في حكيها لذه وفي صمتها موت فيها الجمال وصادق الحب فيني - الفصل 3 - مكتملة | روايتك

💛🍃💛🍃💛 🍃💛🍃💛 💛🍃💛 🍃💛 💛📖 @ahgeel 📖💛* 📖 روايـــــــــــــة ✍🏼 { #في_حكيها_لذه_وفي_صمتها_موت_فيها_الجمال_وصادق_الحب_فيني} *🌻ــــــــــــــــــــــــــــــــــــــــــ🌻* ..ـ 🔮 #البارت_3 ـ ... ـ .. ﻓﻲ ﺑﻴﺖ ﺛﺎﻧﻲ ؛ ﻛﺎﻧﺖ ﺟﺎﻟﺴﻪ ﻭﺗﻨﺎﻇﺮ ﻟﻠﻔﺮﺍﻍ ﺍﻟﻠﻲ ﻗﺪﺍﻣﻬﺎ ، ﻧﻔﺴﻬﺎ ﺗﻄﻠﻊ ﻭﺗﻐﻴﺮ ﺟﻮ ، ﺩﺧﻠﺖ ﻟﻐﺮﻓﺔ ﺟﺪﺗﻬﺎ ﻭﻛﺎﻧﺖ ﻧﺎﻳﻤﻪ ، ﺗﺄﻓﻔﺖ ﺑﻤﻠﻞ ﺭﺍﺣﺖ ﻟﺒﺴﺖ ﻋﺒﺎﻳﺘﻬﺎ ﻭﻃﻠﻌﺖ ﻣﻦ ﺍﻟﺒﻴﺖ ﻭﻣﺸﺖ ﻟﺒﻴﺖ ﻋﻤﻬﺎ ﻭﻛﺎﻥ ﻗﺮﻳﺐ ﻣﻦ ﺑﻴﺖ ﺟﺪﺗﻬﺎ ، ﻭﺻﻠﺖ ﻭﻛﺎﻥ ﺍﻟﺒﺎﺏ ﻣﻔﺘﻮﺡ ، ﺩﺧﻠﺖ ﻣﺴﺘﻌﺠﻠﻪ ﻷﻧﻬﺎ ﺳﻤﻌﺖ ﺻﻮﺕ ﺭﺟﺎﻝ ﻭﻋﺮﻓﺖ ﺍﻧﻬﻢ ﻣﻮﺟﻮﺩﻳﻦ ، ﺷﺪﻫﺎ ﺷﻲ ﻭﻭﻗﻔﺖ ، ﻋﻘﺪﺕ ﺣﻮﺍﺟﺒﻬﺎ ﺑﺈﺳﺘﻐﺮﺍﺏ ، ﺳﻤﻌﺖ ﺍﺳﻤﻬﺎ ﻳﺪﻭﺭ ﺑﻴﻨﻬﻢ ، ﻫﻢ ﺷﺨﺼﻴﻦ ، ﻋﺮﻓﺖ ﻋﻤﻬﺎ ، ﻭﺍﻟﺜﺎﻧﻲ ﻣﺎﻋﺮﻓﺘﻪ ﻟﻴﻦ ﻗﺎﻝ ﺍﺳﻤﻪ ﻋﻤﻬـﺎ : ﻳﺎﻓـﺎﺭﺱ ﺍﻓﻬﻢ ، ﻧﺬﺭ ﻋﻠﻰ ﺭﻗﺒﺘـﻲ ﻣﺎﺗﺎﺧﺬ ﺑﻨﺖ ﺧﺎﻟﺘﻚ ، ﻭﺍﺧﺮ ﻣﺮﻩ ﺗﺠﻴﺐ ﻃﺎﺭﻱ ﺍﻫﻞ ﺍﻣﻚ ﺑﺒﻴﺘﻲ ! ﻓﺎﺭﺱ ﺍﺭﺗﻔﻊ ﻇﻐﻄﻪ : ﻳﺒﻪ ! ﺍﻣﻲ ﻏﻠﻄﺎﻧﻪ ﻟﻜﻦ ﻣﺎﺳﻤﺢ ﻟﻚ ﺗﻐﻠﻂ ﻋﻠﻴﻬﺎ ﻭﻋﻠﻰ ﺍﻫﻠﻬﺎ ، ﻣﻬﻤﺎ ﻛﺎﻥ ﺫﻱ ﺍﻣﻲ ، ﻭﺑﻨﺖ ﺧﺎﻟﺘﻲ ﺑﺎﺧﺬﻫﺎ ﺑﺎﺧﺬﻫﺎ ، ﻣﺎﻟﻨﺎ ﺷﻐﻞ ﺑﺄﻏﻼﻁ ﻏﻴﺮﻧﺎ ! ﺍﺑﻮﻩ : ﺍﺳﻤـﻊ ! ﻭﺍﻟﻠﻪ ﻣﺎﻟﻚ ﺍﻻ ﺍﻧﺴﺎﻡ ﺑﻨﺖ ﻋﻤﻚ ، ﻫﻲ ﻳﺘﻴﻤﻪ ﻭﻣﺘﺮﺑﻴﻪ ﺗﺤﺖ ﻳﺪﻳﻨﻨﺎ ﻭﻧﻌﺮﻑ ﺍﺧﻼﻗﻬﺎ ، ﺍﺣﺴﻦ ﻣﻦ ﺑﻨﺖ ﺧﺎﻟﺘﻚ ﺍﻟﻠﻲ ﺑﻜﺮﺍ ﺗﻤﺸﻲ ﻣﺜﻞ ﻣﻤﺸﻰ ﺍﻣﻚ ، ﻭﺗﺨﻮﻧـﻚ ، ﻣﺜﻞ ﻣﺎﺧﺎﻧﺘﻨﻲ ﺍﻣـﻚ ، ﺣﺮﺍﻡ ﻋﻠﻴﻚ ﺍﻟﺸﻴﺐ ﺧﺎﻁ ﺑﻮﺟﻬﻚ ﻭﺍﻧﺖ ﻣﺎﻋﻨﺪﻙ ﻋﻴﺎﻝ ﺍﻧـﺴــﺎﻡ ﻛﺎﻧﺖ ﺗﺴﻤﻊ ﻭﺗﺮﺟﻒ ، ﺩﺧﻠﺖ ﺑﺴﺮﻋﻪ ﻭﺍﺗﺠﻬﺖ ﻟﻐﺮﻑ ﺍﻟﺒﻨﺎﺕ ﻭﻓﺘﺤﺘﻬﺎ ﻭﺷﺎﻓﺖ ﺑﻨﺎﺕ ﻋﻤﻬﺎ " ﻭﻓﺎﺀ ﻭﺑﺸﺮﻯ " ﻛﺎﻧﺖ ﺑﺸﺮﻯ ﻻﺑﺴﻪ ﻛﻌﺐ ، ﻭﻭﻓﺎﺀ ﺗﻌﻠﻤﻬﺎ ﻛﻴﻒ ﺗﻤﺸﻲ ﻓﻴﻪ . ﺍﻧﺴﺎﻡ : ﻣﺮﺣﺒﺎ ﺑﻨﺎﺕ ﻭﻓﺎﺀ : ﻫﻼ ، ﺗﻜﻔﻴﻦ ﺗﻌﺎﻟﻲ ﻋﻠﻤﻴﻬﺎ ﻛﻴﻒ ﺗﻤﺸﻲ ﺑﺎﻟﻜﻌﺐ ، ﺯﻭﺍﺟﻬﺎ ﺑﻌﺪ ﻳﻮﻣﻴﻦ ﻭﻫﻲ ﻣﺎﺗﻌﺮﻑ ﺍﻧﺴﺎﻡ : ﻣﺎﻳﺒﻴﻠﻪ ، ﺍﻭﻗﻔﻲ ﺑﺈﺳﺘﻘﺎﻣﻪ ، ﻧﺎﻇﺮﻱ ﻟﻄﺮﻳﻘﻚ ﻻﺗﻨﺎﻇﺮﻳﻦ ﻟﺮﺟﻮﻟﻚ ﺑﺸﺮﻯ : ﺍﺣﺲ ﺍﻧﻲ ﻣﻮ ﻣﺘﻮﺍﺯﻧﻪ ، ﻭﺍﻓﻀﻴﺤﺘﺎﻩ ﺍﻧﺴﺎﻡ : ﻟﻴﺶ ﻓﻀﻴﺤﻪ ﺍﺫﺍ ﻣﺎﺗﺤﺒﻴﻨﻪ ﻣﻮ ﻣﺠﺒﻮﺭﻩ ﺗﻠﺒﺴﻴﻨﻪ ﺑﺸﺮﻯ ﻧﺰﻟﺖ ﺍﻟﻜﻌﺐ ﻭﺍﺑﺘﺴﻤﺖ : ﺻﺎﺩﻗﻪ ، ﻭﺵ ﺣﺎﺩﻧﻲ ، ﻳﺎﺯﻳﻦ ﺍﻟﺮﺍﺣﻪ ﺑﺲ ، ﻳﺎﺯﻳﻦ ﺍﻟﻔﻼﺕ ﻭﻓﺎﺀ : ﺑﺮﻭﺡ ﺍﺟﻴﺐ ﺍﻟﻘﻬﻮﻩ ﻃﻠﻌﺖ ﻟﻠﻤﻄﺒﺦ ﻭﺷﺎﻓﺖ ﻓﺎﺭﺱ ﻳﺸﺮﺏ ﻣﻮﻳﺎ ﻭﻛﺴﺮ ﺍﻟﻜﻮﺏ ﺑﻘﻮﻩ ، ﻭﺷﻬﻘﺖ ﻭﻓﺎﺀ : ﺑﺴﻢ ﺍﻟﻠﻪ ، ﻓﺎﺭﺱ ﺷﻔﻴﻚ ﻓﺎﺭﺱ ﻧﺰﻝ ﺷﻤﺎﻏﻪ ﻭﺩﺧﻞ ﺍﺻﺎﺑﻌﻪ ﺑﺸﻌﺮﻩ ، ﻭﻓﺎﺀ ﺧﺎﻓﺖ ﻣﻦ ﺷﻜﻠﻪ ﻭﺍﺿﺢ ﺍﻧﻪ ﻣﺴﺘﻮﻱ ﻣﻦ ﺍﻟﻘﻬﺮ ﻭﻋﺮﻓﺖ ﺍﻥ ﺍﺑﻮﻫﺎ ﺍﻟﺴﺒﺐ : ﻭﺵ ﺻﺎﺭ ؟ ﻓﺎﺭﺱ : ﺣﻠﻒ ﻳﻤﻴﻦ ﻣﺎﺍﺧﺬﻫﺎ ﻭﻓﺎﺀ : ﻣﻌﻠﻴﺶ ﻓﺎﺭﺱ ﻫﺪ ﻧﻔﺴﻚ ﻣﺼﻴﺮﻩ ﺑﻴﻠﻴﻦ ﺍﺫﺍ ﺷﺎﻓﻚ ﻓﺎﺭﺱ : ﻋﻨﺪﻛﻢ ﺍﺣﺪ ؟ ﻭﻓﺎﺀ : ﺍﻱ ﺍﻧﺴﺎﻡ ﻓﺎﺭﺱ ﺳﺒﻘﻬﺎ ﻟﻐﺮﻓﺘﻬﺎ ﻭﻫﻲ ﺗﺮﻛﺾ ﻭﺭﺍﻩ ﻭﺗﺘﺮﺟﺎﻩ ﻣﺎﻳﺴﻮﻱ ﺷﻲ ﻏﻠﻂ ، ﺩﻑ ﺍﻟﺒﺎﺏ ﺑﻘﻮﻩ ، ﺍﻧﺴﺎﻡ ﻟﻔﺖ ﺑﺴﺮﻋﻪ ﻟﻤﺎ ﺷﺎﻓﺘﻪ ﺗﺪﻭﺭ ﺣﺠﺎﺑﻬﺎ ﻟﻜﻦ ﺍﺳﺘﻮﻗﻔﻬﺎ ﺻﻮﺗﻪ : ﻻﺗﺘﻐﻄﻴﻦ ﻣﺎﺭﺍﺡ ﺍﻧﺎﻇﺮ ﻓﻴﻚ ﻭﻻ ﺣﺘﻰ ﺗﺸﺪﻳﻦ ﺍﻧﺘﺒﺎﻫﻲ ، ﻟﻜﻦ ﺍﺑﻌﻄﻴﻚ ﻧﺼﻴﺤﻪ ﻭﺍﻣﺸﻲ ، ﻻﺗﻘﻌﺪﻳﻦ ﺗﺮﺯﻳﻦ ﻭﺟﻬﻚ ﻋﻨﺪ ﺍﺑﻮﻱ ﻛﻞ ﻳﻮﻡ ﻋﺸﺎﻥ ﺗﻘﻨﻌﻴﻨﻪ ﺍﻧﻚ ﻣﺴﻜﻴﻨﻪ ، ﺍﺑﻮﻱ ﻳﺒﻲ ﻳﺪﺑﺴﻨﻲ ﻓﻴﻚ ، ﻟﻜﻦ ﻗﺴﻢ ﺑﺎﻟﻠﻪ ﻳﺎﺍﻧﺴﺎﻡ ﺍﻥ ﻭﺍﻓﻘﺘﻲ ﻟﺘﺸﻮﻓﻴﻦ ﺍﻟﻮﻳﻞ ، ﻭﺍﻟﻠﻪ ﻷﻃﻠﻊ ﺍﻟﻘﻬﺮ ﻛﻠﻪ ﻓﻴﻚ، ﻭﺍﺧﺬ ﺣﻖ ﺍﻣﻲ ﻣﻨﻚ ﺍﻧﺘﻲ ﺑﻤﺠﺮﺩ ﻣﻮﺍﻓﻘﺘﻚ ! ﻋﺎﺋﻠـﺔ ﻧﺎﺻﺮ ﺍﻟﻌﺒﺪﺍﻟﻠﻪ “ ﺍﺑﻮ ﻓﺎﺭﺱ " ﻣﻦ ﺯﻭﺟﺘﻪ ﺍﻷﻭﻟﻰ : ﻓـﺎﺭﺱ 32 ﺳﻨﻪ ﺳﻠﻤـﺎﻥ 30 ﺳﻨـﻪ ﻣﻦ ﺯﻭﺟﺘﻪ ﺍﻟﺜﺎﻧﻴﻪ ؛ ﺭﺍﻛﺎﻥ 25 ﺑﺸﺮﻯ 23 ﻭﻓﺎﺀ 20 ﺍﻧﺴـﺎﻡ ﻣﺼﺪﻭﻣﻪ ، ﺍﻧﻘﻬﺮﺕ ﻣﻦ ﻧﻔﺴﻬﺎ ﻛﺎﻧﺖ ﺭﺍﺣﻤﺘﻪ ﻭﺗﺪﻋﻲ ﺍﻥ ﺍﺑﻮﻩ ﻳﻮﺍﻓﻖ ﻋﻠﻰ ﺑﻨﺖ ﺧﺎﻟﺘﻪ ، ﻃﻠﻊ ﻫﺬﺍ ﺗﻔﻜﻴﺮﻩ ، ﺗﻐﻄﺖ ﺑﺴﺮﻋﻪ ﻭﻃﻠﻌﺖ ، ﻭﻓﺎﺀ ﻭﺑﺸﺮﻯ ﻳﻨﺎﺩﻭﻧﻬﺎ ﻭﻻ ﺭﺩﺕ ﻋﻠﻴﻬﻢ ، ﻃﻠﻌﺖ ﻣﻦ ﺍﻟﺒﻴﺖ ﻛﻠﻪ ﻭﺩﻣﻮﻋﻬﺎ ﺗﺴﺎﺑﻖ ﺧﻄﻮﺍﺗﻬﺎ ، ﻣﺎﺗﻮﻗﻌﺖ ﺍﻧﻬﺎ ﺑﺘﺘﻌﺮﺽ ﻟﻺﻫﺎﻧﻪ ﺑﻬﺎﻟﺸﻜﻞ ، ﻣﺎﺗﻮﻗﻌﺖ ﻳﺤﺴﺴﻮﻧﻬﺎ ﺍﻧﻬﺎ ﻋﺎﻟﻪ ﻋﻠﻰ ﻗﻠﻮﺑﻬﻢ . ﻭﻓﺎﺀ : ﻟﻴﺶ ﻛﺬﺍ ! ﻓﺎﺭﺱ ﺑﻌﺪﻡ ﺍﻫﺘﻤﺎﻡ : ﻋﺴﻰ ﻋﻤﺮﻫﺎ ﻣﺎﺭﺿﺖ ﺑﺸﺮﻯ : ﻓﺎﺭﺱ ﺗﺮﺍ ﻣﺎﻟﻬﺎ ﺫﻧﺐ ﻓﺎﺭﺱ : ﻣﺎﻟﻬﺎ ﺫﻧﺐ ؟ ﺍﺑﻮﻱ ﻟﻪ ﺳﺖ ﺳﻨﻴﻦ ﻳﻘﻮﻝ ﻣﺎﻟﻚ ﺍﻻ ﺍﻧﺴﺎﻡ ، ﻭﺍﻟﻴﻮﻡ ﺣﻠﻒ ﻳﻤﻴﻦ ، ﻋﺸﺎﻥ ﻳﻄﻴﺐ ﺧﺎﻃﺮﻱ ﻣﻦ ﺑﻨﺖ ﺧﺎﻟﺘﻲ ، ﻟﻜﻦ ﻭﺍﻟﻠﻪ ﻣﺎﻳﺼﻴﺮ ﺍﻟﻠﻲ ﺗﺒﻮﻧﻪ ﺑﺸﺮﻯ : ﻭﺵ ﺍﻟﻠﻲ ﻧﺒﻴﻪ ! ﻟﻴﺶ ﺗﺤﺲ ﺍﻧﻨﺎ ﻧﻜﺮﻫﻚ ﻭﻣﺎﻧﺒﻲ ﻟﻚ ﺍﻟﺨﻴﺮ ، ﺗﺮﺍ ﺍﻧﺖ ﺍﺧﻮﻧـﺎ ﻓﺎﺭﺱ : ﺍﻟﻠﻲ ﻳﻜﺮﻩ ﺍﻣﻲ ﺍﻛﺮﻫﻪ ، ﻭﻋﻤﺮﻱ ﻣﺎﺭﺍﺡ ﺍﻧﺴﻰ ﺍﻥ ﻋﻤﻲ ﻫﻮ ﺍﻟﻠﻲ ﻓﻀﺢ ﺍﻣﻲ ، ﻭﺍﻟﻠﻪ ﻣﺎﺍﻧﺴـﻰ ! ، *🌻ــــــــــ #يتبــع👇ـــــــــــ🌻* 💛  @ahgeel✏️💛🌼 🍃💛 💛🍃💛i 🍃💛🍃💛i 💛🍃💛🍃💛i