في حكيها لذه وفي صمتها موت فيها الجمال وصادق الحب فيني - الفصل 15 - مكتملة | روايتك

💛🍃💛🍃💛 🍃💛🍃💛 💛🍃💛 🍃💛 💛📖 @ahgeel 📖💛* 📖 روايـــــــــــــة ✍🏼 { #في_حكيها_لذه_وفي_صمتها_موت_فيها_الجمال_وصادق_الحب_فيني} *🌻ــــــــــــــــــــــــــــــــــــــــــ🌻* ..ـ 🔮 #البارت_15 ـ ... ـ .. ﺍﻣﻬﺎ ﻋﺼﺒﺖ : ﻭﺵ ﺍﻟﺠﺪﻳﺪ ﻳﻌﻨﻲ ، ﻣﺤﺪ ﺑﻴﺮﻓﻊ ﺭﺍﺳﻲ ﻏﻴﺮ ﺍﻧﺲ ﻭﻋﺮﻳﺐ ، ﻭﻻ ﺍﻧﺘﻲ ﻓﺎﺷﻠﻪ ﻣﺎﺍﺭﺟﻲ ﻣﻨﻚ ﺷﻲ ، ﺍﻟﺤﺮﻳﻢ ﻳﻔﺘﺨﺮﻭﻥ ﺑﺒﻨﺎﺗﻬﻢ ﺩﻛﺘﻮﺭﺍﺕ ﻭﻣُﻌﻠﻤﺎﺕ ﻭﺍﻧﺎ ﺑﻨﺘﻲ ﺣﺘﻰ ﺷﻬﺎﺩﺓ ﺍﺗﻤﺎﻡ ﺛﺎﻧﻮﻳﻪ ﻣﺎﻃﺎﻟﺘﻬﺎ ! ﻋﺰﻭﻑ ﺑﻀﻴﻖ : ﺧﻼﺹ ﻳﻤﻪ ﺑﺸﺪ ﺣﻴﻠﻲ ﺍﻟﺘﺮﻡ ﺍﻟﺠﺎﻱ ﺍﻣﻬﺎ : ﻻﺗﺸﺪﻳﻦ ﺣﻴﻠﻚ ﻣﺎﻓﻴﻚ ﺭﺟﺎ ، ﺑﺘﺒﻘﻴﻦ ﻃﻮﻝ ﻋﻤﺮﻙ ﻛﺬﺍ ، ﻫﻢ ﻋﻠﻰ ﻗﻠﺒﻲ ﻣﺸﺖ ﺧﻄﻮﺗﻴﻦ ﻭﺭﺟﻌﺖ : ﺗﺮﺍ ﺍﺑﻮﻙ ﻧﺎﻡ ، ﻭﺍﻧﺎ ﺍﺑﻲ ﺍﻧﺎﻡ ﺳﺎﻋﺘﻴﻦ ﻭﻗﻮﻣﻴﻨﺎ ﻋﺸﺎﻥ ﻧﺮﺟﻊ ﻟﻠﺒﻴﺖ ﻋﺰﻭﻑ ﺑﻐﺼﻪ : ﻃﻴﺐ ﺩﺧﻠﺖ ﺍﻣﻬﺎ ﻭﻋﺰﻭﻑ ﻏﻄﺖ ﻭﺟﻬﻬﺎ ﻭﺑﻜﺖ ﻣﻦ ﻗﻠﺐ ، ﻣﻮ ﺑﻴﺪﻫﺎ ﻫﺎﻟﺸﻲﺀ ، ﺗﻜﺮﻩ ﺍﻟﺪﺭﺍﺳﻪ ﻭﻟﻮﻻ ﺧﺎﻃﺮ ﺍﻣﻬﺎ ﻭﺍﺑﻮﻫﺎ ﻣﺎﻛﻠﻤﺖ ، ﻫﺬﺍ ﺍﻋﻈﻢ ﻏﻠﻂ ﻣﻤﻜﻦ ﻳﻮﺍﺟﻪ ﺍﻷﻧﺴﺎﻥ ﺑﺤﻴﺎﺗﻪ ، ﻭﻫﻲ ﻣﺘﺄﻛﺪﻩ ﺍﻧﻬﺎ ﺑﺘﻨﺪﻡ ﺑﻌﺪﻳﻦ ﻟﻜﻦ ﺑﻤﻌﻨﻰ ﺍﻟﻜﻠﻤﺔ " ﻋﺠﺰﺕ " ﺗﻨﺠﺢ ، ﺭﻏﻢ ﺍﻟﻤﺤﺎﻭﻻﺕ . ﻃﻖ ﻋﻠﻴﻬﺎ ﺍﻟﺸﺒﺎﻙ ﻭﻧﺎﻇﺮﺕ ﺑﻔﺰﻉ ﻭﺻﺮﺧﺖ ﻟﻤﺎ ﺷﺎﻓﺖ ﻫﻴﺌﺔ ﺷﺨﺺ ﻣﺎﻋﺮﻓﺘﻪ ، ﺣﻂ ﺍﻳﺪﻩ ﻋﻠﻰ ﻓﻤﻬﺎ ﻭﻫﻤﺲ ؛ ﺍﺷﺸﺸﺶ ، ﺍﺗﻮﻗﻊ ﻋﺮﻓﺘﻴﻨﻲ ؟ ﻋﺰﻭﻑ ﺭﻓﻌﺖ ﻟﺜﺎﻣﻬﺎ ﻭﺍﺧﺬﺕ ﺍﻟﺴﻼﺡ ﻭﻧﺰﻟﺖ ﻭﻣﺪﺗﻪ ﺑﻮﺟﻬﻪ ﻭﻫﻤﺴﺖ ﺑﺮﻋﺐ : ﻣﺎﺍﺻﺪﻕ ! ﻻﺣﻘﻨﻲ ﻫﻨﺎ ؟ ﻭﺵ ﻧﺎﻭﻱ ﻋﻠﻴﻪ ؟ ﻧﺎﻭﻱ ﺗﺨﺮﺏ ﺑﻴﺘﻲ ﺻﺢ ؟ ﻧﺎﻗﺼﻨﻲ ﺍﻧﺎ ؟ ﺍﻣﺶ ﺑﺴﺮﻋﻪ ﻻﺍﺫﺑﺤﻚ ﻭﺍﺩﻓﻨﻚ ﻫﻨﺎ ﺳﻠﻤﺎﻥ ﺑﺒﺮﻭﺩ : ﺳﻤﻌﺖ ﺍﻧﻜﻢ ﺗﺒﻮﻥ ﺭﺍﻋﻲ ، ﺗﺮﺍﻱ ﻣﻮﺟﻮﺩ ﻭﺑﺎﻟﺨﺪﻣﻪ ﻋﺰﻭﻑ ﺑﻐﻰ ﻳﻐﻤﻰ ﻋﻠﻴﻬﺎ ﻣﻦ ﺍﻟﺼﺪﻣﻪ ﻭﺍﻟﺨﻮﻑ ﻟﻮ ﻳﻄﻠﻊ ﺍﺑﻮﻫﺎ ﻭﻳﺸﻮﻓﻪ ﻳﺬﺑﺤﻪ ﻭﻳﺬﺑﺤﻬﺎ ﻣﻌﺎﻩ ﻗﺎﻟﺖ ﺑﺼﻮﺕ ﻣﻬﺰﻭﺯ ﻭﺗﻮﺳﻞ : ﺍﺳﺄﻟﻚ ﺑﺎﻟﻠﻪ ﺭﻭﺡ ، ﺭﻭﻭﺡ ﺳﻠﻤﺎﻥ : ﻫﺪﻱ ﺷﻮﻱ ﻃﻠﻊ ﺟﻮﺍﻟﻪ ﻭﻓﺘﺢ ﻟﻬﺎ ﻣﻘﻄﻊ ﻓﻴﺪﻳﻮ ، ﻣﺼﻮﺭﺗﻪ ﺍﻟﻜﺎﻣﻴﺮﺍﺕ ﻟﻤﺎ ﺳﺮﻗﺖ ﺳﻴّﺎﺭﺗﻪ ، ﺯﺍﺩ ﺭﻋﺒﻬﺎ ﻭﺍﻟﺘﻔﺘﺖ ﻟﻠﺨﻴﻤﻪ ﺗﺤﺘﺮﻱ ﻃﻠﻌﺔ ﺍﺑﻮﻫﺎ ﺑﺄﻱ ﻟﺤﻈﻪ ﻗﺎﻟﺖ ﺑﻐﺼﻪ : ﻭﺍﻟﻠﻪ ﺍﻋﻄﻴﻚ ﻓﻠﻮﺳﻚ ﻛﺎﻣﻠﻪ ﻭﻋﺪ ، ﺑﺲ ﻻﺗﺠﻴﻨﻲ ، ﻻﺗﻨﻬﻲ ﺣﻴﺎﺗﻲ ﺗﻜﻔﻰ ﺳﻠﻤﺎﻥ : ﺣﻠﻮﻭ ، ﺍﺟﻞ ﻻﺗﻘﻄﻌﻴﻦ ﺭﺯﻗﻲ ﺍﻧﺎ ﺟﺎﻱ ﺍﺳﺎﻋﺪ ﺍﻟﻮﺍﻟﺪ ، ﺍﺑﻲ ﺍﺻﻴﺮ ﺭﺍﻋﻲ ﻋﻨﺪﻛﻢ ! ﻋﺰﻭﻑ : ﺷـ ، ﺷﻠﻮﻥ ﺗﺼﻴﺮ ﺭﺍﻋﻲ ﻏﻨﻢ ﻭﺍﻧﺖ ﻭﻟﺪ ﻧﻌﻤﻪ ، ﻳﺎﺧﻲ ﺍﻧﺖ ﻭﺵ ﺗﺒﻲ ﻣﻨﻲ ﻻﺗﺠﻨﻨﻲ ﻭﺗﻄﻠﻌﻨﻲ ﻣﻦ ﻃﻮﺭﻱ ! ﺳﻠﻤﺎﻥ : ﻣﺎﺑﻲ ﻣﻨﻚ ﺷﻲ ، ﺍﺩﺧﻠﻲ ﻧﺎﺩﻱ ﺍﺑﻮﻙ ﻭﻗﻮﻟﻴﻠﻪ ﻓﻲ ﺷﺨﺺ ﺿﺎﻳﻊ ﻭﻋﻄﺸﺎﻥ ﻋﺰﻭﻑ ﺭﺟﻒ ﻛﻞ ﻣﺎﻓﻴﻬﺎ ﻗﺎﻟﺖ ﺑﻬﺪﻭﺀ : ﺍﻧﺖ ﺟﻨﻲ ﻭﻻ ﺣﻘﻴﻘﻲ ؟ ﺳﻠﻤﺎﻥ : ﺣﻘﻴﻘﻲ ﻋﺰﻭﻑ ﻧﻘﻄﻪ ﻭﺗﻨﺠﻦ ﻣﻦ ﺑﺮﻭﺩﻩ : ﻃﻴﺐ ﺍﻧﺖ ﻣﺎﺧﺬ ﺍﻟﺪﻧﻴﺎ ﻟﻌﺒﻪ ؟ ﺗﺒﻴﻨﻲ ﺍﻧﺎﺩﻱ ﺍﺑﻮﻱ ﻟﻚ ؟ ﺗﺒﻴﻪ ﻳﺬﺑﺤﻨﻲ ﺻﺢ ؟ ﺗﺒﻴﻨﻲ ﺍﻗﺘﻠﻚ ؟ ﺳﻠﻤﺎﻥ ﺳﺤﺐ ﺍﻟﺴﻼﺡ ﻣﻨﻬﺎ ﻭﺭﺟﻌﻪ ﻟﻠﺴﻴﺎﺭﻩ ﻭﻗﺎﻝ ﺑﻬﺪﻭﺀ : ﺧﻼﺹ ﺑﻤﺸﻲ ، ﺗﻮﺻﻴﻦ ﺷﻲ ؟ ﻋﺰﻭﻑ ﻣﺴﺤﺖ ﺩﻣﻮﻋﻬﺎ ﻭﻗﺎﻟﺖ ﺑﺘﻌﺐ : ﺩﺍﺧﻠـﻪ ﻋﻠﻰ ﺍﻟﻠﻪ ﺛﻢ ﻋﻠﻴﻚ ﻻﺗﻀﺮﻧـﻲ ﺳﻠﻤﺎﻥ ﻧﺰﻝ ﺭﺍﺳﻪ ﻭﻗﺎﻝ ﺑﻬﺪﻭﺀ : ﻣﺎﻫﻲ ﻧﻴّﺘﻲ ﻟﻜﻦ ! ﺳﻜﺖ ﺷﻮﻱ ﻭﻗﺎﻝ : ﻣﺎﺍﺩﺭﻱ ، ﺍﻋﺬﺭﻳﻨﻲ ﻋﻠﻰ ﻃﻴﺸﻲ ، ﻓﻲ ﺷﻲ ﺍﺑﻲ ﺍﺗﺎﻛﺪ ﻣﻨﻪ ﻭﺍﻣﺸﻲ ﻋﺰﻭﻑ ﺩﺧﻠﺖ ﻟﻠﺨﻴﻤﻪ ﻭﻃﻔﺖ ﺍﻟﻨﻮﺭ ﻭﻟﻔﺮﺍﺷﻬﺎ ﻭﻗﻠﺒﻬﺎ ﻳﺮﻗﻊ ﻣﺎﺗﺪﺭﻱ ﻭﺵ ﺍﻟﻤﺼﻴﺒﻪ ﺍﻟﻠﻲ ﺗﻨﺘﻈﺮﻫﺎ ، ﺍﻣﺎ ﺳﻠﻤﺎﻥ ﻭﻗﻒ ﻟﺤﻈﺎﺕ ﻳﺘﺬﻛﺮ ﻧﺒﺮﺍﺕ ﺻﻮﺗﻬﺎ ﻭﺣﺪﺓ ﻧﻈﺮﺍﺗﻬﺎ ، ﻓﻴﻬﺎ ﺷﻲ ﻏﺮﻳﺐ ﻣﺎﻋﺮﻑ ﻳﺴﺘﻜﺸﻔﻪ، ﺭﺑﻂ ﺷﻤﺎﻏﻪ ﻋﻤﺎﻣﻪ ، ﻭﺍﻧﺤﻨﻰ ﺍﺧﺬ ﺑﻴﺪﻩ ﺷﻮﻱ ﺗﺮﺍﺏ ﻭﻟﻄﺨﻪ ﻋﻠﻰ ﺛﻮﺑﻪ ﻭﺷﻮﻱ ﻋﻠﻰ ﻭﺟﻬﻪ ﻟﻴﻦ ﺻﺎﺭ ﺷﻜﻠﻪ ﻏـﺮﻳﺐ . ﺍﻧﺤﻨﻰ ﻋﻠﻰ ﺳﻴّﺎﺭﺓ ﺍﺑﻮ ﻋﺰﻭﻑ ﻳﻨﺘﻈﺮﻩ ﻳـﻘـﻮﻡ .. ﻋﺰﻭﻑ ﺟﻠﺴﺖ ﻭﻣﺴﺤﺖ ﺩﻣﻮﻋﻬﺎ ﻭﺍﺧﺬﺕ ﻧﻔﺲ ﺗﻬﺪﻱ ﻧﻔﺴﻬﺎ ، ﺑﺪﺕ ﺗﺴﺘﻮﻋﺐ ، ﺷﺨﺺ ﻣﺎﺗﻌﺮﻓﻪ ﻭﻻ ﻳﻌﺮﻓﻬﺎ ، ﻣﻌﻘﻮﻟﻪ ﻳﺴﻮﻱ ﻛﺬﺍ ﻋﺸﺎﻥ ﺍﻟﻤﺨﺎﻟﻔﺎﺕ ؟ ﻳﺎﺭﺑﻲ ﺍﻧﺎ ﻭﺵ ﺧﻼﻧﻲ ﺍﺗﻠﻘﻒ ﻣﻊ ﺷﺨﺺ ﻣﺠﻨﻮﻥ ، ﻭﺵ ﻳﺒﻲ ﻓﻴﻨﻲ ، ﻭﺵ ﻳﺒﻲ ﻳﻌﺮﻑ ، ﺍﺳﺎﺳﺎً ﺣﺘﻰ ﺍﺳﻤﻲ ﻣﺎﻳﻌﺮﻓﻪ ، ﻳﺎﺭﺏ ﺗﺴﺘﺮ ، ﻣﻮ ﻃﺒﻴﻌﻲ ﻫﺎﻹﻧﺴﺎﻥ ﻣﻮ ﻃﺒﻴﻌﻲ ، ﻳﺎﺭﺏ ﺗﻜﻔﻴﻨﻲ ﺷﺮﻩ . ➖ *🌻ــــــــــ #يتبــع👇ـــــــــــ🌻* 💛  @ahgeel✏️💛🌼 🍃💛 💛🍃💛i 🍃💛🍃💛i 💛🍃💛🍃💛i