طفلتي اليتيمه - *بارت9* *ليلة من فبراير* - بقلم لا اعلم فقط ناشره | روايتك

*ننشر جميع القصص والروايات*🤎🕰️ *حب 🤎🕰️* *حزن 🤎🕰️* *اكشن🤎🕰️* *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ https://whatsapp.com/channel/0029Vb5nySH77qVOUYY2kt3M *البارت9* *ليلة_من_فبراير* ☆☆ ☆ *شماته وليل غربه..* *وجلمه الياحيف* *يلتمن دمع ويطيحن بخدي* ❤️ نهاوند ـ سحلتني منال للمطبخ من شعري وسدت باب المطبخ علينه كفختني علئ راسي قوي ووكعت بالكاع واني اشهك وابجي.. شبيج عمة منال ـ بنت فؤاد النذذل بنته طالعه علييه نفس الطيينة الخايسة انتي وياه نفس الشي صدك الخلف مافطس الا اخلي بكبره يندم علئ السواه ويايه الا ابجي بكبرة دمم وابجيج انتي هم وادمركم مثل مسوة ويايه ـ شفت حقد بعيونهه يخوف وهي تحجي هالحجي.. شمسويلهه بابا حتئ هيج تكرهه وتكرهني من خوفي ابتعدت عنهه وركضت عليه ولزمتني ضربتني ضرب حسيت روحي راح اموت جوة ايدهه اصرخ ابجي واعيط محد اجاني .. جابت خاشوكة حمتهه علئ النار وخلتهه علئ ايدي واني افرفح ماعرف وين انهزم منهه ـ اني تفضحيني كدام الجيران وتخسريني هالفلوس الا اخليج خرسة من ينذكر اسمي كدامج ـ بعد الضرب والتعذيب الماعرف شكد استمر .. جابت مكص وكامت تكص بشعري شعري طويل وثخين وسرح واصل لخصري .. بس من الالم كمت اخاف اتحرك استسلمت الهه تماما خلي تكص شعري وتسوي التريدة بس لاتعذبني بعد الحرگ باايدي هواي يأذيني واخاف تلزمني منه .. اندكت الباب ماعرف منو اتذكر اني وية هالمجرمة لوحدنة بالمطبخ واجة علينة منال ـ مو وكتكـــم كميلة ـ شنو مو وكتكم دفتحي الباب اريد اخذ كلاص مي ـ كفختني و راحت فتحتهه شافتني كميلة وعاطت ـ عزااااااااااع بعييييينج مناااال شمسووووية بالبنيةة ـ حتئ مرة ثانية متسوي سوايتهه الادبسزز اني تشهرني كدام الجوارين وفوكاهه تخسرني هالكد فلوووس ـ سوت نفسهه خايفة عليه كميلة بس بقت واكفة بمكانهه تباوعلي وابد ماحاولت تنقذني من ايدهه بالجذب ماصاحت عمامي يجون يشووفون شمسوية بية حتئ بجي بعد مابية حيل ابجي كصت شعري ولادي وشمرته بالكاع اشوف خصلات شعري شلون تنشمر كدامي جانت امي ازدهار هواي تعتني بي تخليله زيت زيتون وحنة كل فترة حتئ يثخن ويطول من كملت شفتهه ارتاحت نفسيا من هيج شافتني اتنهدت وابتسمت وباوعتلي بأشمئزاز وكالت لمي زبالتج اذا الكة شعر بالكاع لو بالاكل اسوي بيج اكثر من هسة فهمتي كلتلهه اي عمة.. طلعت من المطبخ وعافتني كلشي بية يوجعني ليش هيج تعاملني شمسويتلهه كوة جبرت نفسي وكمت الم بشعري ايدي تأذيني بس مضطرة اخاف تلكة شعر وترجع تأذيني مثل هسة الم بشعري وابجي ماعرف مقهورة علئ شعري لو مقهورة علئ نفسي لو الالم بجسمي يأذيني اكثر من 3 مرات انظف مكان شعري وارد ارجع ادور خاف اكو بعد وماشفته طلعت من المطبخ كوة امشي .. معقولة محد سمعني ابجي محد سمع صراخي بس عادي ما مترجية منهم شي بعد ماشمرونة بالشارع وباعو خواتي كلشي اتوقع منهم الهول مبين فارغ وماكو احد بي وين راحو ؟ دخلت للغرفة فارغة وين هذول ؟ ووكفت كدام المراية شفت بنية ثانية تماما ماعرفهه هاي منو معقولة اني؟ خشمي بي دم وشفايفي مورمة وشعري مكصوص ولادي وايدي بقع بيهه خفت من شكلي وانقهرت علئ نفسي كعدت علئ جهة ابجي اتذكرت امي وابوية شلون جنت بجالهم عايشة معززة مكرمة صح ابوية ميحبني بس محد هيج اذاني سمعت صوتهم ديحجون بصوت عالي طلعت وكفتيم الباب سمعت عمو ارشد يكلهم خلص متقبل ترجع منال ـ اي اتزوج غيرهه قابل وكفت الدنية علئ مرة كميلة ـ يتزوج غيرهه شنوو شنو هالحجي منال تقبلين ناصر يتزوج عليج منال ـ شحدة .. وانتي تقارنيني بأم محمد ؟ كميلة ـ لا بس كلنة منقبل رياجيلنة تتزوج علينة توفيق ـ يابة اخذ مرتك وأجر الهه بيت واخلص من دوخة الراس ارشد ـ ماكدر أجر وبعدين هي وينهه الفلوس؟ هنا ابني مطبخ وملحقاتة وافضهه منال ـ بيت عكادة ميتحمل وين تبني ـ اجيب خلفة بناء هو يسوي البيت قابل ميفهم نهاوند ـ ديحجون ويهوسون فوگ والجرس اندك الدنية ظلمة واخاف اطلع بس اتمنيت خاله ام حسين رجعت علية نزلو كلهم من فوك ديشوفون منو بالباب نزلت منال تركض وفرحانه منال ـ اكيد هاي وداد رجعت بنات اختهه متتحملهم واجتي طلعت لسانهه علينة ام وجهين ارشد ـ ما اعتقد منع تجوال هسة شلون تجيبهم ـ وكف كلبي من هيج حجت خاف صدك هاي خاله وداد ورجعت خواتي .. والله يمكن تقتلنة منال كلنة.. وفوكاهه محد باوع بوجهي ولاعبرني ولا كأنو وجهي متأذي وشفايفي مورمة عبالك شايفين حايط مو بشر راحو فتحو الباب وضلو واكفين ماعرف شيحجون .. بعدين دخلت مرية شايلة صينية اكل جبيرة مغطاية بنايلون استغربت شنو هالصينية مال شنو دفعتني منال للغرفة مال بيبي حتئ لاتشوفني هالمرية وطلعت هية اتلكتهه ورحبت بيهه منال ـ هلاهلا عيني ام عمر ياهلا بيج ام عمر ـ بالمهلي ام وسام.. وين اخلي هالصينية ـ ليش شنو هالصينية عدكم مناسبة نهاوند ـ واكفة اراقبهم من ورة الباب خلت المرة الصينية بالهول علئ الطبلة وجرت نفسي .. ـ انتو خوش ناس ومستورين وبيت حجي حمزة بعد الكل يشهد الهم.. بس مرات الضروف تعكس وية البشر وجيبة يفرغ .. ومابيهه شي الله ونبينة وصانة بسابع جار منال ـ مافهمت ام عمر شتقصدين ـ لا حبيبة مااقصد شي بس هاي لنهاوند بنت المرحوم اني جنت ناذرة اريد اتكفل يتيم ولله جابهه وخلاهه كبالي الف الحمد لله والشكر وحلفت لابو عمر محد يتكفل بنت فؤاد غيري منال ـ يعني شلون تتكفيلهه؟ ـ هسة هاي شوي اكل جبتلهه هالقاسمة الله وان شالله نتقاسم الزاد بيناتنة هي حسبتهه حسبة بنات اختي وولدي.. تعرفين الله مانطاني بنت وان شالله هي بيهه العوض .. واي شي تريدة ابطن عيني اجيبلهه من الماشه للحذاء اني كلشي عليه وشتحتاج اجيبلهيا وان شالله ماقصر وياهه ـ يا ام عمر عيوني انتي خاف صدكتي احنة شامريهم بالشارع ـ لالا عيوني نعرف بيكم بيت الحجي متطلع منكم هالسوالف .. بس كلتلج اني اريد اتكفل بيتيم وصارت كبالي ـ اي والله ام عمر الشغل ماكو والقتل علئ الهوية والانفجارات مابقت احد واحنة علئ كد حالنة ـ احنة خوات ام وسام دكي الباب شوكت متريدين وبيتي كدامج مفتوح ـ يا .. ههه .. متقصرين حبيبة ـ وينهه نهاوند خلي اشوفهه نهاوند ـ اتمنيت اطلع كدامهه وتشوف حالي بس باخر لحظة خفت وتراجعت لان اكيد ماراح تاخذني ولا تسويلي شي واكيد راح تاذيني منال اكثر من هسة بقيت بمكاني واكفة واسمع حجيهم منال ـ ياا .. وين نامت والله خطية بجت علئ خواتهه شوي وكلتلهه عمة فوتي نامي باجر ناخذج الهم الطفلة متعلقة بخواتهه ـ ياعيني خطية الله يحفظهه اكيد تتعلق بيهم شلون لعد غير خواتهه الله لايفرقهم ان شالله وينجمعون مرة ثانية.. يلة باجر امر عليهه ان اشالله بس يكون تاكل هالاكل الجبته الهه.. منال ـ بلة هذا حجي ام عمر.. لا تخافين عيني مناكل اكل اليتامة ـ لالا الف عاافية اكلو مثل متريدون بس اني تمنيت تضوك طبخ ايدي .. يلة باجر اجيبلهه ريوكهه وغداهه اذا الله نطانة عمر كميلة ـ مشكورة ام عمر هي نفر واحد تاكل ويانة منال ـ هاي شبيج كميلة بلة مو عيب تحجين هيج وية ام عمر ميرد الكريم الا البخيل جيبي عيوني وانتي طالبة الجنة وان شالله تروحيلهه .. اقصد تحصليهه ـ ان اشالله .. يلة عيوني مع السلامة وتصبحون علئ خير ـ طلعت خالة ام عمر ودخلو عمامي الي يحجي ويكول شلون اخذتو منهه الصينية ..والي يكول مابيهه شي ارشد ـ نطاني الصينية ابو عمر بس مقبلت اخذهه منه شنو هالفشلة جايبة اكل لليتمية والله انفضحنة بالشارع منال ـ لاتخاف ادبتهه وكرصت اذنهه وبعد متعيدهه واذا علئ اكل اليتمية لو كفالتهه ترة عادي ليش ضايج؟ هواي يكفلون ايتام واحنة كلنة حالتنة علئ كدنة هو جهالنة مالاكين نصرف عليهم انوب نصرف علئ جهال الماتو ناصر ـ والله اني هم فشلت مادري احس صرت بنص هدومي بس ام عمر اجتي واخذت الصينية مني ودخلت منال ـ لالا عيوني علئ شنو تخجل مابيهه شي يا ابو وسام اول وحدة اخر وحدة اشكال اكو ايتام واتكفلوهم ناس عدهم فلوس خير من الله ويريدون يسوون شي لاخرتهم مابيهه شي يمعود شو ديجيبو هالصينية خل نشوف شنو الاكل .. ارشد ـ نهاااوند ووينج عمو ـ سمعتة يصيحلي ورحت علئ كيفي ووكفت اباب الهول .. شافني عمو ارشد وكمز من مكانة ارشد ـ هاااااي شبيييهةةة منال ـ شبيك كمزت ؟ ستوني كلتلك ادبتهه وكرصت اذنهه اشو غلست ـ موو هييج يااابنت الناااس ـ لعد شلون يابة ؟ سوتلنة فضيحة شكبررهه اكبر من راسهه ولمت علينة الشارع وخلت كل وواحد ميسوة يفتح حلكة علينة بصلافتهه وادبسزيتهه شلون تريدني اتعامل وياهه ؟ هاي مالاكية تربية والتربية عندي اني اني اشوفهه العين الحمرة واخليهه تصير بشر توفيق ـ ممعقولة انتي مرة شنو هالقسوة العندج؟ شلون نطاج كلبج هيج تسوين بيهه كميلة. ـ والله اني هم انصدمت من هيج شفتهه ناصر ـ قابل هي كارهتهه غير دتربيهه ترة كلش عادي مثل امهه لو انتو تشوفون غير شي ـ محد عرف يكلهه ليش متسوين بجهالج هيج لو صدك هي مثل امي .. بقيت ساكتة وواكفة بمكاني راح عمو ارشد لغرفته وجرت منال علئ الصينية شالت الغطة وكعدت تاكل .. ـ ولك ناصر شوف الدجاجة المشووية شوف تمن البريااني شوف الطررشي دعااااء صيحي اخوتج شووفو الدجااجة شلون مشووية تسوي واهس للعشة .. ـ واكفة واباوع عليهن كعدت هي وناصر واولادهه واتقدم توفيق وزوجته وجهاله حتئ ياكلون واني اخاف اتقدم علئ الصينية و اكل علئ اساس هالاكل جابته خاله ام عمر الي .. بس محد كلي تعالي اكلي .. نزل عمو ارشد بيدة دهن مال حروق ـ روحي عمو غسلي وجهج وتعالي ـ الدمعه بعيني واحجي وياه .. ايدي توجعني شلون اغسله رد صعد لغرفتة وجاب خاولي بللة بالمي ومسح وجهي من الدم وكعد يخلي لايدي هالدهن ـ زين وشعرهه ليش كصيتي هيج شنو الغاية منه منال ـ تاااديب الف مرة نعيد الحجاية ارشد ـ هو هذاا تأديب بشرفج شنو هالهمجية منال ـ جااان ادبتهه انت اشو عفتهه ورحت تركض ورة مرتك ولا تغلط موة ثانية علييه فتهمت شنو تكول همجية ـ استغفر الله… هاج عمو هذا الدهن خلي يمج كلما ايدج تنشف خلي منة علئ الحروق ولا تخليهه جوة المي ابد خلي اطيب يعني لاتغسلين شي او تسبحين عوفيهه اطيب وبعدين اشتغلي .. جوعانة عمو ؟ ـ خفت اكلة اي جوعانة خاف منال تكتلني .. ضليت ساكته ماعرف شجاوبه ارشد ـ انطوني فخذ هالدجاجة جيبو خلي تاكل البنية ترة الاكل الهه مو الكم منال ـ شدعووة ليش محسسني جايبين قوزي وبعدين واذا كعدنة ناكل وياهه تقبلين عمة نهاوند نكعد ناكل وياج لو لااا؟ ـ ها .. اي اقبل .. منال ـ هاج هذا ماعون الج عوافي يا عمة ـ انطتني ماعون بي شوي تمن وطرشي وعظمة وجلد مال دجاجة .. ارشد ـ كلت انطوهه فخذ منال ـ هسة فخذ لو هاللحمة شنو الفررق خلصت الدجاجة ماضل بيهه ـ كلبي يرجف من تحجي منال راسا كلت لعمو ارشد .. عمو ماجوعانة ماريد اخذت الماعون وعفتهم رحت للمطبخ جريت خاشوكة وكعدت اكل ايدي توجعني من لضرب والحرك البيهه انفخ علئ ايدي حتئ لايوجعني اكثر خلص الاكل وماشبعت بس اكتفيت غسلت ماعوني والخاشوكة ورجعته بمكانة ايدي من المي كامت تأذيني اكثر رحت للغرفة كعدت بمكاني واتذكر خواتي يمكن لو يمي هنا جان هم هيج سوت بيهن .. همزين راحن خطية بعدهن صغار ميتحملن دعاء ـ صرتي كرعه تموتين ضحك شوفي شعري شطووولة يخبل .. ـ سكتت ماجاوبتهه ـ باجر نروح لبيت جدو .. انتي ماعندج بيت جد مووبلة ؟ ـ هزيتلهه راسي يعني اي ـ اي ماما كالت امج شمرتج علينة ـ هسة غير انطمر وانام ماريد اسمع هالحجي بس مدكدر انام من وجع جسمي وايدي .. ماكدر اتحمل حجيهه ابد همست بكلبي روحه بلا ردة ان شالله تمددت وحاولت انام وضليت افكر باأيام امي ازدهار الله شلون ايام ياريت ترجع عيوني ابد ما وكفت دمعهه بس ماعرف شلون غفيت كعدت الصبح فرحانة راح تولي منال ودعاء ويفرغ البيت بس شفتهم ممتحضرين ولا مبدلين.. سكتت ماحجيت شي بس بداخلي فضول اريد اعرف ليش ماراحو شفت وسام هذا اصغر مني بسنة بس مكروه كلش .. اكلك وسام ليش مارحتو لبيت جدكم ـ ماعرف اشو امي ماقبلت .. ـ ها .. ـ جنج ولد تلعبين النفس ـ يحجي ويضحك عليه .. عفته ماجاوبته ورحت غسلت وجهي ورجعت خليت الدهن علئ الحروق مالتي ... لميت الفرش وجبت مكناسة وكنست اعرف هذا شغلي وبراسي محد يسوي اجتي دعاء ودخلت للغرفة .. ـ اكلج ماما تكول لاتطلعين ـ وين اطلع ـ مو هاي ام عمر اجتي جايبة ريوك وغدة الج تكول ماما ديري بالج تطلعين ـ لا ماطلع خلصت تنظف واني اسمع صوتهن بالهول كاعدات الهول معزول عن غرفة بيبي والمطبخ رحت للمطبخ شفت مواعين الريوك كومة شلت هم شلون اغسلهن دعاء ـ شدسووين ـ غير اريد اغسل هالمواعين بس ايدي توجعني ـ عوفيهه اني اغسلهه .. روحي كعدي بغرفتنة وسدي الباب ولاتطلعين صوت ابد ـ كيفت ورجعت اركض للغرفة سديت الباب وكعدت التلفزيون مفتوح حبيت اكلب بي بس اخاف امد ايدي علئ الريموت بقيت كاعدة واتفرج ع قناة الشرقية مر اكثر من نص ساعه واجتي دعاء فتحت الباب ودخلت ـ ماما عافتلج ريوك علئ الكاونتر بالمطبخ ـ اي شكرا جنت كلش جوعانة .. طلعت من الغرفة ماسمعت صووت خاله ام عمر رحت للمطبخ شفت جدرية صغيرة بيهه تمن احمر وفوكاه بتيتة وبصل .. هاي مقلوبة جانت ماما تسويهه النة.. ويمهه ماعون بي نص بيضة ومخبوط وياه لحم وبصل جريت صمونة وكعدت اكل خلصت اكل ودخلت عمة كميلة للمطبخ ـ يا هاي بس هذا عايفتلج ؟ ستوهم تريكو وردو اكلو ريوكج ـ مارديت عليهه اخاف احجي شي يوصل لمنال وتجي تإذيني .. غسلت الماعون ورحت للغرفة اريد اسبح بس ماكدر عمو كال لا تعرضيهه للمي .. طلعت ملابس مرتبة ولبستهن وضميت ملابسي الوسخة بعدين اغسلهن من اطيب اكول دعاء اشو مارحتو لبيت جدكم ـ ما اعرف ليش اتأجلت بس يمكن صار عدهم شغل ومارحنة ـ ها.. اسمع امهه بالمطبخ عود دتطبخ وتركع بالغراض كمت للمراية وصفنت علئ حالي ماعرف شسوي بشعري مكصوص مثل الولد بس مخربط منا طويل منا كلش قصير ورم شفايفي خف شوي بس صاير ازرك راسا انفتحت الباب ودخلت منال شمرت عليه ربطة منال ـ هاج لبسيه فوك راسج الخايس ديري بالج اطلعين شعرج كدام احد افتهمتي ـ اي خليتة علئ راسي وكعدت .. هيج اروح لان ضميت شعري محد بعد يضحك عليه صار الضهر واجتي عمة سهير ماهتميت.. لان هي متحبني ما احس بيهه تحن عليه .. بقيت كاعدة بمكاني اسمعهم يشاقون ويضحكون بيناتهم ولا ذاكرتني اصلا ورة ساعه كالو اجتي عمة شفاء .. كمت اركض عليهه اتلكيتهه وحضنتهه وهي حضنتني واخذت منهه بنتهه سحر حضنتهه وشميتهه بيهه ريحة طيبة تذكرني بريحه الحان اختي ـ هاي شبيج شنو هيج وجهج منال ـ ثولة ووكعت من الدرج ـ صدك تحجين شلون وكعتي يااعمة غير تنتبهين هاي شصاير بيج وجهج متفلش .. ـ اشوف علئ عمة كميلة ساكتة ولا عبالك تعرف بالصار واني هم سكتت ماحجيت شي ـ وين خواتج .. الحااان نغم صبااوي تعاالن منال ـ وووين انتي اجتي خالتهن وداد واخذتهن ـ اخذتهن ! ليش اخذتهن ـ خالتهن وتريدهن نمنعهة قابل ؟ هاي همين لو عدهه ام بيهه خير لو خوال اوادم جان اخذوهه مو يبقوهه تحمض علئ كلبنة ـ خطية ياعيني خو مابجن خواتج ـ اي شوي ـ وانتي ؟ ـ اشتاقيتلهن .. حجيت هالكلمتين وبجيت منال ـ قابل وين راحن يم خالتهن اصلا نيالهن خالتهن عدهه فلوس تسد عين الشمس وفوكاهه موضفة عد الدولة ورواتب الموضفين هسة صارت فوك النخل يعني راح يعيشن بعز ودلال ـ خلتني يمهه عمة شفاء وكامت تسولف وياهم وسحر بحضني وسهير عينهه عليه سهير ـ صارلي ساعه جاية لا اجيتي لا سلمتي عليه لا شوفتيني وجهج بس سمعتي شفاء اجتي طلعتي تركضين اتلكيتيهه من الباب .. ليش عود؟ شمسويتلج عمة؟ منال ـ ادبسز تعتبين عليهه انتي ـ خاف اني كلت لامج تشمرج وبعد متريدج لو اني منعت ابوج منج لو اني كلت لابو سلام يعوفج ويسافر لو اني الكتلت مرة ابوج ـ ضليت ساكته ماعرف شجاوبهه شفاء ـ عيب عمة لازم تطلعين تسلمين علئ علئ عماتج ليش ماطلعتي ـ ماعرف شحجي اخاف اكول ماحبهه جرتني من ايدي عمة شفاء واخذتني يم سهير وكلتلي بوسيهه وسلمي عليهه سهير ـ شعجب لابسة حجاب مو عوايدج منال ـ صارت جبيرة شعدهه مطلعه شعرهه تتعاير بي ـ اتقربت علئ منال عود اريد ابوسهه ابتعدت عني وشالت الربطة من راسي وعاطت بضحكة ـ هاي شنو شمسوين بيهه شفاء ـ عزااااااا هاي ليش هيج شعرهه منال ـ مو اكلكم ادبسز ممتربيه هية جابت مكص وغافلتنة وكعدت تكص بشعرهه مخبلة ـ تحجي وتخزرني بعيونهة عمة شفاء تسالني وسهير تضحك علية واني ساكتة كلشي محجيت لان اعرف اول وتالي يعوفوني بيدهه وميسوولي شي وترجع تاذيني سهير ـ يراد ناخذلهه صور ووكت الضوجة نطلعهن ونكعد نضحك عليهه شجاب المكص بيدج وشلعبج بشعرج ـ دنكت راسي وابتسمت لعمة شفاء ورحت للغرفة ابجي شديت الربطة قوي حتئ محد يشيلهه بعد ويضحكون عليه مر الوكت واجو عمامي وصارت هوسة بالبيت انفتحت الباب ودخلت عمة شفاء ـ ها حبيبتي ليش كاعدة لوحدج ـ ابتسمت وكلتله عادي كعدت يمي وكالت صارحيني واحجي علئ السريع .. منو سوة هيج بيج؟ ـ محد اني وكعت ـ وايدج ؟ احجي عمة منو سوة هيج بيج ـ بقيت ساكتة ومرعوبة اخاف احجي ـ منال؟ ـ كمت ابجي .. لاتحجين عفية عمة خاف يسمعوج ـ شنو سويتي وهيج سوت بيج ـ ما… بعدني ماكملت حجي ودخلت منال شفاء ـ ماكو داعي تنقهرين علئ خواتج قابل وين راحن اكيد يجي يوم وتتلاكون منال ـ ها كاعد تبجي علئ خواتهه ـ اي خطية ـ خبصتنة بيهن خبص وتلكيهن هنة ممعبراتهه ـ بعدهن صغار خطية الله يديم الحنية بينهن يلة. كومي عمة دنتغدة سوية ـ اخذتني عمة شفاء وطلعت يم عمامي برة... اشوفهم كلهم يضحكون ويسولفون عادي عدهم .. ورة فترة رن تلفون عمو ارشد وصفن علئ الرقم .. ـ رقم غريب هذا ناصر ـ شنو نهايتة؟ ـ عراقنا نهايتة 85 ـ ماعرف ماعدنة هيج رقم جاوب شوف شكو نهاوند ـ رفع التلفون عمو ارشد وطلع هذا عمهم سهيل .. سلم عليه ورة دقايق وجهه انكلب .. كالة اي موجودين كلنة تفضل كل الهلا بيك وسد التلفون ناصر ـ منو ؟ ـ عمي سهيل جاي بالطريق علينة ـ وصل عمهم سهيل ودخل للبيت اول مرة اشوفه رجال مشيب جبير بالعمر وطويل انيق كلش مرتب شكلة. حباب طلعونة احنة الصغار من الهول وبقو الكبار بس بقيت واكفة يم الباب اريد اعرف شنو راح يحجون سهيل ـ شنو هالكلام السمعته ؟ ارشد ـ شسمعت عمي ـ يكولون شامرين بنات اخوكم بالشاارع! ناصر ـ منو كالك هالحجي هيانهه يمنه مابيهه شي ـ ماكو شي ينظم الحجاية وصلتني الحجاية واجتيكم اركض صدك هالحجي ؟ توفيق ـ لا عمي تتصور احنة نسويهه نشمر عرضنة بالشارع ؟ ـ وين بنات اخوكم ارشد ـ الصغار اخذتهن خالتهن وبقت بنت رحمة يمنه ـ لعد شنو هالكلام السمعته ناصر ـ من منو سمعتة ـ انت ناسي هذا بيت ابوية؟ واحنة بعنة حصصنة لابوك وعمك الله يرحمهم يعني المنطقة كلهه اصدقائي ومعارفي وهيج سالفة مصخمة متنظم راشد ـ لا عمي يمعود ماكو هيج حجي ـ ماكو دخان بدون نار .. كالو ذابيهن بالشارع وبايعيهن بعدين وكفو عقلي بهالحجي منال ـ اي عمي صح هالحجي ارشد ـ خيررج مناال سهيل ـ عووفهه خلي تحجي .. كولي ام وسام شصاير من ورة ضهري ـ شوف عمي لا احنة غربة عنك ولا متعرفنه ؟ الصار كالتالي قبل ليليتن البنات سودة عليه رادن يشترن تعرف يتيمااات وماعدهن اب وام مكسورات جناح والولد ماكو طالعين لشغلهم عاد اني انطيتهن فلوس وكلتلهن روحن اشترن من هالمحل الكبالنة هيانة كدامنة مو بعيد عنة بعد بيتين بس والروحه رووحه ياعمي ومارجعن لبست الجبة وطلعت اركض وادور مثل المخبلة اني وكميييلة ماكوو.. مو كميـــلة؟ ـ أأ اي صح ـ طلعنة ندور ونفترر وخابرت الولد واجوي يدورون وهم مااكو فص ملح وذااب دورنة شبر شبر مابقينة بيت مادكنا ولكم يالمصيبة لا بنت ولا بنتين هذول اربع بنات مااكو لا كدررنة ننام لاكدرنة ناكل لاكدرنة نشرب شربة مي الولد تخبلو الضغطة ارتفع والي تخربط منهم واحنة النسوان كاعدين ونبجي وندعي الله يرجعهن هيج وعلئ بخت عمي حمزة اااالله يرحمة ويلكاهم صديق عماد ابو اسلام ويرجعهم للبيت يمة من الفرحنة منعرف شنسوي اني وعمامهم بس خطية جانن مصدوفات وخايفات لان… اوووف حتئ خابرنة ابو اسلام وطمناه عليهن بس هذا كلة بسبب اختهن الجبيرة مو صاحية ابد مو صاحية ـ منو تقصدين ؟ ـ نهاووند بنت رحمة ـ شبيهه شلون موصاحية ـ هي تتخيل اشياء ومو طبيعيه البارحه كعدت من النوم ومالكت خواتهه وكلتلك بيهه حاله نفسيه لان ابوهه وامهه تقريبا واحد و الاخ ماتو مو فترة طويلة وعبالك شفط عقلهه وداعتك عمي وانت ممحلفني تكعد بتالي الليل تعيط وتصرخ عبالك جني متلبسهه خرعت جهالي وخرعت البيت كلة انوب اريد افهمهه ناصر ماخذهم يشتريلهم ابد متسمع طلعت بالشارع تهوس وتعيط وتصرخ ذبونه بالشارع وباعو خواتي وتالي سودة عليه رجع ناصر شايل البنات ومشتريلهن هم يعني تتصور ياعمي لو احنة هسج مسوين بيهن نسمحلهه تطلع بالشارع وتسوي هوسة بس مخبلة بيهه حاله نفسية منكدر نسيطر عليهه عاد خطية اجتي خالة البنات واخذت بنات اختهه تخاف عليهن من اختهن الجبيرة لااان مو تمام خافت تموتهن تخبلهن يومية مسوي طركة جديدة سهيل ـ شنو هالحجي ؟ منال ـ وداعتك عمي وداعت غلاتك واني حاسبتك مثل ابوية الله يرحمة هسة لو تشوفهه شمسويه بنفسهه لازمة المكص ومهبرة بشعرهه وانوب صعدت فوك الدرج ووكعت ووجهه صار خرايط وتبجي وتكول واحد دفعني ياعمي تخوف حفيدة اخوك ياريت مستشفئ الرشاد مفتوح واخذهه بيدي واكشف عليهه اشوف شبيهه هالطفلة خطية ـ ليش ساكتين عنهه اخذوهه للطبيب راشد ـ اي انــ منال ـ يااريت .. اوف ياعمي ما اتحمل اشوف طفلة هيج يصير بيهه شوف دموعي تصير مثل المطر .. وداعتك عمي كلت لناصر اروح لهلي اداين فلوس منهم واخذهه للطبيب فلا اسكت عنهه شنو ذنبهه هالطفلة هيج مصدومة بس هي مبين مو جديدة هالسالفة بيهه سهيل ـ وضحي ياعمي كلامج لاتحجين الغاز ـ اي والله حقگ يمكن جانت .. استغفر الله استغفر الله يمكن جانت مرة ابوهه تخبل بيهه شفاء ـ لا عاد لهنا وكافي يامناال ازدهار مو هيج ـ يااااا تكذبييني كدام عمييي ليش جايبة شي من جيبيي تعالي سهير بداعت جهالج مو جانت ازدهار تسوي عيد ميلاد نهاوند علئ عيد ميلاد بنتهه الميته وحتئ ملابسهه وغراضهه تلبسهه لنهاوند حتئ كالو رادت تغير اسمهه علئ اسم بنتهه الماتت متشوفون صارت هيج حالتهه مو طبيعيه عيني فال مو زين تريد تحيي وحدة ميته ابراس هالطفلة يجوز تلبستهه روح هذيج الميتة سهيل ـ لا مو تلبستهه ماكو هيجي ححي بس ممكن نفسيتهه تعبانة اذا علئ الفلوس اني انطيكم واخذوهه للطبيب كشفو عليهه شوفو شنو شبيهه ناصر ـ اي اخذهه ان اشالله بس اهم شي صدكتنة احنة ممسوين هيج شي منشمر بناتنة بالشارع ترة ـ استغفر الله البيوت اسرار والناس عليهه الظاهر نهاوند ـ كمت ارجف من كلام منال حجيهه يخوف حسيت صدك اكو روح ويايه يجوز روح نور بنت ماما ازدهار ماعرف ليش خفت رغم اعرف كل حجيهه كذب عدا عيد ميلادي الشي الوحيد الصح حجته.. اجتي عمة شفاء وكلتلي تعالي عمي سهيل يريدج .. طلعت خاتلة ورة عمة شفاء باوع عليه وكال هي هاي ارشد ـ اي عمي هي هاي بنت فؤاد ورحمة ـ الله يشفيهه ليش هيج متأذي وجهه ناصر ـ مو كالتلك منال وكعت من الدرج ـ حاليا بس هالمبلغ شايل تقريبا 60 الف حاولو تاخذوهه تعالجوهه وانطوني الاخبار واساعدكم بالاكدر عليه ولو ما اتصور تلكون طبيب نفسي سهير ـ عزة شوف الفشلة طبيب مخابيل سهيل ـ ماكو داعي لهلكلام عيب تكولين طبيب مخابيل كلنة نحتاج اطباء نفسيين الله يساعد هالطفلة المرت بي مو شوي .. ـ مسح ايدة علئ راسي ونطاهم الفلوس وطلع شفاء ـ شنو هذا الحجي الجديد انوب ارشد ـ ياحجي ؟ ـ هالحجي مشيتو علئ عمي بس عليه ميمشي منال ـ ههههههه خوش لعد .. جيب الفلووس ياارشد لا تلغفهن ـ الغفهن شنو ـ جيبهن بزودي حصلت هالفلوس ـ لا عوفيهن محتاجهن اني اريد ابني ملحق فوك ـ لاااا والله صددك ؟ جيب ياابة جيب وشعليييه ااني بمررتك خلي تجي هية وتحجي بمكاني وتسوي هالشوية وية عمي وعود ذاك الوكت اخذ الفلوس الك وابنيلهه شبيهه مرتك ناقصة اايد لو رجل ارشد ـ ترة افلامج الهندية نجحت بزوودنة لان احنة ساكتين ـ وانتو تكدروون تحجوون غير هالحجي؟ ترة انتو المحكوكين اوول وتالي واني اطلع منهه مثل الشعرة من العجين مثل ماسوت ام محمد سوتلهه زعله عود هية شرييفة وعفيفةة ام الكلب الطيب والضمير الحي ما كعد ضميرهه من ذبيتو البنات بالشارع ولا كعد ضميرهه من بعنة البنات لااا كعد ضميرهه من صارت هوسة وخافت من الفضيحه ولكم كلكم اعرفكم كلكمم خابزتكم علئ ايدي نسيتوو اني بنت ابن عم ابوكم يعني مو غريبة عليكم ولد العم احنة واعرفكم اكثرررر مما اعرف اهلي فلا تمشون هالسوالف عليه نهاوند ـ اول مرة اعرف عمة منال كرايب اهل بابا اخذت الفلوس من عمو ارشد وكعدت علئ جهه وضلت تحجي وياهه عمة شفاء منال ـ ااكلج عيني ماعاجبج اخذيهه لبنت اخوج ويااج خليهه تعيش يمج ـ ااي اخذهه ليش لا ـ حسيت كلبي راح يطلع من الفرحة بلكي صدك تاخذني عمة وياهه طلعت عمة التلفون وخابرت زوجهه وكلتله اريد اخذ بنت اخوية تعيش يمي وكامت تشرحله هي طفلة وصغيرة ومتاذينة بعدين سكتت ووجهه انكلب وعيونهه دمعت وطلعت بالحديقة تكمل حجي وياه منال ـ هههههههه مبين رزلهه رجله محد يتحمل احد بهالوكت وجاية تبيعهن علينه شفاء ـ لا ما ابيعهن عليج اي صح زوجي ميقبل اخذهه وترة زوجي مجرد نسيب وعيب اصلاا تروح يم النسب وعمامهه موجودين وبعدين لاتنسون هذا همين بيت ابوهه ليش هيج دتعاملوته غير افتهم ليش ذبيتوههن بالشارع احجي تووفيق كمييلة ليشش ساكتين كولو شي شلون قبلتوو تشمرون بنات فؤاد بالشارع لو مغتصبيهن شتحجوون لوخاطفيهم المجرمين ولكم بركبة منو ذنبهن ناصر ـ عظم بني ادم ثكيل ـ ولكم ااالله اكبر عليكم اطفاال هيج تسوون بيهن ومن دمكم ولحمكم نهاوند ـ عمة شفاء كامت تبجي وتحجي بعصبية وية عمامي عمو توفيق راسا اخذ زوجته وجهاله وراحو لغرفتهم عمة سهير همين اجئ زوجهه عليهه وراحت بدون متسلم علينه وضلت عمة شفاء ومنال وعمو ناصر وارشد يتجادلون شوي واندكت الباب وطلع وسام ورجع بيدة صينية من بيت جيرانة ام عمر بيهه خضرة وخبز وطرشي و جدرية صغيرة بيهه شوربة ويمهه كباب عروك ويمهه 2 نساتل وحلقوم منال ـ شوف الفكر مسوية شوربة وعروك شفاء ـ شنو هالصينية ثواب لاحد؟ منال. ـ لا عيني عود مسوية نفسهه حنينة وتعرف الله وكافلة يتيمة ههههههه شفاء ـ المن كافلة فهموني ناصر ـ ترة ميرادلهه كل شوي نفهم ونحجي.. منو هناا يتيم غير بنت اخوج ـ عزاااااا بعييييني ياالفضاااايييح ووولكم همززين ابوية ماات ولا شاف هاليووم همززين امي تووفت ولا حضرت هاليووم ولكم خزيييتونة تجدووون بهالطفلة حتئ اللكمةةة ووينج يمة تشوفين شصار ابيتج عكب عينج ااخ يايبة شوف ولدك شديسوون ارشد ـ كافي شفاء ابد مو حمل كلامج ـ انت خليت بيهه كلام خليت بيهه حجي هالفشلة من الناس وين اظم وجهي اذا رجلي عرف لو وصلت حجاية لاهل زوجي تعرفوون شيصير ناصر ـ منو يوصل خبر الهم ؟ اصلا لاشايفيهم ولا رايحيلهم ولا جايين علينة ـ الووجووه تتلاكةةة يا نااصر والناااس تحجي متسكت ولكم نفرر واحد متعرفون توكولهه عمي اني اتكفل بنهاوند من مصروفي الخاص بس لاتجدوون بيهه هسة اطلع لام عمر واكلهه رحم الله والديج ماقصرتي بس بنتنه احنة اولئ بيهه وممحتاجين منال ـ اذا تطلعين وتحجين هالحجي تاخذين بنت اخوج وياج واذا متاخذيهه حسبي حساب اشمرهه بالشارع ارشد ـ مو بكيفج ـ اي خوش لعد مرتك الزعلانة منك موتريد بيت لوحدهه عود من تسويلهه البيت التريدة اخذ بنت اخوك يمهه ـ اني عندي 5 بنات وولد مين اعيشهه ـ لعد شكو تحجي وتكول مو بكيفج.. اتحمل ارشد ـ استغفر الله .. نااصر احجي شي ناصر ـ لو الله ماخذهم وية اهلهم مو ابرد راس النة شفاء ـ انتي بشنو مستقوية علينة ؟ اشو تحجين بكيفج ومحد يكدر يردج ـ لان تعرفون كل كلامي صح فماكو داعي سوالفكم التعبانة تسووهه عليه ياولد عمي نهاوند ـ احس راسي انفجر من الصياح مالتهم شلت الصينية واخذتهه للمطبخ شفت النساتل والحلقوم ماكو ماخذيهن ولد عمي حرامات جنت مشتهيتهن صارلي فترة مماكلة نساتل .. كعدت اكل الشوربة والعروك والخضرة الله شلون طعم ذكرتني باكل امي الله يرحمهه اتذكرت شلون جانت تلمنة وكت الاكل ونكعد كلنة ناكل اتذكرت وكاحة الحان وعركاتهه وية صبا متحملت كمت ابجي والله هواي اشتاقيت الهن مسحت دموعي ورجعت اكل اتذكرت شلون متنة جوع من جنة بالشاارع خلي اكل الاكل واشبع حتئ لايذبو .. شوي وسكتو من صياحهم بقيت دقايق كاعدة بمكاني مبية حيل اكوم جبرت نفسي وكمت غسلت الصينية ورتبت المواعين وخليتهن علئ جهه حتئ من باجر تجي خاله ام عمر انطيهه المواعين رحت للهول ماشفت احد وين راحو؟ .. عفتهم ودخلت للغرفة شفت دعاء كاعدة تتفرج واخوتهه يمنهه نايمن ـ ها اتعشيتي ـ اي ـ امي تكول عشئ مالت ناس فگر ـ لا والله الشوربة تخبل والكباب كلش طيب .. ـ بقيتيلي اكل خلي اضوكة ـ لا كلة اكلته ـ ثول اي والله ام بطن ـ اكلج وين عمة شفاء ـ راحت قبل شوي اجة عليهه زوجهه وراحت شفتي محد يريدج لو ميتين وية ابوكم وامكم والله احسن ـ ياريت.. عفتهه ونمت مر اكثر من اربع ايام وماكو خبر من خواتي عمو ارشد جاب ناس يسووله بيت فوك وجاب مواد ومدري شنو يريد يسوي بيت من شي اسمه سندويج بنال ماعرف شنو سندويج بنال الاعرفة كلمة سندويج يعني لفة بالانكليزي بس من شفته ضحكت حديدتين وابطنة اسفنج مثل اللفة بالـضبط متخيلت شلون راح تصير من هالحدايد بيت هالايام بدت جروحي والحروق اطيب بس منال صياحهه ميخلص واوامرهه متنتهي سمعت من دعاء بيت جدهه اهل امهه يعني خالاتهه راح يجون لبيت جدو حمزة ومنال مخبوصة تطبخ وتوصي علئ حلويات وكلتلي روحي نضفي الهول والغرفة نضفت وكملت ودخلت سبحت صارلي هالايام كلهه ماسابحة هسة طابت جروحي وسبحت غيرت ملابسي ومشطت ولبست الربطة وكعدت دخلو ناس غربة للبيت اول مرة اشوفهم نسوان اثنين و 5 جهال ورجال واحد ركضت دعاء عليهم تبوسهم تكول خالاتي وخالي الصغير كعدو بالهول يسولوفن ويضحكون جايبين علاكة حلويات وياهم ووزعو للجهال ونطوني اني هم وياهم مصاصة وحدة .. صح حظوظي اقل منهم لان كلهم حصلو نساتل وجبس الا اني مصاص بس ميخالف كاعدين عمامي وخال دعاء يسولفون بالهول ومنال اخذت خواتهه وراحت لغرفتهة منال ـ دعااااء ماماا اكو قواطي ببسي بالفريز وماعون كليجة حطي بصينية وجيبي وتعالي يلة حبابة دعاء ـ اي هسة .. تعاي تعاي نهاوند ـ رحتلهه اركض ها دعاء ـ اريد اروح اتفرج علئ البرنامج هسة راح يطلع طلعي القواطي وحطي هالماعون بالصينية واخذي لغرفة ماما ـ اي هسة حضرت الصينية واخذتهه قبل لا ادخل الغرفة سمعت منال تحجي منال ـ اي ختام كل هالسنين مرت عليه وماكدرت انسة السواه ويايه فؤاد ختام ـ الرجال مات وراح ادفن وانتي اتزوجتي وخلفتي ماكو داعي لهلحقد ابد ـ ماكو داعي ؟ لعد من لعب عليه اكثر من 3 سنين شتسميهه دمرني بهالسنين ضحك عليه من يكعد يلزم ويحضن بية واني مأمنة بي ولج جنت مستعدة انطي شرفي وماكول لا جنت ابوك فلوس من ابوية وانطي جنت اجمع فلس فلس من مصروفي واحرم نفسي من كلشي وانطي وهي يضحك عليه بأالحالنة الفاشلة ماكدر انسئ كلامة وغزلة وحبة الي جنت متأملة زواج منة تالي يكلي انتي اني ماوعدتج بشي انتي عجــــــــوز بالنسبة الــــي ماااريددج اريد شابة بعمري لو اصغر منييي ااااني عجوووز ااانــــي وللحكاية بقية…………… 🥀