في حكيها لذه وفي صمتها موت فيها الجمال وصادق الحب فيني - الفصل 41 - مكتملة | روايتك

💛🍃💛🍃💛 🍃💛🍃💛 💛🍃💛 🍃💛 💛📖 @ahgeel 📖💛* 📖 روايـــــــــــــة ✍🏼 { في حكيها لذه وفي صمتها موت فيها الجمال وصادق الحب فيني💙} *🌻ــــــــــــــــــــــــــــــــــــــــــ🌻* ..ـ 👈 #البارت_41 ✏️📚 ـ ... ـ .. ﺳﻠﻤﺎﻥ ﺩﺧﻞ ﻭﺷﺎﻑ ﻋﺰﻭﻑ ﻭﺳﺎﺭﻩ ﺟﺎﻟﺴﺎﺕ ﺑﺎﻟﺤﺪﻳﻘﻪ ﻭﺍﻭﻝ ﻣﺎﺷﺎﻓﻮﻩ ﺗﺤﺠﺒﻮﺍ ﺯﻳﻦ ﻭﻋﺰﻭﻑ ﻋﻄﺘﻪ ﻧﻈﺮﻩ ﻣﺎﻳﻨﺴﺎﻫﺎ ﺑﺤﻴﺎﺗﻪ ﻛﻠﻬﺎ ، ﺑﺎﺩﻟﻬﺎ ﺑﺈﺑﺘﺴﺎﻣﻪ ﺑﺎﻫﺘﻪ : ﻋﺴﻰ ﻣﺎﺷﺮ ؟ ﻣﻮ ﻗﻠﻨﺎ ﺯﺍﻧﺖ ﺍﻷﻣﻮﺭ ﻋﺰﻭﻑ : ﺯﺍﻧﺖ ، ﻟﻜﻦ ﻣﺎﺍﻧﺴﻰ ﺍﻟﻄﺮﻳﻘﻪ ﺍﻟﻠﻲ ﺧﻄﻔﺘﻨﻲ ﻓﻴﻬﺎ ﻭﻻ ﺍﺳﺎﻣﺤﻚ ﻋﻠﻴﻬﺎ ﺳﻠﻤﺎﻥ : ﻳﻤﻜﻦ ﺗﻨﺴﻴﻚ ﺍﻷﻳﺎﻡ ﻭﺍﻟـ .. ﺳﻜﺖ ﻭﻋﺰﻭﻑ ﺭﻓﻌﺖ ﺣﺎﺟﺒﻬﺎ ﺑﻘﻬﺮ : ﻭﺍﻷﻳﺶ ﺳﻠﻤﺎﻥ : ﻛﻞ ﺷﻲ ﺟﺎﻳﺰ ﻃﻠﻌﺖ ﻫﻨﺪ ﻣﺴﺘﻌﺠﻠﻪ ﻭﻛﺎﺷﺨﻪ ﻭﺭﻳﺤﺔ ﻋﻄﺮﻫﺎ ﺳﺎﺑﻘﺘﻬﺎ ﻭﻧﻈﺮﺍﺗﻬﺎ ﺍﻟﺸﺮﻳﺮﻩ ﺻﺎﺭﺕ ﻛﻠﻬﺎ ﺣﺐ : ﺳﻠﻤﺎﻥ ﻣﺘﻰ ﺟﻴﺖ ﻣﺎﻧﺘﺒﻬﺖ ﻋﺰﻭﻑ ﺗﻮﺳﻌﺖ ﻋﻴﻮﻧﻬﺎ ﻣﻦ ﺍﻟﻠﻲ ﺗﺸﻮﻓﻪ ، ﺳﻠﻤﺎﻥ ﻗﺎﻝ ﺑﺪﻭﻥ ﻧﻔﺲ : ﺟﻴﺖ ﺍﺗﻄﻤﻦ ﻋﻠﻰ ﻋﺰﻭﻑ ﻭ ﻫﻨﺪ ﺑﻨﺒﺮﺓ ﻗﻬﺮ : ﻭﻟﻴﻪ ﺗﺘﻄﻤﻦ ﻋﻠﻴﻬﺎ ؟ ﺳﻠﻤﺎﻥ ﺧﺰﻫﺎ ﺑﻨﻈﺮﺍﺕ ﺧﻮّﻓﺘﻬﺎ ﻭﺻﺪﺕ ﻫﻨﺪ . ﻋﺰﻭﻑ ﻗﺎﻣﺖ ﻭﻫﻲ ﻣﻌﺼﺒﻪ : ﻭﺍﻧﺎ ﻗﺪﺍﻣﻚ ﻣﺎﺍﺣﺘﺮﻣﺘﻴﻨﻲ ﻳﺎﻫﻨﺪ ! ! ﻭﺍﻧﺖ ﻟﻴﺶ ﺗﺘﻄﻤﻦ ﻋﻠﻲ ﺍﺻﻼً ﻭﺵ ﺩﺧﻠﻚ ﺳﺎﺭﻩ : ﻋﺰﻭﻑ ﺧﻼﺹ ﻫﺪﻱ ﺳﻠﻤﺎﻥ : ﺳﺎﺭﻩ ﻣﻌﻠﻴﺶ ﺧﻮﺫﻱ ﻫﻨﺪ ﻭﺍﺩﺧﻠﻮﺍ ﺷﻮﻱ ﺳﺎﺭﻩ ﺳﺤﺒﺖ ﻫﻨﺪ ﻭﺩﺧﻠﻮﺍ ﻭﻫﻲ ﻣﻌﺼﺒﻪ ﻋﻠﻴﻬﺎ . ﺳﻠﻤﺎﻥ ﻭﻗﻒ ﻗﺪﺍﻡ ﻋﺰﻭﻑ ، ﺍﺭﺗﺒﻜﺖ ﻟﻜﻦ ﻣﺎﻭﺿﺤﺖ ﻟﻪ ، ﻗﺎﻝ ﺑﻬﺪﻭﺀ : ﺗﺮﺍ ﺍﻟﻠﻲ ﻏﺒﻲ ﺑﺎﻟﺪﺭﺍﺳﻪ ﻣﻮ ﻏﺒﻲ ﺑﺄﻣﻮﺭ ﺍﻟﺤﻴﺎﻩ ﻋﺰﻭﻑ : ﻭﺵ ﻗﺼﺪﻙ ! ﺳﻠﻤﺎﻥ : ﻳﻌﻨﻲ ﺍﻧﺘﻲ ﻣﻮﻏﺒﻴﻪ ﻭﺗﺪﺭﻳﻦ ﻟﻴﺶ ﺍﻧﺎ ﺍﺗﻄﻤﻦ ﻋﻠﻴﻚ ﺭﻏﻢ ﺍﻧﻲ ﺍﺩﺭﻱ ﺍﻧﻚ ﻛﻔﻮ ﻭﺑﺘﻮﻗﻔﻴﻦ ﻣﻊ ﺧﺎﻟﺘﻲ ﻣﺸﺎﻋﻞ ! ﻃﻠﻌﺖ ﺍﻡ ﻓﺎﺭﺱ ﻟﻤﺎ ﻋﺮﻓﺖ ﺍﻥ ﺳﻠﻤﺎﻥ ﻣﻮﺟﻮﺩ : ﺳﻠﻤﺎﻥ ، ﻭﺍﻧﺎ ﻟﻴﻪ ﻣﺎﺗﺘﻄﻤﻦ ﻋﻠﻲ ﻭﻻ ﻣﺎﺗﺸﻮﻓﻨﻲ ﺍﻣﻚ ﺳﻠﻤﺎﻥ : ﺍﻟﺒﻨﺖ ﺍﻧﺎ ﺧﺎﻃﻔﻬﺎ ﻭﺑﺮﻗﺒﺘﻲ ﻭﻻﺯﻡ ﺍﺗﻄﻤﻦ ﻋﻠﻴﻬﺎ ! ﺍﻣﻪ : ﻃﻴﺐ ﺍﺑﻲ ﻓﻠﻮﺱ ﺑﺠﻬﺰ ﻟﺰﻭﺍﺝ ﺑﻨﺖ ﺻﺪﻳﻘﺘﻲ ﺳﻠﻤﺎﻥ : ﺑﺤﻮﻝ ﻟﻚ ﺍﻟﻴﻮﻡ ﻋﺰﻭﻑ ﻣﺸﺖ ﺑﺸﻤﻮﺥ ﻭﻭﻗﻔﺖ ﻗﺒﺎﻝ ﺍﻡ ﻓﺎﺭﺱ ، ﻭﺍﺣﺘﻘﺮﺗﻬﺎ ﺑﺎﻟﻨﻈﺮﺍﺕ ، ﻫﺎﻹﻧﺴﺎﻧﻪ ﺳﺒﺐ ﻛﻞ ﺍﻟﻤﺸﺎﻛﻞ ، ﻗﺎﻟﺖ ﺑﺤﺪﻩ : ﻟﻮ ﺍﻧﺎ ﻣﻜﺎﻧﻚ ﻣﺎﺍﺣﻀﺮ ﺯﻭﺍﺟﺎﺕ ، ﺣﺘﻰ ﻟﻮ ﺻﺪﻳﻘﺎﺗﻚ ﻣﺎﻳﻌﺮﻓﻮﻥ ﻣﻦ ﺍﻧﺘﻲ ﻭﻭﺵ ﺳﻮﻳﺘﻲ ﺑﺰﻭﺟﻚ ﻭﺍﻫﻠﻚ ! ﺍﻡ ﻓﺎﺭﺱ ﺗﻐﻴﺮﺕ ﻣﻼﻣﺤﻬﺎ ﻭﻧﺎﻇﺮﺕ ﻟﺴﻠﻤﺎﻥ ﺑﺮﺑﻜﻪ ، ﺳﻠﻤﺎﻥ ﻛﺎﻥ ﻳﻨﺎﻇﺮ ﻟﻌﺰﻭﻑ ﺑﻨﻈﺮﺍﺕ ﻣﺎﻟﻬﺎ ﻣﻌﻨﻰ ﻗﺮﺏ ﻟﻬﺎ ﺑﺮﻣﺸﺔ ﻋﻴﻦ ﻣﺴﻚ ﺫﺭﺍﻋﻬﺎ ﻭﻟﻔﻬﺎ ﻟﻪ ﻭﻗﺎﻝ ﺑﻬﻤﺲ : ﺑﻌﺪﻳﻬﺎ ﻟﻚ ، ﻟﻜﻦ ﺍﻥ ﻃﺎﻝ ﻟﺴﺎﻧﻚ ﻣﺮﻩ ﺛﺎﻧﻴﻪ ﻗﺼﻴﺘـﻪ ! ﺍﻡ ﻓﺎﺭﺱ ﻣﻦ ﻗﻮﺓ ﺍﻟﺼﺪﻣﻪ ﺩﺧﻠﺖ ﺑﺪﻭﻥ ﺍﻱ ﻛﻠﻤﻪ ، ﻭﻋﺰﻭﻑ ﻗﺎﻟﺖ ﺑﺄﻟﻢ : ﺍﻧﺖ ﻭﻟﺪﻫﺎ ﻭﺫﻟﻴﺘﻬﺎ ﺑﻨﻈﺮﺍﺗﻚ ، ﻭﻗﻔﺖ ﻋﻠﻲ ﻳﻌﻨﻲ ﺳﻠﻤﺎﻥ : ﺍﻧﺎ ﻟﻮ ﺍﺫﻟﻬﺎ ﺍﻟﻠﻴﻞ ﻭﺍﻟﻨﻬﺎﺭ ﻛﻴﻔﻲ ، ﺍﻣﻲ ﻭﺍﻣﻮﻥ ﻋﻠﻴﻬﺎ ، ﺑﺲ ﻟﻮ ﺍﺣﺪ ﻳﺬﻟﻬﺎ ﻏﻴﺮﻱ ﺑﻴﻨـﺪﻡ ! ﻭﻗﺒﻠﻚ ﻛﺜﻴﻴﻴﻴﻴﺮ ﻭﻗﻔﺘﻬﻢ ﻋﻨﺪ ﺣﺪﻫﻢ ، ﺍﻧﺘﺒﻬﻲ ! ﻋﺰﻭﻑ : ﺧﻄﻒ ﻭﺧﻄﻔﺘﻨﻲ ، ﻭﺵ ﺑﺘﺴﻮﻱ ﺑﻌﺪ ؟ ﺳﻠﻤﺎﻥ ﻧﺎﻇﺮ ﻓﻴﻬﺎ ﻣﻦ ﻓﻮﻕ ﻟﺘﺤﺖ ﻭﺍﺑﺘﺴﻢ ﺑﺨﺒﺚ : ﺑﺒﺴﺎﻃﻪ ﺍﺧﻠﻴﻚ ﺗﺠﺮﺑﻴﻦ ﻧﻔﺲ ﺍﻟﻠﻲ ﺟﺮﺑﺘﻪ ﺍﻣﻲ ، ﻭﺍﻟﻔﺮﻕ ﻭﺍﺣﺪ ، ﺍﻣﻲ ﻣﺘﻌﻤﺪﻩ ﻭﺍﻧﺘﻲ ﻣﻈﻠﻮﻣـﻪ ! ﻋﺰﻭﻑ ﺭﺟﻔﺖ ﻣﻦ ﺍﻟﺼﺪﻣﻪ ﻭﺍﻟﺨﻮﻑ ﻭﻫﻤﺴﺖ ﺑﺤﻘﺪ : ﻛﻨﺖ ﻋﺎﺭﻓﻪ ﺍﻧﻚ ﺣﻘﻴﺮ ﻭﻣﺎﻋﻨﺪﻙ ﻧﺨﻮﻩ ، ﻭﺍﻟﻠﻪ ﻋﺎﺭﻓﻪ ﺩﺧﻠﺖ ﺑﺴﺮﻋﻪ ﻭﻫﻲ ﺗﺮﺟﻒ ﻭﺍﻟﺨﻮﻑ ﺳﻴﻄﺮ ﻋﻠﻴﻬﺎ ﻭﺗﻔﻜﺮ ﺷﻠﻮﻥ ﺗﺤﻤﻲ ﻧﻔﺴﻬﺎ ﻣﻨﻬﻢ ، ﺍﻟﻠﻲ ﺩﺧﻞ ﺑﻴﺘﻬﻢ ﻭﺧﻄﻔﻬﺎ ﻣﻦ ﻏﺮﻓﺘﻬﺎ ﻣﻮ ﺻﻌﺐ ﻋﻠﻴﻪ ﻳﺴﻮﻱ ﺷﻲ ﺍﻛﺒﺮ .. ﺑﻌﺪ ﺷﻬﺮ ؛ ﻓﻲ ﺑﻴﺖ ﺧﺎﻟﺪ ﺍﺑﻮ ﺍﻣﻞ ، ﻛﺎﻥ ﻣﻮﺟﻮﺩ ﻓﺎﺭﺱ ﻭﺍﺑﻮﻩ ، ﻓﺎﺭﺱ ﻣﺘﻮﺗﺮ ، ﻋﺎﻳﺶ ﺳﻨﻴﻦ ﻃﻮﻳﻠﻪ ﻳﻨﺘﻈﺮ ﻫﺎﻟﻠﺤﻈﻪ .. ﺍﺑﻮ ﺍﻣﻞ : ﺣﻴﺎﻙ ﺍﻟﻠﻪ ﻳﺎﺑﻮ ﻓﺎﺭﺱ ﺍﺑﻮ ﻓﺎﺭﺱ : ﺍﺑﻘﺎﻙ ﺍﻟﻠﻪ ، ﺟﺎﻳﻴﻨﻚ ﻧﺨﻄﺐ ﺍﻣﻞ ﻟﻔﺎﺭﺱ ﺍﺑﻮ ﺍﻣﻞ : ﻭﺍﻟﻠﻪ ﻳﺎﺑﻮ ﻓﺎﺭﺱ ﻧﺴﺒﻜﻢ ﻣﺎﻳﻨﺮﺩ ﻭﻓﺎﺭﺱ ﻣﺎﻧﻲ ﻻﻗﻲ ﺍﺣﺴﻦ ﻣﻨﻪ ، ﻣﻴﺮ ﺍﻟﺒﻨﺖ ﺗﻤﻠﻜﺖ ﻋﻠﻰ ﻭﻟﺪ ﻋﻤﻬﺎ ، ﻣﻌﻮﺽ ﺧﻴﺮ ﻓﺎﺭﺱ ﻣﺎﺳﺘﻮﻋﺐ : ﺍﻣﻞ ؟ ﺍﺑﻮ ﺍﻣﻞ : ﺍﻱ ﺍﻣﻞ ، ﺍﺧﺬﻫﺎ ﻭﻟﺪ ﻋﻤﻬﺎ ﻓﺎﺭﺱ : ﺻﺎﺩﻕ ! ﺍﺑﻮ ﺍﻣﻞ : ﺣﻨﺎ ﻋﻨﺪﻧﺎ ﻋﺎﺩﻩ ﺍﻟﺒﻨﺖ ﻣﺎﺗﻄﻠﻊ ﻋﻦ ﺍﻟﻌﺎﻳﻠﻪ ، ﻭﺍﻧﺎ ﻗﻠﺖ ﺍﻧﺖ ﻣﺎﺗﻨﺮﺩ ﻣﻴﺮ ﻟﻮ ﺟﺎﻱ ﺑﺪﺭﻱ ﺷﻮﻱ ﻋﻄﻴﻨﺎﻙ ﻓﺎﺭﺱ ﺑﺤﺪﻩ : ﺍﻛﻴﺪ ﺍﻧﻚ ﺗﺴﺘﻬﺒﻞ ، ﺍﻣـﻞ ﺗﺒﻴﻨـﻲ ! ﺍﺑﻮ ﺍﻣﻞ ﻋﺼﺐ : ﻻﺗﻌﻠﻲ ﺻﻮﺗﻚ ﺑﻮﺟﻬﻲ ، ﺗﺒﻴﻚ ﺍﻭ ﻣﺎﺗﺒﻴﻚ ، ﻫﺬﺍ ﻧﺼﻴﺒﻬﺎ ﻭﺟﺎﻫﺎ ﻓﺎﺭﺱ ﺑﺘﻬﻮﺭ ﻗﺎﻡ ﻭﺍﺗﺠﻪ ﻟﻠﺒﺎﺏ ﻭﻗﺎﻝ ﺑﺼﻮﺕ ﻳﺨﻮﻑ : ﻭﻳﻨﻬﺎ ﻫﻲ ﻭﻳﻨﻬــﺎ ﻭ . ﻣﺴﻜﻪ ﺍﺑﻮﻩ ﻣﻌﺼﺐ : ﻓــﺎﺭﺱ ﺍﺫﻛـﺮ ﺍﻟﻠـﻪ ، ﻟﻮ ﺗﺒﻴﻚ ﺍﻧﺘﻈﺮﺗﻚ ﻣﻴﺮ ﻭﺍﺿﺤﻪ ﺍﻟﺴﺎﻟﻔﻪ ، ﺷﺪ ﻧﻔﺴﻚ ﻭﺍﻧﺎ ﺍﺑﻮﻙ ، ﺍﻟﻒ ﺑﻨﺖ ﺗﺘﻤﻨﺎﻙ ، ﻣﺎﻭﻗﻔﺖ ﻋﻠﻰ ﻫﺎﻷﻣﻞ ، ﻣﺸﻴﻨـﺎ ﻓﺎﺭﺱ : ﻳﺒـﻪ ﻟﻜـﻦ ﻫـ، ﺍﺑﻮﻩ ﺑﺼﺮﺍﻣﻪ : ﻓــﺎﺭﺱ ! ﻣﺸﻴﻨﺎ ﻗﻠﺖ ﻃﻠﻊ ﻭﻓﺎﺭﺱ ﺧﺰ ﺍﺑﻮ ﺍﻣﻞ ﺑﻨﻈﺮﺍﺕ ﻏﺮﻳﺒﻪ ﻭﺭﻓﻊ ﺳﺒﺎﺑﺘﻪ ﺑﻮﺟﻬﻪ ﻛﺘﻬﺪﻳﺪ ﻟﻜﻦ ﺿﺎﻉ ﺍﻟﻜﻼﻡ ﻭﺗﺒﺨﺮ ﻛﻞ ﺷﻲ ، ﻃﻠﻊ ﺑﺪﻭﻥ ﻭﻻ ﻛﻠﻤﻪ ، ﻟﻠﺤﻴﻦ ﻣﺎﺳﺘﻮﻋﺐ ﺍﻧﻬﺎ ﺧﻼﺹ ﺭﺍﺣﺖ ﻋﻠﻴﻪ ، ﺗﻤﻠﻜﺖ ﻋﻠﻰ ﻏﻴﺮﻩ ، ﻫﺬﺍ ﺍﻟﻜﻮﻥ ﺍﻟﻮﺳﻴـﻊ ﺿﺎﻕ ﻓﻴﻪ ﻭﻛﺘﻢ ﻋﻠﻰ ﺍﻧﻔﺎﺳﻪ ، ﻓﺘﺢ ﺍﺯﺍﺭﻳﺮ ﺛﻮﺑﻪ ﻭﺭﻛﺐ ﻣﻊ ﺍﺑﻮﻩ ﺍﻟﻠﻲ ﻣﺘﻀﺎﻳﻖ ﻋﻠﻰ ﺣﺎﻟﺘﻪ ، ﺣﺘﻰ ﻭﺟﻬﻪ ﺻﺎﺭ ﺑﺎﻫﺖ ﻣﻦ ﺻﺪﻣﺘﻪ ﺍﻟﻠﻲ ﺻﺪﻣﺔ ﻋﻤﺮ ﻣﻮ ﺻﺪﻣﻪ ﻋﺎﺩﻳﻪ . ﺍﺑﻮﻩ : ﻓﺎﺭﺱ ! ﻣﺎﻫﻘﻴﺘﻚ ﻛﺬﺍ ، ﺗﻀﺎﻳﻘﻚ ﺑﻨﺖ ! ﻃﻨﺸﻬﺎ ، ﻭﻟﻚ ﻋﻠﻲ ﺍﺧﻄﺐ ﻟﻚ ﻭﺣﺪﻩ ﺑﻨﺖ ﺷﻴـﻮﺥ ، ﻣﻌﺮﻭﻓﻴﻦ ﺧﻮﺍﻟﻬﺎ ﻭﻋﻤﺎﻣﻬﺎ ﺑﺎﻟﻄﻴﺐ ، ﺗﺴﻮﻯ ﺍﻣﻞ ﻭﺗﺴﻮﻯ ﻃﻮﺍﻳﻔﻬﺎ ، ﺑﺲ ﻋﻄﻨﻲ ﺍﺷﺎﺭﻩ ﻓﺎﺭﺱ ﺍﺧﺬ ﻧﻔﺲ ﻭﻗﺎﻝ ﺑﻬﺪﻭﺀ : ﻗﻔﻞ ﻋﻠﻰ ﻫﺎﻟﻤﻮﺿﻮﻉ .. ﺍﺑﻮﻩ ﻣﺎﺣﺐ ﻳﻀﻐﻂ ﻋﻠﻴﻪ ﻭﺳﻜﺖ ، ﺍﻣﺎ ﻓﺎﺭﺱ 30 ﺳﻨﻪ ﻋﺎﻳﺶ ﻣﺎﻣﺮّ ﻋﻠﻴﻪ ﺑﺤﻴﺎﺗﻪ ﻣﺜﻞ ﻫﺎﻟﻴﻮﻡ ﻭﻣﺜﻞ ﻫﺎﻟﻠﺤﻈﻪ ، ﺣﺘﻰ ﻟﺤﻈﺔ ﺻﺪﻣﺘﻪ ﺑﺨﻴﺎﻧﺔ ﺍﻣﻪ ﻋﻠﻰ ﺍﻧﻬﺎ ﺗﺬﺑﺢ ﺍﻻ ﺍﻧﻬﺎ ﺍﻫـﻮﻥ ﺑﻤﺮﺍﺣﻞ ﻋﻨﺪ ﺻﺪﻣﺘﻪ ﺑﺎﻟﺒﻨﺖ ﺍﻟﻠﻲ ﻋﺸﻘﻬﺎ ﻣﻦ ﻃﻔﻮﻟﺘﻪ ، ﻣﻌﻘﻮﻟﻪ ﻳﻌﻨﻲ ﺑﺴﻬﻮﻟﻪ ﻛﺬﺍ ؟ ➖ *🌻ــــــــــ #يتبــع👇ـــــــــــ🌻* 💛  @ahgeel✏️💛🌼 🍃💛 💛🍃💛i 🍃💛🍃💛i 💛🍃💛🍃💛i