺲ ﻧﻔﺴﻪ ﻣﺘﻀﺎﻳﻖ ﻭﻗﺎﻓﻠﻪ ﺑﻮﺟﻬﻪ ﺍﻟﺪﻧﻴﺎ ، ﻭﺍﺧﺬﺗﻪ ﺭﺟﻮﻟﻪ ﻟﺒﻴﺖ ﺧﻮﺍﻟﻪ ، ﻭﺍﺭﺳﻞ ﻟﻌﺰﻭﻑ ﺗﻄﻠﻊ ﻟﻪ .
ﻋﺰﻭﻑ ﺣﺴﺖ ﺍﻥ ﻓﻴﻪ ﺷﻲ ﻭﻗﺎﻣﺖ ﺑﺴﺮﻋﻪ ﻃﻠﻌﺖ ﻟﻪ ﻭﻓﺘﺤﺖ ﻟﻪ ﺍﻟﺒﺎﺏ ، ﺩﺧﻞ ﺑﻬﺪﻭﺀ ﻭﺳﻜﺮﺕ ﺍﻟﺒﺎﺏ ﻭﻋﻘﺪﺕ ﺣﻮﺍﺟﺒﻬﺎ
ﺑﺈﺳﺘﻐﺮﺍﺏ ﻣﻦ ﺷﻜﻠﻪ .
ﺳﻠﻤﺎﻥ ﺑﻬﺪﻭﺀ : ﺍﺳﻒ ﻋﻠﻰ ﺍﻻﺯﻋﺎﺝ ﺑﺲ ﻣﻤﻜﻦ ﺗﻀﻤﻴﻨﻲ ؟
ﻋﺰﻭﻑ : ﺑﺴﻢ ﺍﻟﻠﻪ ﻋﻠﻴﻚ ﺷﻔﻴﻚ ﺻﺎﻳﺮ ﺗﺴﺘﺄﺫﻥ ﻛﺜﻴﺮ ، ﻣﻤﻜﻦ ﻳﺎﺭﻭﺣﻲ ﺗﻌﺎﻝ
ﺭﻓﻌﺖ ﺍﻳﺪﻳﻨﻬﺎ ﻭﺣﻀﻨﺘﻪ ﻭﺑﺎﺩﻟﻬﺎ ﺑﻘﻮﻩ ، ﻛﺎﻥ ﻳﺮﺩﺩ ﻛﻼﻡ ﺍﺑﻮﻩ ﺑﺪﺍﺧﻠﻪ ﻭﺗﺰﻳﺪ ﺿﻴﻘﺘﻪ ﻭﻛﻞ ﻣﺎﺯﺍﺩﺕ ﺷﺪ ﻋﻠﻴﻬﺎ ﻟﻴﻦ ﺣﺴﻬﺎ
ﺑﺘﻨﻜﺴﺮ ﺑﻴﻦ ﺍﻳﺪﻳﻨﻪ ﻫﻤﺲ ﺑﺪﻭﻥ ﺷﻌﻮﺭ : ﻻ ﻓﺮﻕ ﺍﻟﻠﻪ ﺑﻴﻦ ﺭﻭﺣﻚ ﻭﺭﻭﺣﻲ .
*🌻ــــــــــ #يتبــع👇ـــــــــــ🌻*
💛 @ahgeel✏️💛🌼
🍃💛
💛🍃💛i
🍃💛🍃💛i
💛🍃💛🍃💛i
💛🍃💛🍃💛
🍃💛🍃💛
💛🍃💛
🍃💛
💛📖 @ahgeel 📖💛*
📖 روايـــــــــــــة ✍🏼
{ في حكيها لذه وفي صمتها موت فيها الجمال وصادق الحب فيني💙}
*🌻ــــــــــــــــــــــــــــــــــــــــــ🌻*
..ـ
#البارت_154✏️🌸
ـ ...
ــ.ﻋﺰﻭﻑ : ﺷﻔﻴﻚ ﺗﻜﻠﻢ
ﺭﺩ ﺑﻬﺪﻭﺀ : ﻣﺘﻜﺪﺭ ﺧﺎﻃﺮﻱ ﻣﻦ ﺍﻟﻨﺎﺱ ، ﺍﺟﺒﺮﻱ ﺧﺎﻃﺮﻱ ﻭﺍﻣﺸﻲ ﻣﻌﻲ
ﻋﺰﻭﻑ ﻣﺎﺗﺮﺩﺩﺕ ﺍﺑﺪ ﺩﺧﻠﺖ ﺑﺴﺮﻋﻪ ﺍﺧﺬﺕ ﻋﺒﺎﻳﺘﻬﺎ، ﻭﻃﻠﻊ ﻟﻠﺴﻴﺎﺭﻩ ، ﺛﻮﺍﻧﻲ ﻭﺭﻛﺒﺖ ﺟﻨﺒﻪ ﻭﺃﺧﺬﻫﺎ ﻟﺒﻴﺘﻬﻢ ، ﻋﺰﻭﻑ ﻻﻣﺖ
ﻧﻔﺴﻬﺎ ﻛﻴﻒ ﻛﺎﻧﺖ ﺗﺨﺎﻑ ﻣﻨﻪ ، ﺍﻟﺤﻴﻦ ﺗﺤﺴﻪ ﻫﻮ ﺍﻣﺎﻧﻬﺎ ﻭﺍﺻﺪﻕ ﺷﺨﺺ ﻣﻌﺎﻫﺎ ، ﻭﺻﻠﻮﺍ ﻭﻧﺰﻟﻮﺍ ﻭﻓﺘﺢ ﻟﻬﺎ ﺍﻟﺒﺎﺏ ﻭﺩﺧﻠﺖ
ﻗﺒﻠﻪ ، ﻭﻧﺰﻟﺖ ﻋﺒﺎﻳﺘﻬﺎ ، ﺳﻜﺮ ﺍﻟﺒﺎﺏ ﻭﺗﺴﻨﺪ ﻋﻠﻴﻪ ﻭﺳﺮﺡ ﻓﻴﻬﺎ ، ﻛﺎﻧﺖ ﺟﻤﻴﻠﻪ ﻛﻌﺎﺩﺗﻬﺎ ﻟﻜﻨﻬﺎ ﺯﺍﻳﺪﻩ ﺟﻤﺎﻝ ﻣﻊ ﻛﺸﺨﺘﻬﺎ ﻗﺎﻝ
ﺑﻬﺪﻭﺀ : ﻭﺍﻧﺎ ﻣﺘﻰ ﺑﺘﻜﺸﺨﻴﻦ ﻟﻲ ﻣﺜﻞ ﻣﺎﺗﻜﺸﺨﻴﻦ ﻟﻠﺒﻨﺎﺕ ﺭﻏﻢ ﺍﻧﻲ ﺍﻭﻟﻰ !
ﻋﺰﻭﻑ : ﺍﺫﺍ ﺗﺰﻭﺟﻨﺎ
ﺳﻠﻤﺎﻥ : ﻟﻴﺶ ﻣﺎﻧﺴﺤﺐ ﻋﻠﻰ ﻛﻞ ﺷﻲ ﻭﺍﺧﺬﻙ ﺑﺪﻭﻥ ﺯﻭﺍﺝ ﻭﻧﺒﻌﺪ ﻋﻦ ﺍﻟﻨﺎﺱ ؟
ﻋﺰﻭﻑ : ﺗﺘﻜﻠﻢ ﺻﺎﺩﻕ ؟
ﺳﻠﻤﺎﻥ ﻗﺮﺏ ﻟﻬﺎ ﻭﻭﻗﻒ ﻗﺪﺍﻣﻬﺎ ﻭﺑﻨﻈﺮﺍﺕ ﺍﻭﻝ ﻣﺮﻩ ﺗﺸﻮﻓﻬﺎ ﻋﺰﻭﻑ ﻫﻤﺲ ﺑﻨﺒﺮﻩ ﻏﺮﻳﺒﻪ :ﺍﻧﺎ ﻣﺴﺘﻌﺪ ﺃﺑﻴﻊ ﻫﺎﻟﺪﻧﻴﺎ ﺑﻤﺎ ﻓﻴﻬﺎ ﻣﻦ
ﻣﻮﺍﺟﻴﺐ ﻭﻣﺘﺎﻉ ﻭﺯﻳﻨﻪ ، ﻭﺃﺷﺘﺮﻱ ﺑﻬﺎ ﻟﻴﻠﻪ ﻣﻌﻚ ، ﻭﻣﺘﺄﻛﺪ ﺍﻥ ﺍﻟﻠﻴﻠﻪ ﻣﻌﻚ ﺗﻐﻨﻲ ﻋﻦ ﺍﻟﺪﻧﻴﺎ ﻭﻣﺎﻓﻴﻬﺎ
ﻋﺰﻭﻑ ﺍﺭﺗﺒﻜﺖ ﻭﺟﻠﺴﺖ ﻉ ﺍﻟﻜﻨﺐ ، ﺟﻠﺲ ﺟﻨﺒﻬﺎ ﺑﺪﻭﻥ ﺍﻱ ﻣﺴﺎﻓﻪ ﻭﻫﻤﺲ ﺑﺈﺫﻧﻬﺎ : ﺍﻧﺎ ﺣﺒﻴﺒﻚ ﻣﻮ ﻋﺪﻭﻙ !
ﻧﺎﻇﺮﺕ ﻓﻴﻪ : ﻳﻌﻨﻲ ؟
ﺳﻠﻤﺎﻥ : ﻟﻴﺶ ﺗﺘﻬﺮﺑﻴﻦ ﻣﻨﻲ ؟
ﻋﺰﻭﻑ : ﺍﻧﺖ ﺗﺤﺮﺟﻨﻲ ، ﻻﺗﺤﺮﺟﻨﻲ
ﺳﻠﻤﺎﻥ : ﻃﻴﺐ ﻣﺎﺭﺍﺡ ﺍﺣﺮﺟﻚ
ﺻﺪﺕ ﻋﻨﻪ ﻭﺳﺮﺡ ﺑﻤﻼﻣﺤﻬﺎ ﻭﻫﻤﺲ : ﻭﺵ ﻫﺎﻟﻮﺟﻪ ﺍﻟﻤﺮﻳﺢ ﻟﻸﻋﺼﺎﺏ؟
ﻋﺰﻭﻑ ﺍﺑﺘﺴﻤﺖ : ﻻﺗﺤﺮﺟﻨﻲ ﻗﻠﺖ ﻣﺎﺗﻔﻬﻢ
ﺳﻠﻤﺎﻥ : ﻫﺬﺍ ﺍﻣﺮ ﺧﺎﺭﺝ ﻋﻦ ﺍﺭﺍﺩﺗﻲ ﻭﺳﻴﻄﺮﺗﻲ ، ﺍﻧﺘﻲ ﺣﻠﻮﻩ ﺑﺰﻳﺎﺩﻩ ..
ﻣﺮﺕ ﺭﺑﻊ ﺳﺎﻋﻪ ﺑﺼﻤﺖ ﻋﻤﻴﻖ ﺑﻴﻨﻬﻢ ، ﻣﺠﺮﺩ ﺍﻥ ﺳﻠﻤﺎﻥ ﻳﺘﺄﻣﻠﻬﺎ ، ﻭﻋﺰﻭﻑ ﻣﻦ ﺍﻟﺮﺑﻜﻪ ﺣﻔﻈﺖ ﺍﺑﺴﻂ ﺗﻔﺎﺻﻴﻞ ﺍﻟﺒﻴﺖ .
ﺳﻠﻤﺎﻥ : ﺍﺛﺒﺘﻲ ﺷﻮﻱ ﺭﻗﺒﺘﻚ ﺍﻧﻜﺴﺮﺕ ﻣﻦ ﻛﺜﺮ ﻣﺎﺗﺘﻠﻔﺘﻴﻦ
ﻋﺰﻭﻑ ﺣﻄﺖ ﻳﺪﻫﺎ ﻋﻠﻰ ﻭﺟﻬﻪ ﻭﺻﺪﺗﻪ ﻋﻨﻬﺎ : ﺍﻧﺖ ﺍﻟﻠﻲ ﺣﺮﻙ ﺭﺍﺳﻚ ، ﺗﺠﻤﺪ ﻣﻦ ﻛﺜﺮ ﻣﺎﺗﻨﺎﻇﺮ ﻓﻴﻨﻲ
ﺳﻠﻤﺎﻥ ﻋﺾ ﺍﺻﺎﺑﻌﻬﺎ ﻭﺻﺮﺧﺖ ﻭﺳﺤﺒﺖ ﻳﺪﻫﺎ : ﺣﺸﺎ ﺍﻧﻴﺎﺏ ﻣﻮ ﺍﻧﺴﺎﻥ
ﺳﻠﻤﺎﻥ : ﻋﻀﻴﻨﻲ ﻋﺸﺎﻥ ﺍﺷﻮﻑ ﻣﻦ ﺍﻗﻮﻯ
ﻋﺰﻭﻑ ﻭﻫﻲ ﺗﺮﺟﻊ ﺷﻌﺮﻫﺎ ﻭﺭﺍ : ﻻ ﺣﺒﻴﺒﻲ ﺍﻧﺎ ﺍﻧﺴﺎﻧﻪ ﺭﻗﻴﻘﻪ ﻣﺎﺗﻌﺎﻣﻞ ﻣﻌﺎﻣﻠﺔ ﻭﺣﻮﺵ
ﺳﻠﻤﺎﻥ : ﻟﻜﻦ ﺍﻟﻮﺣﺶ ﻣﺎﻳﻌﺾ ﺍﻟﻮﺣﺶ ﻳﻔﺘﺮﺱ ، ﺗﺤﺒﻴﻦ ﺍﻓﺘﺮﺳﻚ ؟
ﻋﺰﻭﻑ ﻭﻗﻔﺖ ﻭﻫﺮﺑﺖ ﻟﻠﻤﻄﺒﺦ : ﻻ ﺍﺣﺐ ﺍﻛﻞ ﺑﺲ
ﺳﻠﻤﺎﻥ : ﺍﻟﻠﻪ ﻳﻌﻴﻨﻚ ﻋﻠﻰ ﺣﻮﺳﺔ ﺍﻟﻤﻄﺒﺦ ، ﺭﺗﺒﻴﻪ ﻭﺍﺫﺍ ﺧﻠﺼﺘﻲ ﺻﺤﻴﻨﻲ .
➖
ﻓﺎﺭﺱ ، ﻭﺻﻠﻬﻢ ﻟﻠﺒﻴﺖ ﻭﻫﻮ ﻣﺴﺘﺎﻧﺲ ﻟﻮﻧﺎﺳﺘﻬﻢ ، ﻭﻳﺪﻋﻲ ﺍﻧﻬﺎ ﺑﺪﺍﻳﺔ ﺗﻐﻴﻴﺮ ﻷﻧﺴﺎﻡ .
ﺍﻧﺴﺎﻡ : ﻧﺎﺻﺮ ﻧﺎﻳﻢ ، ﻧﺰﻟﻪ ﻟﻮﺳﻤﺤﺖ
ﺩﺧﻠﺖ ﺑﺴﺮﻋﻪ ﻭﻓﺎﺭﺱ ﻧﺰﻝ ﻭﺷﺎﻝ ﻧﺎﺻﺮ ﻭﺩﺧﻞ ﻭﺭﺍﻫﺎ ، ﺩﺧﻠﻪ ﻟﻠﻐﺮﻓﻪ ﻭﺳﻨﺪﻩ ﻋﻠﻰ ﺍﻟﺴﺮﻳﺮ ﻭﻓﺼﺦ ﺟﺰﻣﺘﻪ ﻭﻏﻄﺎﻩ .
ﻃﻠﻊ ﻭﺷﺎﻑ ﺍﻧﺴﺎﻡ ﻭﺍﻗﻔﻪ ﺑﺎﻟﺰﺍﻭﻳﻪ ﻭﺣﺎﺿﻨﻪ ﺭﻭﺯ ﺑﻘﻮﻩ ﻭﺗﻨﺎﻇﺮ ﻓﻴﻪ ﺑﺨﻮﻑ ، ﺍﻧﺼـﺪﻡ ﻭﻫﺰ ﺭﺍﺳﻪ ﻳﻨﻜﺮ ﺍﻟﻠﻲ ﻳﺸﻮﻓﻪ .
ﺗﻘﺪﻡ ﻟﻬﺎ ﻣﻨﺪﻓﻊ ﻭﺳﺤﺐ ﻣﻨﻬﺎ ﺭﻭﺯ ﻭﺩﺧﻠﻬﺎ، ﻭﻃﻠﻊ ﻭﻗﻒ ﻗﺪﺍﻡ ﺍﻧﺴﺎﻡ ﻭﻗﺎﻝ ﺑﺤﺪﻩ : ﻣﺴﺘﺤﻴﻞ ﺍﻧﺴﺎﻡ ﺍﻟﻠﻲ ﻗﺎﻋﺪﻩ ﺗﺴﻮﻳﻨﻪ ،
ﺗﺨﺎﻓﻴـﻦ ﻣﻨـﻲ ﺻﺪﻕ ﻭﻻﺗﺘﺼﻨﻌﻴﻦ ؟
ﺍﻧﺴﺎﻡ ﺑﻐﺼﻪ :ﺍﺧﺎﻑ ﻣﻨﻚ ، ﻭﺍﺧﺎﻑ ﻣﻦ ﺑﻴﺘﻚ ، ﻭﺍﺧﺎﻑ ﻣﻦ ﺍﻟﻮﻗﺖ ﺍﻟﻤﺘﺄﺧﺮ ، ﻭﺍﺧﺎﻑ ﻣﻦ ﺍﻟﻜﻼﻡ ﺍﻟﺤﻠﻮ
ﻓﺎﺭﺱ ﺿﺎﻗﺖ ﻓﻴﻪ ﺍﻷﺭﺽ ﻋﻠﻰ ﻭﺳﻌﻬﺎ ، ﺗﻐﻴﺮﺕ ﻣﻼﻣﺤﻪ
ﺭﺟﻊ ﺧﻄﻮﺗﻴﻦ ﻭﻗﺎﻝ ﺑﻌﺪﻡ ﺗﺼﺪﻳﻖ : ﺑﺲ ﺍﻧﺴﺎﻡ ﺍﻧﺎ ﺗﻐﻴﺮﺕ ، ﻭﺍﻟﻠﻪ ﺗﻐﻴﺮﺕ ، ﺍﻋﺘﺬﺭﺕ ﻟﻚ ﺍﻟﻒ ﻣﺮﻩ ، ﺳﺎﻣﺤﻴﻨﻲ
ﺍﻧﺴﺎﻡ ﺑﻐﺼﻪ : ﻻﺗﻌﺘﺬﺭ ، ﺃﻧﺎ ﺍﻟﻠﻲ ﺃﻋﺘﺬﺭ ﻟﻲ ﻛﻴﻒ ﺣﺒﻴﺘﻚ
ﻓﺎﺭﺱ : ﻻﺗﻌﺘﺬﺭﻳﻦ ﻋﻦ ﺍﻟﺤﺐ ، ﺑﺲ ﺳﺎﻣﺤﻴﻨﻲ ﻭﺍﻭﻋﺪﻙ ﻫﺎﻟﺤﺐ ﺑﻴﺰﻳﺪ ﻣﺎﺭﺍﺡ ﻳﻨﻘﺺ
ﺍﻧﺴﺎﻡ : ﻣﺎﺑﻴﻚ ﻓﺎﺭﺱ ، ﺍﻧﺎ ﺭﻏﻢ ﺍﻧﻲ ﻛﺎﺭﻫﻪ ﺍﻟﺰﻭﺍﺝ ﺍﻻ ﺍﻧﻲ ﻣﺎﻋﻨﺪﻱ ﻣﺎﻧﻊ ﺍﺗﺰﻭﺝ ﻋﺸﺎﻥ ﺗﺒﻌﺪ ﻋﻨﻲ
ﻓﺎﺭﺱ ﻗﺮﺏ ﻟﻬﺎ ﻭﻣﺴﻚ ﻳﺪﻫﺎ ﺑﻘﻮﻩ ﻭﻫﻤﺲ : ﻭﺍﻟﻠﻪ ﻟﻮ ﻏﻴﺮﻱ ﺑﺲ ﻟﻤﺲ ﻳﺪﻙ ﻛﺴﺮﺕ ﻳﺪﻙ ﻭﻳﺪﻩ !
ﺍﻧﺘﺒﻪ ﻋﻠﻰ ﻧﻔﺴﻪ ﻭﺗﺮﻛﻬﺎ ﻭﻛﻤﻞ ﺑﻬﺪﻭﺀ : ﻛﻮﻧﻚ ﺗﻤﺮﻳﻦ ﺑﺒﺎﻟﻲ ﻳﻮﻣﻴﺎً ﻣﻨﺬ ﺳﻨﻪ ﻭﺛﻤﺎﻧﻴﺔ ﺃﺷﻬﺮ ﻣﺨﻴﻒ ﺟﺪﺍً ، ﻧﺪﻡ ﻭﻧﺪﻣﺖ ، ﺣﺐ
ﻭﺣﺒﻴﺖ ، ﺫﻝ ﻭﺫﻟﻴﺖ ﻧﻔﺴﻲ ﺍﻟﻒ ﻣﺮﻩ ﻭﻻﺳﺎﻣﺤﺘﻴﻨﻲ ، ﺍﺑﻲ ﺟﻮﺍﺏ ﻳﺮﻳﺢ ﻫﺎﻟﻘﻠﺐ ، ﺷﻌﺮﻱ ﺻﺎﺭ ﺍﺑﻴﺾ ﻭﺭﺍﺡ ﻋﻤﺮﻱ ﻭﺍﻧﺎ
ﻣﺎﺗﻬﻨﻴﺖ ، ﺗﻜﻠﻤﻲ ﻭﺵ ﺗﺒﻴﻦ
ﺍﻧﺴﺎﻡ ﺑﺮﺟﻔﻪ : ﻛﻨﺖ ﺃﻛﺜﺮ ﺷﻲﺀ ﻭﺩﻱ ﻳﺴﺘﻤﺮ .
ﻓﺎﺭﺱ : ﺍﻗﺘﻨﻌﻲ ﺍﻧﻲ ﻣﺴﺘﻤﺮ ﻭﺍﺑﻴﻚ ﺑﻜﻞ ﻣﺎﺍﻋﻄﺎﻧﻲ ﺍﻟﻠﻪ ، ﺃﻗﺘﻨﻌﻲ
ﺍﻧﺴﺎﻡ ﻣﺴﺤﺖ ﺩﻣﻌﺘﻬﺎ ﻭﻫﻤﺴﺖ : ﺍﻗﺘﻨﻌﺖ
ﻓﺎﺭﺱ ﺯﻓﺮ ﺍﻧﻔﺎﺱ ﺍﻟﺮﺍﺣﻪ ﺑﺴﺒﺐ ﻛﻠﻤﻪ ﻛﺎﻥ ﻣﻨﺘﻈﺮﻫﺎ ﻣﻦ ﺯﻣﺎﻥ ، ﺍﻧﻬﺪ ﺣﻴﻠﻪ ﻭﺭﺍﺡ ﻣﻦ ﻋﻤﺮﻩ ﻭﻫﻮ ﻳﻨﺘﻈﺮ ﻫﺎﻟﻠﺤﻈﻪ ، ﻣﺎﻋﻨﺪﻩ
ﺍﻱ ﺗﻌﺒﻴﺮ ﻳﻌﺒﺮ ﻋﻦ ﺍﻟﻠﻲ ﺑﺪﺍﺧﻠﻪ ، ﺑﺪﻭﻥ ﺷﻌﻮﺭ ﻓﺘﺢ ﻟﻬﺎ ﺍﻳﺪﻳﻨﻪ ﻭﻗﺎﻝ ﺑﻨﺒﺮﺓ ﻣﺒﺤﻮﺣﻪ : ﺗﻌﺎﻟﻲ ﻓﻲ ﺣﻀﻨﻲ ﻧﺤﻞّ ﻗﻀﻴﺘﻨﺎ
ﺍﻟﻤﺴﺘﻌﺼﻴﻪ .
ﺍﻧﺴﺎﻡ ﺭﻓﻌﺖ ﻳﺪﻳﻨﻬﺎ ﺑﺘﻀﻤﻪ ﻟﻜﻦ ﻣﺎﻗﺪﺭﺕ ، ﺗﻮﺟﻬﺖ ﺍﻳﺪﻳﻨﻬﺎ ﻟﻮﺟﻬﻬﺎ ﻭﻏﻄﺘﻪ ﻭﺑﻜﺖ ﻟﻜﻦ ﻓﺎﺭﺱ ﻣﺎﻭّﻗﻒ ﺍﺧﺬﻫﺎ ﺑﺤﻀﻨﻪ ﺑﻜﻞ
ﻗﻮﺗﻪ ﻭﺷﻮﻗﻪ ﻭﺍﻧﺘﻈﺎﺭﻩ
*🌻ــــــــــ #يتبــع👇ـــــــــــ🌻*
💛 @ahgeel✏️💛🌼
🍃💛
💛🍃💛i
🍃💛🍃💛i
💛🍃💛🍃💛i
💛🍃💛🍃💛
🍃💛🍃💛
💛🍃💛
🍃💛
💛📖 @ahgeel 📖💛*
📖 روايـــــــــــــة ✍🏼
{ في حكيها لذه وفي صمتها موت فيها الجمال وصادق الحب فيني💙}
*🌻ــــــــــــــــــــــــــــــــــــــــــ🌻*
..ـ
#البارت_155✏️🌸
ـ ...
ــ.ﻛﺎﻥ ﺣﺎﺿﻨﻬﺎ ﻭﻳﺴﻤﻊ ﺷﻬﻘﺎﺗﻬﺎ ﻭﻳﺘﻘﻄﻊ ﻗﻠﺒﻪ ، ﻭﻳﻀﻴﻖ ﺧﺎﻃﺮﻩ ﺍﻛﺜﺮ ﻭﻳﺘﻤﻨﻰ ﻟﻮ ﺑﻴﺪﻩ ﺷﻲ ﻭﻳﻨﺴﻴﻬﺎ ﻛﻞ ﺷﻲ ، ﻣﺎﻟﻔﻈﺘﻬﺎ
ﺻﺮﻳﺤﻪ ﺍﻧﻬﺎ ﺳﺎﻣﺤﺘﻪ ﻟﻜﻨﻬﺎ ﻗﺒﻠﺖ ﺭﺟﻌﺘﻪ ، ﻭﺑﺪﺍﻳﺔ ﺍﻟﻐﻴﺚ ﻗﻄﺮﻩ .
ﺭﻓﻊ ﺭﺍﺳﻬﺎ ﻟﻪ ﻭﺳﺮﺡ ﺑﺴﺤﺮ ﻋﻴﻮﻧﻬﺎ ﺛﻮﺍﻧﻲ ﻭﻗﺎﻝ ﺑﻨﺒﺮﻩ ﺣﺎﺩﻩ : ﻻﺗﺒﻜﻴﻦ ﻋﺸﺎﻧﻲ ، ﻣﺎﺍﺳﺘﺎﻫﻞ ﺍﻧﺎ ﺩﻣﻌﻪ ﻣﻦ ﻋﻴﻮﻧﻚ
ﺍﻧﺴﺎﻡ : ﻟﻴﺶ ﺗﺮﻛﺘﻨﻲ ﺑﻠﻴﻠﻪ ﻣﻤﻜﻦ ﺍﻧﻬﺎ ﺗﻜﻮﻥ ﺍﺣﻠﻰ ﻟﻴﻠﻪ ﺑﺤﻴﺎﺗﻲ
ﻓﺎﺭﺱ ﻏﻤﺾ ﻋﻴﻮﻧﻪ ﻭﺳﻨﺪ ﺭﺍﺳﻪ ﻋﻠﻰ ﺭﺍﺳﻬﺎ ﻭﺍﺧﺬ ﻳﺪﻳﻨﻬﺎ ﺑﻴﺪ ﻭﺣﺪﻩ ﻭﺿﻐﻄﻬﻢ ﻋﻠﻰ ﺻﺪﺭﻩ ﻭﻫﻤﺲ ﺑﺤﺮﻗﻪ : ﻭﺍﻟﻠﻪ ﻛﻼﻣﻚ
ﻣﺜﻞ ﺍﻟﺨﻨﺠﺮ ﺑﻘﻠﺒﻲ ، ﻟﻜﻦ ﺍﺳﺘﺎﻫﻞ ، ﻋﺎﺗﺒﻲ ﺍﻛﺜﺮ
ﺍﻧﺴﺎﻡ : ﻛﻨﺖ ﺍﻗﺪﺭ ﺍﻗﺘﻠﻚ ﻓﺎﺭﺱ ﻭﺍﻟﻠﻪ ﻛﻨﺖ ﺍﻗﺪﺭ ﻟﻜﻦ ﻣﺎﻗﺪﺭﺕ ، ﻗﻠﺒﻲ ﻣﺎﻃﺎﻭﻋﻨﻲ
ﻓﺎﺭﺱ : ﻟﻴﺘﻚ ﻗﺘﻠﺘﻴﻨﻲ ﻳﺎﺭﻭﺡ ﻓﺎﺭﺱ ﻭﻻﻋﺬﺑﺘﻴﻨﻲ ، ﺣﺒﻴﺘﻚ ﻳﺸﻬﺪ ﺍﻟﻠﻪ ﺍﻟﻠﻲ ﺑﻼﻧﻲ ﺑﺤﺒﻚ ﻭﺫﻗﺖ ﺍﻟﻤﺮ ﻭﻧﺴﻴﺖ ﻛﻞ ﺍﻟﻠﻲ ﻗﺒﻠﻚ
، ﻛﻨﺖ ﺍﻛﺮﻩ ﻓﻬﺪ ، ﻟﻮ ﺍﺩﺭﻱ ﺍﻧﻪ ﺑﻴﺼﻴﺮ ﺍﺑﻮ ﺍﻟﺒﻨﺖ ﺍﻟﻠﻲ ﻋﺸﻘﺘﻬﺎ ﻭﺍﻟﻠـﻪ ﻣﺎﻛﺮﻫﺘﻪ ، ﺣﺘﻰ ﻟﻮ ﺍﻧﻪ ﻇﺎﻟﻢ ﺍﻣﻲ .
ﺳﻨﺪ ﺭﺍﺳﻪ ﻋﻠﻰ ﻛﺘﻔﻬﺎ ﻭﻗﺎﻝ ﺑﺘﻌﺐ : ﺃﻧﺎ ﻣﻮ ﻋﺎﺭﻑ ﺍﻧﺘﻲ ﺗﺎﺭﻛﺘﻨﻲ ﻟﻤﻦ ، ﻻﻋﺎﺋﻠﻪ ﻭﻻ ﺍﺣﺒﺎﺏ ، ﺍﻧﺘﻲ ﻋﺎﺋﻠﺘﻲ ، ﻻﺍﺑﻮﻱ ﺍﻟﻠﻲ
ﻃﺮﺩﻧﻲ ﻋﺸﺎﻥ ﻣﺮﺗﻪ ، ﻭﻻ ﺍﺧﻮﻱ ﺍﻟﻠﻲ ﺍﺗﻬﻤﻨﻲ ﻇﻠﻢ ، ﻭﻻ ﺍﻣﻲ ﺍﻟﻠﻲ ﺍﻧﺴﺠﻨﺖ ﻭﺍﻳﺎﻣﻬﺎ ﻣﻌﺪﻭﺩﻩ ، ﻭﺍﺳﺎﺳﺎً ﺍﻋﺘﺒﺮﻫﺎ ﺗﺮﻛﺘﻨﻲ ﻣﻦ
ﻳﻮﻡ ﺧﺎﻧﺖ ﺍﺑﻮﻱ .
ﺍﻧﺴﺎﻡ ﺑﺼﻮﺕ ﺧﺎﻓﺖ : ﻭﻻ ﺍﻣﻞ ؟
ﻓﺎﺭﺱ ﺭﻓﻊ ﻧﻈﺮﻩ ﻟﻬﺎ : ﻣﺎﻟﻚ ﻋﻠﻲ ﻳﻤﻴﻦ ﻭﻻ ﻧﺬﺭ ﺇﻧﻲ ﻧﺴﻴﺘﻬﺎ ﻣﻦ ﻳﻮﻡ ﺻﺎﺭﺕ ﻋﻠﻰ ﺫﻣﺔ ﺭﺟﺎﻝ ، ﺍﻻ ﺍﻧﺘﻲ ﻋﺠﺰﺕ ﺍﻧﺴﺎﻙ ،
ﺫﺑﺤﻨﻲ ﺍﻟﺬﻧﺐ ﻭﺭﺩﻧﻲ ﻟﻚ
ﺷﺪﺕ ﻋﻠﻴﻪ ﺑﺤﻀﻨﻬﺎ ﻭﺩﺧﻠﺖ ﻳﺪﻫﺎ ﺑﺸﻌﺮﻩ ﻭﻏﻤﻀﺖ ﻋﻴﻮﻧﻬﺎ ﺑﺤﺮﻗﻪ ﻭﺍﻧﺴﺎﺑﺖ ﺩﻣﻮﻋﻬﺎ .
ﻗﺎﻟﺖ ﺑﺼﻮﺕ ﺭﺍﺟﻒ : ﺳﺎﻣﺤﻨﻲ ﻹﻧﻲ ﻋﺠﺰﺕ ﺍﺳﺎﻣﺤﻚ
ﻓﺎﺭﺱ ﺑﺒﺤﻪ : ﻣﻦ ﺣﻘﻚ ﻟﻜﻦ ﻟﻤﺘﻰ ﻭﺍﻧﺎ ﺍﻗﻮﻝ ﻣﻦ ﺣﻘﻚ ؟
ﺍﻧﺴﺎﻡ : ﺍﻟﻰ ﻣﺪﺭﻱ ﻣﺘﻰ .
،
ﻋﺰﻭﻑ ﺩﺧﻠﺖ ﻟﻠﻤﻄﺒﺦ ﻭﺷﺎﻓﺘﻪ ﺣﻮﺳﻪ ﻭﺍﻟﺼﺤﻮﻥ ﺑﻜﻞ ﻣﻜﺎﻥ ، ﺷﻤﺮﺕ ﺍﻛﻤﺎﻣﻬﺎ ﻭﻟﻤﺎ ﺟﺖ ﺑﺘﺮﺑﻂ ﺷﻌﺮﻫﺎ ﺣﻀﻨﻬﺎ ﺑﻘﻮﻩ ﻣﻦ
ﻭﺭﺍ ﻭﺳﻜﺮ ﺍﻳﺪﻳﻨﻪ ﻋﻠﻰ ﺧﺼﺮﻫﺎ ﻭﺑﺎﺱ ﻧﺤﺮﻫﺎ ﺑﻘﻮﻩ ﻭﺿﺤﻜﺖ ﻭﻟﻔﺖ ﻟﻪ ﻭﺗﺼﻨﻌﺖ ﺍﻟﻌﺼﺒﻴﻪ : ﻣﻮ ﺗﻘﻮﻝ ﺑﺘﻨﺎﻡ ؟ ﻭﺑﻌﺪﻳﻦ ﻭﺵ
ﻫﺎﻹﻫﻤﺎﻝ
ﺳﻠﻤﺎﻥ : ﺗﺪﺭﻳﻦ ﺍﻥ ﺍﻟﺤﻮﺳﻪ ﺫﻱ ﻟﻬﺎ ﺷﻬﻮﺭ ، ﻗﻠﺖ ﻟﻴﻦ ﺗﺠﻲ ﻋﺰﻭﻑ ﻭﺗﺮﺗﺒﻬﺎ
ﻋﺰﻭﻑ : ﻟﻜﻦ ﺍﻧﺎ ﻣﺎﺻﺎﺭ ﻟﻲ ﺷﻬﺮﻳﻦ ﻣﻌﻚ
ﺳﻠﻤﺎﻥ : ﺑﺲ ﺍﻧﺎ ﺍﺣﺒﻚ ﻣﻦ ﺷﻬﻮﺭ ﻭﻧﺎﻭﻱ ﺍﺗﺰﻭﺟﻚ ، ﻭﻛﻨﺖ ﺍﺗﻤﻨﻰ ﺍﺩﺭﺱ ﻗﺎﻧﻮﻥ
ﻋﺰﻭﻑ ﻟﻤﺴﺖ ﺟﺒﻴﻨﻪ : ﺣﺒﻴﺒﻲ ﻭﺍﺿﺢ ﻋﻠﻴﻚ ﺣﺮﺍﺭﻩ ، ﻭﺵ ﺩﺧﻞ ﺣﺒﻨﺎ ﺑﺎﻟﻘﺎﻧﻮﻥ
ﺳﻠﻤﺎﻥ : ﺍﻧﻔﺘﻨﺖ ﺑﺠﻤﺎﻟﻚ ﻭﻛﻨﺖ ﺍﻗﻮﻝ ﺍﻧﻚ ﺟﻤﻴﻠﻪ ﺟﺪﺍً ﻟﺪﺭﺟﺔ ﻭﺩﻱ ﺍﺩﺭﺱ 4 ﺳﻨﻮﺍﺕ ﻗﺎﻧﻮﻥ ﻋﺸﺎﻥ ﺍﻋﺮﻑ ﺍﻟﺜﻐﺮﺍﺕ
ﺍﻟﻘﺎﻧﻮﻧﻴﻪ ﺍﻟﻠﻲ ﺗﺨﻠﻴﻨﻲ ﺍﻭﻗﻔﻚ ﻭﺍﺷﺮﺡ ﻟﻚ ﻛﻤﻴﺔ ﺟﻤﺎﻟﻚ ﺑﺪﻭﻥ ﻣﺎﺍﻧﻤﺴﻚ ﺑﻘﻀﻴﺔ ﺗﺤﺮﺵ
ﻋﺰﻭﻑ ﺿﺤﻜﺖ ﺿﺤﻜﻪ ﻋﺎﻟﻴﻪ ﻇﻠﺖ ﺛﻮﺍﻧﻲ ﻭﻧﺎﻇﺮﺕ ﻓﻴﻪ ﻣﺼﺪﻭﻣﻪ : ﺻﺎﺩﻕ ﺍﻧﺎ ﺟﻤﻴﻠﻪ ﻟﻬﺪﺭﺟﻪ ؟
ﺳﻠﻤﺎﻥ ﺷﺎﻟﻬﺎ ﻭﺟﻠﺴﻬﺎ ﻋﻠﻰ ﺍﻟﻄﺎﻭﻟﻪ ﻭﺷﺪﻫﺎ ﻟﻪ ﻭﻗﺎﻝ ﺑﻨﺒﺮﻩ ﻫﺎﺩﻳﻪ : ﺟﻤﻴﻠﻪ ﺑﺲ ﺑﺪﻭﻥ ﻋﻘﻞ
ﻋﺰﻭﻑ : ﻟﻴﺶ
ﺳﻠﻤﺎﻥ : ﺍﻗﻮﻟﻚ ﻭﺩﻱ ﺍﺩﺭﺱ ﻗﺎﻧﻮﻥ ﺑﺴﺒﺐ ﺟﻤﺎﻟﻚ ﻭﺗﻘﻮﻟﻴﻦ ﺍﻧﺎ ﺟﻤﻴﻠﻪ؟
ﻋﺰﻭﻑ ﺑﻬﻤﺲ : ﻣﺎﻛﻨﺖ ﺍﺣﺲ ﺍﻧﻲ ﺟﻤﻴﻠﻪ ﻟﻴﻦ ﺣﺒﻴﺘﻚ .
ــ.ﺑﻌﺪ ﻳُﻮﻣﻴﻦ ؛
ﺍﻧﺴﺎﻡ ﻭﻓﺎﺭﺱ ﻛﺎﻧﻮﺍ ﺑﺎﻟﻤﺤﻜﻤﻪ ، ﻋﻠﺸﺎﻥ ﻳﺮﺟﻌﻮﻥ ﻟﺒﻌﺾ
ﻣﻊ ﻭﺟﻮﺩ ﺍﺑﻮ ﻓﺎﺭﺱ ﻭﺍﺑﻮ ﺭﺍﺋﺪ ، ﻗﺪ ﺳﻌﺎﺩﺓ ﻓﺎﺭﺱ ﺍﻟﻠﻲ ﻣﺎﻳﻮﺻﻔﻬﺎ ﺷﻲ ﻗﺪ ﺣﺰﻥ ﺍﻧﺴﺎﻡ ﻭﻛﺌﺎﺑﺘﻬﺎ ﻣﻦ ﺍﻟﺰﻭﺍﺝ ﻭﻃﺎﺭﻳﻪ ،
ﻟﻜﻨﻬﺎ ﺣﺎﻃﻪ ﺑﺮﺍﺳﻬﺎ ﻫﺪﻑ ﻭﺣﺎﻟﻔﻪ ﺗﻮﺻﻞ ﻟﻪ .
ﺗﻤﺖ ﺍﻟﻤﻠﻜﻪ ، ﻭﺑﺎﺭﻛﻮﺍ ﻟﻬﻢ ﻭﺩﻋﻮﺍ ﻟﻬﻢ ﺑﺎﻟﺤﻴﺎﻩ ﺍﻟﺴﻌﻴﺪﻩ .
ﻣﺴﻚ ﻛﻔﻬﺎ ﺍﻟﻨﺎﻋﻤﻪ ﻭﻣﺸﻰ ﻓﻴﻬﺎ
ﻓﺘﺢ ﻟﻬﺎ ﺑﺎﺏ ﺍﻟﺴﻴّﺎﺭﻩ ﻭﺭﻛﺒﺖ ، ﺭﻛﺐ ﺟﻨﺒﻬﺎ ﻭﺷﻐﻞ ﺍﻟﺴﻴّﺎﺭﻩ ﻭﻣﺸﻰ ﺷﻮﻱ ﻭﻭﻗﻒ ﻭﻧﺰﻝ ، ﻭﺍﻧﺴﺎﻡ ﻣﺎﻋﺮﻓﺖ ﻭﻳﻦ ﻭﻗﻒ
ﻭﻻﺭﻓﻌﺖ ﺭﺍﺳﻬﺎ .
ﺛﻮﺍﻧﻲ ﻭﺭﺟﻊ ﻭﺣﻂ ﺑﺤﻀﻨﻬﺎ ﺍﻛﺒﺮ ﺑﻮﻛﻴﻪ ﻭﺭﺩ ﻣﻤﻜﻦ ﺗﺸﻮﻓﻪ ﺑﺤﻴﺎﺗﻬﺎ ﻭﻓﻴﻪ ﻛﺮﺕ، ﻧﺎﻇﺮﺕ ﻓﻴﻪ ﺛﻮﺍﻧﻲ ﺗﺴﺘﻮﻋﺐ ﻭﺍﺧﺬﺗﻪ
ﻭﻧﺰﻟﺘﻪ ﻋﻨﺪ ﺭﺟﻮﻟﻬﺎ .
ﻓﺎﺭﺱ ﺗﺠﺎﻫﻞ ﺣﺮﻛﺘﻬﺎ، ﻭﺍﺧﺬﻫﺎ ﻟﻠﺒﻴﺖ ﻭﻧﺰﻝ ﻗﺒﻠﻬﺎ ، ﺷﺎﻟﺖ ﺍﻟﻮﺭﺩ ﻭﻧﺰﻟﺖ ، ﻭﻫﻲ ﺗﻤﺸﻲ ﻓﺘﺤﺖ ﺍﻟﻜﺮﺕ ﻭﻗﺮﺕ ﺍﻟﻤﻜﺘﻮﺏ
ﻭﻭﻗﻔﺖ ﺗﻘﺮﺃ .
ﺃﻧﺎ ﻭﺣﺪﻱ ﺣﺒﻴﺒﻚ ﻟﻮ ﻗﺮﻳﺘﻚ ﻓﻲ ﻭﺟﻴﻪ ﺍﻟﻨﺎﺱ
ﻭﻟﻮ ﻭﺟﻬﻚ ﺫﻧﻮﺏٍ ﻣﺎﻟﻬﺎ ﻓﻲ ﺳﺠﺪﺗﻲ ﺗﻮﺑﻪ .
ﻭﺣﺪﻱ ﺣﺒﻴﺒﻚ
ﻧﺎﻇﺮﺕ ﻓﻴﻪ ﻭﻛﺎﻥ ﻳﻨﺎﻇﺮ ﻓﻴﻬﺎ ، ﺳﺮﺣﺖ ﺑﻌﻴﻮﻧﻪ ﺷﻮﻱ ﻭﺭﺟﻌﺖ ﺍﻟﻜﺮﺕ ﻣﻜﺎﻧﻪ ﻭﻣﺸﺖ ﻭﺩﺧﻠﺖ ، ﺩﺧﻞ ﻭﺭﺍﻫﺎ ﻭﻗﻔﻞ ﺍﻟﺒﺎﺏ
ﺍﺗﺠﻬﺖ ﻟﻠﻐﺮﻓﻪ ﻭﻭﻗﻔﺖ ﺛﻮﺍﻧﻲ ، ﻣﺜﻞ ﻫﺎﻟﻠﻴﻠﻪ ﻗﺒﻞ ﺳﻨﻪ ﻭﺛﻤﺎﻧﻴﺔ ﺍﺷﻬﺮ ﻛﺎﻧﺖ ﺍﻟﻠﻴﻠﻪ ﺍﻟﺠﻤﻴﻠﻪ ﺍﻟﺤﺰﻳﻨﻪ ﺑﺤﻴﺎﺗﻬﺎ .
ﻭﻗﻒ ﻭﺭﺍﻫﺎ ﻭﺣﺴﺖ ﺑﺄﻧﻔﺎﺳﻪ ﻗﺮﻳﺒﻪ ﻣﻨﻬﺎ ، ﺍﺑﻌﺪﺕ ﻋﻨﻪ ﻭﺗﺴﺎﺭﻋﺖ ﺍﻧﻔﺎﺳﻬﺎ ﻟﻤﺎ ﺧﺎﻓﺖ ﻣﻨﻪ .
ﻭﻗﻒ ﻭﺭﺍﻫﺎ ﻣﺮﻩ ﺛﺎﻧﻴﻪ ﻭﻛﺎﻧﺖ ﺗﻨﺎﻇﺮ ﻓﻴﻪ ﺑﺈﻧﻌﻜﺎﺱ ﺍﻟﻤﺮﺍﻳﺎ ، ﺣﻮﻁ ﺍﻳﺪﻳﻨﻪ ﻋﻠﻴﻬﺎ ﻭﻓﺘﺢ ﺍﺯﺍﺭﻳﺮ ﻋﺒﺎﺗﻬﺎ ﻭﺷﺎﻟﻬﺎ ﺑﻬﺪﻭﺀ .
ﺍﻧﺴﺎﻡ ﺑﺮﺑﻜﻪ : ﻭ . ﻭﻳﻦ ﻓﺎﺭﺱ ﻭﺭﻭﺯ ؟
ﻓﺎﺭﺱ : ﻗﺼﺪﻙ ﻭﻳﻦ ﻧﺎﺻﺮ ؟ ﻓﺎﺭﺱ ﻫﺬﺍ ﻫﻮ ﻗﺪﺍﻣﻚ ﻳﺎﻗﻠﺐ ﻓﺎﺭﺱ
ﺍﻧﺴﺎﻡ ﺑﺤﺮﻛﻪ ﻋﻔﻮﻳﻪ ﺭﺟﻌﺖ ﺷﻌﺮﻫﺎ ﺧﻠﻒ ﺍﺫﻧﻬﺎ ﻭﺳﺮﺡ ﺑﻴﺪﻫﺎ ﻭﺭﻗﺘﻬﺎ ﻭﺷﻌﺮﻫﺎ ﻭﻗﺎﻟﺖ ﺑﻬﺪﻭﺀ : ﺍﻱ ﻫﻮ ﻧﺎﺻﺮ ﻭﻳﻨﻪ ؟
ﻓﺎﺭﺱ : ﺑﺄﻣﺎﻥ
ﺍﻧﺴﺎﻡ : ﻓﺎﺭﺱ ﺗﺮﺍ ﺣﺮﺍﻡ ﺍﺣﻨﺎ ﻣﺴﺆﻭﻟﻴﻦ ﻋﻨﻬﻢ
ﻓﺎﺭﺱ : ﺍﻟﻠﻴﻠﻪ ﺑﺲ .
ﺍﻧﺴﺎﻡ ﺑﺨﻮﻑ : ﻟﻴﺶ
ﻓﺎﺭﺱ : ﻟﻴﻠﺔ ﻟﻘـﺎﻧﺎ ﻛﻨﻬﺎ ﺍﻟﻒ ﻟﻴﻠﻪ !
ﺍﻧﺴﺎﻡ : ﺗﺮﺍﻫﺎ ﻭﻻ ﺷﻲ ﺑﺎﻟﻨﺴﺒﻪ ﻟﻲ ﺍﺫﺍ ﺍﻧﺖ ﺗﻌﺘﺒﺮﻫﺎ ﻟﻴﻠﻪ ﻋﻈﻴﻤﻪ ..
📚 #للبــارت_بقيـة👇💜📚📚 #تــابع_البارت_الـ155 👇💜📚
ﻓﺎﺭﺱ ﺑﻬﺪﻭﺀ : ﻣﺎﻫﻲ ﻣﺸﻜﻠﻪ ﺍﻗﺪﺭ ﺍﺧﻠﻴﻬﺎ ﻟﻴﻠﻪ ﻋﻈﻴﻤﻪ
ﺍﻧﺴﺎﻡ : ﻟﻜﻦ ﻓـ .
ﺳﺤﺒﻬﺎ ﻗﺒﻞ ﺗﻜﻤّﻞ ﻟﺤﻀﻨﻪ ﻭﻗﻔﻞ ﺍﻳﺪﻳﻨﻪ ﻋﻠﻰ ﺧﺼﺮﻫﺎ ﻭﻫﻤﺲ : ﻫﺎ ﻛﻤﻠﻲ ؟ ﺷﺘﺒﻴﻦ ؟
ﺍﻧﺴﺎﻡ : ﺍﻧﺖ ﺍﻟﻠﻲ ﺷﺘﺒﻲ
ﻓﺎﺭﺱ : ﺍﺑﻲ ﺍﺑﻮﺱ ﺧﺼﺮﻙ
ﺍﻧﺴﺎﻡ ﺍﺑﺘﺴﻤﺖ ﺑﻘﻬﺮ : ﺗﺒﻮﺱ ﺧﺼﺮﻱ ﻭﺑﻌﺪﻫﺎ ﺗﻄﻠﻘﻨﻲ ﺻﺢ ؟
ﻓﺎﺭﺱ ﺿﺤﻚ : ﻋﻠﻲ ﻧﺬﺭ ﻟﻠﻪ ﻣﺎﺍﻃﻠﻘﻚ ، ﻭﺃﺑﻴﻚ ﺯﻭﺟﻪ ﻭﺣﺒﻴﺒﻪ ﻭﺍﻡ ﻋﻴﺎﻝ ﻭﺷﺮﻳﻜﺔ ﺣﻴﺎﻩ ﺳﻌﻴﺪﻩ ، ﻟﻜﻦ ﺍﺭﺿﻲ ﻳﺎﺍﻧﺴﺎﻡ ﻣﺎﺑﻲ
ﺍﺑﺪﺍ ﻣﻌﻚ ﻭﺍﻧﺘﻲ ﻣﺎﺭﺿﻴﺘﻲ
ﺍﻧﺴﺎﻡ ﺑﺒﺮﻭﺩ : ﻣﻮ ﻏﺼﺐ ﺍﻧﺎ ﻣﺎﺍﺑﻴﻚ
ﺑﺴﺮﻋﺔ ﺍﻟﺒﺮﻕ ﺑﺎﺱ ﻋﻴﻮﻧﻬﺎ ﻭﺣﺲ ﺑﺄﻧﻔﺎﺳﻬﺎ ﺗﺰﻳﺪ ﻣﻦ ﺍﻟﺮﺑﻜﻪ ، ﺟﻤﻊ ﺷﻌﺮﻫﺎ ﺑﻴﺪﻩ ﻭﻃﺒﻊ ﺑﻮﺳﻪ ﻋﻠﻰ ﺭﻗﺒﺘﻬﺎ ﻣﻜﺎﻥ ﺳﻠﺴﺎﻟﻬﺎ
ﻭﺭﻓﻊ ﺧﺸﻤﻪ ﻭﺍﺳﺘﻨﻖ ﺭﻳﺤﺔ ﺍﻟﺒﺨﻮﺭ ﺑﺸﻌﺮﻫﺎ ﻭﺣﺲ ﺑﺈﺣﺴﺎﺱ ﻏﺮﻳﺐ ﻣﻦ ﺟﻤﺎﻟﻪ ، ﺭﻓﻊ ﺍﻳﺪﻳﻨﻪ ﻭﺣﻀﻨﻬﺎ ﻛﻠﻬﺎ ﻭﺃﺧﻔﺎﻫﺎ
ﺑﺤﻀﻨﻪ .
ﺍﻧﺴﺎﻡ ﻫﻤﺴﺖ ﺑﻐﺼﻪ : ﻳﺎﺻﺒﺮ ﺍﻷﺭﺽ ، ﻳﺎﺻﺒﺮ ﺍﻟﻜﻮﻥ ، ﻳﺎﺻﺒﺮ ﺍﻟﻤﺠﺮﻩ .
ﺑﻌﺪ ﻳﻮﻣﻴﻦ ؛
ﺳﺎﺭﻩ ﻭﻫﻨﺪ ﺩﺧﻠﻮﺍ ﺑﻴﺖ ﺍﺑﻮﻫﻢ ، ﻭﻛﺎﻥ ﻭﺍﻗﻒ ﻟﻬﻢ ﻫﻮ ﻭﺯﻭﺟﺘﻪ ﻭﺑﻨﺎﺗﻪ ، ﻭﻣﺴﺘﺎﻧﺲ ﻭﺍﻷﺭﺽ ﻣﻮ ﺳﺎﻳﻌﺘﻪ ﻣﻦ ﺍﻟﻔﺮﺣﻪ .
ﺳﺎﺭﻩ ﻃﺎﺣﺖ ﻋﻴﻨﻬﺎ ﺑﻌﻴﻦ ﺯﻭﺟﺘﻪ ﺍﻟﻠﻲ ﻛﺸﺮﺕ ﺑﻮﺟﻬﻬﺎ ، ﻃﻴﺤﺖ ﺷﻨﻄﺘﻬﺎ ﻉ ﺍﻷﺭﺽ ﻭﻗﺎﻟﺖ ﺑﺤﺪﻩ : ﻭﺣﺪﻩ ﻣﻨﻜﻢ ﺗﺮﺗﺐ
ﺍﻏﺮﺍﺿﻲ ﺑﻐﺮﻓﺘﻲ
ﺍﻡ ﺳﻌﻮﺩ ﻋﺼﺒﺖ ﻭﺳﺒﻘﻬﺎ ﺍﺑﻮ ﺳﻌﻮﺩ : ﺑﻴﺮﺗﺒﻮﻧﻪ ﺍﻥ ﺷﺎﺀﺍﻟﻠﻪ ﺣﻴﺎﻛﻢ ﺍﺟﻠﺴﻮﺍ
ﺗﻘﺪﻣﺖ ﺳﺎﺭﻩ ﺷﺎﻟﺖ ﻋﺒﺎﻳﺘﻬﺎ ﻭﺭﻣﺘﻬﺎ ﻉ ﺍﻟﻜﻨﺐ ﻭﺟﻠﺴﺖ ﺑﺼﺪﺭ ﺍﻟﻤﺠﻠﺲ ﺑﺸﻤﻮﺥ ﻭﺷﻬﻘﺖ ﺳﺪﻳﻢ : ﻭﺍﻭ ﻭﺵ ﻫﺎﻟﺠﻤﺎﻝ ؟ ﻭﺵ
ﻫﺎﻟﻜﺸﺨﻪ
ﺟﻠﺴﺖ ﺟﻨﺒﻬﺎ ﻭﺳﺤﺒﺖ ﻃﺎﻭﻟﺔ ﺍﻟﻘﻬﻮﻩ ﻭﺍﻟﺤﻼ ﻗﺪﺍﻣﻬﻢ ﻭﻗﻬﻮﺗﻬﺎ ، ﻫﻨﺪ ﺗﻘﺪﻣﺖ ﺑﺮﺑﻜﻪ ﻭﺟﻠﺴﺖ ﺟﻨﺒﻬﻢ .
ﺍﺑﻮﻫﻢ ﺟﻠﺲ ﺑﺎﻟﻜﻨﺐ ﺍﻟﺜﺎﻧﻲ ﻭﺭﺍﺣﺔ ﺍﻟﺪﻧﻴﺎ ﻛﻠﻬﺎ ﻣﻨﺘﺜﺮﻩ ﺑﺼﺪﺭﻩ ، ﺍﻡ ﺳﻌﻮﺩ ﺻﻌﺪﺕ ﻭﻫﻲ ﻣﻘﻬﻮﺭﻩ ، ﻭﻟﺤﻘﺘﻬﺎ ﺑﻨﺘﻬﺎ ﺟﻮﺭﻱ ..
،
*🌻ــــــــــ #يتبــع👇ـــــــــــ🌻*
💛 @ahgeel✏️💛🌼
🍃💛
💛🍃💛i
🍃💛🍃💛i
💛🍃💛🍃💛i