الفصل 4
💛🍃💛🍃💛
🍃💛🍃💛
💛🍃💛
🍃💛
💛📖 @ahgeel 📖💛*
📖 روايـــــــــــــة ✍🏼
{ #في_حكيها_لذه_وفي_صمتها_موت_فيها_الجمال_وصادق_الحب_فيني}
*🌻ــــــــــــــــــــــــــــــــــــــــــ🌻*
..ـ
🔮 #البارت_4
ـ ...
ـ ..
ﺑﻐﺮﻓﺔ ﻋﺰﻭﻑ ﻛﺎﻧﺖ ﻓﺎﺗﺤﻪ ﻛﺘﺎﺑﻬﺎ ﺗﺤﺎﻭﻝ ﺗﺬﺍﻛﺮ ﻟﻜﻦ ﻣﺎﻗﺪﺭﺕ ﺗﺤﻔﻆ ﺍﻛﺜﺮ ﻣﻦ ﺻﻔﺤﻪ ﻭﻛﻞ ﻣﺎﺣﻔﻈﺖ ﺷﻲ ﺗﺮﺟﻊ ﺗﻨﺴﺎﻩ ،
ﺍﺧﺬﺕ ﻛﺘﺎﺑﻬﺎ ﻭﻃﻠﻌﺖ ﻟﻠﺤﻮﺵ ﻭﺟﻠﺴﺖ ، ﻛﺎﻥ ﺍﻟﺠﻮ ﻏﻴﻢ ﻭﻳﺠﻨﻦ ﺗﻨﻬﺪﺕ ﻣﻦ ﺍﻋﻤﺎﻗﻬﺎ : ﺁﻩ ﻳﺎﺯﻳﻦ ﺍﻟﺸﺘﺎﺀ ، ﻳﺎﺭﺏ ﺗﻤﻄﺮ
ﻃﻠﻌﺖ ﻋﺮﻳﺐ ﻧﻔﺲ ﺣﺎﻟﺘﻬﺎ ﻣﺎﺳﻜﻪ ﻛﺘﺎﺑﻬﺎ ﻭﻗﻬﻮﺗﻬﺎ ﻭﺗﺬﺍﻛﺮ ﻟﻜﻦ ﺍﻟﻔﺮﻕ ﺍﻥ ﻋﺮﻳﺐ ﺗﺬﺍﻛﺮ ﺑﻀﻤﻴﺮ ﻭﺗﺤﻔﻆ ﺑﺴﺮﻋﻪ ، ﻟﻜﻦ ﻋﺰﻭﻑ
ﻣﻐﺮﺯﻩ ﻋﻨﺪ ﺍﻭﻝ ﺻﻔﺤﻪ .
ﻋﺮﻳﺐ ﺿﺤﻜﺖ ﻋﻠﻰ ﻣﻨﻈﺮﻫﺎ ﻭﺟﻠﺴﺖ ﻗﺪﺍﻣﻬﺎ : ﻃﻴﺐ ﻟﻴﺶ ﻣﺎﺗﻜﺘﺒﻴﻦ ، ﺍﻟﻜﺘﺎﺑﻪ ﺗﺮﺳﺦ
ﻋﺰﻭﻑ : ﻣﺎﺣﺐ ، ﺍﻟﺠﻮ ﻳﺒﻲ ﻟﻪ ﺑﺮ ، ﻭﺷﺒﺔ ﻧﺎﺭ
ﻋﺮﻳﺐ : ﺍﻧﺎ ﺣﻔﻈﺖ ﻛﻞ ﺷﻲ ، ﺍﺧﺎﻑ ﺍﺫﺍ ﻗﺮﻳﺖ ﺍﻛﺜﺮ ﺍﻧﺴﻰ ، ﺷﺮﺍﻳﻚ ﻧﻄﻠﻊ ﻧﺘﻤﺸﻰ
ﻋﺰﻭﻑ : ﻭﻳﻦ ﻧﺮﻭﺡ ؟
ﻋﺮﻳﺐ : ﺑﻜﻴﻔﻚ ﺍﻧﺘﻲ ﻭﻳﻦ ﺗﺒﻴﻦ
ﻋﺰﻭﻑ : ﻧﺘﻤﺸﻰ ﺣﻮﻝ ﺑﻴﺘﻨﺎ ﻭﻧﺮﺟﻊ
ﻋﺮﻳﺐ : ﻗﺪﺍﻡ
ﺩﺧﻠﺖ ﻋﺮﻳﺐ ﻭﺟﺎﺑﺖ ﻋﺒﺎﻳﺎﺗﻬﻢ ﻟﺒﺴﻮﺍ ﻭﻃﻠﻌﻮﺍ ، ﻋﺰﻭﻑ ﺍﺗﺠﻬﺖ ﻟﻠﺴﻴﺎﺭﻩ ﻭﺷﻬﻘﺖ ﻋﺮﻳﺐ : ﻻ ﻋﺎﺩ ، ﺍﻧﺘﻲ ﻣﺎﺗﻨﻌﻄﻴﻦ ﻭﺟﻪ ،
ﺍﺑﻮﻱ ﺣﺎﻟﻒ ﻋﻠﻴﻚ ﻣﺎﺗﺴﻮﻗﻴﻦ ﺍﻻ ﻫﻮ ﻣﻌﻚ
ﻋﺰﻭﻑ : ﺑﻜﻴﻔﻚ ﻻﺗﺮﻭﺣﻴﻦ ﺍﻧﺎ ﺑﺮﻭﺡ
ﺭﻛﺒﺖ ﻭﻋﺮﻳﺐ ﺭﻛﺒﺖ ﺟﻨﺒﻬﺎ ﺧﺎﻳﻔﻪ : ﻣﺎﻧﺒﻲ ﻧﺘﺄﺧﺮ ، ﻻﺯﻡ ﻧﺮﺟﻊ ﻗﺒﻞ ﺍﻟﻌﺼﺮ
ﺷﻐﻠﺖ ﺍﻟﺴﻴﺎﺭﻩ ﻋﺰﻭﻑ ﻭﻟﺒﺴﺖ ﺷﻤﺎﻍ ﺍﺑﻮﻫﺎ ﻭﺗﻠﺜﻤﺖ ﻓﻴﻪ
ﻋﺮﻳﺐ : ﻟﻴﻪ ﺷﻤﺎﻍ ؟
ﻋﺰﻭﻑ : ﺍﺣﺒﻪ
ﻋﺮﻳﺐ : ﺍﻧﺘﻲ ﺍﻧﻮﺛﺘﻚ ﻭﻳﻨﻬﺎ ، ﻭﻳﺮ ﺍﺯ ﺍﻧﻮﺛﻪ ؟
ﻋﺰﻭﻑ : ﻭﺍﻧﺘﻲ ﻭﺵ ﺩﺧﻠﻚ ﺑﺄﻧﻮﺛﺘﻲ ، ﺍﺑﻠﺸﻲ ﺑﺄﻧﻮﺛﺘﻚ ﻭﺍﺗﺮﻛﻲ ﺍﻧﻮﺛﺎﺕ ﺍﻟﻨﺎﺱ ﻋﻨﻚ
ﻋﺮﻳﺐ ﺿﺤﻜﺖ : ﻭﻳﻦ ﺑﻨﺮﻭﺡ
ﻋﺰﻭﻑ : ﻟﻠﺒﺮ
ﻋﺮﻳﺐ : ﻋﺰﻭﻑ ﺍﻟﻠﻪ ﻳﺨﻠﻴﻚ ﻻﺗﺘﻬﻮﺭﻳﻦ ﻭﺭﺟﻌﻴﻨﻲ ، ﻣﺎﺍﺩﺭﻱ ﻭﺵ ﻻﻗﻴﻪ ﻓﻴﻪ
ﻋﺰﻭﻑ : ﻻﻗﻴﻪ ﺳﻌﺔ ﺍﻟﺼﺪﺭ
ﻋﺮﻳﺐ : ﺍﻭﻙ ﺑﺲ ﻣﻮ ﻟﺪﺭﺟﺔ ﻧﺮﻭﺡ ﻟﺤﺎﻟﻨﺎ ، ﻉ ﺍﻷﻗﻞ ﻧﺎﺧﺬ ﺍﻧﺲ !
ﻋﺰﻭﻑ ﻣﺎﺭﺩﺕ ﻋﻠﻴﻬﺎ ﻟﻴﻦ ﻣﺴﻜﺖ ﺍﻟﺨﻂ ﺍﻟﺴﺮﻳﻊ ، ﻭﻣﺸﺖ ﺁﺧﺮ ﺳﺮﻋﻪ ، ﺷﻐﻠﺖ ﺃﻏﻨﻴﻪ ﻭﺭﻗﻌﺘﻬﺎ ﻟﻸﺧﻴﺮ ، ﻭﻗﻌﺪﺕ ﺗﻐﻨﻲ
ﻭﺗﺮﻗﺺ ﻣﻌﺎﻫﺎ ، ﻋﺮﻳﺐ ﺳﺎﻧﺪﻩ ﻇﻬﺮﻫﺎ ﻭﻣﺘﻤﺴﻜﻪ ﺑﻘﻮﻩ ﻭﺗﺘﺸﻬﺪ ﻭﺗﺼﺎﺭﺥ ﺗﺒﻴﻬﺎ ﺗﻬﺪﻱ ، ﻭﻣﺎﻫﺪﺕ ﻟﻴﻦ ﻭﺻﻠﺖ ﻧﻘﻄﺔ ﺍﻟﺘﻔﺘﻴﺶ
، ﺗﺬﻛﺮﺕ ﺍﻟﻀﺎﺑﻂ ﺍﻟﻠﻲ ﻋﻄﺎﻫﺎ ﻣﺨﺎﻟﻔﻪ ﻭﺳﺤﺒﻬﺎ ، ﺩﻋﺖ ﺍﻧﻪ ﻣﻮ ﻫﻮ ﺍﻟﻤﺴﺘﻠﻢ ﺍﻟﺤﻴﻦ ، ﻋﺸﺎﻥ ﺗﻜﺬﺏ ﻋﻠﻴﻪ ﻛﺬﺑﻪ ﺛﺎﻧﻴﻪ ﻭﺗﻘﻨﻌﻪ
ﻳﺴﺤﺐ ﺍﻟﻤﺨﺎﻟﻔﻪ ..
ﻭﻃﻠﻊ ﺍﻟﻀﺎﺑﻂ ﺛﺎﻧﻲ ﻏﻴﺮ ﻓﺎﺭﺱ ، ﻛﺎﻥ ﻳﺤﺴﺐ ﺍﻟﻠﻲ ﻳﺴﻮﻕ ﺭﺟﺎﻝ ﻟﻜﻦ ﺍﻧﺼﺪﻡ ﻟﻤﺎ ﺷﺎﻑ ﺍﻟﻨﻘﺎﺏ ﻭﺭﺍ ﺍﻟﺸﻤﺎﻍ ، ﻓﺘﺤﺖ ﻋﺰﻭﻑ
ﺍﻟﺸﺒﺎﻙ ﻭﻗﺎﻟﺖ ﺑﺪﻭﻥ ﻧﻔﺲ : ﻣﺎﻣﻌﻲ ﺭﺧﺼﻪ
ﺍﻟﻀﺎﺑﻂ ﺍﻧﺼﺪﻡ ﻣﻦ ﺑﺮﻭﺩﻫﺎ ، ﻭﺍﻧﺼﺪﻡ ﺍﻛﺜﺮ ﺍﻧﻬﻢ ﺑﻨﺘﻴﻦ ، ﻭﻗﺎﻃﻌﻴﻦ ﻛﻞ ﻫﺎﻟﻤﺴﺎﻓﻪ ﻟﺤﺎﻟﻬﻢ ﻗﺎﻝ ﺑﻬﺪﻭﺀ : ﻃﻔﻲ ﺍﻟﺴﻴﺎﺭﻩ
ﺑﺴﺮﻋﻪ
ﻋﺰﻭﻑ : ﺭﺍﻳﺤﻪ ﻟﻠﻤﺨﻴﻢ ﺣﻘﻨﺎ ﻗﺮﻳﺐ ﻣﻦ ﻫﻨﺎ
ﺍﻟﻀﺎﺑﻂ : ﻣﺎﺗﺨﺎﻓﻴﻦ ﻋﻠﻰ ﻧﻔﺴﻚ
ﻋﺰﻭﻑ : ﺍﻟﺤﻤﺪﻟﻠﻪ ﺩﻳﺮﺗﻨﺎ ﺍﻣﻦ ﻭﺍﻣﺎﻥ
ﺍﻟﻀﺎﺑﻂ : ﻟﻜﻦ ﺍﻟﺒﺮ ﻣﺎﺑﻪ ﺍﻣﺎﻥ ، ﻭﺍﻧﺘﻢ ﺑﻨﺎﺕ ﻟﺤﺎﻟﻜﻢ ، ﻭﻓﻮﻕ ﻫﺬﺍ ﻣﺎﻣﻌﺎﻛﻢ ﺭﺧﺼﻪ ، ﻭﻳﻦ ﺍﻫﻠﻜﻢ ﺍﺑﻲ ﺍﻓﻬﻢ
ﻋﺰﻭﻑ : ﺳﺎﻣﺤﻴﻦ ﻟﻨﺎ ، ﺗﻜﻔﻰ ﻻﺗﻌﻄﻴﻨﺎ ﻣﺨﺎﻟﻔﻪ ﻭﺭﺑﻲ ﺍﺑﻮﻱ ﻛﺒﻴﺮ ﺑﺎﻟﺴﻦ ﻭﺭﺍﺗﺒﻪ ﻋﻠﻰ ﻗﺪﻩ ﻭﺣﻨﺎ ﻣﻀﻄﺮﻳﻦ ﻧﺴﺎﻋﺪﻩ
ﻃﻠﻊ ﻣﻦ ﺩﺍﺧﻞ ﺍﻟﻀﺎﺑﻂ ﺛﺎﻧﻲ ﻣﺴﺘﻐﺮﺏ ﻣﻦ ﻭﻗﻔﺘﻬﻢ ، ﺷﺎﻑ ﺍﻟﺴﻴﺎﺭﻩ ﻓﻴﻬﺎ ﺑﻨﺎﺕ ، ﻭﻋﺮﻑ ﺍﻟﺒﻨﺖ ﺍﻟﻠﻲ ﺗﺴﻮﻕ ﻭﻗﻒ ﻋﻨﺪﻫﺎ
ﻣﻌﺼﺐ : ﻻ ﺍﻧﺘﻲ ﺯﻭﺩﺗﻴﻬﺎ ، ﻭﺍﻟﻠﻪ ﻫﺎﻟﻤﺮﻩ ﻷﺳﺠﻨﻚ
ﻋﺮﻳﺐ ﻏﻄﺖ ﻭﺟﻬﻬﺎ ﻭﺑﻜﺖ ﺑﻘﻮﻩ ، ﻋﺰﻭﻑ ﺿﺤﻜﺖ : ﻋﺎﺩ ﺍﻧﺖ ﻳﺎﻓﺎﺭﺱ ﺗﺼﺪﻕ ﻛﻼﻣﻲ ﻭﺷﻔﺖ ﺑﻌﻴﻨﻚ ﺍﺑﻮﻱ ﺗﻌﺒﺎﻥ ، ﻣﺸﻮﻧﻲ
ﺍﺧﺮ ﻣﺮﻩ ، ﻭﺍﻭﻋﺪﻛﻢ ﺍﻟﻤﺮﻩ ﺍﻟﺠﺎﻳﻪ ﻣﺎﺳﻮﻕ ﺍﻻ ﺑﺮﺧﺼﻪ
ﻓﺎﺭﺱ ﻗﺮﺏ ﻟﻬﺎ ﻭﻓﺘﺢ ﺍﻟﺒﺎﺏ : ﺗﻬﺒﻴﻦ ﻭﻳﻬﺒﻰ ﺷﻨﺒﻲ ﺍﺫﺍ ﻣﺸﻴﺘﻚ ، ﺍﻧﺰﻟﻲ
ﻋﺰﻭﻑ : ﺍﻟﺰﻡ ﺣﺪﻭﺩﻙ ﺍﺣﺴﻦ ﻟﻚ
ﻓﺎﺭﺱ ﺳﺤﺒﻬﺎ ﺑﻘﻮﻩ ﻭﺻﺮﺧﺖ ﻭﻧﺰﻟﻬﺎ ، ﻭﻋﺮﻳﺐ ﻧﺰﻟﺖ ﻣﻨﻬﺎﺭﻩ ، ﻃﻠﻊ ﺟﻮﺍﻟﻪ ﻭﻗﺎﻝ ﺑﺤﺪﻩ : ﻛﻢ ﺭﻗﻢ ﺍﺑـﻮﻙ
ﻋﺰﻭﻑ ﺑﺒﺮﻭﺩ : ﺻﻔﺮ ﺗﺴﻊ ﺧﻤﺴﺎﺕ
ﻓﺎﺭﺱ : ﺗﻜﻠﻤﻲ ﻋﺪﻝ ﺗﺮﺍ ﻟﻠﺤﻴﻦ ﻣﺎﺳﻚ ﻧﻔﺴﻲ ﻭﻣﺮﺍﻋﻲ ﻣﺸﺎﻋﺮ ﺍﻟﻮﺍﻟﺪ ، ﻻﺗﺨﻠﻴﻨﻲ ﺍﺣﻮﻟﻚ ﻟﻠﻨﻴﺎﺑﻪ !
ﻭﻗﻔﺖ ﻭﺭﺍﻫﻢ ﺳﻴّﺎﺭﻩ ﻭﻣﺎﻧﺘﺒﻬﻮﺍ ﻟﻬﺎ ، ﻋﺮﻳﺐ ﻋﻄﺘﻪ ﺭﻗﻢ ﺍﺑﻮﻫﺎ ، ﻭﺍﺗﺼﻞ ﻣﺮﻩ ﻭﻣﺮﺗﻴﻦ ﻭﺛﻼﺙ ﻭﻻﺭﺩ ، ﻓﺎﺭﺱ ﺍﺭﺗﻔﻊ ﺿﻐﻄﻪ :
ﻟﻮ ﻳﻄﻠﻊ ﺍﻟﺮﻗﻢ ﻏﻠﻂ ﻳﺎﻭﻳﻠﻜﻢ
ﺍﻣﻄﺮﺕ ﺍﻟﺴﻤﺎﺀ ﻭﺍﺳﺘﺎﻧﺴﺖ ﻋﺰﻭﻑ ﻟﻜﻦ ﻧﻜﺪ ﻓﺮﺣﺘﻬﺎ ﻓﺎﺭﺱ : ﺍﻗﺴﻢ ﺑﺎﻟﻠﻪ ﻣﺎﺗﺘﺤﺮﻙ ﺍﻟﺴﻴﺎﺭﻩ ﺍﻻ ﻳﺠﻲ ﺍﺑﻮﻙ
ﻋﺰﻭﻑ : ﻃﻴﺐ ﻛﻴﻒ ﻳﺠﻲ ﻭﺳﻴﺎﺭﺗﻪ ﻣﻌﺎﻧﺎ
ﻓﺎﺭﺱ : ﻳﺪﺑﺮ ﻧﻔﺴﻪ
ﻣﻦ ﻭﺭﺍﻫﻢ ﺍﺭﺗﻔﻊ ﺻﻮﺕ ﻓﺨـﻢ : ﻓﺎﺭﺱ ، ﺭﺟﻌﻬﻢ ﻟﺒﻴﺘﻬﻢ ﻭﺍﺳﺘﺮ ﻋﻠﻴﻬـﻢ
ﻓﺎﺭﺱ ﻧﺎﻇﺮ ﻭﺭﺍﻩ ﺷﺎﻑ ﺍﺧﻮﻩ " ﺳﻠﻤـﺎﻥ " ﻛﺎﻥ ﻳﺪﺭﻱ ﺍﻥ ﻓﺎﺭﺱ ﻣﺴﺘﻠﻢ ﻫﻨﺎ ﻭﻣﺮ ﻋﻠﻴﻪ ﻭﺳﻤﻊ ﺣﻮﺍﺭﻫﻢ .
ﻋﺰﻭﻑ ﻗﻬﺮﺗﻬﺎ ﺍﻟﻜﻠﻤﻪ ﻭﺍﻟﺘﻔﺘﺖ ﻟﻪ ، ﻓﻴﻪ ﺷﺒﻪ ﻣﻦ ﻓﺎﺭﺱ ، ﻛﺎﻥ ﻻﺑﺲ ﺛﻮﺏ ﻛﺤﻠﻲ ﻭﻏﺘﺮﻩ ﻭﻧﻈﺎﺭﺍﺕ ﺷﻤﺴﻴﻪ ﻭﻣﺎﺳﻚ ﻋﺼﺎ ،
ﻗﺎﻟﺖ ﺑﺼﻮﺕ ﺻﺎﺭﻡ : ﻧﻌﻢ ﻳﺎﺍﺥ ؟ ﻭﺵ ﺍﺳﺘﺮ ﻋﻠﻴﻬﻢ ، ﺗﺮﺍﻧﺎ ﺑﻨﺎﺕ ﻧﺎﺱ ﻭﻣﺘﺮﺑﻴﺎﺕ ، ﻭﻣﺎﺳﻤﺢ ﻟﻚ ﺗﻐﻠﻂ !
ﺳﻠﻤﺎﻥ : ﺍﻟﺴﺘﺮ ﻟﻪ ﻣﻌﺎﻧﻲ ﻋﺪﻳﺪﻩ
ﻋﺰﻭﻑ : ﺍﺳﻤﻌﻮﺍ ﻛﻠﻜﻢ ﻳﺎﺗﻌﻄﻮﻧﻲ ﻣﺨﺎﻟﻔﻪ ﻭﺗﺨﻠﻮﻧﻲ ﺍﺗﻮﻛﻞ ﻋﻠﻰ ﺍﻟﻠﻪ ﻳﺎﺗﺨﻠﻮﻧﻲ ﺍﺭﺟﻊ ، ﻣﺎﻳﺼﻴﺮ ﻛﺬﺍ
ﻓﺎﺭﺱ : ﺍﻟﻤﺨﺎﻟﻔﻪ ﻣﻮﺟﻮﺩﻩ ﻭﻣﺪﺑﻠﻪ ﺑﻌﺪ ، ﻟﻜﻦ ﻣﺎﻓﻲ ﺭﺟﻌﻪ ﻗﺒﻞ ﻳﺠﻲ ﺍﺑﻮﻙ
ﻋﺮﻳﺐ : ﻳﺎﺧﻲ ﺧﺎﻑ ﺭﺑﻚ ﺍﻟﺪﻧﻴﺎ ﻣﻄﺮ ﻭﺍﻧﺖ ﻣﻮﻗﻔﻨﺎ
ﻓﺎﺭﺱ : ﺍﺣﻤﺪﻱ ﺭﺑﻚ ﺣﻨﺎ ﺍﻟﻠﻲ ﻣﻮﻗﻔﻴﻨﻜﻢ ﻣﻮ ﻋﻴﺎﻝ ﺣﺮﺍﻡ
ﻋﺰﻭﻑ : ﻃﻴﺐ ﺍﺑﻮﻱ ﻣﺎﻳﺮﺩ ﻛﻴﻒ ﻳﻌﻨﻲ ؟ ﻧﻨﺘﻈﺮ ﻟﻤﺘﻰ ؟ ﺗﺒﻠﻠﻨﺎ ﻣﻦ ﺍﻟﻤﻄﺮ ﺣﺮﺍﻡ ﻋﻠﻴﻚ
ﻓﺎﺭﺱ : ﺍﺟﻞ ﺣﻨﺎ ﻧﺮﺟﻌﻜﻢ ﻟﺒﻴﺘﻜﻢ
ﻋﺰﻭﻑ : ﻻ ﻋﺎﺩ ! ﺗﺴﺘﻬﺒﻞ ﺍﻧـﺖ
ﻓﺎﺭﺱ : ﻭﻻﻛﻠﻤﻪ ﻻﺍﺧﺬﻙ ﺑﺎﻟﺪﻭﺭﻳﻪ ، ﺳﻠﻤﺎﻥ ﺧﺬﻫﻢ ﺑﺴﻴﺎﺭﺗﻚ ﻭﺍﻧﺎ ﺍﺟﻴﺐ ﺳﻴﺎﺭﺓ ﺍﺑﻮﻫﻢ .
*🌻ــــــــــ #يتبــع👇ـــــــــــ🌻*
💛 @ahgeel✏️💛🌼
🍃💛
💛🍃💛i
🍃💛🍃💛i
💛🍃💛🍃💛i