الفصل 7
💛🍃💛🍃💛
🍃💛🍃💛
💛🍃💛
🍃💛
💛📖 @ahgeel 📖💛*
📖 روايـــــــــــــة ✍🏼
{ #في_حكيها_لذه_وفي_صمتها_موت_فيها_الجمال_وصادق_الحب_فيني}
*🌻ــــــــــــــــــــــــــــــــــــــــــ🌻*
..ـ
🔮 #البارت_7
ـ ...
ـ ..
ﻓﻲ ﺑﻴﺖ ﺻﺎﻟﺢ ﺍﻟﻌﺒﺪﺍﻟﻠﻪ " ﺍﺧﻮ ﺍﺑﻮ ﻓﺎﺭﺱ "
ﻭﺗﺤﺪﻳﺪﺍً ﺑﺄﺣﺪ ﺍﻟﻐﺮﻑ ، ﻛﺎﻧﺖ ﻣﻘﻠﻮﺑﻪ ﻓﻮﻕ ﺗﺤﺖ ﻣﻦ ﺍﻟﺤﻮﺳﻪ ، ﻭﻣﺎﻳﻨﺴﻤﻊ ﻏﻴﺮ ﺻﻮﺕ ﺍﻻﺳﺘﺸﻮﺍﺭﺍﺕ ، ﻭﺻﺮﺍﺥ ﺍﻟﺒﻨﺎﺕ ﻣﻦ
ﺍﻟﺘﻮﺗﺮ ، ﺍﺫﻥ ﺍﻟﻤﻐﺮﺏ ﻭﻫﻢ ﻟﻠﺤﻴﻦ ﻣﺎﺟﻬﺰﻭﺍ ﻟﺰﻭﺍﺝ ﺑُﺸﺮﻯ ﺑﻨﺖ ﻋﻤﻬﻢ .
ﻋﺎﺋﻠﺔ ﺻﺎﻟـﺢ ؛
ﻭﺟﺪﺍﻥ 25
ﺭﺍﺋـﺪ 24
ﺍﻟﺠﺎﺯﻱ 20
ﺗـﺮﻑ 17
..
ﻭﺟﺪﺍﻥ : ﺑﻨﺎﺕ ﺷﻜﻠﻲ ﻣﺎﺭﺍﺡ ﺍﺭﻭﺡ ، ﺗﻌﺒﺖ
ﺗﺮﻑ : ﺑﻌﺪ ﻣﺎﺧﻠﺼﺘﻲ
ﺍﻟﺠﺎﺯﻱ : ﺍﺻﻼً ﺣﻨﺎ ﻣﺎﺭﺍﺡ ﻧﺴﻤﺢ ﻟﻚ
ﺗﺮﻑ : ﺗﺘﻮﻗﻌﻮﻥ ﺍﻧﺴﺎﻡ ﺑﺘﺤﻀﺮ
ﻭﺟﺪﺍﻥ : ﺷﺮﺍﻳﻚ ﺍﺟﻞ ؟ ﻣﻮ ﺑﻨﺖ ﻋﻤﻬﺎ ﺑﺸﺮﻯ
ﺗﺮﻑ : ﻻ ﺑﺲ ﻋﺸﺎﻥ ﻣﻮﻗﻔﻬﺎ ﻣﻊ ﻓﺎﺭﺱ
ﺍﻟﺠﺎﺯﻱ : ﺗﺘﻮﻗﻌﻮﻥ ﺑﺘﻮﺍﻓﻖ ﻋﻠﻴﻪ ؟
ﻭﺟﺪﺍﻥ : ﺍﺫﺍ ﻋﻨﺪﻫﺎ ﻛﺮﺍﻣﻪ ﻣﺎﺗﻮﺍﻓﻖ ﻋﻠﻰ ﺷﺨﺺ ﺍﻫﺎﻧﻬﺎ ، ﻭﺣﺒﻪ ﻭﺍﺿﺢ ﻟﻠﺠﻤﻴﻊ
ﺍﻟﺠﺎﺯﻱ : ﻟﻜﻦ ﻣﻦ ﺳﺎﺑﻊ ﺍﻟﻤﺴﺘﺤﻴﻼﺕ ﻳﺎﺧﺬ ﺍﻟﻠﻲ ﻳﺤﺒﻬﺎ ! ﻣﻮ ﻣﻌﻘﻮﻝ ﻳﻘﻌﺪ ﻋﺰﺍﺑﻲ ﻃﻮﻝ ﻋﻤﺮﻩ
ﻭﺟﺪﺍﻥ : ﻳﺎﺧﺬ ﺍﻱ ﺑﻨﺖ ، ﻟﻜﻦ ﺍﻧﺴﺎﻡ ﺍﺫﺍ ﻭﺍﻓﻘﺖ ﻋﻠﻴﻪ ﻋﻘﺐ ﺍﻻﻫﺎﻧﺎﺕ ﺍﻟﻠﻲ ﻣﻨﻪ ﻓﻬﻲ ﺍﻛﺒﺮ ﻏﺒﻴﻪ
ﺍﻟﺠﺎﺯﻱ : ﺻﺮﺍﺣﻪ ﻣﺎﻭﺩﻱ ﺍﻧﻬﺎ ﺗﺎﺧﺬﻩ ، ﺗﻘﻬﺮ ﻣﺎﺗﺴﺘﺎﻫﻠﻪ
ﻭﺟﺪﺍﻥ : ﻟﻴﺶ ﻣﺎﺗﺴﺘﺎﻫﻠﻪ
ﺍﻟﺠﺎﺯﻱ : ﺍﻛﺮﻫﻬﺎ ﻳﺎﺧﻲ ﻣﺎﺭﺗﺎﺡ ﻟﻬﺎ
ﻭﺟﺪﺍﻥ : ﺣﺮﺍﻡ ﻋﻠﻴﻚ ﻣﺎﺳﻮﺕ ﻟﻚ ﺷﻲ
ﺍﻟﺠﺎﺯﻱ : ﺍﻟﺤﺐ ﻣﻮ ﻏﺼﺐ
ﻭﺟﺪﺍﻥ : ﺍﻛﺮﻫﻴﻬﺎ ﺑﺲ ﻻﺗﺘﻜﻠﻤﻴﻦ ﻋﻠﻴﻬﺎ ، ﻭﻻﺗﻮﺿﺤﻴﻦ ﻛﺮﻫﻚ ﻟﻬﺎ ، ﻋﻴﺐ ﻫﺬﻱ ﺑﻨﺖ ﻋﻤﻨﺎ
ﺍﻟﺠﺎﺯﻱ : ﺍﻳﻲ ﻳﺼﻴﺮ ﺧﻴﺮ
ﺩﺧﻞ ﺭﺍﺋﺪ ﻭﻫﻮ ﺳﺎﻣﻊ ﻛﻼﻣﻬﻢ ،ﻗﺎﻝ ﺑﻬﺪﻭﺀ : ﺍﻧﺴﺎﻡ ﺗﺒﻴﻪ
ﻧﺎﻇﺮﻭﺍ ﻟﻪ ﻣﺼﺪﻭﻣﻴﻦ ﻭﻛﺮﺭ : ﺍﻧﺴﺎﻡ ﺗﺒﻲ ﻓﺎﺭﺱ ؟
ﻭﺟﺪﺍﻥ : ﻣﺎﻟﻈﺎﻫﺮ ﺗﺒﻴﻪ ، ﺑﺲ ﻟﻴﺶ ؟
ﺭﺍﺋﺪ ﺍﺭﺗﺒﻚ : ﻛﺎﺳﺮﻩ ﺧﺎﻃﺮﻱ ﻳﻤﻜﻦ ﺗﻮﺍﻓﻖ ﻷﻧﻬﺎ ﺗﺨﺎﻑ ، ﺍﺫﺍ ﻣﺎﺗﺒﻴﻪ ﻣﺤﺪ ﻳﻘﺪﺭ ﻳﺠﺒﺮﻫﺎ
ﺍﻟﺠﺎﺯﻱ : ﻣﺎﺗﺒﻴﻪ ﻭﺍﺿﺢ ﻣﻦ ﻧﻈﺮﺍﺕ ﻓﺎﺭﺱ ﻟﻬﺎ ﺍﻥ ﻭﺩﻩ ﻳﺬﺑﺤﻬﺎ ، ﻳﻌﻨﻲ ﺣﺘﻰ ﻟﻮ ﺗﻔﻜﺮ ﻓﻴﻪ ﺑﺘﻬﻮّﻥ ﻣﻦ ﻧﻈﺮﺍﺗﻪ
ﺭﺍﺋﺪ ﻃﻠﻊ ﺑﺴـﺮﻋﻪ ﺭﻛﺐ ﺳﻴّﺎﺭﺗﻪ ﻭﺍﺗﺠّﻪ ﻟﺒﻴﺖ ﺟﺪﺗﻪ ، ﻭﺻﻞ ﻭﺩﺧﻞ ﻭﻗﻒ ﺑﺎﻟﺼﺎﻟﻪ ، ﻛﺎﻧﺖ ﺟﺪﺗﻪ ﺗﺼﻠﻲ، ﻭﻋﻴﻨﻪ ﻋﻠﻰ ﻏﺮﻓﺔ
ﺍﻧﺴﺎﻡ ﻭﻃﻠﻌﺖ ﻭﻻ ﻭﺍﻧﺘﺒﻬﺖ ﻟﻪ ، ﻛﺎﻧﺖ ﻻﺑﺴﻪ ﻋﺒﺎﻳﺘﻬﺎ ﻭﻭﺍﺿﺢ ﻓﺴﺘﺎﻧﻬﺎ ، ﻭﺷﻌﺮﻫﺎ ﻭﻳﻔﻲ ﻭﺟﺎﻳﺒﺘﻪ ﻋﻠﻰ ﺟﻨﺐ ﺳﻜﺮﺕ ﺍﻟﺒﺎﺏ
ﻭﻟﻔﺖ ﺑﺘﻠﺒﺲ ﺣﺠﺎﺑﻬﺎ ﻭﺷﺎﻓﺘﻪ ﻭﺻﺮﺧﺖ ﻭﺭﺟﻌﺖ ﺧﻄﻮﺗﻴﻦ ﻭﺍﺳﺘﻮﻋﺒﺖ ﺍﻧﻪ ﺭﺍﺋﺪ ﻭﺯﻓﺮﺕ ﺑﺮﺍﺣﻪ ﻭﺗﺤﺠﺒﺖ : ﺧﻮﻓﺘﻨﻲ ﺍﻟﻠﻪ
ﻳﺴﺎﻣﺤﻚ ﻟﻴﺶ ﻣﺎﻃﻘﻴﺖ ﺍﻟﺒﺎﺏ
ﺭﺍﺋﺪ ﺑﺘﻠﻌﺜﻢ : ﺗﻮﻱ ﺟﻴﺖ ، ﺩﺭﻳﺖ ﺍﻧﻜﻢ ﻣﺤﺘﺎﺟﻴﻦ ﺍﺣﺪ ﻳﻮﺻﻠﻜﻢ ﻟﻠﻘﺎﻋﻪ
ﺍﻧﺴﺎﻡ ﺍﺑﺘﺴﻤﺖ : ﺍﻱ ﺗﻮﻱ ﻛﻨﺖ ﺑﺘﺼﻞ ﻋﻠﻰ ﺳﻮﺍﻕ ، ﻳﺎﻟﻠﻪ ﺗﻴﺘﻪ ﺑﺴﺮﻋﻪ
ﺭﺍﺋﺪ : ﺧﻠﻴﻬﺎ ﺗﺨﺸﻊ ﺑﺼﻼﺗﻬﺎ
ﺍﻧﺴﺎﻡ : ﺻﻼﺗﻬﺎ ﺗﻄﻮﻝ ﺍﺳﺘﻐﻔﺮ ﺍﻟﻠﻪ
ﺭﺍﺋﺪ : ﺧﻠﻴﻬﺎ ﺗﺨﺸﻊ ﻭﺗﻄﻠﺐ ﺭﺑﻬﺎ ، ﺍﺣﺴﻦ ﻣﻦ ﺻﻼﺗﻨﺎ
ﺍﻧﺴﺎﻡ : ﺻﺎﺍﺩﻕ ﺍﻟﻠﻪ ﻳﺴﺎﻣﺤﻨﺎ
ﺩﺧﻞ ﻓـﺎﺭﺱ ﻭﻧﺎﻇﺮﺕ ﻟﻪ ﺍﻧﺴﺎﻡ ﺑﺮﺟﻔﻪ ، ﺭﺍﺋﺪ ﺍﺳﺘﻐﺮﺏ ﻣﻦ ﻧﻈﺮﺍﺗﻬﺎ ﻭﺍﻟﺘﻔﺖ ، ﺗﻀﺎﻳﻖ ﻟﻤﺎ ﺷﺎﻓﻪ .
ﻓﺎﺭﺱ : ﻭﺵ ﻣﺪﺧﻠﻚ ﻫﻨﺎ
ﺭﺍﺋﺪ : ﺍﻟﻠﻲ ﻣﺪﺧﻠﻚ
ﻓﺎﺭﺱ ﺗﻌﺪﺍﻩ ﻭﻧﺎﻇﺮ ﻷﻧﺴﺎﻡ ﺑﺤﺪﻩ : ﻳﻘﻮﻝ ﺍﺑﻮﻱ ﻣﺘﺮﺑﻴﻪ ، ﻭﺍﻧﺎ ﻣﺎﺷﻮﻑ ﺍﻟﺒﻨﺖ ﺍﻟﻠﻲ ﺗﻮﻗﻒ ﻣﻊ ﺷﺎﺏ ﺑﻜﺎﻣﻞ ﺯﻳﻨﺘﻬﺎ ﻣﺘﺮﺑﻴﻪ !
ﺍﻧﺴﺎﻡ ﺍﻧﺮﺑﻂ ﻟﺴﺎﻧﻬﺎ ، ﻣﺎﺗﺪﺭﻱ ﻛﻴﻒ ﺗﺮﺩ ﻭﺗﺒﺮﺩ ﻗﻠﺒﻬﺎ ، ﺳﻠﻤﺖ ﺍﻟﺠﺪﻩ ﻣﻦ ﺻﻼﺗﻬﺎ ﻭﻗﺎﻣﺖ ﻣﻌﺼﺒﻪ : ﻭﺵ ﻫﺎﻟﻜﻼﻡ ﻳﺎﻓﺎﺭﺱ !
*🌻ــــــــــ #يتبــع👇ـــــــــــ🌻*
💛 @ahgeel✏️💛🌼
🍃💛
💛🍃💛i
🍃💛🍃💛i
💛🍃💛🍃💛i