في حكيها لذه وفي صمتها موت فيها الجمال وصادق الحب فيني - الفصل 56 - مكتملة | روايتك

عالم القصص والروايات 📚: 💛🍃💛🍃💛 🍃💛🍃💛 💛🍃💛 🍃💛 💛📖 @ahgeel 📖💛* 📖 روايـــــــــــــة ✍🏼 { في حكيها لذه وفي صمتها موت فيها الجمال وصادق الحب فيني💙} *🌻ــــــــــــــــــــــــــــــــــــــــــ🌻* ..ـ #البارت_106✏️🍒 ـ ... ــ.ﻓﻲ ﺑﻴﺖ ﺍﺑﻮ ﺳﻌﻮﺩ ؛ ﻫﻨﺪ ﻛﺎﻧﺖ ﺗﺮﺗﺐ ﺍﻟﺼﺎﻟﻪ ، ﻭﺣﺴﺖ ﺑﺎﺏ ﺍﺣﺪ ﺍﻟﻐﺮﻑ ﻳﻨﻔﺘﺢ ﺑﺴﺮﻋﻪ ﻭﺍﺯﻋﺎﺝ ﻭﺷﺨﺺ ﻣﻌﺼﺐ ، ﻣﺎﻫﺘﻤﺖ ﻟﻴﻦ ﻗﺮﺏ ﻟﻪ ﺍﻟﺼﻮﺕ ﻭﺍﻧﻤﺴﻜﺖ ﻳﺪﻫﺎ ﺑﻘﻮﻩ ﻭﺑﺮﻣﺸﺔ ﻋﻴﻦ ﺟﺎﻫﺎ ﻛﻒ ﺍﻋﻤﺎﻫﺎ ﻭﺧﻠﻰ ﺍﻟﺪﻧﻴﺎ ﻇﻼﻡ ﺑﻌﻴﻮﻧﻬﺎ ﻟﺪﺭﺟﺔ ﺍﻧﻬﺎ ﻣﺎﺷﺎﻓﺖ ﻭﺟﻬﻪ ﻟﻜﻦ ﻋﺮﻓﺖ ﺻﻮﺗﻪ : ﺳﺮﻗﺘﻲ ﺍﻭﻝ ﻣﺮﻩ ﻭﺳﻜﺘﻨﺎ ، ﺛﺎﻧﻲ ﻣﺮﻩ ﻭﻗﻠﻨﺎ ﻣﻌﻠﻴﺶ ، ﺑﺲ ﻭﺍﻟﻠﻪ ﻫﺎﻟﻤﺮﻩ ﻣﺎﺍﺳﻜﺖ ﻟﻚ ﻫﻨﺪ ﻧﺎﻇﺮﺕ ﻓﻴﻪ ﺑﻌﻴﻮﻥ ﺩﺍﻣﻌﻪ ﻭﻧﺎﻇﺮﺕ ﻭﺭﺍﻩ ﻛﺎﻧﻮﺍ ﻋﻴﺎﻟﻪ ﻭﺍﻗﻔﻴﻦ ﺛﻼﺛﺘﻬﻢ ﻭﻫﻤﺴﺖ ﺑﻐﺼﻪ : ﻭﺍﻟﻠﻪ ﺍﻟﻌﻈﻴﻢ ﻣﺎﺳﺮﻗﺖ ﺷﻲ ﺍﺑﻮ ﺳﻌﻮﺩ ﺑﻌﺼﺒﻴﻪ : ﺗﺤﻠﻔﻴﻦ ﺍﻟﻠﻪ ﻳﺎﻟﺤﻘﻴﺮﻩ ، ﻣﺤﺪ ﺗﺒﻼﻙ ﺭﻓﻊ ﺑﻮﻛﻬﺎ ﺑﻮﺟﻬﻬﺎ ﻭﻗﺎﻝ ﺑﺼﺮﺍﻣﻪ : ﻭﻫﺬﺍ ﺑﻮﻙ ﻣﻴﻦ ﺍﻟﻠﻲ ﻃﺎﻳﺢ ﺑﻐﺮﻓﺘﻲ ؟ ﻫﻨﺪ ﺭﻓﻌﺖ ﻳﺪﻫﺎ ﺑﺘﺎﺧﺬﻩ ﻭﻣﺎﺳﻤﺢ ﻟﻬﺎ ، ﻭﻗﺎﻟﺖ ﺑﻘﻬﺮ : ﻋﻄﻨﻲ ﺑﻮﻛﻲ ﻟﻲ ﻳﻮﻣﻴﻦ ﺍﺩﻭﺭﻩ ﺍﺑﻮ ﺳﻌﻮﺩ : ﺗﺨﺴﻴﻦ ﻣﺎﺗﺎﺧﺬﻳﻨﻪ ، ﻳﺎﻟﻠﻪ ﺍﻧﻘﻠﻌﻲ ﺑﺮﺍ ﺑﻴﺘﻲ ﻭﻣﺤﺮﻭﻣﻪ ﻣﻦ ﺍﻟﺮﺍﺗﺐ ﻫﻨﺪ ﺷﺎﺏ ﺭﺍﺳﻬﺎ ﻣﻦ ﻗﻮﺓ ﺍﻟﻈﻠﻢ ﺍﻟﻠﻲ ﺍﻧﺤﻄﺖ ﻓﻴﻪ ﺩﺧﻠﺖ ﻟﻠﻤﻄﺒﺦ ﺍﺧﺬﺕ ﺷﻨﻄﺘﻬﺎ ﻭﻃﻠﻌﺖ ﺑﺴﺮﻋﻪ ﻭﻭﻗﻔﺖ ﻋﻨﺪ ﺍﻟﺒﺎﺏ ﻭﻗﺒﻞ ﺗﻄﻠﻊ ﻧﺎﻇﺮﺕ ﻓﻴﻪ ﺑﺤﺮﻗﻪ : ﻳﺸﻬﺪ ﺍﻟﻠﻪ ﺍﻧﻲ ﻣﻈﻠﻮﻣﻪ ، ﻟﻮ ﺍﺑﻲ ﺍﺳﺮﻕ ﻣﺎﻛﺎﻥ ﺍﺷﺘﻐﻠﺖ ﻋﻨﺪﻛﻢ ﻭﺻﺒﺮﺕ ﻋﻠﻰ ﺍﻫﺎﻧﺎﺗﻚ ﺍﻧﺖ ﻭﻣﺮﺗﻚ ﻭﺍﻟﺮﺍﺗﺐ ﺍﻟﻠﻲ ﺫﻟﻴﺘﻮﻧﻲ ﻋﻠﻴﻪ ، ﻟﻜﻦ ﺣﺴﺒﻲ ﺍﻟﻠﻪ ﻭﻧﻌﻢ ﺍﻟﻮﻛﻴﻞ . ﻃﻠﻌﺖ ﺑﺴﺮﻋﻪ ﻭﻃﻠﻊ ﻭﺭﺍﻫﺎ ﺳﻌﻮﺩ ، ﺭﻛﺐ ﺳﻴﺎﺭﺗﻪ ﻭﻣﺸﻰ ﻭﺭﺍﻫﺎ ﻟﻴﻦ ﻭﺻﻠﻬﺎ ﻛﺎﻧﺖ ﺣﺎﺿﻨﻪ ﺷﻨﻄﺘﻬﺎ ﻭﺗﺒﻜﻲ ﻭﻗﻒ ﺟﻨﺒﻪ ﻭﻓﺘﺢ ﺍﻟﺸﺒﺎﻙ : ﺍﺧﺘﻲ ﻟﻮ ﺳﻤﺤﺘﻲ ﺍﺭﻛﺒﻲ ﺧﻠﻴﻨﻲ ﺍﻭﺻﻠﻚ ﻣﺎﻳﺼﻴﺮ ﺗﻤﺸﻴﻦ ﺑﻬﺎﻟﻮﻗﺖ ﻟﺤﺎﻟﻚ ﻫﻨﺪ ﻟﻔﺖ ﻋﻨﻪ ﺧﺎﻳﻔﻪ ﻭﻛﻤﻠﺖ ﻃﺮﻳﻘﻬﺎ ﺑﺨﻄﻮﺍﺕ ﺳﺮﻳﻌﻪ ، ﻧﺰﻝ ﻟﻪ ﺑﺴﺮﻋﻪ ﻭﻣﺴﻚ ﻳﺪﻫﺎ ﻭﺻﺮﺧﺖ ﺑﺄﻋﻠﻰ ﺻﻮﺕ ﻟﺪﺭﺟﺔ ﺍﻧﻬﺎ ﺍﺭﺑﻜﺘﻪ : ﺍﺗﺮﻛﻜﻜﻨﻨﻨﻲ ﺳﻌﻮﺩ ﺑﺤﺬﺭ : ﺑﻮﺻﻠﻚ ﻳﺎﻏﺒﻴﻪ ﻫﻨﺪ ﺳﺤﺒﺖ ﻳﺪﻫﺎ ﺑﻘﻮﻩ ﻭﺭﻛﻀﺖ ﺑﺄﻗﺼﻰ ﺳﺮﻋﺘﻬﺎ ، ﺳﻌﻮﺩ ﻣﺎﺍﺳﺘﺴﻠﻢ ﺭﻛﺐ ﺳﻴّﺎﺭﺗﻪ ﻭﻟﺤﻘﻬﺎ ﻭﻭﻗﻒ ﻗﺪﺍﻣﻬﺎ ﻭﺳﺪ ﻃﺮﻳﻘﻬﺎ ، ﻫﻨﺪ ﻭﻗﻔﺖ ﺑﺄﺳﺘﺴﻼﻡ ﻟﻤﺎ ﻭﻗﻒ ﻗﺪﺍﻣﻬﺎ ﻭﺗﻜﺘﻒ : ﻣﺎﺗﻤﺸﻴﻦ ﻟﺤﺎﻟﻚ ، ﺍﻧﺎ ﺍﻭﺻﻠﻚ ﻓﺘﺢ ﻟﻬﺎ ﺍﻟﺒﺎﺏ ﺍﻟﺨﻠﻔﻲ ﻭﺗﺮﺩﺩﺕ ﺍﻟﻒ ﻣﺮﻩ ﻟﻜﻦ ﺭﻛﺒﺖ ﺑﺴـﺮﻋﻪ ﻭﻣﺸﻰ ، ﻛﺎﻧﺖ ﺣﺎﺿﻨﻪ ﻧﻔﺴﻬﺎ ﻭﺗﺒﻜﻲ ﺑﺼﻤﺖ ، ﺭﻓﻌﺖ ﺭﺍﺳﻬﺎ ﺑﺘﻮﺻﻒ ﻟﻪ ﺍﻟﺒﻴﺖ ﻭﺍﻧﺼﺪﻣﺖ ، ﺫﺍﺏ ﻗﻠﺒﻬﺎ ﻣﻦ ﺍﻟﺮﻋﺐ ، ﻭﺵ ﻫﺎﻟﻈﻼﻡ ؟ ﺳﻌﻮﺩ ﻛﺎﻥ ﻣﺎﺳﻚ ﺟﻮﺍﻟﻪ ﻭﺍﺭﺗﻔﻊ ﺻﻮﺕ ﻗﻮﻱ : ﻫـﻼ ﺳﻌﻮﺩ : ﺟﻬﺰﻭﺍ ﺍﻟﻮﺿﻊ ﻳﺎﺷﺒﺎﺏ ﺟﺎﻳﺐ ﻟﻜﻢ ﺻﻴﺪﻩ ﻋﻠﻰ ﻛﻴﻒ ﻛﻴﻔﻜﻢ ﻫﻨﺪ ﺑﺪﻭﻥ ﺷﻌﻮﺭ ﻭﺑﻜﻞ ﻣﺎﺗﻤﻠﻚ ﻣﻦ ﻗﻮﻩ ﻫﺠﻤﺖ ﻋﻠﻴﻪ ﻭﺳﺤﺒﺖ ﺟﻮﺍﻟﻪ ﺑﻘﻮﻩ ﻭﺳﺤﺒﺖ ﺍﻟﺴﻜﺎﻥ ﻭﻟﻔﺖ ﺍﻟﺴﻴّﺎﺭﻩ ﻟﻜﻦ ﺗﻤﺎﻛﻨﻬﺎ ﺳﻌﻮﺩ ، ﻫﻨﺪ ﺭﺟﻌﺖ ﻭﺭﺍ ﺑﺴﺮﻋﻪ ﻭﺍﺗﺼﻠﺖ 999 " " ﻟﻜﻦ ﺭﺩ ﺳﻌﻮﺩ ﻛﺎﻥ ﺍﺳﺮﻉ ﻣﻦ ﺭﺩ ﺍﻟﺸﺮﻃﻪ ﻭﺳﺤﺐ ﺟﻮﺍﻟﻪ ﻭﻗﻔﻠﻪ ﺑﺴﺮﻋﻪ ﻭﺭﻓﺲ ﻫﻨﺪ ﺑﻜﻮﻋﻪ ﻋﻠﻰ ﺑﻄﻨﻬﺎ ﻭﻃﺎﺣﺖ ﺗﻠﺘﻮﻱ ﻣﻦ ﺍﻷﻟﻢ ﻭﺍﻟﻨﺤﻴﺐ ﻭﺍﻟﺮﻋﺐ ﺍﻟﻠﻲ ﺗﻤﻠﻜﻬﺎ . ➖ ﺍﺑﻮ ﺳﻌﻮﺩ ﺟﻠﺲ ﺑﻌﺪ ﻣﺎﻃﻠﻌﺖ ﻫﻨﺪ ﻭﻳﺴﺘﺮﺟﻊ ﻛﻼﻣﻬﺎ " ﻣﻌﻘﻮﻟﻪ ﻣﻈﻠﻮﻣﻪ ، ﺑﺲ ﻣﻦ ﺑﻴﻈﻠﻤﻬﺎ ؟ ﻓﺘﺢ ﺑﻮﻛﻬﺎ ﻭﻛﺎﻥ ﻓﻴﻪ ﺷﻮﻳﺔ ﻓﻠﻮﺱ ﻭﺑﻄﺎﻗﺎﺕ ، ﺳﺤﺐ ﺍﻭﻝ ﺑﻄﺎﻗﻪ ﻭﻛﺎﻧﺖ ﺻﺮﺍﻓﺘﻬﺎ ، ﺳﺤﺐ ﺍﻟﺒﻄﺎﻗﻪ ﺍﻟﺜﺎﻧﻴﻪ ﻭﻛﺎﻧﺖ ﺑﻄﺎﻗﺔ ﺍﻷﺣﻮﺍﻝ ، ﻗﺮﺃ ﺍﺳﻤﻬﺎ ﺑﺘﻤﻌﻦ ، ﻭﻗﺮﺍﻩ ﻣﺮﻩ ﺛﺎﻧﻴﻪ ، ﻭﺛﺎﻟﺜﻪ ﻭﻋﺎﺷﺮﻩ . " ﻫﻨﺪ ﺑﻨﺖ ﻓﻴﺼﻞ ﺑﻦ ﺳﻌﻮﺩ ﺍﻟـ " ﻓﺘﺢ ﺍﺯﺍﺭﻳﺮ ﺛﻮﺑﻪ ، ﻭﻏﺮﻗﺖ ﻋﻴﻮﻧﻪ ﺑﺒﺤﺮ ﻣﻦ ﺍﻟﺪﻣﻮﻉ ، ﺗﺬﻛﺮ ﺩﻣﻮﻋﻬﺎ ﻭﻛﻠﻤﺎﺗﻬﺎ ﻭﺧﻮﻓﻬﺎ ، ﻭﺣﺎﺟﺘﻬﺎ ، ﻭﺷﻐﻠﻬﺎ ﺧﺎﺩﻣﻪ ، ﻭﻛﻼﻣﻪ ﻭﺿﺮﺑﻪ ﻟﻬﺎ . ﻫﻤﺲ ﺑﺤﺮﻗﻪ : ﺑﻨﺘـﻲ ، ﺑﻨﺘـﻲ ، ﻛﺎﻧﺖ ﻗﺪﺍﻣﻲ ﻃﻮﻝ ﻫﺎﻟﻮﻗﺖ ﻭﻣﺎﺣﺴﻴﺖ ، ﺍﻧﺎ ﻭﺵ ﺳﻮﻳﺖ ﺑﺒﻨﺘﻲ ، ﻇﻠﻤﺘﻬﺎ ﺑﺒﺪﺍﻳﺔ ﻋﻤﺮﻫﺎ ﻭﻇﻠﻤﺘﻬﺎ ﺍﻟﺤﻴﻦ ، ﻟﻮﻻ ﺍﻧﻲ ﻣﺎﺗﺮﻛﺘﻬﺎ ﻣﺎﺷﺘﻐﻠﺖ ﺧﺎﺩﻣﻪ ، ﻋﺮﻓﺖ ﺍﻟﺤﻴﻦ ﻧﻈﺮﺍﺕ ﺍﻟﺤﺰﻥ ، ﻋﺮﻓﺖ ﺳﺒﺐ ﻧﻈﺮﺍﺗﻚ ﻟﻲ ﺍﻟﺸﻔﻘﺎﻧﻪ ، ﻇﻠﻤﺖ ﻧﻔﺴﻲ ﻭﻇﻠﻤﺖ ﺑﻨﺎﺗﻲ ، ﺍﻩ ﻳﺎﻫﻨﺪ ﻭﺳﺎﺭﻩ ، ﻭﺵ ﺍﻟﺪﻧﻴﺎ ﻓﻴﻜﻢ ، ﻭﻳﻦ ﺍﻟﻘﺎﻛﻢ ﺍﻟﺤﻴﻦ ، ﻭﺵ ﻳﻄﻔﻲ ﻫﺎﻟﻨﺎﺭ ﺍﻟﻠﻲ ﺑﺪﺍﺧﻠﻲ ، ﻳﺎﺭﺏ ﺍﻥ ﺳﻌﻮﺩ ﻟﺤﻖ ﻋﻠﻴﻬﺎ ﻭﻋﺮﻑ ﻣﻜﺎﻧﻬﺎ ﻳـﺎﺭﺏ . ﺍﺗﺼﻞ ﺭﻗﻢ ﺳﻌﻮﺩ ﺑﻴﺪ ﺭﺍﺟﻔﻪ ، ﻭﻣﺎﺟﺎﻩ ﺍﻟـﺮﺩ ، ﺳﺪﻳﻢ ﺷﺎﻓﺘﻪ ﺟﺎﻟﺲ ﻭﺗﻌﺒﺎﻥ ﻭﻳﻔﺮﻙ ﺻﺪﺭﻩ ﻭﺍﻧﻔﺎﺳﻪ ﺳﺮﻳﻌﻪ ﻭﺟﺎﺑﺖ ﻟﻪ ﻣﻮﻳﺎ ﺍﻭﻝ ﻣﺎﻭﻗﻔﺖ ﻗﺪﺍﻣﻪ ﻭﺷﺎﻓﺖ ﻭﺟﻬﻪ ﺭﺟﻔﺖ ﻳﺪﻫﺎ ﻭﻗﺎﻟﺖ ﺑﺨﻮﻑ : ﺍﺳﻢ ﺍﻟﻠﻪ ﻋﻠﻴﻚ ﻳﺒﻪ ، ﺷﻔﻴﻚ ؟ ﺍﺑﻮﻫﺎ ﺑﻐﺼﻪ : ﻫﻨﺪ ، ﻫﻨﺪ ﻃﻠﻌﺖ ﺑﻨﺘﻲ ﻳﺎﺳﺪﻳﻢ ، ﻫﻨﺪ ﺍﺧﺘﻚ ﻃﺎﺡ ﻣﻨﻬﺎ ﺍﻟﻜﻮﺏ ﻭﺩﻣﻌﺖ ﻋﻴﻮﻧﻬﺎ ﻭﻫﻤﺴﺖ ﺑﺮﺟﻔﻪ : ﻫـ، ﻫﻨﺪ ﺍﺧﺘﻲ ؟ ﻣﺴﺘﺤﻴﻞ ، ﻛﻴﻒ ﻓﻬﻤﻨﻲ ؟ ﺍﺑﻮﻫﺎ ﺍﻋﺎﺩ ﺍﻷﺗﺼﺎﻝ ﺑﺴﻌﻮﺩ ، ﻭﻻ ﻓﻲ ﺍﻱ ﺭﺩ ﻣﻦ ﺳﻌﻮﺩ ، ﺩﻋﻰ ﻣﻦ ﺍﻋﻤﺎﻕ ﻗﻠﺒﻪ ﻭﺑﻜﻞ ﻣﺸﺎﻋﺮ ﺻﺎﺩﻗﻪ " ﻳﺎﺭﺏ ﺍﻧﻲ ﺍﺳﺘﻮﺩﻋﺘﻚ ﺑﻨﺘﻲ ﻫﻨﺪ " ﺳﻌﻮﺩ ﺳﺤﺐ ﻫﻨﺪ ﺑﻘـﻮﻩ ﻭﻫﻲ ﺗﺼﻴـﺢ ، ﻭﺗﺒﻜﻲ ﻭﺗﺪﻋﻲ ﻣﻦ ﺍﻋﻤﺎﻗﻬﺎ ، ﺍﺳﺘﺠﻤﻌﺖ ﻧﻔﺴﻬﺎ ﻭﺭﻓﺴﺖ ﺑﻄﻨﻪ ﺑﺄﻗﻮﻯ ﻣﺎﺗﻤﻠﻚ ﻭﺻﺮﺧﺖ ﺑﻮﺟﻬﻪ : ﻇﻠﻤﺘﻨﻲ ﻳﺎﺣﻘﻴﺮ ، ﻇﻠﻤﺘﻨﻲ ﻋﺸﺎﻥ ﺗﺴﻮﻱ ﻛﺬﺍ ، ﻻﺗﺪﺧﻠﻨﻲ ﻋﻨﺪﻫﻢ ، ﺭﺍﺡ ﺻﻮﺗﻬﺎ ﻣﻦ ﻛﺜﺮ ﻣﺎﺻﺮﺧﺖ ﻭﺍﺳﺘﻨﺠﺪﺕ ، ﺳﺤﺒﻬﺎ ﺑﻘﻮﻩ ﻓﺘﺢ ﺑﺎﺏ ﺍﻹﺳﺘﺮﺍﺣﻪ ﻭﻫﺮﺑﺖ ﻣﻨﻪ ﺑﺴﺮﻋﻪ ، ﺿﺤﻚ ﺑﺨﺒﺚ : ﻳﻌﻨﻲ ﻭﻳﻦ ﺑﺘﺮﻭﺣﻴﻦ ﺍﺫﺍ ﺍﻟﺒﺎﺏ ﻭﺭﺍﻱ ؟ ﺍﻧﺘﺒﻪ ﻋﻠﻰ ﺟﻮﺍﻟﻪ ﻳﺪﻕ ﻭﺭﺩ : ﻧﻌﻢ ﻳﺒﻪ ﺍﻧﺎ ﺑﺎﻹﺳﺘﺮﺍﺣﻪ ﺍﺑﻮﻩ ﺑﺨﻮﻑ : ﻭﻳﻦ ﻭﺩﻳﺖ ﻫـ، ﻃﺎﺡ ﻣﻨﻪ ﺍﻟﺠﻮﺍﻝ ﻟﻤﺎ ﺷﺎﻓﻬﺎ ﺗﻄﻠﻊ ﺟﻮﺍﻟﻬﺎ ﺑﺸﻨﻄﺘﻬﺎ ﻭﺗﺤﺎﻭﻝ ﺗﺪﻕ ، ﻃﺎﺭ ﻟﻬﺎ ﺑﺄﺳﺮﻉ ﻣﺎﻳﻤﻜﻦ ﺍﺧﺬ ﺟﻮﺍﻟﻬﺎ ﻭﺿﺮﺑﻪ ﻉ ﺍﻷﺭﺽ ﻭﺻﺮﺧﺖ ﺑﺄﻋﻠﻰ ﺻﻮﺕ ﺗﻤﻠﻜﻪ : ﺍﺗﺮﻛﻨﻲ ﻳﺎﻟﺤﻘﻴـﺮ ، ﺧﺎﻑ ﺍﻟﻠﻪ ﻓﻴﻨﻲ ، ﺍﻟﻠﻪ ﻳﻠﻌﻨـﻚ ، ﻳﺎﺣﻴﻮﺍﺍﺍﻥ ➖ *🌻ــــــــــ #يتبــع👇ـــــــــــ🌻* 💛  @ahgeel✏️💛🌼 🍃💛 💛🍃💛i 🍃💛🍃💛i 💛🍃💛🍃💛i 💛🍃💛🍃💛 🍃💛🍃💛 💛🍃💛 🍃💛 💛📖 @ahgeel 📖💛* 📖 روايـــــــــــــة ✍🏼 { في حكيها لذه وفي صمتها موت فيها الجمال وصادق الحب فيني💙} *🌻ــــــــــــــــــــــــــــــــــــــــــ🌻* ..ـ #البارت_107✏️🍒 ـ ... ــ. ➖ ﺍﺑﻮ ﺳﻌﻮﺩ ﻗﺎﻡ ﺑﺪﻭﻥ ﺷﻌﻮﺭ ﻭﻫﻮ ﻳﺴﻤﻊ ﺻﺮﺍﺧﻬﺎ ﻭﻛﻠﻤﺎﺗﻬﺎ ، ﻭﻃﻠﻊ ﺭﻛﺐ ﺳﻴّﺎﺭﺗﻪ ﻭﺭﺍﺡ ﻹﺳﺘﺮﺍﺣﺔ ﺳﻌﻮﺩ ، ﻭﻣﻦ ﺭﺣﻤﺔ ﺍﻟﻠﻪ ﺍﻥ ﺍﻻﺳﺘﺮﺍﺣﻪ ﻣﻮ ﺑﻌﻴﺪﻩ ، ﺳﺎﻕ ﺍﺧﺮ ﺳﺮﻋﻪ ﻭﻫﻮ ﻳﺪﻋﻲ ﺍﻥ ﺍﻟﻠﻪ ﻳﺤﻔﻈﻬﺎ ، ﻫﺬﻱ ﺍﺧﺘﻪ ، ﺍﺧﺘﻪ ﺍﻟﺸﻘﻴﻘﻪ ﺑﻌﺪ . ﻭﺻﻞ ﻟﻼﺳﺘﺮﺍﺣﻪ ﻭﻧﺰﻝ ﺑﺴـﺮﻋﻪ ﺍﺗﺠﻪ ﻟﻠﻐﺮﻓﻪ ﺍﻟﻠﻲ ﻣﺠﺘﻤﻌﻴﻦ ﻓﻴﻬﺎ ، ﻭﻛﻞ ﻣﺎﻗﺮّﺏ ﻛﻞ ﻣﺎﻭﺿﺢ ﻟﻪ ﺻﺮﺍﺧﻬﺎ ﺍﻟﻤﻜﺘﻮﻡ ﻭﺗﻮﺳﻼﺗﻬﺎ . ➖ ﺳﻌﻮﺩ ﺳﺤﺒﻬﺎ ﻟﻠﻐﺮﻓﻪ ﻭﻃﺎﺡ ﺣﻴﻠﻪ ﻣﻦ ﻛﺜﺮ ﻣﺎﺍﺗﻌﺘﺒﺘﻪ ﺑﻀﺮﺑﻬﺎ ﻭﺻﺮﺍﺧﻬﺎ ، ﺑﺎﻟﻤﻮﺕ ﻗﺪﺭ ﻳﺪﺧﻠﻬﺎ ﻟﻠﻐﺮﻓﻪ ﻭﺭﻣﺎﻫﺎ ﺑﻴﻦ ﻣﺠﻤﻮﻋﺔ ﺷﺒﺎﺏ ﻻﻳﻘﻞّ ﻋﺪﺩﻫﻢ ﻋﻦ 4 ، ﺿﺤﻚ ﺑﺨﺒﺚ : ﺗﻔﻀﻠﻮﺍ ﻳﺎﺷﺒﺎﺏ ﻫﻨﺪ ﺭﻓﻌﺖ ﺣﺠﺎﺑﻬﺎ ﺑﻴﺪ ﺭﺍﺟﻔﻪ ﻭﻛﻠﻬﺎ ﺟﺮﻭﺡ ﻣﻦ ﻛﺜﺮ ﻣﺎﻗﺎﻭﻣﺖ ﺍﻟﺘﻔﺘﺖ ﻟﻬﻢ ﻭﺷﺎﻓﺖ ﺍﻧﻮﺍﻉ ﺍﻟﻨﻈﺮﺍﺕ ﻭﺻﺮﺧﺖ : ﻭﺍﻟﻠﻪ ﺍﻟﻌﻈﻴﻢ ﺍﻟﻠﻲ ﻳﻘﺮﺏ ﺍﺫﺑﺤﻪ ﻭﻗﻔﺖ ﺑﺴﺮﻋﻪ ﺗﺒﻲ ﺗﻬﺮﺏ ﻟﻜﻦ ﻛﺎﻧﻮﺍ ﺑﺎﻟﻤﺮﺻﺎﺩ ﻟﻬﺎ ، ﻭﻣﺴﻜﻮﻫﺎ ﻭﺯﺍﺩ ﺻﻴﺎﺣﻬﺎ ﻭﺻﺎﺭﺕ ﺗﻀﺮﺏ ﻓﻴﻬﻢ ﺑﻜﻞ ﻣﺎﻭﺗﻴﺖ ﻣﻦ ﻗﻮﻩ ﻟﺪﺭﺟﺔ ﺍﻧﻬﻢ ﺗﻌﺒﻮﺍ ﻣﻌﺎﻫﺎ ﻭﺛﺒﺘﻮﻫﺎ ﺑﺎﻟﻘﻮﻩ . ﺳﻌﻮﺩ ﻗﺮﺏ ﻭﺳﺤﺒﻬﺎ ﻣﻦ ﺻﺪﻳﻘﻪ ﻭﺿﻤﻬﺎ ﺑﻘﻮﻩ ﻭﺳﺪ ﻓﻤﻬﺎ : ﺧﻼﺹ ﻳﺎﺷﺒﺎﺏ ﺍﺗﺮﻛﻮﻫﺎ ﻟﻲ ﺑﻬﺪﻳﻬﺎ ﻭﺍﺟﻴﺒﻬﺎ ﻟﻜـ، ﻗﻄﻊ ﻛﻼﻣﻪ ﺻﻮﺕ ﺍﻟﺒﺎﺏ ﺍﻟﻠﻲ ﺍﻧﻔﺘﺢ ﻭﺩﺧﻞ ﺍﺑﻮﻩ ﻭﻗﺎﻝ ﺑﺄﻋﻠﻰ ﺻﻮﺕ : ﺍﺗﺮﻛﻬـﺎ ، ﻫﺬﻱ ﺍﺧﺘـﻚ ﻳﺎﻗﻠﻴﻞ ﺍﻟﻤﺮﺍﺟﻞ ، ﺍﺧﺘﻚ ! ﺍﺭﺗﺨﺖ ﻳﺪﻳﻦ ﺳﻌﻮﺩ ﻭﺗﻐﻴﺮﺕ ﻣﻼﻣﺢ ﺍﺻﺪﻗﺎﺋﻪ ﻭﻛﺄﻥ ﺍﻟﻘﻴﺎﻣﻪ ﻗﺎﻣﺖ ﻣﻦ ﺧﻮﻓﻬﻢ ﻣﻦ ﺍﺑﻮ ﺳﻌـﻮﺩ ﻭﻣﻦ ﺍﻟﺸﻲﺀ ﺍﻟﻠﻲ ﺳـﻮﻭﻩ . ﺍﺑﻮ ﺳﻌﻮﺩ ﺗﻘﺪﻡ ﻟﻬﻢ ﻭﺳﺤﺐ ﻫﻨﺪ ﺑﻘﻮﻩ ﻭﺣﻄﻬﺎ ﻭﺭﺍﻩ ﻭﺻﻔﻖ ﺳﻌﻮﺩ ﺑﻜﻒ ﻣﺎﻳﻨﺴﺎﻩ ﻃﻮﻝ ﺣﻴﺎﺗﻪ ﻭﻃﺎﺡ ﻉ ﺍﻷﺭﺽ ، ﻭﺻﻔﻖ ﺍﻟﺜﺎﻧﻲ ﻭﺍﻟﺜﺎﻟﺚ ﻟﻴﻦ ﻃﻴّﺤﻬﻢ ﻛﻠﻬﻢ ﺟﻨﺐ ﺑﻌﻀﻬﻢ ، ﻫﻨﺪ ﻃﻠﻌﺖ ﻭﻫﻲ ﺗﻌﺮﺝ ، ﺗﺤﺲ ﺍﻧﻬﺎ ﻓﻘﺪﺕ ﻛﻞ ﺍﺣﺎﺳﻴﺴﻬﺎ ، ﺍﺑـﻮﻱ ؟ ﻗﺎﻝ ﺍﻧﻪ ﺍﺑﻮﻱ ﻭﺍﻧّﻲ ﺍﺧﺖ ﺳﻌﻮﺩ ؟ ﻻ ﻣﺴﺘﺤﻴﻞ ، ﻛﺬﺍﺑﻴﻦ ﻛﻠﻬﻢ ﻓﺠﺄﻩ ﺍﺭﺗﻔﻌﺖ ﺍﺻﻮﺍﺕ ﺍﻟﺸﺮﻃﻪ ﻭﻃﻠﻊ ﺍﺑﻮﻫﺎ ﺗﻌﺒﺎﻥ ﻣﻦ ﺗﻌﺒﻬﺎ ﻭﻳﺪﺭﻱ ﺍﻧﻬﺎ ﻣﺎﺳﺘﻮﻋﺒﺖ ﻗﺎﻝ ﺑﻬﺪﻭﺀ : ﺍﺷﺘﻜﻴﺖ ﻋﻠﻴﻬﻢ ﺍﻟﻜﻼﺏ ﻭﺃﻭﻟﻬﻢ ﺳﻌﻮﺩ ، ﻻﺗﺨﺎﻓﻴﻦ ﺗﻌﺎﻟﻲ ﻳﺎﺑﻨﺘﻲ ﻣﺴﻚ ﻳﺪﻫﺎ ﻭﺳﺤﺒﺘﻬﺎ ﺑﻜﻞ ﻗﻮﺗﻬﺎ ﻭﺻﺮﺧﺖ ﺑﻌﻴﻮﻥ ﺣﺎﻗﺪﻩ ﺗﺸﺘﻌﻞ ﺑﻨﺎﺭ ﺍﻟﺤﺰﻥ ﻭﺍﻟﻘﻬـﺮ : ﺍﺗﺮﻛﻨــﻲ ، ﺍﺫﺍ ﺍﻧﺖ ﺍﺑﻮﻱ ﺻﺪﻕ ﻓﺎﻟﺤﻤﺪﻟﻠﻪ ﺍﻧﻚ ﺗﺮﻛﺘﻨﻲ ﻣﻦ ﺯﻣﺎﻥ ، ﺍﻟﺤﻤﺪﻟﻠﻪ ﺍﻧﻚ ﻣﺎﻋﺸﺖ ﺑﺤﻴﺎﺗﻲ ، ﺗﻔـﻮﻩ ﻋﻠﻴـﻚ ﺍﻧﺖ ﻭﻭﻟﺪﻙ ﻭﻋﺴﻰ ﺍﻟﻠﻪ ﻳﺎﺧﺬ ﺣﻘﻲ ﻣﻨﻜﻢ ، ﺣﻴﻮﺍﻧﺎﺕ ﻛـﻼﺏ . ﻫﻨﺪ ﺩﺧﻠﺖ ﺍﻟﺒﻴﺖ ﻭﻛﺎﻧﺖ ﺍﻣﻬﺎ ﺑﻮﺟﻬﻬﺎ ، ﺍﺳﺘﺠﻤﻌﺖ ﻧﻔﺴﻬﺎ ﻭﻣﺴﺤﺖ ﺩﻣﻮﻋﻬﺎ ﻋﺸﺎﻥ ﻣﺎﺗﺸﻚ . ﻭﻗﻔﺖ ﻗﺪﺍﻣﻬﺎ : ﻟﻴﺶ ﺗﺄﺧﺮﺗﻲ ؟ ﻫﻨﺪ ﺑﺒﺤﻪ : ﺍﻟﺸﻐﻞ ﺍﻟﻴﻮﻡ ﻛﺜﻴﺮ ﺍﻣﻬﺎ : ﻋﺴﻰ ﻣﺎﺷﺮ ﻛﻨﺘﻲ ﺗﺒﻜﻴﻦ ﺻﺢ؟ ﻫﻨﺪ : ﻻﻳﻤﻪ ﺑﺲ ﻣﺰﻛﻤﻪ ﺷﻮﻱ ، ﺑﻨﺎﻡ ﺗﻌﺒﺎﻧﻪ ، ﺗﺼﺒﺤﻴﻦ ﻋﻠﻰ ﺧﻴﺮ ﺩﺧﻠﺖ ﻭﺍﻣﻬﺎ ﻭﻗﻔﺖ ﻣﺴﺘﻐﺮﺑﻪ ، ﺻﺤﻴﺢ ﺍﻥ ﻫﻨﺪ ﺩﺍﻳﻤﺎً ﺣﺰﻳﻨﻪ ﻭﻳﺒﻴﻦ ﺍﻻﻧﻜﺴﺎﺭ ﺑﻌﻴﻮﻧﻬﺎ ﻟﻜﻦ ﺍﻟﻴﻮﻡ ﻏﻴﺮ ، ﻛﺎﻧﺖ ﺣﺎﺳﻪ ﻣﻦ ﺗﺄﺧﻴﺮﻫﺎ ﺍﻥ ﺻﺎﻳﺮ ﺷﻲ .. ﺩﺧﻠﺖ ﺍﻟﻐﺮﻓﻪ ﻫﻨﺪ ﻭﺣﺼﻠﺖ ﺳﺎﺭﻩ ﻭﻋﺰﻭﻑ ﺻﺎﺣﻴﺎﺕ ، ﻛﺎﻟﻌﺎﺩﻩ ﻋﺰﻭﻑ ﺗﻄﻘﻄﻖ ﺑﺠﻮﺍﻟﻬﺎ ﻭﺳﺎﺭﻩ ﺳﺮﺣﺎﻧﻪ . ﻭﻗﻔﺖ ﺛﻮﺍﻧﻲ ﻭﺍﻗﻔﻪ ﻭﺗﺒﻜﻲ ﺑﺼﻤﺖ ، ﻋﺠﺰﺕ ﺗﻜﺎﺑﺮ ﺍﻛﺜﺮ . ﺳﺎﺭﻩ ﺭﻓﻌﺖ ﺭﺍﺳﻬﺎ ﻭﺍﻧﺼﺪﻣﺖ ﻣﻦ ﻣﻨﻈﺮﻫﺎ ﻭﻭﻗﻔﺖ ﺑﺴﺮﻋﻪ : ﺷﻔﻴـﻚ ؟ ﻋﺰﻭﻑ ﺍﻧﺘﺒﻬﺖ ﻟﻬﻢ ﻭﻗﺎﻣﺖ ﻟﻬﻢ ﻭﻭﻗﻔﺖ ﻋﻨﺪﻫﺎ : ﻭﺵ ﺻـ، ﺷﻬﻘﺖ ﻟﻤﺎ ﺷﺎﻓﺖ ﻳﺪﻳﻨﻬﺎ ﻣﺠﺮﻭﺣﺎﺕ : ﻫﻨﺪ ﺗﻜﻠﻤﻲ ﻭﺵ ﺻﺎﺭ ﻫﻨﺪ ﺑﻜﺖ ﺑﺼﻮﺕ ﻋﺎﻟﻲ ﻭﺧﺎﻓﻮﺍ ﻣﻦ ﻗﻠﺐ ﻋﻠﻴﻬﺎ ﻭﺳﺤﺒﺘﻬﺎ ﻋﺰﻭﻑ ﻭﺿﻤﺘﻬﺎ ﺑﻬﺪﻭﺀ ﻭﻣﺴﺤﺖ ﻋﻠﻰ ﻇﻬﺮﻫﺎ : ﺍﺳﻢ ﺍﻟﻠﻪ ﻋﻠﻴﻚ ﻳﺎﺭﻭﺣﻲ ، ﻫﺪﻱ ﺷﻮﻱ ﻫﺪﻱ ، ﺗﻌﺎﻟﻲ ﻣﻌﺎﻱ ﺟﻠﺴﺖ ﻭﺟﻠﺴﺘﻬﺎ ﺟﻨﺒﻬﺎ ﻭﻋﻄﺘﻬﺎ ﻋﻠﺒﺔ ﻣﻮﻳﺎ ﻭﺷﺮﺑﺘﻬﺎ . ﺳﺎﺭﻩ ﺑﺮﻋﺐ : ﻭﺵ ﻓﻴﻚ ﻳﺎﻟﻠﻪ ﻗﻮﻟﻲ ﻫﻨﺪ : ﺍﺗﻬﻤﻮﻧﻲ ﺍﻧﻲ ﺳﺮﺍﻗﻪ ، ﻭﺿﺮﺑﻨﻲ ﺍﺑﻮﻫﻢ ﻭﻃﺮﺩﻧﻲ ﻭﺣﺮﻣﻨﻲ ﻣﻦ ﺍﻟﺮﺍﺗﺐ ، ﺍﻧﺎ ﺍﺳﺘﺎﻫﻞ ﺍﻟﻠﻲ ﺫﻟﻴﺖ ﻧﻔﺴﻲ ﻭﺍﺷﺘﻐﻠﺖ ﺧﺪﺍﻣﻪ ﻭﻛﺬﺑﺖ ﻋﻠﻰ ﺍﻣﻲ ، ﺍﻩ ﻳﺎﻟﻴﺘﻨﻲ ﻣﺖ ﻗﺒﻞ ﻻﺍﺳﻮﻳﻬﺎ ﻋﺰﻭﻑ ﺑﻘﻬﺮ : ﻋﺴﻰ ﻳﺪﻩ ﻟﻠﻜﺴﺮ ، ﻭﻃﺰ ﺑﺎﻟﻔﻠﻮﺱ ﺍﻟﺮﺯﻕ ﻋﻠﻰ ﺍﻟﻠﻪ ، ﻻﺗﺒﻜﻴﻦ ﺣﺒﻴﺒﺘﻲ ﻫﻨﺪ ﺑﺤﺮﻗﻪ : ﻳﺎﻟﻴﺘﻨﻲ ﺍﺑﻜﻲ ﻋﻠﻰ ﺍﻟﻔﻠﻮﺱ ، ﺍﺑﻜﻲ ﻋﻠﻰ ﺷﻲ ﺍﻛﺒﺮ ﺳﺎﺭﻩ : ﻫﻨﺪ ﻻﺗﺨﻮﻓﻴﻨﻲ ﻗﻮﻟﻲ ﻭﺵ ﺻﺎﺭ ؟ ﻫﻨﺪ : ﻟﺤﻘﻨﻲ ﺍﺧﻮﻫﻢ ، ﻭﻗﺎﻝ ﺍﺭﻛﺒﻲ ﺑﻮﺻﻠﻚ ، ﺭﻓﻀﺖ ﻟﻜﻨﻪ ﻛﺎﻥ ﻣﻠﺰﻡ ، ﻗﻠﺖ ﻣﻌﻠﻴﺶ ﻫﻨﺪ ﺍﺭﻛﺒﻲ ﻫﻮ ﻃﻴﺐ ﻭﺣﺘﻰ ﻧﻈﺮﺍﺕ ﻣﺎﻳﻨﺎﻇﺮ ﻓﻴﻚ ، ﺭﻛﺒﺖ ﻣﻌﺎﻩ ﻭﻣﺎﻟﻘﻴﺖ ﻧﻔﺴﻲ ﺍﻻ ﺑﻮﺳﻂ ﺍﺳﺘﺮﺍﺣﺔ ﺷﺒﺎﺏ ، ﺭﻣﺎﻧﻲ ﺑﻴﻨﻬﻢ ﻫﻨﺎ ﺩﻣﻌﺖ ﻋﻴﻮﻥ ﻋﺰﻭﻑ ﻭﺳﺎﺭﻩ ﻭﻫﻤﺴﺖ ﺳﺎﺭﻩ ﺑﺄﻟﻢ : ﻻﺗﻜﻤﻠﻴﻦ ﻫﻨﺪ : ﺑﺲ ﻣﺎﺻﺎﺭ ﻟﻲ ﺷﻲ ، ﺭﺣﻤﺔ ﺭﺑﻲ ﻛﺎﻧﺖ ﺍﻗﺮﺏ ، ﺗﻼﺣﻘﻨﻲ ﺍﺑﻮﻩ ﻭﺍﻧﻘﺬﻧﻲ ، ﻭﺍﺷﺘﻜﻰ ﻋﻠﻴﻬﻢ ﻭﺍﻧﺴﺠﻨﻮﺍ ﻛﻠﻬﻢ ﺳﺎﺭﻩ ﺑﺮﺍﺣﻪ : ﻳﺎﺭﺏ ﻟﻚ ﺍﻟﺤﻤﺪ ، ﺍﻟﻠﻪ ﻳﺠﺰﺍﻩ ﺧﻴﺮ ﺍﺑﻮﻫﻢ ، ﺧﻼﺹ ﺍﺟﻞ ﺩﺍﻣﻬﻢ ﺍﻧﺴﺠﻨﻮﺍ ﻭﺍﻧﺤﻞ ﺍﻟﻤﻮﺿﻮﻉ ﻻﺗﺒﻜﻴﻦ ﻫﻨﺪ ﺑﻜﺖ ﻭﻏﻄﺖ ﻭﺟﻬﻬﺎ ، ﺍﻧﺼﺪﻣﻮﺍ ﺍﻛﺜﺮ ﻭﺻﺮﺧﺖ ﻋﺰﻭﻑ : ﻻﺗﺒﻜﻴﻦ ﻭﻓﻬﻤﻴﻨﺎ ، ﻓﻲ ﺷﻲ ﻛﺒﻴﺮ ﺻﺎﻳﺮ ﻗﻮﻟﻴﻪ ! ﻫﻨﺪ : ﺳﻌـﻮﺩ ﻃﻠـﻊ ﺍﺧـﻮﻱ ، ﻳﻌﻨﻲ ﺍﺑﻮﻩ ﻫﻮ ﺍﺑﻮﻱ ، ﺍﺑﻮﻱ ﺍﻧﻘﺬﻧﻲ ﻣﻨﻬﻢ ، ﺍﺑﻮﻧﺎ ﻳﺎﺳﺎﺭﻩ ، ﺗﺨﻴﻠﻲ ﺍﻧﻲ ﻛﻨﺖ ﺍﺷﺘﻐﻞ ﺧﺪﺍﻣﻪ ﻓﻲ ﺑﻴﺖ ﺍﺑﻮﻱ ، ﺍﺷﻮﻑ ﻣﻌﺎﻣﻠﺘﻪ ﻟﺒﻨﺎﺗﻪ ﻛﻞ ﻳﻮﻡ ، ﺍﻗﻮﺍﻟﻪ ﻭﺍﻓﻌﺎﻟﻪ ﻣﻌﺎﻫﻢ ، ﺍﺳﺘﻜﺜﺮ ﻋﻠﻴﻨﺎ ﺣﺒﻪ ﻭﺣﻨﺎﻧﻪ ، ﺗﺨﻴﻠﻲ ﺍﻧﻪ ﻣﺮﺗﺎﺡ ﺑﺤﻴﺎﺗﻪ ﻭﻻ ﻛﺄﻧﻪ ﻣﺠﺮﻡ ﺑﺤﻘﻨﺎ، ﻭﺗﺎﺭﻛﻨﺎ ﻟﺬﻧﺐ ﻣﻮ ﺫﻧﺒﻨﺎ ، ﻟﻴﺘﻨﻲ ﻣﺖ ﻭﻻﻋﺮﻓﺘﻪ ، ﺑﺴﺒﺒﻪ ﺍﻧﺎ ﺍﺷﺘﻐﻠﺖ ﺧﺪﺍﻣﻪ ﻋﻨﺪﻩ ، ﻭﺑﺴﺒﺒﻪ ﻳﺎﺳﺎﺭﻩ ﺍﻧﺘﻲ ﺣﻤﻠﺘﻲ ﻋﺸﺎﻥ ﺍﻟﻔﻠﻮﺱ ، ﺁﻩ ﻳﺎﻟﺸﻌﻮﺭ ﺍﻟﻠﻲ ﺑﻘﻠﺒﻲ ﺗﻜﻔﻰ ﺧﻼﺹ ، ﻭﻳﻨﻚ ﻳﺎﻧﻌﻤﺔ ﺍﻟﻨﺴﻴﺎﻥ ، ﺍﻋﺘﻘﻴﻨﻲ ﻣﻦ ﺷﻌﻮﺭ ﺍﻟﺬﻝ ﻭﺍﻹﻫﺎﻧﻪ ﻭﺍﻟﻘﻬﺮ ﻭﺍﻟﺤﺎﺟﻪ ، ﻟﻴﺘﻪ ﻣﺎﺕ ﻭﻻﻋﺮﻓﺘﻪ ، ﻟﻴﺘﻨﻲ ﻣﺖ ﻭﻻﻃﻠﺒﺖ ﺍﻟﻠﻪ ﻳﺠﻤﻌﻨﻲ ﻓﻴﻪ *🌻ــــــــــ #يتبــع👇ـــــــــــ🌻* 💛  @ahgeel✏️💛🌼 🍃💛 💛🍃💛i 🍃💛🍃💛i 💛🍃💛🍃💛i 💛🍃💛🍃💛 🍃💛🍃💛 💛🍃💛 🍃💛 💛📖 @ahgeel 📖💛* 📖 روايـــــــــــــة ✍🏼 { في حكيها لذه وفي صمتها موت فيها الجمال وصادق الحب فيني💙} *🌻ــــــــــــــــــــــــــــــــــــــــــ🌻* ..ـ #البارت_108✏️🍒 ـ ... ــ.ﺳﺎﺭﻩ ﻣﻊ ﻛﻞ ﻛﻠﻤﻪ ﺗﻨﺰﻝ ﺩﻣﻮﻋﻬﺎ ﻣﺜﻞ ﺍﻟﻤﻄﺮ ، ﻫﻨﺪ ﻛﺎﻧﺖ ﻛﻞ ﻳﻮﻡ ﺗﺴﻮﻟﻒ ﻟﻬﺎ ﻋﻦ ﻣﻌﺎﻣﻠﺔ ﺍﺑﻮ ﺳﻌﻮﺩ ﻟﺒﻨﺎﺗﻪ ﻭﺳﻔﺮﻳﺎﺗﻬﻢ ﻭﺍﻏﺮﺍﺿﻬﻢ ﻭﺑﻴﺘﻬﻢ ﻭﻋﻼﻗﺘﻬﻢ ، ﻫﻤﺴﺖ ﺑﺤﺮﻗﻪ : ﺣﺴﺒﻲ ﺍﻟﻠﻪ ﻭﻧﻌﻢ ﺍﻟﻮﻛﻴﻞ ، ﻣﺴﺘﺎﻧﺲ ﻛﺎﻥ ﻭﻣﻌﻴﺸﻬﻢ ﺍﺣﻠﻰ ﻋﻴﺸﻪ ، ﻧﺎﺳﻴﻨﺎ ، ﻻﺗﺬﻛﺮﻳﻨﻪ ﻭﻻﺗﺒﻜﻴﻦ ﻋﻠﻴﻪ ، ﻫﺬﺍ ﻣﺎﻳﺴﺘﺤﻖ ﻛﻠﻤﺔ ﺍﺏ ، ﻫﺬﺍ ﻇﺎﻟﻢ ، ﻭﻛﺜﺮ ﻣﺎﺗﻤﻨﻴﺖ ﺍﺷﻮﻓﻪ ، ﻛﺜﺮ ﻣﺎﻛﺮﻫﺖ ﺷﻮﻓﺘﻪ ﻫﺎﻟﻠﺤﻈﻪ ﻫﻨﺪ : ﻛﻨﺖ ﻣﺘﺨﻴﻠﻪ ﺍﻧﻲ ﺍﺫﺍ ﻟﻘﻴﺖ ﺍﺑﻮﻱ ﺑﻴﻜﻤﻠﻨﻲ ﻭﻳﻌﺘﺬﺭ ﻭﺍﺳﺎﻣﺤﻪ ، ﻟﻜﻦ ﻭﺍﺿﺢ ﺍﻧﻲ ﺑﻤﻮﺕ ﻭﺍﻧﺎ ﺣﺎﺳﻪ ﺑﺎﻟﻨﻘﺺ ﻋﺰﻭﻑ ﻛﺎﻧﺖ ﺗﺒﻜﻲ ﺑﺼﻤﺖ ﻟﻤﻌﺎﻧﺎﺗﻬﻢ ، ﻣﺎﺗﺪﺭﻱ ﺣﺘﻰ ﻛﻴﻒ ﺗﻮﺍﺳﻴﻬﻢ ، ﻭﺑﻜﺖ ﻣﻌﺎﻫﻢ ، ﻭﺟﻠﺴﻮﺍ ﻳﺒﻜﻮﻥ ﻟﻴﻠﻬﻢ ﻛﻠﻪ ﺑﺤﺮﻗﺔ ﻗﻠﺐ ﻭﻭﺟﻊ ﻧﻔﺴﻲ ﻗﺎﺗـﻞ . ﻣﺸـﺎﻋﻞ ﻃﻠﻌﺖ ﻣﻦ ﺍﻟﻤﻄﺒﺦ ﻭﺷﺎﻓﺖ ﺍﺧﺘﻬﺎ ﺍﻣﻴﻨﻪ ﻭﺍﻗﻔﻪ ﻭﻣﺘﺴﻨﺪﻩ ﻋﻠﻰ ﺑﺎﺏ ﺍﻟﺒﻨﺎﺕ ﻭﺗﺴﻤﻊ ﻟﻬﻢ ، ﻭﻋﻴﻮﻧﻬﺎ ﺗﻨﺰﻑ ﺩﻣﻮﻉ ، ﻭﻋﺮﻓﺖ ﺍﻟﺴﺒﺐ ، ﻭﻏﻤﻀﺖ ﻋﻴﻮﻧﻬﺎ ﺑﻘﻮﻩ ﻭﻫﻤﺴﺖ : ﻳﺎﺭﺏ ﺻﺒﺮﻫـﺎﺍ ﻳﺎﺭﺏ .. ➖ ﻋﺼﺮ ﺍﻟﻴﻮﻡ ﺍﻟﺜﺎﻧﻲ؛ ﻛﺎﻧﺖ ﻣﺸﺎﻋﻞ ﺟﺎﻟﺴﻪ ﻟﺤﺎﻟﻬﺎ ﺑﺎﻟﺼﺎﻟﻪ ، ﻭﺍﻟﺒﻨﺎﺕ ﻧﺎﻳﻤﺎﺕ ، ﺍﻭ ﺑﺎﻷﺣﺮﻯ ﺻﺎﺣﻴﺎﺕ ﻟﻜﻦ ﻣﺎﻳﺒﻮﻥ ﻳﻮﺍﺟﻬﻮﻥ ﺍﻣﻬﺎﺗﻬﻢ . ﺍﺗﺼﻞ ﺟﻮﺍﻟﻬﺎ ﻭﺷﺎﻓﺖ ﺍﺳﻢ ﺳﻠﻤﺎﻥ ﻭﻻﺭﺩﺕ ، ﻗﻔﻞ ﻭﻟﻤﻌﺖ ﻟﻬﺎ ﺭﺳﺎﻟﻪ ﺑﺎﻟﻮﺍﺗﺴﺎﺏ ﻣﻨﻪ " ﺟﺎﻳﻚ ﺍﻧﺎ ، ﺍﻓﺘﺤﻲ ﻟﻲ ﺍﻟﺒﺎﺏ ، ﺗﺮﺍ ﺍﺩﺭﻱ ﺍﻧﻚ ﺻﺎﺣﻴﻪ ﻭﻣﻮﺟﻮﺩﻩ " ﻗﺎﻣﺖ ﻓﺘﺤﺖ ﻟﻪ ﺍﻟﺒﺎﺏ ﻭﺭﺟﻌﺖ ﺟﻠﺴﺖ ﺗﺘﻘﻬﻮﻯ ﻭﺗﻘﻠﺐ ﺑﺎﻟﻘﻨﻮﺍﺕ ، ﺷﻮﻱ ﻭﺩﺧﻞ ﻋﻠﻴﻬﺎ ﻭﺑﺎﺱ ﺭﺍﺳﻬﺎ ﻭﺟﻠﺲ ﺑﺎﻟﻜﻨﺐ ﺍﻟﻠﻲ ﻋﻠﻰ ﻳﺴﺎﺭﻫﺎ ﻭﻗﺎﻝ ﺑﻬﺪﻭﺀ : ﻭﺍﻟﻠﻪ ﻭﺩﻱ ﻟﻮ ﺍﻧﻲ ﺟﺎﻳﺐ ﻟﻚ ﻫﺪﻳﻪ ﻟﻜﻦ ﻫﺪﻳﺘﻲ ﺍﻟﻠﻲ ﺑﻘﻠﺒﻲ ﻟﻚ ﻭﻣﺎﻓﻲ ﺍﻋﻈﻢ ﻣﻦ ﺍﻟﻤﺸﺎﻋﺮ ، ﻭﺟﻴﺘﻚ ﺍﻓﻬﻤﻚ ﻭﺍﻋﻠﻤﻚ .. ﻣﺸﺎﻋﻞ ﻣﺎﺭﺩﺕ ﻭﻻ ﻧﺎﻇﺮﺕ ﻓﻴﻪ ، ﻛﻤﻞ ﺑﻬﺪﻭﺀ : ﺍﺩﺭﻱ ﺍﻧﻲ ﻏﻠﻄﺎﻥ ﻭﻣﺎﻓﻲ ﻣﺠﺎﻝ ﺍﻧﻜﺮ ﻏﻠﻄﻲ ، ﻟﻜﻦ ﺍﻟﻠﻪ ﻳﺸﻬﺪ ﺍﻥ ﻋﺰﻭﻑ ﻣﺎﻟﻬﺎ ﺫﻧﺐ ، ﺍﻧﺎ ﺗﻤﺎﺩﻳﺖ ﻣﻌﺎﻫﺎ ﻣﺸﺎﻋﻞ : ﻭﺍﻟﺮﺳﺎﻟﻪ ﺍﻟﻠﻲ ﺑﻜﺘﺎﺑﻬﺎ ؟ ﺳﻠﻤﺎﻥ : ﺗﻌﺮﻓﻴﻦ ﻃﺒﻌﻲ ﻣﺰﻭﺡ ، ﻭﻣﺎﻗﺼﺪﺕ ﺷﻲ ﺑﺎﻟﺮﺳﺎﻟﻪ ، ﻭﺍﻧﺘﻲ ﺍﻛﺜﺮ ﻭﺣﺪﻩ ﺗﻌﺮﻓﻴﻨﻲ ، ﻧﺬﺭ ﻋﻠﻰ ﺭﻗﺒﺘﻲ ﻣﺎﺍﺿﺮ ﺑﻨﺘﻚ ﻭﺍﻧﺎ ﺍﻟﻠﻲ ﻣﺮﺟﻌﻬﺎ ﻟﻚ ، ﺷﻠﻮﻥ ﺍﺿﺮﻫﺎ ﻭﺍﻧﺎ ﺍﺩﺭﻱ ﻣﺴﺘﺤﻴﻞ ﺍﺗﺰﻭﺟﻬﺎ ؟ ﻣﺸﺎﻋﻞ : ﺍﻟﻠﻪ ﻣﺎﺭﺯﻗﻨﻲ ﻏﻴﺮ ﻫﺎﻟﺒﻨﺖ ﻳﺎﺳﻠﻤﺎﻥ ، ﻣﺎﺭﺟﻌﺖ ﻟﻲ ﻭﺍﻧﺎ ﻓﻴﻨﻲ ﺣﻴﺎﻩ ، ﺍﺧﺎﻑ ﻋﻠﻴﻬﺎ ﻣﻦ ﻛﻞ ﺷﻲ ، ﺍﺧﺎﻑ ﺗﺘﻌﻠﻖ ﻓﻴﻚ ﻭﺍﻧﺖ ﻣﻮ ﻟﻬﺎ ، ﻭﺍﺧﺎﻑ ﻋﻠﻴﻬﺎ ﻣﻦ ﻛﻼﻡ ﺍﻟﻨﺎﺱ ﻣﺎﺑﻴﻬﺎ ﺗﻤﺮ ﺑﺎﻟﻠﻲ ﺍﻧﺎ ﻣﺮﻳﺖ ﻓﻴﻪ . ﺳﻠﻤﺎﻥ ﺑﻀﻴﻖ : ﻻﺗﺨﺎﻓﻴـﻦ ، ﺍﻟﻠﻲ ﻛﺎﺗﺒﻪ ﺍﻟﻠﻪ ﺑﻴﺼﻴﺮ ﺍﻧﻔﺘﺢ ﺑﺎﺏ ﻏﺮﻓﺔ ﺍﻟﺒﻨﺎﺕ ﻭﻃﻠﻌﺖ ﻫﻨﺪ ﻭﻣﺎﻧﺎﻇﺮﺕ ﻟﻬﻢ ﺍﺑﺪ ﻭﻻﺗﺪﺭﻱ ﻣﻦ ﻣﻮﺟﻮﺩ ، ﺩﺧﻠﺖ ﻏﺮﻓﺔ ﺍﻣﻬﺎ . ﻣﺸﺎﻋﻞ : ﻭﺍﺛﻘﻪ ﻓﻴﻚ ، ﻟﻮ ﻣﻮ ﻭﺍﺛﻘﻪ ﻓﻴﻚ ﻣﺎﺳﻤﺤﺖ ﻟﻚ ﺗﺪﺧﻞ ﻫﺎﻟﺒﻴﺖ ﺳﻠﻤﺎﻥ : ﻭﺍﻧﺎ ﻗﺪ ﺍﻟﺜﻘﻪ ﺍﻥ ﺷﺎﺀﺍﻟﻠﻪ ، ﻭﺗﺮﺍ ﻓﺎﺭﺱ ﻳﺴﻠﻢ ﻋﻠﻴﻚ ﻣﺸﺎﻋﻞ : ﺍﻟﻠﻪ ﻳﺴﻠﻤﻪ ، ﻛﻢ ﺑﺎﻗﻲ ﻟﻪ ؟ ﺳﻠﻤﺎﻥ : ﻫﺎﻧﺖ ﺍﻥ ﺷﺎﺀﺍﻟﻠﻪ 6 ﺷﻬﻮﺭ ﻣﺸﺎﻋﻞ : ﻭﺍﻟﻠﻪ ﻓﺎﺭﺱ ﻗﻠﺒﻪ ﺍﺑﻴﺾ ﻟﻜﻦ ﻟﻮ ﺍﻟﻠﻪ ﻳﻔﻜﻪ ﻣﻦ ﺑﻌﺾ ﺍﻷﻓﻜﺎﺭ ﻣﺎﺑﻪ ﺑﻼ ﺳﻠﻤﺎﻥ ﺗﻨﻬﺪ : ﺍﻟﻠﻪ ﻳﺴﺎﻣﺢ ﺍﻣﻲ ﻭ .. ﻗﻄﻊ ﺣﺪﻳﺜﻬﻢ ﺻﺮﺍﺥ ﻫﻨﺪ ﺍﻟﻤﻔﺠﻮﻉ : ﻳﻤﻤﻤﻤﻤﻤﻤﻤﻤﻤﻤﻤﻤﻤﻤﻤﻤﻤﻤﺎﺍﺍﺍﺍﺍﺍﺍﺍﻫﻬﻬﻬﻪ ! *🌻ــــــــــ #يتبــع👇ـــــــــــ🌻* 💛  @ahgeel✏️💛🌼 🍃💛 💛🍃💛i 🍃💛🍃💛i 💛🍃💛🍃💛i 💛🍃💛🍃💛 🍃💛🍃💛 💛🍃💛 🍃💛 💛📖 @ahgeel 📖💛* 📖 روايـــــــــــــة ✍🏼 { في حكيها لذه وفي صمتها موت فيها الجمال وصادق الحب فيني💙} *🌻ــــــــــــــــــــــــــــــــــــــــــ🌻* ..ـ #البارت_109✏️🍒 ـ ... ــ.ﻗﺎﻣﻮﺍ ﺑﺴﺮﻋﻪ ﻭﺍﺗﺠﻬﻮﺍ ﻟﻠﻐﺮﻓﻪ ﻭﺍﻧﺼﺪﻣﻮﺍ ﻣﻦ ﺍﻟﻤﻨﻈﺮ ، ﻫﻨﺪ ﺣﺎﻃﻪ ﺭﺍﺱ ﺍﻣﻬﺎ ﺑﺤﻀﻨﻬﺎ ﻭﺗﺼﺮﺥ ﻋﻠﻴﻬﺎ ، ﻭﺍﻣﻬﺎ ﻣﻼﻣﺤﻬﺎ ﺳﺎﻛﻨﻪ . ﻃﻠﻌﺖ ﺳﺎﺭﻩ ﻭﻋﺰﻭﻑ ﻣﻔﺠﻮﻋﻴﻦ ﻣﻦ ﺍﻟﺼﺮﺍﺥ ﻭﺃﻓﺠﻌﻬﻢ ﺍﻛﺜﺮ ﻣﻨﻈﺮﻫﺎ . ﻣﺸﺎﻋﻞ ﺟﻠﺴﺖ ﺟﻨﺐ ﺍﻣﻴﻨﻪ ﻭﻧﻘﻄﺖ ﻋﻠﻴﻬﺎ ﻣﻮﻳﺎ ﻭﻗﺎﻟﺖ ﺑﺮﺟﻔﻪ : ﻻﺗﺒﻜﻴﻦ ﻳﺎﻫﻨﺪ ﻋﺎﺩﻱ ﺍﻏﻤﻰ ﻋﻠﻴﻬﺎ ﻫﻨﺪ ﺑﺼﻴﺎﺡ : ﻣﺎﺗﻨﺒﺾ ، ﻗﻠﺒﻬﺎ ﻣﻮﻗﻒ ، ﻣﺎﻓﻲ ﻧﺒﺾ ﻣﺎﻓﻲ ﺍﻧﻔﺎﺱ ﻣﺎﻓﻲ ﺭﻭﻭﻭﻭﺡ ! ﻟﺤﻈﺎﺕ ﻣﻦ ﺍﻟﺴﻜﻮﻥ ﻭﺍﻟﺼﻤﺖ ﻋﻢّ ﺍﻟﻤﻜﺎﻥ ، ﻭﻛﻠﻬﻢ ﻧﺎﻇﺮﻭﺍ ﻓﻴﻬﺎ . ﺳﺎﺭﻩ ﺻﺎﺑﻬﺎ ﻣﻐﺺ ﻗﻮﻱ ﻭﻃﺎﺣﺖ ﻋﻠﻰ ﺍﻷﺭﺽ ﻭﺻﺮﺧﺖ ﺑﻜﻞ ﺣﺒﺎﻝ ﺻﻮﺗﻬﺎ : ﺁﺁﺁﻩ ﻳﻤﻤﻤﻤﻤﻤﻤﻤﻤﻤﻪ ، ﻻ ﻻ ﻳﻤﻤﻤﻤﻪ ﻻ ﻫﻨﺪ ﺿﻤﺖ ﺍﻣﻬﺎ ﺑﻘﻮﻩ ﻭﺻﺎﺭﺕ ﺗﺒﻜﻲ ﻭﺗﺘﺤﺮﻙ ﻣﺜﻞ ﺍﻟﻤﺠﻨﻮﻧﻪ ﻭﺗﺘﻤﺘﻢ ﺑﻜﻼﻡ ﻣﺎﻟﻪ ﻣﻌﻨﻰ ، ﻣﺸﺎﻋﻞ ﻟﻠﺤﻴﻦ ﻣﺎﺳﺘﻮﻋﺒﺖ ﻭﻻ ﺑﻜﺖ ﺭﻏﻢ ﺍﻥ ﺍﻟﻤﻨﻈﺮ ﻳﺒﻜﻲ ﺍﻟﺤﺠﺮ . ﻋﺰﻭﻑ ﺟﻠﺴﺖ ﺟﻨﺐ ﺳﺎﺭﻩ ﻭﺣﺎﻭﻟﺖ ﺗﻬﺪﻳﻬﺎ ﺭﻏﻢ ﺍﻥ ﺳﺎﺭﻩ ﻣﺎﺗﺴﻤﻊ ﺷﻲ ﻣﻦ ﻗﻮﺓ ﺻﻴﺎﺣﻬﺎ ﻭﻓﺠﺄﻩ ﺣﺴﺖ ﺍﻟﻮﺟﻊ ﻳﺰﻳﺪ ﻭﻓﻲ ﻧﺎﺭ ﺑﺒﻄﻨﻬﺎ ﻭﺻﺮﺧﺖ ﺑﺼﻮﺕ ﺍﻋﻠﻰ ﻭﺍﻋﻠﻰ ﻭﻃﺎﺣﺖ ﻉ ﺍﻷﺭﺽ ﻭﺷﻬﻘﺖ ﻋﺰﻭﻑ ﻭﻗﺎﻟﺖ ﺑﺮﺟﻔﻪ : ﺳﺎﺭﻩ .. ﺗـ، ﺗﻨﺰﻓﻴـﻦ ! ﺳﻠﻤﺎﻥ ﻗﻮّﻡ ﻫﻨﺪ ﺑﺎﻟﻘﻮﻩ ﻭﺍﺑﻌﺪﻫﺎ ﻋﻦ ﺍﻣﻬﺎ ﻭﺳﺤﺒﻬﺎ ﺑﺮﺍ ﺍﻟﻐﺮﻓﻪ ﻭﺭﺟﻊ ﺍﺧﺬ ﺧﺎﻟﺘﻪ ﻣﺸﺎﻋﻞ ، ﻭﻟﻤﺎ ﺟﺎﺀ ﺑﻴﻘﻮّﻡ ﺳﺎﺭﻩ ﻟﻘﺎﻫﺎ ﻃﺎﻳﺤﻪ ﻭﺗﻨﺰﻑ ﻭﻋﺰﻭﻑ ﻣﺼﺪﻭﻣﻪ ﻭﺗﺮﺟﻒ ﻭﺗﻨﺎﻇﺮ ﺑﺼﻤﺖ ﻗﺎﺗـﻞ . ﺳﻠﻤﺎﻥ ﺳﺤﺐ ﻋﺒﺎﻳﻪ ﺑﺴﺮﻋﻪ ﻭﺭﻣﺎﻫﺎ ﻋﻠﻰ ﺳﺎﺭﻩ ﻭﺷﺎﻟﻬﺎ ﻭﻗﺎﻝ ﺑﺴﺮﻋﻪ : ﺍﻟﺤﻘﻴﻨـﻲ ﻋﺰﻭﻑ ﺍﻟﻠﻪ ﻋﻄﺎﻫﺎ ﻗﻮﻩ ﻭﻗﺎﻣﺖ ﻟﺒﺴﺖ ﻋﺒﺎﻳﺘﻬﺎ ﻭﻃﻠﻌﺖ ﻭﺭﺍﻩ ﻭﺭﻛﺒﺖ ﻭﺭﺍ ﻋﻨﺪ ﺳﺎﺭﻩ ، ﺭﻛﺐ ﻗﺪﺍﻡ ﻭﻃﺎﺭ ﻟﻠﻤﺴﺘﺸﻔﻰ ﻭﺍﺗﺼﻞ ﻋﻠﻰ ﺍﻷﺳﻌﺎﻑ ﻋﺸﺎﻥ ﻳﺎﺧﺬﻭﻥ ﺧﺎﻟﺘﻪ ، ﺭﻏﻢ ﺍﻧﻪ ﻛﺎﻥ ﻳﺸﻴﻠﻬﺎ ﺑﺴﻴﺎﺭﺗﻪ ﻟﻜﻦ ﻻﺯﻡ ﻳﻠﺤﻖ ﺳﺎﺭﻩ ﻗﺒﻞ ﺗﻤﻮﺕ ﻣﻦ ﺍﻟﻨﺰﻳﻒ .. ➖ ﻭﺻﻠﻮﺍ ﺍﻷﺳﻌﺎﻑ ﻭﺷﺎﻟﻮﺍ ﺍﻡ ﺳﺎﺭﻩ ﺟﺜـﻪ ، ﻭﻫﻨﺪ ﻭﻣﺸﺎﻋﻞ ﻳﺒﻜﻮﻧﻬﺎ . ﺻﺮﺧﺖ ﻋﻠﻴﻬﻢ ﻣﺸﺎﻋﻞ ﻭﻫﻢ ﻃﺎﻟﻌﻴﻦ ﻓﻴﻬﺎ : ﻟﺤﻈـﻪ ، ﻧﺰﻟﻮﻫﺎ ﺍﻟﻤﺴﻌﻒ : ﻳﺎﺍﺧﺘﻲ ﺍﻟﻤﺮﻩ ﻣﻴﺘﻪ ! ﻣﺸﺎﻋﻞ : ﻧﺰﻟﻬﺎ ﻗﻠﺖ ، ﻫﺬﻱ ﺍﺧﺘﻲ ﻧﺰﻟﻮﻫﺎ ، ﻭﺍﻧﺤﻨﺖ ﻟﻬﺎ ﻣﺸﺎﻋﻞ ﻭﺷﺎﻟﺖ ﺍﻟﻐﻄﺎ ﻋﻦ ﺭﺍﺳﻬﺎ ﻭﺑﺎﺳﺘﻪ ﻭﻫﻤﺴﺖ ﺑﺤﺮﻗﻪ : ﻭﺩﺍﻋﺔ ﺍﻟﻠﻪ ﻳﺎﻟﺤﺒﻴﺒﻪ ، ﻭﺩﺍﻋﺔ ﺍﻟﻠﻪ ﻳﺎﻟﻠﻲ ﻣﺎﺗﻬﻨﻴﺘﻲ ﺑﺤﻴﺎﺗﻚ ﻭﻻ ﻣﻊ ﺑﻨﺎﺗﻚ ، ﻋﺴﻰ ﻋﻮﺿﻚ ﺑﺎﻟﺠﻨﻪ ، ﻣﺎﺭﺍﺡ ﻧﻨﺴﺎﻙ ، ﻭﺑﻨﺎﺗﻚ ﻫﻢ ﺑﻨﺎﺗﻲ ﻻﺗﺨﺎﻓﻴﻦ ﻋﻠﻴﻬﻢ ، ﺭﺣﻤﺔ ﺍﻟﻠﻪ ﻋﻠﻴﻚ ﻏﻄﺘﻬﺎ ﻭﻗﺎﻣﺖ ﻭﺷﺎﻟﻮﻫﺎ ، ﻭﻫﻨﺪ ﻣﻨﻬﺎﺭﻩ ﺗﺒﻜﻲ ، ﺟﻠﺴﺖ ﺟﻨﺒﻬﺎ ﻭﺿﻤﺘﻬﺎ ، ﻭﺷﻮﻱ ﺷﻮﻱ ﺍﻧﺘﺸﺮ ﺧﺒﺮ ﻭﻓﺎﺗﻬﺎ ﻭﺗﺠﻤﻌﻮﺍ ﺍﻟﻨﺎﺱ ﻳﻘﺪﻣﻮﻥ ﻭﺍﺟﺐ ﺍﻟﻌﺰﺍﺀ ، ﻭﺭﻏﻢ ﻛﻼﻡ ﺍﻟﻨﺎﺱ ﻋﻠﻴﻬﺎ ﻃﻴﻠﺔ ﺍﻟﺴﻨﻴﻦ ﺍﻟﻔﺎﻳﺘﻪ ﺍﻻ ﺍﻥ ﺑﻌﺪ ﻣﻮﺗﻬﺎ ﻛﻠﻦ ﻳﺬﻛﺮﻫﺎ ﺑﺎﻟﺨﻴﺮ ﻭﺍﻟﺴﻤﻌﻪ ﺍﻟﻄﻴﺒﻪ . . " ﺍﺟﻬﻀﺖ ﺟﻨﻴﻨﻬﺎ " ﻋﺰﻭﻑ ﺟﻠﺴﺖ ﻭﻣﺴﻜﺖ ﺭﺍﺳﻬﺎ ﻣﻦ ﻗﻮﺓ ﺍﻟﺼﺪﻣﺎﺕ ، ﺣﺎﺳﻪ ﺑﺪﻭﺧﻪ ﻣﻮ ﻃﺒﻴﻌﻴﻪ . ﺳﻠﻤﺎﻥ ﺟﻠﺲ ﺟﻨﺒﻬﺎ ﻭﻗﺎﻝ ﺑﻬﺪﻭﺀ : ﺧﻴﺮﻩ ﺍﻥ ﺷﺎﺀﺍﻟﻠﻪ ، ﻋﺸﺎﻥ ﻣﺎﻳﺸﻮﻓﻮﻥ ﺍﻟﻨﺎﺱ ﺣﻤﻠﻬﺎ ﻭﻳﺘﻜﻠﻤﻮﻥ ، ﺑﻴﻘﻮﻟﻮﻥ ﻣﻦ ﺍﻟﺼﺪﻣﻪ ﺍﻏﻤﻰ ﻋﻠﻴﻬﺎ ﻋﺰﻭﻑ : ﻳﺎﻋﻤﺮﻱ ﻳﺎﺧﺎﻟﺘﻲ ﻣﺎﺗﻬﻨﺖ ﺑﺸﻲ ، ﺭﺍﺣﺖ ﻭﻫﻲ ﺣﺰﻳﻨﻪ ﻭﻣﻜﺴﻮﺭﻩ ﻣﻦ ﺍﻟﺤﻴﺎﻩ ﻭﺍﻟﻨﺎﺱ ﺳﻠﻤﺎﻥ : ﻫﺬﺍ ﺍﻣﺮ ﺍﻟﻠﻪ ﻭﺻﺎﺭ ، ﻭﻛﻠﻨﺎ ﻣﺎﺷﻴﻦ ﺑﻬﺎﻟﻄﺮﻳﻖ ﻗﺎﻡ ﻋﻨﻬﺎ ﻭﺍﺗﺼﻞ ﻋﻠﻰ ﺗﺮﻛﻲ ﺭﻏﻢ ﺍﻧﻪ ﻛﺎﺭﻩ ﺷﻮﻓﺘﻪ ﻟﻜﻦ ﻻﺯﻡ ﻳﻜﻮﻥ ﻋﻨﺪﻩ ﺧﺒﺮ . ﺭﺩ ﺗﺮﻛﻲ : ﻫـﻼ ﺳﻠﻤﺎﻥ ﺳﻠﻤﺎﻥ : ﺍﻡ ﺳـﺎﺭﻩ ﺗﻮﻓﺖ ، ﻭﻣﻦ ﺍﻟﺼﺪﻣﻪ ﺳﺎﺭﻩ ﺍﺟﻬﻀﺖ ﺗﺮﻛﻲ ﺑﺼﺪﻣﻪ : ﺍﺟﻬﻀﺖ ؟ ﻻﺣﻮﻝ ﻭﻻ ﻗﻮﺓ ﺍﻻ ﺑﺎﻟﻠﻪ ، ﻭﺷﺨﺒﺎﺭﻫﺎ ؟ ﺳﻠﻤﺎﻥ : ﻣﺎﻋﻠﻴﻬﺎ ، ﻣﻌﻮﺽ ﺧﻴـﺮ ﻣﻊ ﻏﻴﺮ ﺳﺎﺭﻩ ﺍﺫﺍ ﻣﺎﺍﻋﻠﻨﺖ ﺍﻟﺰﻭﺍﺝ ! ﺗﺮﻛﻲ : ﺟﺎﻱ ﺍﻟﺤﻴﻦ . ➖ ﺍﻧﺴﺎﻡ : ﺍﺑﺘﺴﻢ ﻳﺎﻟﻠﻪ ﻧﺎﺻﺮ ﺍﺑﺘﺴﻢ ﻭﺻﻮّﺭﺗﻪ : ﺍﺑﺘﺴﻢ ﻣﺮﻩ ﺛﺎﻧﻴﻪ ، ﺑﺲ ﻣﻦ ﻏﻴﺮ ﻣﺎﺗﻄﻠﻊ ﺍﺳﻨﺎﻧﻚ ﻧﺎﺻﺮ ﺍﺑﺘﺴﻢ ﻭﺿﺤﻜﺖ ﺑﻘﻮﻩ : ﻗﺎﻋﺪﻩ ﺍﺳﺠﻠﻚ ﻓﻴﺪﻳﻮ ﺗﺮﺍ ﻧﺎﺻﺮ ﺿﺤﻚ ﻣﻌﺎﻫﺎ ﻭﺳﺤﺐ ﺍﻟﺠﻮﺍﻝ ﻣﻨﻬﺎ ﻭﻫﺮﺏ ﻭﻟﺤﻘﺘﻪ ﻭﻓﺠﺄﻩ ﻃﻖ ﺍﻟﺒﺎﺏ ﻭﻛﺎﻟﻌﺎﺩﻩ ﻧﺎﺻﺮ ﻓﺘﺢ ﺑﺪﻭﻥ ﻻﻳﺴﺄﻝ ، ﻭﺍﻧﺴﺎﻡ ﺗﻤﻠﻜﻬﺎ ﺍﻟﺮﻋﺐ ، ﻭﺧﺎﻓﺖ ﺍﻛﺜﺮﻟﻤﺎ ﺷﺎﻓﺖ ﺭﺍﻛﺎﻥ ﻭﻟﺪ ﻋﻤﻬﺎ ﻳﺪﺧﻞ ﺑﻜﻞ ﺑﺮﻭﺩ ﻭﺍﺑﺘﺴﻢ : ﻳﺎﻫـﻼ ﻳﺎﻣﻄﻮﻝ ﺍﻟﻐﻴﺒﺎﺕ ﻗﺎﻟﺖ ﺑﺮﺟﻔﻪ : ﺍﻟﻠﻪ ﻻﻳﺴﺎﻣﺤﻚ ﻳﺎﺳﻠﻤﺎﻥ ﺭﺍﻛﺎﻥ : ﺳﻠﻤﺎﻥ ﻣﺎﻳﺪﺭﻱ ، ﺍﻧﺎ ﻟﺤﻘﺘﻪ ﻭﻋﺮﻓﺖ ﻣﻜﺎﻧﻚ ﺍﻧﺴﺎﻡ ﺭﻓﻌﺖ ﻳﺪﻫﺎ ﺑﺘﻀﺮﺑﻪ ﻭﺭﺟﻊ ﺧﻄﻮﺗﻴﻦ : ﻣﺎﺍﺳﺘﺎﻫﻠﻬﺎ ﻣﻨﻚ ، ﺗﺮﺍﻱ ﺻﺎﺣﺐ ﻓﻀﻞ ﻋﻠﻴﻚ ﻭﺍﻟﻤﻔﺮﻭﺽ ﺗﺸﻜﺮﻳﻨﻲ ﺍﻧﺴﺎﻡ : ﻭﺵ ﺳﻮﻳﺖ ﻣﺎﺷﺎﺀﺍﻟﻠﻪ ﺭﺍﻛﺎﻥ : ﺳﺠﻨﺖ ﻓﺎﺭﺱ ﻟﻌﻴﻮﻧﻚ ، ﻋﺸﺎﻥ ﺍﺑﺮﺩ ﺧﺎﻃﺮﻙ ﻓﻴﻪ ﺍﻧﺴﺎﻡ ﺑﺼﺪﻣﻪ : ﺍﻧـﺖ ؟ ﻭﺵ ﺳﻮﻳﺖ ؟ ﺭﺍﻛﺎﻥ : ﺣﻄﻴﺖ ﻛﻢ ﻛﻴﺲ ﻣﺨﺪﺭ ﺑﺴﻴّﺎﺭﺗﻪ ، ﻭﻣﺴﻜﻮﻩ ﺍﻧﺴﺎﻡ : ﻣﺎﺗﻮﻗﻌﺘﻚ ﺣﻘﻴﺮ ﻟﻬﺪﺭﺟﻪ ! ﺭﺍﻛﺎﻥ : ﻗﻠﺘﻠﻚ ﻋﺸﺎﻧﻚ ، ﻟﻴﺶ ﺗﺪﺍﻓﻌﻴﻦ ﻟﻪ ﻭﻫﻮ ﺍﻟﻠﻲ ﻇﺎﻟﻤﻚ ﻭﻣﻄﻠﻘﻚ ﻭﻣﻨﻜﺪ ﻋﻴﺸﺘﻚ ؟ ﺍﻧﺴﺎﻡ : ﻣﺎﺍﺩﺍﻓﻊ ﻟﻪ ، ﻟﻜﻦ ﺍﻟﻠﻲ ﻳﻮﻗﻒ ﺿﺪ ﺍﺧﻮﻩ ﻋﺸﺎﻥ ﺑﻨﺖ ﻣﻬﻤﺎ ﻛﺎﻥ ﻏﻠﻄﻪ ﻫﺬﺍ ﻣﺎﺍﺳﻤﻴﻪ ﺭﺟﺎﻝ ! ﺭﺍﻛﺎﻥ ﺑﺨﺒﺚ : ﻭﻛﻴﻒ ﺍﺛﺒﺖ ﻟﻚ ﺍﻧﻲ ﺭﺟﺎﻝ ﻋﺰﻳﺰﺗﻲ ؟ *🌻ــــــــــ #يتبــع👇ـــــــــــ🌻* 💛  @ahgeel✏️💛🌼 🍃💛 💛🍃💛i 🍃💛🍃💛i 💛🍃💛🍃💛i 💛🍃💛🍃💛 🍃💛🍃💛 💛🍃💛 🍃💛 💛📖 @ahgeel 📖💛* 📖 روايـــــــــــــة ✍🏼 { في حكيها لذه وفي صمتها موت فيها الجمال وصادق الحب فيني💙} *🌻ــــــــــــــــــــــــــــــــــــــــــ🌻* ..ـ #البارت_110✏️🍒 ـ ... ﺍﻧﺴﺎﻡ ﻋﺮﻓﺖ ﻧﻴﺘﻪ ﻭﻗﺎﻟﺖ ﺑﻬﺪﻭﺀ : ﻳﺎﺣﺴﺎﻓﻪ ﺍﺣﺘﺮﺍﻣﻲ ﻟﻚ ، ﺍﻃﻠﻊ ﻭﺍﺑﻲ ﺍﻋﺘﺒﺮ ﺍﻧﻲ ﻣﺎﺳﻤﻌﺖ ﺷﻲ ﺭﺍﻛﺎﻥ ﻋﺪﻝ ﻭﻗﻔﺘﻪ ﻭﻗﺎﻝ ﺑﺠﺪﻳﻪ : ﺍﻧﺴﺎﻡ ﺍﻧﺎ ﺷﺎﺭﻳﻚ ، ﺍﻧﺎ ﻣﻮ ﻣﺜﻞ ﻓﺎﺭﺱ ﺻﺪﻗﻴﻨﻲ ، ﺧﻠﻴﻨﻲ ﺍﺗﺰﻭﺟﻚ ، ﺧﻠﻲ ﻓﺎﺭﺱ ﻳﺪﺭﻱ ﺍﻥ ﺣﻴﺎﺗﻚ ﻣﺎﻭﻗﻔﺖ ﻋﻠﻴﻪ ﺍﻧﺴﺎﻡ ﺗﺒﻴﻪ ﻳﻄﻠﻊ ﺑﺄﻱ ﻭﺳﻴﻠﻪ : ﻣﺮﻧﻲ ﺑﻌﺪﻳﻦ ﻭﻧﺘﻔﺎﻫﻢ ﺭﺍﻛﺎﻥ ﺍﺑﺘﺴﻢ : ﺍﻣﺮ ، ﻟﻴﺶ ﻣﺎﺍﻣﺮ ، ﺳﻼﻡ ﻳﺎﺣﻠﻮﻩ ﻃﻠﻊ ﻭﻗﻔﺖ ﺍﻧﺴﺎﻡ ﺍﻟﺒﺎﺏ ﺑﻘﻮﻩ ﻭﺯﻓﺮﺕ ﺑﺮﺍﺣﻪ ﻭﻟﻠﺤﻴﻦ ﻣﺼﺪﻭﻣﻪ ﻣﻨﻪ ، ﻧﺎﺻﺮ ﻣﺪ ﻟﻬﺎ ﺍﻟﺠﻮﺍﻝ : ﻳﺎﻟﻠﻪ ﺻﻮﺭﻳﻨﻲ ﺑﻌﺪ ﺍﺧﺬﺗﻪ ﻭﺍﻧﺼﺪﻣﺖ ﺍﻥ ﺍﻟﻔﻴﺪﻳﻮ ﺻﺎﺭ ﻟﻪ 6 ﺩﻗﺎﻳﻖ ﻳﺴﺠﻞ ، ﺣﻔﻈﺘﻪ ﻭﺭﺟﻌﺖ ﺳﻤﻌﺘﻪ ﻭﻃﻠﻊ ﻣﺴﺠﻞ ﻛﻞ ﺷﻲ ﻣﻦ ﺍﻭﻝ ﻣﺎﻃﻖ ﺍﻟﺒﺎﺏ ﻟﻴﻦ ﻃﻠﻊ ﺭﺍﻛﺎﻥ ، ﻭﻛﻼﻡ ﺭﺍﻛﺎﻥ ﻣﻮﺟﻮﺩ ﻛﺎﻣﻞ ، ﺍﺳﺘﺎﻧﺴﺖ ﻭﺗﻀﺎﻳﻘﺖ ﺑﻨﻔﺲ ﺍﻟﻮﻗﺖ ، ﺍﺳﺘﺎﻧﺴﺖ ﻷﻧﻪ ﺑﻴﻜﻮﻥ ﻭﺳﻴﻠﻪ ﻟﻸﻧﺘﻘﺎﻡ ﻣﻦ ﻓﺎﺭﺱ ، ﻭﺗﻀﺎﻳﻘﺖ ﻷﻧﻬﺎ ﻟﻮ ﻓﻀﺤﺖ ﺭﺍﻛﺎﻥ ﺑﺘﺸﺘﺖ ﻋﺎﻳﻠﺘﻬﻢ ﻓﻮﻕ ﺷﺘﺎﺗﻬﺎ . ﻃﺮﺩﺕ ﺍﻓﻜﺎﺭﻫﺎ ﻭﻗﺎﻟﺖ ﺑﺤﺪﻩ : ﻋﺎﺩﻱ ، ﻋﺎﺍﺍﺩﻱ ﻋﺎﺩﻱ .. ــ.ﺑﻌﺪ ﺛـﻼﺙ ﺍﻳﺎﻡ ؛ ﻫﻨﺪ ﻛﺎﻧﺖ ﻣﻘﻔﻠﻪ ﻋﻠﻰ ﻧﻔﺴﻬﺎ ﻭﺗﺒﻜﻲ ، ﻭﻣﺸﺎﻋﻞ ﻛﺎﻧﺖ ﻣﺮﺍﻓﻘﻪ ﻋﻠﻰ ﺳﺎﺭﻩ ﺑﺎﻟﻤﺴﺘﺸﻔﻰ ﻷﻧﻬﺎ ﺗﻌﺒﺎﻧﻪ ﻛﺜﻴﺮ ﻣﻦ ﺍﻟﺼﺪﻣﻪ ، ﺍﻡ ﺍﻣﻞ ﻣﺎﻛﻨﺖ ﺗﺠﻴﻬﻢ ﻛﺜﻴﺮ ﻷﻧﻬﺎ ﺍﻏﻠﺐ ﻭﻗﺘﻬﺎ ﻓﻲ ﺑﻴﺖ ﺍﻣﻞ ﻷﻥ ﺯﻭﺟﻬﺎ ﺷﻐﻠﻪ ﻛﺜﻴﺮ . ﻋﺰﻭﻑ ﻛﺎﻧﺖ ﺟﺎﻟﺴﻪ ﻭﺣﺎﺿﻨﻪ ﻧﻔﺴﻬﺎ ، ﻭﺳﺮﺣﺎﻧﻪ ﺑﺎﻟﻔﺮﺍﻍ ﺍﻟﻠﻲ ﻗﺪﺍﻣﻬﺎ ﻭﺩﻣﻮﻋﻬﺎ ﺗﻨﺰﻝ ﺑﺼﻤﺖ ، ﻣﻜﺴﻮﺭ ﺧﺎﻃﺮﻫﺎ ﻋﻠﻰ ﺍﻣﻬﺎ ﻭﺧﺎﻻﺗﻬﺎ ، ﻭﻛﻴﻒ ﻫﺬﻱ ﻣﺎﺗﺖ ﻭﻫﻲ ﻣﺎﺍﺳﺘﺎﻧﺴﺖ ﺑﺤﻴﺎﺗﻬﺎ ﻭﻣﺎﺷﺎﻓﺖ ﻏﻴﺮ ﺍﻟﻤﺮ ، ﻛﻴﻒ ﺍﻡ ﻓﺎﺭﺱ ﻛﺎﻧﺖ ﻋﺎﻳﺸﻪ ﺣﻴﺎﺗﻬﺎ ﻭﻫﻲ ﻇﺎﻟﻤﻪ ﻛﻞ ﻫﺎﻷﺷﺨﺎﺹ ، ﺧﺎﻻﺗﻬﺎ ﻭﺑﻨﺎﺗﻬﻢ ، ﻭﺍﻧﺴـﺎﻡ ، ﻭﻓﺎﺭﺱ ﺭﻏﻢ ﻗﺴﺎﻭﺗﻪ ﺍﻻ ﺍﻧﻪ ﻣﻈﻠﻮﻡ ، ﻭﺷﻘﻰ ﺑﺤﻴـﺎﺗﻪ ﻋﺸﺎﻥ ﻛﺬﺍ ﺻﺎﺭ ﻃﺒﻌﻪ ﺷﻴﻦ .. ﻗﻄﻊ ﺍﻓﻜﺎﺭﻫﺎ ﺻﻮﺗﻪ ﺍﻟﻤﺒﺤﻮﺡ : ﻭﻳﻦ ﻭﺻﻠﺘﻲ ﻓﺰﺕ ﻭﻧﺎﻇﺮﺕ ﻓﻴﻪ ﺑﺮﻋﺐ ﻭﻣﺴﺤﺖ ﺩﻣﻮﻋﻬﺎ ﻭﻗﺎﻟﺖ ﺑﺤﺪﻩ : ﻛﻴﻒ ﺩﺧﻠﺖ ﺳﻠﻤﺎﻥ : ﻧﺎﺳﻴﻦ ﺍﻟﺒﺎﺏ ﻣﻔﺘﻮﺡ ، ﻛﻢ ﻣﺮﻩ ﺍﺣﺬﺭﻛﻢ ﻣﻦ ﻫﺎﻟﺤﺮﻛﻪ ﻋﺰﻭﻑ ﻗﺎﻣﺖ ﺑﺘﺪﺧﻞ ﻭﻣﺴﻚ ﻳﺪﻫﺎ ﻭﺭﺟﻌﻬﺎ ﻣﻜﺎﻧﻬﺎ ﺟﻨﺒﻪ ﻭﻫﻤﺲ : ﻟﻴﺶ ؟ ﻧﺎﻇﺮﺕ ﻓﻴﻪ ﻭﻛﺎﻥ ﻗﺮﻳﺐ ﻣﻨﻬﺎ ﺭﻛﺰ ﻋﻴﻮﻧﻪ ﺑﻌﻴﻮﻧﻬﺎ ﺍﺭﺗﺒﻜﺖ ﻭﺻﺪﺕ ﺑﺴﺮﻋﻪ : ﻭﺵ ﺍﻟﻠﻲ ﻟﻴﺶ ؟ ﺳﻠﻤﺎﻥ : ﻟﻴﺶ ﺍﻟﺪﻣﻮﻉ ؟ ﻋﺰﻭﻑ ﺳﺮﺣﺖ ﺷﻮﻱ ﻭﻗﺎﻟﺖ ﺑﻐﺼﻪ : ﺍﺧﺎﻑ ﺍﻗﻮﻟﻚ ﻭﺗﺰﻋﻞ ﺳﻠﻤﺎﻥ ﺍﺑﺘﺴﻢ : ﻣﺎﺍﺯﻋﻞ ، ﻗﻮﻟﻲ ﻋﺰﻭﻑ : ﺍﻓﻜﺮ ﺑﺄﻣﻚ ، ﻛﻴﻒ ﻣﻜﻤﻠﻪ ﺣﻴﺎﺗﻬﺎ ﻭﻫﻲ ﺗﺎﺭﻛﻪ ﻧﺎﺱ ﻳﺘﻌﺬﺑﻮﻥ ﺑﺴﺒﺒﻬﺎ ؟ ﺳﻠﻤﺎﻥ ﺳﺮﺡ ﻭﺗﻨﻬﺪ : ﺍﻟﻠﻪ ﻳﺴﺎﻣﺤﻬﺎ ﻋﺰﻭﻑ ﺑﻘﻬﺮ : ﺍﻟﻠﻪ ﻻﻳﺴﺎﻣﺤﻬﺎ ﺳﻠﻤﺎﻥ ﻧﺎﻇﺮ ﻓﻴﻬﺎ ﺑﺤﺪﻩ : ﻟﻚ ﺭﺃﻳﻚ ﻭﻟﻲ ﺭﺃﻳﻲ ﻓﻴﻬﺎ ﻛـ ﺍﻡ ، ﻭﻻ ﻣﺘﻮﻗﻌﺘﻨﻲ ﺑﺪﻋﻲ ﻋﻠﻰ ﺍﻣﻲ ؟ ﻋﺰﻭﻑ : ﺍﻟﻠﻲ ﺳﻮﺗﻪ ﻛﺜﻴـﺮ ﺳﻠﻤﺎﻥ : ﺍﻟﻠﻪ ﻳﺴﺎﻣﺤﻬﺎ ﻋﺰﻭﻑ : ﺍﻧﺖ ﺍﺻﻼً ﻭﺍﺿﺢ ﻣﻦ ﺑﺮﻭﺩﻙ ﺍﻧﻬﺎ ﻣﻮ ﻫﺎﻣﺘﻚ ، ﻭﻻ ﻋﺎﻧﻴﺖ ﻣﻨﻬﺎ ! ﺳﻠﻤﺎﻥ ﺳﻨﺪ ﻇﻬﺮﻩ ﻭﻗﺎﻝ ﺑﺤﺴﺮﻩ : ﻋﺰ ﺍﻟﻠﻪ ﺍﻧﻲ ﺗﺠﺮﻋﺖ ﺍﻟﻤﺮ ﻭﺍﻟﻌﻠﻘﻢ ﺑﺴﺒﺒﻬﺎ ، ﺑﺪﺍﻳﺘﻬﺎ ﺑﻄﻔﻮﻟﺘﻲ ﻭﻧﻬﺎﻳﺘﻬﺎ ﻳﻮﻡ ﺣﺒﻴﺖ ﻧﺎﻇﺮﺕ ﻓﻴﻪ ﺑﻨﻈﺮﺍﺕ ﻣﺼﺪﻭﻣﻪ ﻭﻫﻤﺴﺖ : ﺣﺒﻴﺖ ؟ ﺳﻠﻤﺎﻥ ﻗﺮﺏ ﻟﻬﺎ ﻭﺭﻛﺰ ﻋﻴﻮﻧﻪ ﺑﻌﻴﻮﻧﻬﺎ ﻭﻗﺎﻝ ﺑﺼﻮﺕ ﻣﻠﻴﺎﻥ ﺣﺰﻥ : ﻋﻤﺮﻱ ﻣﺎﺭﺍﺡ ﺍﺧﺬ ﺍﻟﺒﻨﺖ ﺍﻟﻠﻲ ﺍﺣﺒﻬﺎ ، ﺑﺴﺒﺐ ﺍﻣﻲ ﺍﺑﻌﺪ ﻋﻨﻬﺎ ﻭﺳﺮﺡ ﺑﺎﻷﺭﺽ ﻭﻫﻤﺲ ﺑﻀﻴﻖ : ﻻﺗﻘﻮﻟﻴﻦ ﻣﺎﻫﻤﻨﻲ ، ﻭﺍﻟﻠﻪ ﻳﻬﻤﻨﻲ ﻭﻳﺬﺑﺤﻨﻲ ، ﻟﻜﻦ ﻣﺎﻟﻲ ﺳﻼﺡ ، ﻭﺵ ﺍﺳﻮﻱ ﻋﻠﻤﻴﻨﻲ ، ﻳﺎﻟﻴﺖ ﺗﻔﻴﺪﻳﻨﻲ ﺑﺤﻞ ، ﻷﻧﻲ ﻣﺤﺘﺎﺝ ﺍﺭﺗﺎﺡ ، ﻣﺤﺘـﺎﺝ ﺍﻋﻴﺶ ﺑﺪﻭﻥ ﻫﻤﻮﻡ ﻭﺗﻌﺐ ! ﻗﺎﻡ ﻭﺍﺧﺬ ﻣﻔﺎﺗﻴﺤﻪ ﻭﺗﻨﺤﻨﺢ ﻭﻗﺎﻝ ﺑﻬﺪﻭﺀ : ﻗﻔﻠﻮﺍ ﺍﻟﺒﺎﺏ ﻋﻠﻴﻜﻢ ﻭﺍﺫﺍ ﺍﺣﺘﺠﺘﻮﺍ ﺷﻲ ﻛﻠﻤﻮﻧﻲ . ﻃﻠﻊ ﺑﺴﺮﻋﻪ ، ﻭﻋﺰﻭﻑ ﺍﺣﺮﻗﻬﺎ ﻛﻼﻣﻪ ﺍﻛﺜـﺮ ، ﻭﺑﻜﺖ ﺍﻛﺜﺮ ﻟﻴﻦ ﻏﻔﺖ .. ➖ *🌻ــــــــــ #يتبــع👇ـــــــــــ🌻* 💛  @ahgeel✏️💛🌼 🍃💛 💛🍃💛i 🍃💛🍃💛i 💛🍃💛🍃💛i