الفصل 55
*روايات وقصص يمنيه 📚🖋️*
*روايه [مـابيــن الحـب والـحــرب عـقـلــي جُــن بــک ]*
*بارت رقم [ 55 ]*
*اعمل توجيه للروايه لحفظها وتفاعل بايموجي لطيف لنستمر [ 📖🖊️]*
.
خلود :الذي يشتي صبوح ينتظر بس دقايق ونخلص بنتعاون.
مصطفى:وانا بنتظر ايش وراي.
علي وخالد:انا بخرج خرجوا وبقي مصطفى ومنير جالسين بالصاله.
سميرة وخديجه وسماح دخلين عند عهود.
عهود:ايش هذا الاكل من فعله.
خديجه:هذي منال شكلها خبيثه انتظري يفعلين اكل نفاس وعاد مااكلتي شي.
عهود:عادي سهل.
في المطبخ شذا وايلاف ينظفين المطبخ والهام واحلام يسوين الصبوح وخلود ورشا بدأين بتجهيز الطبخ للغداء الهام بس تتدعى على منال ومعصبه واحلام بس تهديها والباقيات يضحكين.
ايلاف:قدهي الساعه تسع اقطبين عشان نرجع للغداء بيجوا ظهر جاوعين ياذن وهم هانا.
احلام:قد انا اهم الماء متا عاد ننقل عاده فوقي انا والهام.
شذا:خلصين افطرين وروحين واحنا بنسوي كل شي ماعليكن من شي.
منير كان داخل وسمع:واحنا ايش مهرتنا بسير انا انقل الماء بسيارتي.
احلام وهي تسوي الشاهي:بس هناك كله بنات كيف بتسير تزاحم النسوان.
منير:انتي تعالي معي والا الهام بعدين تعبي الدباب ماء وقربيهن لي وانا اروحهن مره واحده ماعاد فيه وقت للنقال .
احلام خزيت:بسير انا والهام عادي .
الهام:خلاص قال بيسير هوه والله ماعاد اسير لو نشيطه سيري معه انتي بعدين دام وهي سياره عبو كثير لليوم وغدوه .
احلام:خلاص تمام.
خلصين ورجعوا اكلوا ومنال راقده ولا خرجت.
احلام خرجت للحوش جهزت الدباب .
احلام:دخلهن السيارة والحق بعدي تمام.
منير:كان تمشي معي نعتبر نفسنا اليوم هنود وضحك.
احلام ابتسمت:احنا مسلمين وهم يهود ( ومشت). منير اول مره يشوفها تبتسم.
منير:لحظه لحظه.
احلام وقفت:هاه ايش عاد.
منير ابتسم:كوني ابتسمي كل يوم ابتسامتش حاااليه.
احلام خزيت ومشت سكته.
وصلت للبير ومنير قدهو قريب البير واقف.
شلت الدباب وعبتهن
كملت عبت الدباب ومنير حملهن ومشي قبلها وهي مشت مشي.
في البيت.
الهام:قد ولدها بيقرح بكاء وهي نوم يووو على ثقيله دم وثقيله نوم.
عاتقه:قد نفسي بتخرج عليه دقي عليها تخرجه.
الهام دقت ولا فتحت رجعت زبطت الباب بقوه.
منال قامت:جني يشلكم قله حيا الله يكسر رجلها الذي رزعت الباب.
الهام:هاتي الولد قد بيقرح وانتي نوم.
منال:مالش دخل ابني وانا حر.
رشا:ماعليش منها هي اخبر.
الهام:سكتنا عليها الكثير ومانقول لاايهم شي مانشتي مشاكل بينهم لكن هذي المرة والله ماتعدي على خير.
وصل منير دخل الدباب للمطبخ والحمام ودخلت معه رشا وشذا وخلود.
الساعه12:3 روحوا يتغدوا
صلوا وقربين الغدا الرجال اكلوا والنسوان عادهن شابعات من الصبوح خلينه للعصر الغدا خلصين الغسوال ودخلين.
رشا وشذا وخلود وايلاف ورغد واحلام عند عهود
.
رشا وشذا وخلود وايلاف ورغد
واحلام عند عهود وبيحضنين الولد كل ساع مضرابه عليه.
الباقي كلهم بالديوان.
الهام:ايهم تعال اشتي اكلمك وخرجت.
ايهم لحق بعدها وعاتقه بعده.
ايهم:خير ايش معش ياروح اخوش.
عاتقه:ولا شي هدره نسوان ماعليك منهن سيري ادخلي قبالي.
الهام:والله اني بقله ماعليش مني مرته ويتصرف معاها كافي خزا اليوم من تحت راسها وكلهم خرجوا من غير صبوح.
ايهم:منهم الي خرجوا من غير صبوح ماعليش يمه خليها تتحاكا.
عاتقه:انتو أخبر ورجعت الديوان.
الهام:ايهم اشتي تفهم مرتك عيب اللي تسويه اليوم فعلت صبوح شمات وكله ملح وفلفل والشاهي كله ملح وعمي ناصر وعلي وكلهم خرجوا من غير صبوح ورجعنا نسوي من جديد ماتصبحنا الا بعد الساعه تسع هذا يرضيك أسألك بالله كيف سودت وجهنا قبالهم.
ايهم:عصب صدق خرجوا من غير صبوح.
الهام:ايوه قلنا لهم ينتظروا لوما نخلص نفعل صبوح مارضيوا خزت بنا مرتك وفوق هذا ولدك قد بيقرح بكاء وهي نوم دقيت تخرجه لان امي تشتي تشله ومارضيت قالت ولدها وهي حر به سكتنا عن الكثير بس اليوم ماعاد بسكت تصرف معها والا بقول لابي.
ايهم:حاااضر يامنال خلاص انتي ماعليش انا بتصرف قد بتخزي بي بصوتها كم احذرها بس ماتسمع الكلام.
ايهم دخل الغرفه. منال صدق سويتي صبوح كله ملح وفلفل والا بيمزحوا معي.
منال:من قلك كذاب.
ايهم:اشتي اسالش واعرف منش انتي تحاكي فعلتي كذيه عن قصد والا من غير قصد ولو تكذبي اعتبري نفسش مطلقه.
منال قلبت عيونها:ايوه عن قصد ليش يرقدين وانا اسوي.
ايهم عصب:شلي كل اغراضش ومقلع من بيتنا لوما تتربي ساع النسوان وارجعي.
منال:طز فيك وفي بيتكم اسكه منكم.
ايهم:طز فيني ان ماخليتش تعضي اصابعش ندم مااكون رجال الف مره حذرتش يامنال هذا غلط يامنال هذا عيب صابر عليش وانتي مقصره معي بس لاني احبش وبيننا ولد بس من اليوم بدعس حبي 'واخليش تندمي وانتي تشوفي.
منال:تهدد من طز او بتقطع الرقبه.
ايهم:لا مابقطعها بسوي شي اعظم مااكون رجال لو مابكيتش دم رزع الباب وخرج.
منال اتصلت لابوها تبكي انو ايهم طردها وجا للبيت.
وهم خارجين كلهم ابو منال منتظرها باب البيت.
ايهم:تفضل ياعم ادخل حياك.
ابو منال:الله يلعنك من رجال تطرد بنتي مش انت رجال.
وليد استغرب:ايش وقع وليش يطردها.
ايهم:شي بيني انا ومرتي مااتحاكا فيه بالشارع تشتي تسمعني ادخل للبيت.
وليد:خلاص ادخلوا اتفاهموا داخل ماله داعي للغلط وانت مش عارف شي ياابو كمال.
ناصر اشر للشباب يمشوا معه كلهم مشوا وبقي ابو منال وايهم ووليد.
ايهم:انت على عيني وراسي بس اسمع غلط بنتك بعدين احكم بيننا بالذي تشتي الله معك .
.
ايهم:انت على عيني وراسي بس اسمع غلط بنتك بعدين احكم الله معك ومشي هو ووليد ومنال خرجت مع ابوها.
الهام:تستاهل لاتظلين تلومني لاني قلت له والله ماعاد اسكت لها بشي.
عاتقه:الله يهديكن انتين بتجننيني.
سماح:وليش تاعبه روحش طنشي الكل.
الهام ضحكت:اهم شي فضيت لنا الغرفه نرقد بها والشباب بالديوان.
كلهن ضحكين.
في الطريق.
وليد:ايش بك بتسوي عقلك بعقلها.
ايهم:يابه تعبت منها وساكت لكن اليوم زودتها(وحكا لها).
وليد:ياخزانا الله يهديها وتعقل.
ايهم:عمرها25متى عاد تعقل قدهو طبع.
منال وابوها في البيت.
ابوها: انا قلت لش الف مره تحنقي لا مابش عندي نسوان تحنق انتي تشتي اكسر ارجلش الله يلعنش من بنت( وخرج من البيت).
كمال اخوها:لسانش يشتي له قطع ذلحين تجي فوقنا انتي وابنش.
زوجه كمال:قومي شلي يومش ونظفي بسرعه لاتفكري عتجلسي والا بيت زوجش مفتوح وانا مابخدمكم الا بها دام بنتش جت تقوم هيه.
ام منال:مالكم عليها دلا بنفسكم ( سحبت منال للغرفه)انا كم مرة اقلش يامنال زوجش واهل زوجش طيبين تمسكي بهم لكن ماتفهمي عنيده انتي تعرفي ابوش ظالم واخوش خبيث وزوجته خبيثه والان بيكروفش عمل ليش تحنقي وانتي عارفه العواقب.
منال ساكته وتبكي.
امها انقهرت عليها ورجعت تبكي:الله يهديكم ياعيالي.
في الليل.
ايهم :لومي تعالي.
احلام:عيون لومي ايش تشتي اي خدمات.
ايهم:يحفظ لي عيونش ياحظ من بياخذش اسمعي غرفتي ارقدين فيها انتين وانا والشباب بالديوان عشان الكل يأخذ راحته.
احلام: بلاها لو تدري منال بتزعل.
ايهم:ماعليش منها تزعل والا هي أخبر المهم ارتاحين.
احلام ابتسمت:حاضر بنقل فرشنا لغرفتك وفرشكم انت والشباب للديوان.
البنات فرحين كلهن انه بتوقع لهن غرفه بدال البهذله بالديوان.
وهم جالسين بالديوان وولد مراد بحضن أبو مراد .
ابو مراد:يامراد ايش اسم هذا القزم ذلحين.
مراد:ع ماقلنا محمد.
رغد:ايوه ايوه حمودي.
ابو مراد:بس انا اشتي اسميه غير محمد بعد اذنكم .
مراد ابتسم:انا وابني وعيوني لك سميه الي تشتي.
عهود:ايوه بعدك ياعم.
ابو مراد:خلاص من اليوم اسمه وليد.
وليد ابتسم :تحرجني لالا اسم كبير سميه اسم حلو.
مراد:والله انو وليد خلاص باسمك احنا جالسين ببيتك واغرقتونا بكرمكم وولد ببيتكم خلاص وليد.
رغد برطمت:ماااعه اشتي محمد.
رشا بتشاورها:لو نسميه محمد بيسير عند الله مثل محمد زميلش.
رغد افتجعت:خلاص اسم وليد يجنن.
كلهم بيضحكوا.
ناصر:ذلحين خلونا في المهم متى نعرس لخالدجنني يشتي عرس.
شذا ضبحت لان خالد ماقلها انه يشتي عرس.
يتبع...
*حط تفاعل لنستمر [🐥]*