الفصل 2
💛🍃💛🍃💛
🍃💛🍃💛
💛🍃💛
🍃💛
💛📖 @ahgeel 📖💛*
📖 روايـــــــــــــة ✍🏼
{ #في_حكيها_لذه_وفي_صمتها_موت_فيها_الجمال_وصادق_الحب_فيني}
*🌻ــــــــــــــــــــــــــــــــــــــــــ🌻*
..ـ
🔮 #البارت_2
ـ ...
ـ ..
ﻋﺮﻳﺐ : ﺍﻧﺘﻲ ﺍﻛﺒﺮ ﻣﻨﻲ ﻭﺗﺪﺭﺳﻴﻦ ﺛﻨﻮﻱ ﻭﺍﻧﺎ ﺟﺎﻣﻌﻪ ، ﻳﺎﺭﺑﻲ ﻻﺗﺒﻼﻧﺎ ﺑﻨﻔﻮﺳﻨﺎ ﻭﻻ ﺑﻌﻴﺎﻟﻨﺎ ﺑﻌﺪﻳﻦ
ﻋﺰﻭﻑ : ﺍﻱ ﺩﻭﻧﺖ ﻛﻴﺮ ﻛﻴﺮ ﻛﻴﺮ ، ﺗﺼﺒﺤﻮﻥ ﻋﻠﻰ ﺧﻴﺮ
ﻋﺎﺋﻠـﺔ ﻓﺎﻳﺰ ﺍﺑﻮ ﻋﺰﻭﻑ ؛
ﻋﺰﻭﻑ 22 ﺳﻨـﻪ
ﻋﺮﻳـﺐ 20
انس 18
ﻳﻮﻡ ﺍﻷﺣﺪ ﺍﻟﺴﺎﻋﻪ 7:30 ﺍﻟﺼﺒﺢ ؛
ﻛﺎﻧﻮﺍ ﺟﺎﻫﺰﻳﻦ ﺍﻧﺲ ﻭﻋﺮﻳﺐ ﻭﻳﻨﺘﻈﺮﻭﻥ ﻋﺰﻭﻑ ، ﺗﺄﺧﺮﺕ ﻋﻠﻴﻬﻢ ﻭﻫﺬﺍ ﻃﺒﻌﻬﺎ ﻛﻞ ﻳﻮﻡ ، ﺗﻨﺎﻡ ﻵﺧﺮ ﻟﺤﻈﻪ ﻭﺗﺠﻬﺰ ﻧﻔﺴﻬﺎ
ﺑﺨﻤﺲ ﺩﻗﺎﻳﻖ ، ﻛﺎﻧﻮﺍ ﻭﺍﻗﻔﻴﻦ ﻋﻠﻰ ﻧﺎﺭ ﻭﻳﻨﺘﻈﺮﻭﻧﻬﺎ ، ﻧﺰﻟﺖ ﺑﺨﻄﻮﺍﺕ ﺛﻘﻴﻠﻪ ﺷﺎﻳﻠﻪ ﺷﻨﻄﺘﻬﺎ ﻋﻠﻰ ﻇﻬﺮﻫﺎ ﻭﺗﺴﻜﺮ ﺍﺯﺍﺭﻳﺮ
ﻣﺮﻳﻮﻟﻬﺎ ، ﻭﺷﻌﺮﻫﺎ ﻣﻔﺘﻮﺡ ﻭﺍﻟﺒﻜﻠﻪ ﺑﻔﻤﻬﺎ ، ﺭﺑﻄﺘﻪ ﻓﻮﻕ ﺑﻬﺪﻭﺀ ﻳﻨﺮﻓﺰ .
ﻋﺮﻳﺐ ﻋﺼﺒﺖ : ﺗﺄﺧﺮﺕ ﻋﻠﻰ ﺍﺧﺘﺒﺎﺭﻱ ﻳﺎﺣﻴﻮﺍﻧﻪ !
ﺍﻧﺲ : ﺗﺮﺍ ﺍﻗﺴﻢ ﺑﺎﻟﻠﻪ ﺍﺳﺤﺐ ﻋﻠﻴﻚ ﻭﺍﻣﺸﻲ
ﻋﺰﻭﻑ : ﻟﺤﻈﻪ ، ﻧﺴﻴﺖ ﺍﺧﺬ ﻗﻠﻤﻲ
ﺭﺟﻌﺖ ﻟﻐﺮﻓﺘﻬﺎ ، ﻋﺮﻳﺐ ﻭﺃﻧﺲ ﻭﺻﻠﻮﺍ ﻟﻤﺮﺣﻠﻪ ﻣﺎﺗﻨﻮﺻﻒ ﻣﻦ ﺍﻟﻘﻬﺮ ، ﻃﻠﻌﻮﺍ ﻣﻦ ﺍﻟﺒﻴﺖ ﻧﺎﻭﻳﻦ ﻳﻤﺸﻮﻥ ﻭﻳﺘﺮﻛﻮﻧﻬﺎ .
ﻭﻗﻔﻮﺍ ﻋﻨﺪ ﺍﻟﺴﻴﺎﺭﻩ ، ﺍﻧﺲ ﻳﺪﻭﺭ ﺍﻟﻤﻔﺘﺎﺡ ﻣﺎﻟﻘﺎﻩ ، ﺳﻤﻌﻮﺍ ﺻﻮﺕ ﺍﻟﺒﺎﺏ ﻳﺘﺴﻜﺮ ، ﻭﺧﻄﻮﺍﺕ ﻋﺰﻭﻑ ﺗﻘﺮﺏ ﻟﻬﻢ ، ﺍﻟﺘﻔﺘﻮﺍ ﻟﻬﺎ ،
ﻭﻟﻮّﺣﺖ ﻟﻬﻢ ﺑﻤﻔﺘﺎﺡ ﺍﻟﺴﻴﺎﺭﻩ : ﺗﺪﻭﺭﻭﻥ ﻫﺬﺍ ؟ ﻛﻨﺖ ﻋﺎﺭﻓﻪ ﺍﻧﻜﻢ ﺧﺎﻳﻨﻴﻦ .
ﺭﻛﺒﻮﺍ ﻭﺃﻧﺲ ﻭﺻﻞ ﻋﺰﻭﻑ ﻟﻤﺪﺭﺳﺘﻬﺎ ، ﻧﺰﻟﺖ ﻭﻭﻗﻔﺖ ﻟﻠﺒﺎﺏ ﻗﻠﺒﻬﺎ ﻳﺮﺟﻒ ﻛﺎﻟﻌﺎﺩﻩ ﻭﻛﻞ ﻣﺎﺗﺘﺬﻛﺮ ﺍﻧﻬﺎ ﺑﺘﻘﺎﺑﻞ ﺑﻨﺎﺕ ﺍﺻﻐﺮ ﻣﻨﻬﺎ
ﺑﻜﺜﻴﺮ ، ﺻﺤﻴﺢ ﺍﻥ ﺷﻜﻠﻬﺎ ﺻﻐﻴﺮ ﻭﻣﺎﻳﻮﺣﻲ ﺍﻥ ﻋﻤﺮﻫﺎ 22 ، ﻟﻜﻦ ﺗﺒﻘﻰ ﻏﺼﻪ ﺑﻘﻠﺒﻬﺎ ﺍﺫﺍ ﺗﺬﻛﺮﺕ ﺍﻥ ﺍﻟﺒﻨﺎﺕ ﺍﻟﻠﻲ ﻛﺒﺮﻫﺎ ﻋﻠﻰ
ﻣﺸﺎﺭﻑ ﺗﺨﺮﺝ ، ﻭﻫﻲ ﻟﻠﺤﻴﻦ ﺗﺮﺳﺐ ﻭﺗﺤﻤﻞ ﻭﺗﻌﻴﺪ ..
ﺗﺴﻠﺤﺖ ﺑﺎﻟﻘﻮّﻩ ﻭﺭﺳﻤﺖ ﻗﻨﺎﻉ ﺍﻟﺸﺮ ﻋﻠﻰ ﻭﺟﻬﻬﺎ ﻭﺩﺧﻠﺖ ، ﻧﺰﻟﺖ ﻋﺒﺎﻳﺘﻬﺎ ﻭﻟﺒﺴﺖ ﺷﻨﻄﺘﻬﺎ ﻋﻠﻰ ﻇﻬﺮﻫﺎ ﻭﺩﺧﻠﺖ ﺑﻜﻞ ﺛﻘﻪ .
ﻛﺎﻧﺖ ﺍﻟﻤﺪﻳﺮﻩ ﻭﺍﻗﻔﻪ ﻋﻨﺪ ﺍﻟﺒﻮﺍﺑﻪ ﻭﺟﻨﺒﻬﺎ ﻣﻌﻠﻤﺎﺕ ﻳﻔﺘﺸﻮﻥ ﺍﻟﻄﺎﻟﺒﺎﺕ، ﺍﻧﺘﻈﺮﺕ ﻟﻴﻦ ﺟﺎﺀ ﺩﻭﺭﻫﺎ ﻭﻓﺘﺸﻮﻫﺎ ﺑﻀﻤﻴﺮ ﻭﺻﺮﺧﺖ
ﺍﻟﻤﺪﻳﺮﻩ ﻧﺎﻇﺮﺕ ﻷﻳﺪﻳﻦ ﻋﺰﻭﻑ : ﻭﺵ ﻫـﺬﺍ
ﺭﻓﻌﺖ ﺍﻳﺪﻳﻨﻬﺎ ﻋﺰﻭﻑ : ﻭﺷﻮ ؟
ﺍﻟﻤﺪﻳﺮﻩ : ﺑﺮﺍﺷﻴﻢ !
ﻋﺰﻭﻑ : ﻭﺧﻴﺮ ﻳﺎﻃﻴﺮ ﺍﻭﻝ ﻣﺮﻩ ﺗﺸﻮﻓﻴﻦ ﺑﺮﺍﺷﻴﻢ ؟
ﺍﻟﻤﺪﻳﺮﻩ ﺭﻓﻌﺖ ﻋﺼﺎﻫﺎ ﺑﺘﻀﺮﺑﻬﺎ ﻭﺭﺟﻌﺖ ﻋﺰﻭﻑ ﺧﻄﻮﺗﻴﻦ : ﻻﻻ ، ﺍﻻ ﺍﻟﻀﺮﺏ ، ﺗﺮﺍ ﻣﻤﻨﻮﻉ
ﺍﻟﻤﺪﻳﺮﻩ : ﻭﺭﺍﻓﻌﻪ ﺍﻛﻤﺎﻣﻚ ﺑﻜﻞ ﺛﻘﻪ ﺑﻌـﺪ !
ﻋﺰﻭﻑ : ﻳﺎﺑﻨﺖ ﺍﻟﺤﻼﻝ ﺍﻧﺎ ﺭﺍﺳﺒﻪ ﻣﺮﺗﻴﻦ ﺑﺎﻟﻤﺘﻮﺳﻄﻪ ، ﻭﻣﺮﻩ ﻫﻨﺎ ، ﺧﻠﻴﻨﻲ ﺍﻧﺠﺢ ﺗﻜﻔﻴﻦ ﺍﺑﻲ ﺍﻓﺮﺡ ﻗﻠﺐ ﺍﻣﻲ ﻭﺍﺑﻮﻱ
ﺍﻟﻤﺪﻳﺮﻩ : ﻓﺮﺣﻲ ﻗﻠﻮﺑﻬﻢ ﺑﺈﺟﺘﻬﺎﺩﻙ ﻣﻮ ﺑﺎﻟﻐﺶ ، ﺧﻮﺵ ﻭﺍﻟﻠﻪ ، ﻭﺵ ﻓﺎﻳﺪﺓ ﺍﻟﺪﺭﺍﺳﻪ ﺍﺟﻞ ﺍﺫﺍ ﺗﺒﻴﻦ ﺗﻨﺠﺤﻴﻦ ﺑﺎﻟﻐﺶ
ﻣﻌﻠﻤﻪ : ﻋﺰﻭﻑ ﺭﻭﺣﻲ ﻏﺴﻠﻲ ﺍﻳﺪﻳﻨﻚ ﻣﺎﻟﻪ ﺩﺍﻋﻲ ﻳﻜﺒﺮ ﺍﻟﻤﻮﺿﻮﻉ ﻭﻳﻮﺻﻞ ﻟﻠﺤﺮﻣﺎﻥ ، ﺑﺴﺮﻋﻪ
ﻋﺰﻭﻑ : ﻃﻴﺐ
ﺩﺧﻠﺖ ﺑﻬﺪﻭﺀ ﻭﺍﻟﻤﺪﻳﺮﻩ ﻭﺭﺍﻫﺎ ﻋﺸﺎﻥ ﺗﺘﺎﻛﺪ ﺍﻧﻬﺎ ﻏﺴﻠﺘﻪ ، ﺩﺧﻠﺖ ﺩﻭﺭﺍﺕ ﺍﻟﻤﻴﺎﻩ ﺍﻋﺰﻛﻢ ﺍﻟﻠﻪ ﻭﻗﻌﺪﺕ ﺗﻐﺴﻞ ﺑﺎﻟﺼﺎﺑﻮﻥ ﻭﺗﻔﺮﻙ
ﺑﻘﻮﻩ ﻟﻴﻦ ﺣﻤّﺮ ﺟﻠﺪﻫﺎ ، ﻭﺭﺍﺣﺖ ﺍﻟﻜﺘﺎﺑﻪ .
ﺍﺧﺬﺕ ﻣﻨﺎﺩﻳﻞ ﻭﻧﺸﻔﺖ ﺍﻳﺪﻳﻨﻬﺎ ﻭﻧﺎﻇﺮﺕ ﻟﻠﻤﺪﻳﺮﻩ : ﻣﻌﺎﻙ ﻛﺮﻳﻢ ﻣﺮﻃﺐ ؟
ﺍﻟﻤﺪﻳﺮﻩ ﺭﻓﻌﺖ ﺣﺎﺟﺒﻬﺎ : ﻭﻣﺎﺧﺬﻩ ﺍﻟﻮﺿﻊ ﻣﻴﺎﻧﻪ ﺑﻌﺪ !
ﻋﺰﻭﻑ : ﻳﺎﺑﻨﺖ ﺍﻟﺤﻼﻝ ﻣﻮ ﺩﺍﻳﻢ ﺗﻘﻮﻟﻴﻦ ﺍﻧﻚ ﺍﻣﻨﺎ ﻭﺍﺧﺘﻨﺎ ﺍﻟﻜﺒﻴﺮﻩ ، ﻳﻌﻨﻲ ﺍﻟﺨﻮﺍﺕ ﻣﺎﻳﺎﺧﺬﻭﻥ ﺍﻏﺮﺍﺽ ﺑﻌﻀﻬﻢ ؟ ﻳﻌﻨﻲ
ﻣﻌﻠﻴﺶ ﻧﺎﺳﻴﻪ ﺍﻟﻤﺮﻃﺐ ﺣﻘﻲ ، ﻭﺍﻳﺪﻱ ﺟﻔﺖ ﻣﻦ ﺍﻟﺼﺎﺑﻮﻥ ، ﺗﻜﻔﻴﻦ ﻳﺎﺳﺘﺎﺫﻩ .
ﺍﻟﻤﺪﻳﺮﻩ : ﺍﻫﻨﻴﻚ ﻋﻠﻰ ﺍﺳﻠﻮﺏ ﺍﻷﻗﻨﺎﻉ ﺍﻟﻠﻲ ﻋﻨﺪﻙ ، ﺗﻌﺎﻟﻲ ﺍﻋﻄﻴﻚ
*🌻ــــــــــ #يتبــع👇ـــــــــــ🌻*
💛 @ahgeel✏️💛🌼
🍃💛
💛🍃💛i
🍃💛🍃💛i
💛🍃💛🍃💛i