الفصل 5
💛🍃💛🍃💛
🍃💛🍃💛
💛🍃💛
🍃💛
💛📖 @ahgeel 📖💛*
📖 روايـــــــــــــة ✍🏼
{ #في_حكيها_لذه_وفي_صمتها_موت_فيها_الجمال_وصادق_الحب_فيني}
*🌻ــــــــــــــــــــــــــــــــــــــــــ🌻*
..ـ
🔮 #البارت_5
ـ ...
ـ ..
ﻋﺰﻭﻑ ﻋﺼﺒﺖ : ﺧﻠﻨﺎ ﻧﺮﺟﻊ ﺑﺴﻴﺎﺭﺗﻨﺎ ﺑﺴﺘﺮ ، ﺗﺮﺍ ﻋﻴﺐ ﺍﻟﻠﻲ ﻗﺎﻋﺪ ﺗﺴﻮﻳﻪ
ﺳﻠﻤﺎﻥ : ﺍﻟﻌﻴﺐ ﺍﻧﻚ ﻗﺎﻃﻌﻪ ﻃﺮﻳﻖ ﺑﺪﻭﻥ ﺭﺟـﺎﻝ
ﻣﺸﻰ ﻟﺴﻴّﺎﺭﺗﻪ ﻭﻓﺘﺢ ﻟﻬﻢ ﺍﻟﺒﺎﺏ : ﺗﻔﻀﻠـﻮﺍ
ﻋﺮﻳﺐ ﻣﺴﻜﺖ ﻳﺪ ﻋﺰﻭﻑ ﺑﻘﻮﻩ ﻭﻫﻤﺴﺖ ﺑﺮﻋﺐ : ﻋﺰﻭﻑ ،ﻻﺗﺮﻭﺣﻴﻦ
ﻋﺰﻭﻑ ﻓﺘﺤﺖ ﺳﻴﺎﺭﺓ ﺍﺑﻮﻫﺎ ﻭﺍﺧﺬﺕ ﺑﻨﺪﻗﻴﺔ ﺻﻴـﺪ ﻭﺻﻮﺑﺘﻬﺎ ﻋﻠﻰ ﺳﻠﻤﺎﻥ : ﻣﺎﺍﻋﺮﻑ ﺍﻟﻌﻴﺐ ﻟﻜﻦ ﺍﻋﺮﻑ ﺍﺣﻤﻲ ﻧﻔﺴﻲ ،
ﺑﺘﺨﻠﻮﻧﻲ ﺍﻣﺸﻲ ﻭﻻ ﺍﻗﺘﻠﻜﻢ
ﻓﺎﺭﺱ : ﺷﻜﻠﻬﺎ ﻣﺎﺗﻔﻬﻢ ﻋﺮﺑﻲ ، ﺍﺧﺘﻲ ! ﻧﺰﻟﻲ ﺍﻟﻠﻲ ﺑﻴﺪﻙ ﻭﺍﺭﻛﺒﻲ ﻣﻊ ﺳﻠﻤﺎﻥ ﻭﺍﻧﺎ ﺑﺠﻴﺐ ﺳﻴﺎﺭﺓ ﺍﺑﻮﻙ
ﻋﺰﻭﻑ : ﻃﻴﺐ ﺩﺍﻣﻜﻢ ﻣﻠﺰﻣﻴﻦ ، ﺑﻨﺮﻭﺡ ﻟﻜﻦ ﻭﺍﻟﻠﻪ ﺍﻟﺒﻨﺪﻗﻴﻪ ﻣﺎﺗﺮﻛﻬﺎ ، ﻭﺍﻟﻠﻲ ﻳﻘﺮﺏ ﺍﺫﺑﺤﻪ ، ﺗﺮﺍ ﻣﺎﻋﻨﺪﻱ ﺷﻲ ﺍﺧﺴﺮﻩ
ﻓﺎﺭﺱ ﺑﺤﺪﻩ : ﺍﺑﻚ ﺍﻧﺘﻲ ﺣﺘﻰ ﺍﻟﻤﺠﻨﻮﻥ ﻣﺎﺗﻤﻠﻴﻦ ﻋﻴﻨﻪ ، ﺍﻣﺸﻲ ﺑﺴﺮﻋﻪ
ﺧﺎﻓﺖ ﻣﻦ ﻧﺒﺮﺗﻪ ﻭﺍﺗﺠﻬﺖ ﻟﺴﻴّﺎﺭﺓ ﺳﻠﻤﺎﻥ ﻭﻋﺮﻳﺐ ﻣﺎﺳﻜﺘﻬﺎ ﻭﺗﺒﻜﻲ ، ﺭﻛﺒﻮﺍ ﻭﻣﺸﻮﺍ ، ﻭﻋﺰﻭﻑ ﻣﺼﻮﺑﻪ ﺍﻟﺴﻼﺡ ﻋﻠﻰ ﺭﺍﺱ
ﺳﻠﻤﺎﻥ ﻭﻫﻮ ﻣﻌﻄﻴﻬﺎ ﻋﻠﻰ ﺟﻮﻫﺎ ، ﻭﺻﻔﺖ ﻟﻪ ﺑﻴﺘﻬﻢ ﻭ ﻛﺎﻧﺖ ﺧﺎﻳﻔﻪ ﻟﻜﻦ ﺗﻜﺎﺑﺮ ، ﻟﻤﺎ ﺷﺎﻓﺘﻪ ﻗﺮﺏ ﻟﻠﺒﻴﺖ ﻗﺎﻟﺖ ﺑﻬﺪﻭﺀ : ﺗﻜﻔﻰ
ﻧﺨﻴﺘﻚ ﻻﺗﻘﻮﻟﻮﻥ ﻷﺑﻮﻱ ، ﻫﻮ ﺳﺎﻣﺢ ﻟﻨﺎ ، ﻟﻜﻦ ﺍﺫﺍ ﻗﺘﻠﻮﻟﻪ ﺍﻧﺘﻢ ﺑﺘﺨﻮﻓﻮﻧﻪ ﻭﺗﺤﺴﺴﻮﻧﻪ ﺍﻥ ﺍﻟﻤﻮﺿﻮﻉ ﻛﺒﻴﺮ ، ﺍﻟﻠﻪ ﻳﺪﺧﻠﻚ ﺍﻟﺠﻨﻪ
ﺍﻗﻨﻊ ﺍﺧﻮﻙ ﻳﺴﻜﺖ
ﺳﻠﻤﺎﻥ ﺍﻟﺘﻔﺖ ﻟﻬﺎ ، ﻇﻞ ﺳﺎﻛﺖ ﺛﻮﺍﻧﻲ ، ﺑﻠﻌﺖ ﺭﻳﻘﻬﺎ ﺑﺨﻮﻑ ، ﺭﻓﻌﺖ ﺿﻐﻄﻪ ﺑﺤﺮﻛﺔ ﺍﻟﺴﻼﺡ ﻭﺣﺐ ﻳﺮﻓﻊ ﺿﻐﻄﻬﺎ : ﻭﺵ ﻗﻠﺘﻲ
ﻣﺎﺳﻤﻌﺘﻚ ؟
ﻋﺰﻭﻑ ﺑﻘﻬﺮ : ﺍﻗﻮﻝ ﺍﻗﻨﻊ ﺍﺧﻮﻙ ﻳﻌﺎﻗﺒﻨﺎ ﺑﻜﻴﻔﻪ ﺑﺲ ﻻﻳﻘﻮﻝ ﻷﺑﻮﻱ
ﺳﻠﻤﺎﻥ : ﺗﻬﺒﻴﻦ ، ﻳﺎﻟﻠﻪ ﺍﻧﺰﻟﻲ ﻭﻧﺎﺩﻱ ﺍﺑـﻮﻙ ﻋﺸﺎﻥ ﻣﺎﻧﺪﺧﻞ ﻋﻠﻴﻪ ﺑﺎﻟﻘﻮﻩ
ﻧﺰﻟﺖ ﻋﺮﻳﺐ ﻭﺩﺧﻠﺖ ﻟﻠﺒﻴﺖ ، ﻓﺎﺭﺱ ﻭﺻﻞ ﺳﻴﺎﺭﺓ ﺍﺑﻮﻫﺎ ﻭﻧﺰﻝ ، ﻭﻗﻔﺖ ﻋﺰﻭﻑ ﻗﺪﺍﻣﻪ ﻭﺭﻣﺖ ﺷﻤﺎﻍ ﺍﺑﻮﻫﺎ ﻋﻠﻴﻪ : ﺩﺍﺧﻠﻪ
ﺑﻮﺟﻬﻚ
ﻓﺎﺭﺱ : ﻫﻴـﻪ ﻭﺵ ﺣﺮﻛﺎﺕ ﺍﻟﺸﺒﺎﺏ ﻫﺬﻱ ؟ ﺭﺟﺎﻝ ﺍﻧﺘﻲ ؟
ﻋﺰﻭﻑ : ﺍﻋﺘﺒﺮﻧﻲ ﺭﺟـﺎﻝ ﻭﺍﻋﻄﻴﻚ ﻭﻋﺪ ﺭﺟﺎﻝ ﻣﺎﺍﻛﺮﺭﻫﺎ
ﺳﻠﻤﺎﻥ ﻏﻤﺰ ﻟﻔﺎﺭﺱ ، ﻭﻓﺎﺭﺱ ﻓﻬﻢ ﻋﻠﻴﻪ ﻭﻗﺎﻝ ﺑﺤﺪﻩ : ﺁﺧﺮ ﻣﺮﻩ
ﺩﺧﻠﺖ ﻟﻠﺒﻴﺖ ﻭﻗﺎﻟﺖ ﺑﻔﺮﺣﻪ : ﺍﺷﻜﺮﻛﻢ ﺭﻏﻢ ﺍﻧﻜﻢ ﺣﺮﻣﺘﻮﻧﻲ ﻣﻦ ﺍﻟﺒـﺮ ، ﻳﺎﻟﻠﻪ ﻣﻊ ﺍﻟﺴﻼﻣﻪ
ﻭﻗﻔﻠﺖ ﺍﻟﺒﺎﺏ ﻭﺭﺍﺣﺖ ﺗﺒﺸﺮ ﻋﺮﻳﺐ ﺍﻧﻪ ﻣﺎﻋﻄﺎﻫﺎ ﻣﺨﺎﻟﻔﻪ ﻭﻻﻗﺎﻝ ﻷﺑﻮﻫﺎ ، ﻭﺍﺳﺘﺎﻧﺴﺖ ﻋﺮﻳﺐ ﻭﺣﻠﻔﺖ ﺍﻧﻬﺎ ﻣﺎﺗﺴﻤﻊ ﻛﻼﻡ
ﻋﺰﻭﻑ ﺑﻌﺪ ﺍﻟﻴﻮﻡ ..
ﺑﺴﻴّﺎﺭﺓ ﺳﻠﻤـﺎﻥ ؛
ﺳﻠﻤﺎﻥ : ﺑﺤﻴﺎﺗﻲ ﻛﻠﻬﺎ ﻣﺎﺷﻔﺖ ﻣﺜﻞ ﺟﺮﺃﺗﻬﺎ
ﻓﺎﺭﺱ : ﺣﺴﻴﺖ ﻭﺭﺍﻫﺎ ﺳﺒﺐ ﺧﻼﻫﺎ ﻛﺬﺍ
ﺳﻠﻤﺎﻥ : ﺍﻟﻠﻪ ﻳﻌﻴﻨﻬﻢ ، ﺍﻟﻤﻬﻢ ﺍﺑﻮﻱ ﺍﺭﺳﻞ ﻳﻘﻮﻝ ﺗﺠﻬﺰﻭﺍ ﺍﻟﻠﻴﻠﻪ ﻧﺨﻄﺐ ﺍﻧﺴﺎﻡ ﻟﻔﺎﺭﺱ ﻭ .
ﻓﺎﺭﺱ ﻧﺎﻇﺮ ﻟﻪ ﺑﻘﻮﻩ : ﻣﺨﻄﻂ ؟ ﻭﺍﻟﻠﻴﻠﻪ ﺑﻌﺪ ، ﻳﺼﻴﺮ ﺧﻴﺮ ، ﺍﺑﻲ ﺍﻧﺴﺎﻡ ﺗﻮﺍﻓﻖ ﺑﺲ ﻭﺗﺸﻮﻑ ﻭﺵ ﻳﺼﻴﺮﻟﻬﺎ
ﺳﻠﻤﺎﻥ : ﺍﻧﺖ ﻧﺎﺳﻲ ﺍﻟﻠﻲ ﺑﻴﻦ ﺍﺑﻮﻱ ﻭﺧﻮﺍﻟﻲ ؟
ﻓﺎﺭﺱ : ﻭﺍﻧﺖ ﻧﺎﺳﻲ ﺍﻥ ﻋﻤﻲ ﺍﺑﻮ ﺍﻧﺴﺎﻡ ﻫﻮ ﺍﻟﻠﻲ ﻓﺎﺿﺢ ﺍﻣﻲ ؟ ﻧﺎﺳﻲ ﻭﻻ ﺍﺫﻛـﺮﻙ !
ﺳﻜﺖ ﺳﻠﻤﺎﻥ ، ﻭﻛﻤﻞ ﻓﺎﺭﺱ ﺑﻬﺪﻭﺀ : ﺍﻧﺎ ﺍﺗﻤﻨﻰ ﺍﻧﻬﺎ ﺗﻮﺍﻓﻖ ﻋﺸﺎﻥ ﺍﺧﺬ ﺣﻖ ﺍﻣﻲ ﻣﻨﻬﺎ ، ﻭﺑﻨﻔﺲ ﺍﻟﻮﻗﺖ ﺍﺗﻤﻨﻰ ﺍﻧﻬﺎ ﺗﺮﻓﺾ
ﻹﻧﻬﺎ ﻳﺘﻴﻤﻪ ﻭﻣﺎﻟﻬﺎ ﺫﻧﺐ
ﺳﻠﻤﺎﻥ : ﻭﺵ ﻫﺎﻟﺘﻨﺎﻗﺾ ﺍﻟﻠﻲ ﻓﻴـﻚ !
ﻓﺎﺭﺱ : ﻋﻤﺮﻱ ﻣﺎﺭﺍﺡ ﺍﻧﺴﻰ ﺩﻣﻮﻉ ﺍﻣﻲ ، ﻭﻛﻼﻡ ﺍﻟﻨﺎﺱ ﻟﻬﺎ ، ﻭﺳﻤﻌﺘﻬﺎ ﺍﻟﻠﻲ ﺗﺪﻧﺴﺖ ، ﻭﺍﻟﻠﻪ ﻵﺧﻠﻴﻬﻢ ﻳﻨﺪﻣﻮﻥ !
ﻭﻗﻒ ﻓﺎﺭﺱ ﻋﻨﺪ ﺑﻴﺖ ﺧـﻮﺍﻟﻪ ، ﺍﻟﻠﻲ ﺟﻤﻊ ﺧﺎﻻﺗﻪ ﺍﻟﺜﻼﺛﻪ ﻭﺃﻣﻪ ، ﺧﺎﻻﺗﻪ ﺗﻄﻠﻘﻮﺍ ﺑﺴﺒﺐ ﻓﻀﻴﺤـﺔ ﺍﻣـﻪ ، ﻭﺟﺪﻩ ﻣﺎﺕ ﻣﻦ ﻗﻮﺓ
ﺍﻟﺼﺪﻣﻪ ﻭﻛﺴﺮ ﺍﻟﻈﻬﺮ ﻭﺍﻟﻔﻀﻴﺤﻪ ﻭﺍﻟﻌﺎﺭ ﺍﻟﻠﻲ ﻣﺎﻳﺰﻭﻝ ﻃﻮﻝ ﺍﻟﻌﻤـﺮ ، ﻭﺻﺎﺭ ﻫﺎﻟﺒﻴﺖ ﻣﻨﺒﻮﺫ ، ﻣﺎﻓﻴﻪ ﺍﻻ ﺍﺭﺑﻊ ﺣﺮﻳﻢ ﻭﺛﻼﺙ
ﺑﻨﺎﺕ .
ﺧــﺎﻻﺗــﻪ ؛
ﺍﻣﻴﻨـﻪ : ﻋﻨﺪﻫﺎ ﺑﻨﺘﻴﻦ " ﻫﻨﺪ 25 ﺳﻨﻪ ﻭ ﺳﺎﺭﻩ 23 ﺳﻨﻪ "
ﻭﻋﻨﺪﻫﺎ ﻭﻟﺪ ، ﻟﻜﻦ ﺍﺑﻮﻩ ﺗﺒﺮﺍ ﻣﻦ ﺍﻟﺒﻨـﺎﺕ ﻭﺍﺧﺬ ﺍﻟﻮﻟﺪ ، ﻭﻫﺎﻟﺸﻲﺀ ﺳﺒﺐ ﺟﺮﺡ ﻛﺒﻴﺮ ﺑﻘﻠﻮﺏ ﺑﻨﺎﺗﻪ ، ﻭﻳﻤﻜﻦ ﺳﺒﺐ ﺣﻘﺪ ﻭﺷـﺮ ..
ﻣﺸﺎﻋــﻞ : ﻋﻨﺪﻫﺎ ﺑﻨﺖ ﻟﻜﻦ .. ﻟﻬﺎ ﻗﺼﻪ ﻃﻮﻳﻠﻪ
ﻣﺮﻳـﻢ : ﻋﻨﺪﻫﺎ ﺑﻨﺖ ﺍﺳﻤﻬﺎ ﺍﻣﻞ 20 ﺳﻨﻪ .. ﻟﻤﺎ ﺗﻄﻠﻘﺖ ﻛﺎﻧﺖ ﺣﺎﻣﻞ ﻓﻴﻬﺎ ﻭﺯﻭﺟﻬﺎ ﻣﺎﻳﺪﺭﻱ ، ﻭﻟﻤﺎ ﺷﺎﻓﺖ ﻭﺿﻊ ﺧﻮﺍﺗﻬﺎ ﺧﺎﻓﺖ
ﺗﺼﻴﺮ ﻣﺜﻠﻬﻢ ﻭﻳﺎﺧﺬﻭﻥ ﺑﻨﺘﻬﺎ ، ﺍﺑﻮ ﺍﻣﻞ ﺍﻟﻰ ﻫﺎﻟﻠﺤﻈﻪ ﻣﺎﻳﺪﺭﻱ ﺍﻥ ﻋﻨﺪﻩ ﺑﻨﺖ ﻣﻦ ﻣﺮﻳـﻢ ..
ﻃﺒﻌﺎً ﺍﻡ ﻓﺎﺭﺱ ﺗﺮﺗﻴﺒﻬﺎ ﺍﻷﻭﻟﻰ ﺑﻴﻦ ﺧﻮﺍﺗﻬﺎ ، ﻭﻣﺜﻞ ﻣﺎﺫﻛﺮﻧﺎ ﻣﺎﻋﻨﺪﻫﺎ ﺍﻻ ﻭﻟﺪﻳﻦ ..
ﻃﻖ ﺍﻟﺒﺎﺏ ﻓﺎﺭﺱ ، ﻭﻛﺎﻧﺖ ﺧﻠﻒ ﺍﻟﺒﺎﺏ ﺟﺎﻟﺴﻪ ﺗﻨﺘﻈـﺮﻩ ، ﻭﻗﻠﺒﻬﺎ ﻳﺮﻗﺺ ﺷﻮﻕ ، ﻣﺤﺪ ﻳﺠﻴﻬﻢ ﺍﻻ ﻓﺎﺭﺱ ﻭﺳﻠﻤـﺎﻥ ، ﻟﻜﻦ
ﻓﺎﺭﺱ ﺍﻛﺜـﺮ .
ﻓﺘﺤﺖ ﺍﻟﺒﺎﺏ ﻭﺍﺑﺘﺴﻢ ﻗﻠﺒﻬﺎ ﻗﺒﻞ ﻭﺟﻬﻬﺎ ، ﻓﺎﺭﺱ ﻣﺠﺮﺩ ﻣﺎﺷﺎﻓﻬﺎ ﻧﺴﻰ ﻛﻞ ﻫﻤﻮﻣﻪ ، ﻭﺍﻧﺠﺒﺮ ﻳﺨﻔﻲ ﻗﺴﻮﺗﻪ ﺑﺈﺑﺘﺴﺎﻣﻪ ﺗﺬﺑﺢ :
ﺷﺨﺒﺎﺭﻙ ﺍﻣﻞ
ﺍﻣﻞ : ﺗﻤﺎﻡ ، ﺣﻴﺎﻙ ﺗﻔﻀﻞ
ﻓﺎﺭﺱ : ﺑﺘﻔﻀﻞ ، ﻟﻜﻦ ﻣﺎﺳﺄﻟﺘﻴﻨﻲ ﻋﻦ ﺍﺧﺒﺎﺭﻱ ﻭﻻﻣﺎﺗﻬﻤﻚ
ﺍﻣﻞ : ﺷﺎﻳﻔﻪ ﺍﻧﻚ ﺑﺨﻴﺮ ﻭﺍﺑﺘﺴﺎﻣﺘﻚ ﺗﻜﻔﻲ
ﻓﺎﺭﺱ ﺗﺬﻛﺮ ﺷﻲ ﻭﺗﻀﺎﻳﻖ " ﻟﻜﻦ ﻗﻠﺒﻲ ﻣﻮ ﺑﺨﻴﺮ ﻳﺎ ﺍﻣﻞ "
*🌻ــــــــــ #يتبــع👇ـــــــــــ🌻*
💛 @ahgeel✏️💛🌼
🍃💛
💛🍃💛i
🍃💛🍃💛i
💛🍃💛🍃💛i