طفلتي اليتيمه - *بارت 11* *ليلة من فبراير* - بقلم لا اعلم فقط ناشره | روايتك

*ننشر جميع القصص والروايات*🤎🕰️ *حب 🤎🕰️* *حزن 🤎🕰️* *اكشن🤎🕰️* *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ https://whatsapp.com/channel/0029Vb5nySH77qVOUYY2kt3M *البارت 11* *ليلة_من_فبراير* ☆ ☆☆ ☆ *اسمك شعر وبكلبي ارد بي* *وخدك مشتل وخضر ورد بي* *طريق المدرسة رايح وارد بي* *حتى بس اشوفك هاي هية* ❤️ دعاء ـ هسة معلينة من هالحجي ياحلوة عيني صديق قيس ذاابح روووحه عليج متخبل تخبل اصلا هو هسة خابرني علمودج ـ صفنت بوجهه .. يعني شنو ذابح روحه عليه؟ ـ يريد يصادقج حتئ يجي يخطبج يالغبية .. شبيج هيج كوة تفتهمن ـ يخطبني! ـ اي يخطبج كل بنية لازم تنخطب وتتزوج ويصير عدهه جهال وتصير ام ـ بس اني بعدني صغيرة امي جانت تكول البنية من تكبر تتزوج.. عكدت حاجبهه وحجت بأستهزاء وياية ـ ليش انتي مو كبرتي ؟ ـ لا بعدني صغيرة والله ـ لج مو تجيج العادة الشهرية تقشمرين عليه كلش زين اعرف تجيج هذاك اليوم شفتج ـ اي تجييني .. وبعدين هاي شعليهه كبرت او لا ـ تؤ يووووو شيفهمج انتي مادري وين عقلح امشي امشي بعدين نكمل حجينة يرادلج كعدة طويلة افهمج بيهه كل شي لان انتي كلشي ماكو.. ـ جرتني من ايدي وطلعنة للقاعه راحت تركص بنص البنات تهز وتفر بشعرهة واني رجعت لمكاني وعيني عليهه جان اكو طاولة يم طاولتنة الكاعدين عليهه بيهه اثنين بنات و3 ولد ومرية جبيرة وياهم اتخبلو علئ دعاء بس يسولفون بيهه يكولون عليهه تخبل شكد حلوة ودمهه خفيف بقو يمدحون بيهه ويتغزلون هي صدك طالعة كلش حلوة ومرتبة والمكياج وشعرهه مسويهه عبالك جبيرة هي من بين البنات العين عليهه صارت شكد حلو هنيالهه .. تمنيت اصير مثلهه و مثل شخصيتهه تسولف وتضحك وتركص ماخذة الجو كلة عبالك اهلهه مو غريبة عنهم اتغيرت الموسيقئ والناس كلهه كعدت بمكانه بس العريس اخذ عروسته وكامو يركصون بنص القاعه ورجعت دعاء كعدت يمي.. ـ كومي نكعد مناك يم الحايط حتئ محد يسمعنة ـ ليش خلينة هنا دنتفرج ـ لا اوي كومي كومي مناك نكعد هم تكدرين تشوفيهم قابل وين رايحين اشو القاعه فارغة وبيهه هواي اماكن نكعد وين ميعجبنة ... ـ جان اكو 3 طاولات فارغة مابيهه احد رحنة بأخر وحدة وكعدنة بيهه وعينة علئ العرسان والولد الداير ميدورهم ـ هذول كلهم اصدقاء العريس ـ ها صدك ؟ عبالي كرايبهم ـ لا مو كرايبهم هذول اصدقائة ـ شلون عرفتي ؟ ـ جنت احجي وية هذاك ابو القميص البصلي ـ عزا شحجيتي ويا ـ شبيج مخترعه .. سوالف عادية حجينة شنو اسمة وين ساكن شمخلص هيج سوالف .. ـ اكلج انتي متخافين! ـ من شنو اخاف ؟ ـ متخافين امج تعرف لو ابوج زين متخافين عمو ارشد يشوفج ويحجي لابوج ـ لا عيني ليش اخاف ـ شلون متخافين من اهلج ـ اولا ممسوية شي ثانيا رحنة يم الحمامات وكعدنة نسولف وثالثا وهذا الاهم محد شافني ـ بس ماشفتج اتحركتي من مكانج جنتي واكفة تركصين ـ هههههه يالخبلة قابل كدام الناس اروح اني وياه شبيج ولج اشو فد مرة غبية انتي بابا شغلي عقلج شوي خالتي تكول ماكو ولد كلهم ماتو لو استشهدو بالحرب والانفجارات و لازم البنية تشوف رجال تاخذة وتتزوجة زين وين اشوفة بلة ؟ اذا اني مكابلة اهلي بالبيت وكاعدة لازم اصادق هذا وهذا حتئ اتزوج ـ زين انتي مو تحبين قيس ليش تحجين وية غيرة ـ قابل من حجيت وية هذا الولد حبيته؟ بس تعارفنة.. ـ يعني عادي بس اتعارفتو مابيهه شي ـ وشنو بيهه قابل شسوالي حجينة كلمتين وكل واحد راح بطريقة اوف شووفي شوكت اني وزوجي نركص مثلهم سلوو ـ شنو هذا سلو انوب ـ لج هذا الركص الكدامج اسمة سلو العريس يلزم عروسته ويركصون هيج بطيئ عود يعني يحبهه ـ يعني انتي وقيس همين هيجي راح تركصون ـ اااي طبعاا .. اسوي العرس بمثل هيج قاعة وانتي هم اذا قبلتي بمازن يسويلج عرس بهيج قاعه ـ مازن منو ـ الولد صديق قيس الرايدج ـ اسمة مازن ـ اي ..خطية المسكين صارلة من بداية الدوام حاط عينة عليج ويركض وراج بس انتي خبلة متنتبهين ـ ماشفت احد يركض ورايه ابد ـ يبووو شكد غبيييةة بابا يركض وراج مو معناهه شايل نعالة ويركض لا هذا مصطلح نكولة علئ شخص يحب وحبيبته غبييية مثلج وممنتبهه عليه .. ـ لا عفية دعاء اني اخاف من هيج سوالف ـ لعد ابقي مكفخة جوة ايد امي ـ متت قهر من حجايتهه الكل يدري بية مكفخة جوة ايد منال .. ليش هيج تحجين ـ ترة كلنة نعرف ونشوف شلون امي دتأذيج .. وشكد تضربج ومتخليج تدرسين بس محد مهتم بيج هاج هاج شوفي عمو ارشد ـ التفت عليه شفتة يشاقة ويضحك وية بناته وزوجته ـ شفتي شلون ابد ممهتم بيج شفتي شگد مهتم ببناته وابنة ومرته يمج شكل ويم عائلتة شكل ثاني من شمروج انتي وخواتج بالشارع محد منهم حجة لا ابوية ولاعمو توفيق ولا كميلة بالعكس اصلا ولا اهتمو لان كلهم يريدون يخلصون منكم بأي طريقة جانت وتالي شمروكم هالشمرة وتريدين الصدك اكثر بعد حتئ خاله ام عمر متكدر تسوي او متريد تسوي شي هي اكيد تدري بيج كاعدة تتاذين ويضربوج وياذوج بس الناس معليهه بأحد .. ـ بس خاله تجيبلي اكل وتشتريلي وتحبني ـ اي من باب مداراة اليتيم حتئ تروح للجنة من اداريج بس من شافتج متأذية بوجهج حجت كالت يمعودة ايدج محتركة وواضحة ومبينة الاعمئ يشوفهه بس محد يدخل .. صدكيني اذا ماشفتي قسمتج ودورتي عليهه راح تبقين هيج عايشة جوة ايد امي ومحد يفكر ينقذج منهه ابد ـ متت قهر من هيج حجت دعاء احس عيوني راسا ذبلن وراحت الضحكة منهه ـ اني لو اكرهج والله ولا اهتملج بس اني الوحيدة احبج بالبيت ومااقبل علئ اذية امي الج الله عليج من امي كصت شعرج وحركت ايدج كدرو يحجون وياهه عمامي لو ابوية ـ لا ـ بس لو عندج رجال يسندج ويخاف عليج ويحبج جان مستحيل امي كدرت تسوي هيج بيج .. من جان عمو فؤاد وعمة ازدها عايشين فد يوم امي كدرت تأذيج ـ جاوبتهه بقهر ودنكت راسي .. لا ـ شفتي .. لان ماعندج ضهر ولا عندج احد و لاعبالج من احجي عن امي يعني اني اكرهه لا ابد اني احبهه و تبقئ هية امي شماسوي بس ما اقبل هيج تسوي بيج ولعلملج مو بس امي تأذيج لا كلهم مشتركين بأذيتج وساكتين يكولون معلينة هي مو بنتنه ولا زوجتنة شعلينهه بيهه والله خايفة عليج لا يرجعون يشمروج بالشارع مرة ثانية وهلمرة يجوز ياخذوج لغير مكان بعيد ميكدرون يرجعوج الناس بعد لان متندلين.. العلية حجيت ونصحتج وانتي بعد عقلج براسج تعرفين خلاصج ـ كاعدة بمكاني وعيني علئ العرسان بس كل تفكيري بكلام دعاء كلبي انقبض من كلامهه يجوز تعرف شي ومتريد تكلي يجوز حاجين كدامهه يريدون يشمروني بالشارع مرة ثانية منو يمنع منال اذا سوت هيج محد يكدر عليهه .. عافتني وراحت دعاء وكفت يم العرسان ووياهه بنات عمو ارشد وامهم.. مادشوف شديسوون وليش التمو كمت من مكاني واتقدمت شوي شفت العريس لازم ايد زوجته ويكصون بالكيكة قطعوهه وكملو وواحد أكل الثاني بيدة وراهه القاعه صارت كلش هوسة والموسيقئ صارت عاليه وتركص الميعرف يركص دعاء وبنات عمو ارشد بنص القاعه يدبجن ويركصن واني واكفة بمكاني عجبتني الموسيقئ وكمت اهز برجلي وادندن وياهم ارشد ـ شدسووين ووولج ثبتي ـ فزيت من صوته وراسا تراجعت .. ها عمو ـ شنو واكفة وتتمركصين هنا متستحين ادبسزز كعددي بمكانج ـ بس كل البنات هناك يركصن ـ انجبي وكافي لغوة وكعدي بمكانج .. شبر وفتر وواكفة تركصين كدام الشباب ـ حزت بكلبي حجايته ليش ماحجة علئ بناته ودعاء كلهن هناك يركصن بنص الناس ليش بس عليه حجة جبرني اكعد يمة علئ الطاولة ماكدرت ارجع لهذيج الطاولة البعيدة.. احس بنفسي كلش مكسورة بنته همسة بكدي وواكفة هناك تركص ليش هيج عاملني ليش ميمنع بناته اشو بس كادر علية .. من كعدت علئ الطاولة صارو بضهري هذول الناس الجانو معجبين بدعاء يمكن هاي المرية الجبيرة امهم وهذني بناتهه لان سمعتهه تحجي وياهن تكلهن الزواج ستر للبنية واستقرار تصير مسؤلة عن نفسهه ورجلهه وجهالهه ومسؤلة عن بيت حبيت كلامهه وبديت اقتنع بفكرة الزواج حلو وحدة تستقر وتعيش حياة سعيدة وزعو لفات وعصاير واكلتهه صح ما اشتهي بس خفت ارجعزومالكة عشة.. ابد مامنتبهه عليهم وبالي مو يمهم ماعرف شنو صار بالعرس وشديسوون بس سمعت خلصت الحفلة وصار وقت يزفوهم للبيت طلعنة بالكوستر ورجعناهم لبيت عمة ام محمد دخلوهم للغرفة وكل واحد رجع لبيتة وكال ارشد تحضرو دنرجع .... عزة دعاء تعالي خلي اغسل وجهي راح نرجع للبيت ـ اي يلة تعالي .. هذا حمامهم دخلي غسلي وجهج وطلعي بسرعه ـ غسلت وجهي 5 مرات بالصابون راح المكياج بس بقة اثر خفيف كلش واضح فتحت باب الحمام وطلعت مخترعة .. دعاء اكو اثر مديروح ـ لا اوكفي هاج هاي كلينس مرطب مسحي عيونج هية بس الكحلة شوي باقية هسة تروح ـ عزاا شيخلصني من امج ـ امسحي امسحي تعالي خلي اساعدج.. ـ اني امسح ودعاء تمسح حسيت عيني راح تنشلع من مكانهه وانوب المي مال الكلينس دخل بعيني حركني حرك.. بس شوي احسن صار وجهي راح المكياج تقريبا منة.. استاجر سيارة عمو ارشد وصعدنة طول الطريق مقهورة معصور كلبي لان حجاية عمو ارشد ادك براسي ليش ماكعد بناته ودعاء من جانن يركصن ليش رزلني وحجة علية وفشلني واني واكفة بعيدة عنهم ولوحدي مايمي احد لان ماعندي احد ماعندي لا ام ولا اب ولا رجال يسندني دعاء عدهه امهه وابوهه ماحجة وياهه وبناته ميحجي وياهن بس اني هيج سوئ ويايه لان ماعندي احد عيني دمعت بالطريق بس همزين الشارع اظلم وكهرباء طافية رجعت للبيت وراسا دخلت للحمام قبل لاتشوفني منال سبحت وغسلت الهدوم حتئ باجر الصبح يبسن وارجعهن لهمسة بنت عمو ارشد .. طلعت شريتهن ودخلت للغرفة ودخلت ورايه منال منال ـ ها ولج دعدوع شلونة العرس ـ يبوو ماما يخرب ضحك ـ صددك الله عليج تعاي احجي سولفيلي خلي اضحك ـ لو تشوفين العروس تكولين قرقوز مشخبطين بوجهه وصايرة تموت ضحك نهاوند ـ لا ليش والله العروسة حلوة دعاء ـ انجبي ولج عود انتي تفتهمين اكثر مني بالمكياح منال ـ عوفي هالخبلة هاي لوتشوف دجاجة متمكيجة هم تكول حلوة نهاوند ـ خزرتني بعينهه دعاء راسا سكتت .. ـ سكتي ماما تخرب ضحك والتسريحة عبالك كفشة فوك راسهه مصدكين هاي تسريحه وما احجيلج تعرفيهن انتي بعد لعبن لعبن بنات عمو ارشد ركصن رركص بنص الولد و كلهم اصدقاء العريس موجودين وهنة يدلعن ويتمضحكن ولا عبالك ابوهن وياهن ـ اي يريد يزوجهن بنته الجبيرة حمضت علئ كلبة راح يصير عمرهه عشرين سنة ومحد داك بابة ـ كدام ابوهن وامهن دك هز وركص ليش احد منهم حجئ كال وكعدهن ابد ولا يمهن اصلا ـ ام محمد تبيع الدين براسي تريد تصير شريفة عود ورجلهه العن منهه ـ خلي يولون كبر لفهم ام محمد هيج ترجف مني لو تشوفيني شلون طلعت كمرر الكل صفن عليه ـ فدووة للكمرر عفييية هية هاي بنيتي الاعرفهه اكيد كمر غير علئ امج تطلعين ـ الناس كلهه تسولف بيه وتباوع عليه خطية بنات عمو ارشد طكت مرارتهن مني نهاوند ـ حجيهم ميخلص وحسيت بنفسي تعبانة اتمددت بفراشي منال ـ ووين شعندج خامدة من هسة كومي كومي ـ تريدين مني شي عمة ـ اي روحي خدري الجاي دنتعشة جبن وجاي اني وعمج ـ عفتهم وكمت سويت جاي وحضرت الكوابة فتحت الثلاجة حتئ اطلع الجبن شفت جدرية ابطن ماعوف فارغ عرفت هاي خاله ام عمر جابتهن لان هذني اماعينهه فتحتهه لكيتهه فارغة بيهه فتافيت تمن برياني مبين كلة ماكلي ممبقين شي .. عفتهه وطلعت الجبن خليتة بالصينية وصبيت جاي وديته قبل لا اوصل الغرفة سمعت منال تكول لدعاء اخوتج اكلو اكل ام عمر جايبة هبرة لحم وبرياني ومسوية عليه بيض سلك والولد اشتهو اكلوه .. ابتسمت ودخلت ماهتميت لان ماجوعانة نفسي مسدودة من تصرف عمو ارشد .. عمة هاي الصينية ـ اي جيبي.. اكلج اكو ماعون وجدرية بالثلاجة مالت ام عمر شفتيهن ـ اي شفتهن فارغات ـ وياعمية العين طالما فارغات وشفتيهن بعيونج العمية ليش ماطلعتيهن وغسلتيهن ـ ها اي هسة ـ تكسرت ضلووعج بهالساعة ان شالله تبقين خارمة علئ امج الخارمة.. يلة اني رايحه ماما تريدين شي دعاء ـ لا ماريد شي اريد بس اشوف المسلسل ـ اخذت الصينية وراحت للهول .. رحت للمطبخ طلعت الماعون والجدرية وغسلتهن وخليتهن علئ الكاونتر ورجعت للغرفة.. كعدت شوي وية دعاء اتفرج مسلسلات خليجية اخوتهه نامو من وكت وضلينة وحدنة .. دعاء ـ حبابة نهاوند قفلي الباب ـ تحجي ويايه بهمس وبصوت ناصي .. ها ليش ـ اش صوتج نصي وقفلي الباب .. ـ اي هسة .. كمت قفلت الباب علئ كيفي وراسا غطت وجهه باللحاف وكامت تضحك وتتبسبس ماعرف شتحجي مدسمع شي جنت خايفة لا يكعدون اخوتهه ويشوفوهه واني من يمي مرعوبة وهي ابد ممهتمة راسا درت ضهري وغمضت عيني وغفيت .. كعدنة الصبح اني ودعاء ورحنة للمدرسة خلصنة دروس وطلعت لكيت دعاء تنتضرني .. شعجب اليوم سبت ليش طالعين من وكت مو عدكم سبع دروس ـ ماجاية المُدرسة وطلعونة يلة امشي ـ تمشينة اني وياهه بس هية كل شوي تبتسم وتتلفت .. شبيج تضحكين ـ التفتي وشوفي منو ورانة ـ التفتت شفت قيس ووياه واحد بس شافني غمزلي راسا التفتت هذا الحمار ليش يغمزلي ـ هذا مازن شبيج ـ وليش يغمزلي ـ غير يحبج يالعوبة ـ عفية اني اخاف من هاي السوالف وبعدني صغيرة كليلة لقيس خلي يكلة يعوفني خاف احد يشوفه ويسويلي قصة ـ كاتل روحة عليج خطية تدرين قيس يكول مجهز نفسة ممحتاج شي بس يريد بنية يتزوجهه يعني بس تقبلين بي يجي يخطبج عندة بيت وحدة ومجهزة كلشيي بي و بس يريد العروسة ـ والله ؟ ـ اي والله .. ولج يالعوبة يصير عندج بيت الج ملكج محد يتأمر عليج ويأذيج لو يطردج منه ـ لعد ميجي يخطبني اذا مكمل كل شي ـ لا بلة انتي بيا قرن عايشة حبابة قابل بزمن جدي بابا هسة كلشي يختلف لازم يحبون يلة يتزوجون وين اكو واحد يروح يخطب هيج جفت لا يعرفهه لا يعرف اهلهه هاي السوالف مال ذاك القرن المااضي راحت خلص هسة احنة بالقرن الجديد كلشي اختلف يابنتي.. ـ ضليت ساكته ماحجيت شي .. ماعرف دعاء احس شي يخوفني و يمنعني ـ كيفج لعد ضلي مكفخة جوة ايد عمامج ـ تدرين البارحه شسووة عمو ارشد ـ كلشي اتوقع منه .. بس شنو شسوة ؟ ـ جنتو كلكم واكفين تركصون يم العرسان واني واكفة بمكاني اندمجت وية اللحن وكمت ادندن وراسا رزلني وكام يحجي عليه ـ شفتي حتئ من احجي وياج تصدكيني ليش مارزل بناته لان هذني بناته يحبهن ميحجي عليهن لو يموت وليش مارزلني لان عندي امي وابوية الله يحفظهم بضهري لعد ليش اريد اتزوج عيني امي وابوية مادايميلي بس يصير شي عليهم اسم الله عليهم يكوم هيج يعاملني محد يحب احد بهالوكت... لج دشوفي مازن شلون حباب والله يكسر الخاطر ـ دنمشي وسبقونة بالمشي صارو كدامنة بقيت اباوع عليه الولد كلش طويل اطول من قيس لابس قمصلة سودة وبنطلون كابوي .. عيني عليه ابد مانزلتهه شوي والتفتت عليه وابتسم راسا دنكت راسي كلش خجلت كمت ماعرف امشي بس اريد اوصل للبيت واختفي عن عيونة دعاء ـ وج شبيج لاتركضين علئ كيفج ـ ماجاوبتهه ضليت امشي سريع ماصدكت شفت باب بيتنة ودخلت اركض كلبي يدك ســــريع ايدي ترجف ماعرف شنو صارلي دخلت وراية دعاء ماحجت شي بدلت وكملت وكعدت اتغدئ بالاكل الجابته خاله ام عمر بس دعاء ابد ماشافت بوجهي هاي شبيهه ليش ماحجت شي غسلت كل المواعين مال الغدة شفت الحبل اتذكرت الملابس برة بعدني ماجبتهن طلعت بالطرمة نزلتهن وراسا طلعت لبيت عمو ارشد .. صعدت ودكيت الباب طلعتلي عمة ام محمد ابتسمت بوجهه وكلتله شكرا عمة هاي الملابس غسلتهن البارحه واليوم يبسن ـ حبيبتي ليش غسلتيهن جان جبتيهن اني اغسلهن ـ لا عادي عمة .. ضحكتلهه ونزلت طايرة لان نسيت الحذاء .. جبتة وصعدت اركض حتئ انطيهيا وصلت يم الباب سمعت همسة بنت عمو ارشد تصيح علئ امهه بالبيت همسة ـ ماااريد هاااي الملابسس اايع مستحيل البسسهن بعدد ما البس شي هاي لابسته اابد ام محمد ـ لج ليش شكو بيهه هي بس مرة وحدة لبستهه ـ ااايع اني البس وراها ليش شبيه ـ بابا انتي مو تاخذين من بنات خالتج وتتلابسين وياهن شكو بيهه قابل شبيهه البنية الهدوم نضيفات مابيهن شي واذا تريدين هسة اغسلهن مرة ثانية ـ ذبيهن ذبيهن انتي من اخذتيهن مني كلتلج اني ماقابلة تنطيهه من هدومي انوب هسة جايبتهن تريديني البسهن وراهه والله لو اموت مالبسهن ـ لو متلبسين من احد جان كلت نحسة وهذا طبعهه بس شعندج وية نهاوند ليش متلبسين وراهه ـ اتنكس ونفسي تلعب منهه وبعدين تمشي وية دعاء الطريق كله هي وياهه واني اكره دعاء واكرهه نهاوند ـ كلامهه نزل مثل المي الحار علئ كلبي احس كلبي محترك ومجوي مثل جويات ايدي الاحتركت ليش تتنكس ونفسهه تلعب مني؟ شسويت الهه وهيج كارهتني هنة من البداية ميريدني ومنطني وجه حلو حتئ امشي وياهن.. دكيت الباب ودمعتي بطرف عيني ام محمد ـ ها الله جابت حبيبتي تعاي تعاي .. هاج هاي الهدوم اخذيهن تكول همسة خلي تاخذهن ماريدهن ـ جبت الحذاء مالتهه .. نسيت اجيبة ام محمد ـ همسةةة تريدين الحذاء ـ لاااااااا كلشي مارررريد اوووي ماما جم مرة احجي ـ سمعتهه تحجي بقرف نعصر كلبي واستغربت منهه شبيهه هاي ليش هيج مقروفة مني التفتت علية ام محمد وضحكتلي .. ـ خلي تولي .. انتي اخذيهن الج ضميهن من تطلعين لبسيهن بالعافية عليج ـ حتئ ابتسامة مكدرت ابتسم كلش انقهرت من اسلوب همسة ليش هيج تحجي عليه زين ليش ما سكتتهه امهه ليش ما حجت عليهه وكلتله عيب تحجين هيج البنية واكفة.. مادري ليش هيج يعاملوني شمسويتلهم اخذت الملابس منهه ونزلت بس كلش مكسورة ومقهورة دخلت للغرفة وكعورتهن وخلتهن بالعلاكة حتئ ما رتبتهن.. دعاء ـ شبيج كالبة وجهج ـ حجيتلهه عن السوته همسة ويايه مادري شبية دعاء احس كلبي كلش مكسور ـ تستاهلين ابواب الجنة كدامج وانتي تتبطرين ابقي مدمغه جوة ايدهن وايد امي ـ باوعت عليهه ماعرف شجاوبهه بس احس حجيهه صح ـ مو كلتلج محد يدافعلج ابد ولا مهتم بيج.. ماعرفت ام محمد تسكت بنتهه ولا طيبت خاطرج .. اوي شكو احجي وياج انتي اتعبيني واني مالي خلكج ـ يعني شسوي ـ اني اكلج اول شي من تشوفين الشباب لاتمشين مثل المخبلة وجنج حمار ويركض مما ومنا ـ اهوو لاتقلدين عليه ـ باوعي عليه .. اول درس هيج تمشين علئ كييييفج وتتمايليين ـ شلون اتمايل والله مادبرهه.. ـ دباعي غبية غير انتي بنية لازم من تمشين تتمايلين خو مو نمشي مثل الولد ـ كامت دعاء تعلمني شلون اتمايل بمشيتي حاولت اقلدهه بس طلع شكلي يموت ضحك ـ باعي انتي بس علئ كيفج من تمشين لاتركضين وامشي بثقة ـ مين اجيب الثقة واني احس الدنية كلهه تباوعلي ـ هسة هو منو مكلبج مدكليلي .. يلة اتعلمي ـ ضلت تعلمني دعاء شلون امشي وادلع بمشيتي .. حاولت بمرور الوكت اتعلم مر اكثر من يومين ومازن يركض وراية ويومية اشوفة واكف يم المدرسة .. واحاول اتمايل بمشيتي لو اسيطر علئ نفسي بس تلقائيا الكة روحي طايرة بالمشي وكاعدة اركض ودعاء تموت ضحك عليه خطية بقت تقنع بيه حتئ اصادقة من داخلي مقتنعه .. خصوصا من عرفت عندة بيت جاهز من كلشي ويريد بنية حتئ يتزوج بس خايفة كلش احس روحي راح اتورط واتاذة خايفة تكشفني منال طلعت من المدرسة مالكيت دعاء مشيت وية طالبات مدرستي لمحت مازن من بعيد واكف و لازم زنجيل بيدة ويفر بيه كل هاي الايام ماكدرت اركز بوجهه بس شايفتة من ضهرة واعرف هيئته.. وجهه بالطول عيونة صغار مابي خلو ولا مميز بي هواي طويل .. ابتسملي وابتسمتلة ودنكت راسي امشي وهو يمشي بموازاتي بس شوي بعيد عني وحالي مثل كل مرة ارجف وخايفة .. ـ شلونج ـ زينة ـ ليش هيج تعامليني نهاوند والله رايدج بالحلال ـ عفية لا تمشي ويايه خاف احد يشوفك ـ شلون لعد احجي وياج ـ مادري مادري ... بس عفية عوفني خاف احد يشوفك ـ ماعوفج اذا متكوليلي شلون اكدر احجي وياج ـ مادري والله مادري عفية والله راح يشوفوني بنات عمي وتصيرلي مشكلة جبيرة .. ـ احرك اهله اليسويلج مشكلة غير انتقم منهم اللي يأذيج ـ فرحت من كلامة حسيت عندي سند بهالدنية صح بعدني خايفة بس كلامة ماعرف شسوة بية .. ـ ماكلتيلي شلون احجي وياج ـ ماعرف والله ماعرف.. دنكت راسي ومشيت قبل لانوصل فرع بيتنة شمرلي ورقة صغيرة ـ اخذي هاي الورقة واتصلي عليه من دعاء .. اانتضرج ـ دنكت علئ السريع واخذت الورقة وضميتهه بالجنطة بدون حتئ ماشوفهه بالكوة وصلت البيت حسيت الدنية كلهه شافتني وعرفو بية ماخذة رقم ولد وراح انفضح حاولت اتصرف بشكل طبيعي حتئ لاتسالني منال شبيج لان اكيد ماراح اعرف اجاوبهه بعدني ماوصلت للباب الداخلية وسمعت صوت هوسة وعياط وصريخ تخشبت بمكاني اكيد عرفو بية وراح يموتوني بقيت واكفة ماعرف شسوي مرعوبة واريد ابجي من الخوف اجة من المدرسة وسام ودخل للبيت ـ شبيج واكفة هنا ـ اسمع صوت العياط مادري شنو صاير ـ اي دخلي خلي نشوف شكو ـ دخل هو ودخلت وراه شفت عمو توفيق لازم مرتة ويكتل بيهه اول مرة اشوفه يضربهه ويتعارك وياهه بقيت واكفة مشدوهه بمكاني بابا ماجان يضرب امي ولا عمو عماد يضرب زوجته حتئ ناصر وارشد ميضربون زوجاتهم منضر غريب عليه رجال جبير يضرب مرة جبيرة مشدوهه شلون موتهه كتل وادفر ومنال واكفة بعيد عنهم تتفرج ماعرف علئ شنو يتعاركون كميلة ـ اااني هيج تسووي بيـــه ولك اااني ولك صبررت علئ فكررك وجيبك الفارغ هييج تضرربني هييج تهيني ـ يطبج مررض ماعاجبج طلعي من البيت وولي لاهلج ـ اااي تريد يخلالك الجوو وية الساقطاات عبالك ماعرف بسواالفك ترريديني اطلع واعوفلك كلشي بسس تحلممم ـ غصباا عليييج مو بكيفج دعاء ـ تعاي شعندج واكفة هنا ـ راسا اجتي دعاء وجرتني من جتفي ودخلنة لغرفة بيبي .. اكلج شنو شبيهم ليش هيج يضربهه ـ بيناتهم عالكة وصايرة طحن ـ ليش شنو صاير اول مرة اشوفة يضربهه ـ لان يريد يتزوج عليهه ـ شلون يعني يتزوج عليهه ـ يعني يروح يخطب وحدة ثانية ويتزوج ويلبسهه بدلة ـ صدك والله؟ ـ اي والله ـ وليش يريد يتزوج عليهه ـ شمدريني ليش ـ خطية موتهه كتل خلي امج تسوي شي ـ شعليهه امي تكول رجال ومرة ميصير ندخل ببناتهم ـ ها اي هم صدك ـ اي والله هيج ماما تكول .. ـ دقايق وطلع عمو توفيق وركع الباب وراه وبقت كميلة تبجي وتحجي .. بس ماكدر افتهم كل كلامه شوي برد كلبي عبالي هالصياح عليه ورحت بالرجلين ماحجيت شي لدعاء غسلت وبدلت وتغديت وكعدت اقراة.. وهمسلتي دعاء دعاء ـ وين الرقم ـ يارقم ـ لج غبية عبالج مادري بشي .. مازن نطاج رقم وينة ـ مو هسة خلي اقرة عندي امتحان ـ دجيبي خلي ادخلة بلتلفون بين متكملين قراية ـ طلعت الورقة من الجنطة ونطيتهيا بدون ماشوفهه ـ هذا رقمة عراقنا .. ـ ماجاوبتهه بقيت اقرة احاول اركز عدنة فيزياء درس كلش صعب وكلما احاول اركز تصيح عليه منال وتصخرني بشغلة وتخليني اعيد الدرسته مرة ثانية .. صار ثاني يوم وداومت اني ودعاء.. جان يوم اربعاء وعلنو بالتلفزيون الخميس راح يسوو عطلة رسمية يعني كل خميس بعد منداوم دوامنة من السبت للاربعاء والمدرسات كامت تكثف ادروس علينة بالرجعه ماشفت مازن بقت عيوني ادور عليه وينة ليش ما اجئ لمحت من بعيد قيس بس لوحدة مايمة احد .. دعاء ـ لا ادورين ميجي بعد ـ انصدمت من كلتلي ميجي بعد ليش ؟ شبي شنو صاير ـ لا سلامتج ماصاير شي بس صارلة اسبوع يركض وراج وانتي ناطيته الاذن الطرشة ومن ذبلج رقم بالجذب ماراسلتي ـ غير جنت ادرس ـ اي خلي تفيدج دراستج راح يطير منج الرجال ويلكاله الف وحدة غيرج تاخذ مكانج وانتي ضلي مكفخة جوة ايد اليسوة والميسوة ـ حسيت انعصر كلبي .. خاف صدك بعد ميريدني ويروح يتزوج غيري .. وابقئ جوة ايد عمامي ونسوانهم ـ يعني شسوي والله مدعرف شسوي ـ راسلي وطيبي خاطرة بكلمتين ـ يعني شنو احجي وياه ـ انتي معليج اكعدي يمي واني اكتبلج عود انتي التراسلي حتئ يرجعلج .. اووف هم اصدك اخلص منج وازوجج وارتاح وترتاحين يابنت رحمة ـ ياريت ارتاح احسة حلم ـ وية مازن ماكو حلم اكو حقيقة .. راسلي وشوفي بعينج ـ رجعنة للبيت مسكور خاطري علئ نفسي وخايفة افقدة .. اول مادخلنة اتلكتنة منال منال ـ يلة ماما دعاء امشي غسلي وبدلي علئ السريع وجيبلي هدوم اخوتج ابدل الهم ـ ليش وين رايحين ـ امي كلش مريضة مادري شبيهه خابرتهم وخلص الرصيد وكلشي مافهمت ... يلة يلة بدلي دياخذنة ابوج كعدت بمكاني مالي واهس ابدل صافنة علئ دعاء واخوتهه .. شكد حلو راح يروحون لبيت جدهم هواي اشتقايت لامي ازدهار وحتئ لابوية اشتاقيت حنيت لكل حركة يسويهه حتئ لو ميحبني اريدة يرجع وترجع امي وياه ويرجعولي خواتي ونلتم مرة ثانية طلعو كلهم باقل من ثلث ساعه وبقيت لوحدي بالبيت كميلة من يوم المشكلة متطلع بالهول تروح للمطبخ وترجع لغرفتهه بس جهالهه برة يلعبون وحتئ اشو علاقتهه مو قوية صارت وية منال غيرت ملابسي وغسلتهن لان باجر عطلة وفرشت جودلية بالمطبخ وكعدت اتغدة دخلت كميلة وباوعت عليه وجابت استكان جاي واجتي يمي كميلة ـ انتي عاجبج تبقين هنا جوة ايد هالخبيثة ـ صفنت عليهه وجمدت اللكمة بحلكي .. ـ لج هاي ماعدهه صاحب صديق اخبث من الخبث وشفتي شسوت بيكم.. احجي ليش ساكتة ـ يعني شنو احجي عمة ـ لو اني بمكانج اروح لامي ـ ليش هي وينهه ياريت اندلهه ـ يمكن عمج عماد يعرف وينهه .. سألي عمج وروحيلهه ترة منال تشمرج ورة الشمس بكلب بارد شفتي شلون زرعت فكرة الزواج براس عمج توفيق ـ تحجي واني ساكته ماكدر اجاوبهه خايفة من كميلة ومن منال ومن البيت كلة.. ـ اي ليش مستغربة .. دائما تكول كدام توفيق مرتك ام اربع عيون لان البس مناظر مرتك عمية مرتك عودة مطيرجي يابسة لان ضعيفة تالي راح وشافلة وحدة بنت العشرينات حلوة وجسمهه حلو ومتلبس مناظر جاييني يريد يتزوجهه روحي لامج ولاتبقين يم هاي الخنيثة الخبيثة ترة تدمرج .. لان وين متروح بين الكرايب تكول عليج بيج حاله نفسية ومخبلة ـ بس اني مابية شي ـ كلنة نعرف مابيج شي وكلنة ساكتين لان منكدر نحجي لان نخاف منهه .. او بالاصح منهتم مو بس نخاف منهه تدرين شكد اخذت فلوس من عم ابوج عود تريد تصرف علئ علاجج كل روحه تروح اله ينطيهه 50 الف لو 30 لو مدري شكد وهو مصدك دتراجع بيج للاطباء وكل هاي الفلوس تنصرف عليهه هي وجهالهه بس بأسمج اني خايفة عليج منهه باجر يجوز اتذبج بالشماعية حتئ تخلص منج ـ انسدت نفسي من الاكل ماكدر بعد ابلع اللكمةة ـ مثل ماشمرتج بالشارع ومحد بينة حجة راح تشمرج بمستشفئ المجانين وهم محد يحجي ـ راسا كمت ابجي .. عمة شسوي وين اروح والله ماعرف شسوي ـ لازم ادورين امج واذا تريدين اني اشوف طريقة ونحجي بيهه وية عماد لان هو الوحيد اليعرف وين راحو لان جان صديق خالج اخو امج ـ ياريت عمة الله يخليج ياريت ينطيني عنوان بيت امي والكاهه ـ ان شالله من يجي عمج ارشد احاول احجي وياه ولو كلهم حيوانات بشرية بس لخاطرج.. ـ عافتني وراحت عفت الاكل وكمت غسلت المواعين ورجعت لمكاني .. بقيت لوحدي بالغرفة محد يمي اخذت ريموت التلفزيون وكعدت اكلب حسيت بحرية وماخايفة من شي فرحانة لان اول مرة الزم ريموت التلفزيون من يوم التوفت امي ازدهار التلفزيون نسيتة لااكدر اشوف كارتون احبة ولا اتابع شي يعجبني كله علئ مرام دعاء واخوتهة اتفرج بهالليلة ابد مانمت بقيت اكلب بالتلفزيون للصبح حسيت عيوني حركتني من النعس بس ماريد انام اريد اضل اتفرج شكد حلو انام بالوكت اليعجبني واكعد بالوكت اليعجبني متكعدني منال حتئ انضف لو امسح لو اشتغل بالبيت طلع النهار وكلش نعست غفيت والريموت بيدي ماعرف شكد نمت بالضبط بس حسيت علئ صوت دعاء بالغرفة فتحت عيني شفتهه كدامي .. شوكت اجيتو ـ ستونة دخلنة البيت.. ـ كعدت من النوم اريد افتح عيوني ماكدر كلش نعسانة .. بس لازم اكوم خاف تجي منال تضربني ـ ابقي نايمة وين رايحه ـ مو امج خاف متقبل ـ امي مو هنا بقت اداري بيبي كلش مريضة .. ودزتنه احنة ـ ها صدك ـ اخذي راحتج ونامي مثل ميعجبج واتفرجي بالتلفزيون ـ لا مو قصدي ـ من ياخذج مازن تصير حياتج احلئ بعد ـ ابتسمتلهه من هيج حجت .. ـ دتعالي نراسله طالما اخوتي طلعو بالشارع ـ ها شنو احجي وياه ـ دتعالي ومعليج ـ صحيت من هالحجي وطارت النومة من عيني لميت فراشي ورحت غسلت وجهي ورجعت كعدت دعاء تتراسل وية وكلتلة اني نهاوند مازن ـ بعد وكت ليش مستعجلة هسة تراسليني جان بقيتي فد شهر بعد ـ ماكدرت اراسلك هسة راحت عمتي منال يلة كدرت احجي وياك ـ ليش ودعاء وين ـ كاعدة يمي ـ شلونج اخبارج اريد تحجيلي كلشي عنج اريد اتعرف عليج اكثر حتئ اخليج ام بيتي ـ اني بخير لحمد لله .. بس هواي اشتاقيتلك نهاوند ـ راسا قاطعتهه .. عزا لا دعاء لاتكتبين هيج ـ اش معليج انتي لعد شلون يعرف تحبي يالثولة ـ ورجعت تكتب الرساله اسمي نهاوند مواليد 1992 ابوية وامي ميتين اني بصف الثاني متوسط وعندي بعد 3 خوات اصغر مني ـ واني اسمي مازن عمري 19 سنة خريج صناعه واشتغل اعمال حرة وية ابوية وعندي اخ واحد واختين حالتنة زينة اخوية الجبير متزوج وبعدة ماعندة اطفال واختي الاكبر مني هم متزوجة وعدهه بنية وبس اني واختي الاصغر ممتزوجين .. واني ادور بنت الحلال ـ قيس كال لـ دعاء انت عندك بيت وجاهز بس بقئ تتزوج ـ اي صح كلشي عندي ابوية حالتة زينة وعندة خير من الله .. احبج دعاء ـ لج هذا كلج ااحبج شوفي نهاوند ـ عزا صدك ..هذا كاتب احبج .. شوكت حبني دعاء ـ اوكفي خلي اكتبلة .. شوكت حبيتي وين لحكت تحبني اصلا ـ من زمان عيني عليج وقيس يدري شنو ماكلتلج دعاء ـ اي كالتلي دعاء بس ماصدكت نهاوند ـ كافي دعاء لاتضلين تراسلي خاف احد يعرف ـ شبيج خايفة منو يعرف امي وابيت اهلهه وكميلة بغرفتهه واخوتي برة بالشارع وابوية بالشغل ـ مادري ممرتاحة ـ اهوو شكد فگر انتي يلة غير وكت نراسلة اوكفي هاي اخر رساله. الرصيد خلص ماكدر بعد اراسلك يلة بيباي ـ اوك شوي وادزلج رصيد ..باي نهاوند ـ ماكال شوكت يجي يخطبني ـ قابل اليوم تحجين وياه باجر يجي يخطبج وين عقلج .. عوفي هالامور عليه الا اسحلة الج شوفي شلون راح يدزلج رصيد من كلمتين وكعتة ـ ضلت منال يم اهلهه تقريبا 4 ايام وبعدين كالو امهه توفت بالمستشفئ دعاء ماحضرت فاتحه بيبيتهه لان جان عدنة امتحانات هالايام كلهه هي مموجودة وصارلنة مجال نحجي وية مازن وقيس جنة راجعين من المدرسة واشرولنة قيس ومازن ولافو بفرع بين البيوت مو علئ اتجاه المدرسة .. عزاا شلون يأشرون كدام البنااات ولج بناات عمي راح يشوفونة ـ لا تخافين محد موجود كافي كل شوي تهبطين بيه .. امشي خلي نشوف شبيهم شنو يردون ـ ولج دعاء مرعوبة عوفيهم عوفيهم ـ يابة دولي .. ـ نفضت ايدي وراحت حتئ تشوف شنو يريد قيس لافت بالفرع واني بقيت واكفة شوي بعيد عنهه .. اتلفت يمنة ويسرة خاف احد يشوفنة انتضرت ثواني بعدهه ما اجت اتقدمت شوي شفتههم واكفين تلاثتهم سوية يم بيت شوي جوة بالفرع.. اتشجعت ورحت اتمشئ شافني مازن وعدل وكفته وضحكتلي دعاء وصلت يمهم وسلمت عليهم يلة دعاء خلي نروح ـ زين اجيتي جان راحت هديتج ـ ماضل وكت اتاخرنة مازن ـ بعدني ماشفتج ـ اذا يشوفونة يذبحونة والله ـ اقتلة اليتقربلج.. غير انتي مرتي.. ـ دنكت بخجل من هيج حجة وياية ـ شوفي شجبتلج هاي هديتج ـ شنو هذا ـ فتحي وشوفي ـ اخذتة علبة صغيرة مشدودة بشريط احمر فتحت العلبة بيهه سوار وساعه الله شنو هاي شكد حلوة ـ ذوقي حلو عجبج ـ دنكت راسي بخجل .. اي تجنن دعاء ـ اي عمي الله ربكم ـ بس والله اتاخرنة يلة خلي نروج مازن ـ اخذي هذا رصيد خلي بتلفون دعاء وخابريني ـ لالا ماكدر اخابر دعاء ـ اي تخابرك عادي امي مموجودة ابيت اهله.. مازن ـ يلة انتضرج تخابرين.. نهاوند ـ اخذت الكارت وهزيت راسي وابتعدت لازم نروح مازن ـ يلة يابة روحو هم صدك اتاخرو ميصير تبقون هالكد ـ ودعت دعاء قيس ومازن اشرلي واشرلته ورجعنة للبيت .. ـ ها شلونهه معنوياتج ـ فرحانة ـ مو كلتلج .. الحب حلوووو ـ شوكت يجي يخطبني ونتزوج ـ يجي هسة يتعرف عليج مثل قيس اتعرف عليه و بس يطلع اخو من السجن يجي يخطبني ــ بهالايام هواي حاولت تعلمني دعاء شلون اتنزك بكلامي واتمايع بس مدعرف يمكن لان مرتبكة احجي كلمتين وية مازن وانطي التلفون لدعاء .. تمشي الايام واني عايشة احلئ ايام حياتي وية مازن صح ماتخلئ من نغصات منال وضربهه الي وعصبيتهه البدون داعي بس مازن هواي جان يخفف عليه من يسمعني ابجي يكلي راح اجي اقتلهه واخلصج منهه من اسمعه هيج يحجي اموت خوف عليه واكلة لاتسويهه الله يخليك جان دائما يجيب ارصدة وهدايا مثل ساعه وسوار وزنجيل لو حلويات شبعت حلويات منة منال ابد مجانت فارغة النة بهالفترة كلهه ملتهية بمشروع زوجهه وبالهه ابد مو يمنة اشترو سيارة جديدة وباعو القديمة وصارت شوي احوالهم زينة من اسأل دعاء شنو المشروع الديشتغل بي مال ابوج تكلي ماعرف .. ماهتميت بيهم ابد طالما شرهم بعيد عني ميهمني منهم شي حتئ ماسألت عمة كميلة عرفت مكان امي لو لا خالة ام حسين ما اجتني بعد ولا شفتهه معذورة لان هية مرة جبيرة وبيت جدو بعيد شوي عن بيتنة ... كاعدة ادرس بالغرفة وسمعت العيطة كبت بالهول شمرت الكتاب ورحت طايرة اشوف شكو كميلة ـ ااااالله لاااايوفقققج يااانذلةةة االله يطلعهه بجهاالج ووبنتج وبصحتج وعافيتتج منال ـ كل الدعاوي تنرد عليج ان شالله لاتشوفيني ساكتتلج عبالج ماكدر اررد ترة اثرمج ثرم بسنووني توفيق ـ كعدة بالبيج متكعدين انتي سليطة لسان ومتعيش عندي سليطة اللسان كميلة ـ ليشش سليطة لسااان لان اطاللب بحقيي تريد تتزوج عليية كعدني ابيت بيي خيير عيشنيي عيشة اوادم وروح اتزووج طزز ناصر ـ احترمينة شوي عيب عليج احنة اخوتة موجودين شلون تغلطين عليه كدامنة ـ واغلط علييكم بعددد انتو نطيتوو فلوووس تريدوه يتزوج عليييية ليشش ولج ليشش نسيتي وكفااتي وياااج من تجيبيين نسيتي منو تشيلج بنفاسج منال ـ لاخلفت عليج يابة اداريني منا واني اجيب هدوم لجهالج منا يعني وحدة كبال وحدة ـ خاف عباللج هدوم البالة تسد بمكاان تعبيي ولج ينهد حيلي عليج واني اداري واطبخ واساعدج واجيبلج واخليلج حتئ سهر وية جهالج اسهرر ـ اي غير اتاخرتي بالخلفة وجنتي متلهفة ادارين طفل قابل لسواد عيوني ـ هاي هيج تشوفيني ؟ ـ اي لعد اذا شغلج لـ الله شكو تعيرني ـ مو ااعيرج ردت اذكررج شلون وكفتلج وتالي بشنوو رديتولياهه تنطون فلووس لتوفيق حتئ يتزووج عليية بمكان متنطو فلوس يصرفهن علييية تشجعو يجيب غيري توفيق ـ اني واخوووية انتي شدخلج ـ شدخلنيي شنوو غير انت رجليي ناصر ـ واحنة شكو ؟ اخوية طلب مني فلووس اردة ما انطي شلون تقبليهه؟ كميلة ـ يعني لو طالب منك فلوس علمودي تنطي ناصر ـ خلي يكول وعلئ عيني انطي عين غطة وعين فراش منال ـ شفتي شلون ظلمتينة .. النة الله كميلة ـ توفيق هاي الفلوس ابنيلي بيهه مثل بيت ارشد سندويج بنال وخيني بيت لوحدي منال ـ اي والله خطية ترة تعبت هي منا خلصانة يابسة فد مرة مابيهه تشتغل وانت منا يومية تضربهه وتكسر المناظر بعينهه اعزلهه ابيت لوحدهم هي وجهالهه وخليهه ترتاح نهاوند ـ شكد خبيثة منال كل ملامحهه خبيثة تحجي بخبث وتباوع من جوة لجوة لكميلة .. توفيق ـ يا بيت ياعزة وصخام بوجهج .. انطيت كلمة لاهل نداء والاسبوع الجاي اخذ اخوتي وعمامي واروح اخطبهه وهالفلوس اداينتهه الهه انتي شنو نهاوند ـ كامت ادك وتلطم كميلة ومنال واكفة وتكول شفتي شلون ظلمتينة الله علئ الظالم ومشت وعافتهه ... ماحبيت هالمنظر كميلة بالكاع تملخ بروحهه وتوفيق راسا طلع وناصر كاعد ويكلب بالتلفزيون ومنال راحت لغرفتهه وعافوهه لوحدهه بالكاع حتئ اطفالهه خافو منهه وابتعدو عنهه عفتهم ودخلت للغرفة شفت دعاء فرحانه تريد اطير من الفرحة .. شبيج شنو ـ اخو قيس طلع من السجنن ـ صدك والله ؟ ـ ااي والله يكول ضميت عليج لان كل مرة يكولون راح يطلعو وميطلع بس هسة هو واخو وابوه بالطرييق جايين للبيت ـ يعني راح يجي يخطبج ـ ااااي كلي بس يرتاح اخوية اجيب اهلي واجي اخطبج ـ فرحتلهه مثل ما افرح لخواتي حسيتهه كلش فرحانة حضنتني وكامت تكمزز منال ـ غبيةةة شعندج وية هااي دعاء ـ شنو ماما شبيج ـ حاضنتهه وكاعدة تكمزين شبيج يالعار مالكيتي غير هااي تحضنيهه ـ غير بنت عمي .. ـ عمةة العمااج ..ووخرري عنهه يلةة ـ ابتعدت عني دعاء وكعدت علئ جربايتهة .. باوعتلي منال بخزرة عين وحقد ... امشي كدامي غسلي مواعيين الغدةة يلةةة كدااميي ـ عمة غسلتهن المواعين من زمان ..كفختني وكلتلي وسام واخوتة اكلو وذبو المواعين امشي غسليهن ولاتجادلين .. مسحت مكان الضربة ورحت للمطبخ لكيت ماعونين و3 خواشيك ... بلة اني علمود هذني هيج انضرب غسلتهن ودمعتي بعيني .. اتذكرت مازن وكلامة وياية وحبة الي مسحت دموعي وابتسمت .. سمعنة هوسة بالشارع كلنة طلعنة ووكفنة بالباب نتفرج شفت قيس ووياه اثنين رياجيل كبار الشارع كلة التم عليهم اباوع بوجه دعاء ورد من الفرحة صدك طلعو جايبين اخو من السجن وجايبيلة خروف اباب البيت قبل لايدخل ذبحولة يم رجلة وزعو اللحم علئ الجوارين وجابولنة حصتنة .. مر كم يوم وكميلة متقبل تطلع من البيت وعمو توفيق يريدهه هي تطلب الطلاق ماعرف ليش ميقبل هو يطلقهه .. بهالايام اجئ شهر رمضان الكريم هالشهر اله مكان بكلبي كلش جبيرة دائما امي الله يرحمه جانت تجمعنة بالفطور وتسوي اشكال والوان من الاكل والحلويات هي دائم تصوم بس بابا ماجان يصوم بيت جدو مابي هاي الألفة ابد كل وواحد لوحدة ياكل مينجمعون واني لوحدي اكعد اكل مافد يوم كعدت وية لمة العائلة عبالك غربة مو اهل هالبيت مابي روح ابد وبارد غريب وكئيب حنيت لامي ولايامنة سوية خواتي ماراحن من بالي لان من عمة كميلة تفتح تلفزيون علئ القران ويطلع عبدالباسط عبد الصمد وكت العصر للمغرب اتذكرهم واضل ابجي هواي اشتاق لاهلي ولمتنة دعاء ـ شبيج تبجين ـ مابية شي ـ جديات شبيج ـ اشتاقيت لاهلي وامي ولمتنة سوية كل رمضان تجمعنة نفطر سوة ونكعد سوة ـ عندج مازن هسة يعوض ـ يارب امين ـ سمعتي عمو توفيق يريد بهالخميس يروح يخطب نداء يعني بعد يومين تقريبا .. ـ عزا يعني صدك راح يتزوج علئ عمة كميلة ـ لعد جان يتشاقة ـ خطية ليش والله تقهر ـ ماعرف امي دكول رجال ومرة شعلينة ليش ندخل ـ اي هم صدك .. كاعدين بالغرفة لوحدنة ودعاء كلتلي شوفي اكو احد برة .. مديت راسي ماشفت احد .. ماكو احد.. مدت ايدهه بالجنطة وطلعت تلفونهه ختلة جوة الكتاب وقرت المسج وضحكت .. ها شنو ـ قيس يكولي محضرلج مفاجئة باجر ـ شنو المفاجئة؟ ـ وج شبيج غير اسمهه مفاجئة شمدريني شنو ـ بقت تراسل قيس واني اراقب الباب .. تقريبا راح الخوف والرعب مو مثل قبل جنت ارجف لا هسة عادي شوي جمد كلبي ـ ولج هذا مازن دزلج مسج يريد يخابرج ـ لا مو وكت اخابرة كليلة ماكدر كلهم موجودين ـ اي كتبتلة مو وكتهه ـ خلصت حجي دعاء وطفت تلفونهه واخذته للحمام جانت من تريد تشحنة تدخل للحمام تسبح وتتاخر الئ ان يشحن وتطلع ونفس الشي من يحتاج شحن ادخل للحمام واخذة ويايه اشحنة واخلص واخذة واطلع صار ثاني يوم ورجعنة من المدرسة للعصر اندكت الباب وطلع وسام فتحهه ورجع كال ام قيس جيرانة بالباب تريد تدخل طلعت منال استقبلتهه.. اكلج دعاء اني كلتي شي لامج ـ لاابد كلشي محجيت غير تموتني ـ لعد شلون ـ عادي جيرانة وجاية تخطب قابل شنو الغريب .. ـ حشرنة روحنة اني ودعاء يم باب الهول واكفين نريد نسمع شنو راح تحجي… منال ـ ياهلا بأم قيس الحمد لله علئ سلامة ابنكم .. فاطرة صايمة ام قيس ـ صايمة والله يتقبل منا ومنكم … ـ من الجميع عيوني ام قيس ـ جاية احجي كلمتين يمج واخذ الجواب … وان شالله خير وللحكاية بقية…………… 🥀