الفصل 57
*روايات وقصص يمنيه 📚🖋️*
*روايه [مـابيــن الحـب والـحــرب عـقـلــي جُــن بــک ]*
*بارت رقم [ 57 ]*
*اعمل توجيه للروايه لحفظها وتفاعل بايموجي لطيف لنستمر [ 📖🖊️]*
.
رشا:احمممم به نبضات حب صح.
احلام بهدوء: لو سمحتين بلا حب وخرابيط احنا ببيت كلنا مثل الاخوة وبعدين مابش حب الا بعد الزواج ومستحيل احب احد انا مش انا خفيفه عقل.
ايلاف بضبح:ماقصدش ان احنا خفيفات عقل لاننا نحب احنا ماغلطنا بشي حب من بعيد لبعيد ولا نسوي شي غلط كل واحد بيعتبر الثاني اخوه بتصرفاته والحب داخل القلب مش كل من حب غلطان او خفيف عقل الحب له طرق كثيره واحنا بالطريق الصح والحمدلله .
احلام:اسفه والله مش قصدي بس الصدق انا ماامن بشي اسمه حب ولا اعرفه.
خلود:اوعدش بتعرفيه وتامني فيه والايام بتثبت لش كلامي.
احلام:انا قلبي اقوا من انه يحب شخص او يضعف قدام شخص.
الهام:شلوش كيف معقده ماعليكن منها بعدين سهام اختي تزوجت عن حب كان يظل بعدها بكل مكان والكل عرف انه يحبها وهي حبته حتى ابوي وامي بعدين تقدم لها واتزوجوا انا ان شاء الله اجرب الحب واعيشه بس دورين لي واحد من المدينه.
ورجعين يضحكين واحلام ما اهتمت لموضوع منير ولا فكرت.
وقت النوم كلهم بغرفهم.
الهام:بخرج وارجع حرام مايرقد منير ضحكت وخرجت.
احلام طنشت ورقدت
الهام تفكر كيف تدعي منير.
الهام من باب الديوان:منير امك بتدعيك.
منير خرج:خير وينهي.
الهام:شلوووك اشتي اقلك اني كنت امزح بموضوع زواج احلام لاني عرفت تحبها قلت اختبرك.
منير فرح:صدق كان مزح.
الهام:ايوة مزح.
منير انحرج:اصلآ من قال احبها شكلش تخرفي.
الهام:والله انو باين عادي انت ساع اخوي وسرك ببير.
منير:ياخوفي داخل البير حقش صاحباتش كلهن.. الهام ضحكت:ماذلحين لو ماتكون تنقل معي ما بفضحك كما اهدد هاه حذرتك:مشت ودخلت للغرفه.
منير ضحك:مجنونه هذي.
علي:خرجت مبرطم ودخلت شاق الابتسامه ايش معك.
منير:ماشي بس امي قالت لي تصبح على خير ياروح امك وانا فرحت.
كلهم ضحكوا.
وكمل يومهم.
بعد مرور ايام قليله
كلهم سامرين.
ابو مراد بيتحاكى في التلفون.
متأكد.. الله يحفظك ماتقصر خلاص بشوف وافكر وارد لك خبر. الله معك.
ناصر:من هو هذا.
ابو مراد:هذا صديقي عبدلله قال اني انقل ملفاتي لامريكا وقال مستعد يوقف معانا ويساعدنا ونفعل بشركته شراكه لوما تتوسع الشركات ونوقف انا وانت من جديد نعوضه حقه.
ناصر:هاذاك عبدالله الذي مره خسر بشركته واحنا دعمناه ووقف من جديد صح.
ابو مراد:ايوه قد معه شركه بامريكا وقال بيرد الجميل لنا ويدعمنا ساع مادعمته.
وليد:قصدكم ترحلوا امريكا والا كيف.
ابو مراد:ايوة قال ندخل احنا والعائله كلنا وهو بيجهز لنا شقق ويجهز كل شي بس مشتي أخرج من اليمن.
رشا:يعني احنا نسير امريكا واحنا ليش.
مراد:كان كيف نخليكن باليمن.....
.
.
مراد:كان كيف نسير احنا ونخليكن باليمن عند من اصلا حتى بيت ماعاد معانا.
سميره:لالا ماني خارجه من اليمن ولا اشتي غربه.
الهام:يوووو هنيت لكم هذي امريكا امريكا راحه وامان مش مثل اليمن خوف وازمه هذي فرصه وجت لايدكم.
ايهم:والله انو صدق فرصه ماتتعوض الرجال قال بيوقف معاكم وتفعلوا شراكه وترجعوا توقفوا من جديد.
وليد:وتقدروا تبيعوا الأراضي حقكم الثلاث عشان المعاملات ودخلة امريكا وتجهزوا الشقق وربي بيرزقكم على نياتكم ناس طيبين.
منير يمزح:ماشي الا اذا قد مليتوا مننا تشتوا تسفرونا.
عاتقه:والله انكم على قلوبنا مثل العسل والبيت نور بوجودكم لكن الصدق الرجال جاب لكم عرض حلو وفرصه ماتتعوض وبعدها لوما تترتب اموركم وتبنوا بيت وارجعوا اليمن وانقل اعمالك لليمن.
خديجه:الله يحفظكم والله ماتقصروا بشي وأمريكا تيه مش انا مرتاحه لها ولا نشتي بلاد اليهود.
احلام:سبحان الله ارزاق ناس تحلم وتتمنى وناس ترفض نعمتها مهما ظلينا بالقريه بيجي يوم والازمه تنزاد والهم والحرب والفقر وانتو قادرين بيدكم تبنوا كل شي وتاسسوا من جديد.
سماح ذكرت ابو علي ودمعت.
ايلاف حست بامها ودمعت:يمه مالش.
سماح:ولا شي.
ايلاف نزلت دموعها:تتمني لو هو معانا مثل ماانا اتمنى صح ربي بيرحمه وان شاء الله انهو براحه وللجنه يارب.
مصطفى:وهولا ايش بهن يبكين ونخرهن حمرت.
ايلاف ابتسمت والدموع بعيونها :صعب الشوق لاهل القبور.
كلهم زعلوا وذكروا ابو علي.
علي تنهد:الله يرحمه ويوسع مدخله.
ناصر:انا مقتنع بفكرة امريكا ونفتح هناك الصدق محتاجين نوقف من جديد ولو فعلآ رحنا امريكا بنفعل شراكه بنينا وعلي بيدخل بيننا بدال مراد الله يرحمه.
ايلاف قامت للغرفه وتتذكر مواقف مع ابوها ومزحهم ذكرت موقف.
ايلاف:ياابااااه شوف علي كيف بيضبحني.
ابوعلي:ليش تزعلها هذي روح ابوها ياويله من يزعلها.
علي:بيجي بيوم وياخذ حقي زوجها ويضبحها ساع ماتضبحني.
ابو علي:ان شاء الله اختار لها زوج يسعدها واركن لمن اسلم بنتي وماعاش من يبكيها ولو محتاجه أي شي انا معش.
ايلاف حبته في راسه:يوووه انا فدال قلبك صدق انت سندي وتاج راسي.
ابو علي:الله يحفظكم ياعيالي .
ايلاف تبكي في الغرفه بحرقه:وينك ياابه حاجتي اليك تقتلني وربي محتاجتك جنبي.
البنات دخلين عندها مدمعات من بكاها.
رشا مسكت يدها:ايلاف كوني اقوا الموت بيمر علينا كلنا.
ايلاف:بس ليته مر عليا قبل يمر على ابوي سندي وقوتي.
شذا:كل واحد وله يومه وليش تبكي بتوجعي قلبش.
ايلاف ابتسمت:لا عادي مابش وجع تعودت.
{ ﻛﻠﻤﺔ ( ﻋﺎﺩﻱ ) .ﻛﻠﻤﺔ ﺗﻄﻠﻖ ﻟﺘﺤﻮﻝ ﺍﻟﻨﻈﺮ ﻋﻦ ﺷي ﻏﻴﺮ ﻋﺎﺩﻱ
ﺗﺴﺄﻝ ﺍﺣﺪﻫﻢ ﻫﻞ ﺍﻧﺖ ﺯﻋﻼﻥ ؟؟
ﻛﻠﻤﺔ ( ﻋﺎﺩﻱ ) ... ﻛﻠﻤﺔ ﺗﻄﻠﻖ ﻟﺘﺤﻮﻝ ﺍﻟﻨﻈﺮ ﻋﻦ ﺷﺊ ﻏﻴﺮ ﻋﺎﺩﻱ
ﺗﺴﺄﻝ ﺍﺣﺪﻫﻢ ﻫﻞ ﺍﻧﺖ ﺯﻋﻼﻥ ؟؟ .. ﻳﻘﻮﻝ ﻟﻚ ( ﻷ ﻋﺎﺩﻱ )
ﺍﺭﺑﻌﺔ ﺣﺮﻭﻑ ﻭﻛﻞ ﺣﺮﻑ ﻳﺮﻳﺪ ﺍﻥ ﻳﺘﻜﻠﻢ ﺑﻤﺎ ﺩﺍﺧﻠﻪ
ﻉ : ﻋﻴﻨﻲ ﻣﻤﺘﻠﺌﺔ ﺑﺎﻟﺪﻣﻮﻉ ﻭﻟﻜﻦ ... ﺍ : ﺃﺣﺎﻭﻝ ﺍﻟﺴﻴﻄﺮﺓ ﻋﻠﻴﻬﺎ ﻛﻲ ﻻ ﻳﺮﻯ ﺍﻟﻨﺎﺱ ... ﺩ : ﺩﻣﻌﻲ , ﻓﻴﻨﻈﺮﻭﻥ ﻟﻲ ﻧﻈﺮﺓ ﺷﻔﻘﺔ , ﻓﻠﻲ ﺭﺏ
ﻭﺣﺪﻩ ﺍﻟﻘﺎﺩﺭ ﺍﻥ ﻱ : ﻳﻤﺴﺤﻬـــــــــــــﺎ ..... ﺇﺫﺍ ﻗﺎﻝ ﻟﻚ ﺍﺣﺪﻫﻢ ﻋﺎﺩﻱ .. ﻓﺘﺄﻛﺪ ﺍﻥ ﺑﺪﺍﺧﻠﻪ ﺷﺊ ﻏﻴﺮ ﻋﺎﺩﻱ
ﻋﺎﺩﻱ ﻭﻣﺎﺷﻲ ﺍﻟﺤﺎﻝ .. ﻛﻼﻡ ﻓﻲ ﻋﺰ ﺍﻟﻮﺟﻊ ﻳﻘﺎﻝ.
بعد تفكير اتخذوا قرار للسفر لامريكا.
بعد يومين.
وليد:تعودنا عليكم وبعدها تفلتونا وتسافروا.
ناصر:والله ان احنا بنعتبرك اخ ولو تشتي تسافر معانا بنعامل لكم معانا قد احنا معانا جواز دبلوماسي حق شركات واعمال نقدر ندخلكم قد انتو اهلنا.
وليد:والله مااعز من اليمن وماااخلي بيتي والوادي مانقدر والله.
ابو مراد:ان شاء الله بنكون متواصلين.
ايهم:متى مسافرين.
ناصر:عاد احنا مش عارفين بالضبط بس في هذي الشهور القادمه.
في البيت.
احلام خلصت تكتب في مذكرتها غلقت الدفتر.
سماح:يابنتي كل يوم وانتي تكتبي ايش تكتبي.
احلام ابتسمت:ولا شي بس اضيع وقت.
سهام:ياريت اعرف ايش داخل هذا الدفتر بس لو اعرف مكانه.
منير:اكيد مكانه قريب دوري بعده وهاتيه لي.
احلام شافت له نظرة ضبح:وليش ان شاء الله.
منير ضحك:بس مزاج.
احلام ابتسمت من ضحكته وسكتت وقامت وشلت الدفتر معاها.
منير جلس شويه ولحق بعدها.
احلام دخلت الغرفه خرجت مفتاح صغير من مكانه السري😂 وفتحت الشنطه حقها دخلت الدفتر ورجعت المفتاح مكانه.
منير شافها وفرح ورجع للديوان..
مصطفى:وين كنت.
منير:في الحمام.
مصطفى:مش عادك قبل دقايق سرت الحمام.
منير:ياااخي اكلاي بتمعصني خليك ساكت احسن.
مصطفى قرح ضحك:من متا الاكلا بتمعص.
سميرة:ايش معاكم تضحكوا ضحكونا معاكم.
منير:ولا شي ولا شي تجابرين يله.
ورجعوا يتجابروا.
عاتقه:يارب وانتو ترمضوا هانا باقي لرمضان شهرين.
سماح وسميرة :يارب.
خديجه:كنا بنعرس للجهال هانا بس لوما عرفوا بامريكا ولاعاد رضيوا إلا يعرسوا هناك.
الهام:اصلآ خباله عرس في امريكا من بيكون ضيوفكم اكيد بس الكراسي.
رشا ضحكت:بنخرج نقسم دعوات في الشارع.
ايلاف:اصلا لو يعرسوا هانا بيوقع زحمه أكثر والغرف مابش يعني صدق مابش فرصه يعرسوا هانا.
سهام:قد انتو أخبر حبتكم المدينه يخ .
احلام رجعت جلست معاهم.
الهام:هذي الايام بتتقارحي ساع الواحم ياسهام مااقول غير الله يعين زوجش.
سهام:يحمد ربه زوجي احسن من غيره.
عاتقه:صدق اشوفش هذي الايام مرهقه ليش..
*يتبع اذا. التفاعل جميل بنزل باليوم بارتات كثيره [💚🔥]*