الفصل 54
*روايات وقصص يمنيه 📚🖋️*
*روايه [مـابيــن الحـب والـحــرب عـقـلــي جُــن بــک ]*
*بارت رقم [ 54 ]*
*اعمل توجيه للروايه لحفظها وتفاعل بايموجي لطيف لنستمر [ 📖🖊️]*
ابو مراد:يو يو ايش بقلبي تبكي.
رغد:اشتي احضنه وانتو ماخلصتوا منه هاتوه لي.
كلهم ضحكوا.
عاتقه:عادهو صغير وخلص يولد لا توجعوه هاتو ندخله لامه ترضعه وغدوه كل واحد يشله بالدور ايش عاد تشتوا.
رغد تبكي:ماعه ماعه اشتي الان.
علي:والله ماتخلوا بنتي تزعل نزل لمستوى رغد يله حبيه وغدوه تحضنيه.
رغد فرحت:تمام حبته في يده وخده.
خديجه:بس هاتو ولد بنتي شلته ودخلته.
عهود خلصت ترضعه خلته جنبها وبتشوف له وتتامله وفرحانه كثير شافت له لوما رقدت من غير ما تحس.
خديجه شلته من جنب عهود بعدته شويه عشان لاتنقلب عهود فوقه لانه صغير زياده
اذن الفجر.
رشا:الله الكبير يله نصلي ونرقد لكن امانه لاتصحونا في صبح قد انا ادوخ من النوم.
عاتقه:ماعليكن من شي ارقدين بس.
سميره:وانتي والكل ساهر.
خالد:قد كلنا اليوم ساهرين جالسين نولد مع عهود.. الهام:منال تقوم تفعل الصبوح لأنها راقده لو احد يقومني بيوقع يوم جن ودخلت الديوان.
احلام:يله نصلي ونرقد بدال المجابره.
كلهم صلوا ورقدوا بنوووم عميق.
الصبح الساعه6:00قامت منال خرجت للصاله شافتهم الشباب راقدين بتحاكي نفسها جني يشلهم على زحمه وخزا مشت من جنبهم ودخلت الديوان .
منال:يييي ليش عاد ماقمتين هيا قومين نلحق لنا مهرة.
كلهن سمعين وطنشين.
منال:الهاااام احلام قومين والا برجع ارقد ومادخلني من شي .
الهام جلست:اسمعي للشولحه قصري صوتش الشباب راقدين بعدين احنا ساهرين للفجر وانتي راقده الان سيري افعلي صبووح من غير ما اسمع لش صوت واحنا بنقوم الساعه ثمان المهم صبحي زوجش وابي وجهزي لهم للوادي تمام.
منال تخصرت:مش انا خدامه لاحد قومين.
الهام:اخرجي من قبال وجهي قبل اقوم ارتكب جريمه والله ماواحده تقوم.
منال ضبحت:وانا والله ما افعل لقمه وخرجت ورزعت الباب.
الهام:يخ قليلة عقل ماتستحي لاحد تغطت ورجعت ترقد.
منال جزعت من الصاله.
علي بيشاور خالد:مالها ضابحه شكلها قد بتضربنا صحتنا من رزعة الباب.
خالد:ماعليك منها ارقد بس شكلها حق هرم.
رجعوا يرقدوا.
منال دخلت الغرفه ضابحه واتغطت تشتي ترجع ترقد.
ايهم بيلبس:خير ايش قد معش للصياح من صبح الله عيب عندنا ناس.
منال:خواتك راقدات وانا شرقد مثلهن محدا احسن من احد.
ايهم:هن كلهن مارقدين الا فجر وانتي كنتي راقده يعني سهل لو فعلتي الصبوح اليوم.
منال:مابسوي لاحد مالي دخل.
ايهام يشتي يتجنب المشاكل :طيب على شاني بس اليوم لان حتى امي كانت ساهره وابوي الان بيخرج يدور الصبوح يله ياقلبي .
منال:والله ماافعل لقمه مش انا خدامه لابوك.
ايهام عصب:اسمعي رفع صوتش هذا مش عندي هذا ببيت ابوش وبتفعلي.
ايهم عصب:اسمعي رفع صوتش هذا مش عندي هذا ببيت ابوش وبتفعلي صبوح وغصب عنش انا طلبت منش باحترام بس انتي مش حق احترام وابوي تحترميه وخدامه له وغصب عنش وهي كلمتين بتفعلي الصبوح والان والا بيت ابوش اريح لش.
منال قامت:يعني تطردني هكذا.
ايهم اشر بصبعه لراسها:افهميها كيف مافهمتي لان قد طفشتي روحي وانا جالس اتغاضى عن اخطاءش واقول بتعقل بس الظاهر عقلش تحت رجلش .
منال ترفع صوتها:ليش هذا كله عشان خواتك يرتاحين وانا اكرف لكم وامك ايش مهرتها تقوم وتفعل لزوجها هي.
ايهم مسكها بيدها:اششش لااسمع صوتش بكسر لقفش وامي فوق راسش وخواتي بيفعلين مهرتهن وزياده وامي وابوي مش محتاجين خدمتش خواتي مايقصرين ولو ماعجبش كلامي فيه اربعه جدران ولو اسمع كلمه واحده اعتبري نفسش مطلقه وبالثلاث.
منال ساكته وقدها معصبه.
ايهم يشتي يخرج ووقف باب الباب:والصبوح افعليه زياده لان قد تاخرنا وعشان لو احد جاوع ياكل معانا ونص ساعه وبرجع له مايكون جاهز بتلقي خبر ثاني وكمان تفعلي صبوح للبيت كامل عشان تتعاقبي على رفع صوتش وقلة احترامش خرج وغلق.
منال:الله يلعنك ياظالم انت واهلك مش انا خدامه لاحد حسبي الله عليكم.
وليد:شكله اليوم بنخرج جاوعين الكل راقد.
ايهم:قد تاخرنا يله نمشي ومنال تفعل صبوح وانا شويه وارجع له.
وليد:تمام قد امك قامت تشتي تفعل الصبوح لنا بس ماخليتها قلت تفتهن امست ساهره.
ايهم:خلاص مشينا سهل لو تاخر الصبوح نص ساعه.
خرجوا ومنال دخلت المطبخ وضابحه وترجم بالصحون ومعصبببه.
فعلت الصبوح بسرعه وبعد اقل من نص ساعه رجع ايهم.
ايهم:هاه جاهز والا ظهرش بيحكش.
منال قلبت عيونها:جاهز.
ايهم:يعجبني اللي يفهم شلهن وخرج.
منال:جعلهن سم عليكم سع ماقهرتني وخواتك انا اوريهن.
رجعت تسوي صبوح للراقدين.
الساعه 7ونص.
عاتقه قامت:ياهمتاااه قد اسمع رجام صحون اكيد منال ضابحه محدا دخلت معاها أسير معاها قبل تفعل لنا سم من الضبح.
دخلت المطبخ شهقت:يووو ليش المطبخ معفوس فوق تحت.
منال بضبح:ايش رايكم انظف واسوي صبوح وبناتش يرقدين.
عاتقه:الله يحفظش يابنتي عمر بناتي مارقدين وانتي تسوي شي بس اليوم معذورات وبعدين المطبخ رقدنا وهو نظيف وانتي عفستيه.
منال:قومي بناتش ينظفين. .
عاتقه:الله يهديش.
قربت تخبز مع منال.
الساعه 8ونص الكل قام ونظفين خلصين ينظفين والشباب دخلوا الديوان منتظرين الصبوح .
البنات دخلين المطبخ.
الهام شهقت:جعلش مصيبه من سابع سماء ماهو هذا ليش المطبخ هكذا انتي طبختي والا حاربتي.
منال:وسم هاري بعده نظفي ايش مهرتش.
الهام:قد انتي بتسوي هذي الحركات وقاصده حسبي الله عليش
.
الهام:حسبي الله عليش بتفعلي كل هذا وانتي قاصده.
عاتقه:الهام بس خليش عاقله.
منال:وماقصدش مش انا عاقله خليت العقل لكم انتي وبناتش ( وخرجت من المطبخ لغرفتها).
الهام:شفتي كيف يمه تسوي وانتين تقلي اسكتين ومانشتي مشاكل.
شذا:اسمعي كلام خالتي عاتقه احسن من المشاكل.
احلام:سهل نخلص نصطبح وبنظف انا ولا عليكن.
رشا:ياليت وبه في الدنيا مثلش اثنين كان الدنيا بخير.
احلام ابتسمت:تسلمي ياقلبي..
قربين الصبوح للديوان لهن ورجعين الهام وشذا قربين للشباب.
خالد:تسلم يدكن ياقمريات.
شذا بس ابتسمت
الهام:نسلم كلنا والا بس مرتك بعدين مش احنا سوينا شي كله زوجه ايهم.
مصطفى:شكلها ضابحه قوي يعلم الله قد سممتنا
ناصر بهرر له:بلا هذره كلوا سكته.
رجعين الديوان وجلسين يكلين.
سميرة اكلت اول لقمه وفتحت عيونها وبعدت اللقمه من لقفها.
عاتقه:مالش او ماعجبش
سميرة خزيت:لالا حالي بس شويه زيادة فلفل .
الهام اكلت:يععع الله يشلها ايش هذا الفول كله بسباس وملح يع تشتي تغير طعم لقفها شربت شاهي واكتبدت.
سماح:يوو مالش.
الهام قامت بسرعه للحمام عشان تغسل لقفها.
في الصاله.
منير:ايش هذا ملح وفلفل زياده.
الهام مرت من جنبهم دخلت الحمام.
علي شرب الشاهي وقام.
الهام خارجه وعلي يشتي يدخل.
الهام معصصصبه:حتى الرجال فعلت لهم مثلنا قسم بالله ماتعدي لها على خير دخلت الديون.
عاتقه خازيه:يمكن ومنال بالغلط زيدت.
احلام:تمام يمكن انزاد بالفول لكن الشاهي ملح ليش.
الهام دخلت تتقارح:شفتي زوجه ابنش بتخزي بنا قبال ضيوفنا.
خديجه:سهل قد احنا من اهل البيت ماعاد احنا ضيوف.
عاتقه:ياخزا وجهي بسير الان اسوي لكم ثاني.
تشتي تقوم وسميره مسكتها:والله ماتسوي شي.
احلام قامت لفت الاكل:بسير اسوي اي شي بسرعه واجي.
البنات كلهن قامين لفين معها وخرجين للصاله.
الشباب خلوا الصبووح وقاموا خارجين.
احلام:لحظه لحظه اسمحوا لنا يمكن زوجه ايهم تاعبه وسوت بالغلط.
الهام بضبح:يمممكن.
احلام تاشر لها تسكت.
ناصر:سهل يابنتي.
احلام:اجلسوا بس دقايق ونسوي صبوح ثاني.
ابو مراد:لا قدهو وقت تسلموا نصبر لوقت الغدا الله معاكم خرج هو وناصر ومراد.
منير:هذه زوجه اخ والا دبور بعدين تقلين بالغلط والله اني شفتها الصبح معصبه وترزع الباب وقلت لو تفعل لنا شي واصبح سوت ملح وفلفل تبرد قلبها.
خالد:مالك من كلام النسوان احنا مالنا دخل يله نخرج.
منير:الصدق انا جاوع بنتظر الصبوح الثاني.
خلود:الذي يشتي صبوح ينتظر بس دقايق ونخلص بنتعاون.
مصطفى:وانا بنتظر ايش وراي.
يتبع...
*تفاعل لنستمر [💫🖤]*