الفصل 5
ـــــــــــــــــــــــــ ـــــــــــــــــــــــــ
ــــــــــ
في بيت ابو فارس
ابو فارس : فاارس
لف فارس على ابوه : سم
ابو فارس : باكر ترانا ان شاءلله بنروح ل ابو صالح نتفاهم معه على زواجك من بنته
فارس بهدوء : تامر طال عمرك
ام فارس : وانا متى اروح لهم يا ابو فارس
ابو فارس : القابله معنا ..بس اتصلي على ام صالح وخذي منها موعد
ام فارس وهي تقرب منه : عطني الرقم
ابو فارس مد لها جواله اتصلت ام فارس على ام صالح اللي كانت جالسه ف الصاله وجمبها بنتها ريم
رفعت ام صالح السماعه : الو
ام فارس : الو السلام عليكم
ام صالح : وعليكم السلام
: ام صالح ال.....
: ايه نعم ..من حظرتك
: انا ام فارس ال...
: يالله حيهم ..هلا والله ب ام فارس شلونك وشلون العيال ان شاءلله انهم بخير
: بخير دامكم بخير ..والله يا ام صالح انا داقه عليك باخذ منك موعد بزورك فيه ان شاءلله بموضوع يسرنا كلنا ان شاءلله
: هذي الساعه المباركة ..متى مابغيتي حياك الله
: بكرة الرجال بيجونك ..وان شاءلله اني بجي معهم
: تشرفين وتنورين ..ألبيت بيتك ..حياك الله في أي وقت
: الله يحيك ..ويبقيك ..ويخلي لك عيالك
: تسلمين حبيبتي
: الله يسلمك
: تامرين على شي
: سلامت عمرك
سكرت من الجوال وانا اناظر في ريم اللي كان عقلها موب معاها : ريم
لفت علي : سمي
ام صالح : بكرة ام فارس بتجي
ناظرت في امي ب استغراب : ام فارس من
ام صالح ناظرت فيني بقوة : ام فارس ..أللي خاطبك
ريم اخذت نفس وانا اقول : وش اسوي يمه
ام صالح : هذا رد تردينه علي
ريم وقفت : لا تزعلين يمه ..حياهم الله في أي وقت يبغونه
طلعت لغرفتها وامها تناظر فيها مستغربه تغير حالها من حال الى حال
ـــــــــــــــــــــــــ ـــــــــــــــــــــــــ ـــ
بعد العشا في بيت سيف
كان جالس ينتظر سلطان وابو سلطان
طللع بعد ماعرف انهم قربوا
قال وهو يسلم : يالله حي من زارني نورتوني والله يالله حيهم تفضلوا
ابو سلطان : الله يحيك يا وليد ويبقيك
سلطان : الله يحيك يا سيف
دخلهم سيف وقدم لهم القهوة
ابو سلطان : شلونك يا ولدي عساك بخير و شلون
سيف : بخير جعل عمرك طويل عمي ابو صالح جاي ان شاءلله
ابتسم سلطان وهو يسمع الحوار اللي بين ابوه وسيف
دخل ابو صالح وهو يقول : يالله انك تحيي ابو سلطان ...يالله حيه والله هذي الساعه المباركة دخلتك علينا
وقف ابو سلطان وهو يضحك : يا هلا ب ابو صالح يا هلا والله
سلم ابو صالح على ابو سلطان وهو يقول : اسفرت وانورت والله يا ابو سلطان
سلم على سلطان وهو يقول : تبارك الله ..شلونك يا سلطان عساك بخير
سلطان ب ابتسامه : بخير الله يطول في عمرك طمني عنك عساك بخير
ابو صالح وهو يجلس : يا مرحبا والله يا مرحبا
ابو سلطان : الله يسلمك يا ابو صالح طمني عنك وعن السنين اللي راحت وانا ماسألت عنك فيها
ابو صالح يبتسم : الهتنا المشاغل يا ابو سلطان التها الددنيا والله
ابو سلطان : الله يكفينا شر الايام والله
سيف ناظر عمه : اجل انت تعرفه يا عم
ابو صالح : كيف ما اعرفه ..ابو سلطان اعرفه من عمر عز المعرفه ..كنت انا وياه ربع في العسكرية من اول
ابتسم سلطان وهو يقول : يا صغر الدنيا والله
ابو صالح بغموض : صغيرة يا ولدي لدرجة ان القديمين يرجعون
سيف وهو يناظر عمه : ابو سلطان و سلطان يا عم جاينني في موضوع شخصي اليوم
ابو صالح : يا هلا بهم والله
سيف وهو يناظر سلطان وابو سلطان : امرونا
ابو سلطان وهو يبتسم : والله يا سيف ..ولدي سلطان كبر وكون نفسه والحمدلله وجايكم اليوم يكمل نص دينه ..تكلم يا سلطان
ناظر ابوه سلطان و وجهه نظره ل سيف : والله يا سيف انا جاي اليوم وطمعان بالقرب منكم .. وطالب يد اختك المصون
ابتسم سيف وهو يقول : هذي الساعه المباركة والله يا سلطان انت وابو سلطان
ابو صالح : أي والله هذي الساعه المباركة ..سارة والله ماهيب بنت اخوي لكنها بنت ولد عمي ..وكنها بنتي والله شاهد علي
ابو سلطان : ماعلكيم زود ..وكان عندكم اسأله حنا جاهزين
سيف وهو يبتسم : ان شاءلله مافيه الا كل خير ..وش وضيفتك يا سلطان
سلطان : انا دكتور عام في مستشفى الـ... وعندي عيادتي الخاصة متخصص فيها ب الجراحة ..
سيف : ماشاءلله شي يشرف والله
سلطان : الله يسلمك
ابو صالح : وعمرك يا ولدي
سلطان : عمري 32 سنة
ابو صالح : ماشاءلله الله يزيدك يارب
ابتسم سلطان وهو يسمع الاسأله عنه ويرد بكل صدق
سيف ببتسامه : والله يا سلطان شي يشرف الحمدلله ..وان شاءلله انك تسمع اللي يفرحك
سلطان ب ابتسامته اللي ماتفارقه : تسلم والله يا سيف ..اللي اعرفه يا سيف انك بتسافر عقب مايتم عرسك
سيف : صحيح ب اذن الله
سلطان : وش رايك لو نخلي الملكة قبل زواجك كانكم رضيتوا
سيف : والله يا سلطان انا عرف عنك من قبل ولا شفت فيك شي ينعاب : ان وافقت البنت ما عندي أي مشكلة
ابو صالح ناظر فيه وهو يقول : كان ابوك ابو سلطان ف والله ماتنعاب يا سلطان
جلسوا يتحاورون عن اشياء كثيرة وانتهى الموضوع انهم بيسألون سارة وبعد رد سارة بيملكون
ـــــــــــــــــــــــــ ـــــــــــــــــــــــــ ــــــــ
نور ناظرت في ساره : وانتي كل وقت عندي
سارة وهي تنسدح على ظهرها : مالي الا نتي يختي خبرك لا زوج ولا ولد وين اروح ..وبعدين وش اسوي متوترة
نور تضحك : قريب قريب بصير عندك ..وبعدين لا تتوترين هذا شي طبيعي
سارة بدون اهتمام :خلاص طيب ... قومي البسي فستانك بشوفه عليك
نور : مالي خلق
سارة : امانه عشاني
نور ابتسمت : لجل عين تكرم مدينه
اتجهت لدولابها وهي تقول : امانه لا تشوفين
سارة : طيب سكرت عيوني ....أفتحها
نور : انتظري ماخلصت
سارة : افتحها
نور :........
سارة : افتحها
نور : تستهبلين انتي ..انتظري خليني البس
سارة : صارلك مده
نور : يالله افتحي
ساررة وقفت وهي تناظرها : ماشاءلله تبارك الله ..يجنن عليك
نور : ما عجبني مره ..بس يمشي الحال
سارة : انا للحين ما ادري وش نظام عرسكم
نور جلست : موب عرس جمعة عائلية عادية فيها دي جي خفيف عشان خاطر امي خليته
سارة : يعني بتنزفين او لا
نور هزت راسها : ماراح انزف ..بجلس معكم طول الحفل
سارة : مجنونه انتي
نور : ليه
سارة : عروس انتي
نور اخذت نفس : ابلشتي ام امي ..عروس عروس ..واذا عروس بجلس معكم
سارة :لا بالله عقلك زر
نور ناظرت فيها وابتسمت : ايه زر ..غمظي عيونك بفصخ
سارة غمضت عيونها وهي تتمتم : الحمدلله والشكر
ـــــــــــــــــــــــــ ـــــــــــــــــــــــــ
سيف دخل على امه وهو يقول : شلونك
امه : بخير يا حبيبي شلونك انتي ..
سيف قرب من عند امه وهو يجلس : بخير الحمدلله
ام سيف ب استفسار : وش صار على خطاب اختك
سيف : والله يمه كل شي فيه زين والله و عمي ابو صالح طلع يعرف ابوه ..ويمدح فيه ..وانتي يوم قلتي لي اسمه رحت وسألت عليه وسمعت عنه كلام طيب والله ..واللي اعرفه انه حاط في عيادته مكان خاص للمحتاجين اللي مايقدرون يأمنون ثم عملياتهم
ابتسمت ام سيف : ماشاءلله تبارك الله ..الحمدلله
سيف : وعلى حسب علمي ان سارة موافقه عليه
ام سيف : ايه موافقه عليه ..بس ماتبي احد يعرف عن الوضوع قلت ل عمك مايعلم احد
سيف ب استغراب : ايه قلت له بس وش السبب
ام سيف : براحتها هذي رغبتها
سيف : يمه كان سارة وافقت ومتأكدة من موافقتها ملكتهم قبل لا اسافر ان شاءلله يعني معها وقت
ام سيف: ليه يا سيف ..لا يكون منت براجع
سيف ابتسم : لا يا الغاليه راجع بأذن الله
ام سيف : طيب خلها لين ترجع
سيف : بطول يمه بجلس شهرين
ام سيف : يارب ..لا تسافر يا سيف
سيف بملل : برجع يمه لا تخافين
وقف وهو يقول : تعوذي من ابليس يمه ...
فتحت جوالي وانا اكلم سارة : هلا حبيبيتي ...وينك ....يالله يا امي تعالي ....ايه راحوا قبل شوي ....تعالي البيت واقول لك ...فمان الله توقعي وانتي مع السايق
( توقعي = انتبهي )
ـــــــــــــــــــــــــ ـــــــــــــــــــــ
طلعت من الحمام واتجهت لغرفتي بسرعه قبل لا اصادفه
فتحت خزانة غرفتي ...كانت مليانه ملابس ..اخذت منها قطعه طويلة قطنية فوق الكعب بشوي ..واكمامها طويلة يعني فستان بيت تقريبا ..
لبستها وفكيت شعري وجلست انشفهه ...لبست شراباتي وترك شعري مفلول لاول مره براحه
جلست على الكنب اللي في غرفتي ..مسكت جوالي الجديد ..تو محمد جايبه لي ..فتحتته ودخلت اكاونتاتي القديمة ..يوه من زمان عنها ..
سمعت صوت الباب وقفت واتجهت للباب فتحت الباب
كان محمد
ناظرت فيها : فيه شي
محمد يناظرني :....
ناظرته ب استغراب : وش فيك
محمد هز راسه : ولا شي ..بس كنت بقول لك ان سفرتنا ان شاءلله بكره الساعه 10 الصبح بتوقيت لندن
نزلت عيوني وانا اقول : لازم اروح
محمد ناظر فيني : ماعندك الا هذا الخيار .. ناظريي الموضوع ب نظرة ايجابية .. عارف ان كل تفكيرك في المجتمع اللي بتقابلية هو بيرضى فيك ولا بيصير ضدك ..يقولك ناظري الشي بنظره ايجابية عشان يصير ايجابي ..ولا تناظرين الشي بنظره سلبيه عشان ما تصيرين طول حاتك سلبية
هزيت راسي من كلامه كأنه اقنعني شوي
محمد وهو يبتسم : تراك ماحطيتي حجابك على راسك
شهقت وسسكرت الباب بسرعه
محمد من ورا الباب : شوي شوي على بابي
ناظرت نفسي في المراية وانا اضرب راسي الحين بيقول اني متعمده اطلع كذا
سمعت صوته وهو يقول : تراني مانيب قايل انك متعمده تطلعين كذا قدامي لا تخافين وتظربين نفسك
ناظرت الباب بصدمة شلون عرف اللي يدور في خاطري يمه شكل فيه جني يعلمه ..بسم الله
رفعت عيوني للسقف ادور كاميرا يمكن معلق كاميرا ولا شي
بس مافيه
جلست على سريري وانا اناظر نفسي : الله يهديك يا شوووق الله يهديك
ـــــــــــــــــــــــــ ـــــــــــــــــــــــــ ــــــــــــــــــــ
ام محمد كانت جالسه وسرحانه بمحمد شلون تزوج بدون لا يعطي امه خبر ولا يقول لها
نور تواسي امها : يمه التمسي له العذر ي
ام محمد بهدوء وفي قلبها حسرة : شلون يا نور التمس له العذر وش العذر اللي يخليه يتزوج بدون مايقول لي ..شلون يا نور وهو اول فرحتي
نور : يمه انتي تعرفين محمد ..مايسوي شي الا وهو واثق منه وعارفه زين
ام محمد تناظر نور : هذا اللي مخوفني يا نور والله
نور : قولي لا اله الا الله بكرة يوصولون ونعرف كل شي
ـــــــــــــــــــــــــ ـــــــــــــــــــــــــ ــــــــــ
دخل البيت وهو مبتسم شاف اخته قدام قرب منها وهو يقول : اثير
لفت عليه وهي تقول : هلاا والله من اليوم احتريك تعال علمني وش صار
ناظرها وهو مبتسم : الحمدلله كل شي تمام
دخلوا الصاله جلس وهو يقول : بنملك بكرة ان شاءلله
اثير وهي تضحك : اخيرا الحمدلله
ابتسم بعدها سكت وهو يقول : مشيت على شورك ..تراني ما اعرف أي شي عنها ..حتى شوفه ماشفتها
اثير : لا تخاف كل شي فيها تمام ..خلك متفائل
وقف وهو يقول : ان شاءلله
ـــــــــــــــــــــــــ ـــــــــــــــــــــــــ
ــــــــــ
سكرت من فايزة وانا قرفانه منها ..حسبي الله عليك يا فايزة ماتجين الا بالفلوس
ابو وليد : وش فيك
حنان : ولا شي الله يسلمك ..بس ودي اننا بكرة ..نجيب سما للبيت هنا
ابو وليد ب استغراب : ليه
حكت حنان لابو وليد القصه وهي ضايق صدرها
ابو وليد يهز راسه :لا حول ولا قوة الا بالله العلي العظيم ..سوي اللي تبينه يا حنان ..مايصير نترك البنت كذا ..البنت صارت بنتنا ..خلي وليد بكره يجيبها
حنان بفرح : ان شاءلله
ـــــــــــــــــــــــــ ـــــــــــــــــــــــــ ــــــــــــــــــــ
ابو فارس وهو ينادي : فاااااااااارس .....يالله يا فاررس ..تأخرنا
فارس وهو ينازل الدرج بدون أي تعبير : هذاني جيت
ابو فارس : امك والهنوف وين
فارس : بيجون الحين
الهنوف تدخل ومعاها ولدها : السلام عليكم
ابو فارس : وعليكم السلام
هنوف تبوس راس ابوها وهي تقول : لايكون تاخرت
ابو فارس : على وقتك
ام فارس : يالله دامنا اكتملنا خلونها نطلع
ابو فارس : توكلنا على الله
ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــ
في بيت ابو صالح
ابو صالح : انووور ...قم خل امك تهز القهوه قبل لا يجون الرجال
انور : سم طال عمرك
ابو صالح : وانت يا صالح قم ولع انوار المجلس واخذ المبخره من امك وبخر المجلس
صالح : سم يا ابوي
ابو صالح : ماشفت ريم
صالح : الا من شوي شفتها رقت لغرفتها
ابو صالح وهو يقول : قم سو اللي قلت لك عليه طيب
صالح : سم
وقف ابو صالح متجهه لام صالح في المطبخ دخل المطبخ ابو صالح وهو يقول : امنه ..وين ريم ماشفتها من اسبوع , موب من عادتها ماتطلع علي
ام صالح : والله يا ابو صالح مستغربتها انا ..مدري وش فيها
ابو صالح هز راسه : بروح ادورها الله يصلحها
ام صالح : ليني نظفي دله كويس
ابو صالح طلع من المطبخ متجهه للدرج وقف قبال غرفتها وطق الباب
ريم : سمي يمه تعالي
فتح الباب وهو يبتسم : ليش موب سم يبه
وقفت واتجهت له : بسم الله عليك فيك شي ليش راقي فوق كان ناديتني انزل لك
دخل وجلس على السرير : ليش انتي تنشافين يا بنتي
ريم بخجل من ابوها : سامحني يبه ..
ابو صالح : وش فيك ..من يوم ماقلت لك عن ابو فارس وانتي متضايقه
ريم هزت راسها : ابد يبه ..مافي شي
ناظر فيها : تحسبينني يا ابوك ضايع عنك
ريم نزلت دموعها من حنيت ابوها عليها
ابو صالح : افا ..تبكين وانا موجود وش فيك يا عين ابوك
ريم هزت راسها بسرعه : مافي شي يبه
ابو صالح : بزر عندك انا يار يم ..وش فيك
وقفت واتجهه لها وضمها وهو يقول : انتي وحيدتي .. عارفك ..وعارف انك متضايقه وش فيك
ريم بصوت خفيف وبكذب : ما ابغى ابعد عنك ..أنت وامي
ابتسم ابو صالح : هذا اللي فيك يعني ...عادي يا بنتي هذي هي الحياة ..لازم تتزوجين وتجيبين عيال ..انا وامك محنا بباقين لك لطول العمر
رفعت راسها بسرعه وهي تقول : بسم الله عليكم لا تقول كذا يبه
ابتسم ابو صالح : امسحي دموعك ..وقومي تجهزي وخليهم يعرفون ان ابو صالح عنده اجمل بنت في حياتهم ماشافوا مثلها
ابتسمت وهي تقول : ابشر
ابتسم لها وهو يقول : الله الله بالزين يالريم
هزت راسها وهي تناظر ابوها ويدور في بالها كيف ترفض فارس ..وتهين ابوها قدام الكل ..تهين اللي رباها وحبها من كل قلبه ..ماخلا عليها قاصر ..مخليها قدام الكل هي الاميرة ..
اخذت نفس وقامت تتجهز
ـــــــــــــــــــــــــ ـــــــــــــــــــــــــ ــــ
وقفت عند البيت بعطي فايزة الفلوس ..ما ابغى افشل سما قدام وليد واجرجر فايزة في الحبوس ..اتصلت على فايزة تفتح الباب دخلت وانا اسم
فايزة : هلا
حنان : هلا فيك ..وين سما
فايزة بخبث : وين اللي اتفقنا عليه اول
حنان ناظرتها : وطلعت من شنظتها الفلوس : هذا هو
فايزة : ايه كذا تقدرين تسألين وين سما ..سما فوق في غرفتها تبغين ترقين ارقي لها
دخلت فايزة البيت ..وانا وراها حاقده عليها من كل قلبي ..بس اصبري علي يا فايزة انم اطلعت حق سما من عيونك ..ما اكون انا حنان
\وقفت عند باب غرفة سما طقيت عليها بس ماردت
فتحت الباب بشويش كانت منسدحة وحاطة في اذنها سماعه
ناظرت فيني وفزت مرتاعه قلت : اسفه خوفك
سما ناظرت ورا الباب : لا عادي حسبتك فايزة
حنان ناظرت في جسمي وكدماته بخوف : وش صاير لك
سما بحزن : فايزة
حنان : حسبي الله عليها .. سامحيني سما ..كل هذا بسبتي
سما : ولا يهمك عادي
حنان : اا ...بعد شوي جايين الكوفيرات
سما ناظرت فيني بخوف : فايزة ..قالت انه بيطلقني
حنان بسرعه : تخسي تخليه يطلقك
سما : بس انا كلمته
حنان : وانا فهمته ..ودريت ان هذا من فايزة مو منك
سما ناظرت فيني وابتسمت : الله يجزاك خير
حنان : وش كنتي تسمعين ..محمد عبدة ولا شرين
سما ابتسمت : السديس ..سورة البقره
حنان : ماشاءلله ..القرآن زين ..هدي نفسك فيه
حنان رفعت جوالها كان وليد :..هلا وليد ...ايه ...لا تونا ..باقي ..يعني على الساعه ثمان ..او تسع ان شاءلله ...اوكي ...على خير ..خلك عند جوالك ..استودعك الله
ناظرت فيني : وليد يسأل متى ياخذك
سما نزلت راسها وهي تقول : مشكورة حنان
حنان بحسره وفرح في نفس الوقت : انتي حسبت بنتي
سما : الله يخليك لي يارب
حنان : امين ..ناظرت جوالها وهي تقول ..جو الكوفيرات
دخلت حنان الكوفيرات ..لحد ماتروشت وطلعت لهم
ـــــــــــــــــــــــــ ـــــــــــــــــــــــــ ـــ
ام فارس وهي تسولف : اجل وين الريم ..يا ام صالح نبغى نسلم عليها
ام صالح : هذي هي جاية
دخلت وانا بكامل اناقتي : السلام عليكم
ام فارس بنظرات تفحص : وعليكم السلام ..هلا بالريم ..اسم على مسمى تبارك الرحممن
الهنوف : وعليكم السلام
سلممت عليهم وانا قرفانه من نفسي ..حسيت اني سلعه لا اكثر لا اقل جلست وانا اتجنب النظر فيهم ..بس باين عليهم ناس رزة وكشخه
كنت لابسه فستان شيفون طويل احمر ب اكمام طويلة .. وتاركة شعري مفكوك لين نص ظهري ولابسه كعب بسيط ..وحلق لولو ..وحاطه مسكرة وايلاينر صغير يادوب يبان ..وروج احمر ناري
جلست وانا احس بنظراتهم لي
ام فاررس : شلونك يالريم ..ان شاءلله انك بخير
كنت ارد عليهم وكأني مغصوبه على الرد
ريم : بخير الحمدلله
ام فارس تبتسم : في أي سنة انتي ..و وش تدرسي
ريم : مستوى سادس ..اعلام
ام فارس ب استغراب : اعلام
ريم هزيت راسي : ايه
ام فارس : ومتى بتتخرجين
ريم : باقي لي سنة ونص
ام فارس : ايه الله يوفقك ..ولدي فارس عمره 30 سنة ...ويشتغل مهندس ويساعد ابوه بعد ...ماشاءلله عليه ..مصلي ..ومسمي
ام صالح ابتسمت : تبارك الله ..الله يخليه لك ويبارك لك فيه
ريم ودي اقوم واهج من المجلس ..ما ابغى اجلس زيادة ..
وقفت وانا استأذن طلعت برا
جلست في الصاله المفتوح هوانا اخذ نفس منقرفه من نفسي لدرجة فضيعه
دخلت علي امي معصبه وهي تقول : فشلتيني عند المره
ريم ناظرت فيها : ليه وش سويت
ام صالح : يالله يالله تردين كأنك مغصوبه عليه
ريم :.............
ام صالح طلعت من المجلس وهي تتمتم الله يهديك ويبارك فيه
ـــــــــــــــــــــــــ ـــــــــــــــــــــــــ ـــ
مجلس الرجال
ابو فارس : حنا جيناكم يا ابو صالح على الوعد والاتفاق اللي بيننا
ابو صالح : يالله انك تحيهم ..الوعد للحين موجود يا ابو فارس من ايامه
ابو صالح : شلونك يا فارس عساك بخير ..وشلون شغلك وامورك
فارس : بخير يا عم الحمدلله كل شي تمام
ابو فارس : حنا يا ابو صالح جاينكم اليوم ..نخطبك بنتك على سنة الله ورسوله
ابو صالح : يالله تحيهم ..الشرف راكبني يا ابو فارس من يوم اقبلت علي
ابو فارس : والله ان نسبك يا ابو صالح ينشى ب اغلى الذهب
ابو صالح : سلمت يا اخوي ...فارس رجال كفو ..و ماعليه كلام ..حنا موافقين والبنت موافقه واخوان البنت موافقين ولا به زيادة كلام
ابو فارس : الحمدلله ...اجل يا ابو فارس نبغى نحدد موعد للملكة وموعد للعرس
ابو صالح : اختر اللي بناسبك يا ابو فارس
ابو فارس : دامه كذا ..ف الملكة عقب شهر من هالتاريخ يعني شعبان ..والعرس عقبه ب شهرين في بداية شهر 11 ..وش رايك
ابو صالح : عقب قولك مابه كلام
ابو فارس : عندك شروط يا ابو صالح ..ولا لبنتنا شرط تبيه
ابو صالح : ماينشرط عليكم يا ابو فارس حنا نشتري رجال ..وان شاءلله اننا مانختلف
كنت جالس اسمع كلامهم وانا احس اني مخنوق ...ما ادري وش فيني ..و كأن احد ماسكني من رقبتي
سمعت صوت ابو يكمني بصوت واطي : وش فيك انت ماتسمع الرجال وش يقول
ناظرته : وش يقول
هز راسه وهو يقول : قم الحقه ..كانك تبي تشوفها
وقفت و انا الحق اخوها الكبير صالح ..والله شكله ماحبني ابد ابد
صالح لف علي وهو يقول : خلك هنا ..شوي وتجي
جلست من غير ما ارد الكلمة
ابو صالح اتجهه لولدة صالح : ناد اختك وخلك انت برا ..لا تدخل معهم
صالح ناظر ابوه : وش هالكلام يا ابوي
ناظر فيه نظرة قوية : انت افهم مني يا ورع
صالح نزل عيونه : العذر يا ابوي
ابو صالح : قم ناد اختك
ـــــــــــــــــــــــــ ـــــــــــــــــــــــــ ـــ
كنت جالسه ف الصاله ..انتظرهم يروحون بتفاهم انا وامي ..على موضوع لازم يوضح من البداية قبل لا يصير أي شي رسمي
دخل علي صالح وهو يقول : تعالي ..أبوي يبيك
ريم : وش يبي
صالح بضيقة خلق : رجلك برا ..يبي يشوفك
ريم ناظرت فيه بعصبيه : لا تقول رجلك ما بعد صار شي
صالح : لا ينط فيك عرق ..قومي طيب
ريم : بعدين وش شوفته ..والله لو وش ما اطلع
صالح بفرحه : صادقه وش يطلعك له ..انا بروح اقول ل ابوي انك ماتبين
ابو صالح من وراهم: وليش ماتبين
ريم لفيت عليه وانا اقول : بس يبه ما ابغى
ابو صالح : بس من حق الرجال انه يشوفك
ريم : انا ماتشرطت وقلت بشوفه
ابو صالح : ماتشرط هو وقال انه يبي يشوفك ..انا اللي قومته يشوفك
ريم ناظرت فيه : ليه يعني ..خايف اني ما اعجبه ولا وشو
ابو صالح ناظر فيها : وش هالكلام اللي تقوليه وهالاسلوب اللي تكلمينني فيه
ريم بخزي : سامحني يبه ..بس ما ابغى اطلع
ابو صالح ينهي الموضوع : لك دقيقتين ..أحتريك برا انا
طلع ابو صالح وصالح واقف مع ريم : خلاص ابوي قال كلمة اطلعي اخلصي
ريم بضيقة خلق : اما ابغى
صالح ناظر فيني : شكلك ماتبينه
ريم ب ارتباك : ..لأ
صالح ناظر فيني وكأنه موب مصدقني : طيب يالله تعالي
وقفت وانا ادعي في خاطري ما اعجبه ويفركش كل اللي صار
جلست ف المجلس ..انتظرها تدخل بس طولت ست الحسن ..شكلها ماتبي تدخل
كانت عيوني في الارض تدور مع افكاري اللي في راسي قطع علي صوت انثوي : السلام
رفعت عيوني : وعليكم السلام
دخلت وانا اشوفه لابس ثوب وغتره وكاشخ والله عريس الغفله ومنزل عيونه ادب ماشاءلله سلمت وجلست عند الكنبه الاخيره بعيد شوي عنه
ناظرتها بصمت ..كانت جميلة فعلا ..شعرها طويل ..وجهها قمري ..جميلة جدا ..اللون عليها قاتل ..ارتبكت لاامانه ..ما ادري وش اقول
قلت : آآ شلونك
ريم بصوت واطي : بخير ..
رفعت عيني ..بشوف كيف شكله ...كان مركز معي بزيادة عيونه علي ناظرته وكأني ب اكسر عينه واخليه ينزل عيونه بس الاخ يناظر بكل اريحيه
فارس ابغى افتح أي موضوع معاها : تدرسين
ناظرته بالله هذا سؤال اكيد ادرس : ايه ادرس
فارس : وشو
ريم اخذت نفس : اعلام
فارس عقد حوااجبه : اعلام
ريم كنه موب عاجبه الاخ : ايه اعلام
فارس : انتي مقتنعه فيه
ريم ناظرته وبأسلوب ساخر : يعني لو موب مقتنعه كان دخلته
فارس حسيت بفشيلة من ردها بس قلت اكمل كاني ماتفشلت : وش تطلعين ..يعني اذا خلصتي
ريم وقفت وانا اقول : ابحث وانت تعرف
طلعت وانا تاركته يناظرني ..واضح مستغرب من ردت فعلي
. اسلوبها كان غريب شوي ..او ناشف معي وقفت وانا اتجهه ل ابوي واقول له :على بركة الله
رحت للمجلس وحددنا الموعد ...قرب ابوي موعد الملكة خلاه عقب اسبوعين بحجه اقدم المهر بدري و يمديها تتجهز ..استغربت من حركته وش يبغى يوصل له
طلعنا من البيت وركبنا السيارة
الهنوف : ماشاءلله صراحة البنت جميلة ..
ام فارس : جميلة ما عليها ..و ولدي جميل بعد ..
الهنوف لفت على امها : يمه شفيك كل ما قالت ام صالح شي قلتي و ولدي بعد كانه تنافس يعني
ام فارس : بعد هذي الحقيقه اقول ..ابو فارس
ابو فارس : نعم
ام فارس والوضع موب معجبها : البنت تدرس اعلام
ابو فارس بتفتح : واذا
ام فارس : يعني بتصير اعلاميه
فارس لف على امه : ما بقى الا هي تصير اعلاميه
ابو فارس ناظر ولده : وش فيك هجت الاعلام يا جاهل مايقتصر على الاذاعه فيه صحافه وفيه اقسام كثيرة هذا وانت مهندس
فارس : داري يا ابوي بس ارد على امي
ابو فارس : كمل طريقك بس
ابو فارس : تدري ان خاطبها امير ..قبلك بس رفضت
ام فارس وهي لاويه فمها : وش يدريك
ابو فارس : قالي ابو صالح ..
فارس : احسن لها
ام فارس تتكلم من غير نفس : خبري والله واجد خطاطيب جو لها وارفضتهم ...منهم من له صيت وغنا ومنهم مسؤلين كبار ..ومنهم عيال تجار ..
ابو فارس : النصيب انها تاخذ فارس
كنت اسمعهم واربط كلامهم بالغرور اللي شفته قبل شوي ..عشان كذا شايفه نفسها ويالله يالله ترد
كان الحوار داير بين الهنوف الاخت الكبرى ل فارس وام فارس المتكبره لولدها ومشاركات خفيفه من ابو فارس دفاعا عن عائلة الصديق الطيب ابو صالح
بينما هو في خياله بعيد سرحان معاها
ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــ
قبل ست ساعات في مطار هيثرو لندن ..
كانت جالسه على الكرسي تنتظر موعد رحلتها معه ..لفت ب عيونها تبحث عنه ..شافته جاي من بعيد ..رجعت عيونها ف الفراغ اللي قدامها
جلس بعد عناء المطار ..وتعبه : الحمدلله خلصت كل شي ..
شوق بهمس خفيف : تدري ..اني اول مره اجي من بعد 15 سنه ..اول مره ادخل المطار ..بعد غياب طويل
قال ببتسامته اللي ماتفارق : طيب ..حلو قومي تفرجي شوفيي التغيرات اللي صايرة فيه
هزيت براسي : ما يحتاج
محمد لف عليها : اذا تبغين تاكلين في اخر المطار في مطعم لبناني ..تبين نروح له
شوق : كم باقي على الرحلة
محمد : ساعتين
شوق : افف ..
متوتره للغاية تهز رجولها ..بشكل واضح ..وكأنها خايفة من شي
قلت : شكلك خايفة من المواجهه
لفيت عليه : مواجهة وش
محمد ناظر فيني و بعد تأكد قال : موجهة عائلتي ..صح ولا غلطان
ناظرت فيه وهي تقول : ساعات احس فيك جني
محمد ب استغراب : ليه
شوق ترفع يدينها : شلون عرفت
محمد : شي واضح ..يعني لا فيني جني ولا شي
شوق بدهشه : شلون عرفت طيب
محمد وهو يضحك : طيب بقولك ..اولا رجلك
الرجل اذا نهزت بدون وعي من الشخص ..يعني انه متوتر ..او خايف من شي ..ثانيا شلون عرفت انه من اهلي ..فهي واضحه..ناس اول مره تشوفينهم ..تدخلين عليهم ..طبيعي بيكون الشي اللي تخافين منه ..يعني الموضوع مايبغى له ذكاء ..واغبى غبي يفهمه
شوق برفعه حاجب : يعني انا غبية
قال وهو يوقف : راجعي نفسك ..تعالي معي شوي
شوق : وين
محمد : بشتري لـ اهلي هدايا
شوق رفعت كتوفها : رح اشتر
محمد ويده على راسه : ما اعرف اشتري لحريم
شوق وقفت وهي تقول : طيب
اتجهوا للسوق الحرة ودخل محمد وهي وراه
وقفوا عند العطور وبدا يتخير لامه من العطور
محمد يمد لها عطرين : أي واحد احلا
شوق : امم هذا ريحته اهدا
محمد : طيب هذا لامي
اخذت شوق عطر تمده لمحمد : وهذا حلو ريحته بناتيه حلوه
محمد : طيب هذا ل نور ..باقي ناصر ..بروح اجيب له ..تجين
شوق : لا ب انتظرك هنا
لفت على العطور اعجبها عطر الا انها استحت تاخذ منه ..رجعته مكانه
واتجهت للاكسسوارات
ناظرتهم ب عشق ..طول عمرها تعشق الاكسسوارات سواء ذهب الماس فضه ..اكسسوار ..تعجبها ..وتروق لها
اشرت على اسواره ناعمه ..طلعتها لها الموظفه قاستها ..أعجبتها بشده ..
سألت عن سعرها ..ب 300 باوند مايقارب 2000 ريال
وطلعت تنتظر محمد يجي رجعت جلست في محلها ..
شافته قدامها معه اكياس كثيرة ..ماشاءلله مسرع توني تركته مامعه الا عطرين
قربت منه : اساعدك
محمد : امسكي هذا بس
شوق اخذت من الكيس ورجعت تجلس محلها
جلس جمبها وهو يقول : اخذت شي لانسانه اعزها جدا ..باخذ رايك فيه
شوق ب استغراب : لامك
هز راسه وهو يطلع الاسوارة نفسها حقت شوق : وش رايك
شوق ناظرت ف الاسوارة وهي تقول : تجنن ..الله يهنيها فيها يارب
سكر الاسوارة وهو يرجعها مكانها : امين ..
كان في خاطري اسأل لمن الاسوارة الا انه حط السماعات في اذنه
جلست وانا افرك ابغى اعرف لمن هذي الاسوارة..موب لانه يهمني ..لا لانها عاجبتني لدرجة كبيرة .. ناظرت فيه وهو مندمج في جواله ..كنت سرحانه في الاسوارة وفي حنانه على امه وخواته وفيه هو رفع عينه لي ..ماكنت منتبهه ..له ..ماكنت مستوعبه ..ناظرت فيه ..وانا ابغى اعرف لمن ..بس قطع علي وهو يقول
محمد ب ارتباك : موعد الرحلة ..يالله
شوق :آآ..
وقفت ومشيت قدامه
قالي بصوت عالي : شوق شنطتك واكياسك
رجعت وانا متفشله من الوضع اللي صار ..يالله فشله ..
اخذت الاكياس واتجهت للبوابه قربت منها بسرعه
وقف جمبي وهو يقول : خلك وراي ..
شوق بهمس : سبحان الله سعودي ما يخلي طبعه
لف علي : وش تقولين
شوق : ولا شي
دخلنا الطيارة ..
كان مقعدنا ثالث صف من الفرست كلاس
لف علي وهو يقول : تبين جمب الدريشة
هزيت راسي ودخلت جمب الدريشة ..صراحة احب الدريشة واستمتع بالمناظر اللي اشوفها
جلسنا لحد ما امتلت الطيارة واعلن الكابتن الاقلاع
محمد : لا يكون عندك خوف من الاقلاع
لفيت عليه وانا ابتسم بسخرية : لا ..لا تخاف ماني من البنات اللي اذا اقلعت الطيارة انهاروا وتمسكوا في اللي جمبهم و سووا اكشن ..
محمد يجاريها : زين اجل
شوق : ادري
بدت الطيارة تقلع لف عليها محمد كانت ماسكه بيدينها الثنتين المقعد وتقرى سورة الكرسي بصوت واضح ..شكلها مضحك ..
محمد : ههههههههههههههههههههه لا ابد منتي من هالبنات
كانت ماتسمع لي ..تقرى الادعيه ..تقرى القؤان ..احس كل شي حافظته من القران قرته ..
محمد يحارشها : ماشاءلله عندك قوة تحمل قوية
لفت عليه : لا تحسب اني خايفة ..كنت اقرى بس
محمد : واضح
استقرت الطيارة بالجو وهدى الوضع
لف محمد راسه للجهه الثانيه
انتبه لوحده تناظره في المقعد المجاور
قالت له : انت دكتور محمد ال ..
محمد ب ابتسامه : ايوه نعم
قالت : اللي تطلع في برنامج دكتورنا صح
محمد ناظر فيها : هذا انا بالضبط
كنت اناظرها وهي تتكلم معه واستمع لحوارهم
البنت : انا كنت ماخذه عندك مادة في الجامعه بعد ..ماشاءلله عليك دكتور لك معجبين بكل مكان ..خصوصا انك شاب تبارك الله ..ولك كل هالعيادات وعندك خبرات كثير ..مرة كنت باخذ عندك موعد عطوني بعد 9 شهور ..الله يزيد يارب
محمد ب ابتسامه : الشرف لي ..عطيني اسمك واخلي لك الموعد قريب
البنت ب ابتسامه : موعدي بعد شهر مايحتاج ...اللي معك زوجتك
محمد لف على شوق اللي كانت مستمعه للحوار : لا اختي
البنت : الله يخليك لها
محمد : امين
البنت : فرصة سعيدة دكتور محمد
محمد ببتسامه : وانا اسعد
لف على شوق وهو يشوف ردة فعلها : خفت اقول زوجتي وتزعلين
شوق بدون استيعاب : خفت تقول زوجتك وتتفشل
محمد ناظرها بصدمة : وش تقولين ..انتي
شوق وكأنها استوعبت : ولا شي
محمد ناظر فيها ثم رجع ناظر بالبنت وهو يقول : هذي زوجتي ..كنت استهبل معك
ناظرته البنت ب استغراب : كنت حاسه ... الله يخليك لها بعد
شوق : ليش سويت كذا ..خل صورتك نظيفة قدامهم
محمد كان مندهش من كلامهم : ليش تقولين هالكلام
شوق ببتسامه : عادي مافيها شي والله ..انت ماشاءلله دكتور ولك معجبينك لا تخرب شكلك قدامهم
محمد : انتي اكيد مجنونه
شوق : الحين وش بيهمك عادي ..يعني ف النهاية انا زوجتك بالاسم بس ..وبعدها بنتطلق ..انت لك حياتك ولي حياتي ..مافيها شي ..ناظرت شوق البنت وهي تقول : البنت حليوة شكلها ماشاءلله مثقفه وجميلة
محمد ناظر فيها : مافهمت عليك
شوق : يعني انت لك حياتك ..لا ترتبط فيني عش حياتك وكأني موب موجوده بغيت تحب حب ..بغيت تتزوج تزوج ..وانا نفسك
محمد برفعة حاجب : شلون نفسي
شوق : يعني اذا ابغا احب احب ..أبغى اتزوج اتزوج ..نفسك يعني
ناظرت فيها وانا اقول : اسكتي احسن لك
شوق ناظرته اول مره يتكلم معي بهالطريقة : يعني وشو اسكتي هذي الحقيقة
محمد : عندك بس عندي انا لا ..
شوق : براحتك يعني بتجلس معي طول عمرك ..وانا يعنـ..
محمد : انتي وش
شوق : نتكلم بصراحة
محمد ناظر فيها بقوة : بصراحة
شوق : انا مستحيل اتقبل احد غير ..مشعل في حياتي ..يعني لا انت ولا غيرك .. يعني اللي ابغا اوصله لك ..انا لا اصير حجر في طريقك طلقني وعش حياتك بهدوء ..بعيد عني وخلني اعيش حياتي
محمد ناظر فيها بقوة وهو يقول : انا زوجك ..مستوعبه وش تقولين قدامي
شوق ناظرت فيه ب استغراب : ايه مستوعبه
محمد قال بلهجة جامده : انا دكتور نفسي ايه ..متفتح ماقلنا شي ..بس مسألة انك زوجتي ..وتفتحين قدامي مواضيع زي هذي ..هذا شي لا يحتمل ..بعدين طول ما انا متزوجك مشعل ما ابغى اسمه ينذكر على لسانك
شوق اندهشت من كلامه قلت ب اندفاع : يعني بكلامك هذا بتمسح مشعل من لساني ..بس مستحيل تمسحه من قلبي ...لا تنسى
محمد وهو شاد على اسنانه :: مستحيل اقدر امسح من قلبك احد تحبينه بس انتي زوجتي لا تنسين
شوق : مانسيت هالشي الكئيب ولا انت جابرني انسى مشعل لو وش ماصار
محمد لفيت عليها وانا اقول: انتهى
شوق : انا ما حاسبتك وش تقول وش ماتقول ولا حاسبتك لمن شاري الاسوارة ل عزيزتك هذي ولا سألتك من تكلم طول الوقت ..ف انت خلك مثلي ..
محمد : حنا ف الطيارة ..انتبهي على كلامك زين ..وانتبهي يطلع لسانك هذا قدام اهلي ف البيت ..خلي وضعنا طبيعي عنده
شوق : وليش الكذب يعني
محمد ضغط على يدها وهو يقول : لا تكلمينني الان لاني متنرفز لدرجة اني ممكن افجر فيك وفي الطيارة
ارتعبت من ضغطت يده ولهجته القويه ..سكت وبعدت عنه شوي واخذت اللحاف واسترخيت وانا خايفه من طريقة كلامه معي
ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــــــــــــلبست بشتي ..وانا مغصوب على هالحاله اللي انا فيها ..طلعت من الغرفة ..وانا اشوف سالم متجه لي وهو زعلان : وين ماما
ناظرت فيه : بكرة ماما بتجي اكيد
سالم ببكا : انت تقول الحين تجي
ضميته وانا اقول : اذا نمت وقمت بكرة تلقى ماما
سالم بخوف : اكيد
وليد : اكيد ..يالله تروح تنام .. عشان بكرة يجي سرعه ..
سالم زيه زي كل طفل يفرح بسرعه ويزعل بسرعه قال بفرح : طيب ..بس ماما لازم تجي
هزيت راسي لطفلي الصغير وانا اقول ل لطفيه : خذيه ونوميه ..
اخذته لطفيه لغرفته وانا اتابعه بعيوني نزلت ل ابوي ف الصاله
ابو وليد : يالله يا وليد تأخرنا على معزيمنا
وليد : هذاني جهزت
ابو وليد : دقيقة خلني ادق على حنان
ابو وليد : الو ...خلصتوا ....لا عرس الرجال ف الفندق نفسه ..خلاص اذا خلصت وديها للفندق ..وخليها وارجعي انتي ..لاقضى عرس الرجال بيجيها وليد ...............خلاص اجل سوي زي ماتشوفين ...على خير ...فمان الله
ابو وليد : حنان بتودي مرتك الفندق وبتجلس معاها ..لا قضى عرس الرجال وجيت بترقى ..دق عليها تنزل ..
وليد : ابشر ..يالله طلعنا
ابو وليد : يالله
طلع ابو وليد و وليد متوجهين للفندق
ـــــــــــــــــــــــــ ـــــــــــــــــــــــــ ــــــــــــــــــ
ناظرت نفسي في المراية كان شكلي قمة ف الجمال بفستاني المزين باللؤلؤ و شعري المفلول بتسريحة بسيطة ومكياجي الهادئ ما كأنه مكياج عروس ..حسيت نفسي من اميرات دزني ..الجميلات ..ألانيقات ..انبسطت من شعوري اللي اول مره احسه من عرفت نفسي رفعت عيني
ناظرت الساعه كانت 9
دخلت حنان علي وهي تقول : تبارك الله ...آية من الجمال
ابتسمت على كلام حنان ..بس كان فيها شي غريب ..ماكنت عارفه وشو كانت نظراتها تلامس شي فيني ...استغرب من هالشعور للامانه
جلست على السرير : اييي
حنان بخوف : وش فيك
سما : ولا شي بس حافة السرير ضربت الكدمة اللي في رجلي
حنان بحسرة : حسبي الله عليها فايزة ..جعل كل شي سوته فيك تشوفه في نفسها وبناتها ابتلاء يارب
سما سكت وانا اسمع دعاء حنان عليه ..حنان غريبة ..غريبه ..
حنان : اذا انك جهزتي خلينا نروح الفندق
كانت دقات قلبي تزيد ..خوف ...خوف ..خوف ..و كأني رايحه للنار
سما : الحين ..
حنان ..بحنان : ايه الحين ...ليش احسك خايفة ..لا تخافين ..وليد رجال يخاف الله ..واللي يخاف الله لا تخافين منه
دمعت عيني ..كان ودي امي تكون موجوده ..مافي بنت ماتتمنى امها تكون معاها ..في يوم زواجها ...
حنان بخوف : وش فيك
سما وهي تدمع : اشتقت لامي ..ودي انها معي ...او أي شي من ريحتها
حنان انصدمت من كلمتها حاولت اتمالك نفسي ..لا انهار ..قربت منها وضميتها بكل قوة : الحمدلله على كل حال
هديت بعد ضمة حنان وقفت وانا اقول : انا جاهزة
حنان مسحت دموعي بسرعه ما ابيها تلاحظها : يالله طلعنا
نزلت من الدرج وانا انزلها شوي شوي
وقفت في الصاله ادور فايزة او أي احد من بناتها ..ماكان فيه احد
نزلت راسي بيأس كنت ابغى أي احد من طرف عائلتي ..الحمدلله ..
ركبت السيارة مع حنان اللي كانت تحاول تلهيني ..بس كان عقلي..مع امي الله يرحمها وشتات ذكرياتها ..ماحسيت بنفسي الا وحنا عند الفندق ..ساعدتني حنان انزل من السيارة واتجهت للفندق وعيون الناس كلها علي .. كان فستاني بسيط مافيه نفشة بس كان يسحب من ورا واضح اني عروس ...
دخلت الغرفة تقعشر جسمي ..يي شعور مرعب ..ما اتمنى أي وحده ف الحياة هذي تحسه
جلست على الكنبه وانا اسمع حنان تقول : خلاص انتهت مهمتي لليوم ..أشوفك بكره
وقفت بسرعه وانا اقول : حنان وين ..تعالي
حنان : وش اللي وين ..بروح البيت ..
سما : لا خليك ..امانه لاتروحين
حنان : تستهبلين سما ..وش بيقول عني وليد ..يقول مرت ابوي انهبلت ..
سما : بس امانه لين يجي اجلسي شوي بعدين اطلعي
حنان : هذا هو جاي ...ما اقدر اجلس اكثر ..بطلع وانتي بكره اساسا بتجين ..
سما : بس
حنان : لا بس ولا شي ..سمي بالله وخلاص ..أطردي الخوف اللي فيك
طلعت حنان بعد ماودعتني وانا خفقان قلبي كل ماله ويزيد احس لو فيه احد ف الغرفه كان سمع نبضات قلبي من سرعتها
جلست مايقارب العشر دقايق بعدها سمعت صوت الباب ينفتح
ناظرت بالباب كان هو داخل وعليه بشته ...تصنمت ..من الخوف ماقدرت اقول ولا شي
دخلت وانا ضاغط على نفسي صار لي عشر دقايق ماقدرت ادخل
ناظرت فيها كانت جالسه وباين على وجهها الخوف ..
وليد بصوت هادي : السلام عليكم
سما بصوت مرتججف : وعليكم ...السلام
جلست في الكنبه المقابله لها وانا اتنهد من التعب ناظرتها كانت جميلة وانثى ..واقرب ما يقال في هالوقت انها كانت مغرية ...تحكمت في نفسي وانا اشوفها
قلت لها : شلونك
سما : بخير
قلت لها : انا وليد
ناظرت فيه ب استغراب دارية انك وليد : ادري
حسيت بغباء من تعرفين : .. تقدرين تروحين الغرفه
سما : لا عادي انا مرتاحه رح انت
رفعت حاجبي : ليش ماتبين تروحين الغرفه
سما ب ارتباك : عادي ..بس الجلسة هنا مريحة
وليد ناظر فيها برفعه حاجب : يعني ريحتك
سما : ايه كثير
وليد : زين دامه كذا
سكتنا وانا اناظر فيها واقارنها ب شهد من ناحية الجمال ..يمكن شهد ماتجي نص جماالها ..و انوثتها الطاغية ..كنت احاول امسك نفسي بالغصب لا اقرب جمبها
جيت ب اقوم بس صوتها صحاني حمدت ربي انها تكلمت : ..انت خلك هنا ..انا بدخل الغرفة ..ارتح هنا ..الكنبه هذي ..مريحة يعني
وليد وقفت وانا اقول : انتظري ابغى اتكلم معك في موضوع
سما ناظرت فييه : وش
وليد قربت منها وجلست قريب منها كانت ريحتها هادية ..مريحه ..وجها مريح للنظر ..مافيه مكياج كثير ....
قلت بهدوء : بكون معك صريح ..انا تزوجك عشان شيين .. بس ما ابغى يضيق صدرك ..او تحسين ب اهانه
ناظرت فيه ابغاه يتكلم بسرعه : وش
وليد بلهجه رسميه : انا تزوجتك عشان شغلتين ..الاولى زنان ابوي علي اني اتزوج ..والثانية ولدي سالم
سما : مافهمت
وليد : يعني السبب الاساسي اللي تزوجك بسببه ولدي سالم عمره خمس سنوات ..امه توفت الله يرحمها اول ماجابته ..من يوم ما ولد وهو فاقد امه .. ما يمر يوم من دون مايذكرها ..بعد ماصار عمره ثلاث سنوات كأن سيرتها انقطعت بعدها ما ادري وش ذكره فيها ..صار يتعقد من هذا الموضوع ..يعني ب اختصار تزوجتك ..عشان ولدي سالم
ناظرت فيه : يعني انت ماتبغى مني أي شي
وليد ناظر فيها وهو يبتسم : لا ..ويكون احسن تخلين علاقتكك فيني زي علاقتك فيني يوم في المستشفى
سما نزلت راسها وانا اتذكر المستشفى قلت بعد مدة: يعني بس اربي ولدك ..مالك أي شي عندي صح ..
وليد فهمها : لا
سما بتأكيد : يعني اخذ راحتي في كل شي ..انت مالك فيني شي ابد ..ولا لك خص فيني ..وتعتبرني زوجه بالاسم وتربية ولدك صح
وليد : بالضبط
سما تنهدت براحه وابتسمت : الحمدلله
وليد ناظرها ب استغراب : على وش
سما وقفت ببتسامه : خلاص كذا ارتحت ..مشكور
وليد ناظرتها بغرابه : العفو .. بس على وش
سما : كنت شايله هم اشياء واجد ..بس ريحتني الحمدلله
انا بدخل ..الغرفة
وليد ناظر فيها ب استغراب كيف تغيرت ميه وثمانين درجة بعد كلامه وكأنها شايله هم قربه لها
استغربت من ردت فعلها
فتحت جوالي جلست عليه لمدت نص ساعه بعدها قمت وقفت عند المراية افصخ غترتي ناظرت في المراية وانا اضحك : بالله هذا شكل معرس هالوقت هههههههههههههه
نزلت غترتي ..ابغا بجامتي
اتجهت للغرفه فتحت الباب كانت جالسه على السرير ماسكه جوالها ولابسه بجامه سكريه بنطلون بيج حرير وبلوزة حرير ب سيور وشايله مكياجها و فاكه شعرها وجالسه على جوالها ..شكلها مغري بشكل فضيع بالنسبة لـ أي رجل تنحنحت وانا اقول : ابغى بجامتي
سما وهي تبتسم : ادخل اخذها
ناظرتها وانا اقول : اسمعي ..صح اني قلت ما ابغى منك شي بس ..لا تجلسين عندي كذا .... حتى لو كنت ما ابغى ب اصير ابغى منك اشياء واجد
صدمتني جرائته اخذت اللحاف وانا اقول بخجل واااضح من قلة ادبي : اسفه ..والله توني انتبهه
وليد : حصل خير ...
اخذت البجامة وطلعت بسرعه وانا اهدي نفسي ..أعوذ بالله ..اعوذ بالله ..اعوذ بالله
جلس على الكنبه وشكلها عالق في ذهني ..
سمعت صوت قفل الباب ..شكلها خافت من كلامي ..
انسدحت ونمت على طول ماعطيت نفسي مجال اني افكر
ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــــ
الساعة 12 الظهر
نزلت من الطيارة وانا احاول اتجنبه ...طول الوقت كان نايم ..وانا احاول ما اركز عليه
طلعنا من المطار ..وركبنا على طول سيارة الاجرة بدون مانتكلم او نقول أي شي
وقفنا عند فله كببببييييييره كانت مليانه بالنخل والزرع ..نزلت من السيارة وانا اسمعه يقول لي : هذا بيت اهلي ..انتبهي لكلامك فيه
دخل وانا امشي وراه ..وقفنا عند الباب اللي يدخل للفله ..دخل قبلي ..وسمعت صوت اهله يرحبون فيه ويهلون ..ماقدرت استرجي وادخلي ..كنت كاتمه الصيحه اللي فيني ...ما اقدر اتحمل ..بصيح الا شوي ...
سمعت صوت مرأه واضح انها كبيره وهي تقول : وينها
محمد لفيت وراي ادورها ماكانت موجوده : دقيقه
طلعت لقيتها واقفه عند الباب ووجهها واضح ان فيه صيحه ...قلت لها : اهدي ...اهدي
شوق : طيب بهدي بس انتظر
محمد : ب انتظرك
شوق بعد دقيقتين ..دخل ودخلت وراه وانا منزله راسي ..سمعت صوت مره كبيره تقرب مني وهي: انتي شوق
هزيت راسي : ايه
ام محمد بحنية وكأنها تغيرت بعد ماشافت شوق : طيب ليه منزله راسك كذا ..محمد يقول انك جميلة ..
رفعت راسي وعيوني مليانه دموع مافيه مجال اني امسكها ..حنيتها الزيادة بكتني
ام محمد وهي تضمني : ليه تبكي ..اهدي ..وارتاحي ..حبيبتي انتي الحين زي بنتي نور ..ماله داعي تخافين مني او من أي احد
شوق : ان شاءلله
كنت اراقب الموقف بين امي و شوق واضح بينهم كيمياء عجيبه
شفت نور تبتسم لهم ..قلت : شوق ..اختي الكتكوته اللي قلت لك عنها نور
نور قربت منها وهي تبتسم : شلونك شوق ..انا نور اخت محمد ..وعادي تعبرينني اختك
سلمت عليها وانا مازلت خايقة ما ادري ليش
جلسنا على الكنب وام محمد تقولي : فكي حجابك حبيبتي .مافيه رجال هنا
رفعت عيني لمحمد كان يناظرني نظرات اللي لا تبينين لهم ان بيننا شي
هزيت راسي وفكيت حجابي وانا ميته خجل من نظرات محمد لي
نور بابتسامه : ماشاءلله شوق ..جميلة
شوق ناظرت فيني وهي تقول : تبارك الله ..مثلك ..جميلة الله يخليك ل امك
نور ببتسامه : شكرا ..طيب عرفيني عليك وخليني اعرفك علي
شوق ولازالت على نفس وضعها : امم عمري 23 سنة ..خريجة ترجمة
نور وهي تبتسم : ماشاءلله ..وااو ..شي حلو ترجمه
شوق : الحمدلله ..وانتي
نور : انا نفسك عمري 23 تخصصي تربية خاصه ..بس مريت بظروف خلتني ما اكمل ..بس ان شاءلله اني ب اكمل فيها ..
شوق : ان شاءلله ...كنت متوتره من نظرات محمد ..لي ..ماكنت عارفة اسولف كويس لحد مادخلت ام محمد وهي تقول لمحمد : اخوك برا يبيك
بعد ماقام محمد حسيت براحهه معهم ..بديت اسولف واحاول اكون مرتاحة
تغدينا انا وام محمد و نور ..اول مره احس اني مبسسوطة بالسوالف مع احد ما اعرفه الا من قريب
وقفت ام محمد وهي تقول : يالله عاد زودناها بالسوالف معاها يانور البنت جاية وتعبانه ..تعالي اوديك غرفتك ترتاحين
وقفت مع ام محمد واتجهت للغرفه دخلتني ام محمد الغرفه وهي تقول : هذي غرفة محمد من يوم انه صغير وغرفتك بعد
ابتسمت لها ودخلت الغرفه وسكرتها بعد ماطلعت ام محمد ..كانت الغرفه كبيرة ..شدني فيها جدار ..كان فيها شهادات كثيرة ..وابيات شعريه مخطوطه بخط يد جميل ....وصور حلوه فيها تعبير جميل ..
جلست على الكرسي وانا افكر في عائلة محمد شلون يرحبون بي وهم مايعرفوني ابد ..ولا يعرفون عائلتي ..ولا يعرفون طبعي انا ..صدق ناس طيبة
نزلت العباية اللي علي ودخلت دورات المياة كان كل شي مرتب ونظيف ..وكل شي موجود نسائي اخذت لي بجامه ودخلت تروشت ولبست بجامتي وطلعت
لقيته منسدح على السرير ويطقطق بجواله
رفع عينه وهو يقول : للاسف مضطرة تنامين معي ف نفس الغرفة
ناظرته : ادري ..وش بنسووي طيب
محمد عقد حواجبه وبنية خبيثه غير واضحة : ولا شي ..تبيننا نسوي شي انتي
شوق ب استغراب : لا وش نسوي يعني ..مافيه حل الا انك تنام على الارض وانا على السرير
محمد ناظر فيها : ما اقدر ظهري يوجعني
شوق : يعني انام انا على الارض
محمد : ماقلت لك نامي على الارض يمديك تنامين ععلى السرير
شوق : طيب انت وين تروح
محمد ب استغراب : على السرير
شوق :لااا والله ..أنام انا وانت في نفس السرير
محمد يتطقطق في جواله : خلاص نامي على الارض
شوق : انام على الارض بس ما انام على السرير معك
محمد نفس وضعه : بكيفك
شوق ربطت شعرها واخذت مخده ولحاف من فوق السرير واتجهت لزاوية بعيدة عن السرير
محمد ناظرها : وش اتحلف فيه انا
شوق رفعت كتوفها : دور لك شي تلحف فيه ..تنازلت عن السرير
محمد ناظرها وهو يقول : النوم في الزوايا موب زين على فكرة ..
شوق : ليه
محمد وهو يستهبل: يعني موب زين وهو يشد على كلامه بسم الله علينا
شوق ناظرت فيه وكانها فهمت انه مجلس الجن : خرفات لا تصدق
محمد : بكيفك وقف واتجهه لخزانته وطلع منها لحاف وحطه على سريره
بدخل اتروش انا
شوق هزت كتوفها وهي تفكر في كلامه وين تنام يعني
دخل تروش بعدها طلع لقاها مقربه شوي من السرير : شكلك خفتي
شوق بكبر : لا عادي ..بس هناك البلاط يعور شوي
محمد بعد اهتمام : كلها بلاطها واحد قولي انك خفتي وبس ..
شوق ناظرت فيه كان طالع لاف منشفه على خصرة لفت راسها وهي تقول : البس في الحمام نفسي ..ترى الغرفه فيها شخص ثاني ..
محمد ناظر فيها وقال بيستفزها : غرفتي اطلع فيها والبس فيها براحتي لو اطلع مفصخ مافيها شي ..حتى انتي تقدرين تطلعين وتلبسين برا ما قلت لك لازم تلبسين داخل ...لك حرية الاختيار
ناظرت فيه : وقح
محمد : عفوا
شوق وهي تنسدح : ولا شي فتح دولابه وطلع له بجامه وهو يقول : ترا بلبس ..بتغمضين غمضي ..بتفتحين فتحي
شوق غمضت : وجع ان شاءلله هذي بدايتها يعني ولا وش نظامك
انسدح على سريره وهو يقول : بتفقعين عيونك من كثر ماغمضتي
شوق جلست وهي تقول : انت دكتور نفسي مفروض تكون مهذب شوي
ناظر فيني وهو يقول : للاسف يقولون ان الدكتور النفسي مجنون اكثر من المريض ..و صعبه العيشة معه
شوق : يعني بتخوفني
محمد : ابد ...انا بطفي اللمبه ..تصبـ....
شوق : لا خلها مولعه
محمد : تخافين وانتي هذا كبرك
شوق بكبر : ابد ما اخاف ....بس اللمبه احسن تهدي ..لو تبغى طفها ..عادي
محمد وهو يوقف ويطفي اللمبه
انسدح على سريرة في مححاوله للنوم بعد نص ساعه سمعها وهي تقول : ظهري عورني بجي انام على السرير ..بس امانه ماتقرب مني
محمد : تبين ترتاحين حطي فاصل بينا مخاد
وقفت و شغلت اللمبه وانا اشوفه يغمض عيونه بقوة اخذت المخاد وحطيتها بيننا ..قلت له : لا تقرب هذا الجزء هذا مكاني
محمد هز راسه : طيب بس طفي اللمبه
طفت اللمبه وانسدحت على السرير وهي تقول : مدري ليش ما ارتحت لك الحين .... في لندن مرتاحه لك ..بس هنا لا ..صدق السعودية تغير
محمد وهو نعسان : بكره تتتعودين على محمد الجديد خلاص تصبحين على خير
غرق في نومه وهي تحاول تنام ...........................
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــ
صحيت من النوم ..فتحت جوالي كانت الساعه 8 الصبح ..جلست على سريري ..استوعبت وين انا فيه ..
وقفت واتجهت للحمام .. تروشت بعدها طلعت لبست بنطلون اسود و تيشيرت وردي طويل شوي
فتحت الباب بشويش طلعت لقيته نايم في الصاله رجعت غرفتي ولبست عبايتي ...
جلست اطقطق بجوالي شوي لحد ماسمعت صوته برا يكلم في جواله انظرت شوي بعدها سمعت صوته وهو جاي الغرفه دخل الغرفه وهو يناظرني ..اتجه للحمام وهو يقول: طلعي ثوبي ..واخذي كل اغراضك بنرجع البيت
كنت مشغوله بمحادثه مهمه مع رنا ما انتبهت لكلامه
دخل بعد ماطلع كنت على نفس وضعي
طلع وهو يقول : وين ثوبي
سما ناظرته : أي ثوب
وليد رفع حاجبه : تستهبلين
سما : لا
وليد : ماقلت لك طلعي ثوبي
سما : ما سمعتك ..كنت على جوالي
وليد بلهجة غريبة وصوت شبهه عالي : لازم تسمعينني ...مره ثانيه انتبهي لكل شي اقوله ..
سما ناظرته وانا كارهه اسلوبه معي كملت سوالف مع رنا وانا اشوفه يطلع ثوبه ويلبس : يالله قومي نطلع
وقفت واخذت شنطتي الصغيره وجوالي وطلعت معه
ركبت السيارة معه وانا اسولف مع رنا ..من كلامه امس معي اني ما اهمه ارتحت ..قمت اخذ راحتي واعتبره موب موجوده
كنت اضحك على كلام رنا ..وسولفها
كنت اسمع صوت ضحكها ..ولا كأني موجود معاها في السيارة ..ناظرتها كانت تكتب وتسولف ...سكرت جوالها وهي تتنهد
لفيت عليها وانا اقول : قربنا من البيت ...سوي زي ماتبين في البيت ..بس انتبهي تقللين احترامي او احترام احد من عايلتي قدامي او من وراي
نظرت فيه وكأنه يعلمني التربيه من جديد قلت له : صحيح امي و ابوي ماتوا من زمان قبل يربوني ...... بس ترى مايمنع اني اكون متربيه و عارفة الاصول ..ما يحتاج تعلمني وش اسوي ..وش ما اسوي ..شفني انت ..واذا شفت غلط وقتها حاسبني و فهمني
استغربت ردها حسيته هجومي شوي بس اعجبتني قوتها في الرد : طيب
نزلت البيت ونزلت معي
دخلت البيت وانا اسمع حنان تهلي وترحب قربت منها وسلمت عليها
حنان : تعالي ..شوفي سالم ابو وليد
هزيت راسي ومشيت ورا حنان لحد مادخلتي في محل فيه نافورة وطبيعه ..ريحة فواحه وطيبه ..يعني هوا نقي ..كان جالس شايب كبير في العمر على كرسي متحرك .. ويناظر في النافورة
قربت حنان وهي تقول : ابو ليد .... شف من جبت لك معي
ابو وليد وهو يبتسم : من
حنان : مرت ولد .....سما
لف ابو وليد بكرسيه ولازال مبتسم : حي الله بنتي ..تعالي وانا عمك اقربي
ابتسمت وانا اشوفه قربت منه وبست راسه
قالي : تعالي اجلسي هنا جمبي
جلست جمبه وان استمع له وهو يقول : نورتي بيتك يا بنتي ..من زمان احتري هالوقت اللي يدخل علي وليد و معه مرته
ابتسمت وانا اقول : النور نورك يا عمري ..تسلم جعل عمرك طويل
ابو وليد بصدق : دخلتي قلبي والله ..
ابتسمت بخجل من كلامه وقبل لا اتكلم صدمني صوت طفل جاي من بعيد فرحان وهو يصرخخ : ماااااااااامااااا .......ماااااااااماااااااا..... .ماااااااماااا
لفيت كان طفل صغير قرب من وضمني مع رجولي بكل قوه تصنمت ما كنت ادري وش اسوي
كان ضامني ويبكي ..صدمني موقفه نزلت له وان اقول : سلومي ..
فك يدينه من رجولي وعلقها برقبتي وهو يقول : حبيبي ...ماما
ضميته وانا اطبطب على ظهره ..
وليد كان يراقب الموقف من بعيد ويراقب حركاتي .. وتصرفاتي معه
كان سالم متعلق في رقبتي ..مايبغى يفكني ..
ولد حلو ..ابيض وشعره اسود وعيونه تنطق براءه ..وجسمه صغير ..حنيت عليه فجأه وضميته وانا اقول له : اشتقت لك تصدق
رجع راسه لورا وقابل وجهي وهو يقول : ليه الحين تجين ...انا ادورك من زمان ...
ناظرت فيه بحنيه وانا اقول : انا جيت خلاص ..وش رايك ننسى اللي قبل ..ماما الحين فيه ..خلاص يعني نصير فرحانين صح
هز براسه وهو يبوس خدي :وش اسمك
سما : انت وش تقول
رجع راسه وناظر فيني وهو يقول : ماما الحلوه
ابتسمت : صح اسمي ماما الحلوه سما
ضحك وهو يضمني كأنه ماصدق اني موجوده وخايف اني اروح
ابو وليد : سالم يالله حبيبي فك ماما ..عشان ماما ترتاح
سالم هز براسه وهو يقول : مابي
سما قلت : خله ..عندي معليش
جلست على حضني وجلست اسولف انا و عمي ابو وليد ..وسلومي كل شوي يبوسني ..كأنه ماصدق ان عنده ام
ابو وليد : تحمليه يا بنتي ..ضعيف فاقد امه من وعى على الدنيا وما عنده ام تربيه وتحرص عليه
سما : ولا يهمك .. خله عندي ما يحتاج تفهمني والله
دخلت حنان وهي تقول : شكلك جوعانه ..اجيب لك شي تاكلينه
سما ابتسمت : قبل شوي اكلت ما يحتاج
دخل وليد وهو يقول : خلهم يجيبون حنان ..كا اكلت شي
حنان وقفت وتوجهت للمطبخ
وليد يكلم سلومي اللي متعلق ب سما : سالم تعال بوس بابا
سالم يهز راسه بالنفي : لا بجلس عند ماما ...أنت تعال بوسني
وليد يناظر فيه : يعني لازم اقوم عشان ابوسك
سالم هز راسه
وقف واتجهه لسالم اللي كان في حضن سما نزل راسه لمستوى سالم وباسه على خده ورجع مكانه
ارتبكت من حركته ..مدري ليش خفت ..منه رجعت على ورا وسالم معي
عدلت جلست سالم خليته وجهه يقابل وجهي قلت له : امم طلعت حلو سلومي
ابتسم بخجل مني
قربت وبسته : حبييبي والله ..
سلومي : ماما ..انتي بعدين بتروحين معي المدرسه ..عشان حمودي يشوف ماما ..
هزيت راسي بالاجابه : طيب ..من عيوني
رجع باس خدي واسترخى علي وضمني بقوة
صار جسم سلومي ملاصق لجسمي
كان يناظرنا بنظرات غير مفهومه
دخلت حنان وحطت الفطور واخذت سلومي اللي كان متضايق ما يبغى يروح الا انها اخذته بالغصب عشان تأكله
وليد يناظر فيني : سالم تعود عليك بسرعه
ابتسمت : الحمدلله شي كويس
وليد ناظر فيني : عاملية زين
ناظرت فيه وانا رافع حاجبي : قلت لك ف السيارة اذا شفت علي شي تكلم
وليد ناظر فيني : تكلمي زين .........
دخلت حنان وجلسنا ناكل شوي
بعد ماخلصت قالت لي حنان : تعالي اوريك غرفتك
وقفت وانا اخذ جوالي : ان شاءلله
مشيت مع حنان وانا اتفرج على البيت كان كبير وفخم ..وريحته ريحة طبيعه ..
رقيت لحد ماوصصلتني حنان لباب الجناح الكبير فتحت الباب ودخلت وانا اشكر حنان
فصخت عباتي وجلست على السرير ... فكيت شعري ..ورشيت عطر ..وانسدحت سمعت صوت طق خفيف على الباب كانت يد طفل
قلت ببتسامه : تعال سلومي
دخل سالم وهو يالله يالله يدف الباب
ركض وجس جمبي وهو يقول : ماما انتي حلوة ..
ناظرت فيه : وانت احلا
انسدح وحط راسه على حضني وهو يقول : انا كل يوم اقول ل ربي ..ابغى ماما تجي ..الحين ربي سمع كلامي ..وجابك
مسحت على راسه وانا اقول : ربي يسمع كلام كل الناس
انسدحت معه لحد ما غفينا الاثنين ونمنا
رقيت لجناحي فتح الباب ..لقيتها نايمه وسالم على حظنها وشعرها منثور على السرير بشكل فاتن
قربت منها وانا انطل عبايتها عليها ..
جلست جمبهم وانا خايف من تعلق سالم الغريب في سما بهذي السرعه المفروض انه يخجل شوي لكن اللي شفته كان العكس
نايم عليها وهي منسدحه بكل هدوء وقفت وانا اناظرها شعرها مفروش على السرير و ملامح وجهها هادية ورقبتها طويله وجسمها متناسق ..قربت منها ..لكني تراجعت بسرعه ..طلعت من البيت بكبره ..وانا احاول اشوف لي صرفه معاها ..
ـــــــــــــــــــــــــ ـــــــــــــــــــــــــ