الفصل 7
*– ࢪواية :«تكفى لاتعلم ابوي اللي فيه يكفيه.».*
*عداد ألباࢪت: «7».*
*– الڪَاتبه :مجهوله».*
*▭𝅼▬࣪▭𝅼▬ׄ▭𝅼▬࣪▭𝅼▬࣪▭𝅼▬ׄ*
*قناه : روايــات مستندات سعوديــه 🎀🎀.*
*____________*
> *الروايه لاتلهيڪم عن الصلاھ اللهم بلغت اللهم فأشهد .*
*_________*
https://whatsapp.com/channel/0029VbAu5FOAO7RGEWcQex2m
دخلنا الحمامات الله يكرمكم .. رفع اكمامه وجلس يتوضاا لف علي مارح تتوضى ..
قلت ايه يلا يلا رفعت اكمامي كان فيها شوية شعر قليل حيل كنت مخليته عشان لاسافرنا ولاشي ..
لف يناظرني وانا ارتجف مدري خوف او توتر مدري ..
انصدمت من اللي اشوفه رسمت يدينها وبياضها كانت تدل على انها لبنت ناظرته :مارح تشل قبعتك
قلت :يووه نسيت وقف وهو يسكر الماي خلاص انا اشيلها لك .. وقف وفي اللحظة اللي كان بيسحب فيها القبعة ...
وقفت بسرعه وحطيت يدي على راسي .. وقلت .. تصدق نسيت اني متوضي قبل لا اطلع .. من البيت ..
ناظرني بشك :من صجك ..
قلت وانا انزل اكمامي واعدل قبعتي اللي مالت شوي .. ووارتب شعري اللي نحاس .. :ايه من صجي
انا كل مرة قبل لا اطلع لأي مكان اتوضى .. خلاص ماله داعي .. تنهدت براحة ومشيت قدامة ..
وهو هز كتوفه بمعنى بكيفك ..
طلعنا من الحمامات الله يكرمكم ودخلنا للمسجد اللي كان عبارة عن غرفة مربعة وكانوا رجال كثير صافين
يصلون جماعة يعني تقريبا 44 او ا45 تقريبا .. المهم وقفنا وراهم وجلسنا نصلي ولأن حنا ماندري اذا بنلاقي مكان ثاني نصلي فيه
فجمعنا المغرب والعشاء .. وطلعنا كنت جالسة في الأرض والبس جزمتي السبورت انا اهو فكان واقف ومرتكي على الجدار وجالس يناظرني
وحسيته سرحان .. ناظرته :وش فيك .؟؟؟
ناظرني وهو يدقق في ملامحي :تدق وبلاها تزعل مدري ليه احس فيك شي غريب ..
ارتبكت من اللي بيقولة وشغلت نفسي بربط خيوط الجزمة الله يكرمكم وقلت بعدم اهتمام :شلون يعني ..
قرب مني وجلس قبالي وكأنه يبي يناظر ردة فعلي :يعني احس فيك جانب انثوي وكأني عارفة وش رح يسوي
رفعت راسي وانا معقدة حواجبي .. وقلت :وش قصدك يعني .. وعشان اقلبها عليه .. بلا هالكلام وشووو فيني جانب انثوي
قاطعني :لحظة انا موقصدي شي انا قصدي بياظك اللي موطبيعي انه يكون لولد وشكلك رسمة عيونك
رموشك وفمك وخشمك كل شي يعني اسمح لي ..
وقفت ووقف معي وقلت وانا مكتفة يديني :ليه انت اول مرة تشوف ولد ابيض كذا ولا اول مرة تشوف ولد لعيون وساع ورموش كثيفة وطويلة
ولا اول مرة تشوف ولد له خشم طويل وفم صغير هااا ولا نسيت الأمريكان عندك اكبر دليل
صراحة سكتني ماعرفت وش اقول :قلت اها طيب سوري
ابتسم وقال :عادي اصلا الكل يفكرني بنت على قولتهم ملامحي طفولية بس كنت امشيها لهم ..
المهم يلا وين تبغى نروح الحين وقبل لا اكمل كلامي رن جوالي . على نغمة بلى بلى بلبلة ولا ولا مشكلة ..
غمضت عيوني من الصوت خرعني من جد واهو كشر حواجبة من النغمة العالية ... والكل جلس يناظرنا ..
مشيت بسرعه ورديت :اوووف شتبين ..
رشا :اوف ياخذك انشاء الله ترى ماباقي شي واوصل شنو مارح تستقبليني
تولين :وبالله شلون استقبلك وانتي مابعد وصلتي ..
رشا ..وكأنها تتلكم مع احد اوكيه ون مينت :اوووف ازعجتني ذي بتهبط الطيارة بعد 10 دقايق تقريبا شلون يعني مارح تجين
تولين :اووف ارسو ارسو بجي الحين >>>>طيب طيب
وسكرت وانصدمت بزياد واقف وراها وهو يبتسم ..
تولين تحمحمت :اهم احم شفيك ..
زياد ضحك ازيادة :لا ولاشي يلا وين بتروح المطار ولا نكمل مشي ..
تولين :لا خل نكمل مشي شوي بعدين اروح المطار ..
زياد مشى وكأنه مو مهتم :بكيفك ..
وعند غــــــــــــــــــــــــــــسق
كانت جالسة عند امها اللي كانت تسألها اذا موافقة ولا لا ...
كنت منزلة راسي بحيااا ماادري ليه كنت احاول اسوي الأمر طبيعي لكن ..
موقادرة احس شي غريب لو مااستحي ..
امي :يبنتي ترى هذا زواج مولعبة .. مويوم ولايومين وتقولين خلاص مابي .. فكري عدل يايما
وترى احنا مو مستعجلين على زواجك ..
غسق وهي منزلة راسها يدوب طلع صوتها :لا يما انا فكرت واستخرت وارتحت ..
امي ببتسامة :اكييد مو تقولين لا ماابغى انا مالي شغل ..
غسق وكأن الدنيا ابتسمت لها :لا يما مارح اقول .. وطلعت بسرعه وانا
طايرة من الفرح ..
امي ضحكت على خبالي وقالت :الله يوفقك ويهديك يمكن لتزوجتي تفكرين بنفسك شوي ..
امممم بقولكم وش صار وبالمختصر ..
امي قالت لبوي اني موافقة راكان ماصدق يوم قالو اني انخطبت وقال اكيد اللي خطبني فيه علة او
انه اعمىT_T وابوي حسيته مومقتنع لكن امي اقنعته وقالت لا توقف بنصيبها ..
وابوي كلم غسان وغسان على قولة ابوي استانس .. وقرر غسان وقال لأبوي ان لازم نملك
بعد اسبوع وبياخذني معه للبيت على قولته امه بتسافر بعد كم يوم ومايصير يسوي زواج وامه مريضة
الزواج رح يكون بعد مدة بس مدري كم هالمدة ...
عنــــــــــــــــــــد تولين وزياد اوبس اقصد محمد وزياد
زياد كان مدخل يدينه بجيبة ويمشي وشكله ميت من البرد ... وانا كنت احس بموت حر
مدري ليه يمكن لأنه جنبي ... خخخخخ وفجأة ناظرت الساعه اللي كانت معلقة في مبنى وكأنه
في لندن وتذكرت رشا وجوالي صامت وحالة وفجأة قلت :رشا ..
لف علي وناظرني :وش فيك ..
عضيت على شفايفي وطلعت جوالي :وقسم بتذبحني .. شهقت يوم شفت 3 كولمي و20 مرة
مكالمة منها ولفيت عليه بسرعه :انا ماشي اوكي يلا اشوفك بكرة ..
زياد عقد حواجبة وابتسم :طيب انتبه لايصير فيك شي ... والله يساعدك ..
صرخت وانا عاطيته ظهري :وياااك .. وقفت التكسي ونسيت وشهي كلمة مطار طلعت جوالي ووريته صورة الطيارة ..
وفهم .. وتوجهنا للمطـــــــــــــــــــــــــــار وانا عارفة التهزيئة اللي بتجيني من رشا ..
في المـــــــــــــــــــــطار
كنت جالسة وانا ادعي على تولين الخايسة .. صار لي ساعة ونص من وصلت وهي للحين ماجات ..
اوريك يتولين ..اوووف كان الجوو برد مرة على اني جالسة داخل المطار لكن كان برد من جد
ولأني كنت لابسة قميص اكمامه قصيرة .. وعباتي قماشها خفيف .. حسيت نفسي مسوية شي
غلط من كثر الناس اللي طالعتني مستنكرين من شكلي بحجاب ..
طلعت جوالي واتصلت عليها .. وعطتني مشغول .. من جد هذي ابذبحها ...
رن جوالي وكان الأتصال منها :وينك .. ؟؟
رشا بغضب مكتوم يكفي نظرات الناس لها وتجي تكملها :لا حلفي عاد .. قولي قسم لا ابيك تقولين قسم ..
انا عند الكراسي رقم 6 بسرعه تعالي لي ..
كنت كاتمة نفسي عن لا انفجر من جد يعني حسيت شكلي غلط بالقوة اوووف ..
رفعت عيني ولمحت قميص باللون الكحلي المايل لنيلي .. والبنطلون الجينز الواسع فرحت بسرعه ورفعت
وجهي وكان توقعي صحيح ضميتها مدري ليه نسيت كل شي وخصوصا عصبيتي على تأخرها علي
ويالدوبة بذبحك لو تروحين عني مرة ثانية ...
تولين :ههههههههههههه طيب طيب اعصابك مارح اتركك مرة ثانية
وبعد بكي رشا وحنتها فكيتها بالموت مني .. ومشينا راجعين للفندق ..
واحنا بالتكسي :ياحياتي تهبلين وقسم طالعة وكأنك ولد كيوت ..
تولين عدلت قبعتها وهي تدخل خصل من شعرها بدت تطيح .. :هههههههه اكيد بطلع حلوة ..
رشا تناظرها بشك:ماشك للحين ... انك بنت ..
تولين سندت نفسها على الباب :لا حبيبتي يوم قلت لك اعجبك محد بيحس ...
رشا لوت فمها بطريقة مضحكة :بنشوف ياللي تعجبيني ..
تولين :كليتي ولا لسى ..
رشا حطت يدها على بطنها :للأسف ماكليت جيعانه حدي ترى ..
تولين :شوفي في هالوقت مالك الا عصير وقطعة شوكلت غير كذا مافي ..
رشا فتحت عيونها على الأخير :خير حبيبتي .. ليه ماكلة من فلوسك انا الله يخلي فلوس باباتي ..
تولين وهي تكش عليها :يوما يوما طيب بسم الله ماقلت شي عيونك بشويش عليها ..
رشا :اي حبيبتي الا الأكل انا مااارضى عليه .. والله
تولين بمزح :اخاف يزيدك كيلو او ربع كيلو كذا ..
رشا :لا يشيخة وش شايفتني نسيتي من امتن من الثاني ترى وزني 48وانتي وزنك 53 هاا ..
تولين رفعت حاجب :ليه حبيبتي شفرقت يعني ترى كلها 5 كيلو لاراحت ولاجت ..
رشا :ايه يصير خير بس .. موكأن فستاني العنابي يوم بغيتي تلبسينة في زواج صديقتك مادخل فيك .
تولين فتحت عيونها على الأخير :يالخايسة ماكا ضيق كان مظبوط بس ماحبيته من السحاب كان ياكل
جسمي ..
رشا :لا حلفي عاد ..
واشتد النقاش فجأة لف عليهم السايق وباين انهم وصلو وقال :هوكشي سونسوسويو >>>>هل بالمصادفة انتما تتشاجران .. ؟_!
تولين لفت علية وقالت :اجوشي تشاكامانيو >>سيدي لحظة
اقول سكتي بس نسينا مني لم رحنا نقيس القميص الفوشي اللي من مجمع الظهران من محل يربي شسمة المحل المهم نسيت اسمة ..
رشا :لا حلفي عاااد جايبت لي مقاس S وانا البس مقاس M وتبينه يدخل ..
تولين :شفرقت حبيبتي بين المديم والسمول ترى كلها شبر واحد..
السايق بعصبية :ياااا كمانهيي ...>>>ياااا توقفووو .. يا تجي بمعنى انتم و انتي كذا المهم نكمل
تولين لفت تناظره مخترعه خير الأخ وين جالس : ويري ديقا ايم جاشيكا >>>ماذا هل انت احمق ..
السايق تغيرت ملامح وجهه :بوووويا ... تولين طلعت الفلوس من شنطتها ولاحتهم عليه وسحبت رشا اللي ماسكة شنطتها
اللي بالموت طلعت وركضو نزلو للفندق والسايق مشى بسرعه ممن عصبيته عبالة بينتقم وبياخذ شنطتها ..
رشا جلست تضحك :ههههههههههههههههههههههههه موكأن حنا خربنا صورت الشعب السعودي .. بطرقتنا بيقولون اكيد هذيلا همج
تولين وهي تاخذ نفس :لا حلفي عاد لا خربناها ولا شي عادي خوات جالسين يتخانقون فيها شي ..
قولو لي بنات فيها شي لاتخانقو خوات مع بعض .. *_^
عنــــــــــــــــــــــــــــد غســــــــــق
باقي اربعة ايام على ملكتي رح تكون عائلية رح يجون خوالي وخالاتي وعمامي وعماتي .. وبس
انا الحين بالسوق ابغى اشتري لي شي البسة يوم ملكتي ... بس مولاقية شي على مقاسي ..
دخلنا محل روزان زوران مدري شسم امه لاطلعت قلت لكم المهم اول مادخلت المحل استجنيت على
فستان كان لونه ارجواني غامق حرير حفر وموجود علية كرستال باللون الأحمر والذهبي وكان
مسدول بنعومة ووراه مثل الشال ((تعرفون سوبر مان الغطا الأحمر اللي يلبسة ورى ظهره كان جاي كذاا خخخ ماعرفت امثل لكم الا كذا ))
كان لونة ارجواني غماق ونازل من الأكتاف بطريقة نعومة حسيت نفسي مو عارفة اتكلم من جمال
الفستان .. لفيت لأمي .. يوما شرايك بالفستان هذا ..
امي :حلوو وناعم بس لفت علي وبحزن تتوقعين في مقاسك ..
كشرت :اسأل ..لوسمحت كم اكبر مقاس من هذا الموديل ...
صاحب المحل قهرني يوم قال :والله يمدام هاد الفستان بئيان منو اخر حبة مئاسا XL
لفيت لأمي :يما مافي ..
امي تعبت من كثر ماتدور معي تخيلوو ان حنا جايين من الساة 4 العصر والحين الساعة 9
وماشريت ولا شي .. لأن مافي شي مقاسي ..
امي وقفت وقالت لصاحب المحل :لو سمحت عطني فستان يكون ناعم وبسيط لكن مقاسة كبير
لايهمك ثمنة اهم شي يكون وسيع ومقاسة كبير ..
صاحب المحل :ايه خالية اديش بلا صغرة المئاس يعني ..
امي :XXXXLيعني 24 .. كذا
ضحك وقال :ايه لائة اختي ماعنا اكبر شي عنا هون xxl اكبر من هيك مافية شوو
حناا بنبيع فستين لفيلة ... ولا غوريلات ..
صراحة ومن جد كانت دمعتي بتطيح لفيت علية :ليش اللي مقاساتهم كبيرة مو بشر مثلك موربي خالقهم مثلك ..
انحرج وقال :اية هو موعلى انون مشر مابشر لكن خل ينتبهو لحالووون شووو ربي ماخلئنا لناكول ونؤعود ونام ..
قهرني ودي ذبحتة وتوطيت ببطنة تجاهلتة وطلعنا انا وامي ...
لفت امي علي :يبنتي ياما نصحتك وقلت لك حاولي ولم تحاولين ترجعين دبل الوزن اللي تنقصينة
تكلمت بضيقة :يمااا تكفين لاتزيدين علي ..
امي هزت راسها ومشت .. :انا تعبت وبمشي صراحة واذا على الفستان خليني ادبر لك بكرة واحد
رجعت للبيت وانا خايبة الأمل ... احس اني ودي البس شي يجي على مقاسي ... حلوو
يخليني اكون حلوة ... اوووووف اووووووف اووووووف اوووووف اووووف اووووف
كنت انفخ الهوى من فمي مرات متواصلة عشان لا ابكي ... (جربوهااا تنفع ترى )
كان راكان اهو اللي جاي ياخذنا صراحة ماكان ودي اقعد معة لكن وش اسوي ...
يوم ركبنا السيارة قال يمزح ينقال له :اوف اوف اوف وين الأكياس شدعوة شريتو السوق كله
اقول يما وين شدعوة ولا كيس ولاحتى اشم ريحة كيس اجل الفلوس كاملة مانصرفت ..
انا قلت بتجين اصلا سيارتي مارح تكفي للأغراض اللي بتشترينها والحين ماشوف عندك شي
غسق كان ودي امسك شماغة والفة على رقبتة والسحبة عشان يموت واتخلص منه ..
ياربي موقادرة اتحمل .. ياربي ليه انا مش ضعيفة مثلي مثل غيري ليه ماعندي جسم .. مثلي مثل غيري
ياربي ارزقني جسم زيهم واوعدك ياربي ان محد يشوف جسمي غير المحللين علي مو مثل
غيري يطلعون اكثر من مايسترون .. وكل سنة جسم يصير احلى من السنة اللي قبلها ...
خذيت نفس عميق وسندت راسي على النافذة ... وطلعت الأيبود حقي ودسيت السماعات
بأذني وشغلتها على اغنية الف مرة ..
الف مرة قلتها لك وهذي بعد الألف مرة ابعد اللي جاا في بالك لاتشك ولاتشره ..
انا لك ماني لغيرك مهما قالو ولاعادو شارين شرك وخيرك مهما عذالي تمادوا ..
ياعيوني لو عيونك تنتبة تلقاني ظلك .. ياظنوني لو ظنونك تكثر بقلبي محلك ..
يكفي منك بس ضحكة تخضع قليبي وتملكه ..
هدي هدي ياصغيرة وين انا وين الخاينة شك هذا ولا غيرة يلا قولي بكل امانة ..
غمضت عيوني وكنت رح ادخل في عالم احلامي وخيالي .. انصدمت بيد تضرب راسي
بطريقة همجية .. فتحت عيوني من الصدمة لقيتة راكان كنا واصلين البيت وامي كانت تمشي بتدخل
للبيت وانا بس اللي جالسة لفيت علية :يالخايس يألم ..
راكان ضربني مرة ثانية :مالخايس الا انتي كم مرة قلت لك لاتقولين هالكلمه انزلي يالله
متى يجي يوم الأربعاء عشان اتخلص منك .. اووووف ياربي جالسة على قلبي ..
غسق كانت اعصابي واصلة لقمت هيجانها :لا احلف عاد اخاف انك تصرف علي ولا موكلني
ومشربني ومسكني على حسابك اقول تقلع بس ..
راكان شد غطاي وطاح بالأرض احنا كنا داخل البيت بس في المكان اللي نوقف فيه السيارة ..
وقتها خلاص انا وصلة حدي هجت مو قادرة اتحمل لفيت عليه وسحبت الشماغة وطقيته على راسة بقوة
وركضت ببتعد عنه سحب عباتي بقوة ولاحني عند الجدار ومسكني من رقبتي .. :
لوتعيدين هالحركة مرة ثانية ماتلاقين خير فاهمه ...
حسيت اني رح امووت من مسكت يدة كنت احاول اوصل ليدة لكني موقادرة
لأن نقطة ضعفي رقبتي ...اذا احد مسكني منها مااقدر اتحرك ..
بالموت قدرت ابتعد عن الجدار وكان صعب علي التنفس .. من يدة حاولت ارفع يديني لرقبته يوم شافني
ابمسكة من رقبته يبي يخليني اضعف اكثر من كذا حط يدة الثاني ورى رقبتي هينا خلاص
ماعدت اتحمل وطحت بالأرض ..
كنت انا ابكي موقادرة واهو يتلذذ بتعذيبي بهالطريقة .. انفتح الباب ودخل انسان .. ؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟ منو الشخص اللي دخل ..
عند تـــــــــولي ـــــــــــــــــــــن ورش ـــــــــــــــــــــا
كنت منبطحة على سريري احوس بجوالي ورشا كانت تتروش ... كنت جالسة اراسل زياد
عن اهو وين وكذا .. قال انه رايح مجمع اسمة L'Oreal Parisهالمجمع كله لورال باريس
كان يسألني عن بعض الألوان في التيشيرتات او يسألني عن الوان الجزمات ..
تولين :اقول زياد تكفى ابيك توديني للمجمع نفسة بكرة ..
زياد :اوكي اجل انا بمشي الحين لأني تعبت وابي ارتاح ..
تولين :ايه ارجع شكلك تعبان حيل ... انتبة وانت راجع ..
زياد كان عاقد حواجبة :اوكي يلا باااااااي
تولين :بااااااااااااااااااااااي
رمت الجوال جنب المخدة :هــ يما قلبي ..
قطع علي رشا وهي تجفف شعرهـ بالأستشوار .. :كلمتي ابوي قلتي له اني وصلت ..
تولين عضت على شفايفها بقوة :يوووء نسيت ..
رشا لاحت عليها المنشفة :مالت وانتي اللي همك زياد اول من كلمتيه اقووول كلمي ابوي بسرعه ..
تولين :ارسو سحبت الجوال واتصلت على رقم ابوي اللي كنت مسجلته بالأتصال السريع
رقم 1 ... :هلا ..
تولين :هلا يوباا .. شخبارك ..
ابوي :هلا هلا انا الحمدلله انتي اخبارك واختك وصلت ولا ..
تولين :يبا انا بخير واختي وصلت الحمد الله وضعنا تمام ..
ابوي :الحمد الله عتلى سلامتها ... هاعسى اموركم طيبة وموناقصكم شي ..
تولين :اي يبا الحمد الله كل شي تمام .. موناقصنا شي
ابوي :الحمد الله
تولين :يوبا متى تجينا ترى مليت بدونك .ز
رشااا :اولله اولله الصورايخ بدت بقوم افتح النوافذ ..
تولين دقتها برجلها بمعنى سكتي ..
ابوي :والله يبنتي يمكن اتأخر اجي على الأسبوع الجاي لأن زوج عمت امكم توفى مايصير
اترك العزى واجي ..
تولين :اهااا عظم الله اجرك واجرهم ..
ابوي:اجرنا واجرك .. انا لازم اسكر الحين سلمي على اختك وهااا العقل والهدووو بدون خناق ..
تولين:يووووه يبا والله كبرنا عن هالسالفة ... شنووو
ابوي :ههههههههه طيب طيب يلا مع السلامة
تولين :انتبه طيب مع السلامة ..
ــــــــــــــــــــــــــــــــــــــــــــــــــــــــــــــــــــــــــ
كنت موقادرة اتمالك نفسي ولاحتى قادرة اوقف على طولي .. احساس وربي موحلو بالمرة ..
دخل شخص كان عاقد حواجبة وهو يناظرنا اول مرة اشوف حاولت اتكلم ماقدرت ..
.....:راكان
راكان لف راسة :غسان تركني ولف علي اذلفي داخل لي كلام ثاني معك بعدين ..
كنت قاعده ابكي سحبت شيلتي ودخلت داخل بسرعة بدون مااهتم اني اناظر واتمعن في شكل
اللي بياخذني ماهمني شي ابد اهم شي يفكني من راكان ركضت للحمام كالعادة قفلت على نفسي الباب
وشغلت الماي وجلست في مكان فاضي قريب جنب البانيو .. وجلست ابكي على حظي
الخايس ياربي انا منهو لي غيرك بهالدنيا ياربي وقسم مافي حد يفهمني تعبت منهم والله تعبت
وش معنى انا اللي لي جسم كذا حسيت قلبي خفق بقوة لدرجة المتني فيها وقفت وانا اتنفس بسرعة
وغسلت وجهي بالموية الباردة عشان تصحيني للواقع اكثر ..
نترك غسق في نوبة بكاها .. ونروح لغسان وراكان ..
غسان وهو يسلم على راكان .. :هلا شحالك .. ؟
راكان :تمام وانت .؟؟
غسان :ماشي الحال ..
راكان :تفضل تفضل ..
غسان :اسلمت بس عمي وين ابعطية اوراق وبمشي مستعجل والله
راكان :ابوي والله مش موجود الحين .. بغيت منه شي ..
غسان مد له ملف :ايه اذا ماعليك امر توصل له الملف وقله يقول لك غسان هذي تكملت اوراق الصفقة
راكان :تامر ماطلبت شي ..
غسان :تسلم طالبك لاتنسى ..
راكان :حاضر ولا يهمك
غسان :اجل اخليك الحين مع السلامة
ركان :مع اللسلامة
توه بيكمل طريقة لداخل البيت .. قاطع ــــه غسان .. :اقول راكان
راكان لف :سم ..
غسان :سم الله عدوك بس معليش البنت اللي من شوي مني ليكووون ..
راكان برتباك :هاا ليكون منوو ..
غسان :ليكون اختك وانا مدري شي كذا
راكان :هههههههههههههه لا هذي خالتي الصغيرة دايم امزح معها كذا ..
غسان :آآآآهاا ايه بس ارفق بها شوي حسستني انها حيوان ..
راكان :ههههههه انشاء الله خير
غسان :ابتسم ومشى ..
راكان تنهد :هـــــ ومشى ..
عنـــــــــــــــــــــد ارضــــ تجنن .. كوريا
تولين في احلامها الوردية مع توأمها رشا .. ^_^
صحيت على صوت رشا المزعج :اوووف شتبين انا ماقلت لك تعالي معي عشان تقلقيني
وماتخليني انام .. تزيدين همي هم ..
رشــا وهي تسحب المفرش من عليها :اقول بلا هم بلا بطيخ قومي مرة ابوي اتصلت تقول
ان توركي بيجي ياخذنا .. هههههههههههههههههه صراحة لهجتها فقعتني ضحك
تولين لفت للجهه الثانية :طيب طيب خمس دقايق
رشا وهي تسكر ازرار قميصها وتعدل ياقتها :اوكي بس ترى اعطيك خبر اذا جا توركي انا بنزل ولا بعترف فيك
تولين قامت وهي تتأفف ... :توضيت وفرشت اسناني وصلـيت واحترت شنو البس
لبست فستان وردي اكمامه ثلاثة ارباع قصير الى الركبة وكان مزموم بكرستالة جهت الصدر
نعوووم مرة وهاادي وشعري تركتة مفتوح كان شكله يضحك على طولة كان اطول من الفستان ..
خخخخ رفعته بطريقة ناعمة وحطيت فيونكة .. وقررت البس عباتي الكتف واتغطى عشان لايشوفني
زياد ويشك ...
طلعنا بعد مالبست رشا بنطلون جينز مع قميص طويل اكمامة طويلة لونه بنفسجي وله ياقة كأنه
قميص رسمي لونها رمادي مع حجاب وردي رمادي فيه خطوط بنفسجية وشنطة فوشية مع خطوط
باللون البنفسجي والرمادي ...
وانا خذيت شنطة صغيرة مرة كأنها محفظة لونها اسود مطرز عليها باللون الفوشي ..
وطلعنا دخلنا المصعد وتوه الباب بيغلق اللا تنحط يد احد بسرعة وانفتح كان زياد كنت خايفة
احسة بيعرفني على اني متغطية ومومبين مني شي غير يديني لكني حسيت انه بيعرفني
اهو صح كان منزل عيونة بالأرض واول مادخل قال السلام عليكم ... بس ماردينا كان همس يطلع
على ان احنا ردينا .. وفجأة طلع جوالة وجلس يتصل على جوالي والمشكلة جوالي يرن يرن يرن
ولم يقول لايمكن الرد جوالي يسكت اندستني رشا بمعنى طفي جوالك .. طلعت جوالي وحطيتة صامت
وفجأة سكت جوالي صار لم يرن اهو ماقام يرن لف يناظرني وشفته تنهد مالومة شكله خاف ..
اني اكون مثل مااهو متخيل ... طلعنا واول ماطلعنا شفت واحد كان وسيم موطبيعي هالأدمي
كوري كوري بس وسيم بزيادة نسخة من hyun bin طولة شكلة استغربت شفته يأشر لنا وتقدم
وفجأة ضم رشااا .. رشا كانت خايفة وشوي وتصيح .. وش يبغى هذا ..
تكلم وقال:هااي انا توركي ..
فجأة فطست ضحك :ههههههههههههههههههههههههههههههههههههههه تركي مدري شفيهم على الأسم لازم يزيدون واو
ارتاحت رشا وضمته عادي يعني بدون ارتباك وقرب مني وضمني .. بس قال :ويو لف عيونه بمعنى لا ليش م مت متغطية
ابتسمت صراحة لغته بالحيل تمام .. :بيمن يا .. ... ...>>>انه سر .. خخخ
ابتسم :ارسووو .. نان بونقويو ...>>>انا سعيد برؤيتك
هزيت راسي :دادو بونقويو >>>وانا ايضا
رشا كانت مثل الأطرش بالزفة الكلمة الوحيدة اللي تعرفها يوبوسيو .قالت :يوبوسيو
اخوي لف يناظرها وفقع ضحك وكأنه عارف انها ترقع حط يده على كتفي وكتف رشا
ومشينا معه ...
اعضــــــــــاء بليز اللي عاجبته روايتي يحطلي like^_^
عنــــــــــــــد غســـــــــــــــق
صحيت على صوت امي .. :غسق غسق فتحي الباب ..
قمت وناظرت الساعه كانت الساعة 2ونص ياربي راسي حيل يعورني ..
قمت وفتحت الباب :نعم يوما ..
امي معقده حواجبها :انتي من جدك نايمة يومين حشى منتي ادمية ..
ناظرت امي :شنووو يومين يوما من جدك ..
امي :ايه والله مو مهتمه انه بكرة ملكتك ..
فتحت عيوني على الأخير :يما تمزحين صح
امي :روحي ناظر التاريخ بجهازك ..
ركضت بسرعه لجهازي المكتبي وفتحت الشاشة وشفت انه التاريخ صج 6/4
يووووه ماشفت لي فستان ولاشي ..
امي :تعالي جبت لك كم فستان من السوق قيسيهم وشووفي اذا مقاسك ولا
ابتسمت بفرح :صج
امي :ايه
رحت معاها وانا حاطة شكل فستان بمزاجي ابيه يكون مثله وتبخرت احلامي يوم شفت اشكال الفساتين
كان واحد لونه وردي مايل للحمي وعند الصدراسود مع ترتر خفيف وكان حفر
والثاني لونة تركواز مع اكمام طويلة والكم الثاني نصه مفتوح وكأنه قفاز ونازل من الأكمام
شال ووقطع نازلة من الفستان قست الأسود والوردي كان اهو عدل بس كان مخصر جسمي حيل
والتركواز كان حيل عدل وكأنهم مفصلينة لي صح انه مخصر جهت البطن بس عادي انا اخفية
بطريقتي طلعت الأمي ووريتها الفستان هزت امي راسها وكأن موعاجبها .. يبنتي الحين بتتزوجين
وجسمك كذا ماادري شلون لاجينا بنشتريلك فستان العرس ..
ضغطت على يدي بقوة ودخلت غرفتي .. شلت الفستان وانا مكشرة .. ابطلع بشتري لي الجزمة
واكسسوار رن جوالي بنغمة اذا ناوي تروح عرفت انها نوير وركضت ورديت :هلا
نوير :اهلين ..اخبارك ؟
انا :تمام وادري انك تمام
نوير |:شريتي لك فستان ولا
انا :ايه شريت لي
نوير :اوكي ابجي اليوم عندك ..
انا ":اول خلينا نروح السوق واشتري لي الجزمة والأكسسوار ونرجع سوى عشان تشوفين الفستان
نوير :اوكي بس الساعه كم نروح
انا :خليها على الساعه 5 يكون تمام
نوير :اوكيشن باي
انا :باي
قمت وتروشت وصليت الصلوات اللي فاتتني واخذت ايبادي والmp3 والأيبود حقي وحطيته بشنطة
حقت لاب توب مع شنطة صغيرة فيها كريماتي وفرشاتي واشيائي الضرورية
وامي قالت لي اني مااخذ ملابس لأن زوج المستقبل قال اهو بيجهز ملابسي كلها كل شي .. ^_^
اممم تقريبا موناقصني شي ايه بقى رحت للمكتب حقي وطلعت دفتر مرسوم عليه بيانو وعلامات
موسيقية باللون الأسود والبينك هذا الدفتر اكتب فيه الأشياء المهمة اللي مولازم انساها
اشياء تصير بحياتي مولازم انساها .. اخذته وحطيته في شنطتي.. تقريبا بس
صح اهو مو اليوم لكن ابجهزهم لأن بكرة مارح يكون لي خلق ..
نزلت تحت بعد ماغيرت ملابسي ولبست بنطلون بيجاما بنفسجي مع قميص لونه اسود مرسوم عليه
جزمة ((الله يكرمكم )) ورفعت شعري بطريقة خايسة خخخخخ ونزلت ماكنت اهتم بمظهري بشكل عام
شفت ابوي كان جالس يكلم والظاهر انه يدعو رجال على ملكتي بكرة ياربي احساس حلوو
بس لحظــــــــــه اهو يدري شلون شكلي اهو يدري اني متينه وموحلوة بالحيل
ياربي فجأة حسيت بالحر والأرتباك وخوف من بكرة ..
عنــــــــــــــــــــــد تولين ورشا
وصلنا عند عمارة كبيرة ياربي تشبه حيل العمارة اللي بمسلسل الميراث الرائع خخخخ
كنا راكبين سيارة اخونا الجميل كانت حيل تجنن بس للأسف مااعرف شسمها
ابتسم اخوي الجميل ونزل من السيارة بنظاراته الشمسية وفتح لنا الباب :شلا ميدا ..>>>اسمحا لي
ابتسمت وقلت :اوبا تشينتشا نومو بوشتا >>> اخي انت حقا وسيم جدا
ابتسم اكثر وحط يده على راسي .. ومشينا وكالعادة رشا مثل الأطرش بالزفة
فتح باب العمارة بعد مادخل رقم سري عند الباب ودخلنا
وصعدنا للطابق ال7 ووقفنا عند باب شقة ودخل رقم في قفل الباب وانفتح وقال:اومااا اومااا
دخلنا كانت الشقة حيل حلووة وتصميمها اوروبي مع ستاير بيضة وصوفات بيضة كان هوس باللون الأبيض
ذكروني بلي توك وهوسة باللون الأبيض المهم طلعت وحدة كانت لابسة تنورة سودة لتحت الركبة و
قميص فوشي غامق ربع كم كان شكلة حلوو ومناسب لحرمة في الثلثينات وشعرها كانت تاركته مفتوح
كانت جميلة جميلة من جد مالوم ابوي لاحبها قربت منا وضمتنا وقالت :سلام عليكم كيف الحال
رشا طارت من الفرح :وعليكم السلام انا تمام وانتي كيف حالك
اهي ابتسمت :الحمد الله
جلسنا نسولف معها نص كوري ونص عربي خخخخخخ
وفجأة ((حسيتوني مستخفة على وفجأة .. المهم نكمل )) دخل واحد احلى من اللي قبلة وكان متوجة
لغرفته وباينته معصب بس يوم شافني انا ورشا طبعا رشا شالت حجابها وبس وانا هم شلت حجابي بس
وظليت بعباتي الكتف وبس شافني انا ورشا رجع على طول وهو مبتسم اووه انيووو ....>>> اوه اهلين
ابتسمت :انيوسيو ...>>.ملاحظة انيو الكبير يقولها للي اصغر منه لكن انيوسيو تدل على احترام الكبير
وقرب منا وسلم علينا بالأيادي وجلس يتكلم مع امه ولف علينا :واااااه ديقا دونغ سين >>>وااه انتو خواتي الصغار
ابتسمت :ديييه
رشا نكزتني :لاتتكلمين كوري تراني مليت موفاهمة شي ..
تولين كيصير خير
فجأة اخونا الكريم فقع ضحك :طيب مارح نتكلم الا عربي
لفينا منصدمين كان يتكلم مثلنا مومثل الهنود فيه كلام ترقيع ولا مثل امه واخوه لا يتكلم مثلنا بقوة
جلس جنب رشا :اسمي وسام عمري 24
تولين :اها وتركي وش عمره
وسام :تركي عمره 23 سنة
رشا :وانتو بس اثنين
وسام :لا احنا ثلاثة بقى سامي اهو الحين في المدرسة الساعة 4ونص يجي
رشا :وناسة في اي صف اهو
وسام ابتسم :2ثنوي
رشا :اها ويعرف يتكلم مثلك
وسام :ايه انا معاه نعرف بس امي وتركي اللي مش مرة
رشا :اهاا
تولين :وهذي اسمائكم هنا في المدرسة وكذا
وسام :ايوه مع شوية تحريف انا مثلا سام وسامي سا وتركي توك شي
تولين ورشا :اهااا
قطـــــــــــع عليهم ..
غســــــــــــــق
لبست شراباتي بسرعه وخذيت شنطتي وجوالي ونزلت بعد مااستأذنت من امي وخذيت منها فلوس
ورحت مع راكان ماكنت ابغي اروح معه بس ماي ماترضى اروح مع السايق بدونها
مريت نوير ولأنها تدري ان راكان اهو اللي بيجي طولت وطولت خلتنا واقفين ربع ساعة ننتظرها
ويوم ركبت قالت :اووه غسوق حياتي وضمتني على السريع وقالت سوري حياتي تأخرت عليك
غسق ابتسمت :لا مومرة ..
راكان لف عليها وخزها :اقول بلا حركات بزارين وانتبني بمكانك ورى ..
نوير :هي هي تراني مو اصغر عيالك تقولي انتبني وكيفي انت شعليك بسوي حركات بزارين اجل
عدال انت ياللي حركاتك حركات كبار صراحة على اللي تسوية بغسق اصلا ماتوقع فيه ريحة من العقل
راكان :احترمي نفسك مدام النفس عليك طيبة وانتي مالك دخل باللي يصير بيني وبينها اختي وكيفي
نوير :سبحان الله توك تعترف انها اختك هااا وقبل ماكانت اختك
راكان :اوووووووووووووووف وبعدين معاك انتي قلت لك كلي تبن ومالك دخل
*____________*
*يتبــ؏ . .*
*اتفاعلو لنڪَمل نشر الروايه .*
*باشراف : ذاتي .*
*____________*
#روايات_سعوديه .
*`تقييمك للبارت من` 🔟 ! ! !*