الفصل 20
💛🍃💛🍃💛
🍃💛🍃💛
💛🍃💛
🍃💛
💛📖 @ahgeel 📖💛*
📖 روايـــــــــــــة ✍🏼
{ #في_حكيها_لذه_وفي_صمتها_موت_فيها_الجمال_وصادق_الحب_فيني}
*🌻ــــــــــــــــــــــــــــــــــــــــــ🌻*
..ـ
🔮 #البارت_20
ـ ...
ـ ..
ﺭﺍﺋﺪ : ﺑﺴﻢ ﺍﻟﻠﻪ ﺷﻔﻴﻚ ﺗﺮﺍ ﻣﺎﻗﻠﺖ ﺷﻲ ، ﺑﺲ ﻧﻔﺲ ﺍﻟﻄﺒﻊ ﻛﻠﻜﻢ ﺍﺷﺮﺍﺭ ، ﻳﺎﻟﻠﻪ ﺗﻮﺻﻴﻦ ﺷﻲ ؟ ﻓﻲ ﺍﻣﺎﻥ ﺍﻟﻠﻪ
ﻭﻓﺎﺀ : ﻣﺎﻫﻘﻴﺘﻚ ﺧﻮﺍﻑ ، ﺍﺷﻮﻓﻚ ﺟﺎﻳﺐ ﺍﺳﻢ ﻓﺎﺭﺱ ﻋﻠﻰ ﻟﺴﺎﻧﻚ ﻣﺮﻩ ﺛﺎﻧﻴﻪ ﻳﺎﻭﻳﻠﻚ
ﺭﺍﺋﺪ : ﺗﻬﺒﻮﻥ ﻭﻳﻬﺒﺎﻛﻢ ﺍﻟﻠﻪ ﻭﻳﻘﻠﻌﻜﻢ ﻋﻦ ﻃﺮﻳﻘﻨﺎ ، ﺳﻼﻡ
ﻃﻠﻊ ﻣﺴﺘﻌﺠﻞ ﺭﻛﺐ ﺳﻴّﺎﺭﺗﻪ ﻭﺭﺍﺡ ﻟﺒﻴﺖ ﺟﺪﺗﻪ ، ﻃﻖ ﺍﻟﺒﺎﺏ ﻭﺍﻧﺘﻈﺮ ﺩﻗﻴﻘﺘﻴﻦ ﻭﻻ ﺍﺣﺪ ﻓﺘﺢ ، ﺍﺳﺘﻐﺮﺏ ﻭﻃﻖ ﺍﻛﺜﺮ ﻭﺍﺧﻴﺮﺍً
ﺟﺎﻩ ﺍﻟﺼﻮﺕ : ﻣﻴﻦ
ﺭﺍﺋﺪ : ﺍﻧﺎ ﺭﺍﺋﺪ
..
ﻓﺘﺤﺖ ﻟﻪ ﻭﻫﻲ ﺧﺎﻳﻔﻪ : ﺍﻟﺤﻤﺪﻟﻠﻪ ﻛﻨﺖ ﺧﺎﻳﻔﻪ ﺍﻧﻪ ﻓﺎﺭﺱ ، ﻫﺪﺩﻧﻲ ﺗﻬﺪﻳﺪ ﻗﻮﻱ ، ﻭﻣﺎﺍﺩﺭﻱ ﺑﺄﻱ ﻟﺤﻈﻪ ﻳﺠﻲ ﻭﻳﺴﻮﻱ ﻟﻲ
ﻣﺼﻴﺒﻪ
ﺭﺍﺋﺪ : ﺍﺳﻢ ﺍﻟﻠﻪ ﻋﻠﻴﻚ ﺷﻔﻴﻚ ؟ ﺟﺎﻱ ﺍﺧﺬﻙ ﻟﻠﺒﻨﺎﺕ ﻳﺒﻐﻮﻧﻚ
ﺍﻧﺴﺎﻡ ﺑﻔﺮﺣﻪ : ﻫﻢ ﻗﺎﻟﻮﺍ ﻟﻚ ﺗﺠﻴﺒﻨﻲ ؟
ﺭﺍﺋﺪ ﺑﻜﺬﺏ : ﺍﻳﻪ ، ﻳﺎﻟﻠﻪ ﺑﺴﺮﻋﻪ
ﺩﺧﻠﺖ ﻭﺟﻬﺰﺕ ﻧﻔﺴﻬﺎ ﻭﻃﻠﻌﺖ ﻣﻌﺎﻩ ﻣﺴﺘﻌﺠﻠﻪ ﻣﻦ ﺍﻟﻔﺮﺣﻪ ﺍﺧﻴﺮﺍً ﺍﺣﺪ ﻋﺒﺮﻫﺎ ،ﺭﻛﺒﻮﺍ ﺍﻟﺴﻴّﺎﺭﻩ ﻭﺍﺧﺬﻫﺎ ﻟﺒﻴﺖ ﺍﻫﻠﻪ ، ﻭﺻﻠﻮﺍ
ﻭﺑﻨﻔﺲ ﺍﻟﻮﻗﺖ ﻭﺻـﻠﺖ ﺳﻴّﺎﺭﺓ ﻓﺎﺭﺱ ﻭﻃﻠﻌﺖ ﻭﻓﺎﺀ ، ﺍﻧﺴﺎﻡ ﻧﺰﻟﺖ ﻭﻫﻲ ﺧﺎﻳﻔﻪ ﻣﻨﻪ ﻟﻜﻦ ﺭﺍﺣﺖ ﻟﻮﻓﺎﺀ : ﺑﺘﻤﺸﻴﻦ؟ ﻳﻌﻨﻲ ﺍﻧﺎ
ﺟﺎﻳﻪ ﻋﻠﻰ ﺍﻟﻔﺎﺿﻲ ؟
ﻓﺎﺭﺱ ﻧﺰﻝ ﻭﻋﻴﻮﻧﻪ ﻋﻠﻰ ﺭﺍﺋﺪ ﺗﺴﺘﺤﻘـﺮﻩ ﻭﺍﻧﺴﺎﻡ ﺑﻠﻌﺖ ﺭﻳﻘﻬﺎ ﺑﺮﻋﺐ .
ﻭﻓﺎﺀ : ﻭﺵ ﺩﺭﺍﻧﻲ ﺍﻧﻚ ﺑﺘﺠﻴﻦ
ﺍﻧﺴﺎﻡ : ﺭﺍﺋﺪ ﻳﻘﻮﻝ ﺍﻧﻜﻢ ﺍﺭﺳﻠﺘﻮﻩ ﻳﺠﻴﺒﻨﻲ
ﻭﻓﺎﺀ : ﻫﺬﺍ ﻛﺬﺍﺏ ﻻﺗﺼﺪﻗﻴﻨﻪ
ﺍﻧﺴﺎﻡ ﻧﺎﻇﺮﺕ ﻟﺮﺍﺋﺪ ﺑﻀﻴﻖ ﻭﺭﺍﺋﺪ ﺍﻧﺤﺮﺝ ، ﻛﻞ ﻗﺼﺪﻩ ﺍﻧﻬﺎ ﺗﺴﺘﺎﻧﺲ ﻣﻌﺎﻫﻢ ، ﻭﻓﺮﺣﺖ ﻟﻤﺎ ﻗﺎﻝ ﻟﻬﺎ ﺍﻧﻬﻢ ﻳﺒﻮﻧﻬﺎ ﻭﺍﻟﺤﻴﻦ
ﺣﻄﻤﺘﻬﺎ ﻭﻓﺎﺀ .
ﻭﻓﺎﺀ : ﺳﻮﺭﻱ ﻳﻌﻨﻲ ﻣﺎﺍﻗﺼﺪ ﺍﻧﻨﺎ ﻣﺎﻧﺒﻴﻚ ، ﻟﻜﻦ ﻳﻜﺬﺏ ﻣﺎﻗﻠﻨﺎﻟﻪ ، ﺍﺻﻼً ﺍﻟﻮﻗﺖ ﺗﺄﺧﺮ
ﺍﻧﺴﺎﻡ : ﻟﻴﺶ ﻳﺎﺭﺍﺋﺪ ﺗﻜﺬﺏ ﻋﻠﻲ ﻭﺗﺨﻠﻴﻨﻲ ﺍﻗﻂ ﻭﺟﻬﻲ ﻋﻠﻰ ﻧﺎﺱ ﻣﺎﺗﺒﻴﻨﻲ
ﻓﺎﺭﺱ : ﻣﺎﻣﻌﺎﻙ ﺣﻖ ﻳﺎ .. ﻳﺎﺭﺍﺋﺪ ! ﻣﻮ ﻧﺎﻗﺼﻬﺎ ﻗﻄﺔ ﻭﺟﻪ ، ﻣﺪﺭﻱ ﻣﺘﻰ ﺗﺤﺲ ﺍﻧﻬﺎ ﺷﺨﺺ ﻏﻴﺮ ﻣﺮﺣﺐ ﺑﻪ
ﺍﻧﺴﺎﻡ ﺳﻜﺘﺖ ﻭﻟﻤﻌﺖ ﻋﻴﻮﻧﻬﺎ ﻭﺭﺍﺋﺪ ﻗﺎﻝ ﺑﺄﺳﻒ : ﺍﻧﺴﺎﻡ ﻭﺍﻟﻠﻪ ﻛﻞ ﺍﻟﻠﻲ ﺑﻐﻴﺘﻪ ﺍﻧﻚ ﺗﻐﻴﺮﻳﻦ ﺟﻮ
ﻓﺎﺭﺱ : ﻭﺍﻧﺖ ﻭﺵ ﺩﺧﻠﻚ ﻓﻴﻬﺎ ؟ ﻛﺎﻧﻚ ﺗﺤﺒﻬﺎ ﺍﻃﻠﺒﻬﺎ ﺑﺎﻟﺤﻼﻝ ﻭﺗﺠﻴﻚ ﻭﺗﻔﻜﻨﺎ ﻣﻨﻬﺎ ﻭﺟﺰﺍﻙ ﺍﻟﻠﻪ ﺧﻴﺮ ! ﺍﻣﺎ ﺷﻐﻞ ﻣﻦ ﺗﺤﺖ
ﻟﺘﺤﺖ ﻫﺬﺍ ﺍﻧﺘﺒﻪ ﻣﻦ ﻋﻘﻮﺑﺘﻪ !
ﺍﻧﺴﺎﻡ ﺑﻘﻬﺮ : ﻳﺎﺻﺒﺮ ﺍﻷﺭﺽ ، ﻳﺎﺻﺒﺮ ﺍﻟﻜﻮﻥ ، ﻳﺎﺻﺒﺮ ﺍﻟﻤﺠﺮﻩ !
ﻓﺎﺭﺱ ﺭﻛﺐ ﺳﻴﺎﺭﺗﻪ ﺑﻌﺪ ﻣﺎﻋﻄﺎﻫﻢ ﻧﻈﺮﺍﺕ ﺍﺣﺘﻘﺎﺭ ، ﻭﺭﻛﺒﺖ ﻭﻓﺎﺀ ﻭﻣﺸﻰ .
ﺭﺍﺋﺪ : ﺣﻴﺎﻙ ﺍﻧﺴـ،
ﺍﻧﺴﺎﻡ : ﻣﺸﻜﻮﺭ ﻋﻠﻰ ﻛﺬﺑﻚ ﻣﺸﻜﻮﺭ ﻷﻧﻚ ﺧﻠﻴﺘﻬﻢ ﻳﺘﺸﻤﺘﻮﻥ ﻓﻴﻨﻲ
ﻗﺎﻟﺖ ﺑﻨﺒﺮﻩ ﺑﺎﻛﻴﻪ : ﺍﻟﻠﻪ ﻻﻳﺴﺎﻣﺤﻜﻢ
ﻣﺸﺖ ﺑﺴﺮﻋﻪ ﻭﻣﺸﻰ ﻭﺭﺍﻫﺎ ﺭﺍﺋﺪ ﻳﺒﻲ ﻳﻮﺻﻠﻬﺎ ﺑﺴﻴﺎﺭﺗﻪ ﻭﺻﺮﺧﺖ ﻋﻠﻴﻪ : ﻻﺗﻠﺤﻘﻨﻲ ، ﻭﺍﻟﻠﻪ ﺍﻟﻌﻈﻴﻢ ﺍﺫﺍ ﻟﺤﻘﺘﻨﻲ ﻣﺎﺭﺍﺡ ﺍﻛﻠﻤﻚ
ﻃﻮﻝ ﻋﻤﺮﻱ
ﺭﺍﺋﺪ ﺍﻭﺟﻌﻪ ﻗﻠﺒﻪ ﻭﻭﻗﻒ ﻳﻨﺎﻇﺮ ﻟﻬﺎ ﻟﻴﻦ ﺍﺑﻌﺪﺕ ، ﻣﻜﺘﻮﺏ ﻋﻠﻴﻬﺎ ﻣﺎﺗﻔﺮﺡ ﺍﺑﺪ ..
ﺑﺴﻴّﺎﺭﺓ ﻓﺎﺭﺱ ، ﻭﻓﺎﺀ ﻛﺎﻧﺖ ﺗﻨﺎﻇﺮ ﻭﺭﺍﺀ ﻭﺷﺎﻓﺖ ﺍﻧﺴﺎﻡ ﺗﻤﺸﻲ ، ﺗﻀﺎﻳﻘﺖ : ﻓﺎﺭﺱ ﺧﻠﻨﺎ ﻧﻮﺻﻠﻬﺎ ﺍﻛﻴﺪ ﺯﻋﻠﺖ ﻣﻦ ﺭﺍﺋﺪ
ﻓﺎﺭﺱ ﻛﺎﻥ ﻳﻨﺎﻇﺮ ﻓﻴﻬﺎ ﺑﺈﻧﻌﻜﺎﺱ ﺍﻟﻤﺮﺍﻳﺎ ، ﻛﺎﻧﺖ ﺗﻤﺸﻲ ﻭﻣﻨﺰﻟﻪ ﺭﺍﺳﻬﺎ ﻭﺗﻤﺴﺢ ﺩﻣﻮﻋﻬﺎ ، ﻭﻣﻮ ﻣﻨﺘﺒﻬﻪ ﺍﻧﻬﻢ ﻗﺮﻳﺒﻴﻦ ﻣﻨﻬﺎ .
ﻭﻓﺎﺀ : ﺍﺭﺟﻊ ﻟﻬﺎ
ﻓﺎﺭﺱ : ﻣﺎﺭﻛﺒﺖ ﻣﻊ ﺭﺍﺋﺪ ﺍﻟﻠﻲ ﺗﺤﺒﻪ ، ﺗﺒﻴﻨﻬﺎ ﺗﺮﻛﺐ ﻣﻌﻲ ﻭﺍﻧﺎ ﺍﻛﺮﻩ ﻣﺎﺗﺸﻮﻑ ﻋﻴﻨﻬﺎ
ﻭﻓﺎﺀ : ﺍﺭﺟﻊ ﺍﻧﺎ ﺍﺗﻔﺎﻫﻢ ﻣﻌﺎﻫﺎ
ﻓﺎﺭﺱ ﺗﺬﻛﺮ ﻛﻼﻣﻬﺎ ﻋﻦ ﺍﻣﻪ ﻭﻗﺎﻝ ﺑﻀﻴﻖ : ﻳﺮﺣﻢ ﻭﺍﻟﺪﻳﻚ ﻭﻓﺎﺀ ﻣﺎﻟﻲ ﺧﻠﻖ ﺍﻫﺎﻭﺷﻬﺎ
ﻭﻓﺎﺀ : ﻭﻟﻴﺶ ﺗﻬﺎﻭﺷﻬﺎ ؟ ﻓﺎﺭﺱ ﻭﺵ ﻫﺎﻟﻘﻠﺐ ﺍﻟﻠﻲ ﻋﻠﻴﻚ ﺧﻼﺹ ﺍﺗﺮﻛﻬﺎ ﺑﺤﺎﻟﻬﺎ
ﻓﺎﺭﺱ : ﻏﺼﺒﻦ ﻋﻨﻲ ﻛﻞ ﻣﺎﺷﻔﺘﻬﺎ ﺍﺣﺲ ﻧﻔﺴﻲ ﺍﻗﻠﺘﻬﺎ ﻭﺍﺭﺗﺎﺡ ، ﻭﻛﻼﻣﻬﺎ ﻋﻦ ﺍﻣﻲ ﺯﺍﺩ ﺍﻟﻄﻴﻦ ﺑﻠﻪ
ﻭﻓﺎﺀ : ﻣﻌﻠﻴﺶ ﻓﺎﺭﺱ ﻣﻌﻠﻴﺶ ﺗﺒﻘﻰ ﻃﻔﻠﻪ ﻭﻳﺘﻴﻤﻪ ﻃﻮﻝ ﺑﺎﻟﻚ ﻋﻠﻴﻬﺎ ، ﻭﻛﻼﻣﻬﺎ ﺍﻛﻴﺪ ﻃﻠﻊ ﻣﻦ ﻗﻬﺮ ، ﺣﻨﺎ ﻧﻌﺮﻑ ﺍﻧﺴﺎﻡ
ﺗﺴﺘﺤﻲ ﻭﺗﺨﺎﻑ ﻭﻣﺎﺗﺴﺘﺮﺟﻲ ﺗﺘﻜﻠﻢ ﻋﻦ ﺍﺣﺪ ، ﻟﻜﻦ ﻳﻤﻜﻦ ﺍﻧﺖ ﺭﻓﻌﺖ ﻇﻐﻄﻬﺎ ﻭﻃﻠﻌﺖ ﻣﻦ ﻃﻮﺭﻫﺎ ، ﻳﺎﻟﻠﻪ ﺍﺭﺟﻊ ﻟﻬﺎ
ﻓﺎﺭﺱ ﺭﺟﻊ ﻟﻴﻦ ﻭﺻﻠﻬﺎ ﻭﻗﻒ ﺟﻨﺒﻬﺎ ﻭﻓﺘﺢ ﺍﻟﺸﺒﺎﻙ : ﺍﺭﻛﺒﻲ ﻧﻮﺻﻠﻚ
ﺍﻧﺴﺎﻡ ﺗﺠﺎﻫﻠﺘﻪ ﻭﻛﻤﻠﺖ ﺗﻤﺸﻲ ، ﻭﻓﺎﺀ ﻧﺰﻟﺖ ﺑﺴﺮﻋﻪ ﻭﻭﻗﻔﺖ ﻗﺪﺍﻣﻬﺎ ﻭﻣﺴﻜﺖ ﺍﻳﺪﻳﻨﻬﺎ : ﺍﻧﺴﺎﻡ ﻭﺍﻟﻠﻪ ﻣﺤﺪ ﻳﺴﺘﺎﻫﻞ ﺗﺒﻜﻴﻦ
ﻋﺸﺎﻧﻪ
ﺍﻧﺴﺎﻡ : ﻣﺎﺍﺑﻜﻲ ﻋﻠﻰ ﺍﺣﺪ ﺍﺑﻜﻲ ﻋﻠﻰ ﺣﻈﻲ ، ﻟﻮ ﺍﻥ ﺍﻣﻲ ﻭﺍﺑﻮﻱ ﻣﻮﺟﻮﺩﻳﻦ ﻣﺎﺣﺪ ﻳﺴﺘﺮﺟﻲ ﻳﺬﻟﻨﻲ ﻭﻳﺘﻜﻠﻢ ﻋﻠﻲ ، ﺑﺲ
ﻋﺸﺎﻧﻲ ﻣﻜﺴﻮﺭﺓ ﺟﻨﺎﺡ ﻭﺿﻌﻴﻔﻪ ﻛﻠﻜﻢ ﻣﺴﺘﻘﻮﻳﻦ ﻋﻠﻲ
ﻭﻓﺎﺀ : ﻭﺍﻟﻠﻪ ﻳﺎﺍﻧﺴﺎﻡ ﻣﺤﺪ ﻳﻜﺮﻫﻚ ، ﻭﻛﻠﻨﺎ ﻧﺤﺒﻚ ، ﻟﻜﻦ ﺍﻧﺘﻲ ﺣﺴﺎﺳﻪ ، ﺗﻌﺎﻟﻲ ﻣﻌﻲ ﺑﺘﻨﺎﻣﻴﻦ ﻋﻨﺪﻱ ﺍﻟﻴﻮﻡ
ﺍﻧﺴﺎﻡ : ﻭﺍﻟﻠﻪ ﻣﺎﺍﺭﻛﺐ ﺳﻴﺎﺭﺓ ﺍﺧﻮﻙ ﻫﺬﺍ ، ﻭﺑﻴﺘﻜﻢ ﻳﺤﺮﻡ ﻋﻠﻲ ﺍﺩﺧﻠﻪ
ﻭﻓﺎﺀ ﺍﻧﺼﺪﻣﺖ ﻟﻜﻦ ﺭﺍﻋﺖ ﺷﻌﻮﺭﻫﺎ : ﻃﻴﺐ ﺍﻧﺎ ﺑﻨﺎﻡ ﻋﻨﺪﻙ ﺍﻟﻴﻮﻡ ﺗﺴﺘﻘﺒﻠﻴﻨﻲ ؟
ﺍﻧﺴﺎﻡ ﺑﺤﺪﻩ : ﻻ !
➖
ﺍﻣــﻞ ﻛﺎﻧﺖ ﺟﺎﻟﺴﻪ ﻣﻊ ﺳﺎﺭﻩ ﻭﻫﻨﺪ ﻳﺘﺎﺑﻌﻮﻥ ﻣﺴﻠﺴﻞ ﺑﺎﻟﺤﺪﻳﻘﻪ ﻭﻳﺎﻛﻠﻮﻥ ﺣﺐ ﻭﻣﻨﺪﻣﺠﻴﻦ ﻣﻌﺎﻩ ، ﺍﻣﻬﺎﺗﻬﻢ ﻧﺎﻳﻤﺎﺕ ﻭﺍﻟﺴﺎﻋﻪ
11 ﺍﻟﻠﻴﻞ ، ﻃﻖ ﺍﻟﺒﺎﺏ ﻭﻧﺎﻇﺮﻭﺍ ﺑﻌﻀﻬﻢ ﺑﺈﺳﺘﻐﺮﺍﺏ .
ﺍﻣﻞ : ﺗﺘﻮﻗﻌﻮﻥ ﻣﻴﻦ
ﺳﺎﺭﻩ : ﻳﻌﻨﻲ ﻣﻴﻦ ؟ ﻳﺎﻓﺎﺭﺱ ﻳﺎﺳﻠﻤﺎﻥ
ﺍﻣﻞ : ﻭﻻﻋﻤﺮﻫﻢ ﺯﺍﺭﻭﻧﺎ ﺑﻬﺎﻟﻮﻗﺖ
ﻫﻨﺪ : ﻛﻞ ﺷﻲ ﻗﺎﺑﻞ ﻟﻠﺘﻐﻴﺮ
ﺍﻣﻞ ﻭﻗﻔﺖ ﻋﻨﺪ ﺍﻟﺒﺎﺏ : ﻣﻴﻦ ؟
ﺻﻮﺕ ﺭﺟﻮﻟﻲ : ﺍﻓﺘﺤﻲ ﺍﻧﺎ ﺯﻭﺝ ﺧﺎﻟﺘﻚ
ﻫﻨﺪ ﻭﺳﺎﺭﻩ ﻓﺰﻭﺍ ﺑﺪﻭﻥ ﺷﻌﻮﺭ ﻭﺍﺑﺘﺴﻤﻮﺍ : ﻣﻌﻘﻮﻟﻪ ﺍﺑﻮﻱ ؟ ﺟﺎﻱ ﻳﺎﺧﺬﻧﺎ
ﺍﻣﻞ ﺑﻬﻤﺲ : ﻳﻤﻜﻦ ﻳﻜﺬﺏ
ﺳﺎﺭﻩ :ﻣﺎﺷﺎﺀﺍﻟﻠﻪ ﺗﻮﻙ ﺗﺘﺬﻛﺮ ﺍﻥ ﻟﻚ ﺯﻭﺟﻪ
ﺍﻣﻞ : ﺯﻭﺝ ﻣﻴﻦ ﺑﺎﻟﻀﺒﻂ ؟ ﺣﺪﺩ ﺑﺎﻷﺳﻢ
ﺗﻨﺤﻨﺢ : ﺯﻭﺝ ﻣﺮﻳـﻢ ، ﻭﺍﺑـﻮ ﺍﻣـﻞ !
*🌻ــــــــ #يتبــع👇ــــــــ🌻*
#نتمنـى_لكم_قراءة_ممتعة ..
{يسـعدنــا مشاركــة الروايـة ... ولكن لانبيـــح حذف رابـط القنـاة👇}
https://t.me/joinchat/AAAAAFdO1y-1PZ5SzX0BWg
💛 @ahgeel✏️💛🌼
🍃💛
💛🍃💛i
🍃💛🍃💛i
💛🍃💛🍃💛i