في حكيها لذه وفي صمتها موت فيها الجمال وصادق الحب فيني - الفصل 46 - مكتملة | روايتك

💛🍃💛🍃💛 🍃💛🍃💛 💛🍃💛 🍃💛 💛📖 @ahgeel 📖💛* 📖 روايـــــــــــــة ✍🏼 { في حكيها لذه وفي صمتها موت فيها الجمال وصادق الحب فيني💙} *🌻ــــــــــــــــــــــــــــــــــــــــــ🌻* ..ـ #البارت_46 ✏️📚 ـ ... ـ .. ﺍﻣـﻞ ؛ ﻛﺎﻧﺖ ﺟﺎﻟﺴﻪ ﺑﻔﺴﺘﺎﻧﻬﺎ ﺍﻟﻮﺭﺩﻱ ﺍﻟﻨﺎﻋﻢ ﻭﻣﻼﻣﺤﻬﺎ ﺍﻟﺤﺰﻳﻨﻪ ﻣﻜﺸﺮﻩ ﻣﻦ ﺻﻮﺕ ﺍﻷﻏﺎﻧﻲ ﻭﺍﻹﺯﻋﺎﺝ ﺣﻮﻟﻬﺎ ، ﻭﺍﻟﻨﺎﺱ ﺗﺒﺎﺭﻙ ﻟﻬﺎ ﻭﻻ ﻫﻲ ﻣﻌﺎﻫﻢ ، ﻭﺟﻮﺍﻟﻬﺎ ﻳﺘﺼﻞ ﺑﺄﺳﻢ ﺍﻣﻬﺎ ﻭﻻ ﺭﺩﺕ ، ﻣﺎﺳﻜﻪ ﻧﻔﺴﻬﺎ ﻣﺎﺗﺒﻲ ﺗﺒﻜﻲ ، ﻗﻠﺒﻬﺎ ﻳﻨﺰﻑ ، ﻭﻛﻞ ﻣﺎﺗﺘﺬﻛﺮ ﺍﻥ ﻓﺎﺭﺱ ﺭﺍﺡ ﻳﻨﺠﻦ ﺍﺫﺍ ﻋﺮﻑ ﺗﺒﺘﺴﻢ ﺑﺈﻧﺘﺼﺎﺭ ، ﻹﻧﻬﺎ ﻣﺘﺄﻛﺪﻩ ﻣﻦ ﺣﺒﻪ ﻟﻬﺎ . ﺩﺧﻞ ﺍﺑﻮﻫﺎ ﺷﺎﻳﻞ ﺩﻓﺘﺮ ﺍﻟﻤﻠﻜﻪ ، ﻭﺯﻏﺮﺩﺕ ﻋﻤّﺘﻬﺎ ، ﺟﻠﺲ ﺟﻨﺒﻬﺎ ﺍﺑﻮﻫﺎ ﻭﻗﺎﻝ ﺑﻬﺪﻭﺀ : ﺍﻣﻮﻟﻪ ﺑﺎﺑﺎ ، ﺷﻔﻴﻚ ﺣﺰﻳﻨﻪ ، ﺍﺫﺍ ﻣﺎﺗﺒﻴﻦ ﺍﻟﺰﻭﺍﺝ ﻻﺗﻮﺍﻓﻘﻴﻦ ﺍﻣﻞ ﺧﺎﻧﺘﻬﺎ ﺩﻣﻌﻪ ﻭﻣﺴﺤﺘﻬﺎ ﺑﺴﺮﻋﻪ : ﻣﻮﺍﻓﻘﻪ ﺍﺑﻮﻫﺎ ﻣﺪ ﻟﻬﺎ ﺍﻟﻘﻠﻢ ﻭﻫﻮ ﻣﻨﻜﺴﺮ ﻗﻠﺒﻪ ﻋﻠﻴﻬﺎ ﻟﻜﻦ ﻣﺮﺗﺎﺡ ﻹﻧﻬﺎ ﺑﺘﺎﺧﺬ ﺍﻓﻀﻞ ﺷﺨﺺ ﺑﻌﻴﻨﻪ . ﻭﻗﻌﺖ ﺑﻴﺪ ﺭﺍﺟﻔﻪ ، ﻭﻏﺮﻗﺖ ﻋﻴﻮﻧﻬﺎ ، ﻃﺎﺡ ﻣﻨﻬﺎ ﺍﻟﻘﻠﻢ ﻭﻏﻄﺖ ﻭﺟﻬﻬﺎ ﻭﺑﻜﺖ ﻻﺷﻌﻮﺭﻳﺎً ، ﻛﻞ ﺍﻟﻤﻮﺟﻮﺩﻳﻦ ﺍﻧﺼﺪﻣﻮﺍ ، ﻣﺎﻋﻄﺘﻬﻢ ﻣﺠﺎﻝ ﻳﺴﺄﻟﻮﻧﻬﺎ ﻭﻃﻠﻌﺖ ﺑﺴـﺮﻋﻪ . ﺍﺑﻮﻫﺎ ﻃﻠﻊ ﻟﻘﺴﻢ ﺍﻟﺮﺟﺎﻝ ﻣﺴﺘﺎﻧﺲ ﻭﻣﺒﺘﺴﻢ ﻭﻗﺒﻞ ﻻﻳﺪﺧﻞ ﺍﻟﻤﺠﻠﺲ ﺍﺳﺘﻮﻗﻔﻪ ﺍﻟﺼﻮﺕ ﺍﻟﺤﺎﺩ : ﺧﺎﻟﺪ ! ﺍﻟﺘﻔﺖ ﻟﻪ ﺑﺬﻫﻮﻝ ﻭﺗﻮﺳﻌﺖ ﻋﻴﻮﻧﻪ : ﻓﺎﺭﺱ ! ﻓﺎﺭﺱ ﻗﺮﺏ ﻟﻪ ﻭﻗﺎﻝ ﺑﻬﺪﻭﺀ ﻳﺤﺎﻭﻝ ﻳﻈﺒﻂ ﺍﻋﺼﺎﺑﻪ : ﻣﺎﺑﻲ ﺍﻃﻮﻝ ﻋﻠﻴﻚ ﻷﻥ ﻭﺍﺿﺢ ﻋﻨﺪﻙ ﻧﺎﺱ ، ﺑﺲ ﺟﻴﺖ ﺍﻗﺎﺑﻞ ﺍﻣﻞ ، ﻭﺍﺗﺄﻛﺪ ﺑﻨﻔﺴﻲ ﺍﻧﻬﺎ ﻣﻠﻜﺖ ، ﻣﺪﺭﻱ ﺷﻠﻮﻥ ﺻﺪﻗﺘﻚ ﻭﻃﻠﻌﺖ ﺑﺴﺮﻋﻪ ! ﺍﺑﻮ ﺍﻣﻞ : ﻳﺎﻭﻟﺪ ﺗﺴﺘﻬﺒﻞ ﺍﻧﺖ ، ﺗﺒﻲ ﺗﻘﺎﺑﻞ ﺍﻟﺒﻨﺖ ﻭﻫﻲ ﻣﺎﺗﺠﻮﺯ ﻟﻚ ؟ ﻓﺎﺭﺱ : ﺧﻠﻨﻲ ﺍﻗﺎﺑﻠﻬﺎ ﻭﺍﺳﺎﻟﻬﺎ ، ﺍﺫﺍ ﻓﻌﻼً ﻣﺘﻤﻠﻜﻪ ﺑﻌﺘﺬﺭ ﻟﻚ ﻭﺍﻣﺸﻲ ، ﻭﺍﺫﺍ ﻣﺎﻫﻲ ﻣﺘﻤﻠﻜﻪ ﻓﻬﺬﻱ ﺷﻮﻓﺘﻲ ﺍﻟﺸﺮﻋﻴﻪ ! ﺍﺑﻮ ﺍﻣﻞ : ﻣﺎﺭﺍﺡ ﺗﻘﺎﺑﻠﻬﺎ ، ﻭﺍﺫﺍ ﺗﺸﻮﻓﻨﻲ ﻛﺬﺍﺏ ﻓﻬﺬﺍ ﺍﻛﺒﺮ ﺩﻟﻴﻞ ، ﺗﻔﻀﻞ ﻋﻄﺎﻩ ﺍﻟﺪﻓﺘﺮ ، ﻓﺎﺭﺱ ﻗﺮﺃ ﺑﺘﻤﻌﻦ ، ﻛﻞ ﺷﻲ ﻭﺍﺿﺢ ، ﻣﺎﻟﻪ ﻣﺠﺎﻝ ﻳﻨﻜﺮ ﺍﻟﻮﺍﻗﻊ ﺍﻛﺜﺮ ، ﺣﺲ ﺍﻷﺭﺽ ﺗﺪﻭﺭ ﻓﻴﻪ ، ﻭﻛﻞ ﺷﻲ ﺣﻮﻟﻪ ﻳﺪﻓﻌﻪ ﻹﺭﺗﻜﺎﺏ ﺟﺮﻳﻤﻪ، ﺑﻜﻞ ﻗﻮﺗﻪ ﺿﺮﺏ ﺍﻟﺪﻓﺘﺮ ﻋﻠﻰ ﺻﺪﺭ ﺧﺎﻟﺪ ﻭﻃﺎﺡ ﺗﺤﺘﻪ ، ﻗﺮﺏ ﻟﻪ ﻓﺎﺭﺱ ﻭﻣﺴﻜﻪ ﻣﻦ ﺛﻮﺑﻪ ﻭﺭﺟﻌﻪ ﻋﻠﻰ ﺍﻟﺠﺪﺍﺭ ﺑﻜﻞ ﻗﻮﺗﻪ ﻭﻗﺎﻝ ﺑﻌﻴﻮﻥ ﺗﻘﺪﺡ ﺷﺮﺍﺭ : ﺗﻮﻫﺎ ﻣﻠﻜﺖ ﺻﺢ ؟ ﻟﻴﺶ ﺗﻘﻮﻝ ﺍﻧﻬﺎ ﻣﺘﻤﻠﻜﻪ ﻣﻦ ﺷﻬـﺮ ﻟﻴــــﺶ ! ﺧﺎﻟﺪ ﺩﻓﻪ ﺑﻘﻮﻩ : ﻫﻲ ﻣﺎﺗﺒﻴﻚ ، ﻣﺎﺗﺒﻴﻚ ﻳﺎﻣﺴﻠﻢ ﺍﻓﻬﻢ ! ﻣﺤﺪ ﺍﺟﺒﺮﻫﺎ ﻋﻠﻰ ﻣﺸﺎﺭﻱ ﻫﻲ ﺍﺧﺬﺗﻪ ﺑﺮﺿﺎﻫﺎ ، ﻣﺎﻋﻨﺪﻙ ﻛﺮﺍﻣﻪ ﺍﻧﺖ ؟ ﻳﺎﻟﻠﻪ ﺍﻃﻠﻊ ﻻﺗﺨﻠﻴﻨﻲ ﺍﺟﻤﻌﻬﻢ ﻋﻠﻴﻚ ﻓﺎﺭﺱ ﺑﺪﻭﻥ ﺷﻌﻮﺭ : ﺍﺑﻲ ﺍﺷﻮﻓـﻬـﺎ ! ﺧﺎﻟﺪ : ﺍﻧﺖ ﻣﺠﻨﻮﻥ ﻭﺗﺒﻲ ﺗﺠﻨﻨﻲ ﻣﻌﻚ ؟ ﺗﺸﻮﻓﻬﺎ ﻭﻫﻲ ﻋﻠﻰ ﺫﻣﺔ ﻏﻴﺮﻙ ؟ ﺍﻃﻠـﻊ ﻳﺎﻓﺎﺭﺱ ﺍﻃﻠـﻊ ! " ﻋﻠﻰ ﺫﻣﺔ ﻏﻴﺮﻙ " ﻃﻠﻊ ﻭﻫﺎﻟﻜﻠﻤﻪ ﺗﺘﺮﺩﺩ ﺑﺮﺍﺳﻪ ، ﺷﻌﻮﺭﻩ ﻣﺜﻞ ﺷﻌﻮﺭ ﺍﻟﻤﺮﻳﺾ ﺍﻟﻠﻲ ﻻﻫﻮ ﻗﺎﺩﺭ ﻳﺘﻌﺎﻓﻰ ﻭﻻ ﻫﻮ ﻗﺎﺩﺭ ﻳﻤﻮﺕ ، ﻗﺴﺖ ﻋﻠﻴﻪ ﺍﻟﺤﻴﺎﻩ ﻣﻦ ﻛـﻞ ﻧﺎﺣﻴـﻪ ، ﺍﻧﺼﺪﻡ ﺑﺄﻣﻪ ﻭﺍﻧﻌﺪﻣﺖ ﻧﻈﺮﺗﻪ ﺍﻟﺴﻌﻴﺪﻩ ﻟﻠﺤﻴﺎﻩ ، ﻭﻛﺎﻥ ﻣﺘﻮّﻗﻊ ﺍﻣﻞ ﺍﻟﻠﻲ ﺑﺘﻌﻮﺿﻪ ﺍﻟﻰ ﻗﺒﻞ ﺩﻗﺎﻳﻖ ﻛﺎﻥ ﻣﺘﻔﺎﺋﻞ ﻭﻳﺮﺩﺩ " ﺍﻣﻞ ﻣﺎﺗﺴﻮﻳﻬﺎ ، ﻣﺎﺗﺘﺮﻛﻨﻲ " ﻟﻜﻦ ﻛﺴﺮﺗﻪ ، ﻛﻞ ﺷﻲ ﺣﻮﻟﻪ ﺻﺎﺭ ﺍﺳﻮﺩ ﻭﺣﺰﻳﻦ ﻭﻛﺌﻴﺐ ، ﻭﺻﺎﺭ ﺍﻟﻤﻮﺕ ﺍﻭﻝ ﺍﺣﻼﻣﻪ ﻋﺸﺎﻥ ﻳﺮﺗﺎﺡ ﻣﻦ ﺑﺸﺎﻋﺔ ﺍﺣﺎﺳﻴﺴﻪ . ﺍﻧﺎ ﻭﻳﻦ ﻭﺿﺤﻜﺔ ﺍﻟﻤﺒﺴﻮﻁ ﻭﻳﻦ ﺍﻧﺎ ﺻـﺮﺕ ﺑﻮﺿﻊ ﻣﺎﻧﻲ ﻓﺎﻫﻤـﻪ . .. ﻛﺎﻥ ﻭﺍﻗﻒ ﻋﻨﺪ ﺑﺎﺏ ﺑﻴﺘﻬﻢ ﻭﻳﻨﺘﻈﺮ ﺷﻲ ، ﺍﺗﺼﻞ ﺟﻮﺍﻟﻪ ﻭﺷﺎﻑ ﺍﺳﻢ ﺳﻠﻤﺎﻥ ﻭﺭﺩ : ﻫﻼ ﺳﻠﻤﺎﻥ : ﻭﻳﻨﻚ ﻓﺎﺭﺱ : ﻋﻨﺪ ﺑﻴﺖ ﺍﺑﻮ ﺍﻣﻞ ﺳﻠﻤﺎﻥ : ﻭﺵ ﺗﺴﻮﻱ ﻓﺎﺭﺱ : ﺍﻣﻞ ﻣﻠﻜﺖ ، ﻭﺍﻧﺘﻈﺮ ﺯﻭﺟﻬﺎ ﻳﻄﻠﻊ ﻭﺍﺩﻋﻤﻪ ، ﺍﺑﻴﻪ ﻳﻤﻮﺕ ﺳﻠﻤﺎﻥ ﺧﺎﻑ ﻋﻠﻴﻪ ﻟﻜﻦ ﻣﺎﻭّﺿﺢ ﻟﻪ ، ﻋﻜﺲ ﻃﺮﻳﻘﻪ ﻭﻣﺸﻰ ﻟﺒﻴﺖ ﺍﺑﻮ ﺍﻣﻞ ﻭﻛﻤﻞ ﻳﺴﻮﻟﻒ : ﺍﻳﻴﻴﻪ ﺧﻴﺮ ﻣﺎﺗﺴﻮﻱ ، ﻃﻴﺐ ﺍﺑﻲ ﺍﺳﺄﻟﻚ ﻋﻦ ﻋﻤﻲ ﻓﻬﺪ ﻭﺵ ﻋﻼﻗﺘﻪ ﺑﻤﻮﺿﻮﻉ ﺍﻣﻲ ﻓﺎﺭﺱ : ﻭﺵ ﺟﺎﺏ ﻫﺎﻟﻄﺎﺭﻱ ﺍﻟﺤﻴﻦ ! ﺍﻧﺎ ﻭﻳﻦ ﻭﺍﻧﺖ ﻭﻳﻦ ﺳﻠﻤﺎﻥ : ﻳﺎﺣﺒﻴﺒﻲ ﻟﻮﻻ ﻓﻬﺪ ﻛﺎﻥ ﺍﻧﺖ ﻣﺘﺰﻭﺝ ﺍﻣﻞ ﻣﻦ ﺯﻣﺎﻥ ﻭﻋﻨﺪﻙ ﻋﻴﺎﻝ ، ﻓﻬﻤﻨﻲ ﺳﺎﻟﻔﺘﻪ ﻓﺎﺭﺱ : ﺑﺲ ﺍﺑﻮﻱ ﻻﻳﺪﺭﻱ ، ﻓﻬﺪ ﻫﻮ ﺍﻟﻠﻲ ﻛﺎﻥ ﻳﺠﺮ ﺍﻣﻲ ﻟﻬﺎﻟﺴﻮﺍﻟﻒ ، ﻭﻫﻮ ﺍﻟﻠﻲ ﻓﻀﺤﻬﺎ ﻣﻮ ﺍﻟﺠﻴﺮﺍﻥ ، ﺍﺭﺗﺤﺖ ﺍﻟﺤﻴﻦ ؟ ﻳﺎﻟﻠﻪ ﺳﻼﻡ ﺳﻠﻤﺎﻥ : ﻳﺎﺧﻮﻱ ﻟﺤﻈﻪ ﻋﻼﻣﻚ ﺍﻧﺖ ، ﻳﻌﻨﻲ ﺍﻟﻤﻮﺿﻮﻉ ﺻﺪﻕ ؟ ﻓﺎﺭﺱ ﺑﺤﺪﻩ : ﻳﻌﻨﻲ ﺍﻛﺬﺏ ﻋﻠﻴﻚ ! ﺳﻠﻤﺎﻥ : ﻻ ، ﺍﻟﻠﻲ ﻗﺎﻟﻚ ﻛﺬﺍ ﻳﻜﺬﺏ ﻋﻠﻴﻚ ﻓﺎﺭﺱ : ﺗﺮﺍﺏ ﻋﻠﻴﻚ ﻗﻔﻞ ﺑﻮﺟﻬﻪ ﻭﺍﺻﻞ ﺣﺪﻩ ﻣﻦ ﻓﻀﺎﻭﺗﻪ ﻭﺑﺮﻭﺩﻩ ،ﻣﺮﺕ ﺧﻤﺲ ﺩﻗﺎﻳﻖ ﻭﺍﻧﻔﺘﺢ ﺍﻟﺒﺎﺏ ﺍﻟﻠﻲ ﺟﻨﺒﻪ ﻭﻧﺎﻇﺮ ﻣﺬﻫﻮﻝ ﻟﻤﺎ ﺷﺎﻑ ﺳﻠﻤﺎﻥ . ﺳﻠﻤﺎﻥ ﻣﻌﺼﺐ : ﺻﺎﺣﻲ ﺍﻧﺖ ﺗﺒﻲ ﺗﺬﺑﺤﻪ ! ﻓﺎﺭﺱ : ﻣﺎﻋﻨﺪﻱ ﻣﺎﻧﻊ ﺍﺻﻴﺮ ﻣﺠﻨﻮﻥ ﻟﺠﻞ ﺍﻟﺒﻨﺖ ﺍﻟﻠﻲ ﺣﺒﻴﺘﻬﺎ ﺳﻠﻤﺎﻥ : ﻳﺎﺭﺟﺎﻝ ﻃﺰ ﻓﻴﻬﺎ ، ﺍﻟﻠﻲ ﺟﺎﺑﻬﺎ ﻳﺠﻴﺐ ﺍﺣﺴﻦ ﻣﻨﻬﺎ ﻓﺎﺭﺱ : ﻫﺬﻱ ﻭﺵ ﻳﻨﻔﻊ ﻣﻌﺎﻫﺎ ﺍﺫﺍ ﻣﺎﺍﺣﺮﻗﺖ ﻗﻠﺒﻬﺎ ﻭﺩﻣﺮﺕ ﻓﺮﺣﺘﻬﺎ ؟ ﺳﻠﻤﺎﻥ : ﺍﻗﻮﻝ ﺍﻫﺠﺪ ﻻﺗﺴﻮﻱ ﺷﻲ ﺗﻨﺪﻡ ﻋﻠﻴﻪ ، ﺗﺒﻲ ﺗﺤﺮﻕ ﻗﻠﺒﻬﺎ ﺗﺰﻭﺝ ﻣﺜﻞ ﻣﺎﻫﻲ ﺗﺰﻭﺟﺖ ، ﻭﺑﺄﺳﺮﻉ ﻭﻗﺖ ﺑﻌﺪ ، ﻣﺜﻞ ﻣﺎﺑﺎﻋﺘﻚ ﺑﻌﻬﺎ ﻭﻻﺗﺼﻴﺮ ﺭﻫﻴّﻒ ﻭﺗﺮﺍﻛﺾ ﻭﺭﺍﻫﺎ ! ﻓﺎﺭﺱ ﺳﻜﺖ ﻳﺪﺭﺱ ﺍﻟﻤﻮﺿﻮﻉ ﺑﺮﺍﺳﻪ ﻭﻛﻤﻞ ﺳﻠﻤﺎﻥ : ﻳﺎﺭﺟﺎﻝ ﺍﻟﺒﻨﺎﺕ ﻣﺎﻳﻨﻌﻄﻮﻥ ﻭﺟﻪ ، ﺍﻟﻮﺣﺪﻩ ﺍﺫﺍ ﺩﺳﺖ ﻋﻠﻴﻬﺎ ﻣﺸﺖ ﺻﺢ ﻓﺎﺭﺱ ﺑﺘﻔﻜﻴﺮ : ﺻﺢ ﻛﻼﻣﻚ ، ﻻﺯﻡ ﺍﺗﺰﻭﺝ ﺑﺄﺳﺮﻉ ﻭﻗﺖ . ➖ ﺍﻧﺴـﺎﻡ ﻭﻗﻔﺖ ﻋﻨﺪ ﻣﺤﻞ ﻭﺭﺩ ﻭﻫﻲ ﺗﺪﺭﻱ ﺍﻧﻪ ﻣﺤﻞ ﺭﺍﻛﺎﻥ ﻭﻟﺪ ﻋﻤﻬﺎ . ﺩﺧﻠﺖ ﻭﺷﺎﻓﺘﻪ ﻣﻊ ﺍﺛﻨﻴﻦ ﻣﻦ ﻧﻔﺲ ﻋﻤﺮﻩ ﻭﻻ ﻋﺮﻓﻬﺎ . ﻃﻠّﻌﺖ ﺍﻟﺼﻮﺭﻩ ﺑﺠﻮﺍﻟﻬﺎ ﻭﻭﻗﻔﺖ ﻋﻨﺪﻩ : ﻟﻮ ﺳﻤﺤﺖ ﺍﺑﻐﻰ ﻧﻔﺲ ﻛﺬﺍ ﺭﺍﻛﺎﻥ ﻳﺤﺎﻭﻝ ﻳﺘﺬﻛﺮ ﻭﻳﻦ ﺳﺎﻣﻊ ﺻﻮﺗﻬﺎ : ﺍﻧﺴﺎﻡ ؟ ﺍﻧﺴﺎﻡ : ﺍﻱ ﻃﻠﻌﺖ ﺑﻮﻛﻬﺎ ﻭﻫﻮ ﻓﺎﺿﻲ ﺗﻨﺘﻈﺮﻩ ﻳﻘﻮﻝ ﺍﻋﻄﻴﻚ ﻣﺠﺎﻧﺎً ﻟﻜﻦ ﺭﺍﻛﺎﻥ ﺷﺎﻑ ﺑﻮﻛﻬﺎ ﻓﺎﺿﻲ ﻭﻗﺎﻝ ﺑﺨﺒﺚ : ﻋﻄﻴﻨﻲ ﺑﻄﺎﻗﺘﻚ ﺍﺳﺤﺐ ﻟﻚ ﺑﺎﻟﺸﺒﻜﻪ *🌻ــــــــــ #يتبــع👇ـــــــــــ🌻* 💛  @ahgeel✏️💛🌼 🍃💛 💛🍃💛i 🍃💛🍃💛i 💛🍃💛🍃💛i