الفصل 47
*روايات وقصص يمنيه 📚🖋️*
*روايه [مـابيــن الحـب والـحــرب عـقـلــي جُــن بــک ]*
*بارت رقم [ 47 ]*
*اعمل توجيه للروايه لحفظها وتفاعل بايموجي لطيف لنستمر [ 📖🖊️]*
سماح حضنت علي وهو ساكت بس دموعه تنزل.
سماح:علي وين ابوك تحاكى.
ايلاف جالسه في القاع تبكي:علي وين ابوي.
علي جلس قدامها وحضنها وقرح بكا:ابوي الله أخذ أمانته.
كلهن مسكين لقفهن بصدمه.
ايلاف صاحت وسماح تبكي وتصيح.
ابو مراد جلس قدامهم:انا ابوكم من بعد ابوكم لا تحرقوا قلبي بصياحكم.
ايلاف تبكي:محدا مثل ابوي اشتي ابوي ابوي وينه خلوني اشوفه.
خالد قرب من شذا وهي تبكي وترجف.
خالد والدموع في عيونه:شذا كوني قويه عشان ايلاف وامها.
شذا مسكت يده بخوف.
ناصر:بطلين صياح هذا حرام هو نازل بس لو تشتين تشوفينه تبطلين صياح.
ايلاف مسكت يده:تمام خلوني اشوف لاخر مرة الله يحرق قلبهم القتله الكفار الي ماعندهم قلب ولا ضمير .
علي حاضنها ويبكي وهي حضنته تبكي.
ابو مراد مسح دموعه:الناس ملان الشارع والديوان انزلين لشقه مراد عشان تشوفينه.
كلهن نزلين للشقه وايلاف مسكها علي لانها ماعاد قدرت توقف.
سماح ماسكتها خديجه وسميره.
دخلوا ابو علي للصاله حق شقه عهود ومراد.
ايلاف شافته مكفن وانهارت جلست على ركبها عند راسه ولا نطقت حرف.
سماح تبكي وتحببه:يووو ياحرق قلبي حرمونا منك ياحب حياتي وسعادتي واهلي ومن معي رحت وخليتني لمن ماعاد معي اهل انت اهلي وكل دنيتي الله يحرقهم ويرحمك ويغفر لك الله يجعلك من أصحاب الجنه ويكتبك مع الشهداء يا اطيب قلب ماعاد قدرت تتنفس شلينها دخلينها غرفه عهود.
خلود و'عهود وشذا يبكين قربين حبينه في راسه وقامين رشا مانزلت جلست عشان رغد ماتفتجع ومنير جلس عندهن بالشقه فوق لوما يطلعين اللي نزلين.
مصطفى مقهور دمع:ايلاف لا تضعفي كوني صبوره عشان عمتي سماح .
إيلاف بصوت مكسور:وكيف لااضعف وابوي كان قوتي وسندي بالدنيا( عندما مات ابي اخبروني انني لست الاولى ولن أكون الأخيرة
حدثوني عن الصبر والاجر حدثوني عن الأيام والنسيان ولكنهم نسوا ان يخبروني أن روحي ستخلع الفرح وترتدي الاحزان ليتهم يوم واسوني أخبروني ان عمري ابدا لن يكون كما كان وداعك ابي ادخلني عالم الأحزان وغيابك سيكسر ضلع الصبر فيني سندي وفرحي اليوم ودعناه للأبد ابي اليوم قد اخبروني بموتك وانكسرت انا كم ضحكت وكم بكيت وكم حزنت وفرحت بحضنك ابي انت اهلي وعائلتي فكيف ساصبر لفراقك ياقوتي يامرحبا بالاحزان ووداعاً للفرح بدنيتي وفمان الله ياوجهاً تغطى بالتراب وضاعت معه افراحي وبسمتي 💔).
ايلاف نزلت دموعها بحرقه وحبت ابوها ماخلوها تفتح على وجهه لانه يمكن تتعب أكثر.
كلهم شلوه ورفعوه وخرجوه من الشقه لتحت عشان يقبروه مع صلاه الظهر.
ايلاف شافتهم خرجوا به وصاحت واغمي عليها كلهن بيصحينها ويبكين
.
.
خرجوا مراد وايلاف اغمي عليها بعده حست روحها طلعت.
النسوان بداين يجين الجيران واهل سميرة واهل خديجه وكثير ناس.
ايلاف وسماح والكل حزين اذن الظهر صلوا عليه وقبروه.
علي فوق القبر يبكي:امس يابه خطبت لي واليوم ودعتنا عاد أمس تحلم تزفنا ااااخ ياقهر قلبي.
خرجوا من المقبره على دموعهم
( ومااصعب وداع الاحبه على القبور).
كمل اليوم وايلاف وسماح تاعبات ولا عارفات من دخل ولا من خرج.
سوسن صاحبه ايلاف جت وعلى طول جنب ايلاف تواسيها ( صاحبتها حق الجامعه لو تذكروها).
في الليل ابو مراد اتصل لاخته الي متزوجه في امريكا.
بعد السلام وسؤال عن الأحوال.
ابو مراد:يااختي عظم الله اجرش واجرنا.
اخته شهقت:من مات.
ابو مراد:اخوي مراد وحكا لها.
اخته بكت:حسبي الله عليهم عاد ماشفته ولا تهنيت بشوفته والأوضاع مش تمام ماقدرت اسافر الله ينتقم منهم.
علي:ربش كريم يااختي.
اخته تبكي:تعالوا عندنا امريكا خليكم من الفجايع قد اقلق عليكم.
علي:ماشافلت بلادي لو اموت والموت ببلادي عز ومش انا خايف من الموت كلنا عنموت.
كملوا الكلام وسكر.
واخته رجعت تبكي وتتمنى لو انها لقيت علي ولو حتى مرة.
بعد اسبوعين بدأ يخف العزا واجوا العزا وايلاف وامها باقيات على حالهن بكاء ودموع..
راشد:بعد ما خفوا الناس دعا ابو مراد على جنب.
ابو مراد:خير ياابني.
راشد تنهد:ياعم والله اني مهموم ومش عارف كيف اسوي بس اختي تاعبه وامي الوضع والفجايع قد امرضوها ونشتي نرجع لعدن واحنا بهذا الأسبوع راجعين عدن اهلي قد جننوني ارجع عدن وبنتكم انا راغب فيها ومشتي تقولوا فلتها ورحت عدن واسف لانه مش وقت مناسب وانتو بعزا بس مضطر والله ارجع عدن بأسرع وقت .
ابو مراد مسك جنب راشد:اسمع ياابني قد حتى انا كنت اشتي اكلمك من موضوع الخطبه الان الوضع اختلف والناس تفرق بين شمالي وجنوبي وانا مشتي افسخ عشان انت جنوبي مش انا جاهل وقليل عقل بس الجنوب ماعاد يشتوا شمالي والوضع مش تمام 'اظن حتى اهلك مابيقبلوا بنتي كزوجه لك فالاحسن كل واحد بطريقه .
راشد اكتبد:لا ياعم والله انني مشتي افسخ ولا شي بس ان شاء الله تتحسن الأوضاع وارجع صنعاء ونعرس.
ابو مراد':بس انا مقدرش اربط بنتي لشي مجهول محدا عارف متى تتحسن الأوضاع وانت رايح عدن يعني صعبه نوقع انساب اهل عدن واعرفهم كلمه شمالي مايمزحوا فيها ويعلم الله متى ترجع لعدن .
راشد مكبود:صدقت ياعم والله قد فعلوا لي مشكله بس وربي مستعد اتحدي كل اهلي واتزوجها بس تتحسن الأوضاع.
ابو مراد:خلاص.
.
استغفر الله العظيم حتى تغفر لنا جميع الذنوب
.
ابو مراد:خلاص الخطبه تنفسخ وتعال غدوه شل حقك وكل اغراضك حق الخطبه ولو تحسنت الأوضاع والدنيا سابره وترجع من عدن تعيش هنا تعال ونعقد ونعرس ووعدك ماارفض اما خطبه ورجعتك مدري متى هي وننتظر لشي مجهول اسف والله اشتي مصلحه بنتي.
راشد دمع:ان شاء الله خير خاطركم وخرج.
علي زعل على راشد وعلى بنته بس مايقدر يربط بنته بواحد من عدن وأهل عدن مايحبوا الشمال ولا يشتوا يناسبهم وهو متأكد ان اهل راشد معارضين زواجه من رشا.
مراد:خير يابه ليش راشد شكله زعلان وانت متضايق.
ابو مراد:في الليل اقلكم ان شاء الله.
الساعه11 اليل.
ابو مراد:يا منير.
منير:ها ابه.
بو مراد:اطلع قلهن ينزلين امك وخواتك قلهن بس شويه ويرجعين واخوتك قلهم يجوا.
منير:خير ان شاء الله اجتماع مجلس الوزراء يعني.
ابو مراد ضابح وماله نفس شاف له نظرة ضبح:انا الان ايش قلت.
منير قام:حاضر الان لا تضبحش فوقي.
طلع للشقه.
سميره:خير.
منير:مدري قال تنزلين انتي وشذا ورشا الان بعدين اطلعين عند عمتي.
سميرة:تمام.
خلود:خير مايشتي عمي تنزلين.
عهود:يمكن فيه شي مهم.
رشا:يله ننزل ونعرف بدل الاسئله الزايدة.
نزلين واجتمعوا مراد ومصطفى ومنير والبنات ماعادا رغد راقده عند عهود بشقه ابو إيلاف.
ابو مراد:رشا اسمعي ليا وانا ابوش انتي تعرفي كل اب يشتي مصلحة بنته.
رشا شكت قلبها دق.
ابو مراد:الخطبه بتنفسخ.
رشا رفعت عيونها حست الشقه دارت بهم.
سميرة:ليييش والله انهم ناس طيبين وراشد ابن ناس.
مصطفى:او هو السبب لانه عدني.
شذا مسكت يد رشا بقهر.
ابو مراد:لا مش انا ناقص عقل عدني اهلا وسهلا مافيه شي بس راشد قالي بيسافروا عدن بهذا الأسبوع عشان امه وخته واهله عارضوا على زواجه من رشا بس راشد قال بيرجع يتزوجها بس يعني كم نجلس مراعيين له ومن يرجع ويمكن ماعاد يرجع يفلت وخلاص قلت له غدوه نفسخ.
رشا مصدومه والدموع تجمعت بعيونها وساكته.
مراد:كلامك هو الصح.
ابو مراد:انا وعدته لو يرجع ويستقر بصنعاء والأوضاع تمام اني اعقد لهم.
مصطفى:كلامك الصح مع انهو ولد تمام وطيب وزعلت عليه بس نصيب.
ابو مراد:رشا ليش ساكته ايش رايش.
رشا وقفت:اللي تشوفه وطلعت للشقه وشذا لحقت بعدها.
رشا دخلت الشقه تبكي دخلت بغرفه إيلاف وجلست ومسكت ركبها وطرحت راسها فوق ارجلها.
عهود وخلود وايلاف وسماح وخديجه بالصاله استغربين.
عهود:خير ايش بها رشا.
شذا تنهدت:ابوي بيفسخ خطبتها من راشد غدوه. خلود وعهود 'وإيلاف زعلين.
خديحه:ليش ماوقع.
شذا حكت لهن.
سماح:كلامه عين الصح ولو ان احنا زعلنا.
يتبع...
*اشوف تفاعلكم على البارتات لنستمر بتنزيل المزيد [🔥]*