الفصل 53
*روايات وقصص يمنيه 📚🖋️*
*روايه [مـابيــن الحـب والـحــرب عـقـلــي جُــن بــک ]*
*بارت رقم [ 53 ]*
*اعمل توجيه للروايه لحفظها وتفاعل بايموجي لطيف لنستمر [ 📖🖊️]*
مر شهر كامل من غير أحداث مهمه والبنات قد بيتعاونين في الطبخ والبيت ومايخلين عاتقه تتعب مثل اول والهام واحلام ومنال ينقلين الماء كل يوم والباقيات يطبخين وينظفين وجلسه وضحكه وتالفو مع بعض اكثر وكل واحد نسي همه ورشا روحة القريه نستها وجعها لفراق راشد وتتناسى شوقها .
الساعه10:30م الكل راقد لانهم بيقوموا من بعد الفجر وتعودوا يرقدوا الساعه 9 والشباب راقدين بالصاله.
عهود تتوجع ماقدرت ترقد بتكتم وجعها لوما توجعت زياده وبكت. .
عهود تبكي:مراد مراد قوم.
مراد نقز:هاه مالش ليش تبكي.
عهود:يمكن بولد الوجع اليوم قوي يماااااه.
مراد قام:بسير ادعي امي اول ماخرج والشباب كلهم راقدين مشي من فوقهم دعسهم.
خالد صاح:ااااح جني احنا والدعس.
مراد مربوش:قوموا قوموا.
كلهم قاموا.
منير وكله نوم:هاه خير ايش حصل هاه قصفوا القريه ماوقع يشتي يشل لحافه يخرج.
كلهم ماتوا ضحك عليه.
مراد:منييير ركز معي قوموا عهود بتولد.
مصطفى وهو يتمصع:احلف بس واحنا ايش نقوم نسوي نولدها يعني شباب قوموا قوموا ندخل نولد مرته.
مراد زبطه:كريه وخر من قدامي وسار يدق غرفه امه وغرفه خديجه.
علي بيضحك:موتني ضحك قلك ندخل نولد مرته.
منير:امانه خباله جا يرفسنا واحنا ايش نسوي عساس بنولد معاها.
خديجه وسميره وعاتقه دخلين عند عهود وهي تتوجع وتبكي ومراد مربوش :يمه لبسينها نسير المستشفى.
عاتقه:اي مستشفى مابش هانا بعدين كل نسوان القريه بيولدين بالبيت لو تأخرت بندعي ام فارس تولدها انت أخرج عندهم بالصاله وماعليك .
مراد:تمام سار عندهم.
منير مسوي يداته في خدوده:عجبك طيرت النوم لاباريس ذلحين ايش نجلس نسوي نولد معك كما قد اشوفك حاله ولاده.
الشباب بيضحكوا.
مراد:تف على وجهك ادعوا لها بدال الفلسفه.
خالد:ايوه صح ندعي لاختي.
منير رفع يداته انا بدعي وانتو قلوا امين كلهم رفعوا يداتهم.
منير :يااارب فرج على زوجه اخوي بولد حالي مثل عمه منير ومثلي بالضبط.
كلهم التفتوا رجموه بالوسايد.
مراد:بطلنا ندعي لو على حقك الخباله.
مصطفى:هيا طفوا اشتي ارقد.
مراد:وين تطفي والله ماتطفا الصاله سير ارقد بالحمام.
منير:عندي لكم فكره ياشباب.
كلهم ايش هي.
منير:انا بسوي حركه لوما البنات يقومين بعدين بقول قومين قومين قومين حرب حرب وارزع الباب ومني ضمانه يخرجين كلهن من الديوان هاربات وبعدين ندخل احنا ونغلق ونرقد للصبح براحه اما الصاله الليله ليلة دعس.
خالد:بطل الخباله.
مصطفى:والله انو بنسويها قوم يامنير اشتي ارقد.
منير قام رزع الباب ثلاث رزعات قويه.
البنات كلهن نقزين بخوف.
.
البنات كلهن نقزين.
سماح:ايش هذا يارب سترك.
الهام:جني ايش هذا.
منير يمثل خايف:قومين قومين حرب بيقصفوا القريه افتحين نهرب.
كلهن صيحين وكل واحدة تلبس سوا والي تتحجب وسماح تدعي.
الهام فتحت الباب هاربه وكلهن بعدها كلهن بيتلفتين في الصاله.
رشا:يله وين نسير.
احلام:اهدأوا ربشتوني.
الشباب ميتين ضحك عليهن كل واحده ماسكه لحافها ومستعدات يهربين.
شذا:ايش بيضحك مالكم.
مصطفى دخل الديوان وكلهم لحقوا بعده.
منير بيضحك:سيرين ولدين عهود واحنا بنرقد مكانكن باااي وغلق.
كل واحدة بتشوف للثانيه.
الهام شهقت:قسم بالله ماراحت لهم.
ابو مراد وناصر خرجوا من غرفهم وسماح دخلت عند عهود.
ابو مراد:خير مالكم ضجه.
شذا:يابه شوف لهم.
قاطعتها الهام:ولا شي ياعم عهود بتولد واحنا خرجنا الصاله والشباب الديوان عشان نقدر ناخذ راحتنا.
مراد:سيروا ارقدوا وان شاء الله خير.
دخلوا غرفهم وبيدعوا لعهود.
وايهم قام ورجع يرقد ومنال مااهتمت رجعت ترقد.
رشا:ليش ماقلتي لابوي يربيهم على هذي الحركه نكعوا بطوني فجيعه.
الهام:خلينهم علينا والله ماراحت لهم اكيد اباءنا بيرقدوا بسابع نومه وأمهاتنا عند عهود واحنا نقوم بالواجب.
ايلاف:وش نسوي نجلس بالصاله نسمع صياح عهود اللي يفجع والا كيف.
الهام:اكيد لا لحظه دخلت لاعند ابوها وهو راقد وخرجت.
احلام:ايش بتسوي.
الهام ضحكت ضحكه شريرة:هههاااي هذا مفتاح الديوان الاسبير وهولا خيوط من حق المضحايه.
خلود:ايش نسوي بهن مافهمت .
الهام:كل واحده تقطع خيط وتربط ارجل واحد اكيد قدهم بيرقدوا بس خلينا ننتظر نص ساعه لوما يرقدوا سوا.
شذا شهقت:وليش نربطهم او هم بقر.
الهام:سامجااات بعد ما نربطهم بنشل مفتاح الديوان بنرشهم بماء كل واحدة عليها واحد ونهرب بسرعه ونطفي الضوء وندق الطيق بقوه خلين الدق عليا وهم بيحاولوا يقوموا وبيتحكولوا وبعدها لوما نشوف الديوان يلصا نخلي الباب مفتوح وازعاج والله مايرقدوا مثلنا.
رشا:يستاهلوا خليني اجيب الفيديو نصور ونضحك العالم عليهم.
رشا:احلام انتي صوري وانا بربط منير وكل 'واحدة واحد.
احلام:كيف اصور معرف كيف.
رشا:خلاص اربطي منير وانا اصور.
احلام:تمام شكلكن بتودفين بي.
دخلين بيمشين خفيف وكل واحدة بيدها وعاء فيه ماء
كل واحدة ربطت ارجل واحد
احلام بترجف لو يصحوا وهن داخل.
احلام قربت بترشهم معاهن بسرعه والهام دقت الطاقه بقوه ساع الرصاص😂وطفين وغلقين.
الشباب قاموا بصياح وفجيعه.
منير:يمكن حرب صدق قام وتحكول وكلهم قاموا وتحكولوا في الغدره.
خالد:لصوا.
مصطفى:ليش انا مربط.
علي:وانا مربط..
اللهم صل وسلم على نبينا محمد وعلى آله وصحبه
.
مصطفى:ياجناااااه ليش انا مربط.
علي:وانا مربط الله يشلكم.
منير:قدهو كلنا اكيد رجعنها لنا.
خالد:الله يقلعكم من حن دخلت معاكم بالخباله حقكم.
منير قام تقفز واندرب مرتين وصل شغل الإضاءة وقرح ضحك كلهم رجعوا يضحكوا
الهام فتحت من غير ما تدخل او يشوفوها:يله سمره والعين بالعين وجلسين بالصاله ضابحات.
والشباب بالديوان كل واحد بيضبح الثاني وكلهم نوم وكل شويه يزعجنهم ولا رقدوا ولا رقدين.
عهود بتصيح أكثر وخديجه تبكي وهن بيدعين لها ومراد بيسير ويجي ساع الي بيولد هوه😹.
الساعه3:45 عهود ولدت وسمعوا بكاء الطفل
مراد سجد سجدة شكر:اللهم لك الحمد.
عاتقه خرجت:الف مبروك على سلامة عهود وعلى ماجاكم.
منير:ايش جابت.
عاتقه:ولد يتربى بعزكم .
منير فرح وكلهم اول طفل لهم وفارحين بالنونو.
مراد:المهم كيف عهود.
عاتقه:الحمدلله بخير لاتقلق.
مراد لحظه بس دخل غرفته وخرج.
مراد:هذي عشره الف لش بشاره لان بشرتينا بالولد ولسلامه عهود .
عاتقه ضحكت :اسلم اسلم مالها داعي الله يحفظك.
مصطفى:مراد مراد جاك ولد يامنعاااااه هات لي خمسه ألف لاني بشرتك الثاني المركز الأول عشرة والثاني خمسة.
كلهم ضحكوا.
مراد:مش وقت السماجه يرحم والديك.
رغد قامت وتتقفز من الفرح وتدور النونو عشان تحضنه.
ناصر وعلي ووليد قاموا.
علي:اللهم لك الحمد جاني حفيد وانا بظهر الدنيا.
ناصر:الف مبروك لنا ولكم.
وليد:يتربى بعزكم.
مراد وناصر:يدوم عزك
في الغرفه.
عهود:يمه وين ولدي هاتيه.
سميرة مبتسمه:لحظه خلي خديجه تلبسه وافتهني.
عهود دموع الفرح بعيونها.
خلصت خديجه لبسته ومكنته لعهود عهود حضنته بفرح ولهفه وحبته ودمعت:ما شاء الله.
خديجه :الحمدلله على سلامتش وسلامة ابنكم.
( لحظه احضن اول ضناالله لايحرم اي احد منها). الباب بيدق.
منير:وووو يمه هاتي ابن اخوي يامنعاه مراد قد بيتشقلب من الفرح .
سميرة ضحكت:هاتي نخرجه لهم قد بيجننوا مش والفين.
عهود ابتسمت بتعب:تمام وأمانه عليكم لا توجعوه.
سميرة خرجته.
مراد بلهفه:يوو صغير كيف احضنه.
عاتقه:كان تشتي تولد لك رجال.
كلهم ضحكوا ومراد حضنه ومش عارف كيف يحضنه حضنه وهو خايف اذن باذنه وحبه.
مصطفى مسك يده:والله انو صغير زيادة شوفوا اصبعه ساع عود الكبريت.
كلهم صاحو:قول ما شاء الله.
مصطفى ضحك:اكلتوني ما شاء الله.
ابو مراد حضنه وحبه وكلهم بيحضنوه ويحبوه.
منير:والله انهو هور خرج جاوع شوفو بياكل يده.
مراد:قول ما شاء الله قلك هور.
منير:هيا ناهي سعم وهو لوحه ذكر من شافه ذكر الله.
كلهم ضحكوا.
رغد قرحت بكاء.
ابو مراد:يو يو ايش بقلبي تبكي.
يتبع...
*حط تفاعل لنستمر [🐥]*