الفصل 49
*روايات وقصص يمنيه 📚🖋️*
*روايه [مـابيــن الحـب والـحــرب عـقـلــي جُــن بــک ]*
*بارت رقم [ 49 ]*
*اعمل توجيه للروايه لحفظها وتفاعل بايموجي لطيف لنستمر [ 📖🖊️]*
رشا:مالي نفس.
شذا:عشاني.
رشا تنهدت:حاااضر.
اكلين ورجعت رشا رقدت..
اليوم الثاني.
ناصر ضابح:فراغ قاتل ذلحين بعد المصنع ايش نشتغل ومن اين نعيش.
علي تنهد:ياحيد اخوك والله مش عارف فلوسي الذي كانت في البنك كلها سحبتها وان شاء الله نشوف ايش ناسس بها.
ناصر:وانا شفعل مثلك بس قد خسرنا اخوي مراد الله لا وفقهم.
راشد بيتصل لعلي.
ياعم وين انت احنا الان مروحين عدن وقد احنا بالسياره اشتي اسلم عليكم وين انتو.
علي:احنا في البيت حياك الله.
راشد حرك السياره وقلبه واجعه لفراق صنعاء ومن فيها سار لقبر محمد قري الفاتحه وشكى همومه وبكا ريم تبكي في السياره على محمد كان نفسها تنزل لقبر محمد بس راشد ماسمح لها وخرج طريق بيت ابو مراد.
ابو مراد:يارشا.
رشا:عيونها.
ابو مراد:تسلم لي العيون الزرق بس اشتي اقلش تجهزي أغراض الخطبه الان وانا قد جهزت الفلوس عشان الان مروحين عدن وبيجوا لبيتنا يسلموا عليا.
رشا اكتبدت وقبل ما تنزل دموعها قالت حاضر ودخلت الغرفه.
شذا لحقت بعدها.
رشا تبكي بعدت السلس من رقبتها وبعدت الدبله والمحبس والساعه وبكت.
شذا:خلاص بس هاتيهم انا بمكن ابوي.
رشا رجمتهم لها وغطت وجهها وبكت أكثر:ماكنت متوقعه يجي هذا اليوم يارب اعني.
شذا مكنت ابوها.
ابو مراد:رشا زعلانه صح بس والله فعلت هذا لمصلحتها.
شذا:ادري وقرارك هو الصح ومع الايام رشا بتنسى.
ابو مراد:قولي لامش تنزل لعندكن ام راشد بتسلم عليكن.
شذا:حاضر
ابو مراد نزل للديوان منتظر راشد.
ايلاف نزلت عند رشا هي وعهود وخديجه وخلود روحين امس بيتهم.
راشد وصل باب بيتهم:يمه انزلي انتي وريم اطلعين وانا بدخل الديوان.
فاطمه:حاضر.
طلعين وراشد دخل الديوان دخله منير.
سلم عليهم.
ابو مراد:اجلس ياابني.
راشد جلس.
ابو مراد:هذي حقكم ومكنه فلوس حق خساره كل شي من راشد ومكنه ادوات الخطبه.
راشد تنهد:ياعم انا جيت اسلم عليكم مش اشل شي.
في الشقه فوق.
تسالمين.
ريم والتعب باين في عيونها:وين رشا.
شذا:لحظه ادعيها.
شذا:رشا قومي اخرجي سلمي عليهن قد جين لعندنا عيب ماتخرجي.
رشا:مابخرجششش افهمي والله مااخرج وانا بهذي الحاله مالي وجه اقابلهن.
شذا تنهدت:انتي أخبر خرجت للصاله.
فاطمه:وين رشا نشتي نروح لنا.
شذا:رشا تاعبه شوي ماقدرت تخرج اسمحين لنا.
فاطمه:قهر قلبي على عيالي ورشا.
ريم:انا بدخل عندها ودخلت للغرفه ورشا مغطيه راسها بالمخده.
ريم ببكا:رشا.
رشا سمعت صوتها مسحت دموعها وقامت:ياهلا.
ريم حضنتها وبكت:اااخ يارشا ماتوقعت.
ريم:ماكنت متوقعه افارق محمد للأبد وتتفارقوا انتي وراشد كيف الدنيا تلعب بنا ع كيفها كنت احلم بزواجكم و'تكوني زوجه أخي بس الظروف .
رشا حضنتها وتبكي:بشتاق لكم لاسامح الظروف اللي فرقتنا.
ريم تبكي بحرقه:انا فقدت محمد للابد مات خلاص وضعي اصعب من وضعك أحمدي ربك انا قلبي مات بموت محمد.
رشا:الله يعينك ويصبرنا.
ريم:يله متواصلات أن شاء الله بأمان الله.
رشا:بأمان الله .
ريم خرجت ورشا وقفت باب الطاقه تشتي تشوف راشد للمرة الأخيرة.
تسالمين فاطمه وسميره وهن يبكين.
نرجع لهم بالديوان.
راشد مسك يد ابو مراد:ياعم انت حسبة ابوي وحبيتكم ك اهل لكن الأيام جبرتنا نوصل لهذي المواصيل والله ما اشل منكم شي والفلوس والذهب مش اغلا من رشا وخلهن لها واسمحوا لي.
ابو مراد:مايصلح والله لازم تشل حقك.
راشد:يصلح والا مايصلح انا حلفت { قام يله خاطركم سلم عليهم وخرج}. .
مصطفى:والله زعلت عليهم رجال طيب بس خيره الله.
راشد دمع مسح دموعه قبل ما يركب السياره حاسس ان رشا بتشوفه التفت للطاقه وتنهد ودخل السياره وخطيوا على دموعهم لوداع صنعاء اللي عاشوا فيها ووداع من حبوا للأبد.
رشا شافت راشد وقت مسح دموعه والسياره تحركت وقرحت بكاء.
ايلاف تبكي:رشا خلاص ارحمي نفسش حرام عليش.
رشا:خلاص راشد راح خلاص شل قلبي معه ياريت وابوي ماشل الدبله اشتي تبقى معي اسمه فيها ياليت وهم بقوا لي ذكرياته.
في الصاله ابو مراد مكن لشذا الي جابتهم وقالها تقول لرشا تسوي بهن الي تشتيه.
شذا دخلت:رشا راشد رجع هولا قال مشهن اغلا منش.
رشا فرحت:يوو ربي يحفظه كانه عارف ان روحي بتخرج على الدبله.
عهود:لاعاد تلبسيها ان شافها عمي بيزعل خلاص كل واحد راح بطريقه.
رشا:مستحيل ماتكون معي الدبله فتحت السلس وعلقت الدبله جنب السلسال ولبستهن برقبتها.
شذا:ما شاء الله والتفكير السريع.
ايلاف:لازم نرضا بواقعنا انا خسرت ابوي ومافي اغلا من الاب بس دموعنا حزننا مايرجع شي والحياه صعبه ولاازم نتحداها ونتغلب عليها بقوه صبرنا.
رشا مسحت دموعها:انا حبيت راشد وبضل احبه للابد ومستحيل انساه وبرضا بنصيبي وواقعي واتحدا الالم والحزن واعيش حياتي والحرب ماعاد يخوفنا اعتدنا عليه.
شذا:ايووه قوا لااحلا بنات.
عهود:الشهر اللي داخل قدهو شهري بعدين أولد كونين العبين بولدي وانسين الحزن.
رشا:انا فداله متى يولد بس.
بعد خمسه ايام الدنيا مش امان والقصف والحرب ارهقوا الكل ولد عم ابو مراد اتصل لهم يسيروا القريه عنده اامن لهم واريح.
ناصر:ايش قلت نسير القريه.
ابو مراد:والله مالي نفس أخرج من بيتي بس عشان النسوان.
مراد:مالي نفس أخرج من بيتي بس عشان النسوان كم جهدهن يتحملين فجايع خصوصًا رغد قدهي سفجا بس كيف بنوقع كلنا ببيته معاهم بس خمس غرف وهو ومرته وعياله وبناته كيف بنوقع.
ناصر:والله مالي علم نسير بعدين نشوف حل ولو به هناك بيت إيجار نلقى بناجر وان شاء الله خير.
ابو مراد:يعني متى نسير.
ناصر:بعد يومين خلينا بهذي اليومين نرتب أمورنا.
ابو مراد:ان شاء الله خير بكلم عيالي والمره وانت كلهم زوجتك.
في الليل.
ابو مراد:ومافيها لو سرنا القريه عشان هناك اامن من هنا.
رشا دمعت:مانشتيش قوا يابه كيف نفلت بيتنا وكل شي.
شذا:ايوه وعاد نشتي ندرس التمريض قد لنا غايبات نص شهر من موت عمي.
مصطفى:خلاص معوضات مره ثانيه قدهو كلنا مابش جامعه ولا مهره ولا عمل.
مراد ضحك:بنسير القريه وندور لنا عمل في وادي وانتين عليكن نقل الماء والحطب اما ذلحين هناك شقى.
عهود افتجعت:يووو مانقدر نفعل هولا كلهن.
سميرة :انا خايفه على عيالي وبنسير القريه يعني نسير.
رشا:وعاد عندهم مابش كهرباء يووو كيف بنعيش.
رغد:ومدرستي كيف ومن ين اكون اتابع المسلسل الكرتوني حقي.
ابو مراد:الكهرباء انا قد فكرت اشل حقنا الطاقه الشمسية معانا والمدرسة نضيع سنه سهل المهم العافيه.
رشا ضبحت:ماعاد باقي الا نموت وبس اخرتها القريه.
عهود:والله مشتيش نسير بس الصدق هناك بعيد من القصف واشتي أولد بمكان بعيد من القصف والفجايع.
ابو مراد:خلاص اتفقنا جهزوا اغراضكم المهمه غدوه وبعد غدوه الصبح نتحرك القريه.
منير شهق:يووو يابه عاد النت به عندهم والا ماشي.
كلهم ضحكوا.
مصطفى:قلك مابش عندهم تغطيه سوا ولا هم يعرفوا النت ساعنا.
سميرة:احسن من هذا النت ذلحين نسينا عرس خالد وشذا ويحين يقع.
ابو مراد:اكيد في القريه.
شذا ورشا شهقين.
شذا:بالقريه مااااعه ولا صاله ولا شي والله ماسبرت.
مصطفى:خلاص خلوها براحتها بنتاخر بالقريه وترجع تقول زوجوني.
شذا:قلعك.
ابو مراد:ياسميره اطلعي قولي لاام علي وانا بحاكي علي وناصر قد بيتفق مع عياله وزوجته ونتحرك كلنا.
سميرة:تمام الان بطلع.
بعد ما اتفقوا كلهم اليوم الثاني بيجهزوا اغراضهم المهمه في الشناط كلهم.
رشا وشذا يبكين.
سميرة:بس بكاء قرحتين قلبي.
رشا:ظلم نخلي بيتنا ونروح القريه والله قهر.
شذا:نخلي البيت وذكرياتنا فيه وكل شي هكذا بكل بساطه.
سميرة:خيرة الله ولعله خير.
خرجين ذكرياتهن 'وذهبهن والملابس شلين اقل من النص لان معاهم كثير.
خديجه وخلود لفلفين حقهن وحق ناصر وخالد.
ايلاف ترتب بالشناط وتبكي على ابوها.
كلهم كملوا اليوم بالترتيب.
*يتبع...*
*تفاعل بايموجي لنستمر بتنزيل المزيد 🔥*