الفصل 63
*روايات وقصص يمنيه 📚🖋️*
*روايه [مـابيــن الحـب والـحــرب عـقـلــي جُــن بــک ]*
*بارت رقم [ 63 ]*
*اعمل توجيه للروايه لحفظها وتفاعل بايموجي لطيف لنستمر [ 📖🖊️]*
.
مراد:يمكن عقل اسكتوا.
منير:بتخلونا نفطر ساع الناس والا خليناه لكم.
الهام شافت احلام نظره عتب واحلام زعلانه وساكته.
ابو مراد:خير ليش قالب صورتك.
منير:ولا شي افطروا بس.
مصطفى:انت أخبر الغلط مننا لأننا نسال عليك.
منير: .......
خلصوا فطار قاموا للصلاه ومنير ماعاد رجع من المسجد معاهم.
سميرة:وين منير.
ناصر:قال انهو بيسير مع صاحبه يكمل يفطر.
شذا:اي صاحب هذا.
ناصر:مش عارف يابنتي.
احلام فاهمه انه زعلان ويسوي كذا قاصد يلمح لها زعله.
الساعه12:00م.
البنات في الغرفه والشباب روحوا وجالسين بالديوان.
منير:رغوده سيري قولي لرشا تجي للصاله.
رغد:ليش.
منير:رغد من غير كيف وليش سيري.
رغد:حاضر.
في الغرفه.
رغد:رشا منير قال تخرجي للصاله.
رشا استغربت:ليش.
رغد:من غير كيف وليش أخرجي وبس( خرجت رغد).
رشا خرجت للصاله:هاه منير ايش تشتي.
منير:اشتي شي اكله جاوع.
رشا:أحد يجوع بهذا الوقت اصبر للسحور.
منير:ليش وانا اكلت شي من الفطار التمره والماء عشان اوقع شابع.
رشا:وليش مااكلت اليوم منير ايش فيك أحد ضايقك او زعلك قلي.
منير:بتدي لي شي أكله والا لا.
رشا:حاضر حاضر من عيوني الان انتظر.
منير من غير نفس:تمام.
رشا:بنات واحدة تجي معي للمطبخ اسوي شي امنير مااكل شي وجاوع.
الهام:انا بجي يله.
احلام ساكته.
في المطبخ.
رشا:انا شايفه اليوم منير مش طبيعي وحتى احلام امانه قولي لي شي بينهم شي وانا ما اعرفه.
الهام:مالي شغل انا اساليهم هم.
رشا:هاااه يعني به شي بطريقتي بعرف.
خرجين الاكل لمنير.
رشا:وهذا الاكل وعوافي على قلبك.
منير:......
رشا:منييير مش عوايدك السكوت والبرطمه لو الحب بيخليك كذا فالاحسن ادعس عليه وعادك باوله .
منير شاف لها:اي حب ومن قالش.
رشا:تصرفاتك قالت لي لو حابب تقلي فانا اسمعك.
منير بالاول اكل عشان سديتي نفسي ومشتي تنسد للاخير.
رشا:براحتك
منير:بعدين اطلعي للجبا بكون هناك واقلش.
رشا ابتسمت:حاضر.
منير خلص ياكل بيحاكي نفسه: حاله وعيشه زفت ما اقدر اخذ راحتي بهذا البيت الواحد يحتاج يرقد يحتاج يكون لوحده بس مايقدر الله يفكنا من هذا الحال اشتقت لحياتي القديمه. ( طلع الجبا والجو نقي وبارد).
رشا لحقت بعده.
رشا:هيا قلي اشوف حالتك حاله.
منير حكا لها:هيا برايش انا غلطت بشي انتي بس شوفي كلامها كيف سخيف.
رشا:صح هي غلطتت وانت غلطت بالاصح كان المفروض ماتقول عنها معقده هذي تجرح والله ومابتبكي يامنير الا وهي تعزك.
منير:هي ماتحبني بس انا الغبي حبيتها مش عارف ايش خلاني احبها.
رشا:ندمان انك حبيتها؟؟.
منير سكت شويه:.
رشا:ندمان انك حبيتها؟؟.
منير سكت شويه: لا مش ندمان اني حبيتها ندمان اني بينت حبي لها حسيت نفسي ضعيف وذليت نفسي.
رشا:مش هو ذل يامنير هذا حب صادق واذا عن احلام هذا طبعها كتومه ومحدا فاهمها وتحرج كثير وهادئه يمكن ورا هدوءها عاصفه من يدري وبرضوا ممكن تحبك ليش لا.
منير:معتقد لو تحبني بفهم حتى ولو بنظره منها بس مابش معاها احساس.
رشا:لا شكلك زعلان كثير احلام مش كذا احلام طيبه وحبوبه بس زي ماقلت لك كتومه والايام بتبين لنا اذا تحبك والالا وكل شي بوقته حلو بس لا تزعل منها لان حتى انت زعلتها واكبر غلط انك قلت انهو يمكن حبيبها هذا غلط ومش أسلوب صح ومن حقها تتنرفز من كلامك ومن اليوم خلاص تجنبها نفس ماتتجنبك وتجاهلها ساع ماتتجاهلك وطنشها ولا كأنها موجوده في البيت ولو هي فعلا تحبك بتحس وترجع هي تهتم لك وبتحس بشوقها لك حتى بوجودك اذا حبيت شخص واهتميت به كثير وهو مو معبرك ارجع انت اهمله وهو بيحس بقيمتك ويرجع هو يلحق بعدك .
منير............ساكت
رشا:يله اجلس مع نفسك شويه وانزل عشان الجو بارد.
منير:غلقي بعدش الباب.
رشا خرجت للدرج حق الجبا ونزلت دموعها تذكرت راشد وحبهم وزعلهم وكيف كان يراضيها.
رشا تنهدت :يا ترى وينك ياراشد وكيف اخبارك عساك بخير بس ربي يحفك وين ماكنت مسحت دموعها ونزلت.
خلص اليوم من غير أحداث مهمه.
بعد يومين.
رشا:يابه نشتي نبدأ نشتري للعيد باقي للعيد قليل.
ابو مراد ضحك:طيب عادي اخرجين كل يوم تسوقين وابدأين من اليوم لو تشتين.
رشا:وين نخرج ياحسره بالقريه مابنحصل كل اللي نشتي خلنا نطلع للمدينه.
ناصر:وين تطلعين الجنان.
خلود:الله يخليك يابه بنسير بعد صلاه العشا ونروح من هناك بالفجر.
سماح:مابي قوه للتعب والاسواق سيرين انتين.
سميرة:ولا انا بجي.
خديجه:ولا انا ولا لي نفس للملاحقه بعدكن.
ايلاف:خلاص بنسير احنا البنات قووااا قولوا تمام.
الهام:يامنعاااااه اشتي اشوف المدينه واسواقها. مراد:ايش عاد تشوفي قد دمروها تدمير.
شذا:بس مازالت مسرجه وحاااليه رغم كل شي.
وليد:اصلا من قد سمح لكن يابناتي تسيرين معاهم عشان جالسه تقنعيهم معاهم ياالهام.
احلام بضحكه:ابي قلبه طيب وانا عارفه مابيردنا.
وليد ضحك :هاه اول مره اعرف انه قلبي طيب.
الهام ضحكت افدي قلبك .
مصطفى:اصلا لازم تقنعينا احنا الشباب بالاول لانه من بيسيركن احنا لان لو وافقوا ابائكن الحنينين احنا مش فاضيين لكن.
كلهن شهقين.
والشباب ضحكوا.
رشا:قواااا يامصطفى يامنعاه.
مصطفى:ماااشي.
عهود:مراد انت شلنا يامنعاه معي اشياء كثير ناقصه.
مراد:الصدق ما اقدر اسير لهناك تعب واعرف كيف تلفين بالشوارع 'واحنا نجلس نلاحقكن.
.
عهود:مراد انت شلنا يامنعاه معي اشياء كثير ناقصه.
مراد:الصدق ما اقدر اسير لهناك تعب.
خلود:خالد قلبه طيب بيشلنا هوه.
علي:هاه واحنا ايش به قلبنا طيب بنشوف من بيشلكن.
خلود ابتسمت:كلكم بسم الله عليكم مابش مثل قلوبكم قوا قولوا تمام.
احلام متأكده لو هي تقول لمنير بيقول تمام:منير بيشلنا شوفين طيب ساكت.
منير من غير ما يشوف لها:هذا الطيب كان زمان وانا مش فاضي لكن.
احلام انصرعت من رده وانقهرت.
كلهم ضحكوا.
عاتقه:شلوكم كيف بتسخوا عليهن وقد هن بيقولين لكم بترجي.
احلام خرجت من الدايون انقهرت دخلت للغرفه:ايش به منير ماعاد مثل اول وقاسي قهرني خبلا جالسه اكلمه افففف.
نرجع لهم.
مصطفى:خلاص بس بس كسرتين خاطري انا بشلكن.
كلهن فرحين.
رشا:اووووه انا افدي قلبك.
مصطفى عدل قميصه وجلسته:احم احم اصلا انا اشتي أسير المدينه سوا معاكن او وحدي لان معي اشياء ناقصه لكن قلت اخليكن تتفدين لي عشان أوافق حسيت نفسي شيخ وانتين تراضني.
كلهم ضحكوا عليه.
ابو مراد:طول عمرك نزغه.
رشا:قلعك.
مصطفى:لا تخليني اغير رايي.
شذا:ولا تغيره ولا شي وانتين يله نقطب العمل بسرعه..
بعد صلاة العشاء.
رغد تبكي:اشتي أسير معاهم.
سميرة:وين تسيري انتي عارفه هناك حرب بيقتلوا الناس وهناك مات حمودي.
رغد:وهم ليش بيسيروا كان.
سميرة:لأنهم ماعندهم عقل فخليش انتي عاقله.
رغد:ماعه ماعه.
رشا:بطلي عناد قلت لش مابش بتجي معانا وخلاص.
مصطفى:يله مشينا.
كلهن:مبسوطات.
ايهم:هيا يامنير معانا امانه من غيرك شوعه.
منير:مقدرش اجي بتوقع خنقه لأن بالسياره بيكون مابش هوا.
احلام فهمت انه يقصدها وانقهرت.
ايهم:حسستني ان احنا بنطلع الفضاء.
مصطفى:والله ماامشي الا بمنير تشتي يتعبيني بعدهن بعدهن وانت جالس مخزن ومرتاح.
منير:ياخي مش انا جايي يجي معك علي.
علي:لا لا انا كرهتي الخرجه للسوق مع النسوان.
خالد:وانا ولا كاني موجود انسوني.
ايهم:صدق انكم قليلين ذوق.
ناصر:سير معاهم يامنير الله يرضا عليك خروجنا من الدحس هذا.
منير بضبح:خلاص تمام.
ابو مراد:اسمعين يابنات واشترين لكن اشياء للسفر قدهو مره واحده تمام.
رشا:بتذكروا السفر لامريكا وتوجعني بطني.
الهام:لان انتي خبلا لو هو انا بدخل اغراضي بكيس قمامة وانقلع اهم شي اسافر.
عاتقه ضحكت:هيا ناهي سيرو الله معاكم.
منير:وانا والله ما اخرج الا برغد هيا رغد تعالي.
رغد فرحت وسارت جنبه وحبته:تسلم يااحلا منير.
رشا ضبحت:الان احلا منير وعند العناد تقولي له دب وونوم وهور.
رغد طلعت لسانها.
سميرة:يله الله معاكم.
.
#يتبع...
يتبع ..
*هت تفاعل بايموجي مختلف باللون الاصفر 🚸💛*