الفصل 60
*روايات وقصص يمنيه 📚🖋️*
*روايه [مـابيــن الحـب والـحــرب عـقـلــي جُــن بــک ]*
*بارت رقم [ 60 ]*
*اعمل توجيه للروايه لحفظها وتفاعل بايموجي لطيف لنستمر [ 📖🖊️]*
.
هذا مش خط الهام لو يطلع مقلب من واحده من البنات بيوقع يوم جن خصوصياتي مااسمح لااحد يلمسها.
الهام دخلت مستغربه من عصبيه الهام الي طبعها الساكت الهادي:خير خير صوتش للصاله ايش حصل.
رشا وكلهن دخلين.
احلام:من منكن فتحت دفتري وباي حق اقبل بكل شي الا ان احد يفتح دفتري.
رشا:والله انا مالمسته ولا انا عارفه مكان المفتاح.
كلهن بيقلين مش هن.
احلام:كان من من منننن.
الهام شكت بمنير:طز من مايكون اصلا كيف بتعرفي منهو.
احلام:الله يقلع الي سواها وفتح دفتري.
جلست ضابحه وهن يضحكين عليها.
الهام تضحك:اووول مره اشوفش معصبه مثل اليوم بس شكلش حالي وانتي معصبه.
احلام:سامجه ماتضحك.
وقت النوم احلام بتفكر:ياترا من كتب في دفتري معقوله منير بس كيف عرف مكان المفتاح وايش هذي قله الاحترام يفتح دفتري وخصوصياتي وخبالتي من انا صف سادس ياخزا الجن لو هو منير بس كيف اتصرف معه قهرني اسكت احسن من ما أحرج نفسي كما هو مابيخزا.
بعد فتره.
ايهم جمع امه وخواته في غرفته
ايهم:يمه اخطبوا لي اشتي اتزوج.
كلهن بهررين.
الهام:ومنال.
ايهم:مالها منال خلاص بشوف حياتي وهي تشتي تجي اهلا وسهلا ماتشتي هي أخبر صبرت عليها الكثير.
احلام بزعل:حرااام ايهم منال اكيد تحبك بس قدهو طبعها وان شاء الله مع الايام يتغير.
ايهم:ثمان سنوات متزوجين متى عاد يتغير.
سهام:ضبحت بي بهذا الخبر انكسر راسي يوو منكم يالرجال المره تصبر على زوجها سنين طويله واحتمال تصبر لوما تموت بقهرها وانتو الرجال مالت عليكم تزعلوا وتسيروا تتزوجوا.
ايهم:المره تصبر على زوجها لان مامعاها الا الحاصل ومامعاها حل غير الصبر احنا الله حلل لنا أربع لو مااترحت مع واحده وجالسه تنكد عليك تزوج ثانيه.
الهام كشرت:خخخخ ضحكتني وايش يضمن لك بتريحك الثانيه يمكن وهي انكد من منال.
ايهم:على الله يصير خير اشتي تتادب منال قلك ادبوا النساء بالنساء.
سهام:صاحب هذا المثل بايخ والله وليش بمره ثانيه تادبها ليش ماتادبها بهجرك لها لفتره وهي تعرف قيمتك وتتعدل.
احلام:والله حرام تتزوج تقهر منال خليها اخر فرصه لمنال وقت ترجع شوف لو تتعدل وتعقل يمكن ليش لا الصدق موضوع الزواج شي يضبح.
ايهم:مش انتين ضابحات من منال الان ليش واقفات معاها.
سهام مسكت يده:ماتحس للبنت الا بنت مثلها وكلنا نسوان ونفهم وجع بعض خصوصا لو زواج او طلاق والي مانرضاه لنا مانرضا لغيرنا حتى لو كانت منال كل واحد وعمله عند ربه والله بيعاقب ويحاسب مش احنا.
الهام:صدق انا اضبح منها وانا وهي مثل الطبان بس الصدق مستحيل احقد عليها عادي مشاكل نسوان وتنحل المهم انت حاول تفهمها.
عاتقه:الله يرضا
عاتقه:الله يرضا عليك لاتقهر بنت الناس زيد جرب هذي المره قد انا ادعي ليل ونهار ان ربي يصلح مابينكم.
احلام:ايهم عاد انت تحبها.
ايهم تنهد:اكيد احبها هذي ام ابني وعشره ثمان سنوات بس تضايقني تصرفاتها ان شاء الله تعقل وخلاص بطلت موضوع الزواج بس بزيد اخليها بيت أهلها لمده شهور عشان تتادب.
سهام:الله يعينكم ويهدي منال ويالف بين قلوبكم.
ايهم:امين يارب يله خاطركم بخرج مع الشباب حب رأس امه وخرج.
ملاحظه(( بخصوص هذا الموضوع بيحصل بمجتمعنا كثير والغلط من الاخت أو الأم لمن يكون بينها هي وزوجه ابنها او زوجه اخوها مشاكل هي تشجع اخوها يتزوج او يطلق الدنيا فرص مش من عشره بسيطه يحكم عليها بعقاب الزواج بثانيه او الطلاق ممكن عادات الشخص او كلامه السيء بيئه سيئه او بيت سيء او ظلم عاشه بحياته وتعود على انه يكون قاسي مثل الناس الي حوله وحتى لو كانو هؤلاء الناس هم اهله قدروا الظروف قبل الحكم الزواج علاقه قويه ولازم محدا يتدخل بين الزوج وزوجته حتى لو كانت اخته او امه او اختها او امها بكلامك ممكن تغير شخص للافضل وبحقدك وتسرعك ممكن تكسر انسان ظلمته الدنيا )).
احلام:يمه شوفي انا ومنال مانتصايح الا ناااادراً ليش لاني اديها على قد عقلها صح انها قاسيه وكلامها يغث بس مااكون مثلها لازم اكون ارقى منها بردي وكلامي وانتي ياالهام الله يهديش تردي على كل كلمه منال تقولها ليش كم مره اقلش طنشي او ردي بكلمتها السيئه كلمه حلوه وهي بتخجل من ردش لها وتبدا تتغير للافضل خلونا ايجابيين أكثر.
الهام:مشكلتي عصبيه غصب عني اتنرفز.
سهام:أكثري من الاستغفار وان شاء الله تخف العصبيه والنرفزه تقربي من الله أكثر عشان يرضيش بحياتش ارضيه بطاعتش.
الهام:ونعم بالله ان شاء الله احاول مااكون ارد عليها واطنش وان شاء الله تتعدل.
عاتقه ابتسمت:انا فدال قلبكن ترفعين راسي دائما ربي يحفظكن من كل شر ولا يحرمني منكن يافرحتي بالدنيا.
كلهن حبين امهن وفرحين من كلامها.
ايلاف دخلت:احم احم اشوف فيه رمسسه ايش معاكم.
احلام ضحكت:ولا شي.
سهام جلست جنب عاتقه:يمه اصلا اليوم جيت عندكم عشان اقلش بشي وموضوع ايهم نساني موضوعي.
عاتقه:خير ان شاء الله ايش من موضوع معش.
سهام ضحكت:وليش افتجعتي شوفي كيف وقع وجهش هو خير خير تطمني انا واحمه.
الهام واحلام فرحين.
عاتقه فرحت حبتها في راسها:الله يبارك لكم ويجعله من ذريته الصالحين.
الهام اشاعت خبر حمل سهام بدقيقتين ساع النشرة الإخباريه😂😂.
ومرت الشهور لتقرب شهر رمضان المبارك بهذي الفتره منال ندمت على كل شي قصرت فيه لاايهم وحست فيه وبقدره .
ومرت الشهور لتقرب شهر رمضان المبارك بهذي الفتره منال ندمت على كل شي قصرت فيه تجاه ايهم وحست فيه وبقدره وتاعبه من معامله اخوها وزوجته وظلم ابوها ومشتاقه لايهم ولاهل بيت زوجها وتجلس تبكي كل يوم معتقده ان ايهم خلاص يكرهها وماعاد بيدورها وانه يمكن بيطلقها.
سهام حامل بثلاثه شهور وحملها ماتعبها زيادة يعني خفيف وهي وزوجها متفاهمين وزي العسل.
منير كل يوم بيحب احلام أكثر لتصرفاتها وعقلها وذكائها وثقافتها مع انها بنت من القريه وكل يوم تكبر بعينه أكثر.
احلام بدات تلاحظ لمنير وتنتبه لااهتمامه وحبه وتأكدت ان منير يحبها صدق بس مازالت مثل ماهي تتجنبه وتحاول ماتكون قريبه منه.
الهام بهذي الفتره ملاحظه على شخص بيلاحقها كل يوم وهي رايحه تنقل ماء وهي مروحه ومستغربه من هذ الشخص وايش يشتي وبدات تخاف منه منهو وليش كل يوم بعدها.
رشا كل عاده تشتاق لراشد وتبكي بصمت ولا يوم مر وماذكرته ودعت له وتتذكر ايام الجامعه والخطبه وتتحسف وتبكي على هذيك الأيام الي فقدتها وللابد.
شذا مرتاحه لقرب خالد منها ولانهم بيشوفوا بعض كل يوم بس خالد طافش من الوضع يشتي يعرس باسرع وقت بس الوضع مايسمح.
علي وخلود الكل عارف انهم لبعض وباقرب فرصه مناسبه بيعقدوا لهم.
مصطفى بيحب ايلاف أكثر من اول لانه عرفها أكثر وعرف طبعها وكل شي فيها .
وايلاف احساسها لمصطفى مثل احساسه لها بس الي واجعها ووجعها ماشفى هو موت ابوها وتدعي له كل يوم وتتمنى انه يرجع ليوم واحد بس عشان تشبع منه مع انه مستحيل احد يشبع ويقنع من امه وابوه.
سماح صبوره وكتومه لفراق حبيبها وزوجها والي هو بالنسبه لها كل اهلها ودائما تبكي وتتذكره.
ايهم مشتاق لمنال وابنه بس بيكابر عشان يكون درس لمنال.
وقبل رمضان بيوم كلهم سامرين.
الهام منعسه:الساعه 11 بسير ارقد.
رشا:غدوه رمضان خلينا نسهر شلوكن.
احلام:لو نسهر بنصبح منعسات.
خلود:في رمضان الساعه كم تقوموا.
احلام:الساعه تسع عشان نقوم ننظف البيت وننقل الماء وبعدها نصلي الظهر وندخل المطبخ نسوي الفطار.
شذا:يووويابه تعب نقال ماء وانتين صايمات قد كنت أحيانا انقل معاكن لكن برمضان الصدق مابقدر احتمال يغمر عليا.
احلام ضحكت:هذا انتين اما احنا قويات.
رشا:اسكه لو معش عضلات كما قد اشك ان معاكن.
الهام:فيني شحطه احسن من بعض الرجال خصوصا هذا الزمن الرجوله خايفين عليها تنقرض شباب هذي الايام يالطيف.
ايلاف:الله يهديهم ماعاد بيبقوا للبنات.
احلام :غدوه رمضان وانتين قد بداتين الحش بالشباب .
خلود:خلينا في المهم بنكون نصحى الساعه 11 اظن احسن.
يتبع ...
*هت تفاعل بايموجي مختلف باللون البنفسجي 💜😈🦠⚧️*