الفصل 37
💛🍃💛🍃💛
🍃💛🍃💛
💛🍃💛
🍃💛
💛📖 @ahgeel 📖💛*
📖 روايـــــــــــــة ✍🏼
{ #في_حكيها_لذه_وفي_صمتها_موت_فيها_الجمال_وصادق_الحب_فيني}
*🌻ــــــــــــــــــــــــــــــــــــــــــ🌻*
..ـ
👈 #البارت_37 ✏️📚
ـ ...
ـ ..
ﻋﺰﻭﻑ ﺳﺮﺣﺖ ﺷﻮﻱ ﻭﻟﻤﻌﺖ ﻋﻴﻮﻧﻬﺎ ، ﻣﻌﻘﻮﻟﻪ ﺍﺑﻮﻫﺎ ﻛﺎﺫﺏ ﻋﻠﻴﻬﻢ ﻛﻞ ﻫﺎﻟﺴﻨﻴﻦ ﻭﻻﺣﺴﺴﻬﻢ ﺍﻧﻪ ﻏﻠﻄﺎﻥ ، ﻭﻣﺨﻠﻲ ﻣﺸﺎﻋﻞ
ﺗﺘﻌﺬﺏ ﻛﻞ ﻫﺎﻟﺴﻨﻴﻦ ، ﻭﺣﺎﺭﻣﻬﺎ ﺣﺘﻰ ﻣﻦ ﺍﺧﺒﺎﺭ ﺑﻨﺘﻬﺎ .
ﺳﻠﻤﺎﻥ ﺍﻧﻜﺴﺮ ﺧﺎﻃﺮﻩ ﻋﻠﻴﻬﺎ ﻟﻠﻤﺮﻩ ﺍﻟﻤﻠﻴﻮﻥ ﻟﻜﻦ ﻗﻮﻯ ﻗﻠﺒﻪ ، ﻣﺪ ﻟﻬﺎ ﺟﻮﺍﻟﻪ ﻭﻗﺎﻝ ﺑﻬﺪﻭﺀ : ﻛﻠﻤﻲ ﺍﻣﻚ ﻃﻤﻨﻴﻬﺎ ﻋﻨﻚ
ﻋﺰﻭﻑ ﺧﺎﻧﺘﻬﺎ ﺩﻣﻌﻪ ﻭﻣﺴﺤﺘﻬﺎ ﺑﺴﺮﻋﻪ : ﻟﻮ ﻛﻨﺖ ﻫﺎﻣﺘﻬﺎ ﺑﻠﻐﺖ ﻋﻨﻲ ، ﻣﺎﻓﻲ ﺍﻡ ﺗﺴﻜﺖ ﻋﻠﻰ ﺧﻄﻒ ﺑﻨﺘﻬﺎ
ﺳﻠﻤﺎﻥ : ﻣﺎﺗﺪﺭﻳﻦ ﻳﻤﻜﻦ ﺍﺑﻮﻙ ﻣﻌﻴﻲ ﻋﻠﻴﻬﺎ
ﻋﺰﻭﻑ ﺑﺒﺤﻪ : ﻻ ، ﺍﻧﺎ ﺍﺩﺭﻱ ﻓﻴﻬﺎ ﻣﺎﻋﻤﺮﻫﺎ ﺧﺎﻓﺖ ﻋﻠﻲ
ﺳﻠﻤﺎﻥ : ﻳﻤﻜﻦ ﻷﻧﻬﺎ ﺗﺸﻮﻓﻚ ﻗﻮﻳﻪ ﻭﻣﺎﻳﻨﺨﺎﻑ ﻋﻠﻴﻚ ، ﻟﻜﻦ ﻣﺘﺄﻛﺪ ﺍﻟﺤﻴﻦ ﺍﻧﻬﺎ ﺧﺎﻳﻔﻪ ﻋﻠﻴﻚ
ﻋﺰﻭﻑ ﺍﺧﺬﺕ ﺍﻟﺠﻮﺍﻝ ﻭﺩﻗﺖ ﺭﻗﻢ ﺍﻣﻬﺎ ، ﺛﻮﺍﻧﻲ ﻭﺭﺩﺕ : ﺍﻟﻮ
ﻋﺰﻭﻑ ﺑﻀﻴﻖ : ﻳﻤﻪ
ﺍﻣﻬﺎ ﺑﻔﺮﺣﻪ : ﻋﺰﻭﻑ ! ﻃﻤﻨﻴﻨﻲ ﻋﻨﻚ ﻳﺎﺣﺒﻴﺒﺘﻲ ﻭﻳﻨﻚ ﻭﺵ ﺻﺎﺭ ﻋﻠﻴﻚ
ﻋﺰﻭﻑ : ﺍﻃﻤﻨﻚ ﻋﻨﻲ ﻭﺍﻧﺎ ﻣﺨﻄﻮﻓﻪ ؟ ﻟﻴﺶ ﻣﺎﺗﺘﺤﺮﻛﻮﻥ ﻭﺗﺒﻠﻐﻮﻥ ﻋﻨﻲ ﻟﻴـﺶ
ﺍﻣﻬﺎ ﺑﻀﻴﻖ : ﻭﻳﻦ ﻣﻜﺎﻧﻚ ، ﻧﺠﻴﻚ ﺑﺪﻭﻥ ﺗﺒﻠﻴﻎ
ﻋﺰﻭﻑ : ﻭﺵ ﺩﺭﺍﻧﻲ ﻭﻳﻦ ﻣﻜﺎﻧﻲ ، ﺍﺛﺒﺘﻮﺍ ﻟﻲ ﺍﻧﻜﻢ ﻣﺠﺮﺩﻳﻦ ﻣﻦ ﺍﻷﻧﺴﺎﻧﻴﻪ ، ﺍﻟﻲ ﻳﺨﻄﻒ ﺑﻨﺖ ﻭﻳﺤﺮﻣﻬﺎ ﻣﻦ ﺍﻣﻬﺎ 20 ﺳﻨـﻪ
ﻫﺬﺍ ﻣﺎﻳﺨﺎﻑ ﺍﻟﻠﻪ ، ﻭﺍﻛﺒﺮ ﺩﻟﻴﻞ ﺳﻜﻮﺗﻜﻢ ﺍﻟﺤﻴـﻦ ، ﻗﻮﻟﻲ ﻷﺑﻮﻱ ﻣﺎﺭﺍﺡ ﺍﺭﺟﻊ ﻟﻴﻦ ﺗﺮﺟﻊ ﺭﻳﻒ ﻷﻣﻬﺎ !
ﻗﻔﻠﺖ ﺍﻟﺠﻮﺍﻝ ﻭﺭﻣﺘﻪ ﻋﻠﻰ ﺳﻠﻤﺎﻥ ﺑﻘﻮﻩ ﻭﺿﺮﺏ ﺑﺼﺪﺭﻩ ﻭﻫﻤﺲ : ﺑﺸـﻮﻳـﺶ ﻳﺎﺣﻠـﻮﻩ
ﻋﺰﻭﻑ ﺭﻓﻌﺖ ﺣﺎﺟﺒﻬﺎ : ﺍﺧﺒﺮ ﻣﻘﺼﺪﻙ ﺷﺮﻳﻒ ﻳﺎﻭﻗﺢ !
ﺳﻠﻤﺎﻥ : ﻳﻌﻨﻲ ﻋﺸﺎﻥ ﻗﻠﺖ ﻳﺎﺣﻠﻮﻩ ﺻﺮﺕ ﻭﻗﺢ ، ﻫﺎ ﻳﺎﺣﻠﻮﻩ ؟
ﻋﺰﻭﻑ ﻋﻄﺘﻪ ﻧﻈﺮﻩ ﺣﺎﺩﻩ ﻭﺿﺤﻚ ﺳﻠﻤﺎﻥ ﻭﻗﺎﻡ ﺍﻻ ﻫﺬﻱ ﻣﺸﺎﻋﻞ ﺩﺍﺧﻠﻪ ﻭﻣﻌﺎﻫﺎ ﻋﺸﺎﺀ ﺣﻄﺘﻪ ﻗﺒﺎﻝ ﻋﺰﻭﻑ : ﻋﺎﺩ ﺍﻟﺤﻴﻦ
ﻻﺯﻡ ﺗﺎﻛﻠﻴﻦ ﻻﺯﻡ ﻻﺯﻡ
ﺳﻠﻤﺎﻥ : ﺍﺫﺍ ﻣﺎﺍﻛﻠﺖ ﻧﺎﺩﻳﻨﻲ ﻋﺸﺎﻥ ﺍﻏﻴّﺮ ﻣﻘﺼﺪﻱ ﻣﻦ ﺍﻟﺨﻄﻒ
ﻃﻠﻊ ﻭﻋﺰﻭﻑ ﻣﻘﻬﻮﺭﻩ ﻣﻦ ﻛﻼﻣﻪ ، ﻭﻫﺪﺍﻫﺎ ﺷﻜﻞ ﻣﺸﺎﻋﻞ ﺍﻟﻬﺎﺩﻱ .
ﻣﺸﺎﻋﻞ : ﻃﺒﺨﺖ ﻟﻚ ﻫﺎﻟﻤﻘﻠﻮﺑﻪ ﺑﺈﻳﺪﻳﻨﻲ ، ﺭﺍﺡ ﺗﺎﻛﻠﻴﻦ ﺍﺻﺎﺑﻌﻚ ﻭﺭﺍﻫﺎ
ﻋﺰﻭﻑ : ﺷﻜﺮﺍً ، ﺑﺲ ﻣﻤﻜﻦ ﺍﺳﺄﻝ ﺳﺆﺍﻝ ؟ ﺍﺑﻮﻱ ﻟﻴﺶ ﺧﻄﻒ ﺑﻨﺘﻚ
ﻣﺸﺎﻋﻞ ﻃﺎﺣﺖ ﺍﻟﻤﻠﻌﻘﻪ ﻣﻦ ﻳﺪﻫﺎ ﻭﺳﺮﺣﺖ ﺑﻌﺰﻭﻑ ﺷﻮﻱ ﻭﻗﺎﻟﺖ ﺑﺄﻟﻢ : ﺳﺎﻟﻔﻪ ﻃﻮﻳﻠﻪ ﺑﺲ ﺍﺑﺨﺘﺼﺮﻫﺎ ﻟﻚ ، ﺍﺧﺘﻲ ﺧﺎﻧﺖ
ﺯﻭﺟﻬﺎ ، ﻭﺗﻌﺮﻓﻴﻦ ﺑﻤﺠﺘﻤﻌﻨﺎ ﺍﻟﺸﺮ ﻳﻌﻢ ، ﻭﺗﻄﻠﻘﻨﺎ ﻛﻠﻨﺎ ، ﻭﺍﺑﻮﻙ ﻛﺎﻥ ﻳﺒﻲ ﻳﺎﺧﺬ ﺭﻳﻒ ﻭﺭﻓﻀﺖ ﺍﻧﺎ ، ﺍﻧﺨﻄﻔﺖ ﺭﻳﻒ ﻭﻣﺎﺧﻠﻴﺖ
ﻣﻜﺎﻥ ﺑﺎﻟﺪﻧﻴﺎ ﻣﺎﺩﻭﺭﺗﻬﺎ ﻓﻴﻪ ، ﻭﺑﻌﺪ ﺳﺒﻊ ﺳﻨﻴﻦ ﺗﻮﻓﺖ ﺟﺎﺭﺗﻨﺎ ﺍﻟﻌﺠﻮﺯ ﻭﻗﺎﻟﺖ ﺍﻧﻬﺎ ﺷﺎﻓﺖ ﺍﺑﻮﻙ ﻓﺎﻳﺰ ﻳﺨﻄﻒ ﺭﻳﻒ ، ﻭﻫﺪﺩﻫﺎ
ﺍﺫﺍ ﻋﻠﻤﺖ ﺍﺣﺪ ﺑﻴﺨﻄﻒ ﻭﻟﺪﻫﺎ ﺍﻟﻮﺣﻴﺪ ﻣﺜﻞ ﻣﺎﺧﻄﻒ ﺑﻨﺘﻪ ، ﻭﺳﻜﺘﺖ ﺍﻟﻤﺴﻜﻴﻨﻪ ﻟﻴﻦ ﺟﺎﻫﺎ ﺍﻟﻤﻮﺕ ﻭﺍﻋﺘﺮﻓﺖ ، ﻭﺍﻧﻔﺘﺤﺖ
ﺳﺎﻟﻔﺔ ﺍﻟﺨﻄﻒ ﻣﻦ ﺟﺪﻳﺪ ، ﻭﻳﻮﻡ ﺭﺣﻨﺎ ﻷﺑﻮﻙ ﺍﻧﻜﺮ ﺍﻧﻪ ﺧﻄﻔﻬﺎ ﻭﻗﺎﻝ ﺍﻥ ﺍﻟﻌﺠﻮﺯ ﺗﺘﺒﻼ ﻋﻠﻴﻪ ، ﻭﻫﺪﺩﻧﺎ ﺍﺫﺍ ﺍﺷﺘﻜﻴﻨﺎ ﺭﺍﺡ
ﻳﺸﺘﻜﻲ ﺍﻭﻝ ﻋﻠﻰ ﺍﺧﺘﻲ ﺍﻡ ﻓﺎﺭﺱ ، ﻹﻥ ﻛﺎﻥ ﻋﻨﺪﻩ ﺩﻟﻴﻞ ﺍﻧﻬﺎ ﺯﺍﻧﻴﻪ ، ﻭﺍﻧﺎ ﺍﻟﻠﻲ ﺗﺤﻤﻠﺖ ﻏﻠﻄﺘﻬﺎ ، ﻭﺍﻧﺤﺮﻣﺖ ﻣﻦ ﺑﻨﺘﻲ
ﻋﺰﻭﻑ ﺑﻐﺼﻪ : ﻟﻴﺶ ﻟﻴﻴﻴﺶ ﻣﺎﺧﻠﻴﺘﻴﻪ ﻳﺒﻠﻎ ﻋﻠﻴﻬﺎ
ﻣﺸﺎﻋﻞ : ﻹﻧﻪ ﺣﻠﻒ ﺍﻧﻪ ﻣﺎﻳﺪﺭﻱ ﻭﻳﻦ ﺑﻨﺘﻲ ، ﻟﻮ ﺍﺷﺘﻜﻲ ﻋﻠﻴﻪ ﻣﺎﺭﺍﺡ ﺍﺳﺘﻔﻴﺪ ﺷﻲ ، ﻣﺠﺮﺩ ﺍﻥ ﺍﺧﺘﻲ ﺭﺍﺡ ﺗﻤﻮﺕ !
ﻋﺰﻭﻑ ﺑﻘﻬﺮ : ﺧﻠﻴﻬﺎ ﺗﻤﻮﺕ !!
*🌻ــــــــــ #يتبــع👇ـــــــــــ🌻*
💛 @ahgeel✏️💛🌼
🍃💛
💛🍃💛i
🍃💛🍃💛i
💛🍃💛🍃💛i