الفصل 62
*روايات وقصص يمنيه 📚🖋️*
*روايه [مـابيــن الحـب والـحــرب عـقـلــي جُــن بــک ]*
*بارت رقم [ 62 ]*
*اعمل توجيه للروايه لحفظها وتفاعل بايموجي لطيف لنستمر [ 📖🖊️]*
.
ايهم:الله الله وانتين مامهرتكن سيرين الوادي وافعلين شغلنا واحنا بنغسول حسستيني انهو عمل شاق على شويه جون.
الهام سوت له نظرة ضبح:احلف بس ليت وانتو تجربوا حتى يوم والله انه ظلم بنتعب.
مصطفى:الله يخارجنا عاد احنا باول رمضان.
وليد:هيا اسكتوا همي همك بدات.
رغد:زنبقه الان بشوفها اخيرا انتظرها سنه.
احلام قامت قربت لهم الحلا.
منير ابتسم:تسلم يدش.
احلام فعلت نفسها ماسمعت.
منير اكتسف وزعل شويه.
جلسوا تابعوا المسلسل اليمني همي همك وضحكوا خلص المسلسل قاموا خرجوا الرجال للمسجد والبنات دخلين غيرين وصلين العشاء والتراويح جماعه وحقهن الامام احلام خلصين وقريين قرآن شويه ورجعين جهزين حق السمره عاتقه والباقيات حقهن القات والببس والماء والبنات معاهن جعاله اشترين وببسي بارد وجلسين تابعين برامج ومسلسلات وضحكه وسمره وعايشين رغم المشاكل والمحن شعب صامد.
الساعه12روحوا الشباب وجلسوا يتابعو برامج دينيه وبرامج مسابقات.
رشا:يابه اشتروا لنا تلفزيون للغرفه نشتي ناخذ راحتنا وانتو خذوا راحتكم.
ابو مراد:ليش او مايعجبكن السمره معانا.
رشا:الا تعجبنا بس الصدق ماناخذ راحتنا لااحنا ولا بنات عمي وليد.
ناصر:خلاص ان شاء الله لو احد من المدينه بيدخل القريه بنخليه يشتري واحد بهذا الأسبوع.
رشا:الله يخليكم لنا.
الهام:يله يابنات للغرفه نفسي نتجابر وحدنا.
سميرة:ياعهود خلي وليد عندي هاتيه.
عهود:احسن عشان مايقلقني هذا السنفور.
مراد:عساس من كبره بيقلقش حرام انهو يرحم الله.
عهود:يرحم الله لكن وقت ما يبكي وانت راقد تقوم تقول سكتي هذا ازعجني.
مراد ضحك:وقت النوم صدق انهو شيطان.
عهود:الليلة بخليه لك.
خلود:رجعت تجابر هيا.
عهود:هه جيت
.
كلهن قامين للغرفه.
الهام:عندي لكن كلام شفتين الرجال الي بيلحق بعدي.
عهود:ماله
الهام:طلع حسام نفسه.
كلهن:صدددق.
احلام:يعني طلع حسام نفسه مش هو مغترب ايش جابه.
الهام:مدري شكلهم رجعوا شفتي على حلا وعلى لبس وهنجمه وجسم وعضلات😳.
كلهن ضحكين.
ايلاف:بتوصفيه عساس تعرفيه عن قرب هو الا من بعيد لمن تشوفي الشخص من بعيد بيكون غير عن قرب.
الهام:إلا شفته اليوم عن قرب
( وحكت لهن).
شذا:مجنونه والله وماعندش سالفه لو احد شافش من حقنا الجن بيفعلوا لش رفسه.
الهام ضحكت:مش انا بمكان مشبوه هو الا بالوادي انا اللي مستغربه منه وين رجع جسمه كان سمييين والان غيرررر حتى حقه قصة الشعر تجنن بس ضبحني يتكلم خليجي.
احلام:ايش مايتكلم مادخلش بعدين عيب تضلي توصفيه عساس وهو زوجش خبلا.
خلود:يييمكن يكون ليش لا.
الهام بهررت:ايش يكون ياجزمات..
رشا:ليش
.
خلود:يييمكن يكون ليش لا.
الهام بهررت:ايش يكون ياجزمات..
رشا:ليش بيلحق بعدش اول ايش يشتي انا فهمت من كلامه انهو معجب.
ايلاف:وممكن يكون بيلعب لانه تربى خارج اليمن وتعرفي بالخارج منفتحين.
الهام:ايش ماكان من الحالتين مايهمني سوا إعجاب سوا لعب انا مابسمح له يتمادا بشي الهام بنت وليد وتعرفينها.
شذا:ايوه ياذيبه نعرفش مره بعرق رجال على قولتش عرق معتز.
احلام:خلينا منه طز فيه والصدق لو يزودها بقول لايهم.
الهام:مامنش فايده يازنبقه.
احلام فتحت عيونها:زنبقه ياام جمعه شلوش.
خلود تضحك:والله انه صدق نحيفه ساع زنبقه.
احلام:الرشاقة نصف الجمال.
عهود:والدبا كل الجمال.
خلود:من متى هذا المثل من قد انتي دبا.
عهود:هو بس من الحمل وخارجه من ولاده وان شاء الله برجع مثل اول.
رشا:بس قعتي حلوة وقت انزاد وزنش والله .
تجابرين للساعه2 وقامين صلين كل واحده اللي قدرت عليه ورجعين قريين قران وخرجين سوين السحور وتسحروا وصلوا.
رشا بعد الكل ما رقد خرجت صوره راشد تتامله وتبكي بصمت وتتذكر كلامه وتمنته موجود معاها برمضان.
ايلاف تحت البطانيه تبكي وتذكرت ابوها واول رمضان يمر من غيره تتذكر كل لحظاتها معه وتبكي بالم( وليس هناك أصعب من الشوق للموتى💔).
مر نص شهر من رمضان وكل يوم احلا من اللي قبله.. في الوادي.
احلام:مدري متى يحترم نفسه حسام ويبطل يراقب من بعيد.
الهام:من راقب الناس مات هما طز يله نروح.
وهن مروحات منير شافهن من بعيد وركز على حسام انه بعدهن قرب لحسام.
منير معصب:خير ان شاء الله شايفك تلاحق البنات بكل قله ادب.
حسام:مادخلك وبصفتك من تتدخل بعدين انا ماغلطت بشي لا تفعل لنفسك زحمه.
منير مسكه من شميزه:بصفتي اقرب لهن وان شفتك تلحق بعدهن وربي اكسر رجلك.
حسام دهفه:احنا برمضان لاتخليني اخسر صيامي انقلع قلك أقرب لهن هولا البنات اعرفهن وانت لاتتدخل وتكذب يقربين لك.
احلام التفت، وشهقت:منير شكله بيتصايح مع حسام..
الهام:تعالي نكلم منير قبل ما يتضاربوا.
الهام:منير لاتتصايح معه خليه يولي.
منير:بكسر رجله ومابسكت له.
حسام:ليش هو يقرب لكم.
احلام:ايوه يقرب لاابوي كل واحد يحترم نفسه ولا تتضاربوا بالشارع.
منير عصب:وليش احترم نفسي هذا لاني وقفت بوجهه عشانكن.
الهام:حسام لو سمحت روح من هنا.
حسام:انا اسف والله ماقصدي شي وانو قصدي شريف اعتذر منك يااخ( ومشي).
احلام:مش عشان شي عشان صياحك جالس تصيح لو يتجمعوا الناس عليكم ايش من خزا تتضاربو على ايش .
منير انقهر :ايش قصدش والا لايكون هو حبيب القلب وانا مش عارف.
احلام عصبت:منير لو سمحت احترم نفسك ولا تغلط.
.
.
احلام عصبت:منير لو سمحت احترم نفسك ولا تغلط عليا انا اشرف من ان يكون معي حبيب.
الهام:مالكم رجعتوا انتوا تتصايحوا.
احلام:مش بالاول يكلم نفسه جالس بعدي بعدي وفاعل نفسه روميو ابوي اعطاكم ثقته على بناته وانت جايي تعيش جو وكلام سخيف.
منير انقهر أكثر وانجرح:وانا قد الثقه ومافعلت بش شي ولا غلطت معش والغلط مش مني الغلط لاني حبيت واحدة معقده مثلش والله اعلم من تحب وانا بكل غباء حسبتش مش حق هذي السوالف.
احلام دمعت:وانا ماطلبت منك تحبني ولا انا محتاجه لحبك احتفظ بحبك لنفسك وبطل قله ذوق وانا عارفه انه انت الذي فتحت دفتري.
منير بيحاول يتمالك أعصابه:واحده مغروره وشايفه نفسش صح انا حبيتش بس مش معناها اذل نفسي لش لا كرامتي فوق الحب وخلي غرورش ينفعش يامعقده.
الهام:منير احلام صلوا ع النبي مالكم تغلطوا على بعض.
احلام بكت:معقده بعينك مش انا معقده ياخفيف العقل مش كل عاقل ومايحب قله العقل مثلك يعتبر معقد انت واحد سخيف(مشت وهي تبكي لانها ماتوقعت من منير كلام يجرح ).
منير:احلام احلام اسمعيني وقفي.
الهام:الله يشلكم ويشل الدب القديم عمري ماشفت احلام تبكي واليوم انت بكيتها صدق انك قاسي.
مشت بعد احلام واحلام تمشي بسرعه.
وصلين باب البيت.
احلام وهي تبكي:انا بدخل للغرفه على طول وانتبهي تقولي للبنات بشي...
الهام:تمام ذلحين ليش الدموع والبكاء مش قلتي منير مايهمش ليش الدموع.
احلام:لأنه كلامه يجرح.
فلتتها ودخلت.
منير متضايق جالس تحت الشجره بيفكر ويعيد كلامه وكلامها في راسه ومقهور لأنه شاف احلام تبكي. .
بوقت المغرب باقي دقايق للاذان.
سميره:وين منير ماتروح للان.
مصطفى:والله ماشفته من خرجنا من البيت ظهر.
سميرة قلقت:اخرج الان شوفه.
مراد:مش هو جاهل يدوره اكيد بيروح.
احلام تضايقت وسارت للمطبخ.
في المطبخ.
ايلاف:ليش شكلش زعلانه اليوم.
احلام:ولا شي بس مرهقه بسرعه يله نخلص نجهز الفطار.
ايلاف شاكه ان احلام بها شي.
منير دخل البيت.
عاتقه في الصاله:وين انت تاخرت وماتروحت معاهم.
احلام جت للصاله تشتي تدخل الاقلاص للديوان دخلت ولا حتى شافت له.
منير:ولا شي ياخاله بس كنت مع واحد خارج واتاخرت.
عاتقه:تمام غسل يدك وادخل بياذن الان.
قاطعهم صوت الاذان.
عاتقه دخلت:منير جا ياسميره.
سميرة ارتاحت:وينهو قدو ياذن.
منير غسل يداته ودخل:السلام عليكم.
جلس يفطر معاهم وهو ساكت.
خالد:مش انتو شايفين شي غريب.
مصطفى:الا ملاحظ منير ساكت وهادئ سبحان الله.
مراد:يمكن عقل اسكتوا.
منير:بتخلونا نفطر ساع الناس والا.
.
يتبع ..
*هت تفاعل بايموجي مختلف باللون الاسود 🖤🎥*