الفصل 1
💛🍃💛🍃💛
🍃💛🍃💛
💛🍃💛
🍃💛
💛📖 @ahgeel 📖💛*
📖 روايـــــــــــــة ✍🏼
{ #في_حكيها_لذه_وفي_صمتها_موت_فيها_الجمال_وصادق_الحب_فيني}
*🌻ــــــــــــــــــــــــــــــــــ🌻*
..ـ
🔮 #البارت_1
ـ ...
ـ ..
ﺑﻤﻜـﺎﻥ ﺑﻌﻴﺪ ﻋﻦ ﺍﻟﻤﺪﻳﻨﻪ ﻭﺍﺯﻋﺎﺟﻬﺎ ، ﺑﻤﻜﺎﻥ ﻛﻠﻪ ﺯﺭﻉ ﻭﻭﺭﺩ ﻣﻨﻈﺮﻩ ﻣُﺮﻳﺢ ﻟﻠﻌﻴﻦ ، ﺍﻟﻬﻮﺍﺀ ﺍﻟﻌﻠﻴﻞ ﻳﺸﺮﺡ ﺍﻟﻘﻠﺐ ﻭﻳﺒﺮﻱ ﺍﻟﻨﻔﺲ
ﻣﻦ ﻛﻞ ﺿﻴﻖ ﻭﻫﻢّ ، ﻛﺎﻧﺖ ﺟﺎﻟﺴﻪ ﻓﻮﻕ ﺍﻟﺠﺒﻞ ﻭﺗﻨﺎﻇﺮ ﺗﺤﺘﻬﺎ ﻟﺠﻤﺎﻝ ﺍﻟﺒﺴﺎﻃﻪ ﺍﻟﻠﻲ ﻋﺎﻳﺸﻴﻦ ﻓﻴﻬﺎ ، ﻭﺍﻟﻄﺒﻴﻌﻪ ﺍﻟﺠﻤﻴﻠﻪ
ﻭﺍﻟﻐﻴﻮﻡ ﺍﻟﻠﻲ ﺗﺠﻴﺐ ﺍﻟﺴﻌﺎﺩﻩ ﺑﻤﺠﺮﺩ ﺍﻟﻨﻈﺮ ﻟﻬﺎ ، ﻛﻴﻒ ﺍﺫﺍ ﺍﻣﻄﺮﺕ ﻭﺭﺷﺖ ﺍﻟﺨﻴﺮ ﺑﻜﻞ ﻣﻜﺎﻥ .
ﻃﻠﻌﺖ ﺍﻣّﻬﺎ ﻣﻦ ﺍﻟﺨﻴﻤﻪ ﻭﺍﺷّﺮﺕ ﻟﻬﺎ ﻭﺑﺼﻮﺕ ﻋﺎﻟﻲ : ﻋـﺰُﻭﻑ ، ﺗﻌﺎﻟـﻲ ﺍﺣﻠﺒﻲ ﺍﻟﻨﺎﻗﻪ ﻋﻨﻲ ، ﺗﺮﺍ ﺗﻌﺒﺖ
ﻋﺰﻭﻑ ﻣﺎﺳﻤﻌﺘﻬﺎ ﻭﺻﺮﺧﺖ : ﻫــﺎﻩ ﻭﺷـﻮ ؟
ﺍﻣﻬﺎ : ﺍﻗﻮﻝ ﺗﻌﺎﻟﻲ ﺍﺣﻠﺒﻲ ﺍﻟﻨﺎﻗﻪ ، ﻃﺎﺣﻦ ﺍﻳﺪﻳﻨﻲ
ﻋﺰﻭﻑ ﻗﺎﻣﺖ ﻭﻧﻔﻀﺖ ﺍﻟﺘﺮﺍﺏ ﻋﻦ ﻟﺒﺴﻬﺎ ﻭﻧﺰﻟﺖ ﺑﺤﺬﺭ ﻣﻦ ﺍﻟﺠﺒﻞ ﻭﺍﺗﺠﻬﺖ ﻟﻠﻨﺎﻗﻪ ﺟﻠﺴﺖ ﻋﻨﺪﻫﺎ ﻭﺑﺪﺕ ﺗﺤﻠﺒﻬﺎ ﻭﺗﻨﺪﺏ
ﺣﻈﻬﺎ : ﺍﻳﻴﻪ ﻳﺎﻋﺰﻭﻑ ﻣﺎﻟﺖ ﻋﻠﻴﻚ ﻭﻋﻠﻰ ﺣﻈﻚ ﺍﻟﻨﺎﺱ ﺳﺮﺩﺍﺩﻱ ﻣﺮﺩﺍﺩﻱ ﺑﺎﻟﻜُﺮﻩ ﺍﻻﺭﺿﻴﻪ ﻭﺍﻧﺘﻲ ﺑﺎﻟﺒﺮ ﺗﺤﻠﺒﻴﻦ ، ﻳﺎﻟﻠﻪ ﻟﻚ
ﺍﻟﺤﻤﺪ ﻋﻠﻰ ﺍﻟﻌﺎﻓﻴﻪ
ﺧﻠﺼﺖ ﻭﻗﺎﻣﺖ ﻭﺍﺗﺠﻬﺖ ﻟﻠﺨﻴﻤﻪ ﻛﺎﻥ ﺍﺑﻮﻫﺎ ﺟﺎﻟﺲ ﻭﺍﻳﺪﻩ ﺍﻟﻤﺘﺠﻌﺪﻩ ﻣﺎﺳﻜﻪ ﺭﺍﺩﻳﻮ ﺻﻐﻴﺮ ﻭﻳﺴﻤﻊ ﻗﺮﺁﻥ ﻭﻳﺤﺎﻭﻝ ﻳﺤﻔﻆ ﻟﻪ
ﻛﻢ ﺍﻳﻪ .
ﺟﻠﺴﺖ ﺟﻨﺒﻪ ﻭﺍﻧﺘﻈﺮﺗﻪ ﻟﻴﻦ ﺧﻠﺺ ﻭﻗﺎﻟﺖ ﺗﺘﺼﻨﻊ ﺍﻟﺰﻋﻞ : ﺍﻟﺤﻴﻦ ﻣﻮ ﺍﻧﺎ ﻗﺎﻳﻠﺘﻠﻚ ﺧﻠﻨﻲ ﺍﺣﻔﻈﻚ ﺍﻟﻘﺮﺍﻥ ؟
ﺍﺑﻮﻫﺎ : ﺍﺣﻔﻆ ﻣﻨﻚ ﻭﻣﻦ ﺍﻟﺮﺍﺩﻭ ، ﻭﻳﻦ ﺍﻟﻤﺸﻜﻠﻪ
ﻋﺰﻭﻑ : ﺍﻟﺤﻴﻦ ﺍﺑﻲ ﺍﺳﺄﻟﻚ ﻳﺒﻪ ﻟﻴﺶ ﻣﺴﻤﻴﻨﻲ ﻋﺰﻭﻑ ؟
ﺍﺑﻮﻫﺎ ﺳﻜﺖ ﺷﻮﻱ ﻭﺭﺩ : ﻟﻴﻪ ﻋﻼﻣﻪ ﺍﺳﻤﻚ ؟
ﻋﺰﻭﻑ : ﺍﻛﺮﻫﻪ ، ﻣﺎﺣﺒﻪ ، ﻟﻴﺶ ﻣﺎﺳﻤﻴﺘﻮﻧﻲ ﺳﺮﻭﺭ ، ﻭﻻ ﺣﻴﺎﻩ ، ﻭﻻ ﺳﻌﺎﺩﻩ ، ﻳﻤﻜﻦ ﻳﻜﻮﻥ ﻟﻲ ﻣﻨﻬﻢ ﺍﺳﻤﻲ ﻧﺼﻴﺐ
ﺍﺑﻮﻫﺎ : ﻭﻋﺰﻭﻑ ﻣﺎﺻﺎﺭ ﻟﻚ ﻣﻨﻬﻢ ﻧﺼﻴﺐ
ﻋﺰﻭﻑ : ﺍﺻﻼً ﻣﺎﻟﻪ ﻣﻌﻨﻰ ، ﺑﺲ ﻭﺵ ﻃﺎﺭﻱ ﻋﻠﻴﻜﻢ ﻳﻮﻡ ﺳﻤﻴﺘﻮﻧﻲ ﻛﺬﺍ
ﺗﻐﻴﺮﺕ ﻣﻼﻣﺤﻪ ﻭﻗﺎﻝ ﻳﺼﺮﻑ ﺍﻟﻤﻮﺿﻮﻉ : ﺗﺠﻬﺰﻭﺍ ﻋﺸﺎﻥ ﻧﺮﺟﻊ ﻟﺒﻴﺘﻨﺎ
ﻋﺰﻭﻑ : ﻳﻮﻭﻩ ﻣﺎﻟﻲ ﺧﻠﻖ ﺍﺷﻮﻑ ﺍﺧﻮﺍﻧﻲ ، ﻗﺎﻫﺮﻳﻨﻲ
ﺍﺑﻮﻫﺎ : ﻟﻴﺶ ؟
ﻋﺰﻭﻑ : ﻣﺎﻋﻨﺪﻫﻢ ﺳﺎﻟﻔﻪ ﺍﻻ ﺍﻧﺎ، ﻳﺎﻟﺴﺎﻗﻄﻪ ﻳﺎﻟﺮﺍﺳﺒﻪ ﻳﺎﺭﺍﻋﻴﺔ ﺍﻟﻐﻨﻢ ﻭﺍﻻﺑﻞ
ﺍﺑﻮﻫﺎ : ﻣﺎﻋﻠﻴﻚ ﻣﻨﻬﻢ ، ﻭﺍﻟﻠﻪ ﺍﻧﻚ ﺍﺭﺟﻞ ﻣﻨﻬﻢ
ﻋﺰﻭﻑ : ﻫﺬﻱ ﻣﺪﺣﻪ ﻭﻻ ﺳﺒﻪ
ﺍﻡ ﻋﺰﻭﻑ ﺩﺧﻠﺖ ﻭﻫﻲ ﺳﺎﻣﻌﻪ ﻛﻼﻣﻬﻢ : ﺍﻛﻴﺪ ﺳﺒﻪ، ﻭﻻ ﻫﺬﺍ ﺷﻜﻞ ﺑﻨﺖ ؟ ﺗﺎﺭﻛﻪ ﺩﺭﺍﺳﺘﻬﺎ ﻭﺳﺎﺭﺣﻪ ﺑﺎﻟﺒﺮﺍﻥ
ﻋﺰﻭﻑ : ﻋﺎﺩ ﺍﻟﻠﻪ ﺧﻠﻘﻨﻲ ﻛﺬﺍ
ﺍﺑﻮ ﻋﺰﻭﻑ : ﻋﻼﻣﻚ ﻋﻠﻰ ﺑﻨﺘﻚ
ﺍﻡ ﻋﺰﻭﻑ : ﺍﺑﻲ ﻟﻬﺎ ﺍﻷﻓﻀﻞ ، ﺍﺑﻴﻬﺎ ﺗﺘﺴﻨﻊ ﻭﺗﺼﻴﺮ ﺯﻱ ﺍﻟﻨﺎﺱ ، ﺳﺎﻗﻄﻪ ﺛﻼﺙ ﻣﺮﺍﺕ ﻭﻋﻨﺪﻫﺎ ﺍﺧﺘﺒﺎﺭ ﻳﻮﻡ ﺍﻻﺣﺪ ، ﻭﺟﺎﻳﻪ ﻟﻠﺒﺮ
ﺗﺤﻠﺐ ﻭﺗﺮﻋﻰ
ﻋﺰﻭﻑ ﺣﻄﺖ ﺍﻳﺪﻫﺎ ﻋﻠﻰ ﺧﺼﺮﻫﺎ ﻭﻗﺎﻟﺖ ﺑﺰﻋﻞ : ﻭﺑﻌﺪﻳﻦ ﻣﻊ ﻫﺎﻟﻤﻮﺿﻮﻉ ؟ ﺍﺗﻮﻗﻊ ﺍﻧﺎ ﺍﺩﺭﻯ ﺑﻤﺼﻠﺤﺔ ﻧﻔﺴﻲ ، ﺍﻧﺎ ﺍﺟﻲ
ﻣﻌﺎﻛﻢ ﻋﺸﺎﻥ ﺍﺳﺎﻋﺪﻛﻢ ، ﻷﻧﻲ ﺍﺧﺎﻑ ﻋﻠﻴﻜﻢ
ﺍﺑﻮﻫﺎ : ﻛﻔﻮ ﺑﻨﻴﺘﻲ ، ﻫﺬﺍ ﺍﻟﻌﺸﻢ
ﻋﺰﻭﻑ : ﻛﻔﻮﻙ ﺍﻟﻄﻴﺐ ، ﻳﺎﻟﻠﻪ ﺑﻨﺮﺟﻊ
ﻃﻠﻌﺖ ﻫﻲ ﻭﺍﺑﻮﻫﺎ ﻭﻋﻄﺎﻫﺎ ﻣﻔﺘﺎﺡ ﺍﻟﺴﻴﺎﺭﻩ ﻭﺷﻐﻠﺘﻬﺎ ﻭﺭﻛﺐ ﺟﻨﺒﻬﺎ ، ﻭﺍﻣﻬﺎ ﺗﻨﻬﺪﺕ ﻋﻠﻰ ﺣﺎﻟﻬﺎ : ﻭﻟﺪ ﻣﻮ ﺑﻨﺖ ، ﺍﻟﻠﻪ ﻳﻬﺪﻳﻬﺎ .
ﺭﺍﺣﺖ ﻭﺭﻛﺒﺖ ﻣﻌﺎﻫﻢ ﻭﺷﻐﻠﺖ ﺍﻟﺴﻴﺎﺭﻩ ﻋﺰﻭﻑ ﻭﻣﺸﺖ ﺑﻬﺪﻭﺀ ﻟﻴﻦ ﻭﺻﻠﺖ ﻟﻠﺨﻂ ﺍﻟﺴﺮﻳﻊ ، ﻭﻣﺸﺖ ﺁﺧﺮ ﺳﺮﻋﻪ ﻭﺍﻣﻬﺎ ﺻﺮﺧﺖ
ﺧﺎﻳﻔﻪ : ﻳﺎﺑﻨــﺖ ، ﻫﺪﻱ ، ﻻﺗﺠﻴﺒﻴﻦ ﺧﺒﺮﻧﺎ ﻳﺎﻗﻠﻴﻠﺔ ﺍﻷﺩﺏ
ﻋﺰﻭﻑ ﻫﺪﺕ ﺍﻟﺴﺮﻋﻪ ﻭﻗﺎﻟﺖ ﺑﻀﺠﺮ : ﻻﺣﻮﻝ ﻭﻻ ﻗﻮﺓ ﺍﻻ ﺑﺎﻟﻠﻪ ، ﻳﻤﻪ ﺧﻠﻴﻨﻲ ﺍﻣﺎﺭﺱ ﻫﻮﺍﻳﺘﻲ ﺍﻟﻤﻔﻀﻠﻪ ، ﺍﺣﻤﺪﻱ ﺭﺑﻚ
ﻣﺎﺩﺧﻠﺘﻚ ﺑﺎﻟﻄﻌﻮﺱ ﻭﻭﺭﻳﺘﻚ ﺍﻟﺘﻔﺤﻴﻂ ﻋﻠﻰ ﺍﺻﻮﻟﻪ
ﺍﺑﻮﻫﺎ : ﻛﻔﻮ ﺑﻨﻴﺘﻲ ﻛﻔﻮ ، ﻃﻴﺮﻱ ﻻﻳﻮﻗﻔﻚ ﺍﻻ ﺑﻴﺘﻨﺎ
ﻋﺰﻭﻑ : ﺍﻟﻠﻪ ﻻﻳﺤﺮﻣﻨﻲ ﻣﻦ ﺗﻌﺰﻳﺰﻙ
ﺷﺎﻓﻮﺍ ﺩﻭﺭﻳﻪ ﻭﺍﻟﻀﺎﺑﻂ ﻭﺍﻗﻒ ﻭﺃﺷﺮ ﻟﻬﺎ ﺗﻮﻗﻒ ، ﻭﻭﻗﻔﺖ ﻋﻨﺪﻩ ﻭﻣﺎﻧﺎﻇﺮﺕ ﻓﻴﻪ .
ﺍﻟﻀﺎﺑﻂ : ﺍﻟﺮﺧﺼﻪ ﻟﻮ ﺳﻤﺤﺘﻲ
ﻋﺰﻭﻑ ﻧﺎﻇﺮﺕ ﻟﻠﻤﺮﺍﻳﺎ ﻭﻋﺪﻟﺖ ﻧﻘﺎﺑﻬﺎ ﻭﻋﺼﺐ ﺍﻟﻀﺎﺑﻂ : ﻗﻠﺖ ﺍﻟﺮﺧﺼﻪ
ﻧﺎﻇﺮﺕ ﻓﻴﻪ ﺑﻨﺺ ﻋﻴﻦ : ﻃﻴﺐ ﻻﺗﺼﺎﺭﺥ ، ﻣﺎﻣﻌﻲ ﺭﺧﺼﻪ
ﺍﻟﻀﺎﺑﻂ : ﻣﺎﻣﻌﻚ ﻭﺗﺴﻮﻗﻴﻦ ، ﺍﻧﺰﻟﻲ ﺑﺴﺮﻋﻪ
ﺍﺑﻮ ﻋﺰﻭﻑ ﻣﺪ ﻟﻪ ﺭﺧﺼﺘﻪ : ﻋﻴّﻦ ﺧﻴﺮ ﻳﺎﻭﻟﺪﻱ ﻫﺬﻱ ﺭﺧﺼﺘﻲ ﻭﺑﻨﺘﻲ ﺍﻧﺎ ﺗﻌﺒﺎﻥ ﻭ ﺳﺎﻣﺢ ﻟﻬﺎ ﺗﺴﻮﻕ ﻋﻨﻲ
ﺍﻟﻀﺎﺑﻂ : ﺑﺼﻔﺘﻚ ﺍﻳﺶ ﺗﺴﻤﺢ ﻟﻬﺎ ، ﺍﻟﻨﻈﺎﻡ ﻧﻈﺎﻡ ﻭﻣﻀﻄﺮﻳﻦ ﻧﻌﻄﻴﻚ ﻣﺨﺎﻟﻔﻪ
ﻛﺘﺐ ﻟﻬﺎ ﺍﻟﻤﺨﺎﻟﻔﻪ ﻭﺭﺯﻫﺎ ﺑﻮﺟﻬﻬﺎ ﻭﺍﺧﺬﺗﻬﺎ ﻣﻜﺸﺮﻩ : ﻳﺎﻟﻠﻪ ﺗﺒﻲ ﺷﻲ ﺑﻌﺪ ؟
ﺍﻟﻀﺎﺑﻂ : ﺍﻗﻮﻝ ﺍﻧﺰﻟﻲ ﻻﻧﺰﻟﻚ ﺑﺎﻟﺴﺠﻦ
ﺍﻡ ﻋﺰﻭﻑ : ﻳﺎﻓﺸﻠﺘﻨﺎ ﻋﻨﺪ ﺍﻟﻨﺎﺱ ، ﻳﺎﺑﻨﺖ ﺍﻧﺰﻟﻲ
ﻋﺰﻭﻑ : ﻃﻴﺐ ﺗﻜﻔﻰ ﻳﺎﺿﺎﺑﻂ ﺑﻴﺘﻨﺎ ﻗﺮﻳﺐ ﺧﻠﻨﻲ ﺍﻛﻤﻞ ﻟﻪ ﺗﻜﻔﻰ ، ﺍﻧﺨﺎﻙ
ﺍﻟﻀﺎﺑﻂ ﺳﻜﺖ ﻭﻛﻤﻠﺖ ﻋﺰﻭﻑ : ﺗﻜﻔﻰ ﻳﺎ
ﻧﺎﻇﺮﺕ ﻷﺳﻤﻪ ﺍﻟﻠﻲ ﻋﻠﻰ ﺑﺪﻟﺘﻪ ﻭﻛﻤﻠﺖ : ﻳﺎﻓﺎﺭﺱ ، ﺗﻜﻔﻰ !
ﻓﺎﺭﺱ ﺷﺎﻑ ﺍﺑﻮﻫﺎ ﻭﺣﻦ ﻋﻠﻴﻪ ﻭﺍﺿﺢ ﺍﻧﻪ ﻓﻌﻼً ﺗﻌﺒﺎﻥ ﻭﺍﻧﻬﻢ ﻣﻌﺘﻤﺪﻳﻦ ﻋﻠﻰ ﺑﻨﺘﻬﻢ ﻗﺎﻝ ﺑﻬﺪﻭﺀ : ﺗﻮﻛﻠﻲ ﻋﻠﻰ ﺍﻟﻠﻪ ﻭﺍﻧﺘﺒﻬﻲ
ﻣﺸﺖ ﻋﺰﻭﻑ ﻟﻴﻦ ﻭﺻﻠﺖ ﻟﻠﺒﻴﺖ ﻭﻧﺰﻟﺖ ﻭﻛﺎﻥ ﺍﺧﻮﻫﺎ " ﺍﻧـﺲ " ﻭﺍﻗﻒ ﻋﻨﺪ ﺍﻟﺒﺎﺏ ﻭﻋﺼﺐ ﻟﻤﺎ ﺷﺎﻓﻬﺎ ﺗﺴﻮﻕ ، ﺍﻧﺘﻈﺮﻫﺎ ﻟﻴﻦ
ﺗﻨﺰﻝ ﻭﺭﺍﺡ ﻟﻬﺎ ﻭﻛﺎﻥ ﻣﻌﺎﻩ ﻋﺼﺎ ﻭﺿﺮﺑﻬﺎ ﺑﻘﻮﻩ ﻭﺷﻬﻘﺖ : ﺁﺧﺨﺦ ﻳﺎﺣﻴﻮﺍﻥ
ﺍﻧﺲ : ﻛﻢ ﻣﺮﻩ ﻗﻠﺘﻠﻚ ﻻﺗﺴﻮﻗﻴﻦ
ﻋﺰﻭﻑ ﺳﺤﺒﺖ ﻣﻨﻪ ﺍﻟﻌﺼﺎ ﻭﺿﺮﺑﺘﻪ ﻭﻫﺮﺏ ، ﻭﺻﺮﺧﺖ : ﻛﻴﻔﻲ ﻣﺎﻟﻚ ﺷﻐﻞ ، ﻭﻗﺢ
ﺩﺧﻞ ﺍﻧﺲ ﻟﻠﺒﻴﺖ ﻭﺩﺧﻠﺖ ﻭﺭﺍﻩ ﻋﺰﻭﻑ ﻣﻌﺼﺒﻪ : ﺍﻭﺭﻳﻚ ﻣﺴﻮﻱ ﻧﻔﺴﻚ ﺭﺟﺎﻝ ﻋﻠﻲ ، ﻫﻴﻦ
ﺷﻤﺖ ﺭﻳﺤﺔ ﻃﺒﺦ ﻭﺍﻧﺴﺪﺕ ﻧﻔﺴﻬﺎ : ﻋﺮﻳـﺐ ، ﻭﺵ ﻃﺎﺑﺨﻪ ؟
ﻋﺮﻳﺐ : ﺍﻧﺪﻭﻣﻲ
ﻋﺰﻭﻑ : ﻫﺬﺍ ﺍﻟﻠﻲ ﺷﺎﻃﺮﻩ ﻓﻴﻪ
ﻋﺮﻳﺐ : ﺍﺟﻞ ﺗﺒﻴﻨﻲ ﻣﺜﻠﻚ ﺍﻗﺸﺮ ﺫﺑﺎﻳﺢ ، ﻻﺣﺒﻴﺒﺘﻲ ﺍﻧﺎ ﺑﻨﺖ ﻣﻮ ﻗﺼﺎﺏ
ﻋﺰﻭﻑ : ﻟﻴﺘﻚ ﻣﺜﻠﻲ ﺑﺲ ﺗﺒﻄﻴﻦ
ﻋﺮﻳﺐ ﻃﻠﻌﺖ :ﺍﻗﻮﻝ ﺑﺮﻭﺡ ﺍﺫﺍﻛﺮ ﺍﻓﻀﻞ ﻟﻲ ، ﺍﺧﺎﻑ ﺍﺭﺳﺐ ﻣﺜﻞ ﺑﻌﺾ ﺍﻟﻨﺎﺱ ﺍﻟﻠﻪ ﻻﻳﻘﻮﻟﻬﺎ
ﻋﺰﻭﻑ :ﻳﻘﺎﻟﻚ ﺑﺘﻘﻬﺮﻳﻨﻲ ﺍﻟﺤﻴﻦ ، ﺍﻱ ﺩﻭﻧﺖ ﻛﻴﺮ ﻭﺍﻟﻠﻪ ..
*🌻ــــــــــ #يتبــع👇ـــــــــــ🌻*
💛 @ahgeel✏️💛🌼
🍃💛
💛🍃💛i
🍃💛🍃💛i
💛🍃💛🍃💛i