الفصل 62
عالم القصص والروايات 📚:
💛🍃💛🍃💛
🍃💛🍃💛
💛🍃💛
🍃💛
💛📖 @ahgeel 📖💛*
📖 روايـــــــــــــة ✍🏼
{ في حكيها لذه وفي صمتها موت فيها الجمال وصادق الحب فيني💙}
*🌻ــــــــــــــــــــــــــــــــــــــــــ🌻*
..ـ
#البارت_136✏️🌸
ـ ...
ــ.ﻋﺰﻭﻑ ﻛﺎﻧﺖ ﻧﺎﻳﻤﻪ ﺑﺎﻟﻄﻴّﺎﺭﻩ ، ﻭﻟﻤﺎ ﻭﺻﻠﻮﺍ ﻧﺎﻣﺖ ﺑﺎﻟﺴﻴﺎﺭﻩ ﻣﻦ ﻗﻮﺓ ﺍﻟﺘﻌﺐ ، ﺳﻠﻤﺎﻥ ﻭﺻﻞ ﺧﺎﻟﺘﻪ ﻭﺍﺳﺘﺄﺫﻧﻬﺎ ﺍﻧﻪ ﻳﺎﺧﺬ
ﻋﺰﻭﻑ ﻳﻮﺭﻳﻬﺎ ﺍﻟﺒﻴﺖ ﻭﺍﻷﺛﺎﺙ ، ﻗﺎﻟﺖ ﻟﻪ ﺍﻥ ﻭﻗﺘﻪ ﻏﻠﻂ ، ﻭﻃﻠﺒﺘﻪ ﻳﺨﻠﻴﻬﺎ ﻳﻮﻡ ﺛﺎﻧﻲ ﻟﻜﻨﻪ ﺭﻓﺾ " ﻛﺎﻥ ﻣﺴﺘﻐﻞ ﻧﻮﻣﻬﺎ ."
ﺍﺧﺬﻫﺎ ﻟﺒﻴﺘﻪ ﻭﻛﺎﻥ ﻣﺄﺛﺜﻪ ﻭﻣﺠﻬﺰﻩ ﻣﻦ ﺯﻣﺎﻥ ، ﻓﺘﺢ ﺍﻟﺒﺎﺏ ﻭﺭﺟﻊ ﺷﺎﻟﻬﺎ ﻭﺩﺧﻞ ﻓﻴﻬﺎ ﺑﻬﺪﻭﺀ ، ﺍﺗﺠﻪ ﻟﻐﺮﻓﺘﻪ ﻭﻧﺰﻟﻬﺎ ﻋﻠﻰ
ﺍﻟﺴﺮﻳﺮ ﻭﺷﻐﻞ ﺍﻟﻤُﻜﻴﻒ ﻭﺭﺟﻊ ﺟﺎﺏ ﺍﻏﺮﺍﺿﻪ ﻭﻗﻔﻞ ﺳﻴﺎﺭﺗﻪ ﻭﻗﻔﻞ ﺍﻟﺒﻴﺖ ، ﺩﺧﻞ ﻏﺮﻓﺘﻪ ﻭﻗﻔﻠﻬﺎ ﻭﺩﺧﻞ ﺳﺮﻳﺮﻩ ﺟﻨﺒﻬﺎ
ﻭﻏﻄﺎﻫﺎ ، ﺣﻀﻨﻬﺎ ﻭﺑﺎﺱ ﺷﻌﺮﻫﺎ ، ﻋﺰﻭﻑ ﺣﺴﺖ ﺑﺸﻲ ﻏﻠﻂ ﻭﺗﺤﺮﻛﺖ ﻭﻟﻔﺖ ﻋﻠﻴﻪ ، ﺻﺎﺭ ﻭﺟﻬﻬﺎ ﻣﻘﺎﺑﻞ ﻭﺟﻬﻪ ، ﻓﺘﺢ
ﻋﺒﺎﻳﺘﻬﺎ ﻭﺿﻤﻬﺎﻟﻪ ﻭﺑﺎﺱ ﻋﻴﻮﻧﻬﺎ ﻭﺧﺸﻤﻬﺎ ، ﻳﺒﻴﻬﺎ ﺗﺼﺤﻰ ﻭﻻﺻﺤﺖ ﻟﻜﻦ ﺗﻨﻬﺪﺕ .
ﺍﻧﺤﻨﻰ ﻟﻘﻤﻴﺼﻬﺎ ﻭﻧﺰﻟﻪ ﺷﻮﻱ ﻭﺑﺎﺱ ﻛﺘﻔﻬﺎ ﻣﺮﻩ ﻭﻣﺮﺗﻴﻦ ﻭﺛﻼﺙ ﻭﻻﺻﺤﺖ ، ﺑﺎﺳﻬﺎ ﺑﻘﻮﻩ ﻭﻓﺘﺤﺖ ﻋﻴﻮﻧﻬﺎ ﻇﻠﺖ ﺛﻮﺍﻧﻲ
ﺗﺴﺘﻮﻋﺐ ﺍﻷﻟﻢ ﻭﺗﻮﺳﻌﺖ ﻋﻴﻮﻧﻬﺎ ﻟﻤﺎ ﺷﺎﻓﺖ ﺍﻟﻤﻜﺎﻥ ﻭﺷﺎﻓﺘﻪ ﺩﻓﺘﻪ ﻋﻨﻬﺎ ﺑﻘﻮﻩ ﻭﺟﻠﺴﺖ ﻭﻟﻤﺖ ﻋﺒﺎﻳﺘﻬﺎ ﻋﻠﻴﻬﺎ ﻭﻗﺎﻟﺖ ﺑﻘﻬﺮ :
ﻧﻌﻢ ؟ ﺷﺘﺴﻮﻱ ﻭﻳﻦ ﺟﺎﻳﺒﻨﻲ
ﺳﻠﻤﺎﻥ : ﺟﺎﻳﺒﻚ ﻟﺒﻴﺘﻨﺎ ﻭﻳﻦ ﻳﻌﻨﻲ ؟
ﻋﺰﻭﻑ : ﻭﺗﺴﻮﻱ ﻫﺎﻟﺤﺮﻛﺎﺕ ﻭﺣﻨﺎ ﻣﺎﺑﻌﺪ ﺳﻮﻳﻨﺎ ﻋﺮﺱ
ﺳﻠﻤﺎﻥ : ﻛﺬﺍ ﻭﻻ ﻛﺬﺍ ﺍﻧﺘﻲ ﺣﻼﻟﻲ ﻭﺍﺳﻮﻱ ﺍﻟﻠﻲ ﺍﺑﻲ ﺑﺎﻟﻮﻗﺖ ﺍﻟﻠﻲ ﺍﺑﻲ
ﻋﺰﻭﻑ : ﻗﻮﻡ ﺭﺟﻌﻨﻲ ﻋﻨﺪ ﺍﻣﻲ ، ﻭﻻﺗﺪﺭﻱ ﻭﺩﻧﻲ ﻟﺒﻴﺖ ﺍﺑﻮﻱ ﺑﺴﻠﻢ ﻋﻠﻰ ﺍﺧﻮﺍﻧﻲ
ﺳﻠﻤﺎﻥ : ﺍﻟﻠﻴﻠﻪ ؟
ﻋﺰﻭﻑ : ﺍﺟﻞ ﻣﺘﻰ؟
ﺳﻠﻤﺎﻥ : ﺍﻟﻠﻴﻠﻪ ﻣﺤﺪ ﺑﻴﺘﻬﻨﻰ ﻓﻴﻚ ﻏﻴﺮﻱ
ﻋﺰﻭﻑ : ﻣﻮ ﻭﻗﺘﻚ ﻭﺍﻟﻠﻪ !
ﺳﻠﻤﺎﻥ : ﺧﻠﻴﻨﺎ ﻧﻌﻘﺪ ﺍﺗﻔﺎﻗﻴﻪ ، ﺍﻟﻠﻴﻠﻪ ﻟﻲ ، ﻭﺍﻻﺳﺒﻮﻉ ﺍﻟﺠﺎﻱ ﻛﻠﻪ ﻣﺎﺭﺍﺡ ﺗﺸﻮﻓﻴﻨﻲ
ﻋﺰﻭﻑ ﺗﺒﻲ ﺗﻘﻨﻌﻪ : ﻭﻣﻦ ﻗﺎﻝ ﻟﻚ ﻣﺎﺑﻲ ﺍﺷﻮﻓﻚ ؟ ﺷﻮﻓﻨﻲ ﺑﺄﻱ ﻭﻗﺖ ﺑﺲ ﺍﻟﻠﻴﻠﻪ ﺭﺟﻌﻨﻲ ﻭﺍﻟﻠﻪ ﺗﻌﺒﺎﻧﻪ
ﺳﻠﻤﺎﻥ : ﻃﻠﻌﻪ ﻣﺎﻓﻴﻪ ، ﻻﺗﺰﻋﺠﻴﻨﻲ ﺑﻨﺎﻡ .
ﻋﻄﺎﻫﺎ ﻇﻬﺮﻩ ﻭﺗﻐﻄﻰ ، ﻋﺼﺒﺖ ﻋﻠﻴﻪ ﻟﻜﻦ ﺍﺳﺘﺴﻠﻤﺖ ﻭﺍﺧﺬﺕ ﺍﻟﻤﺨﺪﻩ ﺑﺘﻨﺎﻡ ﻉ ﺍﻻﺭﺽ ، ﻣﺴﻚ ﻳﺪﻫﺎ ﻭﺳﺤﺒﻬﺎ ﻭﻧﻮﻣﻬﺎ ﺟﻨﺒﻪ
ﻏﺼﺐ .
ﺣﻂ ﺍﻟﻤﺨﺪﻩ ﺑﻴﻨﻬﻢ ﻭﻗﺎﻝ ﺑﺘﻌﺐ ﻭﻋﻴﻮﻥ ﺫﺍﺑﻠﻪ : ﻧﺎﻣﻲ ﺍﻭﻋﺪﻙ ﻣﺎﺍﻗﺮﺏ
ﻋﺰﻭﻑ : ﻻﺗﻨﺎﻇﺮ ﻟﻲ ﻃﻴﺐ
ﺳﻠﻤﺎﻥ ﺫﺍﺑﺖ ﻋﻴﻮﻧﻪ ﻭﻗﺎﻝ ﺑﺒﺤﻪ : ﻻﺯﻡ ﺍﻧﺎﻇﺮ ﻓﻴﻚ ، ﻭﺟﻬﻚ ﻣﻠﻬﻢ ، ﻣﻠﻬﻢ ﻭﻣﺪﻫﺶ ﻟﺪﺭﺟﺔ ﻭﺩﻱ ﺍﺗﺠﺎﻫﻞ ﻏﻴﺮﺗﻲ ﻭﺃﺩﻝ
ﺍﻟﺸﻌﺮﺍﺀ ﻭﺍﻟﻜُﺘّﺎﺏ ﻭﺍﻟﻤﻠﺤﻨﻴﻦ ﻭﺍﻟﻔﻨﺎﻧﻴﻦ ﻭﺍﻟﺮﺳﺎﻣﻴﻦ ﻋﻠﻴﻚ ..
ﺍﻧﺴﺎﻡ ﻛﺎﻧﺖ ﻓﻲ ﺑﻴﺖ ﻋﻤﻬﺎ ﺍﺑﻮ ﺭﺍﺋﺪ ، ﻭﻣﻦ ﺳﻮﺀ ﺣﻈﻬﺎ ﻛﺎﻧﺖ ﻣﻮﺟﻮﺩﻩ ﻭﻓﺎﺀ ﻭﺑﺸﺮﻯ ﺧﻮﺍﺕ ﻓﺎﺭﺱ ، ﻋﺠﺰﺕ ﺗﺘﻘﺒﻠﻬﻢ ﺑﻌﺪ
ﺍﻟﻠﻲ ﺻﺎﺭ .
ﺍﻡ ﺭﺍﺋﺪ : ﺯﻳﻦ ﺷﻔﻨﺎﻙ ﺍﻧﺴﺎﻡ ﻭﻳﻨﻚ ﻣﺨﺘﻔﻴﻪ ﺳﻨﻪ ﻭﻋﻠﻴﻬﺎ ؟
ﺍﻧﺴﺎﻡ : ﻭﺍﻧﺘﻲ ﺗﺸﻮﻓﻴﻦ ﺍﻟﻠﻲ ﺻﺎﺭ ﻟﻲ ﻗﻠﻴﻞ ﻋﻠﺸﺎﻥ ﺍﺯﻭﺭﻛﻢ
ﺍﻡ ﺭﺍﺋﺪ : ﻻ ﻣﻮ ﻗﻠﻴﻞ ﻟﺪﺭﺟﺔ ﺍﻧﻲ ﺍﺳﺘﻐﺮﺑﺖ ﻳﻮﻡ ﺭﺍﺋﺪ ﺗﺰﻭﺝ ﻭﺣﺪﻩ ﻣﻄﻠﻘﻪ ﺑﻠﻴﻠﺔ ﻋﺮﺳﻬﺎ ، ﺑﺲ ﻣﺎﺣﺒﻴﺖ ﺍﻣﻨﻌﻪ
ﺍﻧﺴﺎﻡ ﻧﺎﻇﺮﺕ ﻓﻴﻬﺎ ﺑﻘﻬﺮ ﻭﻣﺴﻜﺖ ﺟﻮﺍﻟﻬﺎ ﻛﺘﺒﺖ ﻟﺮﺍﺋﺪ " ﺗﻌﺎﻝ"
ﺍﻟﺠﺎﺯﻱ : ﻭﺍﻭ ﺍﻧﺴﺎﻡ ﺟﻮﺍﻟﻚ ﺣﻠﻮ ﻣﻦ ﺷﺮﺍﻩ ﻟﻚ
ﺍﻧﺴﺎﻡ : ﻳﻌﻨﻲ ﻣﻴﻦ ﺍﻛﻴﺪ ﺭﺍﺋﺪ
ﺍﻟﺠﺎﺯﻱ : ﺍﻱ ﺟﺰﺍﻩ ﺍﻟﻠﻪ ﺧﻴﺮ ﺟﺎﺏ ﻟﻚ ﺟﺪﻳﺪ ، ﻷﻥ ﺧﺒﺮﻱ ﻓﻴﻚ ﻳﻮﻡ ﻃﻠﻘﻚ ﻓﺎﺭﺱ ﻃﺮﺩﻙ ﻭﻣﺎﻋﻄﺎﻙ ﺍﻏﺮﺍﺿﻚ
ﺑﺸﺮﻯ : ﺍﺳﺘﺤﻲ ﻋﻠﻰ ﻭﺟﻬﻚ ﺗﺮﺍﻫﺎ ﺑﻨﺖ ﻋﻤﻚ ﻭﺳﻤﻌﺘﻬﺎ ﻣﻦ ﺳﻤﻌﺘﻚ
ﺍﻧﺴﺎﻡ ﻭﻗﻔﺖ : ﻟﻠﺤﻴﻦ ﻣﻌﺘﺒﺮﻳﻦ ﺍﻧﻔﺴﻜﻢ ﺑﻨﺎﺕ ﻋﻢ ؟
ﻭﺟﺪﺍﻥ : ﻫﺪﻱ ﻧﻔﺴﻚ ﺍﻧﺴﺎﻡ ﺗﺮﺍ ﺍﻟﺠﺎﺯﻱ ﺗﻤﺰﺡ
ﺍﻧﺴﺎﻡ : ﻫﺬﺍ ﻣﺰﺣﻬﺎ ؟ ﺍﺟﻞ ﺍﻟﺼﺪﻕ ﻛﻴﻒ
ﺭﺍﺋﺪ ﺭﺩ " ﺑﺪﺭﻱ "
ﺍﻧﺴﺎﻡ ﺳﺠﻠﺖ ﻟﻪ ﺻﻮﺗﻬﺎ ﺑﻐﺼﻪ : ﺑﺪﺭﻱ ﺍﻳﺶ ﺭﺍﺋﺪ ﺑﺪﺭﻱ ﺍﻳﺶ ؟ ﺑﻤﻮﺕ ﻟﻮ ﺟﻠﺴﺖ ﻋﻨﺪ ﺍﻫﻠﻚ ﺍﻛﺜﺮ ، ﻛﻠﻪ ﻣﻨﻚ ﺍﻧﺖ ﺍﻟﻠﻲ
ﺟﺒﺮﺗﻨﻲ ﺍﺟﻲ ﻋﻨﺪﻫﻢ ، ﻭﺟﻴﺖ ﻣﻦ ﺑﺎﺏ ﺍﻟﻮﺍﺟﺐ ﺍﺯﻭﺭ ﻋﻤﻲ ﻭﻻ ﺍﻣﻚ ﻭﺧﻮﺍﺗﻚ ﻣﻮ ﻛﻔﻮ ﺍﺣﺘﺮﺍﻡ ، ﺗﻌﺎﻝ ﺑﺴﺮﻋﻪ !
ﺍﻡ ﺭﺍﺋﺪ ﻋﺼﺒﺖ : ﺗﺘﻄﺎﻭﻟﻴﻦ ﻋﻠﻲ ﻭﺗﺘﺄﻣﺮﻳﻦ ﻋﻠﻰ ﻭﻟﺪﻱ ﻓﻲ ﺑﻴﺘﻲ ﻳﺎﻗﻠﻴﻠﺔ ﺍﻟﺤﻴﺎ
ﺍﻧﺴﺎﻡ : ﺍﻟﻠﻲ ﻣﺎﻳﺤﺸﻢ ﺍﻟﻨﺎﺱ ﻻﻳﻨﺘﻈﺮ ﺍﻟﺤﺸﻴﻤﻪ ﻣﻦ ﺍﺣﺪ
ﺑﺸﺮﻯ : ﺻﺎﺩﻗﻪ ﺍﻧﺴﺎﻡ ﻭﺵ ﻣﺘﻮﻗﻌﻴﻦ ﻣﻨﻬﺎ ﻭﺍﻧﺘﻢ ﺗﺠﺮﺣﻮﻧﻬﺎ ﺑﺎﻟﻜﻼﻡ ؟ ﺻﺢ ﻓﺎﺭﺱ ﻃﻠﻘﻬﺎ ﻟﻜﻨﻪ ﻧﺪﻡ ﻷﻧﻪ ﺿﻴﻌﻬﺎ ﻣﻦ ﻳﺪﻩ
ﻭﺣﺎﻭﻝ ﺑﻜﻞ ﻣﺎﻳﻤﻠﻚ ﺍﻧﻪ ﻳﺮﺟﻌﻬﺎ ﻟﻜﻦ ﻛﺮﺍﻣﺘﻬﺎ ﺍﻭﻟﻰ ﻭﻻﺭﺟﻌﺖ ﻟﻪ
ﺍﻟﺠﺎﺯﻱ : ﻭﺍﻧﺘﻲ ﺗﺪﺍﻓﻌﻴﻦ ﻟﻬﺎ ﺿﺪ ﻓﺎﺭﺱ ﺍﻟﻠﻲ ﺳﺠﻦ ﺭﺍﻛﺎﻥ ؟
ﻭﻓﺎﺀ : ﻓﺎﺭﺱ ﺳﺠﻦ ﺭﺍﻛﺎﻥ ﻷﻧﻪ ﻳﺴﺘﺎﻫﻞ ، ﺭﺍﻛﺎﻥ ﺩﺑﺴﻪ ﺑﻘﻀﻴﺔ ﻣﺨﺪﺭﺍﺕ ﻋﻠﺸﺎﻥ ﺍﻧﺴﺎﻡ ! ﻣﻦ ﻏﻴﺮ ﺭﺍﺋﺪ ﺍﻟﻠﻲ ﻃﻨﺶ ﻛﻼﻡ
ﺍﻟﻨﺎﺱ ﻭﺍﺧﺬﻫﺎ ، ﻭﻫﺬﺍ ﺩﻟﻴﻞ ﺍﻥ ﺍﻟﻜﻞ ﻳﺒﻴﻬﺎ ﻭﺣﻴﺎﺗﻬﺎ ﻣﺎﻫﻲ ﻭﺍﻗﻔﻪ ﻋﻠﻰ ﻓﺎﺭﺱ
ﺍﻡ ﺭﺍﺋﺪ : ﻻ ﺭﺍﺋﺪ ﻣﺎﻳﺒﻴﻬﺎ ، ﺭﺍﺋﺪ ﺍﺧﺬﻫﺎ ﻋﻠﺸﺎﻥ ﻳﺴﺘﺮ ﻋﻠﻴﻬﺎ ﻭﺑﺲ
ﺍﻧﺴﺎﻡ ﺑﺼﺪﻣﻪ : ﺗﺨﺴﻴﻦ ، ﺭﺍﺋﺪ ﺍﺧﺬﻧﻲ ﻷﻧﻪ ﻳﺤﺒﻨﻲ ﻭﻣﻦ ﻗﺒﻞ ﻓﺎﺭﺱ ﺑﻌﺪ
ﺍﻡ ﺭﺍﺋﺪ : ﺍﻧﺎ ﺍﺧﺴﻲ ؟ ﺻﺪﻕ ﺍﻧﻚ ﺑﻨﺖ ﺷﻮﺍﺭﻉ ﻭﻻﺭﺑﺎﻙ ﻓﻬﺪ ﻗﺒﻞ ﻻﻳﻤﻮﺕ
ﺍﻧﺴﺎﻡ : ﻣﺮﺑﻴﻨﻲ ﺍﺣﺴﻦ ﺗﺮﺑﻴﻪ ، ﻭﺍﺫﺍ ﻓﺎﺭﺱ ﺷﻮﻩ ﺳﻤﻌﺘﻲ ﻳﻜﻔﻴﻨﻲ ﺍﻧﻪ ﺿﺤﻰ ﺑﺎﻟﻐﺎﻟﻲ ﻭﺍﻟﻨﻔﻴﺲ ﻋﺸﺎﻥ ﻳﺮﺿﻴﻨﻲ ﻭﻳﺮﺟﻌﻨﻲ
ﻭﻳﺴﻜﺖ ﺍﻟﻨﺎﺱ ﺍﻟﻤﺮﻳﻀﻪ ﺷﺮﻭﺍﻛﻢ
ﻭﻓﺎﺀ : ﻟﻮ ﺍﻧﺴﺎﻡ ﻣﻮ ﻣﺘﺮﺑﻴﻪ ﻣﺎﺗﻬﺎﻭﺷﻮﺍ ﻓﺎﺭﺱ ﻭﺭﺍﺋﺪ ﻭﺭﺍﻛﺎﻥ ﻋﻠﻴﻬﺎ .. ﺍﺣﺴﻦ ﻣﻦ ﺍﻟﻠﻲ ﻋﻨﺪﻫﺎ ﺛﻼﺙ ﺑﻨﺎﺕ ﻭﻻ ﺍﺣﺪ ﻃﻞ
ﺑﻮﺟﻴﻬﻬﻢ
ﻭﺟﺪﺍﻥ ﻋﺼﺒﺖ : ﻭﻓﺎﺀ ! ﻣﻌﺎﻫﻢ ﻣﻌﺎﻫﻢ ﻋﻠﻴﻬﻢ ﻋﻠﻴﻬﻢ ؟
ﻭﻓﺎﺀ : ﺍﻧﺎ ﻣﻊ ﺍﻟﺤﻖ ، ﻭﻣﺎﻳﺮﺿﻴﻨﻲ ﻛﻼﻡ ﺍﻣﻜﻢ ﻋﻦ ﺍﻧﺴﺎﻡ ﺑﻬﺎﻟﻄﺮﻳﻘﻪ ﻭﺍﻟﺪﻧﻴﺎ ﺩﻭﺍﺭﻩ .
ﺍﻧﺴﺎﻡ : ﺷﻜﺮﺍً ﻭﻓﺎﺀ ﻣﺎﺍﺣﺘﺎﺝ ﺩﻓﺎﻋﻚ ﻋﻨﻲ ، ﺑﻠﻴﻠﺔ ﻃﻼﻗﻲ ﺍﻧﺘﻲ ﻧﺸﺮﺗﻲ ﺧﺒﺮ ﻃﻼﻗﻲ ﻭﻣﺎﺭﺍﺡ ﺍﻧﺴﻰ ﻟﻚ ﻫﺎﻟﺸﻲﺀ ﻣﻬﻤﺎ ﻭﻗﻔﺘﻲ
ﻣﻌﻲ !
ﻭﻓﺎﺀ ﺑﻨﺪﻡ : ﺣﺴﺒﺘﻬﻢ ﺑﻨﺎﺕ ﻋﻢ ﻭﺑﻴﻮﻗﻔﻮﻥ ﻣﻌﻚ ﻟﻜﻦ ﻫﻢ ﺍﻟﻠﻲ ﻧﺸﺮﻭﺍ ﺍﻟﺨﺒﺮ ﻣﻮ ﺍﻧﺎ ، ﻭﻟﻮ ﻣﺎﺭﺍﺋﺪ ﻃﻌﻦ ﻓﺎﺭﺱ ﻣﺎﺣﺪ ﻋﺮﻑ ﺑﺎﻟﻤﻮﺿﻮﻉ !
*🌻ــــــــــ #يتبــع👇ـــــــــــ🌻*
💛 @ahgeel✏️💛🌼
🍃💛
💛🍃💛i
🍃💛🍃💛i
💛🍃💛🍃💛i
💛🍃💛🍃💛
🍃💛🍃💛
💛🍃💛
🍃💛
💛📖 @ahgeel 📖💛*
📖 روايـــــــــــــة ✍🏼
{ في حكيها لذه وفي صمتها موت فيها الجمال وصادق الحب فيني💙}
*🌻ــــــــــــــــــــــــــــــــــــــــــ🌻*
..ـ
#البارت_137✏️🌸
ـ ...
ــ.ﺍﻟﺴﺎﻋﻪ 8 ﺍﻟﺼﺒﺢ .
ﺻﺤﺖ ﻋﺰﻭﻑ ﻭﻇﻠﺖ ﺛﻮﺍﻧﻲ ﺗﻨﺎﻇﺮ ﻟﻠﺴﻘﻒ ﻭﺍﻟﻐﺮﻓﻪ ﻟﻴﻦ ﺍﺳﺘﻮﻋﺒﺖ ﻭﺗﺬﻛﺮﺕ ﺍﻧﻬﺎ ﻓﻲ ﺑﻴﺘﻪ ، ﻗﺎﻣﺖ ﺑﺒﻄﺊ ﻓﺘﺤﺖ ﺍﻟﺒﺎﺏ
ﺑﺘﻄﻠﻊ ﻟﻜﻦ ﻛﺎﻥ ﻣﻘﻔﻞ ﻭﻣﺎﻓﻴﻪ ﻣﻔﺘﺎﺡ ﻫﻤﺴﺖ : ﻳﺎﺭﺏ ﺍﻟﻘﺎﻩ ﻣﺎﺑﻲ ﺿﻐﻄﻲ ﻳﺮﺗﻔﻊ ﻣﻦ ﺑﺪﺍﻳﺔ ﺍﻟﻴﻮﻡ .
ﺍﺧﺬﺕ ﻧﻔﺲ ﻭﻗﺎﻟﺖ ﺑﺼﻮﺕ ﻋﺎﻟﻲ : ﺳﻠﻤـﺎﻥ !
ﺳﻠﻤﺎﻥ : ﻫﻼ
ﻋﺰﻭﻑ ﺑﺮﺑﻜﻪ : ﻭﻳﻦ ﻣﻔﺘﺎﺡ ﺍﻟﺒﺎﺏ
ﺳﻠﻤﺎﻥ : ﺑﺼﺪﺭﻙ
ﺗﻮﺳﻌﺖ ﻋﻴﻮﻧﻬﺎ ﺑﺼﺪﻣﻪ : ﺇﻳﺶ ؟
ﺳﻠﻤﺎﻥ : ﺣﻄﻴﺘﻪ ﺑﺼﺪﺭﻙ ﻟﻤﺎ ﻛﻨﺘﻲ ﻧﺎﻳﻤﻪ
ﻋﺰﻭﻑ ﻣﺎﻓﻲ ﻭﻻﻛﻠﻤﻪ ﺗﻮﺻﻒ ﺍﺣﺮﺍﺟﻬﺎ ﻭﻗﻬﺮﻫﺎ ﻗﺎﻟﺖ ﺑﺤﺪﻩ : ﺗﺮﺍ ﺟﺎﻟﺲ ﺗﻄﻴﺢ ﻣﻦ ﻋﻴﻨﻲ ﻋﻠﻰ ﻓﻜﺮﻩ
ﺳﻠﻤﺎﻥ : ﻋﺎﺩﻱ
ﻋﺰﻭﻑ ﻋﻄﺘﻪ ﻇﻬﺮﻫﺎ ﻭﻃﻠﻌﺖ ﺍﻟﻤﻔﺘﺎﺡ ﻭﺩﻣﻌﺖ ﻋﻴﻮﻧﻬﺎ ﻣﻦ ﺍﻟﻤﻮﻗﻒ ﺍﻟﻠﻲ ﺍﻧﺤﻄﺖ ﻓﻴﻪ ، ﻓﺘﺤﺖ ﺍﻟﺒﺎﺏ ﻭﻃﻠﻌﺖ ، ﺷﺎﻓﺖ
ﺷﻨﻄﺔ ﻣﻼﺑﺴﻬﺎ ﻣﻮﺟﻮﺩﻩ ﺩﺧﻠﺖ ﺗﺮﻭﺷﺖ ﻭﻃﻠﻌﺖ ﺻﻠﺖ ، ﺧﻠﺼﺖ ﻭﻟﺒﺴﺖ ﻋﺒﺎﻳﺘﻬﺎ ﻋﻠﻰ ﺍﺳﺎﺱ ﺑﺘﻄﻠﻊ ﻭﻧﻔﺲ ﺍﻟﺸﻲﺀ ﺑﺎﺏ
ﺍﻟﺒﻴﺖ ﻛﺎﻥ ﻣﻘﻔﻞ ، ﺍﻟﻠﻲ ﻣﺎﺗﺒﻴﻪ ﺻﺎﺭ ﻭﺍﺭﺗﻔﻊ ﺿﻐﻄﻬﺎ ﻭﻗﺮﺭﺕ ﺗﺠﺎﺭﻳﻪ .
ﻃﻠﻊ ﻣﺎﺳﻚ ﻣﻨﺸﻔﺘﻪ ﻭﻗﺎﻝ ﺑﻬﺪﻭﺀ : ﺟﻬﺰﻱ ﺍﻟﻔﻄﻮﺭ
ﺩﺧﻠﺖ ﻟﻠﻤﻄﺒﺦ ﻭﻫﻲ ﻣﻌﺼﺒﻪ ﺟﻬﺰﺕ ﺍﻟﻔﻄﻮﺭ ﻋﻠﻰ ﺍﻟﺴﺮﻳﻊ ﻭﺣﻄﺖ ﺑﺎﻟﺸﺎﻱ " ﻣﻠﺢ " ﺑﺪﻝ ﺍﻟﺴﻜﺮ ، ﻭﺣﻄﺖ ﺑﺎﻟﺒﻴﺾ ﻓﻠﻔﻞ ﺑﺪﻝ
ﺍﻟﻤﻠﺢ ، ﺿﺤﻜﺖ ﻟﻤﺎ ﺗﺨﻴﻠﺖ ﺷﻜﻠﻪ ﻛﻴﻒ ﻳﻬﺎﻭﺷﻬﺎ ﻭﻳﺼﺮﺥ ﻋﻠﻴﻬﺎ : ﻣﺎﺗﻮﻗﻌﺘﻨﻲ ﻧﺬﻟﻪ ﻛﺬﺍ ، ﺑﺲ ﻳﺴﺘﺎﻫﻞ ﻣﺎﻟﻪ ﺣﻖ ﻳﺤﺸﺮﻧﻲ .
ﺟﻬﺰﺕ ﺍﻟﻔﻄﻮﺭ ﻭﻃﻠﻌﺖ ﺣﻄﺘﻪ ﻉ ﺍﻟﻄﺎﻭﻟﻪ ﻗﺪﺍﻣﻪ ، ﻛﺎﻥ ﺟﺎﻟﺲ ﻳﻨﺘﻈﺮﻫﺎ ﻭﺟﻮﺍﻟﻪ ﺑﻴﺪﻩ ،
ﺻﺒﺖ ﻟﻪ ﻛﺎﺳﺔ ﺷﺎﻱ ﻭﻣﺪﺗﻬﺎ ﻟﻪ ﻭﺍﺧﺬﻫﺎ ﺑﺪﻭﻥ ﻭﻻ ﻛﻠﻤﻪ .
ﺑﺪﺍ ﻳﻔﻄﺮ ﻭﺍﻛﻞ ﺷﻮﻱ ﻭﻟﻤﺎ ﺷﺮﺏ ﺍﻟﺸﺎﻱ ﺗﻮﻗﻌﺘﻪ ﻳﻌﺼﺐ ﻭﺗﺘﻐﻴﺮ ﻣﻼﻣﺤﻪ ﺍﻭ ﺍﻗﻞ ﺷﻲ ﻳﻮﺿﺢ ﻟﻬﺎ ﺍﻥ ﺩﺍﺧﻠﻪ ﻣﻠﺢ ، ﻟﻜﻨﻪ ﻛﺎﻥ
ﻫﺎﺩﻱ ﺗﻤﺎﻣﺎً .
ﺍﻛﻞ ﻣﻦ ﺍﻟﺒﻴﺾ ﺣﺲ ﺑﺤﺮﺍﺭﺗﻪ ﻭﻧﺎﻇﺮ ﻓﻴﻬﺎ ﻭﻣﺎﻗﺪﺭﺕ ﺗﻤﺴﻚ ﻧﻔﺴﻬﺎ ﻭﺿﺤﻜﺖ ﺿﺤﻜﻪ ﻋﺎﻟﻴﻪ ﻋﻠﻰ ﻭﺟﻬﻪ ، ﻭﻫﻮ ﻻﺯﺍﻝ ﻳﻨﺎﻇﺮ
ﺑﺒﺮﻭﺩ ، ﺍﻛﻞ ﻟﻘﻤﻪ ﺛﺎﻧﻴﻪ ﻭﺛﺎﻟﺜﻪ ﻭﺷﺮﺏ ﻣﻦ ﺍﻟﺸﺎﻱ ، ﻋﺰﻭﻑ ﺗﻀﺤﻚ ﻟﻜﻨﻬﺎ ﻣﺼﺪﻭﻣﻪ ، ﻳﺎﻛﻞ ﻣﻠﺢ ﻭﻓﻠﻔﻞ ﺑﻨﻔﺲ ﺍﻟﻮﻗﺖ ﻭﻻ
ﻣﺒﻴﻦ ﻋﻠﻴﻪ ، ﺧﻠﺼﺖ ﻧﻮﺑﺔ ﺍﻟﻀﺤﻚ ﺍﻟﻠﻲ ﻓﻴﻬﺎ ﻭﺗﻨﺤﻨﺤﺖ : ﺷﻔﻴﻚ ؟
ﺳﻠﻤﺎﻥ ﺑﺒﺮﻭﺩ : ﺗﺪﺭﻳﻦ ﺍﻧﻲ ﺍﻗﺪﺭ ﺍﻗﻠﺐ ﺿﺤﻜﻚ ﻫﺬﺍ ﻟﺼﻴﺎﺡ ؟
ﻋﺰﻭﻑ : ﻳﻌﻨﻲ ﻣﺎﺗﺒﻴﻨﻲ ﺍﻋﺼﺐ ﻭﻻ ﺗﺒﻴﻨﻲ ﺍﺿﺤﻚ ﻭﺵ ﺍﺳﻮﻱ ﻟﻚ
ﺳﻠﻤﺎﻥ : ﻟﻴﺶ ﻣﺎﺗﻔﻄﺮﻳﻦ ؟
ﻋﺰﻭﻑ : ﻣﻮ ﻣﺸﺘﻬﻴﻪ
ﺳﻠﻤﺎﻥ : ﻣﻮ ﻣﺸﺘﻬﻴﻪ ﻭﻻ ﻋﺸﺎﻥ ﺣﺎﻃﻪ ﻓﻠﻔﻞ ﻭﻣﻠﺢ ؟
ﻋﺰﻭﻑ : ﺍﻋﻮﺫ ﺑﺎﻟﻠﻪ ﺍﻧﺎ ﺍﺣﻂ ﻓﻠﻔﻞ ﻭﻣﻠﺢ
ﺳﻠﻤﺎﻥ : ﻛﻮﻟﻲ ﻋﺸﺎﻥ ﺍﺻﺪﻕ ﺍﻧﻚ ﻣﻮ ﺣﺎﻃﻪ
ﻋﺰﻭﻑ ﺑﺜﻘﻪ ﺑﺪﺕ ﺗﺎﻛﻞ ﻭﺷﺮﺑﺖ ﺷﻮﻱ ﺷﺎﻱ ﻭﺣﺴﺖ ﻟﺴﺎﻧﻬﺎ ﺍﻭﺟﻌﻬﺎ ﻣﻦ ﺍﻟﻤﻠﻮﺣﻪ ﻭﻧﺎﻇﺮﺕ ﻓﻴﻪ ﺑﺼﺪﻣﻪ " ﻛﻴﻒ ﺗﺤﻤﻞ ﻳﺸﺮﺏ
ﻛﺎﺳﺘﻴﻦ "
ﺍﻛﻠﺖ ﻣﻦ ﺍﻟﺒﻴﺾ ﻭﻋﺠﺰﺕ ﺗﻜﻤﻞ ﻭﻗﻒ ﺑﺤﻠﻘﻬﺎ ﻣﻦ ﻗﻮﺓ ﺍﻟﺤﺮﺍﺭﻩ ﻭﻫﺮﺑﺖ ﻟﻠﻤﻄﺒﺦ ﺑﺴﺮﻋﻪ ﻭﺷﺮﺑﺖ ﻣﻮﻳﺎ .. ﻭﻟﻌﺖ ﻭﺻﺎﺭ ﻭﺟﻬﻬﺎ
ﺍﺣﻤﺮ ﻭﺗﻜﺢ ﺑﻘﻮﻩ ﻭﻫﻲ ﺑﺲ ﺍﻛﻠﺖ ﻟﻘﻤﻪ ﻭﺣﺪﻩ .
ﻃﻠﻌﺖ ﻟﻪ ﻣﺼﺪﻭﻣﻪ ﻭﺗﻬﻮﻱ ﻋﻠﻰ ﺣﺎﻟﻬﺎ : ﻛﻴﻒ ﺗﺤﻤﻠﺖ ﺗﺎﻛﻞ ﺍﻛﺜﺮ ﻣﻦ ﻟﻘﻤﻪ ﻛﻴﻒ
ﺳﻠﻤﺎﻥ ﻭﻗﻒ ﻗﺪﺍﻣﻬﺎ ﻭﻗﺎﻝ ﺑﻬﺪﻭﺀ ﻣﻊ ﺷﺒﻪ ﺍﺑﺘﺴﺎﻣﻪ : ﻛﻞ ﺷﻲ ﻣﻦ ﻳﺪﻙ ﺣﻠﻮ ، ﻟﻮ ﺍﻧﻪ ﺳﻢ ﺑﺎﻛﻠﻪ ﻣﺎﻭﻗﻔﺖ ﻋﻠﻰ ﻣﻠﺢ ﻭﻓﻠﻔﻞ
ﺍﺑﺘﺴﻤﺖ ﺑﺈﺣﺮﺍﺝ ﻭﻗﻄﻊ ﺣﺪﻳﺜﻬﻢ ﺻﻮﺕ ﺍﻟﺒﺎﺏ ﻳﻄﻖ ﺑﻘﻮﻩ ﻭﺧﻠﻔﻪ ﺻﻮﺕ ﺷﺨﺺ ﻣﻌﺼﺐ .
ﺳﻠﻤﺎﻥ ﻓﺘﺢ ﺍﻟﺒﺎﺏ ﻭﺩﺧﻞ ﺍﺑﻮﻩ ﻣﻨﺪﻓﻊ ﻭﻣﺴﻚ ﻳﺎﻗﺔ ﺛﻮﺑﻪ ﺑﻘﻮﻩ : ﻭﺟﺎﻳﺒﻬﺎ ﻟﺒﻴﺘﻚ ﺑﻌﺪ ، ﻣﺎﻫﻘﻴﺖ ﺗﺮﺑﻴﺘﻲ ﻓﻴﻚ ﻛﻞ ﻫﺎﻟﺴﻨﻴﻦ
ﻫﺬﻱ ﻧﻬﺎﻳﺘﻬﺎ
ﻋﺰﻭﻑ ﺗﻮﺳﻌﺖ ﺣﺪﻗﺔ ﻋﻴﻨﻬﺎ ﻭﺭﺟﻔﺖ ﻳﺪﻫﺎ ﻭﻫﻤﺴﺖ " ﺷﻔﻴﻨﻲ ﺍﻧﺎ ؟ ﻣﻌﻘﻮﻟﻪ ﺣﺘﻰ ﺍﻧﺎ ﺑﻴﻠﺤﻘﻨﻲ ﺫﻧﺐ ﺍﻡ ﻓﺎﺭﺱ "
ﺳﻠﻤﺎﻥ ﻧﺰﻝ ﺍﻳﺪﻳﻦ ﺍﺑﻮﻩ ﻭﻗﺎﻝ ﺑﻬﺪﻭﺀ : ﺍﻧﺖ ﺍﻛﺜﺮ ﺷﺨﺺ ﻳﺪﺭﻱ ﺍﻥ ﻫﺎﻷﺳﻠﻮﺏ ﻣﺎﻳﻤﺸﻲ ﻣﻌﻲ .. ﺗﻔﻀﻞ ﺍﺟﻠﺲ
ﺍﺑﻮ ﻓﺎﺭﺱ ﻟﻌﺰﻭﻑ : ﺍﻟﻈﺎﻫﺮ ﺍﻧﻜﻢ ﺳﺎﺣﺮﻳﻦ ﻋﻴﺎﻟﻲ ﻳﺎﺑﻨﺎﺕ ﺍﺑﻠﻴﺲ ، ﺍﻧﺘﻲ ﻭﻗﺒﻠﻚ ﺍﻣﻞ ، ﻟﻜﻦ ﻭﺍﻟﻠﻪ ﻣﺎﺍﺧﻠﻲ ﻋﻴﺎﻟﻲ ﻟﻜﻢ
ﺳﻠﻤﺎﻥ ﺑﻌﺼﺒﻴﻪ ﻛﺎﺗﻤﻬﺎ : ﻳﺒﻪ ﻭﺵ ﻫﺎﻟﻜﻼﻡ ! ﻋﺰﻭﻑ ﺍﺩﺧﻠﻲ
ﻋﺰﻭﻑ ﺗﻜﺘﻔﺖ : ﻻ ﻣﺎﺭﺍﺡ ﺍﺩﺧﻞ ، ﺑﺸﻮﻑ ﻭﻳﻦ ﺑﻴﻮﺻﻞ ﺑﻜﻼﻣﻪ !
ﺳﻠﻤﺎﻥ ﺗﻘﺪﻡ ﻟﻬﺎ ﻭﻣﺴﻚ ﻳﺪﻫﺎ ﻭﻣﺸﺎﻫﺎ ﻗﺪﺍﻣﻬﺎ ﺑﺴﺮﻋﻪ ﺩﺧﻠﻬﺎ ﻟﻠﻐﺮﻓﻪ ﻭﺟﻠﺴﻬﺎ ﻋﻠﻰ ﺍﻟﺴﺮﻳﺮ ﻭﺣﻨﻰ ﻧﻔﺴﻪ ﻟﻤﺴﺘﻮﺍﻫﺎ : ﺍﻋﺬﺭﻳﻪ
ﺍﺑﻮﻱ ﺭﺟﺎﻝ ﻛﺒﻴﺮ ﻭﻣﺘﺄﺯﻡ ﻣﻦ ﻣﻮﺿﻮﻉ ﺍﻣﻲ ، ﺍﻧﺎ ﺭﺍﺡ ﺍﻓﻬﻤﻪ، ﻻﺗﻄﻠﻌﻴﻦ ﺍﺑﺪ
ﻋﺰﻭﻑ ﺩﻣﻌﺖ ﻋﻴﻮﻧﻬﺎ : ﻹﻧﻚ ﻋﺎﺭﻑ ﺍﻧﻪ ﺑﻴﻘﻮﻝ ﻛﻼﻡ ﻳﺠﺮﺣﻨﻲ ﻣﺎﺗﺒﻴﻨﻲ ﺍﺳﻤﻌﻪ
ﺳﻠﻤﺎﻥ ﻣﺴﻚ ﺍﻛﺘﺎﻓﻬﺎ ﻭﺭﻛﺰ ﻋﻴﻮﻧﻪ ﺑﻌﻴﻮﻧﻬﺎ : ﺍﺑﻮﻱ ﺻﺎﺭﻭﺍ ﻛﻞ ﺍﻟﺒﻨﺎﺕ ﺑﻌﻴﻮﻧﻪ ﺧﺎﻳﻨﺎﺕ ، ﻟﻜﻦ ﺍﻧﺘﻲ ﻛﻞ ﺍﻟﺒﻨﺎﺕ ﺑﻌﻴﻮﻧﻲ ،
ﻭﺍﻟﻠﻪ !
ﻋﺰﻭﻑ : ﻃـ، ﻃﻴﺐ ﺑﺮﻭﺡ ﻷﻫﻠﻲ
ﺳﻠﻤﺎﻥ : ﻳﺎﻟﻠﻪ ﺷﻮﻱ ﻭﺍﻭﺩﻳﻚ .
ﻃﻠﻊ ﻷﺑﻮﻩ ﻭﺟﻠﺲ ﻗﺪﺍﻣﻪ ، ﻛﺎﻥ ﺍﺑﻮﻩ ﻣﻌﺼﺐ ﻭﺩﻣﻪ ﻓﺎﻳﺮ ﻗﺎﻝ ﺑﺤﺪﻩ : ﺗﺮﺍ ﻟﻠﺤﻴﻦ ﻣﺎﻏﻀﺒﺖ ﻋﻠﻴﻚ ﺭﻏﻢ ﺍﻧﻚ ﻣﺘﺰﻭﺝ ﻣﻦ ﻭﺭﺍﻱ
ﺳﻠﻤﺎﻥ ﺑﺎﺱ ﺭﺍﺳﻪ : ﺍﺑﺸﺮ ﺍﻟﻠﻲ ﺗﺒﻴﻪ ﺑﻴﺼﻴﺮ ﺑﺲ ﻻﺗﻌﺼﺐ
ﺍﺑﻮﻩ : ﺳﻠﻤﺎﻥ ﻻﺗﺎﺧﺬﻧﻲ ﺑﻬﺪﻭﺀ ﻋﺸﺎﻥ ﺍﻫﺪﻯ ﻭﺗﺤﺎﻭﻝ ﺗﻐﻴﺮ ﻗﻨﺎﻋﺎﺗﻲ ، ﻃﻠﻘﻬﺎ
ﺳﻠﻤﺎﻥ ﻳﺤﺎﻭﻝ ﻳﻤﺴﻚ ﻧﻔﺴﻪ : ﺍﺣﺒﻬﺎ
ﺍﺑﻮﻩ : ﺍﺧﺬﺕ ﺍﻣﻚ ﺑﻌﺪ ﻗﺼﺔ ﺣﺐ ﻃﻮﻳﻠﻪ ﻭﺧﺎﻧﺘﻨﻲ !
ﺳﻠﻤﺎﻥ ﻟﻤﺲ ﻋﻤﻖ ﺍﻟﺠﺮﺡ ﺑﺼﻮﺕ ﺍﺑﻮﻩ : ﺍﻧﺎ ﻋﺎﺫﺭﻙ ، ﺍﻣﻲ ﻛﺴﺮﺗﻨﺎ ﻛﻠﻨﺎ ﻟﻜﻦ ﻣﻮ ﻛﻞ ﺍﻟﻨﺎﺱ ﻣﺜﻠﻬﺎ ، ﻋﺰﻭﻑ ﺗﺮﺑﺖ ﻋﻨﺪ ﺍﺑﻮﻫﺎ
ﻣﻮ ﺑﺒﻴﺖ ﺧﺎﻻﺗﻲ ، ﻭﺍﺳﺎﺳﺎً ﺑﻴﺖ ﺧﺎﻻﺗﻲ ﺑﻴﺖ ﻣﺤﺘﺮﻡ ﻟﻜﻦ ﻛﻼﻡ ﺍﻟﻨﺎﺱ ﻟﺤﻘﻬﻢ ﺑﺴﺒﺐ ﺍﻣﻲ !
ﺍﺑﻮﻩ ﺗﻨﻬﺪ : ﺧﻼﺹ ﻟﻚ ﻣﺎﺗﺒﻲ، ﻟﻜﻦ ﺍﺗﻤﻨﻰ ﻣﺎﺗﺘﻜﺮﺭ ﻗﺼﺔ ﺍﻣﻚ ﻭﺍﺑﻮﻙ
ﺳﻠﻤﺎﻥ ﺑﺤﺪﻩ : ﻻﺣﻮﻝ ﻭﻻﻗﻮﺓ ﺍﻻ ﺑﺎﻟﻠﻪ .. ﺧﻼﺹ ﻳﺒﻪ !
ﺍﺑﻮﻩ ﻗﺎﻡ ﻭﻃﻠﻊ ﻭﻗﻠﺒﻪ ﻳﺤﺘﺮﻕ ﻣﻦ ﺍﻟﻘﻬﺮ ، ﻣﺮﺕ ﺍﻛﺜﺮ ﻣﻦ 20 ﺳﻨﻪ ﻭﻻ ﺑﺮﺩ ﻏﻠﻴﻠﻪ ﻭﻻﻧﺴﻰ ﺻﺪﻣﺘﻪ ﻓﻴﻬﺎ
،
*🌻ــــــــــ #يتبــع👇ـــــــــــ🌻*
💛 @ahgeel✏️💛🌼
🍃💛
💛🍃💛i
🍃💛🍃💛i
💛🍃💛🍃💛i
💛🍃💛🍃💛
🍃💛🍃💛
💛🍃💛
🍃💛
💛📖 @ahgeel 📖💛*
📖 روايـــــــــــــة ✍🏼
{ في حكيها لذه وفي صمتها موت فيها الجمال وصادق الحب فيني💙}
*🌻ــــــــــــــــــــــــــــــــــــــــــ🌻*
..ـ
#البارت_138✏️🌸
ـ ...
ــ.ﺭﺍﺋﺪ ﻣﻦ ﻳﻮﻡ ﻣﺎﺭﺟّﻊ ﺍﻧﺴﺎﻡ ﻣﻦ ﺑﻴﺖ ﺍﻫﻠﻪ ﻣﺎﺗﻜﻠﻢ ﻣﻌﺎﻫﺎ ، ﻹﻧﻪ ﻣﻌﺼﺐ ﻣﻦ ﺍﺳﻠﻮﺑﻬﺎ ﻣﻊ ﺍﻣﻪ ، ﻭﺧﺎﻑ ﻟﻮ ﻳﺘﻜﻠﻢ ﺗﺮﺩ ﻋﻠﻴﻪ
ﻭﻳﺠﺮﺣﻬﺎ ، ﻭﺍﻧﺴﺎﻡ ﻣﺎﻫﺘﻤﺖ ﻟﻪ ﺍﺻﻼً ، ﻛﻞ ﺍﻟﻠﻲ ﻳﻬﻤﻬﺎ ﻛﻴﻒ ﺗﺮﺟّﻊ ﺭﻭﺯ ﻭﻧﺎﺻﺮ ﺑﺪﻭﻥ ﻻﺗﺪﺧﻞ ﺑﻤﺸﺎﻛﻞ ﻣﻊ ﺭﺍﺋﺪ ﻭﻓﺎﺭﺱ .
ﺭﺍﺋﺪ ﻣﻞ ﻣﻦ ﻭﺿﻌﻬﺎ ﻭﺩﺧﻞ ﻣﻨﺪﻓﻊ ﻟﻐﺮﻓﺘﻬﺎ ﺷﺎﻓﻬﺎ ﻣﻨﺴﺪﺣﻪ ﻋﻠﻰ ﺳﺮﻳﺮﻫﺎ ﻭﺳﺮﺣﺎﻧﻪ، ﻣﺴﻚ ﻳﺪﻫﺎ ﻭﺟﻠﺴﻬﺎ ﻗﺪﺍﻣﻪ ﻭﻗﺎﻝ
ﺑﺼﺮﺍﻣﻪ : ﻭﺑــﻌــﺪﻳــﻦ ﻣﻌــﺎﻙ ؟ ﺍﻟﻰ ﻣﺘﻰ ﺑﺘﻌﻴﺸﻴﻨﻲ ﺑﺠﺤﻴﻢ ؟
ﺍﻧﺴﺎﻡ ﺑﺨﻮﻑ : ﺷﻔﻴﻚ
ﺭﺍﺋﺪ : ﺍﺳﺄﻟﻲ ﻧﻔﺴﻚ ، ﺿﺎﺭﺑﺘﻨﻲ ﺑﻌﺮﺽ ﺍﻟﺤﺎﺋﻂ ﻭﺣﺰﻳﻨﻪ ﻋﻠﻰ ﺍﻷﻳﺘﺎﻡ ﻛﺎﻧﻬﻢ ﻋﻴﺎﻟﻚ ، ﻭﻻﺣﺸﻤﺘﻲ ﺍﻣﻲ ﻭﺧﻮﺍﺗﻲ ، ﻣﻨﻬﻮ
ﻳﺮﺿﻰ ﻋﻠﻰ ﻧﻔﺴﻪ ﻛﻞ ﻫﺎﻷﻣﻮﺭ ، ﻟﻮ ﻏﻴﺮﻱ ﻣﻦ ﺯﻣﺎﻥ ﻃﻠﻘﻚ ﻭﺍﺭﺗﺎﺡ
ﺍﻧﺴﺎﻡ : ﻃﻠّﻖ !
ﺭﺍﺋﺪ ﺑﻘﻮﻩ : ﻻﺗﻨﺮﻓﺰﻳﻨﻲ ﺍﻧﺴﺎﻡ ﺍﻗﺴﻢ ﺑﺎﻟﻠﻪ ﺍﻧﻲ ﻭﺍﺻﻞ ﺣﺪﻱ ﻣﻨﻚ ، ﻭﻧﻬﺎﻳﺘﻬﺎ ﻣﻊ ﻫﺎﻟﻮﺿﻊ ؟
ﺍﻧﺴﺎﻡ ﺑﻬﺪﻭﺀ : ﻳﻌﻨﻲ ﺣﻼﻝ ﻋﻠﻰ ﺍﻣﻚ ﻭﺧﻮﺍﺗﻚ ﻳﺴﻔﻠﻮﻥ ﻓﻴﻨﻲ ﻭﺣﺮﺍﻡ ﺍﺫﺍ ﺭﺩﻳﺖ ؟
ﺭﺍﺋﺪ : ﺍﻣﻲ ﻻﺗﻄﻮﻟﻴﻦ ﻟﺴﺎﻧﻚ ﻋﻠﻴﻬﺎ !
ﺍﻧﺴﺎﻡ : ﺍﻟﻠﻲ ﻣﺎﻳﺤﺘﺮﻣﻨﻲ ﻣﺎﺍﺣﺘﺮﻣﻪ
ﺭﺍﺋﺪ : ﺍﻧﺎ ﻃﺎﻟﻊ ﻗﺒﻞ ﻳﻨﻔﺠﺮ ﺿﻐﻄﻲ ، ﺳﻼﻡ
ﺍﻧﺴﺎﻡ : ﻭﻋﻠﻴﻜﻢ ﺍﻟﺴﻼﻡ .
ﻧﺎﻇﺮ ﻓﻴﻬﺎ ﺑﺠﻔﺎ ﻭﺻﺪﺕ ﻋﻨﻪ ، ﻃﻠﻊ ﻭﻫﻮ ﻳﺴﺘﻐﻔﺮ ﻋﻠﺸﺎﻥ ﻳﻬﺪﺍ .
ﺗﺬﻛﺮ ﺷﻲ ﻭﺭﺟﻊ ﺑﻴﺎﺧﺬﻩ ، ﻛﺎﻧﺖ ﺳﺮﺣﺎﻧﻪ ﻭﻣﺎﻧﺘﺒﻬﺖ ﺍﻧﻪ ﺭﺟﻊ ﻭﻋﻴﻮﻧﻬﺎ ﺗﻠﻤﻊ ﻭﺧﺸﻤﻬﺎ ﺍﺣﻤﺮ ﺑﺪﺍﻳﺔ ﺑﻜﺎﺀ ، ﺍﻧﺘﺒﻬﺖ ﻟﻪ ﻭﻧﺰﻟﺖ
ﺭﺍﺳﻬﺎ ﺑﺴﺮﻋﻪ .
ﻛﺴﺮﺕ ﻗﻠﺒﻪ ﻭﺗﺬﻛﺮ ﺷﻲ ﻣﻤﻜﻦ ﻳﺴﻌﺪﻫﺎ ، ﻃﻠّﻊ ﺟﻮﺍﻟﻪ ﻭﻓﺘﺢ ﺍﻟﻮﺍﺗﺴﺎﺏ ﺭﻗﻢ ﻓﺎﺭﺱ ﻭﺩﺧﻞ ﺻﻮﺭﺓ ﻋﺮﺿﻪ ﻭﻛﺒﺮﻫﺎ ﻋﻠﻰ ﺻﻮﺭﺓ
ﺭﻭﺯ ﺑﺤﻴﺚ ﺍﻥ ﻭﺟﻪ ﻓﺎﺭﺱ ﻣﺎﻃﻠﻊ ، ﻭﻭﻗﻒ ﻗﺪﺍﻣﻬﺎ ﻭﻣﺪ ﻟﻬﺎ ﺍﻟﺠﻮﺍﻝ : ﺍﺣﺪﺙ ﺻﻮﺭﺓ ﻟﺤﺒﻴﺒﺘﻚ ﺭﻭﺯ
ﺍﻧﺴﺎﻡ ﺍﺑﺘﺴﻤﺖ : ﻳﺎﻋﻤﺮﻱ ﻛﺎﺷﺨﻪ ، ﻓﺪﻳﺖ ﺍﻷﺑﺘﺴﺎﻣﻪ
ﻻﺷﻌﻮﺭﻳﺎً ﺻﻐﺮﺕ ﺍﻟﺼﻮﺭﻩ ﻭﻭﺿﺢ ﻭﺟﻪ ﻓﺎﺭﺱ ﻭﺗﻼﺷﺖ ﺍﺑﺘﺴﺎﻣﺘﻬﺎ ﻭﺩﻕ ﻗﻠﺒﻬﺎ ﺭﻏﻤﺎً ﻋﻨﻬﺎ ﻣﻦ ﺍﺑﺘﺴﺎﻣﺘﻪ ﻭﻧﻈﺮﺍﺗﻪ ﻭﻟﻤﻌﺔ
ﻋﻴﻮﻧﻪ .
ﺳﺤﺐ ﻣﻨﻬﺎ ﺍﻟﺠﻮﺍﻝ ﻭﺷﺪ ﻋﻠﻴﻪ ﺑﻘﻮﻩ ﻣﻘﻬﻮﺭ ﻣﻦ ﺳﺮﺣﺎﻧﻬﺎ ﺑﺼﻮﺭﺗﻪ ، ﻭﻃﻠﻊ .
،
،
ﻓﺎﺭﺱ ﺑﺼﺪﻣﻪ : ﺃﺣﻠﻔﻲ !
ﻭﻓﺎﺀ : ﺍﻗﺴﻢ ﺑﺎﻟﻠﻪ ﻳﺎﻓﺎﺭﺱ ، ﻫﺬﺍ ﺍﻟﻠﻲ ﻗﺎﻟﻮﻩ ﻟﻬﺎ
ﻓﺎﺭﺱ : ﺍﺧﺦ ﻳﺎﻟﺨﺴﻴﺴﺎﺕ ، ﻭﺍﻧﺴﺎﻡ ﺳﻜﺘﺖ ﻟﻬﻢ ؟
ﻭﻓﺎﺀ : ﻻ ﺍﻧﺎ ﻭﻳﺎﻫﺎ ﺭﺩﻳﻨﺎ ﻋﻠﻴﻬﻢ ﺧﻠﻴﻨﺎ ﻭﺟﻴﻬﻬﻢ ﻭﺍﻟﻘﺎﻉ ﻭﺍﺣﺪ ، ﻟﻜﻦ ﺍﻧﺴﺎﻡ ﻗﺎﻟﺖ ﻣﺎﺍﺣﺘﺎﺝ ﺩﻓﺎﻋﻚ ﻷﻧﻚ ﺍﻧﺘﻲ ﺍﻟﻠﻲ ﻧﺸﺮﺗﻲ
ﺧﺒﺮ ﻃﻼﻗﻲ
ﻓﺎﺭﺱ : ﻭﺍﻟﻠﻪ ﻫﺎﻟﺸﻨﺐ ﻣﻮ ﻋﻠﻰ ﺭﺟﺎﻝ ﺍﺫﺍ ﻣﺎﺧﻠﻴﺘﻬﻢ ﻳﻌﺘﺬﺭﻭﻥ ﻟﻬﺎ
ﺩﺧﻠﺖ ﺍﻡ ﺭﺍﻛﺎﻥ ﻣﻌﺼﺒﻪ ﻟﻮﺟﻮﺩﻩ : ﺍﻧﺖ ﻟﻮ ﺷﻨﺒﻚ ﺑﻮﺟﻪ ﺭﺟﺎﻝ ﻣﺎﺗﺮﻛﺖ ﺍﺧﻮﻙ ﻳﻨﺎﻡ ﺑﺎﻟﺴﺠﻦ
ﻓﺎﺭﺱ : ﻣﻬﻮ ﺍﻧﺘﻲ ﺍﻟﻠﻲ ﺗﻘﻴﻤﻴﻦ ﺭﺟﻮﻟﺘﻲ ، ﻭﻟﻴﺘﻨﻲ ﺍﻗﺪﺭ ﺍﺳﻮﻱ ﺑﻮﻟﺪﻙ ﺷﻲ ﺍﻋﻈﻢ ﻣﻦ ﺍﻟﺴﺠﻦ ﻟﻜﻦ ﻣﺎﺑﺎﻟﻴﺪ ﺣﻴﻠﻪ
ﻭﻗﻒ ﻭﻃﻠﻊ ﺑﻌﺪ ﻣﺎﺧﺰﻫﺎ ﺑﻨﻈﺮﺍﺕ ﻛﺮﻫﺘﻬﺎ ﺑﻨﻔﺴﻬﺎ ، ﺭﻛﺐ ﺳﻴّﺎﺭﺗﻪ ﻭﻣﺸﻰ ﻟﺒﻴﺖ ﻋﻤﻪ ، ﻧﺰﻝ ﻭﻃﻖ ﺍﻟﺒﺎﺏ ﻭﻓﺘﺤﺖ ﻟﻪ ﺍﻟﺨﺪﺍﻣﻪ
ﻗﺎﻝ ﺑﻬﺪﻭﺀ : ﻗﻮﻟﻲ ﻟﻠﺒﻨﺎﺕ ﻳﺘﻐﻄﻮﻥ !
ﺩﺧﻠﺖ ﻭﻫﻲ ﺧﺎﻳﻔﻪ ﻣﻦ ﺷﻜﻠﻪ ﻗﺎﻟﺖ ﻟﻬﻢ ﻭﺧﺎﻓﻮﺍ ﻫﻢ ﺑﻌﺪ ، ﻃﻠﻌﺖ ﻟﻪ ﺍﻣﻬﻢ ﻭﻗﺎﻟﺖ ﺑﺤﺪﻩ : ﻭﺵ ﺑﻐﻴﺖ ﻳﺎﻓﺎﺭﺱ ؟
ﻓﺎﺭﺱ ﻭﻫﻮ ﻳﺸﻮﻑ ﺑﻨﺎﺗﻬﺎ ﻭﺍﻗﻔﻴﻦ ﻭﺭﺍﻫﺎ ﻗﺎﻝ ﺑﺤﺪﻩ : ﻣﺎﺷﺎﺀﺍﻟﻠﻪ ﻛﺜﻴﺮﻳﻦ ﻭﺍﻟﻠﻪ ، ﻣﻘﻮﻳﻦ ﺑﻌﻀﻜﻢ ﻭﻣﺴﺘﻘﻮﻳﻦ ﻋﻠﻰ ﺍﻧﺴﺎﻡ
ﺍﻟﻀﻌﻴﻔﻪ !
ﺍﻡ ﺭﺍﺋﺪ : ﻭﺍﻧﺖ ﻭﺵ ﺗﺴﻤﻲ ﻧﻔﺴﻚ ﻳﻮﻡ ﻃﻠﻘﺘﻬﺎ ﺑﻠﻴﻠﺔ ﺯﻭﺍﺟﻬﺎ ؟
ﻓﺎﺭﺱ : ﺍﺳﻤﻲ ﻧﻔﺴﻲ ﻏﻠﻄﺎﻥ ﻭﻭﺳﻮﺱ ﻟﻲ ﺍﻟﺸﻴﻄﺎﻥ ﻭﻧﺪﻣﺖ ﻭﺭﺟﻌﺖ ﺍﻋﺘﺬﺭﺕ ﻟﻬﺎ ﻭﺣﺎﻭﻟﺖ ﺍﺭﺟﻌﻬﺎ ﻭﺭﻓﻀﺘﻨﻲ ، ﻭﻓﻴﻪ
ﺳﺒﺐ ﺩﻓﻌﻨﻲ ﻟﻠﻄﻼﻕ ، ﻟﻜﻦ ﺍﻧﺘﻢ ﻭﺵ ﺟﺎﻛﻢ ﻣﻦ ﺍﻧﺴﺎﻡ ﻳﻮﻡ ﺗﺠﺮﺣﻮﻧﻬﺎ ﺑﻬﺎﻟﻄﺮﻳﻘﻪ ، ﻭﻟﻴﺶ ﺗﻌﺎﻳﺒﻮﻧﻬﺎ ﺑﺬﻧﺐ ﻣﻮ ﺫﻧﺒﻬﺎ ، ﺍﻧﺎ
ﺍﻟﻤﺬﻧﺐ ، ﺷﻮﻓﻲ ﻣﻦ ﺍﻻﺧﺮ ، ﺗﺬﻟﻔﻴﻦ ﺍﻧﺘﻲ ﻭﺑﻨﺎﺗﻚ ﻟﺒﻴﺘﻬﺎ ﻭﺗﻌﺘﺬﺭﻳﻦ ﻣﻨﻬﺎ ، ﻭﺍﻻ ﻗﺴﻢ ﺑﺎﻟﻠﻪ ﻟﻴﻮﺻﻞ ﺍﻟﻤﻮﺿﻮﻉ ﻟﻌﻤﻲ
ﺍﻡ ﺭﺍﺋﺪ ﺑﺨﻮﻑ : ﺍﻧﺖ ﻭﻋﻤﻚ ﻣﺎﻟﻜﻢ ﺩﺧﻞ ﺑﺴﻮﺍﻟﻒ ﺍﻟﺤﺮﻳﻢ
ﻓﺎﺭﺱ : ﻟﻲ ﺩﺧﻞ ﻃﺎﻟﻤﺎ ﺍﻧﺎ ﺍﻟﻠﻲ ﺧﻠﻴﺖ ﻧﺎﺱ ﻣﺜﻠﻜﻢ ﺗﺘﻄﺎﻭﻝ ﻋﻠﻴﻬﺎ ، ﺗﺮﻭﺣﻮﻥ ﻟﻬﺎ ، ﻭﺗﻌﺘﺬﺭﻭﻥ ﻭﻭﻓﺎﺀ ﺑﺘﻜﻮﻥ ﻣﻌﺎﻛﻢ ، ﻭﺍﻱ
ﻛﻠﻤﻪ ﻏﻠﻂ ﺗﻮﺟﻬﻮﻧﻬﺎ ﻟﻬﺎ ﺗﺤﻤﻠﻮﺍ ﺍﻟﻠﻲ ﻳﺼﻴﺮ !
،
*🌻ــــــــــ #يتبــع👇ـــــــــــ🌻*
💛 @ahgeel✏️💛🌼
🍃💛
💛🍃💛i
🍃💛🍃💛i
💛🍃💛🍃💛i
💛🍃💛🍃💛
🍃💛🍃💛
💛🍃💛
🍃💛
💛📖 @ahgeel 📖💛*
📖 روايـــــــــــــة ✍🏼
{ في حكيها لذه وفي صمتها موت فيها الجمال وصادق الحب فيني💙}
*🌻ــــــــــــــــــــــــــــــــــــــــــ🌻*
..ـ
#البارت_139✏️🌸
ـ ...
ــ.ﻛﺴﺒﺖ ﻣﻦ ﻛﺜﺮ ﺍﻷﻣﺎﻧﻲ ﻭﺍﻷﺣﻼﻡ
ﺣﻠﻢً ﺗﻌﻠﻖ ، ﻻﺗﺤﻘﻖ ﻭﻻﻣـﺎﺕ
ﻓﺎﺭﺱ ﺍﺗﺠﻪ ﻟﺒﻴﺖ ﺧﻮﺍﻟﻪ ، ﺑﻴﺴﻠﻢ ﻋﻠﻰ ﺧﺎﻟﺘﻪ ﻣﺸﺎﻋﻞ ﻭﻧﻔﺲ ﺍﻟﻮﻗﺖ ﻳﺘﻄﻤﻦ ﻋﻠﻰ ﻧﺎﺻﺮ ﻭﺭﻭﺯ .
ﺩﺧﻞ ﺍﻟﺒﻴﺖ ﻭﻛﺎﻥ ﻣﺴﺘﻌﺠﻞ ﻭﻋﻘﺪ ﺣﻮﺍﺟﺒﻪ ﻟﻤﺎ ﻣﺎﺳﻤﻊ ﺍﺻﻮﺍﺕ ﻭﻧﺎﺩﻯ ﺑﺼﻮﺗﻪ ﺍﻟﺤﺎﺩ : ﻳﺎﻧﺎﺻﺮ ، ﻫﻨـ .
ﺳﻜﺖ ﻟﻤﺎ ﺷﺎﻑ ﺍﻟﻠﻲ ﻗﺪﺍﻣﻪ ، ﻫﻨﺪ ﺟﺎﻟﺴﻪ ﻭﺗﻮﻛﻞ ﺭﻭﺯ ﻭﻟﻤﺎ ﺳﻤﻌﺖ ﺻﻮﺗﻪ ﺳﺤﺒﺖ ﺣﺠﺎﺏ ﺍﻟﺼﻼﻩ ﻭﺗﺤﺠﺒﺖ ﺑﺴﺮﻋﻪ ﻭﻗﺎﻟﺖ
ﺑﺤﺪﻩ : ﻃﻖ ﺍﻟﺒﺎﺏ ﻳﺎﺧﻲ ﻋﻴﺐ ﻋﻠﻴﻚ
ﻧﺎﺻﺮ ﻣﻨﺴﺪﺡ ﻉ ﺍﻟﻜﻨﺐ ﻭﻧﺎﻳﻢ ، ﻛﻠﻬﻢ ﻣﺎﺷﺪﻭﺍ ﺍﻧﺘﺒﺎﻫﻪ ، ﺷﺪ ﺍﻧﺘﺒﺎﻫﻪ ﺍﻟﺸﺨﺼﻴﻪ ﺍﻟﺮﺍﺑﻌﻪ ﺍﻟﻠﻲ ﻃﺎﺣﺖ ﻋﻴﻮﻧﻪ ﺑﻌﻴﻮﻧﻬﺎ ﺑﻌﺪ
ﻏﻴﺎﺏ ﺳﻨﻪ ﻭﻧﺺ ، ﻣﺎﺗﻐﻴﺮﺕ ﻭﻻ ﻧﻘﺺ ﺟﻤﺎﻟﻬﺎ، ﻭﻧﻔﺲ ﺍﻟﻨﻈﺮﺍﺕ ﻻﺯﺍﻟﺖ ﺑﻌﻴﻮﻧﻬﺎ ﻟﻜﻦ ﻟﻴﺶ ﻓﺎﺭﺱ ﻣﺎﺩﻕ ﻗﻠﺒﻪ ﻟﻬﺎ ، ﻫﻮ ﻣﻦ
ﺯﻣﺎﻥ ﻳﺤﺲ ﺍﻥ ﺍﻟﻠﻬﻔﻪ ﻣﺎﺗﺖ ﻭﻛﺎﻧﺖ ﺍﻷﻳﺎﻡ ﻭﺍﻟﻈﺮﻭﻑ ﻛﻔﻴﻠﻪ ﺗﻨﺴﻴﻪ ﻛﻞ ﺷﻲ ﺣﻠﻮ ﻛﺎﻥ ﺑﻴﻨﻬﻢ .
ﺍﻣﻞ ﺗﻀﺎﺭﺑﺖ ﻣﺸﺎﻋﺮﻫﺎ ﻟﻜﻦ ﻟﻤﻌﺖ ﺑﻌﻴﻮﻧﻬﺎ ﻧﻈﺮﻩ ﻗﺪﻳﻤﻪ ، ﺭﺟﻔﺖ ﺍﻳﺪﻳﻨﻬﺎ ﻭﺍﺑﺘﺴﻤﺖ ﻻﺷﻌﻮﺭﻳﺎً ﻟﻤﺎ ﺷﺎﻓﺘﻪ ، ﺣﺴﺖ ﺍﻧﻬﺎ
ﺑﺘﻤﻮﺕ ﻣﻦ ﻛﺜﺮ ﺍﻟﺤﺐ ﻭﺍﻟﻐﻴﺮﻩ ، ﻧﺪﻣﺖ ﻟﻠﻤﺮﻩ ﺍﻷﻟﻒ ﻋﻠﻰ ﺍﻟﻠﺤﻈﻪ ﺍﻟﻠﻲ ﺻﺪﻗﺖ ﻛﺬﺑﺔ ﺍﺑﻮﻫﺎ .
ﻓﺎﺭﺱ ﺻﺪ ﻋﻨﻬﺎ ﺷﻮﻱ ﻭﻣﺮﺕ ﺑﻴﻦ ﻋﻴﻮﻧﻪ ﺻﻮﺭﺓ ﺍﻧﺴﺎﻡ ، ﻛﺎﻥ ﺍﺫﺍ ﺷﺎﻑ ﺍﻣﻞ ﻳﻨﺴﻰ ﻛﻞ ﺷﻲ ﺣﺘﻰ ﻧﻔﺴﻪ ، ﻟﻜﻦ ﺍﻟﺤﻴﻦ ﻧﺴﻰ
ﺍﻣﻞ ﺭﻏﻢ ﺍﻧﻬﺎ ﻗﺪﺍﻣﻪ ، ﻭﺗﺬﻛﺮ ﺍﻧﺴّﺎﻡ ﺑﺲ .
ﻫﻨﺪ : ﺑﺘﺎﺧﺬﻫﻢ ؟
ﻓﺎﺭﺱ : ﻋﻄﻴﻨﻲ ﺭﻭﺯ ، ﺩﺍﻡ ﻧﺎﺻﺮ ﻧﺎﻳﻢ ﺑﺎﺧﺬﻫﻢ ﺑﻜﺮﻩ
ﻫﻨﺪ ﻗﺎﻣﺖ ﻭﻋﻄﺘﻪ ﺭﻭﺯ ﻭﺍﺑﺘﺴﻢ ﻟﻬﺎ ﻣﻦ ﺍﻋﻤﺎﻗﻪ ﻭﺑﺎﺳﻬﺎ ﺑﻮﺳﻪ ﻗﻮﻳﻪ ﻋﺒﺮﺕ ﻋﻦ ﺣﺒﻬﺎ ﺑﺪﺍﺧﻠﻪ ﻭﻛﺄﻧﻬﺎ ﺑﻨﺘﻪ ﻭﻗﻄﻌﻪ ﻣﻦ ﺭﻭﺣﻪ ،
ﻹﻧﻬﺎ ﺗﺬﻛﺮﻩ ﺑﺄﻧﺴﺎﻡ ..
ﺭﺟﻌﻬﺎ ﻟﻬﻨﺪ ﻭﻃﻠﻊ ﺑﺴﺮﻋﻪ ﻣﺎﻳﺒﻲ ﻳﺴﻤﻊ ﺻﻮﺗﻬﺎ ﻟﻜﻦ ﺍﻣﻞ ﻛﺄﻧﻬﺎ ﺗﺪﺭﻱ ﺑﺎﻟﻠﻲ ﺩﺍﺧﻠﻪ ﻭﻃﻠﻌﺖ ﻭﺭﺍﻩ ﻭﻗﺎﻟﺖ ﺑﻘﻮﻩ : ﻓـﺎﺭﺱ !
ﻭﻗﻒ ﻭﻻ ﻧﺎﻇﺮ ﻓﻴﻬﺎ، ﻭﻗﻔﺖ ﻗﺪﺍﻣﻪ ﻭﻗﺎﻟﺖ ﺑﺼﻮﺕ ﺣﺰﻳﻦ : ﺍﻟﻠﻪ ﻳﺎﻟﺪﻧﻴﺎ ﺻﺮﺕ ﻣﺎﺗﺤﺐ ﺷﻮﻓﺘﻲ !
ﻓﺎﺭﺱ : ﺍﺳﺘﺤﻲ ﻋﻠﻰ ﻭﺟﻬﻚ ﺍﻧﺘﻲ ﻣﺮﻩ ﻣﺘﺰﻭﺟﻪ
ﺍﻣﻞ ﺑﺈﻧﻜﺴﺎﺭ : ﺗـ، ﺗﻄﻠﻘﺖ ، ﺗﻄﻠﻘﺖ ﺑﺴﺒﺒﻚ
ﻓﺎﺭﺱ : ﺑﺴﺒﺒﻲ ؟
ﺍﻣﻞ : ﺍﻳﻪ ، ﻣﺸﺎﺭﻱ ﻋﺮﻑ ﺍﻧﻲ ﻛﻨﺖ ﺍ . ﺍﺣﺒﻚ ، ﻃﻠﻘﻨﻲ ﻭﻗﺎﻝ ﺍﺭﺟﻌﻲ ﻟﻪ
ﻓﺎﺭﺱ ﺑﺒﺮﻭﺩ : ﻟﻜﻦ ﺍﻧﺎ ﻧﺴﻴﺖ ﻛﻞ ﺷﻲ ﻣﻦ ﻳﻮﻡ ﻣﺎﺗﺮﻛﺘﻴﻨﻲ ﻭﺗﺰﻭﺟﺘﻲ
ﺍﻣﻞ : ﻻﺗﻜﺎﺑﺮ ، ﺍﻧﺖ ﺗﺤﺒﻨﻲ ﻭﻃﻠﻘﺖ ﺍﻧﺴﺎﻡ ﻋﻠﺸﺎﻧﻲ ﻧﻔﺲ ﻣﺎﺍﻧﺎ ﺗﻄﻠﻘﺖ ﻋﺸﺎﻧﻚ !
ﻓﺎﺭﺱ : ﺍﻧﺴﺎﻡ ﺗﺤﺒﻨﻲ ﻭﺍﻧﺎ ﺍﺣﺐ ﺍﻧﺴﺎﻡ ، ﻭﺑﺮﺟﻊ ﻟﻬﺎ ﻭﺗﺤﺮﻡ ﻋﻠﻲ ﺑﻨﺎﺕ ﺍﺩﻡ ﻣﻦ ﺑﻌﺪﻫﺎ !
ﺍﻣﻞ : ﻻ ﻓﺎﺭﺱ ﺍﻧﺖ ﻛﺬﺍﺏ ، ﻣﺴﺘﺤﻴﻞ ﺗﻨﺴﻰ ﺑﻬﺎﻟﺴﻬﻮﻟﻪ !
ﻓﺎﺭﺱ : ﻻ ﻻ ﻧﺴﻴﺖ ﺻﺪﻗﻴﻨﻲ ﻭﻛﻞ ﺣﺮﻛﺎﺗﻚ ﺫﻱ ﻣﺎﺗﻔﻴﺪ ، ﺍﻟﻨﻔﺲ ﺍﺫﺍ ﻃﺎﺑﺖ ﻃﺎﺑﺖ
ﺍﻣﻞ : ﺑﺲ ﺍﻧﺎ ﺍﺣﺒﻚ ﻭﺍﺑﻴﻚ ﻓﺎﺭﺱ ﺣﺮﺍﻡ ﻋﻠﻴﻚ، ﺍﻧﺎ ﻣﺎﻧﺴﻴﺖ !
ﻓﺎﺭﺱ ﺑﺤﺪﻩ : ﻧﺴﻴﺘﻲ ﻳﻮﻡ ﺻﺪﻗﺘﻲ ﻛﺬﺑﺔ ﺍﺑﻮﻙ ﻭﻭﺍﻓﻘﺘﻲ ﻋﻠﻰ ﺍﻭﻝ ﺷﺨﺺ ﺗﻘﺪﻡ ﻟﻚ ، ﺧﻠﻴﺘﻴﻨﻲ ﻣﺜﻞ ﺍﻟﻤﺠﻨﻮﻥ ﺍﻓﻜﺮ ﻛﻴﻒ
ﺍﻧﺘﻘﻢ ، ﻭﺻﺎﺭﺕ ﺍﻧﺴﺎﻡ ﺿﺤﻴﺔ ﺣﺒﻨﺎ ، ﻟﻜﻨﻬﺎ ﻗﺪﺭﺕ ﺗﻤﺤﻴﻪ ﻣﻦ ﻗﻠﺒﻲ ، ﺻﺎﺭﺕ ﺍﻟﻮﺣﻴﺪﻩ ﺍﻟﻠﻲ ﺍﺣﺒﻬﺎ ﻭﺍﻧﺎ ﻣﺘﺄﻛﺪ ﺍﻧﻬﺎ ﺍﻟﻮﺣﻴﺪﻩ
ﺍﻟﻠﻲ ﺗﺴﺘﺎﻫﻞ ﺍﻟﺤﺐ !
ﺍﻣﻞ ﺑﻘﻬﺮ : ﻻﺗﻜﺬﺏ ﻋﻠﻰ ﻧﻔﺴﻚ ، ﺗﺤﺒﻨﻲ !
*🌻ــــــــــ #يتبــع👇ـــــــــــ🌻*
💛 @ahgeel✏️💛🌼
🍃💛
💛🍃💛i
🍃💛🍃💛i
💛🍃💛🍃💛i
💛🍃💛🍃💛
🍃💛🍃💛
💛🍃💛
🍃💛
💛📖 @ahgeel 📖💛*
📖 روايـــــــــــــة ✍🏼
{ في حكيها لذه وفي صمتها موت فيها الجمال وصادق الحب فيني💙}
*🌻ــــــــــــــــــــــــــــــــــــــــــ🌻*
..ـ
#البارت_140✏️🌸
ـ ...
ــ.ﻓﺎﺭﺱ : ﻭﺍﻟﻠﻪ ﻣﺎﺍﻛﺬﺏ ، ﻭﺍﻟﻠﻪ ﻣﺎﺍﺣﺒﻚ !
ﺍﻣﻞ ﻛﺎﻧﺖ ﺗﻨﺎﻇﺮ ﻓﻴﻪ ﻣﺼﺪﻭﻣﻪ ، ﻭﻓﺎﺭﺱ ﻣﺎﻧﺎﻇﺮ ﻓﻴﻬﺎ ﺍﻻ ﻗﻠﻴﻞ .
ﻗﻄﻊ ﺣﻮﺍﺭﻫﻢ ﺩﺧﻠﺔ ﻣﺸﺎﻋﻞ ، ﻧﺎﻇﺮﺕ ﻓﻴﻬﻢ ﺑﺘﺮﻗّﺐ ﻭﻋﻘﺪﺕ ﺣﻮﺍﺟﺒﻬﺎ ﺗﺴﺘﻨﻜﺮ ﺍﻟﻠﻲ ﻳﺪﻭﺭ ﺑﺮﺍﺳﻬﺎ ، ﺍﻣﻞ ﺩﺧﻠﺖ ﻭﻫﻲ ﺩﺍﻳﺨﻪ
ﻣﻦ ﺻﺪﻣﺘﻬﺎ ﻭﻗﻬﺮﻫﺎ .
ﻓﺎﺭﺱ ﻭﻫﻮ ﻳﺴﻠﻢ ﻋﻠﻴﻬﺎ : ﺍﻟﺤﻤﺪﻟﻠﻪ ﻋﻠﻰ ﺍﻟﺴﻼﻣﻪ
ﻣﺸﺎﻋﻞ : ﺍﻟﻠﻪ ﻳﺴﻠﻤﻚ ، ﺟﻴﺖ ﺑﺘﺴﻠﻢ ﻋﻠﻲ ﻭﻻ ﻋﻠﻰ ﺍﻣﻞ ؟
ﻓﺎﺭﺱ : ﺟﻴﺖ ﺍﺳﻠﻢ ﻋﻠﻴﻚ ، ﻣﺎﻛﺎﻥ ﻋﻨﺪﻱ ﺧﺒﺮ ﺍﻧﻬﺎ ﻣﻮﺟﻮﺩﻩ
ﻣﺸﺎﻋﻞ : ﺍﻟﻠﻪ ﻳﺎﻟﺪﻧﻴﺎ ﻭﺵ ﺻﺎﺭ ؟
ﻓﺎﺭﺱ : ﺻﺎﺭ ﻛﺜﻴﺮ ، ﺗﻐﻴﺮ ﻛﻞ ﺷﻲ
ﻣﺸﺎﻋﻞ : ﺗﻌﺎﻝ ﺗﻌﺎﻝ ، ﺍﺟﻠﺲ ﻭﺳﻮﻟﻒ ﻟﻲ ﻣﺸﺘﺎﻗﻪ ﻟﻚ
ﻣﺸﺖ ﻗﺪﺍﻣﻪ ﻭﻓﺎﺭﺱ ﻳﻨﺎﻇﺮ ﻓﻴﻬﺎ " ﻛﺎﻥ ﻳﺤﺲ ﺍﻧﻬﺎ ﻛﺎﺭﻫﺘﻪ ﺑﻌﺪ ﻣﺎﻋﺮﻓﺖ ﻧﻴﺘﻪ ﺗﺠﺎﻩ ﻋﺰﻭﻑ ﺑﺎﻟﺒﺪﺍﺍﻳﻪ ، ﻟﻜﻦ ﻗﻠﺒﻬﺎ ﻃﻴﺐ
ﻭﻳﻨﺴﻰ "
ﺟﻠﺴﺖ ﻭﺟﻠﺲ ﻗﺪﺍﻣﻬﺎ ﻭﻧﺎﺩﺕ ﻫﻨﺪ ﺗﺠﻴﺐ ﻟﻬﻢ ﺍﻟﻘﻬﻮﻩ .
ﻣﺸﺎﻋﻞ : ﻭﺵ ﺻﺎﺭ ﻋﻠﻰ ﺳﺎﺭﻩ ﻣﺎﺗﺪﺭﻱ
ﻓﺎﺭﺱ : ﺗﻄﻠﻊ ﺍﻟﺨﻤﻴﺲ ، ﻭﺍﻟﻜﻠﺐ ﻫﺬﺍﻙ ﻫﻮ ﺍﻟﻠﻲ ﺑﻴﻨﺴﺠﻦ
ﻣﺸﺎﻋﻞ : ﻋﺴﺎﻩ ﻣﺎﻳﻄﻠﻊ ، ﺧﻄﻴﻪ ﺍﻟﺒﻨﺖ ﻣﺴﻜﻴﻨﻪ ﺗﻜﺴﺮ ﺍﻟﻘﻠﺐ
ﻓﺎﺭﺱ : ﺍﻟﻠﻪ ﻳﻌﻴﻨﻬﺎ ﻭﻳﺴﺎﻣﺢ ﺍﻣﻲ
ﻣﺸﺎﻋﻞ : ﺍﻗﺘﻨﻌﺖ ﺍﻟﺤﻴﻦ ﺍﻥ ﺍﻣﻚ ﻫﻲ ﺳﺒﺐ ﺍﻟﻤﺸﺎﻛﻞ ؟
ﻓﺎﺭﺱ : ﻣﻘﺘﻨﻊ ﻣﻦ ﺍﻭﻝ ، ﻟﻜﻦ ﻋﻴﺐ ﻭﺣﺮﺍﻡ ﺍﻭﻗﻒ ﺿﺪﻫﺎ
ﻣﺸﺎﻋﻞ : ﻃﻴﺐ ﻭﺵ ﺍﺧﺒﺎﺭﻫﺎ ﻭﺵ ﺻﺎﺭ ﻋﻠﻴﻬﺎ ..
ﻓﺎﺭﺱ ﺑﻀﻴﻖ : ﺳﺠﻦ ﺳﻨﺘﻴﻦ ﻭ .. ﻭﺭﺟﻢ ﺣﺘﻰ ﺍﻟﻤﻮﺕ
ﻣﺸﺎﻋﻞ ﻟﻤﻌﺖ ﻋﻴﻮﻧﻬﺎ ﻣﻮ ﻋﻠﻰ ﺍﺧﺘﻬﺎ ، ﻋﻠﻰ ﺣﺎﻝ ﻓﺎﺭﺱ ﺷﻠﻮﻥ ﻳﺘﻜﻠﻢ ﻋﻦ ﻣﻮﺕ ﺍﻣﻪ ﺑﺈﺳﺘﺴﻼﻡ ﻣﺎﻟﻪ ﺣﻮﻝ ﻭﻻ ﻗﻮﻩ .
ﻗﺎﻟﺖ ﺑﻬﺪﻭﺀ : ﺍﻟﻠﻪ ﺍﻟﻤﺴﺘﻌﺎﻥ .
،
ﺍﻧﺴـﺎﻡ :
ﻛﺎﻧﺖ ﺟﺎﻟﺴﻪ ﻭﻓﺠﺄﻩ ﺩﺧﻞ ﺭﺍﺋﺪ ﻭﻣﻌﺎﻩ ﺍﻣﻪ ﻭﺧﻮﺍﺗﻪ ﻭﻭﻓﺎﺀ ، ﻛﺎﻥ ﻣﺴﺘﻐﺮﺏ ﺍﺗﺼﻠﻮﺍ ﻋﻠﻴﻪ ﻭﻗﺎﻟﻮﺍ ﺑﻨﺸﻮﻑ ﺍﻧﺴﺎﻡ .
ﺍﻧﺴﺎﻡ ﻣﺎﻭﻗﻔﺖ ﻟﻬﻢ ﻭﻻ ﺭﺣﺒﺖ ﻓﻴﻬﻢ ، ﺍﻡ ﺭﺍﺋﺪ ﺍﻧﻘﻬﺮﺕ ﻣﻦ ﺣﺮﻛﺘﻬﺎ ﻟﻜﻦ ﻣﺠﺒﻮﺭﻩ ﺗﺠﺎﺭﻳﻬﺎ ﻗﺎﻟﺖ ﺑﻬﺪﻭﺀ : ﺍﺳﻔﻴﻦ ، ﺟﺎﻳﻴﻦ
ﻧﻌﺘﺬﺭﻟﻚ ﻭﺣﻘﻚ ﻋﻠﻴﻨﺎ
ﺍﻟﺠﺎﺯﻱ ﺑﻘﻬﺮ : ﺍﺳﻔﻴﻦ ، ﺳﺎﻣﺤﻴﻨﺎ
ﺍﻧﺴﺎﻡ ﺍﻧﺼﺪﻣﺖ ﻣﻌﻘﻮﻟﻪ ﻳﻌﺘﺬﺭﻭﻥ ﻟﻲ؟ ﻭﺵ ﻋﻘﺒﻪ ؟ ﻟﻮ ﺿﺎﺭﺑﻴﻨﻲ ﺍﻫﻮﻥ ﻣﻦ ﺍﻟﻜﻼﻡ ﺍﻟﻠﻲ ﻗﺎﻟﻮﻩ ﻟﻲ ، ﻟﻜﻦ ﻭﺍﻟﻠﻪ ﻣﺎﺍﻭﻗﻒ ﻭﻻ
ﺍﺭﺩ ، ﺧﻞ ﻳﺬﻟﻮﻥ ﺍﻧﻔﺴﻬﻢ ﻟﻲ .
ﺍﻡ ﺭﺍﺋﺪ ﺑﻘﻬﺮ : ﻭﺭﺍ ﻣﺎﺗﻔﺰﻳﻦ ﻭﺗﺤﺘﺮﻣﻴﻦ ﺍﻟﻠﻲ ﺟﺎﻳﻴﻨﻚ ؟
ﺍﻧﺴﺎﻡ ﺑﺒﺮﻭﺩ : ﺍﻧﺘﻢ ﻣﺎﺣﺘﺮﻣﺘﻮﻧﻲ ﺑﺒﻴﺘﻜﻢ ﻭﺍﻧﺎ ﺍﻋﺎﻣﻞ ﺑﺎﻟﻤﺜﻞ
ﺭﺍﺋﺪ ﺑﻨﺒﺮﻩ ﺣﺎﺩﻩ : ﺍﻧﺴــﺎﻡ !
ﺍﻧﺴﺎﻡ : ﻧﻌـﻢ ؟ ﻻﺯﻡ ﺍﻭﻗﻒ ﻳﻌﻨﻲ ؟ ﺧﻼﺹ ﺍﻋﺘﺬﺍﺭﻫﻢ ﻣﻘﺒﻮﻝ ﺧﻞ ﻳﺘﻮﻛﻠﻮﻥ
ﺣﻄﺘﻬﻢ ﺑﻤﻮﻗﻒ ﻣﺤﺮﺝ ﻛﻠﻬﻢ ، ﻭﺍﻭﻟﻬﻢ ﺭﺍﺋﺪ ، ﺗﻘﺪﻡ ﻟﻬﺎ ﻭﻣﺴﻚ ﺫﺭﺍﻋﻬﺎ ﺑﻘﻮﻩ ﻟﺪﺭﺟﺔ ﺣﺴﺖ ﻳﺪﻫﺎ ﺑﺘﻨﻜﺴﺮﺭ، ﻭﻗﻔﻬﺎ ﻗﺪﺍﻣﻬﻢ
ﻭﻗﺎﻝ ﺑﻘﻮﻩ : ﺍﻭﻗﻔﻲ ﻭﺭﺩﻱ ﺯﻱ ﺍﻟﻨﺎﺱ
ﺍﻧﺴﺎﻡ ﺑﺼﺮﺍﺥ : ﺑﻜﻴﻔﻲ ﻣﺎﺑﻲ ﺍﺭﺣﺐ ﻓﻴﻬﻢ
ﺭﺍﺋﺪ : ﻏﺼﺐ ﻋﻨﻚ ﻫﺬﺍ ﺑﻴﺘﻲ ﻣﻮ ﺑﻴﺘﻚ
ﺍﻧﺴﺎﻡ : ﻻﺗﻄﻠﻊ ﻗﻮﺗﻚ ﻋﻠﻲ ﻗﺪﺍﻣﻬﻢ ، ﻻﺗﻨﺴﻰ ﻭﺵ ﻗﺎﻟﻮﺍ ﻟﻲ
ﺭﺍﺋﺪ ﺑﺤﺪﻩ : ﻻﺗﻌﻠﻴﻦ ﺻﻮﺗﻚ ﻋﻠﻲ
ﺍﻧﺴﺎﻡ : ﺍﻻ ﺑﻌﻠﻴﻪ ﺩﺍﻣﻚ ﻣﺴﻮﻱ ﻗﻮﻱ ﻗﺪﺍﻣﻬﻢ ﻭ ﺗﻬﻴﻨﻨﻲ ﻗﺪﺍﻡ ﺍﻟﻠﻲ ﻣﺎﻳﺴﻮﻯ ﻭ ..
ﻣﺎﻛﻤﻠﺖ ﻛﻼﻣﻬﺎ ﻹﻥ ﺭﺍﺋﺪ ﻓﻘﺪ ﺍﻋﺼﺎﺑﻪ ﻭﺳﻜﺘﻬﺎ ﺑـ ﻛﻒّ ﻭﺻﺮﺧﺖ ﺑﺄﻟﻢ ، ﺍﻡ ﺭﺍﺋﺪ ﻭﺑﻨﺎﺗﻬﺎ ﺍﺑﺘﺴﻤﻮﺍ ﺑﺈﻧﺘﺼﺎﺭ ، ﻭﻭﻓﺎﺀ ﺑﺎﻟﻨﺺ
ﺗﺪﻭﺭ ﺑﻌﻴﻮﻧﻬﺎ ﻋﻠﻴﻬﻢ ﻭﺳﺠﻠﺖ ﻛﻞ ﺷﻲ ﺑﺠﻮﺍﻟﻬﺎ ﻭﺍﺭﺳﻠﺘﻪ ﻟـ ﻓﺎﺭﺱ ..
*🌻ــــــــــ #يتبــع👇ـــــــــــ🌻*
#نتمنـى_لكـم_قراءة_ممتعة ..
{يســـــعدنــا مشـــاركــة الروايــــة ... ولكــن لانبيـــح او نحـلل حـذف رابـــــط القناة👇👇}
https://t.me/joinchat/AAAAAFdO1y-1PZ5SzX0BWg
💛 @ahgeel✏️💛🌼
🍃💛
💛🍃💛i
🍃💛🍃💛i
💛🍃💛🍃💛i