الفصل 48
*روايات وقصص يمنيه 📚🖋️*
*روايه [مـابيــن الحـب والـحــرب عـقـلــي جُــن بــک ]*
*بارت رقم [ 48 ]*
*اعمل توجيه للروايه لحفظها وتفاعل بايموجي لطيف لنستمر [ 📖🖊️]*
سماح:كلامه عين الصح ولو ان احنا زعلنا عليهم بس الله يعوض كل شخص بشخص اللي كتبه الله له.
كلهن دخلين الغرفه عندها وسماح وخديجه بالصاله وطلعت عندهن سميرة.
شذا تبكي مع رشا:رشا لاتبكي خلاص يمكن وهو خير لكم.
رشا تبكي:احبه ياشذا حرام نفترق وهو ولا قال لي كذا فجأه شي يقهر وربي.
خلود:كلنا حاسات بوجعش بس الله كريم ويمكن يرجع وتتزوجوا.
رشا:دام والشمال والجنوب اصبحوا اعداء بعض والله ماعاد يرجع الله لايسامح من كان السبب في تفرقه اهل اليمن.
عهود:ااااخ كم جهدي ابكي معاكن قد انا تاعبه دموع.
ايلاف حضنتها ورجعين يبكين على كل شي موجع وعلى موت ابو إيلاف.
راشد بيبكي في غرفته بصمت بيفتش المحادثات وكل شي يوجعه.
رسل لرشا:رشا سامحيني والله العظيم غصب عني انا احبش وموجوع أكثر من وجعش بس قولي لي ايش فيه من حل كنت متوقع من عمي يقول فسخ محدا بيعلق بنته بواحد مدري متى يرجع وابوش مستحيل يقبل اتزوجش ونروح عدن سامحيني رشا 💔💔.
رشا سمعت صوت الرساله بنغمته الخاصه مسحت دموعها وفتحت معصبه.
رشا:ع ايش اسامحك هاه فلتني وبتمشي ليش خليتني احبك ليش خليتني ابني معك احلام معلقه ومبنيه في الهوا ولا حتى كلفت نفسك تحكي لي ظروفك كذا فجأه خلاص نفسخ وكل واحد بطريقه.
راشد انقهر:رشا افهميني ماكنت عارف كيف افتح لش الموضوع وانا ماقلت بفسخ قلت بروح عدن وابوش قال فسخ.
رشا تبكي:طيب وانا وحبي واحلامي وسعادتي وراحتي كيف بسوي فيهم من بعدك💔.
راشد:رشا مقهووور لاعاد تزيديها عليها ضروري اروح عدن اهلي جنوني اتصالات عمي حلف لو مااسير بهذا الشهر ماعاد يعترف فيني انا وريم وانتي عارفه احنا من غير اب ومالنا غير عمي.
رشا بقهر:طيب روح الله معك وانا بنساك واطلعك من قلبي ولا كانك دخلت حياتي.
راشد معصب :كذابه ماتقدري تنسيني انتي الان معصبه غدوه اكلمش احبك اميرتي باي💔.
رشا رجمت التلفون وقرحت بكاء.
عهود تبكي:بس بكاء ووجع قلب ابني عيخرج نفسيه.
ضحكين والدموع في عيونهن.
رشا:مسكين بيولد بوطن يقتلوا بعضهم البعض وطائفات واحزاب ودمار وحرب وحزن ودموع ويتمنى لو انه ماخلق.
خلود:ان شاء الله الأوضاع تتغير والله يحلها بين شعبنا.
شذا:والله انو شعبنا اطيب شعب بس الفتنه لها اصحابها وهم السبب.
ايلاف تنهدت:بيحول لنا الله بااحد يلم الشمل ويوحد كلمتنا.
رشا قامت :بنزل ارقد بغرفتي عن اذنكن.
شذا:ليش خلينا مثل كل يوم نرقد عند إيلاف.
رشا:مقدر اشتي اجلس مع نفسي ومشتي احد تنزل معي.
شذا:براحتش بس لا توجعي نفسش كل شي مقدر ومكتوب.
رشا تنهدت ونزلت دخلت غرفتها.
.
رشا تنهدت ونزلت دخلت غرفتها خرجت كل الهدايا اللي هم من راشد وخرجت صور راشد من تحت ملابسها في الدولاب كل شي طرحته فوق السرير وجلست جنبهن تبكي وتتذكر لحظاتها مع راشد وايام الجامعه وكل لحظه حلوه وتذكرت مفاجأة عيد ميلادها قرحت بكاء شلت مذكرتها عشان محدا غير نفسها ودفترها يفهموها.
( لحظات مرت بنا وكانت جميله وغيرت حياتنا للاجمل لحظات كانت جميله لحظات اسعدتني كثيرً وجعلتني شخصآ اخر مليء بالحب والوفاء ايام كانت سعيده وظننتها ستبقى طويلاً ليتني أدركت جمالها قبل فواتها فقد كانت ايام رائعه وتعني كلمه حياة فجأة ياتي شيئاً لم يكن متوقع شيئا لم يكن بالحسبان ويدمر كل مابنيناه وفجأه تتدمر الامنيات وتتحطم قرب المسافات لتكون ابعد ويصعب الوصول إليها وتصبح الحياة شبه المقابر ونصبح نحن شبه اموات فما فائده العيش بواقع يُميت كلُ شيء بداخلنا سحقاً لك من واقع فقد امت ماكان جميلاً بداخلي💔💔)بقلمي_n_0
غلقت دفترها وتبكي مسكت الدبله والمحبس وتنهدت من وسط قلبها.
راشد متضايق وقرر يرسل لها لعلها هدات.
رسل:الو رشا اشتي اكلمش ضروري.
رشا فتحت وطنشت شافت حالته مكتوب فيها
( وفي غيبتك مافيني شي ميت بدونك ماني حي💔)
راشد:رشا ارحمي قلبي باقي شويه وانفجر ردي ولا تطنشي.
رشا:خير ايش عاد تشتي.
راشد:احبش.
رشا بكت واحتارت ايش ترد.
راشد:بتصل لش اتصال تقدري تجاوبي.
رشا ماتشتي تبكي وهو يسمعها:لا ما اقدرش اتصال.
راشد:رشا الله يخليش قدهو اخر مرة خليني اسمع صوتش واكلمش لا تزعلي مني اول افهميني.
رشا بعد تفكير:خلاص اتصل.
راشد اتصل بنفس اللحظة.
رشا تتنفس بصعوبه وتحاول تكتم دموعها وبكاها.
راشد: السلام عليكم.
رشا:عليكم السلام اي تشتي تقلي عندك شي قوله بسرعه.
راشد:رشا صوتش مش عاجبني امانه لاتبكي.
رشا تكابر دموعها:ومن قلك ابكي ولا فيني شي.
راشد:الا بش ماهو بي اسمعي يارشا انا احبش واشتي توقعي حلالي بس افهمي ضروري اروح عدن اهلي خيروني ياانتي ياهم بالله كيف تشتي اقلهم اني بتخلا عنهم وهو عمي من بعد ابي ماقصر معانا ونحبه مثل ابي وعماتي وكلهم ماقدرت اقلهم بتخلا عنهم قلت لهم برجع عدن ووعدتهم بهذا الأسبوع وكنت ناوي أسير لفتره يمكن طويله يمكن قصيره المهم برجع ونتزوج بس ابوك قالي لا نفسخ انا مش بيدي شي يارشا بس اوعدش ارجع باقرب وقت ونتزوج لان ابوك وعدني لو
ارجع يزوجنا.
رشا تبكي:مقدرش اعيش نفسي بوهم بس دام اخترت طريقك الله يسعدك واختيارك اهلك كان الصح بس والله العظيم احبك ومابنساك.
راشد تنهد ودمع:طيب لا تبكي اوعدش ارجع بنهاية السنه واقنع اهلي اتزوجش
رشا تبكي:مقدرش اعيش نفسي بوهم بس دام اخترت طريقك الله يسعدك واختيارك اهلك كان الصح بس والله العظيم احبك ومابنساك.
راشد تنهد ودمع:طيب لا تبكي اوعدش ارجع بنهايه السنه واقنع اهلي اتزوجش وانو مادخلنا بتخلف بعض الناس قلك جنوبي قلك شمالي.
رشا قد بتنفجر:طيب الان برقد الله معك.
راشد:طيب بسالش بنتواصل بعد اليوم والالا.
رشا:لا كيف نتواصل باي صفه خلاص قد ابوي فسخ مايحق لنا نتواصل هذا حارق قلبي اني افقدك مره واحده وبعد هذي المحادثه بسكر جوالي لفتره عشان اتناسى وبعدها بغير الجوال .
راشد:وانا اوعدش بعد ما اسكر من الاتصال تلفوني بكسره لانه فيه ذكريات بتوجعني بس انتي بقلبي ولايمكن انساش.
رشا تبكي.
راشد بكا:رشا خلاص قطعتي قلبي انا مقهور انا معي قلب لاتفكري اني مبسوط.
رشا زادت بكت:طيب بامان الله ربي يسعدك ويوفقك.
راشد:استودعتش الله انتبهي لنفسش عشاني والله يسعدش اضعاف سعادتي.
رشا:واياك.
راشد:لحظه لاتسكري قولي احبك راشد لاخر مره.
رشا:احبك راشد.
راشد تنهد بقوه:وانا اكثر احبك رشا مع السلامه يله سكري.
رشا سكرت ورجمت التلفون لوما اكتسرت الشاشه ورجعت تبكي بقهر.
راشد سكر بيمسح شعره ووجهه بغضب وقهر رجم التلفون لوما حرق بكله.
مر الليل بوداع صعب( بليله غيابك انا فقدت صبري بليله وداعك انا جف حبري.. دموعي تكاد تحرقني.. وفكرة فقدانك تدمر كياني.. صعب عليا اتقبل غيابك فراقك فقدانك للأبد... سااعيش باقي عمري لادعي ربي يجمعني بك وكيف ومتى واين لا اعلم كل ما اعلمه انني احبك والى الابد لانك علمتني كيف الحياه لان حبك جعلني اعيش وعلمني اشياء كنت اجهلها فقط لأنني احببتك كانت سعادتي بوجودك وفقط لانني احببتك ستبدا تعاستي بغيابك 💔💔)بقلمي_n_0.
جاء الصبح.
شذا نزلت هي وخلود.
شذا تشتي تضحك رشا:رشاااشتي عاد مارقدتي شوفي عيونش ساع حق ألبومه.
رشا ساكته.
خلود:اضحكي حتى كذب شلوش.
شذا:اسمعي من اختش اللي جربت أكثر وجع الفراق لو هو مكتوب راشد يوقع زوجش بيرجع ويوقع كل شي وترجع المياه لمجاريها ولو هو مش نصيبش كان عتفسخوا يعني تفسخوا حتى لو مابش حرب ولا مشاكل ومحدا يموت بعد أحد صح عذاب وشوق وتعب بس تتعودي على الوضع؛ شوفي انا فقدت الأمل بخالد واستسلمت للاحزان والوجع وفجأة اصبح زوجي وعقدنا والحمدلله ربي ماخيب ظني ومارد دعائي انتي اوقعي قويه مثل اختش وكل شي وله حل وكل شي وله نهايه حتى احزاننا.
رشا تنهدت:ونعم بالله.
خلود حضنتها:هيا نصطبح قد نزلت عشانش لاهانا يله ناكل وانتي ارجعي ارقدي.
رشا:مالي نفس برقد بس.
شذا:بس حتى لقمتين عشاني.
يتبع...
اشوف تفاعلكم وحماسكم 🔥🔥🔥😁😁