الفصل 9
💛🍃💛🍃💛
🍃💛🍃💛
💛🍃💛
🍃💛
💛📖 @ahgeel 📖💛*
📖 روايـــــــــــــة ✍🏼
{ #في_حكيها_لذه_وفي_صمتها_موت_فيها_الجمال_وصادق_الحب_فيني}
*🌻ــــــــــــــــــــــــــــــــــــــــــ🌻*
..ـ
🔮 #البارت_9
ـ ...
ـ ..
ﺳﻠﻤﺎﻥ ﺍﻧﺤﻨﻰ ﻟﻤﺴﺘﻮﺍﻫﺎ ﻭﺍﺧﺬ ﻧﻔﺲ ﻳﻬﺪﻱ ﻧﻔﺴﻪ ﻋﺸﺎﻥ ﻳﻘﺪﺭ ﻳﺘﻜﻠﻢ : ﻣﻦ ﺍﻧﺘـﻲ ؟
ﻋﺰﻭﻑ : ﻣﺎﺗﻌﺮﻓﻨﻲ
ﺳﻠﻤﺎﻥ : ﻭﺵ ﺗﺒﻴﻦ ﺑﺴﻴﺎﺭﺗﻲ ﺩﺍﻡ ﻣﺎﻋﺮﻓﻚ
ﻋﺰﻭﻑ : ﺍﻧﺘﻘـﺎﻡ ، ﺗﺬﻛﺮ ﻟﻤﺎ ﻗﻠﺘﻠﻚ ﺧﻞ ﺍﺧﻮﻙ ﻳﻤﺴﺢ ﺍﻟﻤﺨﺎﻟﻔﺎﺕ ؟ ﻣﺎﻣﺴﺤﻬﺎ ﻭﺟﺘﻨﺎ ﻣﺪﺑﻠﻪ ، ﺍﻟﻌﻴﻦ ﺑﺎﻟﻌﻴﻦ
ﺳﻠﻤﺎﻥ ﺩﻗﻖ ﺑﻌﻴﻮﻧﻬﺎ ﻭﺗﺬﻛﺮﻫـﺎ ، ﻗﺎﻝ ﺑﻬﺪﻭﺀ ﻳﺤﺎﻭﻝ ﻳﻤﺴﻚ ﺍﻋﺼﺎﺑﻪ : ﻛﻴﻒ ﻳﻤﺴﺤﻬﺎ ﻭﻫﻲ ﺑﺎﻟﻨﻈﺎﻡ ﻭﺑﺎﻟﻜﺎﻣﻴﺮﺍﺕ !
ﻋﺰﻭﻑ : ﻣﻮ ﻣﺸﻜﻠﺘﻲ ﻳﺘﺼﺮﻑ
ﺳﻠﻤﺎﻥ : ﺍﻧﺘﻲ ﺷﻜﻠﻚ ﻣﺮﻳﻀﻪ ﻧﻔﺴﻴﺎً ، ﺍﺟﺰﻡ ﺍﻧﻚ ﻣﻮ ﺻﺎﺣﻴﻪ ، ﻣﺎﻓﻲ ﺑﻨﺖ ﻋﺎﻗﻠﻪ ﻭﻣﺘﺮﺑﻴﻪ ﺗﺴﻮﻱ ﻛﺬﺍ ، ﻣﻦ ﺗﻄﺮﻱ ﻋﻠﻴﻪ
ﻫﺎﻟﺤﺮﻛﺎﺕ ، ﻋﺪﻳﻨﺎﻫﺎ ﻟﻚ ﻣﺮﻩ ﻭﻣﺮﺗﻴﻦ ﻋﺸﺎﻥ ﺍﺑﻮﻙ ، ﻗﻠﻨﺎ ﻣﻌﻠﻴﺶ ﺍﻟﺮﺟﺎﻝ ﻛﺒﻴﺮ ﻭﺗﻌﺒﺎﻥ ﻭﻣﺎﺗﺴﻮﻯ ﻋﻠﻴﻪ ﻳﻨﺼﺪﻡ ﺑﺒﻨﺘﻪ ﺻﺪﻣﻪ
ﻣﻤﻜﻦ ﺗﻨﻬﻲ ﺣﻴﺎﺗﻪ ، ﻟﻜﻦ ﻭﺍﻟﻠﻪ ﻫﺎﻟﻤﺮﻩ ﻣﺎﺍﻋﺪﻳﻬﺎ ، ﻭﺍﻟﺤﻤﺪﻟﻠﻪ ﻓﻲ ﻛﺎﻣﻴﺮﺍﺕ ﻣﺴﺠﻠﻪ ﻛﻞ ﺷﻲ
ﻋﺰﻭﻑ ﺑﺒﺮﻭﺩ : ﺍﺳﻔﻪ
ﺳﻠﻤﺎﻥ ﺷﻨﻘﻮﻝ ﻋﻦ ﺷﻌﻮﺭﻩ ، ﻧﻔﺴﻪ ﻳﻤﺴﻜﻬﺎ ﻭﻳﺤﻮﺳﻬﺎ ، ﺍﺣﺮ ﻣﺎﻋﻨﺪﻩ ﺍﺑﺮﺩ ﻣﺎﻋﻨﺪﻫﺎ ، ﻋﺰﻭﻑ ﻭﻗﻔﺖ ﻭﻫﻲ ﻣﺎﺳﻜﻪ ﻳﺪﻫﺎ ﺍﻟﻠﻲ
ﺳﺤﺒﻬﺎ ﻗﺎﻟﺖ ﺑﻬﺪﻭﺀ : ﻣﺎﻟﻪ ﺩﺍﻋﻲ ﺗﺪﻕ ﻋﻠﻰ ﺍﻟﺸﺮﻃﻪ
ﺳﻠﻤﺎﻥ : ﻛﻨﺘﻲ ﺑﺘﺮﺟﻌﻴﻨﻬﺎ ﻭﺗﻬﺮﺑﻴﻦ ﺻﺢ !
ﻋﻘﺪ ﺣﻮﺍﺟﺒﻪ ﻭﻛﻤﻞ ﺑﺈﺳﺘﻐﺮﺍﺏ : ﺍﻧﺘﻲ ﻛﻴﻒ ﻟﻘﻴﺘﻴﻨﻲ ؟ ﻭﺵ ﺩﺭﺍﻙ ﺍﻧﻲ ﻫﻨﺎ ؟
ﻋﺰﻭﻑ : ﺑﺎﻟﺼﺪﻓﻪ ﻭﺍﻟﻠﻪ
ﻧﺎﻇﺮ ﻓﻴﻬﺎ ﻣﻦ ﺗﺤﺖ ﻟﻔﻮﻕ ، ﻛﻌﺒﻬﺎ ﻭﻃﺮﻑ ﻓﺴﺘﺎﻧﻬﺎ ﺍﻟﻠﻲ ﺑﺎﻳﻦ ، ﻭﺍﺳﺎﻭﺭﻫﺎ ، ﻭﻛﺤﻞ ﻋﻴﻮﻧﻬﺎ ، ﺍﺛﺒﺎﺕ ﺍﻧﻬﺎ ﺟﺎﻳﻪ ﻟﻠﺰﻭﺍﺝ ،
ﻣﻌﻘﻮﻟﻪ ﺗﻘﺮﺏ ﻟﻪ ﻭﻫﻮ ﻣﺎﻳﻌﺮﻓﻬﺎ ؟ ﺍﻭ ﻣﻦ ﺻﺪﻳﻘﺎﺕ ﺧﻮﺍﺗﻪ !
ﻗﺎﻝ ﺑﻐﻤﻮﺽ : ﻭﺵ ﺍﺳﻢ ﺍﺑﻮﻙ ؟
ﻋﺰﻭﻑ ﺑﻜﺬﺏ : ﺍﺳﻌﺪ
ﺳﻠﻤﺎﻥ : ﺗﺮﺍ ﻓﺎﺭﺱ ﺿﺎﺑﻂ ﻭﺑﻀﻐﻄﺔ ﺯﺭ ﻳﻌﺮﻑ ﺟﺪﻙ ﺍﻟﺴﺎﺑﻊ !
ﻋﺰﻭﻑ : ﺍﻋﺘﺮﻑ ﺍﻧﻲ ﻏﻠﻄﺎﻧﻪ ﺑﺲ ﺍﺳﻔﻪ ﻭﺍﻟﻠﻪ
ﺳﻠﻤﺎﻥ : ﺑﺴﺎﻣﺤﻚ ﺑﺤﺎﻟﻪ ﻭﺣﺪﻩ ، ﺗﻌﻮﺿﻴﻨﻲ
ﻋﺰﻭﻑ : ﺷﻠﻮﻥ ﺍﻋﻮﺿﻚ ، ﻳﻌﻨﻲ ﺍﻋﻄﻴﻚ ﻓﻠﻮﺱ
ﺳﻠﻤﺎﻥ : ﺍﻱ ﺗﻌﻄﻴﻨﻲ ﻓﻠﻮﺱ ﺍﻟﺴﻴﺎﺭﻩ ﻋﺸﺎﻥ ﺍﺻﻠﺤﻬﺎ ، ﻭﻓﻠﻮﺱ ﺍﻟﻤﺨﺎﻟﻔﺎﺕ
ﻋﺰﻭﻑ : ﻻ ﻋﺎﺩ ﺗﺮﺍ ﺯﻭﺩﺗﻬﺎ ، ﺗﺎﺧﺬ ﻓﻠﻮﺱ ﻣﻦ ﺑﻨﺖ ﻣﺎﺗﺴﺘﺤﻲ
ﺳﻠﻤﺎﻥ : ﻣﺎﺍﺳﺘﺤﻲ ﻭﻻ ﺍﻋﺮﻑ ﺍﻟﺤﻴﺎ ﻭﻻ ﺍﺧﺎﻑ ﻣﻦ ﺍﻟﻠﻪ
ﻃﻠّﻊ ﻛﺮﺕ ﻣﻦ ﺟﻴﺒﻪ ﻭﻣﺪﻩ ﻟﻬﺎ : ﻫﺬﺍ ﺭﻗﻤﻲ ، ﺍﺫﺍ ﻣﺎﺩﺑﺮﺗﻲ ﺍﻟﻔﻠﻮﺱ ﺧﻼﻝ ﻳﻮﻣﻴﻦ ﺍﺟﻲ ﻟﺒﻴﺘﻚ ﻭﺍﻋﻠﻤﻚ ﺍﻥ ﺍﻟﻠﻪ ﺣﻖ !
ﻋﺰﻭﻑ ﺧﺎﻓﺖ ﻟﻜﻦ ﻗﻮﺕ ﻧﻔﺴﻬﺎ : ﺍﺫﺍ ﺟﻴﺖ ﻟﺒﻴﺘﻨﺎ ﺗﺤﻤﻞ ﺍﻟﻠﻲ ﺑﺴﻮﻳﻪ ، ﻣﺜﻞ ﻣﺎﺍﻧﺖ ﺷﺎﻳﻒ ﺍﻧﺎ ﻣﺠﻨﻮﻧﻪ ﻭﻣﺎﻳﻬﻤﻨﻲ ﺍﺣﺪ ، ﺳﻼﻡ
ﻣﺸﺖ ﻭﺳﻠﻤﺎﻥ ﻳﻨﺎﻇﺮ ﻓﻴﻬﺎ ﻟﻴﻦ ﺍﺧﺘﻔﺖ ﻋﻦ ﻧﻈﺮﻩ ﻭﻫﻤﺲ : ﻋﺰ ﺍﻟﻠﻪ ﻣﺠﻨﻮﻧﻪ ..
➖
ﺍﻟﺴﺎﻋﻪ 2 ﺍﻟﻠﻴﻞ ، ﺍﻧﺴﺎﻡ ﺟﺎﻟﺴﻪ ﺑﺂﺧﺮ ﺍﻟﻘﺎﻋﻪ ﺗﻨﺘﻈﺮ ﺍﻟﻮﻗﺖ ﺍﻟﻤﻨﺎﺳﺐ ، ﺷﺎﻓﺖ ﺍﻟﻜﻞ ﻣﺸﻰ ﻭﻣﺎﺑﻘﻰ ﺍﺣﺪ ، ﻛﺬﺑﺖ ﻋﻠﻴﻬﻢ
ﻭﻗﺎﻟﺖ ﺍﻧﻬﺎ ﺑﺘﺮﻭﺡ ﻣﻊ ﺟﺪﺗﻬﺎ ، ﻭﻧﻔﺲ ﺍﻟﺸﻲ ﻛﺬﺑﺖ ﻋﻠﻰ ﺟﺪﺗﻬﺎ ﻭﻗﺎﻟﺖ ﺑﺘﺮﻭﺡ ﻣﻊ ﺍﻟﺒﻨﺎﺕ ، ﻟﻜﻦ ﺍﻟﻠﻲ ﺑﺮﺍﺳﻬﺎ ﺷﻲ ﺛﺎﻧﻲ .
ﺍﺗﺼﻠﺖ ﻋﻠﻰ ﻋﻤﻬﺎ ﺍﺑﻮ ﻓﺎﺭﺱ ، ﻭﺍﺳﺘﻐﺮﺏ ﺍﺗﺼﺎﻟﻬﺎ ﻟﻜﻦ ﺭﺩ : ﻫﻼ ﺍﻧﺴﺎﻡ
ﺍﻧﺴﺎﻡ ﺗﺘﺼﻨﻊ ﺍﻟﺨﻮﻑ : ﻋﻤﻲ ﺗﺨﻴﻞ ﻏﻔﻴﺖ ﺑﺎﻟﻘﺎﻋﻪ ﻭﻟﻤﺎ ﻗﻤﺖ ﻟﻘﻴﺖ ﺍﻟﻜﻞ ﻣﺎﺷﻲ ﻣﺎﺍﻧﺘﻈﺮﻭﻧﻲ ، ﻳﺮﺿﻴﻚ ﻳﺎﻋﻤﻲ ﻫﺎﻟﺤﺎﻟﻪ
ﺍﻟﻠﻲ ﺍﻧﺎ ﻓﻴﻬﺎ
ﺍﺑﻮ ﻓﺎﺭﺱ ﻋﺼﺐ : ﺍﻟﺤﻴﻦ ﺍﺭﺳﻠﻚ ﺭﺍﻛﺎﻥ
ﺍﻧﺴﺎﻡ : ﻻﻻ ﻋﻤﻲ ﺭﺍﻛﺎﻥ ﻣﻌﺎﻩ ﺧﺎﻻﺗﻪ ﻛﻠﻬﻢ ﻭﺯﺣﻤﻪ ﺍﻟﺴﻴﺎﺭﻩ ، ﻗﻮﻝ ﻟﻔﺎﺭﺱ ﻳﻤﺮﻧﻲ
*🌻ــــــــــ #يتبــع👇ـــــــــــ🌻*
💛 @ahgeel✏️💛🌼
🍃💛
💛🍃💛i
🍃💛🍃💛i
💛🍃💛🍃💛i